لهيب عشقه أحرقني جنون سايكو
قصص إدمان سيما .. Sima jarisse H. Y
الجزء 2 🔥 : البدايات 🥀🍷
 |
لهيب عشقه أحرقني جنون سايكو
قصص إدمان سيما .. Sima jarisse H. Y
الجزء 2 🔥 : البدايات 🥀🍷
" نسحق هذي البنت اسعيدة ." بقات تتعاود في وذني رحت لعالم خلاف نخمم في واش يحكي صوت ماما وعيطاها كي قالت لاااااااا درت ليها بلخف بعدتني عليه مي بقى حاكم ذراعي وباباه يجبد فيه قتلو بعدد اطلقني بعد نطرت يدي منو عاقدة حواجبي قتلو واش تحوس منتيك نتا جيت تخطب ختي تولي تخطبني انا شايف روحك بلي كبير عليا ولا نو ؟ قدم عندي يديه ورا ظهرو وانا نرجع لور وماما معايا تقولو وين جاي لسقنا في الحيط وهوما يهدرو معاه قالي مسمعتش ؟ قتلو وشنو مسمعتش يا خويا نتا جيت تخطب ختي وزيد راني صغيرة عليك ادنى حطيت يدي على صدرو نطبعو حسيت بيه حديد ماهو صدر تاع عبد قالي متأكدة ؟ قتلو ايه بعد برك بعدني يريقل في الفاست تاعو وخاوتو قاعدين ما ناضو ما هدرو قالي بدلي وجهك عليا تخنزرت فيه وجيت خارجة روحت لشمبرتي دخلت حطيت يدي على قلبي من قربو لي خلاني نحس بحاجة مش نورمال دخلت عليا عائشة كانت في الكوزينة قاتلي واش صرا فيروز قتلها هو قال ليماه باه يخطبني انا قاتلي واااش سمعنا عياط كاميليا وكلامها كي قالت انا بطلت مع خطيبي فلخر نتا تجي تقولي ختي ولا كيفاه خرجنا بلخف وعائشة دير في الخمار دخلت عليهم جبد خالي إلياس هذاك قالو ارواح نهدرو خرجو فاتو عليا خزر فيا وكمل يمشي بقيت مركزة معاه طويل بزاف قد الباب وهذاك الكور واللبسة كيفاه مطراسية عليه سمعت صوت خافت ورايا خلاني نقفز درت نشوف فيه واحد من خاوتو حتى هو قد الفيل قالي اذا عجبك علاه مقبلتيش ؟؟ خزرت فيه مصدومة قتلو واش يعجبني انت منيتك اسمع نسقسيك دار يديه في جيبو قتلو وسمك في الاول قالي عبد الجبار قتلو الوغ خوك واش يخدم ؟ قالي إلياس قتلو شكون غيرو شفت خوهم الثالث جا جيهتنا قالنا واش تحكيو هذا بصح مكنتش عارف عندنا لافامي زلات قوليلي هذيك البنت ختكم كان يقصد على عائشة قتلو وااااش هذي متزوجة قالي احمم قتلو وانت وسمك قالي وحيد قتلو عندكم كامل اسم شباب وكامل تبانو ملاح غير خوكم قولي واش يخدم قالي بياري ثما تصدمت حسيت بلي هو نفسو لي تلاقيتو مام صوتو مشي غريب عليا ولا عينيه لي نفسهم والكور تاعو قتلو الطف واستر يا ربي قالي علاه قتلو يقولو بلي واعرين ونتوما ثاني كيفهم قالي علاه تكوفي في روحك ونتي نفسك لي كنتي هذاك نهار في السبيطار صح ؟؟ شرعت عيني فيه قتلو وانت شكون سكت يا يما وقيل نفسو لي كان يقولو الشاف قتلو كنت معانا في الشمبرة هذيك ؟ قالي انعم وانا غير شفتك عرفتك يا صغرونة قرب قرص خدي تبمست معاه وحشمت قتلو نتوما خيرمن خوكم صح هدرتها على نيتي حسيت بنفس ورايا وهوما يشوفو لور الريحة تاعو ضربتني بلعت ريقي قالي بدلي وجهك عليا يالله درت ليه قتلو اسمحلي مكانش علابلي وهذاك النهار في السبيطار ولله خفت وزيد انا غير سطاجيار قالي هوما الغالطين يديرو سطاجيار كيما نتي قتلو واش تقصد قرب مني قالي لي جا في مخك عندك إعتراض ؟ قتلو لالا قولي واش تقصد برك حابة نفهم انا عندي عادة انو نحكي بيديا هو بقى مركز معاهم وبضبط للخاتم قالي مخطوبة ؟ هبطت راسي قتلو امم فاتني ديركت ودخل وخاوتو وراه نسمع فيهم يتفاهمو في اللخر باه وصلو لحل انا واقفة توال الباب لي قلقني نظرات هذاك باباهم لماما ملي جا وعينيه معلقين فيها وهي مهبطة راسها ومرة كحلة مرة حمرة نطق إلياس قالها اسمعي نتي ايه لالا يا قابلة يا لالا منبقاش نستنى خزرو فيها كامل حتى قالت إيه وهو ناض مدلها دراهم وجا خارج قالها مالا العرس منا على 15 يوم شهقنا كامل كيفاه قالها ومشي عرس حاجة وفوت منحبش هذا الشي وباه نقولك انا عندي وليدي نشوف فيه حاجة مشي مليحة في يوم من الايام مراحش نتفاهمو صحا هكا نهدرلك توال داركم وجا خارج فات عليا جبدني من ذراعي مزيا مشافونيش غير خوه ويماه لي مهدرت والو قتلو اطلقني وشبييييك كنت نحكي بشوي وصلني للباب قالي حلي الباب تاعكم معرفتلوش باين فيك انتي لي فسدتيه قتلو احمم حليتلو الباب وجا خارج قالي وسمك قتلو من صباح وهوما يعيطولي فيروز قالي شحال عمرك قتلو 21 بقى يشوف فيا برك قالي بدلي وجهك عليا قتلو نتا هذا ما تعرف غير بدلي وجهك عليا تقول بينا حسيفة هز حاجبو قتلو صاي صاي متعرفش القصرة كامل قالي طيري غلقت الباب زادو خاوتو خرجو وراه وانا دخلت قاتلي سعيدة وليدي زين وعين خصك غير متقبليش قتلها شفت الزين بصح باين قلبو كيفك عيطت قالتي اييي واش تقصدي قتلها لي جات في بالك يا خالتي جبدتني ماما من ذراعي دخلتني للشمبرة نلقى كامي قاعدة ثما وعائشة معاها ساكتة قاتلها اخرجي خلينا انا وفيروز هزت عائشة حاجبها قاتلها مفهمتش قاتلها راني نقولك خليني نحكي انا وفيروز اخرجي
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺