رواية حبيبي المدير الفصل السابع والخمسون بقلم الكاتبه شيماء صبحي حصريه وجديده على مدونة أفكارنا
 |
رواية حبيبي المدير الفصل السابع والخمسون بقلم الكاتبه شيماء صبحي حصريه وجديده على مدونة أفكارنا
ماهر دقق في ملامحها واكتشف انها برغم الشبه الكبير اللي بينها وبين فاديه بس مش هيا تماما !
احلام مكنتش لسا انتبهت ليها فقربت منهم وهيا بتقول:دا بقى المصمم مارك يا مريم اللي هيصمم فستان فرحي بس هيا مين اللي معاه دي انا مش شايفه ملامحها بسبب ماهر تعالي نقرب منهم اكتر!
مريم حركت راسها واحلام اتحركت وهيا بتزقها لحدما وقفوا قدام ليزا ووقتها الاتنين بصوا لبعض بصدمه!
ليزا مكانتش فاهمه هما ليه باصين عليها ومصدومين مدا فرجعت خصله من شعرها ورا ودنها واتكلمت انجليزي وقالت:في حاجة ولا ايه؟
احلام فضلت تبصلها وهيا ساكته ومصدومه فقررت تبص لمريم علشان تشوف رد فعلها ولقت ان مريم مصدومة أكتر منها فاتكلمت احلام وقالت بزهول وغير تصديق :ازاي؟
مريم:مش معقول ازاي دي شبهها جدا؟
حسن اتكلم بدهشه وقال :هو انا سمعت صح يا ماهر!! هيا اتكلمت انجليزي دلوقت!
ماهر حرك راسه بالموافقه علي كلامه ووقتها اتلكمت ليزا تاني وقالت:انتوا بخير في حاجه ولا ايه شكلكم مش طبيعي؟
مارك اتدخل في الكلام وقال:مستر ماهر حضرتك كويس انت والباقي!
ماهر انتبه ليهم وحرك راسه بالموافقه وبص علي احلام وهيا حركت راسها بمعني ايه اللي هيا شايفاه دا فـ ماهر غمض عينيه بمعني انهم يقعدوا علشان يتكلموا معاهم..
احلام حركت راسها ودخلت مريم للصالون وقعدت علي الكنبه وماهر سلم علي مارك وزوجته وحسن سلم عليهم وقعدوا هما كمان ووقتها مارك وليزا قعدوا وكان مارك مستغرب نظراتهم لـ زوجته فقرر يقرب منها ويسالها:انا حاسس ان في حاجه مش طبيعيه هنا !!هوا انتي تعرفيهم؟
ليزا حركت راسها بالرفض ووقتها مريم بصت لاحلام وقالت:احلام هي الست دي شبه ماما فاديه ولا انا بيتهيألي؟
ليزا اول ما سمعت اسم احلام بصت علي احلام باندهاش وبدات تحس احساس غريب ناخيتها فلقت ان احلام بترد علي اختها وبتقول:لا مش بيتهيألك يا مريم دي فعلا شبه ماما فاديه!
ليزا اتصدمت من كلامهم فاتكلمت مصري وقالت:فاديه!! انتوا تعرفوا فاديه!
طبعا اول ما ليزا اتكلمت وقالت كلامها مريم واحلام بصولها بصدمه كبيره واتكلمت مريم بسرعه وقالت:حضرتك بتتكلمي مصري؟
ليزا حركت راسها وقالت:ايوا علشان انا اصلا مصريه !!بس انتوا اسمكم احلام ومريم؟
احلام ومريم حركوا راسهم وهيا ردت عليهم وقالت بصدمة كبيره:ومامتكم اسمها فاديه؟
احلام ومريم حركوا راسهم فبكت ليزا وهيا بتقرب منهم وبتبصلهم باشتياق وبحزن كبير علي عمرها اللي ضاع وهيا مش فكراهم .!!
أول ما بصتلها احلام في عينيها لقت ان عيونها حزينه ومليانه بالقهر فبصتلها وقالت بتوتر:ازاي حضرتك انتي تعرفي مامتنا!! اصل بصراحه فيكي شبه كبير منها!
ليزا بصت لمارك وحركت راسها ببكاء ان دول بناتها اللي بتدور عليها فمارك بص لماهر وكلمه بالانجليزي وشرحله قصه ليزا وعن حياتها القديمه !!
ليزا فبصت لبناتها والقهر واضح في صوتها وقالت:انا فاديه!!انا مامتك يا احلام..بصت لمريم وبكاءها زاد لان مريم كبرت هيا واحلام جدا فقالت:انا مامتك يا مريم!! انا فاديه علاء الدين مامتكوا!
احلام بكت اول ما سمعت كلامها ومكانتش قادره تنكر كلامها بسبب قلبها اللي كان بيدق وكانه حاسس بيها فبصت لاختها وقالت بدموع:مريم الست دي بتقول الحقيقه ..والله قلبي حاسس بيها من اول مشافها!
ليزا بصت علي مريم وشافت حالتها فبكت اكتر واتكلمت بقلق الأم علي بنتها :مريم مالك يا حبيبتي ايه اللي حصلك'
مريم اول ما دققت في ملامحها بكت هيا كمان ومن كتر بكاءها مكنتش قادرة انها ترد عليها وتجاوبها فبصت لاختها اللي كانت لا تقل عنها بشئ وحركت راسها بان فعلا دي مامتهم الحقيقيه !
احلام وقفت وهيا بتحاول تاخد انفاسها بانتظام وليزا وقفت مقابلها واحلام وقتها ضمتها لحضنها وقالت بصوت عالي مليان بحزن:ماما!! انتي ازاي!! انت ازاي كنتي بعيد ومين اللي عشنا معاها دي؟
ليزا بانهيار علي حالتها هيا واولادها:دي اختي..دي توأمي..
احلام غمضت عينيها بالم ووقتها ماهر وحسن كانوا فهموا كل الحكايه من مارك فقرب ماهر من احلام وحسن قرب من مريم ومارك اتحرك هو كمان في اتجاه ليزا وكل واحد فيهم بيحاول يهدي حبيبته لان الثلاثة كانوا منهارين!
حمزه كان واقف بعيد وشايف كل واحد حاضن واحده فقرب منهم وعلامات الدهشه باينه علي وشه وقال بتساؤل:هو ايه اللي بيحصل هنا؟هو في حد اتجوز؟
ماهر لف بجسمه وبصله ورد عليه:تعالي يا حمزه متخافش شوف حصل ايه؟
احلام كانت لسا حاضنه ماهر وبتبكي وفجاه لقت صوت حمزه بيقرب منها وبيقول بقلق:طنط احلام انتي بتعيطي ليه ؟
ماهر بصله وقال بحزن:عارف الست الي شبه والدة احلام دي..شاور علي ليزا ووقتها حمزه دقق في وشها وقال بصدمه:يا لهوي دي شبهها فعلا يا خالي ازاي انا ما اخدتش بالي..بس اقولك حاجه دي لا تقارن تماما عن الست فاديه دي بطل يا خالي؟
احلام فاقت علي كلامه فضربته علي دماغه وقالت:بتقول ايه يا حيوان انت دي امي؟
حمزه بشهقه:نعم انك؟
الكل انتبه علي صوت حمزه واحلام وهيا بتقرب منه علشان تضربه ولاكن ماهر ماسكها!
احلام ببكاء ممزوج بالغضب:سيبني يا ماهر اربي الحيوان دا؟
حمزه كان بيضحك وهو بيبرر لنفسه موقفه:مكنتش اعرف والله انا بس كنت بقول رأيي؟
ليزا انتبهت ليه فبعدت عن مارك وقربت من حمزه وقالت:انت واضح عليك شقي وبرضوا قولت عليا فرسه من شويه وانا سكت؟
حمزه بصلها بدهشه:انتي بتتكلمي مصري ازاي..هو مش انتي اجنبيه؟
ليزا بصت لبنتها اللي لسا بتبكي وقربت منها وهيا بترد علي حمزه:لا مصريه وابويا مصري وامي مصريه؟
حمزه كانت صدمته مخلياه مش قادر ينطق ويرد عليها ففضل متابع ليزا وهيا بتحاول تهدي احلام واحلام هديت وبصتلها وقالت:ازاي يا ماما انتي ماما..ليزا بصتلها بتركيز واحلام اتكلمت مصصحه لكلامها :قصدي ازاي فاديه كانت عايشه معانا علي انها ماما وانتي كنتي فين وانتي اسمك تسنيم صح؟
ليزا حركت راسها برفض وقالت:لا يا حبيبتي انا فاديه..هيا اللي اسمها تسنيم!هيا فين صحيح وفين باباكي؟
احلام بحزن:هيا..انا مش عارفه مكانها ولاكن بابا توفي من شهرين؟
ليزا بحزن كبير:توفي..توفي ازاي هو كان تعبان ولا مات موتة ربنا..
حسن قرب مريم من والدتها واحلام ومريم ردت علي سؤال والدتها وقالت:كان مريض وكان في غيبوبه فضل نايم لمدة ٨ سنين واول ما فاق مات؟
ليزا بكت وهيا بتفتكر كل لحظاتها مع حبيب عمرها وبدات تفتكر كل مواقفها معاه وهما شباب وكأنها حصلت امبارح فبصتلهم واتنهدت وقالت:منها لله تسنيم ربنا ينتقم منها؟
مريم مسكت ايد ليزا وقالت:انتي لازم تحكيلنا كل الحكايه احنا عاملين زي اللي تايهين في بحر غامض ومش فاهمين حاجه..كل فتره نعرف حاجه جديده تخلينا تايهين اكتر ومش بنوصل لبر ..ارجوكي اقعدي معانا واشرحيلنا كل حاجه ورسينا علي بر؟
ليزا حركت راسها ومسكت ايد بنتها الصغيره وقالت:اهدي يا احلام كفايه عياط؟
مسحتلها دموعها بايديها واحلام حركت راسها وهيا ماشيه وراها بصت لماهر اللي كان مبسوط من الصدفه الغريبه اللي جمعتهم في لحظه فشاورلها تسمع كلام والدتها وتبطل تعيط وهيا حركت راسها وقعدوا كلهم مع بعض ووقتها ماهر طلب من الخدم اللي في المكان يمشوا لحدما يخلصوا كلامهم!
ليزا قبل ما تحكيلهم اي حاجه عرفتهم انها متجوزه مارك وشرحة لمارك ان دي مريم بنتها الكبيرة وان التانيه احلام بنتها الصغيره ومارك بصلهم وابتسم وقبل ما تتكلم ليزا بلغته بانها هتحكيلهم القصه من اولها وهوا وافق علي كلامها وهيا بدات تتكلم وتقول؟
مش هقول علي تستنيم اختي ولا هوصفها باقل من مجنونه مش هقول انها مريضه نفسيا علشان الكلمة دي مش هتوصفها وقليله عليها ..لان تسنيم اقبح من كده ومش طبيعيه!!
اختي كانت بتكرهني لسبب اني اتجوزت محمد وخلفت منه وبسبب انها كانت تعبانه وبتتخيل انها انا قررت تتخلص مني واتسببت في عمل حادثة لينا كلنا انا وانتوا وابوكم ولما كلهم كانوا بينزفوا كنت حضناكي يا احلام بكل قوه علشان احميكي والحمدلله انك متأذتيش زينا !!
اخدت ليزا نفس عميق وكملت كلامها بصوت مليان بكاء وقالت:
تسنيم كانت موجوده لما فوقت ولقيتكم شبه ميتين حواليا انهارت وجاتلي نوبه هلع في وقتها وفجاه لقيت ايديها بتشدني بكل قوه وجبروت وبتخرجني من العربيه ورمتني في البحر وقبل ما ترميني صرخت فيها وانا بترجاها انها متعملش كده لان انا بحبكوا ومش عايزه ابعد عنكوا بس هيا الغيره والكره والمرض اللي كانت فيه خلاها تقسي عليا برغم ان انا كنت توأمها وكنت بعتبرها نصي التاني وروحي من جوه بس هيا صدمتني وكسرتني وحرمتني منكم وبكل قسوه وحقد مسكتني من هدومي و بكل جبروت حدفتني في البحر!
طبعا انا بسبب الحادث كنت في لا يثري لها ولان المكان اللي رمتني فيه كان محاط بالصخور كان سهل اني اتخبط في اي صخره وافقد ذاكرتي!
اللي انقذوني كانوا مجموعه من الصيادين كتر خيرهم انهم عالجوني ولاكن بسبب فقداني للذاكره معرفتكمش ووقتها قابلت مارك واللي كان جاي مصر زياره اتشديت ليه اوي وكنت حاسه اني اعرفه من زمان ف قربت منه واتعرفت عليه وهو وقتها وقع في حبي..وعلي فكره دا كلام مارك ليا قبل ما يتجوزني!
كان عاوز يتعرف عليا بس انا وقتها كنت ناسيه اسمي اقترح عليا اني اسافر معاه واتجوزه بس كنت خايفه لاني معيش هويه حتي ومش فاكره اي حاجه من حياتي؟
مارك ساعدني اعمل هويه جديده واقترح اسم ليزا لانه مشابه للوحة المونلايزا وكان وصفني بيها لاني مكنتش مفهومه زي اللوحه بالظبط..
طبعا انا عشت مع مارك واشتغلت كـ مساعدته الخاصه واتشهرنا مع بعض اكتر ولاكن كنت حاسه ان ليا ماضي وعلي طول قلبي مشغول بالتفكير وبرغم اني مش عارفه انا بفكر في ايه بس احساس الخوف كان ملازمني!!
عدت السنين وقررت ازور مصر علشان تصميم فستان عروسة ماهر الصياد وجيت ورجعت عنا لاول مره بعدما سبت البلد من ٢٥ سنة وامبارح بس وانا في معرض كبير هنا كنا معزومين علي افتتاحه انا ومارك واحده منفسنه كانت غيرانه مني قررت توقعتي وتسببلي في موقف محرج بس انا بشكرها من كل قلبي لان بسبب حقدها دا انا رجعتلي ذاكرتي وافتكرت كل حاجه!
ليزا مسحت دكوعها وقالت وهيا بتاخد نفسها:
كل اللي هقدر اوصفه او اقوله دلوقت هو اني بشكر ربنا بجد من كل قلبي علشان قابلتكوا وبرغم اني متوقعتش ابدا اني هقابلكوا بالسرعه دي بس دا اكيد من كرم ربنا عليا وحنيته اني متعبش تاني والاقيكم بسهوله كل اللي انا عاوزاه اعرف تستنيم فين واوجهها وبجد نفسي انتقم منها؟
كانت مريم واحلام بيبكوا وهما بيسمعوا كلامها وماهر رد عليها وجاوبها:تسنيم اختك دلوقت يا مدام فاديه في مستشفي بتتعالج لانها فقدت عقلها تماما وامبارح كانت هتخلص علي مريم لولا وجود الظابط حسن معاها كان زمنها انها حايتها!
احلام اول ما سمعت كلام ماهر عن اللي خصل مع مريم اتصدمت اكتر وبصت لاختها واللي كانت بتبكي وقالت:الكلام دا حقيقي يا مريم يعني فاذهي كانت عاوزه تقتلك!
مريم حركت راسها ببكاء فاحلام مسكت ايديها وبكت اكتر واتكلمت بخوف عليها:هيا عاوزه ايه منك وليه مش سيباكي ف يخالك!!
ليزا اول ماشافتهم ف يالخاله دي قربت من بناتها وفضلت تحضن وتبوس فيهم بكل شوق ولما حسن بص لماهر لقوا انهم بيكبوا وكان حمزه قاعد ومنهار بسبب اللي سمعه فبص علي مارك ولما لقاه قاعد ومش لاقي حد يحضنه قرب حمزه منه وحضنه وقال بالانجليزي:نو بروبلم اتس اوكي
no problem, it’s okay
معناها❤️🔥 لا توجد مشكلة، لا بأس؟
مارك حرك راسه وحمزه كان بيعيط بشده واما مازك شاف خالته فضل يطبطب عليه وحمزه حضنه وهو بيحاول يهدي بسبب تأثره القوي باللي حصل مع ليزا وبناتها!!!
ليزا بعدت عن بناتها وقالت لجديه:خلاص يابنات احنا لازم نعوض كل اللي فاتنا وانا اوعدكم اني مش هسيبكوا تاني ابدا!
احلام ومريم حركوا راسهم بالموافقه ووقتها مارك بعد عن حمزه بضيق لانه بيبكي بأفوره فابتسم لاحلام ومريم وكلمهم انجليزي وكانت احلام فهماه ولاكن مريم مش اوي فقال مارك:ازيكم يا بنات انا مبسوط ان ليزا قابلتكم وان شاء الله هتكون معاكم ومش هتسيبكم تاني!
احلام شكرته وردت عليه بالانجليزي وبصت لمريم وقالت:قوليله شكرا بالانجليزي ؟
مريم حركت راسها وردت عليه:ثانكيو مستر مارك!
ابتسم مارك وكان هيقرب علشان يحضنهم وهو معتقد بان دا عادي ومتاح بالنسبه ليهم ولاكن اتدخل ماهر فورا ومنعه وحسن بص علي مريم لقي انها تعبت اكتر ومحتاجه ترتاح ..فقرب منها ومسك ايديها وهمس في ودنها:خليني اوديكي الاوضه اللي هتقعدي فيها علشان ترتاحي لان شكلك تعبان ومرهق جدا!
مريم رفضت وطلبت منه يفضل معاها هنا لانها متوتره جدا ومحتجاه جمبها فافتكر حسن انه هيروح مع ادهم علشان يحضر معاه التحقيق ولاكن لما بصلها ولقي انها محتجاه أكترقرر يفضل جمبها ويولع ادهم وسيرته !
فقرب منها ولمس وشها وقال بحنيه:انا معاكي يا مريم متخافيش يا حبيبتي بس خليني اخدك لأوضتك ترتاحي لانك تعبتي النهارده!
مريم ردت عليه برفض:لا يا حسن خليني موجوده معاهم شويه علشان دماغي لسا مشغوله
فـ همست وهيا بتاخد رأيه في ليزا:انا مصدقاها وحاسه فعلا انها بتقول الحقيقه انت بما انك ظابط وبتعرف الكداب شايف ايه؟
حسن بنفس الهمس رد عليها:مستحيل ان عياطها دا يكون تمثيل هيا فعلا بتقول الحقيقة ودا باين من نظراتها رد فعلها ولهفتها عليكوا اول ما اكتشفت الحقيقه، وعلي فكره يا مريم اللي كانت مامتك دي خلاص هتفضل في مستشفي الامراض العقليه لان حالتها صعبه وخطر علي البشر!
مريم للحظة افتكرت ذكرياتها مع فاديه واللي طلع اسمها تسنيم وتبق خالتها وبرغم كل اللي حصل الا ان مريم ليها ذكريات نوعا ما حلوة معاها فكانت اكتر واحده متأثرة بكل الحكايه دي فقررت انها تتكلم وتسأل والدتها الحقيقة ليزا عن تسنيم وقالت:خالتي تسنيم كانت بتفضلني عن اختي احلام دايما واختارتني انا علشان افضل معاها وعلي فكره من يومين بس اعترفت بان انا بنتها وان احلام بنت اختها اللي مسافره وقالت ان اسمها تسنيم وحكتلنا قصه غريبه مش مفهومه!
حكت مريم لـ ليزا عن القصه اللي فاديه قالتها أحلام عن والدتها ولما ليزا سمعت الحكايه ضمت حاجبها وقالت:مش انا بقولكم دي مريضه نفسيه يعني اكيد كل اللي قالته مش حقيقي انا مستعده اعمل تحليل DNA لو مش مصدقين انا امكم الحقيقية!
احلام حركت راسها هيا ومريم وقالوا:لا احنا مصدقينيك بس !!بس فاديه احنا اتعلقنا بيها برغم اللي عملتها!
ليزا ببكاء:دي تسنيم انا فاديه؟
احلام باعتذار:انا اسفه ياماما نسيت؟
مريم قربت منها ومسكت ايديها:ماما انتي أمنا الحقيقه وبعدين مش محتاجين نعمل تحاليل احلام اختي نسخه مصغره منك ودا دليل كفايه انما انا اعتقد شبه بابا اكتر بس اكيد واخذه منك حاجه؟
ابتسمت ليزا وحضنتهم ووقتها ماهر حب يتكلم وقال:انا سعيد جدا يا مدام فاديه انك قابلتي اولادك وكمان رجعتلك ذاكرتك بس انا عندي سؤال دلوقت هو حضرتك هتعملي ايه بخصوص مارك جوزك!
فاديه بصت علي مارك اللي كان سامع الكلام بس مش فاهمه فردت فاديه وقالت:مارك بالنسبالي كل حياتي ودا لان انا من غيره ولا حاجه وانا مش بس بعتبره بس جوزي دا حبيبي وكل حياتي وانا دلوقت عايشه باسم ليزا ومعايا الجنسيه الامريكيه فانا في الماضي كنت متجوزه محمد بس هوا دلوقت مات فانا علشان مسببش اي ضجه هفضل ليزا الاجنبيه بس انا مش عاوزه اسيب بناتي لان انا ما صدقت اتجمعت بيهم!
ماهر بفضول:انتي كنتي جايه تصممي فستان لاحلام لان فرحنا انا وهيا قرب ..برغم انها صدفه غريبه ومش مفهومه بس اعتقد ان من حظها ان والدتها هتشارك في تصميم فستان زفافها!!
ابتسمت ليزا وهيا بتبص لبنتها الصغيره وبتقول بحب:هزعل اوي لو كنت جيت وخلصنالك الفستان وانا معرفش انك بنتي؟
احلام حضنتها بسرعه وقالت:انا مشاعري متلغبطه بس انا مبسوطه اني قابلتك وعرفت كل الحقيقه وانا فرحانه ان امي هتشارك في تصميم فستاني انا بس عاوزاكي تكوني معايا في اللحظة دي لان دي كانت امنيتي من زمان؟
ليزا حضنتها بقوه ودمعت:ربنا جمعني بيكي يا قلب ماما وهحضر فرحك وهعملك احلي فستان ان شاء الله !
ابتسمت احلام وحركت راسها وبصت لماهر بحب وقالت:مامر جوزي احن شخص عليا وهو الوحيد اللي كان مستعد يضحي بالدنيا كلها علشاني!
ليزا بصتله وابتسمت وقربت منه وشكرته من كل قلبها وقالت:مش محتاجه اقولك حطها في عينك لاني شايفاها جوه عينك وواضح قد ايه انت بتحبها؟
ماهر ابتسم ورد:احلام مش مجرد مراتي يا مدام احلام دي كل حياتي وانا من غير احلام لا اسوي شئ!
احلام فرحت لما سمعت كلامه فقربت منه حضنته بحب وقالت:كلامك دا ياماهر محفور في قلبي وربنا يقدرني واكون ليك الزوجه الصالحة واكون ام كويسه لاولادك!
حضنها ماهر بحب كبير وكان مبسوط ان الفرحه رجعت من تاني لقلبها وابتسم لما شاف ابتسامتها رجعت من جديد فبص لخدها وقبلها بحب وهيا وقتها خجلت جدا وليزا ابتسمت علي شقاوتهم!
فبصت علي بنتها الكبيرة ولقت ان الظابط حسن مقرب منها جدا فحست انهم متجوزين فسألت مريم وقالت:انتي اتجوزتي انتي كمان يا مريم؟
مريم بصت لحسن والاتنين حركوا راسهم بالرفض وقالت مريم:احنا يعتبر مخطوبين وان شاء الله هنكتب كتابنا قريب!
ليزا ابتسمت وقربت من حسن وقالت بتوصيه:حطها في عينك يا حضرت الظابط وعلي فكرة دي مش بس روح قلب دي اول ماشافت عيني!
ابتسم حسن وبص لمريم بحب كبير وقال:مريم مش بس مجرد انسانه عاديه لا بالعكس دي حياتي كلها ،دي عيلتي وانا مقدرش ازعلها او اقولها كلام غير اني بحبها؟
ابتسمت ليزا وحست ان بناتها اختاروا صح فلفت بجسمها ولقت حمزه واقف يبصلها ومبتسم فقالت بتساؤل:وانت بق متجوز؟
حمزه برفض:لا خاطب؟
ليزا هزت راسها:كويس انك خاطب علشان كنت هخطبلك !
حمزه باستغراب :بتتكلمي بجد!
احلام وماهر بصوله بتهديد وهو عدل نفسه وقال:لا يا مدام ليزا انا بحب خطيبتي ومش عايز غيرها؟
ضحكت ليزا وحركت راسها بالموافقه وقربت من مارك اللي مستنيها تجيله بقاله كتير وحضنته وقالت:انا عاوزه احتفال بجمال الليله الرائعه دي ممكن نفضل هنا في مصر علي طول!
مارك ابتسم وحرك راسه وقال:لو دا اللي هيخليني اشوف ابتسامتك دي علي طول فانا موافق!
حضنته ليزا بحب وقالت:شكرا اوي يا مارك علي كل اللي انت بتعمله علشاني!
كان مارك بيقرب منها علشان يقبلها بس ليزا منعته وشاورت بعيونها علي كل اللي واقفين حواليهم وباصين علليهم فبصلهم مارك لقاهم مركزين معاه والدهشه علي ملامحهم فرجع مارك فورا عن قراره وعدل هدومه وهيا قالت:خلينا ناخد مقاسات احلام علشان نبدا نصمملها الفستان!
ابتسمت احلام وبصت لماهر بفرحه وهو قال:انا بعزم علي حضرتك يا مدام ليزا انتي وجوزك الاستاذ مارك انكم تفضلوا معانا هنا في القصر !
ليزا بصت لمارك واقترحت عليه الكلام وهو حرك راسه بالرفض وقال بالانجليزي:احنا مرتاحين اكترفي الاوتيل وعلشان برضوا انتو كـ شباب تكونوا علي راحتكم!
ماهر حرك راسه برفض:احنا هنكون مرتاحين اكتر لو انتوا فضلتوا هنا معانا؟
مارك بص لـ ليزا واللي عيونها كانت بتبلغه بالموافقه فـ حرك راسه ليه وقال:خلاص تمام موافقين!
ماهر ابتسم وبلغ الخدم فورا يجهزوا غرقه كبيره باعلي حوده لمارك وليزا وبعدها بص لأحلام وقال:مش يلا بق يا عروسه علشان ناخد مقاس فستانك!
احلام بخجل: تفتكر اني هطلع حلوه!
ماهر بحب:هتطلعي اجمل بنت في الدنيا يا احلام ..ابتسمي وادخلي بقلب جامد عاوزك تفضلي واثقه في نفسك!
احلام حركت راسها واخدت نفس طويل وقربت من مارك ووالدتها ووقفت قدامهم و فتحت ايديها الاتين ووقتها ليزا بصت لمارك وحركوا راسهم بحماس وبدأوا ياخدوا مقاساتها..
_______في شقة ياسر!
اتحرك ممدوح ومنعم ومعاهم مأزوم شرعي للشقه بعدما عرفوا ان ياسر اتقبض عليه وان زمان ناني هانم لوحدها فخبط ممدوح علي الباب واول ما فتحت ناني الباب اتكلم ممدوح بابتسامه وقال:ابنك اتقبض عليه علشان مسجل خطر وعليه قضايا كتير فانا قولت ان انتي ملكيش غيري وجيت اكتب كتابي عليكي رسمي!
ناني بصتله بصدمه وهوا دخل ومدلهاش فرصه تعترض علي كلامه فبص لمنعم والمأزوم وقال:اتفضل يا مولانا اتفصل يا منعم؟
دخل المأزون ووراه منعم للشقه وقعدوا في الصالون وبدا المأزون يفتح دفتره!
ممدوح بجديه:ابدأ يا مولانا..المأزون حرك راسه وممدوح بص لناني وقال:بطاقتك فين!
ناني كانت هتعترض بس هوا حط ايديه في فمها وقال بجديه:بقول بطاقتك فين هتنطقي والا..
ناني بخوف منه:جوا تحت مخدة السرير..
ممدوح بص بمنعم واللي قام يجيب البطاقه ورجع تاني وهوا ماسكها!
ممدوح اخد البطاقه من منعم وحط عليها بطاقته الشخصيه واداهم للمأزون وقال:ادي بطاقتي وادي بطاقة العروسه ..قال كلامه وشاور علي ناني وقال:وادي العروسه بنفسها!
المازون حرك راسه بالموافقه وقال:يبق علي بركة الله!
بدا المأزون يكتب الكتاب وناني قاعدة مصدومه من اللي بيحصل فـ فضلت مركزه مع المأزون لحدما طلب انها تمسك ايد ممدوح وبدأ يمليهم كلام وهما يرددوه وراه وبعدها سحب المنديل وقال:بارك الله لكما وبارك عليكما وجمع بينكم في خير الف مبروك يا اساتذه!
ممدوح قرب منها باسها من خدها وهيا قالت بتساؤل :ايه اللي بيحصل دا انا مش فاهمة حاجه!
ممدوح مردش عليها وبص للمازون اللي اداله القسيمه الحواز وقام وقف فاتكلم ممدوح ووجه كلامه لمنعم:وصل مولانا يا منعم يا بني؟
ناني بصتله وقالت بتساؤل:انت بتعمل ايه يا ديحه انا مش موافقه علي الجواز دا؟
ممدوح قبلها من شفايفها وسكتها بالكلام وقال:انا بحبك وعاوز اكمل حياتي معاكي وعشان خاطر اللي في بطنك دا قررت اننا نتجوز رسمي ونبدأ حياة جديدة ونظيفة مع بعض من اول وجديد!
ناني فكرت في كلامه وحركت راسها بالموافقه
وقالت:طيب وابني ياسر والفلوس بتاعتي اللي اخدتها مني؟
رد ممدوح: لو علي ابنك فهو كده كده لابس لابس وهبق اسمحلك تزوريه كل فتره اما يتحكم عليه ان شاء الله واما بالنسبه للفلوس فـ فلوسك في الحفظ والصون بس تحت ادارة جوزك!
ناني اتصدمت وهوا مسك ايديها وقال:مش كفايه بق تضيع وقت اكتر من كده ونروح لبيتنا؟
ناني بزهول:بيتنا؟
ممدوح بابتسامه:ايوا بيتنا يا عروسه انا عندي شقتي الخاصه وجاهزه علي اعلي مستوي وكانت واقفه بس علي العروسه؟
ناني ابتسمت وحركت راسها وقامت وهو مسك ايدهيا وقال:براحه وانتي ماشيه يا عروسه علشان خاطر البيبي اللي في بطنك..
يتبع
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺