رواية حبه لا يموت الفصل الاول والثاني بقلم شفق أحمد حصريه وجديده على مدونة أفكارنا
 |
كنت زي كل مرة مستنية اخويا إياد يجي يخدني من الدرس علشان يروحني وانا في الدرس إياد رن عليا علشان جه تحت نزلت وكنت زي كل مرة نزلة وعلي وشي الضحكة بس مش ضحكت بشر طبيعي ببقا مطلعه سناني من برة وفتحه بوقي علي الاخر بطريقة سمجه وبجري وراه زي العفريت وبعدها انط عليه زي الغولة بحب ابرد عليه بس مهما عملت انا بحبوا اوي ورخمتي دي محبة والله
نزلت وقبل ما اعمل زي كل مرة لقيت اخويا مش لوحدوا كان معاه واحد صحبوا انا ابتسمت بخجل علي الي كنت هعملوا قدام الراجل اول ما نزلت ووقفت جنب اخويا لقيتوا بصلي باستغراب: لا يا بت محترمه...كل مره بعد كده هجيب واحد صاحبي معايا لو هيخليكي متعمليش الهبل والجنان بتاعك
انا كنت وقفة جنبوا ونغزتوا انو يسكت هو قال: خالص يا ستي مش هتكلم
خلص جملتوا وجالوا مكلمه هو بص علي صحبوا وقال : فليكس معلش دقيقه وجي
وبعد علشان يرد علي الفون
انا كنت وقفة في دخلة العمارة وصاحبوا كان برة البوابة كنت اعده مستنية اخويا في ملل وبفكر هو صحبوا اسمو الحقيقي فلكس ياربي حسه اني سمعت الاسم ده في حته بس فين وانا بفكر رفعت عيوني ابص عليه لقيتو باصص عليا فا نزلت عيني مش كسوف والله بس عرفه لما تبصي لي حد وتلقيه باصص عليكي فا تنزلي عينك هو ده بالضبط
انا بصيت عليه علشان احاول افتكر فلكس دي مش غريبه عليا !!!!!!!
إياد جه وقال : يلا بينا
صحبوا قال لاخويا : انا عندي مشوار فا همشي وهبقا اكلمك
إياد : خلصانه يا فلكس
فلكس.... فلكس كنت طول ما انا مشية بفكر لحد ما وصلت البيت ودخلت اوضتي اغير هدومي ولما بصيت علي الصور بتاعت ابتدائي كان الذاكرة رجعت ليا ده صاحب اخويا في ابتدائي كان معايا انا و إياد في نفس الفصل !!!!!
افتكرت فلكس ده من ابتدائي وهما كلهم بينادو كده فلكس حتي المدرسين كانوا بينادو عليه كده عمري ما سمعت اسمو الحقيقي حتي وهما بيخدو الغياب كانو المدرسين عرفينوا فا يقولوا فلكس مش اسموا الحقيقي
ياربي اخيرا افتكرت خلاص كده هنام مرتاحه انا كل ده بس بعند مع زاكرتي علشان تفتكر غصب عنها مش اكتر
وعلي اخر اليوم كنت نسيت كل حاجة تاني عادي مش فارق معايا الموضوع اصلاً
مش مهم المهم
انا اسمي خشوع انا في ثانية ثانوي ولحد دلوقتي مش بروح حته لوحدي محبوسة ديماً في البيت ممنوع انزل اشتري حاجه حتي لو من تحت البيت ده اخروا اخويا إياد وهو اكبر مني علشان يدخل معايا يحرسني
الموضوع كان عند صاحبي غريب انو انا كبيره ومش بروح حته لوحدي بصراحه الموضوع كنت اخداه بهدوء وشيفه انو تحفه اوووووووووي لاني زي الملكة خايفين عليها تروح وتكلم صحبها لأنهم ممكن يكونوا سبب فسدها مثلاً بس في كام وحده عرفت اطلع بيهم كانوا خايفين عليا أحقق اي حاجه نفسي فيها زي ركوب الخيل او الرماية بجد كان نفسي فيهم بس بسبب مرض وجمود تفكرهم محققتهمش انا ليه بعيط دوقتي معلش بس ممكن اكون انفعلت شوية علشان مش باخد من اهلي غير التجريح لأنهم شيفين البنت عار وبيكرهو البنات تفكير عقيم
شفيق....بسيط ...اهدي اهدي ارجعي للاجابية وهتعدي زي ما كل حاجة بتعدي ده اختبار ربنا ليكي مينفعش تضعفي دوقتي قولي الحمدلله
مش مهم المهم
عده علي كل ده اسبوع ونسيت اني شفت صاحب إياد اصلاً
في يوم وانا اعده متنحه للسقف اتأمل واتخيل اني لما اشتغل هقدر أحقق كل الي عوزاه وكنت مشغلة سورة يوسف
اه علي جمال القصة قصة سيدنا يوسف
وانا اعده مندمجة سمعت صوت مسدج فتحت الفون اشوف مين رقم غريب
بكل بساطة كتبت السلام عليكم ورحمة الله وبركاته
-مين
- فلكس
انا سعتها حاولت افتكر مين ده حسه اني سمعت الاسم قبل كده بس فين ياربي ؟؟؟؟
- اختفيتي فين؟؟
- امم معلش فلكس مين 🤔
- صاحب إياد الي جيت اخدتك معاه في الدرس
- اه افتكرت 🙂
حضرتك عاوز حاجه
- بصي انا من ساعت ما شوفتك وانا مش عارف ابطل تفكير فيكي ...ممكن تقولي حب من اول نظرة او حاجه زي كده بس بجد انتي عجبتيني فا حابب نتعرف وانتي اخت صحبي مش ممكن في الاخر نحب بعض و إياد يبقا خال وانتي مشاء الله محترمه جدا
- اسفة بس الكلام الفاضي ده مليش فيه وبعيدا عن كده ده حرااام وانا كل اللي بطلبوا من ربي هو رضاه عليا
- بس انا بجد عوزك مش كلام فاضي
اديني فرصه يا خشوع
مردتش عليه وبلكتوا بس سعتها بدأ الشيطان يوسوس ليا اني ليه بلكتوا كنت جربت سعتها استعذت بالله من الشيطان الرجيم وقمت توضيت وصليت ودعيت ربي يبعد وسويس الشيطان عني
بعد كده بقيت بشوف فلكس واقف تحت البيت في اوقات دروسي بالظبط في نفس المعاد كل الدروس معقول حفظهم بقيت بشوفوا كتيررر
بس مكنتش مديه ليه اهتمام
عده شهر كامل وفي ليلة من اليالي فوني رن برقم مجهول انا عدتي مش برد علي اي رقم غريب بس الرقم ده رن اكتر من مرة قلت يمكن واحدة من الجروب محتاجه حاجه فا رديت واول ما رديت سمعت صوت شخص بيبكي من ورا السماعه وفجأة صرخ صرخة تخوف صرخة وراها وجع وبعدها الصوت هديه ....حسيت قلبي انقبض مكنتش قدرة اقفل الخط قلبي بيقول متقفليش عده حوالي دقيقه وكانت كأنها سنه كانت هديه بشكل غريب قلت :الو !!!
- سمعت صوتوا المكسور : صوتك احلى من حياتي
في نفسي بقول يارب وداني بتضحك عليا وده مش صوت فلكس يارب اكون بتخيل
مرتدش علي الي قالوا وهو قال انتي عرفه اني بحبك والله العظيم بحبك هتقولي ازاي؟
انا شفتك اكتر من مره مع اخوكي ...اخوكي كان ديما بيحكيلي علي الي بتعمليه وكنت فكرك من ابتدائي انا شفتك وانتي في اعدادي انا كنت معاكي في كل لحظة وانتي مش شيفاني انتي كسرتيني من غير ما تعرفيني انا كنت بحبك يا خشوع
كانت دموعي نزلة من صوتوا الي كان مليان دموع الولد كان منهار مكنتش عرفه اقولو ايه
- فلكس ...انا
قاطعني بصرامة: انا مش عايز مبررات ولا عاوز شفقة منك يا عيون وقلب وروح فلكس انا كنت عوزاك انتي بس انتي عرفه انا محترم رغبتك ودي هتبقا اخر مره تشوفيني فيها واوعدك اني محترم رغبتك بس بحبك يا خشوع
ملحقتش ارد عليه لقيتوا قفل
انا كانت دموعي مغرقاني قلبي مقبوض في حاجه غلط انا قتلت الولد وهو حي ...اه يا قلبي
يارب مكنش قصدي سامحني يارب واربط علي قلبي وقلبوا وعوضوا قلب يصونوا وعوضني قلب وحب زي حبوا ليا كنت بدعي وانا بقيم الليل إلا القي اخويا بيقول وهو مخضوض قولي لأمك اني نزلت ونزل من البيت جري
رحت قلت لأمي وهي اتصلت عليه تفهم منوا كلمها وقال : ان صحبوا في المستشفى وأنهم لقوه في اوضتو مرمي وايدو كانت بتنزف
كنت بحكي لصحبتي وانا في حضنها بعيط ومش قدرة اه يا قلبي اتكلمت وانا منهارة انا كنت بقول يارب ميكنش هو بش لمت جه امبارح وقال : انو فلكس كنت هموت
الولد انتحر بسببي يا نور
انت عمري ما هسامح نفسي لو فلكس حصلوا حاجه
ذنبوا هيفضل في رقبتي يا نور
صوتوا المكسور لسه بيرن في ودني يا نور انا مش بنام انا خيفه علي فلكس
نور: ان شاء الله يكون بخير انتي بس ادعيلو يا عيوني
نور مشيت وسابتني مع افكاري واحساسي بالذنب
اتوضيت وأعدت طول قيام الليل ادعي لفلكس عده ثلاث ايام واخويا جه طاير من الفرحه وبيقول فاق فاق فرحتي كانت أكبر من فرحه اخويا بكتيرررر
عرفت انو طلع من المستشفى بالسلامة والحمدالله
وفلكلس محاولش يكلمني او يستني معاد دروسي زي ما كان بيعمل
مرت خمس سنين وفلكس نسي خشوع وخشوع نسيت فلكس
انتهي الفصل الأول من( رواية حبه لا يموت)
رواية حبه لا يموت
الفصل الثاني
بعد مرور خمس سنوات وخشوع نسيت فلكس وفلكس نسي خشوع وكل واحد عايش حياتوا عكس التاني
كانت خشوع اعده وبتحاول تهدي ممتها الي كانت منهارة لان اخوها ساب البيت تاني بسبب بباها الي مد ايدوا عليه وطردوا واخوها كان كل مرة بيسيب البيت ويرجع بس علشان أمه الي كانت بتبقي بتموت من بعد ابنها خشوع كانت بتخدي ممتها وهي حسه ان المره دي مش ذي كل مره اخوها بقالو اكتر من ٨ سعات بره وحتي فونو مقفول ودي كانت أول مره تحصل كان بيمشي بس مكنش بيقفل الفون بتاعوا دي اول مره هي مسكه نفسها قدام ممتها علشان متقلقهاش هي عوزاه حد يهديها خشوع كانت حضنها ممتها وبتقول : متخفيش دي مش اول مره انتي عرفه إياد بيختفي كده كل مره لحد ما يهدي وبعدين يرجع ويراضي ابوه
امها كانت بتقول المره دي غير... اخوكي كان تعبان بقالو وقت وكان مضغوط من طريقة ابوه كان يا قلبي عليه بيتحايل عليا انو يأخر شقة عشان يبعد علشان مبقاش متحمل الي ابوكي بيعملوا واهنتوا ليه تحت مفهوم( علشان يبقا راجل)
سعتها ببايا دخل بكل برود وشاف حالت امي وشها الغرقان دموع وعينها الي احمرت من كتر العياط علي ابنها
وقال ببرود: مفيش حد مبوظو غيرك
امي بعياط: ابني لو مرجعش انا مش هقعد فيها
تغوري انتي وابنك في يوم واحد
انا قلت باعتراض: بابا اه الي بتقولو ده
امي سكتتني وقالت : هتلميه علي مراتو ده هان عليه ابنو الي من لحمة
بعدها بصت لببايا وقالت: خليك عارف انك الي بتكسر كل حاجة انا كنت بهدي نفسي واقول اقعدي يا بت علشان عيالك عدي علشان العيال الي ملهمش زنب استحمليه ده برضو جوزك خليكي زوجة صالحة كنت حطة قدامي عيالي بس دلوقتي هما فين العيال دول ما انت ضيعتهم اشهد يا ربي اني مقصرتش معاه لا هو ولا ولاده
كنت بحاول اهدي امي الي دخلت لبست العبايه علشان تمشي بس لا حياة لمن تنادي فجأة لقتني اعده مع ابويا في البيت ده لوحدي واول ما امي مشيت ابويا هو كمان طلع من البيت اه يا قلبي يارب صبرني على الإحساس ده ازاي فجأة كل حاجة تنتهي كده ازاي... ازاي سابوا الشيطان يدخل ما بنهم
فضلت الليلة دي اتصل علي اخويا الي فونوا مقفول انا محتاجه دي اول مرة احتاجوا كده
عدت الليلة وكنت بقول في نفسي اكيد هيرجعوا اكيد دي لحظة ديق وهتروح بس عده ٣ اسابيع مرجعوش ليه؟؟؟؟
ليه يا ربي انا مش هعترض علي اي شيء بس حتي اخويا فونوا متفتحش مقفول لمدة ٣ اسابيع
هو ممكن يكون حصلوا حاجه.....لا اكيد لا يارب لا ان شاء الله لا امي كانت بتكلمني تطمن عليا طول ال٣ اسابيع كانت بتسألني سؤال في خاطري اسألو ليها
كانت بتسأل: اخوكي مكلمكيش او رجع البيت ؟؟؟؟
ده يعني انو مش عندها وانو مش بيكلمها كان عندي امل ان اخويا يكون عند امي بس طلع لا
ابويا كان مش بيخليني اطلع حاولت اتحايل عليه ازور امي بس كانت الموضوع انو يضربني ويقول متجبيش سيرتها
في مره كلمت امي وشكلها معرفتش تمثل انها كويسه امي كانت بتموت سعتها مهتمتش لأي حاجه ونزلت من البيت رحت عند امي
امي كان وشها شاحب كان باين علي عيونها انها كانت بتصهر الليل تبكي
امي اول ما شافتني حضنتني كنت زي الصنم وقفه متجمده ودموعي بتنزل مقدرتش احبس دموعي اكتر من كده بالذات لما شفت امي بالحالة دي
دخلت مع امي وأعدت معها كانت حضناني وبتسأل: عليا وعلي حالي بقلق ولو بابا بيعمل ليا حاجة بس انا طمنتها ومردتش اقولها انو بيمد ايدو عليا علشان هي مش نقصة مش عوزه اشيلها هم بس في حاجه غلط في امي
امي مكنتش معاملتها معايا كده هي صحيح مش بتضربني بس هي مكنتش كده في حاجه انا متأكدة
اعدت مع امي ونسيت ان بابا ممكن يرجع البيت في اي لحظة ولو ملقنيش في البيت وكمان عند امي
كنا اعدين والباب خبط ولما امي فتحت لقينا بابا واقف علي الباب وكانت عنيه بطلع شرار سعتها زق امي ومسكني ضربني وامي بتحاول تبعدو عني بس معرفتش كان مسكني من شعري وسحبني من شعري لحد العربية ورماني جواها واتحرك بالعربيه
انا كنت في عالم موازي لقد تبلدت محستش بوجع الضرب اد ما حسيت بوجع علي امي الي شافت طريقة ابويا معايا هتفضل قلقانة هتفضل تفكر هتتعب اكتر فكرة ان امي تتعب بتموتني
رجعنا البيت وابويا حبسني في اوضتي حبسني واخد مني الفون سبني في اوضتي كنت منهارة انا تعبت كل واحد في اهلي بيفكر في نفسوا وانا كأني مش موجودة حتي اخويا بعد والله اعلم لو كان عايش اصلاً ولا حصلوا حاجه
ذاد بكائي لما فكرت ان اخويا ممكن يكون حصلوا حاجه
عدت الليلة بوجعها ومر الأسبوع الرابع و ببايا اخد الفون كنت بفكر امي ممكن تكون حولت تتوصل معايا هي اكيد قلقانة
حياتي بقت روتينية كل يوم نفس اليوم بوجعوا بكل حاجه كنت بدعي الايام الصعبة دي تعدي ونسيت انها من عمري
في يوم ابويا رجع البيت كنت في اوضتي بقرأ قرآن
دخل وقال : حضري ليا الاكل
- حاضر بس بابا انت كويس
زعق بغضب وقال: ملكيش دعوه بيا.... لما اقلك علي حاجه تقولي حاضر من غير اسئله
قال كده وطلع بره الاوضة
قمت احضر ليه علشان ياكل بعقل مشتت ابويا مش كويس شكلوا تعبان اروح اخليه يحلل يمكن سكرو عالي بس هيزعق
وممكن يضربني بس ده ابويا ولو هيقتلني لازم اطمن عليه انا مليش غيرو ده برضو سندي انا مليش غيرو
حتي لو طريقته وحشه بس في النهايه هو غالي عليا
كنت طلعه من المطبخ لي الرسبشن بس ابويا مكنش ليه صوت
لما طلعت حسيت قلبي وقف حسيت اني بموت ،الدم نشف جوايا لما شفت ابويا مرمي علي الارض ومش بيتحرك ....
يتبع
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺