رواية أم بالاجبار الفصل السابع عشر والثامن عشر بقلم فيروزه حصريه وجديده على مدونة أفكارنا
 |
رواية أم بالاجبار الفصل السابع عشر والثامن عشر بقلم فيروزه حصريه وجديده على مدونة أفكارنا
سند اتكلم بهمس وهو بيقرب مني ..تتجوزيني رحمتنا بيه وبي قلبي الغلبان...
اتكلمت بكسوف وهمس...موفقه علشان قلبك الغلبان بس...
سند وقف من الصدمه واتكلم بسرعه وهو بيجري قدمي ...بجد موفقه ولا بتهزري اوعي احسن قلبي مش حمل هزار ...
اتكلمت بكسوف وانا بجري من قدمه ....مش بهزر انا موفقه
طمن قلبك...
سند قعد مره واحده في الأرض وحط ايدو علي قلبو واتكلم بصوت عالي ...انا في اللحظه دي اسعد انسان في الدنيا... النهارده اجمل يوم في حياتي بحبك بحبك ومن النهارده حضني هو بيتك وقلبي وهو راحتك وانتي كل اللي ليه في الدنيا انتي حبيبتي وبنتي ودنيتي...
اتكلمت بهمس وانا بكمل مشي بسرعه ...وانا كمان بحبك ...
سند قام بسرعه وجري ورايه ....تعالي نتجوز دلوقتي...
اتكلمت بضحك.... مجنون ...
سند اتكلم بهمس....مجنون بحبك ومهوس بيكي وبقربك...
.
.
.
بعد مرور اسبوع ..
النهارده كتب كتابي علي سند ...والمأذون قال جملته الشهيره بارك الله لكما وبارك عليكما وجمع بينكما في خير...
وفي وقتها ماحستش بحاجه غير وسند شايلني وبيلف بيه ...
سند بابتسامه....بحبك يا اغلي من عمري بحبك قد عمري اللي فات وقد عمري وانا معاكي انتي عمري ....
اتكلمت بضحك....وانا كمان بحبك ..نزلني بقي كلهم بيبصوا علينا ...
سند بضحك نزلني وحضني جامد ...من النهارده مش عايزك تتكسفي من حضني انتي مراتي يعني احضنك في أي وقت وأي مكان وقدم اي حد ...وبعدين انا فضلت عمري كله مستني الحضن ده كنت خايف اموت قبل ما اخدك في حضني ولو مره واعوض سنين شوقي ليكي ده انا ابعيلك نص عمري في الدنيا ومشتريكي والنص التاني برده برده ميغلاش عليكي ...
اتكلمت بضحك ...وانت ميغلاش عليك قلبي ...
سند اتكلم بهمس وهو بيحضني اكتر ....نفسي افضل جمبك
دي اخر حاجه نفسي فيها حضنك جنه وقلبك نعيم وحبك حظ وقربك سعاده من النهارده انتي سعادتي وانا ليكي حضن حنين في حزنك قبل فرحك حبك دفئ لقلبي وروحي....
اتكلمت بكسوف ....ربنا يخليكي ليا وتفضل طول العمر جنبي وفي حضني ...
سند طلعني من حضنه ومسك ايدي وخرجنا بره ورفع عينه للسما واتكلم بحزن...هتفضلي امنيتي الاوله والاخيره حضنك
وقلبك وحبك كان حلمي.. وكانت آخر امنيه ليه اني اشوف النجوم وانتي في حضني ...وقرب مني وحضني جامد واتكلم بهمس....هتوحشيني اوي اوي بحبك وهحبك وعمري ما حبيت غيرك ولا اتمنيت غيرك وكل ثانيه كنت معاكي فيها هي دي بس اللي بحسبها من عمري غير كده انا كنت عايش وخلاص ....خليني دايما ذكره جميله في قلبك واوعي تنسي ... حبيني قد ما حبيتك وخليني دايما في قلبك بحبك ودايما حضني امانك ومكانك وملجاءك بحبك انتي دايما في قلبي هتوحشيني اوي..
مع كل كلمه كان بيقوله سند كان بيحضني اكتر ودموعه بتنزل اكتر وانا دموعي سابقه وحاسه بوجع في قلبي...
سند اتكلم بحزن....كل ما تحسي اني وحشتك بصي للنجوم انا هناك ودايما هكون شايفك انتي اجمل حاجه حصلتلي في حياتي وعمري ما هندم اني اديتك عمري انتي اغلي عندي من نفسي بحبك انا دايما هكون في قلبك انا دايما موجود في قلبك كل ما تحطي ايدك علي قلبك هتحسي بيه ده مكاني ...
مره واحده لقيت سند بيختافي من حضني وكأنه وهم دموعي وقفت مره واحده وقلبي وجعني حطيت ايدي علي قلبي وضغط عليه بقوه ...واتكلمت بهمس...هتفضل في قلبي وعقلي وروحي بحبك كان نفسي تفضل معايا ونعيش ونموت مع بعض انت كنت وهتفضل احن حضن واحن قلب بحبك وهحبك لحد اخر وقت لحد ما الناس تنسا والكل يروح وانت هتفضل مكاني وراحتي بحبك يا سند وسندي وبيتي واماني انت في قلبي ...
غمضت عيني بقوه وانا عارفه ان كل ده كان وهم بس كان نفسي يفضل لأطول فتره ممكنه انا مش عارفه هكمل من غيرك ازاي دموعي نزلت بغزاره وقلبي دقاته ذات وكان نفسي افضل معه حتي لو هو بس في قلبي بس الحقيقه أنه مات
.
.
.
ادم صحيت من النوم وضميت أيدها قلبي واتمنيت أنها ترجعلي انا وحيد من غيرها ...سبت أيدها وقربت منها علشان اطمن عليها بس الغريب اني لاقيت وشها كله مياه والاغراب أن الدموع نزله من عينها قربت منها بسرعه ومسحت دموعها بس دموعها كنت بتزيد ...ومره واحده فتحت عينها وحطيت أيدها علي قلبها وضغطت عليه جامد ودموعها كانت بتنزل بغزاره...
قربت منها بسرعه واتكلمت بخوف ...سما مالك حاسه بايه ياسما ...
مرديتش عليه بس ضغطها علي قلبها كان بيذيد بسرعه طلعت من الأوضه وجبت له الدكتور ...
الدكتور قرب منها واتكلم بهدوء ....سما مالك انتي كويسه حاسه بأيه انتي سمعاني..
كل اللي عملته أنها بقت تاخد نفسها بقوه وكأنها بتغرق وضغطها علي قلبها بيذيد ...كل اللي عمله الدكتور أنها ادلها ابره مهدءه....رجعت سما تاني غمضت عينها وهي بتضغط علي قلبها وبتشهق بصوت عالي من كتر العياط ...قربت منها وانا دموعي بتنزل ....سمعتها بتهمس قربت اكتر علشان اطمن عليها لاقيتها بتقول ....انت اغلي من عمري خليني في حضنك ضمني لقلبك هتوحشني وانت وحشني وانا جنبك مش عارفه هكمل من غير صوتك ازاي صوتك كان ونس لقلبي ...
ادم مسحت دموعها والحزن بينهش في قلبي أعقل يا آدم انت غيران من واحد ميت ...
سكتت ثانيه ورجعت اتكلمت بصوت عالي ...سند هتوحشني خليك انا السبب انا السبب المفروض اكون مكانك ...
قربت منها ومسكت أيدها واتكلمت بدموع وانا بطبطب عليها ...اهدي يا سما ده عمره ولو كان ليه عمره كان زمانه دلوقتي معانا بطلي عياط انتي كده بتعذيبه وانتي هتعبي اكتر ...فتحي عينك وطمنيني عليكي انا قلبي وجعني من غيابك وحزنك....
فتحت عيني وانا مش قادره اصدق اني السبب في موت سند
انا اللي كان لازم اموت انا اللي لازم اموت ....سماعه ادم بيتكلم بس مش قادره ارد عليه انا خلاص تعبت ...
دموعي زادت وقلبي بيوجعني اكتر ااااااه انا حاسه اني بحلم
وسند عايش هو كان لسه دلوقتي في حضني ازاي سابني ازاي ....خليك يا سند خليك انا محتاجلك ...
ادم اتكلمت بحزن وانا شايف دموعها بتزيد ...اهدي يا سما براحه علي نفسك الحزن زي الدخان بيكون كبير ووصال للسما ومع الوقت بيطير في الهواء وبيختفي انتي كمان مع الوقت هتنسي وحزنك هيختفي ...
اتكلمت بهمس ودموعي بتنزل....انا السبب انا السبب يارتني كنت مكانه
ادم اتكلمت بسرعه وانا بقرب منها وبحضنها ...بعد الشر عليكي اوعي تقولي كده تاني ده انا من غيرك كنت ميت انا عايزك من النهارده لا من دلوقتي تتحسني علشاني لو مش علشانك ...انا استنيتك كتير اوي ...قلبي مش عايز من الدنيا غيرك ...اللي بتعمليه في نفسك ده بيدمرني ارحمي قلبي...
اتكلمت بهمس وانا مستسلمه لحضن ادم انا معدش عندي طاقه أبعده ولا ارد عليه ...انا منفعكش انا بقيت بلا روح..
ادم اتكلمت بحزن ....ياااه بعد كل السنين دي بتقولي متنفعيش اصل مفيش حد ينفعني غيرك انتي نور وفرحه الدنيا انتي الدنيا انتي الحياه الوردي اللي بسمع عنها خليكي بس جنبي وانا هعوضك...
غمضت عيني ودموعي بتنزل بهدوء ...بتمني ارجع لوهمي تاني وأشوف سند واخده في حضني ...
ادم قلبي وجعني عليها قوي والأسف مفيش حاجه بايدي قادر اعملها علشان اشوفه احسن بس انا هفضل حضنها
من دلوقتي لحد اخر دقيقه في عمري ده مكانها ....
فتحت عيني بعد فتره لاقيت ادم ماسك ايدي وعمي قاعد جنبه ...اتكلمت بهمس ودموعي بتنزل...عمي ...
عمي قرب مني بحنان وحضني ....وحشتيني اوي اوي النهارده عيد بوجودك ...
اتكلمت بهمس ....انا مش مصدقه اني في حضنك ....
عمي اتكلم بدموع ....ولا انا مصدق اني بكلمك وحشتيني ...
حسيت أن قلبي اطمن شويه بوجود عمي وانه لسه عايش بس الغريبه أنه مات في حلمي ....
عمي اتكلم بحنان....في حاجه وجعكي انتي كويسه طمنيني عليكي...
اتكلمت بهدوء....انا بخير ...
غمضت عيني ونمت ...صحيت بعد مده لاقيت ادم ماسك ايدي ونايم وبين عليه التعب والحزن .... وطبعا كل ده بسببي ...سحبت ايدي من ايدو وقومت من مكاني بعد صعوبه وطلعت من الاوضه ونزلت تحت الجنينه وقعدت علي اقرب كرسي ورفعت عيني للسما وسمحت لدموعي بنزول
ادم فتحت عيني لاقيت السرير فاضي قومت بسرعه وبيقيت بجري بدور عليها لحد ما نزلت تحت ولاقيتها قاعده علي كرسي ....روحت قعدت جنبها وضميتها لقلبي...
غمضت عيني لما حسيت بادم قعد جنبي بس الاغراب أنها حضني ....
ادم اتكلمت بهدوء....مالك...
اتكلمت بحزن....خايفه ...
ادم بحزن....من ايه...
اتكلمت بحزن ودموعي زادت....من كل حاجه الدنيا وحشه اوي يا آدم وحشه اوي كل ما تديك حاجه بترجع وتاخده منك بس بأبشع الطرق انا مش مصدقه أنه مات بسببي انا حاسه بنار بتطلع من قلبي ....
ادم اتكلم بحزن....اهدي ده عمره وعمرك ما كنتي السبب ...
اتكلمت بحزن....انا السبب انا السبب...
ادم حضنتها اكتر واتكلمت بهمس ....سامحيني ...
اتكلمت باستغراب...علي ايه
وقبل ما اكمل كلامي ما حسيتش بالدنيا ...
ادم اتكلم بحزن...اسف بس دي الطريقه الوحيده علشان تكوني معايا وفي حضني انا عايزك وبحبك ...
اول ما نامت في حضني شالتها وطلعت بيها علي العربيه حطيتها جنبي وركبت مكاني وانا بعدلها شعرها وطلعت بالعربيه ....
.
البارت انتهاء بس الحكايه لسه بس خلاص بنقرب من النهايه ..
هستني رايكم في بارت النهارده...
البارت اللي فات قولت فيه إن سند مات وقت الدكتور ما خرج من اوضه العمليات قال البقاء لله ...وسما دخلت في غيبوبه من الصدمه كانت بتهرب من الوقع في الوهم ...
كل اللي فات مع سند ده كان وهم وفي الحقيقة اخر حاجه كانت مع سند لما دخل المستشفى....
عم سما مات في الوهم ...وادم مش متجوز ....
الحب شعور مؤلم دايما بيجرحك دايما عايز حبيبك حتي لو هو مش عايزك ...
بحبك كلمه حلوه بطعم مر ....
الحب داء ودواء...
روايه من واحي خيالي المجنون...
انا بنزل الروايه يوم اه ويوم لا بس لو في تفاعل كويس هتنزل كل يوم ....
الثامن عشر
#ام-بالأجبار.....
ادم ..وصلنا بعد مده لبيتي ..اللي اشتريه من فتره وكان كل حلمي اني اسكنه انا وملكت احلامي ...نزلت من العربيه وشلتها ودخلت بيها البيت وطلعت بيها لاوضتها وحطيتها علي السرير بهدوء كأنها حلم خايف اصحه منه..بعد ما حطيتها علي السرير فضلت ابص لاوضتها اللي فضلت اكتر من سنه بجهز فيها بكل تفاصيلها انا بعشق اي تفاصيله تخص سما حتي لو رمش من عينها مهما كنت اتخيل اني ممكن احب عمري ماكنت اتخيل اني ممكن اوصل للدرجه دي انا مش بعشقها انا بتنفسها هي النفس اللي عايش بيه امنيتي تحبني ولو واحد في الميه من ما انا بحبها او حتي تتقبلني
في حياتها مش شرط تحبني حبي ليه كفايه لينا احنا الاتنين
سعادتي بوجودي جنبها وامنيتي اني اكون سعادتها ..
فتحت عيني بعد مده وحسيت اني ديخه حولت اقوم من علي السرير بس حسيت بالدف غمضت عيني تاني وفتحتها بسرعه وانا مستغرابه الاوضه اللي نايمه فيها قومت من علي السرير بصعوبه ...بصيت حوليه لاقيت اوضه احلامي الاوضه كلها بلون السماء والغيوم في كل مكان ونجوم بسيطه في السقف كانو بيلمعو وكأنها السماء بصيت علي السرير لاقيها
مميز وكأنه خيال قومت من مكاني وانا مستغربه الاوضه والبيت وفضلت ماشيه لحد ما لاقيت سلم نزلت من عليه وفضلت ماشيه لحد ما شميت ريحه اكل مشيت مع الريحه لحد ما وصلت للمطبخ دخلت بسرعه علشان اعرف انا فين
لاقيت ادم وقف عند البوتجاز وبيطبخ قربت منه واتكلمت بهمس ...احنا هنا بنعمل ايه ...
ادم اتفجاءت بوجوده بس اتكلمت بهدوء....هنعيش هنا ...
اتكلمت بسرعه ...قصدك ايه ...
ادم لفيت ليها وقربت منها ووقفت قدمها واتكلم بهمس...
قصدي اني نفسي اشوفك زي الاول نفسي اشوف ابتسامتك
نفسي اشوف لمعه عيونك وانتي بتتكلمي نفسي تنسي الدنيا في وجودي نفسي تحبيني ولا اقولك بلاش تحبيني اديني فرصه اخليكي تحبيني فرصه
اتكلمت بحزن ودموعي نزلت ...انا يا آدم مبقيش انفع نفسي علشان انفعك انا كل ما بقرب من حد بيبعد عني بأبشع الطرق ارجوك ابعد عني مش عايزه اخسرك انت كمان انت اللي فضالي...
ادم اتكلمت بحنان وانا بحضنها ...ارجوكي كفايه قسوه علي نفسك انتي أضعف من انك تحزني انت ارق من نسمه هواء في يوم جميل انتي اغلي من انك تجرحي نفسك بالكلام انتي بتجرحني انا ...اديني فرصه اعوضك عن كل الدنيا وكل الناس اديني فرصه اقولك قد ايه انا بحبك بافعالي قبل كلامي...
اتكلمت بحزن وانا ببعد عن حضنه ...انا خايفه وحزينه ومكسوره ووحيده وخايفه افضل وحيده واموت وحيده
ادم كلامها بيوجع في قلبي اتكلمت بحنان وانا بقرب منها ..بعد الشر عليكي من الموت ...مش عايزك تخافي وانتي معايا انا هبقالك ابن قبل زوج ... أب قبل حبيب ...حبيب قبل زوج ...صديق قبل حبيب انا هبقالك الحضن اللي دايما مفتوحلك في حزنك وهمك و قلقك وخوفك قبل فرحك
وانتي هتبقيلي بت وام واخت وحبيبه وصاحبه وزوجه وحياه كامله انتي الدنيا في عيني ...
اتكلمت بحزن وانا بقرب منه وبحضنه وبدفن راسي في حضنه ...انا خايفه اوي يا آدم انا ضعيفه اوي انا بقيت خايفه طول الوقت خايفه اوي ...
ادم ضميتها اكتر ودموعي نزلت من كلامها ....ارجوكي كفايه قلبي معدش قادر انا معاكي وهيفضل حضني مفتوحلك طول العمر أوعي تخافي وانتي في حضني انا ابيع الدنيا علشان نظره من عينك ....
اتكلمت بهدوء....انا موفقه ...
ادم اتكلمت بستغراب...علي ايه ...
اتكلمت بهدوء...اني اديك فرصه تخليني احبك
ادم اتكلمت بسرعه من الفرحه ...عمرك ماهتندمي انا هخليكي اسعد انسانه بس اول حاجه نعملها نتجوز علشان اي قرب بينا حتي لو بسيط يكون في الحلال وقبل اي حاجه في أي وقت هتحبي تبعدي انا هحررك ...
اتكلمت بهدوء عكس كل الحزن اللي بينهش في قلبي... موفقه...
ادم انا حاسس اني بحلم قلبي هيقف من كتر الفرحه اتكلمت بهدوء عكس كل اللي حاسس بيه ...بكره هاخدك ونروح لبابا
علشان نتجوز ...
اتكلمت بهمس وانا ببعد عن حضنه ...طيب ...
وكنت هخرج من المطبخ بس ادم مسك ايدي ...
ادم اتكلمت بحنان ... خليكي معايا انا هعملك الكيكه اللي بتحبيها انا بقالي فتره بحاول اتعلمها علشانك ...
سحبت ايدي من ايدو وقعدت علي الكرسي وحطيت ايدي علي الطربيزه ونمت عليها وانا بصه لادم وهو بيحضر في الكيكه ....غمضت عيني واستسلمت للاحلام ....
.
.
عارفه يا مرات عمي انا بحب كيكه البرتقال اوي اكتر من الشكولاته كمان يااااه بتنزل في قلبي كده ...
مرات عمي بضحك...خلاص اتعملي تعمليها علشان تكليها علي طول ...
اتكلمت بضحك ...لا الاسهل اني اتجوز واحد بيعرف يعملها ولو بيحبني هيعمل اي حاجه علشاني وكل ما اكون زعلانه أو فرحانه هيعملي كيكه وياكلني في بوقي ويقولي اني اجمل واغلي عنده من نفسه وقتها هبوسه واقوله وانت اغلي من قلبي واني أسعد زوجه بوجوده في حياتي ويروح حضني اوي ويقولي أنه هيعمل اي حاجه علشان بس يشوف ابتسامتي وان ابتسامتي بتحلي الدنيا في عنيه....يااااه يا مرات عمي علي الحب وسنين الحب ...
مرات عمي بضحك...عيب يا بت وبعدين هتكسبي العريس ده في البخت ولا ايه ...
اتكلمت بضحك...لا هكسبه بنظره من عيني ...
وانا بتكلم شوفت ادم وقف ...اتكسفت وطلعت علي اوضتي وانا بجري..
.
.
فتحت عيني لاقيت ادم قاعد قدمي ومسك طبق كيكه ...
ادم اتكلمت بحنان وانا بقرب الشوكه منها ... افتحي بوقك
وقوليلي رايك ..
فتحت بوقي بهدوء واكلت الكيكه وكنت اجمل كيكه اكلتها في حياتي ....
ادم قربت منها الشوكه تاني وهي كانت بتفتح بوقها بهدوء
لحد ما خلصت اكلها قربت المنديل منها ومسحت شفيفها
واتكلمت بحنان ...اجيبلك تاني ...
اتكلمت بكسوف من نفسي قبل منه ازاي اسيبه ياكلني وانا كنت مستسلمه خلاص ...لا الحمد لله...انا هطلع انام ...
ادم اتكلمت بحنان....اكيد اعملي اللي انتي عايزه ده بيتك ...
طلعت علشان انام دخلت اوضتي تاني ونمت علي السرير وكنت بفكر في كل اللي مريت بيه في حياتي ....وقد ايه ادم وقف جنبي بدون مقابل وكان دايما بييقدملي الحنان والحب ...
غمضت عيني وروحت في عالم الاحلام صحيت تاني اليوم الصبح غيرت ونزلت تحت لاقيت ادم بيحضر الفطر قعدت مكاني وهو لما خلاص قرب مني واتكلم ...
ادم اتكلمت بحنان....مالك شكلك متغير ...
اتكلمت بهدوء...ولا حاجه ...
ادم اتكلمت بهدوء وانا بقرب الطبق منها...يلا افطري علشان نروح لبابا ...
بعد الاكل روحنا لعمي وهناك كانوا مجهزين كل حاجه والمأذون قال اشهر جمله في التاريخ ....بارك الله لكما وبارك عليكما وجمع بينكما في خير...
ادم كان بيقرب مني بس انا كنت شايفه سند اللي بيقرب مني جريت عليه وحضنته بقوي ...
ادم كانت رايح علشان احضنها لاقيتها جايه عليه بتجري وحضنتني انا من الفرحه حضنتها جامد وبقيت بلف بيها ..
وهي قالت اسوء حاجه سمعتها خليتني ارجع لأرض الوقع
ودمعه نزلت من عيني ومسحتها بسرعه ...
اتكلمت بحب ... وحشتيني اوي يا سند
وقبل ما اكمل كلامي لاقيت اللي انا حضنه ادم دموعي نزلت واتكلمت بسرعه وحزن ...انا اسفه يا آدم ...
ادم اتكلمت بحزن ...عادي
ومشيت وروحت عند بابا وبالليل روحت انا وسما ...
دخلنا البيت وهي طلعت علي اوضتها وانا طلعت وراها علي طول وفتحت باب الاضه وقعدت علي السرير ...
اتكلمت باستغراب لما لاقيت ادم دخل الاوضه وقعد علي السرير....انا هنام
ادم اتكلم بضحك وباين الحزن في صوته ..وانا كمان هنام
وقام وقرب مني وحضني وقال ...حبيني
اتكلمت بحزن...
البارت انتهاء والحكايه كمان في النهايه ...
الحب صبر والعشق خوف ...
والنهايه للصابرين..
هستني رايكم في بارت النهارده...والحكايه
رايكم بيهمني...
هو الحب هيدخل قبل سما تاني ...وادم
انا بشوف كل التعليقات....
كان في تعليق بيقول ان الروايه بقت بايخه اوي مش مفهومه
احب اقولك اني حابها وهكملها لاني شايفها مش بايخه ومش مفهومه ازاي لو مش فاهمه حاجه فيها ممكن تكتبي في التعليقات وانا هرد عليكي وافهمك اللي مش فاهمه وفي النهايه ده رايك وشكرا لكل أراكم..
روايه من واحي خيالي المجنون....
اتمني أنها كانت حكايه خفيفه ومختلفه عندكم ..
اكتر التعليقات المميزه انا هخدها اسكرين وانزلها علي صفحتي الشخصيه بتبقي ذكره جميله منكم....البارت الجاي هيكون الاخير أو قبل الأخير ...
انتظروووووني
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺