حظك حلو المرة دي علشان فلتي من إيدي وأكمل بضحك: بس مفتكرش إن الحظ هيقف ضد زين تاني.
زين خرج من الأوضة ونده بصوت عالي على الخدامة.
الخدامة بخوف: نع.. نعم يا زين باشا؟
زين: بقالي ساعة بنادي عليكي؟
كوثر بوجع وخوف: أنا آسفة يا زين باشا، مش هتتكرر تاني.
قال ببرود:
أنا رايح مشوار، خلي بالك من البت اللي جوه، وفهميها هتعمل إيه هنا.
وسابها ومشي.
كوثر بدموع: ربنا يهديك يا زين يا ابني، وتبعد عن السكة اللي إنت ماشي فيها.
دخلت عند سجدة، فضلت باصة عليها.
كوثر: إنتي شكلك بنت ناس، مش زي البنات التانية.
سجدة بدأت تفوق، أول لما فتحت عينيها.
كوثر بهدوء: إنتي كويسة يا بنتي؟
سجدة بدموع: إنتي مين؟ وأنا بعمل إيه هنا؟
سجدة افتكرت إن حد شال النقاب من عليها: نقابي فين يا طنط؟
كوثر بصدمة: نقابك؟ إنتي منقبة؟
عند زين، كان وصل الشركة، ودخل بكل غرور وتكبر.
كان الموظفين بيبصوله بإعجاب، فزين رجل أعمال مشهور بجماله، وأنيق، جسمه رياضي، وعيونه بني غامق، فكان جذاب بمعنى الكلمة. مش بيسامح حد، ده غير إن الستات عنده مجرد نزوة.
دخل المكتب وكان مستني صاحبه خالد ومساعده.
زين قعد على المكتب، وحط رجل على رجل بتكبر: أممم، أوراق الشركة اتسرقت؟
خالد: احممم، بصراحة يا زين مش لاقيين الأوراق خالص، وكمان الكاميرات متعطلة.
مكملش الكلمة، وزين قاطعه في الكلام.
زين قام وقف بكل غرور قدام خالد: لا، ما تعطلتش، في حد عطّلها، وأنا عارف مين الشخص ده.
خالد: عارف إزاي؟
زين خرج من المكتب وخالد وراه، أول ما خرج، كل الموظفين وقفوا باحترام.
زين فضل باصصلهم، والموظفين خايفين من اللي قدامهم.
زين قرب من مدير الحسابات، وحط إيده على كتفه: تعال على مكتبي.
حسام مدير الحسابات بتوتر: حا.. حاضر يا باشا.
وسابه وخرج من الشركة كلها.
سجدة بصدمه لما سمعت هي جت هنا ليه: لا، إنتي فاهمة غلط يا طنط، أنا مش البنات دي.
قامت تدور على النقاب بتاعها: أنا لازم أمشي من هنا، أنتو مجانين، أنا عايزة أمشي من هنا.
في نفس الوقت دخل زين الباب، وسمع صوتها.
زين: تمشي فين يا حلوة؟ هو إنتي متعرفيش إنك بقيتي ليا؟...
تابعووووووني