رواية عذرائي البارت السادس والعشرين حتى الفصل الثلاثون والأخير بقلم الكاتبه سميه عامر حصريه وجديده على مدونة أفكارنا
 |
رواية عذرائي البارت السادس والعشرين حتى الفصل الثلاثون والأخير بقلم الكاتبه سميه عامر حصريه وجديده على مدونة أفكارنا
كان مالك واخدها في حضنه و ضاممها جامد
هشام من وراهم و المسدس في أيده : يا حيواااان
لسه مالك بيلف و غزل مرعوبه من الصوت ضرب هشام النار من المسدس
صوتت غزل جامد و قفلت عينيها وهي بتترعش
كان مالك واقع على الأرض و الدم في كل مكان
انهارت وفضلت تصوت و الدكتور جه و براء خد المسدس من ايد أبوه بعصبيه و راح شال مالك مع الدكتور بسرعة
قعدت غزل بره كانت الاء بتضحك و غزل بتعيط وهي حاطه ايديها على بطنها
بصت غزل عليها لما لقيتها بتضحك قامت جريت عليها شدتها من حجابها وهي بتصوت : كله منك انتي كله منك انا بكرهك همووووتك لو مالك حصله حاجه همووووتك
كانت الاء بتصوت
هشام شد غزل من فوقيها و بعصبيه : اسكتي يا قليله الادب حامل منه ...
غزل وهي بتبص في عينه ابوها : ايوه حامل من جوزي ..حامل من مالك لاني بكل بساطه زوجته من شهر ونص
هشام بزعيق : كدب كدب انتي حامل من بدري
غزل: انت بتقول كده عشان لبسي الواسع بس انت لو كنت عارف بنتك عمرك ما كنت هتظلمني للدرجه دي انا حامل من شهر و نص انا معملتش حاجه غلط انت اللي نسيت كل حاجه بسبب كلام الحربايه دي ( بتشاور على الاء ) و كلام اخوها اللي طمعان فيك
هشام بحزن : حامل من شهر و نص بس دول قالولي بقالها 4شهور
عيطت غزل : انا عمري ما هسامحك او اسامحهم انت قتلت جوزي
انهارت غزل و قعدت على الأرض
خرج الدكتور و براء جانبه
الدكتور : يا هانم غلط عليكي الزعل عشان ابنك استاذ مالك بخير الطلقه أصابت كتفه بس
قومها براء و حضنها : اهدي كل حاجه هتكون كويسه مالك كويس
قعد هشام وهو حاسس بضيق و حزن شديد و بالفعل لما الدكتور سمع كلام غزل مع ابوها خرج إثبات أن عمر الجنين شهر و نص
كانت الاء خايفة من نظرات عمها و حاولت تمشي بس مسك ايديها
هشام : على فين تقعدي هنا لحد ما اشوف هعمل فيكي ايه انتي واخوكي
الاء بخوف و صوت بيرتعش : عمي ..انا مليش دعوه ده طارق
بعد ساعة و نص فاق مالك
دخلت غزل لوحدها مسكت أيده باستها : حمدالله على سلامتك
ضحك مالك بتعب : ابوكي ضربني بالنار
ضحكت و عيونها دمعت : بعد الشر عنك ياريتني مكانك
مالك وهو بيحاول يقرب من شفايفها ب صباعه : اوعي تقولي كده تاني انا عمري ليكي انتي و ابننا
نزل أيده لبطنها : اخيرا يا قشطه انتي هجيب منك كب كيك صغير
ضحكت بكسوف : مهو انا مش كب كيك لوحدي انت عيونك حلوه اوي احلى مني
ابتسم و مسك ايديها باسها : لسه عايزة تاكلي برقوق
ضحكت و اترمت عليه حضنته: لا خلاص مش عايزة
دخل هشام و براء
قامت غزل من على صدر مالك وهي مدايقة من ابوها
براء : حمدالله على سلامتك يا مالك و الف مبروك البيبي
مردش مالك كان ساكت ماسك ايد غزل
اتكلم هشام اخيرا : انا ظلمتك مكنتش اعرف ان الحمل من شهر و نص
مالك : اه يعني كده هنعيش مرتاحين من غير مشاكل عفوت عنا ولا ايه
هشام : قولت اني ظلمتك بس مقولتش اني سامحتك انك هربتها
مالك : اوووف طب المرادي هتضربني بالنار فين
هشام : تيجي غزل بيت ابوها ...و ..وانت ممكن تيجي معاها
ضحك براء : وانا طيب
هشام : تعالى بس عشان اقولكم غزل هتولد في بيتي
مالك : لا معلش انا ومراتي مبنخرجش من بيتنا و هجيبلها برقوق الولاده في بيت جوزها خد انت ابنك جوزو و خلي مراته تولد عندك
هشام : فين مسدسي براء والله اخلص عليه دلوقتي قولت في بيتي يعني في بيتي
مالك بتريقة : ابقى قابلني بقى دي مراتي انا وام ابني و كلمتي اللي هتمشي.........
البارت ال 27 🖤🌕 تفاعل بقا
#عذرائي
هشام : فين مسدسي يا براء والله اخلص عليه دلوقتي قولت في بيتي يعني في بيتي
مالك بتريقة : ابقى قابلني دي مراتي انا وام ابني و كلمتي اللي هتمشي
هشام لبراء بعصبيه : كنت سبتني اقتله
براء بزعيق : بس بقى انتو الاتنين ولا عندك و لا عنده اختي هتيجي عندي
ضحكت غزل و قامت حضنت براء و بصوت خفيف : شكرا انك انقذتني
مالك : مين قال اني هوافق بقى
راحت غزل مسكت أيده : عشان خاطري يا مالك ارجوك
ابتسم لها و مسك ايديها باسها: اللي انتي عايزاه هيحصل
هشام بغيظ : وانا هاجي عند براء
براء : ده بيتك يا بابا
مالك : شكل ال 9 شهور مش هيعدوا على خير
فات 4 ايام خرج مالك من المستشفى و راح على بيته هو و غزل يستعدوا ل بيت براء اللي جهز اوضه ضخمه بحمام ليهم من كل حاجه كانت احلى من غرف الفندق الجاهزة
اتصل سليم على مالك
سليم : اللي ناسيني
مالك : ناسيك ايه يا اهبل ما أنت كنت عندي امبارح
سليم وهو بيضحك : اه صح ...طب عندي ليك خبر حلو
مالك : ايه
سليم : زينب جايه عندكم بعد نص ساعة
برق مالك : انت عبيط زينب ايه دي تاكل غزل
غزل : حبيبي بتناديني
مالك : لا يا روحي بكلم سليم
لفت غزل تجهز بقيه الحاجه
مالك : خليها عندك هتيجي تعمل ايه عندنا
ضحك سليم جامد : عندنا فين انا مسافر اسوان مع المزه ..البس انت بقى
قفل مالك معاه و شد غزل بسرعة من ايديها : يلا نروح مفيش وقت
ضحكت غزل و بدلع : طب براحه البيبي يتعب
وقف و باسها و خدها اوضه منى يسلموا عليها
مالك : منمن زينب جايه انهاردة و انا وغزل رايحين عند براء خلي بالك منها
قامت منى وقفت و ضحكت : انسى انا رايحه ل عبير هفضل معاها لحد ما ترجع انت و غزل البيت ال زينب ال
غزل بصوت خفيف : مالك هي مين زينب
مالك : لا ملكيش دعوه بيها ولا تعرفيها خليكي انتي كده غزالتي
ضحكت غزل مع انها مش فاهمة
مالك : وانا مليش دعوه يا منى انا ماشي قبل ما تيجي
خرج بسرعة فتح الباب و ركب هو وغزل العربيه ولسه هيطلع لقى بنت بنضاره كبيره و حجاب و بتبص بملل
اتنهد و خرج من العربيه كل ده و غزل متابعة و الغيره بتاكلها
مالك : زينب ازيك
زينب : انت كنت رايح فين بقى
مالك : كنا جايين ناخدك
زينب : مبتعرفش تكدب مع اني اصغر منك ب اربع سنين بس برضوا مبتعرفش تكدب عليا سليم قالي انك رايح لقرايب مراتك
مالك : طب الحمدلله أنه قالك انا همشي بقى وانتي ادخلي ارتاحي
زينب بسرعة : حط شنطتي في عربيتك يا بابا انا جايه معاك ..اصلا طنط منى رايحه لأختها انا مش هقعد لوحدي
مالك برخامه و هو بيبصلها بقرف : ايدي بتوجعني فيها رصاصه ( ياكش رصاصه تيجي في راسك اللي شبه البطيخه دي )
(صح صح نسيت اللي سارق الروايه و مش منزل اسمي اكتب اسمي يا عسل بدل ما اطلع سوككه اللي جوايا ) سميه عامر
زينب جريت على العربيه ووقفت لغزل : لو سمحت انزلي ده مكاني جنب مالك
غزل بغيظ : انتي هبله ..انا مراته
زينب : هتنزلي ولا اصوت في الشارع
غزل : لا مش هنزل
فتحت زينب الباب و قعدت تصوت بصوت عالي
مالك : انزلي يا غزل دقيقه
للمتعه والترفيه أدخلوا هنا 👇 ❤️ 👇غزل بحزن : لا لو نزلت مش هركب معاك
راح مالك ركب العربيه و راح شادد غزل على رجله اتكسفت جدا و خدودها احمرت
مالك بهمس و حب : خليها تقعد على الكرسي وانتي اقعدي على رجلي و جوا قلبي
زينب : كده يا مالك ماشي ماشي
ركبت مكان غزل و هي مدايقة بصتلهم : انا عيني عليكم ها
اتكسفت غزل من الوضع
مالك : نامي يا غزالتي على كتفي ريحي راسك
زينب بتريقة وهي بتقلده : بلا بلا بلا يع
مالك : بقولك ايه يا بت انتي انزلي هنا
زينب : نعم هترميني في الشارع ولا ايه
مالك : أه انزلي بقى
نزلها فعلا و قعدت تعيط
غزل : مالك ارجع خدها تلاقيها متعرفش حد
مالك : لو سألت على البيت هتعرف ترجع سيبك منها
غزل : طب أقوم أنا اقعد على الكرسي
مالك : تؤتؤ مش هقومك خليكي كده
ضحكت بخجل و اتكسفت
وصلوا للفيلا بتاعت براء نزلوا حاجاتهم و الخدامين استقبلوهم كان براء بيخلص شغل و راجع في الطريق
دخلوا و قعدوا ولسه غزل هتقوم تغير لبسها لقيت براء و هشام داخلين بالعربيه و معاهم زينب اللي الكحل نازل على عنيها بسبب العياط .........
البارت ال 28 🖤🌕
#عذرائي
دخل مالك و غزل الفيلا بتاعت براء و قعدوا و لسه غزل هتقوم تغير لبسها لقيت براء و هشام داخلين بالعربيه و معاهم زينب اللي الكحل نازل على عينيها بسبب العياط
مالك : ايدا زينب
زينب بعصبية: بقولك ايه متتكلمش معايا خالص خالص
براء وهو بيضحك : لقيت الانسه بتعيط في الشارع و بتقول هقتلك يا مالك
مالك : عنيفة اوي زينب
هشام بجفاء : فين اوضتي يا براء
براء : فوق تاني اوضه على الشمال هتلاقيها جاهزة من كل حاجه
هشام : و اوضه غزل
براء : جنب اوضتي
هشام: لا تقعد معايا في اوضتي
غزل : اقعد ازاي وانت مبتتكلمش معايا بابا
مالك بمسخره: عمي لو مش ملاحظ انا جوزها و المدام حامل في ابني
هشام : اني متكلمش معاكي دي حاجه و اني اهتم ب حفيدي و صحته حاجه تانيه ده اول حفيد ليا
مالك بسرعة : و ده اول ابن ليا لما اجيب التاني هيبقى ليا برضوا
غزل : بلاش خناق أرجوكم انا تعبانة ...
براء : بابا اطلع اوضتك دلوقتي و نتفاهم بعدين
طلع هشام اوضته و اتصل على واحد من رجالته
هشام : متحطلهمش ولا اكل ولا ميه ...اه طارق و الاء لحد ما اجيلك بكره
الراجل : حاضر يا هشام بيه
زينب بعياط : منكم لله والله لارجع ايطاليا تاني
خد مالك غزل و جريوا على فوق
زينب : اهرب يا ابن عمي اهرب
ضحك براء و قعد : اقعدي يا ...يا
زينب : حتى انت يا حلو مش عارف اسمي انا زينب ..زينب يا ابو عيون زرق
ضحك براء اكتر : طب اقعدي يا زينب هخليهم يجهزولك اوضه ...صح انتي تقربي ل مالك ايه
زينب وهي بتقعد و بتقلع النضاره : انا بنت عمه
براء : اخت سليم
زينب : لا لا بنت عمهم التالت صلاح
ابتسم براء : انا اخو غزل
زينب : اتشرفت بمعرفتك ..
براء : وانا كمان
نادى براء للخدامه تجهز اوضه ل زينب
طلعت الخدامه تنضف الأوضه و نامت زينب من التعب على الكنبه
كان براء بيشوف شويه شغل على اللابتوب ..بص عليها لقاها نامت قام شايلها و طالع بيها على اوضتها حطها على السرير و لسه هيخرج لقاها ببتكلم وهي نايمه : ماشي يا سليم بتروح مع بنات وانا اللي بحبك و جايه عشانك تعمل معايا كده والله لاوريك
ضحك براء على بلاهتها و خرج
..
عبير : مكنش ليه لزوم تيجي يا منى
منى : بس يا عبير انا عندي كام اخت ..
عبير : جمايلك عليا كتير اوي يا منى أولهم جميل مالك أنه اتجوز غزل
منى : متقوليش كده يا عبير ...مالك بيحب غزل بجد انا زعلت لما هشام ضربه بالنار وكنت عايزة ابلغ عنه بس مالك منعني
عبير : هشام اتعمى ..بس اتمنى يكون فهم الدرس كويس
منى : خلاص متشغليش بالك انتي اهم حاجه صحتك
مسكت عبير ايديها : ربنا يديمك ليا اختي و سندي و كل دنيتي
ضحكت منى و حضنتها
...
مالك : اخرجي بقى يا غزل عايز ادخل
خرجت غزل من الحمام وهي ب بجامه ضيقه سنه و مبينه ملامح جسمها
مالك بغيره شديده : انتي فاكره هتقعدي معاهم كده
ضحكت غزل: معاهم مين ده بابا و براء يا حبيبي
مالك : والله ما انتي طالعه من الأوضه وانتي كده البسي فستان واسع من بتوعك و حجاب
غزل وهي بتشهق : حجاب يا مالك ...حجاب ازاي انا كده هتخنق
مالك : خلاص اربطي شعرك وانتي قاعده معاهم و لما ندخل اوضتنا فكي الربطه
ضحكت و حضنته: مين بيغير على ام ابنه
حضنها جامد و باسها من جبينها : مبقدرش استحمل حد يشوفك غيري انتي غزالتي لوحدي
" و كيف لا اغار و قد خلقت الغيره لأجلك أنتِ ..فقد يغار القمر من رويتك مستيقظة كل ليله من فرط جمالك "
راحت غيرت لبسها و لبست فستان نبيتي بأكمام وواسع و طويل و ربطت شعرها زي ديل الحصان
مالك : لسه حلوه برضوا انا بقول خلينا هنا بقى
ضحكت بدلع : انت اللي عيونك حلوه
خبط الباب
راحت غزل فتحت كان براء على الباب
براء : اختي الجميلة . يلا جهزتلك اكل صحي
مالك : اختك الجميلة جايه هي و جوزها
براء وهو بيغيظه : لا معتقدش أصل زينب بتسأل عليك
غزل بغيظ : زينب اه طب روح شوفها يا مالك انا نازله مع براء
ضحك براء و خدها و نزلوا
مالك : ولا زينب ولا غيرها والله ما هسيبلكم مراتي
نزل وراهم كان هشام قاعد على الكنبه بيشرب قهوه اول ما غزل نزلت خدها جنبه و ابتسم
خرج علبه قطيفه من جيبه : افتحيها يا غزل
اتحرجت من ابوها و خدتها وهي مكسوفه فتحتها كانت سلسله عليها صوره غزل و جنبها فراغ
هشام : حطي صوره ابنك لما تولدي
بصت غزل على مالك و ابتسمت : اعتقد انا عارفة هحط صوره مين شكرا يا بابا
حضنها هشام : متزعليش مني أني موثقتش فيكي حقك عليا
نزلت زينب من فوق و هي بشعرها المنعكش و صوتتت : مااااالك ...يا مااااااالك
اتخض مالك و غزل سوا و براء كان بيضحك على شكلها
طلع مالك عندها : عاااايزة ايه يا مصيبه حياتي
زينب : اتصل على سليم دلوقتي خليه يجي القاهره
مالك : لا
زينب : يعني مش هتتصل ..اصوت ؟
مالك : ششش خلاص هتصل اسكتي بقى
اتصل على سليم
مالك وهو بيمثل : سليم انا تعبان اوي محتاجك جنبي
سليم وهو بيضحك : لا يباشا مش هيمشي عليا تلاقي زيزي جنبك وهي اللي مخلياك تكلمني اصلا
مالك : حقيقي انا تعبان الجرح تاعبني جدا و مش عايز اتعب غزل ارجوك تعالى و لو مش حابب خلاص
سليم : انت بتتكلم بجد ...طب انا هاجي على طياره بليل
قفل مالك معاه و زينب واقفه ترقص جنبه : هييييييه سليم هيجي
مالك : بصي بقى يا عسل لما يجي ابقي روحي معاه عند منى عشان عايز اهتم بمراتي
زينب : ما تهتم بيها حد ماسكك و ابعد كده عايزة اسشور شعري قبل ما يجي
مالك : البسي حجابك بدل المنظر اللي شايفينو ده
زينب : طب عشان خاطرك بقى مش لابساه و يلا روح لمراتك
مالك : استغفر الله العظيم يارب صبرك
نزل تحت لقى غزل واقفه في الجنينه بتاعت الفيلا زعلانه راح عندها حضنها من ضهرها
مالك : بخ ...الحلوه بتفكر في ايه
غزل : كنت خليك معاها
مالك : لا انا مليش في البصل ..انا ليا في القشطه
ضحكت بس كانت لسه زعلانه قالتله : طب ...طب ممكن تفضل معايا ...مش انا اللي عايزة ده البيبي بيقولي عايز بابا
ضحك و نزل لمستواها :ده البيبي و أبوه هما اللي عايزينك بقولك ايه ما تيجي نهرب و نجيب حوالي 150 بيبي كده لوحدنا
ضحكت بخجل و حضنته : بابا هياخد نصهم
مالك : اما نشوف ده انا مالك السيوفي
حط أيده على السلسه اللي لابساها فتحها : مين ده يا غزل
غزل : ده انت يا حبيبي
مالك : انا ايه انتي حاطه صورتي وانا صغير عريان
ضحكت و حضنته و بصوت واطي : بس بقى عشان بابا
مالك : بابا مين ... كده يعني بتتوهي هو مش هيعرفني وانا كده و بعدين انا ياما عملتها عليه وانا صغير انا جوزك يا حبيبتي مش شاقطك لا .........
البارت ال 29 🖤🌕
#عذرائي
مالك : بابا مين ...كده يعني بتتوهي هو مش هيعرفني وانا كده انا جوزك يا حبيبتي مش شاقطك لا
غزل بحزن : عارف انا زعلانه منه جدا بس مش قادرة اتكلم انا عمري ما لومت بابا على حاجه و في نفس الوقت مش هاين عليا ازعله ازاي قدر يتخيل اني خونت ثقته احساس وحش كل ما افتكره ازعل يا مالك
" كيف هُنا عليهم ..و هم لم يفارقوا الفؤاد و لم يهونوا ابدا "
مسك مالك ايديها و باسها : انا عارف كل اللي بتمري بيه انا كمان مش قادر اتقبله بسبب فعلته معاكي بس نعمل ايه في الاول و الاخر هو والدك و انا لاحظت أنه بيحاول يقرب منك يمكن هو كمان مش قادر يعتذر و بيقرب منك تعويضا عن ده
كانوا بيتكلموا و انهارت غزل من العياط و حضنته ..و كان هشام بيبص عليهم و سامع كلامهم كله زعل من نفسه و من تصرفه مع بنته الوحيدة
لف هشام وشه و طلع اوضته
رجع سليم من السفر على بليل و بسرعة راح على بيت براء
كانوا قاعدين يتعشوا
زينب : هو ممكن حد يتصل ب سليم
مالك : اتصلنا و كلي وانتي ساكته بقى
وقفت زينب بعصبية : بقولك ايه متكلمنيش كده انا بدأت ازعل
قام براء وقف جنبها و ركز في عينيها : متزعليش يا انسه ...انسه زينب مالك مش قصده
بصت غزل ل مالك و ضحكت هي أول مره تشوف براء كده مهتم بحد
بصت زينب في عين براء و ببلاهه : ها ...لا مش زعلانه يا ازرق
خبط سليم على الباب اتكلم براء بصوته و فتح الباب
دخل سليم وهو خايف على مالك ..
سليم : انت كويس
مالك : احم ....والله هي اللي أجبرتني اتصل
بص سليم على زينب اللي انكمشت اول ما دخل
سليم بعصبيه : انا سايب كل اشغالي و رجعت بطياره خاصه عشان تعملي مقلب من مقالبك السخيفة
اتحرجت زينب جدا و عينيها دمعت بعد ما كانت مستنياه وفرحانه قلب فرحتها لحزن
قامت من على السفره و استأذنت
غزل بحزن : ليه كده يا سليم كسرتها ليه
قعد على السفره و اتنهد : أصلها مش هتستحمل اللي هقوله كمان شويه كان لازم امهد لها ...انا ...انا قررت اتجوز واحده صاحبتي
مالك بفرحه : مبروووك يا جامد اخيرا هتدخل عش الزوجيه
هشام : مبروك يابني
براء استأذن منهم و قام من مكانه طلع فوق
غزل : انا هروح اشوف زينب
مالك : غزل اقعدي بلاش تتعبي نفسك عشان الجنين
غزل بحزن : طب هطلع أوضتنا ارتاح
طلعت الاوضه بس استغربت لما لقيت براء دخل اوضه زينب
براء : متزعليش ..انتي لطيفة مش وحشه زي ما قالو أو رخمه
زينب وهي بتعيط : مش عارفة ليه بيكرهوني انا كنت اه بعمل مقالب زمان بس انا كبرت و اتغيرت و...و بحب الحمار اللي تحت
ضحك براء و قعد جنبها : وهو هيحبك لانك تتحبي
قلعت زينب النضاره و ابتسمت : شكرا انك هنا انا سعيدة جدا و اسفة على كل الازعاج ده
براء : متزعليش تاني و ياريت متلبسيش النضاره تاني لانك من غيرها اجمل بنت في الكون
ضحكت زينب و ظهرت غمازة جنب شفايفها : انت بتكسفني كده
براء : و عندك غمازات كمان لا د احنا اتطورنا اوي
دخل سليم لقاها بتضحك مع براء
سليم : اظاهر انك كويسه كنت جاي اقولك متزعليش
وقفت زينب بكل شموخ : ازعل ليه هو انت تفرق معايا عشان ازعل انا بس شبعت من الاكل
قام براء وقف و خرج و سابهم
راح سليم قعد على الكرسي و بصلها ب غيره و غيظ : بقيتي تلاقي حد يصالحك يا زيزي
زينب بغرور : و ده يهمك في حاجه يا ابن عمي
سليم : لا طبعا ميهمنيش و سلام انا خارج
زينب وهي بتضحك : لو شوفت براء ابعتهولي أصله لطيف اوي
سليم : اه طيب ربنا يخليكو لبعض
زينب : شكرا
خرج سليم و هو بيغلي مش عارف ايه السبب كل اللي عارفه أنه عايز البنت اللي كانت بتجري وراه عايز يحس أنه مهم مش ..مش مجرد فراغ
ضحكت زينب و اترمت على السرير : و لسه يا سليم افندي انا هوريلك ها بقى
دخل مالك على غزل و هو شايل طبق مليان فاكههه
( حبايبي ادعوا لصاحبتي أمنية ربنا يكملها حملها على خير 💜)
غزل : ايه ده كله
قرب بسرعة منها خد بوسه طويله و ابتسم : دول عشان ابني
غزل : و حبيبتك هتجيبلها ايه
قلت مالك قميصه : حبيبتي دي هاخدها في حضني
غزل : مالك انا عايزة اسالك سؤال ..ليه وثقت فيا و اتجوزتني و مشكتش اني وحشه
مالك : عارفة يا غزل ...لما شوفتك بعد السنين دي كلها عرفتك من عيونك ..من زمان وانا عارف ان قلبك ابيض و خجوله من زمان ....حتى لو كنتي غلطتي عمره ما كان هيبقى غلط كبير لاني حسيت اني واثق فيكي تلقائي عارفة الحب اللي ربنا بيبعتهولك و يزرعه في قلبك تجاه حد انا مزروع في قلبي من 19 سنه
دمعت عينها و حضنته اكتر : بحبك يا مالك قلبي
ضحك و ضمها اكتر : يلا ناكل الفاكهه بدل ما أكلك انا
فات اليوم و فضل سليم عند براء في اوضته نايمين سوا
صحيت غزل و لبست فستان و حجاب و صلت الفجر و قعدت تدعي و تقرا قرأن
خبطت زينب على باب غزل
فتحت غزل و انبهرت ب شكل زينب الجميل كانت لابسه فستان شبه لبس غزل و حجاب خمري
حضنت غزل جامد : انا معرفتش أرحب بيكي اول ما رجعت بس انا مبسوطه انك اتجوزتي مالك انتو الاتنين لايقين على بعض
ابتسمت غزل و حضنتها اكتر : انا كمان فرحانة بيكي اوي و شكلك بقى اجمل بالفساتين الفضفاضه
نزلوا سوا على السلم كان براء بيشرب قهوه و لابس بدله و هيخرج اول ما شاف زينب بجمالها شهق و قعد يكح جامد
نزلت غزل وهي بتضحك : مالك يا قلب اختك
زينب : ازيك يا براء اشرب براحه هتتعب كده
سليم من وراهم : ملكيش دعوه انتي
براء بحب : شكلك جميل جدا انهارده
اتعصب سليم و نزل شدها من ايديها
براء : انت بتعمل ايه
سليم : ملكش دعوه انا مع بنت عمي مش معاك
براء : سيب ايديها بقولك
سليم : و لو مسبتش هتعمل ايه
براء بنفاذ صبر بص ل زينب اللي بتعيط و راح ضارب سليم جامد .......
البارت ال 30 🖤🌕
( الاخير )
#عذرائي
براء بنفاذ صبر بص ل زينب اللي بتعيط و راح ضارب سليم جامد
اتعصب سليم و ضربه
صرخت غزل : بس انتو بتعملوا ايه اتجننتوا
صحي مالك على صويتها و جري بسرعة على تحت
مالك : في ايه غزل انتي كويسه
غزل : بيضربوا بعض من غير سبب انا زهقت
براء : هو ليه يمسكها كده
زينب بحزن : خلاص ارجوكم بلاش خناق انا اسفة
طلعت على اوضتها و قعدت تلم لبسها و طلعت غزل وراها
مالك : عيب عليكم وانتو كبار و المفروض عاقلين
هشام من فوق: جوز اختك عنده حق شغل الأطفال ده عيب
بص مالك على هشام باستغراب لانه اول مره ينصفه
نزل هشام و قرب من مالك حضنه : حقك عليا يا مالك انا ظلمتك انت و غزل كتير
مالك بابتسامه : ربنا يخليك لينا يا عمي مهما حصل احنا اهل
براء بفرحه : واخيرا هنبقى عيله متماسكه
سليم : انا همشي
مالك : لا عايزك في كلمتين
خده و خرجوا في الجنينه
مالك : في ايه بقى انت غيران على زينب ولا ايه
سليم : عارف المشكله فين ..المشكله اني حسيت بالغيره في وقت متأخر اوي .. انا اول مره اشوفها بتضحك من قلبها ل براء ال ****
مالك : انت تعتبر خاطب ..بلاش تعلقها بيك
سليم : عندك حق ، انا هرجع اسوان تاني وجودي ملهوش لازمة
مالك : ايدا الكلام ده و مين هيبقى عم قريب و يشيل ابني
سليم : لو ولد هيبقى اسمه سليم انا بقولك اهو
مالك : شايف الباب ده
سليم : اه
مالك : شايف دقني ...ادي دقني لو خليتك تشوف ابني اصلا
ضحك سليم و دخل اعتذر من براء و قرر أنه هيبعد
" الفرصه ...تأتي مره واحده فقط و أما ان تصُيب أو ان تخيب و لعلها لم تكن لك من البدايه "
نزلت زينب بتعيط : انا لازم امشي
براء : زينب انا اسف ..
زينب بحزن : انا اللي اسفة على المشاكل دي
خرجت زينب من البيت بسرعة و ركبت تاكسي و مشيت
غزل ل مالك : مالك انا حاسه اني تعبت راسي بتوجعني تعالى نرجع بيتنا ارجوك
مالك : انا معنديش مانع يلا نرجع
حضروا شنطتهم اللي لسه متفتحتش اصلا و نزل مالك وهو مسند غزل
هشام : رايحين فين
غزل : بابا ارجوك انا تعبانة محتاجه ارتاح في بيتنا عشان اخد راحتي حضرتك تعالى اقعد معانا انت و براء لاني حاسه اني مرتاح هناك
براء بزعل : كله بسببي متزعليش ..روحي مع مالك وانا هجيلك انا و بابا بكره
ابتسمت غزل و حضنت براء وأبوها و مسكت ايد مالك و خرجت
هشام : ربنا يباركلهم في بعض
براء : امين ..انا هطلع ارتاح شويه
هشام : انت مش كنت رايح الشغل ايه اللي حصل
براء : حسيت اني عايز ارتاح مش حابب أخرج
" لا يوجد حب ..لماذا قلبي يؤلمني هل هي لعنة !؟ هل الحب لعنة يقتل صاحبه "
طلع براء قلع البدله و القميص و رماهم واترمى على السرير و غمض عينه وقال لنفسه : انسى مفيش حب مش من يوم و ليله انسى
مر 8 شهور
ولدت غزل تؤام الاتنين نفس عيون ابوهم
دخل براء المستشفى لقى مالك واقف و ماسك واحد و هشام ماسك واحد
ضحك براء و حضن عبير : انتي راضيه عن الوضع ده و تلاقي كل واحد فيهم مش هيسيب اللي معاه
غزل بصوت ضعيف : انا مشوفتهمش والله طب كنت اجيب 3 ولا ايه
ضحكت عبير و منى
منى : خلاص مالك مش معانا ده مش مركز خالص
عبير بمسخره : انا عايزة حفيدي يا هشام لو سمحت
هشام : حفيد مين ده ابني انا
قرب مالك من هشام يغيظه : بس ايه رايك في الانتاج يا عمي حاجه ايطالي كده
هشام : بلا نيله دول طالعين حلوين ليا انا
زينب من وراهم : ليه يا عمو هو عيلتنا وحشه اوي كده
بص براء لورا و زادت ضربات قلبه
ابتسمت له زينب ووقفت جنبه
هشام : لا يا بنتي انتو حلوين وكل حاجه بس هشام الصغير ده طالعلي انا
براء بصوت خفيف ل زينب : ايه رايك نعيش قصه حب زي دي
زينب وهي بتبص في عينه : تفتكر انا رجعت عشان اعيش قصه حب يا براء
براء : اه شكلك رجعتي عشان سليم انا كنت بهزر معاكي و ..
زينب بصوت واطي خجول : انا رجعت عشان اتجوز من واحد طول ال 8 شهور اللي فاتوا وهو في بالي و عيونه الزرقا بتطلعلي في الحلم كل يوم
براء بفرحه :شكلي كده هحضنك قدامهم
مالك : سمعتتتتتك ...ابعد عن بنت عمي يا عسل د انا هطلعهم عليك اللي كنت بتعملوا معايا انا وغزل
براء وهو بيضحك : مهو بعد كل اللي عملتوا معاك مجابش نتيجه و جبتولنا سكريات صغيرة
ضحك الكل و اتكسفت غزل جدا و خبت وشها
و توتا توتا خلصت الحدوته اتمنى اكون خفيفه على قلوبكم و محدش يكون زعل مني 🖤 ..كل روايه وانتو الأقرب لقلبي 💜💜
عشان خلصت محدش هيعلق صح
فضلا وليس أمرا تفاعل ب 20 ملصق ليصلك جديدنا عند النشر
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺