وجع الفراق الفصل الأول والثاني بقلم_حنان_اسماعيل حصريه وجديده على مدونة أفكارنا
 |
فضلا متابعه للصفحه وتفاعل ليصلكم باقى الفصول
كان اليوم الاول له فى القاهرة بعد غياب ثلاث سنوات انشغل فيهم بتأسيس احد الشركات بأمريكا ..رغم عشقه لمصر منذ صغره وزياراته التى قد تتجاوز العشر مرات فى العام الواحد سواء كانت زيارات عمل او زيارات لاصدقائه الكثر من المصريين والتى ساعدته فى تحسين لهجته المصرية بجدارة حتى بات من يعرفه يظنه مصرى الجنسية ابا عن جد .
اليوم يزور القاهرة كمالك لاحد اكبر الجرائد الكبيرة وشركة دعاية واعلان تابعه لها بخلاف دار نشر وشركة انتاج درامى
بعدما اشتراهم من صديق له مصرى اضطر ان يبيعهم بعد اكتشافه بإصابته بمرض خطير ورغبته فى السفر للخارج مع اسرته لتلقى العلاج .
كان سارى الأيهم من اثرى اثرياء موطنه ابا عن جدا .. رغم بلوغه الاربعين الا ان هيئته كانت لاتوحى بهذا العمر رغم انتشار بعض من الشعيرات البيضاء بشعره ولحيته الا ان وسامته بتلك الملامح الشرقية زادته وسامه مع احتفاظه برشاقته والتى لا يختلف عليها اثنان خاصة مع طول قامته وعضلات صدره
لطالما كان سارى رجلا جذابا .انيقا.مرحا .عاشقا للحياة وللنساء بالذات الجميلات منهم .حتى بات رهانه مع اصدقائه دائما هو الفوز بأى انثى ايا كانت .علاقاته تخطت اصابع اليد بأضعاف من سنوات طويله وان كان يعمد دائما ان تكون هذه العلاقات فى اطار شرعى على هيئة ورقه عرفى .محتفظا بالرسمى لزوجته الاولى وام ابنائه رهف فقط دون غيرها .ليس حبا فيها بقدر قناعته بأنه لا توجد من تستحق ان تحمل اسمه رسميا بعدها مادام ليس مضطرا لهذا .
لم تكن رهف مجرد زوجه له بل ابنة عم واخت نشأ سويا ,,اضطر للزواج بها ارضاءا لرغبة ابيه وابيها حتى لا تؤول الثروة لغريب على ان تصبح شريكته بالنصف فى كل شئ .كى يضمنا الا يطلقها مهما حصل.بعد سنوات قليله من زواجهم اصبحت علاقتهم باهته خاصة مع كثرة سفره للخارج وانشغاله بتكوينه للشركات ودخوله فى علاقات مع نساء كثيرات .كانت تعلم بكل هذا ولم تمانع ففى النهاية كان يعود اليها والى بيته والى ابنائه منها متأكدة بأن علاقاته بالخارج ماهى الا علاقات عابرة تأخذ وقتها وتمر .لذا عملت ان تنشغل هى الاخرى بعملها فى مجال العمل الخيرى والسفر كثيرا مع صديقاتها بالاولاد وبدونهم احيانا.
دخل سارى لمكان الجريدة فى احد ارقى احياء القاهرة فى تأفف بعد وقوفه كثيرا وسط زحام الطريق.
سبقه ماهر السائق كى يستدعى له الاسانسير كى لا يقف طويلا .وصل اليه سارى بعد وقت ليجده مايزال يحاول استدعائه .
عدل نظارته الشمسية فوق عينيه فى ملل قبل ان يلفت انتباهه قدوم فتاة جميله من بعيد مشغوله بالتحدث فى هاتفها يبدو من هيئتها انها فى الخامسة والعشرين من عمرها . رمقها بطرفى عينيه من اعلاها لاسفلها كعادته كلما ظهرت فتاة جذابة ,كانت جميله وجمالها ظاهر وان كانت تخفيه داخل بنطلون جينز ضيق بعض الشئ وبلوزة بيضاء .مع تعمدها عقد شعرها الاسود الحريرى بعشوائية فوق راسها وتلك النظارات الطبيه التى تخفى جمال عيناها السوداتان .لم يكن صعبا عليه ان يفترسها سريعا بنظراته الشهوانية والتى لطالما اوقعت اجمل النساء فى حبائله .لم تعره اهتماما وهى تتحدث فى هاتفها بجدية رغم انتباهها لنظراته الوقحة الى جسدها .
وصل الاسانسير ونزل منه بعض الاشخاص والذى حياها احدهم قائلا لها بود
رجل : صباح الفل يا استاذة صافى
اجابته بهدوء وود:صباح الخير يا استاذ محمد
كادت ان تدخل الاسانسير لولا ان اعترضتها يد ماهر سائق سارى كى يسمح لسارى بالدخول قائلا بجفاء لها ويده ماتزال حاجزا امام الاسانسير
ماهر السائق :استنى لما الباشا يطلع وابقى اطلعى بعده
ازاحت يده بغضب وهى تدلف للداخل مع سارى الواقف بتعالى داخل الاسانسير قائله بعصبية للسائق
صافى : البشواية اتلغت من زمان والافندى بتاعك لو عاوز يطلع يبقى يطلع مع الكل والا يبقى يجيب له اسانسير خاص زى ما جايب له واحد زيك خاص برضه
قالتها وهى تضغط زر الدور الحادى عشر وسارى ينظر اليها بتمعن ممزوج بنظرة كبر .استفزتها نظراته فنظرت اليه بنظرة احتقار الا انه ابتسم بطرفى شفتيه ابتسامه مستفزة متعمدا ان يتفحص جسدها بوقاحة قبل ان تستدير اليه قائله بغضب
صافى : هتفضل تبصلى كده كتير ؟
ابتسم ساخرا قائلا :وانتى شايفه فيكى حاجة تستحق انى ابص عليها من اساسه
قالها وهو يتفحصها بإستفزار اكثر
اجابته بضيق : لا عادى ماهو اللى زيك مابيفرقش معاه .اى انثى تمر من اودامه يجيبها من تحتها لفوقها حتى لو كانت انثى كلب
ابتسم ساخرا :لاء متقوليش على نفسك كده
استدارت اليه قائله بعصبية :انت انسان قليل الادب ومش محترم
توقف الاسانسير ونزلت منه مسرعه .تبعها باسما باستفزاز وعيناه ماتزال تتابعها اثناء دخولها للمكاتب التى ظهرت امامه
دلف للداخل فوجد صاله التحرير كبيرة وواسعه مليئة بمكاتب مكاتب خشبية كثيرة يجلس خلفها اشخاص كثيرون يعملون بهمة ونشاط على اجهزة اللاب توب التى توجد امامهم يفرق مابينهم جدران
استقبله فور دخوله عدة اشخاص مرحبين بحرارة من بينهم رجل فى منتصف الخمسين من عمره .عرفه سارى فور رؤيته نظرا لكونه صحفى شهير وله كتب وبرامج شهيرة يقدمها منذ سنوات بنفسه بخلاف صداقه قديمة جمعتهم منذ سنوات من خلال محسن صديقه صاحب الجريدة سابقا .
اتجها معهم للداخل بعدما خطف نظرات سريعه فى المكان المكتظ بالصحفيين .
فى الداخل جلس خلف مكتب انيق ومن خلفه ظهرت شوارع المنطقه من خلال الزجاج السميك الذى يحيط بالمكان .تطلع للشارع ثوانى
قبل ان يتطلع من خلال الزجاج امامه لمكاتب العاملين خارج مكتبه قائلا للشخص الجالس امامه فى فضول
سارى : عبدالحميد .تفتكر انى غلطت لما اشتريت الجرنال ومكتب الاعلانات وشركة الانتاج من محسن صاحبى ؟يعنى شايف ان ده فيه مكسب ؟
عبدالحميد بحماس مفرط : بص ياسارى انا وانت نعرف بعض من سنيبن من ايام سهراتنا سوا انت ومحسن وباقى الشله .وانا مش عشان محسن صاحب عمرى هجامله وهاجى عليك .بس صدقنى انت اللى كسبان .انت عارف الجريدة دى لوحدها بتدخل كام من الاعلانات بس ؟ملايين ده غير دار النشر وشركة الاعلانات اللى واخدة حقوق كام قناة مشهورة وكله كوم وشركة الانتاج الفنى اللى بتنتج لاشهر فنانين مصر
سارى بتمعن :تمام .هنشوف
عبدالحميد :هو انت كده لك ٤٩%من اسهمها كونك عربى مش مصرى يعنى ياسارى ولا ضبطتوها ازاى ؟
سارى :لاء كل ده بقى بتاعى بس مضبطين الورق انا ومحسن
قالها وهو ينهض ناحيه الشباك الزجاجى الذى يفصل بينه وبين العاملين بالخارج قائلا بفضول وهو يتابعهم
سارى :فهمنى بقى تقسيمة المبنى ماشية ازاى ؟
عبدالحميد وهو يرتشف من فنجان القهوة امامه :الادوار الاولى مطابع الجرنال ودار النشر ...ومن الرابع للسادس وكاله الاعلانات ومن السادس للثامن شركة الانتاج ومن التاسع للحادى عشر الجرنال ومكاتب الصحفيين زى ماانت شايف .بس هنا فى الدور ده .مكاتب الكبار يعنى مكتبك بصفتك رئيس مجلس الادارة ومكتبى كمدير تحرير ومكاتب رؤساء الاقسام
فجاة لفت نظر سارى ظهور صافى بالخارج امام احد المكاتب ترتشف من احد الاكواب بيدها وهى تنظر لاحد الاوراق التى يقدمها لها شاب بجوارها وعلامات الجدية على وجهها
نادى سارى على غبدالحميد قائلا :
سارى : عبدالحميد ...مين دى ؟
نهض عبدالحميد وبيده فنجان القهوة الى جواره قائلا وهو ينظر من خلال النافذة الزجاجية الى حيث يشير قائلا
عبدالحميد:مين ؟ قصدك صافى ؟
سارى :اللى واقفه هناك ؟
عبدالحميد بتمعن :اه صافى ..رئيس قسم صفحة المرأة ...واحدة من اشهر الصحفيين هنا وبنت صحفى كبير اكييد سمعت بإسمه قبل كده ...رفيق الزهيرى
فكر سارى للحظة قبل ان يقول
سارى :اه ده الصحفى اللى كان مستشار لرئيس الجمهورية فى وقت صح ؟ايون افتكرته
عبدالحميد بخبث :اه بنته وكانت زوجه ابن وزير كبير فى البلد
سارى بفضول : كانت ؟ هى مطلقه ؟
عبدالحميد : اه مطلقه بعد ٢٤ساعه ..قصة طويله فكرنى احكيها لك بعدين
سارى :لاء احكيها لى دلوقتى ,ادينا بنتسلى
عبدالحميد بخبث :ماشى بس هتطلبى فنجان قهوة تانى بقى
ولو انى مكانك لا اسأل عنها ولا اشغل نفسى فيها لانك مش هتاخد منها حق ولا باطل
سارى :اقعد واحكى قصتها وسيبلى انا حكاية هاخد منها ايه دى ؟
قالها وهو يجلس قباله عبدالحميد امام المكتب بعدما ضغط على احد الازرار امامه طالبا منهم ارسال فنجانين من القهوة
عبدالحميد بهدوء:بس ياسيدى .بعد جوازها الاسطورى اللى مصر كلها حضرته واللى انا كنت منهم مع وزرا وشخصيات عامة وفنانين وخلافه ..المهم تانى يوم عرفنا ان العروسة رجعت بيت ابوها بفستان فرحها .طب ايه اللى حصل محدش عارف المهم حصل الطلاق وهى وابوها متكلموش ابدا فى الموضوع ده .بس العريس واهله هما اللى قالوا
سارى بفضول : قالوا ايه ؟
عبدالحميد : لمحوا او نشروا كلام فى كل مكان ان العروسة مكانتش بنت وان ابنهم اكتشف ده يوم الدخله .رغم ان اخلاق البنت بصراحة لا غبار عليها...المهم اللى أكد كلامهم ان بعد كام شهر ظهر لصافى ولد .لسه مولود
سارى : خلفت يعنى ؟ قصدك كانت حامل ؟
عبدالحميد :فى ناس قالت كده ..رغم انها كانت اودامى كل يوم فى الجرنال زى ماانت شايف كده ومبانشى عليها يعنى لا حمل ولا بطنها كبرت فى يوم
سارى : اومال ايه ؟ يعنى ابنها ولا مش ابنها ؟
عبدالحميد:معرفش ..فى ناس قالوا ان فى ستات مش بيظهر عندهم الحمل يعنى بطنهم مبتكبرش وتبان ..الخلاصه محدش عارف ايه اللى حصل يوم الدخله وخلاها تتطلق ولا حد عارف الولد اللى ظهر ده ابن مين ؟
سارى بابتسامه خبيثه :وهى دى محتاجة اجابة ،جوزها اكتشف انها مش بنت وطلقها وزى مابتقول كانت حامل وخبت ده باللبس والكورسيهات بتاعه الستات لحد لما ولدت
لاء جاحدة اوووووى وواثقه من حالها
عبدالحميد :اه بس فى نقطه نسيت اقولها لك
سارى : ايه ؟
جوزها طارق ابن الوزير او طليقها
سارى : ماله ؟
عبدالحميد : من يوم طلاقهم يعنى من تلات سنيين تقريبا وهو بيطاردها فى كل مكان .ويبقى نهاره اسود اللى يفكر بس يقرب منها او يفكر فيها واى عريس بيطفشه .ده غير انه هو اللى بينزل اعلانات فى الجرنال كله تقريبا عشان خاطر صافى .
سارى باستغراب :غريبة ده حب ده ولا جايز يكون عاوز ينتقم منها على اللى عملته فيه ؟او مش قادر ينسى حبه لها
عبدالحميد : جايز ...المهم ياريت تبعد عنها مش ناقصين مشاكل ووش .والبنت بصراحة رغم كل اللى مرت به ده ملتزمة جدا فى شغلها ومن اكفأ الصحفيين مش هنا بس فى مصر كلها ومقال ابوها الاسبوعى سبب من اسباب مبيع الجريدة
سارى : طيب انا عاوز اجتماع ضرورى للجريدة ف خلال ساعه قبل ماانزل للوكاله وشركة الانتاج
عبدالحميد : حالا
قالها وغادر منصرفا للخارج
#الجزء_الثانى
#رواية_وجع_الفراق
#بقلم_حنان_اسماعيل
...............
فضلا متابعه للصفحه وتفاعل ليصلكم الجديد
٠٠٠٠٠٠٠٠٠٠٠٠٠
كانت صافى منشغله بمراجعه المواضيع التى تمامها حين اقتربت منها نهى صديقتها وزميلتها بالجريدة قائله لها بصوت منخفض
نهى : صافى عرفتى ان الجرنال وكل الشركات ودار النشر اتباعت لواحد عربى
صافى : اه بابا قالى انتى عارفه ان عمو محسن صديق لبابا من سنيبن
نهى :يابنت الايه ..طب مش تقولى
صافى :ماهو انا معنديش معلومة غير ان الجرنال وباقى الشركات اتباعوا لواحد شريك عمو محسن وصاحبه من زمان
نهى : اه شفته من شوية داخل المكتب ورا عبدالحميد بس ايه راجل ايه حاجة كده وهم من بتوع المسلسلات التركى وسامه ايه وطول ايه وعضلات ايه ولا البدله حاجة كده تيجى بكام الف براند اصلى
صافى : طيب يابتاع البراند سيبنى اشوف شغلى وروحى شوفى وراكى ايه
نهى : طمنينى على كيمو عامل ايه النهاردة؟
صافى بتأثر : والله تعبان لسه يانهى .بس درجة حرارته نزلت عن الاول .ده كويس ان ماما متبعاه انتى عارفه انها دكتورة لولا كده كان ممكن يضيع مننا لا قدر الله
نهى بتأثر : ربنا يخليه لك يارب ياحبيبتى
فجأة انتبها لصوت عبدالحميد فى صاله التحرير امامهم يدعو كل روؤساء الاقسام لاجتماع عاجل فى غرفه رئيس مجلس الادارة الجديد
بعد وقت دخلت صافى مع نهى .جلس الجميع فى اماكنهم حول منضده الاجتماعات الكبيرة فى انتظار ظهور المالك الجديد .ظهر سارى وبجواره عبدالحميد قادمين من غرفه جانبية .صعقت صافى لدى رؤيته خاصة حين قدمه عبدالحميد للجميع فى حين تسمرت عيناه عليها بنظرات مستفزة
التزمت الصمت خلال الساعه التى عقد فيها الاجتماع فى حين تحدث الجميع من حولها .أحست بنظراته الثاقبة الساخرة ترتكز عليها طوال مده الاجتماع
حين جاء دورها للتعريف بنفسها وبإدارتها للصفحة .اختصرت كلماتها فى إيجاز
انتهى الاجتماع ونهض الجميع مغادرا .ارادات ان تنهض من كرسيها الا انها احست به قد تعمد ان يتحرك ليقف امام كرسيها كى يمنعها من الوقوف والمغادرة .ظل يسلم على الجميع وهو يرمقها بنظرات خفية وهى تحاول تحريك كرسيها كى تنهض مغادرة .انتظر حتى خروج اخر الصحفيين وتحرك قليلا فحركت كرسيها للوراء ونهضت فى ضيق كى تغادر الا انه اوقفها قائلا
سارى : مش شايفه انك مدينة لقليل الادب اللى وصفتيه من شويه بإعتذار واعتذار حار اوووى ؟
قالها وهو يميل ناحيتها كأنه سيقبلها
ابتعدت مسرعه قائله فى غضب
صافى : اوعى تفتكر انك عشان طلعت صاحب الجرنال ان ده هيخلينى اخاف واجرى ابوس الايادى لاحسن تقطع باب رزقى .تبقى غلطان ..اللى زيك على رأى عمى رمضان بتاع البوفيه بيتغيروا علينا واحنا بنفضل مكاننا عشان احنا اللى بندير وبنشتغل وبنجيب للى زيكم الفلوس وانتم قاعدين مكانكم فى التكييف
سارى :انا عاجبنى جرأتك ياانسة ....ولا اقول مدام ؟
قالها بنبرة ذات مغزى فهمتها على الفور فأجابته بنبرة صارمة
صافى :مدام
قالتها وخرجت مسرعه
ابتسم بمكر وهو يتابعها قبل ان تغلق الباب وراءها بقوة
....................
دخلت صافى بيتها بعدما نادت على كريم والذى اتاها مسرعا وهو يرتمى فى حضنها قائلا بضعف
مريم : مامى
صافى بحب : حبيب مامى وقلب مامى ..عامل ايه النهاردة ؟ خدت علاجك
اومأ براسه وهو مايزال فى حضنها ..فقبلت شعره قائله
صافى :وكلت طبقك كله
جاءها صوت والدتها منى قائله بابتسامتها الحانية
منى : ده جننى وطلع عينى على ما شرب شوية شوربة من لسان العصفور
ابتسمت صافى وهى تتجه ناحية امها قائله
صافى : والحرارة استقرت ياماما الحمدلله ؟
منى : اه ياحبيبتى بقى زى الفل الحمدلله .ايه عندك شك فيا ايا نعم انا قعدت وسيبت مهنة الطب عشان ارعى كيمو وابوكى العجوز بس لسه شاطرة زى ماانا
اتاهم صوت رجولى من الخلف قائلا
رفيق :عجوز ...رفيق الزهيرى اكبر صحفى مصر والوطن العربى بقى راجل عجوز
ضحكت صافى ووالدتها وهم يتجهون ناحيته .قبلت صافى رأسه قائله
صافى :حبيبى يابابا انت مش بس احسن صحفى فى مصر انت احسن اب واعظم سند فى الدنيا .انا عمرى ماهنسى وقفتك جنبى ودعمك ليا فى موضوعى ...الا صحيح النهاردة شرفنا الراجل اللى اشترى الجرنال من عمو محسن
رفيق بفضول :اه وعامل ازاى بقى ؟ فاهم يعنى ولا ثرى عربى جاى يستثمر فلوسه وخلاص
صافى بضيق : بصراحة يابابا راجل شكله مش كويس ابدا ..يعنى واضح من منظره انه معجب بنفسه وشايف حاله وطبعا زى العادة ا عبدالحميد شكله اتطوع وحكى له قصتى والبيه طبعا لمح لى بده
منى بعصبية : هو انتى مش هتخلصى من كلام الناس ده بقى ..اربع سنيين مش كفاية ان الناس دى تنسى موضوعك وتطلعك من دماغهم
صافى بتأثر : عادى ياماما يعنى هيكون اكتر من اللى فات ..متقلقيش عليا انا قادرة اتعامل مع اى حد واوقفه عند حده ..المهم انكم جمبى وكيمو حبيب قلبى فى حضنى
قالتها وهى تقبله بقوة وهو يضحك فى احضانها .
...................
بمجرد دخوله غرفته بالشقه التى يمتلكها بجوار الجريدة فى احد الابراج الشاهقه المطله على الميدان الشهير .خلع قميصه ورماه على السرير لتظهر عضلات صدره الرياضية .جلس بمؤخرة السرير يفرك راسه قبل ان يتمدد على السرير ..اغمض عيناه للحظات قبل ان يحس بقبلات تغمر وجهه .فتح عيناه فوجدها تقبل وجهه كله بشغف .ابتسم فى مكر وهو ينظر الى قميص النوم المثير الذى ترتديه قائلا لها
سارى : كويس انك عرفتى العنوان لوحدك
اجابته بصوت هامس :مفيش حاجة صعبة عليا وخصوصا انى اوصل لشقه جوزى
اجابها ساخرا :جوزك !!متكونيش صدقتى ان الورقه العرفى دى جواز بجد ؟
اجابته بثقه : لاء جواز ياحبيبى ..اسألنى انا خبرة فيه
نهض قبالتها وتحسس وجهها قائلا لها
سارى : عارفه يا غادة ايه اللى عجبنى فيك ..انك بجحة اووووى وده بيعجبنى فى الست اوووى ..انها تبقى واضحة حتى لو كانت لا مؤاخذة بنت ليل .انما اللى يضايقنى الست اللى تمثل انها خضرة الشريفه وهى لا مؤاخذة بنت ......
غادة وهى تقبل شفتاه قبلات متقطعه : مين مزعلك بس ياحبيبى ؟
سارى : بنت كده شكلها مش ولابد وعايشة الدور اوووى وهى سمعتها منيله بستين نيلة
غادة : واحنا مالنا ومالها خلينا فى اللى احنا فيه
قالتها وهى تقبل شفتيه بقوة قبل ان يجذبها اليه
.............. .
خرج من الحمام يلف جزءه الاسفل بمنشفه .تضايق فور رؤيتها ترتدى قميصه الذى خلعه
اتجه ناحيه الدولاب قائلا لها بصرامة
سارى : البسى هدومك واقلعى قميصى يا فوزية
استاءت من مناداته لها باسمها الحقيقى قائله بضيق
غادة : لزمته ايه بقى تفكرنى باسمى الحقيقى ياروحى ..لو على القميص اللى مضايقك هقلعه لك ...مش فاهمة ايه مشكلتك ان حد يلبس هدومك
اقترب منها قائلا بجدية وهو يمسك ذقنها بيده وعيناه تتطلعان لوجهها : اللبس عندى حاجة مقدسة كده زى اسمى بالضبط .لسه متخلقتش اللى ممكن تشيل اسمى ولا تلبس هدومى
غادة بخبث : ولا ام العيال ؟
امسك برقبتها بقوة حاى كادت ان تختنق قائلا والشرر يتطاير من عينه
سارى : انا قلت لك قبل كده سيرة ام ولادى خط احمر صح ؟
قبل شفتيها بعدما راى عيناها ترتعبان مما يفعله قبل ان يبتعد عنها .خلعت قميصه ورمته على السرير وشرعت فى ارتداء ملابسها قائله بدلال مصطنع
غادة : طيب بالنسبة للفيلم ياروحى .ايه اخباره ..من اول ماقابلتك فى امريكا وانت وعدتنى تنتج لى فيلم واديك اهو جيت مصر وبقيت صاحب اشهر شركة انتاج .فين وعدك بقى
.................
اجابها وهو يعدل ياقه قميصه امام المرآة : انا وعدتك بس ادينى فرصة ارتب امورى انا لسه جاى ومش فاهم الدنيا ماشية ازاى وبعدين انا اللى كسبان لو عملت لك الفيلم ده ..يعنى انتى برضه نجمه ومكتسحة بقالك فترة اى نعم افلام مقاولات بس شغالة
غادة وهى تضحك بصوت عالى : مقاولات ..ده انا شباك التذاكر لافلامى بيكسر الدنيا
ابتسم وهو يجذبها اليه وعيناه تتفحصان جسدها المثير قائلا
سارى : طيب يانجمة الشباك ..زى ماخدتى مفتاح الشقه من حسن حارس العمارة ترجعيه له فاهمة وانا لما افضى هكلمك
قبلته قبله فى الهواء وهى تتجه ناحيه باب الغرفه بينما جلس على حافه السرير ليربط حذائه قائلا لها بجدية
سارى : غادة
التفت اليه قائله بدلال : عيون غادة
سارى : ايه اللى يخلى واحدة سيرتها مش مضبوطه وسمعتها زى الزفت عينيها قوية
اجابته وهى تمضغ فى لبانه فى فمها بقوة : حاجة من الاتنين ياروحى يإما برقع الحياء مكشوف عنها ..بجحة ومش هاممها حد يا إما انها عكس ما الناس بيقولوا عنها
شرد لثوانى قبل ان يهز رأسه كى ينفض رأسه من التفكير بها قبل ان يعود لربط حذائه
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺