رواية زمزم قلبي الفصل الحادي والعشرون حتى الفصل الخامس والعشرين بقلم بيان الجارحي مني حصريه وجديده على مدونة أفكارنا

رواية زمزم قلبي الفصل الحادي والعشرون حتى الفصل الخامس والعشرين بقلم بيان الجارحي مني حصريه وجديده على مدونة أفكارنا 

رواية زمزم قلبي الفصل الحادي والعشرون حتى الفصل الخامس والعشرين بقلم بيان الجارحي مني حصريه وجديده على مدونة أفكارنا 

في المشفى عند والد زمزم 

دخل الاطباء بسرعة كبرى إلى غرفته،وحاولوا إسعافه وإنقاذه،بقيوا ساعتان يحاولون إنقاذه بشتى الوسائل والطرق،ولكن ومع الأسف،لم ينجحوا،وانتقلت روحه للذي خلقها.

د.عارف بأسف: ربنا يرحمك،إنَّا لله وإنَّا إليه راجعون 

وخرج من الغرفة،واتصل على إيهاب فورا

=≈===================================

دُهش إيهاب من المتصل،ورد بسرعة،ألجمته صدمة كبرى،فأخوه الوحيد قد رحل للأبدِ.

أغلق الهاتف وجلس على الأريكة بحزن وأسى،اتجهت له إشراق وقالت بقلق: في ايه،مين الي كلمك

رفع نظره إليها وقال بحزن وألم: زياد ما..ت

شهقت إشراق بصدمة وقالت: لا حول ولا قوة إلا بالله العلي العظيم،البقاء لله،هنعمل إيه،ازاي هنقول للولاد

وقف إيهاب بحزن وقال: محدش هيكون نام،روحي صحيهم كلهم وخليهم ينزلوا لتحت

إشراق بحزن وهي تربت على كتفه: حاضر

خرجت من الغرفة بحزن،وتوجهت لغرفة راجح،دقت الباب،فسمح بالدخول،دخلت وأغلقت الباب،وقالت بحزن : راجح انت نايم

نهض راجح ووقف أمامها وقال باستغراب: لا أمي،كنت قاعد بقرأ في قرآن،في ايه،مالك

إشراق بحزن: عمك اتو..فى يا راجح

راجح بصدمة: ايه! مين قالكم 

إشراق: د.عارف،قال لابوك من شوية 

راجح بحزن: ربنا يرحمه،لا حول ولا قوة إلا بالله العلي العظيم،بابا فين،هو كويس

آشراق: بحاول يكون كويس،هو قالي اني اخبركم تنزلوا لتحت كلكم،روح قول لتامر ورؤوف،وانا رايحة اقول للبنات

راجح بحزن: تمام

خرجت إشراق،وراجح من الغرفة وقالوا للجميع بأن ينزلوا للأسفل،نزل للجميع لغرفة المعيشة تحت إستغرابهم 

جلسوا،ثم جاء إيهاب وقال بحزن: بصوا يا ولاد،وخاصة زمزم ورؤوف ونهلة،احنا مؤمنين بقضاء الله وقدره،وانه كل حاجة بتحصل فيها حزن كلها اختبار من ربنا لحتى يشوف مدى صبرنا وتحملنا.

زمزم بقلق: عمو في ايه،حد حصله حاجة؟، بابا حصله حاجة،انا مقصرة معاه،بس بكرة هروح ليه.

نظر لها بحزن واقتربت منها إشراق واحتضنتها وقالت: اهدي يا حبيبتي،واسمعي كلام عمك

إيهاب بحزن: كلنا على الطريق دا،وكلنا جنازا...ت مؤجلة،البقاء لله،زياد اتو..فى

صرخت زمزم بصدمة وقالت: لا لا انتوا بتهزروا صح،بابا بخير،لا هو بخير،ماما قوليلي اته بيهزر،هو مم..تش هو بخير

حاولت إشراق السيطرة عليها ولكن لم تستطع،اقترب إيهاب واحتضنها بسرعة وقال: اهدي يا حبيبتي،اهدي،هو راح لمكان أفضل إن شاء الله

رؤوف بصدمة: يعني ايه! بابا معدش موجود!!!! 

إيهاب بحزن: اهدى يا ابني،كلنا على الطريق دا

اقتربت نهلة منه بدموع وقالت: يعني ايه ياراجح،احنا من كم يوم شفناه وكان بيضحك معانا،قول إنك بتهزر،قول إنه الي خبرك بيهزر معك

احتضنها إيهاب بحزن وقال: وحدوا الله يا جماعة،عارف انها صدمة ليكم،لكن كلنا على الطريق دا،والبقاء لله وحده،فكروا فيها،هتلاقوا انه هو هيكون مرتاح كدا،بعيد عن الوجع،والأدوية وكل حاجة،اصبروا

زمزم بدموع: عايزة اروحله،عايزة اشوفه 

إيهاب بهدوء وحزن: تمام،روحوا اجهزوا يلا

صعدت بسرعة للأعلى،وخلفها الفتيات

اقترب إيهاب بحزن من رؤوف وربت على كتفه وقال: شد حيلك يا ابني،اختك محتاجة ليك،وحد الله،وادعيله

رؤوف بدموع: لا إله إلا الله،ربنا يرحمه

احتضنته نهلة بدموع وقالت: عارفة إنك موجوع يا حبيبي،لكن شد حيلك علشان زمزم

رؤوف وهو يحاول كبت بكائه وقال: إن شاء الله،متقلقيش 

تامر بصدمة وحزن: لا إله إلا الله،ادعيله يا رؤوف

إشراق بحزن: قوموا بدلوا هدومكم علشان تروحوا المشفى

نهلة: مين هيقول لزنود والولاد

إيهاب: انا هروح ليهم أنا وإشراق

صعد الجميع للأعلى،وبدلوا ثيابهم،ثم نزلوا وتوجهوا للسيارات،ثم للمشفى،أما إيهاب وإشراق،فقد توجهوا لمنزل زياد،ليخبروهم بوفات...ه.

=====================================

بعد مرور الوقت 

وصل إيهاب وإشراق لمنزل زياد

صعدوا للأعلى،دق إيهاب على الباب،فتح له أحمد الذي قال بصدمة: عمي؟! 

إيهاب: عايزة اكلمكم بموضوع يا أحمد صاحيين ولا نايمين ولا ايه

أحمد: لا صاحيين يا عمي،ثواني 

دخل أحمد لغرفة المعيشة وقال: ماما،عمو إيهاب ومرات عمي برا عايزين يكلمونا في موضوع مهم

زنود بصدمة : ايه؟!

خليهم يتفضلوا،ارتدت حجابها

ثم نادى أحمد،عليهم

دخل إيهاب ورد السلام،ثم جلس

نظر إيهاب لمازن ثم لأولاد أخيه وقال: للأسف،وصلنا خبر من المشفى إنه زياد ات..وفى،البقاء لله

وقف محمد بثدمة قائلا: ايييه؟؟؟؟!!!! بتهزر يا عمي،قول غير كدا

أحمد بصدمة: ايه؟!

نظرت زنود لمازن بشك وقالت: هو فين 

إيهاب: هو لسا بالمشفى،وزمزم ورؤوف هناك 

وقفت زنود والدموع بعينيها وقالت: ربنا يرحمه،احنا هنروح المشفى ليه،يلا يا ولاد 

إيهاب: عايزين تيجوا معانا،ولا لوحدكم 

مازن: انا هجيبهم. 

إيهاب بجمود: عن إذنكم

خرج إيهاب ومعه إشراق واستقلوا سيارتهم ثم توجهوا للمشفى.

=============================

زمزم قلبي

الفصل الثاني والعشرون

=====================================

وصل الجميع للمشفى،نزلت زمزم بسرعة من السيارة وتوجهت للداخل تبعها رؤوف بسرعة،توجهوا لغرفة الطبيب بسرعة،أذن لهم الطبيب بالدخول فدخلوا 

رؤوف: دكتور بابا فين

اقترب منه الطبيب فهو يعتبره مثل ابنه وربت على كتفه وقال: البقاء لله،الممرضين بجهزوا فيه علشان تاخدوه،عمك قال انكم هتاخدوه وتغسلوه وتجهزوا هناك علشان تودعوه كويس قبل الد..فن،شد حيلك يا ابني

رؤوف بحزن وعجز كبير: ربنا يرحمه،نظر رؤوف لزمزم فوجدها تنظر أمامها بشرود،هادئة،ساكنة،اقترب منها واحتضنها وقال: زمزم،حبيبتي انتِ بخير

قبل أن تجيب،دخل الجميع للغرفة بعد أن استأذنوا،وأخبرهم الطبيب بالذي قاله لزمزم ورؤوف

زمزم بهمس لرؤوف: عايزة اخرج من هنا

وقف رؤوف وقال: عمي إيهاب،معلش هاخد زمزم ونطلع برا

إشراق بحزن: انتِ بخير يا حبيبتي

امائت برأسها إلى الأمام بمعنى نعم،أخذها رؤوف وخرج إلى حديقة المشفى،جلسوا على المقاعد،ونظرت زمزم للسماء

رؤوف بهدوء: زمزم،مالك؟ هادية وساكنة كدا ليه

زمزم بشرود: هو يبقى كدا خير ليه؟ 

اقصد احسن ليه من كل التعب الي كان عايشة 

رؤوف بهدوء: احسن مما تتخيلي

زمزم بدموع: لكنه في الفترة الأخيرة كان بيتحسن 

رؤوف: مش يمكن بعد ما يتحسن ويخرج من المشفى،تسو...ء حالته؟ ربنا أعلم بكل حاجة،لعله خير لبابا ولينا

احتضنها رؤوف وقال: مش هقولك متعيطيش يا زمزم،ولا هقولك متزعليش،لا ازعلي وعيطي واعملي الي تعمليه،لكن عايزك بس تصبري شوية،دا اختبار من ربنا لحتى يشوف مدى صبرك وهو أعلم بمدى صبرك

أسندت رأسها على كتفه وقالت: يمكن مقعدتش معاه اوي،لكن بعده كسر..ني،وخلاني تايهة وضايعة

نزلت دموعها بصمت وقالت: آخر فترة قعدتها معاه،يمكن مش كبيرة لكن اثرها كبير جدا،اتمنيت يفضل معايا وقت أطول

أحس رؤوف بأن ظهره قد كُسر،أحس بأنه عاجز غير قادر على الكلام والحراك،أحس بالوحدة والحزن والألم،لكن قال في نفسه: لازم تصبر يا رؤوف،على الاقل علشان اختك،لازم تصبر،لعله خير،ثم قال لزمزم: ادعيله يا حبيبتي ادعيله 

مر الوقت،إلى أن جاء الصباح

صباحٌ هادئ وساكن،صباحٌ حزين،يغلبه الهدوء والأ...لم،تم الإعلان عن وفا...ة إيهاب،ودف..نه في مقا...بر المالكي،أقيم العز..اء في منزل إيهاب،كان النساء بالداخل،والرجال خارجا

كانت زمزم نجلس بين زوجة عمها وعمتها،وزنود بجانب نهلة،وأثناء ما كانت زمزم تقرأ القرآن بينها وبين نفسها،نظرت لها زنود بشرود وقالت في نفسها: معقول مازن سبب مو..تك يا إيهاب،أستغفر الله العظيم أتمنى ميكونش ليه دعوة اتمنى يارب،لانه زمزم لو عرفت مش هتسيب حق ابوها كدا،ربنا يرحمك يا إيهاب.

مر اليوم الأول بتعبِ على الجميع،بعد رحيل الجميع،دخل إيهاب والشباب ومازن إلى الداخل

نظرت زمزم لمازن الذي اقترب منها واحتضنها بتمثيل وقال بهمس: خلصنا من واحد،واهو ماشيين بالدور يا حلوة،كان كيب اوي،ربنا يرحمه 

صدمت زمزم مما سمعته،ابتعد عنها مازن،ثم احتضن زنود،وقال:مضطر اسافر وارجع أمريكا،البقاء لله يا جماعة،عن اذنكم 

خرج مازن وقال في نفسه: هههه خلصنا من أول واحد،الدور الي جاي على حبيبي إيهاب باشا هههه 

واستقل سيارته،ثم توجه إلى المطار،ثم إلى طائرة المسافرين لأمريكا.

في منزل إيهاب 

قال إيهاب: إشراق،البيت،ولا محتاج تجهيز، لانهم مش هيروحوا إلا لبعد ما يخلص العز..اء

محمد: مفيش داعي يا عمي

راجح بهدوء: محمد،بابا قال كلمة،مفيش بعدها كلام،وهو معاه حق

إشراق: هروح اشوفه انا والبنات،عن إذنكم،خرجت إشراق وبناتها ومعهم تامر إلى المنزل المجاور لمنزلهم،حيث أن هناك من لان يملكهما إهاب،المنزل الذي يجلس فيه،وهو كبير،ومنزلٌ آخر،كان يجلس به هو وأولاده عن مجيء أحد لزيارة بناته او زوجته،أو ينام عندهم أحدى رفيقات بشرى بالعمل.

رتبت إشراق المنزل،ثم خرجت لمنزلها وقالت: البيت جاهز 

وقف أحمد ومحمد وقال أحمد: تسلم يا عمي،ثم أعطاهم إيهاب مفتاح المنزل،خرجوا من منزل إيهاب للمنزل المجاور.

وقفت زمزم بتعب مما جرى اليوم،ومما سمعته من مازن وقالت: هطلع اوضتي أنام..

إشراق بقلق: مالك؟ وشك اصفر كدا ليه،انتِ مأكلتيش أي حاجة من امبارح بالليل 

زمزم بهدوء: معلش يا ماما،انا الحمدلله تمام

نهلة: اطلعي يا حبيبتي،وانا هجيبلك حاجة بسيطة تاكليها مينفعش تفضلي كدا

امائت رأسها بنعم،وصعدت ومعها بنات عمها 

دخلت الغرفة وجلست على السرير،اقتربت منها بشرى واحتضنتها وقالت: عارفة إنك مش عايزة تتكلمي،لكن قومي بدلي هدومك وصلي ركعتين لله،وادعيله بالرحمة يلا،وانا وأزهار وورود كمان هنعمل كدا،يلا يا حبيبتي،نهضت بشرى وقبلت رأسها وقالت: اختبار من ربنا مش أكثر

ثم خرجت هي وأخواتها من الغرفة 

نهضت زمزم وبدلت ثيابها،ثم توضأت وصلت ركعتين لله،ثم رفعت يديها بعد السلام وقالت:اللهم اغفر له وارحمه وعافه واعف عنه وأكرم نزله واغسله بالماء والثلج والبرد ونقه من الخطايا كما ينقى الثوب الأبيض من الدنس

 اللھم أظله تحت ظل عرشك يوم لاظل إلاظلك 

اللهم نور مرقده، وعطر مشهده وطيب مضجعه وآنس وحشته وفرج عنه كربته.وعافه من عذاب القبر وفتنته ووحشته يارب أغفر لأرواح تراها ولا نراها

 اللهم هب له بقدر دعاء الصالحين للأموات رضواناً وأكرمه بفردوسك الأعلى يارب العالمين 

‏اللهّم أمطر على قبره وأجمعنا به في دار لا يفنى نعيمها اللهم آمين

_اللهم اجعل من فوقه نورا ومن تحته نورا وعن يمينه نورا وعن شماله نورا حتى تنقله في نور من نورك. 

_اللهم اغفر لأغلى من غاب عن آلدنيا وارحمه واحشره في زمرة المتحابين فيك وأجعل ملتقانا به في الفردوس الأعلى يا رب آلعالمين. 

_اللهم أغفـر ذنبه وأرحـمه برحمتك يا رب العالميـن، وأرحم كل ميت من أموات المسلمين ليس له من يدعو له.

بكت زمزم كثيرا،ثم سجدت لله تدعوه وتناجيه،فهو أعلم بحالها،وقالت في سجودها: اللهم كن معي وأسندني وساعدني،ربي إنه فراقه صعب،فهون عَليَّ فراقه،واجبر كسر..ي وخفف حزني وتعبي،رباه رجوتك وأنتَ الاعلم بحالي،فاجبرني،وكن معنا في هذه المح..نة،اللهم برحمتك يا أرحم الراحمين.

ثم نهضت وبدأت بقراءة القرآن.

=====================================

من الممكن أن يُصدم البعض ويقول كيف لزمزم بأن تتصرف  هكذا في يومٍ مثل هذا،لن أتعجب،فالبعض يظن بأنه في مثل هذه الأوقات علينا الصياح والنواح،وهذا حر..ام،علينا أن نصبر،لا أقول ليس علينا البكاء أو الحزن،لكن لنضف للحزن والبكاء قليلا من الصبر،والدعاء.

رحم الله مو..تانا ومو..تى المسلمين،وغفر لهم ما تقدم من ذنو..بهم وما تأخر.

=====================================

بالأسفل 

رؤوف: عن اذنكم،هطلع انام

جاءت نهلة ومعها بعض الوجبات الخفيفة وأعطت جزء منها لرؤوف وقالت: كل دول يا حبيبي عاشان تقدر توقف على رجلك،ومتتعبش

رؤوف بهدوء: حاضر،عن اذنكوا

صعد إلى غرفته،وضع الطعام جانبا،وذهب بدل ثيابه ثم توضأ وصلى،وسجد لله وهو يبكي ويناجي ربه،ثم أمسك مصحفه وبدأ في قراءة القرآن.

=====================================

صعد الجميع للأعلى،وتوجهت إشراق ونهلة إلى غرفة زمزم

فتحت نهلة الباب بعد أن أذنت زمزم بالدخول وقالت: حبيبتي صاحية

نهضت زمزم ثم وضعت المصحف في مكانه وقالت: تعالي يا عمتو،انا صاحية

دخلت نهلة ومعها بعض الطعام،وتبعتها إشراق التي احتضنت زمزم بهدوء وقالت: عارفة يا حبيبتي انك تعبانة،بس كل حاجة من الاكل دا علشان متتعبيش 

زمزم بحزن: رؤوف فين؟

هو بخير

نهلة: هو بخير،هو بأوضته 

زمزم: معلش هروح اشوفه وارجع،مش هطول

نهلة: تمام،احنا هنا منتظرينك 

ابتسمت زمزم بحزن،وخرجت لغرفة أخيها،دقت الباب فأذن بالدخول،فدخلت

زمزم بحزن: رؤوف،انت كويس 

رؤوف بابتسامة بعد أن وضع مصحفه جانبا وقال: تعالي يا حبيبتي،انا كويس متقلقيش

احتضنته بحنان وقالت: كنت جاية اطمن عليك،واروح انام،يلا تصبح على خير 

ابتسم رؤوف،وقال: وانتِ من أهل الخير

خرجت زمزم،ثم توجهت لغرفة عمها،استأذنت ودخلت،كان الشباب والفتيات يجلسون عند إيهاب،ويقرأون القرآن

تبسمت زمزم بهدوء وقالت: عمو انت كويس

نهضت بشرى وقالت: تعالي شوفي عمك يازمزم،مش راضي يتكلم ولا حتى ياكل 

اقتربت منه زمزم وجلست بجانبه ثم قالت: عارفة قد ايه انت زعلان وحاسس ب...كسر مش هقدر اوصفه،لكن دا خير من ربنا،ادعيله بالرحمة،وكل حاجة هتكون تمام

إيهاب بهدوء وحزن: إن شاء الله خير

ابتسمت زمزم وقبلت رأسه،فقال: رؤوف فين 

زمزم: متقلقش رؤوف كان قاعد بيصلي،وتركته بياكل،وانت هتركك تاكل،علشان صحتك

أمام رأسه بنعم،ثم نهضت زمزم وخرجت من الغرفة

نزلت للأسفل،وشربت قليلا من الماء وقالت: يا ترى احمد ومحمد عاملين إيه،و...وماما

:بعد كل الي عملوه،ولسا خايفة عليهم

نظرت خلفها فوجدت تامر يقف ويسند ظهره إلى حاجة باب المطبخ ويكمل قائلا: نسيتي كل حاجة عملوها 

زمزم بحزن: مقدرش اشوفهم في حالة زي دي واسكت،لأجل انهم عملوا معايا حجات وحجات محدش يتحملها

تامر: لكن هم مسألوش على عمي لما كان بالمشفى،هيسألوا عليه بعد ما راح

زمزم بتعب: معرفش يا تامر معرفش،انا عايزة اشوفهم 

اقترب منها تامر واحتضنها وقال بابتسامة:حاضر،انا كم زمزم عندي؟

يلا اتفضلي

ابتسمت بوء وخرجت مع أخيها،للمنزل المجاور

رن تامر الجرس،ففتح له محمد الذي قال: اتفضلوا

دخلت زمزم بحزن وقالت: ماما فين؟

جاء احمد وقال: بأوضتها على ايدك اليمين

ذهبت لغرفة والدتها،بينما جلس ينتظر زمزم

=====================================

في غرفة زنود

زنود: مقدرش آجي واسأل عنها الا لمدة اسبوع،ارجوكِ انتبهي ليها 

: هه انتبه ليها؟ وكأنها من دمك،دا بنتك الي من لحمك ودمك معملتيهاش كدا،قفلي يا زنود،ههتم بيها مش علشانك،علشان زياد باشا الله يرحمه

ثم أُغلق الخط

قاطع تفكير زنود صوت الباب،فقالت: اتفضل

دخلت زمزم،فقالت: احم،معلش آسفة اذا كنتِ نايمة وصحيتك

زنود بصدمة من وجودها: لا مكنتش نايمة

اقتربت منها زمزم ثم احتضنتها وقبلت رأسها وابتعدت فقالت: البقاء لله

زنود بصدمة: شكرا

زمزم ببسمة بسيطة وصوت يبدو عليه الحزن: ايه يا زنود هانم،متخيلتيش ولا توقعتي اني اجيلك صح،لكن انا متربيتش كدا،حتى لو مش عايزاني معك،انا جيت علشان اشوف اخواتي ومتقوليش اني مسألتش عنك

زنود: زمزم انا....قعت زمزم حديثها قائلة: الكل انتبه انك مكلمتنيش اليوم،سواء ناس تعرفيهم واعرفهم او لا،مش هطلب منك مبرر،بس خلاص حصل خير،عن إذنك

خرجت زمزم تاركة زنود شاردة في أفكارها.

=====================================

في الخارج

اقتربت زمزم من محمد ثم احتضنته وقبلت رأسه،وهكذا فعلت مع أحمد، ثم قالت: البقاء لله،يلا بينا يا تامر

وقف تامر قائلا: يلا

محمد بتردد وعجز وحزن: زمزم

نظرت له زمزم فقال: ممكن تفضلي هنا،ارجوكِ..

==========================

زمزم قلبي

 الفصل الثالث والعشرون

=================≈===================

أحمد بحزن: هتفضلي يا زمزم؟!

وقبل أن تجب،خرجت والدتها من الغرفة تنظر لها بحزن وألم: افضلي يا زمزم

نظرت لهم زمزم بصدمة ممزوجة بحزن وألم،هل تبقى معهم،أم تتركهم مثلما تركوها في أصعب أوقاتها؟! 

نظرت لتامر الذي اقترب منها وقبل رأسها وقال بابتسامة: افضلي جنبهم يا زمزم،حاسس بيكِ وفي ايه بتفكري،لكن افضلي معهم اليوم دا بس،هم محتاجينك جنبهم،انسي كل حاجة بس للحظة،ثم قال بصوت لا يسمعه الا زمزم: حاسس بيكِ،وانك احتجتيهم وما لقيتيش واحد منهم جنبك،لكن متعرفيش،يمكن جلوسك معاهم يكون خير،وبداية جديدة

أماءت رأسها بنعم،فقال: عن إذنكم يا جماعة،ثم خرج من المنزل

نظرت لهم زمزم بحزن،وخوف،فمن المفترض أن يكونوا لها مصدر أمان من بعد المولى،لكنهم لم يبقوا للأمان سبيل.

زمزم بحزن وهي تذهب نحو المطبخ: اكيد مكلتوش حاجة،هعمل لكم العشا،علشان تقدروا تكملوا ايام العزا..ء

دخلت المطبخ،وجلست زنود بتعب فقال محمد: متوقعتش انها تقعد

زنود بشرود: زمزم مش مثلنا،زمزم قلبها مش مثلنا،مبيعرفش يك..ره او يخاصم

احمد بحزن: وكأنه وفا..ة بابا حصل علشان نصحى من غفلتنا ونوقف كل حاجة،ونبتدي مع زمزم حياة جديدة،لكن هي ممكن تسامحنا،الي عملناه معاها محدش يقدر يتحمله 

زنود بندم: خايفة اوي،زمزم صدمتني برد فعلها،لكن هل فعلا هتسامحنا 

محمد بحزن: في عيون زمزم نظرة خوف،مش مأمنة لينا،حقها

زنود بحزن: معاك حق،حساها مش مرتاحة،وخايفة،خايفة نعيد الي عملناه تاني

قبل أن يرد احد الأولاد،خرجت زمزم ووضعت الطعام على الطاولة أمامهم وقالت: الاكل أهو،أتمنى الكل ياكل،لو احتجتوا أي حاجة انا في غرفتي الي جنب غرفة ماما،ثم ذهبت بسرعة نحو غرفتها،وأغلقت الباب خلفها بالمفتاح.

نزلت دموعها وقالت: يارب كون معايا،يارب،انا حقيقي خايفة خايفة اوي،مش واثقة فيهم،لكن مضطرة ابقى جنبهم في وضع زي دا،يارب ساعدني

=====================================

في منزل إيهاب

دخل تامر ورآه والده الذي قال: تانر،فين زمزم

أخبره تامر بما حصل فقال: عارف انه زمزم خايفة منهم،ومش مامنة ليهم،لكنها لازم توقف جنبهم في وضع زي دا،ربنا يكون معاكِ يا حبيبتي

تامر: آمين،ايه فين الكل

إيهاب: تقريبا كل واحد راح ينام،وانا طالع انام

اقترب منه تامر وقبل رأسه وقال: عارف إنك زعلان على وفا...ة عمي،لكن بردو عارف انك قوي وقادر انك تصبر،شد حيلك،كلنا بحاجة ليك،واهمهم زمزم

ابتسم إيهاب وربت على كتف ولده،ثم صعد إلى الأعلى،وبعد دقائق تبعه تامر

=====================================

: هل انت غبي؟

=لماذا؟

: هل تعلم إن علم أحد بالذي فعلتهماذا ستكون نهايتك؟

=ههه،لن يعلم أحد،لا تقلق 

: راجع نفسك،نهايتك لن تكون كما ألفتها أنت،بل ستكون كما أرادها الله،بمعنى أن نهايتك ستكون هلا..كك 

=هدئ من روعك يا صاح،ما هذا الكلام الذي تقوله،سينتهون وسأعيش بسعادة من دونهم 

: ستنتهي أنت،عن إذنك

==============================

زمزم قلبي 

الفصل الرابع والعشرون 

=====================================

مرت خمسة أيام،وزمزم لم تفارق والدتها،فقد شعرت زمزم بتغير معاملة والدتها وأخوتها.

وهكذا رؤوف،الذي اقترب من أخوته وعزم أن يغيرهم للأفضل بإذن الله.

أما زنود ومحمد وأحمد،فقد استيقظوا من غلفتهم واعترفوا بأنهم كانوا سببا في تدم..ير حياة زمزم،وحاولوا جاهدين التقرب من زمزم،كما شعروا بتقصيرهم تجاه عبادة الله،وقد عزموا على بداية جديدة،خالية من المشاكل مليئة بالسعادة والراحة،راجين من المولى أن يغفر لهم،وأن يحنن قلب زمزم عليهم،ويشكلوا أسرة سعيدة متحابة في الله.

وبالفعل،كما قلت،لقد تغيرت حياتهم وبدأت الأمور تستقر بين الجميع،وبدأت أوامر المحبة بين الجميع تبنى شيئا فشيئا.

وفرح الجميع بهذا التغير،فقد انعكس إيجابا على زمزم،وبدأت نفسيتها تتحسن أكثر وأكثر..وأخيراً،بدأ قلب إيهاب يطمئن على زمزم شيئا فشيئا...

======≈=============================

أما بالنسبة لمازن،فقد كان يخطط لأمرٍ ما،ربما سينجح معه وربما لا..

=====================================

أما راجح وبشرى

فقد كانا يستعدان لمهمةٍ في غاية الخطورة،بالإضافة إلى انشغال راجح بأمر رؤوف وزمزم،خصوصا بعد ثاني مكالمة لأحد أصدقاء رؤوف السابقين مع زمزم ،وتهديدها بأحد الأمور

=====================================

أما إيهاب ونهلة وباقي الأفراد،فقد كانوا بعيشون حياة مستقرة،راجين من المولى أن ينعم على الجميع بالاستقرار والراحة والأمان.

====================================

وبعد الظروف التي حصلت،ووفاة زياد،تم تأجيل عقد قران زمزم وراجح لبعد مرور أربعون يوماً على وفاة زباد،وهذا حسب طلب زمزم.

=============≈=======================

استيقظت زمزم من نومها،على كابوس كان كفيلٌ بأن يوقف نبضات قلبها.

زمزم بخوف ودموع: أعوذ بكلمات الله التامات من شر ما خلق،يارب كون معايا يارب،يارب ما يتحقق الي شفته يارب،مليش غيرك يارب،يارب عدي الايام الي جاية على خير يارب.

ثم نهضت وتوضأت،ثم صلت ركعتان لله،ثم قرأت بضع صفحات من سورة البقرة.

=====================================

كانت زنود تجلس في غرفة المعيشة،تبدو عليها علامات التعب والإرهاق.

خرج محمد من غرفته،فرأى أمه على هذه الحالة،ركض نحوها بسرعة وقال: ماما،مالك،وشك اصفر كدا ليه،انتِ تعبانة

زنود بتعب:متقلقش شكله دور برد 

محمد: احمد،يا احمد تعاله

جاء أحمد بسرعة فقال محمد: ماما تبانة،هي بتقول انه دور برد،بس ابي واضح انه مش دور برد يا احمد،هنعمل

زمزم: في ايه،مالكم

احمد: زمزم،الحقي ماما تعبانة مش عارفين مالها

اقتربت منها زمزم بسرعة وقالت: حاسة بإيه،مالك

زنود بتعب: مفيش يا زمزم،دور برد

وضعت زمزم يدها على رأس والدتها ثم قالت بقلق: محمد،ادخل الحمام،في هناك شنطة جيبها وتعاله بسرعة

نفذ محمد كلام زمزم،ثم قالت: احمد،ساعدني ناخد ماما لأوضتها

ساعدتها زمزم في النهوض،وتوجهوا إلى الغرفة 

ثم جاء محمد،اخذت زمزم الحقيبة منه،وفتحتها ثم أخرجت منها ميزان حرارة،ثم فحصت درجة حرارة زنود

زمزم بقلق: حرارتها عالية اوي،ما اتوقعش الاقي هنا تلج،ثم نهضت وقالت: رايحة اشوف تلج عند عمو،وراجعة بسرعة،حاولوا تكلموها ومتخلوهاش تنام 

خرجت زمزم بسرعة من المنزل،إلى منزل عمها

رنت الجرس،ففتحت لها زوجة عمها التي قالت بابتسامة: زمزم،تعالي يا حبيبتي

زمزم بقلق: ماما إشراق،في هنا تلج صح

إشراق باستغراب: ايوا فيه ليه

زمزم وهي تتوجه للمطبخ: ماما تعبانة وعليها حرارة،وتعبانة اوي

إشراق بقلق: هاجي معاكِ يلا...وفجأة........

=============================

زمزم قلبي

 الفصل الخامس والعشرون

=====================================

ذهبت إشراق مع زمزم للمنزل،دخلت زمزم بسرعة لغرفة والدتها،فلم تجدها على السرير فقالت: احمد،ماما فين

خرجت زنود من المرحاض وقالت: أنا اهو،ثم قالت لإشراق بابتسامة: منورة يا حبيبتي

اقتربت منها إشراق وأسندتها وقالت: بنورك،مالك،ووشك أصفر كدا ليه

قالت زنود بعد.أن جلست على السرير: مفيش،دور برد مش أكثر

زمزم بغيظ: دور برد جامد،مش عادي،ماما إشراق،خليها تجهز نفسها هنروح الدكتور

زنود: بس يابت،اقعدي،انا كويسة أهو

زمزم بغيظ: لا حول ولا قوة إلا بالله العلي العظيم،اهو سكتت،بس يكون في علمك لو فضلتي كدا هجيب الدكتورة لهنا ومش هيهمني،رايحة أحضر الفطار

ضحكت زنود عليها هي وإشراق،وخرجت زمزم ومعها اخوتها إلى المطبخ لمساعدتها في إعداد الفطور 

جلست إشراق على الكرسي بجانب السرير ونظرت لزنود وقالت: قوليلي مالك،تعبك دا مش تعب جسدي ولا دور برد بس،تعبك دا بسبب حاجة تانية قوليلي،مش اتفقنا اننا اخوات 

زنود بحزن: اقول ايه يا إشراق،اقول اني تعبانة وندمانة لاني كنت في يوم من الايام سبب في وجع زمزم،ولا اقول اني ضيعت أيامي وانا بعيدة عن ربنا،ولا اقول انه بعد وفا..ة زياد صحيت من الي كنت فيه وانتبهت لولادي،ولا....توقفت عن الكلام وهي تبكي،احتضنتها إشراق بسرعة وقالت: بس يا حبيبتي اهدي،لعله خير،احنا كلنا جنبك والأهم من دا كله ربنا معاكِ وانتِ معترفة بغلطك،اهدي،وزمزم هتنسى مع الأيام.

بقيت إشراق تقرأ عليها القرآن،وتهدأها إلى أن ايتكانت وهدأت،ابتعدت إشراق وقالت: في حاجة وحدة لسا مخبياها،قوليها علشان ترتاحي اكتر،قوليها لأنها هي الي تعباكي 

زنود بحزن:زياد عنده بنت

إشراق بصدمة: ايه!!! يعني هو متجوز وولا حد يعرف

زنود: وانا مكنتش اعرف،وصدمتي لما عرفت مين الي متجوزها!

إشراق: مين؟

زنود بشرود: آينور!

إشراق بصدمة اكبر: ااييييه،انتِ متأكدة،ازاي،ازاي مقالتش لينا،ولا جابت سيرة لحد،وهي فين ؟

زنود بشرود: اتجوزوا لما كان عمر زمزم 12 سنة،ايوا هو صح.كان تعبان بس دا الي حصل،آينور لوحدها،كانت لوحدها،عيلتها كلها مقاطعاها بسبب طلاقها من مازن،بعد ما نزلت مصر،قابلت زياد صدفة،أو بالأصح كانت متفقه تقابله 

زيادوقتها كان تعبان بس تعبه كان في البداية يعني يقدر يتحرك ويروح وييجي،اتفقوا يتقابلوا وبعد المقابلة دي،اتجوزوا،وبعد سنتين جابوا بنت،ولما تعب زياد وقعد في المشفى،قال لي انه متجوز،وأنه عنده بنت،وآينور قاعدة عند ناس من معارف زياد،وراجح عارف بالقصة دي،لأنه لما زياد قالي كدا،كان قايل لراجح انه ييجي معايا.

إشراق: انا منصدمة بجد،!!!،والبنت فين وآينور هتبقى بعيدة،مينفعش هي من العيلة

زنود بعد أن هدأت قليلا وعاد صوتها طبيعي وقالت بابتسامة: اكيد،هي متعرفش انه زياد قالي،حتى العزا...ء مجاتش عليه،علشان محدش يسألها حاجة،هروح انا وراجح ليها.

إشراق: ايه سبب طلاقها من مازن؟

زنود بحزن عليها: معرفش والله

إشراق بابتسامة حنونة وهي تربت على يدها: خلاص،اضحكي،وانسي كل حاجة،وكل القصص هتنحل بإذن الله.

ابتسمت زنود،وأكملت حديثها مع إشراق.

===========================≈=========

زمزم بصدمة: يعني ايه،بابا لااا وكمان مازن متجوز والكل عارف الا انا،وعندي اخت وو...،لا وراجح عارف كمان!،لازم افهم كل حاجة بسرعة وحالا

ركضت باتجاه المطبخ سريعا وقالت: شباب،رايحة اجيب حاجة من بيت عمو،نسيتها هناك،وبالمرة انادي عليهم يفطروا،ثم ذهبت قبل أن تسمع ردهم.

احمد: بسم الله عليها،مالها

محمد: علمي علمك والله،امشي نقول لماما ومرات عمي انه الفطور جاهز

=====================================

ذهبت زمزم لبيت عمها،دقت الجرس ففتحت لها نهلة،احتضنتها زمزم ثم قالت: بقولك يا نهلة

نهلة بغيظ: ونعم التربية يا قلب نهلة،خير

ضحكت زمزم ثم قالت: ماما إشراق عندنا هناك،لأنه ماما كانت تعبانة،وعمو اكيد هينزل الشغل،ومش معقول الكل ينزل بلا فطار،علشان كدا قوليلهم كلهم يروحوا هناك،ودا أمر من إشراق هانم وزنود هانم.

سمعت صوت إيهاب من وراء نهلة الذي يقول: أمر من الهوانم؟ 

ضحكت زمزم التي اقتربت منه وقبلت يده وردت عليه الصباح ثم قالت: وطبعا،ولازم ينفذ وحالا 

نهلة: رايحة اقول للباقي

زمزم بسرعة: عمتو،تامر وراجح مشيوا ولا لأ ؟

نهلة: لا بجهزوا في نفسهم

زمزم بارتياح: الحمدلله 

نهلة برفع حاجب: في ايه؟ 

صعدت زمزم الدرج وهي تقول: طمني قلبك يا عمتو مفيش حاجة

وصلت لنهاية الدرج من الأعلى،وتوجهت لغرفة تامر،دقت عليه الباب،فأذن بالدخول

دخلت كان رؤوف وتامر وراجح يجلسون وبتحدثون مع بعضهم،وعندما رأوها ارتبك كل من رؤوف وتامر،فقالت برفع حاجب وشك: في ايه؟، عاملين إيه

وقف رؤوف بسرعة وقال: رايح اشوف ماما

زمزم: كانت تعبانة،روح شوفها

ركض رؤوف بقلق،فنظرت زمزم لراجح،ثم نظرت بسرعة لتامر وقالت بغيظ: كنتوا بتعملوا إيه

تامر: شغل

زمزم برفع حاجب: شغل يتطلب وجود المقدم راجح المالكي معكم؟

راجح وهو ينظر للأوراق التي امامه: ايه علاقة راجح بالموضوع،ما انا قاعد في حالي

زمزم بغيظ:  تامر قول لأخوك البارد ما يتكلمش 

تامر بصدمة: ناوية تم..وتي منه،اسكتي يا غالية

راجح وهو يكمل عمله: اعملت ايه 

زمزم بحزن: واضح انه الأمور اتصلحت بينا،لكن في حاجة ماما مخبياها وحضرتك عارفها،ولو نا اعرفتها منكم،وربنا وربنا لاروح على مكان ما يعرفه حد منكم.

=============================

استوووووب يتبع 

بداية الروايه من هنا

🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺

اتفضلوا حضراتكم كملوا معنا هنا 👇 ❤️ 👇 

روايات كامله وحصريه من هنا

وكمان اروع الروايات هنا 👇

روايات جديده وكامله من هنا

انضموا معنا على تليجرام ليصلكم اشعار بالروايات فور نزولها من هنااااااااا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺