رواية حبيبي المدير الفصل الثامن والخمسون بقلم الكاتبه شيماء صبحي حصريه وجديده على مدونة أفكارنا
 |
رواية حبيبي المدير الفصل الثامن والخمسون بقلم الكاتبه شيماء صبحي حصريه وجديده على مدونة أفكارنا
حبايب قلب شيمو اللي بيحبني يدخل علي صفحتي الخاصه هنا ويعمل متابعه علشان الفتره الجايه كل الروايات اللي هتطلبوها هنزلها عليها..
الصفحة هنا👇👇
شيماء صبحي
بعد مرور اسبوع علي مقابلة ليزا بـ بناتها .
قرر مارك انه يخلص فستان أحلام ويستقر هو وليزا في مصر.
وطبعا كان قرارهم قرار سليم بالنسبه لوجود ليزا جمب بناتها لانها مش هتقدر تبعد عنهم تاني فطلبت من مارك انهم يفضلوا في مصر ويروحوا لامريكا في وقت الشغل فقط وينزلوا لمصر تاني!!
واما بالنسبه لماهر الصياد فكان اتأكد ماهربان حياتهم بقت في امان بعد حبس ياسر غنيم والتخلص من كل المشاكل اللتي تسبب فيها ياسر واولهم شركته اللي فقدت مشروع بسببه؟
احلام علاقتها مع مريم بقت احسن من الأول وقدرت مريم تفهم ان اختها مش وحشه زي ماكانت فكراها وقدروا كلهم يتخطوا ويتقبلوا ليزا كأمهم وينسوا فاديه السابقه بعدما اتجننت رسمي وتم وضعها بداخل مستفي الامراض العقليه وبسبب ان ماهر الصياد بنفسه طلب توصيه علي حالتها فهيا بتتعامل معاملة افضل بكثير من الباقي؟
الظابط حسن!!
اتأكد حسن بعدما تم التحقيق مع أدهم واثبات كل التهم اليه تم تحديد موعد الجلسه التي يتلقي الحكم بها فتاكد حسن بعد ان تم التخلص من ادهم ان حياة حبيبته مريم اصبحت الان في حالة افضل وبإمكانه التقدم للزواج منها بدون اي عواقب !
وبالنسبة لحمزه وحنين ..طلب حمزه من خاله انه يروح هو واحلام معاه يطلبوا ايد حنين ووعد حمزه ماهر بانه هيهتم بالدراسه أكتر من الاول وكمان هيشتغل معاه في الشركه وكل دا بمقابل انه يخطب حنين ويبدأ يجهز لنفسه مستقبل ويقدر يتجوزها وبالفعل اتجه حمزه وماهر واحلام لبيت حنين ومعاهم باقه من الزهور وعلبه شكولاه .
كانت والدة حنين واخوها في استقبالهم وحنين قاعده في غرفتها مع صديقه مقربه ليها وكانت لابسه فستان رقيق وعليه طرحه هاديه فاول ما نورا استقبلت ماهر وحمزه واحلام دخلت تنده لبنتها علشان تقابل العريس!
حمزه كان بيبص لخاله ومبتسم واحلام كانت فرحانه ليه لانها نفسها انه يكون في احسن حال ومبسوط فبصت علي ماهر وقالت:حمزه الفرحه باينه علي وشه وانا برغم اني قاعده بعيد عنه الا اني سامعه نبضات قلبه الشديده،من الواضح انه بيحبها اوي؟
ماهر بص علي حمزه وابتسم وقال بهمس:كان نفسي ان ابوه وامه هما اللي يكونوا معاه في الوقت دا بس هرجع اقول انه مش بس ابن اختي لا دا انا بعتبره ابني وفرحان انه خلاص حاله هيتعدل وهيخطب اللي بحبها !
ابتسم حمزه لما سمع همسهم عليه وبصلهم وقال:بابا ماهر وماما احلام لو سمحتوا، لو سمحتوا قولولي انا شكلي طالع حلو؟
ضحك ماهر ورد عليه:دا السوال رقم ١٠٠ اللي تسألهولي النهاردهعن لبسك وشكلك وانا اقولك زي الفل!
ضحك حمزه ووقتها قربت حنين منهم وهيا شايله صينيه عصير اول ما بص حمزه عليها وعيونه جات في عينيها صوت نبضات قلبه هو وحنين بق عالي بطريقه ظاهره وواضحه!
ابتسمت احلام علي شكل حنين لانها كانت جميله اوي فقربت حنين من احلام وقدمت لها العصير وبعدها لماهر وبعدها حمزه وبعدها لمامتها وخالها وبعدها قعدت جمب والدتها بكل هدوء !
اتكلم ماهر وقال :احنا جايين نطلب ايد الانسه حنين لابن اختي الاستاذ حمزه وهنكون اسعد ناس في الدنيا لو وافقتوا علينا!
نورا بصت لاخوها وابتسمت وحركت راسها ليه علشان يرد علي ماهر ،فاتكلم خال حنين وقال:دا شرف كبير لينا طبعا يا استاذ ماهر ومادام الاستاذ حمزه زي الفل وميعبوش حاجه ايه اللي هيخلينا نرفضه وطبعا العروسه في الاول وفي الاخر هيكون قراراها!
ابتسم ماهر وبص علي حنين ووقتها خالها بصلها وقال:موافقه يا بنتي علي الاستاذ حمزه!
حنين بصت لحمزه ووشها احمر جدا فحركت راسها بالموافقه وقالت:موافقه يا خالي؟
ضحك حمزه وكانن نفسه يقوم يحضنها لولا نظرات ماهر ليه فقعد حمزه مكانه وهو بيحاول يمسك اعصابه فبص علي والدة حنين وقال:انا يشرفني اني اتجوز بنتك واوعدك اني هحطها في عيني وهبذل كل جهدي علشان اسعدها!
ابتسمت نورا وحركت راسها ليه وقالت:ودا اللي انا هطلبه منك يا حمزه!
حمزه حرك راسه بثقه والتزام وبص علي خاله اللي بدا يتكلم تاني ويتفق معاهم علي الشبكة والمهر!
وفي فيلا الصياد كانت ليزا ومريم قاعدين وبيتكلموا مع بعض علي احلام!
مريم قالت وهيا بتحكي لوالدتها عن احلام:دي مش عارفه اي حاجه يا ماما عن الجواز وازاي تبسط جوزها!
ضحكت ليزا وقالت:دا طبيعي يا مريم يعني هيا هتعرف منين هيا كانت اتجوزت قبل كده!
مريم حركت راسها:تصدقي عندك حق بس قوليلي ازاي هنقنعها باللبس اللي انتي قولتي عليه!
ليزا بضحكه:ببساطه يا مريم احلام عاوزه قعده بينا وصدقيني هتفهم بعدها كل حاجه ماهر يستحق الدلع دا وهيا محترمه بزياده؟
ضحكت مريم وقالت:خلاص انا بنفسي اللي هشرحلها التفاصيل بما اني اقرب منها سناا.
حركت ليزا راسها وقالت:بالنسبه ليكي يا مريم احكيلي اكتر عن نفسك !
مريم حكت لوالدتها عن ماضيها كله وحكتلها عن رحمها اللي شالته بسبب الحادث فزعلت ليزا علي حالها ولاكن هدأتها مريم لما شرحتلها انها راضيه تماما عن حالتها ووضحت اكتر انها كلمت حسن وطلبت منه يسيبها علشان اللي حصلها بس هو رفض وقال :انا ميهمنيش الخلفه قد ما انتي تهميني يا مريم ولو نفسك اوي يكون عندك طفل ممكن نتبني واحد!
ابتسمت ليزا لما سمعت كلامها وحسن كبر اكتر في نظرها فبصت علي بنتها ومسكت ايديها وقالت:اوعي تخسريه يا مريم واحد زيه يستاهل كل حبك واهتمامك وتقديرك ليه ومهما يحصل اوعي تبعدي عنه؟
ابتسمت مريم وحركت راسها بالموافقه!
وفي الوقت اللي كانوا بيتكلموا فيه بيدخل حسن وهوا لابس لبس الشغل بتاعه واول مشافته مريم قلبها دق بحب ..
حسن اتكلم وقال بابتسامه:مساء الخير !
مرسم وليزا باعجاب من شكل حسن:مساء النور!
حسن لما شاف مريم قاعده وبتبصله بنظرات اعجاب ابتسم وقرب منها وقال:عامله ايه دلوقت!
مريم:الحمدلله انت اتاخرت كده ليه مش قولت هتيجي بدري!
قرب حسن اكتر منها وقعد جمبها وقال:معلش يا مريم والله كان عندي مأموريه واول ما خلصتها جتلك علي طول حتي شوفي بنفسك انا ملحقتش اغير لبسي وجيت بلبس الشغل'
ابتسمت مريم وحركت راسها بالموافقه وقالت بحب:كويس انك جيت بلبس الشغل دا حلوي اوي عليك!
ابتسم حسن وبص علي ليزا اللي بصاله هيا وكمان ومبتسمه وقال:مدام ليزا ازيك عامله ايه؟
ليزا بابتسامة:الحمدلله يا حبيبي انت اخبارك ايه؟
حسن:الحمدلله ..بص علي مريم وقال:معلش هاخد مريم منك خمس دقايق!
ليزا ابتسمت وحركت راسها بالموافقه وقامت وقفت وقالت:خليك انت قاعد معاها هنا وانا هطلع اشوف مارك وصل لحد فين في الفستان!
حسن حرك راسه وليزا مشيت وسابته مع مريم واللي كان وشها احمر من الخجل!
حسن لمس خدها وقال بفرحه:كتب كتابنا بكره خلاص!
مريم حركت راسها باهتمام وقالت:بس انت ليه رافض نعمل فرح ..دا حقك علي فكرة؟
حسن بحب كبير ليها:يا مريم حالتك الصحيه اهم عندي من الفرح وانا بصراحه مستعجل وعاوز اخدك لبيتي ومش مهم بق نعمل فرح او منعملش المهم انك تكوني مراتي؟
مريم ابتسمت ولكن كانت حاسه بحزن لان هيا كمان نفسها تعمل فرح وتلبس فستان زفاف وتشوف انها عروسه وتفرح بس لما بصتله ولقته مُصر علي قراره حركت راسه ليها بالموافقة وقربت منه وقالت:بكرا هكون مراتك وهاجي معاك بيتك وان شاء الله هعمل كل اللي هقدر عليه علشان اخليك اسعد زوج في الدنيا؟
حسن:انا فعلا هكون اسعد زوج في الدنيا عارفه ليه يا مريم علشان انتي اللي هتكوني زوجتي،،انا وانتي هنكون نفس الشخص انا بحبك اوي ومستعد اضحي بكل الدنيا علشانك..
مريم ابتسمت بحب ليه وهوا ضمها وقال بهمس:كل اللي عاوز اقوله ليكي بلاش تفكري في الماضي خلاص انا قدامك وانتي قدامي ومدام احنا بخير يبق نقدر نخلي كل ايامنا كلها سعيده!
مريم دمعت بسبب تفكيرها في الخلفه ولاكن بكلامه حست انها سعيده جدا فضمته اكتر لحضنها وهيا بتبص عليه وعلي تفاصيله وقالت بحب:ربنا يخليك ليا يا حسن!
حسن رد بإبتسامه وقال:ويخليكي ليا يا مريومة '
ضحكت مريم وبعدت عنه وقالت:يبق انا وانت هنتجوز بس اسمحلي بق اجي معاك واحنا بنختار الدبل ؟
حسن قال باستغراب:دبل ايه اللي انت هتيجي معايا تختاريها!
مريم اتصدمت للحظة وهوا كمل كلامه بابتسامة وهو بيخرج علبه من جيبه الخلفي:الدبل جاتلك لحد عندك خلاص؟
مريم بصت علي شكل الدبل بفرحه وقالت:خضتني يا حسن انا كنت فاكره انك مش هتلبسني دبله وانا كمان البسهالك!
ضحك حسن علي شكلها وقال:انا اقدر بردوا انسي حاجه مهمه زي دي انا بس كل اللي بفكر فيه هوا راحتك مش عاوز اتعبك وانتي لسا مبقتيش كويسه من اثار الجرح اللي لسا بيوجعك وبرغم انك بتداري وجعك الا اني حاسس وبحس بيه؟
مريم حركت راسها وهوا طلع دبلتها وقال:اي رئيك زوقي حلو؟
مريم باعجاب:زوقك يجنن يا حبيبي '
ابتسم حسن ورجع الدبله مكانها في العلبه وقال:بكرة هلبس البدله اللي انتي اختارتيها وطبعا ليزا مامتك قالتلي انها هتختارلك فستان علي زوقها بس يارب ميكونش قصير علشان انا بغير؟
مريم حركت راسها بضحكه وقالت:لا ما تقلقش ماما ورتلي الفستان وهو كمان طويل وهيعحبك!
حسن وهو مقرب من وشها:متاكده!
مريم بخجل:ايوا؟
وهما قاعدين وبيتكلموا وصل حمزه وماهر واحلام بعدما قرأوا الفاتحه ل حمزه وحنين وحددوا ميعاد الخطوبه ودا بعد اسبوعين..
احلام كان فرحها الاسبوع الجاي فقربت من ماهر وقالت:وانا بس هاخد اسبوع عسل علشان خاطر خطوبة الاستاذ؟
حمزه بصلها وقال علشان يغيظها:وفيها ايه يعني يا ماما دا خطوبة ابنك برضوا؟
احلام بضيق منه:ابن مين انا اصلا معرفكش ومستحيل اخلف واحد شبهك كده..يا سمج'
حمزه بص لخاله وقال بصدمه:بابا!! شايف مراتك بتعمل ايه في ابنك وبتقول عليا ايييه!
ماهر بص لأحلام ولقاها منزعجه من حمزه فقرب منه وقال:عارف لو مصالحتش ماما يا قلب بابا هعمل فيك ايه!
احلام بضحكه:خلاص سيبه اصل دا عريس واحنا محتاجين وشه سليم دا احنا ما صدقنا شوفنا ملامحه!
ضحك ماهر غصب عنه علي كلامها وكان حمزه هيرد ولاكن ماهر منعه وقال:كلمة زياده وهلغي الخطوبه!
حمزه جري بسرعه من قدامه وقرب من حسن ومريم اللي كانوا هيبوسوا بعض فقال:شوفت يا خالو حسن ويا خالتوا مريم ماما احلام بتعمل ايه
!!
شهقت مريم من وجوده فبعدت عن حسن بسرعه بتوتر وحسن لما شاف حمزه واقف وهو بيبصلهم بلا مبالاه ولا كانه بوظ عليهم لحظة مهمه فقام وقف وكان فرق الطول بينه وبين حمزه واضح فاتكلم حسن وقال:انت بتعمل ايه هنا دا وقته!
حمزه بلع ريقه ورجع خطوه لورا وقال :خلي قلبك كبير يا حسن بيه انا عيل وغلط؟
حسن بص وراه لقي ماهر بيقرب منه ومبتسم فابتسم حسن وساب حمزه واقف وهيعملها علي روحه وراح سلم علي ماهر!
ماهر بفرحه:ازيك يا حسن بق تغيب عننا اسبوع بحاله يا راجل!
حسن باعتزاز:معلش بق يا ماهر الشغل عاوز كده!
ماهر وهو بيخبط علي كتفه:بالتوفيق يا باشا مصر ..قولي الحيوان دا عمل ايه!
حسن بضيق:قطع عليا لحظة مهمه مع مراتي؟
ماهر بأمر: خلاص خلص عليه!
حمزه اول ما سمع كلام ماهر جري بسرعه من قدامهم وراح للمطبخ عند مرسي يتحامي فيا..
ماهر ضحك عليه وقال:ازاي دا هيفتح بيت ويكون راحل مسؤول انا مش عارف!
ضحك حسن وقال:شباب الجيل دا كلهم اشقيه!
ابتسم ماهر وحرك راسه علي كلامه وقال:عندك حق!
احلام قربت من مريم وسلمت عليها وبلغتها بموعد الخطوبه بتاع حمزه ومريم باركت لحمزه من بعيد برغم انها متغاظة منه فقالت وهيا بتشاورله وهوا واقف عند باب المطبخ:مبروك يا حمزه علي قرايه الفاتحه عقبال اليله الكبيره ؟
حمزه بصوت عالي من يعيد :الله يبارك فيكي يا استاذه مريم!
ضحكت مريم علي رده وبصت لاختها وقالت:برغم اني بحس انه فصيل الي اني منكرش انه بيضحكني ودمه خفيف!
احلام بموافقه علي كلامها:عندك حق دا لذيذ اوي وانا بحبه!
ماهر قرب من احلام واتكلم بتساؤل :مين دا اللي بتحبيه يا احلام!
احلام بابتسامه:انت طبعا يا ماهر وانا عندي مين تاني أحبه غيرك!
حمزه من بعيد:انا ؟
ضحك ماهر وحرك راسه بحب ليها وقال:وانا كمان بحبك يا روح قلبي!
حسن بص لماهر واحلام وقال:ان شاء الله كتب كتابي انا ومريم بكره زي ما اتفقت معاكوا !
اتكلم ماهر بتساؤل:لسا لحد دلوقت مُصر علي انك متعملش فرح!
حسن بنظره فهمها ماهر :احنا مرتاحين كده وعلي العموم مبروك ليك وليا يا ماهر!
ابتسم ماهر وحرك راسه بالموافقه:الله يبارك فيك يا حسن!
حسن قعد جمب مريم واللي كانت بتخفي زعلها علي فكرة الفرح ولاكن حسن كانت نظراته واضحه ليها بانه مخبي عنها حاجه وماهر الوحيد اللي كان فاهمها فبصت احلام لماهر وقالت:بالنسبه للفرح اللي هيكون بعد اسبوع انا عاوزه اعرف هنسافر فين ،انت مخبي عليا لحد دلوقت؟
ماهر ضم عينيه بتفكير وبص علي الفراغ قدامه وقال:انا بلغتك انها مفاجأة بس مادام انتي عاوزه تعرفي فـ احنا يا ستي هنسافر تركيا هنقضي اسبوع عسل هناك وبعد خطوبة حمزه شوفي اي دوله نفسك تروحيها وانا مستعد للمغامره معاكي!
احلام بفرحه وصوت عالي:بجد يا ماهر!
ضحك ماهر وحرك راسه لسها:بجد يا احلام ..همس في ودنها:بقولك ايه ما تيجي نطلع لمارك نشوفه وصل لحد فين في الفستان!
احلام بموافقه:تمام ماشي يلا بينا!
ماهر وقف وبص لحسن ومريم وقال:هنسيبكم بق ونطلع نشوف مارك فوق وصل لحد فين فس الفستان!
حسن حرك راسه ومريم ابتسمت لاختها وحركت راسها بفرحه!
ماهر مسك ايد احلام واتحركوا لفوق وحسن قرب من مريم اكتر بس وهوا ماسك ايديها وبيتكلم معاها في مواضيع خاصه بيهم!
_________
في شقة منعم!
الحاج ابو بسمه والد خطيبته كان قاعد وجمبه بنته ومنعم وامه وابوه قاعدين قصادهم اتكلم منعم وقال:خلاص يا عمي انا جهزت الشقه وفرشتها وبالنسبه للقاعه فهيتحجز لينا في اكبر فندق في القاهره وهنقعد اسبوع وبعدها هنسافر شرم الشيخ علشان شهر العسل والفستان والبدله جاهزين كله واقف علي موافقتك ؟
والد بسمه بص لبنته ولقاها فرحانه فحرك رأسه وقال:خلاص يا ابني انا موافق اتوكل علي الله وحدد ميعاد الفرح!
منعم بفرحه:ممكن بعد شهر من النهارده لحد بس ما بسمه تجهز نفسها لان دا طلبها؟
والد بسمه بص لبنته وقال:يعني انتوا اتفقتوا مع بعض يعني!
بسمه حركت راسها بخجل ومنعم قال:انا اسف يا عمي طبعا انت الكبير بتاعنا وليم كلمتك بس هيا كان لازم تقول رايها!
والد بسمة حرك راسه بالموافقه وقال:خلاص يا ابني مش زعلان منك انت وهيا لازم تتفقوا طبعا علي اي حاجه تخص حياتكم..الف مبروك مقدما!
منعم ابتسم علي تفهم والد خطيبته وقال:ربنا يخليك ليا يا عمي !
ابتسم والد بسمه وبص لوالد خطيب بنته وقال:تعالي معايا ياحج محمد نقعد علي القهوه اللي تحت شويه وبص لمراته وقال:خدي الحجة رايه وفرجيها علي الحجات اللي جبناها لبسمه ؟
والدة بسمة حركت راسها بالموافقه وقامت وهي مبتسمه ومسكت ايد ام منعم وقالت:تعالي معايا يا حجة رايه ندخل جوا !
قامت والدة منعم ومشيت مع ام بسمه وسابوا منعم وبسمه قاعدني لوحدهم!
منعم بفرحه:انا مش مصدق نفسي يا بسمه ان احنا كتبنا الكتاب وخلاص كلها شهر ونتجوز!
بسمه بحب:انا كمان مبسوطه يا منعم بس انت اكيد قولتلي الحقيقه وان ماهر بيه المدير بتاعك هوا اللي عمل معاك كده!
منعم بثقه:صدقيني يا بسمه والله انا بقول الحقيقه ماهر باشا هو اللي عمل معايا كده لاني وقفت معاه الفتره اللي فاتت وساعدته في حاجات كتير ودا كان وعده ليا وهو نفذه؟
ابتسمت بسمه وحركت راسها بالموافقه وقالت:خلاص متزعلش مني انا بس بطمن ان الجوازه دي مشايه بالحلال!
منعم ابتسم:اطمني يا بسمه لاني عمري ما اعمل اي حاجه حرام او ادخل فلوس حرام بيتي!
ابتسمت بسمه ومسكت ايديه:والله يا منعم انا بحبك وواثقه فيك بس انت عارف اني بخاف عليك!
منعم ابتسم وقبل ايديها:وانا بموت فيكي يا قلب منعم!
ابتسمت بسمه وفضلت تتخيل نفسها بالفستان الابيض وان منعم معاها ولما لقت الموضوع جميل اتحمست ليه وقالت:انا متحمسه اوي يا منعم اشوف نفسي بالفستان واشوفك بالبدله!
ضحك منعم وقال :هتكوني زي القمر يا بسمه علشان انتي زي القمر اصلا!
حركت بسمه راسها وقالت بتفكير:طيب اي رئيك نعمل بدل شهر العسل دا ونروح نعمل عمرة'
منعم ابتسم وقال:ممكن نعمل عمرة بعد شهر العسل متقلقيش انا معايا فلوس بزيادة!
حركت بسمه راسها بالموافقه وقالت:ماشي اللي تشوفه يا حبيبي!
ابتسم منعم وقرب اكتر منها وبدا يوريلها علي تيلفونه صور القاعه والفندق اللي اختاره بنفسه وماهر حجزهوله ؟
وفي شقة ممدوح.
كانت خارجه ناني من المطبخ وهيا شايله صينيه فيها اكل وبتقرب من ممدوح اللي قاعد في الصاله وبيتفرج علي التيلفزيون!
ناني وهيا شايله الصينيه وبتقرب منه قالت بضيق:مش كنت تجيب خدامه تخدمنا افضل من المرمطةاللي انا فيها دي!
ممدوح قام اخد منها الصينيه وقال باعتراض:انا مبحبش حد يعرف حاجه عن حياتي وبالذات الخدم دول بيكونو متطففلين وحشرين بزياده فانا عاوز حياتنا كده تكون خاصه بينا!
ناني بضيق:بس انا مش متعوده علي الترويق والطبخ انا طول عمري عايشه هانم وعمري ما حصل فيا كده!
ممدوح وهو بياكل من الاكل اللي هيا عملته:تسلم ايدك يا ناني الاكل دا حلو بس ناقصه شويه ملح ،متقلقيش كلها شويه ايام وهتتعلمي كل حاجه وهتكوني اشطر..اهم حاجه سيبك من الوقفه دي علشان غلط عليكي وانتي حامل تعالي واقعدي علشان تاكلي!
ناني بضيق من هدوئة دا قالت:اسمع بق يا ممدوح انا مش راضيه عن اللي بيحصل دا انا اصلا مطلبتش انك تتجوزني من فضلك طلقني!
ممدوح ابتسم وشدها عليه وقال:احنا مش خلصنا بق يا ناني اقعدي كلي علشان ابني اللي في بطنك!
ناني باعتراض:قصدك بنتي!
ممدوح برفض:لا ابني انا متاكد انه ولد!
ناني بانكار لكلامة :لا انا بق اللي حامل وانا اللي حاسه ،انا متاكده اني حامل في بنت!
ضحك ممدوح وقال:حسي براحتك بس المهم ان الولد دا هيبق اسمه ماهر !
ناني بصرخه وشهقه:اييه هتسمي ابني ماهر ليه ملقتش غير اللي دمر حياة ابني وتسمي ابنك علي اسمه!
ممدوح برفض:لا يا ناني انا هسمي ابني ماهر لان لولا تدخل ماهر في حياتي وانقاذي من اللي انا كنت فيه مكنتش ابدا هتغير وهحب اني ابدا حياتي من جديد!
ناني باعتراض:بس انا قولت لا يعني لا عاوز شكلي ايه يطلع قدام ابني وانا مسميه اخوه علي اسم عدوه!
ممدوح قرب منها وقال :بصي بق يا ناني ابك بق رد سجون وبعدين دا مش هياخد اقل من٣٠ سنه يعني هيطلع عجوز وعلي ما يطلع الله اعلم مين فينا هيستقبه يعني متفكريش فيه واحمدي ربنا اني سمحتلك تزوريه!
ناني زعلت من كلامه وهو قال:انا بحبك ومش عاوز اخسرك فـ عيشي معايا بما يرضي الله هتلاقيني معاكي زي الفل انما كل شويه هتنكدي كده هزعل منك وانا زعلي وحش!
ناني حركت راسها بالموافقه وهوا قال:يلا كلي!
خرجت ناني راسها بالموافقه واكلت وهو ابتسم ليها وبدا ياكل هو كمان'
وفي القصر..
دخل ماهر واحلام لغرفه اخدها مارك علشان يصمم فيها الفستان وكانت ليزا معاه وبتساعده فكان مارك عارض الفستان عليي الماليكان وكان شكله يجنن فقربت احلام من الفستان وهيا ميهوره وبتقول:ثانكيوا مستر مارك هذا مثير للدهشه!
ابتسم مارك ورد عليها:هذا لانك تستحي احلام!
ابتسمت احلام وبصت بماهر وقالت:حلو اوي الفستان طالع شكله علي المليكان يجنن!
ماهر ابتسم وحرك راسه وقال وهو بيوجه كلامه لمارك:تسلم ايدك مستر مارك الفستان جميل وبصراحه فوق ما نتخيل!
ابتسمت ليزا علي كلام ماهر ومارك شكره وفي الوقت دا طلب مارك من احلام تجرب الفستان!
احلام اتوترت وقالت:بس دا لسا مخلصش!
مارك:هوا خلص بس واقف علي التعديل ممكن تقيسيه وانا هظبته عليكي !
احلام حركت راسها بالموافقه ودخلت هيا وليزا علشان تلبسها الفستان!يتبع
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺