رواية حبيبي المدير الفصل الاربعون بقلم شيماء صبحي حصريه وجديده على مدونة أفكارنا
 |
رواية حبيبي المدير الفصل الاربعون بقلم شيماء صبحي حصريه وجديده على مدونة أفكارنا
في شركة الصياد كان في اجتماع لرؤساء الشركة وكانوا بيتكلموا في الشغل وفي وسط انشغال ماهر معاهم في الحديث وصلت رساله علي تيلفونه فقطع كلامه معاهم وبص يشوف محتوي الرساله ولما قرأها اتصدم لان مكتوب فيها تم خصم ١٢٠ الف جنية من حسابك البنكي..
ضم حاجبه باستغراب لانه ماشتراش حاجه ولاكنه افتكر احلام وانه ادالها الفيزا فبص لاعضاء الاجتماع وقال بجديه:خلونا ننهي الاجتماع لحد كده النهارده ؟
كل الرؤساء حركوا راسهم وخرجوا وهو اتصل بسرعه عليها وقال بتساؤل:انتي اشتريتي ايه بالفيزا يا احلام؟
احلام بتوتر:هو في حاجه حصلت ولا ايه؟
ماهر بتساؤل:هو ايه الدوشه اللي حواليكي دي هو انتي فين؟
احلام بقلق:مول مصر؟
ماهر بدهشه:يعني فعلا شكي صح ..سحبتي ١٢٠ الف في ايه يا احلام؟
احلام بصت لمروه اللي ماسكة في ايديها سبايك دهب وبتقول:كان في عرض ..و
ماهر اتكلم وقال:ايوا عرض ايه بق؟
احلام:هقولك بس متتعصبش؟
ماهر:حاضر انا سامعك اهو!!
احلام بصت لمروة بتوتر وقالت بصوت هامس:اشترينا سبايك دهب ..اصل كان عليهم عرض واحنا لما شوفناهم اشتريناهم ..قولت فرصه وهتوفرلك فلوس!
مروه بصت حواليها ولفت نظرها عرض لبوتجاز وثلاجة بسعر ٣٠ الف فقالت بصوت واضح وصل لماهر:شوفتي يا احلام العرض دا احلام انتبهت ليها وقالت بدهشة وهيا بتقرأ العرض:عرض ثلاجة وبتوجاز ب٣٠ الف بس؟
ماهر حط ايديه علي قلبه بقلق وهيا قالت:حلو دا خلينا؟
ماهر بماقطعه وصوت عالي:اطلعي بسرعه من المول دا يا احلام بدل ما اجيلكوا وانتوا متعرفوش ممكن اعمل معاكوا ايه؟
احلام بصت لمروه واللي بتبص للتيلفون بغيظ لانه صوته كان عالي فاحلام قالت:ماشي حاضر طالعين اهو؟
ماهر :متشتريش اي حاجه تاني انا مش محتاج انك توفريلي فلوسي انا قولتلك هاتي احتياجاتك بس فاهمه..كمل بصدمة :زمانهم ضحكوا عليكوا اصلا ..احلام بصت لمروه بصمت وماهر كمل كلامة تاني بتساؤل وقال :هو بتاع الدهب اللي اشتريتوا منه السبايك دي ادالكوا فاتوره؟
احلام ومروه بصوا لبعض وحركوا راسهم بصدمه وهيا قالت:لا ماخدناش فاتوره !! هو السبايك بيكون ليها فاتوره؟
ماهر قال بصدمه:انتي اتنصب عليكي يا احلام ..انتي اشتريتي السبايك دي منين؟
احلام بصت لمروه واللي حركت راسها وقالوا:محل دهب هنا ..بس مقالناش ان في فاتوره؟
ماهر اتضايق من غبائهم وقال:طيب انا جاي اشوف مين اللي ضحك عليكوا دا وارجوكي يا احلام متتصرفيش اي تصرفات من دي تاني انتي مش طفلة؟
احلام زعلت من كلامه وهو قفل المكالمة بسرعه وخرج من الشركه وركب عربيته واتجه لمول مصر؟
وعند احلام كانت بتبص لمروه وبتقول:تفتكري هيعمل فيا ايه..انا بفكر في مصلحته يبق هو متضايق ليه بق؟
مروة كانت بتحرك راسها علي كلاام احلام وبتقول:احنا برضوا اغبياء يا أحلام يعني ازاي نشتري دهب من غير فاتوره؟
احلام بصت حواليها وقالت:الراجل بتاع المحل ابن ال..مش يعرفنا ان في فاتوره اصل دي او مرة اشتري فيها دهب لوحدي ،
كانت بتقول كلامها وهيا بتبص علي المحلات اللي حواليها فلفت نظرها محل بيبيع فستاين زفاف فقالت بتساؤل:بقولك ايه يا مروه علي ما ماهر يجي تعالي نروح نشوف المحل اللي هناك دا؟
مروه حركت راسها ومشيوا ما بعض واول ما دخلوا المكان استقبلتهم البنت بإبتسامه فقالت احلام:انا عروسه وعايزة اشوف فستان لفرحي؟
مروه بصت للمكان ولفت نظرها فستان جميل اوي فقالت:احلام بصي الفستان دا؟
احلام لفت بجسمها وقالت:ايوا جميل اوي؟
البنت قالت باعتذار:للاسف الفستان دا في عروسه اشترته النهارده ؟
احلام بتساؤل:انا عاوزه اجربه بس ..هشوف شكلي فيه علشان لو طلع حلو عليا ممكن افصل واحد شكله؟
البنت بصتلها بتردد ومروة قربت منها وقالت:متقلقيش هيا هتقيسه بس وبعدين دي هتكون واقفه بنات مع بعض…خليكي جدعه؟
البنت رغم ترددها وافقت وقالت وهيا بتبص لأحلام؟
ادخلي جوا في البروفه وانا هجيبه ليكي،
احلام بصت لمروه وابتسمت وادتها شنطتها وموبايلها ودخلت بسرعه للبروفة وبدأت البنت تجهز الفستان وبعد دقايق دخلت لاحلام علشان تساعدها تلبسه..
في الوقت دا كان ماهر وصل المول واتصل علي احلام علشان يعرف مكانها بالتحديد ..ولان احلام كانت بتلبس الفستان موبايلها كان مع مروة ..قررت مروه تكلمه هيا وتعرفه مكانهم..وبعدما وصفت لماهر المحل اللي هما فيه قفلت معاه المكالمه ووقتها دخل ولد وبنت للمحل وقالوا:السلام عليكم؟
مروه قالت وهيا بتبص عليهم:وعليكم السلا…اتصدمت مروة لما شافت أكرم خطيب أحلام السابق واقف هوا وخطيبته وباصين عليها..
أكرم إتفاجئ من وجود مروة فقال وهوا بيعد عينيه عنها :فين البنت اللي كانت هنا..
مروة سكتت وخطيبته قالت:زمانها جوا ثواني هدخل ابلغها ان احنا رجعنا؟
أكرم حرك راسه بالايجاب وهيا دخلت للبروفه ووقتها أكرم بص لمروة وقال:اذيك يا مروة بقالي كتير مشوفتكيش؟
مروة بصتله وقالت بضيق:كويس اننا متقابلناش؟
تجاهل اسلوبها وقال بتساؤل:بتعملي ايه في محل فساتين زفاف..خلاص هتتجوزي..
مروه بصتله بضيق ومردتش عليه فابتسم وهو بيبص لخطيبته اللي بتقرب عليه وبتقول:الحق يا أكرم الفستان اللي احنا اشتريناه في واحده جوا لابساه..
اول ما قالت خطيبة أكرم كلامها كانت البنت بتقرب منهم وهيا بتعتذر: يا انسه هيا بتقيسه بس يا انسه علشان عاجبها ولاكن هوا فستانك انتي؟
أكرم بص للبنت وقال بغضب:دا اسمه استهتار ..يعني ايه نكون اشترينا الفستان وتيجي واحده تقيسه اتفضلي خليها تقلعه بسرعه..يا اما ترجعيلنا فلوسنا تاني،
اول ما قال كلامه وقتها أحلام خرجت من قسم البروفات وهيا لابسه الفستان وأول ما اكرم شافها اتفاجئ بوجودها واتصنم مكانه من شدة جمالها ..احلام اتفاجئت بيه ولما بصت جامبه وبصت علي خطيبته اتوتر اكرم وهيا بصت لمروه وقالت بتوتر:حلو الفستان؟
كل اللي واقفين حركوا راسهم وبما فيهم خطيبة أكرم اللي كانت مصدومه من جمال أحلام فقالت:الفستان حلو اوي عليكي..أنا لما قيسته مكانش حلو كده،
ابتسمت أحلام وقربت منهم وأكرم كان قلبه بيدق وهو مش مستوعب انه قابلها تاني فقالت وهيا بتوري الفستان لمروه:الاستايل بتاعه لايق أكتر عليا اي رئيك تاخديلي صورة.
البنت قالت برفض:ممنوع التصوير يا انسه؟
احلام باستغراب:وهيا العروسه اللي هتلبسه مش هتتصور بيه؟
البنت حركت راسها بالموافقه ومروه صورتها وقي الوقت دا وصل ماهر وكان متعصب ومتضايق من احلام ولاكنه لما شاف احلام بالفستان الابيض نسي كل غضبه وقرب منها وقال وهو مزهول بشكلها:اي الجمال دا ؟
لفت احلام جسمها وبصتله بخضه واول ما اكرم شافه استغرب لانه مكانش عارفه ..مروه قالت علشان تغيظ أكرم:شوفت عروستك يا ماهر ..حلوة ازاي!
أكرم اتفاجئ من كلام مروه وفضل باصص لماهر واللي كان بيبص لأحلام بإعجاب كبير ..حس أكرم بالغيرة الشديده من قرب ماهر من احلام لانه مهما كان كانت خطيبته وكان بيحبها ومازال متأثر بيها،
ماهر بص لمروه وقال:ايوا حلوه اوي يا مروه؟
احلام كانت خايفه لأكرم يقول حاجه قدام ماهر ويعك الدنيا ولاكن خطيبته كانت بتبصله وبتقول:بقولك ايه يا أكرم ايه رأيك نختار فستان تاني اصل بصراحه هوا لايق عليها اكتر مني وانا في الاول برضوا مكنتش مقتنعه بيه بصراحه وحاسه ان في فساتين احلي؟
اكرم بصلها بانتباه وحرك راسه بالرفض وقال:لا هو دا اللي هناخده؟
خطيبته باستغراب من اسراره المفاجئ:طيب ليه ..انا موافقه اسيبه ليها اصله يجنن عليها بصراحه؟
أكرم بص لأحلام بتوهان واللي لقاها بتقول وهيا بتتجه للبروفة:هغير الفستان بسرعه واجي؟
خطيبته لاحظت انه مركز مع البنت دي جدا فرفعت ايديها بضيق وقالت:خلاص هاخده يا أكرم بس ركز معايا هنا !
أكرم كان بيبص علي مكان ما دخلت احلام ولما انتبه ليها قال بضيق:ايه ما تستني هو انتي مش بتبطلي زن بقا؟
ماهر ومروه بصوله بضيق لانه حرج خطيبته قدامهم وخطيبته لما انتبهت ليهم اتضايقت من اكرم وسابته وخرجت برا بزعل..
أكرم بص لمروه اللي بصاله بضيق وقال :بتبصلي كده ليه تعالي خديلك صوره؟
مروه مردتش عليه ولاكن ماهر اللي مسكه من هدومه وقال:بتكلمها كده ليه ..يلا؟
أكرم بصله بضيق لانه كان شده من هدومه فقال بضيق:نزل ايدك دي..بدل ما توحشك؟
مروه بصت لماهر وقالت:سيبه يا ماهر دا بني ادم قذر ومتنزلش من مستواك ليه؟
أكرم اتضايق من كلامها وقال :احترمي نفسك يا مروة بدل ما ازعلك؟
اتفاجئ ماهر انه عارف مروة فبصلها وقال: هو انتو تعرفوا بعض..اتوترت مروة وحركت راسها بالرفض ولاكن أكرم قال:بق مش عارفاني..طب ازاي وانتي كنتي صاحبة خطيبتي السابقة؟
ماهر سابه وهوا عدل هدومه وقال:عموما انا مش هرد عليكي..
احلام خرجت وهيا بتبصلهم وبتقول بقلق :هو في ايه؟
أكرم بصلها وابتسم وقال:اذيك يا احلام..بق كده متسلميش عليا دا احنا بينا عشرة سنين برضوا..
ماهر اتفاجئ لتاني مره ان الشاب دا عارف مروه واحلام فلما بص لاحلام ولقاها اتوترت قدر يفهم ان الشاب دا هوا خطيبها السابق فبدأت الغيرة تزيد في قلبه وهو شايف الشاب دا باصصلها وبيتكلم معاها بكل جرأه؟
مسك ماهر أكرم من هدومه تاني وقال بغضب شديد :انت ازاي تسمح لنفسك تتكلم مع مراتي بالشكل دا ؟
أكرم اتصدم وبصله وقال:مراتك؟
ماهر حرك راسه بغضب واحلام قربت منه وقالت وهيا بتبص علي اكرم:سيبوا يا ماهر متنزلش من مستواك لواحد حقير زي دا..بصلها ماهر وهيا قالت برجاء:سيبه وخلينا نمشي من هنا؟
اكرم بص لأحلام بصدمه وقال:انا حقير يا احلام دلوقت بقيت حقير امال ايه الكلام اللي كنتي بتقولهولي زمان دا.؟
اتعصب ماهر اكتر وصفعه بغضب وقال:احترم نفسك بدل ما اكسرلك عضم وشك دا!
خطيبته انتبهت انه بينضرب جوا في المحل فدخلت تشوف ايه اللي بيحصل واول موصلت لقت ان اكرم وشه احمر وبيبص للناس اللي واقفه بغضب وكان هيهجم علي ماهر ولاكن احلام وقفت ف النص وقالت:أكرم انت مش قده ولو لمسته هتندم ندم عمرك؟
أكرم ضحك بسخريه وقال:ليه هيكهربني؟
ردت احلام بتهديد:لا هيحبسك؟
اتصدم أكرم لانه فكر ان ماهر ظابط فبص حواليه لقي خاطيبته واقفه علي الباب وبصاله بصدمه فقرب منها وقال بعصبيه:خلينا نمشي من هنا؟ومش هنجيب الفستان دا؟
ماهر بصله بغضب ورفع وشه يبصلها لقاها بتبص للأرض بإحراج كبير فقال:دا خطيبك السابق؟
حركت احلام راسها بتوتر فمسك ايديها وقال:خلينا نمشي من هنا؟
خرجوا الاتنين ووراهم مروه واللي قالت:وسبايك الدهب يا ماهر والفاتوره؟
ماهر بصلها وقال بضيق:خديها يا مروه او ارميها ..ويلا تعالي علشان نوصلك ؟
مروه حركت راسها ومشيت وراهم ووقتها احلام كانت خايفه من رد فعله ولحدما خرجوا من المول وركبت عربيته ..قفل وراها الباب وبلغ السواق اللي في العربية التانيه يوصل مروه لحد بيتها..
واحلام كانت قاعده حاطة ايديها علي قلبها بخوف وهو رجع ركب جمبها تاني وعلامات الغيرة والغضب باينه علي وشه؟
احلام بتوتر:ماهر..انا اسفه؟
ماهر مردش عليها وزود السرعه وهوا حاسس بغضب كبير..فلمست احلام ايديه علشان تتكلم معاه ولاكنه زعق فيها بغضب وغيره فبعدت عنه بخوف وسكتت وهوا حاول ياخد انفاسه علشان يقدر يسيطر علي غضبه ولاكن مقدرش كل ما يفتكر خطيبها السابق يتعصب اكتر فقررت احلام تسكت لحدما يوصلوا للقصر علشان يتكلموا براحتهم..
_________
وفي شركة ياسر وصل شوقي ومعاه العقد اللي جهزه لياسر علشان يمضيه مع شركة الفؤاد وبعد وقت قصير وصلوا مجموعة الفؤاد واستقبلهم ياسر في غرفة الاجتماعات واتكلم واحد من المجموعة وقال:احنا يشرفنا اننا هننضم لشركة حضرتك يا ياسر بيه بس احنا طبعا عنذنا شرط قبل ما نمضي العقد !
ياسر حرك راسو بابتسامة وقال:اتفضلوا وانا سامعكوا؟
المتحدث بإسم المجموعة قال:حضرتك عارف اننا قبل ما ننضم لشركة حضرتك لازم تدفع حق المشاريع اللي هنديها لحضرتك وعلشان المشاريع دي تمنها عالي اوي فانا اشك ان حضرتك يكون مش معاك حق المشاريع دي؟
عدل ياسر جلسته بغرور وقال:مين قال اني معييش فلوس..انا شركتي ارباحها كويسه واقدر ادفع اي مبلغ؟
بص المتحدث لبقيت الاعضاء وحرك راسه ورجع بصله وقال وهو بيطلع عقد من الدفتر اللي معاه:اتفضل يا فندم راجع العقد دا ..وهو فيه شروط الدفع ..واحنا هنستلم المبلغ علي طول؟
ياسر حرك راسه بالموافقه واخد العقد وقرأة بسرعه وبعدها بصلهم وقال:موافق نبدأ نمضي العقود ان شاءالله؟
المجموعه بصوا لبعض وابتسموا وحركوا راسهم بالموافقة وبدأوا يمضوا العقود.. وبعدما مضو خرج ياسر من غرفة الاحتماعات علشان يجيب دفتر شيكاته وبعد وقت قصير رجع تاني وكتبلهم شيك ب١٥٠ مليون وقال:بتقولوا ٢٠ مشروع؟
حركوا راسهم وهوا ادي للمتحدث الشيك وقال:يبق احنا اتفقنا؟
اخدوا الشيك وسلموا عليه وخرحوا من الشركه وهوا كان قاعد ومبسوط؟
_______وفي المساء ؟
في البار اللي بيلعبوا فيه قمار وصل ممدوح واول ما شافته ناني سابت اصحابها بسرعه وراحت سلمت عليه؟
ممدوح بابتسامه:ناني هانم ازيك!
ناني بخجل :الحمدلله اذيك انت يا ديحه باشا؟
ممدوح بنظرات كلها اعجاب:الحمدلله ..بس انتي ايه الجمال دا كله؟
ناني بصتله بخجل وهوا كمل مغازله وقال:انا لو مكان جوزك مكنتش هخرجك برا البيت ابدا..
ناني ابتسمت علي كلامه ورجعت خصلة من شعرها ورا ودنها وهوا ضغط علي شفايفه بسرعه واما بصتله قال:هوا جوزك فين؟
ناني بابتسامه خجوله:الله يرحمه؟
حرك ممدوح راسه وهو بيحط ايديه علي كتفها وبيقول بحزن مزيف:البقاء لله..
ناني ابتسمت وقالت وهيا بتبصله:هتلعب النهارده يا ديحه باشا؟
ممدوح حرك راسه بالايجاب وقال:ايوا عاوز ارجع فلوسي تاني؟
ضحكت ناني وهوا مسك ايديها بلطف وقال:اي رئيك تكسبيني تاني!
ابتسمت ناني وحركت راسها بحماس وقعدوا الاتنين علي الطاوله..ممدوح بص لمنعم وقال:جهزلي شيك ب٢٠ مليون يا مو؟
منعم حرك راسه بالايجاب وبدا ممدوح وناني يلعبوا وكان ممدوح من الوقت للتاني بيبصلها بنظرة اعجاب علي حب بتخليها تحس انها دايخه..
وبعد وقت كسب ممدوح فبصلها وقال:انتي شكلك مش مركزه يا ناني هانم؟
ناني بصتله بتوتر وقالت:صح..هو ازاي انا خسرت انا محستش بحاحه؟
ابتسم وهوا بيلمس ايديها وبيقول باعجاب:مش مشكله خلينا نلعب تاني واتمني انك تركزي؟
ناني حركت راسها بالموافقه ولعبوا تاني وبعد وقت كسبها ممدوح تاني فهيا بصتله بتوتر وقالت:كده انا خسرت اربعين مليون؟
ممدوح حرك راسه وهيا بصت لمنعم وقالت:هاتلي دفتر شيكاتي من شنطتي؟
منعم حرك راسه وقرب من شنطتها وطلع منه دفتر شيكات وادهولها واول ما مضت ناني علي الشيك ادته لمنعم وقالت:مش مشكله هلاعبك تاني واعرض خسارتي؟
ممدوح ابتسم علي كلامه وطلع من جيبه ورده حمرا وادهالها وقال:كان نفسي اقولك اني هعرف اجي هنا تاني بس للاسف دي اخر مره؟
ناني بزعل:ليه رايح فين؟
ممدوح:بجهز لسفري تاني لامريكا بس لو حابه تلعبي معايا تاني وتعوضي خسارتك اتمني تنوريني في الفيلا بتاعتي؟
ناني اتوترت من كلامه ولاكن لما لمس خدها بلطف وقال:متقلقيش انا مش بتاع الجو دا خالص؟
ابتسمت ناني وحركت راسها بالموافقه وهوا طلع موبايله واخد رقمها وقال:هتواصل معاكي بكرا وابعتلك السواق بتاعي يخدك عندي!
ناني ابتسمت وقالت بتساؤل:هو انت عارف عنوان بيتي؟
ممدوح حرك راسه بالرفض وقال:لا كنت لسا هعرفه منك دلوقت؟
ضحكت ناني وبصت لمنعم وشرحتله عنوان بيتها ومنعم لانه عارفه حرك راسه بالموافقه وبعدها ممدوح وقف وسلم عليها وحضنها وبعدها خرج من البار..وناني برغم خسارتها الا انها كانت مبسوطة انها هتقابله تاني؟
____________في القصر؟
وفي جناح احلام وماهر؟
كانت احلام لابسه روب ونايمه علي السرير وماهر قاعد علي الكنبه وبيشرب سيجارة وكان واضح علي شكله انهم متصالحوش؟
احلام عيونها دمعت وبدأت تبكي وهوا لما سمع صوت بكائها وحركت جسمها قرب منها بسرعه بعدما طفي السيجارة ولمس جسمها بلطف وقال:بتعيطي ليه؟
احلام كملت بكاء ومردتش عليه وهو مقدرش يشوفها بتبكي اكتر فشالها وعدلها علي السرير وخلاها تبصله وقال:اهدي ومتعيطيش؟
بصتله احلام بزعل وهوا ضمها ليه وقال:خلاص اهدي وخلينا نتكلم وننهي الموضوع دا؟
حركت احلام راسها وهوا بصلها وقال:انا دلوقت مش مضايقني اي حاجه قد ان خطيبك الزفت دا اتكلم معاكي باسلوب مش حلو وقل ادبه؟
احلام بلعت ريقها وقالت:انامكنتش اعرف ان دا فستان خطيبته ..ومكنتش اعرف انه هيكون في المحل؟
ماهر غمض عينيه واخد نفس طويل وقال:خلاص اهدي يولع هوا وسيرته..المهم دلوقت انه وقف عند حده؟
احلام مسحت دموعها وقالت:انا اسفه علشان اشتريت السبايك الدهب من غير ما اقولك؟
ماهر بصلها وقال:سبايك دهب ايه انا هتضايق منها انا بس مش عايز حد يستغلك ويضحك عليكي..ومش عايزك اي حاجة تشوفيها تجيبها النصابين كتير وممكن يضحكوا عليكي ؟
احلام حركت راسها وقالت:يعني خلاص انت مسامحني؟
ماهر بابتسامه :وانا قدامي حل تاني غير اني اسامحك يا أحلام؟
ابتسمت احلام وضمت نفسها لحضنه وقالت بهدوء:بس اي رئيك في شكلي وانا لابسه الفستان؟
ماهر بحب:تجنني يا احلام..كنتي عامله زي الاميرات اللي خارجة من ديزني؟
احلام بصتله بخجل وهوا وقف و شالها وسندها علي صدره وقال:كل يوم لازم تتعاقبي كده مفيش يوم بيعدي من غير عقاب؟
بصتله بخجل لانها عارفه ان العقاب عبارة عن بوس فقالت برجاء:ممكن سماح المره دي؟
حرك راسه برفض وهيا ابتسمت وبدا ماهر يقبلها بكل رومانسه ولانها عارفه انها لازم تصالحه بضمير بدات تقبله بكل استسلام ..وسابت احلام نفسها تحت ايدين ماهر واللي كان شايلها وكانها فراشه تحت ايديه بيحركها بخفه وبيقبلها بكل حب !
_________في منزل الظابط حسن؟
كانت مريم قاعده وهيا سقعانه لان الهدوم اللي لبساها خفيفه..بصلها حسن وقال بتساؤل:سقعانه؟
مريم بجمود:لا ..حسن بصلها وضحك علي عنادها وقرر يجبلها هدوم من بتاعه
وبالفعل دخل لغرفته وخرج بعد دقايق وهوا ماسك جاكت تقيل ليه فقرب منها وقال:البسي دا علشان يدفيكي!
حركت مريم راسها بغرور وقالت برفض:شكرا مش عاوزه منك حاجه؟
تجاهل حسن رفضها وقرب منها ولبسهولها وهيا كانت بصاله وساكته ولما لقته مقرب منها جامد قلبها فضل يدق بقوة وبصت لملامحه لقته مركز في عيونها بعدت مريم عنه بخجل وقالت:لو سمحت بلاش تقرب مني ..علشان اللي بتعمله دا ميصحش؟
حسن حرك راسه بهدوء وهيا بعدت عنه بسرعه ودخلت للاوضة اللي بتنام فيها وهو فضل واقف يبص عليها وسرحان..مش عارف ايه اللي هيحصل معاها؟
في فيلا ادهم؟
كان لبس ومقرر يروح و يقابل مريم وكان متاكد انه هيلاقيها محبوسه ومتبهدله ومزلولة ..فاتواصل مع حسن وبلغه انه جاي يشوف مريم واول ما سمع حسن كلامه اتوتر وقال:انا اسف يا فندم علشان هقولك الخبر دا بس مريم هربت مننا؟
ادهم بعصبيه وصوت عالي :انت بتهزر معايا يا حسن ياعني ايه هربت هوا انا مسلمها لرجالة ولا شرية لحريم؟
حسن بقلق علي مريم:يا فندم غصب عننا احنا بهدلناها زي ما حضرتك طلبت بس للاسف هيا هربت مننا..اوعدك يا فندم اني هدور واقلب عليها الدنيا واجبها لحضرتك تحت رجليك؟
صرخ ادهم بغضب في التيلفون وحسن كان منزعج من صوته وكان مغمض عينيه ،،ادهم قال بتحذير:اسمع يا حسن انت معاك ثلاث ايام لو مجبتهاش تحت رجلي انا هتصرف معاك انت ورجالتك تصرف مش هيعجبكوا؟
حسن حرك راسه وقال بتوتر:حاضر يا فندم اوعدك اني هقلب عليها الدنيا؟
ادهم قفل المكالمة بغضب واتوعدلها بالقت/ل وحسن كان قلقان جدا عليها فبص علي باب الاوضة اللي هيا فيها وقرب منها وفتح الباب وقال:مريم احنا لازم نمشي ونروح اي مكان بعيد..
مريم قامت بصتله بقلق وقالت:ليه هو حصل حاجه؟
حسن حرك راسه بالموافقه وقال: انا بلغت ادهم باشا انك هربتي وهو طلب مني انا ورجالتي نقلب عليكي الدنيا..هوا الظاهر كده ناويلك علي حاجه المردة دي مش حلوه ؟
مريم جسمها اترعش من الخوف وبصلته وقالت:يعني هعمل ايه..دا ممكن يق/تلني انت متعرفهوش؟
حسن بزعل:لا انا عارفه كويس يا مريم ومتاكد انه لو لقاكي هيقت/لك فعلا..
قربت مريم منه ومسكت في هدومه وقالت بخوف:هنروح فين يا حسن.. انت وعدتني انك هتحميني؟
حسن حرك راسه بالموافقه وقال:طبعا يا مريم انا افديكي بروحي..مريم بصتله وهوا بص لشفايفها بحب كبير وقال:انا بحبك يا مريم؟
ضمت مريم حاجبها بصدمه وقالت:ايييه؟
حسن بزعل علي حاله:انا اسف علي اللي هقوله بس يوم اما انقذتك من جوز امك مكانتش دي اول مرة اشوفك فيها..لا انا كنت عارفك قبلها لاني كنت بدور عليكي ..
مريم مكنتش فاهمه حاجة وهو قرب اكتر منها وقال:انا شوفتك كتير بس مكنتش لاقي الفرصه المناسبه اللي اتعرف عليكي فيها بس حقيقي يا مريم انا مكنتش ناوي اسلمك لادهم بس انتي متعرفيش هو شراني قد ايه..انا لما لاحظت انك هتقعي تحت ايديه بطريقه مش حلوه قررت اسلمك ليه قدام عيني واهربك منه بعدين..
مريم بصتله وعيونها فيها دموع وقالت:انا مستاهلش حبك دا يا حسن انت متعرفش حاجه عني ولا عن الماضي بتاعي؟
حسن بزعل:لا يا مريم عارف كل حاجه..بس انا مسامحك..علشان انا حبيتك يا مريم؟
قال كلامه وهو بيقرب منها اكتر وبيلمس شفايفها بحب وقبل ما يقبلها مريم فكرت في كل اللي قاله فبعدت عنه برغم انها حاسه بمشاعر ليه..حسن الي انت بتعمله دا مش صح؟
حسن حرك راسه بالموافقه ولف جسمه بحزم وقال:خلاص خلينا نمشي من هنا بسرعه لانه مش بيثق في حد واكيد هيجي يدور عليكي هنا؟
مريم حركت راسها بالموافقه وهوا دخل لبس هدومه بسرعه وخرجلها لقاها مستنياه مسك ايديها وقال:عيلتي عندهم بيت في الجبل هنروح هناك لحدما الاقي حل تاني؟
مريم حركت راسها بالموافقه واتحركوا بالعربيه..
________وفي بيت والدة احلام !
كان يوسف اخد من والدة احلام الفلوس اللي بياخذها منها علي اساس انه بيدور علي مريم ولان والدة احلام كانت قلقانه علي بنتها بجد كانت مصدقاه وبتديله اللي هوا عايزه….وكان يوسف بياخد منها الفلوس وبيصرفها علي مزاجه..قدر يأجر شقة وكل يوم بيجيب بنت شكل ويقضي معاها السهره..وكانت والدة مريم حاسه بالخوف علي بنتها لتقع تحت ايد حد مش كويس ويأذيها فدعت ربنا انه ينقذها ويطمنها عليها؟
وبعد وقت طويل في بيت في الجبل؟
وصلت مريم وحسن ودخلوا للبيت بتاع اهل حسن ؟
كان البيت قديم جدا ومليان بشبكات العناكب وفيه حشرات كتير..
مريم كانت بتمشي وهيا ماسكة في ايد حسن بخوف واول ما حست ان في حاجه لمست رجليها صرخت وجيت علي حسن واللي شالها وسندها بسرعه علي صدره..
مريم حضنته بقوه وهيا بتقول:حشره فار في حاجه لمست رجلي؟
ضحك حسن علي رد فعلها وبصلها وقال :متخافيش دا حاجه بسيطة!
مريم قالت بريأكشن مليان بالخوف:مستحيل اني افضل هنا لوحدي..انا مش بحب الحشراااات..قالت كلامها بصراخ لما شافت فار في السقف فشاورت عليه وكملت بصراخ:فااااار؟
بص حسن لمكان ما بتشاور ولقي مجموعه من الفيران فبصلها وقال:خلينا نخرج من هنا احسن..مريم حركت راسها بالموافقه وهوا خرج من البيت وهو شايلها واتجه بيها لبيت من الجيران البدو ..
حسن نزلها وهوا بيخبط علي الباب ولما خرج جارهم قال حسن :عم سينا ممكن تساعدنا نتخلص من الحشرات اللي في بيتنا لان انا ومراتي مش هنعرف نبات فيه!
رد الراجل وقال:لا يا ولدي مش هينفع نعمل اي حاجه الليله اتفضل نام انت وزوجتك عندينا والصبح نحل المشكله؟
حسن بص لمريم واللي كان وشها احمر بسب انه وصفها بزوجته فقال:تشكر يا عم سينا مش عارف اقولك ايه!
سينا بابتسامه:قول لا اله الا الله يا ولدي اتفضوا اتفضلوا؟
دخل حسن وجمبه مريم للبيت وكان بيت نظيف جداا ..،مريم بصت لحسن برضا وحركت راسها وقالت بهمس:دا احسن بكتير؟
حسن حرك راسه بالموافقه وابتسم والعم سينا خرج من احد الغرف وقال:اتفضل يا حسن يا ولدي نام انت وزوجتك في الغرفه هذي.،
حسن شكر العم سينا وبص لمريم وشاورلها علي الغرفة وقال:يلا بينا يا حبيبتي ننام!
مريم حركت راسها وسينا مد ايديه بلبس يهم وقال:بدلوا هدومكم يا اولادي ..ومتقلقوش بيتنا نظيف وما فيه اي حشرات؟
ابتسمت مريم وحسن اخد اللبس من عم سينا وشكره تاني ودخلوا الاتنين للغرفه ؟
كانت غرفه بسيطة فيها سرير صغير فحسن بص لمريم وقال:هلف وشي لحدما تغيري هدومك؟
مريم حركت راسها وقالت بشك:وعد يا حسن مش هتلف،
حسن بجديه:متقلقيش يا مريم خليكي واثقه فيا؟
حركت مريم راسها بالموافقه وهوا لف بجسمه علشان يسيبها تغير هدومها براحتها وبعد وقت قصير اتكلمت مريم بصوت هادي وقالت:خلاص لف براحتك انا خلصت؟
حسن بصلها بسرعه ولما شافها باللبس البدوي قال باعجاب:تبارك الله؟
مريم بخجل:هنام فين!
حسن بهمس:في حضني طبعا..واوعي ترفضي؟
مريم سمعته فـ خجلت من كلامه وهو لما انتبه لنفسه قال:علي السرير يا مريم؟
مريم بصت للسرير الصغير وقالت:وانت هتنام فين ؟
حسن بص علي الارض وقال:هنام علي الارض؟
مريم بصت للارض وقالت بتساؤل:بس الأرض ساقعه؟
حسن بابتسامه:خلاص هنام حمبك علي السرير..!! خجلت مريم لما سمعت كلامه وهو ضحك لما لقها قربت بسرعه من علي السرير ونامت عليه..
بدأ حسن يغير هدومه ومريم بتبص عليه من ورا اللحاف ولما لاقته واقف عاري الصدر وعضلاته باينه وكانت ضخمه..حست بقلبها بينبض بقوه وهوا لبس بسرعه العبايه البدويه وقرب منها وهيا غمضت عينها بسرعه !
حسن فرد جسمه علي السرير جمبها ولما لاقها مغمضه عينها ابتسم لانه عارف انها بتمثل..قرر ينام من غير ما يعمل اي حاجة تانيه واول ما سمع صوت بسيط خارج منها اتاكد انها نامت
فلف بجسمه بسرعه وقبلها من شفايفها بكل حب
يتبع
الاحداث اللي جايه هتكون نااار ❤️🔥وخلاص ما فضلش كتير والحق يرجع لأصحابه وانتقام ماهر بدأ من النهارده..تتوقعوا قصة حسن ومريم هتكمل ولا هتحصل حاجه
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺