قصة يوسف الديب الفصل الثالث بقلم محمد منصور حصريه وجديده على مدونة أفكارنا
 |
قصة يوسف الديب الفصل الثالث بقلم محمد منصور حصريه وجديده على مدونة أفكارنا
ما فيش وقت للرغي لازم ترمي العربية في البحيرة وبسرعة قبل ما عربية تانية تعدي علينا ويتعرف بامر الحادثة دي وتبقي فضيحة لا انا ولا انت حملها
الجملة دي قالتها نرمين ليوسف قبل ما يسمعوا صوت كلكس عربية وشكله جاي من بعيد نزلت نرمين بسرعة ووراء منها يوسف وبصو ناحية صوت الكلكس لقو عربية بتقرب ببطئ وهنا الاثنين بصو لبعض ومابقوش عارفين يعملو اية
★يوسف الديب★
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
لكن هنا نرمين فكرت بسرعة وقالت
ارجع انت العربية بسرعة وانا هتصرف
يوسف
هتعملي اية
نرمين راحت ناحية عربية الشاب اللي عامل حادثة وهي بتقول
مالكش دعوي انت
ووصلت عند العربية ووقفت قصاد منها بعد ما حطيت جزع شجرة علي كابوت العربية من قدام علشان تداري علي الشاب اللي جوة منها وهنا وصلت العربية اللي سمعوا الكلكس بتاعها وكان باين ان الكاوتش بتاعة مخروم ودة اللي كان مخليها مشيا ببطئ و سواق العربية دي كان راجل في الاربعينات من عمرة وقف بالعربية قصاد نرمين وفتح ازاز عربيته و بص لها وقال
انا خوليو و اتعرضت عربيتي لحادثة بسيطة بسبب الغزلان ودة خلي كاوتش امامي و كاوتش خلفي يتعرضو للخدش. والهواء اللي جوة الكاوتشات بدا يتسرب وكنت محتاج مساعدة منك
لكنه سكت لما شاف العربية المتكسرة اللي افتكر انها بتاعت نرمين وقال
لكن الحادث اللي انا اتعرض لي اهون بكتير من الحادث اللي انتي اتعرضي لي
نرمين
فعلا انا حادثتي مروعة.
خوليو
للمتعه والترفيه أدخلوا هنا 👇 ❤️ 👇اظن انك محتاجة لمساعدة وانا لو اقدر اساعدك كنت ساعدك لكني برضو محتاج لمساعدة
و ابتسم خوليو ونرمين ردت له الابتسامة وهنا خوليو شاف دم كتير بينزل من العربية بص للدم دة
و لحظت نرمين بصة خوليو فوقفت فوق الدم وقالت
دم الغزالة اللي انا خبطها لسة بينزل من جوة العربية
خوليو
هي دخلت جوة العربية
نرمين
عديت من الازاز لكني قدرت اخرجها لانها كانت غزالة حجمها صغير
خوليو
الغزلان هنا كتير ورغم اننا بنتمتع بشكلهم الا ان اي عربية بتعاني في طريق الخروج من الغابة بسبب خروجهم بسرعة من الغابة اليمين
لل الغابة الشمال
نرمين
فعلا. علي كل حال تقدر تتحرك قبل ما كوتشات عربيتك يتسرب منهم كل الهواء اللي فيهم
خوليو
فعلا معاكي حق. اسف اني هسيبك لوحدك وانتي محتاجة مساعدة لكن اوعدك بمجرد وصولي للطريق الرئيسي هطلب مساعدة ليكي
نرمين
ما تقلقش عليه انا اتصلت بصديق ليا وهو في الطريق لمساعدتي
خوليو
طيب تمام استاذنك انا
ومشي خوليو و اتاكد يوسف انه بعد خرج من الغابة و بص ل نرمين اللي قالت
ما فيش وقت خد العربية بسرعة
و اتخلص منها قبل ما حد تاني يجي. لكن قبل ما تعمل كدة لازم ناخد اي شئ مع الشاب يعرف البوليس في حاله الوصول لجثته هو مين
يوسف
ولية هتعملي كدة
نرمين
علشان البوليس ياخد وقت قبل الوصول ل اسم الشاب دة ودة يخلينا نخلص الصفقة اللي احنا هنا علشانها وبعدها نرجع مصر
وفتحت نرمين العربية و خدت موبيل الشاب و محفظته وولاعة ذهب و ساعة والفيزا كارت اللي كانت معه وحطت كل دة في جيبوها ،،،،
ونرجع للمحامية سرينا اللي قالت
و بعد ما نرمين خدت كل اللي كان مع الشاب عملت اللي قالت لك عليه نرمين صح
يوسف
ما كنش قدامي الا الحل دة علشان احافظ علي صورتي ومكانتي قصاد مراتي والمجتمع اللي انا منه. وشالنا الشاب قصاد بعض وحطينا في شنطة عربيته
سرينا
وبعدين
يوسف
بدات ازق العربية لغاية ما وصلت بيها لنقطة بعيدة جدا ومع دخول الليل وصلت البحيرة والعربية بقت علي حرف البحيرة و استعديت لزق العربية اخر زقة وبعدها تكون في المية لكني هنا سمعت صوت
سرينا باهتمام شديد
صوت مين
يوسف
صوت جاي من وسط الاشجار شيلت ايدي من فوق العربية و بدات ابص ناحية مصدر الصوت وبعد ترقب لمدة نص دقيقة لقيت غزالة خارجة من وراء شجرة
سرينا
غزاله مش انسان
يوسف
دة اللي انا شوفته
سرينا
طيب كمل
يوسف
ما فيش كلام يتقال تاني غير اني زقيت العربية ووقعت في البحيرة وبدات اشوفها قصاد عيني وهي بتغطس للقاع
سرينا لسة بتكتب كل اللي بيتقال ويوسف بيكمل وبيقول
طبعا انا كدة لبست قضية قتل رسمي
سرينا بصت له وقالت
الدردشة اللي بيني وبينك ملهاش علاقة باللي هيتقال في قاعة المحكمة. المهم كمل. وعرفني وانت بتغرق العربية في البحيرة كانت فين نرمين
يوسف
ما انا نسيت اقول لك اننا طلعنا العربية بتاعتي من الغابة و خلناها علي الاسفلت وهي بقيت قاعدة جوة منها مستنيا حد يساعدها وبمجرد ما هتروح هيتم الاتصال بيني وبينها لكن اللي جه لمساعدتها اخر شخص كنت اتمني انه يساعدنا
سرينا باستغراب شديد
لية بتقول كدة
يوسف
هقول لك ،،،،،
ونروح ل نرمين اللي جوة العربية مستنيا المساعدة وقت ما شافت عربية بتقرب منها نزلت من العربية بسرعة وشاورت للعربية دي ووقفت وهنا تشوف راجل في الخمسينات من عمره اسمه بيدرو سالها طبعا اية اللي عطل عربيتها وهي قالت الغزلان وقرر يساعدها لكنه قال لها انها لازم تروح مع البيت لان العربية فصلت كهرباء وهو هيقدر يصلح العطل دة في البيت وطلع حبل بخطاف بيستخدم في سحب العربيات وفعلا سحب العربية لغاية بيته ودخل بيها ورشته وهنا تظهر امراة في نفس سنه فقال
اعرفك علي مراتي صوفيا
بدا التعارف بين نرمين وصوفيا وطلبت منها صوفيا انها تدخل معها البيت لغاية ما جوزها بيدرو يخلص تصليح العربية وفعلا دخلت معاها نرمين وصوفيا بدات تعالج الجروح اللي في وش نرمين وهي بتتكلم معاها في امور كتير لكن هنا نرمين اتصدمت لما شافت برواز في صورة بيدور وصوفيا وفي النص الشاب اللي اتسببوا في موته فلحظت صوفيا تركيز نرمين في الصورة فقالت
شاب وسيم مش كدة
بصت لها نرمين بوش شاحب مرعوب وقالت
دة يبقي مين
صوفيا
ابني توريس
نرمين بارتباك شديد
انا عايزا امشي
صوفيا
تمشي ازاي بس مش لما بيدرو يخلص تصليح العربية
نرمين سابتها وخرجت راحت ل بيدرو ووقفت قصاد منه وقالت
خلاص العربية
بيدور ضاحكا
صوفيا صدعتك بكلا،،،،،،
نرمين بكل جدية
من فضلك العربية تخلص بسرعة
استغرب بيدرو و بص
ل صوفيا اللي خرجت وراء نرمين وقال
هعمل كل اللي اقدر عليه
نرمين فضلت واقفة والارتباك باين عليها اوي وصوفيا قالت
طيب هتفضلي واقفة كدة تعالي استني جوة
نرمين
من فضلكم انا مرتاحة كدة
صوفيا
واضح انك زهقتي مننا اكمننا عواجيز لكن لو توريس هنا اهو من سنك واكيد كان هيقدر يجذبك باسلوبه
بيدرو
هو لسة مجاش من برة
صوفيا
المفروض انه يكون هنا قبل حلول الليل لكني مش عارفة هو اتاخر لية
بيدرو
طيب اتصلي بي
صوفيا
فعلا فكرة كويسة هادخل اجيب تيلفوني واتصل بي
هنا نرمين افتكرت ان موبيل توريس معاها في هدومها و اتصعقت وكان الكهرباء مسكتها وبصت ل صوفيا اللي دخلت تجيب موبيلها. ومابقتش عارفة تعمل اية. وحست انها النهاية، ،،،
اية اللي هيحصل ويا تري بيدور هيكشف نرمين ويعرف ان الموبيل معاها ولا نرمين هتقدر تتصرف عايزين تعرفو هقول لكم بس يوم السبت باذن الله
يتبع
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺