رواية ارحمني الفصل الاول حتى الفصل الخامس بقلم مروه حصريه وجديده على مدونة أفكارنا
 |
رواية ارحمني الفصل الاول حتى الفصل الخامس بقلم مروه حصريه وجديده على مدونة أفكارنا
🌺🌺أرحموا الأيتام وما أدراكم ما معنى يتيم 🌺🌺
🌺🌺لا تَظلِمَنَّ إِذا ما كُنتَ مُقتَدِراً
فَالظُلمُ مَرتَعُهُ يُفضي إِلى النَدَمِ
فاحرص بُني منَ المظلومِ دعوتهُ
كي لا تُصبكَ سِهام الليلِ في الظُلُمِ
تَنامُ عَينُكَ وَالمَظلومُ مُنتَبِهٌ
يَدعو عَلَيكَ وَعَينُ اللَهِ لَم تَنَمِ🌺🌺
إسمي مريم عمري 21 سنة.... طفلة عادية عندي عين و فم و وجه كي ناس ماشي شابة فاتنة و ماشي مزعوقة فتاة عادية جدا.... يتيمة الأب و الأم ماما نهار جاها سطر باش تولدني جراو للسبيطار و شاء القدر و تقلبت بيهم طونوبيل... بابا جبدوه جثة هامدة و ماما لحقوها لسبيطار و طول لبلوك انا عشت و هي توفات فوق الطابلة... قعدت عشريام فالسبيطار واحد من أهلي ماحوس عليا و كانو راح يدوني لمركز العناية بصح دقيقة لخرا لحقت بيا خالتي فتيحة... خالتي فتيحة هي أكبر خالتي كانت حابة تربيني بصح ماني رفضت و داتني غصبا عليهم كامل... داوات جروح بنتها بيا و سماتني نفس إسم ماما.... جداتي ام بابا كانت تجي تشوفني و تحبني بصح بعد موت وليدها مرضت ولات قليلة صحة... عمي لكبير تاع كان يجي و يشريلي بصح بعد موت جداتي انقطعت اخبارو و واحد مازاد تفكرني من اهل بابا دوك 15 سنة ماشفتهم ما نعرفهم اصلا هوما في ولاية غير ولاية خوالي... كبرت على يد ماني و جدي و خوالي... جدي مات و انا عمري 10 سنين و رجعت يتيمة مرة أخرى... ماني كانت هي كلش في حياتي... خوالي يحبوني بصح نساهم كل وحدة خايفة لوكان تموت ماني و نعيش عند وحدة فيهم.... عندي ثلاتة خالات فتيحة و عيشة ورحمة... فتيحة نعيطلها ماما بيسك كبرت تقريبا في دارها تحبني و معتبرتني بنتها لي مولدتهاش عندها غير لي جان بدر الدين في 34 ماشي مزوج امبعد فوزي 32 مزوج و عايش وحدو موراه خالد 28 و اخيرا رمزي صديقي و خويا و كل حاجة بالنسبالي 24... خالتي عيشة نروح ليها بصح ماشي بزاف حالتهم المادية ماشي بزاف عندها زوج بنات اكرام 23 و حنان 19 هوما صديقاتي و خواتاتي و بير أسراري... خالتي رحمة هي صغيرة في خوالي و خالتي عمرها 34 نتيجة بدر الدين قريبة ليه بزاف و انا نعتبرها ختي ماشي خالتي ولادها صغار.... اما خوالي عندي ربعة ماراخش نحكي عليهم بالتفصيل.... القراية حبست فالليسي و من تم و انا فالدار لا دخلة لا خرجة من غير دار خالتي فتيحة...
2
هاد العام ماني مرضت بزاف و طاحت صحتها ولات على حافة القبر و دايما نشوفها غايسة و تخمم كي نقولها وشبيك تقولي خايفة نموت قبل ما نأمن عليك نسا خوالك ياكلوك مافيهمش لامان... كنت نهدر فالتيليفون مع اكرام و ماني قدامي تشوف فالتيليفيزيون و عقلها بعييييد كوبيت حطيت راسي على حجرها بدات تلعبلي بشعري.... وشبيها ماني لعزيزة.... والو يا بنتي.... علاش غايسة... نخمم.... فيمن... سكتت و قالتي عيطي لخالتك فتيحة تجيني غدوة... علاش ماني خير... والو عندي هدرة معاها... عيطت رفدلي رمزي... مريومة... اهلا رمزي وشراك يالفايح نسيتني ڨاع.... علاش... شحال عندك ماجيتش توحشتك... كي توحشتيني علاش ماتجيش... وين نحي و نخلي مانك راهي مريضة... ايه صح غدوة نجي نشوفها... جيب معاك خالتي قولها قالتلك ماني ارواحي نسحقك.... بالاك أفار ورث راح تعطيهولها... هههه والله ماتحشم ايا باي غدوة نستناك... اوكي ماتسحقي والو.... والو ادا حبيت جيبلي معاك شيكولا... نجيب لختيتي ايا أتليكيداي راهي تعيط لمرا... كوبا عليا لقيت ماني عقلها بعيد... مااااني علاش وليتي نهار كامل و انت غايسة وليت نخاف عليك... لكبر يا بنتي 82 سنة واش حابتني ندير... مازالك على ديدانك ماني تحبي حتى نزوجوك... نوضي نوضي من وجهي كبيرة و جايحة.... نضت حطيت لعشا ساكنين حنا و فوقنا خالي صغير... تعشينا انا و ماني غسلت لماعن حبط خالي سهر معانا هو و لادو صغار... هو طلع و انا نوضت ماني عطيتها دواها و درتلها بومادة في رجليها و غطيتها ترقد و حكمت بلاصتي نكونكتي ڨسرت شوية مع بنات خالتي قالو غدوة يجو... رفدت تيليفون عيطت لرحمة قلتلها خالتي بين زوج جايين غدوة ارواحي انت تان قالتلي نشوف مع راجلي... حطيت تيليفون و رقدت... فطنت تسعة نضت صليت و طيبت قهوة شربنا انا و ماني و بديت بالفطور قبل مايجو خالاتي درت طعام بالجاج مرقة حمرا و درت موسكوتشو للقهوة غسلت لماعن و رفدت لفراش انا حطيت البيدون راح نسيق و تدخل رحمة و جرادها....3
لوكان غير زدتي ربع ساعة دوك مايخلونيش نسيق... انت تعرضيني امبعد تبداي تذلي فيا بولادي... عرضتك انت ماشي ولادك... سلمت عليها زدت بوستهم و حلفت فيهم لي ينوض قبل ما نكمل لهريسة تاكلو ههه... خافو حكمو بلايصهم كملت تسياق زادت جات ماما فتيحة مسكينة ملي جي و هي تعنق و تبوس فيا تقولي انت بنتي لي مرزقنيش بيها ربي و جامي تجي و ماتجيبليش حاجة تقريبا غير هي تكسيني مام ولادها يتفكروني ساعة ساعة يعطوها دراهم يقولولها اعطيهم لمريم كاشما تشري.... كملت لحق وقت لفطور عيطت لإكرام ادا يطولو مانستناوهمش قالتلي قريب نلحقو.... نوضت وجدت و هوما دخلو سلمنا عليهم و قعدو طول فالطابلة... كملنا غسلت لماعن مع لبنات و رحنا جمعنا معاهم حتى نطقت ماني قالت رحمة ادي لبنات و اخرجو اغلقو لباب عندي هدرة مع فتيحة.... تصدمنا ماني عمرها ما تخبي علينا انا رحمة حاجة بصح نوضنا.... يا درا واش كاين... امشي نروحو نطيبو قهوة... لالا انا نقعد نقرعج... مام انا... طارت فينا رحمة حاوزتنا... جينا رايحين لقيتها واقفة عند الباب رجعنا و بقينا نسمعو و يا ريتني ماسمعت... بدات ماني قالتلها يا بنتي انا حاسة ماراحش نطول و راح نطلب منك حاجة و ادا ماقبلتيش ولا رديتيني ماكي بنتي ماني مك.... خير يما واش الهدرة هادي ربي يطول في عمرك اولا و ثانية علابالك عينيا نمدهملك.... حابة نزوج مريم ببدر الدين.... تصدمنا حلينا فمنا... رحمة واش راهي تقول بدرو خويا كيفاش تزوجني بخويا... دارتلي اسكتي و اسمعي.... قالتلها خالتي يا ريت نخليها تحت جناحي طول عمري بصح يا يما ولادي دايرينها ختهم عمرهم شافوها بغير نظرة... بصح ماشي ختهم و ماشي راضعة معاهم تجوزلهم طفلة يتيمة نخاف يديها لبراني و يلقا كتافها باردين يحڨرها.... علاش يحڨروها قلتلك دايرينها ختهم يحرڨ الدنيا عليها... و انا حبيتلها بدر الدين... انا مادابيا ادا هوما قابلين بصح نديها لخالد بدرالدين علابالك رافض زواج.... و كي رافض راح تخليه طول عمرو عزابي على هاد الشي لي قلتلك بدرالدين منها هو يستبيت و هي تتستر عندو علابالي يصونها... يا يما واش نديرلو لمرة لخرا كي سيفت عليه هج م دار قريب عام من تم مازدتش هدرت معاه قالك غير زواج مانتزوجش... اهدري معاه و رديلي... ان شاء الله يا يما ربطتيلي يديا و رجليا...4
شافو فيا لقاوني مشوكيا كركروني لكوزينة... اسمعي مريم ديري روحك ماعلابالك والو... مارانيش حابة... علاش... سيد دايراتو حياتي كامل خويا كيفاش نتزوج بيه... اسكتي و ماتقلقيش علابالي بدرو ماراحش يقبل... و لوكان يقبل... خليها على ربي... طيبنا قهوة و رحنا قعدنا معاهم واحد ماهدر كل واحد يخمم هادا وين فهمت علاش ماني ولات نهار كامل غايسة... شوية دخل رمزي سلمنا عليه حطيتلو قهوة لقيتو جايبلي شيكولا تشكرتو بصح انا عقلي بعيييد مالفة نڨسر و نضحك معاه ليوم والو قعد شوية و دا يماه و راح... هوما راحو و رحمة شرتنا باش نوضو... خرجنا انا و لبنات ناضت غلقت لباب وقفنا عند الباب بقينا نسمعو... قالتها يما سمعتكم واش هدرتو موقبيل... ماتحشميش تتصنتي لوكان حبيتك تسمعي نخليك قاعدة... يما انا ماشي قابلة و مستحيل نخليها تتزوج بيه... علاه واش خصو وليد بنتي... ماخصو والو سيد رجال بصح بعيد على ختي... نطقت خالتي عيشة قالتلها يما مام انا ماحبيتش نهدر قدام فتيحة بصح ماشي موالمة انساي الهدرة هادي حتى فتيحة حرجتيها.... علاش نحرجها و ماشي موالمة واش خصو سيد طول و العرض و هيبة يوقف فالباب يغطيه كي سبع رديتوه مايسواش... قالتلها خالتي عيشة بصح هو رافض زواج... و ماراحش يقعد عزابي حياتو ڨع بالاك مايقبلش بصح مع لوقت يتقبلها و يدعيلي... بدات تعيط رحمة قالتها يما ماتهبلينيش سيد يماه راهي شاكة فيه بلي عاجز كيفاش نلوحو بنتنا ليه... حنا تصدمنا اخر حاجة توقعتها امبعد قالتها خالتي عيشة صح مام انا قالتلي فتيحة خطرة قالها مانجيبش بنت ناس و نظلمها معايا... كيفاش عاجز هادي مافهمتش... يما ماتخلينيش نطيح لقدر ملخر ماشي راجل في داك شي و خلاص... الله يسود حلايسك الله يصفرلك داك لوجه عرة النسا هدرتيها و ماحشمتيش ماكانش راجل ماشي راجل في داك شي عمري 82 سنة جامي سمعت الهدرة هادي وليتو تهدروها غير باش تتهربو من زواج و المسؤولية والله والله لي توقف في طريقي و طريق هاد زواج ماراهي بنتي و نغضب عليها ليوم دين و جنازتي ماتحضرهاش نوضي درڨي وجهك عليا ولا عيطي راجلك يديك عليا قالك ماشي راجل راجل طول و عرض توقفي قدامو تباني ذبانة تقول عليه ماشي راجل...5
هربنا نجرو لكوزينة درنا روحنا ماسمعنا والو... شفت رحمة خرجت عيطت لراجلها سقسيناها واش كاين قالتلي والو هدرت مع يما على زواج هدا بلي مايصلحش كلاتني... والحل رحمة كيفاش... علابالي بدرو مايقبلش و ادا قبل ارفضي انت البراني ارحملك منو... علاش... والو بصح تربيتو خاوة ماتصلحش ياعمري.... عرفتها ماشي حابة تهدر شوية و جا راجلها راحت و خالتي عيشة قعدت تعشات معانا و جا راجلها داهم.... جازو يامات مابان والو حتى واحد نهار جات ماما فتيحة خليتها مع ماني و جبدو الهدرة و انا اكيد برا نسمع... قالتلها هدرت معاه و ماحبش وقالتلها نقولك صح مام انا ماشي حابة خلي نديها لخالد... قالتها علاش ماشي حابة صح وليدك مريضة قالتها ماعلاباليش بصح علاش هكا رافض و كي نسمط عليه يقولي مانظلمش بنت ناس واش نفهم... قالتها ماني اقنعيه و مام ادا مريض سكتي هدرة الناس دوك كل ما يكبر تزيد الهدرة عليه نزوجوهالو هي راهي معاك حاجة ماتقيسها و نتهنا عليها و هو يسكت الناس و ادا كان لاباس بيه علابالي راح يهنيها... مالقات ماتهدر خالتي و باين اقتانعت بصح انا واش ذنبي باش نسترو و نتحرم حياتي كامل باش نعيش مع انسان طبيعي و نجيب دراري كيما اي وحدة تسما كي جيت يتيمة يضحو بيا... الليلة هاديك بت نبكي فالسكات واحد ماحاس بيا.... جاز شهر على نهار هاداك و ماما مازادتش هدرة فالسوجي هاداك و انا توقعت انو رفض... ليوم تلمو خالاتي و مام خوالي جاو و حنا قاعدين قالت ماما فتيحة حابة نطلبكم في مريم لبدرو انا تشوكيت كنت دايرة حسابي نهار تقولي نقولها بيناتنا لالا و خلاص بصح هدرتها في وسط خوالي و كامل فرحو و قبلو بلا ما يشاوروني و قالت نهار لجمعة نجي مع راجلي و بدرو و نخطبوها رسمي و تفاهمت كلش مع ماني و خوالي و انا واحد ماسقساني على رايي كي تفرقو قلت لماوي مارانيش قابلة... علاه أ لالة... ماني خويا بدرو مانقدرش نشوفو غير هك... ماخرجتيش ملغار لي خرج منو باش تقوليلي خويا.... ماني واش هاد الهدرة تربينا كيفكيف و زيد كبير عليا... واش كبرو راجل كي سبع يابنتي بدرو منا و فينا راح يصونك و يحافظ عليك و راح تبقاي دايما مع خالتك خليني نغمض عويناتي و انا مهنية عليك... هزيتلها راسي و رقدت بقالي امل واحد اني نهدر معاه و خلاص...
يتبع
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺