رواية أمل الحياه عشق التميم الجزء الثاني الفصل الثاني و الثلاثون بقلم الكاتبه يارا عبد العزيز حصريه وجديده على مدونه عالم الروايات والمعلومات
 |
عاصم بصلها ببأبتسامه شـ.ر
مسك فونه و اتكلم ببأبتسامه
= كدا نفذنا الاتفاق اللي ما بينا انتي ساعدتني اخاد حقي منها و انا خلصـ.تلك عليها
لميس بفرحه
= بجد
يعني خلاص ما.تت
عاصم بضحك
= هههههههههههه و اد.فنت كمان
الفاتحه على روحها
بص للرجالته و هم بيردموا على رحيل و قفل المكالمه مع لميس و مشي مع رجالته
مر خمس دقايق و دخل تميم المقابر و هو بينهج بخوف شديد ، اتكلم بصوت عالي و دموع
= رحيييييييييل
فضل يدور في المكان لحد اما لاقى تجمع من التراب قدامه
برق عينيه برعب و جري عنده
بدأ يشيل التراب و هو عامل زي المجنون لحد اما شال التراب كله من عليها
اتكلم ببكاء و هو بيطلعها من الحفره بخوف
= رحيل
شدها عليه و حضنها بقوه و فضل يبكي زي الطفل
= رحيل
رحيل فوقي ردي عليااا فوقي انتي مستحيل تسبني
طب فوقي عشان يوسف
رحيييل
دخل اسر بسرعه و بص لرحيل بخوف شديد
اتكلم تميم بتلعثم و بكاء
= لازم اوديها المستشفى
اسر بخوف و دموع
= مش بتتنفس يا تميم!
تميم بغضب مفرط و هو بيشيلها بسرعه
= هتعيش
قال كلامه و خرج من المقابر
حاطها في العربيه من ورا و اسر ركب جانبه و طلع على المستشفى
شالها بسرعه و دخل بيها المستشفى
دخلوا بيها الطورائ و بدأوا يعملولها انعاش للقلب تحت نظرات الخوف الشديد من اسر و تميم
اتكلم تميم بدموع و خوف
= عايشه صح
الدكتور بحده
= خرجيهم برا
مش عايز حد هنا
تميم بغضب مفرط
= بقولك عايشه رد عليا
بقلمي يارا عبدالعزيز
الدكتور بحده
= انت جايبها خلصانه و انا دلوقتي بعمل اللي عليا عشان ارجعلها النبض و النفس بس مقدرش اقولك انهم اكيد هيرجعوا ادعيلها
تميم بصلها بخوف شديد و دموع و حاسس بضربات قلبه هي اللي هتقف
اتكلم اسر بدموع و هو بيشده
= يلا يا تميم خلينا نسيبهم يشوفوا شغلهم
كان واقف بيبص لرحيل من غير ما يتحرك من مكانه
اتكلم اسر و هو بيطلعه من الاوضه
= يلا يا تميم
بعد تميم عنه و اتكلم بغضب
= اوعى
راح عندها و قعد جانبها و اتكلم ببكاء
= رحيل ارجوكي فوقي
ابو.س ايديك عشاني و عشان يوسف احنا مش هنقدر نعيش من غيرك
الدكتور بغضب
= طب ممكن تبعد شويه الجهاز بيطلع صد.مات كهربيه و انت مش هينفع تقرب من المريضه
انا و الله العظيم ما عارف اشتغل منك لو عايزاها تفوق اطلع برا
طلع تميم و معاه اسر
وقف و بصلها من الشباك الزجاجي حاسس انه هو اللي محتاج انعاش لقلبه مش هي
قلبه اللي هيقف من خوفه و هي اللي قادره ترجعه ينبض من جديد
كل اما جسدها يتنفض من الصدمات بيحس بالم شديد في قلبه
فاق على اسر اللي حط ايديه على كتفه و اتكلم بدموع
= متقلقش رحيل طول عمرها قويه و استحملت كتير و هتكون ادها
هز تميم راسها بخوف و الدموع كانت ماليه عينيه
خرج الدكتور و تميم و اسر جريوا عليه
اتكلم تميم بخوف
= عامله ايه
بقيت كويسه صح
الدكتور بهدوء
= الحمد لله النبض و النفس رجعوا
بس نفسها ضعيف جدا عشان كدا هنحطها على اكسجين لحد اما وضعها يستقر
اتنفس تميم و اسر براحه كبيره
دخلوا رحيل الغرفه و منعوا عنها الزياره
دخل ريان و محمود و عمر و معاهم روان
اتكلم روان بخوف شديد و بكاء
= تميم رحيل عامله ايه
بنتي كويسه صح
هز تميم راسه بحزن و مقدرش يتكلم من خوفه
ريان بصله بحزن و دموع على حالته
دخل جوا حضن ريان و فضل يبكي زي الطفل
اتكلم ريان بحزن و هو بيربط على ضهرها
= اهدا هتبقى كويسه باذن الله
اسر بهدوء و هو بيبص لروان
= الحمد لله هي كويسه بس الدكتور قال نفسها ضعيف عشان كدا هيحطها على اكسجين و دلوقتي مانعين عنها الزياره
اتكلم تميم بصوت متحشرج من البكاء
= يوسف كويس
محمود بهدوء
= يوسف مع والدتك متقلقش عليه
بعد مرور اسبوع
رحيل كانت فاقت و نقلوها غرفه عاديه و تميم مكنش بيسبها لحظه و كان معاه ريان و اسر و روان
كانت نايمه و باين عليها الارهاق و تميم جانبها
فتحت عينيها تدريجيا و بصيت لتميم اللي كان حاطط راسه جنب ايديها و نايم
حاولت تتعدل بس مقدرتش بسبب الكدمات اللي في جسدها
تميم حس بحركتها ، فاق بسرعه و اتكلم بحنان
= ايه يحبيبتي
عايزه تعقدي
هزيت راسها بدموع ، بصلها بحزن و ساعدها تعقد حط راسها على صدره و اتكلم بحنان
= الدكتور قال مع المراهم كل الزرقان دا هيروح و هتبقي زي الفل
اتكلمت بتعب و دموع
= يوسف وحشني اوي
عايزه اشوفه
هي ماما فين
اتكلم بحنان
= اول اما تخرجي من المستشفى هنسافر على طول و مامتك راحت القصر قالت عايزه تعملك كل الاكل اللي بتحبيه
فيه ظباط برا عايزين ياخدوا اقوالك في اللي حصل هتقدري
اتكلمت بدموع و حزن
= مكنتش عايزه الامور توصل بينا لكدا
انا ااه كتير بضايق من عمي و تعامله معايا بس هو في الاول و الاخر عمي و هو اللي مربيني
تميم هو خلاص كدا هيتسجن
بقلمي يارا عبدالعزيز
تميم بحده
= اااه
و لو اطول اوصله لحبل المشـ.نقه كنت عملت كدا هو و اللي ساعدته
دلوقتي الاتنين بقوا في مكانهم اللي يستاهلوه
في السجن
دخل عاصم غرفه المأمور لانه ليه زياره
ابتسم بسخريه لما لاقى اسر هو اللي قاعد
اتكلم بغضب
= اخر حاجه كنت ممكن اتوقعها ان ابني هو اللي يكون السبب في وجودي هنا
اسر بدموع
= انت اللي وصلت نفسك لهنا مش انا كنت المفروض تفكر قبل ما تعمل حاجه زي كدا
بسبب اللي انت عاملته رحيل كانت هتمـ.وت
كانت هتفارق حياتها و تسيب ابنها اللي لسه مكملش شهر
عاصم بسخريه
= اتغيرت اوي يا اسر
اسر بحزن
= انا لاقيت نفسي يا بابا
لاقيت نفسي اللي كانت ضايعه مني و خسرت كتير اوي بسببك
انا مش جاي هنا عشان اعاتبك انا بس جاي اقولك متزعلش مني انا مكنش قدامي اي حل انقذ بيه رحيل غير كدا
انا وكلتلك اكبر محامي و باذن الله تاخد حكم مخفف و هفضل واقف جانبك
ابتسم عاصم بسخريه و اتكلم بحده
= عيله
حته عيله قدرت تحولك ميه و تمانين درجه بالشكل دا
امشي يا اسر و كتر خيرك على المحامي
اسر بصله بدموع و حزن كبير و خرج من الاوضه
ركب عربيته و اتنهد بحزن كبير و دموعه نزلت على خده بغزاره
مسك فونه و رن على فريده ليأتيه الرد في الحال
= الو
اسر حبيبي انت سامعني مش بترد ليه
اتكلم بصوت متحشرج
= عامله ايه
فريده باستغراب
= مال صوتك!
خد نفس عميق و حاول يتصنع الفرحه عشان ميقلقهاش عليه
= مالي
انا زي الفل اهو
انتي عامله ايه
روايه امل الحياه عشق التميم بقلمي يارا عبدالعزيز
فريده بهدوء
= مش بتعرف تداري صوتك يا اسر و لا تكذب
انت هتيجي امتى
اتنهد بعمق و اتكلم بهمس
= امي في حاله وحشه اوي بسبب اللي حصل مع ابويا و انا عامل زي الضايع
كل حاجه دلوقتي بقيت مسؤوله مني
بس متقلقيش هعمل كل اللي اقدر عليه عشان اجاي قبل ولادتك
في المستشفى
دخل ريان اوضه رحيل و اتكلم بحنان
= عامله ايه دلوقتي
رحيل ببأبتسامه
= كويسه
ريان بهدوء
= الدكتور قال تقدري تخرجي انهاردة اجهزوا يلا عشان هنسافر انا عارف يوسف وحشك
هزيت راسها بدموع و كانت لسه هتتكلم بس قاطعها اسر اللي دخل الاوضه و اتكلم بهدوء
= الحمد لله الدكتور طمننا على حالتك
تميم بصله بمشاعر الغيره اللي مقدرش يقاومها ، اتنفس بعمق و اتكلم بهدوء
= مش عارف اشكرك ازاي يا اسر
يمكن في الاول كنت شايفاك مش كويس و بتمثل علينا عشان توصل لي اللي انت عايزاه بس باللي انت عملته اثبتت انك فعلا تستاهل فريده و انك تستاهل تكون فرد من عيله النصراوي
اسر ببأبتسامه
= بس انا مش من عيله النصراوي يا تميم
انا اسر الجابري و هفضل طول عمري منتمي لعيلتي مهما حصل فيها و اللي عاملته دا واجبي تجاه اختي
بس كويس انك شوفت اسر اللي اتغير على حقيقته و عرفت اني استاهل فريده و ان حقيقى محدش هيحب فريده ادي
هز تميم راسه بهدوء و هو بيبتسمله
و رحيل كانت بتبصلهم بدموع الفرحه
اتكلم ريان بهدوء
= هترجع معانا يا اسر
اسر بحزن
= الظروف اللي انا فيها مخليني مقيض اسبوع و هاجي باذن الله عشان ولاده فريده
دخلت روان ، رحيل بصتلها و ابتسمت بارهاق
= مكنش فيه داعي احنا كدا كدا ماشيين يا ماما
روان بحنان و هي بتعقد جانبها و بتاخدها في حضنها
= خديهم معاكي يحبيبتى
تميم بهدوء
= حضرتك ممكن تيجي معانا
هعيش انا و انتي و رحيل في الڤيلا بتاعتي اللي كان جابرك على العيشه هنا خلاص دلوقتي اتسجن
روان بحنان
= هاجي معاك لحد اما حالتها الصحيه تتحسن و بعدين هروح بيت اهلي في القاهره
من غير اعتراض انا كدا هكون مرتاحه اكتر
اسر بحزن
= ورق التنازل اللي انتي مضيتي عليه يا رحيل انا قطعته و لحسن حظك انه مكنش لسه اتسجل حقك محفوظ يبنت عمي و تعملي فيه كل اللي انتي عايزاه
رحيل ببأبتسامه
= انا هسيبه تحت تصرفك يا اسر و واثقه انك هتحافظلي عليه
في قصر النصراوي
فريده كانت قاعده في بلكونه اوضتها على المورجحيه و شارده و باين على ملامحها الحزن
دخلت حياة و بصتلها باستغراب و شديت الكرسي و قعدت قدامها اتكلمت بحنان
= مالك يحبيبتى
انتي من ساعه ما جيتي هنا و انتي مش على طبيعتك و ديما زعلانة في الاول قولت خايفه على رحيل بس احنا خلاص اطمننا عليها
فيه حاجه حصلت هناك يحبيبتى و زعلتك
فريده بدموع
= اسر تعبان اوي يا ماما حاسه من صوته انه شايل جبال من الهموم تعرفي اني بحمله فوق طاقته انا طلعت انانيه اوي
هو دلوقتي مش عارف يسيب سوهاج عشان والدته و اللي حصل مع ابوه و انا كل شويه اضغطه و اقوله هترجع امتى بدل ما اقف جانبه بكون عبئ عليه
حياة بحنان
= و انتي هتعملي ايه بس يحبيبتي ما انتي في ظروف محتاجنا جانبك فيها و هو كمان يعني من حقك تعوزيه جانبك وقت ولادتك و خصوصاً ان دا اول طفل ليكم
فريده بحزن
= و من حقه اقف جانبه
انا بجد ضايعه و مش عارفه اعمل ايه حاسه انه صعب عليا اروح هناك و خصوصاً ان اسبوعين و هولد خلاص لو روحت هناك هبقى لوحدي انا محدش هناك كان بيعاملني حلو غير طنط روان تعرفي يا ماما هي الوحيده اللي كانت بدافع عني ديما و لولاها انا مش عارفه كنت هتعامل مع الناس اللي هناك ازاي
حياة ابتسمت بتلقائية و اتكلمت بحنان
= روحي يفريده و اقفي جنب جوزك متسبيهوش في ظرف زي دي و اسبوع بالظبط يحبيبتى و هجيلك انا و بابكي عشان نبقى جانبك انا مش هسيبك يعين ماما
ابتسمت فريده بفرحه كبيره و حضنت حياة بقوه
اتكلمت برقه
= انا مش هقول لاسر اني هروحله عشان هيرفض
هروح بعربيه من عربيات القصر
في ايطاليا
في ڤيله فارس
كان قاعد تحت في الريسبشن و دا.فن وشه بين ايديه
نزلت مليكه و اتكلمت بدموع
= مش كفايه كدا!
انا بجد تعبت من كتر اللف و الكل بيقول نفس الكلام
تعبت من جمله انتي عندك مشاكل في الخلفه اللي سمعتها منهم كلهم و عايزه حل
فارس بحده و دموع
= و الحل انك تمـ.وتي نفسك!
مليكه بعصبيه
= و مين قال اني همو.ت ما تتفائل خير شويه
يمكن تنجح و نخلف
قام وقف قدامها و مسك ايديها
= لو المشكله كانت عندي انا كنتي عملتي ايه
كنتي هتسبني!
بقلمي يارا عبدالعزيز
هزيت راسها بالنفي و كانت لسه هتتكلم بس قاطعها و هو بيمسك ايديها و بيتكلم بحنان
= اعتبري ان المشكله عندي انا و مفيش حاجه بعيده على ربنا قادر من غير اي حاجه يرزقنا صح
اتكلمت بدموع
= و نعمه بالله
بس انا نفسي اكون ام ارجوك متحرمنيش من الشعور دا ارجوك يفارس
قالت كلامها و دخلت جوا حضنه و فضلت تبكي بقوه
مكنش عارف يهديها اتكلم بحزن
= مليكه اهدي!
خلاص موافق هنعملها
مسحت دموعها و اتكلمت بفرحه
= بجد يفارس
اتكلم ببعض الحده
= بجد
بس مش هنا في مصر الدكتور اللي هنا هيعملها في مصر
هزيت راسها بفرحه و مسكت فيه بقوه و اتكلمت بلهفه
= ماشي هعملك كل اللي تقول عليه
بس نعملها
اتكلم بحنان
= طب يلا عشان هنسافر انهاردة
في المساء
وصل ريان و معاه روان و تميم و رحيل
تميم كان داخل و ساند رحيل
حياة اول اما شافتهم خديت يوسف و نزلت بسرعه و معاها فريده
اتكلمت بحنان و هي بتحضن رحيل
= حمد لله على سلامتك يحبيبتى
تعالي ارتاحي
رحيل خديت منها يوسف و ضمته ليها بعمق و دموع
أتكلمت بدموع
= وحشتني اوي
روان كانت بتبص لحياه بدموع ، حياة لاحظتها و اتنفست بعمق و رحيل طلعت هي و تميم اوضتهم
فريده بصيت لريان و اتكلمت برقه
= بابا انا هروح الصعيد لاسر
ريان بهدوء
= براحتك يفريده
والدتك كلمتني و انا قولتلها تعمل اللي عايزاه بس استني بكره الصبح عشان انا اللي هوصلك هناك و ارجع
فريده برقه
= مش عايزه اتعب حضرتك يا بابا انت لسه راجع من هناك
ريان ببأبتسامه
= لا مش هتتعبني و لا حاجه
اطلعي ارتاحي و بلاش تجهدي نفسك
هزيت راسها بهدوء و طلعت ، ريان بص لروان و اتكلم بهدوء
= البيت بيتك يا روان خدي راحتك يلا يحياة
حياة بصيت لروان بدموع و طلعت مع ريان الجناح بتاعهم
تحت نظرات الحزن الشديد من روان
في غرفه تميم و رحيل
رحيل كانت شايله يوسف و مش راضيه تسيبه
اتكلم تميم بحنان
= هاتيه يحبيبتى انيمه في سريره
رحيل بدموع
= لا هينام في حضني انهارده انا مش هسيبه
اتكلم بحنان
= طب هاتيه عشان تاخدي العلاج بتاعك و بعدين هجيبه تاني يلا عشان تدهني المرهم
بصتله بخجل و اتكلمت برقه
= طب نادي ماما تساعدني ممكن لو سمحت
اتنهد بغضب و اتكلم بهدوء
= ماشي
كان لسه هيمشي بس قاطعته و هي بتتكلم بحزن
= تميم انت زعلت
خد نفس عميق و بصلها و اتكلم بهدوء
= عادي
محصلش حاجه هروح انادي لطنط روان
حطيت يوسف على السرير و قامت وقفت ، جري عليها بسرعه و سندها
= عايزه حاجه!
بصتله و اتكلمت بدموع و صوت متحشرج
= تميم انا مش عايزاك تشوف الكد.مات اللي في جسمي
شكلها مش حلو متزعلش مني
غمض عينيه بالم و مسك ايديها و اتكلم بحنان و هو بيقعدها على السرير
= تعالي استريحي
قعدت معاه ، كشف ايديها برفق ، بصتله بدموع و هزيت راسها بالنفي
اتكلم بحنان
= و تفتكري ان اللي بتقوليه دا هيقلل من حبي ليكي
خد المرهم من على الكمود و بص للكدمات اللي في ايديها و اللي اول مره يشوفها
اتنفس بغضب مفرط و هو بيتوعد لعاصم و بدأ يدهنلها المرهم برفق تحت نظرات الخجل و العشق منها
في الاسفل
وصل فارس و مليكه القصر
حياة كانت نازله و شافتهم
اتكلمت بفرحه و هي بتحضن فارس
= كل دا بعيد!
وحشتني اوي يحبيبى
اتنهد فارس بحزن و دموعه كانت في عينيه
حياة سلمت على مليكه و اتكلمت باستغراب
= فيه ايه!
فارس بهدوء
= هنعمل العمليه بعد بكره و هتتحجز من بكره الصبح في المستشفى
ياريت لو تبلغي عمتي و خالي يا ماما عشان يبقوا معانا عن اذنكم انا طالع
قال كلامه و طلع و كان باين على ملامحه الحزن الشديد و مليكه بصيت لطيفه بدموع
حطيت حياة ايديها على كتفها و اتكلمت بهدوء
= متخافيش باذن الله هتقومي منها كويسه و هو زعله هيروح لما يشوفك قدامه كويسه
مليكه بدموع و صوت متحشرج
= مش بيكلمني من ساعه ما قالي ماشي نعملها و حاطط عليا اللوم في كل اللي بيحصل مع اني محتاجه جانبي و محتاجه يطمني بس هو بيزودها عليا
حياة بحنان
= معلش يحبيبتى هو بس عشان خايف عليكي مش هيعرف يقسى عليكي كتير متخافيش دا روحه فيكي و الله و كلنا جانبك اطلعي ارتاحي انتي عشان بكره هيكون يوم طويل عليكي
هزيت راسها بهدوء و طلعت
اول اما شافها داخله خد هدوم ليه من الشنطه و دخل الحمام و كأنه بيتجنب انه يتكلم معاها
في الصباح
و بالتحديد في سوهاج
وصلت فريده برفقه ريان بيت اسر
دخلت و معاها ريان و اشجان و شوق كانوا قاعدين في الريسبشن ، اشجان اول اما شافتهم داخلين اتنفست بغضب مفرط بس مردتش تتكلم لانها خافت من ريان
ريان بص لفريده و اتكلم بهدوء
= لازم امشي دلوقتي
زمانهم خدوا مليكه المستشفى عايزه مني اي حاجه يحبيبتى
هزيت فريده راسها بالنفي ، قبـ.ل راسها بحنان و مشي
بمجرد ما خرج
اتكلمت شوق بحده و هي بتروح تقف قدامها
= ايه اللي رجعك يبت انتي
فريده بحده
= و انتي مالك
دا بيت جوزي
اشجان بغضب
= اديكي قولتي بيت اسر مش بيتك
انا مستحيل اقبلك زوجه لابني كل اللي حصل معانا بسببكوا لو انتي و اخوكي مكنتوش دخلتوا حياتنا مكنش كل اللي احنا فيه دا حصل
شقلبتي حياة ابني لدرجه انه كان السبب الرئيسي في دخول ابوه السجن اخرجي من حياتنا بقى خلي ابني يرجع لحضني
فريده بدموع
= بس انا و الله ما كنت اقصد يحصل كل اللي حصل دا
انا مش عارفه ليه حضرتك بتكرهني اوي كدا مع اني بجد بحبك و بحترمك جدا انا جيت هنا عشان اكون جنب جوزي و صدقيني انا مش هسببلك اي ازعاج اعتبريني مش موجوده
بقلمي يارا عبدالعزيز
قالت كلامها و طلعت و هي حابسه الدموع في عينيها
اتكلمت شوق بغضب و هي بتبص لطيفها
= انتي هتسبيها يا خالتي!
اشجان بغضب
= للاسف ماسكني من نقطه ضعفي لو عليا دلوقتي اجيبها من شعرها و اخرجها برا البيت بس اعمل ايه حامل بحفيدي كلها اسبوعين و هتولد و بعدها انا هعرف اتصرف معاها
دخل اسر القصر و اتكلم بهدوء
= ازيك يا ماما
اشجان بحده
= مقولتش ليه أن اللي انت اتجوزتها جايه هنا
اسر باستغراب
= فريده!
هي هنا!
اشجان بحده
= ايوا و طلعت ابوها جابها و.....
قاطعها اسر لما جري بسرعه و طلع على فوق ، بصيت اشجان و شوق لطيفه بغضب مفرط
طلع اسر بسرعه الاوضه بتاعته و اتكلم بعشق و لهفه
= فريده!
كانت لسه هتتكلم بس قاطعها لما جري عليها بسرعه و حضنها بعمق و د.فن وشه في رقبته
اتكلم بعشق و هو بيغمض عينيه
= وحشتني
غمضت عينيها و اتكلمت برقه
= و انت كمان يحبيبي
فضلوا كدا بعض الدقائق لحد اما بعد عنها بصعوبه و اتكلم بحنان و هو بيحاوط خدها بايديه
= مقولتيش ليه انك جايه
اتكلمت برقه و هي بتحط جبينها على جبينه
= خوفت متوافقش
مكنش ينفع اسيبك في ظروف زي دي لوحدك
انا عارفه انك محتاجني معاك بس مش عايز تقول عشان خايف عليا من هنا بس انا هفضل معاك يحبيبي و هنعدي كل حاجه سوا
ابتسم بعشق و خدها في حضنه و اتكلم بعشق
= بحبك
في المساء
و بالتحديد في المستشفى
كان فارس و رندا مع مليكه في المستشفى و الباقي كان مشي بعد ما فارس اصر عليهم و قالهم يجوا بكره
رندا كانت نايمه على الكنبه و مليكه كانت قاعدة بتبص لفارس اللي قاعد على الكرسي بدموع
شالت المحلول من ايديها و قامت من على السرير
قام بسرعه و اتكلم بحنان
= رايحه فين!
اتكلمت بدموع و هي بتبصله بعتاب
= هلف شويه في المستشفى القعده هنا خا.نقتني
اتكلم بهدوء و هو بيقوم معاها
= طب استني اسأل الممرضه الاول
كان لسه هيمشي بس مسكت ايديه و اتكلمت بهمس و دموع
= انا محتاجك
ليه بتتعامل معايا كدا و انت عارف ان دا اكتر وقت انا محتاجك جانبي فيه
كلامها و طريقتها قطعوا قلبه اكتر ، شدها لحضنه و اتكلم بهمس
= شششش بطلي عياط انا جانبك
اتكلمت بدموع و هي بتمسك فيه بقوه
= انت جانبي و مش جانبي يفارس انا مش خايفه من العمليه اد ما زعلانة من معاملتك ليا
ممكن نروح شقتك انا عايزه اقضي الليله دي في حضنك مش في المستشفى
كان لسه هيتكلم بس قاطعته و هي بتتكلم بترجي
= ارجوك يفارس و هنرجع الصبح قبل معياد العمليه
هز راسه بهدوء و اتكلم بحنان و هو بيقـ.بل راسها
= ماشي يحبيبتى
غيرت هدومها و مسك ايديها و مشيت معاه و هي بتبص لرندا اللي نايمه
وصلوا شقه فارس و دخلوا
اتكلم بحنان و هو بيحاوط كتفها بايديه
= تعالي يلا ننام
هزيت راسها بالنفي و حضنتها بعمق و د.فنت وشها في رقبته و قبلـ.ت رقبته بعمق
غمض عيونه و اتكلم بضعف
= مليكه انتي تعبانه تعالي نامي و ارتاحي يعمري
هزيت راسها بالنفي و اتكلمت برقه و هي بتتنفس ريحته
= انا بحبك اوي و عشان كدا متمسكه اني اجيب منك طفل يكون شبهك متزعلش مني و افضل حبني ماشي مدخلش لقلبك اي واحدة تانيه غيري
اتكلم بدموع و هو بيمسك فيها بقوه
= بلاش الكلام دا انتي هتخرجي منها كويسه
اتكلمت بهمس و هي بتغمض عينيها و بتحرك ايديها على ضهر رقبته
= خلينا الليله دي منعملش اي حاجه غير اننا نكون مع بعض و بس
مسك فيها اكتر و قبـ.ل رقبتها بلهفه و اتكلم بدموع
= مش هسمحلك تسبني يا مليكه
مش هسمحلك تبعدي عني
قال كلامه و طلعها من حضنه و قبـ.ل كل انش في وجهها بلهفه و عشق ممزوج بخوفه الشديد من بعدها عنه
غمضت عيونها بحب و دموع
قبـ.ل جفن عينيها و شالها و دخل بيها الاوضه و وضعها على السرير
اتكلم بهمس و الم
= مش هتسبيني يا مليكه صح
هزيت راسها بالنفي و ضمته ليها بقوه ليأخذها معاه الى عالمهم الخاص بهم
في الصباح
في المستشفى
دخلت الممرضه غرفه مليكه
ملاقتهاش موجودة ، بصيت لرندا اللي نايمه و راحت عندها و صحتها
قامت رندا مفزوعه و اتكلمت بخضه
= بنتي
الممرضه بهدوء
= اهدي انا جيت اشوف مدام مليكه عشان اجهزها للعمليه ملاقتهاش
رندا بصيت السرير بخوف و مسكت الفون بتاعها بسرعه و رنيت على فارس
فارس كان صاحي طول الليل مكنش عايز يغمض عينيه كان بيبصلها و هو واخدها في حضنه بعمق
رد على الفون و كانت رندا و قبل ما تتكلم اتكلم هو بهدوء
= نص ساعة و هتلاقينا عندك يعمتي
رندا بدموع
= ماشي يحبيبي
قفل المكالمه و بص لمليكه اللي نايمه ، مرر ايديه على وشها و اتكلم بحنان
= مليكه حبيبتي قومي يلا
فتحت عينيها و اتكلمت برقه و هي بتبصله
= صباح الخير
فارس بحب
= صباح القمر يلا قومي البسي عشان هنمشي دلوقتي
هزيت راسها بخوف و لبست قميصه و دخلت الحمام
خرجت و معاها القميص بتاعه و ادتهوله لبسه وهو مركز معاها
قربت منه و زررته و هي بتبصله بحب و كانها بتحفظ ملامحه
لاحظ نظراتها ليه و اتكلم بحنان
= ممكن تفكري شويه كمان
مليكه و الله العظيم انا ما عايز غيرك و واثق ان ربنا هيرزقنا بس احنا نصبر شويه طب عارفه هنفضل ندعي و نتصدق بنيه ان ربنا يرزقنا و هنحسن الظن بالله
هنعمل كل حاجه بس بلاش العمليه دي
اتكلمت برقه
= طب و التجهيزات اللي في المستشفى و الدكتور اللي هينزل مخصوص من ايطاليا اكيد هيضايق و يطلب تعويض كبير عن تعطيله
اتكلم بلهفه و هو حاسس ببعض الامل انها توافق على رأيه
= هديله كل اللي هو عايزاه
فداكي فلوس العالم كله
متخافيش هظبط انا كل حاجه
اتكلمت برقه
= خوفك عليا و بالذات انبارح كنت بطمني و انت محتاج اللي يطمنك اكتر مني
انا مش عايزة احطك في الموقف و الخوف دا و مش عايزة اسيبك مش عايزة اسيب الحب و الحنيه دي كلها و امشي
هحسن الظن في ربنا و مش هعملها
حضنها بفرحه كبيره و اتكلم بلهفه
= هكلمهم في المستشفى و اقولهم مش جايين و هكلم اهلك و اهلي و نعقد هنا شويه لوحدنا
ايه رأيك
هزيت راسها ببأبتسامه ، خرج يكلمهم في الصاله بصيت لطيفه ببأبتسامه و في نفس الوقت خايفه من قرارها
في الادراه
في الادراه
خيري كان قاعد في الادراه و بيشتغل جاله مسدج على فونه
" اعمل زياره لجابر الكاسر عنده معلومات مهمه جدا بالنسبالك"
بقلمي يارا عبدالعزيز
خيري بص للمسدج و قام خرج و راح السجن
دخل جابر غرفه المأمور و المأمور سابهم
اتكلم جابر ببرود
= مش هطول عليك عندي ليك عرض مهم جدا
تساعدني اهرب من هنا
خيري ببأبتسامه سخريه
= هههههههههههه و المقابل ايه بقى
عايز اعرف ايه الحاجه اللي مقويكي اوي لدرجه انك تقولي اهربك من هنا بكل بجاحه كدا
جابر ببرود
= ان بنتك عايشه مثلا
خيري بصله بصدمه و اتكلم و هو مش مستوعب
= فلتت منك المره دي
طب هات حاجه نصدقها و تسومني عليها
جابر ببرود
= امممم بس بنتك عايشه
هو انت كنت شوفتها و هي بتمـ.وت و لا اصلا معاك جُثـ.تها
انت بس سمعت صوت الطلـ.قه اللي طارت في الهوا
معقول انا امـ.وت كارت رابح زيها
خيري كان بيبصله بصدمه كبيره
قام بسرعه و راح عنده و حاوط رقبته بايديه و ضغط عليها
و اتكلم بغضب مفرط
= ودتيها فيين
بنتي فين
خيري ببرود
= قولتلك هعرفك هي فين بس تخرجني من هنا
انا كدا كدا ميـ.ت لو مو.تني دلوقتي مش هتستفيد اي حاجه هتفضل عمرك كله مش عارف هي فين
خيري بعد عنه و اتكلم بتفكير
= موافق هخرجك انهاردة بس تقولي بنتي فين
جابر ببأبتسامه
= اتفقنا و انا برا حدود السجن دا هبلغك بنتك فين
خرج جابر و خيري بص لطيفه و هو لسه مصدوم و مش مصدق كليا
مسك فونه و اتكلم ببعض الحده
= تميم عايزاك تعالي السجن حالا
في المساء
كان خيري واقف بالعربيه بتاعته جوا السجن ، خرج جابر و معاه راجي و هم بيدروا و الطريق كان قدامهم فاضي بمساعدة المأمور لخيري بانه يوقف الكاميرات و يبعد العساكر
ركبوا عربيه خيري و خرجوا برا السجن
وقفوا في مكان مقطوع و خرجوا هم الاتنين من العربيه
اتكلم خيري بهدوء
= انت دلوقتي برا حدود السجن و انا وفيت بوعدي
بنتي فين
بص خيري لتميم اللي واقف ورا الشجره و معاه العساكر
اتكلم جابر بسخريه
= ما انت عارفها
انت عارف بنتك كويس اوي
بنتك انا حطيتها في طريق واحد مراته مش بتخلف و من اكبر و اشرف الناس في الصعيد كنت عارف انه عايز يتبنى طفل هو و مراته و قولت اكيد هياخدها و يربيها و في نفس الوقت ابقى عارف هي فين
خيري بتساؤل
= مين!
جابر بهدوء
= نوح الجابري
بنتك تبقى مرات اكفأ ظابط عندك في الادراه مرات تميم النصراوي
رحيل نوح الجابري أو بمعنى اصح رحيل خيري منصور
يُتبع.
سايبه الامتحان و حالي عشان اكتبلكم الفصل 🥰
عوضتكم بفصل كبير خالص اهو و قفله خطيره 🩷")
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺