رواية سجين الذنب الحلقه الاولى بقلم الكاتب محمد منصور حصريه وجديده على مدونة أفكارنا
 |
رواية سجين الذنب الحلقه الاولى بقلم الكاتب محمد منصور حصريه وجديده على مدونة أفكارنا
سافر هو وامه القاهرة علشان شغله الجديد وماكنش يعرف ان اول يوم لي في القاهرة يكون اخر يوم لي في الدنيا علي ايد. شيطان بيخطف الاطفال ويبيع اعضائهم. وبعد كل دة تلاقي الام نفسيها بتحب الشيطان دة. عايزين تعرفوا الحكاية. تابعوني وحكاية
سجين الذنب
الحلقة الاولي
من تاليفي، ،
محمد منصور. ** منص **
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
من سوهاج ومن جوة بيت صغير من طين عبارة عن اوضة وصالة وحمام تعيش ست ضريرة اسمها زينب وهي ست جميلة جدا وطيبة جدا ومتدينة ولبسة النقاب وعندها 35 س. وليها ابن حنين عليها وبار بيها اسمه ابراهيم. وهو عنده 18 سنه وغاوي كورة. ومتعود ديما يوم اجازته من الشغل يروح يلعب كورة ووقت ما كان بيلعب كورة يسمع صوت واحد صاحبة اسمه عيد جاي من اول الطريق الزراعي يجري وهو بينادي علي ابراهيم فيبص له ابراهيم ويقول
مالك يا عيد جاي جري لية كدة
يقف قدامه عيد وكان بينهج وهو بيقول
الحق امك
ابراهيم مخضوض
مالها امي
عيد
اتزحلقت وهي بتعمل لك اكل والزيت المغلي وقع عليها
ابراهيم ساب اللعب وجري ناحية البيت
باسرع ما في وقال
أمَأّ أمَأّ
فترد علية زينب من اوضتها
تعالي يا ابراهيم انا هنا
دخل ابراهيم الاوضة وهو ملهوف وشاف زينب علي سريرها وجنب منهم جارتهم وخطيبتة نجلاء. وكانت بتحط عسل ابيض علي ايد زينب المحروقة فيقعد ابراهيم جنب زينب ويبص ل ايدها ويقول
أية اللي خلاكي تولعي النار وتعمل لي اكل
زينب
متخافش علية. انا كويسة ومفياش حاجة دي لسعة بسيطة
ابراهيم وهو بيبوس ايدها بكل حب
انا مش قايل لك رايح ألعب ساعة وجاي أعمل ألاكل
زينب
نفسي مرة ترجع من برة تلاقي اكلك جاهز. دة انت كل يوم بترجع مع الشغل وتعمل الاكل ليا وليك.
أبراهيم
وهو كان حد اشتكي لك أنا اهم حاجة عندي أنك تكوني مرتاحة وكويسة
وتقع عين ابراهيم علي نجلاء التي كانت بتبص له وقالت
نجلاء ازيك
فتضحك نجلاء وتقول
هو انت لسة فاكر دة انا قربت أمشي
أبراهيم مبتسما
معلش حقك علية. كنت قلقان علي أمي
نجلاء وهي بتقف
لا يا سيدي ولا يهمك. انا عارفة خالتي زينب غالية عندك قد أية
زينب ضاحكا
بس انتي الحب يا بت
نجلاء
هو انا اطول لما أبراهيم يحبني نص ما بيحبك
ابراهيم
انتي وقفتي رايحة فين
نجلاء
هامشي بقي عشان سايبه امي لوحديها بتحضر الاكل انا بس سمعت صوت صريخ خالتي زينب جيت جري اطمئن عليها. لكن انت جيت تقعد معها بقي. بالاذن انا
وقبل ما تخرج نجلاء من الاوضة قالت
متنساش تبقي تعدي علي ابويا عشان عايزك
ابراهيم بضيق
ماشي
وتمشي نجلاء فيبص ابراهيم لزينب ويقول
واخرتها اية مع عم حامد دة. اكيد عايزني عشان يتكلم معايا في نفس الموضوع
زينب
ماتريحة يا ابني واعمل له اللي هو عايزه
ابراهيم
يعني اية يا أمَأّ اتجوز وأسيبك في البيت لوحدك
زينب
يا ابني وفيها اية ما انت هاتبقي جنبي ونجلاء هتراعيني طول ما انت في الشغل ولما ترجع هي هاتروح لك ولما تحب تيجي تقعد معايا ابقي تعالي
ابراهيم
لا. مش هاسيبك ولا هابعد عنك ويا اما عم حامد يرضي علي كدة وبنتة تعيش هنا في البيت يا اما بلاش الجوازة دي
زينب
يا ابراهيم ماتبقاش دماغك ناشفة. البيت واخدني انا وانت بالعافية. دة انا بنام في الاوضة وانت بتنام في الصالة في عز البرد وبتنام علي الارض يبقي نجلاء هتنام فين.
أبراهيم
ايوة بس ،،،،،،
زينب مقاطعة له
مافيش بس. نجلاء بتريدك وحباك ما تكسرش بخاطرها البيت اللي جابهولك ابوة نجلاء مش بعيد عني. أبقي تعالي كل يوم انت ومراتك اقعدوا معايا وماتروحش الا علي النوم عايز حاجة تاني
ابراهيم
مايهونش علية انام بعيد عنك. انا اتعودت اكون تحت رجليك عشان لو عوزتي حاجة اجبهالك
زينب وهي بتحط ايدها علي وش ابراهيم قالت
وهو بالساهل علية اني ما شمش نفسك في البيت بس حرام عليك تكسر قلب نجلاء اللي انا عارفة ومتاكدة انها عايزا تنام معايا في البيت هنا بس حكم ابوها ولازم يتنفذ. لانة بيتكلم في الاصول
وتضحك زينب
وبعدين يا ولا. عايزاك تعيش مع مراتك من غير عزول
فيبص لها أبراهيم وما يردتش فتقول
افضل بقي باصص لي كدة. انت عايز نجلاء ونجلاء عايزاك وأنا مش هاقبل انك تتحرم منها. خليني بقي اجوزك وارتاح
فيضحك ابراهيم وهو يقول
زهقتني مني يا زينب
زينب ضاحكا
بصراحة اة.
وتضحك زينب و ابراهيم ،،،،،،،،،
وفي نفس الوقت ومن القاهرة. ومن جوة توك توك مقفول من جنب ومفتوح من جنب تاني وفي شارع من الشوارع الهادئة يقعد رجل ضخم الجثة في الاربعينات من عمرة ودة يبقي رجب الضبع وكان لابس سويت شيرت بزونت ومربي ذقنه وعليه نظرات حادة وباين علي وشة الغضب والشر وكان قاعد في التوك توك وبيبص لتلت عيال كانو خارجين من بيت مدرس بعد ما خلصو درسهم والتلاتة في سن العشر سنين وخرج من جيبة برشامة مخدره ورماها في بوقة وبدا يقرمشها وبلعها من غير اي بوق مية وفضل يبص للتلت عيال وبص للشارع واتاكد انه مافيهوش حد وراح بالتوك توك ناحيتهم لما عيل منهم شاورله ووقف قصاد منهم وقال
شارع المطبعة يا عمو
فيشاور لهم بالركوب واول ما يركبوا يخرج مخدر من جيبة ويرشة في وش الثلت عيال فيغمي عليهم فينزل من التوك توك بسرعه ويقفل جانب التوك توك المفتوح ويتحرك بالتوك توك .....
ومن جوة جراج في منطقة شعبية يقف توك توك. رجب وينزل رجب من التوك توك ويشيل الثلث عيال مرة واحدة علي كتفه ويروح ناحية اوضة في بدروم موجودة في اخر الجراج وفتح باب الاوضة وكانت الاوضة دي شبه اوضة العمليات وجواها كل ادوات التشريح اللي بيستخدمها الدكاترة وراح ناحية رجل في الخمسين من عمرة وهو رئيس عصابة لخطف الاطفال وبيع أعضائهم البشرية واسمه الدكتور خيري ويرمي الثلات اطفال فوق طاوله تشريح فيبص لهم خيري ويرجع يبص ل رجب ويقول
ثلاثة مرة واحدة.
رجب وهو بيولع سيجارة
علي الله يطمر وتزود المعلوم شوية
خيري
يا رجب انا بديلك 20 الف جنية علي كل عيل بتجيبة
رجب
أيوة وانت تقطع العيل من دول وتبيعة بال 100 ب200 الف دة لو ماكنش اكتر. مش كدة
خيري وهو بيقلع العيال هدومهم وبيبص علي جسمهم يشوف مكان عملية ولا حاجة قال
ماتبقاش طماع يا رجب. ولو انت تعرف تعمل اللي انا بعملة هاديك اللي انا بخدة. وبعدين ما هو انا بسيب لك موبيلات العيال اللي بتبقي معاهم تبعيهم وحلال عليك تمنهم
رجب
وهي موبيلات العيال دي تساوي كام يعني
خيري وهو بيبص لرجب
تساوي اللي تساوي دة رزقك وانا مش هابص لك في. وعلشان كلامك الكتير دة. هزودك
وخرج شيك من جيبة وكتب في مبلغ 150 الف جنية وادي الشيك لرجب وقال
واللي يطلع لي من العيال دة رزقي بلاش تبص لي في. علشان تفضل حبيبي
فياخذ رجب منة الشيك ويبص في خانة الرقم اللي مكتوب ويحط الشيك في جيبة ويبص لخيري ويقول
ماشي يا دكتور
ويمشي رجب وخيري طلع مشرط وبدا يشق لحم اول عيل ،،،،،،،،،
ومن جوة شقة كبيرة جدا في منطقة المعادي يدخل رجب الي الشقة فيلاقي صباح مراته تقف في المطبخ الامريكاني بتاعها وكانت صباح دي حامل في الشهر الثامن فراح ناحيتها وقال بعصبية
انتي اية اللي قومك من السرير. أنتي مش الدكتور محرج عليها الحركة وخصوصا في الشهر الثامن دة اللي ديما بتسقطي في.
صباح
كنت جعانة قومت اعمل لي لقمة
قال رجب بعصبية وهو بيخرجها من المطبخ
نفسي مرة تفكري في حاجة غير الطفح
صباح بضيق
انت مالك مش طايقني لية
رجب بنفس العصبية
عشان متجوزك من 3 سنين ونفسي في حتة عيل وأنتي كل مرة العيل يموت في الشهر الثامن او اما ماتحمليش
خالص
صباح
طيب ودة بايدي انا. ربنا لسة ما ارادش
رجب
لا. انتي مهملة وكل مرة بتكوني السبب في ان العيل يموت ف بصي بقي. انتي اخرك معايا المرة دي لا اما تجيبي العيل اللي نفسي في يا اما هاتجوز عليكي فاهمة
فتبص له صباح وتعيط علي حالها وتقول
روح اتجوز وهو انا يعني هاحوشك انت حر في حياتك. بس قبل ما تتجوز تطلقني
قال رجب وهو يفتح باب الاوضة ويقعد صباح علي السرير
انسي اني اطلقك. انتي هاتفضلي مراتي طول ما انا عايش
صباح بضحكت استهزاء
أي ست المفروض تفرح لما تسمع الكلام دة من جوزها لكن ان عارفة انت لية مش عايز تطلقني
رجب بحدة
طيب كويس انك عارفة ليه واقفلي السيرة دي بدل ما كسر عفش الشقة دي علي دماغك
فتضحك صباح
ماتقدرش عشان اللي في بطني. حملي دة هو اللي بيخليك ما تضربنيش وبتبقي خايف علية. لكن انا عارفة بمجرد ما العيل دة ينزل ميت زي اللي قبلة ترجع تضربني تاني
رجب
مش هاينزل ميت.
صباح
طيب قول ان شاء الله
رجب
أن شاء الله. ودلوقتي خليكي هنا وانا هاجيب لك الطفح لغاية عندك
ويبص لها بغل ويخرج من الاوضة وهي تعيط وتقول بحرقة
يارب خلصني منة بقي ومن شرة. ،،،،،،،،
ياتري اية حكاية صباح ورجب. وأبراهيم اول لقاء بينة وبين رجب هايخلص علي أزاي أية اللي جاي تابعوني وباذن الله اللي جاي يعجبكم
مش هقول. علقو والجو دة. اكتب تقيمك للحلقة من
واحد ل عشرة. حلوة الصيغة دي.
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺