فردوس ومحمد الحلقه الاولى حتى الحلقه العاشره حكايات ياسمين حصريه وجديده على مدونة أفكارنا
 |
فردوس ومحمد الحلقه الاولى حتى الحلقه العاشره حكايات ياسمين حصريه وجديده على مدونة أفكارنا
انا اسمي فردوس عمري 27 سنة حاليا طلڨت في عمر 22 زواجي تم خمس سنين تزوجت في سن 18 الله غالب عليا مالقيت بيها وين يما طلقت معا بابا كنت بزااف صغيرة كان عندي 11 سنة دات هي لحضانة تاعي كان بابا وين مايحب يشوفني تقوله لا بعد ما طلقت تعرفت على واحد خلااص يما خرجت طريق رجعت تسهر تشرب تدخل سكرانة تبات معا هدا لي تعرفت عليه كي ماكانت تلقى وين تخليني كانت تخليني عند جارتها هي وبنتها نقعدو فدار وهما يروحو يسهرو يدخلو لدار دايخين شحال من مرة كانو يجو مع رجال وحنا يبلعو علينا ماكناش نعرفو كنت صغيرة (كاتبة اميرة قروب قصص سول) جدي تبرا منها كي سمع بابا داني عنده حتى هو تزوج وكمل حياته طفرت فيا غيل انا لحقت لعمر 16 بداو يجو يخطبوني كنت نبان كبيرة لي يشوفني مايعطينيش 16 كنت نرفض حتى رجعت مرت بابا تحرشه عليا زرعتله فكرة كيما دارت يماها دير هي تجاهلها بصح كي عادو يجو يخطبو وما نقبلش راحت وسوستله في مخه بلي كاش مابيا وني خايفة حلف بلي لي يجي راني ليه جا هدا محمد كيما كان الحال قبلت وانا بزاف احلام كانو عندي ك أي طفلة حابة نكمل قرايتي وحابة بصح كل شيء تبخر كي كنت نشوف خوتي من بابا كنت نغير منهم منكدبش عليكم كنت نرقد فصالة وحدي فليل كي نقارن حياتي بحياتهم تغيضني عمري نبكي حتى يضرني صغري بزاف نحڨرت بصح كي نتفكر بلي كون قعدت معا يما يمكن ني كيفها دروك نحمد ربي فلي راني فيه حتى لي تزوجته على اساس نلقى فيه لخير خرج عدو طلقني مولات22 دارهم بزااف معقدين كان يحب وحدة ودارهم ماقبلوش ولا قالهم نتوما خيرولي طاحو فيا انا فات عام لول و 2 و3 وانا ما رفدتش وليت نسمع هداير حتى هو ولا يعايرني كي لحقت لعام خامس خلاص رجع ما يضويش وهو ما بيه لا ولااد لا والو بيه صحبته لي كان معاها طلقت معاه ورجعت لعيشتي قديمة علاه لدي درجة ماعنديش زهر حتى ولااد مانجمتش نجيب كي نسا شحال بكيت ديك ليلة فات شهر جا نهار لي كتاشفت بلي راني بلكرش فرحت بااف بصح فرحتي ما دامتش كي وقفتلي مرت بابا . ماديتهاش فيها والله نلبس طابلية على جال لي في كرشي انا باابا لي سموه بابا وصل يطردني من دار بسبب كذب مرته مالقيت بيها وين تفكرت محمد بلاك كي يسمع يرجعني وصح ذليت روحي وعيطتله كي سمع فرح وقالي مستعد نرجع..........
2
فرحت لي قبل ماعليش مستعدة نعيش مذلولة ولا تكمل عليا كي يما من راجل لراجل
قتله وين راني قاعدة كانت ساعة 9 تاع ليل ك أي طفلة تخاف تبقى وحدها لوقت شين وناس ما ترحمش كنت قاعدة عند الجامع بيت الله مكانش لي ينجم يمسني هنا على دي كنت مرتاحة من ديك ناحية أملي لوحيد كان في محمد سمعت تلفوني يصوني لقيته هو رديت عليه. الو وين راكي نتي. نتي وين راك. راني وين ما قتيلي. زيد قدم شوية تلقاني عند لجامع ######. واش راكي ديري تماك نتي اصلن شا خرجك في دا لوقت ماتتحركيش ني جاي. صحا ني نستنى فيك. قعدت نقارع يجي حتى شفت لوطو تاعه ڨارا ونزل كي شفت روحت عنده. ركبي تشو ركبي. حطيت راسي وروحت ركبت معاه جا حتى هو ركب وخبط لباب فهميني واش راكي ديري هنا. ماهدرتش بقيت ساكتة . ستغفر ربي زير يده وخبطني لذراعي جاتني عادي موالفة كثر من هاك . نطقي علاه ساكتة بغيتي تجهليني نتي بقيت نبكي برك . دا ما فالحة غيل فلبكى . نوض لوطو وراح شفته رايح طريق دارنا. وين رايح.. لداركم كيفاه وين رايح. لا ماتروحش تماك. علاه ماروحش متنسيش راني مطلڨين حرام نبقو في دار وحدة غدوة ونجيب امام ونجي ونكملو باقي اجراءات . لا تسمى ردني عند لجامع غدوة ورواح ديني. وين نردك نخليك برا ديجا فهميني شا خرجك نتي ولا بغيتي طريق يماك تبعيها زادو طاحو دموعي بابا طردني. حبس وبقى يشوف معايا. عاودي واش قلتي. بابا طردني من دار. علاه طردك راكي تتمسخري بيا واش من للعبة راكي تلعبي فيها ثاني وصح راكي حامل ولا غيل كذبة. لا لا والله صح لا حاب تتاكد روح معايا لطبيبة . وبوك علاه طردك واش درتي. ما درت حتى حاجة مرته عمراته عليا وزاد سمع بلي راني اونسانت زادت عمراته كثر جابلي واحد كبير بزااف ومتزوج على زوج نسا قريب ل خمسين سنة عنده. علاه جابهلك هذا مافهمتش. باه نتزوج بيه وفي نفس الوقت يسترني. علاه يسترك نتي لولة لي طلڨتي ماله بوك ونتي واش قلتي . ماحبيتش كي زادت حرشاته عليا كثر وتهمتني في شرفي وقالت نفس الهدرة لي نتا تقولهالي دايمن طلڨت وغادي تبع طريق يماها وسوستله حتى خرجني من دار ولباقي راك تعرفه. ونتي واش قلتي. بخصوص واش. لي جا يخطبك. ماحبيتش. علاه. خفت مايقبلش ولدي ويرميه كي نولد. بقى يشوف معايا. والله يا لالة واقيلة بغيتي وحداخر يربيلي ولدي تسمى كون مشي طفل لي في كرشك كنتي تقبلي تروحي لواحد قد بوك. سكت. ستغفر ونوض لوطو يهدر وحده. انا دروك وين نديك انا حرام تقعدي معايا..............
3
ماعليش تنجم تخليني من وين جبتني . بلعي عليا فمك كنتي من دار ماتخرجيش وليتي تقعدي عند جوامع فنصاص لليل سكت عنده الحق بصح انا واش ذنبي مشي انا بغيت دي لحياة لروحي كون جات في يدي نتمنى لروحي حياة مليحة لي عشته انا عالم بيه غيل ربي شفت يما تسهر وتشرب ورجال داخلين صوت عياطها وكلامات لي يبدو يقولو فيهم نحشم حتى بيني وبين روحي نقولهم مرت اب تحرش في بابا عليا كي يخرج تضربني كنت بنت 14 سنة كي كانت تخليني ندير شغل دار وكي ننسى حاجة تضربني وتهددني كون تخبري بوك نقوله يخرجك ماكنتش نعرف كنت نسكت وصح بابا طردني انا واش دخلني ماعندي حتى ذنب فلي راه يصرا معايا علاه حتى يشبهوني بيما لدي درجة ماعنديش زهر حتى راجل لي تزوجته قلت نتهنى معاه خرج مجبور عليا فقت من تخمامي كي صونا تلفونه كان حاطه فلوسط قريت اسمها دنيا كوبا عليها وعاودلها الو. لا مزال ما ندخل... لا مزال صبري شوية... صحا..كي ندخل نعيطلك.صحا....هيا باي باي. مسحت عينيا من دموع لي طاحو انا وقت رجعت معاه وقعت على ورقة لي هي الذل كان اوموا يحتارم مشاعري حطيت راسي على الكارو نخمم وين بيها الحياة غيل تصعاب معايا بزاااف والله لا عيييت لي عشته بزااف عليا حبس لوطو في وحد لوتال . نزل بقيت نشوف معاه . نزلي ولا نجي نزلك. سكت ونزلت لحقته نمشي موراه. دخل منعرت واش بقى يحكي معاه ولااخر مرة على مرة يشوف معايا حطيت راسي. سمعت صوته كي باه يهدر معايا. هيا معايا طلعي. لحقته حبس عند وحد لبيت فتحها بلمفتاح دخلت معاه كان فيها سرير وفوتاي عند تحت تاقة خزنة صغيرة وحاطين طابلة مدورة صغيرة ثاني دا لي فيها . ليوم تباتي هنا غدوة انشاء الله نجي نديك وروحو نجدو زواجنا هزيتله براسي. ما خصك والو. لا. من وقتاه ونتي برا. من زوج تاع قبيل. علاه حتى لدروك عيطتي. خفت. ستغفر وخرج وانا نحيت حجابي وبقيت بجامة اول مره نبات في لوتال مشي متعودة بسبب تعب حطيت يدي على كرشي وغمضت عينيا ما على باليش شحال فات وقت سمعت لباب يططب. خفت غطيت روحي جاني صوته رجعتلي روح. نضت نحل. بقى يشوف معايا. ديري عليا خيمارك مانيش راجلك راكي محرمة عليا. وليت مورا لباب مدلي صاشي . حكمي كولي ورقدي ماترقديش جيعانة قصدي ولدي لاازم يتغذى . صحيت . واه هيا بلعي لباب وماتحلي على حد ماغاديش نزيد نجي حتى لغدوة ونتي حرزي تحلي. صحا. هيا بلعيه . تصبح بخير. صحا صحا وبلعت موراه. حليت ديك صاشي لقيته جايب ماكلة من برا حطيت وبديت ناكل حتى انا بسبب مشاكلي ماحسيتش بلجوع كليت كل شيء بزاااف كنت جيعانة مسحت فمي غسلت يديا وروحت لبلاصتي.............
4
ليوم بعد ماكملنا قاع اجراءات رجعت مرته للمرة ثانية فتنا ديراكت للدار ڨارا ونزلنا فتح لباب لقيت عجوزتي في وجهي . خير خير وين جاية نتي واش جابك. ماني انا جا صوته. كيفاه وين جاية دارها. على بالي دارها بصح طلقتو يا وليدي. رديتها يما راهي مرتي دوك . كيفاه رديتها كيفاه حنا اخر من يعلم مين عينك في مرتك علاه طلقتها كي عاد حاب ترجعها. فوتي لبيتك فوتي خليتها تهدر معاه مش عاجبها لحال قاع كي رجعت فت لشمبرتي انا ساكنة معاهم هما كل واحد بداره فلحق ايطاج لفوقاني قاع هو داري بصح على حساب هدرتهم كان حاب دنيا تسكن تماك على دي دالي شمبرة تحت مقيومة من كل شي حتى دوش فيها دخلت نحيت حجابي وروحت توضيت وخلفت صلااتي لي ما صليتهاش يامس دخل لقاني نصلي منعرت شا دا وخرج كملت دعييت ربي نضت رفدت صلاايتي حطيتها نحيت قشي وفت غسلت روحي قاع لبست وخرجت تلاقيت بيه داخل شفت معاه دالي يده واشر لسرير باه نجمع روحت قعدت جا قعد حدايا. شوفي فردوس 98 بلمية رجعتك على جال لي فيها كرشك وزوج بلمية لي بقات رجعتك على جال ماعندك بيها وين تبقي برا راهي باينة واش صرا معاك وشارع راكي تعرفي ما يرحمش بقيت نشوف معاه نستنى واش حاب يوصل. انا حاليا راني خاطب وباقي 6 شهر على عىرسي معا دنيا منجمش نسمح فيها بعد قااع دي لمدة وفي نفس الوقت منجمش نسمح في ولدي لي عندي شحال نستنى فيه. مطلوب واش. مكانش مطلوب خبرتك برك بلي علاقتي معاك من يوم علاقة واجب برك يعني ما تقارعيش نرجعو كي قبل. علاه حنا قبل كي كنا حتى قبل علاقتنا كانت واجب وبس. مايهمش لي يهم راني قلته ونتمنىى تكوني فهمتي راكي في دارك وتصرفي كي لعادة هدا لي عندي قلتهلك تفاهمنا بقيت ساكتة ولا وقف وجا خارج بقيت نشوف مع خياله حتى غاب طلعت لسرير نبكي غطيت روحي حطيت يدي على كرشي غاضتني عمري علاه انا علاقتي بيه كي كانت قبل باه جاي يقولي منولوش كي قبل ملي عرفته ولبرود في علاقتنا الله يسهل من يوم اهم عندي لقيت دار نخبي فيها راسي ونربي ولدي احسن تربية عادي مشي انا اول وحدة مانجحش زواجها بديت نصبر في روحي حتى داتني عيني ورقدت بزااف عياانة نضت مخطوفة سمعت لباب يططب بلقاوي نضت نفتح لقيتها ماني . جيتي عاية من داركم نوضي ديري مرة فطور نصبرو كروشنا بيها لاالة جات لرقاد هي قدامي. محمد وين. قتلك هيااا محمد راه يخدم هيااا . صحا صبري نلبس قعدت واقفتلي عند لباب لبست وخرجت تلاقيت بعجوزتي زاوجة أب محمد متزوج مرتين أم محمد هي زاوجة وين راكي منوضة طفلة دا وين جات. ونتي شا دخلك نوضي طيبي في بلاصتها . علاه كناينك وين راهم قبل لا يخرج قالك ماتخلوها دير والو راهي مريضة. ايااا ريحت بزااف في دارهم بزااف عليها تنوض تحرك روحها شوية درتلها براسي ايه ماعليش راكي نوض ندير ني مليحة والله وتسمع بلي طردني بابا ديرني تحت رجليها بأخص محمد متعلق بيها لدرجة كبيرة تقوله موووت يموووت بعدتلي فت للكوزينة بديت نوجد كي شافتني كملت جابتلي خدمة وحدخرة نفس شي كي نكمل من نجي من ظهري نقسم خلاص عطشت روحت نشرب كي جيت خارجة تلاقيت بيه يبلع فلباب جات تجري هي نطق واش راكي ديري مشي قتلك ماتخرجيش جيت ننطق سبقتني. قتلها والله هي ما حبتش ترتب سقسيها شاف فيا سكت حشمت نقابلها في وجها ونقول بركي ما تكذبي . فوتي فوتي قدامي حطيت راسي وفت ديراكت غسلت يديا وروحت تكسلت ملي حطيت رجلي في دار وانا هاك خدامة عندها كي تشوفه تلعبها تحبني وخايفة عليا.......
5
جا دخل مورايا. انا واش قتلك كي جيت خارج. هي لي جات عندي نوضتني. بلعي فمك ديك يما كون هي نوضاتك كنتي تقابليها في وجها علاه سكتي مااسكتش حشمت نقابلها في وجها.. بلعي كي نكون أنا نهدر نتي تسكتي راكي تسمعي سكت ودورت وجهي كل شي تخلط عليا وزادني الوحم اعصابي قاع تلفو ومانيش نجم نتحكم فروحي خايفة برك كاش ما نغلط معاه فلهدرة ويخرجني برا مرة خرى ماعندي وين بيها راني يتيمة معدود بلي عندي والدين باطل بقى كي لعادة يعاير وخرج ملييت وحدي نضت ڨلبت خزانتي وعاودت لميتها قاع انا اصلن كي طلقنا ماديت والو معايا من غير فاليزة صغيرة كي كملت غلقت خزانتي شعلت تيلي حسيت بوجع في ظهري خدمتني بزااف لعجوز لي ماعندهاش لكتاف والله لا تنذل تاع صح كون تسمع بلي طردت والله نولي نمسحلها حتى رجليها كي كانت فرح مرت خو محمد تدابز معا راجلها و تضرب تلفون دارهم قااع يجو عندها يدوها ويحلفو ماتوليش حتى يدي لعجوز ويروحو يحااولو كنت نغير كي نشوفهم كيفاه مقيمين بنتهم نرد لقلبي ونسكت شفت لباب تفتح حسبته هو لقيتها مرت بوه لولة جاية ناس ملاح مشكلتها ماتجيبش ولااد قاع هاك وصبرت وهي ولعجوز مايتقابلوش عجوزتي شايعة بزااف كي شفتها ضحكت معاها دخلت وبلعت لباب جات رافدة پلا هي نوضي تاكلي متنسيش ماكيش وحدك تاكلي راكي تغذي في طفل داخلك. جيتي في وقتك حتى بزاااف جعت. وعلاه ماهدرتيش سكت مدتلي ناكل. صحيتي يما ماعليش بنتي شاهد ربي لا نحبك كي بنتي لي ماجابتهاش كرشي نتي قلبك بيض وتمشي بنيتك بصح مكتوب طيحك ربي في عايلة ماتقدرش نعمة خالعينهم دراهمهم . والله في دي دقيقة ماتهمني حاجة قاع لي خصني نربي ولدي ونعيش هانية في راسي ماطلبت دراهم ماطلبت قصر طلبت راحة لبال برك. ربي يفتح عليك يا بنتي واعمال بل نيات يعيا ربي ويفرج عليك نتي برك شدي فيه هزيتلها براسي وبديت ناكل. كولي معايا. لا بنتي كولي نتي برك كليت كي كملت نضت نرفد ضربتني في يدي. تكسلي تشو انا نرفد علاه جبتهلك كي بغيتي تنوضي . بصح عيب. عيب راهي فلفراش جمعي عليا. حشمت منها دي جاية ماتحشمش ونيتها صافية منها تعرفو بلي دنيا ماتعطيش على حساب القلوب هي راحت وانا نضت نمشي شوي فشمبرة من بعد روحت تكسلت الاهم راني في داري مستورة مايهمش واش راه صاري معايا ولا لمشاكل لي راني فيهم........
6
فطنت كي سمعت تلفون يصوني حسبته تاعي بصح انا مكانش لي يعيطلي حليت عينيا شفت تلفوني محطوط وطافي درت جيهة لخرة شفت تلفونه تسمى كان هنا بدا يصوني ويعاود كلاني قلبي روحت لقيت مكتوب حبيبي ♥ وحدها قلب وانا كاتبني الدار حطيته مابغيشت يجي يلقاه في يدي وصله ميساج عاود زاوج وثالث عاودت نضت قريت غيل من فوق كي عاد منعرفش لكود عييت ميساج تحت ميساج . علاه ماراكش ترد عليا كي رديت مرتك علاه تجي تخطب فيا انا كي شبعت ع####برا عاودت رديت...... بنت لق### رد عليا فهمني غادي نهبل..... عييت نفتح فيه ماقدرتش قعدت نشوف مصدومة يعني حتى دي على بالها ب يما جرحني ميساج تاعها انا كون كنت حابة طريق يما كانت عندي شحال من طريقة خمس سنين كاملة وانا نحاول نصلح علاقتي بيه كي رجعت واش كنت متوقعة يستقبلني بلورد وشمع ضحكت على روحي حطيته ورجعت لبلاصتي حتى دخل هو. راح طريق رفد تلفونه منعرت شا بدا يدير دور راسه شاف فيا بدا يشوف فيا ومرة يشوف في تلفونه كي شفته هاك عطيته بظهري . مالكي نتي. والو. علاه عطيتيني بظهرك . ماعطيتكش بظهري دورت برك تلفوني شا خربك فيه. ما دورتش بتلفونك انا وماعندي ما ندير بيه. ياااا تسمى ما دورتيش بيه. ايه ما درتش. وهادي شكون. ماعلى باليش. ني نهدر معاك دورت لقيته مدور تلفون وفوطو تاعي فيه انا كيفاه نسيت بيه تلفونه يصور كون تغلط في كلمة السر 3 مرات . منعرت شفت ساعة برك. شفتي ساعة تسمى. واه. خزر فيا نوضي وجديلي قشي ندوش طفى تلفونه حطه ودخل نضت وجدتله حطيتهم فوق سرير وروحت لتاقة نشوف فلجو كان مغيم ومطر خيط من سما تخيلت كون مزالني برا يادرة حالتي كيفاه كانت راح تكون فقت كي عيطلي على سربيتا . رفدتها وديتهاله . حكم. جيبيها. وين نجيبها فوت حكمها عليا. جيبيها منجمش نخرج ستغفرت وفت غمضت عينيا حكم. جيبيها. حكمها محمد. علاه مغمضة عينيك. حكم عليا خليني نخرج حسيت بيه كي حكمها دورت نحوس على لباب حليت عينيا وخرجت..........
7
روحت قعدت خرج لااف روحه رفد قشه وعاود حطه راح للخزنة جبدقش وحداخر على حساب شوفة والقش لي في يده راه خارج فات لدوش لبس وخرج راح وقف عند لمراية يشوف في روحه دار من ريحته على حساب دي الحطة فيها رونديفو ليوم لقاني نشوف معاه انا اصلن نسيت روحي قاع غصت فيه . قولي الله يبارك. علاه أليخاندرو راه قدامي باش نقول الله يبارك ماردش عليا. وين راك رايحة. علاه تحوسي. سقسيتك برك . ماتزيديش تسقسي تسمى. علاه . مكانش علاه دي قتهالك نتي في حدك وانا في حدي ولي راه مخليني مقعدك هنا داك لي راه في كرشك انا غادي نخرج دروك ونتي قعدي تطلبي في ربي على لي راه في كرشك كون مشي هو ربي عالم وين كنتي ولا مع من غادي تكوني طريقك كانت باينة واش هي سكت مارديتش عليه اصلن هدرته تالمو والفت بيها رجعت تجيني عادي قبل واه كنت نبكي وتغيضني عمري بصح دروك خلااص كي يقولهالي تجيني عادي بصح كي نبقى وحدي ونقعد نتفكر في هدرته نلقى روحي نبكي لا إراديا يمكن كي عدت نحبه مانجمتش نحقد عليه مهما يدير حتى وقت تزوجنا عامي لول بزااف عانيت فيه ماكنت نعرف واالو الله غالب مكانش لي يوريلي يما مكانش وبابا عاود زواج مرته بدل ما تعلمني كانت تضربني وتقولي نطردك تقعدي فشارع سبب لي خلااني ضعيفة ونخاف وقت يقولي نخرجك نخاف من شارع وذيوبة لي فيه راح رفد تلفونه شعله غيل شعله صونا رد. الو. علاه واش كاين..... ماتقوليهاش ياك تفاهمنا ليوم.... مشي دقيقة تالية تقوليلي منجمش ... شوفي كي ديري... صحا هاني نستنى في تلفون منك وكوبا. رفد فيسته وجا خارج جبدت مخدة حطيت راسي عليها عاود دخل. بلمناسبة راني رايح نتلاقى معا دنيا مشي زعم تقولي من ولا من غيل مابغيتش نخليها في قلبك تهليلي في ولدي غمزني وخرج بقيت نشوف مع لباب حتى غفيت ورقدت.....
8
مر اسبوعين على رجوعي لدار حالتي من سوء الى اسوء كي يكون هنا مكانش لي يهدر معايا غيل يخرج يبدو يطلقو عليا في سمهم رجعت كيفي كي لخدامة هنا نخدم ونسكت كي نكمل نشبع سم وهداير يجرحو دي حالة لي ماهندهاش لكتاف كي لعادة نرد لقلبي بصح الى متى وانا هاك ما عليا غيل نرضى ونسكت حتى واذا ضربت طابلة على روحي مطفرة غيل فيا انا راه عندي 3 شهر بلحمل نزيد نصبر شوية غيل حتى يجي ولدي لذي دنيا بلاك هو يعوضني مسحت عينيا كي سمعت لباب ينحل . باين هو شكون من غيره من وقت رجعت لا يحكي معايا ولا معبرني اصلن واصعب من ذلك يبات حدايا يتمعشق طول خمس سنين لي فاتو كنت نستنى كلمة وحدة حلوة منه بصح لقيت منه غيل برود وتجاهل العياط وللضرب وسب عكسها هي مرات نحسدها يااريت يكون معايا كيف ما يكون معاها يا لوكان دقيقة . علاه تشوفي معايا متلفة حاجة في وجهي. ماشفتش فيك كنت نشوف فلباب ونتا دخلت. ممممم صحا نوضي نديك لطبيبة واضح عليك قاع ماروحتيش عندها ماخلاانيش حتى نرد هيا راني نستنى فيك وخرج نضت غسلت وجهي فتحت خزانتي قبل كنت نبقى ساعتين نختار واش نلبس بصح دروك مايهمنيش قااع كنت راح نلبس حجابي كي شفت مطر رجعت جبدت سروال وليكات طويلة لبست بوت تاعي طويل حتى لركبة درت خيماري و جبدت مونطو نفس الشي طوييل رفدت صاكي درت فيه تلفوني وخرجت لقيته عند لباب فتحت لباب وركبت بقى يشوف معايا . واقيلة الوحم اثر عليك لدرجة خارجة هاك. علاه اول مره نخرج هاك موالفة. دي قبل ولي بدلي ولل مكان لا طبيبة لا والو. شوف انا باه لبست حتى خرجت عمري باه تقارعلي نولي دي متصراش لا نزلت دروك والله ما نرجع ولبسة راهي مستورة جابلي ربي بقى يشوف معايا. فتحي نشوف واش لاابسة تحت مونطو. علاه نفتح ماغاديش نمشي فاتحاته. خبط فولو وقلع طريق كامل جابها سب ومعاير سيكيلااسيو مالقينا حتى كي نفوتو بلكشفة باه وصلنا
9
وصلنا ڨارا لوطو نزلنا ودخلنا لقيناها تلم في سوالحها وخارجة كي بقى يهدر معاها قبلت تشوفني هو خرج وانا نحيت مونطو و طلعت ليكات طلعت فوق داك سرير جات بقات تشوف فيا ومنعرت شا تشوف خرجت وعاودت دخلت بقات تشوف من بعد شافت فوحد وراقي في يدها عاودت شافتني قاع من جديد . شافت فيا شحال عندك حمل . 3 شهر . روحتي قبل لطبيبة شافتك. لا نتي اول وحدة نجي عندها. كان لاازم تروحي علاه تهملو رواحكم هاك حتى يكبر طفل في كرشكم. علاه واش كاين ولدي راه مليح. شوفي غادي نزيد نديرلك فحوصات ونتأكد قبل لا نقولك ونتي على 15 يوم رجعيلي وديك دقيقة نقدر نحكي معاك بلاك يكون فيها خير. قصدك حاليا مكانش خير. مانجم نقولك حتى حاجة مهيم ريحي روحك دي 15 يوم نضت لبست قشي. ماذا بيك ماتقوليله والو . شكون. راجلي راه عند لباب علاه مانقولش مانيش حابة نقلقه ديري فيا خير ماتقوليلهش. صحا اذا راكي حابة مانقولش ماراحش نقول . ايه ماذا بيك صحيتي ختي. بلا مزية مهيم متعبيش روحك وصاي وصاتني عطاتني داك وخرجت لقيته يستنى فيا. واش قاتلك. حتى حاجة. كيفاه حتى حاجة ونتي ساعتين داخل وهي داخلة خارجة . حتى حاجة بيك قاتلي راه مليح وعلى 15 يوم رجعيلي. مممم مليح ونتي. واش انا . واش قالت عليك. يهمك. باينة يهمني راكي رافدتلي ولدي. ولدك راه صفا .. ديك فايدة ولمهم في ولدي هيا تمشي من ماعندك ماتقعدي ديري روحت نمشي قدامه خرجنا فتح لوطو ركبت وجا هو ركب. بقى يشوف. مشي عندكم فترة تتوحمو فيها. ايه علاه. شفتك ماتوحمتي على والو. وين شفتني. ماقلتي حتى حاجة. مشي كي ماهدرتش يعني ماتوحمت على والو. على واش توحمتي مثلا وعلاه ماتهدريش. حتى واذا قتلك ماتقدرش تلبيلي. على ولدي ندير كل شي . ماضنيتش .هدري برك. خلينا ووصلني لدار عييت. لا هدري. نتا. قولي. ايه قوتلك عليك نتا. كيفاه انا. سقسيتني جاوبتك قتلك نتا. سكت مازادش هدر كمل يسوق طول طريق ساكتين انا ماهدرت وهو ماهدر وصلنا نزلت حسبته مقلع حتى شفته حبس لوطو ونزل معايا مشي من عادته مادرتش عليه دخلت قبله تلاقيت ب سلاافاتي فرح واميمة وجيهان بيناتهم في 3 جيهان لوحيدة لي نحسها تحبلي لخير هما اصلن كي رجعت ماعجبهمش الحال قاااع جاتني يما تجري تسلم واش قاتلك طبيبة راكي مليحة. حمدالله حمد الله. ايه فوتي لبيتك تسمى ريحي في بيتك راك نجيبلك كاش حاجة تاكليها. جات ماني وين وين تدخل تريح كي نتي تجيبيلها تاكل شكون ينوض يطيب خليها طيب وتاكل. نطقت يما. علااه دو لي راهم قاعدين مقابلينك علاه ماينوضوش هيااا تحركو قدامي هيااا نوضو راهي مريضة هي مالغري ماعندهاش ولااد بصح كلمتها تمشي هنا ناضو يجرو جاتني جيهان سقست عليا واش قاتلي طبيبة من ومن وراحت. جاتني يما حكمتني من يدي . شوفي نتي نهدر معاك حرزي ديري بيها ذراع بيك بيها نجمع عليكم اذا مزالك هنا على جال لي في كرشك برك.............
10
سكت حاولت نفك يدي منها ضرتني بزاف دخل هو يما دارت بلخف. ايه محمد ولدي ونتي كيما قتلك من بيتك ماتخرجيش راك بلخف نديلك حاجة خفيفة ونجيبلك هيا روحي بنتي مسحتلي على ذراعي وراحت بقى يشوف معايا روحت وخليته فت لبيتي قلعت قشي لبست بلخف كان البرد بزااف تفكرت هدرة طبيبة خفت يعني علاه قاتلي ديك هدرة طلبت ربي مايكون غيل الخير تجي فيا وماتجيش فيه هو شربت دوايا نسيته قاع حكمت تلفوني نخرب فيه لقيت نميرو تاع بابا طاحتلي دمعة قاع لي راه يصرا معايا بسبتهم هو ويما مكانش لاازم عليه يسمح فيا وهو على باله شارع ما يرحمش بسبته راح نبقى فلذل وظلم والحقرة وانا مبلعة فمي اذا هدرت ودافعت على روحي وطلبت حقي نطرد البكى ماعنده مايفيد ننضر انا برك مسحت عينيا لي رجعو يحرقوني نجرحو بدموع
لغدوة جات مرت عمهم تعرض لعرس بنتها كي قتله ما حبش نهدر كامل وانا نحاول فيه لا يعني لا شفته دخل بقيت نشوف معاه . ماتشوفيش فيا هاك مانزيدش نهدر قتلك لا. علاه لا مافهمتش. ماتحوسيش تفهمي مكانش خرجة. علاه كيما هاك بصح حرام عليك قاع رايحين. وانا واش دخلني فيهم العرس ميكس وتحلمي تروحي. مانيش رايحة وحدي. شا دخلني فيك نتي ني نخمم في ولدي . ولدك واش دخله فل العرس ميكس مانيش رايحة نطيبلهم ني رايحة نحكم بلاصة برك . والله ماراكي رايحتها وراني حلفت تسمى مكان لاه تزيدي فلهدرة معايا سكت وروحت عطيته بظهري كي حلف خلاص تسمى مافيهاش . حڨاار. عاودي واش قلتي مارديتش عليه غطيت روحي وعنقت مخدتي لحڨار لي تحكي عليه جابك من زونقة كون مشي انا بلا مانهدر باينة وين كانت غادي تكمل عليك وتروحي فطريق دا هو شارع. ماعلى باليش كيفاه رديت عليه قبل كنت تجيني عادي بصح دروك قلقني اي حاجة يقولي هاك. انا كون جيت حابة ديك طريق حاجة ماتمنعني كنت فشارع وكنت قادرة روح لديك طريق ومكانش لي يحاسبني بصح انا مشي هاك نسيق ديار وناكل مرة حلالية وما نبيعش روحي وانا وقت عيطتلك مشي باه اي حاجة تجي تعايرني لا برك خفت على لي في كرشي لا يتمرمد معايا عايلة يما وقت رحت عندهم حتى هما ماحبوش يقبلوني وعمومي طمعو فيا ولاادهم شارع لي تحكي عليه ارحم منكم قاع كيما درتو نتوما كامل كيف كيف ان شاء الله نموووت وقت نولد ونتهنى منكم حقاارين ودورت غميت روحي . هذا قاع على جال ماخليتكش تروحي يا سيدي غيل روحي لا يطردڨلك عرق. مارديتش عليه حسيت بيه كي جا طلع مورايا. شكون ولد عمومك لي طمع فيك . سكت مارديتش كي شافني سكت ناض. ماعليش رقدي دروك رقدي من بعد نتفاهمو مليح. حتى انا مارديتش غمضت عينيا وزاد لوجع رقدت ديراكت.........
يتبع
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺