رواية أحببتك رغم اذيتك بقلم قمر الشام حصريه وجديده على مدونة أفكارنا
 |
رواية أحببتك رغم اذيتك بقلم قمر الشام حصريه وجديده على مدونة أفكارنا
الجزء_الآۆلْ
قصتنا بتحكي عن بنت اسمها حياه عمرا 17 حياة بنت بيضا بعيون سود وشعر طويل متل الليل وجسم معبى
عايشة مع امها واخواتها من ابوها باسل ووائل
باسل الكبير عمرو 27 وهو متزوج من بنت اسما شهد 19 وهو استاذ مدرسة
ووائل الصغير عمرو25 وهو متزوج من بنت اسما وعد عمرا 19 وبيشتغل محامي مبتدأ
طبعا شهد ووعد اخوات تؤام
ام حياه مانها امهم الحقيقة بس هي مربتهم وبحبوها متل امهم واكتر
بتبلش قصتنا لما بتكون حياة قاعدة بغرفتها عم تقرأ بكتابها كالعادة لانها بتحب القراءة بتجي لعندها مرت اخوها وائل( وعد ) بتنادي عليها بتسكر كتابا وبتقلا
حياة: اي وعودة شو بدك قلبي
وعد: اااه ياحياه والله طقان قلبي ومافي غيرك اشكيلو
حياة: خير قلبي شبك احكيلي وائل عاملك شي؟
وعد: لك لا وائل يقبر قلبي مافي منو بس اخي😢
حياة: خير شبو اخوكي؟
وعد: مرتو مجننتو لك ااااخ
وبتحكيلا كل قصتهن
حياة :ييييي يقلبي والله مابصير هيك عم تقولي صرلن متزوجين سنتين
وعد: اي والله الله يخلص اخي منا ع اهون سبب
حياة: طولي بالك بتنعدل
وعد :مارح تنعدل مرت اخي وبعرفا طلع ع لساني شعر وانا بنصحا بس ع الفاضي تقولي عم احكي مع حيط
حياة: الله يهديها
وعد: امين
------------------------
منروح عند بطل قصتنا كنان
كنان شب اسمر بعيون خضر وشعر اسود وبجنن عمرو 27 سنة وهو دكتور اطفال وبكون اخوهن لشهد ووعد نسوان اخوتها لحياه
متزوج من بنت شافها بالعيادة الي بشتغل فيا وعجبتو اسمها ريما
ريما بنت من حيث الجمال جميلة جدا بشرتا بيضا متل بياض الثلج وعيونا وساع وزرق متل البحر وشعرا اشقر متل الذهب وطويل لاخر ظهرا وطويلة ورشيقة بالنهاية ملكة جمااال بس مشكلتها ماعندا حس بالمسؤلية ابدا ولا كانها متزوجة
ع الساعة الستة المسا بكون كنان راجع من شغلو بيدخل ع البيت مابيلاقي ريما وبلاقي البيت مقلوب قلب والمطبخ منظرو بيقرف ومافي اكل لياكلو بعد تعبو بعصب كتير وبيقد يستنا مرتو لترجع
بتشرف الست ريما بعد ساعتين من رجعت كنان
ريما: يييي حبيبي انت هون ليش مادقيتلي لما وصلت
كنان: وين كنتي لهلق يامدام وشو هالبيت هاد بيت ولا مزبلة
ريما: اولا كنت مع رفقاتي وتانيا هاد البيت بدو مين ينضفو وانا ماخرجي ع هيك شي قلتلك جبلي خادمة تشتغل في ماقبلت فتحمل نتيجة عنادك
كنان: بالله شو شو امرتي ست ريما بدك خادمة كم مرة قلتلك مابفوت غرب ع بيتي بعدين انتي لشو مو انتي زوجة ومسؤلة عني وعن بيتي
ريما: يس حبيبي انا زوجة مو خادمة وهلق تشاو بدي ادخل اخد شاور ونام لان تعبت اليوم
كنان : اه والله صحيح تعبتي كنتي بتفلحي لانو والله جاي عبالي اتزوج عليكي وحدة تكون ست بيت واحرق قلبك
ريما : ههههههه ضحكتني انت تتزوج عليي مو لتكون رجال متل هالرجال اول
كنان استفزتو كلمتها
كنان :ولك ياحيوانة انتي طالق طالق طالق
انقلعي ضبي تيابك والله معك عبيت اخوكي خلي يربيكي
ريما بقهر : الله ياخدك حقير واطي
----------------------------
منرجع لحياه
كانت قاعدة وعم تفكر بحكي مرت اخوها
حياه: يالله معقول في رجال بيصبر ع مرتو هيك الله وكيل لو واحد بدالو كان طلقها نيالها شكلو بحبا بس ماعم تقدر حبو اخرتو ينفجر
يييييي الله ياخدني ليش عم فكر بالرجال شوبدي فيه انا لقوم شوف وائل مااجا والله متت جوع
بتطلع لعند اما
حياه: ماما مااجا وائل والله جعت
مريم ام حياه : لا حبيبتي هلق حكت معو وعد شوي وبيوصل دخلي ساعدي نسوان اخوتك بالعشا لبين مايوصل
حياه: حاضر ماما
في المطبخ
شهد : حكالك كنان
وعد : اي والله حكالي ماقصر كان لازم من زمان يعمل هيك
حياه :ع شو عم تتوشوشو انتي وياها
وعد :اخي كنان طلقا للحية
حياه: ياااه يحرام ليش هيك عمل
شهد :لك لاتزعلي حياتو وحياتك بتستاهل وحدة هاملة منشحة منيح الله خلصو منا
وعد :شهود لازم بكرا نروح ننظف البيت لكنان لانو قلي البيت بقرف وفوقا هو مكسر كلشي
شهد: اي والله لازم حياه شو رايك تروحي معنا
حياه : والله مابعرف اسالو وائل وباسل وامي اذا رضيو بروح بتسلا معكن
وعد : وحياتك لتتسلي كتير وغمزتا 😉
حياه مافهمت وطلعت
شهد :وليك كلبة لشو عم ترسمي
وعد : بدي ظبط حياه لاخوكي كنان
شهد : قولك جوازنا بيرضو بكنان
وعد : وليش مايرضو
شهد :شو نسيتي انو اخوكي اليوم طلق
وعد : اي واذا يعني بس لساتو زينة الشباب
بيجي وائل وبيتعشو وبيروح كل واحد بنام
بصباح يوم جديد بيروحو شهد ووعد وحياه لبيت كنان لينضفو طبعا من بعد مااخذو اذن لحياه من اخوها بيوصلو بدقو الباب بيفتح كنان وهو عيونو بالنوم
كنان : اي شبكن شبكن متل مكافحة المخدرات
شهد : اي اخي انت خم نوم شبك كسرنا الباب
كنان لوعد بهمس : مين هي اختي
وعد بصوت عالي : هي بنت حماي اسمها حياه
كنان : اممم تشرفنا انسة حياه
حياه بخجل : شكرا
ببلشو الصبايا شغل ومابخلصو للعصر وبموتو تعب بس بيرجع البيت عم يضج ضج
ــــــــــــــــــــــــــــــــــــــــــــــــــــــــــــ
#احببتك_رغم_اذيتك
#بقلم_قمر_الشام
#الجزء_الثاني
بيرجع كنان جايب معو غدا فروج مشوي
بينادي شهد وعد وينكن تعو خدو الغدا
شهد: ييييي اخي تقبر قلبي والله بدا بعد هالتعب فروج مشوي خليلي قلبك
كنان :يعطيكن العافية والله تعبتو
وعد : كل التعب فدا عيونك اخي
فرشو الاكل وقعد لياكلو طبعا حياه خجلانة وبالزور لقعدوها معن ع السفرة وماعم تاكل كنان حس انا خجلانة فقام
كنان : الحمدلله دايمة وعود لحقيني شوي
وعد : اي اخي جاية تركولي اكل هااا
---------------
بالغرفة التانية
وعد : اي اخي شوفي
كنان :بدي اسالك بنت حماكي هيي مخطوبة او محكي فيا
وعد بخبث : يوووه وليش عم تسال
كنان بأحراج: يعني يعني عم فكر
وعد : تخطبا ؟
كنان : بصراحة اي اعجبتني وناوي اتزوج مافيي ضل بلا مرا صحي اختي شقد عمرا
وعد : عمرا 17
كنان : الله يحميها
وعد : امين
يعني فهمني شو اقول لشهد تقلو لباسل منشان نخطبلك ياه
كنان : اي اتوكلي ع الله
وعد : خليلي الفهمان هلق عرفت تختار
رجعو الصبايا ع البيت بعد يوم متعب تحممو ونامو
----------------
بعد كم يوم الكل سهران ماعدا حياه حكت شهد
شهد : باسل وائل مرت عمي بدي خبركن شي
باسل : خير حبيبتي احكي
شهد : بصراحة متل مابتعرفو انو اخي كنان طلق مرتو وهوي حابب يتزوج وطلب مني احكي معكن منشان حياه اذا بتقبلو تزوجو ياها
باسل : استغرب بس اخوكي مطلق واختي لسا بنت وصغيرة
مريم ام حياه: عادي امي ولو مطلق وين المشكلة الرجال مابعيبو شي وخلينا نسال اختك بالاول
وائل: اي اخي وانا رايي متل امي
باسل : لكا ماشي انا فايت اساال حياه
الكل : ماشي
بدق باسل غرفة حياه
حياه : تفضل
باسل : كيفا اميرتي
حياه :اهلين بتاج راسي الحمدلله انت كيفك حبيبي
باسل : الحمدلله يعمري جيت لاخد رايك بشغلة
حياه :تفضل اخي
باسل : اختي كنان اخوها لشهد بتعرفي شي
حياه : اي اخي شفتو يوم الي رحنا نضفنا بيتو
باسل :تمام بتعرفي انو كان متزوج وطلق من كم يوم
حياه : اي اخي حكتلي وعد
كنان : اختي هالشب طالب ايدك ع سنة الله ورسوله شو رايك
حياه بخجل :الي بتشوفو اخي
باسل : يعني ماعندك مشكلة انو مطلق
حياه هزت راسها بمعنا لأ
باسل : الله يسعدك والله كنان مافي منو
تركها بخجلا وطلع بشر الكل بموافقتا واكتر حدا انبسط هيي وعد لان حياه رفيقة روحا وركضت بشرت كنان بالخبر الحلو
------------------------
تاني يوم بيعطو موعد لكنان يجي منشان يطلب حياه
حياه بتكون بغرفتا وحواليها شهد ووعد عم يظبطو فيا لاستقبال اخوهن لبسوها فستان طويل باكمام طويلة باللون الاخضر وتركولها شعرا ع ضهرا مع مكياج ناعم طلعت بتشلل
وصل كنان وحياه ووعد بالمظبخ وعد عم تغلي قهوة وحياه متلبكة وخايفة
وعد : اي حياه شبكي اهدي خليكي ريلاكس
حياه : والله خايفة وخجلانة
وعد :اي شبكي اهدي هي القهوة يلا دخلي
حياه : طيب دخلي معي
وعد :ماشي يلا لحقيني
بتدخل حياه بالقهوة وكنان بيشرد فيا بتوقف قدامو لياخد القهوة وهوي صافن فيا ومابيتنبه لتنكشو شهد
شهد : شبك اخي خود القهوة
كنان : اه اي اي يسلمن
حياه بخجل :الله يسلمك وبتروح بتقعد جنب اما
بيتفقو ع كلشي وبيقرو الفاتحة وبحددو الخطبة وكتب الكتاب بعد يومين والعرس بعد عشر ايام طبعا كنان مستعجل لغاية بنفسو اكيد عرفتو شو هيي اي اي نفس الي ببالكن ليقهر ريما
---------------------
بيجي يوم الخطبة والكل معجوق وعم يجهز
وحياه بتكون طايرررة من الفرح بتلبس فستان سهرة احمر الو نفشة بسيطة وبتعمل تسريحة بسيطة بشعرا ومع مكياج سهرا خفيف بتطلع ملكة جمال والكل بينسحر فيا
بكتبو الكتاب وبيجي وقت يفوت كنان يلبس الدهب بيدخل كنان وعيونو عليا بتسحرو بيحس بدقات قلبو تسرعو وبيقول بقلبو سبحان الي خلقا شو بريئة وحلوة بيوصل لعندا
كنان : مبروك يعروس
حياه :الله يبارك فيك
كنان : طالعة بتجنني
حياه:تسلم وانت كمان
كنان : وانا كمان شو؟
حياه بخجل : طالع كتير حلو
بيلبسو الدهب وبيرقصو سوا وبتخلص الخطبة وكل مين بيرجع لبيتو بضل كنان عند حياه للساعة 1 وبيرجع ع بيتو
---------------------
متسطح بتختو وعم يفكر فيا سحرت قلبو ببرائتها
كنان :يااااه هالبنت شو عملت فيني عنجد حلوة وبريئة متل الاطفال الله يكملها معي وتسعدني واسعدها
وبحط راسو وبينام
-----------------------
اما عند حياه فبتكوون كتير كتير مبسوطة مو قادرة تنام من فرحتها
حياه: اوووف واخيرا صار حلالي ياربي دخيلك سبحانك بيوم وليلة صار زوجي
باينو حنون وصبور الله يكملها معنا
-------------------------
بمرو العشر ايام والكل متلبك ومعجوق وخايفين مايلحقو
وبيجي يوم العرس بتكون حياه عند الكوافيرة عم تجهز حالة بتخلص وبتطلع بتفلج بتتصل وعد بكنان وبتقلو
وعد : اي ياعريس يلا خلصنا تعا خدنا
كنان : ماشي اختي شوي وبجي
ــــــــــــــــــــــــــــــــــــــــــــــــــــــــــــ
#احببتك_رغم_اذيتك
#بقلم_قمر_الشام
#الجزء_الثالث
بيوصل كنان بتكون حياه ووعد ووشهد ناطرينو بينصدم بس يشوفا بيطلعو وبيروحو ع الصالة وبيمر العرس بسلام وبياخد كنان عروسو وبيهرب فيا لبيتو
طبعا غير بيتو القديم ع طلب من حياه بس بنفس حارتو ماغيرا
وطبعا شهد ووعد نشرو خبر زواجو بكل المنطقة ووصل الخير لطليقتو ريما وانجنت كانت متوقعة يتزوج بس مو بعد اسبوعين من طلاقهن وصار تفكر بطريقة لترجع فيا لكنان
----------------
منرجع لعرسانا
وصلو ع بيتن فاتت حياه ووراها كنان
حياه كانت ملبكة كتير ومو عارفة شو تعمل
كنان : نورتي بيتك ونورتي حياتي ياحياتي
حياة بتخجل ومابتعرف ترد
بيقلا
كنان :انا طالع ع الصالون بدلي تيابك والحقيني لنتعشا
بتبدل حياه تيابا وبتلبس فستان عرايسي احمر مابيجي لنص رجليا متل ماقالتلا اما
حياه : ياربي دخيلك كيف بدي اطلع فيو قدامو والله بستحي
اي حياه شبك هاد زوجك خلص قوي قلبك وطلعي يلا واحد تنين تلاتة
بتفتح وبتطلع بشوفا كنان وبيقوم لعندا بيمسك ايدا وبيقلا
كنان : طالعة بتجنني تعي لنتعشا
بيقعدو بيتعشو وبتمضا ليلتهن ع خير متل اي تنين عرسان😶
-----------------------
بصباح اليوم التالي
بتفيق حياه قبل كنان وبتحضر القهوة مع كم قطعة حلو بتاخدهن لعند كنان وبتفيقو
حياه :صباح الخير
كنان :لك ياصباح العسل للعسل يقبرني ربك اي
بتخجل حياه كتير وبتقلو تسلم يخليلي ياك يا تاج راسي
هني بيخلصو قهوتهم بيندق الباب
حياه : هدول اكيد امي واخواتك قوم انت افتح الباب وانا رح بدل تيابي
بيروح كنان بيفتح
مريم ام حياه :صباح الخير ياعريس صباحية مباركة
شهد ووعد :صباحية مباركة اخي
كنان :الله يبارك فيكن
مريم ام حياه :شو وينها العروس
حياه:ليكني امي
بتطلع حياه بتكوون لابسة فستان للركبة عرايسي لونو ابيض مناسب لصباحية العرس
شهد ووعد :صباحية مباركة مررت اخي
حياه بخجل : الله يبارك فيكن
ام حياه بتقول لشهد ووعد يروحو يحضرو فطور وبتقول لكنان ينزل يجيب خبز
وبتسحب حياه ع الغرفة
ام حياه :طمنيني كلشي تمام
حياه بخجل كبير :اي امي اي كلشي تمام
ام حياه :الحمدلله طمنتيني ان شاءالله بتتهني حبيبتي
حياه :الله يخليلي ياكي ماما
بيحطو فطور وبيفطرو معهن وبيروحو كنان بيدخل ع الغرفة وبينادي
كنان : حياتي
حياه :نعم كنان
كنان :تعي يقلبي اشتقتلك
حياه بخجل : امرك
--------------------
بيمضا اسبوع العسل تبع العرس واليوم كنان لازم يرجع يداوم بشغلو
كنان :رح اشتقلك كتير
حياه بخجل:وانا كمان ترجع بالسلامة انتبه لحالك
كنان :وانتي كمان قفلي الباب وراي وماتفتح لحدا غريب ماشي
حياه: امرك تاج راسي
بيروح كنان ع شغلو وهو عم يفكر ياترى رح تطلع حياه متل ريما بس لا لا اكيد مو متلها والا ماكانو شهد ووعد زوجوني ياها
------------------
حياه من بعد ماراح كنان لملمت البيت وعملت متة وتسالي وقعدت دقت لوعد وشهد فيديو وقعدو يدردشو بعد تلات ساعات طفت الموبايل وقامت صارت تحوص وتفكر شو بدا تطبخ لجوزا خطر ببالا ملوخية لانو كنان بيموت فيا هيك قالتلا وعد
طلعت لقيت في فروج بالفريزا وبلشت بشغلا بعد ساعتين خلصت طبخ طلعت ع الساعة كان باقي لرجعت كنان نص ساعة
حياه :ييييي يؤبرني بقي نص ساعة وبيجي دوبي لحق غير منظري المرعب هاد ههههه
دخلت ع لحمام تحممت وطلعت لبست فستان لونو زهر بارد ورفقت شعرا دنب حصان وحطت مكياج خفيف وقعد تنطر كنان
------------------------
دخل بباب البناية شم ريحة ملوخية قال ااااه هلق ع صحن ملوخية عجب مين طابخة بالبناية
طلع وصل ع بيتو فتح الباب لقى حياه واقفة ورا الباب ناطرو وهو فات ورمت حالا بحضنو متل الطفلة الناطرة ابوها وقالتلو اشتقتلك كتير
وحضنا وباسا من راسا
بعدين ركز اكتر وصار يشم
كنان :من لما فتت لبناية شميت ريحة ملوخية بس هلق قويت الريحة لاتقليلي هالريحة الفايحة من عنا
حياه : بابتسامة اي من عنا
كنان :ضما وصار يبوسا لك يقبرني ربك يخليلي ياكي ولك بموت فيكي
حياه وهي عم تضحك ع ردة فعلو : يلا فوت الحمام جاهز اتحمم ع بين ماجهز السفرة وتيابك ع التخت
خلصو واكلو وكنان خلص االاكل وهو عم يستلذ فيو وطاااير عقلو انو مرتو طباخة شاطرة وبقلبو عم يشكر وعد وشهد ع هيك زوجة
-------------------------
مر ع زواجهن شهر وهنن متل السمنة والعسل وحبهن عم يزيد وتعقلو ببعض بشكل كبير وكنان عم بدعي ربو انو مايحرمو من هالانسانة الي حبا بكل جوارحو واحاسيسو
بيوم رجع كنان من شغلو مهموم بدل تيابو وقعد ع التخت قعدت حياه عند رجليه وسالتو
حياه : شبك حبيبي مانك ع بعضك
كنان :اااه ياقلبي مو مكتوب عليي اتهنا ابدا
حياه :خير كنان شغل بالي شبك
كنان: ريما طليقتي
حياة بإنزعاج : شبها
كنان :طلعت حامل
حياه :شوووووووو
كنان :هاد الي صار وعم تهددني اذا مارجعتها مرتي رح تنزل البيبي
حياه بحزن :وانت شو مفكر تعمل
كنان :والله مابعرف تربطت ايديي من جهة مابدي ياها ومن جهة تانية مافيني خليها تنزل البيبي
ــــــــــــــــــــــــــــــــــــــــــــــــــــــــــــــــــ
#احببتك_رغم_اذيتك
#بقلم_قمر_الشام
#الجزء_الرابع
حياه حست بقهر كبير تركتو وراحت تسطحت ع التخت وغطت وجها وصارت تبكي لحقا كنان وصار يقلا
كنان : حياتي كرمال الله ماتبكي وحياه ربي مابدي ياها بس هاد ابني فكري فيا بيطاوعك قلبك يموت طفل صغير قليلي
رفعت راسا وقالتلو
حياه : هئ بس كمان بدا تشاركني فيك وانا مابستحمل وزاد بكاها
كنان ماتحمل ضما لصدور وصار يهديها
كنان :وحياه عيونك رح رجعا كرمال ابني وبس ووعد بس تولد لانهي كلشي وعد بس افهميني مابدي اخسر ابني
حياه :ماشي متل مابدك انا بدي نام شوي
بيتركا كنان لترتاح وتستوعب الي صار وبيدق لاخواتو بخبرهن وبيزعلو ع حياه كتير بس بالنهاية في طفل بريء مالو ذنب
----------------------
بعد اسبوع بيرجع كنان بيكتب كتابو ع ريما وبيستأجرلا البيت الي تحت بيت حياه منشان مايبعد عن حياه ابدا
بيجيب ريما ع البيت وبيجي ليطلع بضمو من ضهرو وبتقلو
ريما: مااشتقتلي
كنان : ريما حركات السخافة هي بلاها انتي بتعرفي ليش رجعتك
ريما بدلع:صح بس بعرفك مابتقاوم جمالي
كنان :هالشي كان قبل بس هلق صدقيني مانك بنفسي ابدا بيتركا وبيمشي
ريما بقهر :معلش ياكنان اخرتك تلين بس هلق مهمتي اطفش الحرباية حياه لازم لاقيلها شغلة ليطلقلا كنان لازم استفرد فيو بس الي
-----------------------
وهيك بتبلش حياه كنان الجديدة يوم عند ريما ويوم عند حياه ويوم الي بيكون عند ريما بيكره حياتو لانها متل ماهي ماتغيرت بنوب ضلت وسخة ومنشحة وبيتا مابينطاق
بيدق تلفون ريما بتكون ناهد مرت اخوها
ريما :هلا ناهد كيفك
ناهد :الحمدلله انتي كيفك
ريما : والله مو منيحة بنوب
ناهد :شبك خير
ريما :ولك مرق شهرين ولازم يكبر بطني هلق شو اعمل بهالمصيبة
ناهد :نحنا اتفقنا ع اساس انو تحاولي تحملي بهالفترة
ريما :طيب شو اعمل اذا مو راضي يقرب مني
ناهد : طيب انا عندي خطة تخلصك من قصة الحمل ومن ضرتك سوا اسمعي .........................؟
ريما :واو ممتازة ولك تقبريني شو ذكية
ناهد :بعجبك ايمت رح تنفذي
ريما :بعد كم يوم
ناهد : تمام يلا انا بدي سكر سلام
ريما :سلامات قلبي سلمي ع اخي والولاد
ناهد : بيوصل
------------------------
بعد كم يوم بتطلع ريما ع الدرج وبتصير بتصرخ بصوت عالي من وجع بطنا بتسمعا حياه وبيرق قلبا عليا بتنزل لتساعدا بتقوم ريما بترمي حالا وبتوقع من فوق لتحت بتخاف حياه وبتدق لكنان
حياه وهي عم تبكي :الو كنان وينك تعا بسرعة
كنان بخوف:شبك حياه صرلك شي فيكي شي
حياه :ريما ريما وقعت عن الدرج عم تنزف
بيجي كنان وبينقلوا ع المشفا
كنان :فهميني شو صار
حياه ببكاء:والله مابعرف كنت كنت عم اشطف سمعت صوتا عم تصرخ نزلت لشوفا قامت وقعت من الدرج والله والله ماعملتلا شي
بيضما كنان وبيهديها وبيستنو الدكتور
الدكتور:استاذ كنان العوض بسلامتك خسرنا الجنين المريضة منيحة بدا وقت لتصحا
بينصدم كنان وحياه بتصير بتبكي ع الطفل
طبعا ريما متفقة مع دكتور بكون ابن خالا باع ضميرو منشان المصاري وظبطلا قصة الاجهاض
بعد ساعة بتصحا ريما بيفوتو كنان وحياه لعندا بتقوم بتصير تصرخ
ريما: يامجرمة ياحقيرة جاي تشمتي فيني بعد ماخسرت ابني بعد ماقتلتي جاي تكفي عليي
حياه بتنصدم وكنان بيروح بيحضن ريما وبهديا وهي بتقلو
ريما : حبيبي كنت موجوعة طلعت صرت صرخ بلكي حدا يساعدني نزلت هيي وصار تزوني ودفشتني عن الدرج وقالتلي بتستاهلي كنان مابدي شوفا مابدي شوفا امانة هي مجرمة قتلت ابني
بتدخل الممرضة بتعطيا ابره مهدأ لريما وكنان بياخد حياه برجعا ع البيت بيقعد وبتقعد حياه جنبو وبتحط راسا ع رجلو
وبتبكي
حياه :كنان لاتسدقا والله والله هي وقعت لحالا انا مادخلني والله هي ليش قالت هيك انا مابأذي حدا بدي اذي طفل صغير وبتنهار كتير
بهديا كنان وبيحضنا وبقلا والله مصدق هسسس حاج تبكي بعرف مالك دخل
بينيما وبيرجع ع االمشفا بتوقفو رفيقتو دكتورة اسما هديل
هديل :مرحبا كنان كيفك
كنان : هلا هديل
هديل :دورت عليك لخبرك بشي مهم بس مالقيتك
كنان : خير هديل
هديل: كل خير الحكي بخصوص مرتك ريما
كنان : شبها صارلها شي
هديل : كنان بعرف رح اصدمك بس انا عملت تحاليل عامة لمرتك ومرتك طلع رحما طفيلي يعني متل رحم الاطفال مافيا تحمل واصلا مافي اي اثار اجهاض عليها
كنان :شو يعني
هديل :يعني مرتك عم تكذب عليك اكيد
كنان هو مصدوم :شكرا هديل شكرا كتير
هديل :العفو هاد واجبي
بيقعد كنان ع الكرسي وبقول العمااا طلعت مااخبثا كيف هيك خدعتني بالتحليل وتحليل ال DIN وقصة الاجهاض العما شو حقيرة بس ماشي ياريما رح كمل معك بلعبتك لشوف شو غايتك
------------------------
بتتخرج ريما من المشفى وبترجع ع بيتا وبتمثل دور المريضة وبتنقهر كتير لان توقعت انو كنان يطلق حياه بس ماطلقا بس قاطعها قدام ريما لمدة اسبوع منشان ماتشك انو عرف حقيقتها
وحياه كانت تنزل عند ريما تساعدة بأمر من كنان وكانت تساعدا بطيب قلب
--------------ــــــــــــــــــــــــــــــــــــــــــ
#احببتك_رغم_اذيتك
#بقلم_قمر_الشام
#الجزء_الخامس
بعد فترة بتكون حياه عم تساعد ريما بتقلا
ريما :ريما من بعد اذنك ممكن موبايلك احكي مع مرت اخي موبايلي مافيو رصيد
حياة : تفضلي
بتاخدو ريما بتخلص وبترجعو
بعد يومين بتحس حياه ع حالة اعراض الحمل بدق لوعد وبتقلا
حياه: وعد تعي لعندي وجيبلي معك تيست حمل
وعد: يااااي يعني انتي حامل
حياه:مابعرف بس ان شاءالله
وعد:اوك نص ساعة وبكون عندك
بتجي وعد وبتعمل حياه الاختبار وبتطلع حامل وبتطير عقلا وبتقرر تعزم اخواتها وامها تاني يوم ع العشا لتخبرهم
وبالليل بتجهز سهرة الها ولكنان
كنان: شو عاملة شو هيك
حياه :كنان طق هديك البلونة حباب
كنان بيطق البلونة وبينزل منا ورقة مكتوب عليها رح نصير تلاتة
كنان :شو يعني هاد
حياه بتأشر ع بطنا بوقف شوي كنان ليستوعب القصة بعدين بيركض ع حياه بيضما وبيشلا وبيلف فيا وبقضو ليلة من العمر
------------
تاني يوم بتكون حياه معجوقة بالطبخ ووعد وشهد عم يساعدوها وخلصو كلشي ووصل الكل وتعشو وانبسطو وبعد سهرو سوا
بنفس اللحظة رن جوال وائل وباسل وكنان طلعو ببعض وضحكو وكل واحد فتح جوالو وبانت علامات الصدمة والغضب ع وجهن رما وائل جوالو وقام هجم ع حياه وشدا من شعرا والكل مو فاهم شي صارت تبكي وبلش ضرب فيا فلتا وبزق عليها قام كنان لعندا طلع فيا جلسا ومسكا من كتافا وصار يهزا ويقلا ليش هيك عملتي اااه قليلي ليش شو عملتلك بشو قصرت معك شووو مسك ايدو وضربا كف هجم عليه باسل وخلصا من بين ايديه وقلن وقفو لنفهم القصة
كنان :شو بدنا نفهم كلشي واضح
وائل :تفي عليكي فلتانة حطيتي راسنا بالارض ورجع هجم ليضربا بس باسل منعو
وشرحو القصة للكل وانتهت بأنو كنان طلقا لحياه واما ووائل تبرو منا مافي غير باسل وقف معا واخدا وراح
الرسائل عبارة عن صورة ومحادثات لحياه مع شب ومحادثات كتير وسخا
وطبعا حياه مظلومة ومابيطلع منا هيك بس هاد كلو من تدبير الحية ريما
فلاااااش بااااك......
ريما:حياه ممكن جوالك احكي مع مرت اخي
حياه :تفضلي
ريما اخذت الجوال واخذت منو ايميل حياه واعطتة لمهند اخوها لناهد واخترقو جوالا وسحبو منو صور وطبقو محادثات ع كيفهن
وريما استنت لاجتمعو كلن ورمت قنبلتا وصار الي بدا ياه هو طلاق كنان وحياه
------------------
بعد 7 اشهر
كنان وحياه تطلقو نهائي وكنان ضل مستمر مع ريما جكر بحياه رغم انها خدعتو
وائل تبرا من اختو ومنع مرتو تحكيا
امها اسا زعلانة منا ومابتحكي معا
باسل سدقا وماسدق الصور ومرتو شهد مارضيت تضل عندو لهيك تركتو
وعاش هو وحياه ببيتو
ولدت حياه وجابت ولد متل القمر
بعد يومين اجا كنان ع المشفا شافها كانت نايمة متل الملاك حن قلبو الها لساتو بيحبا ومانسيها بس للاسف صدق االصور ومارضي يسمعا
استناها لصحت
حياه :كنان
كنان :اي كنان ياخانوم
حياه بصعوبة : كيفك
كنان :اووووو كتير منيح المهم جاي لقلك بدي ابني
حياه : كيف يعني بدك ابنك
كنان : يعني بدي ياه بدي اخدو
حياه :بس لسا عمرو يومين كيف بدو يعيش بلاي مين بدو يرضعو
كنان :صدقيني انو يعيش بلاكي اشرفلو من هيك،ام بعدين لاتخافي ريما بتربي وبجبلو مرضعة او حليب
حياه وصارت تبكي :ليش هيك بتحكي والله اني مظلومة
كنان :يامسكينة تؤتؤتؤ زعلتيني عليكي
من الاخر صور فضايحك لسا عندي اذا مارضيتي تعطيني ابني رح ينتشرو بكل المدينة
حياه بتنهار وبتغيب عن الوعي بيرتعب كنان وبينادي للممرضة بتجي بتطالعو وبتشوف حياة
كنان بينو وبين حالو كيف هيك بعمل هاد ابنا لسا صغير بس يلا احسن بلا مايربا مع وحدة بلا شرف تفيييي ع الاقل ريما شريفة ولو خدعتني فهي خدعتني لانا بتحبني
بتطلع حياه من المشفا وبتتنازل عن ابنا كرم لكنان وبترجع لتعيش مع اخوا وبتقرر تسجل بكالوريا لتنسا هموما وباسل بيشجعا
.......................
بعد مرور سنة
حياه خلصت البكالوريا بمعدل ممتاز وقررت تدخل بالجامعة بتخصص طب بشري
اما سامحتا وسدقتا ورجعت تحكيا بس وائل لسا ماحن قلبو عليا
شهد مرت باسل رجعتلو وعايشة هي وياه وحياة بس مابتحاكي حياه بنوب
بعد فترة تقدم لخطبة حياه شب بيدرس معا بالجامعة وحياة فورا رفضت لانو لسا قلبا مع كنان بس وصل الخبر لكنان جن جنونو وصار يفكر بطريقة يمنعا تتزوج ودقلا
حياه :الو
كنان :بدك ابنك يرجع لحضنك
حياه :كنان اي اكيد بدي
كنان :معناها بترجعي تتزوجيني وبتصيري خادمة الي ولمرتي وهيك بتضلي جنب ابنك
حياة : .....
كنان : شو قلتي
حياه :موافقة
سكر كنان الخط ابتسم بخبث وقال والله لتشوفي العجايب اصبري بس
حياه وافقت لانو نطف قلبا ع ابنا من وقت ولدتو ماشافتو ع الاقل هيك بتشوفو
بعد اسبوع من الاقناع بباسل تم كتب كتاب كنان ع حياه من جديد
بس هالمرة اخدها خادمة مو زوجة
دخلا ع البيت رماها بالارض قفل عليها وراح ع العيادة
كنان بين وبين حالو ليش هيك عملت ليش رجعت تزوجتا اي اكيد لاني بحبا اي بحبا ومستحيل اسمح لغيري ياخدا انا بفرجيكي بدك تتزوجي من الحقير الي خنتيني معو لخليكي تتمني الموت وماتلاقي
ــــــــــــــــــــــــــــــــــــــــــــــــــــــــــــ
#احببتك_رغم_اذيتك
#بقلم_قمر_الشام
#الجزء_السادس_والاخير
بيرجع كنان ع البيت بلاقي البيت منظف بقول بقلبو ياهيك النسوان يابلا ببرجع بينفض هالافكار من راسو وبيقول بس اذا خاينة شو نفعا
كنان :حياه نزلي لعند الاميرة ريما شوفي اذا بدا شي
حياه :حاضر بس ايمت رح شوف ابني
كنان :بس انا قرر
بتنزل حياه وهي خاطرة مكسور لعند ريما
حياه:بدك شي
ريما :بتنقبري بتقول بتأمري بشي
حياه بقهر : بتأمري بشي
ريما: اي تعي عمليلي مساج لرجلي
وهيييييك بتقضي حياه ايامهاا عند ريما ع خدمة وذل واهانة تغيرت كتير ضعفت وشحب لون وجها كانو صار عمرا ميت سنة وصرلا شهر عندن ماسمحولا تشوف ابنا
كان كنان قاعد اجت قعدت جنبو
حياة: ايمت بدك تخليني شوف ابني
كنان :لسا ماصار الوقت
هون انفجرت حياه
حياه :اي حاج بقا رجعت معك منشان شوف ابني حاج ذل واهانات لو متزوجة كان اشرفلي
كنان سمع هيك وجن جنونو
كنان: لكا يافلتانة بدك تتزوجي الحقير لك نجوم السما اقربلك جاب كرسي وربطا عليه وجاب مقص خافت حياه
حياة :شو بدك تعمل
كنان :بدي قصو لهل شعر الي كان السافل ببتغزل فيه
وبلش يقص شعر قصو كلو وفكا ودفشا برجلو ع غرفة النوم وقفل عليها تركا ورااااح
مر اسبوع وحياه محبوسة بدون اكل او شرب وبلشت تعد ساعاتا
---------------------------
عند وائل ووعد
وعد:وائل خطرت ع بالي فكرا بس لااتعصب
وائل:احكي لشوف
وعد:هلق نحنا مو معنا الرقم الي مراسلتو اختك حياه ليش مامنكشف عنو لمين بلكي حدا مورطها ونحنا ظلمناها
وائل :صرلا القصة سنتين هلق لفكرتي هيك
وعد: والله مبارح فاتنة جارتي حكت هيك قدامي
وائل : الرقم معك مو
وعد :اي قايمة جيبو
وائل اخد الرقم وراح عند صاحبو وكشفو ع الرقم
جمع وائل الكل بما فيهن كنان ببيت اهل حياه
وفرجاهن ورقة الكشف طلع الرقم باسم مين ياحزركن اي ماغيرا الحية ريما
الكل مصدوم ومذهول ماعدا باسل لان كان واثق بأختو
وائل :انا بعترف اني اول واحد شكيت باختي بس كل انسان بيغلط
لو خطرت ببالنا هالشغلة من زمان ماكنا صرنا هون
كنان فاق ع حالو جن وراح ركض ع بيتو فتح وفات
ريما :شو في حب
مالحقت كملت كلمتها الاكان ماسكها ونازل فيا ضرب ضل يضربا لتعب فجأه تذكر حياه
كنـان :يلعن عمري يلعن عمري الي عشر ايام حابسها بدون اكل وشرب اكيد ماتت لاياربي لازم تكوون عايشة بدي اتعتذرلا وصل كنان بدقائق حسهن ساعات فتح عليها كانت بعالم تاني حاول يصحيا ماصحيت معو حملا وراح ع المشفا اسفعوا وقالولو نبضا واقف مستحيل تعيش
بس الدكتور حاول لاخر مرة بصدمات الكهربا جربو اول مرة تاني مرة تالت مرة دق قلبا طلع الدكتور يطمن كنان
الدكتور :الحمدلله رجع قلبا ينبض بس كتير ضعيف وحالتا كتير كتيرر سيئة ممكن يرجع يوقف قلبا برك كنان ع الارض صار يبكي ويصرخ انا السبب انا السبب
---------
الصبح وصلت العيلة كلن ع المشفا وحكالن كنان الي صار
باسل مسك كنان من كتافو وقلو والله اذا يصير شي لاختي لادفنك قبلا عم تفهم
طلعت الممرضة من عندا ركض لعندا
كنان :فيني فوت لعندا
الممرضة:اي بس هي بغيبوبة ممكن تسمعك بس مافيها ترد عليك
دخل كنان لعندا وبرك جنبا وصار يمسح عراسا
كنان:ااااه يقلبي انتي ظلمتك ظلمتك كتير اخدتك وردة مفتحة ورجعتك وردة ميتة سامحيني انعما ع قلبي
بعرف مارح تسامحيني بس كرمال الله ارجعيلي لاتروحي كرم ابنا عم يستناكي دوم بيقول ماما بقلو قول بابا بيرجع بيقول ماما قومي ياعمري وعد لعوضك عن كلشي لساتني بحبك والله بحبك قومي كرمالي وكرمال كرم باس راسا وطلع
طبعا حياه بغيبوبة بس كانت سامعتو بس مو قادرة تعطي اي ردت فعل
-----------
بعد شهر
اليوم حياه فاقت من الغيبوبة فتحت عيونا لقت قداما كنان
طبعا كنان ماتركا كان كل يوم يقعد جنبا ساعات ويعتذر منا
اول شي طلبت تشوف ابنا كرم كان كبران وحليان وبيشبه كنان بكلشي فيو يعني نسخة مصغرة عن كنان هي تاني مرة بتشوفو من لما خلق ضمتو لصدرا وبكيت كتير
تخرجت من المشفا وطلبت ترجع مع بباسل وطلبت الطلاق من كنان وماقبلت ترجعلو
كنان عذرا وقرر يتركا تسامحو براحتا
-------
بعد مرور سنتين
بتكون طالعة حياه من الجامعة بتلتقي بكنان ناطرة وفاتح ايدي بتركض ع حضنو متل طفلة صغيرة بيضما وبيشد عليها وبيقلا ماعاد اسمحلك تبعدي
حياه :اصلا انا ماعاد ابعد اشتقتلك كتير
حياه قررت تعطي فرصة ثانية لكنان ولقلبها لانها بتحبو وماقدرت تنساه ومنشان ابنن كرم يربا بجو العيلة
اما كنان فترك كل الحارة وسكن جنب بيت اهلا لحياه وطلق ريما وهددا ماتتعرضلو بقا
باسل وشهد صار عندن تؤام زياد واياد
ووائل ووعد عندن بنوتة اسما حياه ع اسم عمتا
واما حياه تخرجت من جامعتا وصارت طبيبة طب بشري قد الدنيا
وحاليا حامل بشهرا التاني بس مو مبين شو معا
كتير منكن رح يقول طولت كتير لسامحتو ومنكن رح يقول كيف سامحتو القصة بكل بساطة انو هو صحيح جرحا واذاها كتير واخدت وقت كبير لسامحتو بس هيي بتحبو وفي بينهن ولد لهيك قررت تعطي فرصة ثانية
ــــــــــــــــــــــــــــــــــــــــــــــــــــــــــــــــــ
*النهاية🌹😍🌷*
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺