رواية احببت مطلقة الحلقه الاولى حتى الحلقه العاشره حصريه وجديده على مدونة أفكارنا
 |
رواية احببت مطلقة الحلقه الاولى حتى الحلقه العاشره حصريه وجديده على مدونة أفكارنا
الحلقة 1
طبطب باب
جيهان:اني جاية
فتحت باب تلقاه وليد
جات تسكر باب دفعه عليها
وليد: وش مكيش باغية ترحبي بطليقك
جيهان: ياك طلقنا من شهرين علاه راك تبع فيا
وليد مسها لخدها قالها توحشتك
جيهان بعدتله يدها قالتله واش تبغي مني واش
وليد حكمها خنقها على حيط
وليد: اسمعي راني خطبت لنبغيها مش كيف حالتك ديتك بسيف عليا بسباب ماما وسمعت بلي راكي بحمل
طلقها دات نفس
جيهان: واش راك تخلبط عندي مانيش بحمل
وليد: وجدي روحك نروحو لسبيطار يكشفو عليك اذا لقيتك بحمل ودعي حياتك
بلعت ريقها
جيهان: مانيش رايحة
حكمها من شعر قالها تروحي بارادتك ولا تحبي بغصب
جيهان خافت يضربها: صايي رح نلبس برك
دخلت لبست وخرجت معاه وهي مستة بخوف
داها عند راجل (طبيب نسائي) لانه علبالها بلي رح تهرب اذا راح عيادة خاصة بنساء
قعدت معاه في قاعة انتظار
جاء دورها
وليد: ام يعطولنا
ناضت معاه ودخلت عند طبيب
قالهتلها فرمليا تسطحي حتى يجي طبيب
تسطحت وهي ميتة بخوف
انيس: اهلا
وليد: جبتلك مرتي تشوفها الا بحمل ولا لا
انيس استغرب اول مرة يجيه راجل جايب مرته
دخل ليها ودار ستار
وليد جاتو مكالمة خرج
جيهان شافت وليد خرجت بعدت انيس
جيهان: ربي يعيشك هدا مش راجلي هذا طليقي جايبني باش يعرف اني بحمل ربي يعيشك ماتقولوش اني بحمل نموت والله
خزرلها انيس قالها ريحي مش مليح توتر ليك
حكماته من مازر دياله
جيهان: متهدرش معايا ببرود قلي ايه ولا لا
انيس:بنك لباس بيه تقدري تنوضي
ناضت
جيهان:مراحش تعاوني؟
جاء داخل وليد
مسحت دموعها
وليد:وش ياطبيب اعطيني لبشارة
جيهان:مانيش بحمل قتلك نتا برك مستعجل
وليد:نحب نسمعها من طبيب ياعمري
انيس:مرتك بحمل
خزرتله ودموع في عينيها
وليد:هيا عمري لازمنا نحتفلو بعد هذا لخبر
جات رايحة وهي تبكي حكمها انيس من يدها
خزرله
وليد:وش كاين ياطبيب
انيس:رح تبقى لهن باسكو طفل مهوش مليح
وليد:لا نورمال عادي
انيس جبدها ليه حكمت في يده هي وقالو قتلك لازم تبقى لهن
وليد راح خبرها في وذنها تموتي على يدي نوعدك وخرج قالق
تعريف بالابطال 😍
انيس: طبيب نسائي شباب وعنده غمازات وطويل معروف ببرودة اعصابه عمره 30سنة
جيهان:يتيمة تزوجت من وليد بسباب امه شافتها مرة عجبتها عمرها 25سنة وشابة بصح بسباب تعذيب لتعرضتلو من وليد ولات ديما حزينة وضعيفة
اتفااعلواا بااش نكملها.................
@متابعين @أبرز المعجبين يتبع فرد هنا 👇🔥
حلقة 2#
جاء خارج انيس
حكمتله جيهان يده
جيهان: شكرا
انيس دارلها قالها انا قلت حقيقة لازم تبقاي في سبيطار بنك ماهوش مليح
حكمت بطنها
جيهان: ااا ماله شي خطير قلي
انيس: لا مي لازم تبقاي تحت مراقبة باش متخسريهش
جيهان: بعيد شر
انيس: ايماان
ايمان: واش
انيس: ادي هذي طفلة لجناح لنراقبه انا
ايمان: معليش ارواحي معايا
مشات جيهان معاها
جيهان: ياك مايقدر حتى واحد يفوت لهن
ايمان: لا مدام مايقدر حتى واحد يفوت تفضلي رتاحي
دخلت لقات كامل بكروشهم
قعدت في سرير من تعب رقدت
سمعت في الليل وحدة تعيط
وجع ولادة ناضت شافت
خافت لانه اول مرة تسمع لعياط ديال ولادة
خرجت تجري من ديك بلاصة دخلت فيه
قالها مالك تجري في هذا ليل
عرفت رح يرجعها للبلاصة ديك
جيهان: ندير في رياضة يقولو حامل مليحة ليها رياضة ياك قعدت قدامه دير في حركات رياضية
انيس: ارجعي وديري رياضة لهيه
جيهان: لا كاين ياربي واش هو لكاين ايه كاين ذبان
انيس: واش ذبان؟؟
جيهان: مقتلكش انا عندي حساسية من ذبان هذا يأثر على بني
انيس: اه ربي يصبرني راح ومشى وخلاها براحتها
قعدت على كرسي
هو دخل يولد وحدة
جاء عاقب شافها راقدة على ذاك كرسي
رفدها وداها لمكتبه وحطها على سرير ليكشف عليه
ناضت صباح قابلها وجهه وهو يخدم
عيطت ااا شراني ندير لهن نتا جبتني لهن باين والله ماتحشم استغلالي طبعا طبيب نسائي شايخرج منك
انيس حط راسه على يده
اقالتله ايه ايه اسكت احسن شي مي انا منسكتش غادي نانبلك ضميرك يا منحرف لاعبها سيريو ...
خزرلها حط يده على فمها قالها شفتك راقدة على كرسي رفدتك وجبتك لانه ماقنعتنيش قصة حساسية ذبان اذا تتفكري عرفت متحمليش وجع حوامل مي مرة جاية نرقدك في غرفة ولادة باش ترتاحي
نح يده على فمها
قالها سكتي بصح انا غادي منسكتش غادي نانبلك ضميرك ويهدر كيفها ويعلق عليها وراح وخلاها
ضحكت عليه
راحت لايمان قالتلها باغية نخرج
قالتلها منقدرش نخرجك دكتور انيس كتبك على اسمو لازم توقيعو
قالتلها هاتي ورقة خروج درك نروح ليه
راحت ليه قالتله تقدر تسنييلي على ورقة خروج قالها لا قالتلو علاه راه عندي مشاغل لازم نخرج قالها ممنوع قلت قالتلو نخرج ونرجع وعد قالها لا قاتلو اوف لازم نشم هواء يا حتى مساجين مدايرلهم استراحة وريحة سبيطار منحملهاش قالها انا خارج درك كي نجي اخرجي تعودي تحت عينيا
طلعت في راسها فكرة
يتبع
😍😍
حلقة3#
جيهان: اديني معاك باغية نخرج
انيس خزرلها وضحك : من نيتك نتي
جيهان: نتوحم على خرجة باليز
انيس:لا
جيهان: نتوحم على خرجة حمبوك مغديش نصبر
جاء خارج حكمت في يده
جيهان: مغديش نطلقك
حرك يده لصقت كثر شاف فرمليات يخزرو فيه قالها صايي نروحو قالتلو يااااي مغسي
طلعو مع بعضاهم لطاكسي عيطتله امه
قالها ماتهدري والو
قالتلو اوكي
رفد على امه دار مكبر لانه كان يسوق
ام انيس:الو بني وينك رحت عند بنت لعجبتني باش تشوفها وتتعرف عليها
انيس:ماما اني رايح بصح ماما هذي اخر مرة نروح حبسي ماما مش باغي نزوج وعيب طفلات كل لجبتيهم رفضتهم
ام انيس:عمرك 30 ويكت تتزوج ويكت نشوف ولدك
انيس: مزال حال ماتتستعجليش
ام انيس:روح شوفها غادي تعجبك ومدابيا هدي مرة يكون خبر شباب مش كيف مرات لي فاتو
انيس:ان شاء الله
كوبات عليه يماه
جيهان:علاه مش حب نتزوج
انيس:كنتي تتسمعي علينا
جيهان:اصوات كانت تجيني روحها انا خاطية ديجا نتا كنت مداير مكبر
انيس:والله مش حب نتزوج وصايي زواج سامط
جيهان هدرت مع ولدها قالتلو ياولدي ماتسمعوش هذا يعلمك امور فاسقة طبعا طبيب نسائي واش راح يجيك منو
انيس:عندك عقدة مع طبيب نسائي
جيهان:كنت تتسمع علينا
انيس ضحك:وصلنا
دخلو للمطعم
قالها اقعدي في هذي طابلة قعدت
جيهان:معليش زوج تاكوس
انيس:علاه زوج
جيهان:واحد ليا واحد لبني
قعدت هي تاكل وهو قعد في طابلة بعيدة شوي بصح يشوفها
يسنى في طفلة
جات هذيك طفلة وقعد يهدر معاها
جيهان قاعدة تاكل وتخزر فيه وتضحك لانه مضطر يقعد معاها
كملت ماكلتها وشربت ماء
اشارتله بصبعها جيدة ولا سيئة درالها سيئة
راحت ليه
قالتلو اووو انيس نشوف فيك لهن ولقيت جديد تاني
استغرب هو قالها واش
خزرت لطفلة قالتلها ماتصدقيهش راه كذاب انا خاني وتركني ووعدني بزواج ومتزوجنيش انا درك حامل منه
قالها واش راكي تهدري
قالتلو طفلة كاين منها
قالتلها والله سقسيه ياك جيت معاك انا
مقدرش يكذب لانه صح جات معاه
رفدت طفلة ماء وكباته عليه قالتله رخيس
قالتلها جيهان عمرك ماتامني في طبيب نسائي طفلة قالتلها شكرا وراحت
حكمها من يدها قالها واش
حكمت منديل ومسحتله قالتله انقذتك ههههه من زواج
قالها هبلتي تشوهي سمعتي
قالتلو على اساس هي راها زينة ياك نعرفو حنا واش راهم يهدرو على اطباء نسائيين
حكمها من يدها وجرجرها
♡♡......
حلقة4#
طلعها في طاكسي
انيس:اخر مرة نخرجك
جيهان:مالك تعيط عليا ياك مكنتش باغي تتزوج
انيس:طلبت مساعدتك انا؟!
جيهان:درت واجبي الانساني شفتك تشبه صرصور مغبون
انيس:تفكري هدرتي مكيش خارجة من سبيطار من بعد يوم
جيهان:اصلا مانيش راجعة لسبيطار باغية نروح لداري
انيس:ليكي يومين عندنا واحد ما سال عليك من داركم باين كارهوك ربي امك كيفاه متحملاتك
شافها سكتت خزر ليها لقاها تبكي
جيهان:حبس لهن تعيش باغية نرجع لداري
انيس: اااا
مقدرش يهدر كي شافها تبكي
جيهان:هو يزوروني ويوميا ثاني بصح انا وحيدة لنشوفهم مالغري من صغري ميتين بصح ديما معايا في اي لحظة
هبطت هي وجات ماشية
حكمها من يدها
انيس:اسف والله مقصدتش
جيهان:ربي يعيشك خليني
انيس:خلاص والله مقصدت حالتك اصلا مش مليحة باش تروحي لداى وتقعدي وحدك
مبغاش يطلقها
قلقت
بدات تخبطلو في طاكسيتو
انيس: اوووو متوحشة مايليقش معاك حنية
رفدها ودخلها لطاكسي
طبعا مع ضرب
جيهان:مش حابة نروح لسبيطار حاسة روحي في سجن
فتح طاكسي قالها روحي
بعد ايام رح ترجعي بصح مش مع بنك وحدك وقتها مش غير ماماك وباباك لتعودي تشوفيهم وحدك حتى بنك تعودي تشوفيه
خرجت من طاكسي مقلقة
هو بعد يحسب واحد ثنين
رجعتله
جيهان:علبالك بلي نتا سامط
انيس:اول مرة نشوف مسجونة ترجع لسجن بارادتها
جيهان:تقدر تمشي ونتا ساكت
ضحك وقالها اوكي
وصلو لسبيطار
وصلها للبلاصة
جيهان:انا حابة نطمن على بني
انيس: متخافيش
جيهان:قلت انا حابة نطمن عليه
انيس:صايي الحقيني عنيدة يااااه
راحو
تسطحت فوق سرير
جاء رح يديرلها مادة على كرشها قالتلو لا ندغدغ
قالها في بالك راني نلعب
جيهان:والله نقلع سبيطار بضحك
هو حط مادة هديك بدات تضحك
محبستش حتى دموع صبوا
انيس:شوفي بنك
خزرت
جيهان:هدا هو ياعمري ياحبيب ماما نتا او يسمع فيا ياك
انيس:واه
جيهان حطت يدها على يده باش تحرك الالة هديك هو قعد يخزر في يدها
مش مركز مع هدرتها
جيهان:يهبل وكتاه تكبر برك
انيس فاق روحه نح يده وقالها خلاص تقدري تنوضي
ناضت
قالتله شكرا وخرجت
انيس:شصايرلي انا ياربي اووووف
جاه صاحبو سند
سند: دخلت في بنت كانت خارجة من عندك شكونها
انيس:مريضة عندي اسمها جيهان
سند:ماهيش مريضة جيت عاقب خبطتني قالتلي اعتذر بسيف
كنت رح تقتلي بني ومنعرف شاه نعرف عوايد اطباء نسائيين
انيس:هههههههه عقدة اطباء نسائيين
يتبع 😍😍😍............
حلقة5#
قعدت في سريرها وتسطحت سمعت وحدة تعيطلها
امينة:مدام معليش مدام
جيهان: وش اختي كشما تحتاجي
(امينة حداها في سرير في سبيطار)
امينة: معليش تجيبلي هداك ساك طاحلي اسمحيلي مش قادرة نتحرك
جيهان: معليش ريحي جابتهولها تفضلي
امينة:شكرا
جيهان:بلا مزية كشما تحتاجي راني لهن
امينة: متعب حمل راني قريب نزيد عييتك معايا
جيهان:واو مستنية نولي هك
امينة:علاش راكي في سبيطار من درك
جيهان:راني مريضة شوي حمل مش ثابت هكا قالولي
امينة: ييي يعني مطولة هنا وراجلك غادي يتوحشك
جيهان:لا ااا انا معنديش راجل
امينة عيطت :حوجي درتيها في لحرام
دارولها كل لكانو قاعدين تم
قالتلها لااا قصدي مطلقة
امينة:اااا ديزولي اختي
جيهان: نورمال
امينة قعدت تحكيلها على راجلها واحوالها زوجية
حتى صونا تليفون امينة
امينة:شفتي هاو صونا ميقدرش يقعد بلا بيا
جيهان:ربي يخليكم لبعضاكم
خرجت جيهان تمشي شوي
شافها انيس خارجة راح حكمها
انيس:وين وين ممنوع خروج
جيهان:مليت حنتنفس شوي زيد قعدتوني حذا وحدة غبتني بالعسل تاع راجلها
راجلي يديرلي ويجيبلي باغيين تخلوني نحس اني مانيش بنادم ولا شاه خليني نخرج حمبوك
خلاها خرجت للحديقة ديال سبيطار هو يخزر فيها من تاقة ديال مكتبه
ويضحك
سند:وش نشوف فيك تضحك
غلق تاقة ديراكت
انيس:والو كنت نستنشق في لهواء
سند:وش مالف يوم هدا تديه عطلة شفتك جيت نسقسيك
انيس:مرتاح في خدمة
سند هبط حاجب وطلع حاجب قاله معليش
وخرج
انيس قعد يفكر ويهدر مع روحه
_مقدرتش تعقب نهار بعيد عليها
_ اووووف اخرجي من دمااااغي وبدا يخبط راسه على حيط
جات عاقبة شفاته راحت ليه
جيهان:مالك
هو حسب روحو يتخيل مردش
بقى يخبط في راسو
جيهان: اصبر دقيقة جابت ماء وشربت شوي
تفوو تفووو بسم الله بسم الله عليك وسبعتلو سبعة
خزرلها كيفاه دفلت عليه
قالها هبلتي
جيهان:نتا تخبط في روحك على حيط قلت كشما دخلك جن بسم الله بسم الله العياذ بالله
انيس:تنوضي تدفلي عليا
جيهان:هاه كيفاه راح تبرى
انيس:واو علبالك اطباء قاع لازم يقفو احتراما ليك درتي معجزة لازم اي مريض يجي نديرو تفوو تفووو ويبرى بلاصتك مش لهن
جيهان:علبالي بصح الله غالب اك عارف ظروف
انيس:بلاصتك في زبل درك اعذريني نبدل قشي ولا تحبي نبدل قدامك
جيهان ضرباتو: تعرف ماتستاهل والو ان شاء الله تموت طبيب نسائي منحرف
وخرجت
دخلت في سند
جيهان:مالك نتا ثاني نضربك ولا شاه شفتو حنا نساء محترمين مكانش طبيبة رجالية بصح نتوما خماج تموتي على نساء علاه كاين طبيب نسائي قلنالكم دخلو في حوايجنا جاوبني جاوب معندكش جاوب ياك امشي مالا محبسني منه بصح يهدر معايا
سند:يامريضة راكي غالطة حنا اطباء نساء مش اطباء مجانين ونتي لحبستني مش انا
راحت وخلاتو يهدر
--امينة:وين كنتي كنت نحوس عليك
جيهان:نورمالمو مكانش طبيب نسائي لازم نديرو مظاهرات شفتيه كيفاه مداير شعر دقول عمرو ماقصو خير من شعري اووووف اسمع بني تخرج من بطني نحففلك شعرك صلعة مش تخرجلي كيفه نقتلك........
حلقة6#حطت راسها ورقدت باعد في الليل حست بوجع مش طبيعي جيهان: ايييي يما وهي تبكي
جاتها ايمان ايمان:مدام راكي صفا اصبري نعيط طبيب
--ايمان:دكتور سند قاعد هو انيس يدردشو سند:واه
ايمان:كاينة مريضة تتوجع سند:شكون هي دخليها غرفة لولادة درك نجيايمان:لاهي مش في شهرها نظن راها غير في شهر تاني ناض انيس يجري لحقه سند وايمان
انيس:جيهان وش وجعك قوليلي جيهان:نتا طبيب ولا انا حمار يخي رح تقتلولي بني اااي يماا ماما ارواحيلي
انيس:متخافيش وجع عادي يصرا لكل حوامل متخافيش سند:اعطيها دواء وخلاص انيس:بلع فمك نتا مناش نتمسخرو هنا جيهان:متعطنيش ابرة نخاف توجعني انيس:مكانش ابرة صايي متخافيش
لازم نفحصوها سند:بعد انيس عليها قاله اخرج
وعطاء لجيهان دواء وخرج لانيس سند:مالك توترت عليها هاك انيس:لا متوترتش عليهاسند:شوف حتى عرق سال معاك انطق متقليش عدت تبغيها انيس دور عينيه في جيهة لوخرى :لا مانبغيهاش من نيتك نتا
سند:حط عينك في عيني وقولها انيس:بعد عليا ويزي تخاريف ديالك ايمان:صايي اي ريحت دروك انيس:رقدت ولا مزالت نايضة خزرله سند سند:نتا شادخلك فيها رقدت ولا لا انيس:سند حبس من تقلقني انا لجبتها لهن وخايف عليها عادي كأي مريضة عندي
سند:واه باين عليك جاء رح يضربه دخلت ايمان في وسطهم ايمان:صايي متتعاركوش مهم مريضة ريحت
راح انيس لمكتبه قعد يفكر فيها ليل كل قال ايمان اذا ناضت ابعثيهالي جاته على تسعة طبطبت باب
انيس:اقعدي .جيهان:مكاين والو في بني ياك
انيس:متخافيش جبدتلك دواء لازم تشربيه اشهر لولة
جيهان:نقدر نخرج درك من سبيطار سند:واه تقدري مدام
ضم يديه انيس قالتلهم شكرا ان شاء الله منجيكمش حتى ولادة سند:متخافيش اذا جاك لوجع مرة ثانية اشربي دواء ورح تطرا عليك تغيرات عادي ديال حمل
جيهان:كيما واش تغيرات انيس:تغيرات وخلاص
سند:يعني كيما يكبار صدرك باش تعودي ترضعي
ترفد يدها وتعطيه كف انيس تفلق بضحك
جيهان:طبيب نسائي وقح روح تربى وخرجت
انيس: تستاهل بردتلي قلبي فيك لحقها انيس
انيس:جيهان جيهان جيهان:واه انيس:باغي نقلك انه يعني جيهان:هانطق طلعلي روحي ومطلعتش كلمة
انيس:تهلاي في روحك يعني نتي متهتميش روحك بزاف جيهان بدات تحس بدوخة جيهان:مالك دور انيس:واش جيهان مالك جابتها في لارض رفدها
ناضت شفاته مقلق انيس:مكيش ماكلة من بارح علاه
جيهان:معجبتنيش ماكلة انيس:باغية تقتلي بنك
جيهان:متهدرش هك بعيد شر عليه
انيس:ايمان جيبي ماكلة لطلبتها منك
جيهان:مش رح ناكل يع قرف حشا نعمة ربي ذبان ويعاف ياكلو حطلها ساشي قدامها قالها كولي فتحتها تلقاها تاكوس جيهان:يااااي كلات منها قالتلو يامييي طيبة
سكر باب مكتب دياله قالتله متقليش مدايرلي فيها منوم وناوي شي قالها واش تفكير انحرافي لعندك باش ميشوفوكش لانه ممنوع ندخلو ماكلة كيما هذي
جيهان:اهااا حسبت شي اخر كملتهم وناضت
انيس:وين جيهان:نروح انيس:متقدريش تخرجي خاصة مع دوخة هدي جيهان:اووووف مليت انيس:هدا لسلامتك طبطب باب سند:افتح باب نحتاجك
انيس فتح باب سند خزرلها:اوووو بلاك نكون ازعجتكم
انيس:حبس من تخاريف ديالك
كنت نكشف عليها جيهان:اني خارجة شكرا
سند حكمها من يدها:شكرا على واش انيس حكمه وضربه
انيس:متزيدش تحكم يدها فهمت
هي راحت تجري لايمان تقلها
سند:علاه منحكمش نحكم ومن يوم نكشف عليها انا
انيس:جرب وتشوف وجهك نخسرهولك
سند:واش دخلك فيها تحبها ااا جاوب
انيس:ايه نحبها نحبها ريحت دروك
تحضن سند انيس وقاله اسف انيس:وانا تاني
جات داخلة جيهان مع ايمان لقاوهم متحاضنين
ايمان:وين راهم يتعاركو بالعكس اول مرة نشوفهم متحاضنين جيهان:والله كانو يتعاركو حابين يطلعوني كذابة اطباء نسائيين كذابيين اخخخ تفوه وخرجت
سند:ربي يعينك على ماابتلاك . انيس:ههههههههههه.........
حلقة7#
قعد يريح في مكتبه
انيس:اوووف واش قتله
شاف تليفونه يصوني
رفد
ياسمين: ااا عدت تخبي عليا انطق انطق شكون هدي لدات قلبك
انيس:ههههه عرفتي وصايي وجابولك لخبر
ياسمين: ااا حمدلله راني مدايرة رقابة عليك
انيس: سند هداك دقول مراءة كلمة لنقولها تلحقلك في دقيقة
ياسمين: هههههه شكون قول
انيس: والله مكاين شفت سند هداك ميت على ايمان علباله بلي ايمان تحبني بغى يلصق فيا اي بنت جات باش تخلاله ساحة هو ايمان
ياسمين: اااا شوف رخيس انا قلبي طاح كي قالي وخفت
انيس: لا متخافيش
ياسمين: ايا نخليك شوي باعد نعيطلك باسكو توحشتك
انيس: مام انا توحشتك
كوبات عليه
-- امينة: اااااي اااااي اوووووف
جيهان: مالك امينة
امينة: عيطي لطبيب
جيهان:ماتقوليليش رح تولدي حوووجي اصبر بني مزال عليك وقت
امينة: عيطي لطبيب مزال عليك وقت
راحت تجري عيطت لايمان
ورجعت
جيهان: واش هدااا ماء يا ماما ياك مش وقتك علاه مستعجل
امينة قبضت في يد جيهان وبدات تعيط
وجيهان تعيط معاها وتبكي
ايمان: رح تزيد بنات دخلوها لغرفة ولادة
جيهان: وش داك تتزوجي حتى تعودي تعيطي هك علاه عليك يا امينة كنتي متزوجتيش تغبني فيا هك علاه
امينة تعيط وتسب
جيهان:نقدر ندخل معاها لغرفة هديك
فرمليا:نتي قريبتها
جيهان:واه
فرمليا؛واه نورمال تفضلي
--
انيس: هدي رح تزيد قبل موعدها
ايمان:واه قبل وقتها
انيس:لبس ليقو ودخل
قابلاته جيهان
جيهان:امينة ادي نفس ديري اااه واوووف يلا
امينة:ااارب جيبولي لخرا تاع طبيب
جيهان:اوووو جاك اسوء طبيب في سبيطار قاع
امينة خلعت بدات تبكي وتعيط كثر
جاء رح يطل على امينة من تحت
جيهان:يارخيس شاه راح دير ديراكت جاي ليها فرمليا شاه خدمتها هي طل نتا برك قلها واش دير
انيس:بلعي ولا نخرجك
جيهان:ربي يصبرني ويصبرك امينة اختي
انيس:مدام ادفعي بووووس قد ماتقدري
جيهان: مش شايفها في حالة عليها حتى تدفع امينة ريحي نتي ماتدفعي والو وهو شخدمتو يسلك في باطل خليه هو ليدفع
انيس:هااارب اسكتي
شافت فرمليا تمسحله في لعرق
جيهان:علاه راه يعرق ثاني ولا سخن من مناظر لراه يشوف فيها حسيته هو ليزيد مش هي
بدات امينة تتوجع كثر
جيهان:علاااه راها تتووجع هك يا يما
انيس: عمرك ماشفتي مراءة تولد
جيهان:لالا شفت راجل يولد نتا علاه راك داخل لهن اصلا من قبيل مدخل يدك تحت قاعد غير تقلها ادفعي ادفعي راها كل شي ديره وحدها
انيس: حتى نتي علاه راكي لهن شكون لي جابك نشفوك نتي كيفاه تولدي
جيهان: مانجيش عندك و نولد هدي لولة تاني شي كون جيت منك منخدمش هدي خدمة نقرا سبعة سنين طب باش نقابل مراءة وهي تزيد
انيس: خرجوها عليا
جيهان:امينة مش راح تزيد بلا بيا ،،،صح امينة ياك ؟؟
فرمليات مستغربين في عركة لي نايضة
امينة تعيط
انيس:مدام ادفعي مبقاش بزاف
بقاو يتعاركو حتى خرج طفل سلامات
قبض قلبه وضربه باش يعرف راه حي
جيهان: باغيني نضربك متوحش مش شايفه راه لحمة ولسع زايد تضربه
عطى طفل لامه وقال فرمليا خليك معاها وجاء خارج
جيهان: حمدلله على سلامتك ان شاء الله ميجيكش كيما هدا طبيب لزيدك
رجعلها
انيس:مناش عاجبينك
جيهان: عاجبيني خاصة شعر ديالك يقتل تحركه هك دقول كاترينا كيف تتحرك قدامي بنات قاع يجو طايحين
قلق منها وخرج
جات خارجة
لقات سند يمشي
جاء مسكين رح يبدل طريقه
جيهان:اووو سند اهلا وينك غايب
سند:يوم تباني لباس على غير عادة
جيهان:فتاتك وحد مناظر
سند:وين
جيهان:نسقسيك عندك بنت اختك ولا بنت وحدة من لتقربلك
سند:عندي وحدة ماليهاش مرة من زادتت تهبل
جيهان:مالا نتا اكيد لزيدت اختك
سند: نتي رخيسة والله ماتحشمي
راخت تمشي وتضحك في ضحكة شر
ههههههه يتبع.........
حلقة8#
سند:والله هديك بنت مش متربية
انيس:شكون
سند:جيهان نورمالمو نحو الياء وهاء من اسمها وسماوها جان وصايي
انيس:ههههه شدارتلك
سند:قلقتني
انيس: اي عندها فحص درك ومجاتش دروك رايح نشوفها
سند:وصيها تخطيني
انيس:حاضر ههه
خرج انيس يحوس عليها
انيس:جيهان اسناي
جيهان:واه واش تبغي جيت تعتذر
انيس:تحلمي بزاف كان عندك فحص علاه ماجيتيش
جيهان جات ترد عليه تشوف طليقها يهدر مع ايمان
جيهان:اووو يوم ستيلك زين شوفي في مرايا بقات تمشي في انيس معاها حتى ميشوفهاش راجلها وصلت بلاصة ميشوفهاش فيها و راحت تجري
انيس:وين وين رايحة
جاء رح يلحقها جاته ايمان
ايمان:وش وشراك تخزر
انيس:لا ماكاين والو علاه كاين شي
ايمان:ايه جاء واحد يحوس على جيهان قال بلي يقربلها وتعرفه نتا
انيس:دروك نشوفه
راح معاها
وليد:اووو اهلا طبيب تاعنا كيراك
انيس قلق:اهلا وليد وش شايفك عندك كشما خصك
وليد:والله جيت على جال مرتي
انيس:اووو مرتك مجاتش عندكم ؟
وليد بقلقة: لالا
انيس:خرجت من عندنا داك نهار كيفاه نتا راجلها ومتعرفش
وليد: اييي تفكرت قالتلي ريحة لعمتها نسيت شكرا طبيب
وخرج وليد مقلق
ايمان:علاه كذبت عليه
انيس:اوووشت حوسي معايا على جيهان
ايمان:داكوغ
-- سند شاف جيهان تجري
سند: وش جيهان وين رايحة
جيهان: خبيني تعيش خبيني
سند:لقى فرصة للانتقام لقالتهولو
راح داها بلاصة يغسلو فيها موتى
قالها ادخلي دخلت وقفل عليها باب
سند: ريحي شوي درك تلحقي لهن ههههه
جيهان: يا ماما يا ماما عاونيني
وتبكي
خرجوني من هنا مزلت صغيرة باش نموت
--
سند: اهلا انيس كيراك
انيس: ماشفتش جيهان
سند:لا ماشفتش
انيس:وين راحت هدي مهبولة
عييت من تصرفاتها
بقاو ساعة وهو يحوسو عليها
سند ولا ميت بضحك
انيس: حاسك عارف بلاصتها ومخبي
سند: لا مانيش عارف شوفوها كشما عند طبيب تعارك فيه
انيس غمز لايمان
ايمان: سند تخبي عليا انا وماتقليش هكا تخليني نتعب
سند:الا درك نقلك قالتلي خبيني خبيتها في شمبرا غسيل اموات
انيس راح يجري
ايمان:هبلت نتا مش عارف بلي راها بكرشها
سند: اوووو نسيت بلي راها بكرشها والله متبانش
__ فتح انيس عليها باب
لقاها مغمضة عينيها وجها اصفر
انيس:جيهان لباس
جيهان:ربي الله وديني الاسلام
انيس: هذا انا انيس مانيش عزرائيل
جيهان:انيس عمري اول مرة نتمنى نشوفك فيها
انيس: صايي نوضي رفدها وصلها برا باب
جيهان:اخخخخ تفوووه عليك
وجات دايخة في يديه
رفدها داها لبلاصتها قاسلها ضغط لقاه طايح
سند:كيفاه ما ماتتش انا قلت يوم نغسلوها في هديك
ايمان: ياك راهي لباس
انيس :واه ضغط شوي طايح
اقعدي معاها وانا رح نتفاهم مع سند
قعدت معاها
ايمان: مدام راكي لباس
جيهان:ايناس اووو راكي لهن حنونتي قبضت قرصتها
ايمان:ايييي
جيهان: نتي تعيطي يعني راني مش ميتة ياس
ايمان: راكي غاية متخافيش جابك انيس لهن
جيهان: شوفتي شوفتي واش دارولي رمواني في هديك مغسلة الله لا يتربحهم مع اني جامي سبيتهم وجامي لطيحت قدرهم ديما محترمتهم يديرولي هكايا ديما مدايرتله كي خواتي استاذ كاترينا كيف و هداك لي مايحشمش لي معاه جامي علقت عليهم مي نعرف عوايد اطباء نسائيين مايستعرفوش بال.................
الحلقة9#
انيس:مهبول نتا كيفاه ديرلها هك مش شايف بلي راها في حمل ومالزمش ندو على هدرتها
سند: هي بحمل ماهيش مهبولة علاه منديش على هدرتها
انيس: شوف هدي عقلها رايح خلاص طاير ونتا تدي عليها يرحم باباك حبس طفلة عايلتها مايتين وباقيلها غير بنها زيد اقتله نتا وريحها
سند: صايي رح نعتذر منها وعد
انيس: درك قدامي تعتذر منها
سند:اوووف حاضر
دخل لقاوها تبكي ومقلقة وتشكي لايمان
سند:والله غير عدتي تشبهي جعفر جارنا
جيهان: خرجوه عليا حمبوكم ولا اطلقوني عليه
خبط انيس سند قاله يلا
سند:اووف جيهان اسمحيلي والله محسبتكش خوافة اصلا محسبتكش رح ترجعي تحياي قلت تموتي وننفكو منك بصح الله غالب واقع صدمنا مهم جيت نعتذر منك على لدرتو اجبارا من انيس كون جيت هك ولا ماجيت بصح اكي علبالك يبقى على راسي ويانبلي في ضميري ايا قلت نعتذر ونسكته ونتمنى تقبلي اعتذاري
جيهان: لي فهم يفهمني معاه
ايمان: هو يقصد ندير اي شي باش تسامحيني مي ميعرفش يعبر ياك سند ؟
سند:واه اكيد
جيهان: جيبيلي شاورما وتاكوس وكوكا وبيبسي وفانتا فراز وبيتزا ومكسرات وزيدو واش نسيت
سند:واش هذا
جيهان: نسامحك باطل ول اكيد كلو بما يرضي كرشي
سند: ايه ايه كملي
انيس: متنساش تضربهم في دوبل هاذو لحوايج
سند: علاه ثاني
انيس: هي وبنها
سند: راح جورني راح راح الغالي راح
انيس:ههههه تستاهل
-- راح جابلها ماكلة وقعدت تاكل في مكتب انيس
هي وانيس وحدهم
انيس:كولي بصحتك
جيهان:انا سامحت سند ماسمحتكش نتا
انيس:داكوغ ههههه باغية ماكلة اخرى
جيهان:لا خلصلي رحلة لمالديف نسامحك
انيس:والله ههههه
جيهان:واه علبالك حاجة انا متاكدة هديك مغسلة اخر واحد غسلوه فيها طبيب نسائي
انيس:هههه علاه
جيهان:هك ديما ميحبونيش عندهم مشاكل معايا
انيس سكت وقالها شكون لميحبكش نتي
جيهان: اوووو بزاف بزااااااف
انيس:ماظنيتش عندك ليكرهوك بصح سؤال محيرني علاه طلقتي
جيهان حطت مغرف من يدها : مكتوب ربي
انيس:بصح يعني مش شايف فيك شي يدعي لطلاق
جيهان بقات ساكتة
مالك ساكتة ازعجاتك هدرتي
جيهان: لا مكاين والو قاعدة نفكر
انيس: في واش
جيهان: كي تكمل هذي ماكلة واش نزيد نطلب منك نظن سندويش وخلاص
انيس: ههههههه انا وين راني ونتي وين راكي
جيهان: لا كنت نسمع فيك كنت تهدرلي على شعرك كيفاه رح تقصو
انيس: عندك عقدة مع شعري ماله
جيهان: شباب هههه
انيس: ديجا كنت نهدرلك على طلاقك
جيهان: بعيد شر علاه انا طلقت
انيس: تعجبني كيفاه تستعملي اسلوب ليكيد سؤال اخير وخلاص اذا مرة حبيتي
قبل مايكمل هدرتو
جيهان: واش من حب مطلقة حرام عليها هذا مصطلح
وناضت
اسمع اشريلي سندويش ولحقهولي للسرير ديالي مع ايمان
رايحة نرقد شوي
😂😂........
حلقة10#
انيس: ايمان هاكي هدا اديه سندويش اديه لجيهان
ايمان: ااا حاضر
كانت كاينة وحدة تعيطلك بزاف وسمها ياسمين قلتلها كي يجي نقله
انيس:اه داكوغ
راحت قعد وعاودلها
انيس : الو ياسمين وش توحشتني لهذي درجة كل ثانية اتصال
ياسمين بلبكاء :واه بزاااف بزاف
انيس: اوووو مالك ياسمين اهدري
ياسمين:تقدر تجيني انيس
انيس:نتي اطلبي برك نجيك حالا
ياسمين:ارواح انيس
انيس:بصح عندك تشوفني امك معاك وتصرا مشاكل
ياسمين: لا متخافش ارواح محتاجتك
انيس: حاضر
ياسمين:مطولش عليا
انيس كوبا لبس فازت دياله وخرج بسرعة
-- ايمان: جيهان هاكي سندويش
بصح ماتكليش لهن كوليه في مكتب ديال انيس
جيهان:واه اني عارفة تعليمات
ايمان خرجت
امينة جات سلمت على جيهان
جيهان:اووو خسارة رح تخرجي دوماج كنا نقصرو ندردشو
امينة:واه واش تبغي ان شاء الله تقومي بسلامة وتجيبيلنا هدا طفل مهبول كيما امه
جيهان: ان شاء الله ونتي تهلاي في بنك وراجلك وهاكي رقمي اتصلي بيا نجي عندك عميرة
امينة: واه اكيد دروك راجلي او يدير في اجراءات خروج حنقعد نسناه حتى يجي
جيهان جاعت رفدت ماكلتها وراحت لمكتب انيس
قعدت فوق سرير ودارت ستار عليها
وقعدت تاكل
سمعت باب تفتح حسباته انيس طلت لقات فرمليا مع راجل في وضع مشبوه
راجل:وش توحشتك ياعمري انا تدلي عليا هك مش حرام عليك
فرمليا تهدر بدلال:مام انا مي دروك مرتك جابتلك بن واش تبغي منك
راجل:نبغيك نتي وعينيك وباس خدها وقالها خدك وباسها لفمها قالها وفمك
وجيهان تشوف فيهم وتضرب في خدها وتقول نندب
قالتلو فرمليا صايي طولت وغادي تفيق مرتك
خرجو مع بعضاهم
جيهان: الله لا يتربحكم سديتو شهيتي
خليتو بني يشوف محرمات
ربي يحرقكم ويحطكم في الدرك الاسفل مع فرعون وجماعتو
خرجت مقلقة من منظر لي شفاتو
--انيس قعد يمشي حتى شاف ياسمين
وشفاتو هي جراو تحضنو بعضهم
ياسمين:توحشتك
انيس: خوفتني عليك واش صاير
ياسمين:تعبانة حاسة روحي وحيدة مكان حتى واحد معايا
انيس:انا لهن معاك متخافيش
ياسمين: من غيرك نتا معنديش والله
¤¤¤
جيهان راحت لسريرها لقات امينة قاعدة تسنى
جيهان:اووو حبي درك ماروحتيش
امينة:راجلي منعرف وين راح من قبيل نعيطلو والو مايريبونديش
جيهان:ماتقلقيش غادي يجي
يتبع.
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺