رواية ومامفر النصيب الحلقة السادسة عشر حتى الحلقه العشرون بقلم الكاتبة_SirinSos حصريه وجديده على مدونة أفكارنا
 |
رواية ومامفر النصيب الحلقة السادسة عشر حتى الحلقه العشرون بقلم الكاتبة_SirinSos حصريه وجديده على مدونة أفكارنا
Parti_16
اليوم ليلتي مع رسيم ربي يقدرنى ونكون معاه زوجة بمعنى الكلمة ونقدر ننسا يحي خرجت صلينا وقرا دعاء جيت نوض هدر_ريحى نهدرو قبل دار عندي وحنا فوق السجادات حتى قالي هدرة هزتني_شوفي يابنت الناس انا كي قصدتك قصدت تربيتك وعلبالي راح تكوني مرأة قد المسؤولية والهدرة لى راح نقولها يخرج منها حرف نقتلك بدم البارد نخصر عليك رصاصة انتى تموتى وانا نباصي وليت نبكى قلت هذا سور عرف حكايتي مع يحي وراح يزكر فيا ويكرهلي حياتى _شوفى حاجة متخصك بصح كونى معايا قتلو فى واش نكون معاك فهمنى علاه راك تتحلف فيا واش كاين قالي المشكل فيا انا ماشي انتى (انا ثما درت شهيق زفير بسك ريحت شوية)_اسمعينى مليح انا منتوشيكش ومراحش نتوشيك علابالك علاه قالي عندي عجز جنسي ومكاش علاج لهنا لازم للخارج (كان عندو عجز+العضو الذكرى صغير )قالي هذا المشكل ملي كنت صغير ويماه حتمت الزواج عليه وانا حشمت نقوللها وليدك مراهش راجل قلت نتزوج واذا صبرتى معايا نروح نعالج فى الخارج بسك لازم اكثر من ثلاث عمليات رانى نحكيلك باه تقدرى الوضع نتاعي وتصبري معايا_لوقتاه نبقاو هكذا_حتى يكتب ربي قالى صارحتك بالمشكلة نتاعي وقسما عظما ونسمع كلمة وحدة خرجت تخرج عمرك مع روحك ومتهدريهاش _ولغدوا كفاه_من بعد نهدر مع يما نقوللها فرات وميحوسوش على المارة قالي نوضي ترقدى تريحي وغدوى يرحمها ربي_رحت لدوش نحيت حوايجي ولبسة بيجامة فوز كلار ورقدت وهوا خرج رقدت طول لصباح فطنت على التليفون يصوني لقيتها حفصة صبحت عليا_صباح الخير نوراتي _صباح نور_ واش درتي فيها _كلش جاز الحمد الله_وجدي روحك باه ترجعو مبقاوش ويلحقو دارنا كوبيت عليها انا خرجت نلقاه راقد فوق فوتاي الصح الصح غاضني المشكل نتاعو خلاه يحس انو ماشي راجل وهوا بسلامتو رافد صحتو ليشوفو يكذب انو هذا عندو عجز المهم رحت عندو نوضتو _واش كاين صبحت عليه رجعلي قتلو راهم........................................... يتبع#وما_مفر_النصيب
الكاتبة_SirinSos
Parti_17
راجل وهوا بسلامتو رافد صحتو ليشوفو يكذب انو هذا عندو عجز المهم رحت عندو نوضتو _واش كاين صبحت عليه _صباح نور_قتلو عيطونا نرجعو راهم قريب يلحقو دارنا _سقساوك؟! _ايه وقلتلهم كلش جاز الحمد الله_ تبسم وجدى روحك نروحو جابونا القهوة لشمبرة شروبنا ولميت الحالة ولبست لملاية لي جيت بيها حطيت شوي غوج و غسيل درت مكياج سانبل وخرجنا رحنا فطونوبيل_رسيم_دارلي شاف فيا انعم_ لوكان يسقسونى على المارة واش نقول _ياك قتلك نهدر مع يما انا نفريها_تعجبت تهدر معاها نورمال شاف فيا_ايه عادي دورت وجهي قتلو ربي يسهل لحقنا هبطنا قابلونا ڨاع برا يستناو دخلنا وجات يماه تسقسي فيه قدامهم واش سبع ولا ضبع قاللها سبع سبع ولد اللبة(في قلبي ايه من درك بداتها 🐍)_
حتى نطقت حفصة رجعتلهاحتى ختي لبة بنت السبع 🙃فهمت بلى حفصة راهي منشعة ولا مقلقة دخلنا جات حفافة سڨمتلى شوية وخرجت جات ميرال _واش كاين_خطيك مكان والو_مصدقتهاش باينة نشعوهم_مهم لحقو دارنا دارو فطور وقهوة جازت الصبحية عادي واللعشيه جاو رايحين دخل بابا وياسين مع رسيم باركولى ووصاوني وراحو مام ماما وحفصةوميرال خرجو وانا نبكى خلاوني وسط عايلة منعرف ساسها من راسها عيطتلي سيليا بيسك مجاتش تباركلي _اهلا ختي_اهليب سيلو_واش راكي جاز كلش مليح_والله لاباس الحمدلله_فرحى وعيشي حياتك_ انتي ديتي حبيبك على هكذا راكى تهدري لوكان تزوجتي بوحد آخر وخلاك حبيبك تحسي بيا_ولات تبكى كفاه منحسش بيك وانا توأم نتاعك راكي مريضة تما وانا لهنا عمبالك صح من الحمل راه قلبي طايب عليك هيا تبكى وانا كثر حتى دخل رسيم _قلتلها سيليا من بعد نهدرو دوكا راني مشغولة كوبيت عليها مسحت دموعي جاء عندي هدر_واش بيك ندمتي كي تزوجتي بيا قتلو ماشي هكذا اول مرة نكون بعيدة على دارنا (وفي قلب لوكان تعرف الندامة لي راهي تاكل فيا تفرغ سلاحك فى راسي)_شوفى عندى من اليوم نحبك تبقاي مستورة معايا حبيتي ترقدي معايا رقدي محبتيش شوفى بساط ورقدى وحدك (اما خيتي كيما قالوها لبساكرة فرشي بساط وارقدي فالرض ابابابا)(بسك عندى شمبرة برك كلش معاهم )..................................... يتبع#وما_مفر_النصيب
الكاتبة_SirinSos
Parti_18
❤️🌺🌹❤️🌺🌹❤️🌺🌹❤️🌺🌹❤️تبقاي مستورة معايا حبيتي ترقدي معايا رقدي محبتيش شوفى بساط ورقدى وحدك (اما خيتي كيما قالوها لبساكرة فرشي بساط وارقدي فالرض ابابابا)(بسك عندى شمبرة برك كلش معاهم )_و نزيدك خياتى متلحقيهمش شوية لسانهم طويل بصح انا نفريها معاهم و و حاجة لي يما تقول كحلة كحلة ولا حمراء حمراء بلا نقاش زايد تعمليها فهمتي_ميلحقونى منلحقهم كل واحد يحكم سابعو شاف فيا وحمر عينيه وخرج فوتنا شهر كل واحد وين يرقد الصباح نلم كلشي تكلي مكاين هو ميهدرش معايا قليل واذا هدر غير لازم تسكتي على المشكل نتاعو ولا بلاكي بلاكي هذا واش يعرف دارنا يعيطولى يسقسو مام ميرال قالتلي راهي تحوس على خدمة بديبلوم لى درناه (درنا مساعد طبيب ) العجوزة هيا لى تحكم كلش بلمشورة حتى لسياست تروحي ترقدى لازم تطلبي الاذن منها(سيطرة الشايبات نار شحال نتنارف 😂سيرتو انا نربح العيب فمي ياكلني سيرين تتكلم 😂😂) مهم لحق وقت يرجع للخدمة يولي كما من قبل شهر بشهر قتلو نروح لدارنا نرد الزيارة قالي كى نرجع المرة الجاية حتمت عليه وليت نبكى داني معاه هوا عندو طنوبيل قالى نديك وشوفى كفاه ترجعى(صراحتا علاه عجبتي قصتك ليليا بيسك مختلفة مشي من نوع لي رانا نشوفو فيه ونزيدك نتاع ممنوع ترجعي وحدك قالها شوفي كيلاس ترجعي ماعندو لا غيرة لا سيدي زكري) وممنوع تخرجي ولا حرف من قصتنا يخرج نعدمك راكي شفتى وجهي الصحيح القبيح مشفتيهش طريق كاملة يتحلف فيا وانا ساكتة لحقنا وين نسكنو قضالي ودخلت عليهم فرحو بيا معلابلهمش بلى رايحة دار بابا العشاء وعيط لخياتي وانا عيطت لميرال منقدرش بلا بيها تلمينا تعشينا قصرنا نحيت على خاطرى رحت لشمبرة نتاعى راحت معيا ميرال_ كفاه راكى قلتلها كفاه نبانلك_ راكى صفراء تقول هربي لعزرين وليت نضحك _مرنيش مرتاحة فى الزواح هذا_واش كاين قلتلها لحد الآن مكان والو بتنا مجمعين _هذاك الوقت سليا عرفت نوع الجنين طفل راجلها دايرها فوق راسو وفرحان بيها ويدلع فيها قلت في نفسي سبحان الله كي يحبك راجلك عكس كي ميحبكش بتنا فى رحبة هذيك اليلة كل واحد يسقسي كفاه عايشة معاه واسكو متهلي فيا ويقلشني ونكذب ونقول غير ايه الحمد الله (معلبلهمش عايشين خاوة فى الشمبرة قالى الحوايج ارقدى بالمستور 😅🐍) الصباح راحو خياتي وبقات ميرال قبل متخرج قلتلها ميرال _ مزادش عيطلك يحي ولات تندب _ياخاه هبلتي انتي مزوجة وتحوسي تخلي دارك علاه تسقسي عليه _واش بي جدك سقسيت برك _الله يهديك وراحت جوزت سمانة فى دارنا ورجعني بابا كرالي طاكسي وهذيك السمانة يعيطلى رسيم يسقسي عليا ويتحلف شوية ويكوبي رحت لداري سلمت عليهم لقيتهم مجمعين لام مع بناتها يسلمو وبتشناف طلعت . دخلت لشمبرة لقيتها مبدلة الديكور والحوايج مخلطين كل..................................... يتبع#وما_مفر_النصيب
الكاتبة_SirinSos
Parti_19
مجمعين لام مع بناتها يسلمو وبتشناف طلعت . دخلت لشمبرة لقيتها مبدلة الديكور والحوايج مخلطين كل حاجة وين الماكياج نصو مكاش تم تم دخلو لبنات خيات رسيم قالولي بدلنالك الديكور وفرزنا الحوايج_علاه تدناو لصوالحي انا منحبش هكذا وبداو يعيطو ويطيرو فيا_ جيتي محرشة من داركم علاه سرقناك ياك فرزنا الحالة مخلاو ما بقاو_رجعو اللوم عليا وليت نطلب فى السماح غير خطونى برك جات عجوزتي_اسمعي يالالة هذي داري وبناتي راهم فى دارهم ومن اليوم ترقد معاك وحدة كي مكاش وليدي (رسيم) وليت راح نجهل_علاه ترقد معايا غير الخير بيتي ومنرقدش براحتي تاني مربا هذي_تزايدنا في الهدرة وهي كي شيطان افعى مانبا هبطو وعيطولو عمروه عليا دقيقة عيطلي سمعني وسخ وذنيا كوبيت دراكت عاد يبعثلي فالميساج وندير فيك ونربيك وووووووو غلقت تيلفون من تم مهدرتش معاه حتى رجع من الخدمة زعما زعفان يعيط ليماه يسقسي ويكوبي انا ميسقسيش عليا اصلن وزيد حاجة يكون ثما رسيم يكونو مربيين يخافو منو لى هوا طفل واحد مقلش غير كلمتو لى جوز ويقولولي قدامو مرت الغالي ههه (زعما عليا هنن) وكي ميكونش تدور الحالة مهم كي رجع سلمت عليه فوق القلب لباس لباس وبعدين دخلنا لشمبرة _حطمني من يدي و زير عليها واش وصيتك متخالطيش خياتي ومكلاه الهدرة الزايدة _وجعتني نحي يدك هوما لي تقول عليهم خياتك دناو لصوالحي واش دخلهم لشمبرة ويقلبو ويبدلو الديكور وزيد حوايج مابستهمش لبسوهم هوما (حجابات وربات تاع الخرجة بساك كانو يبدلو كما يحبو كي نهدر يقولولي جيعانة )(احم احم كون مجيتوش نتوما جيعانين متمسوش حوايج خاكينكم راسا نتاع لكلاب)_خليهم ونخلصك فيهم بعدوني من المشاكل_انا كرهت مرهيش معيشة هذي طار فيا وحكمنى من رقبتى_واش قصدك كي عدت عاجز جنسي اه اهدري (عمبالو عليه متحسس بزاف )_خنقتني لالا مشي هكا رسيم من داركم يدخلو فيا بزاف واذا هدرت تقوم القيامة _خلاص انا نهدر معاهم طلقني وخرج عندهم هدر معاهم وجات يماه خبطت الباب_ واش عمرتيه من وقتاه يقول لخياتو حكمو شمبرتكم منلقاكمش معاها ولا نڨرضكم من وقتاه يحب يضرب خياتو حتى دخل هوا_يما البنات يرقدو معاها وانا كي نعيطلها منلقاش راحتي في الهدرة معاها مام هيا تحس راهم يعسو فيها قاللها هافهمي يما فهمي ولات تضحك وخرجت غمزلي _ كوني مرأة نكون معاك راجل ولا نويتى برك النية كاش متغلطى غير هوما ياكلوك جازو ايام وشهور وحاجة متبدلت فى حياتى نفس السيناريو يتعاود كي يكون ثما يرقد فوق السرير وانا فالارض على مطرح الكلام بيناتنا مكاش غير دارهم ولا.................................... يتبع#وما_مفر_النصيب
الكاتبة_SirinSos
Parti_20
جازو ايام وشهور وحاجة متبدلت فى حياتى نفس السيناريو يتعاود كي يكون ثما يرقد فوق السرير وانا فالارض على مطرح الكلام بيناتنا مكاش غير دارهم ولا الخدمة ولا يتحلف كاش منخرج هدرة ........ دارهم قدامو ملايكة كي يروح للخدمة يدورو يولو يحكمو فيا في ثلاثة مرة رحت لدارنا وشكيت لماما على عقليتهم قالتلي لازم تصبري هذا هوا الزواج وغدوي ربي يفتح عليك بطفل تتهناي وليت نضحك وحدي (فى قلبي قلتلها باه يجى هذا الطفل نفليكسيه ) كانت ختي سيليا ولدت جابت رائد رحنا لسابع دار راجلها عقيقة الله يبارك طهروه والكورتاج الله الله فرحتلها بزاف _ لعقوبة ليك ليلوش _تبسمت وسكت وخليتهم كان عندي 6اشهر زواج كملنا سبوع ورحت لداري_غير ما دخلت لقيت عجوزتي دايرة كرسي في كولوار _اهيه انتي مراكيش معولة تولدي_ قدام رسيم تهدر_يفتح ربي ان شاءالله_ شوفى طبيب اذا عندك مشكل قوليلها_يوسف هدر_ مزال الحال كي يلحق الوقت نديها_اسمع اذا بان كاش مشكل في مرتك نزوجك ومتقوليش لالا _ضحكت انا ودخلت شمبرتى هوا فهم ضحكتي عليه ويايما دخل عطاني طريحة وقعد قدامي_ تضحكى عليا علبالك بلى منقدرش نتزوج وانتي تضحكي _شوف لحد الآن رانى صابرة وساكتة وتزيد ترفد يدك عليا لي فالقدرة يجبدها الغراف _مفهمتش_لالا فاهم بسلامتك خرجت وخليتو دوشت ورجعت لشمبرة لقيتو مزال ثما_اسمعي قعدي نهدر معاك _لواش نجي وانا ملي نجي ونتا تهدد فيا 6اشهر زواج مهدرناش كما لعباد المتزوجين قتلو عندك مشكل رانى عاذراتك بصح حسسنى بلى مزوجة نخرجو نحوسو نڨصرو نضحكو قتلو انت حاسبنى جندي من الجنود نتاوعك تعطيني في الاوامر وانا نطبق _واش بيه رب## طرطقتي فى وجهي كي لكوكوطة ريحي نهدرو قعدت قدامو _يا مراة راح نلم دراهم ولا نبيع الطنوبيل وقت الكونجى نطلع للخارج نداوي_ماشي هذا المشكل نتاعي انت معندكش احاسيس جهتى قتلو كاش نهار قتلي عمري ولا نحبك ولا كلام رومنسي حسيت روحى فى كازيرنة معاك انت تروح ونرجع فى دار الشرع مع داركم😅😂(قتلتني ليليا هنا نرجع مع داركم في دار الشرع😅😂🐍)_هذي عقليتى المشكل نتاعي عقدني حبيتي تصبري اصبري محبيتيش غدوى نرجعك لداركم _واش نقوللهم نفحتلو طلقني شدني من يدى قالي ليليا (اول مرة نطق اسمي)قالى واش نديرلك باه ترضاي تصبري معايا بقيت نشوف فيه حتى انا............
يتبع
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺