رواية سجين الذنب الحلقه الثانيه بقلم الكاتب محمد منصور حصريه وجديده على مدونة أفكارنا
 |
رواية سجين الذنب الحلقه الثانيه بقلم الكاتب محمد منصور حصريه وجديده على مدونة أفكارنا
ولكن ابراهيم يمسك حجر ويحدفه في وش رجب عشان خاطر يعطلة شوية وبالفعل يجي الحجر في وش رجب فيبص رجب للي حدف الطوبة فيلاقي ابراهيم بينط جوة التوك توك ويحاول انقاذ العيل وفعلا ابراهيم مسك العيل وقدر يرمي برة التوك توك اللي كانت سرعتة بسيطة بسبب انشغال رجب بالدم اللي نازل من حاجبة لكن رجب اول ما شاف اللي عمله ابراهيم اتعصب اوي والشيطان بان في ملامحه وهنا
مع باقي الاحداث هتعرفو اية اللي حصل
سجين الذنب
★الحلقة الثانية★
من تاليفي، ،
محمد منصور. ** منص **
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
قبل اللي حصل دة بكام ساعة ومن سوهاج وبعدها باسبوع ومن جوة بيت من الطوب واوسع من بيت زينب
و جنب بيت زينب. تقف زينب ومعها أبنها ابراهيم ومعهم حامد أبو نجلاء خطيبة أبراهيم ويقول حامد
هه اية رايك في البيت. اهو زي ما طلبت جنب بيت الست زينب علي طول يعني مش هاتبعد عنها. وكمان لو حبت الست زينب تقعد معاكم هنا تيجي تقعد ونجلاء تحطها في عينيها
ابراهيم
بس دة باين علية غالي يا عم حامد
حامد
الغالي يرخص عشانك وعشان بنتي نجلاء
ويبص حامد لزينب ويقول
ماتسمعينا زغروطة يا ست زينب
فتزغرط زينب من فرحتها فيقول ابراهيم
بس يا عم حامد انا كل اللي حيلتي حطيتة في العفش ومش معايا دلوقتي حق بيت زي دة
حامد
حق البيت ادفع خلاص
ويخرج عقد البيت من جيبة ويدي لي أبراهيم وقال
ومكتوب باسمك كمان
ابراهيم
بس، ،،،،،،،
حامد
مافيش بس انا بشتري راجل يصون بنتي ومش هلاقي ليها أرجل منك يا أبراهيم كفاية اللي انت بتعملة مع الست زينب واهل زمان قالة اللي ملوش خير في اهلة ملهوش خير في حد. وأهل البلد كلهم شايفين بتعمل اية مع الست
زينب
ابراهيم وهو بيبص لزينب قال
دي امي ودة حقها عليا وانا لو ينفع أديها عينية عشان تشوف كنت اديهم ليها وعن طيب خاطر
فتبتسم زينب فرحا
انت عينية اللي بشوف بيها وفرحتك فرحتي
حامد
ربنا ما يحرمكم من بعض ابدا. والله انا فرحان أن نجلاء بنتي هاتعيش وسطيكم. وطالما بقي البيت موجود يبقي كتب كتابك علي نجلاء يكون اول خميس في الشهر اللي جاي
أبراهيم
لا. مش هاينفع انا مسافر مصر في شغل مع الاسطي بتاعي هانشطب شقة المهندس بتاعنا واحتمال اغيب شهر او اكتر
حامد
شهر بحالة. طيب يا ابني تروح وتيجي بالسلامة والست زينب تيجي تقعد عندنا بقي الشهر دة لغاية ما ترجع انت بالسلامة واهي نجلاء تخدمها
ابراهيم
لا. أمي هاتيجي معايا انا مقدرش اسيبها الوقت دة كلة من غير ما اطمئن عليها
حامد
تيجي معاك فين بس. انت يا ابني رايح تشتغل
ابراهيم
ما انا شارط علي الاسطي بتاعي اني مش هسافر الا وامي معايا وهو اتصرف وشاف لي اوضة صغيرة جنب شقة المهندس اللي هاتتشطب وانا هاسافر بكرة باذن الله وهاخد امي معايا
حامد
يا ابني ولية الشحططة دي ما تخلي امك وسطينا وروح انت شوف شغلك.
ابراهيم
مش هاقدر يا عم حامد ابعد عنها كل الفترة دي. امي لازم تكون معايا وتحت عينية وفي خدمتها،،،،،،،،
ومن جوة احدي العيادات الخاصة والكبيرة يقف رجب قدام باب العمليات مستني الدكتور يخرج وما تعديش كام دقيقة ويخرج الدكتور وهو باين علية علامات الحزن شاف رجب كدة قلق وقال
اية يا دكتور. الواد نزل ميت برضو
الدكتور
عايزك كدة تهدئة وتعرف ان، ،،،،،،،
رجب بحدة مقاطعة له
الواد مات
الدكتور
مع الاسف. زي كل مرة. دي ارادة ربنا ولازم تقبلها
فيهجم رجب علي الدكتور ويمسكة من لاياقة القميص ويبص في عيونة بغضب ويقول
انا ماليش دعوه انا من ساعة ما دخلت المخروبة دي من سنتين. وانت واخد مني 100الف جنية كشف وعلاج وتحاليل وكل مرة العيل ينزل ميت اية اشمعني انا
قال الدكتور وهو يحاول ابعاد ايد رجب عنه
ماينفعش كدة. حاول تتمالك اعصابك
فيخرج رجب مطواة من جيبة ويحط المطواة علي رقبة الدكتور ويقول له
انا عايز اعرف دلوقتي العيب فيك
ولا في المراة اللي جوة واللي هي مش عارفة تجيب لي حتة عيل نفسي في
فيجتمع الممرضين الموجودين في العيادة ويحاولو خلاص الدكتور من ايد رجب ولكن رجب يهددهم قائلا
اللي هايقرب مني هاغرز المطواة في رقبة امة.
الدكتور يشاور للممرضين ان يبتعدوا عنه ويقول له
أسمع انا مش عايز شوشرة في العيادة بتاعتي وانت لولا من طرف الدكتور خيري لكنت عرفت ازاي اخد حقي منك لكن العيب مش فيا ولا في مراتك دي ارادة ربنا
رجب وهو بيقفل المطواة
يعني اية.
الدكتور وهو يظبط هدومة قال
يعني مراتك سليمة 100%100 وماعندهاش اي مرض يمنع ان الحمل يكمل لكن افهم يا بني ادم ربنا مش رايد يبقي ما حدش فينا هايقدر يديك العيل اللي نفسك في
رجب
طيب خد فلوسي كلها ونحاول تاني
الدكتور
برضو مش عايز تفهم. وانا عن نفسي من النهاردة ماليش دعوه بحالة مراتك ممكن تشوف لها دكتور تاني يتابع معها
فيزقة رجب بعيد عنه وهو زي المجنون ويدخل الاوضة المحجوزة فيها مراتة صباح والدكتور باصص ناحيته وبيقول
رايح فين
لكنة ما يردش عليه ويقف في الاوضة ويبص ل صباح اللي كانت نايمة علي السرير تعبانه وبتعيط ومسك شعرها وقال
بتعملي اية في ابني وتخلي ينزل ميت
وقبل اي رد من صباح ينزل رجب بالقلم علي وشها من قوة القلم اتخبطت دماغها في سن السرير الحديد والدكتور منعه من الاعتداء علي صباح وصباح بصت للدكتور وقالت
خلي يضربني يمكن اموت وارتاح
ويبعد رجب الدكتور عن طريقة ويضرب صباح مرة تانبة وتالته وما يتوقفش عن ضرب صباح الا لما سمع صوت امراة في الخمسينات من عمرها ودي تبقي هدي وهي اخت صباح الكبيرة وقالت بصوت يرعب رجب
رجب أيدك واختي
رجب بص لها وقال
انتي
هدي وهي رايحة ناحيتة قالت
اة. اية ما كنتش فاكر اني هاخرج من السجن ولا اية
صباح فرحانة انها شايفة اختها وقالت
هدي. اختي
تروح ناحيتها هدي وتاخذها في حضنها وهي تقول
متخافيش انا جنبك
صباح
بهدلني يا هدي من ساعة ما دخلتي السجن
هدي وهي بتيص لرجب قالت
انا خرجت خلاص ولو فكر يمد ايدة عليكي هاقطعها
بص لها رجب وهو غضبان لكن الغريب انة مش قادر يتكلم وساب رجب الاوضة وخرج وهدي بصت له وقالت في سرها
رجعت لك يا كلب السكك وهاعرف ازاي اعلمك الادب، ،،،،،،
وبعدها بيوم ومن جوة محطة مصر يقف القطر اللي جاي من سوهاج وينزل منه ابراهيم ومعة زينب ومعظم هدومهم ويخرج ابراهيم من محطة مصر علشان يلاقي الاسطي بتاعة واسمة عوض واقف مستني وبعد ما سلم عليهم هما الاثنين ركبهم تاكسي وقال عوض
نورتي مصر يا ست زينب
زينب
مصر منوره باهلها
عوض
طبعا اول مرة تيجي فيها مصر يا ست زينب
زينب
مين قال كدة انا جيت مصر مرتين مرة مع ابويا وانا عيلة بنت 11 سنة والمرة الثانية مع أبو ابراهيم قبل ما نظري يروح خالص
وتعيط زينب ويحس ابراهيم بدموعها اللي نزلت من تحت النقاب فمد ايدة ومسح دموعها وقال
كدة يا زينب تيجي مصر مرتين من غيري
فتضحك زينب
اهو جيبتك معايا المرة دي. المهم قبل اي حاجة عايزا اروح الحسين واقراء الفاتحة
عوض
بس كدة من عينية يا ست زينب
وبعدها قال لسواق التاكسي
علي. الحسين يا عم الاسطي ،،،،،،،،
وبعدها بكام ساعة ومن الشارع اللي في الاوضة اللي هايعيش فيها ابراهيم
و زينب يقف التوك توك بتاع رجب وكان رجب شارب برشام كتير برشام بيخلي قلبه ما يعرفش طعم الرحمة وكان باين ان حالتة مش طبيعية ودخل للشارع ابراهيم وعوض وزينب وأبراهيم كان بيقول ل زينب
اوعي تكوني نسيتي تدعي لي وانتي في الحسين
زينب
انسي ادعي لك. دة انا رايحة الحسين مخصوص عشان ادعي لك
ابراهيم
ربنا ما يحرمني منك ابدا يا أما ولا من دعواتك
زينب
ولا يحرمني من،،،،،،،،،
ويسكتو الثلاثة لما سمعو صرخة ست بتقول
الحقوني يا خلق. الحقوني يا ناس
فيبص ابراهيم ناحية الست اللي بتصرخ فيلاقي رجب جوة التوك توك وماشي بي بسرعه وبيسحب عيل من ايد امه وهي بتصرخ وماسكة ابنها بكل قوتها لكنها وقعت علي وشها ورجب قدر ياخد العيل من ايدها وحطه جوة التوك توك وهنا ابراهيم جري ناحية التوك توك وعوض قال
رايح فين يا ابراهيم
ابراهيم
هالحق الواد من ايد الحرامي دة
فتصرخ زينب وهي تقول
انجد الست. يا أبراهيم
ولكن ابراهيم يمسك حجر ويحدفه في وش رجب عشان خاطر يعطلة شوية وبالفعل يجي الحجر في وش رجب فيبص رجب للي حدف الطوبة فيلاقي ابراهيم بينط جوة التوك توك ويحاول انقاذ العيل وفعلا ابراهيم مسك العيل وقدر يرمي برة التوك توك اللي كانت سرعتة بسيطة بسبب انشغال رجب بالدم اللي نازل من حاجبة لكن رجب اول ما شاف اللي عمله ابراهيم اتعصب اوي والشيطان بان في ملامحه وهنا
يخرج المطواة الخاصة به ويغرزها في صدر ابراهيم بلا اي رحمة فيتالم ابراهيم ويرمي رجب برة التوك توك بسرعه ويهرب رجب بعدها
وابراهيم اترمي في نص الشارع وكان بينزف بشدة وبص أبراهيم للعيل اللي لحقة وكان في حضن امه وجريت بي وهي مرعوبه وراح عوض ل ابراهيم مسرعا ومعه زينب وهي مش شايفة اية اللي بيحصل وبتقول لعوض
عوض في اية. رد علية
عوض وهو بيكتم الدم لي ابراهيم بايدة قال
خير يا ست زينب. ابراهيم كويس مفيهوش حاجة
فيبص ابراهيم لزينب ويعيط ويقول
هاتوحشيني يا زينب. خلي بالك من نفسك
قالت زينب وهي بتنزل لمصدر الصوت
ابراهيم مالك.
ابراهيم
انا كويس. ومافيش حاجة وجعاني اكتر من وجع اني مش هاشوفك تاني يا زينب
ويغمض ابراهيم عيونة وهو يبتسم ويقول
امي يارب امانة في ايدك يا رحمان. أشهد ان لا اله الا الله واشهد ان محمد سيدي ورسول الله
ويسكت ابراهيم. ويدخل في سكرات الموت وعوض قال
ابراهيم. رد علية. ابراهيم
زينب وهي بتصرخ
في اية يا عوض. ابراهيم ماله.
ويموت ابراهيم. ويبلغها عوض باللي حصل فتصرخ زينب من شدة الحرقة علي فراق الغالي وتاخذة في حضنها، ،،،،،،،،،
وبموت ابراهيم تبدا حكاية رجب وزينب. اية اللي جاي واية اللي هايحصل تابعوني
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺