رواية زواج مصلحه الفصل الحادي والعشرين والثاني والعشرون والثالث والعشرون والرابع والعشرون والخامس والعشرون بقلم إيمان محمد حصريه وجديده على مدونة أفكارنا
 |
رواية زواج مصلحه الفصل الحادي والعشرين والثاني والعشرون والثالث والعشرون والرابع والعشرون والخامس والعشرون بقلم إيمان محمد حصريه وجديده على مدونة أفكارنا
سيف . انا اللى قتلت ريما
يزن . ما احنا عارفين أنه انت بس ازاى عملت كدا انت كنت بتحبها ولا اقولك انا مالى فين مراتى
سيف بإستغراب مراتك ؟!
يزن . مراتى ي سيف بطل استعباط هى فين
سيف ب استسلام مراتك.....معرفش
يزن بيضربه يعنى اي متعرفش فين مراااااتى
سيف . قولتلك معرفش .....سامر بيمسكه بقولك اي بطل معرفش دى هى فين
سيف . انا بجد معرفش فين مراتك بس اللى اعرفه انى قتلت انا بقيت قاتل وبيقع على الأرض انا قتلت ريما حبيبتى انا قتلتها
سامر بيشوف حالته هو ويزن بيزعلو عليه جامد
يزن. طب انت عملت كدا ليه ي سيف انت كنت بتحبها ومش كنت كدا كنت بتحب الخير للكل
سيف بإستغراب انا نفسي مش عارف ازاى قتلتها انا وبيفتكر المنظر وهو بيقتلها انا جالى قلب اشوفها بتموت انا قتلتها وبجريمه بشعه انا قتلت ازاى انا انا لحد دلوقتى مش مصدق أنى انا اللى قتلتها قلبي جابنى وقتلت روحى بيلتفت يزن يشوف أي أداة للقتل مش بيلاقى حاجة
سيف . انا راسي مصدعه مش قادر اقوم ممكن تجبولى الدوا الصداع ده
سامر بيروح يشوف الدوا هو كشكل دوا كمحتوى مش دوا نهائياً
سامر . هو دوا اي ده جايبو منين
سيف . ده شهاب اديهولى
سامر . امممم طب خد دواك ويلا عشان تروح السجن
سيف بأستسلام كنت هروح اسلم نفسي من غير حاجة
سامر. ماشي
يزن. مليكه مش ف البيت ي سامر يلا نمشي
سامر . يلا بس استنا عشان سيف نوديه مكانه اللى المفروض يكون فيه حاليا
سيف. انا جاهز أنى اروحه انا لازم اتعاقب انا لازم اتعاقب ع كل حاجة عملتها انا ازاى اعمل كدا
سامر. انت هتقعد طول النهار تقول أنا عملت كدا ازاى
سيف من جواه بيموت من إحساسه بالذنب إحساسه أنه للاسف مش هيشوف ريما تانى احساس أنه هو اللى عمل كدا ده ازاى وفين انا مش كدا عملت كدا ازاى لازم تتعاقب لازم اتعاقب ي سيف
سامر . انت بتكلم نفسك ي سيف فيك اي ....سامر بيلاحظ أنه مش على بعضه
سيف . يلا خدنى عايز اسلم نفسى قبل ما اعمل اي حاجة أو اقتل حد تانى
سامر . بمعنى اي
سيف. خدنى ي سامر خلص
يزن مشغول انتباهه باتصالته ب اخو مليكه بيفتكر أنها كانت عايزة تروحلهم
وائل . الو ي أبيه
يزن. الو ي وائل مليكه عندكم حاليا
وائل . لا ليه هى مش عندك ي أبيه ولا اي
يزن. لا ي حبيبي انا بسئل بس اصل كانت عايزة تيجى تشوفكم وكنت هزعل منها لو راحت لوحدها من غيري
وائل بفرحه انتو هتيجو
يزن . ايوه يحبيبي الصبر بس
وائل . ماشي منتظرينكم بإذن الله
يزن. تمام ......سلام معلش عشان مشغول
وائل . تمام
يزن . مليكه مش عند اهلها ي سامر هتكون فين انا قلبي مقبوض عليها
سامر. هنلاقيها أن شاء الله تعالى نروح نشوف لو رجعو البيت
يزن. تمام
ليجد يزن رساله على تلفونه من رقم مجهول
سامر . اي ده
يزن. استنا نشوف ليفتح الفيديو ليرى مليكه والدادة مربوطين من ايديهم
سامر . مليكه مخطوفه كدا ي يزن
يزن. مليكه ف خطر اللى عمل كدا اكيد ممكن يعملها حاجة ليجد رساله أخرى مراتك عندى أتنازل عن كل املاكك والأسهم والشركه اللى مكتوبه ب اسمك وكل شئ وفوق ده كله نص مليون جنيه كفايه اوووى والا ........
واكيد انت عارف بعد الا هيكون اي
يزن. ي ولاد الك*لب
سامر . مين دول ي يزن
يزن . مش عارف انا مشوش خالص انا مش فاهم حاجة
سيف بيبدأ اعراض الدوا تظهر عليه تانى انت ي يزن لازم تموت
لازم انت قتلت حبيبتى قتلت ريما وخدتها منى
سامر. فيك اي ي سيف عيونك مالها عامله كدا
سيف بإبتسامه شر عامله ازاى يعنى
سامر . في اي ي سيف
سيف بيخنق سامر هتموتوا على ايدى انهاردة هتموتو على أيدى
يزن بيحاول يبعد سامر عنه انت فيك اي عايز تقتل اي حد بيكون قوته غريبه ابعد ي سيف
سيف. لازم اشوفك وانت بتموت قدامى
يزن بيمسك حاجة بيضربه على رأسه انت اهبل ....سيف بيبعد عنه بدوخه
يزن. انت كويس ي سامر
سامر . ايوه
سامر بيروح ف اتجاه سيف هو انت صاحى لنفسك انت اتجنيت فووق فوق لنفسك
سيف . انا انا عملت اي
سامر بيلاحظ التغير اللى حصل فجأة انت بتقول اي انت هتعمل نفسك مجنون
سيف بحزن يلا ي سامر خدنى السجن عشان خاطرى كفايه لحد كدا ....انا مش قادر من العذاب اللى انا فيه
مليكه بتبدأ تفوق بوجع راس.....ااااه ي راسي ااه
مليكه بتشوف الدادة بتبقا فاقدة الوعى
مليكه . اصحى ي دادة اصحى
الدادة مش بتفوق مع مليكه
مليكه . انا بخوف اصحى ي دادة عشان خاطرى احنا فين
ولكن بلا فائدة
بيجى متنكر اخيرا صحيتى مكانتش جرعه خديها حصل فيكى كل ده
مليكه بعصبيه انت مين
₹اي رايك ي..... وبيصمت شويه اسمك اي يقمر
مليكه بنرفزة انت مين وليه عامل فينا كدا
₹انا اللى هنهى جوزك وانا اللى هبقا الكل ف الكل وهاخد حق كل يوم عيشته بعيد عن اهلى بسبب محروس بيه محروس اللى بابا مات بسببه
مليكه بصدمه.....انت بتقول اي
₹مش لازم تفهمى بقول اي بس اللى اقدر أعرفهولك انك هتروحى ضحيه كل حاجة حصلت طول ما يزن بدأ يغير عليكى يبقا بيحبك لازم يتوشوش بس فترة عشان ابوه يدوق من نفس اللى أبويا داقه
مليكه . بمعنى
₹انتى هتسئلى كتير بقولك اي اظبطى كدا واتفضلى الاكل اهو لو مش عايزة تاكلى مش مشكله بردو عادى بس عشان ميبقاش حرام بردو عن اذنك ف رعايه الله
مليكه من غير فهم اي حاجة بدموع اصحى ي دادة اصحى عشان خاطرى بقا
₱سيف قتل اتنين حضرتك مقتلش ريما بس قتل معاها البواب
₹يحرام ازاى يعمل كدا المجرم ده مش مستكفى يقتل واحد بس
₱نعمل اي حضرتك كدا سيف عقله هيروح خالص
₹بدل الدوا وخليه عادى
₱تمام حضرتك
₹لا اله الا الله ناس غريبه اووى يبقا عايزين ميقتلش ويقتل لا حول الله ي رب
سامر. انت اتجننت ي سيف انت ي ابنى كنت هتقتلنى من شويه
سيف بعدم استيعاب بيمسك رأسه جامد من الوجع انت ..انت بتقول اي انا معملش كدا
سامر . مالك ي سيف اهدئ شويه
سيف. ابعد عنى ابعد عنى .......بيكسر ف كل حاجة قدامه من كتر الوجع اللى ف رأسه
يزن. اهدئ ي سيف مش كدا
سيف بيزقه جامد ابعد عنى أنت كمان ليقع سيف أرضا ليفقد الوعى
يزن. انا بضيع وقتى هنا لازم الاقى مليكه ف اسرع وقت ممكن أنا همشي ادور عليها واتصرف انت مع سيف
سامر . تمام
يزن بيطلع يحاول يتصل ع الرقم اللى بعت الرسايل لكن بلا فائدة
مليكه. اصحى ي دادة بقا عشان خاطرى
الدادة بتبدأ تصحى ع صوت عياط من مليكه
مليكه بفرحه مع دموع اخيرا صحيتى انا خايفه اوووى
الدادة. خايفه من اي ي حبيبتى اهدئ شويه بس
مليكه. احنا مخطوفين ي دادة وممكن يقتلونا
الدادة. يبنتى اللى ليكى نصيب فيه هتاخديه اهدئ بس انتى
مليكه بدموع انا خايفه اوووى
الدادة. معلش يحبيبتى اهدئ بس خلينا نفكر هنتصرف ازاى
سامر بيكون هياخد سيف للقسم الشرطه بس حالته متسمحش بكدا بيطلع بيه على المستشفى
الدكتور. الحاله محتاجه شويه تحاليل حالا عشان في حاجة مشكوك فيها
بعد مرور شويه وقت
ها ي دكتور سيف حالته عامله اي واي سبب الاغماء
الدكتور . المريض ده فى ف جسمه نسبه مخدرات عاليا جدا وفى حاجات كتيرة ف جسمه تخليه يفقد السيطرة على نفسه ده لازم يدخل ف مكان مخصص ليه ف اسرع وقت ممكن يعمل اي حاجة من غير ما يحس
سامر لتبدأ كل حاجة توضح قدامه .....يعنى اي
الدكتور . يعنى المريض ده كان فاضل شويه ويدخل على فقدان العقل ويصبح مجنون
سامر . وده اي سببه
الدكتور . باقى التحاليل هتطلع كمان شويه هنشوف
سامر . تمام
يزن بيبعت الرقم لابوه هاتلى مصدره حالا ي بابا لو سمحت الرقم ده
محروس . تمام ي ابنى
يزن بيبدأ يدور ف كل حته لكن مش بيعرف يروح فين يدور عليهم
بيطلع ويقدم بلاغ ف قسم الشرطه وبيديلهم الرقم بردو يدورو على موقعه
يزن . خلال اربعه وعشرين ساعه عايز مراتى قدامى انا بقولكم اهو وبيمشي
شهاب . كله تحت السيطرة كله بقا ف سيطرتى دلوقتى حتى ريما انضحك عليها وحاليا كل اسهمها معايا الصبر جميل هتدمروا واحد واحد وكله ب أوانه
#زواج_مصلحه
Part.22
#الكاتبه_ايمان_محمد
يزن بيتصل على سامر انت عملت اي مع سيف
سامر . سيف ده طلع وراه حكايه ي يزن ....
يزن. ابقا احكيلى بعدين...... انا مخى مش قادر يفكر مش عارف اعمل اي
سامر . عملت اي وديت الرقم للشرطه
يزن. ايوه وديته المفروض انهم يتعقبوه حاليا
سامر . تمام ي يزن متقلقش كل حاجة هتكون بخير بإذن الله اصبر بس
يزن. يعنى اكون جوزها ومش قادر احميها تيجى ازاى دى انا قرفان من نفسي اوووى لو حصلها حاجة مش هقدر اسامح نفسي
سامر . اهدئ بس ي يزن لتأتى رساله على موبايل يزن ....اي رايك ف مراتك والدادة ....انا عايز ابوك يحصل زى ما حصل ف ابويا ولو على مراتك والدادة اطمن مش هيحصلهم حاجة بس الاوراق دى خدها وروح بلغ عن ابوك هينبعته حالا
يزن بإستغراب ف مخه ورق اي ده ومين ده كمان
بتوصل شويه اوراق وشويه صور على الموبايل
يزن بيبدأ يقرأ وهو مش فاهم حاجة بيلاقى حاجات صدمته لكن بياخد فعلا صدمه اللى قسمته نصين
سامر بيرن على يزن ...قفلت ليه ي ابنى المكالمه
يزن. ابويا طلع وراه حوار كبير اوووى ي سامر بابا انا مش فاهم حاجة وبيبقا متشتت جدا
سامر . فى اي ي ابنى
يزن. اقفل دلوقتى ي سامر
يزن بيروح لابوه
محروس . في اي ي ابنى لقيت مليكه
يزن. انت السبب ف حبس ابو شهاب ي بابا
محروس بصدمه انت بتقول اي
يزن. بيرمى الموبايل زى ما سمعت كدا قولى الحقيقه ومش عايزها ناقصه حرف
محروس بتوهان انت بتقول اي ي ابنى اهدئ شويه مش كدا ي حبيبي
يزن. واكتر من كدا انت عملت اي ف صحبك انت عارف انت عملت اي ي بابا أنت اتهمته أنه تهمه وحشه اوووى
محروس بزعيق انت بترجع القديم ليه ومين قالك ده كله
يزن. مش مين قالى انا عايز افهم حالا انت ازاى عملت ف صحبك كدا
محروس . بص ي ابنى اهدئ شويه كدا
يزن. مش هادى انا عايز افهم حالا انت عملت كدا ليه
محروس بعصبية عشان امك
يزن. امى مالها امى
محروس. امك كانت بتحب ابو شهاب قبل ما نتجوز وانا كنت بحبها بس النصيب غلاب واتجوزنا ف يوم ابو شهاب رجع من بره مصر واتقابلنا كلنا ف حفله ولكن للاسف بعد فترة لقيتها ماسكه صورة قديمه ليه وباين كدا رجعلها الحنين ليه بس على مين ده انا ابوك ف تطور الأمر ولقيتهم اتقابلو رحت قولت لام شهاب قالتلى كانو متقابلين وهى معاهم وكانو عشان هى محتاجه شغل من مراتى بما انى هى بتاعت ديكور وكانو لسه جايين مصر
ف انا وافقت ع الشغل ده ب طلب من ام شهاب كانت عايزة الشغل من تصاميم امك وكانت واثقه ف جوزها جدا
جيه انا وافقت ورحت ف يوم لامك البيت عندهم كان هناك الشغل ولقيت امك واقعه ف حضنه اتهورت ساعتها ضربتها ومكنتش مصدق اي حرف من اللى كانت بتقوله
كانت بتقول مبررات كتيرة بس مع كل مبرر كنت بعنفها اكتر وللاسف ماتت ف ايدى لقيت ابو شهاب جاي عشان بتأسف على سوء التفاهم لكن للاسف امك كانت ماتت ف ايدى
يزن بعصبية ودموع ف عيونه بيمسك ابوه من هدومه من رقبته انت ازاى تعمل كدا انت قتلت امى بسبب انانيتك وغبائك وعدم ثقتك انت ازاى تقتل امى
يزن . انا مش عارف اعمل معاك اي بس اللى اقدر اقولهولك انك هتتحاسب على عملتك ي محروس بيه
محروس . أنا معملتش حاجة ومكنش قصدى اقتلها
يزن. واي دخل أبو صحبي ف الموضوع اتسجن ازاى
محروس بزعيق خليته يتعصب وخليته يتخانق معايا وبعدين ضربته على رأسه وقولت اعتدى على بيتى ومراتى وقتلها
يزن. ياااه انت يطلع منك كل ده انت ازاى دمك اسود كدا
محروس . واكتر من كدا امك كانت السبب ف كل حاجة
يزن. امى مش سبب حاجة أمى مكنش ذنبها امى كانت وفيه ليك ف كل حاجة
محروس . ما انا فعلا ندمان من ساعتها لانى فعلا امك كانت وفيه ليا وساعتها وقعت بين أيديه للاسف وانا جيت ف الوقت الغلط
يزن.ده مش مبرر ل اللى انت عملته وببسيبه وبيمشي بيكون ماشي ف الشوارع مش عارف يعمل اي ابوه هو السبب ف موت امه وحبس ابو صحبه واتهامه اتهامات باطلة خطف مراته
يزن . انا عرفت مليكه فين دلوقتى بيسوق عربيته وبيروح لشهاب
شهاب. كنت مستنيك من بدرى اتاخرت شويه
يزن. فين مليكه ي شهاب
شهاب . متخافش ي يزن مليكه ملهاش دخل ف اي حاجة بس كنت عايز اخوفك شويه بس
يزن. انا عايز اشوفها
شهاب . طبعا طبعا تعالى ورايا وبيروح عشان يشوف مليكه
مليكه بخوف مشينى من هنا انا ماليش ذنب لاي حاجة حصلت انا مش فاهمه انا اي ذنبي يزن بيشغل النور ليتحول الخوف إلى لمعه ف عيون مليكه يززززن
يزن بيروح ياخدها ف حضنه متخافيش ي حبيبتى اهدئ يروحى ليبدأ يتحسس وجهها ب ايديه أهدى ي حبيبتى اهدئ يروحى انا جيتلك اهو
مليكه. انا عايزة امشي انا خايفه من المكان ده
يزن . هنمشي ي حبيبي أهدئ بس عليا
الدادة . مش قولتلك ي حبيبتى اهو جالك اهو متخافيش بقا
مليكه . معاكى حق ي دادة
الدادة. يلا ي ابنى انا دراعى وجعنى خلينا نمشي
يزن. تمام ثوانى بس ي مليكتى وجاي ليكى تانى
شهاب . اطمنت على مراتك ي يزن
يزن. انا هاخد مراتى ي شهاب مراتى خايفه
شهاب . تمام اوكى
يزن. راجعلك تانى
شهاب . ف الانتظار تعالى بقا بسرعه ومتتاخرش
يزن. تمام
مليكه طول الطريق حاضنه يزن
يزن. متخافيش يروحى انتى أهدئ يمليكتى
مليكه. انا كنت خايفه عليك اوووى انت طلعت من السجن ازاى
يزن. طلعت سيف هو اللى قتل مليكه ف انا طلعت
مليكه بفرحه بتحضنه انا عارفه أنه مش انت متمشيش تانى وتغيب عنى
يزن. متخافيش ي مليكتى بقا وبيوقف العربيه طول ما انا عايش متخافيش ليضع وجها بين يديه انتى مهما حصل اياكى تخافى وانا حى وبتنفس تعالى ف حضنى تعالى
الدادة. احم احم راعو انى انا سنجل يولاد
مليكه. انتى سنجل بجد
الدادة. اه
مليكه بكسوف ماشي
يزن بيكمل طريقه للبيت
الدادة. انا هروح اريح عضمى الكرسي وجعه خالص
مليكه. الكرسي بس
الدادة. يلا ي بنتى الحمد لله على كل حال بس احنا اتخطفنا ليه
يزن. هبقا احكيلكم بعدين
مليكه ويزن بيطلعو الاوضه
يزن بيمسك ايدين مليكه انتى ي حبيبتى تخليكى هنا واياكى تطلعى بره البيت وانا هجيب حراسه تحت عشان متخافيش انا هروح اشوف حاجة وراجع تانى
مليكه بتدخل حضن يزن بدموع لا ي يزن متمشيش
يزن . مش هتاخر
بعد مرور وقت
يزن .جيتلك اهو ي شهاب
شهاب . متاخرتش يعنى
بص ي يزن عشان محملش عليك زيادة انت خسارتك هى هى خسارتى
يزن . بمعنى
شهاب . يعنى انت ابوك لازم يتحبس زى ما بابا انحبس
يزن بكسره من جواه انا كسرتى اكبر من كسرتك ي شهاب انا ماما راحت ضحيه كل ده
شهاب . بمعنى
يزن. يعنى انا امى هى اللى ابوك انحبس ف قتلها بدال بابا
شهاب بصدمه يعنى انت والدتك هى اللى ماتت وابويا انحبس فى جريمه قتلها
يزن. شوفت اهى دنيا
شهاب . انا كنت مفكر أنها واحدة عاديه ابوك قتلها ولبسها لابويا
يزن. طلعت امى عايز اي اكتر من كدا
شهاب بصدمه طب هتعمل اي ي يزن كدا ابوك قتل امك وسجن ابويا وهو السبب ف انى امى ماتت بحسرتها من كلام الناس انى جوزها اعتدى على واحدة
يزن بقرف من كل الموضوع انا تعبان اووى ي شهاب انا همشي مراتى مستنيانى
شهاب بيمسكه من ايديه جامد انت مش عايز حق والدتك ولا اي انت كمان
يزن. امى حقها هيرجع وابوك حقه هيرجع وامك بس الصبر ي شهاب مش كدا عن اذنك
شهاب بنرفزة مستنى تكلمنى ي يزن
يزن. متعملش اي حاجه تانى عشان متعقدش الدنيا
شهاب . تمام ي يزن هستنى ردة فعلك
يزن . تمام
يزن بيروح البيت بيلاقى مليكه لسه نايمه
مليكه بتقوم فجأة انت جيت ي يزن
يزن. اه ي قلب يزن محتاجه حاجة
مليكه. عايزة حضنك حاسه ب احساس وحش
يزن. انا السبب انك حسيتى كدا ومطمنتكيش انا السبب ي مليكتى سبتك لوحدك
مليكه. هو مش كان ف ايديك حاجة ي يزن دلوقتى خليك معايا بس وبتحضنه جامد انت تعبان اوووى كدا ليه
يزن بحزن جوة عيونه ....
ابويا هو اللى قتل أمى ي مليكه انا مخى هينفجر مش مستحمل
مليكه بصدمه انت بتقول اي ..
صلو على رسول الله ❤️🫀
#زواج_مصلحه
Part.23
#الكاتبه_ايمان_محمد
مليكه. انت مالك كدا ي يزن فيك اي
يزن بضيق وإرهاق وتعب انا مش قادر افكر انا تعبان اوووى
مليكه. من اي
يزن بعيون كلها الم بابا هو اللى قتل امى بابا هو اللى خلانى انحرم من أمى هو السبب بابا هو السبب
مليكه بشهقه صدمه انت بتقول اي ي يزن انت مستوعب انت بتقول اي
يزن. المشكله انى انا مستوعب بكسرة ف كلامه والم هو بنفسه اعترف وقال إنه هو اللى عمل كدا
مليكه بدموع انت بتهزر صح انت ازاى بتقول كدا
يزن . انا مش قادر من التفكير انا تعبان اوووى اوووى
مليكه بدموع وهى مش قادرة تهون عليه ي يحبيبي متزعلش والنبي عشان خاطرى... بتحضنه وبدأت تطبطب بحنيه ع ضهره متزعلش يحبيبي ربنا هيفكها اهدئ عشان خاطرى
يزن بزهق وعصبيه انا مش قادر استوعب انى بابا هو اللى قتل امى هو اللى عمل كدا ده هو اللى خلانى انحرم منها العمر كله
مليكه بدموع متزعلش يحبيبي والنبي ربنا هيفكها أن شاء الله وكله هيتحاسب على كل حاجة عملوها
يزن . انا مش قادر استوعب حاجة انا تعبت بجد انا خلاص
مليكه بحزن عليه اهدئ يقلبي مش كدا
سامر. سيف كدا مظلوم ف كل اللى عمله طب ازاى ومين اللى عمل في كدا مين اداله الدوا ده مين اللى عمل كدا
الدكتور . التحاليل طلعت ي استاذ
سامر بيقوم . ها ي دكتور حضرتك كنت شاكك ف اي تانى
الدكتور . بص حاليا المريض واخد حاجات هلوسه بدرجه كبيرة اوووى بتأثر على أفعاله وميقدرش يتحكم فيها نهائيا
وممكن توصل حضرتك أنه يعمل اي حاجة ف نفسه من غير مايحس يتكلم معاك بشكل وفجأة يتحول
سامر فهم كل حاجة حصلت وانى الجريمه دى عملها بس مكنش ب أيده
سامر . طب ي دكتور ممكن تكتبلى تقرير كامل عن حالته محتاجه ي أما هيلبس اعدام بسبب قضايا قتل كدا
الدكتور. حاضر .....عن اذنك ورايا حاله
تانى يوم
يزن ببصحى لكن هو منمش طول الليل من التفكير بيقوم ياخد دوش وبيروح مشوار
مليكه بتقوم
الدادة بتكون عملت الاكل
مليكه . مشوفتيش يزن ي دادة
الدادة. مشي من الصبح بدرى ي بنتى
مليكه. طب قالك هو رايح فين ولا لا
الدادة. لا ي بنتى اتصلى عليه واسئليه
مليكه بترن عليه لكن مش بيرد بتسمع صوت تلفونه بيرن بتعرف أنه سايبه ف البيت
مليكه بقلق ي ترى راح فين ..... ......انا خايفه اوووى ده كان طول الليل بيفكر منمش
الدادة. ليه ي بنتى فى اي
مليكه. ابو يزن هو اللى قاتل أمه
الدادة بصدمه انتى بتقولى اي ي بنتى
مليكه .زى ما سمعتى ي دادة أنا خايفه يعمل حاجة ف نفسه
الدادة. يزن أعقل من كدا ي بنتى متخافيش
محروس ..فين يزن ي مليكه ي بنتى
مليكه . عايز اي ي عمى كفايه اللى عملته زمان
محروس بنرفزة متدخليش ي مليكه فين يزن قوليلى هو فوق
مليكه بخوف . لا مش عارفه فين
محروس. تمام وبيسيبهم وبيمشي
مليكه. انا خايفه اوووى على يزن ي دادة ده كان روحه ف ابوه كان كل حاجة بالنسبالك الايام اللى عيشتها هنا شوفت اد اي ابوه بيعنيله بعد ده كله يعرف الحقيقه المرة دى
سامر بياخد التقرير الطبي للشرطه يثبت أنه سيف معملش اي حاجة تحت وعى وانما كان من دون وعى
محروس بيدور على ابنه ومش عارف هيقوله اي.....
على جانب آخر شهاب مستنى يزن يروحله
مليكه خايفه على يزن جدا وملهوفه عليه بتقعد تفكر ف كل حاجة حصلت من اول ما اتجوزت حياتها اتغيرت كتير اوووى كانت بتحط ميكب من الخوف من ابن جوز امها كانت بتضطر تشتغل مع الكليه عشان خواتها بقت دلوقتى مفيش اي حاجة بتحصل معتش فى خوف ف قلبها ومتأكدة أنه وراها ضهر بقيت بحس ب الامان معاه خايفه عليه اوووى بقيت مش عايزاه يمشي عن عينى ثانيه معقوله اتشدله معقوله بدأت أحس ناحيته حاجة
محروس . كنت متأكد أنى هلاقيك هنا
يزن بيسمع لكن مش بيرد
محروس. اسمعني ي ابنى
يزن . اسمع اي بذمتك اسمع قصه قتلك لامى اسمع ازاى قتلتها ودفنتها ولا كانك عملت حاجة اسمع مقدار الشر اللى انت عملته واد قرف انت هتتعاقب على كل حاجة انا بقولك اهو امى حقها هيرجع لو بعد مليون سنه
محروس. يعنى اي
يزن. اللى فهمته .......ويلا امشي من هنا ده مكان مينفعش تقف انت فيه
محروس . طب ي ابنى الوقت اتاخر روح المقابر الجو هيدخل ع الليل
يزن. وانت مالك انا قاعد مع امى امشي احسنلك ي محروس بيه
محروس. اتكلم حلو ي يزن انا ابوك متتكلمش بالطريقه دى معايا
يزن. امال اتكلم ازاى ولا اي رايك اسقفلك على حرمانى من امى وانى ابويا اللى قتلها تخيل فرحتى عامله ازاى ولازم تتعاقب على كل إلى عملته انت مش قاتل أمى بس لا وكمان اتهمت صحبك
محروس مش عارف يرد عايز اي ي يزن
يزن . روح سلم نفسك ي محروس بيه روح اتحاسي حتى لو بعد كل السنين دى روح اعملها احسن ما انا اروح ابلغ عنك ي محروس بيه
محروس . يعنى ده اللى هيريحك يابنى
يزن. اه
محروس . تمام
طب يلا امشي من هنا الجو هيبقى ضلمه مينفعش تفضل هنا
يزن. تمام امشي بس انت
محروس . تمام
بعد مرور ساعتين
يزن. انا جايلك ي شهاب جهز نفسك
شهاب. كنت مستنى رسالتك من بدرى اخيرا
يزن . اجهز بس أنت
شهاب. انا جاهز
يزن. هو انا عايز اسئلك سؤال
شهاب . اسئل
يزن. هو مش الورق ده كان معاك انت مش عملت البلاغ ليه وسلمت الاوراق دى
شهاب .يعنى انت مفكر انى معملتش كدا
يزن. امممم
شهاب . كل مرة ابوك كان بيشتريهم ب الفلوس وبيطلع منها بحكم انى القضيه عدا عليها كتير فقولت بيك ينحبس ومش هيقدر يعمل حاجة
يزن. يعنى ابويا عمل كل ده
شهاب. بص ي يزن انا كنت بتقرب منك الفترة دى بس عشان ابوك كنت هنتقم منك انت بدال ابوك بس حسيت أنه ظلم كبير ف معملتش كدا
يزن. وبعدين
شهاب. عايز ابوك يحصل فيه زى ما حصل مع ابويا وبس
يزن. وهو ده اللى هيحصل
شهاب. تمام ي يزن
انا ورايا مشوار دلوقتى عن اذنك معلش
يزن. انا كدا كدا كنت ماشي حاليا سلام
بيمشي يزن بيروح بيته مش بيلاقى الدادة بيفضل ينده كتير محدش بيرد بيطلع يجرى على فوق بيفكر أنه حصلهم حاجة
بيلاقى مليكه قاعدة بتسرح شعرها
يزن بيروح يمسك شعرها ويحسس عليه شعرك حلو اووى ي مليكه بدموع ف عيونها انت هتعمل اي ي يزن مع المشكله دى
يزن. امى حقها هيرجعلها حتا لو على ابويا أنه ينحبس
مليكه بتحضنه ربنا يقويك على اللى هتعمله ي رب وانا هكون معاك ف اي قرار هتاخده
يزن. هتسيبينى ي مليكه ف يوم
مليكه. ابدا
يزن بحزن انتى كنتى عايزة تتطلقى هتسيبينى زى كل ما بيسيبنى وبيمشي
مليكه بدموع ابدا والله
يزن. اوعدينى
مليكه .بوعدك هفضل جنبك على طول لآخر يوم ف عمرى
يزن .انا ي مليكه تعبان اووى ابويا مش قادر استوعب أنى هخليه ينحبس ب ايدى
مليكه بتحط أيدها على وجهه معلش ي يزن معلش والله كله هيعدى انت ممكن تسامك ابوك ع اللى عمله هتستريح كتير
يزن. مش سهل انى اسامحه ....انا بعت كل الاوراق اللى بتدل على أنه قاتل
مليكه. امتى ي يزن عملت كدا بسرعه كدا ليه
يزن. لازم يتعاقب ي مليكه ابويا غلط ف حق امى كتير هو السبب هو السبب انى أنحرم منها
مليكه بتكون مش عارفه تقول اي لكن بتستكفى بحضن
تانى يوم
سامر بيبعت التقارير ليزن
بص ي يزن التقارير دى كدا ........فى حد ليه يد ف اللى حصل ده كله
يزن بيبعت رساله لسامر ده شهاب هو السبب كل ده
سامر بعدم فهم.... .شهاب مين
يزن. شهاب صحبك
سامر . انا جايلك حالا ي يزن انا مش فاهم حاجة وانت فى اي مال صوتك
يزن. تعبان شويه معلش
سامر .تمام . ......انا جايلك حالا
يزن. تعالى على قسم الشرطه بقا هتلاقينى هناك
سامر. هتعمل اي
يزن. هحبس ابويا
سامر . انت بتقول اي ي يزن انت اتجننت
يزن. لا وبيقفل المكالمه
بعد مرور تسعة أشهر
يزن. هتعملى الفرح فين يقلبي عايزة نعمله فين
مليكه. فى اي مكان يروحى المهم انك معايا
يزن. طب بصي بقا مش عايزك تبقى حلوة اووى النهاردة عشان مش اخدك من نص الفرح ونمشي
مليكه بضحكه ماشي
يزن. وحشتينى ف الفترة دى ي بت قدرتى تبعدى عنى ده كله
مليكه. هو انا كملت كام يوم انت كمان
يزن. اهو وحشانى وخلاص
مليكه بإبتسامه ماشي انا هقفل بقا روح جهز نفسك شوف وراك اي
يزن. لا خليكى معايا شويه
مليكه . لا اقفل بقا أنا هروح اكلم وائل اشوف عايز اي
يزن . تمام بسرعه بقا خمس دقايق وهرن عليكى مفهوم
مليكه . مفهوم يفندم
يزن. قلب الفندم ي عسل
مليكه. اقفل بقا
يزن . حاضر
ليلى. انا عايز البس فستان ي مليكه
مليكه. هتلبسي احلى فستان يعيون مليكه حاضر
وائل . اسكتى انتى وهى بنات فاضيه عقلها ف الفساتين بس
مليكه. خليك ف مذاكرتك واسكت احسن
وائل . ماشي يختى انتى وهى
(فلاش باك )
سامر . انت قولت اي ي يزن وبتعمل اي ف القسم
يزن. لازم اخد حق امى ي سامر واريحها أنه حقها مرحش
سامر. انا مش فاهم حاجة
يزن. محروس بيه هو اللى قتل امى وهو اللى حبس ابو شهاب وهو اللى عمل كل ده ي سامر
سامر . انت بتقول اي يابنى بطل هبل
يزن. بس دى الحقيقه
سامر . طب شوفت حقيقه سيف
يزن. ايوه
سامر . طب كدا هو ف القانون مش مجرم طول ما هو فاقد عقله
يزن. امممم طب تعالى معايا كدا ووو.....
#زواج_مصلحه
Part.24
#الكاتبه_ايمان_محمد
فلاش باك
يزن . ابويا لازم ياخد جزاؤه هو اللى قتل امى ي سامر
سامر .انت متاكد من إلى بتقوله ده
يزن. ايوه
سامر. طب سيف قتل ريما ومكنش معاه عقله كان من غير وعى وهو بيعمل كدا حد كان بيديلو دوا
يزن.الدوا اللى ف بيت سيف هو ده اللى فيه حاجة
سامر . مين قالك
يزن. فاكر لما خد حبايه حصل فيه اي
سامر . صح .....ده وقالى شهاب اللى ادهوله
يزن. يبقا صح
شهاب ورا كل حاجة
سامر . طب انت لقيت مليكه ازاى ي يزن
يزن. هحكيلك بعدين
نرجع تانى
وائل . خلصتى يختى انتى وهى اختيار الفساتين
مليكه. عايز اي ي وائل مدايق ليه كدا
وائل . اصلى مفكرتوش فيا حتى يمكن انا مش اخوكم
مليكه. ي قلب اختك متزعلش هتلبس اي قول وانا هنفذ
وائل. عايز البس لبس يشقط بنت قلبي بقا
مليكه. يقليل الادب اظبط بقولك احنا داخلين على امتحانات اهو عايزة اشوفك اشطر كتكوت
وائل بيبص بقرف كتكوت اطبخينى بالمرة ع العشا
مليكه. لا محتاجينك يخويا
وائل. عن اذنكم كملو كنتو واقفين عند الفستان الابيض
مليكه بضحكه ماشي وخلى قلبك ابيض بقا
وائل . لا
مليكه يزن رن عليها كتير اوووى بس هى مش ردت
يزن .ماشي ي مليكه أما نشوف اخرتها معاكى
مليكه بتتصل عليه
يزن. كنتى فين
مليكه. هى دى الو بتاعتك اهدئ ي ابنى
يزن. كنتى فين بقولك اهو ردى
مليكه . يابنى كنت قاعدة مع خواتى
يزن. ماليش فيه اتاخرتى عليا 6 دقايق و47 ثانيه
مليكه بضحكه ياااه اتاخرت عليك كتير اوووى
يزن. اه ي هانم انا جيلك عشان اعرفك ازاى تتااخرى عليا
مليكه . انت ي ابنى لسه ماشي الصبح فى اي
يزن. مشتقالك يستى الله الواحد ميشتقلكيش كمان
مليكه. لا اشتقلى يخويا
يزن. اخوكى .....هو انا بكلم واحد صحبي ي بت
مليكه. عايز اي ي يزن
يزن. عايزك ي قلب يزن ......هو جوز امك لازم يعنى تطلعى من عنده ب الابيض
مليكه. اهو شوفت
يزن . ماشي ....استنى بقا جايلك انا ف الطريق ماشي
مليكه بضحكه ماشي
يزن مش بيكمل ساعه وبيكون ف بيت مليكه
جوز امها. فى حاجة ي ابنى انت لسه ماشي الصبح
يزن. مش هخبي عليك بس انا اشتقتلك
جوز امها. اشتقت لمين يعنيا
يزن. اشتقتلك
جوز امها. شكلك اتهبلت ي ابنى الله فيك اي
يزن. ها بتقول اي يعمى
¥ربنا يكملك بعقلك ي ابنى انت هتجننى انت بتكلم مين انا وباصص هنا ليه وبيبص بيلاقى مليكه واقفه
يزن. اشتقتلك بقا ما تردى
¥طب اسيبكم انا بقا عصافير كنارى وانا مش عارف
مليكه بكسوف ينفع كدا اديك خليت منظرنا وحش خالص
يزن. طب مفيش بوسه
مليكه. تؤتؤ
يزن. انتى لسه هتقوليلى تؤتؤ هو انا خطيبك وانا مش عارف ده انت جوزك ي بت
مليكه . بس بقا اسكت ليلى جايه
ليلى . ازيك ي أبيه
يزن. ازيك يقلبي
مليكه. قلبك يقع ي بعيد
يزن. اوعى انتى هتغيري من اختك
مليكه ببصه باردة ومين قال عن اذنك
يزن. والله انك ي ليلى فله
ليلى. سلام ي أبيه ناس هطير عقلى
يزن. ماشي يختى طيري عقلك زى ما انتى عايزة
يزن بيروح ل مليكه هتغيري من اختك ي قمر انت
مليكه. عايز اي ي يزن ....ما انا مش قلبك
يزن. ومين قال كدا ده انتى مليكتى وروحى وحبيبي ومراتى عايزه اي تانى
مليكه. شوفت مقولتش قلبي
يزن بضحكه يحبيبي انت كلام العمر كله ميوصفش حاجة جوايا هتمسكيلى ف قلبي
مليكه بنظرة بريئه بجد
يزن. جد الجد ......
هاتى بوسه بقا
مليكه بتبوسه من خده اتفضل حلو كدا
يزن. ماشي حلوة مفيش كمان واحدة
مليكه. لا
يزن. لسه هتقولى لا.......وبيقبل شفتيها
وائل . احم احم ......طب خلوها ف اوضه مش ف الصاله فُرجه للى رايح والى جاي
مليكه بإحراج عن اذنكم
يزن. تعالى ياض
وائل .ي نعم
يزن. انت مش بتحب الخير ليا ليه ها واحد بيبوس مراته اي دخلك
وائل . مراتك اختى مثلا
يزن. اسكت بقولك .....
وبعدين تعالى هنا مش ناوى تتجوز بقا عايزين نفرح بيك
وائل . والله نفسي بس الدراسه بقا اعمل اي
يزن بضحكه طب صارحنى كدا فى حد كدا ولا كدا
وائل . صراحه اه فى قلبي
يزن. العب
وائل . اهدئ بقا اختى البومه هتسمعك
يزن. قصدك مين
وائل . مليكه
يزن. مليكه بومه
وائل . لا دى عسل
يزن. هزعلك اظبط كدا .......وبعدين خلى الحكايه دى لبعدين بقا تحكيلى من الاول خالص عايزين نجوزك ونفرح بيك
وائل . ماشي ي أبيه
يزن. وسع بقا خلينى اروح اشوف البومه
وائل. دى اختى ي استاذ
يزن. ومراتى ي مش مهندس
وائل . ماشي
وائل. ظبط ي زمكس
يوم الفرح ..............
يزن جهز وخلص لبس هو و وائل وكان شياكه اوووى
وائل. قمر يخراشي
يزن. ده الطبيعى ي ابنى انا على طول قمر
وائل . مش قصدي عليك يعم روح
يزن. امال مين
وائل . اختى
يزن. انت شوفتها فين
وائل . ليلى بعتالى صورتها
يزن. خلينى اشوف
وائل. تؤتؤ
يزن. عشان خاطرى عشان خاطرى بقى
وائل . قولى عشان خاطرى ي احسن وائل ف الدنيا
وعايز هديه
يزن. ماشي يعم هات بقى
وائل. اتفضل ي سيدى
يزن ببشوف صورتها ياااه قمر يناس القمر ده كله بتاعى
وائل. حيلك حيلك انت بتعاكس ف اختى قدامى
يزن. بص بقولك اي دى مراتى هو انا شاقطها
وائل بضحكه بهزر الله .... وهات الفون ده كفايه كدا
يزن بغرور كفايه كفايه انا هروح للأصل دلوقتى
وائل . طب يلا بسرعه عشان انت اتأخرت اووى
يزن.فعلا اتاخرت
فرحه يزن ومليكه عارمه لا توصف فرحه أنه كل حاجة انحلت ومشاكلهم
سامر ف الفون يعنى انت جاي تعمل الفرح النهاردة ي يزن أدى الطيارة اتاخرت
يزن. معلش يحبيبي اعمل اي تعالى بس
سامر . اول ما الطيارة توصل هاجيلك حاضر
يزن. تمام يلا بقا بسرعه ..... ويلا سلام عشان سايق
سامر. انت مجبتش سواق
يزن. مراتى انا بس الى اشوفها
سامر. ماشي يعم الغيور
يزن. ماشي سلام
بيوصل المكان وبيطلع لمليكه
مليكه فستانها اسلامى جميل اوووى بيبقا خيال مع ميكب قليل اوووى
يزن. ماشاءالله تبارك الرحمن قمر يناااااااااااااااااااااس
مليكه. اهدئ ي ابنى فضحتنا بصوتك
يزن . اعمل اي انت اللى كل يوم تحلوى وانهاردة حلوة زيادة
مليكه بإبتسامه كسوف ماشي
يزن. يلا بقا ايدك ف ايدى عشان متأخرين
مليكه . يلا
ف وسط اجواء الفرح المليئة بالسعادة والحب بيدخل سامر ومعاه محروس ابو يزن ليقف الكل مصدوما
#زواج_مصلحه
Part.25 قبل الاخييييير
#الكاتبه_ايمان_محمد
فى وسط أجواء الفرح المليئه بالسعادة والفرح سعادة لا تقاوم من يزن ومليكه
يزن. بحب اليوم اللى اجتمعت بيكى فيه ي مليكتى بعشق كل لحظه .........ليدخل سامر الفرح
يزن بيروح يشده من على الباب بفرحه اتاخرت بس لحقت اهو انا كنت عارف
سامر بيدخل ومعاه محروس
يزن بيقف اي ده
سامر. ده ابوك ي يزن حرام تحرمه منك كدا ومن فرحك كمان
يزن. يعنى مكنش حرام يحرمنى من امى وانا لسه صغير
سامر . القانون سامحه سامح انت كمان ي يزن
يزن. ماليش دعوة ب القانون سامحه عشان السن والجريمة خلاص عدا عليها سنين انما هتعايش مع الموضوع ازاى أنه قتل امى
سامر .معلش ي يزن
يزن. تمام انهاردة بس عشان اليوم ميبوظش
محروس . انا اسف ي ابنى
يزن. تمام عن اذنك دلوقتى
بيبدأ أجواء الفرح من تانى يزن .......بقيتى مراتى رسمى ي بت انتى
مليكه بكسوف ماشي
وائل . والله إنه الواحد قمر يناس في اي مفيش حد معبره خالص كدا
ليلى. ومين هيعبر قر*د شكلك ي ابنى انت شايف نفسك
وائل . انتى بنهزرى ي بت اتلمى الله
ليلى. حاضر يخويا عن اذنك لما اروح اشوف اي حاجة تتأكل ف الفرح الساكت ده
وائل. مممممل اوووى ......استنى هروح اشوف المشكله اي ف الفرح ده ولا اللى قاعدين ف عزا
ليلى .ي ريت يخويا
وائل. فى اي ي أبيه الفرح كتبنا الكتاب تمام فين الاغانى بقا والرقص وكدا
سامر . شوفت حتا وائل نطق ااهو
يزن. فرح اسلامى ي جماعه
سامر . يعم ماشي اسلامى فين الناس اللى معزومين ف الفرح
يزن. مش عايز حد يشوف مراتى يعم هعمل اي بالناس والله على عينى انك شايفها اصلا
سامر. انت هتهزر في اي ي ابنى
يزن. بس بقا وابعدو كدا خلونى اروح اشوف مراتى
سامر. روح يخويا روح
وائل. اللى مصبرنى ع الفرح ده الأجواء والله الجنينه دى والأضواء الخافته خيال بس مش مدي على أنه فرح نهائي
سامر . معاك حق تعالى نشوف نعمل اي حاجة
فلاش باااااااااااااااااااااااااااك
يزن. جريمه قتل وده القاتل...... الجريمه كانت من 26 سنه قتل وزيف أنه التهمه لصاحبه وللاسف ابويا القاتل
كله بصدمه أنه جيه يبلغ عن ابوه كان اي بلاغ بيوصلهم بيكبرو دماغهم لكن ده ابنه
بعد العمر ده كله ....انت هتهزر ي ابنى انت بتفتح قضيه بقالها سنين
يزن. ايوه وعايز حق امى يرجع
__ مفيش من الكلام ده اتكل على الله الجريمه عدا عليها فترة كبيرة اوووى يعم
يزن. يعنى اي
__يعنى تتكل على ربنا وروح شوف شغلك هى مش ناقصه يابنى
لينقض عليه يزن ويمسكه من هدومه عن الرقبه
انت بتقول اي يعنى اي انا عايز حق امى يرجع
ــ بيبعد عن بصعوبه انت اتجننت ازاى تعمل معايا انا كدا
ده انا هوديك ف ستين داهيه
يزن. هات اخرك وبيسيبه وبيمشي حكومه معندهاش ضمير
وبكدا ابو يزن مش بيتحاسب على اي حاجة
محروس بيروح لشهاب
شهاب . عايز اي
محروس. عايزك تسامحنى ي شهاب انا اسف على كل حاجة
شهاب بتريقه اسامحك انت عارف انت عملت فيا اي
انا فضلت عايش بتعاير انى ابويا قتل حد وامى من كتر الحزن جواها ماتت وابويا مكفهوش اتحبس بس لا وانعدم وده كله عشان خاطر عيون البيه والاستاذ محروس باشا
حياتى ادمرت كلها ....اخويا مات وهو ف بطن امى معاها اسامحك على اي بالظبط
محروس بقلة حيله وتأنيب ضمير حاول تسامحنى ي ابنى عن اذنك
شهاب .مش عشان متحاسبتش ف الدنيا تبقا تنسي اللى عملته متنساش انك قاتل ي محروس اوعى تنسي اي حاجة ومتتساش انك السبب ف حرمانى من اهلى وكل ذنب عملته هتتحاسب عليه
محروس بيمشي من عنده وضميره بيأنبه جامد اوووى
بعد مرور كام شهر
سيف بيكون اتعالج ف المستشفى وبيطلع براءة من كل جرائم القتل
سيف مقتلش ريما ولا قتل ابوها ولا قتل اي حد
سيف ده كله مجرد أوهام جوة عقله مجرد ذكريات كاذبه
جوز ام مليكه . ازيك ي ابنى عامل اي
نوح . الحمد لله ي بابا .........الله هى فين مليكه ي بابا
""مش هنا ي ابنى ليه عايز اي
نوح . لا ولا حاجة بس هى فين
""هى ي ابنى اتجوزت من يزن محروس .............
نوح . هو ده صاحب شركه .....
""هو ده ايوه صح
نوح . ده انا شغال عنده ف الشركه
""امممم ماشي ي ابنى عن اذنك خلينى اروح اشوف وائل اتاخر ده كله ليه ف الدرس
نوح بتفكير تمام
انا طالع شويه ي بابا تمام
""تمام ي ابنى
نوح . يعنى حاليا مليكه اتجوزت اللى اسمه يزن ده
والشركه معظمها ب اسمه طب لو انحبس ده او حصله اي حاجة دلوقتى كل ده هيروح ليها وبعدها انا اتجوزها وكل حاجة تبقى ليا يعنى بدال ما انا اكون شغال عندهم يكونو شغالين عندى ......والله فكرة ي واد ي نوح مخك شغال
بس هتعمل اي عشان تعمل كدا
بتعدى فترة وبيكون نوح بيحاول يتقرب من شهاب وريما وسيف من بعد ما عرف انى فى مشاكل بين ريما ويزن وانى سيف بيحبها جاتله فكرة
سيف ماشي ف الطريق ومش واخد باله عربيه ب أقصي سرعه تقرب منه حتى انى نوح ليبعده
سيف بيقوم من ع الأرض شكرا اوووى حضرتك
نوح بمكر ده واجبي ولا يهمك
سيف. شكرا ليك اوووى
نوح . حضرتك ممكن توصلنى لشركه .....عشان عربيتى بايظه ومش لاقى اي حد يوصلنى
سيف . طبعا طبعا بس انت رايح الشركه دى ليه ممكن اساعدك
نوح . مفيش ولا حاجة انا شغال فيها
سيف . تمام ممكن تدينى اسمك اي وانا هشغلك ف قسم كويس .....انت متخرج من كليه اي
وبتكون دى بدايه كلامهم سوا نوح ماشي على الخطه بتاعته صح وبيخدع سيف بيتعرف على شهاب وريما من خلاله وهو متاكد انه دول اللى هيساعدوه ف اللى بيفكر فيه
بتعدى ايام كل يوم خروجات وفسح وسكير
شهاب ف يوم بيحكى كل حاجة ل نوح ومن ناحيته شايل اي
وده بيكون استغلاله سهل اووى
نوح داخل ف حالة ادمان بس مش مبين ده
سيف . انا راسي هتنفجر ي شهاب
نوح بيجيب الدوا وبيطلعه من جيبه ويحطه ف جيب شهاب
انت معاك دوا صداع يشهاب اديله
نرجع تانى يقمرات
بعد انتهاء الفرح وكل ما فيه
سامر . انا هروح ده فرح ده ولا كان عزا
وائل . خدنا معاك ي أبيه سامر
سامر. تعالى يا ابنى
ليلى. انا هاجى مع مليكه مش جايه معاكم
سامر . تمام .....يلا ي وائل انا وانت
سامر . يلا
""لا ي ليلى تعالى معايا اختك مش جايه معانا البيت
ليلى . لا انا عايزة اروح معاهم
"""لا ي بنتى مينفعش تعالى معايا انا هاجبلك شوكولاته اي رايك
ليلى . عايزه معاها حاجات كتيرة واكل كتير
""حاضر ي بنتى تعالى يلا بقا
ليلى . ماشي ي بابا يلا
يزن. يلا بقا ي مليكتى ودعتى كل اهلك
مليكه . اه
يزن. الفرح مكنش عجبك صح
مليكه. لا عادى اهم حاجة انك معايا
يزن. طب تعالى بقا وانا هعملك احلى فرح
مليكه . هنروح فين
يزن. تعالى معايا بس
مليكه. تمام
بعد مرور وقت
بيوصلو للملاهى والعاب وزينه وأنوار وصوت اغانى هادئه مع إضاءة و ورد قمة الرومانسيه مع الليل
يزن . اي رايك ي حبيبتى
هنلعب اي لعبه تخطر علي بالك وانا حاطط كاميرات عشان كل لحظه تتسجل وزين وفاطمه يشوفوها
مليكه. مين دول
يزن. عيالى انا وانتى الله
مليكه. انت سميتهم لوحدك كدا حرام
يزن . خلاص أهدى بقى يقلبي عايزة تختارى اي
مليكه. زين وفاطمه حلوين بردو مش مهم
يزن. امال ايه لازمه لوى البوز بقا
مليكه. بهزر بقى في اي
يزن. يلا بقا نلعب ....
بحبككككك موووت ي مليكتى يقلبي يخربيتك سرقتى قلبي
مليكه. وانا بعشقكككك ي يزن
مفيش غيرهم ف المكان كله محجوز ليهم
بيلعبو وكل اللعب اللى اختارتها خطيرة وف كل لعبه بتكون بتموت من الخوف
يزن. بدال خوافه كدا بتركبيهم ليه
مليكه .انت معايا ف مطمنه بس خايفه شويه صغننين بس لزوم انى اللعبه مخيفه اصلا
يزن. ماشي يقلبي
طب ي كل حاجة ليا متعبتيش من اللعب يلا نروح بقا
مليكه. لا لسه
خلينا شويه تعالى كدا فى لعبه هناك حلوة اهى ....وفجأة
يتبعععععععع
صلو على رسول الله
سلام هتوحشونى
الفصل الاول حتى الفصل العشرون من هنا
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺