رواية حبيبي المدير الفصل الخامس والاربعون بقلم الكاتبه شيماء صبحي حصريه وجديده على مدونة أفكارنا
 |
رواية حبيبي المدير الفصل الخامس والاربعون بقلم الكاتبه شيماء صبحي حصريه وجديده على مدونة أفكارنا
"تم نقل ياسر الي المستشفي بعدما تعرض الي سكتة قلبيه وفي الوقت دا الاخبار كلها بقت تتكلم عنه وفي نفس الوقت كانت ناني بتتفرج علي التيلفزيون وشاهدت الخبر نازل واللي كانت المزيعه بتتكلم وبتقول:شاهد معنا رجل الأعمال الشهير والمليونير ياسر غنيم بعدما تعرض للنصب والاحتيال من قِبل شركة ph الإيطالية وتعرضة لسكتة قلبيه وتم نقله الي المستشفي والي الآن لم يخبرنا احد عن طبيعة حالته!!
ناني وقفت بصدمه وهيا بتقول: يا لهوي ابني … كملت بصريخ:يااااااسر؟
ممدوح ومنعم انتبهوا لصوتها العالي فقرب منها ممدوح وقال:بتصرخي ليه يا ناني ايه اللي حصل!
ناني قالت وهيا بتشاور علي التيلفزيون وبيكون عارضين فيديوا لياسر وهو علي الترولي وداخل للمستشفي :ابني يا ديحة..ابني هيموت..اعمل اي حاجه بسرعه؟
ممدوح بص لمنعم بمعني يقول ايه فوقتها اتكلم منعم بداله وقال وهو بيوجه كلامه ليها:ناني هانم ديحة باشا مش هيقدر يساعدكوا بحاجة!
ناني بصتله وهيا ضامة حاجبها بتساؤل وهو بص لممدوح وقال:ديحة باشا مش ديحة باشا ولا حاجه دا شخص عادي واحنا كنا بنفذ مهمتنا بس مش أكتر؟
كان وقتها ممدوح حاضنها وهيا اول ماسمعت كلام منعم بصتله بخضه وقالت:اييه..انت بتهزر يا مو؟
منعم ابتسم بسخريه وقال:حتي اسامينا مش صحيحة انا اسمي مختلف بس مش هينفع اقوله ..ولاكن مو دا كان اسمي في الشغل؟
ناني بزعيق وصوت عالي:دا مش وقت هزار يا مو انت وديحه بقولكم ابني هيموت ساعدوه !
ممدوح حرك راسه بالرفض وقال:هو عنده حق يا ناني احنا كنا بنضحك عليكي علشان ناخد فلوسك مش أكتر!
ناني بصتلهم بصدمه وقالت:يعني ايه..انت مش باشا ولاحتي غني..يبق انت مين؟
اتكلم ممدوح بهدوء:واحد عادي بنفذ مهمتي مش أكتر..
ناني صرخت في وشهم بغضب واتحركت من قدامهم علشان تخرج من الفيلا وتروح لابنها ولاكن ممدوح وقفها لما قال بضيق:استني هنا مفيش مرواح في حته انتي هتفضلي هنا لحدما الباشا يدينا الأوامر!
ناني بكت وقالت بغضب:ابعد ايدك دي يا حيوان انت..انت متعرفش انت لعبت مع مين..دا انا هوديك في داهيه استني بس علشا افوقلك..
منعم قرب منها وقال بغضب:اهدي يا ناني لان اللي بتعمليه دامش هيفيدك بحاجه وابنك دلوقت في الحفظ والصون دي مجرد سكتة قلبيه مش أكتر يعني متقلقيش؟
بصقت ناني في وشه وقالتبغضب:اسكت يا حيوان يا سافل منك ليه.. دا انا هطين عيشتكوا علش نصبكوا عليا وخذاعكوا ليا كل الفتره دي؟
منعم اتعصب ومسح وشه وكان هيضربها ولاكن ممدوح وقفه وقال:اهدي يا منعم هيا برضوا مضغوطه يعني دا مهما كان ابنها!
قالت بقهر وهيا بتبصله :سيبوني ..سيبوني امشي من هنا..رجعت شعرها لورا بصدمه::اااه يا كلاب ازاي تخدعوني كل دا وانا ماشيه وراكوا زي الهبله وضيعت نفسي وضيعت ابني!
قال منعم بسخريه:احنا معملناش حاجه انتي كنت ضايعه من البدايه يا هانم وابنك وقع لانه غبي وبسبب تصرفاته الغبيه الباشا انتقم منه!
ناني بتساؤل:مين الباشا دا اللي خلاكوا تعملوا فيناده!
منعم بضحك:يعني انا هقولك يعني هوا مين..ههه انسي يا هانم وزي ما بنقولك اهدي وادخلي ناميلك شويه هدي اعصابك كده علشان مفيش خروج من هنا لحدما ناخد الاذن من الباشا؟
ناني حست انها غبيه لاول مرة في حياتها فقربت منه علشان تضربه ولاكن ايد ممدوح القوية منعتها فبصتله بحزن كبير وقالت:بق بتخدعني انا كل دا..يلعن ابو الحب اللي يخليني اضيع كده يا اخي!
بصلها وسكت وهيا فضلت تضربه في صدره بقهر :سيبونييييي..ابني هيروح مني يا كلاب ابني بيموووت!
شالها ممدوح وساعده منعم علشان يطلعوها الاوضة ويقفلوا عليها وهيا كانت بتقاومهم لحدما طلعوها للاوضه وكانوا هيسبوها لوحدها ويقفلوا عليها بس ممدوح طلب من منعم انه هيفضل معاها فوافق منعم وطلب منه ياخد باله لتضحك عليه وتهرب منه..
فوافق ممدوح علي كلماه ومنعم خرج من الغرفه وممدوح اول ما بص في وشها قال:اهدي يا ناني واحمدي ربنا انه راح المستشفي والدكاتره اكيد معاه!
بعدت ناني عنه وهيا بتبص علي اي حاجه في الأوضة علشان تضربه بيها وتهرب ولاكنه مسكها وكتفها وقال بتهديد:انا بحبك ومش عايز أذيكي اسكتي واهدي كده لان اللي بتعمليه دا مش كويس علشانك؟
زفرت بضيق وحاولت تفك نفسها ولاكن فشلت لانه كان ضاغط جامد عليها..فبدات تبكي بصمت وهيا بتفتكر كل لحظة ابنها نصحها فيها تبطل لعب قمار لانه هيضيعها واكتشفت دلوقت انه عنده حق..فكانت بتبكي اكتر علي حالها لحدما افتكرت انها مش هتعرف تروحله فبصت علي ممدوح بقهر وهيا بتردد اسم ابنها وبتقول ببكاء:ياسر..حبيبي ..قوم بالسلامه وانتقم منهم ..قرم يا ياسر وانتقم من كل اللي اذوك ومتسبش حقك؟
ممدوح بصلها بصمت وهيا حاولت تبعد تاني ولاكن معرفتش فقالت بضيق:سيبني يا اسمك ايه انت وخليني اخد نفسي!
وافق ممدوح وبعد عنها وهيا قعدت علي السرير وهيا ضامه رجليها لصدرها وبدات تبكي وهوا كان واقف وبيبص عليها وساكت ومستني منعم لما يبلغه هيعملوا معاها ايه!
____________وفي المستشفي وبعد مرور ساعتين خرج الدكتور من غرفة ياسر وبلغ مساعدين ياسر انهم بفضل الله لحقوه بسرعه وانه دلوقت بق بخير؟ولاكن مستننينه يفوق!
المساعدين شكروا الدكتور وخرحوا يبلغوا الصاحفه علشان يهدوا وبعدها رجعوا تاني ووقفوا قدام الغرفه اللي فيها ياسر وهما مستغربين فين والدته وازاي بعدما عرفت ان ابنها في المستشفي مجاتش.
________وفي شركة الصياد وبالتحديد في مكتب شوقي وبعدما تابع كل الاخبار وعرف اللي حصل مع ياسر بدا يتوتر ويخاف من ماهر لانه واثق ومتاكد ان كل دا من تدابيره فكان قاعد وخايف لحدما لقي اتصال من مديرة مكتب ماهر بتبلغه ان ماهر باشا مستنيه في مكتبه.
بدأ جسم شوقي يرتعش فقام بسرعه واتحرك في اتجاه مكتب ماهر وهو خايف من رد فعله ..
فدخل للمكتب بعد ما فكر اكتر من مره يرفض الدخول ولاكن في الاخر دخل علشان ميتعاقبش فقرب من ماهر وركبه بتخبط في بعض واول ما ماهر شافه قال بجديه:حمدلله علي سلامتك يا شوقي عامل ايه!
شوقي بصوت ضعيف:الحمدلله يا فندم ازي حضرتك!
ابتسم ماهر بفرحه وقال:انت شايف ايه!
شوقي بتوتر:حضرتك بتضحك،يبق اكيد بخير؟
حرك ماهر راسه وطلب منه يقرب منه ويقعد علي الكرسي اللي قدامه فاتحرك شوقي وقعد قدام ماهر وفجاه ماهر قام وقف وقرب من شوقي واللي كان جسمه اتنفض وكان مغمض عينيه وبيدعي انه يسلم من تحت ايد ماهر!
ماهر حط ايديه علي كنف شوقي اللي اتهز من مكانه بخضه وقال:تفتكر ان ياسر هيقوم من ازمته دي يا شوقي ؟
شوقي بتوتر:لا يا فندم ياسر بيه معندوش حد يساعده واكيد بعد اللي حصل كل حاجه انتهت من تحت ايديه!
ماهر حرج راسه بالموافقه وقال:طيب يا شوقي لو انت مكانه وخسرت كل ما تملك ايه اول حاجه هتفكر فيها؟
شوقي وهو بيبصله بتوتر:هنتقم يباشا..هنتقم من اللي كان السبب؟
ماهر حرك راسه وقال بتساؤل:وتفتكر بق يا شوقي مين اللي كان السبب في ان ياسر يخسر كل حاجة!
شوقي بص حواليه وبلع ريقه ورجع بص لماهر وقال بخوف:حضرتك ،يا ماهر بيه!
ماهر قعد قدامه وضرب علي المكتب بزعل منه وقال:بق كده يا شوقي بتظلمني..بق انا السبب في خسارته يا راجل؟
شوقي بصله بخوف وحرك راسه وقال:بس حضرتك اللي بعتله الناس تنصب عليه!
ماهر ضحك علي كلام شوقي وقال :يااه يا شوقي دا انت متابع بق..يعني انا اللي بعتله الشركة الايطاليه وقولتهم ينصبوا عليه؟
شوقي حرك راسه برفض وقال:لا يافندم حضرتك مبعتلوش الشركة الايطاليه بس بعتله مجموعة الفؤاد!
ماهر ابتسم وقال وهو بيقرب منه:ايواا ..مجموعة الفؤاد..عرفت بق منين يا شوقي اني بعت لياسر مجموعة الفؤاد برغم اني قايلك اني هبعتهم بعد اسبوع؟
شوقي بصله بتوتر وقال:عرفت يا فندم من..من
قاطع كلامه ماهر وقال:من عند الست الوالده مش كده'
سكت شوقي وماهر قال:مستني ايه تاني علشان تتعظ يا شوقي اكيد بلغته باللي حصل دا؟
شوقي باعتراض:ابدا ياباشا والله ابدا داحتي كان بيتصل عليا وانا بتجاهله..انا صحيح كنت عارف ان مجموعة الفؤاد راحتله لاني كنت معاه بس معرفتوش اي حاجه تخص النصب والله يا فندم؟
ماهر بسخريه:نصب ايه يا شوقي انت هتصدق انت والحيوان دا..المجموعة مش نصابه علشان تنصب عليه دي كل الحكايه انهم اخدوا كل الفلوس اللي اخدها مني ياسر من ثلاث سنين ولا نسيت؟
شوقي بموافهه علي كلامة:لا منستش يا فندم دا فعلا حقك!
ماهر حرك راسه بالموافقه وقام من علي الكرسي واتجه للخزنة الكبيرة اللي في مكتبه وطلع منها شنطة فيها فلوس وقرب من شوقي وقال:امسك يا شوقي..خد الفلوس دي وخد بنتك من هنا وسيب البلد..علشان لو ياسر فاق وعرف انك خنته مش هيسيبك لا انت ولا بنتك عايشين؟
اتوتر شوقي من كلام ماهر فقال بتساؤل:حضرتك بتقول الحقيقه؟
ماهر ضم حاجبه وشوقي قال:خلاص يا فندم موافق.. بس هسافر اروح فين؟
ماهر:اي دولة متخطرش علي باله..اقولك روح كوريا يا شوقي اهو هناك هتعالج بنتك..لان علاجها متوفر هناك!
شوقي حرك راسه بسرعه وقال:حاضر يا فندم اللي تشوفه!
ماهر اداله الشنطة وشوقي اخدها وقال:هساقر امتي يا باشا؟
ماهر بجديه:معاك ثلاث ايام تجهز فيهم دنيتك هنا وتمشي ومش عايز اشوفك في مصر تاني يا شوقي لاني لو في يوم لمحتك مش هيكفيني فيك طلقه فهمت!
شوقي حرك راسه بالموافقه وقام بسرعه خرج من مكتب ماهر واتجه لمكتبه لم حاجته بسرعه وخرج برا الشركة وراح لبيته علشان يهدي ويشوف هيعمل ايه!
وعند ماهر كان جاله اتصال من منعم بلغه فيه بكل للي عملوه مع ناني والدت ياسر وماهر شكر منعم علي تصرفه الجريئ وقال:خليها عندكم لحدما ابنها يفوق ويتحكم عليه علشان لو خرجت مش بعيد تبوظ كل حاجه!
منعم اتكلم بتأكيد:متقلقش يا فندم ان شاء الله مش هنخليها تروح في اي حته!
ماهر بشكر:شكرا علي وقفتك جمبي يا منعم وعلي تعبك معايا!
ابتسم منعم وقال:العفو يا فندم بس حضرتك متنساش وعدك ليا انا وعروستي!
ضحك ماهر وافتكر انه وعده يتكلف بماصريف جوازته فقال:متقلقش يا منعم انا مش ناسي؟
ابتسم منعم وشكر ماهر وبعدها قفل التيلفون.
فقرر ماهر يتصل علي احلام علشان يطمن عليها واول ما سمع صوتها قال:حبيبي عامل ايه!
ابتسمت احلام بخجل:كويسه طمني انت عليك !
ماهر:بخير يا حبيتي بس قوليلي مروة عامله ايه ..ضحكت احلام وقالت:اول مرة اشوفها بالشكل دا البنت مش طالعلها صوت وكل شويه تقعدني علي اساس اني العريس وتعمل بروفه علشان لما تيجي تقدم العصير؟
ابتسم ماهر علي كلامها وقال:ربنا يهديها المجنونه دي وبالمناسبه انا بعت لمصمم فساتين زفاف عالمي يصمملك الفستان اللي اختارتيه؟
احلام بصدمه:بتقول ايه؟
ضحك ماهر وقال:هو بلغني ان الفستان هيخلص بعد اسبوعين اجهزي بق يا عروسه علشان مفاضلش كتير علي فرحنا!
خجلت احلام وقالت بصوت هادي:حاضر هجهز بس زي ما اتفقنا تبطل تحر/ش علشان احم اعرف يعني اني..مقدرتش تكمل كلامها ..وسكتت
وهو ضحك وحرك راسه بالموافقه وهيا بلغته انها هتقفل علشان هتعمل البروفه رقم ٩ مع مروه وهو ضحك ووافق وقفل معااها!
__________وفي كلية حمزه؟
كان حمزه بيتابع الاخبار وهو قاعد مع اصحابه بعد اول امتحان ..وعرف ان في رجل اعمال متعرض للنصب والاحتيال وان جاتلة سكته قلبيه بعد اللي حصله وانه حاليا في المستشفي ..
فقرأ حمزه الاسم واتفاجئ ان دا نفس الشخص اللي سمع مره خاله بيتكلم مع حد في التيلفون عليه لما كان حمزه في المستشفي وكان حمزه نايم ووقتها كان ماهر بيتكلم مع منعم وبيعرفه انه اكتشف ان ياسر غنيم هو اللي عمل الحادثة لحمزه..
وقتها حمزه كان فاكر انه بيحلم بس لما شاف الاسم دا اتاكد ان اللي سمعه كان صح وان الشخص اللي واقع دلوقت كان هو السبب في الحادثة اللي حصلتله فقرر يتواصل مع خاله بسرعه ويسأله فقام حمزه من جمب اصحابه واتصل علي ماهر واول ما رد قال:خالي هو ياسر غنيم دا اللي كان السبب في الحادثة اللي عملتها؟
ماهر اتفاجئ وكان بيعترض علي كلامه ولاكن حمزه رد وقال:متخبيش عليا يا خالي لو سمحت..ياسر دا هو اللي كان السبب!
ياسر رد عليه بالموافقه وقال:ايوا يا حمزه..انت عرفت منين؟
حمزه بضيق:مش مهم يا خالي عرفت مني انا بس ث عندي سؤال واحد:انت السبب ف ياللي حصله؟
ماهر بجديه:ايوا يا حمزه انا السبب وعلي فكرة اللي انا عملته دا علشان هوا مش كويس يعني كل الحكايه مش مجرد انتقام لان دا شخص مريض وانا كان بيني وبينه طار قديم كمان وكنت بخلصه!
حمزه اتفاجئ وساله:طار ايه دايا خالي وازي انا معرفش بيه؟
ماهر:مش هينفع نتكلم في حاجة زي دي علي التيلفون بس انا عايزك تاخد بالك علي نفسك علشان الفتره دي هتبقي صعبه للن مش ضامن مين ممكن يقربلك فاهمني؟
حمزه باعتراض:انا عايز اخد حقي منه يا خالي انت مش عارف دا عمل ايه فيا؟
ماهر باعتراض هو كمان:انا مش عايزك تعمل اي حاجه انا اخدتلك حقك وزياده وبعدين انا عايز اقولك اني لحد دلوقت مستخدمتش سلطاتي ضدده انا بس سلط عليه نفسه مش اكتر؟
حمزه حرك راسه بالموافقه وقال:ماشي يا خالي بس انت كمان خلي بالك علي نفسك ..وانا احتمال اتاخر النهارده فمتقلقش عليا!
ماهر بتساؤل: رايح علي فين !
حمزه وهو بيفتكر انه هيقابل حنين فقال :ورايا كام حاجه هخلصها وهرجع للقصر؟
ماهر بموافقه:ماشي يا حمزه بس انتبه لنفسك وبلاش مشاكل!
حمزه:حاضر يا خالي متقلقش مع السلامه!
ماهر رد عليه السلام وقفل معاه ووقتها حمزه اخد نفس طويل وهو بيحاول يطلع كل الافكار السلبيه اللي جاتله من دماغه لانه من وقت ما عرف ان ياسر اللي اذاه وهو مشغول بيه ولاكن لما فكر ان خاله مش هيسكت وعارف مصلحته اطمن وقرر مينكدش علي نفسه في اول مقابله ليه مع حنين فقرر يسيب خاله يتصرف هو …
ولما قرر حمزه يقرا ااني عن اللي حصل لياسر دا ،ابتسم لان خاله مطلعش سهل ابدا وعرف ياخد حقه فعلا من غير ما يقرب منه ولا يلمسه فرجع تاني لزمايله ووقتها جات ديدي البنت اللي كانت مقربه من حمزه اللي فتره اللي فاتت وحضنته بدلع وقالت:وحشتني يا زومه!
حمزه بصلها بتوتر وقال:ازيك يا ديدي.. بس انيت حضناني كده ليه انتي مش شايفه ان في شباب واقفه معايا؟
ديدي قالت بخجل وهي بتبعد عنه:ايه يا حمزه ما انا بحضنك قدامهم علي طول ايه الجديد؟
حمزه وهو بيفتكر حنين ورد فعلها لو شافت موقف زي دا ..فبص لديدي وقال برفض:بصي يا ديدي انا مش عايز اتكلم معاكي تاني لآني مركز دلوقت ف يامتحناتي وانتي بتعيدي السنه علي طول فمش فارق معاكي ولاكن انا متهدد من خالي فارجوكي متقربيش مني تاني وشوفي اي حد غيري؟
ديدي بصتله بصدمه ومشيت وهوا بص لاصحابه وقال:هو الامتحان التاني هيبدا و هيخلص امتي يا رجاله؟
واحد من الشباب:هيبدا بعد نص ساعه بس انا عرفت انه هيتعاد تاني بكره علشان اللي محضروش النهارده يعني فلو وراك حاجه مهمه ممكن تيجي بكره عادي يا معلم!
حمزه حرك راسه بالموافقه وقال وهو بيودعهم:طيب ياشباب محتاجين مني حاجه!
واحد سأله بفضول:علي فين يا حمزه ما بدري!
حمزه ضحك:ورايا حاجه اهم من الامتحان يا خفيف؟
رد واحد تاني وقال بمشاكسه:اكيد مزه جديده يا زومة اصل مستحيل تسيب المكمه ديدي غير وفي واحده احلي منها؟
حمزه بصله بضيق وقال:لا يا خفيف واهدي كده علي نفسك علشان انا توبت اصلا؟
ضحكوا اصحابه علي كلامه وهو مشي وسابهم واقفين يبصوا علي ديدي واللي كانت واقفه بعيد ومتابعه حمزه من بعيد وعلامات الغضب باينه علي وشها؟
_______________
في نفس الوقت كانت حنين خلصت اخر امتحان ليها وكانت خارجة من المدرسه وهيا متوتره لانها هتقابل حمزه النهاردة لانه فضل يزن عليها كتير وبسبب ضغطة عليها وافقت فكانت ماشيه وعارفه انه ممكن يظهر من اي حته فكانت محضرة كلام تقوله علشان لو غازلها ولاكنه مظهرش..
حنين كانت مستغربه انه اتاخر عليها فقررت تروح للبيت وركبت مواصله ووهيا قاعده في المكروباص وبتحاسب فجأة لقت اللي داخل عليها وبيبصلها بلوم وبيقول:بق بتمشي وتسبيني؟
اتوترت حنين من وجوده فبصت حواليها بخجل وهو قال:علي جنب لو سمحت علشان نازلين؟
السواق وقف العربيه وهوا بصلها وقال:يلا انزلي معايا عربيتي؟
حركت راسها بالموافقه ونزلت واول ما المكروباص مشي قرب منها وقال:بق بتمشي وتسبيني يا قلبي هونت عليكي!
بخجل:انا فكرت انك مش جاي لانك اتاخرت؟
حمزة بص في ساعته وقال باعتراض:لا انا جيت في ميعادي حتي شوفي ساعتك؟
بصت حنين في ساعتها ولقت ان كلامه صح وان هيا اللي استعجلت فبصلها بحب وقال:خلاص انا مسامحك بس اي رئيك نروح مكان هادي وناكل حاجه لاني جعان واكيد انتي كمان جعانه؟
حنين بصت لـ لبسها وقالت برفض:لا انا مش مستعده وبعدين انت قولت هتشوفني بس يعني متفقناش نروح اي مكان!
مسك ايديها برجاء وهيا اتصدمت ولما لقي وشها احمر بعد عنها وقال باعتذار:مش قصدي والله ألمسك اصل انا متعود اعمل كده وانا بطلب اي حاجه من حد لان خالي لما بيرفض بعمل معاه كده فـ والله مش قصدي صدقني!
حركت راسها وهيا بتفرك ايديها بتوتر وهو قال بابتسامه:يعني مسمحاني!
حركت حنين راسها وهو بص لعربيته وشاور للسواق يقرب منهم واول ما العربيه وصلت طلب منها تركب وفتحلها الباب وركب جمبها؟
حنين بتساؤل:هتوصلني بيتنا !
رد برفض:لا هنروح مكان زي ما قولتلك ومتخافيش المكان دا قريب من هنا وبعدين انا حجزته كله علشان تكوني مرتاحه..
حنين بصتله بصدمة وهو قال وهو بيبص لجمالها الدافي بحب:انا مستني النتيجه اكتر من دحيح الدفع بتاعتك والله!
ابتسمت وهو قال:بدوب فيها اقسم بالله!
حنين بتساؤل:هيا اي دي؟
حمزه وهو بيشاور علي ابتسامتها:دي اللي بتخطف قلبي..ربنا ما يحرمني منها؟
قلبها دق بتوتر وقالت وهيا بتبص لملامحه الوسيمه :هو انت متأكد انك مصري..
ابتسم حمزه لانه فهم انها بتقوله كده علشان هو وسيم فقال وهوا بيضحك بخجل :انا أمي مصري ولاكن والدي يوناني!!
حنين بانبهار:بجد ياعني انت نص مصري ونص يوناني!
ضحك وحرك راسه بالموافقه وهيا قالت:اسمك ايه بق ..يعني قصدي اسم والدك ايه وعيلتك ايه؟
حمزه بابتسامه : اسمي اليوناني حمزة جاكسون نيمار!!
اول ماقال اسمة حنين ضحكت بقوةوقالت:حمزة جاكسون هو انت قريب مايكل جاكسون ولا ايه؟
اتفاجئ من رد فعلها لان دي اول مرة يقول اسمه اليوناني لحد فكان متوقع انها هتتصدم بس مش هتضحك بس لما لقاها بتضحك بالطريقه دي ضحك هو كمان وبعدما هديت حنين كمل حمزه كلامه وقال: لا انا مش قريب مايكل بس انا ولدي اسمه جاكسون فهتلاقي في تشابه مش أكتر!
ابتمست حنين وحركت راسها بالموافقه وقالت:طيب واسمك ايه بالمصري؟
حمزه بهدوء :حمزة جمال الشناوي؟
حنين ضحكت تاني وقالت:طبعا دي معروفه اكيد انت قريب الممثل كمال الشناوي؟
مقدرش يمسك ضحكته وفضلوا هما الاتنين يضحكوا ومش مستوعبين التشابه الغريب في إسمه فبعدما هدأت حنين وهو كمان هدأ ،حنين ضمت حاجبها باستغراب وقالت بتساؤل تاني : طيب ازاي ..ايه اللي جاب جاكسون لجمال وايه اللي جاب نيمار للشناوي!
حمزه سند بضهره وقال:هي حكايه طويله بس انا هحكيهالك ،بصي يا ستي..انا كان اسمي حمزة جاكسون لمدة ٦ سنين ولما خلاص بق والدي ووالدتي قرروا الانفصال الرسمي خالي ماهر بلغهم انه هيتبناني ولاني هعيش معاه وهيعلمني مصري وهيبق جنسيتي الاصليه مصري قرروا يدوروا علي اسم يناسب جنسيتي المصريه..
فبعد بحث كبير عن عائلة والدي ،اكتشفوا ان جد ،جد ،جد، جد جد ،جدي كان مصري اصلا وكان من عائلة الشناوي فاخدوا اسم عائلتي الاصليه وحطوه في الشهاده ووالدي كان ليه اسمين اسم يوناني واسم في الاسلام فكان اسمه جمال فانا دلوقت بق اصبح اسمي بالكامل حمزة جمال الشناوي؟
حنين كانت بتبص عليه ومنبهرة وبعدها قالت:اها حلو اوي اسمك يا حمزة جاكسون؟
اتصدم حمزه وقال:لا انا حمزة جمال!
ضحكت وبصت للشباك جمبها وهو فضل باصصلها ومصدوم لتناديه قدام حد كده ويعرفوا اسمه فبصلها وقال برجاء :حنين واوعي تندهيلي كده قدام حد اللهي تنستري!
ضحكت وقالت بمشاكسه:وانت بق خايف ليه علشان هيقولوا انك قريب مايكل جاكسون ولا كمال الشناوي!
حرك راسه وقال بخجل :انا طول عمري محافظ علي اسمي واللي كاريزما اصلا فمش علي اخر الزمن هتيجي انتي وتبوظي الكاريزما!
ضحكت اكتر عليه وقالت بموافقه:خلاص خلاص انا بهزر اكيد مش هقول لحد يعني!
ابتسم براحه وقال: انا عارف انك عاقله برضوا يا حبيبتي.
بصت للشباك تاني بخجل ووقتها وصلوا لمكان هادي فبصلها علشان تنزل وهيا اتوترت وقالت برفض:بلاش يا حمزه انا اصلا عمري ما دخلت مكان زي دا وكمان ماما لو عرفت هتزعل مني جامد!
بصلها بابتسامه وقال:علشان خاطري انا بس عاوز اعمل اي حاجه تفرحك وبعدين دي حاجة بسيطة والله!
فكرت حنين للحظات وحركت راسها وهوا بصلها وابتسم وقال:والله ما تخافي انا عمري ما اكسر ثقتك فيا دي ابدا!
حركت راسها ودخلوا الاتنين للمطعم واول مشافته حنين فكرت انه قصر من حلاوته فبصتله وقالت بانبهار:حلو اوي!
ابتسم لانه عمل حاجه فرحتها وقال:ولسا لما ندخل جوا!
حركت حنين راسها وابتسمت وفعلا لما دخلوا وشافت شكل المطعم من جوا كانت حاسه انها في حلم فبصتله لقته مبتسم فخجلت ووقتها حمزه سحبلها كرسي وطلب منها تقعد وهيا قعدت وهيا بتحاول تصدق انها بجد في الحقيقه مش في حلم ..
فحركت راسها ليه وهو قعد قدامها وكان وقتها الأكل بينزل قدامهم ولما شافته حنين انبهرت اكتر وحمزه كان باصص عليها ومبسوط انه اخيرا معاها لوحدهم فكان نفسه يمسك ايديها او ياخدها في حضنه بس لما افتكر انها واثقه فيه وانها مش من النوع دا من البنات حس ان اللي قاعده قدامه هديه اتهداها من ربنا كـ عوض ليه من بعض التجارب اللي مر بيها فكان بيتأملها وهوا مبسوط وهيا كانت كل شويه ترفع عينها ولما تلاقيه باصصلها بتنزل عينها بسرعه لحدما فاق لنفسه وابتسملها وطلب منها تاكل ..وبدا هو كمان ياكل وكانت قاعده هاديه وكلها مشاعر نظيفه وحب حقيقي..
___________
وفي منزل واحد من زملاء حسن في الفريق ..
دخل ادهم وهو بيبص للمكان بسخريه واول مشاف الشاب دا قال بجديه:ازيك يا حضرت الظابط احمد؟
الشاب اول مشاف ادهم استغرب ازاي دخل للبيت فقال بخضه:ادهم باشا!
ادهم حط ايديه في جيبه وقرب من احمد وقال:مالك مخضوض ليه ..
كل دا علشان دخلت بيتك..ما انت برضوا اللي مش قافل الباب كويس؟
احمد بتوتر:لا يباشا انا قافل الباب كويس انا متاكد!
ادهم ابتسم وقرب منه وقال: سيبك من الباب والكلام الفاضي دا المهم دلوقت انا جايلك علشان اسالك سؤال واخد إجابته وامشي.
احمد حرك راسه بالموافقه وقال:اتفضل يا فندم!
ادهم قعد علي الكرسي وقال وهو ماسك في ايديه سلاحه:السؤال دا عن القائد بتاعك..بصله بتركيز وقال:"حسن باشا"
احمد حرك راسه وادهم كمل كلامه بجديه وقال:تعرف ايه عنه انا معرفوش!
احمد اتوتر وهو بيعدل نفسه وبيقول:اعرف ايه يباشا يعني..ما اللي حضرتك عارفه انا برضوا عارفه!
أدهم حرك راسه بالرفض وقال:انا قولت هسأل سؤال وعاوز الاجابه يعني اللف والدوران دا انا مبحبوش ..هتنجز يا احمد وتقول تعرف ايه ولا انطقك بطريقتي وانت ظابط محترم مدهوليك هيبتك؟
احمد بصله بصدمه وقال بتوتر:يباشا.. ادهم صرخ في وشه وهو بيوجه السلاح علي راسه:انت لسا هتتمسكن ما تنجز وتقول تعرف ايه؟
احمد بتوتر من قرب السلاح منه:طيب هقولك يباشا بس ابعد السلاح دا طيب!
ادهم بصله بشك وحرك راسه بالرفض وقال:لا هتتكلم وانا موجه المسدس كده علشان لو حسيت انك بتحور عليا الطلقه هتكون من نصيب دماغك الحلوه دي!
احمد بلع ريقه وقال:حاضر يباشا هقول.
ادهم ركز معاه واحمد قال:حسن باشا عنده بيت في اكتوبر ودا عايش فيه لواحده وهو معندوش حد هنا لان والده ووالدته متوفيين واخته وجوزها مسافرين!
ادهم بجديه:معندوش بيت تاني في اي حته تانيه!
احمد غمض عينيه علشان يفتكر ولما افتكر ان عندهم بيتهم القديم في الجبل قال:حسن باشا كان من أصل بدوي يباا فهو عنده بيت في الجبل بتاع اهله بس متهيألي ان البيت دا مهجور من سنين!
ابتسم ادهم وقال:حلو اوي..تعرف مكان البيت دا بالظبط!
حرك احمد راسه بالرفض وقال:لا معرفش بس انا كل اللي اعرفه انه اخر مره راح هناك من سنتين تقريبا لما كان مكتئب بسبب موت اهله!
ادهم قرب السلاح اكتر وقال:فكر تاني يمكن تفتكر العنوان!
احمد بخوف:البيت علي اول الجبل يا فندم وكل اللي اعرفه هوا ان في واحد جارهم ودا يبق اسمه ابن الجبل يباشا واسمه الحقيقي سينا كان حسن بيتكلم عنه قدامنا بس الموضوع دا قديم!
ادهم سحب سلاحه وقال:طيب يا احمد شكرا علي المعلومه بس قبل ما امشي لو قولت لحسن عن مقبلتنا دي هتطير فيها رقبتك انت فاعم؟
احمد حرك راسه بالموافقه وادهم خرج بسرعه من بيته وركب عربتيه وهو بيلعن في حسن ومريم لانهم اثاروا كل غضبه فقرر يروح بيته الارل بسرعه ويغير هدومه علشان يستعد لسفره للجبل لان المسافه هتكون طويله وفي الوقت دا كان حسن نايم في بيته لانه تعبان وفي الوقت اللي كان نايم فيه ونفسه يرتاح حتي لو لـ كام ساعه، اتصل بيه احمد زميله وبلغه بمقابلة ادهم وعرفه انه ضغط عليه وخلاه يحكيله عن بيتهم اللي في الجبل.
اتصدم حسن وقال بغضب:انت بتقول ايه يا احمد طيب هوا مشي امتي؟
احمد بزعل:من دقايق بس يا فندم بس هوا حضرته بيدور وراك ليه يافندم!
حسن بضيق:هحكيلك كل حاجة بعدين يا احمد يلا مع السلامه..
احمد بتساؤل:بس هوا يباشا هددني اني لو قلتلك علي اللي حصل هيطير رقبتي بس انا مقدرتش اسكت ليأذيك'
حسن بصدمه:طيب يا احمد متقلقش انا هتصرف وهحل الموضوع دا باسرع وقت بس اعذرني لازم اقفل دلوقت..
احمد حرك راسه وقال بموافقه:ماشي يافدم مع السلامة!
قفل حسن المكالمه بسرعه من علي السرير وقرر يروح للجبل علشان يحمي مريم من شر ادهم..واول ما هرج من بيته اتواصل مع عم سينا ولاكن التيلفون بتاعه كان خارج التغطيه فاتصدم حسن وقال بقلق:استر يارب ..يتبع
تتوقعوا حسن هيلحق مريم من تحت ايد وغضب ادهم ولا هتحصل معجزه 🤔🤔ويا تري ايه اللي هيحصل تاني مع ياسر وهل هيقدر يقوم ويواجهه اللي حصله ولا هيستسلم… كل دا هنعرفوا بعدين ..متنسوش تتفاعلوا معايا هنا وتعملوا متابعه لصفحاتي .
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺