رواية أمواج قاسيه الحلقة 11 حتى 15 حصريه وجديده
 |
أنا كي قالي هكاك الموت دخلتني من رجلي قتلو _ شكون واحد ماوصلني _ ضربني على وجهي ( ضربة خفيفة ) قالي راني نكره لكذب ا نور قولي شكون هذاك _ سكتت _ ياو أهدري راني حاكم روحي بسييف أهدريي و بدا يعييط _ ماتعيطش علياا أصلن علاه تحوس عليه شكون وش دخلك فيا شوف ا ولد الناس راني سكتلك بزااف و محبيتش نخبر تاع الدار بغسك ماحبيتش ندير المشاكل بصح والله من اليوم مازلت تقربلي نشكي بيك حاطها سايبة الدنيا _ ههههه وش راح تقوليلهم لابوليس زعم ياك راكي طلعتي معايا بإرادتك جبتك بسييف ؟ وزيد لي تقدري عليه ديريه ماعندك ماتقضيلي داكور و درك أنطقي وقوليلي شكون هذاك راهو صبري عليك راح يخلاص _ خطيبي هذاك ( حبيت نقولو هك نبعدو عليا ) _ ماكيش مخطوبة أنطقي و قولي شكون _ وين عابالك نتا بلي مانيش مخطوبة _ ماتحوسيش تفهمي شكوووون _ ياك فايق و تعرف عليا تقريب كلش علاه ماتعرفش هذا شكون وحدك _ ماعرفتووش شي لي عابالي بيه موالف يجيكم للدار تسما باينة واحد من العايلة عليها راني حاكم روحي و ماضربتكش نتي و هو _ مليحة أدي تا تضربني _ ياو شكوون ،ديري في حسابك ماكيش خارجة من هاذي الطونوبيل حتى تقوليلي شكون هو _ هفففف خرااااا خرااااا كرهتيلي حيااتي شكووون نتاا فهمني برك ياربي حتى أسمك مانعرفووش _ ماهدرش بقا ساكت و يستنى فيا نقولو هذاك شكون أنا لمرة لولة ماحبيتش نهدر قلت نغزلو كي فات شوي وقت باه قتلو _ راهو وليد ولد خالي هبطني درك و أخطييني _ خزر فيا وولد خالك علاه يوصل في ربك علاه تركبي معاه وحدكم _ دقيقة برك مخي راهو حبس نتا مهبول و حابني نولي كيفك تسما ولد خالي مانركبش معاه ولد خاااي لي متربية معاه و نتاا سي السيد لي مانعرفك ماتعرفني و جامي شفتك في حياتي ( الحمد كي ماشفتوش قبل ) و مانعرف عليك والو نركب معاك نورمال _ المهم أنا نعرفك و مليح تانا نتي مش لازم _ وي سامحني حياتي راهي تاعك نسييت _ قرب ليا وحكمني من فكي و قالي نتي كاملة تاعي _ انا حسيت السخانة طلعتلي من رجلي حتى لرااسي بقيت نخزر فيه مباعد فقت مع روحي و بعدتو _ بعد عليا و مابقيتش تحط يدك عليا فهمت _ هز يدو حطها على وجهي و بقا يمس فيا و قالي وش قلتيلي ماسمعتش _ انا بديت ندمع قتلو بعد يعيشك راهو حرام علييك _ نحا يدو و قالي و البكاء علاه مدلي بابي جا يمسحلي بعدتو مدلي مسحت وحدي _ فهمني وين تعرفني وعلاه راك دير معايا هكذا راني تعبت مالتخمام _ خزر فيا و ضحك ضحكة صفراء تسما راكي تخمي فيا 😉_ شو أنا وش نحكي و هو وش يحكي ياربي صبرني خويا نقلك هبطني خير نتا مش معااك الهدرة خلااص _ مانيش خوك يخوي جنابك _ هيه هبطني نشاله نتخوى كاملة _ بعيد الشر على عمري _ أنا بقيت مشوكيا من الكلمة لخرة منعرف علاه عجبتني و حبيت نضحك و حبست الضحكة هههه _ نرجعك للخدمة ولا تروحي للدار _ بقيت ساكتة و نخمم _ ياو راني نهدر وين راااكي _ أه للدار للدار _ دور الطونوبيل و بقا ساكت و مرا على مرا يخزر فيا و يضحك ولا يغمزلي و أنا نهبط راسي _ وصلني للبلاصة تا الخطرة لي فاتت الحومة 2 ( مليح راهو طلع يفهم ) جيت هابطة قالي نور ( أيوما داك الصوت الرجولييي أيوما يووما ) _ نعم _ عادل أسمي عادل _ سكت و هبط و كالعادة أنا نمشي و هو ورايا بقيت نخمم و نعاود في أسمو هههه وصلت للدار فتحت الباب و دخلت و أنا فرحانة منعرف علااه ههه .....
الحلقة 12💕
شافتني ماما قاتلي وشبيك روحتي بكري _ راسي وجعني شوي طلبو الإذن من المدير خلاني نخرج _ وشبيها بنتي الغالية أرواحي تشربي دواء و نحي قشك و أرتاحي شوي درك نجيبلك تاكلي _ لالا ماما كليت سيبو جابلي وليد لغداء ( لي ماشفتوش أصلن ) و راني شربة دواء تا راس فالخدمة عطاتني وحدة معايا درك نروح نرتاح شوي برك _ وليد مسكين يحوس غير على رضايتك ا بنتي بيضي قلبك عليه _ يا ماما علاه دايما نفس الهدرة ياخي قفلناها لحكاية هاذي قبل علاه تبقاي في كل دورة تعاوديهالي _ ربي يهديك راني نحوس نتهنى عليك _ مزلت صغيرة أصلن كون تهنيتي على خاوتي لكبار خير ماراكي تعسي فيا أنا _ خاوتك هاك شفتي لي خطبوهم كل مايعجبو في والو لا تربية لا أخلاق _ مزال ما جا مكتوبهم و مكتوبي تانا و درك نروح نريح شوي و نحي قشي ، فتت على بابا لقيتو يتفرج بستو مسكين يبان عليه التعب خلاه بابا قاتلو التخمام دايما يحس روحو ضعيف و مش تا مسؤولية وزيد غصة في قلبو من عائلتو لي تخلات عليه و خلاتو يحس بتأنيب الضمير عييت نحفف عليه انا و ماما و خاوتي والو الضحكة تاعو نشوفوها ساعات خلاه ، سقساني على حوالي طمنتو عليا و رحت للصالون بدلت و حكمت بلاصتي نرقد شوي تعبانة ، رقدت و لعشية نضت توضيت صليت و رحت نعاون في ماما فالكوزينة لقيت خاوتي معاها تقريب نضت نزغرت ههه تالمو قلييل وين يدخلولها قعدت معاهم شايخنا شوي ولاو جبدو على لعراس وكلعادة ماما كون ماتحكيش على وليد عرڨ يطرطڨلها قاتلها أختي لكبيرة _ مستحيل نور تزوج قبلنا راهي الصغيرة كيفاه حابتها تتخطب و حنا مزال ياك والله مانا راضيين عليها ( تحسب أنا تهمني رضايتكم 😂) _ أنا قتلهم نخرج و نتم خمو في مستقبلي كي تحددو لادات تا العرس عيطولي ولكان حابين تانا ماتقولوليش خليوها سربريز ، خرجت و خليتهم رحت نشوف تيليفون لقيت الكلب المكلوب ( أسمو عادل حقا ههه ) عيط 35 أبال و لقيت شحال ميساج ( هزي ، وينك .وين كنتي. أني نجيك لدار ) نجي نقرا الميساج لخر نلقاه كامل سبان ياا ق... وين راكي نلقاك ندير و ندير فيييك راكي معا كاش واحد باينة مهم وحد لكلام أقسم بالله ماتخيلت مرا في حياتي يتقالي ولا حتى نقرااه، ها والله مليحة هاذي آخر عمري وليت نتسب من عند كلب كيف هذا ، ماكسرتش راسي بعثلو ميساج قتلو " ماتحشمش رخييس أنا أشرف منك ومن لي جابتك ، راني مانيش كيف لبنات لي راك معاشرهم يا حيواان" و حطيتو فالروجوتي ، قلقني حيوااان خراا مانيش غالطة كي سميتو المكلوب .....
الحلقة13💕
غدوة نضت روطار تقريب بكيت البارح خرجت بكري و اليوم رايحة روطار أنا نلبس ووليد يطبطب جاب ربي ماما كانت فايقة فتحت عليه الباب كملت رحت معاه أنا خارجة من باب الدار لمحت عادل بالطونوبيل تاعو تقريب دخت درك هذا ماعندو حتى خدمة غير أنو يعسني، طلعت مع وليد في الطونوبيل نجري شوي ووصلنا حتى كي هبط شفتو مام هو حبس و باقي يتفرج معانا أنا درت روحي ماشفتوش بقيت نحكي مع وليد شكرتو وودعتو و دخلت , طلبت السماح من المدير مسكين ماقال والو سقساني على بابا قتلو راهو لاباس خير على البارح والله وجهي ماقدرت نهزو و أنا نحكي معاه مسكين ناس ملاح و دار فيا ثيقة و مصدقني ، المهم دخلت نخدم و نعس غير فالتيليفون كون يدخلي كاش نيمرو جديد مكان والو ،لعشية كملت الخدمة الأولاد داوهم والديهم و أنا خرجت مشيت شوي و سمعت صوت عادل ورايا قالي حبسي نحكي معااك _ درت ليه لقيتو واقف و متكي على الطونوبيل لابس تريكو بيض و شورط كحل و شعرو هابط على وجهو وديك اللحية كيفاه مطراسية و عينيه كيفاه حادين ياخوتي ذبت فييه يباان نظييف مش نورماال أصلن هو زينو زين عادي ( ناحي فالعين برك ) بصح ملامحو رجولية و حادة ومن وجهو يبان رزين ( و أنا نموت على العبد الرزين بلاك وليد ماقبلتش بيه بسبة أمو و ثاني جاي حلاب لي يلقاها يتوانس معاها ويضحك من بنات لافامي ) ، بقيت غير نخزر فيه حتى هو فاقلي قالي _ أستناي نجيبلك التيليفون تصوريني لكان حابة ، كي هدر تفكرت وش دارلي تخنزرت فيه و جييت ماشية جا ليا حكمني من يدي _ أطلعي خلينا نحكيو _ ماعندي مانحكي معاك أخطييني _ مانيش نشاور فيك كركرني و دخلني معاه للطونوبيل قتلو _ نتا ماعندك حتى خدمة في حياتك مين ندور نلقاك تعس فيا _ علاه لي يعرفك يقدر يخدم كشما خليتي فيا عقل _ و أنا وش دخلني تحسب نحاول فيك باه تعسني و تجري ورايا _ أقفلي فمك برك أنا أصلن راني معمر من هدرة البارح و درك قوليلي وين كنتي البارح و أنا نعييط حارق على ربك جد التيليفون _ كنت مع صاحبي ماخلانيش نكمل كلامي ( كنت راح نسب ) _ عطاني ضربة لفمي نضت نعيط _ لكلام الخامج هذا مزلت نسمعو خارج من فمك نحرڨهولك و راني نشوف فيك بدات تتحلك معايا الهدرة غير أوزني كلامك راني مانيش ملييح متخلينيش نغزل منك و درك أهدري وين كنتي _ بقيت ساكتة _ أنطقي _ مانيش هادرة و مكلاه تبدا تهدد فيا و تقولي كون ماتنطقيش والله ماك نازلتها والله ماني هادرة و نبات هنا بعد راسي راهو خشين على تاعك ا سي عادل ☺️_ هيه ماتهدريش ، مشا بالطونوبيل ولا يزرب أقسم بالله حسيتو تحول و يعيط هيه ماتهدريش ا نور مالا والله نقتلك _ ياو حبس يارب مهبول روح داوي علاه جاي عندي قالولك عليا طبيبة تا مهابل _ ماحبش يرييوندي عليا و أنا غير نعيط و نقولو حبس بلاك الحيط كون هدرت معاه كون جاوبني والله تقريب دخلنا في وحد البقرة مسكينة ،حتى نطقت قتلو ياو كنت راقدت يا ربي والله راقدت وتيليفوني سيلونس ماسمعتوش حبس الطونوبيل ا عادل راني خفت _ حبسها و دار ليا قرب مني ينهج والله تقول كان يجري و قالي لازمك تخاف ا نوور لازم _ وصلني يعيشك للدار والله ماني قادرة نزيد كلمة يعييشك _ هبط يديه عليا و مشا ، شوي ووصلنا للدار ( البلاصة المعتادة) انا جيت هابطة و هو منعرف وش راه يهدر والله ماسمعتو الخوف مزال مسيطر عليا ، غلقت الباب جيت نمشي شفت وليد في وجهي تصدمت خطوة ماقدرتش نزيدها و هو يشوف فيا بوحد النظرات هفف.....
ديري لايك يا المسمومة راني مشوطة مالسخانة و كتبتلكم 😘😘
الحلقة 14💕
يبست في بلاصتي والله لاقدرت نتحرك بقيت غير نخزر فيه عينيا رغرغو بالدموع مانحبش نطيح فالمواقف هاذم و زيد خفت من ردة فعلو وشي لي راح يديرو وشكون راح يخبر، كيفاه راح نفهمهم باينة واحد ماراح يصدقني ، جا ليا وليد جبدني من دراعي قالي ياله لدار ، شافو عادل كي حكمني هبط يجري نحالو يدو و جبدني حطني وراه أنا والله تحسب دخت مانيش معاهم خلاه نخمم غير فالشي لي راح يصرا والله تاع لافامي و يسمعو يديروني تبهديلة قدام الناس من بكري يحوسولي على الغلطة بغسك الناس كل تشكر في تربيتي و أخلاقي و هوما دايما عندهم نفس الجملة يقولولها " خاف من الساكت هو لي يصدمك " ، المهم نرجعو لوين كونا كي رجعني عادل وراه قالو _مرة جاية تحط يدك عليها نكسرهااالك ، وليد جا تلاح ليه صدو عادل طيحو فالأرض وكان راح يهجم علييه أنا كي شفت وليد فالأرض كيشغل فقت مع روحي جبدت عادل قبل مايضربو و قتلو _ خلااااص روح منا ماتبهدلونيش قدااام الناس _ أقفلي فمك وماتعيطيش غاااضك _ تخنزرت فيه ودرت لوليد لقيتو وقف _ وليد يعيش خويا يكون منك لعقل هيا نروحو منا و نحكيلك كلش هيا ، نطق المكلوب لوخر _ وين تروحي معااه ويين ودار ليه قود طيير منا نتا هيااا _ تروح معايا ونتا معندو مدخلك وجرب أرواح جيهتنا راني سكتلك مش حاب نطيح لقدر قدام بنت عمتي برك _ عادل تحسب صب عليه ماء سخون _ مالا مش حاب طيح لقدر ا ع.... أرواح نعفسك حتى لقدر لي تحكي عليه ماتلقاهش راح ليييه حكمو من رقبتو حاب يخنقو _ أنا نفس تقطعتلي تحسب أنا لي يخنق فيا عيطت عليه يطلقو مابغاش كي ماقدرت ندير والو و خفت طلقت الريح لرجليا و هربت نجري ماعلابالي بوالو والله مادرت ورايا الناس تتفرج و أنا غير نجري ، وصلت للدار نطبطب بالقاااوي فتحت ماما دخلت و أنا نرد فالنفس و في زهري الكلب لقيت خاوتي و خالي و مرت خالي ( والدين وليد ) و خاوتو عندنا قلت خلااات سيبو ، قاتلي ماما وشبيك ا بنتي وشبيها حالتك هكذا و بداو يسقسيو الكل أنا سيبو تبكشت ماقدرت نهدر حتى كلمة أصلن ماعلاباليش وش نهدر، أنا هكاك سمعت الباب يطبطب حكمت قلبي فتحت ماما دخل وليد حالتو تبهدل تريكو مقطع و نيفو سايل بالدم ، أمو راحت تجري ليه و بدات تعدد و تنذب قاتلو وشبيك أوليدي مباعد خزرت ليا قاتلي_ باينة نتي هيا سبابو ولات تعيط بالصوت أنا قفلت ودنيا ياربي وش الليلة الكلبة هاذي وش راح يخلصها ، بقاو يسقسيو فيا و حنا ساكتين و وليد غير يخزر فيا بوحد النظرات مباعد نطق قالي قدامهم الكل _ مالا هذا لي بسبابو ماكيش حابة تقبلي بيا و كنتي ديري السبة بقرايتك هاذي هيا قرايتك ا نوور _ قاتلو ماما وش راك تقصد قالها _ بنتك لقيتها مع واحد فالطونوبيل ،تصدمة من هدرتو و حبييت نضربو وش هاذي الهدرة لي راه يقول فيها و قدامهم الكل ماحاولش حتى يفهم مني، أنا أول وحدة خزرت فيها ماما مسكينة حاكمة قلبها قاتلي _ نور بنتي وش راه يقول هذا ، انا ماقدرت نهدر والو تحسب بلعت لساني وحد الإحساس و الموقف الله لايحط وحدة فيه ، خالي جا ليا عطاني بوحد الكف طحت طول فالأرض قالي_ باينة راح تخرجي هك مدامك متربية بلا أب و بلا أخ يعسك الحمد لله كي مادخلتش لداري وحدة كيفك و ديتها لولدي ، بقيت حاكمة في خدي مباعد وقفتني منار اختي الكبيرة قاتلو _ خالي حتى حنا ماقلنالكش أدي الطفلة ولا أخطبها بسييف ياخي ولدك لي كان ميت عليها و مانسمحلكش تهدر على تربية أختي أنا لي نعرفها وش تسوى _ نطقت أم وليد قالتلها _ وجهك صحيح تردي على خالك كبير و زيد أختك لي تقولي عليها تسوى راهي كانت مع راجل غرييب فالطونوبيل وش كانو يديرو زعما قليلة تربية _ مانصدقش هذا الكلام أنا ودرك تقدرو تتفضلو براا _ تحاوزي فينا أك تشوفي ا سعاد بناتك لي مايصلحوش وزيد ولدي مايكذبش عليها تفووه علييكم برك _ وراحت جابت حوايجها و جاو خارجين يتخنزرو فينا كل, ......
الحلقة 15💕
هوما فتحو الباب و يقابلني عادل في وجهي ياربي لا مش حابة تبهديلة وحدة خلاف ، نطق وليد قالو _وش من حق جاي هنا يا طحان وتلاح ليه راح يضربو حكمو عادل من يدو و دخل و قفل الباب ورااه ، ناضو دار خالي كامل قالولو شكون نتا ونحي يدك علييه قالهم وليد_ هذا لي لقيتو مع لالا نور فالطونوبيل ، قالو عادل ونتا وش دخلك فيها مع من تكوون _ راني ولد خااالها و مسؤول عليها _ و أنا راني ولد عمها و مسؤوولة مني كثر منك ، تصدمت اااه ولد عمييي كييفااااه و أنا علاه مانعرفوووش ،دار خالي ل ماما قالها _هذا صح ولد عمها وزيد ولد شكون _ ماما مسكينة مصدومة قتلو_ هيه هذا عادل ولد محمد الله يرحمو _ هيا مالا أدخلو للصالون خلونا نهدروو و نفرزو لحكااية و نفهمو كلش ، فتنا كل قعدنا نطقت ماما _ هيا درك فهمونا فالشي لي صرا ، قالها عادل عمتي خليني أنا نهدر لاحبيتي ( اللباقة )_ هيه تفضل وليدي _ اليوم كان عندي شغل مع واحد يخدم فالحضانة لي فيها نور بالصدفة شفتها لتما هيا ماعرفتنيش بصح أنا عرفتها ،عرفتها بروحي مباعد كي شفتها مروحة عرضت عليها نوصلها و كي وصلتها شفنا هذا لي راه قاعد ( و دار بصبعو لوليد ) كي شافها هابطة من الطونوبيل منعرف وش بدا يخلط و يزييد من عندو هذا مكان ، قالو خالي _ وليد مادار حتى حاجة غالطة اي واحد في بلاصتو كي يشوف بنت عمتو نازلة من طونوبيل راجل غريب يدير هكذا _ كان قادر يجي يسقسي ماشي يزدم طول حاب يتعارك و زيد جاي يبهدل فيها قدامكم _ معليش سوء تفاهم و تحل وليدي مكانش يعرفك وزيد راهو خاطبها باينة يغير عليها ، شفت عادل حوالو بدااات دورر ، نطقت _ وين خاطبني خالي وش راك تخلط _ يابنتي راهو خطبك شحال من خطرة و اليوم تانا جينا نخطبوك و دينا المرة هاذي الموافقة من عند ماماك ، خزرت في ماما هبطت راسها قتلو _ درك وليت بنتك ا خالي ياخي قبيل كنت تقول ماتشرفنيش وحدة كيفك تدخل لداري و عايرتني كي عاد ماعنديش خويا و بابا مريض مالا يا خالي أنا لي مايشرفنيش نزوج براجل و ندخل وسط عايلة كيما نتم و نقولها و نعاودها يقعد ولدك آخر راجل فالدنيا والله مانديه _ والله ماتحشمي تهدري معايا _ قتلو منار هيه الحشمة خايناها ليكم و التربية تانا راها ليكم و درك تقدرو تخرجو, خزرت فينا ماما باه نسكتو قتلها منار _ والله مانسكت مليحة هاذي دايما يهدرو فينا و نسكتو , وقفو دار خالي كامل مرت خالي قالت ل ماما مليح كي عاد نجو عندكم ضياف و قاصدين الخير و تسحتونا , قتلها الخير لي كيف تاعكم خلوه ليكم و بعدونا علييه ، جا ليا وليد حاب يحكي معايا حكمو عادل قالو _ روح منا الضرب لي ماديتوش قبيل تدييه درك هيا قود ماعندك حتى هدرة معاها ......
ديري لايك يا المسمومة 😘
الفصل السادس عشر حتى الفصل العشرون من هنا