رواية أمواج قاسيه الحلقة 31 حتى 35 حصريه وجديده
 |
فات عليا نهار أداك غير بكاء و قاعدة وحدي ماما جابتلي لغداء و لعشاء ماخلاتنيش نخرج خافت كشما نهدر و انا في هاذيك الحالة رقدت حتى تما و هوما منعرف وين رقدو لغدوة الصباح جات ماما جابتلي قشي و حوايجي قاتلي ألبسي ووجدي روحك رانا مروحين، فرحت خلااه بسيف راه نتهنى من الدار المنحوسة هاذي نوجد في روحي وأنا ميت بالسعادة ، لبست سروال دجين باديليفون مع تريكو أبيض لحتو فسروال مع جيلي طوييلة غوز كلااغ مع خيمار في نفس لونها و بوشات بيضة و طالون تانا بيض درت شوي مكياج غطييت حالتي لي تشف ( خرجت زلة نهبل كلش جديد شريتهم كي هزيت شهريتي منعرف علاه نفحتلي نعدل بلاك حبيت نحرحر العديان ههه ) مهم كملت خرجت لقيتهم فالحوش يستناو فيا ، خاوتي قالولي _ جيتي بومبة راكي معولة على وليد اليوم ( تقريب سبيتهم أداك نلبسلو سروال أحمر مع تريكو أصفر و تقاشر مقطعين و يقولي نموت عليك ) ، سمعهم وليد كي قالو هكاك مات بالفرحة تحسابلو صح لاتية بيه ( ساعات نحس كاين حجر في راسو ماشي مخ ) ماما و خاوتي سلمو عليهم كامل و خرجو انا درتلهم باي باي بيدي و مشيت مش تاوجهم يمسو خدي الرطب الجميل ، خرجت ركبت مع الكولا رابيد ( بلاما نبقا نقول اسمو ) و ديمارينا ساعتين و نص حسيتهم قرن غمني بخزراااتو ايوما قلبي دار عليا حبسنا في نص الطريق هبطنا تغدينا انا هكاك و صونالي التيليفون شفتو عادل كوبيت، قالي وليد شكون قتلو _ يعيشك ماتدخلش في خصوصياتي ووقفت رحت للدوش ،بعتلو ميساج "راني مع الطريق مع تا الدار كي نوصل نعيطلك" زاد بعثلي " شكون وصلكم " ماحبيتش نقولو وليد قتلو " خالي " ، كملنا لغداء و طلعنا شوي ووصلنا حنا خرجنا مالطونوبيل و نطلق عيني شفت عادل واقف منهيه تقرييب تغاااشيت ياربي وش داني نكذب هاو شافني مع وليد باينة درك يبعثلي ميساج قدري كامل يجيبو فالأرض ، بقيت غير نخزر فيه شافني وليد خزر وين راني نشوف كي شافو راحلو طول ، قتلو _ وين رايح أرواح هنااا ، ماسمعنيش راحلو منعرف وش هدرو شفت عادل بدا يتحول و يضربو وحد الكف جابو طايح فالأرض و جا طول لجيهتنا أنا زربت دخلت خليتهم برا ( ماما و بابا ، خاوتي مزال ماوصلو كانو مع خالي ) منعرف وش هدرو ماقدرت نسمع والو , شوي دخلو و معاهم وليد ماما تعيط وحدها بهدلنا بهدلنا و بابا يهدي فيها ووليد يقول _ اليوم نجيب دراري صحابي وندير و ندير فيه ( أحكموني عليه ) ، كنت رايحة نسبو ياخي شفت تيليفوني شعل وصلني ميساج من عند عادل حكمت في قلبي و فتحتو نقرا " مالا يا ق.... ماقبلتيش بيا باه تتخطبي ل نق.... كيف هذاك حق ربي لانخليك تتهناي معاه كون مانفزدوش و نخليه تاع صح نق.... مانيش عادل، ونتي والله وراس ميمتي لي ماعندي أغلى منها غير ندمرك و نخليك ماتقدريش تهزي عينيك مالأرض " فشلت وليت نرجف علابالي لي يقولو يديرو بصح لازم عليا نوقفو عند حدو ماشي كل مرة يخوفني هكذا مادرت والو أنا مانيش غالطة معاااه ، بعتلو ميساج قتلو " شوف c'est la dernière fois تاعك سكتلك بزااف ونتا كل مرة تبعثلي و تسبني مالڨري مابيني و بينك والو أدا تخيل مابيناتنا والو سبيتني ، و كون جيت تسمع كي الناس تفهم وتنحي عليك التهديد و السبان هذا لي في كل ميساج تبعتهولي كون ماشي رانا هنا ،و زيد راك كبيير احشم شويا وكون جيت عينك فيا صح كون حاربتي على جالي ماشي تعيط و تسب و تهدد لقطات يديرهم واحد في عمرو 20 سنة ماشي كبير كيف نتا " ....
الحلقة 32💕
طفيت التيليفون و سمعت خالي و مرتو جاو حكالهم وليدهم الشي لي صرا تغميت لعياط و الحس خرجت طول من الشومبرة رحتلهم للصالون قتلهم _ أسكتو عليااا شوفو ملخلر راه نهدر هذرة وحدة و فوقها مانزيد حتى كلمة خطبتي مع وليد ماهيش راح تصرا و ولدكم يقعد آخر شخص فالدنيا هاذي راني مانديهش ونتا و خزرت في وليد ماتبقاش كي اللصقة قيم روحك شوي راك راجل وماتقوليش نحبك هذا ماشي حب هذا رخس و زيد درت لماما قتلها _ شوفي ا ماما قدرك عالي و رايك تانا بصح باه تقرري في بلاصتي على حاجة أنا كارهتها مانسمحلكش، ترضاي عليا ولا ماترضايش هاذي حياتي و مانخليكش الدمريها أني لي نبنيها كيما نحب نتي صح تنصحيني ماشي تجبريني نغلط ولا مانغلطش حاجة تخصني أنا لي نضر ماشي نتوما راني كبيرة ونعرف صلاحي و درك قصو عليا هاذي لحكاية راكم كسرتولي راسي بيها ، _ جات راح تهدر ماما قاطعها بابا قالها _ أسكتي عندها حق راهي قاتلكم ماهيش حابة وماشي قابلة سيبو واحد مازيد يهدر معاها حتى كلمة ماشي راح تجبروها على حاجة بسيف مدامني حي بنتي لي تحب عليه ولي يساعدها ديرو نقطة فظ الحوار ، تبسمت مع بابا و عينيا رغرغو بالدموع تاع الصح الأب سند ربي يخليهولي و يشفيه ، دارلي بعينيه تا روحي ريحي راني هنا خرجت و خليتهم يهدرو ماحوستش نفهم أنا لي عندي قلتو تعبت من الحكاية هاذي راني سمانة ندور في نفس الدوامة، مهم شويا و راحاو جات ماما حبت تحدي معايا ماحبيتش، حتى و هدرت في صلاحي كيما راهي تقول بصح ماديرليش هكا راهي خنقتني بزاااف ، السمانة هاذي كاملة مانخدمش بغسك راح نقدم الميموار تاعي لتيت فيه والله لاوليت نرقد في آخر دقيقة ولينا نعدلو فيه تعبنا بزااف معاااه وزيد حضرنا حوايج الحفلة قلنا نديرو حفلة صغييرة برك مهم نفرحو و نخليو اليوم للذكرى بما أنها آخر سنة بغسك قررت مانقراش للماستر نخدم خير و حكاية وليد و عادل سيبو تغلقت من جيهتي و من جيهة عائلتي، مهم جا اليوم الموعود نضت صبااح بكري لبست سروال كلاسيك ابيض مع تريكو أبيض دخلتو فاسروال و لبست فوقهم فاست كلاسيك بلو سيال مع طالون بلو و خيمار بيض و درت مكياج ( ماسكرا أيشادو أيلاينر رسمت عينيا يهبلو مع شويا غوج لفمي و فغاجو لخدودي ) مهم خرجت نهبل ساعة وانا نخزر في روحي فالمرايا ، أصلن نضت الصباح فرحانة ماشي مدايرلتي الخلعة على عكس لي معايا مسكينة عيطتلي على صباح تبكي كملتلي نصبر فيها ( أنا من بكري كوراج فالحوايج أدم قلبي بارد حتى الباك الناس كل تبكي انا على صباح ربي نضحك ضرسة لعقل تبان ) .....
الحلقة 33💕
مهم خرجت مالدار مع خاوتي لبنات رايحين معايا ماما ماحبتش تروح قالت نقعد مع باباك ( أصلن أنا و ماما فسدت علاقتنا مالنهار الشي لي صرا آخر مرة ) حكمنا طاكسي بغسك كنا هازين لحوايج وصلنا للفاك دخلت لقيت صحبتي لي دير معايا كوراجيتها شويا و مباعد دخلنا زينا شوي القاعة قبل مايجيو و درنا طابلة حطينا فيها تارت صغيرة و تهبل ( خدمتها لي معايا ) مع ليسالي و ليڨاطو المهم كل خير مشاء الله و الحمد لله ربي قدرني و قدرت نوجد حفلة هكا لي جامي توقعت نديرها بسبب حالتنا المادية، والله الخدمة هاذيك زايدة فيا خلاه و المدير تاحا قطرة عسل ربي يحفظو و يعطيه مايتمنى ، شوي وجاو ليبروف قعدنا الضياف ( لي مايفوتوش 15 عبد انا جبت غير خاوتي، الطفلة لي معايا هيا لي مزال غير العساس تا دارهم ماجبتوش) ، مهم أنستالينا روحنا و بدينا نقدمو انا الحق كنت واثقة من نفسي صح ماتعبتش فيها بزاف بصح نورمال المهم لي عليا درتو، و كنت أصلن قاوية خلاه فالفرونسي قدمتو محسوب كامل بيها ماخليتيهمش حتى الفرصة يسقسيوني، على عكس لي معايا قدمت بالعربية و بانت بلي خايفة مسكينة وعطاوها بزاف ملاحضات ،عرفت بلي راح تأثر على العلامة بصح معليش أصلن مسكينة هيا لي تعبت فيه تقريب وحدها مهم كي خلصنا عطاونا علامة 17.5 انا تصدمت كنت حاطة يعطونا قل بغسك تاع الصح لي معايا هردتها فالتقديم مي الحمد لله ربي مايضعلناش تعبنا ، شكرناهم و شكرنا بزاف لأونكادغاغ تعنا بسك ناااس ملاح خلاه و عاونتنا بزااف ، شوي و زيد درنا الحفلة و لبست طقم التخرج صورت بيه نشبعت و زيد صورت مع الغاشي كل خاوتي مدولي كادو براسلي فضة مكتوب فيه أسمي فرحت بيه خلاااه عابالي ماعندهمش و شراوهولي عنقتهم و بستهم و شكرتهم،و لي معايا تانا لقيتها جابتلي كادو انا الحق ماتولهتش باش نجيبلها قتلها راكي تساليني مام نتي، فتحتو لقيتها جابتلي مصحف و كاس عليه اسمي و كادر فيه صورتي و صورتها يهبل شكرتها و حضنتها ، مباعد خلصنا ودعت ليبروف و الجامعة ماحطيتش روحي راح نبكي بصح تأثرت يقعدو أيامات الجامعة أفض أيام و علابالي نتوحشهم ، كي جيت خارجة من الباب لقيت عادل في وجهي قبالة تخلعت جا ليا، خاوتي قالولو السلام وراحو خلاونا وحدنا قالي _ مبروك عليك نور لعقوبة لحاجات أخرى نشاله _ يعيشك مرسي و جيت ماشية حكمني من يدي قالي ويين خلينا نحكيو نتفاهمو _ مكان حتى هدرة معاك يعيشك خليني نروح بلا مشاكل خزر فيا مباعد طلقني رحت عند خاوتي الحق ماسقساوني والو خلاوني على راحتي أصلن عبالهم بلي الفترة هاذي عديت بأيام صعيية و عادل تاع الصح برد قلبي من جيهتو مانحبش واحد يسبني و يطيحلي قدري ، وصلنا للدار باركولي ماما و بابا و دخلت لشومبرتهم و رقدت شويا نضت تقريب الليل رحت للشومبرة تا لبنات باه نجيب قشي مالقيتهمش بدلت لبست بيجامة ( قبيل رقدت بقشي غير غسلت وجهي برك) و توضيت صليت انا كملت هزيت زربية الصلاة و نحيت الطقم عليا و سمعت الباب يطبطب ، رحت باه نفتح لقيت منار فتحت و قتلهم مرحبا فوتو ، طليت بشوي نشوف شكون جا لقيتها مرأة كبيرة شوي مانعرفهاش ستغربت بصح كي شفت عادل وراها عرفتها بلي أمو ، رجعت طول للشومبرة و هذا وش جابو عنا علاه جاي وزيد مع أمو ، و لكان معول يعاود يخطبني غير ينسا والله مانديه .....
ديري لايك يا المسمومة الجميلة ❤️
الحلقة 34💕
شوي جات ليا منار قتلي _ نتي وش ديري هنا أوقفي الناس جات تبارلك ونتي قاعدة _ كون ماجاوش خير زعما كي راح يباركولي راح يفيدوني بحاجة _ اوقفي نتي تاع الصح وليتي ماتقادريش, روحي على وجه بابا راهو فارح بيهم راح يطير بالسعادة _ وقفت على زهري درت خيمار فوق راسي و رحت دخلت قتلهم _ السلام هو خزر فيا و تبسم بقا يكيل فيا رحت سلمت على أمو سقساتني على حوالي و باركتلي و هو مديتلو يدي برك زيرها عندو وجعني تقريب كسرها ( مكلوب ) ، جبدت يدي بسيف و قعدت قاتلي خالتي فاطمة _ يانور بنتي راكي قمر مشاء الله ربي يحفظك و يسطرك من العين _ يعيشك خالتي عينيك لملاح نتي تانا تهبلي مشاء الله( تبان ناس ملاح مشاء الله رتحتلها خلاه )، نطق هو قالي _ مبروك عليك نور التخرج لعقوبة لحاجات أخرى و غمزلي 😉_ شكرا (أدا كل دورة يقولي مبروك ولا وش ) ، مباعد وقفت باه نروح للكوزينة حبستني أمو قاتلي _ نور حبيبتي أقعدي دقيقة حابة نحكي معاك في حاجة و نشاورك _ تفضلي ( عرفتها على ماه راح تحكي ) , شوفي بنتي اليوم راني جيت نخطب ولازم مانروحش هكاك راني خديت موافقة والديك مازلتي غير نتيا _ خزرت طول في ماما و بابا ( بابا بلاك نتوقعها منو بصح ماما كيفاه قبلت راي كانت تحلف بلي مانديهش) بابا دارلي براسو تاع ايه راني قابل و ماما دورت وجها عرفتها قبلت بسييف _ هيه بنتي وش تقولي شوفي راني عندي طفل واحد هو حياتي و عينيا راني حابة نتهنى عليه ماتتصوريش الفرحة لي فرحتها نهار قالي راني حاب نخطب و لقيت بنت الحلال ، كنت دايما نحكيلو على زواج بصح هو يتغشش مني و يقولي أغلقي عليا هاذي لحكاية و الحمد لله جا النهار لي هداه ربي و ختار طفلة مشاء الله مغلطوش كي سماوك نور حبيبتي راكي منورة من بعيد _ ضحكة و هبطت راسي لعبتها حاشمة ( و انا مالقيتش كيفاه نقول لا برك حشمة من أمو ) مباعد نطقت قتلها _ نخمم ا طاطا و نرجعلكم ( هو تخنزر فيا وحد الخزرة كي قلت نخمم حسيتو كون نطيح في يدو يكسرني ) _ نشاله بنتي لعزيزة خمي مليح برك و أنا نوعدك والله ماتندمي و باستني على راسي ( منعرف علاه ماخرجش لأمو عاقلة تهبل ) ، وقفت رحت للكوزينة راح نشرب ( شاح ريقي كي شفتو ههه ) شربت جيت ندور لقيتو في وجهي _ وش راك دير هنا اني نشوف فيك خديتي راحتك فالدار , قربلي و جبدني عندو _ مالا حابة تخميي _ نو الحاجة هاذي خممتلها قبل خلاه، مانقبلش قلت هكاك باه مانحشمش ماماك برك _ زاد جبدني قرب من وذني بزاف قالي _ رايي مش رايك هاني قتلك قبل نديك برضايتك ولا بلا بيها _ بعدتو من وجهي قتلو مزلتي تهدد فيا والله ماتحشم و درك أخرج عليا الحمد لله عرفت بلي مش راح نندم على قراري مستحيل نزوج بمكلوب كيفك مانتوالمووش ، قالي مكلووب ! ( السيد اليوم وين سمع وش نعيطلو ههه ) سكتت هبطت راسي ( نندب علاه قتلو الكلمة هاذي في وجهو عيب مهما يكون يبقا ولد عمي و كبير ) قتلو سمحلي ماقصدتش نقلك هكذا ، هبط راسو عندي و همسلي في وذني _ نحبك ا نوور وش درتي فيا ، انا تزعزت في بلاصتي قلبي راح يحبس و نرجف وحدي و طلعتلي السخانة احساس مافهمتو فرحة مافهتو خوف حتى من عينيا دمعو ، كي شافني كيفاه وليت قالي _ مكنتش حاطك فرااجيل هاذي كلمة دارت فيك هكذا مالا كي نفعل فيك وش راح يصراالك ، انا حليت عينيا على وسعهم و دزيتو قتلو ماتحشمش بعد عليا _ وش قلت انا نتي لي مخك خامج ا بنت عمي و غمزلي و خرج ، انا هكاك نستجمع في روحي فالكوزينة تقريب تلحت فالفرجيدار مالسخانة ، سمعت التزغريت فالصالون تشوكيت رحت نجري دخلت لقيتها خالتي فاطمة لي تزغرت كي شافتني جات حظنتي و قاتلي ماكنتش حاطتك راح تخمي بالزربة هاذي بعد مهم درتي عين العقل بنتي لعزيزة و مبروك علييكم و باستني ، انا خزرت فيه طول لقيتو يضحك عرفتو كذب بيهم و قالهم بلي راني قبلت بصح مانكذبش عليكم الحمد لله كي دار كاك كنت حابتها بصح ماقدرتش نهبط من كرامتي و نقبل برك ....
الحلقة 35💕
تفاهمنا على الخطوبة و الفاتحة السمانة الجاية و العرس بعد شهر و نص ( قبل عملية أمو ) شوي و راحو هوما خرجو و انا دارتلي ماما قاتلي _ نور بنتي مبروك عليك بصح أني مش متهنية و قلبي مش مرتاح و نشاله نكون غالطة برك و راحت _ قلبي وجعني من هدرتها و خفت بغسك ماما جامي كانت ضدي في حاجة ولا مارضاتش عليها خفت يكون كلامها صحيح ، بابا طمني و قالي ماديري والو في بالك راهي خايفة برك و نشاله نهار تشوفك متهنية في حياتك ترتاح ا بنتي _ نشاله ،خرجو مالصالون و أنا رحت توضيت صليت استخارة (هذا هو حلها باه نتهنى من قلبي و عقلي ) و دعيت " اللَّهُمَّ إنِّي أَسْتَخِيرُكَ بِعِلْمِكَ، وَأَسْتَقْدِرُكَ بِقُدْرَتِكَ، وَأَسْأَلُكَ مِنْ فَضْلِكَ الْعَظِيمِ فَإِنَّكَ تَقْدِرُ وَلا أَقْدِرُ، وَتَعْلَمُ وَلا أَعْلَمُ، وَأَنْتَ عَلامُ الْغُيُوبِ، اللَّهُمَّ إنْ كُنْتَ تَعْلَمُ أَنَّ هَذَا الأَمْرَ زواجي من عادل خَيْرٌ لِي فِي دِينِي وَمَعَاشِي وَعَاقِبَةِ أَمْرِي فَاقْدُرْهُ لِي وَيَسِّرْهُ لِي ثُمَّ بَارِكْ لِي فِيهِ ،اللَّهُمَّ وَإِنْ كُنْتَ تَعْلَمُ أَنَّ هَذَا الأَمْرَ زواجي من عادل شَرٌّ لِي فِي دِينِي وَمَعَاشِي وَعَاقِبَةِ أَمْرِي فَاصْرِفْهُ عَنِّي وَاصْرِفْنِي عَنْهُ وَاقْدُرْ لِي الْخَيْرَ حَيْثُ كَانَ ثُمَّ ارْضِنِي بِهِ. "، كملت فرشت بلاصتي و قعدت حسيت بالراحة كي توكلت على ربي و فوضت له أمري ، لقيت عادل بعثلي ميساج فتحتو قريتو " يقولون إنَّ لحواس البشر مدًى، فلماذا معكِ يصير للمدى إعجازٌ وإبهار؟! فعَيني تراكِ في كل مكان، وأي الأماكن يرقى إليك ! " ضحكت بقيت نقرا فالميساج و نعاود أول مرة في حياتي يعجني غزل بالفصحة وأول مرة يتبعثلي ههه أنا نقرا فالميساج للمرة الألف و هو عيط هزيت _ حبيبي _ تحمستي شوياا عادل _ هههه علاه كي مانتغزلش ب نور حياتي بشكون نتغزل _ كشما سحقيت برك _ ايه _ وشي ! _ علاه راكي تشوي فيا _ وي ا عادل وي اهدر _ مانيش هادر نتي مايصلح معاك والو صحاا _ ماتكوبييش _ علاااه ياخي مش حاملة تحكي معايا _ لا لا ماشي كاك _ همالا وش_ والو ياخي لاباس _ هيه لاباس خلااه تانا ، مهم حكينا شوي ( حوايج تخصنا مش لازم نقولهالكم كاملة ههه ) , فاتو ليام و أنا نجري نخدم و نشري فالحوايج باه نوجد للفاتحة و عادل الحق موفرلي كلش تقريب كلش شراه هوا كي نقولو لالا يقولي راني ولد عمك قبل مانكون راجلك ( صدق بلي سيبو راه راجلي) و في هاذي ليامات حسيتو زير عليا بزاف ولا دايما يوصلني و يجيبني لازم نخطي اي خطوة نقولو و يكون حاضر معايا زاد شرط عليا ناحي سراول و نلبس ليغوب عراض درت ڨيرا أنا و هو( مانحبش واحد يسيف عليا حاجة ) ،مباعد قبلت على زهري قلت نرضيه و نرضي ربي ( من بكري كنت حابة نسطر روحي و نريڨل خيماري قد قد ) لافامي تا ماما كي سمعو دارو حالة كيفاه ترفضي وليد و تقبلي ب عادل ( لا منيتهم و حايرين علاه ) زادو شيعو عليا بلي باينة كنت معاه بغسك مادموزال وليد ل كولا رابيد شنعني و حكالهم نهار شافني راكبة معاه، ولاو يوسوسو في ماما و بابا ، ماما قالتلهم انا من بكري مش قابلة و راضية بصح دبر راسها و بابا تانا سمع بالحكاية و غضب كي ماحكينالوش وليت نبكيلو قتلو والله ماحبيت نقلقك و مكان والو و زيد قنعو عادل قالو _ والله وراس أمي لغالية مكان بيناتنا والو و زاد صدمني كي قالو راهي كانت في بالي مالصغر و كنت نستنا فالفرصة برك ، و عادل زاد تحلف مليح في وليد قالي راني نلملو فيهم و راهو جاي نهاارو و نحسو تاع صح يحكي فيها من قلبو ، والله ساعات نشوف في عينيه الشر مافهمتش علااه مهم ، عايلة بابا تانا لي هيا عايلة عادل كاامل ماقبلوش غير عمتي لكبيرة ( كانت باينة ) قالولو كامل كيفاه تدي بنت لي قتل باباك مي هوا وقفلهم في وجهم قالهم هاذي حياتي واحد مايحوس عليا شكون ندي و مانديش ماكمش معيشيني حتى تدخلو في حياتي من بكري بعيد علييكم.... ، جا نهار الفاتحة نضت على الصباح ( أصلن فاليل مرقدتش مليح بايتة نحكي معاه ) لقيت ماما فالكوزينة صبحت عليها بستها على راسها حطتلي فطرت و نضت غسلت روحي و عيطت ل وحدة جارتنا حفافة قاتلي شوي و نجي ليك ، ناضو خاوتي لمو دنيا و بداو يفرزو و دارو ديكور ( في وقت الصح لقيتهم غير هوما ، صدقت لي قالو خوك خوك و مايغرك صاحبك ) .... فامواج قاسية
الحلقة 31 حتى 35
فات عليا نهار أداك غير بكاء و قاعدة وحدي ماما جابتلي لغداء و لعشاء ماخلاتنيش نخرج خافت كشما نهدر و انا في هاذيك الحالة رقدت حتى تما و هوما منعرف وين رقدو لغدوة الصباح جات ماما جابتلي قشي و حوايجي قاتلي ألبسي ووجدي روحك رانا مروحين، فرحت خلااه بسيف راه نتهنى من الدار المنحوسة هاذي نوجد في روحي وأنا ميت بالسعادة ، لبست سروال دجين باديليفون مع تريكو أبيض لحتو فسروال مع جيلي طوييلة غوز كلااغ مع خيمار في نفس لونها و بوشات بيضة و طالون تانا بيض درت شوي مكياج غطييت حالتي لي تشف ( خرجت زلة نهبل كلش جديد شريتهم كي هزيت شهريتي منعرف علاه نفحتلي نعدل بلاك حبيت نحرحر العديان ههه ) مهم كملت خرجت لقيتهم فالحوش يستناو فيا ، خاوتي قالولي _ جيتي بومبة راكي معولة على وليد اليوم ( تقريب سبيتهم أداك نلبسلو سروال أحمر مع تريكو أصفر و تقاشر مقطعين و يقولي نموت عليك ) ، سمعهم وليد كي قالو هكاك مات بالفرحة تحسابلو صح لاتية بيه ( ساعات نحس كاين حجر في راسو ماشي مخ ) ماما و خاوتي سلمو عليهم كامل و خرجو انا درتلهم باي باي بيدي و مشيت مش تاوجهم يمسو خدي الرطب الجميل ، خرجت ركبت مع الكولا رابيد ( بلاما نبقا نقول اسمو ) و ديمارينا ساعتين و نص حسيتهم قرن غمني بخزراااتو ايوما قلبي دار عليا حبسنا في نص الطريق هبطنا تغدينا انا هكاك و صونالي التيليفون شفتو عادل كوبيت، قالي وليد شكون قتلو _ يعيشك ماتدخلش في خصوصياتي ووقفت رحت للدوش ،بعتلو ميساج "راني مع الطريق مع تا الدار كي نوصل نعيطلك" زاد بعثلي " شكون وصلكم " ماحبيتش نقولو وليد قتلو " خالي " ، كملنا لغداء و طلعنا شوي ووصلنا حنا خرجنا مالطونوبيل و نطلق عيني شفت عادل واقف منهيه تقرييب تغاااشيت ياربي وش داني نكذب هاو شافني مع وليد باينة درك يبعثلي ميساج قدري كامل يجيبو فالأرض ، بقيت غير نخزر فيه شافني وليد خزر وين راني نشوف كي شافو راحلو طول ، قتلو _ وين رايح أرواح هنااا ، ماسمعنيش راحلو منعرف وش هدرو شفت عادل بدا يتحول و يضربو وحد الكف جابو طايح فالأرض و جا طول لجيهتنا أنا زربت دخلت خليتهم برا ( ماما و بابا ، خاوتي مزال ماوصلو كانو مع خالي ) منعرف وش هدرو ماقدرت نسمع والو , شوي دخلو و معاهم وليد ماما تعيط وحدها بهدلنا بهدلنا و بابا يهدي فيها ووليد يقول _ اليوم نجيب دراري صحابي وندير و ندير فيه ( أحكموني عليه ) ، كنت رايحة نسبو ياخي شفت تيليفوني شعل وصلني ميساج من عند عادل حكمت في قلبي و فتحتو نقرا " مالا يا ق.... ماقبلتيش بيا باه تتخطبي ل نق.... كيف هذاك حق ربي لانخليك تتهناي معاه كون مانفزدوش و نخليه تاع صح نق.... مانيش عادل، ونتي والله وراس ميمتي لي ماعندي أغلى منها غير ندمرك و نخليك ماتقدريش تهزي عينيك مالأرض " فشلت وليت نرجف علابالي لي يقولو يديرو بصح لازم عليا نوقفو عند حدو ماشي كل مرة يخوفني هكذا مادرت والو أنا مانيش غالطة معاااه ، بعتلو ميساج قتلو " شوف c'est la dernière fois تاعك سكتلك بزااف ونتا كل مرة تبعثلي و تسبني مالڨري مابيني و بينك والو أدا تخيل مابيناتنا والو سبيتني ، و كون جيت تسمع كي الناس تفهم وتنحي عليك التهديد و السبان هذا لي في كل ميساج تبعتهولي كون ماشي رانا هنا ،و زيد راك كبيير احشم شويا وكون جيت عينك فيا صح كون حاربتي على جالي ماشي تعيط و تسب و تهدد لقطات يديرهم واحد في عمرو 20 سنة ماشي كبير كيف نتا " ....
الحلقة 32💕
طفيت التيليفون و سمعت خالي و مرتو جاو حكالهم وليدهم الشي لي صرا تغميت لعياط و الحس خرجت طول من الشومبرة رحتلهم للصالون قتلهم _ أسكتو عليااا شوفو ملخلر راه نهدر هذرة وحدة و فوقها مانزيد حتى كلمة خطبتي مع وليد ماهيش راح تصرا و ولدكم يقعد آخر شخص فالدنيا هاذي راني مانديهش ونتا و خزرت في وليد ماتبقاش كي اللصقة قيم روحك شوي راك راجل وماتقوليش نحبك هذا ماشي حب هذا رخس و زيد درت لماما قتلها _ شوفي ا ماما قدرك عالي و رايك تانا بصح باه تقرري في بلاصتي على حاجة أنا كارهتها مانسمحلكش، ترضاي عليا ولا ماترضايش هاذي حياتي و مانخليكش الدمريها أني لي نبنيها كيما نحب نتي صح تنصحيني ماشي تجبريني نغلط ولا مانغلطش حاجة تخصني أنا لي نضر ماشي نتوما راني كبيرة ونعرف صلاحي و درك قصو عليا هاذي لحكاية راكم كسرتولي راسي بيها ، _ جات راح تهدر ماما قاطعها بابا قالها _ أسكتي عندها حق راهي قاتلكم ماهيش حابة وماشي قابلة سيبو واحد مازيد يهدر معاها حتى كلمة ماشي راح تجبروها على حاجة بسيف مدامني حي بنتي لي تحب عليه ولي يساعدها ديرو نقطة فظ الحوار ، تبسمت مع بابا و عينيا رغرغو بالدموع تاع الصح الأب سند ربي يخليهولي و يشفيه ، دارلي بعينيه تا روحي ريحي راني هنا خرجت و خليتهم يهدرو ماحوستش نفهم أنا لي عندي قلتو تعبت من الحكاية هاذي راني سمانة ندور في نفس الدوامة، مهم شويا و راحاو جات ماما حبت تحدي معايا ماحبيتش، حتى و هدرت في صلاحي كيما راهي تقول بصح ماديرليش هكا راهي خنقتني بزاااف ، السمانة هاذي كاملة مانخدمش بغسك راح نقدم الميموار تاعي لتيت فيه والله لاوليت نرقد في آخر دقيقة ولينا نعدلو فيه تعبنا بزااف معاااه وزيد حضرنا حوايج الحفلة قلنا نديرو حفلة صغييرة برك مهم نفرحو و نخليو اليوم للذكرى بما أنها آخر سنة بغسك قررت مانقراش للماستر نخدم خير و حكاية وليد و عادل سيبو تغلقت من جيهتي و من جيهة عائلتي، مهم جا اليوم الموعود نضت صبااح بكري لبست سروال كلاسيك ابيض مع تريكو أبيض دخلتو فاسروال و لبست فوقهم فاست كلاسيك بلو سيال مع طالون بلو و خيمار بيض و درت مكياج ( ماسكرا أيشادو أيلاينر رسمت عينيا يهبلو مع شويا غوج لفمي و فغاجو لخدودي ) مهم خرجت نهبل ساعة وانا نخزر في روحي فالمرايا ، أصلن نضت الصباح فرحانة ماشي مدايرلتي الخلعة على عكس لي معايا مسكينة عيطتلي على صباح تبكي كملتلي نصبر فيها ( أنا من بكري كوراج فالحوايج أدم قلبي بارد حتى الباك الناس كل تبكي انا على صباح ربي نضحك ضرسة لعقل تبان ) .....
الحلقة 33💕
مهم خرجت مالدار مع خاوتي لبنات رايحين معايا ماما ماحبتش تروح قالت نقعد مع باباك ( أصلن أنا و ماما فسدت علاقتنا مالنهار الشي لي صرا آخر مرة ) حكمنا طاكسي بغسك كنا هازين لحوايج وصلنا للفاك دخلت لقيت صحبتي لي دير معايا كوراجيتها شويا و مباعد دخلنا زينا شوي القاعة قبل مايجيو و درنا طابلة حطينا فيها تارت صغيرة و تهبل ( خدمتها لي معايا ) مع ليسالي و ليڨاطو المهم كل خير مشاء الله و الحمد لله ربي قدرني و قدرت نوجد حفلة هكا لي جامي توقعت نديرها بسبب حالتنا المادية، والله الخدمة هاذيك زايدة فيا خلاه و المدير تاحا قطرة عسل ربي يحفظو و يعطيه مايتمنى ، شوي وجاو ليبروف قعدنا الضياف ( لي مايفوتوش 15 عبد انا جبت غير خاوتي، الطفلة لي معايا هيا لي مزال غير العساس تا دارهم ماجبتوش) ، مهم أنستالينا روحنا و بدينا نقدمو انا الحق كنت واثقة من نفسي صح ماتعبتش فيها بزاف بصح نورمال المهم لي عليا درتو، و كنت أصلن قاوية خلاه فالفرونسي قدمتو محسوب كامل بيها ماخليتيهمش حتى الفرصة يسقسيوني، على عكس لي معايا قدمت بالعربية و بانت بلي خايفة مسكينة وعطاوها بزاف ملاحضات ،عرفت بلي راح تأثر على العلامة بصح معليش أصلن مسكينة هيا لي تعبت فيه تقريب وحدها مهم كي خلصنا عطاونا علامة 17.5 انا تصدمت كنت حاطة يعطونا قل بغسك تاع الصح لي معايا هردتها فالتقديم مي الحمد لله ربي مايضعلناش تعبنا ، شكرناهم و شكرنا بزاف لأونكادغاغ تعنا بسك ناااس ملاح خلاه و عاونتنا بزااف ، شوي و زيد درنا الحفلة و لبست طقم التخرج صورت بيه نشبعت و زيد صورت مع الغاشي كل خاوتي مدولي كادو براسلي فضة مكتوب فيه أسمي فرحت بيه خلاااه عابالي ماعندهمش و شراوهولي عنقتهم و بستهم و شكرتهم،و لي معايا تانا لقيتها جابتلي كادو انا الحق ماتولهتش باش نجيبلها قتلها راكي تساليني مام نتي، فتحتو لقيتها جابتلي مصحف و كاس عليه اسمي و كادر فيه صورتي و صورتها يهبل شكرتها و حضنتها ، مباعد خلصنا ودعت ليبروف و الجامعة ماحطيتش روحي راح نبكي بصح تأثرت يقعدو أيامات الجامعة أفض أيام و علابالي نتوحشهم ، كي جيت خارجة من الباب لقيت عادل في وجهي قبالة تخلعت جا ليا، خاوتي قالولو السلام وراحو خلاونا وحدنا قالي _ مبروك عليك نور لعقوبة لحاجات أخرى نشاله _ يعيشك مرسي و جيت ماشية حكمني من يدي قالي ويين خلينا نحكيو نتفاهمو _ مكان حتى هدرة معاك يعيشك خليني نروح بلا مشاكل خزر فيا مباعد طلقني رحت عند خاوتي الحق ماسقساوني والو خلاوني على راحتي أصلن عبالهم بلي الفترة هاذي عديت بأيام صعيية و عادل تاع الصح برد قلبي من جيهتو مانحبش واحد يسبني و يطيحلي قدري ، وصلنا للدار باركولي ماما و بابا و دخلت لشومبرتهم و رقدت شويا نضت تقريب الليل رحت للشومبرة تا لبنات باه نجيب قشي مالقيتهمش بدلت لبست بيجامة ( قبيل رقدت بقشي غير غسلت وجهي برك) و توضيت صليت انا كملت هزيت زربية الصلاة و نحيت الطقم عليا و سمعت الباب يطبطب ، رحت باه نفتح لقيت منار فتحت و قتلهم مرحبا فوتو ، طليت بشوي نشوف شكون جا لقيتها مرأة كبيرة شوي مانعرفهاش ستغربت بصح كي شفت عادل وراها عرفتها بلي أمو ، رجعت طول للشومبرة و هذا وش جابو عنا علاه جاي وزيد مع أمو ، و لكان معول يعاود يخطبني غير ينسا والله مانديه .....
ديري لايك يا المسمومة الجميلة ❤️
الحلقة 34💕
شوي جات ليا منار قتلي _ نتي وش ديري هنا أوقفي الناس جات تبارلك ونتي قاعدة _ كون ماجاوش خير زعما كي راح يباركولي راح يفيدوني بحاجة _ اوقفي نتي تاع الصح وليتي ماتقادريش, روحي على وجه بابا راهو فارح بيهم راح يطير بالسعادة _ وقفت على زهري درت خيمار فوق راسي و رحت دخلت قتلهم _ السلام هو خزر فيا و تبسم بقا يكيل فيا رحت سلمت على أمو سقساتني على حوالي و باركتلي و هو مديتلو يدي برك زيرها عندو وجعني تقريب كسرها ( مكلوب ) ، جبدت يدي بسيف و قعدت قاتلي خالتي فاطمة _ يانور بنتي راكي قمر مشاء الله ربي يحفظك و يسطرك من العين _ يعيشك خالتي عينيك لملاح نتي تانا تهبلي مشاء الله( تبان ناس ملاح مشاء الله رتحتلها خلاه )، نطق هو قالي _ مبروك عليك نور التخرج لعقوبة لحاجات أخرى و غمزلي 😉_ شكرا (أدا كل دورة يقولي مبروك ولا وش ) ، مباعد وقفت باه نروح للكوزينة حبستني أمو قاتلي _ نور حبيبتي أقعدي دقيقة حابة نحكي معاك في حاجة و نشاورك _ تفضلي ( عرفتها على ماه راح تحكي ) , شوفي بنتي اليوم راني جيت نخطب ولازم مانروحش هكاك راني خديت موافقة والديك مازلتي غير نتيا _ خزرت طول في ماما و بابا ( بابا بلاك نتوقعها منو بصح ماما كيفاه قبلت راي كانت تحلف بلي مانديهش) بابا دارلي براسو تاع ايه راني قابل و ماما دورت وجها عرفتها قبلت بسييف _ هيه بنتي وش تقولي شوفي راني عندي طفل واحد هو حياتي و عينيا راني حابة نتهنى عليه ماتتصوريش الفرحة لي فرحتها نهار قالي راني حاب نخطب و لقيت بنت الحلال ، كنت دايما نحكيلو على زواج بصح هو يتغشش مني و يقولي أغلقي عليا هاذي لحكاية و الحمد لله جا النهار لي هداه ربي و ختار طفلة مشاء الله مغلطوش كي سماوك نور حبيبتي راكي منورة من بعيد _ ضحكة و هبطت راسي لعبتها حاشمة ( و انا مالقيتش كيفاه نقول لا برك حشمة من أمو ) مباعد نطقت قتلها _ نخمم ا طاطا و نرجعلكم ( هو تخنزر فيا وحد الخزرة كي قلت نخمم حسيتو كون نطيح في يدو يكسرني ) _ نشاله بنتي لعزيزة خمي مليح برك و أنا نوعدك والله ماتندمي و باستني على راسي ( منعرف علاه ماخرجش لأمو عاقلة تهبل ) ، وقفت رحت للكوزينة راح نشرب ( شاح ريقي كي شفتو ههه ) شربت جيت ندور لقيتو في وجهي _ وش راك دير هنا اني نشوف فيك خديتي راحتك فالدار , قربلي و جبدني عندو _ مالا حابة تخميي _ نو الحاجة هاذي خممتلها قبل خلاه، مانقبلش قلت هكاك باه مانحشمش ماماك برك _ زاد جبدني قرب من وذني بزاف قالي _ رايي مش رايك هاني قتلك قبل نديك برضايتك ولا بلا بيها _ بعدتو من وجهي قتلو مزلتي تهدد فيا والله ماتحشم و درك أخرج عليا الحمد لله عرفت بلي مش راح نندم على قراري مستحيل نزوج بمكلوب كيفك مانتوالمووش ، قالي مكلووب ! ( السيد اليوم وين سمع وش نعيطلو ههه ) سكتت هبطت راسي ( نندب علاه قتلو الكلمة هاذي في وجهو عيب مهما يكون يبقا ولد عمي و كبير ) قتلو سمحلي ماقصدتش نقلك هكذا ، هبط راسو عندي و همسلي في وذني _ نحبك ا نوور وش درتي فيا ، انا تزعزت في بلاصتي قلبي راح يحبس و نرجف وحدي و طلعتلي السخانة احساس مافهمتو فرحة مافهتو خوف حتى من عينيا دمعو ، كي شافني كيفاه وليت قالي _ مكنتش حاطك فرااجيل هاذي كلمة دارت فيك هكذا مالا كي نفعل فيك وش راح يصراالك ، انا حليت عينيا على وسعهم و دزيتو قتلو ماتحشمش بعد عليا _ وش قلت انا نتي لي مخك خامج ا بنت عمي و غمزلي و خرج ، انا هكاك نستجمع في روحي فالكوزينة تقريب تلحت فالفرجيدار مالسخانة ، سمعت التزغريت فالصالون تشوكيت رحت نجري دخلت لقيتها خالتي فاطمة لي تزغرت كي شافتني جات حظنتي و قاتلي ماكنتش حاطتك راح تخمي بالزربة هاذي بعد مهم درتي عين العقل بنتي لعزيزة و مبروك علييكم و باستني ، انا خزرت فيه طول لقيتو يضحك عرفتو كذب بيهم و قالهم بلي راني قبلت بصح مانكذبش عليكم الحمد لله كي دار كاك كنت حابتها بصح ماقدرتش نهبط من كرامتي و نقبل برك ....
الحلقة 35💕
تفاهمنا على الخطوبة و الفاتحة السمانة الجاية و العرس بعد شهر و نص ( قبل عملية أمو ) شوي و راحو هوما خرجو و انا دارتلي ماما قاتلي _ نور بنتي مبروك عليك بصح أني مش متهنية و قلبي مش مرتاح و نشاله نكون غالطة برك و راحت _ قلبي وجعني من هدرتها و خفت بغسك ماما جامي كانت ضدي في حاجة ولا مارضاتش عليها خفت يكون كلامها صحيح ، بابا طمني و قالي ماديري والو في بالك راهي خايفة برك و نشاله نهار تشوفك متهنية في حياتك ترتاح ا بنتي _ نشاله ،خرجو مالصالون و أنا رحت توضيت صليت استخارة (هذا هو حلها باه نتهنى من قلبي و عقلي ) و دعيت " اللَّهُمَّ إنِّي أَسْتَخِيرُكَ بِعِلْمِكَ، وَأَسْتَقْدِرُكَ بِقُدْرَتِكَ، وَأَسْأَلُكَ مِنْ فَضْلِكَ الْعَظِيمِ فَإِنَّكَ تَقْدِرُ وَلا أَقْدِرُ، وَتَعْلَمُ وَلا أَعْلَمُ، وَأَنْتَ عَلامُ الْغُيُوبِ، اللَّهُمَّ إنْ كُنْتَ تَعْلَمُ أَنَّ هَذَا الأَمْرَ زواجي من عادل خَيْرٌ لِي فِي دِينِي وَمَعَاشِي وَعَاقِبَةِ أَمْرِي فَاقْدُرْهُ لِي وَيَسِّرْهُ لِي ثُمَّ بَارِكْ لِي فِيهِ ،اللَّهُمَّ وَإِنْ كُنْتَ تَعْلَمُ أَنَّ هَذَا الأَمْرَ زواجي من عادل شَرٌّ لِي فِي دِينِي وَمَعَاشِي وَعَاقِبَةِ أَمْرِي فَاصْرِفْهُ عَنِّي وَاصْرِفْنِي عَنْهُ وَاقْدُرْ لِي الْخَيْرَ حَيْثُ كَانَ ثُمَّ ارْضِنِي بِهِ. "، كملت فرشت بلاصتي و قعدت حسيت بالراحة كي توكلت على ربي و فوضت له أمري ، لقيت عادل بعثلي ميساج فتحتو قريتو " يقولون إنَّ لحواس البشر مدًى، فلماذا معكِ يصير للمدى إعجازٌ وإبهار؟! فعَيني تراكِ في كل مكان، وأي الأماكن يرقى إليك ! " ضحكت بقيت نقرا فالميساج و نعاود أول مرة في حياتي يعجني غزل بالفصحة وأول مرة يتبعثلي ههه أنا نقرا فالميساج للمرة الألف و هو عيط هزيت _ حبيبي _ تحمستي شوياا عادل _ هههه علاه كي مانتغزلش ب نور حياتي بشكون نتغزل _ كشما سحقيت برك _ ايه _ وشي ! _ علاه راكي تشوي فيا _ وي ا عادل وي اهدر _ مانيش هادر نتي مايصلح معاك والو صحاا _ ماتكوبييش _ علاااه ياخي مش حاملة تحكي معايا _ لا لا ماشي كاك _ همالا وش_ والو ياخي لاباس _ هيه لاباس خلااه تانا ، مهم حكينا شوي ( حوايج تخصنا مش لازم نقولهالكم كاملة ههه ) , فاتو ليام و أنا نجري نخدم و نشري فالحوايج باه نوجد للفاتحة و عادل الحق موفرلي كلش تقريب كلش شراه هوا كي نقولو لالا يقولي راني ولد عمك قبل مانكون راجلك ( صدق بلي سيبو راه راجلي) و في هاذي ليامات حسيتو زير عليا بزاف ولا دايما يوصلني و يجيبني لازم نخطي اي خطوة نقولو و يكون حاضر معايا زاد شرط عليا ناحي سراول و نلبس ليغوب عراض درت ڨيرا أنا و هو( مانحبش واحد يسيف عليا حاجة ) ،مباعد قبلت على زهري قلت نرضيه و نرضي ربي ( من بكري كنت حابة نسطر روحي و نريڨل خيماري قد قد ) لافامي تا ماما كي سمعو دارو حالة كيفاه ترفضي وليد و تقبلي ب عادل ( لا منيتهم و حايرين علاه ) زادو شيعو عليا بلي باينة كنت معاه بغسك مادموزال وليد ل كولا رابيد شنعني و حكالهم نهار شافني راكبة معاه، ولاو يوسوسو في ماما و بابا ، ماما قالتلهم انا من بكري مش قابلة و راضية بصح دبر راسها و بابا تانا سمع بالحكاية و غضب كي ماحكينالوش وليت نبكيلو قتلو والله ماحبيت نقلقك و مكان والو و زيد قنعو عادل قالو _ والله وراس أمي لغالية مكان بيناتنا والو و زاد صدمني كي قالو راهي كانت في بالي مالصغر و كنت نستنا فالفرصة برك ، و عادل زاد تحلف مليح في وليد قالي راني نلملو فيهم و راهو جاي نهاارو و نحسو تاع صح يحكي فيها من قلبو ، والله ساعات نشوف في عينيه الشر مافهمتش علااه مهم ، عايلة بابا تانا لي هيا عايلة عادل كاامل ماقبلوش غير عمتي لكبيرة ( كانت باينة ) قالولو كامل كيفاه تدي بنت لي قتل باباك مي هوا وقفلهم في وجهم قالهم هاذي حياتي واحد مايحوس عليا شكون ندي و مانديش ماكمش معيشيني حتى تدخلو في حياتي من بكري بعيد علييكم.... ، جا نهار الفاتحة نضت على الصباح ( أصلن فاليل مرقدتش مليح بايتة نحكي معاه ) لقيت ماما فالكوزينة صبحت عليها بستها على راسها حطتلي فطرت و نضت غسلت روحي و عيطت ل وحدة جارتنا حفافة قاتلي شوي و نجي ليك ، ناضو خاوتي لمو دنيا و بداو يفرزو و دارو ديكور ( في وقت الصح لقيتهم غير هوما ، صدقت لي قالو خوك خوك و مايغرك صاحبك ) ....