رواية قيود امرأه الفصل الثامن بقلم جمانه السعيدي حصريه وجديده على مدونة أفكارنا
رواية قيود امرأه الفصل الثامن بقلم جمانه السعيدي حصريه وجديده على مدونة أفكارنا
رويده....الشي الي نسيت اذكره
زهراء بس كبرت شويه تقرببا بعمري ٣ سنوات وقبل لا ينتقل المحصار من بيتنا
بدت تتودد الابوها
من يعبر للمحصار تعبر ورا
طفله وتستهويها الحيوانات وخاصه الزغار
يعني ابن النعجه لو ابن الصخله
بس ابوها يعبر تعبر ورا بلبدايه كانت تعبر وتروح توكف بصفه لان تخاف
بعدين كامت تلزم ايده
واذا تخاف تحضنه تصرفات زهراء عجبت ابوها
حس هاي الطفله على كلبه
تحب الحيوانات مثله شويه شويه بدا يقرب عليها
ويشيلها
من يعبر يصيح عليها زهراء تعاي تجين وياي
طبعا هي تحبه اي تحب ابوها لان طول النهار اني وياها محبوسين وما نطلع
تعلقت باابوها
شويه شويه كامت تنتضرا بلشارع
هو يفرح من يشوفها برا تركض علي تحضنه
واذا جاب اي حيوان زغير يخلي بحضنها
كدرت اتأثر علي وكام يجيبلها حلويات ويااا بس شغلة
٥٠٠ مو اكثر لان يخاف على الميزانيه
اني مااقبل لان تصير ببها ربحه مو طيبه
بس هي تكوم تبجي يرجع عليها يشيلها وياخذها وياااا
بلكت تحرك مشاعره الجامده
جمانه السعيدي
طبعا بلكوه اخذ منه فلوس اشتريلها ملابس مايقبل يكول
كل يوم تشترين ملابس واحنا مانشتري اله بلمواسم والاعياد
نشتري من هاي التراكات الرخيصه كلش
واني ارخص انواع الملابس اشتري اليه
ومحرومه من المكياج واشتري معطر ابو الالف
مايقبل ينطيني فلوس واذا كمت اللح يحسب شنو راح اشتري وبيش كون الفلوس على كدهن
حتى ربع ما يبقى وهو عنده خير من الله
جمانه السعيدي
المهم علاقة زهراء باابوها تحسنت
واذا احتاجيت شي ادز زهراء على ابوها ينطيها بس شي قليل احسن من الماكوووو
رغم هو مايستاهل زهراء تحبه لان بقى بعيد عنها
ومايريدها منا لمن كبرت
بس تبقى بته غصبا ماعليه
نرجع للحلال نقله كله للمحصار الجديد
تقريبا مشي ربع ساعه يوصل المحصار لان احنا بيتنا
قريب على الشارع العام
بس نقل الحلال غسلت البيت كله
وفلشت السكيفه الي جانت على المحصار ونضفت المكان
خليته يتعرض لشمس والهوار
حتى هاي الريحه تروح
أرض المحصار جانت صالحه للزراعه بسبب فضلات الحيوانات الي جانت بيها
كلبت الكاع وزرعته البذور من البيت يعني
اذا افتح طماطه اخلي البذر بلكاع اذا بلصدفه اكلنا بطيخ
اخلي البذر بلكاع
ام حيدر عدهم حديقه انطتني ورد الصباح
وانطتني بذور وعلمتني شلون ازرعها
بيتنا صار احلى من قبل
والأهم اني ارتاحيت من الحيوانات وخدمتهن
جمانه السعيدي
اياد...اليوم ترحين وياي تنضفين المحصار
رويده....لا مااروح وياك بعد مااشتغل بلمحصار
يله بيتي وبتي
اياد...شنو غير اساعديني
رويده. .... وانت شناقصك انت اشتغل بلمحصار اني بعد ابد مااد ايدي وياك
اياد. .... غير عيشتنا
رويده ... اي عيشه على اساس هسه انت تصرف عليه
بايدك ورجليك شوف شوف الذهب تارس اديه
ملابس بيها خير مثل النسوان ماعندي
اتحسر على الطلعه اتحسر على الكلمه الحلوه
تصرف عليه اساعدك ماتعرف وتبقى هيج تعصر بيها علينا عصر مااساعدك
تنطيني ٣٠٠ بلشهر اساعدك ما تقبل بكيفك
اياد...شنو ٣٠٠ عليمن
رويده.. بمكان شغلي على الاقل اشتري ملابس مثل النسوان
اياد...غير جاي اصرف على البيت
رويده... يايمه عمت عيني شوف المسواك الثلاجه ما تنسد هو خلفله على العرس بلحصه واطبخ على كركم
وتمن الحصه
وبقياس خاف اطبخ اكثر
اياد...ولله طالعه عينج
رويده. اصرف علينا المن ضام هاي الفلوس
اياد...ميلي فلوس
طول هاي الفتره الي فاتت اياد بطل يطلب العلاقه
الزوجيه يخاف خاف اكله اسبح
وهو ما يحب يسبح هواي
بلصدفه كل اربع اوخمس اشهر تصير بينا علاقه
ولازم نتعارك لان اني مااقبل بلوصاخه وهو عندا شغله عاديه كنت اخذ موانع حمل مااريد منه اطفال
وهو يلح عليه اريد ولد
اي ولد هو اني وبتي بطونه نصها جوع اي ولد هذا
حلفت ابد مااحبل ولا اجيب
هذا الإنسان مايستاهل يصير عنده اطفال
جمانه السعيدي
صار البعد بينا اكثر واكثر
كل واحد عايش بعالم خاص بعيد كل البعد عن الثاني
بما ان الحلال انتقل من البيت
حياتنا تغيرت
يعني اياد يكعد الفجر يتريك ويروح للعلوه
يجيب علف يخلي بلمحصار ويرجع للبيت يتريك
ويرجع يروح للمحصار
يجي الضهر يتغدا وينام ساعه ويرجع يروح يبقى لليل يله يرجع
مرات يبات هناك بلمحصار اذا عنده هايشه على وجه ولاده لو نعجه يبات هناك يخاف عليها
بلاضافه يخاف على الحلال لا ينباك ومن كد ما هو بخيل
ما يشغل وياا احد حتى يحرس الحلال
لا هو الي يحرس الحلال هو الي يخدمه
يرجع بليل ينام على وجها من كد التعب
تقريبا كل النهار هو مو بلبيت
اني خفت عليه المسؤليه مو مثل قبل لان بيتنا زغير
بسرعه انضف واطبخ
خلصت من شغل المحصار الي كان ماخذ كل وقتي
وخلصت من اياد
لان كل وقته غايب عن البيت قلت المشاكل بينا
لان ما نلحك نتعارك
من يدخل للبيت يريد بس ياكل ويرجع يطلع
جمانه السعيدي
من كد ماعندي وقت فراغ وعايشه وحدي
كمت من يطلع اياد اعبر على ام حيدر
نكعد نسولف ونضخك وبدت تشوفني الشغلات الي تنزل على الموبايل
كنت اكثر من منبهره متعجبه شنو هاي
ام حيدر...شوفي ادخلين على اليوتيوب وطلعين طبخ مكياج اي شي يعجبج فلم مسلسل
واذاعندج فيس تطلع عندج منشورات ومقاطع
كانت تنطيني الموبايل اصفح بي
نسيت كلشي من شفت الموبايل
كل يوم اعبر حتى اصفح موبايله واشوف المقاطع
كنت اغار اي اغار واموت من الغيره
من اشوفها شلون تحجي وياا خواتها
وامها وتفتح كامرا شكد اهلها حنينين عليها
اني ليش اهلي مايردوني
اتمني يصير عندي موبايل مثله
لمدت شهرين واني كل يوم اروح البيتهم
لمن عرفت كلشي عن الموبايل وكمت اكدر اصفح
كل البرامج وحدي
انتضر بمتى اياد يطلع واعبر عليهم
شكد جان خلكها طويل وياي ولا ملت مني ولا ضاجت
بس اعبر تنطيني تليفونها وتعوفه عندي
لاتكول عندي أسرار ولا تكول مااكدر انطيج تليفوني
حتى ما تلمحي حتى اشتري تليفون
الحد مايوم رجع للبيت اياد وما لكاني
سمع صوتي واني اسولف واضحك وياا ام حيدر
راسا صاح بصوت عالي روووويده
اني شمرت التليفون وكمزت
شلت بتي ورجعت اركض للبيت
اياد. ووين جنتي
رويده....بس زهراء شويه مصخنه ورحت اجيب العا شراب
من ام حيدر
اياد...اني مو كلت ممنوع الاختلاط بلجوارين
رويده... اي بتي صخنت انت ماموجود وماعيفلي فلوس
شلون البنيه تموت
اياد.. خل اشوفها شلون مصخنه
رويده...شربته شراب وصارت احسن
اياد... وشعندج تضحكين بصوت عالي اكو وحده بتها مريضه تضحك هيج بيت الجيران هاي اخر مره اشوفج تعبرين على الجوارين
مرت الثانيه اكسر راسج تكسير فهمتي لو لا
امشي يله حضريلي الاكل بسرعه
جمانه السعيدي
زهراء من شافته عصبي راحت حضنته وبقت تبوس بي
لمن هدء شويه اكل ورجع طلع من البيت
قررت من هاي اللحظه لازم اشتري موبايل لان اني تعودت علي واخذ الرمز واكعد ببتي اكنك
احسن ماكل يوم ماخذه تليفون المره
اني عندي كم فلس ضامتهن بس من سئلت ام حيدر
على اسعار التليفونات
عرفت المبلغ الي عندي مايكفي
طلعت محبسي الذهب والحلقه وقررت ابيعهن لان هنا انطعجن لان خفيفات ومااكدر البسهن
ثاني يوم بس طلع اخذت زهراء ورحت عليهم
سلمت عليها وكعدت
ام حيدر....هاا خوما اتعاركتو البارحه
رويده...يمعود هذا لا يرحم ولا يعوف رحمة الله تنزل
بلبيت لا ضحكه ولا سالفه ولا اله شغل بيه
ويريد يحبسني حتى لا اضحك ولا اسولف ولا اختلط وياا الجوارين
أم حيدر...الله يساعدك شلون متحملته
رويده...ضروف تجبرني اتحمله والا هو ما ينحمل
بس الحيوانات حشاج تحمله لان من نوعيته وصنفه
المهم اني اريد ادزين هذا المحبس بيد ابوحيدر يبيعه
هو والحلقه وهذا مبلغ اني جامعته من زمان
اريد تليفون لان مليت من الوحده طول النهار
أم حيدر...خوش اسوين اتونسي وانسي الدنيا
عليمن هلضوجه طول النهار هسه انطبهن الابوحيدر حتى يجليبج موبايل زين كون نوعيه زينه حتى لا يعطل بسرعه
رويده...اي فدوه اني ماعندي اشتري بعد كون زين
اني ايجوز جاي أثقل عليج بس ماعندي احد غيرج اثق بي فدوه العينج تحمليني
أم حيدر...شنو القصه انتي اختي اي شي تحتاجي اني بلخدمه تدللين
رجعت للبيت اخاف يرجع اياد وتصير مشكله
اني مااريد مشاكل ويااا الصراحه اخاف يطردني من البيت
اذا طردني وين اروح حتى بيت اهلي مايردوني
رجعت للبيت وبقيت انتضر العصر كلش من رجع ابو حيدر جايب التليفون
ام حيدر صاحت عليه من الحايط
ام حيدر...رويده وينج
رويده...هااا ام حيدر
ام حيدر... هذا تليفونج بلعافيه
رويده...الله يعافيج فدوه دخلي الرمز ودزي بيد علوش
ام حيدر....على كد فلوسج ابوحيدر يكول اداهرت وياا ابو
المكتب وطيحتلها عشره
رويده...رحمله والديج
أم حيدر...تستاهلين هسه ادخل الرمز وادزه الج
للحكايه بقيه تفاعل حلو مثلكم
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺