رواية رحله لذيذه الفصل الاول بقلم حياة محمد حصريه وجديده على مدونة أفكارنا
 |
رواية رحله لذيذه الفصل الاول بقلم حياة محمد حصريه وجديده على مدونة أفكارنا
في احدى القرى السياحية المطله على البحر
كان الكل مستمتع بالجو الحلو ومية البحر المنعشة.
كان اتنين قاعدين يضحكوا ويلعبوا ومش منتبهين للى قاعدة تراقبهم وهى متغاظه.
شريفه: اه يانا انا يحصل معايا كده منك لله يا حسام يابن خالتى ام حسام إلاهى يلدعك قنديل في ننى عينك عشان ماتعرفش تشوف الزفته اللى جنبك منك لله إلاهى ينكد عليك زى مانت منكد عليا
ـ شششششش
شريفه:- بس انت راخر لا وانا إللى قعدت احلم بالرحله الزفت دى واحوش في فلوسى واشترى لبس عشان تلتفت لى تسيبنى وتروح للصفرا دى زياده عنى ايه دى ولا حاجه هو بس عنيها خضراء وشعرها اصفر وبيضه
واموره زيادة بس
-شششش ارجوكى أخفضى صوتك.
-شريفه : مش خافضه حاجه ده ايه الكبت وقله الحريه دى
- سيدتى صوتك المرتفع يفسد تركيزى اريد بعض الهدوء من فضلك
شريفه- يادى النيله يعنى سايب بلدكوا والشط والبحر وجاى تلعب شطرنج هنا.لا وبتلاعب نفسك
- من فضلك سيدتى
بصت للشطرنج في تركيز وبعدها قالت:خليك في لعبتك الخايبه دى وسيبنى أحر في نفسى من حسام والبت هدير مقصوفة الرقبه
انا خلاص سخنت وولعت كده حلو أوى هاروح
اجيبها من شعرها وامسح بها الشط وبعدها هشلفط وشها ده وهخليه شوارع و
- ارجوكى انستى افسدتى أ لعبتى ريد التركيز ارجوكى
-شريفه: بقولك ايه انا في مرحله مهمه هشوف هاعمل فيها ايه بعد ما اشلفط وشها
بصوت مرتفع: ((سيدتى ارجوكى))
- شريفه: ارجوكى ارجوكى زهقتنى في عيشتى لا عارفه اتغاظ براحتى ولا عارفه احر في نفسي براحتى ولا حتى عارفه اخطط لهم براحتى على إيه وبعدين ادى لعبتك
وشدت كرسيها وحطته مواجه له وبدون مقدمات شالت الطابيه وحطتها مواجه للعسكري.
بص لها السائح الأجنبي وقال: هذه اغبى لعبة رايتها انتى تضحين بالطابيه
شريفه- العب العب من غير فزلكه
-لا افهمك ولكن حسنا وببساطه اكل الطابيه بالعسكرى
سحبت الحصان ووضعته مكان العسكرى وقالت: كش ملك
(( فتح عينيه بإنبهار لانه لم يتوقع حركه الحصان وخاصه انه بيهدد الملك والوزير بحركه واحده)) وبعد تفكير حرك الملك خطوه واحده.فأكلت الوزير بالحصان وقالت كش ملك
ففكر قليلا وبعدها حرك الملك فى الاتجاه التانى.فحطت الفيل مواجه للملك وبعدها قامت و سحبت كرسيها..
بص لها السائح بإنبهار وقال: انستى لقد هزمتينى
- شريفه: ((بدون اهتمام))ما انا عارفه
-السائح: كيف استطعتى هزيمتى وفي اربع خطوات فقط.
شريفه بقولك ايه انا مش فاضيه.انا عندى مهمه حاليا عن اذنك
السائح: انتظرى انستى هل ممكن ان تلعبى معى مباراة أخرى
-شريفه:يووووه انا مش فاضيه
السائح: ارجوكى انستى
-شريفه: يوووه ماشى أقصد حسنا دورا واحد فقط
وبعدها هروح امسح بها الشط
وبعد اكتر من ساعة
السائح: لا اصدق هذا... مستحيل..انسه انتى هزمتينى ثلاث مباريات متتالية
شريفه: انت اللى خرع ومش قد كده
السائح: سيدتى انا مقياس ذكائى 155 و بطل مقاطعتى في هذه اللعبة.
شريفه: يبقى انت اذكى الاغبيا في بلدكم عن اذنك ومشيت في اتجاه الشط في حين وقف السائح يراقبها وهى متجهه مخصوص في إتجاه هدير وبحركه مدروسه مثلت انها دايخه ورمت نفسها عليها
صرخت هدير من المفاجأه ومن تقل البنت عليها.
اسرع حسام يلحقها لكن شريفه كانت متعمده ترمى كل ثقل جسمها
حسام وهو بيقومها: ايه ده يا شريفه مش تاخدى بالك
شريفه وهى لسه بتمثل: طب وانا هعمل ايه دخت فجأة اعمل ايه يعنى هو انا قاصده
هدير: شيلوها من عليا دى كتمت نفسى
اسرع لها السائح وقام بمساعدتها: هل انت بخير انسه.. وبعدها سحبها معه ولما ابتعدوا ضحك بصوت عالى وقال: انتى خطيرة جدا
شريفه::حقا
السائح: لقد رايتك حينما تعمدتى السقوط عليها
ضحكت شريفه وقالت: تستاهل بنت المخلعه دى
السائح: انا روچر وانت
شريفه: شريفه
روچر: ش...ش..ماذا
شريفه: ايه ايه ايه مش عجبك ولا ايه الا يعجبك اسمى؟
روچر: لا اقصد ولكنى لا أفهمه
شريفه:اسمى شريفه شر...يفه. وهو اسم عربى ومعناه ذات الاصل النبيل
روچر: تقصدين دوقه اذن؟
شريفه: شوفوا الناس اللى بتفهم دوقه حلو
روچر: انستى انا لا افهم العربيه فلو سمحتى تحدثى معى بالانجليزيه
شريفه: أولا انا كنت اتحدث المصرية وليست العربيه
روچر: وما الفرق
شريفه: مثل الفرق مابين الانجليزيه والأمريكية.
روچر: الاختلاف في اللكنه
شريفه: اسم الله عليك اهى هى دى اللكنه.
روچر : حسنا انت لاعبة شطرنج ماهره جدا من مدربك
شريفه: مدرب مين صلى الله النبى
روچر: ماذا
شريفه: أقصد والدى لاعب ماهر جدا فهو يلاعبنى بدون الوزير ودائما يهزمنى
روچر بإنبهار: حقا لابد انه من اعظم المدربين لهذه اللعبة هل يمتلك مدرسه تعليمية لتعليم اللعبه لابد انه مشهور جدا
شريفه بسخرية: تعليم ايه الشطرنج ومشهور مين ده بابا.(( ياسيدى عندنا لاتوجد لعبه مشهوره سوى كرة القدم ولا لاعبين مشهورين سوى لاعبى كرة القدم فقط))
روچر: كرة القدم فقط
شريفه: وياريت ناصفينا دا مجدي عبد الغني ذاللنا على حتة جون جابه من يجى ٣٠سنه
روچر: ماذا تقصدين.
شريفه: ولا حاجه ياعم ده انا كده هروح في داهيه.
والتفتت مره تانيه تراقب حسام فقال لها روچر: تحبينه
شريفه: الغبى الكلب الجزمه
روچر: لا افهمك لكن اظن انك قلتى نعم
شريفه: عملت كل حاجه عشان يبص لى دخلت نفس كليته عشان اقرب منه ولا كانى موجودة وبطلع الأولى على الدفعة كل سنه انه حتى يفكر فيا ولا على باله حتى ومش شايفنى مهما عملت وحاولت اقرب منه حتى الرحله دى جتها عشانه فبدل ما يهتم اول كلمه قالهالى انا مش مسؤل عنك عيشى حياتك بعيد عنى ومالكيش دعوه بيا
روچر: الترجمه من فضلك
شريفه: حسنا هو ابن خالتى.واكبر منى بعامين
روچر: وانت معجبة به هذا يفسر تصرفك الغريب تغارين عليه.
شريفه: لا تبالى حسنا سررت بمعرفتك روچر.
&&&&&&&&&&&&&&ـ&&&&&
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺