رواية قلب الباشا الفصل السادس والسابع بقلم الكاتبه فريده الحلواني حصريه وجديده على مدونة أفكارنا
 |
رواية قلب الباشا الفصل السادس والسابع بقلم الكاتبه فريده الحلواني حصريه وجديده على مدونة أفكارنا
لم تستطع النوم من فرحه قلبها العاشق حتي الثماله بعد ان قضت معه اجمل يوم في حياتها .....لم تشعر انه يعاملها كاختا له كما يدعي دائما بل شعرت انه تحرر من عبائه الباشا التي يرتديها دائما و عاد الي هذا الشاب المرح الذي كان يرافقها في صغرها للتنزه بل و يقوم بالركض ورائها كما لو كان طفلا مثلها ....اليوم فقط عاد صديقها القديم ...و اليوم فقط فتحت لها طاقه من الضوء حتي لو كانت صغيره ستعمل علي ذياده حجمها حتي تستطيع من خلالها العبور الي قلبه لتسكن فيه
ظلت هكذا طوال الليل حتي اشرقت شمس يوما جديدا و لكن نورها لا يضاهي اشراق وجهها البهي و ما زالت تزينه ابتسامتها الحالمه
لا تعلم عدد المرات التي شاهدت فيها تلك الصور التي تجمعهم سويا او كلا منهم علي حدي فقد اصرت ان تلتقط صورا كثيره في كل مكان يعبرون منه حتي توثق ذلك اليوم ...وضعت احدي صوره كخلفيه لهاتفها ثم اطلعت علي الساعه وجدتها مازالت السابعه صباحا ...ابتسمت بحب ثم قامت بفتح احدي تطبيقات المراسله و قررت في داخلها ان يكون ذلك الموعد هو موعد ارسال رساله صباحيه له كل يوم حتي تكون هي اول ما يري في يومه بعد ان يستيقظ من النوم و يمسك هاتفه ليري كم الساعه او ليتصفحه كما يفعل الجميع
( صباحك بيضحك يا باشا)
و فقط ثم ارسلت وجها ضاحك و اغلقت هاتفها ثم تركته جانبا و تمددت فوق الفراش علها تغفو و لو قليلا
اما الباشا فلم يختلف حاله عنها كثيرا فقد عاد الي منزله بوجها مشرق حتي امه التي ما زال يبيت عندها قالت له بابتسامه فرحه : الله اكبر عليك يا ولدي وشك منور و كانك صغرت عشر سنين
ابتسم لها و مازحها قليلا حتي يداري خجله منها و توجه الي غرفته .....تمدد علي فراشه و تفاصيل اليوم تعاد امامه كامله و لاول مره لا يعطي فرصه لعقله ان ينهره علي ذلك الشعور ...قال لحاله اليوم افرح و غدا ...اعود. لما كنت عليه
و لكن كيف سيعود و الصغيره الفاتنه قررت ان تطارده ...بعد ان حلم بها. في الغفوه الصغيره التي نالت منه استيقظ علي صوت اشعار ينطلق من هاتفه و حينما فتحه ليتفحصه تلقائيا ارتسمت علي ثغره ابتسامه فرحه لا يعرف سببها بعد ان قرأ رسالتها القصيره و لكنها عنت له الكثير
زفر بحيره و قال : و بعدهالك يا ندي انا مش تلميذ و فاهم او حاسس بالي جواكي بس مش هينفع .....هنا و فقط عاد عقله يعمل من جديد و قرر ان يحجم تلك العلاقه و يكون حزرا في تصرفاته معها حتي لا يعطيها املا كاذبا
انتهت فقره الرومانسيه و ها قد عدنا للمشاكسات اليوميه
كانت تعلم انه لا يجب عليها ان تذهب لمساعده ابيها في عمله كما اعتادت فالوضع اختلف كليا الان و لكن لا باس من بعض المناوشات التي ستحدث معه بعدما يراها امامه صباحا
وقفت سناء تنظر لها باستغراب و قالت : رايحه فين يابنتي بدري كده
تصنعت الهدوء و قالت : ايه يا ماما سلامتك انتي تعبانه و لا ايه انتي مش عارفه ان ده معادي الي بنزل فيه لبابا
ضربت الام علي صدرها بكف يدها و قالت بزهول : يا مصيبتي ...انتي عايزه حسن يعلقك في نص الحاره يا بت ....الكلام ده مينفعش دلوقت بعد ما بقيتي علي ذمته
خافت قليلا و لكن عنادها كان اكبر ...اتجهت ناحيه الباب و قالت بشجاعه زائفه : و لا يفرق معايه الكلام ده لما ابقي في بيته يبقي يحكم عليا ....و فقط اعقبت قولها بالخروج و اغلاق الباب سريعا و لكنها سمعت الكثير من السباب يخرج من فم امها الحبيبه
كانت تمر وسط الحاره و لكن اليوم كانت نظرات الماره مختلفه كليا عما سبق بل من الاساس تحاشي الجميع النظر اليها حتي من اعتادت ان تمازحهم وهي. تلقي عليهم تحيه الصباح كان ردهم عليها مقتضبا فقالت بداخلها بغيظ : اااه يا ناس عرر كلكم خايفين حتي تصبحو عليا بسببه مااااااشي
وقفت امام ام احمد بائعه الخضار و قالت : صباح الخير يام احمد عامله ايه يعني مندتيش عليا عشان العيش زي كل يوم
ابتسمت لها تلك السيده البسيطه و قالت بطيبه : صباح الفل علي ست العرايس هههه خلاص بقي با ندوش هو انا استجري اقول لمرات الباشا تجبلي عيش دانا قولت هتنسيني و خلاص بقي مبقيناش قد المقام
ندي : انتي هبله يا وليه انساكي ايه و كلام فارغ ايه ...هو يعني عشان بقيت مراته انسي العيش و الملح انا مش قليله اصل يام احمد و لا عمري هكون شبعه بعد جوعه ...انا ندي و هفضل ندي سواء قبله او معاه او حتي بعده ...سلام
سارت بغضب بعد ذلك الحديث و علمت الان كيف يراها الناس .....لم يكن جالسا علي مقعده كما المعتاد و قبل ان تحمد ربها علي ذلك وجدت من يمسك زراعها من الخلف ليديرها له بقوه
كادت ان تسب و تلعن كما اعتادت و لكنها تصنمت بفاه مفتوح بعد ان رات شرارات الغضب تنطلق من عينه
تمالكت حالها سريعا و قالت بمزاح مهزوز : ابو علي ايه قفشه المخبرين دي يا راجل دانا لسه كنت هشيل غطا البكابورت بقي و اطلع الزباله الي جوايه عالي اتجرأ و عمل كده هههه
لم يظهر عليه اي تعبير يدل علي تقبله لمزاحها و قال بهدوء خطر : خلصتي
هزت راسها ببلاهه فقام بسحبها معه ناحيه بنايتها و هو يغلي من الغضب و لكن تحكم في حاله بصعوبه حتي لا يدق راسها اليابس امام الناس
صعد بها الي الاعلي وهو يجرها جرا ورائه حتي كادت ان تقع فصرخت به : انت جارر جاموسه وراك يا جدع انت اصبر شويه
لم يرد عليها و لكنه طرق الباب بحده بعد ان وصل امامه و بعد ان فتحت له سناء و ارتعبت من هيئته قالت : حسن ..اتفضل يابني
دلف بها الي الداخل و وقتها فقط ترك يدها و قال بغضب : ايه الي نزلها من البيت يا خالتي
سناء : و الله يابني قولتلها مينفعش و الوضع اتغير بس انت عارف دماغها الجزمه
نظرت لامها بغيظ و قالت : تشكري يا ست الحبايب بتسلميني تسليم اهالي
نظر لها بغضب تصاعد داخله بسبب اللامبالاه الظاهره عليها و قال : معلش يا خالتي هتعبك معايه اعمليلي فنجان قهوه علي ما اقول لندي كلمتين
كادت ان تمسك امها حتي لا تتركها مع هذا الوحش بمفردها و لكن امها الحبيبه نظرت لها بشماته و غادرت سريعا تاركه اياها في مواجهته
صمت قليلا ثم نظر لها بقوه و قال : تقصدي ايه بالي هببتيه ده
ندي : مش فاهمه هو انا عملت ايه غلط مش انا كل يوم بروح لابويا اساعده ايه الي جد بقي
حسن : الي جد انك بقيتي علي زمه راجل و لا مش اخده بالك ...و لا اكون مش مالي عينك عشان الاتفاق الي بينا
ردت عليه بصدق : اوعي تقول كده يا حسن دانت سيد الرجاله
حسن : يبقي ليه عايزه تقلي مني
ندي : و لا عشت و لا كنت يوم ما افكر اقل منك ...تنهدت بحب و قالت : انت طول عمرك كبير و مقامك عالي يا حسن
تنبه عقله انها تسحبه الي المنطقه المحزوره و كاد ان يستجيب الا انه فاق سريعا و فضل ان يعاملها بقسوه حتي يقتل اي امل بداخلها فقال : اسمعي الكلمتين الي هقولهم عشان مش هكررهم تاني...تنبهت حواسها جميعا و لكنها كسرت للمره التي لا تعلم عددها حينما سمعته يقول : انتي زي مانتي بالنسبالي مفيش حاجه اتغيرت حتي بعد ما كتبت عليكي و انتي عارفه السبب كويس هتفضلي اختي الصغيره و اتفقنا عمر ما فيه حاجه هتغيره ...بس الحاجه الوحيده الي هتتغير و لازم تعملي بيها انك قدام الناس بقيتي علي زمتي يعني لازم تتعاملي عالاساس ده و تراعي تصرفاتك...الهبل و الطيش الي كنتي فيه مياكولش معايه ...مفيش خروج مالبيت من غير اذني و وقفت الدكان مع ابوكي دي تنسيها خاااالص ساااامعه
انتفضت من صراخه و كادت تبكي من قسوه حديثه و لكن كبريائها اللعين ابي ان تظهر ضعفها امامه فردت له الصاع اثنان حينما قالت : و انا عشان عارفه ان كل الي حاصل ده تمثيليه بايخه اتصرفت بطبيعتي لان جوازي منك مش فارقلي اصلاااا ..صحيت الصبح و عملت الي متعوده عليه مجاش في بالي كل الي انت قولته ده يبقي تفهمني بالراحه مش تسحبني وراك في وسط الحاره بالمنظر ده ...
نظر لها بخبث رغم غضبه و قال : و صباحك بيضحك يا باشا دي بردو كنتي متعوده عليها
هل يغلبها ...لا و الله
ردت بثبات تحسد عليه : عادي علي فكره حبيت اشكرك عاليوم الحلو الي قضيناه امبارح سوي بس انت عارفني مليش في الكلام الكتير ...كتبت الرساله دي و قولت انت هتفهمها لوحدك عادي يعني
جز علي اسنانه من الغضب فهو فالاخير رجل و لن يقبل ان تشعره امرأه مهما كانت انه لا يمثل لها شيء ...و لكن مهلا ايها الصغيره الحمقاء المعركه لم تبدأ بعد
حسن : تمام شكرك وصل و الي انا عايزه فهمتيه يبقي اتفقنا يلا سلام
ردت عليه سريعا بكيد بعد ان استشعرت انها اخذت حقها منه : و القهوه يابو علي
لم ينظر لها و لكن فتح الباب و قال قبل ان يغلقه بقوه : اطفحيهاااااا
جلس مع مهندس ديكور قد اتصل به لياتي اليه حتي يتفق معه علي تجهيز الطابق الاخير لكي يصبح سكننا. له هو و تلك العنيده
حسن : هو الدور شقتين بس انا عايزه كله شقه واحده قدامك اسبوعين تسلمني الشقه جاهزه
المهندس : بس الوقت قليل اوووي يا باشا المساحه كبيره و انت طالب حاجات فيها محتاجه وقت
حسن : شغل ورديتين تلاته متشغلش بالك بالتكاليف المهم تخلص فالوقت الي عايزه و بالشكل الي قولتلك عليه
و قد كان...... تفاجأ النساء بصعود الكثير من العمال الي الطابق الاخير و معهم الالات التي سيستخدموها اثناء عملهم
عزه : كل دي عمال جايبها توضب شقه
ايناس بغيظ : طبعا تلاقيه هيعملها و لا الفلل عشان الكونتيسه
سماح : بطلو تاكلو في نفسكم الي حصل حصل خلاص و بعدين ندي جدعه و بنت حلال عاملوها كويس عشان ميحصلش مشاكل
نظرو لها بزهول و قالت ايناس بغيظ : انتي يا بت انتي مالك كده متغيره بقالك يومين اااايه هتبيعي اختك خلااااص و لا عايزه ترضي حبيب القلب علي حسابي
سماح بجديه : انا مبعتكيش و بعدين ايوه انا عايزه ارضي جوزي الي مليش غيره و مدخلش فالي مليش فيه ..انا عايزه احافظ علي بيتي يا نوسه
عزه : ايوه ايوه اظهري علي حقيقتك بعد ما كل يوم عامله مشكله معاه دلوقت بتتمحلسيلو عشان ميجبلكيش ضره
سماح : حتي لو كده ايه العيب فالي بعمله و بعدين انا و حسين اخدين بعض عن حب و الكل عارف لولا انا الي اتغابيت و بقيت اسمع لكلامكم و كنت هخسر جوزي و حبيبي الي كان بيتمنالي الرضي ارضي...مش عيب اني اعرف غلطي و اصلحه عشان احافظ علي بيتي ...انما انتو الاتنين حسن محبش و لا واحده فيكم فعادي انه يجيب غيركم واحده و اتنين لان و لا واحده قدرت تميل قلبه ناحيتها مش كده و بس لاااا معيشينه في نكد و هم كل يوم بقي يرجع البيت متاخر عشان يريح دماغه من مشاكلكم الي مش بتخلص يبقي متلوموش غير نفسكم و متحاولوش ترمو فشلكم علي غيركم
دلفت اليهم فاطمه و قالت : يسلم لسانك يا بتي عين العقل انتي دلوقتي رجعتي سماح حبيبه الحسين الي عينه مشافتش غيرها اوعي يا بتي تخلي حد يبخ سمه فودانك تاني سيبك من العقارب دول و معاهم امك دول نسوان عقلها فاضي و هيخربو بيوتهم باديهم
نظرت للباقي و قالت بقوه : ندي دي انا الي مربياها علي ايدي مع خديجه بتي و ليها معزه فقلبي ربنا الي يعلم بيها ...انا بحزركم من اولها لو واحده فيكم فكرت تدوسلها علي طرف انا الي هقفلها ساااامعين
مر يومان لم يحدث فيهم اي جديد غير ان الباشا بدأ يعتاد علي رسالتها الصباحيه رغم عدم تحدثهم سويا
و لكن اليوم مختلف عن سابقه......اليوم هو موعد حضور اهل ابيها لياخذوها كما يعتقدون
وجدت حالها تشعر بالخوف الشديد لاول مره في حياتها و لم تتردد ابدا في مهاتفته لكي يطمأن قلبها لمجرد سماع صوته
ابدلت رسالتها اليوم باتصال و لم يخذلها حينما رد عليها سريعا بعد ان افاقه رنين الهاتف من نومه و انتبهت كل حواسه حينما شعر بصوتها مهزوز و هي تقول : حسن
رد عليها بقلق ظهر في نبرته : مالك يا ندي فيكي ايه
ابتسمت بحب لشعوره بها فقالت دون مواربه : خايفه
اعتدل من مرقده و قام بسحب سيجاره و اشعلها حتي يفيق و قال : متخلقش الي تخافي منه و انا معاكي
هل تسمعون طبول الحب التي تقرع داخلها ....ردت عليه بصدق دون ان تنتقي ما يخرج منها : عمري ما خوفت و انت معايا يا حسن انا بمشي فالحاره بقلب جامد و اعمل مشاكل مع طوب الارض عشان بس عارفه انك في ضهري حتي ابويا ساب مسؤليتي و مصايبي عليك ....بس اااا
انتبهت كل حواسه و قال برفق : بس ايه
ندي : بس انهارده غير يا حسن انهارده المشكله مع اهل ابويا الي واقف محتار بيني و بين اخواته و عارف انهم مش هيسكتو ابدا عالي عمله ....يعني كده انت الوحيد الي هتحميني منهم .....هتسبني يا حسن
لم يفكر في رده عليها لاول مره حينما قال مندفعا : علي جستي ....يعدو علي جستي الاول قبل ما يفكرو يلمسو شعره منك ......يا بت افهمي انتي مرات حسن الباشاااااا
ضحكت بهدوء فاستغرب و قال : ايه الي قولته يضحك
قالت بفرحه ظهرت جليه في نبرتها : اصل لسه مش قادره استوعب قبل كام يوم فاتو كنت ديما تقولي يا بت انتي اختي اخت حسن الباشا ...و من كام يوم بس بقيت كل شويه تقولي يا بت انتي مرات حسن الباشا....زفرت بهم و اكملت بنبره شجيه : و انا واقفه بين الجملتين و لا انا عارفه ابقي اخت حسن الباشا و لا قادره ابقي مراته
احتار كثيرا في تحليل جملتها و التي من الممكن ان تفسر بعده معاني فاراد ان يريح عقله و سالها : يعني ايه مش عارفه و مش قادره اف.....قطع تواصله معها طرقا علي باب غرفته فقال : مين
خديجه : انا يا حسن كنت فكراك لسه نايم و امي قالتلي اشوفك عشان عيزاك
حسن : ثواني و جاي يا ديجا
عاد اليها و قال : كلامنا مخلصش يا ندي لينا قاعده مع بعض بعد ما اخلص من حوار النهارده ...ابتسم و اكمل بمزاح : هو صباحي مضحكش ليه انهارده يا ندوش
طار قلبها فرحا بعد ان شعرت ان تلك الرساله البسيطه اصبحت تؤثر فيه فانطلقت منها ضحكه حلوه و قالت : دانت صباحك بيضحك و شمسه طلعت كمان عشان كلمتك بنفسي
ضحك بمرح و قال : يخربيت ام التواضع الي انتي فيه يلا سلام يا جلابه المصايب.....
جلس يتباحث مع امه حول ما سيحدث اليوم و لا يشعر بمن تستمع لهم بابتسامه خبيثه و التي اتسعت حينما سمعت امه تقول : بس انا خايفه يا ولدي اهل وجيه ناس قادره و اكيد هيعملو مشاكل مش هيعدوها بالساهل
حسن بقوه : انتي مستقله بابنك ياما و لا ايه اذا كان بيبو لما قال فكره جوازي من ندي عشان بس عارف اني الوحيد الي هقدر احميها من اهل ابوها الي عايزين يجوزوها لواحد قد ابوها عشان يخلصو من التار الي بين العلتين و عم وجيه لو مكنش عارف اني اقدر عليهم مكنش وافق اكتب عليها في وقتها
تحركت من مكانها قبل ان يراها احد و هي تقول بداخلها : بقي هي الحكايه كده هههههه دي احلوت اووووي
صعدت لشقتها سريعا و اتصلت برقما ما و حينما اتاها الرد قالت : انت فين يا وليد
استغرب كثيرا و قال : خير يا عزه في حاجه
عزه بخبث : ده خير و خير كبير اوووي كمان تعالي بسرعه هتلاقيني عالسطح بس متتاخرش و متخليش حد يشوفك
وليد : بقولك ايه انا مش فايقلك اخلصي
ضحكت بمكر و قالت : هتفوق و اووووي كمان لما تعرف الي عندي و .....قلبك هيرتاح بس اخلص قبل ما الدنيا تتزحم عشان الناس الي جايه انهارده
وليد : ايه الالغاز الي بتكلمي بيها دي و ناس مين الي جايه
صرخت به بحده : بقوووولك ايه ليك عندي مصلحه تخص حبيبه القلب اكتر من كده مش هقول عايز تعرف تعالي حالا يلا سلااااام ....و فقط اغلقت الهاتف في وجهه و هي علي يقين انه سياتي في لمح البصر
و لم يكذب حدثها بعد ان وجدته امامها يلتقط انفاسه بصعوبه بعد ان صعد الست طوابق جريا
ابتسمت بمكر و قالت : ايوه كده تعجبني متاخرتش
رد عليها بغضب من بين انفاسه اللاهثه : انتي تقصدي ايه بكلامك ده و مين حبيبه القلب الي بتكلمي عليها
نظرت له بحقد و قالت : ندددددي ....نظر لها بصدمه فاكملت بخبث : متستغربش انا سمعتك انت و امك
شرد بعيدا يتذكر ما حدث حينما علم بزواج حسن من حبيبته
فلاش باااااك
_____________
صفيه : مش حسن هيتجوز يا وليد
نظر لها بصدمه و قال : يا نهار الي جابوه اسود تااااالت و طبعا ابويا و لا يقدر يعترض ....زفر بحنق و اكمل : و مين الي عليها العين المرادي
صفيه : ندي
صدمه الجمته و لم يستوعب ما سمعه فسال بزهول : بتقولي مين ...ندي مين ياما
صفيه : هو فيه غيرها مقصوفه الرقبه بت وجيه باين عليها زاغت في عينه يوم عيد ميلاد بته مالي كانت عملاه في نفسها وهو مكدبش خبر تاني يوم كان متقدملها و بكره كتب كتابه عليها
علي جسسسسسسستي سااااااامعه ....هكذا صرخ بقهر بانتفضت امه بزعر و قالت : و انت مالك يا واد اذا كان اختك معترضتش
وليد بجنون : مليش دعوه باختي ..... انا هولع فيه قبل ما ياخدها مني مش هعترض بس ...كاد ان يذهب الا ان امه تصدت له بالقوه و هي تقول بغضب ؛ رايح فين يابن الكلب انت فاكر نفسك قده و بعدين انت مالك بيه ميتجوز و لا يتحرق بجاز وسخ
صرخ بقهر : يتهبب بس مش البت الي بحبهاااااااا
حل الصمت علي المكان و لكنها نظرت له بصدمه و قالت و هي تضرب صدرها بكفيها : ياااااا مصيبتي بتحب مين يا ولااااا بتحب ندددي عشان كده رافض الجواز
هبطت دموعه و قال : ايوه ياما بحبها من زمان و مردتش اتقدملها لما لقيتها رافضه فكره الجواز من اصله قولت اصبر عليها لحد ما تنوي و اكون انا الي ليا النصيب معاها
ردت عليه برفق : يبقي هيا كمان كانت عينها منه خلاص يا بني حكايتك خلصت قبل ما تبتدي انساها و متجبش سيره لحد ابداااا بدل البيت ما يولع و احنا مش قده
باااااااااااااك
________________
ابتسمت بخبث و قالت : افتكرت ههههه اهو انا بقي سمعت كل الي انت افتكرته و جيبالك خبر بمليون جنيه .....نظر لها باستفهام فاكملت : ندي اصلا مش عيزاه و مغصوبه عليه
وليد بلهفه حاول مدارتها : عزه الحكايه مش ناقصه لوع جبتي الكلام ده منين
قصت عليه كل ما سمعته ثم قالت بغل : كده عرفت السبب يبقي فرصتك و جات لحد عندك
وليد : فرصه ايه ماهي هتبقي علي زمته هعمل ايه انا
عزه : انا هقولك
جلس وجيه مع حسن امام معرضه وهو في حاله من القلق و الخوف كانت ظاهره علي ملامحه بوضوح فقال له حسن : مالك بس ياعم وجيه شكلك خايف كده ليه انت مش واثق فيا
وجيه : و الله يا بني يعلم ربنا انا مش بثق في حد قدك من بعد ابوك الله يرحمه و الا مكنتش امنتك علي بنتي بس الي مخوفني خسارتي لاهلي مش هيعدوها بالساهل و هيقاطعوني بعد ما كنت بطمن عليهم بالتلفون او هما كل فتره يجولي كده هتبقي قطيعه
زفر حسن بغضب مكتوم و قال : متاخذنيش فالي هقوله هما لو ناس بتفهم مكنوش فكرو كده مالاساس في ميت طريقه عشان ينهو التار الا انك ترمي بتك لواحد قد ابوها و تعيش في بلد عمرها ما دخلتها قبل كده
كاد ان يرد عليه الا ان هاتفه صدح باتصال من اخيه فنظر لحسن بخوف و لكن الاخير نظر له بطمأنه فرد علي المتصل قائلا : فينك يا حماد
حماد : اني داخل عليك اني و الرجاله اهه
وجيه : تمام انا منتظرك فالحاره .....و فقط اغلق معه و قال لحسن : داخلين علينا خلاص
وقف حسن بشموخ و قال لاخيه و من معه : جهز الرجاله يا حسين عشان اي عوق نبقي متحضرين
لم تمر الا بضع دقائق و وجدو حماد و معه اكثر من خمسه رجال يبدو عليهم القوه و الهيبه يتجهون ناحيه وجيه و الجميع ينظر باستغراب لهذا المشهد و الذي ينبىء عن وقوع كارثه بعد ان وجدو حسن و اخيه و كرم و بيبو و معهم ايضا عبد الرحيم و وليد الذي اصر علي الحضور بعد حديثه مع تلك الحرباء ...ناهيك عن رجاله الذين يعملون لديه الجميع ملتف حوله
وقف الرجال قباله وجيه فقال حماد : وااااه انت مجهز رجاله لخوك يا وجيه هو ديه استجبالك لينا و لا يكونش هتخوفنا بيهم
قبل ان يتفوه وجيه بحرف كان يرد حسن بقوه : محدش فينا غريب يا عمده احنا نسايبه ...انا خطيب بته و دول اهلي و لما قالنا انك جاي كان لازم نكون في استقبالك ...نظر له بقوه و اكمل : مش دي الاصول برده
علم حماد ان الرجل الذي امامه ليس بهين علي عكس ما كان يعتقد و لكنه ابدااا لن يظهر ذلك فقال بتجبر : ...........
ماذا سيحدث يا تري
*********** قلب الباشا **************
بقلم الكاتبه
🌹🌹 فريده الحلواني 🌹🌹
💙الفصل السابع💙
صعد بها ليريها شقتها الجديده حتي تخبره اذا ما ارادت شيئا معين فيها
بعد ان تفقدتها كلها ابهرتها المساحه الكبيره و لكنها قررت ان تشكره علي ما فعله معها قبل اي حديث
وقفت قبالته و قالت بنعومه استغرب هو منها : حسن ...شكرا عالي عملته معايه سواء مع اهل ابويا او علي ردك بعد الي قاله وليد...انا عارفه ان اتفقنا زي ما هو و انت عملت كده بس عشان متقلش مني قدامهم
نظرت له وهي رافعه راسها للاعلي نظرا لفارق الطول ثم اقتربت خطوه و وقفت علي اطراف اصابعها طابعه قبله رقيقه مثل رفرفه الفراشات علي وجنته و صاحبتها اجمل ابتسامه راها يوما
صدم من فعلتها ووضع كفه مكان قبلتها و قال : ايه ده
ردت عليه وهي تتصنع المزاح لتداري خجلها : مش و احنا في اسكندريه بوستك عالخد ده ..وضعت يدها مكان ما تشير و اكملت : قولت ابوس التاني عشان ميزعلش يا حسن.....لما اسمي اصبح له نغمه خاصه يرقص لها قلبي حينما ينطلق من بين شفتيها ....هل اذا ما تذوقته بشفاهي اكون مخطئا ...لا و الله ...انا مجرد بشر ...يشتهي فاكهه حلالا له ...فلما يحرمها علي حاله .....و هنا الغي عقله تماما بعد ان اطلق عده اشارات تحزيريه ..... حاوط خصرها بزراعه و هو ينظر لها بتمني لم يشعر به يوما تجاه احد....رفعها ليصبح وجهها قباله وجهه و قال بهمس مغوي وهو يلامس ثغرها بخاصته : و انا كمان لازم اشكرك انك وافقتي علي كلامي قدامهم و معرضتنيش زي عادتك.......لم تفهم ماذا حدث بعد ذلك اذ انه اختطفها فوق سحابه ورديه حلقت بها في سماء عشقه و لا تستطع التركيز في قبلته الهادئه ...الرقيقه ...الحالمه ...و التي كان يتزوق فيها كل انش داخل فمها الذي يثير جنونه ...بكل تمهل ...و كأن الوقت توقف من حوله في تلك اللحظه حتي انه لا يعلم كم مر عليه و هو ينهل من شهدها الا بعد ان شعر باختناقها ...فصل قبلته دون ان ينزلها ...ثم قبلها فوق جبينها برقه بالغه و قال : شكرا يا ندي
فتحت عيناها و نظرت له بعشقا خالص لم تخبأه عنه بعد الان و لم تقل شىء فاكمل هو بهمس رقيق : عارفه يعني ايه راجل يبوس راس واحده
هزت راسها برفض فاكمل : يعني تقدير و احترام يا ندي
نظرت له بتساؤل و قالت بصوت مبحوح : مش فاهمه ..تقصد ايه
انزلها برفق و قال : يمكن يجي وقت و افهمك معني كلامي ...صمت قليلا و اكمل بندم : انسي الي حصل دلوقت ...يلا بينا ....و فقط اعطاها ظهره و اتجه ناحيه الباب ناويا المغادره ....او الهروب.....
بدأ العمال الذين اتي بهم ليعملو ليلا و نهارا حتي يستطيعو انهاء عش الزوجيه و قد طلبت منه ان يكون داخل غرفه النوم الرئيسيه مرحاضا خاصا بها فقال بمزاح : و دي هتبقي اوضتي و لا اوضتك
ردت عليه بغيظ : بتاعتي طبعااااا انت هتنام في اوضته الاطفال يا حسن
نظر لها بغيظ و قال : طب بزمتك انتي مصدقه نفسك و انتي بتقولي الكلام ده ...يا بت دانا اطبقك و احطك في جيبي الصغير راعي فرق الاحجام يا ماما
لم تجد غير الضحكه التي انارت وجهها لترد بها عليه ...هكذا اصبحت في الاونه الاخيره تضحك معه من قلبها و في غيابه تبتسم وحدها كلما تذكرت مناوشاتهم سويا
اما عن تلك القبله ....قد تجاهلها الاثنان عمدا حتي يستطيعا التعامل معا باريحيه
انشغلت في شراء ما ينقصها من احتياجات العروس
وهو التهي في عمله حتي يستطيع التفرغ لاجازه الزفاف
و اليوم هو اول يوم تذهب فيه الي بيتها الجديد لتبدأ في فرشه و تجهيزه بعد ان نقل لها كل ما يخصها في بيت ابيها اول امس ..( ما يسمي جهاز العروس)....كان بصحبتها امها و اختها و خديجه و فاطمه
قالت الاخيره بفرحه : بسم الله ما شاء الله يا سناء حاجه ندي محدش جابها بس ليه كل ده يا وليه دا جهازها يجوز اربع عرايس
سناء بفخر : هو انا حيلتي غير هي و اختها و بعدين مانتي عارفه يا حاجه بقالي كام سنه بشور فيها ...
خديجه : تتهني بيهم يا رب و الله يا خالتي حسن كمان و احنا بنشتري العفش بقي ينقي اغلي حاجه و يقول دي ست البنات لازم اجبلها الي متجبش لحد ربنا يبعد عنهم العين يا رب
نظرت مني لاختها بمغزي فابتسمت الاخري بخجل
كاد ان يصعد الي الاعلي حتي يري ما اذا كانو يحتاجون شيئا ....او هكذا اقنع حاله
و لكن وجد عزه و ايناس يقفان امامه بطريقه كادت ان تضحكه و لكنه رسم التجهم علي وجهه و قال : في ايه يا وليه منك ليها عاملين زي ريا و سكينه كده ليه
عزه : عايزينك في كلمتين و مش عارفين نتلم عليك يا باشا من وقت ما بقيت عريس
نظر لها بغضب و قال : انتي عارفه اني مبكرهش في حياتي قد تلقيح النسوان ده انطقي علي طول من غير لوع
ايناس بغل : طب سكه و دوغري يا باشا انت هاجرنا من وقت الكلمتين الي حصله مع الحاجه و كانك ما صدقت و اهو بتجهز لجوازك و فرحان بالعروسه الجديده بس مش عدل ربنا بيقول ان احنا لينا حق عليك بردو
نظر لها ببرود و قال : ليكو و هتاخدوه مقولتش حاجه بس لما اصفالكم الاول
عزه : و ده هيحصل امتي يا حسن
امتعضت ملامح وجهه بعدما سمع اسمه منها برغم انها كانت تقوله دائما ...و لكن لما الان لا يستصيغه الا منها
نفض افكاره و قال بعد ان بدأ في اكمال طريقه الي الاعلي : بعد ما اخلص اجازه جوازي هعملكم جدول
و فقط ....اكمل طريقه دون ان يلتفت لهم و لكنه لم يري نظرات الحقد المطله من اعينهم ....لكنه شعر بها
عزه بشر : ماااااااشي يا باشا هسيبك تفرحلك يومين و بعدها........البادي اظلم
ماذا سيحدث يا تري
يتبع
😘دمتم ساالمين😘
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺