رواية عشقت جبروت الرعد الفصل الثالث والعشرون والرابع والعشرون بقلم اسماعيل موسي حصريه وجديده على مدونة أفكارنا
 |
رواية عشقت جبروت الرعد الفصل الثالث والعشرون والرابع والعشرون بقلم اسماعيل موسي حصريه وجديده على مدونة أفكارنا
أحيان كثيره اعتقد
أبتسم فهد لما شاف سادين داخله قاعة المزاد، شاهنده جريت ناحية سادين
انتى جايه تعملى ايه هنا؟
سادين جايه المزاد يا عمتى زى كل الناس
ضيقت شاهنده عنيها، لكن انتى قولتى مش معاكى فلوس؟ الفلوس ظهرت بين يوم وليله؟
سادين، انا قلت انا اولى من الغريب يا عمتى!
متقوليش عمتى تانى ،انت زيهم، نفس العينه كلكم شبه ضرغام
لكن يكون فى علمك المزاد ده عمره ما هيقع عليكى
قعدت سادين فى القاعه مرتبكه، كلام شاهنده فيه جزء منه صحيح
وبداء المزاد
اول رقم اتقال كان أكبر من مقدرة سادين خلاها حست بالخجل وسألت نفسها انتى جيتى ليه يا سادين هنا؟
ناس كتير قالت أرقام وسادين قاعده تتفرج، نطق فهد أو رقم وكان مناسب جدا للصفقه
لكن شاهنده ليها ناسها زودت على المبلغ، وسط الصمت دخل واحد قعد جنب سادين بمقعدين
رفع قائد المزاد ايده الادونه الا دوه الا رفع الرجل يده وزاد عليه ٥ مليون جنيه لصالح سادين محمد ضرغام
تدخلت شاهنده، الراجل مش مسجل فى الكشوف، بعد الفحص طلع الاسم مسجل ورسى المزاد على سادين إلى قاعده مش فاهمه حاجه
فهد نفسه كان متفاجئ دخول الشخص لخبط ترتيباته
طلعت سادين من قاعة المزاد وقبل ان تصل سيارتها تلقت اتصال كشف لها غموض الصفقه
كان جدها ضرغام
__-______
شاهنده !!
المصنع والفيلا رواحو لسادين، رغم غضبها ابتسمت شاهنده، كل دا هيرجع لرعد
انتى بتسهلى عليا المأموريه يا سادين جدا
وصل لسادين اتصال من جعفر، كان فرحان وعرفت شاهنده انه توصل لحاجه
يا هانم احنا وصلنا للشخص إلى كان بيراقب سادين وكان موجود فى المقابر، كان مضروب برصاصه لقيناه فى مخزن تبع فهد بيه
فهد؟ فكرت شاهنده كل المصايب وراها فهد، جيه الوقت اديه درس مينسهوش طول عمره
هاتوهلى على المكان اياه؟
حاضر يا هانم
اول ما وصلت شاهنده كان اسامه متعلق فى سقف غرفه مهجوره جرحه مفتوح الدم بينز منه
قعدت شاهنده على الكرسى وولعت سيجاره قدام اسامه إلى بيصرخ من الألم
انت شغال تبع مين؟
اسامه ، انا شغال تبع نفسى يا حربايه
وقفت شاهنده، طفت السيجاره فى جرح اسامه وماله نلعب شويه
تلقى اسامه ضرب مبرح جعل رأسه تنحنى من الأنهاك
افتح بقك قبل ما اقتلك؟ صرخت شاهنده وهى بتغرس سكين فى جرح اسامه المفتوح، انطق؟
صرخ اسامه سيبينى
شدت شاهنده شفرة السكين لتتعمق فى صدر اسامه
مين مشغلك؟
فهد، فهد، صرخ اسامه
هو الى امرك تراقب سادين؟
ايوه
شاهنده ولعت سيجاره تانيه، وايه كمان؟ عملتو ايه مع معاذ الشمرى ازاى اجبرتوه يحط لسانه فى بقه
معرفش صرخ اسامه
شاهنده، بسيطه اعرفك، انا كان نفسى اشتغل دكتوره لكن البلد مليانه دكاتره واكيد مش هلاقى فرصه احسن من كده عشان اجرب نفسى
نزلو اسامه وقيدوه فى السرير، شقت شاهنده مربع حول قلب اسامه
عارف قلبك ده يساوى كام؟
زم اسامه ونخر من الوجع
مش اقل من نص مليون والمشترى جاهز والرجاله دى محتاجه أجرتها
متصعبش عليا الموضوع !
كان اسامه يتنفس بصعوبه بعد ما نزف دم كتير، عنيه عليها غشاوه، روحه قربت تطلع
افتح بقك المعفن، عملتو ايه مع معاذ الشمرى؟ ضغطت شاهنده على نصل السكينه وخانتها يدها فوصلت للقلب
فتح اسامه بقه يتكلم وطت شاهنده دماغها تسمع بيقول ايه
حشرجه، همس، انين، ثم زهقت روحه
هزت شاهنده جسم اسامه بعنف، انطق
باين عليه مات يا هانم؟
ازاى يموت، مش لازم يموت، قعدت تضرب فى جسم اسامه المنتهى بعصبيه لحد ما فقدت قوتها
ارموه للكلاب أمرت شاهنده بعصبيه، وانت؟ وشاورت لجعفر عملت إلى قولتلك عليه؟
ايوه يا شاهنده هانم، الشقه كلها اتملت جاز وبنزين وفيه اتنين رجاله حاطين عنيهم عليه
هو لسه مرحش الشقه؟
لسه يا هانم بعد ما طلع من المزاد راح وسط البلد قابل واحد هناك ولسه حالا راكب عربيته
شاهنده وهى بتمسح الدم من ايديها واحنا قاعدين هنا نعمل ايه؟
يلا بينا
تحركت شاهنده بعربيتها ناحية شقة فهد وركنت العربيه قريب منها
جعفر والى معاه كانو وراها وكان بيتابع حركات فهد لحظه بلحظه
وصلت رساله لسادين من حارسها الغامض، مبروك انسه سادين،
اعترف انك فاجأتينى، الماضى يعيد نفسه، والحقوق بدأت تعود لأصحابها!
قرأت سادين الرساله ،ابتسمت، احتارت ترد ازاى على حارسها الغامض
وقررت ان تنحى الخجل جانبآ
ما فعله من أجلها يستحق أن تمنحه شكر يليق به، انقذ حياتها مرتين وربما أكثر لا زالت لا تعرف بقية الأسرار
لكنها مستعده ان تستمع لها
حارسى الغامض ألم يحن الوقت بعد أن تكشف عن نفسك؟
اعتقد ان كل المشاكل انتهت؟
أبتسم الحارس الغامض، اخيرا رقت سادين وتخلت عن صرامتها؟
كيف أكون حارسك الغامض اذا كشفت عن نفسى؟
ضحكت سادين، كتبت وقت الأسرار انتهى سيدى الفاضل؟
الحارس الغامض، حددى المكان والوقت سأكون هناك
سادين بأنتصار!! مكتبى فى الشركه الساعه العاشره صباحآ
__________
ركن فهد سيارته وهو يبتسم ، قلبه يضحك، المصنع ذهب لسادين لا يمكن أن يطمح بأكثر من ذلك
معاذ الشمرى تحت يده يستطيع أن بفعصه فى لحظه
صعد درجات السلم ناحية شقته فى شرود ولم ينتبه او يلحظ رائحة السولار والبنزين التى تملاء الشقه
فتح باب الشقه، وضع هاتفه فى جيبه، تقدم خطوتين، اشتم رائحة السولار، التفت للخلف ليغادر الشقه، انغلق باب الشقه عليه من الخارج
من الشباك ، ألقيت شعله جعلت الشقه تشتعل
#ال24
فارت الشقه بالنار، تحولت لفرن صهر ضخمه، فى اللحظات الخطره لا يكفى ابدا ان تسأل نفسك ماذا أفعل؟
انها حماقه كبيره فقط لانه ليس هناك وقت للمزاح، الباب، الشرفه كانت النار اكبر
كان واضح ان إلى رش البنزين والجاز مركز جدا كأنه بيقلك لا مفر
ركض فهد ناحية غرفة النوم، لف بطانيه حوالين نفسه وركض ناحية الحمام وسط النار المشتعله إلى لسعت بعض أجزاء جسمه
فتح حنفية الدش وغاص تحتها
ابتلت البطانيه كلها، بآخر ما يملكه فهد من قوه ركض ناحية شباك المنور ثم قفز وهو يشتعل
ارتطم بالجدار مره مرتين حتى تشبث بمواسير الصرف قبل يتحطم على الأرض
وقفت شاهنده تشاهد الشقه وهى تشتعل، على وشها ابتسامه خفيفه
أقسمت ان احرقك بالنار، شاهنده مش بتحلف كدب
فضلت مراقبه الشقه إلى احترقت كلها عن آخرها، يلا بينا يا جعفر
مأموريتنا خلصت هنا
جعفر مش هنشوف جثته يا هانم؟
الشرطه هتيجى دلوقتى يا جعفر مش عايزين سين وجيم
_______________
كانت فهد يرى بصعوبه ما يحدث حوله، يشعر بالحروق التى وصلت جسمه
رأى شبح شخص يقف جنبه، عاينه الشخص بهدوء قبل أن يمد يده لفهد ويجذبه نحوه
انهض الشخص فهد، حمله فوق كتفه وخرج به من المنور
فهد كان بيجر رجله قبل أن يفقد الوعى
وضعه ذلك الشخص فى المقعد الخلفى للسياره وانطلق به بعيد عن الشقه والشارع الصاخب بصفرات الانذار
اجرى ذلك الشخص اكثر من اتصال أثناء قيادته للسياره
عندما وصل البنايه الجديده ساعده شخص أخر بحمل فهد نحو شقه بالطابق الثالث وهناك كان هناك طبيب ينتظره
قال الطبيب وهو يعاين جراح فهد، سينجو
___________
عندما تعدت الساعه العاشره صباحآ وقفت سادين بقلق، فتحت الشرفه وبصت على الشارع
انه موعدها مع حارسها الغامض
وصلت الساعه العاشره والنصف، مرت كأنها دهر على سادين
هو مجاش ليه؟
كيف لا يحترم مواعيده؟
معقول تكون دى طريقته؟ انا مش ممكن أرحب بشخص مش بيحترم مواعيده
ورغم غضبها
قصيدة اللوم داخلها
كانت تأمل برؤيته
ذلك الغامض الجذاب لم يحضر فى موعده
بعد ما سادين يأست من حضور حارسها الغامض وكانت خلاص على وشك انها ترجع البيت لأنها محستش باى رغبه للشغل
دخلت شاهنده
غريبه، فكرت سادين، شاهنده جايه هنا تعمل ايه؟
ازيك يا سادين، عامله ايه؟
الحمد لله يا عمتى
قعدت شاهنده على الكرسى وولعت سيجاره، مبروك عليكى المصنع يا سادين
جدك ضرغام واضح انه مهتم بيكى ومراقب كل حاجه بتحصل هنا
اكيد انتى بتنقليله الاخبار كلها
انا مش نمامه يا عمتى ولا بنقل اخبار
متقوليش عمتى يا سادين، قولى شاهنده خلاص الروس اتساوت
انتى لازم تتنازلى عن المصنع لرعد لان دا حقه
اتنازل ليه يا شاهنده؟
لأن المصنع مش بتاعك وضرغام جد رعد زيك يعنى الفلوس إلى ادفعت رعد ليه نصها
قولى الكلام ده لجدى ضرغام يا شاهنده، انا برا الموضوع ده
بصى يا حلوه، انا لا يهمنى ضرغام ولا غيره كلامى واضح، هتتنزلى عن المصنع ورجلك فوق رقبتك
والفيلا هتخرجى منها وترجعى على بلدك
مش هيحصل، انا مش هسيب حاجه ملكى
ملكك يا بنت إكرام؟
انتى طول عمرك انتى وأهلك بتوع زرع وحيوانات مالكم ومال الشركات والمصانع؟
نتعلم عادى يا شاهنده
وقفت شاهنده، تحركت فى المكتب الواسع، كل ده هيبقى ملكى بمجرد ما اخلص منك
انا هديكى مهله يومين اتنين وبعدها اوعدك مش هتلاقى حتى لسان تردى بيه فاهمه؟
اطلعى بره يا شاهنده، صرخت، سادين، بره، بره
وماله اطلع بره
وهى شاهنده خارجه وقفت على باب المكتب وبصت على سادين بغل
إلى مستنياه ومتزوقه عشانه مش هيجى يا حلوه وأطلقت ابتسامه كبيره قبل أن تختفى
وقفت سادين دقيقه مرتبكه متلخبطه بتفكر شاهنده تقصد ايه؟
هى تعرف انت بكلم مين
تعرف حارسى الغامض
ثم وضعت يدها على صدرها، يكونش شاهنده عملت فيه حاجه؟
ركبتها الحيره
والى ضايقها اكتر انها مش عارفه هتتأكد من كده ازاى
___________
فتح فهد عنيه كان فيه أجزاء كتيره من جسمه ملفوفه بالشاش
وكانت جنبه ممرضه بتلعب فى التليفون
طلعت منه تنهيدة وجع خلت الممرضه تنتبه
انا فين وحصل ايه؟
ابتسمت الممرضه، انت بخير
بص فهد للفات الشاش الكثيره، الممرضه قالت متقلقش لما جيت هنا كان عندك اختناق وبعض الحروق البسيطه واحنا عالجناها
انا ليا كام يوم هنا؟
يوم وليله استاذ فهد
تليفونى فين سألها فهد وهو بيتلفت حواليه
هنا، طلعت الممرضه التليفون واديته لفهد، فتح فهد التليفون
وبسرعه كتب رساله قصيره محدده
____________
هنفذ امتا يا هانم؟
سابت شاهنده التليفون على ودنها وبصت لبعيد وهى بتملس على ركبتها العاريه المسنده على المقعد
قريب جدآ يا جعفر، القصه قربت تخلص، بس عشان تخطط صح والنهايه تكون حلوه لازم نقطع راس الحيه
انا مش فاهم حاجه يا شاهنده هانم!!
مش لازم تفهم يا جعفر، انت تنفذ وبس، انت ايدى القذره المليانه دم
إلى بتبطش باعدائى
عارف يا جعفر، فى كل مره برتكب جريمه بقعد أبكى بالليل
متفكرش انى معنديش قلب
بس بعض المصايب لازم تحصل مهما كانت بشاعتها
انا بستمتع باحزانى زى ما بستمتع بانتصاراتى تمام
خليك جاهز فى اى لحظه هيوصلك الخبر!!
قفلت شاهنده مع جعفر وكلمت معاذ الشمرى إلى رفض يرد عليها اكتر من مره
كتبت شاهنده رساله لمعاذ الشمرى خليته يتنفض فى مكانه
هرد يا بغل ولا نذيع!! ؟
يتبع
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺