رواية ومامفر النصيب الحلقه الحاديه عشر حتى الحلقه الخامسه عشر بقلم الحلقة الكاتبة

رواية ومامفر النصيب الحلقه الحاديه عشر حتى الحلقه الخامسه عشر بقلم الحلقة الكاتبة_SirinSos حصريه وجديده وكامله جميع الفصول

Parti_11

وَمِنّ :

نَوبَاتِ الحُزّنِ المُفَاجِئَةّ

الوِحْدِة

الشُرُودُ عِلَى حِينِ غَفلَةٍ

عَدَمَ القُدرَةِ عَلَى فَتْحِ بَابِ الحَدِيث

الصَّمتُ المُخِيف

التَفْكِيرُ المُفْرِطْ

عُبُوسُ الوَجْهِ

السَّهَرُ لِوَقْتٍ طَوِيلٍ

الإِكتِئَابُ المُبتَسِم

إِنقِبَاضُ القَلّب

أَصبَحْتُ أُعَانِي 🕯💔

.......................................

وياريت سمعت كلام ميرال و مشيت بلا مشاكل بيسك هي شافت قبلي و مكانتش حابة تقولي (واش نقولك احبي انا بكيت وراكي علابالك) هوما حطوه وجى عينى عليه_خزرت فيه هذا يحي ايه يحي عدت في حالة هسترية وليت نشوف لميرال شوفي شوفي مليح هذا يحي ولا رانى نتخايل _امشي خطيك منو لبدلك بلفول بدليه بقشورو وانا دموعي هبطو يجرو قلتلها انا نستنا فيه وهو معرس انا نبكى ليل ونهار كفاه نتواصل معاه.وهوا معرس و جاب عروستو وفرحان ودنيا مهيش وسعاتو_ تحركي راه شافنا وراه جاي تحركي درت نلقاه قريب يوصل خانوني دموعي قدام و كلحق عندي _ههههه شكون لقيت سبحان الله تمنيت تشوفينى عريس وربي حققلى امنيتي _خزرت فيه قتلو ربي وكيلك منيش رايحة نسمحلك _ علاه توكلي عليا ربي ولاه راكي تندبي ياك تزوجتي ولا مزال قلبك معلق بيا ويضحك _هنا تشوكيت _هنا هدرت ميرال_زوجت وقتاه تزوجت شكون قالك قاللها شفتها بعيني والكورتاج مخرجها من البلوك نتاعها ولا هيا حلال تتزوج وحنا لالا _ وقتاه قاللها عندها شهرين ونص وخزر فيا قالي ولا رماك

وليت نضحك بصوت _لالا رانى بالحمل وجيت نريح يمات ورحت خليتو _ميرال قعدت شوية واقفا معاه وجات تجرى_ يا ليليا يا حبيبتي راهو فاهم بالغالط ياقلبي متبكيش(ستر ربي خالتي فاتت) عمبالو انتي لي تزوجتي وسيليا تشبهلك علابيها مفهمش _ضحكت طبيعتو يفهم لى تساعدو وانا نمشي كي سكرانة نتراما فى الطريق(شحال صعيبة سيرتو كي يكون سوء فهم وهذا سوء فهم كبير وقع بين #ليليا_ويحي🥺 و خلاوهم يدفعو ثمن في زوج للاسف الدنيا مكاتيب 😢😢) شعور لى حسيت بيه جامي حسيتو تكسرت ونقهرت فى دقيقة نحس في واحد حبست قدامي موطو طلعت راسي دموعي شلال انا قلت نزار ظهر يحي جاء لعندي _ليليا والله غير سقسيت وقالولي هيا راح تزوج ومكنتش علابالي بلي نتي عندك توأم وزيد نهار العرس دخلت وسط الناس وشفت العروسة تشبهلك مقعد عندي عقل_اسمعني يحي كلش بالمكتوب وانت مراكش مكتوبي قلتها وهيا توجع في قلبى قتلو روح الناس كامل راهم يتفرجو فينا روح لمرتك مبروك عليك جيت نمشي_ يحرم عليا جنس النساء اذا مديتكش ماندى حتى وحدة وليت نضحك قتلو من نيتك💔 _ستنايني قيس مانطلق ونجى ليك _وشكون قالك نقبل بيك 😢🥺وزيد مطلق من فوق قتلو روح ربي يسهلك ماعندي علاه نسناك ستنيتك😔 وشحال في اللخر تزوجت ماسمعتنيش نهار عرس ختي لوكان فهمت كلش _ياقلبي كنت سكران كى شفتك عروسة رحت طول للقرعة كى عيطتيلي كان عقلى طار _خلاص كل واحد في طريقو _ هذا العرس ميكملش وهنا يحبس وغدوا تطلق استنايني استنايني ليليا راكى تسمعي_ خزرت فيه مليح كما حرقتلى قلبي نحرقلك قلبك وأول واحد يخطبنى نروح ومنسالش فيك وطلعت للبلوك نتاعنا نبكى وندعي عليه خلانى كلكلبة طلعت معايا ميرال مبغاتش تزيد عليا غير ساكتة 🥺 لقينا نزار فدار فتح عليا الباب وعطاني................................... يتبع

نكتب في هذا الجزء ونبكي 🥺😢#وما_مفر_النصيب

الكاتبة_SirinSos

Parti_12

عليه خلانى كالكلبة طلعت معايا ميرال مبغاتش تزيد عليا غير ساكتة 🥺 لقينا نزار فدار فتح عليا الباب وعطاني كف

تخلخلو سنانى قتلو مزية خرجت وشفت بعيني جيت نكمل هدرتى سكتتنى ميرال_اسمعني نتي طيري منا نزيد نشوفك هنا نمحيك ايا ديڨاج حتى هي وزاد حاوزها مسكينة وليت نبكى درت حالة ماما ولات تدعى عليه_حبيت تهبل ختك ياك هذا واش بقاتلي ختك صغيرة زيد هبلها يا حمار ووووووو مخلاتلو ما بقاتلو يا عرت رجال وزاد بابا حاوزو من الدار قالو مادمني حي واحد مايحكم فيها رحت لبيتي نبكى ونشهق حتى مرضت جبتها فراش سمانة عيطت ماما لخياتى حفصةوسيليا ارواحو شوفوها واش بيها وليت منهدرش بزاف ومنكلش طبعا الزعاف والقنطة سبابي جات حفصة مسكينة تنصح فيا _ نوضي تصلي وادعي ربي وانا صح كنت نهار نصلى وعشرة لالا نضت دوشت ورجعت نصلي كي جات سيليا علابالها بحكاية يحي قلتلها _ناضت عنقتني_سيسي يحي تزوج نهدر ونبكي شوفى بلى تزوح وقالى ستناينى _ مدام مدرهاش بلعانى وخلاك استنايه_ وخاوتي وبابا يقبلو بيه اذا طلق _منعرف كي هدرت مع سيليا راحتلب هذيك الغمة حتى جاء ياسين فليل وجاب خبر كالساعقة عيطتلي يما_ليليا وسيليا اهبطو تتعشاو سيليا هبطي ختك معاك مراهيش تاكل هبطيها_شافت فيا امسحي دموعك وهي نهبطو درت كيما قالتلي وهبطنا قعدنا معاهم قعدو يهدرو باش ينحولي لقلقة حتى دخل ياسين وجاب معاه خبر متوقعتوش خلاص ولي راح يغير مجرا حياتي 😢_بابا راني جايب خبر يفرح وعلابالي راح تفرحو تهنينا من وحدة لقينالها راجل لي يفرحها و تعيش هانية_خزرت قلبي راح يحبس حسيت حاجة راح تصرا_ايه وليدي اهدر واش كاين_ صاحبي ###### شاف *****(ذكرلو لقبو)_ايه عرفتو واشبيه_راهو خطبني في ليليا وانا راني موافق_شرڨت عرفتو بلي صاحبو لي جاء معاه خطبنى وراه قابل وهو وبابا وليت عمرى بغات تخرج قلت لسيليا واش ندير _ختي حالتي راهي حالتك شوفي مخروجك_ اعطيني تليفونك نهدر مع ميرال_ مداتولى وهيا تعس عليا قدام لباب _ماركيت نميرو وعيطتلها_رفدت عليا بلا مقدمات بديت نحكيلها_ليليا ياك انا نبغي مصلحتك حنونتي _ايه علابالي ميمي_لوكان جيت انا منك نقبل بيه الراجل خدام و زيد شاف كبير و من فوقها صاحب خوك ويعرفو..............................................يتبع#وما_مفر_النصيب

الكاتبة_SirinSos

Parti_13

وانا منك نقبل بيه الراجل خدام وصاحب خوك يعرفو مراحش يرميك ويحي مدريش عليه راه راح مبانش وزيد تزوجي وخليك منو عيشي حياتك كما راه عايشها شكون شافو بلاك راه فى شهر العسل هوا ومرتو وانتي استناي وقتاه يحن عليك _وصح خدمتلي والصح تعمرت عليه قبلت ديركت وياريت مقبلت زواج الهم(وي ليليا لوكان دريتي واش رايح يصرا مقبلتيش💔) كوبيت عليها بعد ما نصحتني_قاتلي زيدي خممي ختي (تقول حست بيا 😢💔) هبطت لتحت لقيتهم ملمومين ڨات قلتلهم قابلة _ خويا عيطلو قالو رانا قابلين الوقت لي تجو مرحبا بيكم قالو على سمانة نجو _هذاك الوقت طاح نهار الخميس الدار يوجدو وفرحانين غير سيليا لي تصبر فيا كل دقيقة قاعدة معايا وصل نهار لخميس نضت صباح على عياط و الحس لي معمر فالدار ولاد خالتي جاو يعاوني يما نضت دوشت توضيت صليت شوي دخلت عليا سيليا في يدها قفطان بلونكاسي و محجر يهبل يعني _نوضي ختيتو نوضي عاونتي لبستلي دارتلي شوي مكياج و جبدتلي غير لماش من قدام بيسك شعري بالشيسوار و بلابيه عادي حتى كي ندير ميبانش بيسك شعري رطب _جيتي تهبلي يا عمري_تبسمتلها_نوضي شوفي_نوضتني لمراية نتاع لخزانة شفت روكي صح خرجت نهبل تمنيتها مع يحي هذي لحظة 😢_ قعدت معايا مبغاتش تخليني وتحكيلي واش دارت وكيفاش عايشة حتى سمعنا كلاكسوني برا عرفتهم جاو_نسمع فالزغاريت تحت قلبي يخبط شوي هكذاك طلعت حفصة_هي ليليا دك راهم يسقسيو عليك _هبطت معاهم في زوج دخلو هوما وانا وراهم_مرحبا مرحبا طلعت راسي لقيت مرا كبيرة عرفتها يماه و مرتحتلهاش صراحة و زوج بنات و عمو و هو بيسك باباه ميت_ارواحي بنتي ارواحي قعدت حدا يماه تسقسي بزاف هوما مظهرينا يبانو ناس ملاح حتى شوي وطبطب الباب سمعت صوت بابا عيط لماما _عيطي ليليا تجي _ليليا بنتي ارواحي _نضت قلبي يدق من الخوف عرفتها باه يشوفني_دخلت لبيتي ودخل هوا وخويا ياسين قالو_ هذا هوا القماش ادي ولا خاي ولا يضحك وانا راسي مرفدتوش من الارض خرج خويا وخلاني معاه حتى هدر_ سلام _رجعتلو و عليكم السلام _انا رسيم_معرفتش واش نهدر قتلو متشرفين😅_طلعي راسك نشوفك مليح طلعت راسي شفت معاه زينو مليح شعرو قهوي وجهو منمش شوية مقبول الشكل (هنا قاتلي ليليا موصفتهولكش بزاف بيسك كون نوصفو ندي طريحة 😂😂) على العموم مقبول كنت نشوف معا#وما_مفر_النصيب

❤️🌺🌹❤️🌺🌹❤️🌺🌹❤️🌺🌹❤️

الكاتبة_SirinSos

Parti_14

لي قالها بالي بعيد في الأخير_ليليا راكي قابلة _ان شاء الله _ضحكلي عطاني الدراهم وخرج _بعد خرج حطيت يدي على قلبي ورجعت لصالو _مهم تفاهمو الرجال بيناتهم على الشرط و الخطبة والعرس كانو من ولاية خلاف كنت راح نبعد على دارنا بزاف ولاية من الشرق يخدم فى الدولة مع ياسين قالتلي يماه هذا واش نسعا مور المرحوم راجلها غير رسيم قالتلي تقعدى معايا والبنات زوج مزوجين وهذو الزوج مزالو دريهم خياتك قالتلها ماما ان شاء الله

تفاهمو الخطبة على سمانتين والعرس على 4 شهور الفاتحة والعقد سمانتين قبل العرس والصداق نهار الخطبة كل هذا وانا مزال قلبي وعقلي مع يحي جاء عندى خويا نزار_ هكذا خير ديري دارك كما خياتك وتريحي نشوف ليه قريب سبيتو كنت راح نقولو انت سبابي لوكان راه يحي خطبنى سكت وخليتو وانا قلبي كحل من جيهة نزار جازو الايام ولحق وقت الخطبة درنا خطبة الله الله عرضنا القريب والبعيد ودرنا العشاء وانا قلبي خارج باينة عليا بلي مسيفين عليا هذا الزواج جاز نهار الخطبة ركبتلى يماه الخاتم. هوا مدخلش جابو واش كتب ربي وراحو كملنا لعشاء وتفركتو الضياف لى راح راح ولى بات بات جات ميرال حظرت الخطبة _حبي هكذا خير هوا راه بمرتو وانتى تستناي فيه قالتلى خممي فى مستقبل نتاعك _ نحاول جازو ايام وشهور وحنا مع الجهاز كل مرة معامن نخرج رسيم خطيبي منهدرش معاه بزاف كلمة وقص لحق العقد والفاتحة يحي مابان عليه والو كل يوم نقول تصرا معجزة نبطل هذا الزواج ويرجعلي يحي بالي غير عندو. واش راه يدير واش راه يخدم راه معاها راه فى حضنها را xxxxمعاها كل يوم هكذا حتى حقدت عليه قلت خلاص دوكا راني مرت راجل نقبل بمكتوبي وخلاص لحق نهار العرس درنا عشاء فى الدار لبست حاجة خفيفة حتى لحفافة جبوهالي لدار نزار قالهم متخرجش من دار حتى كي تخرج تخرج رايحة لدار راجلها و خليت التصديرة كنروح ثما هوما اقترحو عليا باه منتعبش ثاني نهار جتز العشاء تاعي درنا بيناتنا بوصت خفيف كلش فيا رافض هذا الزواج وعقلي قابل بيه جاو غدوا من ذاك الكورتاج صبح بسك ولاية بعيدة وانا الفجر كنت عند الحفافة مجاش هوا جاو خياتو جابو البرنوس ركبوهولى وخرجت تحت جناح بابا

خرجت من دارنا على الزغاريت والطبول بصح انا جثة بلا روح كامل فرحانين الا انا رحت معايا ختى حفصة#وما_مفر_النصيب

الكاتبة_SirinSos

Parti_15

من تكون..!!؟

سؤال استوقفني..

أنا لست كما تراني من خلال كلماتي..!! الذي تراه هو فكري..

حفنة من الكلمات التي تصطف لتعبر عن ذبذبات شاردة هنا وهناك يلتقطها العقل عن طريق الحواس.، ثم يعيد هيكلتها ونحتها ورسمها وتصويرها بكل ألوان الإبداع ليشكل منها أيقونة ذات كيان ذبذبي قادر على التنقل من عقل إلى عقل..

بعض العقول تفلتر هذا الكلام وتعيد تشكيلة بطريقة أفضل.. وبعضها يحتفظ به لوقت الحاجة.. وبعضها يمر عليه مرور الكرام💔

....................................

هكذا قتلو علاه تبعتنى واش تحوس من عندي_مقدرتش ننساك _وين كنت من قبل قالى واحد محب يجى معايا عند باباك ونفهمو قالولي واش ذنب الولية لى جبتها وخليتها🥺(على مرتو لي تزوجها) نهار عرسها ليومنا هذا مزال مرجعتهاش مرتي ولا رقدت فى فراشي حرام عليك انا نطيح ونوض باه نطلق وانتى تزوجتي_روح يحي عيش حياتك ونساني_وانتى تقدرى تنسايني _نقدر بربي ان شاء الله نقدر_قلبي يا روحي انا منقدرش وعرفي حاجة ذنبي فى رقبتك ليوم الدين _علاه دنبك في رقبتي_ متحوسيش تفهمى وتهلاي فى روحك ليليا طلي من التاقة نشوفك آخر مرة_تحلم راني مرت راجل _آخر مرة تعيشي _لالا اصلا رانى نهدر معاك حرام عليا روح كمل حياتك وانا انساني كوبيت عليه قبل مايهدر كاش كلمة اخرى حسيت غصة في حلقي مقدرتش نهدر ولا نتنفس هذيك الساعة وليت نشهد قلبي حب يخرج من فمي واعصابي وليت نترعد ونفيبري من الخوف والزواج لى رميت روحي فيه وليت نندب ونقول واش داني نقبل بهذا الزواج ميرال عند راسي تسكت فيا وتقولي نوضي راجلك طالع يخرجك قلتلها وين يخرجنى وانا عمري راح تخرج قالتلي تجوزى ليلتك معاه فى لوتال مجات تكمل الهدرة سمعنا الزغاريت عرفتها راح يدخل زدمت عليا يماه_يالله لبسي حاجة سترى روحك باه تروحو راحت ميراال جابتلي ملاية عراسي لبستهالى فوق البيجامة والله مبدلت مقدرتش ودرت خمار عطاتلي تليفون وفاليزة ونوضتنى _ليليا انساي وبداي حياتك _كيفاه ننساه وهوا دوك يهدر معايا ويفكر فيا_طفرت دوكا راكى مرت راجل حتى دخلو عليا وانا الدموع والخناين دايرن طريق وعينيا منفخين _هدرت ختو واش بيك علاه تندبي شافت فيا ميرالوقالتلها_حاجة باينة تبكي شوفي وين كانت وين رجعت قصدها على دارنا والبعد دخل رسيم بالبرنوس لابس كوستيم زرق محفف تاحف روحو سلم عليا وهوما يزغرتو _همسلي في وذني يالله نروحو شدني من يدى وخرجنا وهوما ورانا ميرال شادتني من يدي لخرى وتهدر_ياليليا راح يفيقلك علاه راكى دري هكذا_ يرحمها ربي واذا نشعنى نقولو ونتهنا من زواج هذا_هبلتي واش يقولو الناس وتكسري ظهر باباك وخاوتك بلهدرة العاطلة حتى هدر رسيم_واش كاين مزال توتوتو مكملتوش (كنا نهدرو بلعقل وحنا خارجن لطنوبيل)ولات تزغرت ميرال وحفصة هدرت_ كوني مرأة وحمرينا وجهنا وخرجت معاه رحنا كورتاج صغير لوتال لحقنا طلعنا_ دخلنا لاشومبر مزينا راكم عارفين مندخلوش في تفاصيل بزاف دخل قعد حتى نطق_قالى/// وجدي روحك نصلو_درتلو براسي رحت دخلت شفت وين راه الدوش دوشت ولبسة نويزات ولبست طاقم الصلاة خزرت فى روحي فى المرايا ونتفكر واش حكالي يحي قلت اليوم ليلتي مع رسيم ربي يقدرنى ونكون معاه زوجة بمعنى الكلمة ونقدر ننسا يحي خرجت صلينا وقرا دعاء جيت نوض قالى ريحى نهدرو قبل دار.........

الحلقه السادسه عشر حتى الحلقه العشرون من هنا

بداية الروايه من هنا

🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹

ادخلوا بسرعه حملوه وخلوه علي موبيلاتكم من هنا 👇👇👇

من غير ماتدورو ولاتحتارو جبتلكم أحدث الروايات حملوا تطبيق النجم المتوهج للروايات الكامله والحصريه مجاناً من هنا

وكمان اروع الروايات هنا 👇

روايات كامله وحصريه من هنا

انضموا معنا على تليجرام ليصلكم اشعار بالروايات فور نزولها من هنااااااااا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺