رواية أمواج قاسيه الحلقة السادسة حتى الحلقه العاشره حصريه وجديده
 |
قتلو _ حبس و هبطني ماعندكش الحق تركبني معاك و ماعندكش الحق تمسني تانيك _ تخنزر فيا هيه يمسوك غير الطحاحنة لي كيف تا قبيل هكاك يعجبوك نتي ياخي _ وشياا هيه يعجبوني و ماعندو مادخلك فيا قبل مانكمل هدرتي ضربني بيدو على وجهي تفلق خشمي بالدم نضت نعيط حبس الطونوبيل في نص الطريق و حطلي بابي على خشمي و أنا نبعد فيه و نزعبط و نعيط و الطونوبيلات من لوراء يصونيو وحد الحس لا يطاااق ناض يعيط بلعي علياااا و زاد هبط للناس يعيط بلعووو عليااا و يخبط فالطونوبيل حسيتو مهبول خفت سكتت ، خبط الباب و طلع ديمارا طيارة ماهدر معايا والو وصلني قدام باب الدار بعد و قالي _ أنزلي هيا _ وين تعرف زين نسكن اربيي _ أهبطي علياااا _ وين نهبط مرييض نتا امشي حطني في بلاصة خلاف قريبة بلاك حاطها سايبة عندك ننزل من طونوبيل واحد غريب قدام تاع الحومة ڨاع وش يقولو عليا الناس _ يروحو يقودو الناس وش دخلني فيهم _ أداك نتا ماشي أنا هاذم الناس انا لي عايشة معاهم و انا لي راح يهدرو في شرفي و عرضي و انا لي راح ننضر و نحط راس والديا فالأرض بسبت واحد منعرفو وجامي شفتو ودرك من فضلك أمشي بالطونوبيل للحومة الثانية ماتبهدلنيش شاف فيا و حد الشوفات مافهمتهمش انا لي طول عمري نقرا العبد من وجهو معرفتش شوفاتو وش يقصد بيهم مهم مشا الطونوبيل داني كيما قتلو للحومة 2 جيت ننزل حكمني من يدي قتلو ناحي يدك عليااا قالي _ اليوم أول و آخر نهار ليك فالخدمة اكي فاهمة غدوة مكانش روحاا _ والله مليحة هاذي زيد قولي وكتاه نتنفس ووكتاه لا _ مانيش نضحك معااك درك تقدري تنزلي و طلقني من يدي _ وش اسي محمد وش حاسب روحك حتى تتحكم فيا و تقولي وش ندير ووش مانديرش غير أخطيني بسيف لالقيت خدمة تصلح _ مام أنا كانت عاجبتني محترمة بصح مكانش روحاا مدام هذاك الطحان عرف وين تخدمي _ وش دخلني انا فيه و فيك أسمع نتا حياتي هاذي و انا لي نقرر مستحيل نبطل لكان نتا نورمال عندك تحبس خدمة و غدوة تلقى غيرها رانا ماناش كيف كيف انا راهي حياتي صعيبة فهمتي ولازملي نخدم تسما غير أخطيني اخويا بلا مشاكل ربي يعيشك _ خوك راهو من أمك و بوك ماشي أنا و درك أهبطي نقرر و نقلك _ جبتلي الضحك علابالك مليحة هاذي تا تقرر و تقولي يااااو وش دخلللك فيا و بديت نعيييط _ بلعي علياااا فمك و مكااانش خدمة قودي منا_ تخنزرت فيه و خرجت قالي عينيك هاذوك نحيهملك .....
الحلقة 07💕
خبطت الباب و مشيت و هو ورايا ياه نندب حاب يبهدلني بسييف هففف ماجيت نوصل للدار حسيت روحي مشيت 1000 كلمتر وصلت فتحت الباب قبل ما ندخل شفت لقيتو مزال يستنى فيا ، فتت للدار و خبطت الباب ( الباب أنا عملت اييه) جات ماما تجري وشبيك بنتي كشما كاين _ لالا ماما مكان والو راهو الريح تخبط وحدو _ الحمد لله تخلعت عليك ودرك هيا فوتي بدلي قشك و ارواحي كشما تاكلي و أحكيلي على الخدمة الجديدة _ هيه ماما دقيقة ، فتت بدلت قشي غسلت وجهي صليت صلاتي و رحت للكوزينة حطتلي ماما ربي يحفظها ناكل و بديت نحكيلها على الخدمة و شحال مليحة و عجبتني كي عاد مع لولاد _ أصلن راكي تموتي على الولاد باينة راح تعجبك بسيف هههه _ ايه صح هههه وزيد لقيت وحدة اسمها نور يا ماما وتشوفيها عسلل _ ربي يحفظها نشاله ،و المرة هاذي تكملي في هاذي الخدمة زعما _ تفكرت لخرااا تا قبيل ( كيفاه هددني خفت قلت باينة مش راح نكمل )،قتلها منعرف اي على ربي انا لي عليا نديرو و فراات ، خلصت الماكلة غسلت لماعن زاد قاتلي ماما خاوتك دارو حالة صباح على قشهم كي لبستيه _ هوما كي يدو من عندي مانقول والو و انا غير نغلط نهز حاجة مايحبوش _ ربي يهديهم نشاله راني مالقيت وش ندير معاهم راهم كبار و طوال حتى عليا يخرجو على الصباح مايدخلوش للدار حتى للمغرب مايقولوليش حتى وين كانو _ ونتي علاه ماتسقسيهمش _ دايما يقولولي نفس الهدرة نحوسو على خدمة شهر و هوما هكذا راني علابالي بيهم يكذبو كاش نهار راني نهبل عليهم و نقفل الباب والله عتبة تا برا مابقاو يشوفوها مش كي عاد باباهم عاجز يديرو رايهم _ على سيرة بابا وينو راهو راقد؟ _ لالا جا وليد ( ولد خالي ) داه معاه للطبيب مباعد يخرجو شويا قالي فليل نرجعو _ فيه الخير وليد مسكين دايما هو لي يتفكرو _ هيه راكي عابالك فيه الخير و مش حابة تقبلي بيه منعرف وش يخصو ( خطبني شحال من خطرة و رفضت ) _ ياماما والله راني نشوفو كي خويا و زيد راك علابالك أمو مش راضية و مين يجي يخطبني دير المشاكل و تبدا تجي للدار و تدعي عليا مانيش ناقصة هم و مشاكل في حياتي _ راح تزوجيه هو ماشي أمو هيا ربي يهديها الطفل راهو شاريك قبيل برك زين سقسا عليك و قالي مش راح تبدل رايها خمي شويا _ لالا مانخمم ماوالو خليني هك علاقتي معاه خاوة خيير _ نتي تشوفيه خوك هو لاء راهو مالصغر يحبك طفل كي الوردة ماخصو والو _ أخطيني ماما مالهدرة تا كل مرة , حنا هكذاك و نسمعو الباب تفتح جاو خاوتي دخلو ديراكت للكوزينة لقاوني تما بداو يعيطو و يا الكلبة و يا لي فييك علاه تمسي قشنا شكون عطاك الحق _ نلبس اليوم و غدوة نتم كي تلبسو حاجتي مانقول والو و انا كي نديهم مرة فالفال جايين تسبوني والله ماتحشمو ....
الحلقة 08💕
و تخنزرت فيهم و رحت للصالون أصلن ماحبيتش نكثر الهدرة علابالي هوما مايسكتو و انا مانسكت و نوليو نجبدو في بعضانا مالشعر و ماما تتقلق و يطلعلها السكر ( ماما مسكينة مريضة بالسفر ربي يعافيها ) فرزت الصالون وسيقت الدار ( ماقستش غير بيت رية و سكينة مش مكسرين اليدين حتى نخدم عليهم ) كملت فرشت الحالة و دوشت لبست بيجامة ، كي خرجت لقيت بابا و وليد جاو سلمت على وليد _ وشراك لاباس _ الحمد لله نور ، طابست حضنت بابا و بستو يبان من وجهو فرحان مسكين يحب يخرج و يشم هوا يقلق مالداار _ باباتي لغالي راك بخير _ لاباس بنيتي ونتي وش حوالك ووش حوال الخدمة مليحة ( بابا جامي خبرتو بخدماتي تا قبل غير هادي منعرف علاه بلاك على خاطر حسيتها مليحة و محترمة و تشرف) _ ايه هايلة و ماتغلبش _ ربي يكملك ا لعزيزة , فاتو للصالون و أنا رحت مع ماما وجدنا العشاء حطينا فالصالون ناكل كل مع بعض ( وليد محسوب مالنهار نقلنا و هو دايما عنا تسما راهو ولد الدار وحدة فينا ماتحشم منو ) كملنا هزيت الطابلة و خاوتي الصبيات قاعدين يشايخو مع وليد والله تقريب ضربتهم بالسنيوة غاضتني السنيوة خفتها تفسد برك حاطيني نخدم عندهم ، رحت للكوزينة لقيت ماما بدات تغسل فالماعن قتلها _ ماما أحكي مع بناتك شوي وشبيهم هاذم لوكتاه يبقاو كفك _ وش راح نديرهلم دايما نهدر و هوما مايحشموش و زيد راهو الطفل هنا ماعندي ماندير مش حابة نتبهدلو قدامهم , سكتت و لميتها لميت الكوزينة و ماما كملت لماعن رحنا للصالون قعدنا مع وليد قالي _ نور وينا بلاصة الحضانة لي راكي تخدمي فيها _ في .... _ ها قريبة من خدمتي ( عندو كوسميتيك صح جوايه وين نخدم أنا) _ ايه عابالي _ مالا لاتحبي نولي نعدي عليك نديك معايا كي نعود رايح _ لالا نروح وحدي مانتعبك ماوالو تعيش _ وينو التعب راكي قدامي ، زاد قاتلي ماما ايه يانور بنتي يهنييك من الترونسبور قتلو نشاااله _ مالا أنا نروح غدوة نشاله نتلاقاو نور ، قاتلي ماما وصليه للباب ( عابالي ماما وش راهي حابة دير ) ديتو للباب ودعتو و دخلت رحت للصالون لقيت اختي منار لكبيرة تهدر _ غير مكلاه تقبلو بوليد يخطب نور مليحة هاذي أختنا الصغيرة تزوج قبلنا ، قالتلها ماما هذا مكتوب ربي دخلت قلتلهم أخطوني من الموضوع هذا مانيش ناقصة ، راحو كل واحد حكم الشومبرة تاعو و انا فرشت فالصالون و حكمت بلاصتي عييت النهار هذا درت الرافاي و رقدت انا راقدة سمعت تيليفون يفيبري و يعاود أنا حطيتو الرافاي قلت باينة راهو الصباح هزيت التيليفون شفتها الساعتين تا الليل و نيمرو تاع هذاك المجهول وشبيه هذا معيطلي الوقت أدا كوبيت عليه و جيت نرجع نرقد وصلني ميساج "هزي على ربيي" زاد عاود عيط بعد زيد كوبيت مليحة هاذي تسما لازم لي يهدرها نديرها زاد وصلني ميساج " أقسم برب العزة و ماتهزيش نجيك للدار " ياربي شكون هذا لي بلاني ربي بيه ، كي عيط تنفست و هزيت _ ألو _ وشبيك نتي ماتهزيش _ والله لكان نتم عندكم الوقت هذا تا هدرة حنا هدا الوقت نكونو رااقدين _ بلعي فمك عليا _ وش مسحق مني ، سكت مباعد قالي _ راني خممت و غدوة روحي على روحك للخدمة _ مرسي كي رضيتي عليا كيشغل ماكنتش رايحة أنا حتى قلتيلي نتا _ تسكتي ولا نبدل رااي _ تبدل ماتبدلش ماعند مادخلني خويا _ أقسم بالله تزيدي معايا كلمة غير ماتعتبي باب الخدمة و تانا ياخي قلت لربك مااانيش خووك ماتفهنيش _ هيه صح مش تا وجهك تكون خويااا و كوبيت علييه, بعثلي ميساج قالي" يدك لي كوبات عليا أني نكسرهالك " ....ديري لايك يا المسمومة 😂😂
الحلقة 09💕
بسيف عاودت رقدت وجه الهم حيرلي نومي الصباح نضت فرزت الصالون غسلت وجهي سنيا و صليت و لبست أونسومبل كلاسيك مارون خيطتهولي ماما مع خيمار فالبااج و طالون نوار ( نحب نبان طويلة هههه) و بوشات نوار ( تا أختي 😂اليوم نديرو ڨيرة جديدة فالدار ) درت شوي مكياج ماسكرا و غوج لفمي و رحت للكوزينة لقيت ماما مانضتش فطرت لميت الماعن غسلتهم و خرجت ،لقيت وليد في وجهي تحسب كان يستنا فيا( نسيت عليه خلاه بلي راح يوصلني ) قالي _ صباح الخير نور لاباس _ صباح النور _ بانتلي رايحة بلاما تستنايني _ لالا قولت نستناك برا قلقت مالدار ( منعرفش حتى نكذب كي الناس ) _ معليش هيا أركبي _ باهي وليت نمشي و نشوف ورايا خفت من الوحش المجهول يشوفني ويديرلي المشاكل ، ركبت طريق كاملة و أنا نعس فالتيليفون نقول درك يبعثلي ميساج طويل عريض يهددني فيه ،خفت خلاه كون يجي نتبهدل قدام وليد ، مالخوف كنت راح نبعثلو أنا ونقولو وش نضتي مباعد حبست ، نطق وليد قالي _ وشبيك نور مين ركبنا ونتي ساكتة و شاردة و تشوفي غير مع التيليفون ياخي مكان والو _ لالا وش راح يكون زعما راني نشوف فالساعة برك خفت نوصل روطار و الأولاد يجو بكري مايلقاونيش _ راهي 7:30 مزال الحال خلاه نتي تبداي على 8 ، انا نحبس نجيب نفطرو و نجي _ لالا راني فطرت يعيشك _ حبس الطونوبيل و قالي بصح أنا مزال مافطرت دقيقة و راجعلك مانبطاش عليك و حبسي بلا خوف راهو مزال الحال و خرج _ ياودي تروح تقود الخدمة و الحضانة والأولاد و المدير ، ياو راني خايفة من الكلب لي حطوه زسي تعبتك باي ( تقريب قتلو مابقيتش توصلني ) و خرجت نجري لقيت المدير درك وين جا راح يفتح تشوكا كي لقاني قدامو قالي _ راكي مبكرة اليوم _ هيه نضت بكري مالقيت ماندير لبست و جيت ، فتت معاه شوي و جاو لولاد دخلتهم و بقيت نلعب معاهم و نعلم فيهم فالدراسة ( لي أنا مانيش متعلمتها قد قد 😂) شوي وعيطلي وليد هزيت عليه قالي _ راهو وقت لغداء لكان تروحي معايا نتغداو نص ساعة و نرجعك _ لالا منقدرش نخلي لولاد وحدهم كشما يصرالهم _ حسستيني تقول غير نتي لي تخدمي لتم ( قصفني لخرا ) _ هيه راهم كامل خرجو يتغداو بقيت غير أنا _ معليش شوي و نعيطلك أخرجيلي نمدلك غداك أوكي و كوبا _ ايييه يا ربي وش داني نقولو راني نخدم قدامك كون حكمت فمي خير درك يلسق فيا و كابابل أمو تجيني حتى للخدمة تبهدلني ، تسما درك وليت خايفة من الكلب المكلوب و أم ولييد يادرا من شكون راح نزيد نخاف هذا كل باه نحكم خدمة في حضانة و مانتسحتش ،كون خدمة في كاش بونكة ولا راهي خلاات...
الحلقة 10💕
شوي و عيطلي وليد خرجت ديت من عندو الحوايج و دخلت ، انا بديت ناكل و تيليفون صونا شفت لقيتو هذاك جاتني البكية قلت شافني سير و درك يضربو ووليد قدو قد حالو مسكين هو يعيط و يعاود بسيف هزيت _ ألو _ واين كنتي وشبيك ماتهزيش _ ماشفتش كنت مع لولاد ( نهدر و خايفة نستنا فيه غير يقولي راني شفتك ) _ أخرجي راني قدام الباب _ يااه كييفاه راني نخدم _ 5 دقايق ماتخرجيش نتي ندخل أنا و لكان دخلت أعرفي بلي راهو آخر يوم ليك فالخدمة و كوبا ، وليت نندب في وجهي شكون هذا لي ربي حصلني فيه حبيت نخرج نقتلو جامي واحد تحكم فيا كيما راهو يدير وزيد مانعرفوش حتى، وليت نخمم وش نقول للمدير و نعس فالوقت كون يفوتو 5 دقايق لي قالي عليهم ، رحت للمدير طبطبت _ معليش نفوت _ تفضلي بنتي _ مسيو راني حاشمة منك مي لازمني نخرج عيطولي تا دار قالولي بابا مريض ولازم نجي ( بعيد الشر على بابا 😭) سمحلي عابالي لبارح وين بديت الخدمة ومش من حقي نطلب منك هذا الشيء _ لالا بنتي السماح وش الهدرة هاذي هذا باباك ولازم تروحي المهم ربي يجيبلو الشفاء و كشما تستحقي قوليلي راكي كي بنتي _ يعيشك ربي يحفظك و خرجت من عندو راح نبكي مسكين ناس ملاح و أنا نكذب عليه مين دخل لحياتي هذاك الكلب المكلوب و أنا جايبتها غير كذب ربي يسامحني برك لميت حوايجي مديت للولاد ياكلو وش جابلي وليد ( حتى الغداء مخلانيش نتهنى بيه ) بستهم وودعتهم و خرجت لقيتو عند الباب فالطونوبيل دارلي بيدو تا أطلعي كنت راح نبدا نقولو مانطلعش و... مباعد قلت ندير غير المشاكل لروحي و هو راسو يابس طلعت و شنفت عليه _ خشمك راهو طالع اليوم هبطيه تشو لا نهبطهولك أنا كيما نعرف _ درت ليه قتلو نتا نورمال خويا داخل لحياتي و تبعثلي فليميسااج و تهددني و زيد تأمرني ونركب معاك فالطونوبيل و أنا مانعرفكش وش راك حاسب روحك _ مزلنا برك في حكاية خويا _ تسما مالهدرة هاذي كاملة أدا وش فهمت نتا ، تخنزر فيا و مشا بالطونوبيل طريق كاملة و أنا نتأفف وهو يقحرلي بعينيه شوي و حبس الطونوبيل و جا هابط _ وين رايح نتا قفل الطونوبيل و مشا ماحوسش حتى عليا تحسب ماهدرتش بقيت نفركت كشما نلقا لاكارت ناسيونال تاعو ولا أي حاجة مالقيت والو باينة مخبيهم شوي و جا شفتو هاز صاشيات ركب حطلي الصاشيات في حجري و قالي كولي راكي ماتغديتيش _ شبعانة _ تاكلي وحدك ولا نوكلك _ نضت نضحك هيه وكلني جبد الصاشية من حجري و راح يوكلني منو بصح نحيتلو يدو، يااااه نتا صح مهبول _ هيه مهبول بيك كولي قداامك ماتقلقينيش راني مش حابة نبدا نعيط علييك ، بديت ناكل جاب طاكوس ( كليتي الطاكوس نتي والله ماكليتيه ) و بطاطا و كوكا ، كليت كملت كلش ( نحشم في كلش بصح الماكلة لا ) قالي _ مالا كون جيتي جيعانة راكي كليتيني _ هبط راسي جابلي الضحك ،تخنزر فيا و قالي _ ياخي كليتي شبعتي درك نقدرو نحكيو على هذاك تا قبيل لي وصلك للخدمة و زاد جاك مدلك حوايج في وقت الغدااء......... ديري لايك يا المسمومة لانحرش عليك الكلب المكلوب 😂 يتبع