رواية أمل الحياه عشق التميم الجزء الثاني الفصل الواحد و الثلاثون بقلم الكاتبه يارا عبد العزيز حصريه وجديده على مدونة عالم الروايات والمعلومات
 |
تميم بخوف شديد و هو بيجري بسرعه و بيطلع برا الادراه
= رحيل رحيل ردي عليا
رحيل ردييي ايه اللي بيحصل عندك
رحيل
ركب عربيته و ساق بسرعه جنونيه و كان هيعمل ميه حادثه على الطريق بسبب سرعته
وصل قدام باب الكليه لاقى الحراس واقعين على الارض و الشرطه في المكان
دخل بسرعه الكليه تحت نظرات كل الموجودين
اتكلم الظابط بخوف
= بنعمل كل اللي نقدر عليه يباشا و
قاطعه تميم و هو بيتكلم بغضب مفرط ممزوج بخوفه
= عايز اشوف الكاميرات اللي قدام الكليه بسررررعه محدش لقط نمر العربيات
هز الظابط راسه بالنفي و اتكلم بخوف شديد
= لا يباشا العربيات كانت من غير نمر و كمان مفيش اي حد وشه ظاهر في اللي خدوا الهانم
اتنفس تميم بخوف شديد و دخل الكليه و راجع كل الكاميرات اللي فيها
لاحظ جلابيه صعيديه بس وش الشخص مكنش باين في الكاميرا
مجاش وقتها في دماغه غير عاصم
طلع من الكليه بسرعه
و ساق العربيه بسرعه جنونيه
بعد العصر في سوهاج
اسر كان قاعد بيحضر شنطه فريده و هي كانت بتبصله بدموع
اتكلمت برقه
= خلي اي حد يوصلني و خليك انت هنا عشان والدتك
اتكلم بحنان و هو لسه مكمل اللي بيعمله
= لا يحبيبتي مش هكون مطمن عليكي انا هوصلك و هفضل معاكي لحد الصبح
انتي مش عايزيني ارجع معاكي و لا ايه
نروح الڤيلا احسن و الصبح اوديكي بيت اهلك عشان اخواتك لو هيضايقوا مني
قامت وقفت و هي مثبته بطنها المنتفخه بايديها راحت عنده و مسكت ايديه و اتكلمت برقه
= لا و الله مش قصدي كدا انا بس مش عايزه اتعبك
بصلها و اتنفس بحزن بعد ما شاف الدموع في عينيها
اتكلم بحنان و هو بيمسح دموعها
= بتعيطي ليه دلوقتي!
فيه حاجه حصلت
قربت منه و حطيت راسها على صدره و اتكلمت بدموع و هي بتمسك فيه
= ارجع بسرعه يا اسر متتأخرش عليا
حاسه ان كل اما معياد الولادة بيقرب بخاف اكتر مش عايزة اعدي الشهر دا و انت مش معايا
اسر بحنان و هو بيحرك ايديه على شعرها
= اسبوع بس يحبيبى و الله
بقلمي يارا عبدالعزيز
طلعت من حضنه و هزيت راسها ببأبتسامه
اتكلم بحنان
= يلا روحي البسي على ما اخلص الشنط عشان نمشي دلوقتي
خلصوا و نزلوا و كانوا لسه هيخرجوا من باب القصر
بس قاطعهم بنت دخلت القصر و اتكلمت برقه و هي بتبص لاسر بهيام
= ازيك يا اسر
انت ماشي و لا ايه
اسر ببأبتسامه
= راجع بكره باذن الله عن اذنك
اتكلمت برقه
= هستناك عشان انت وحشتني اوي
حمحم باحراج و بص لفريده اللي كانت مكوره ايديها بغضب و بتبصله و بتبرق عينيها بصدمه
مسك ايديها و فردها في ايديه و اتكلم بحنان
= يلا يحبيبتي
فريده ببأبتسامه شـر
= مش تعرفنا!
مين المدام
شوق بحده
= مدام!
لا يحبيبتي انا لسه انسه
المهندسه شوق بنت خاله اسر و متربين سوا
انتي فريده بقى صح
فريده بسخريه و هي بتبص لاسر
= طلعت عارفني اهي!
ااه يحبيبتي فريده مش هقولك الدكتورة فريده زي ما انتي عملتي كدا و حطتلي لقب قدام اسمك مع اني مش عارفه هعمل بيه ايه الصراحة
مش يلا يا اسر
اسر بحنان
= يلا يحبيبتي
مشيوا و ركبوا العربيه
فريده طلعت ركبت ورا ، بصلها باستغراب
اتكلمت بحده
= انا مرتاحه كدا!
اتكلم بحنان
= اممممم
مالك
اتكلمت بغضب مفرط
= مليش
ما انا كويسه خالص اهو
متتكلمش بقى عشان انا عايزه انام
داخل نفق صغير تحت ارض المخزن اللي في قصر الجابري
كانت نايمه رحيل و هي متكتفه و وشها كله مليان كدمات من اثار الضـ.رب اللي خدته
دخل عاصم و مسك جردل المياه البارده و رماه عليها
فاقت رحيل بخضه و اتكلمت بخوف و دموع
= عمي!
عاصم بغضب مفرط
= هو انتي خليتي فيها عمي!
رحيل اللي فضلت سنين مش بتخرج برا طوعي
هر.بت يوم فرحها على ابني
مين اللي قواكي كدا يبت هااا
امك صح بس عارفه العيب على مين على ابوكي اللي راح اتجوزلي بنت البندر اللي مش عارفين اصلها و لا فصلها و سابها هي اللي تربيكي
بس مش مهم ملحوقه يبت اخويا دلوقتي انا هاخد حقي منك الفلوس اللي ابوكي كاتبهلك دي دي حقي انا
انا اللي تعبت فيهم انا اللي اشتغلت و شقيت و هو جيه خدهم على الجهاز و اداهم لعيله زيك
كمل كلامه و هو بيقرب من قدام وشها و بيتكلم بفحيح
= البنت اللي بتهرب من بيت اهلها هنا في الصعيد بنعمل فيها ايه يا رحيل
رحيل بصتله بخوف شديد و جسمها كله بقى بيترعش بقوه
اتكلمت بتلعثم
= انا معملتش حاجه غلط
انا اتجوزت على سنه الله و رسوله و البلد كلها عارفه دا
هعملك كل اللي انت عايزاه بس خرجني من هنا و رجعني لجوزي و ابني
حرام عليك ابني عمره لسه اسبوعين ليه تحرمه مني
عاصم بغضب
= انتي هتعملي كل اللي انا عايزاه بس مش عشان اخرجك من هنا انتي كدا كدا ميـ.ته
عشان اسيب امك عايشه
رحيل ببكاء و خوف شديد
= ماما
ماما ذنبها ايه
عاصم بسخريه
= مش هعملها اي حاجه لو انتي وافقتي على اللي انا عايزاه
بصي بقى يبنت اخويا
انتي هتمضيلي على ورق التنازل عن كل املاكك دا لو عايزه امك تعيش
رحيل بدموع
= طب و انا!
عاصم بسخرية
= امممم هفكر انتي بقى هعمل فيكي ايه
قال كلامه و مشي خرج برا النفق و قفله
اتكلمت بخوف شديد و بكاء و هي بتبص للمكان و حاسه بانعدام نفسها
= عمي متسبنيش هنا
طلعني من هنا انا خايفه
تميم تعال طلعني من هنا
في المساء
في سوهاج
دخل القصر بكل هيبته و اتكلم بغضب مفرط و صوت عالي خرج على أثره كل الخدامين
= عاصم يجابري اطلعلي هنا
عاصم نزل هو و اشجان و روان
و اسر و فريده مكنوش موجودين لان اسر خد فريده يرجعها بيت اهلها و بعدين يرجع تاني
اتكلم عاصم بغضب
= هو ايه دا!
هي وكاله من غير بواب
تميم بغضب مفرط
= رحيل فين
انا متأكد انك انت اللي خطفتها
روان جريت على تميم و اتكلمت بخوف شديد
= خطفها ازاي يا تميم
هي رحيل مش معاك!
بقلمي يارا عبدالعزيز
عاصم بغضب مفرط
= و انا هخطفها ليه
رحيل معاك بقالها حوالي سنه لو كنت عايزه اخطفها كنت عملت كدا من بدري
هو انت و ابوك كل اما واحدة تضيع منكوا تيجوا هنا و تتهجموا علينا
بقولك ايه يا ابن النصراوي روح دور على اللي ضاع منك في مكان تاني متضيعش وقتك رحيل مش هنا
تميم مسكه من لايقه الجلابيه و اتكلم بغضب
= بس انا متأكد ان هي هنا
محدش ليه اي مصلحه غيرك و لو مقولتش دلوقتي مراتي فين هخـ.لص عليك
عاصم بثقه
= البيت قدامك اهو دور في كل مكان فيه
و انا مبتهددش مش هتستفيد لو مـ.وتني لان كدا كدا اللي بدور عليها مش عندي
تميم سابه بغضب و طلع يدور عليها في البيت كله بس بدون اي جدوى
اتكلمت روان بخوف و بكاء
= تميم رحيل فين
بنتي فين
هي دي الامانه اللي سلمتهالك
تميم بحده
= هجيبها حتى لو فين
هو اللي واخدها و هجبها حتى لو هقلب الصعيد كله عليها
خرج برا القصر و وقف في الجنينه و اتكلم باعلى صوت عنده و دموعه في عينيه
= رحييييل
رحيييييييييل
قامت رحيل على صوته و ابتسمت ببعض الامل و اتكلمت بصوت عالي مجهد
= تميم
حاولت تقوم من مكانها بس معرفتش صوتها كان بيطلع بصعوبه بسبب تعبها المفرط
فضلت تبكي بقوه و اتكلمت بهمس و ارهاق
= تميم
في قصر النصراوي
القصر كان مقلوب لما عرفوا اللي حصل مع رحيل
دخل اسر و معاه فريده القصر
استغربوا بوجود الكل
حياة اول اما شافتها جريت عليها و حضنتها بعمق و اتكلمت بحنان
= حمد لله على سلامتك يحبيبتى
عامله ايه
فريده برقه
= كويسه يا ماما
اسر باستغراب
= هو فيه ايه!
حياة بخوف
= رحيل اتخطـ.فت
اسر بصلها بصدمه و كان لسه هيتكلم بس قاطعه ريان اللي خرج من غرفه المكتب و هو ماسك فونه
= تميم مش بيرد
انا هسافرله سوهاج
محمود و عمر تعالوا معايا و انت يا عدي خليك هنا انت و زين عشان لو حاجه حصلت
قال كلامه و مشي و معاه محمود و عمر
اسر بص لطيفهم و هو شارد في اللي بيحصل
فاق على صوت فريده و هي بتتكلم بخوف
= هو مين اللي عمل كدا يا ماما و ابيه تميم ليه في سوهاج
حياة بخوف
= شاكك في عمها و راح يشوفها هناك
انا قلبي مش مطمن و خايفه عليهم
رندا بحزن
= ربنا يرجعها بالسلامه لابنها يحبيبي مبطلش عياط من الصبح زي ما يكون حاسس
تميم كان قاعد في العربيه قدام القصر و بيرصد اي حد فيه و خصوصاً عاصم
كان قلبه بيبنبض بعنف من خوفه الشديد عليها و حاسس ان روحه بتنسحب منه
فاق على صوت رنين هاتفه
اتكلم بحده
= وصلت لحاجة
= دورنا في كل المخازن و المصانع يفندم و ملاقناش اي حاجه
قفل الفون بغضب و ضر.ب على دريكسيون العربيه بايديه بغضب مفرط
و طلع بعربيته يدور هو بنفسه بعد ما عين واحد يراقب عاصم و يفضل واقف قدام القصر
في قصر النصراوي
دخل اسر اوضه فريده و حط شنطه هدومها و هو بيفكر
فاق على صوت فريده و هي بتتكلم بحزن
= ربنا يستر
بقلمي يارا عبدالعزيز
اسر بهدوء
= فريده
انا لازم اسافر سوهاج دلوقتي فيه حاجه مهمه لازم اعملها خدي بالك من نفسك
فريده بدموع
= و مش هترجع!
اسر بحنان و هو بيقـ.بل راسها بعمق
= هرجع يعمري متخافيش
اتكلمت بحده و دموع
= مش قادره على بعد شوق خالص كدا ايه وحشتك!
اتنفس بغضب و اتكلم بحده
= فريده و الله ما وقته غيرتك دي
فريده بغضب و دموع
= لدرجه دي مبقتش طايقني يا اسر!
اسر بحنان
= يحبيبتى انتي اللي بتفكري غلط انا بس عايز اروح هناك عشان ابقى جنب تميم و اشوف لو اعرف الاقي رحيل
فريده بدموع
= بجد يا اسر
اسر بحنان
= بجد يعيون اسر
و هرجع على طول و هحاول اقنع ماما اجيبها هنا عشان اطمن عليها دكاتره هنا احسن ليها و كمان عشان مسبكيش لوحدك بس نشوف بس موضوع رحيل الاول
فريده ببأبتسامه
= ماشي
بس متتكلمش مع شوق دي خالص طول ما انت هناك
هز راسه بهدوء و اتكلم بحنان
= حاضر
انا لازم امشي دلوقتي
قال كلامه و حضنها بعمق و اتنفس ريحتها و هو بيغمض عينيه حاوطت كتفه بحنان و قبـ.لت عنقه بعمق في حركه خلاته مش قادر يبعد عنها
بعد عنها بصعوبه و خرج من الاوضه تحت نظرات الحزن منها
وصل سوهاج و هو سايق العربيه بسرعه جنونيه ، وصل سوهاج و راح لعساف واحد من رجاله ابوه
كان قاعد على القهوه قعد اسر قدامه و اتكلم بغضب مفرط
= وديتوا رحيل فين!
عساف بخوف
= انا مش فاهم بتتكلم عن ايه
قام من على الكرسي و حاوط رقبته بايديه و ضغط عليها بقوه
= و قسما بالله العلي العظيم لو مقولتش وديتوا رحيل فين
لهمـ.وتك بايدي دلوقتي اخلصصص رحيل فين
عساف بخوف و هو بيحاول ياخد نَفسه
= في نفق في مخزن الڤيلا
عاصم بيه امرنا نعمله من قريب
اسر بصله بصدمه و اتكلم بغضب مفرط
= هيعمل فيها ايه
عساف بصله بخوف شديد و اتكلم و هو بينهج
= هيمضيها على ورق التنازل و بعدين هيمـ.وتها
اسر بصله بصدمه و مشي بسرعه و خد معاه عساف
في النفق
دخل عاصم و بص لرحيل اللي كانت خلاص بتقطع النفس
= لا استني مينفعش تمـ.وتي دلوقتي مش قبل ما تمضيلي على ورق التنازل يلا يحلوه
أداها الورق و اتكلم بغضب
= امضييي يلا انا مش فاضيلك
هزيت راسها بخوف شديد و اتكلمت ببكاء
= حاضر
بس خليني امشي انا و ماما هسبلك كل حاجه بس خلينا نمشي
عاصم بغضب مفرط
= اخلصيييي
خديت منه القلم بخوف و مضيت على ورق التنازل
دخل واحد من رجالته اتكلم عاصم ببابتسامه و هو بيبص للورق
= كدا كل حقوقي رجعتلي
كمل و هو بيبص للراجل اللي دخل
= نيمتوا اللي واقفلنا على القصر
= ايوا يباشا و الدنيا كلها تمام
عاصم بحده
= تمام خدوها يلا
بس حطلي حاجه على بؤوها عشان متصوتش و حد يحس بيها
اتكلمت رحيل بخوف شديد و هي بتبص للراجل اللي وقف وراها
= انتوا هتعملوا فياا ايه
حرام عليك يا عم......
بقلمي يارا عبدالعزيز
قاطعها الراجل اللي حط قطعه قماش على فمها و ربطها
بصتلهم رحيل بخوف شديد و دموعها بتنزل منها بقوه
خدوها و وصلوا بيها في المقابر
بدأوا الرجاله يحفروا في الارض
رحيل بصتلهم بخوف شديد و اتكلمت بعد ما الراجل شال من على فمها القماشه
= لا لأ ابو.س ايديك
انا عملتلك كل اللي انت عايزاه خليني امشي و ارجع لابني و جوزي
عاصم بحده
= مفيش اي حاجه هتنقذك مني
انتي خلاص انحكم عليكي بالاعدا.م يا رحيل
رحيل بصتله بصدمه و جسمها كله اتنفض بخوف و خصوصاً بعد ما عاصم رماها في الحفره و بدأ يرمي التراب عليها
وصل اسر و معاه عساف النفق
بصله بخوف شديد لما ملاقاش رحيل
اتكلم بغضب مفرط و هو بيبص لعساف
= هي فين!
عساف بخوف شديد و تلعثم
= اكيد عاصم باشا خدها عشان يمـ.وتها
هو قال انه هيد.فنها حيه في المقابر
اسر بصله بصدمه كبيره و خوف شديد ، مسك فونه و رن على تميم
تميم كان بيلف بالعربيه و بيدور في كل املاك عاصم زي المجنون قلبه هيقف من خوفه عليها مليون سناريو بيجوا في دماغه و كلهم اسوء من بعض
فاق على صوت رنين هاتفه
اتكلم اسر بخوف
= تميم انت فين!
تميم بغضب
= في سوهاج
و الله العظيم لو حصل حاجه لمراتي ما هرحم ابوك
اسر بخوف و حده
= انت فين في سوهاج!
ابويا خد رحيل المقابر عشان يد.فنها حيه انا قدامي حوالي نص ساعه على ما اوصل هناك
لو انت في الادراه هي اقرب ليك لازم تطلع دلوقتي
تميم برق عينيه بصدمه و خوف شديد ، حس بقلبه هينخلع من مكانه من خوفه
ساق عربيته بسرعه جنونيه و اتوجه ناحيه المقابر
في منزل خيري
نزلت ساره الريسبشن بعد ما حسيت بانقباض في قلبها
رنيت على باسم ابنها و اطمنيت عليه و بعدين رنيت على خيري
اتكلمت بخوف
= الو خيري انت فين
خيري بهدوء
= في الادراه يحبيبتى
مال صوتك انتي تعبانه
ساره بدموع
= حاسه بقلبي مقبوض
نفس الشعور اللي حسيت بيه وقت مو.ت بنتنا مش عارفه مالي المهم انكم كويسين
خيري بخوف
= اجيلك
ساره بهدوء
= لا خلاص انا كويسه مفيش داعي
خيري بحنان
= طب اهدي يحبيبتى انا جايلك دلوقتي و هجيب باسم معايا حاولي تهدي ماشي
هزيت راسها بهدوء و قفلت المكالمه
حطيت ايديها على قلبها اللي كان بينقبض بقوه ، حاولت تهدي نفسها و تاخد نفسها
اتكلمت بهمس
= ما هم كويسين
ايه اللي بيحصلي دا!
في المقابر
كانت بتحاول تطلع بس مش عارفه
اتكلمت بارهاق شديد و هي بتحاول تاخد نفسه اللي أصبح شبه معدوم
= لا يعمي انا عملت كل اللي انت عايزاه متمـ.وتنيش ارجوك
التراب غطى كل جسمها
غمضت عينيها باستسلام و هي بتفتكر تميم و يوسف و روان
حياتها مع تميم كلها بتنعاد قدام عينيها
همست باسمه و دموعها بتنزل من عينيها لحد اما فقدت وعيها و
يُتبع.... بقلمي يارا عبدالعزيز
مكنتش فاضيه خالص اكتبه و مع ذلك حاولت على اد ما اقدر عشانكوا اتمنى تقولولي رأيكم بيفرق جدا مع كاتب غلبان زيي
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺