رواية عشقت جبروت الرعد الفصل السابع والثامن بقلم اسماعيل موسي حصريه وجديده على مدونة أفكارنا
 |
رواية عشقت جبروت الرعد الفصل السابع والثامن بقلم اسماعيل موسي حصريه وجديده على مدونة أفكارنا
طلبك عندى يا معاذ، حتتة بنت إنما ايه زى القمر!!
معاذ الشمرى بلا مبلاه، بقلك فقدت الشغف
_شاهنده فكرت شويه، دى حاله غريبه معاذ عمره ما كان كده، بقلك بنت زى القمر؟
واصل معاذ الشمرى التحليق بنظره لبعيد، لقد مل كل ذلك، الفتيات السهله بكل انواعها، الكل يطلب وده، الكل يلعق قدمه
، معاذ الشمرى :مش عايز يا شاهنده
غريبه يا معاذ طول عمرك بتاع نسوان ايه الى جد جديد؟
كل حاجه بقت مكرره يا شاهنده، ملهاش طعم، زى الأكل الحلو لما نتعود عليه
___لا دا انت حالتك صعبه جدا
معاذ الشمرى اكتر مما تتخيلى يا شاهنده
لكن حيل شاهنده مش بتخلص، طيب ادينى تلميح بسيط كده يا معاذ؟
عايز حاجه جديده، وش جديد
شاهنده واحده بلدى يعنى، من الأرياف مثلا؟
ريت معاذ الشمرى على كرشه الكبير، شاهنده عرفت ان الكلام بداء يعجبه
معاذ الشمرى، مش اى واحده عاديه، لازم تكون بمواصفات خاصه وعنيده لم يلمسها انسان من قبلى وتكون مثقفه، لازم انا الى ارغمها على كده
شاهنده فى سرها، لولاش البنت سادين مشوهه كنت قدمتهاله وهو نخلص منها
والى يخلصلك المصلحه دى يا معاذ تعمله ايه؟
بصلها معاذ الشمرى فى وشها بتركيز وارتفع عدد نقراته على كرشه
اخلى شركته ترجع على رجليها مره تانيه
فهمت شاهنده الرساله، ابتسمت، معاذ بيساومنى، لكن بسيطه، اكيد هلاقى حل
شاهنده بتفهم البريق فى عنين الرجاله
حتى لو كانت مشوهه؟
#ال8
_معاذ الشربانى ، مشوهه ازاى يا شاهنده؟ انا هفتح دار إعاقه؟ زم الشربانى فمه الكبير القذر بضيق
شاهنده مش عايزه تخسر المبادره،ولا اهتمام معاذ الشربانى، بسرعه قالت بنت جسمها جميل رائع وبشرتها بيضه لكن!
معاذ الشربانى وهو بيفكر لكن ايه؟
متكتشفتش على مخلوق من ايام ما كانت طفله حتى والديها ماتو، يعنى انت هتكون اول واحد تنكشف عليه ومحدش يعرف حقيقة تشوهها.
🖤
كل فتاه تحلم ان تكون مهمه فى محيطها
الأحلام مجرد وهم.
.
دور معاذ الشربانى الفكره فى دماغه، حاجه جديده، تجربه نادره، دايما بيحب الاكتشافات
الحاجات الغامضه إلى كلها فضول، مل من السهل، حياته أصبحت رتيبه، فتاه مشوهه لفظتها الحياه وتركها الحب تتمنى اى أهتمام، جوهره محفوظه بعيد عن الايادى القذره، جسد لم يلمسه شخص غيره
لكنه رجل سياسه محنك، اتعود ميديش خصمه اى لين حتى لو كان حابب الفكره
سيبينى افكر يا شاهنده، وقف معاذ الشمرى فى مكانه، بص لشاهنده بمواربه، عارف انه لازم يرميلها لقمه، قطعة لحم عشان تفضل لازقه فيه مستنيه اكتر، آمل زائف
انا هشوف موضوع الشركه بتاع ابنك، وساب شاهنده ودخل الفيلا
شاهنده بابتسامه معاذا لم يوعد بيوفى، كلمت رعد إلى كان فى غرفته
انا حليت المشكله خلاص يا حبيبى متقلقش من أى حاجه
هقعد شويه فى النادى وارجع نتعشى سوا
_______________________
فتحت سادين عنيها متأخره، كانت منزعجه انها فوتت صلاة الفجر
هبت مفزوعه، اتوضت وصلت
بعد كده اخدت شاور طويل وسابت نفسها تغرق تحت الميه
خرجت، وقفت قدام المرآيه، احيان كتيره سادين بتعتقد ان المرآيه صديقتها وبتتكلم معاها
شافت نفسها فى المرآيه، ابتسمت، قعدت تسرح شعرها، يا ترى النهرده هعمل تسريحة ايه؟
بعد تفكير ومجادلات، عملت شعرها ضفيره طويله إلى حدود خصرها
عارفه انها لازم تلملها قبل ما تنزل تحت فى الفيلا لكن سادين بتحب تشوف نفسها مهندمه
حطت ميكب بسيط على وشها قبل ما تلبس هدومها وتنزل
اول ما نزلت قعدت على البيانو وطلبت قهوه من الخادمه هند!
هند حاضر يا ست سادين حمامه
هند دخلت المطبخ تعمل فنجان قهوه ساده قابلتها كبيرة الخدم سندس
بتعملى ايه يا زفت انتى؟
___هند بعمل قهوه لسادين هانم
سندس هى فين سادين هانم؟
___هند، قاعده على البيانو هتعزف
سندس بغم وضيق، اطلعى قوليللها مش هينفع تستخدم البيانو
وقبل ما هند تسألها ليه وعشان ايه، دى تعليمات الست شاهنده
___ هند وانا مالى يا ست سندس، انتى الكبيره هنا اطلعى قوليللها
سندس بغضب انتى مفيش فايده منك ابدآ، أمشى من قدامى، خرجت سندس، سلمت على سادين وقالت بنبره كلها خجل
شاهنده هانم ادت تعليمات ان حضرتك متسخدميش البيانو
سادين شالت صوابعها من على البيانو، بصت لسندس إلى توقعت غضبها وصراخها
___سادين بهدوء وادب وقفت فى مكانها، شكرا سندس، من فضلك بلغى هند تطلعلى القهوه فى غرفتى ولا اقلك انا هخدها معايا
دخلت سادين المطبخ خدت القهوه بتاعتها وطلعت السلم بشرود
من غير ما تاخد بالها خبطت فى رعد إلى كان نازل متسلل
القهوه ادلقت على هدوم رعد
رعد بغضب ومكر مش تفتحى؟
سادين اسفه والله ما خدت بالى، انت كويس؟ جرالك حاجه؟
رعد بقرف، كويس، كويس وسابها ونزل
سادين طلعت على غرفتها جرى
رعد بعد ما سادين طلعت غرفتها صرخ فى سندس، سندس تعالى هنا؟
سادين هانم واخده القهوه بنفسها لغرفتها ليه؟ مفيش خدامين هنا ولا ايه
سندس بتلعثم دى كانت رغبتها يا رعد بيه
رعد، هى كانت نازله تعمل ايه؟
سندس بخوف كانت نازله تعزف على البيانو
رعد بلهفه وفضول، وعزفت؟ انا مسمعتش حاجه؟
سندس برعب اكتر، معزفتش يا رعد بيه
رعد ايه السبب؟
سندس ولسانها بيتقطع، تعليمات شاهنده هانم ان الست سادين متستخدمش البيانو
انصدم رعد، صرف سندس من قدامه وطلع على غرفة سادين
سادين كانت قلعت نقابها وقاعده فى هدوم بيت خفيفه سمعت خبط على باب غرفتها
سادين مين؟
انا رعد افتحى من فضلك؟
سادين عايز ايه؟
رعد افتحى من فضلك هكون عايز ايه يعنى، عايز اتكلم معاكى!
سادين لكن انا مش مستعده دلوقتى استنى لحظه البس هدومى
رعد بابتسامه، هنتظرك هنا
بعد خمس دقايق سادين فتحت جزء من الباب وسألت رعد عايز ايه اتفضل! لو كنت جاي تعاتبنى على القهوه انا اعتذرت وخلاص
أبتسم رعد، وظلة الابتسامه ملاصقه لفمه، انزلى اعزفى براحتك
انا عرفت من الخدامين انا ماما ادت تعليمات بمنعك استخدام البيانو
اكيد فيه حاجه غلط، من فضلك خدى راحتك واعزفى
سادين بحزن لا شكرا خلاص مش عايزه
رعد بتحدى بقلك انزلى اعزفى والا قسما بالله هطلعلك البيانو هنا
سادين انا مش عايزه مشاكل بعد ما اخيرا وجدت سلامى النفسى، ارجوك انا بحب العزله والأنطوائيه ومش عايزه تدخلات
رعد وعينه جوه الغرفه فيه غلط حصل ولازم يتصلح، انتظرى لحظه من فضلك، رعد كان بيتكلم والابتسامه على وشه
ابتسامه خلت سادين تتوتر، رعد كان لمح اللوحات جوه الغرفه لمن اكيد مش دا السبب
الباب فضل مفتوح، سادين بسرعه دخلت قدام المرايه شافت جديلتها الطويله طالعه من تحت النقاب
برعب سادين حبت شعرها
رعد وصل ووراه الخدامين شايلين البيانو لكن ابتسامته اختفت لما لمح سادين خبت شعرها ، رعد دخلو البيانو أوضة سادين هانم
الخدامين وضعو البيانو داخل الغرفه ونزلو، رعد نزل وراهم وقبل ما سادين تقفل باب غرفتها قال، عزفك فريد على فكره من ايام ما كنت فى باريس مسمعتش عزف بالجمال ده
قفلت سادين باب الغرفه، مشت اديها على البيانو، هو وقح لكن جميل
حساه متناقض وهجومى، سادين قدرت تصرف رعد جدا رغم تحفظاتها عليه.
________________
قانون
الألم الأكثر تفاعلآ
رعد بعد ما حالته النفسيه اتحسنت قرر يخرج يتفسح، يسهر،والدته وعدته ان الشركه هتكون بخير
شاهنده رجعت من بره استقبلتها سندس على الباب، فين رعد يا سندس؟
خرج يا هانم
شاهنده وهى بتمسح الرواق بعنيها الواسعه، فين البيانو؟
سندس بتلعثم فى غرفة سادين هانم
شاهنده من غير ما تسمع اى مبررات ولا حتى بقية القصه طلعت السلالم جرى ناحية غرفة سادين، رغم عمرها كان ليها جسد رياضى ممشوق
حتت اوزعه لكن محكمة التقاسيم
نقرت شاهنده باب غرفة سادين بقوه وغضب، انتى يا زفت افتحى الباب بدل ما اكسره عليكى
تفاعلووووا
يتبع
عشان تشوف باقي الرواية تأكد انك عامل متابعة للصفحه
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺