رواية آسر وميرا حصريه وجديده وكامله جميع الفصول على مدونة أفكارنا

رواية آسر وميرا حصريه وجديده وكامله جميع الفصول على مدونة أفكارنا 

رواية آسر وميرا حصريه وجديده وكامله جميع الفصول على مدونة أفكارنا 

كل بنت فينا بتتمني تعيش قصه حب ذي قصص حب الروايات بتتمني حبيب يبقي ذي مواصفات فارس الاحلام اللي دايما مستنياه انسان عصبي بس حنين جدي بس مجنون هههه من الاخر عوزينه مصنوع ذي ما احنا عوزين انا ميرا ٢٠ سنه تالته كليه تجاره انجلش البنت الاولي لاهلي جيت بعد عذاب وطبعا الدلوعه عيوني خضرا وبشرتي بيضا ذي بياض التلج  وشعري بني وطويل واصل لاخر ضهري انا عاشقه روايات بحب اقرا الروايات جدا وبتمني اعيش قصه حب ذي الروايات دي وبطل ذيهم تماما بس فعلا مكنتش اعرف ان دا هيحصل بس هيكون مؤلم اووي

رؤي.. ميرااااا انتي يا بنتي حرام عليكي بقالي ساعه بنادي عليكي اييه

(رؤي١٩ سنه بنت جميله ولكن ليس كميرا عيناها باللون العسلي وشعرها اسود طويل ووجها ابيض )

ميرا بزهق.. يوووه مش قلتلك يا رؤي لما بكون بقرا مبحبش حد يقاطعني 

رؤي.. يا بنتي الروايات دي هتلحس مخك بطلي بقي قراءه وعيشي في الواقع

ميرا.. ننننن ما انا عايشه بس عايشه في العالم بتاعي مع فراس احلامي ييييح

رؤي.. تيرا ريرا رااااا

ميرا... يا رخمه اخلصي عوزه ايه

رؤي.. اه صحيح بابا عاوزك وبعتني ليكي نستيني يا زفته

ميرا.. يا بت اتلمي انا اكبر منك

رؤي... هي حته سنه هنستعبط

ميرا ... طب ابعدي بقي عبو شكلك

رؤي... بقي كده بتشتمني طاااايب

وظلت رؤي تجري وراء اختها ميرا ويضحكان ودخلت ميرا غرفها ابيها بسرعه واختبات خلفه

ميرا.. بابا الحقني بنتك عوزه تضربني

ادم.. هههههه تضربك هو مبن الكبير فيكم

(ادم ٤٩ سنه يمتلك شركه خاصه به عنوان للزوج والاب الحنون يعشق زوجته كثيرا وبناته خاصه ميرا ورثت رؤي عنه لون عينه وشعره)

رؤي.. هات البت دي يا بابا هضربها دي بتشتمني

ادم.. رؤي عيب كده ويلا اطلعي شوفي ماما وساعديها وسبيني مع ميرا يلا

رؤي.. طيب ونظرت لميرا وجدتها تخرج لها لسانها فنظرت لها بغضب وخرجت

.ميرا... ههههه هاااي يعيش بابا

ادم.... هههههه طب تعالي يا شقيه اقعدي

ميرا.. خير يا بابا

ادم... ميرا حبيبتي انتي كبرتي وخلاص بقيتي عروسه وجه الوقت اللي تتجوزي فيه وبصراحه في عريس وانا مرافق عليه جدا

ميرا.. بس يا بابا

ادم.. مفيش بس يا ميرا صدقيني دا عريس كويس

ميرا .. مين

ادم.. ابن انكل رافت اظن انتي عرفاه اسر ورافت صاحب عمري واسر انا عارفه ومتاكد انه هيسعدك قلتي ايه

ميرا بخجل.. طب اديني فرصه افكر

ادم بابتسامه.. ماشي يا حبيبتي فكري براحتك 

ميرا بابتسامه.. ماشي يا بابا يلا انا هروح اكمل روايتي

ادم.. ههههه يا بنتي بطلي روايات بقي

ميرا بثقه.. ابدا دي عمري الروايات دي

ادم.. ماشي يا شقيه يلا روحي شوفي ماما وساعديها

ميرا.. ماشي يا حبيبي 

وذهبت ميرا وظل ادم ينظر لها بحب فهي ابنته اللي يعشقها فهمي تشبه والدها كثيرا والتي جاءت بعد طول انتظار لازال يتذكر ذلك اليوم الذي جاءت فيه ونظر لوجها الجميل واحتضنها بفرحه وكانت بدايه لسعادتهم

اخرج ادم  من تفكيره يد توضع علي كتفه فنظر لها معشوقته وام اولاده

همسه.. سرحان في ايه يا حبيبي

(همس٤٤ سنه ورثت ميرا الجمال عنها وعيونها الخضرا والبشره البيضاء كبياض الثلج عنها وورث بناتها الجمال من والدهم و منها )

ادم بحب.. مفيش يا حبيبتي سرحان في السعاده اللي دخلت حياتي من يوم ما دخلتيها

همسه.. انت اللي دخلت السعاده لحياتي ربنا يخليك ليا ولبناتك

ادم.. ويخليكي ليا يا همستي

همسه.. قلت لميرا

ادم.. ايوه وقالت هتفكر وبعدين سبينا من ميرا ايه القمر دا وغمز لها بعينه

همسه.هههههه بس بقي انت مش هتكبر ابدا

ادم وهو يحتضنها.. وهو في حد يكبر ومعاه الحوريه دي تعالي بقي عاوزك في موضوع

همسه.. هههه ادم سبني احضر الاكل البنات بره مينفعش

ادم..  اكل ايه بس ومال عليها ليقبلها ويسحبها معه لبحور عشقه

     #############

في امريكا

يقف شاب وهو غاضب بشده وعيناه مظلمه ويقبض علي يده بقوه وعروقه تنبض من كثر غضبه انه اسر الشافعي (اسر٣٠ سنه يتولي اداره الشركات مع والده تخرج من كليه الهندسه وعمل مع والده يتميز بالجسد الرياضي والعينين البندقيه والشعرالاسود الكثيف والبشره القمحويه)

اسر بغضب... ومين قالك اني عاوز اتجوز يا بابا

مروان ببرود.. انا طلبت ايدها من ادم وخلاص هننزل انا وانت كمان اسبوع مصر ونعمل الخطوبه

(مروان الشافعي٥٥ سنه رجل اعمال كبير يمتلك شركات تنتشر في امريكا وبلاد اخري وايضا مصر  يحب ابناءه كثيرا وحنون)

اسر بغضب... بس انا مش عاوز اتحوز هو اجبار

مروان بحده.. متعليش صوتك يا اسر واسمع الكلام هتتحوز ميرا بنت صاحب عمري كفايا اووي فوق لنفسك هتفضل لحد امتي كده بسبب بنت زباله واهي خدت جزاتها

اسر بغضب... وانت مش هتجوزها يا بابا 

وذهب اسر بغضب وظل مروان ينظر لابنه بحزن علي حالته وانتبه علي زوجته تقف امامه وتبتسم له 

سوزي بخبث.. رفض برضو

(سوزي تتميز بالجمال الصارخ وايضا المكياج الصارخ ٤٥ سنه ولكن دائما تظهر باناقتها بانها ابنه العشرين سيده مجتمع تحب النوادي والسهر شعرها اصفر ولديها عينان زرقاء تحب ابنها امجد وتكره اسر كثيرا فهمي زوجه والده وليست امه)

مروان .. ايوه بس لازم يوافق وهيتجوز ميرا يعني هيتجوزها

سوزي بخبث.... ايوه انت لازم تضغط عليه وتخليه يتحوز هيفضل لحد امتي كده

مروان.. مش عارف اعمل ايه معاه دماغه ناشفه بيعند وخلاص بس انا سمعت كلامك وطلبت ايد ميرا ليه اتمني ميحرجنيش قدام ادم

سوزي بخبث.. انت عملت كده لمصلحته اضغط عليه وهيوافق

وقطع كلامهم رنين هاتف مروان وكان صاحب عمره ادم

مروان.. عامل ايه يا ادم وحشني والله

ادم .. الحمد لله يا مروان وانت عامل ايه مش ناوي بقي تنزل وحشتني يا راجل ولا السفر نساك بلدك

مروان..لا ان شاء الله هنزل قريب نطلب ايد العروسه رسمي المهم هي ايه رايها

ادم.. قالت هتفكر وتقولي 

مروان.. ربنا يقدم اللي فيه الخير ويكونو سوا ان شاء الله 

كانت سوزي تستمع لمكالمه زوجها وتبتسم بنصر فخطتها تمشي علي ما يرام فها هو زوجها يجبره علي الزواج وهي تعلم ان اسر لن يقبل الزواج ابدا وسوف يعصي والده ويترك البيت او ان يطرده اباه ويبقي كل شي لها ولابنها امجد

كان رؤي تحضر السلطه وجاءت ميرا من خلفها 

ميرا.. عووووو

رؤي بخضه.. حرام عليكي يا شيخه قطعتيلي الخلف

ميرا بضحكه.. هههههه سلامتك يا جميل ها اساعدك في ايه

رؤي.. عبو شكلك يلا يختي جهزي السفرا وانا هخلص واجهزها معاك

ميرا.. امم اوك

وذهبت ميرا لتحضر السفرا وبعد قليل جاءت رؤي لتساعد اختها

رؤي.. قوليلي هو بابا كان عاوزك في ايه

ميرا.. ابدا يا ستي جايلي عريس

رؤي.. ايوه بقي مين ها مين

ميرا.. بيقول انه اسر ابن انكل مروان

رؤي.. هههه الواد دا اعوذ بالله فاكره لما كان يفضل يزعق فيكي وانتي صغيره لما تلعبي مع حد غيره

ميرا.. ههههههه ايوه بس اهو سافر من كام سنه ومن يومها منعرفش عنهم حاجه

رؤي.. باين الموز كان بيحب وهو صغير ولما كبر قرر يدخل العصفوره بقي العش وغمزت لها

ميرا..هههههههه بطلي يا بت ويلا كملي شغل يختي

رؤي.. انا هنادي لبابا وماما كملي اني باااي وذهبت بسرعه حتي لا تمسكها ميرا فهي لم تساعدها 

ميرا.. اه يا جزمه ماشي وشردت في ذكريات الطفوله الجميله

فلاش بااااااك

كان ميرا تجلس وتلعب مع ابن خالها سليم وهي تبتسم وفجاه وجدت من يمسك بيدها وياخذها بعيدا

ميرا .. في اي يا اثر ثبني العب مع ثليم(في ايه يا اسر سلني العب مع سليم)

اسر بغضب.. لا مش هتلعب مش انا قلت ليكي متلعبيش مع حد غيري

ميرا ببكاء.. ايت تزعت فيب ييه (انت بتزعق فيا ليه)

اسر.. خلاص متزعليش وهجبلك مصاصه

ميرا.. بتد يا اثر هتيب ليا مثاثه(بجد يا اسر هتجيب ليا مصاصه)

اسر وهو يمسح دموعها.. ايوه متزعليش ويلا نلعب انا وانتي

ميرا بفرحه.. هاااااااي وامسكت بيد اسر وظلو يلعبون بسعاده

باااااك

ميرا.. با ترا ايه هي حكايتك معايا يا اسر

كان اسر يقود سيارته بسرعه شديده وهو غاضب وذهب لشقه صديقه ودق الباب ففتح له ودخل وجلس وهو غاضب

احمد.. ايه يا اسر في ايه مالك متعصب ليه كده

(احمد٣٠ سنه صديق اسر تخرجا معا من الجامعه ويعمل مع اسر في شركه والده يتميز بالبشره البيضاء ولون العين الاخضر والشعر الاصفر فهو امريكي الجنسيه يحب اسر كثيرا فهو كاخ له)

اسر بغضب.. والدي هيجوزني غصب وطلب ايد البنت كمان

احمد.. طب وفيها ايه قابل البنت يمكن تحبها 

اسر بحده.. احمد انت عارف اللي فيها

احمد.. بس اللي فيها هيفضل لحد امتي يا صحبي كفايا كده انساها وعيش حياتك بقي دي متستاهلش

اسر بالم.. نفسي انساها وانسي كسرتها ليا بس مش عارف يا احمد مش عارف ويستحيل اتجوز بالطريقه دي

احمد.. طب اهدي انت عارف ان انكل مروان مصمم فانت تكلم البنت دي وتخليها ترفض هي بدل ما يخصل مشاكل ووالدك يتعصب منك

اسر.. فعلا فكره كويسه بكره هطلب رقمها من والدي بحجه اني عاوز اكلمها وكده وابقي اقولها

احمد.. تمام كده خليك بقي قاعد وانا هدخل اعملك حاجه تشربها

رحل احمد وظل اسر يجلس شارد الذهن يتذكر تلك الذكريات اللي تالمه وتسبب الوجع له

البارت(٢)

كان اسر مشغول في العمل وانتبه لدق الباب فاذن للشخص بالدخول

اسر.. ادخل. ورفع نظره وجد فتاه خطفت انفاسه بدايه من شعرها الكرستالي وعينيها الرماديه ووجها الجميل كانت تبدو مثل الحوريات

سما بخجل.. حضرتك انا السكرتيره الجديده اللي مقدمه للطلب

ولكن اسر لم يرد عليها وظل يحدق فيها بشده فخجلت سما كثيرا وانزلت راسها لاسفل 

سما.. يا فندم حضرتك مش معايا

اسر.... ها معلش اتفضلي يا انسه سما

سما.. شكرا    وتقدمت وجلست امام اسر الذي ظل ينظر لها باعجاب

اسر. تمام  السي دي بتاعك كويس تقدري تبداي شغل من دلوقتي ومدام اميره هتفهمك شغلك

سما.. شكرا لحضرتك بعد اذنك

ورحلت سما وظل اسر ينظر لها بشده 

اسر لنفسه.. في ايه ليه البنت دي شدتني كده جمالها وخجلها خلوني مش قادر اجمع كلمتين قدامها لا فوق يا اسر وطرد اسر تلك الافكار وحاول التركيز ولكن كانت يتذكرها دائما

بااااااك

اسر بالم... اتخدعت فيكي وكنتي سبب بوجعي ثم اكمل بغضب عمري مهضعف كده تاني ولا هدخل الحب جايا الحب دا ضعف كبير وانا مش ضعيف

وفي هذا الوقت كان احمد واقف يتطلع لصديقه بحزن فهو يعلم ما به ويتمني ان يساعده ولكن كيف فتنهد بحزن وتقدم منه وقال

احمد.. اسر سرحان في ايه

اسر ببرود.. مفيش

احمد.. طب خد النسكافيه اهو

اخذ اسر النسكافيه من احمد وشرب البعض ووضعه امامه وارجع راسه للوراء ووضع يده علي عينه

احمد.. مالك با اسر

اسر.. مش عارف اعمل ايه ووالدي مصمم وانا مش عاوز اخسره او ازعله انت عارف اني بحبه جدا هو اللي ليا هو وامجد بعد ما امي ماتت وميرا دي خايف اني اجرحها بالطريقه دي بس فعلا مش هقدر

احمد... طب ماتدي لنفسك فرصه يا اسر وانسي اللي فات

اسر بحزن.. انسي انسي ايه ان الانسانه اللي قلبي دق ليها طلعت خاينه وبتلعب بيا انسي ايه يا احمد انها طلعت بتخدعني 

احمد.. بس دا ماضي وانتهي هتفضل لحد امتي كده كفايا

اسر بغضب.. احمد انا مش ناقص اقولك انا ماشي 

واخذ مفاتيحه وذهب

احمد.. اسر طب استني اسمعني

ولكن لم يستمع له اسر وخرج  مسرعا 

احمد... ربنا يسعدك يا صحبي

    $$#########$$

انت لغيري وانا مش ليك ولا عمرنا هنكون مع بعض مهما بنحلم نبقي سوا هنفضل ذي السما والارض 

رؤي.. ايه يا ست المغنيه ليه الاغنيه الحزينه دي

ميرا بضحكه.. بس يا رخمه بس تعرفي بحب الاغنيه دي بحسها بتعبر عن كل قصص الحب سعات الحب بينتهي او انهم بيتفرقو او بيكمل بس بمشاكل وصعاب مفيش قصه كامله وسعيده

رؤي.. ومين قال كده في قصص سعيده عندك بابا وماما مثلا اه واجهو صعلب بس فضلو  جنب بعض ووجهو سوا الحب نصيب بس القرار في ايدنا

ميرا.. ايوه بقي يا كبير كبرتي يا يت وعارغه الحب وانا اللي بقول عليكي حماره

رؤي بصدمه.. انا حماره

ميرا ببراءه.. ايوه يا بيبي

امسكت رؤي المخده وظلت تضرب في اختها

ميرا.. اه يا جزمه هههههه هفطس يا بت

رؤي... انا هعرفك مين الجزمه

وظلت تضرب فيها وامسكت ميرا مخده وظل الاثنان يضربان بعضهما بمرح وضحك حتي ارتميا بجانب بعضهم

ميرا.. يالهوي حرام عليكي قطعت النفس

رؤي.. ههههههه احسن

قاطع حديثهم رنين هاتف ميرا

ميرا.. اوبا دي البت جنا نسيت اكلمها خالص هتعلقني 

رؤي.. اوك ردي وانا هطلع بره اقعد مع ماما شويه

ميرا.. ماشي وفتحت الهاتف وقبل ان تجيب وجدت  باب من الشتائم ينفتح عليها

جنا... اه يا زباله يا كلب البحر يا معفنه يا جزمه يا واطيه بقي منوالصبح معبرتنيش اه يا خاينه

ميرا بضحكه.. هههههه يخربيتك اهدي في ايه

جنا... اه ليكي حق تضحكي ما انتي بعتيني خلاص اعاااا

ميرا.. اهدي يا بت معلش في موضوع شاغل دماغي

جنا... اوبا موضوع ايه احكي يا بت

ميرا.. اوك بصي يا ستي وقصت ميرا حوارها هي ووالدها لجنا

جنا بتفكير... طب ناويه تعملي ابه

ميرا.. مش عارفه محتاره اووي

جنا.. امم طب بقولك وفيها ايه تقعدي معاه وتتكلمو ارتحتي اوك مرتحتيش خلاص وبعدين خدي هنا مش دا حب الطفوله يا بت

ميرا.. هههههههه اخ يا جزمه لا يختي انا قلتلك كنت معجبه وكنت طفله يا هبله ماحقتش تحب يعني

جنا... ماشي يختي ولووووووووي هبقي صحبه العروسه يا ناس هلخق احضر الفستان بقي

ميرا بضحكه.. ههههههه يلا يا مجنونه غوري بقي مش فضيالك

جنا.. اوك باي باي يا عروسه اموووه

ميرا.. هههه باي

واغلقت ميرا الهاتف وتنهدت بحيره فهي لا تعلم ماذا تقرر فنظرت للسماء بابتسامه وظلت تفكر

كان اسر.يجلس في سيارته وهو في مكان هادي تنهد بحزن ورجع بذاكرته للوراء

فلاش ياااااك

مر شهر علي عمل سما في الشركه احبها اسر بجنون وقرر ان يعترف لها فطلبها في يوم في مكتبه

دخلت سما المكتب فلم تجد اسر فظلت تبحث بعينيها عنه حته انتبهت علي ورد يتساقط عليها من اعلي فابتسمت بسعاده ونظرت للخلف فوجدت اسر ومعه خاتم يجلس امامها

اسر... سما مش هقولك امتي حبيتك وازاي بس من اول مره خطفتيني وخطفتي قلبي انا حبيتك اووي حبيت خجلك وضحكتك  حبيت كل حاجه فيكي تقبلي تجوزيني

سما بفرحه... ايوه

فالبس اسر سما الخاتم وقبل يديها ونظر لها بسعاده ومىت الايام وكانت علاقته اسر وسما جيده وصارح والده بحبه ولم يعترض ولكن جاءت فتره كانت شركات اسر تخسر كل المناقصات حتي قاربت علي الافلاس حقا 

كان اسر يجلس بغضب علي مكتبه يفكر من هذا الذي يسرب معلومات الشركه فكيف يخسرون كل هذه المناقصات  قطع تفكيره دخول صديقه احمد

احمد... ايه يا اسر هنعمل ايه

اسر .. مش عارف بس لازم نمسك الي بيسرب المعلومات دا لازم

احمد.. طب تمام بص يا سيدي احنا نسرب معلومات وهميه اننا هندخل في مناقصه ونحط كاميرات في اوضه المكتب 

اسر... تمام فكره كويسه

وبالفعل وضع اسر كميرات في المكتب ونشرو ات بامر دخولهم  المناقصه وكان اسر واحمد يجلسان امام الهاتف يراقبان المكتب فوجدو شخص يدخل فشعر اسر بان خنجر وضع في قليه فكانت سما واخذت الملف وقامت بتصويره ووضعه مكانه

احمد... اسر دي 

اسر بصدمه... مش معقول وخرج بسرعه وقاد سيرته بسرعه جنونيه ولحقه احمد وذهب اسر بسرعه للشركه وقبل ان يدخل المكتب سمع مكالمه سما

سما.. كله تمام الاوراق معايا

المجهول... تمام كده بس اهم حاجه محدش يشك فيكي

سما... لا متقلقش اسر دا مغفل وقع في حبي وعمره ميشك فيا ابدا دا ذي الخاتم في صباعي

المجهول...... تمام بس خدي حظرك

سما.... تمام والفلوس تكون متحوله لحسابي حق الورق سلام

اغلقت سما الهاتف وهي تبتسم بخبث والتفتت فوجدت اسر ينظر لها وعيناه تشع شرار

سما بتوتر... اسر حبيبي انت هنا من امتي

اقترب منها اسر بغضب وامسك شعرها وصرخت سما بالم

اسر بغضب... بقي انتي يا زباله بتلعبي عليا

سما... اه اسر شعري سيبه

دخل احمد بسرعه وخلص سما من بين يدي اسر وعندها خرجت سما بسرعه وحاول اسر اللحاق بها ولكن منعه احمد

اسرر... ابعد يا احمد لازم اموتها

احمد.. اهدي يا اسر مينفعش اللي بتعمله دا خلاص كل حاجه بانت وهتدفع التمن

اسر بصرخه... تمن تمن اييييه حبي ولا قلبي اللي اتكسر ولا تمن خيانتها بنت### وجلس علي الكرسي ووضع يده علي راسه بحزن

بااااااك

تنهد اسر وقام بتشغيل سيارته وانطلق بها

في شركه الشافعي كان مروان يجلس علي مكتبه حين دخل ابنه امجد

امجد... بابا محتاج توقيعك علي الورق دا

مروان...طيب تمام هاته

امجد... اتفضل

مروان... متعرفش اسر فين برن تلفونه مغلق

امجد... لا وااله انا مشوفتوش من الصبح هكلم احمد واساله

مروان.. تمام

واعطي مروان له الاوراق وخرج امجد ولحظات ودق الباب فاذن مروان للطارق فكان اسر

مروان... شرفت يا استاذ كنت فين وتليفونك مغلق ليه

اسر... فصل شحن وكنت عند احمد

مروان.. تمام قررت ايه

اسر بحنق... معنديش مشكله بس عاوز اكلمها الاول 

مروان بسعاده.. بجد

اسر .. ايوه

مروان.. تمام هديك رقم ادم وتقدر تاخد رقمها منه

اسر.. تمام انا هروح علي مكتبي وابعت رقم انكل ادم في ماسج

مروان.. تمام

وخرج اسر وقابل امجد امامه

امجد.. كنت فين يا اسر بابا كان بيسال عليك

اسر... انا كنت عنده من شويه

امجد... طب كويس المهم قولي انت كويس

نظر اسر لاخيه الصغير بحب فهو كابنه عوض له عن الكثير يحبه كثرا رغم انهم اشقاء من الاب الا ان اسر يعشقه ويعتبره طفله

اسر.. متقلقش يا امجد انا تمام هروح لمكتبي سلام

امجد.. سلام

ذهب اسر لمكتبه وجلس علي الكرسي بارهاق ولحظات واعلن الهاتف عن رساله فوجده رقم والد مايا فتنهد وقام بطلب الرقم

عند الطرف الاخر كان ادم يجلس وهو يحتضن همسته ويشاهدون التلفاز فشاهدتهم ميرا فذهبت علي اصابعها لاخافتهم

ميرا بصوت عالي.. بخ بتعملو ايه

همسه بخضه... اخص عليكي يا ميرا ينفع كده وقعتي قلبي

ميرا بغمزه... سلامه قلبك يا جميل ولا ايه يا كبير

ادم بضحكه... يا بنت اعقلي

جلست ميرا بينهم واحتضنت والديها

ميرا... ابدا مش هعقل

قطع كلامهم رنين هاتف ادم فوجده رقم غريب فقام بالرد

ادم... الو مين معايا ثم اكنل بفرحه اسر حبيبي ازيك عامل ايه

كانت ميرا تنظر لوالدها باستغراب من سعادته ولحظات وتبدل حالها بالاندهاش فهذا اسر

ادم... ازيك يا اسر عامل ايه

اسر.. الله يسلمك يا انكل حضرتك عامل ايه

ادم.. الحمد لله بخير والله

اسر.. يا رب دايما احم هو بصراحه كنت عاوز اطلب من خضرتك حاجه

ادم.. اتفضل

اسر.. هو يعني اصل كنت عاوز اكلم الانسه ميرا اظن والدي كلم حضرتك علي موضوعنا فحابب اتكلم معاها في حاجه

ادم.. ميرا ونظر لها فنظرت ميرا لوالدتها باستغراب ثم اكمل مفيش مشكله يا حبيبي هديها الفون اهو

ادم... خدي يا ميرا اسر حابب يكلمك نظرت ميرا لوالدها  بخجل واخذت الهاتف ودخلت لغرفتها

ميرا بخجل.. احم الو

اسر ببرود... ازيك يا ميرا اخبارك

ميرا بخجل.. الحمد لله وانت

اسر بزهق.. تمام بصي يا ميرا كنت حابب اتكلم معاكي في حاجه

ميرا بخجل.. اتفضل ظننا منها انه سيتحدث في امر زواجهم

اسر ... من الاخر انا مش عاوز اتجوزك انا معنديش مشكله خاصه فيكي بس انا مش عاوز اتجوز نهائي تمام ووالدي عاوز يجبرني وحاولت ارفض منفعش فيا ريت انتي ترفضي وكل حاجه تنتهي وخلاص فهمتيني

مير........

البارت (٣)

كانت ميرا في حاله صدمه فهو قال ما لديه دون التفكير فيها او في مشاعرها كيف يكون بهذه الانانيه رفض الزواج منها وليس هذا فقط بل يريدها ان ترفض طلبا لوالدها كانت ميرا تشعر بان هذا الامر اتي علي كرامتها فغضبت بشده و ظلت بعض من الوقت غير قادره علي الكلام 

اسر... الو انت رحتي فين

ميرا ببرود.. نعم

اسر بزهق... سمعتي اللي قلته ولاولا وخلاص اتفقنا ولا

ميرا بهدوء.. اتفقنا علي ايه

اسر بحده.. هو انا لسا هرجع اقول كلامي

ميرا.. اها لا انا فاهمه تحب اقولك انت قلت ايه انك جبان ومش قادر ترفض عشان متزعلش والدك بس انا البنت مش الراجل اللي ارفض صح وحضرتك تستخبي ورايا صح

اسر بغضب.... انتي بتقولي ايه 

ميرا بهدوء عكس ما بداخلها... بقول الخقيفه انك جبان ومعندكاش الجراءه انك ترفض وعوزني انا ارفض بس احب اقولك انا هرفض لسبب اني مش هرتبط بواحد جبان ونسي العشره اللي بينا ولو فعلا انت راجل تعال هنا وقول لوالدي علي رفضك ثم اكملت بسخريه ولا لا انت مش هتقدر يا حرام سلام يا ههه اسر بيه

واغلقت الهاتف وكان اسر يشتعل غضب من كلامها اتهمته بالضعف وانه جبان فقبض علي يده بشده

اسر بغضب.... والله لهوريكي يا ميرا

جلست ميرا بوهن علي فراشها اوجعها دون ان يقصد بكلامه انعم هي احبته في طفولتها وكانت تنكر هذا وتمنت ان يحبها وحين قال لها والدها شعرت بالسعاده ولكن اخفت هذا وهو بكل سهوله يقول هذا لا يكفيه رفضها ولكن ايضا لا يسنطيع المواجهه وهي من ترفض لماذا حطم قلبها هكذا وحطم احلامها لقد تمنت ان تعيش قصه حب معه هو تنهدت بحزن ولم تشعر الا والدموع تنهمر من عينيها فبكت بصمت 

رؤي.. ميراااا انتي يا بت فين

كان هذا صوت رؤي وهي تدخل من الباب بسرعه دون ان تدق فوجدت اختها تبكي فذهبت بسرعه اليها واحتضنتها

رؤي بقلق.. مالك يا ميرا في ايه

ميرا بدموع.. مفيش يا حبيبتي دماغي مصدع بس

رؤي.. عليا يا ميرا برضو في ايه احكيلي

ميرا بدموع.. هو هو ثم انفجرت في البكاء

رؤي.. اهدي بس اهدي يا حبيبتي في ايه انا اللي اعرفه انك كنتي بتكلمي اسر هو زعلك

ميرا... اسر... وقصت ما قاله وما تشعر به لرؤي وكانت رؤي تستمع بملامح تحتلها الصدمه والغضب

رؤي بغضب... هو ازاي يتجرا يعمل كده انا هقول لبابا 

وجاءت لترحل ولكن اوقفتها يد ميرا بسرعه

ميرا.... اهدي يا رؤي انا هقول لبابا بس اني مش موافقه بس مش دلوقتي شويه عشان ميشكش

رؤي بغضب... وهتسيبي الانسان عديم الزوق دا بكلامه اللي قاله ليكي ذي الدبش

ميرا... عادي انسي اللي قاله ميفرقش انا هرفض وبس انتهي

رؤي... ماشي يا ميرا

وخرجت رؤي وظلت ميرا تنظر للفراغ فتنهدت وامسكت روايتها لتكمل قراءتها فهي  عندما تشعر بالضياع تقرا فهذا يساعدها علي الراحه....

كان امجد يدخل غرفته بعد يوم متعب من العمل فوجد والدته تقف امامه وتنظر له بغضب فتنهد بقله حيله فهو يعرف ما ستقوله

سوزي ... وبعدين لحد امتي هتفضل شغال تخت ايد اخوك لامتي

امجد.. يا امي يا حبيبتي ماله شغلي وبعدين انا مرتاح كده

سوزي بحده.. خليك كده واسر يفضل ماسك كله بعد ابوك وانت ذي الموظف العادي

امجد... انا نفسي افهم انتي بتكرهي اسر ليه مع انه بيحترمك جدا 

سوزي بغضب... وانا هكره ليه انا بس عوزه مصلحطك انت ابني بس تمام انا هعمل كل حاجه ومش عاوز منك مساعده امشي من وشي

ورحلت سوزي وظل امجد ينظر لها بحزن فهي لم تكن الام الحنونه له من اعتني به اخوه اسر وكان الاب والام له اما والدته سيده المجتمع ليس لديها وقت من اجله.......

كان اسر يجلس مع احمدفي مكتبه يشتعل غضب فما زال كلامها يشعره بالغضب هو فقط لم يطلب منها سوي الرفض فتتهمه بالجبن  وايضا ليس رجل عند هذه النقطه قبض علي يده بشده وزفر بحنق

احمد محاولا تهدئته... اهدي يا اسر في ايه 

اسر بغضب شديد.... بنت*** تقول اني جبان ومش راجل وكمان تقفل في وشي اسر الشافعي اللي الكل بيعمله حساب بنت ذي دي تهني كده

احمد... اهدي دا بس من صدمتها قالت الكلام دا واكيد رفضك خدته علي كرامتها 

اسر بحده... وانا هعرفها مين الجبان

واخذ جاكته وخرج من المكتب مسرعا وهو في حاله غضب فاوقفته السكرتيره

السكرتيره.. مستر اسر في ورق

قاطعها احمد بغضب....... مش عاوز اسمع حاجه اسكتي

ورحل بسرعه من امامهت فنظرت له السكرتيره باستغراب وذهبت لعملها

ميرا... والله ذي ما بقولك كده يا جنا دا اللي حصل

جنا... هو مغلطش يا ميرا واحد طلب انك ترفضي عشان ميزعلش والده

ميرا بزهق... يوووه اللي حصل بقي وبعدين انه يرفضني فكده جرح كرامتي

جنا.. لا مش كده يا ميرا انتي قلتي كده عشان تردي وجع قلبك

ميرا بحزن.. تعرفي وجعني رفضه ليا اووي فين اسر اللي كان سند وحمايه ليا اخويا اللي كان جنبي وبيغير عليا دا كله راح فين دا كان بيكلمني بكل برود يا جنا...

جنا... اخوكي برضو يا بت عليا برضو

ميرا بضحكه.... بس يا جزمه 

جنا.. ماشي يا ستي  بس تفتكري هيجي

ميرا.. معتقدش

جنا.. اممم مش عارفه بصي هشوف ماما واكلمك تاني اوك 

ميرا... اوك سلام

واغلقت الهاتف وذهبت للبحث عن والدها....

دق اسر الباب ودخل مكتب والده فوجده مشغول بدراسه احدي المشروعات

مروان... في حاجه يا اسر

اسر ... ايوه

مروان.. في ايه قول

اسر.................

وبعد مرور بعض من الوقت خرج اسر من مكتب والده وكان ينظر له مروان والبسمه تزين وجهه 

مروان... واخيرا يا اسر

مرت ثلاث ايام دون احداث تذكر

وفي صباح يوم كانت ميرا تجلس تشاهد التلفاز وباله مشغول بما حدث قبل ايام

فلاش بااااااك

كانت ميرا تنام بعمق فوجدت نور يدخل لعينيها فعلمت بان شخصا فتح الستائر

ميرا.. اممممممم رؤي اقفلي الستاير

همسه... هههه انا ماما يا هبله يلا اصحي

ميرا.. امم سبيني شويه يا ماما

همسه... يلا يا حبيبتي بابا اصلا عوزك تحت

ميرا وهي تحاول النهوض.. حااضر اهو

ابتسمت لها همسه وخرجت من الغرفه وتركتها تجهز

وبعد ان جهزت ذهبت لوالدها بسرعه فوجدته امام الكمبوتر هو ووالدتها ويحدثون شخصا

ادم بسعاده... وحشني يا مروان والله

مروان.. وانت والله يا ادم طمني عامل ايه وانتي اذيك يا همسه 

همسه.. الحمد لله بخير وانت عامل ايه

مروان... الحمد لله امال فين عروستنا

ادم.. هنا اهي تعالي يا ميرا

جلست ميرا بجانب اهلها بخجل

مروان.. بسم الله ماشاء الله ايه القمر دا كبرتي يا حبيبتي

ميرا بخجل.. مرسي يا انكل حضرتك عامل ايه

مروان... الحمد لله وهكون تحسن لما تيجي تعيشي معانا

ابتلعت ميرا غصه الالم التي احتلتها وقالت... ان شاء الله

مروان... ثانيه هنادي اسر وتشوفو بعض وتتكلمو

ميرا بسرعه... لا لا مش مهم بعدين

مروان .. اممم مكثوفه طب خلاص انا هجيبه وادم ياخد همسه ويمشو وانا كمان ولا انت ايه رايك يا ادم

ادم.. ههههههه ماشي 

واخذ ادم همسته ورحل وذهب مروان ليجلب اسر وظلت ميرا تجلس بتوتر ولكنها فجاه  سمعت صوت خطوات وشعرت انه مع كل خطوه قلبها يدق بعنف فتوترت بشده وقامت بازاحه الكاميرا عن وجهها

جلس اسر بزهق ولكنه لم يري وجه مايا كان مسلط علي نص شعرها وملابسها فقط

اسر ببرود.. ودا ايه ان شاء الله

ميرا بحده.. نعم

اسر... ايه يا ست الحسن خايفه احسدك مخبيه وشك

ميرا... وانا اوريك وشي ليه متستحقش تشوفه  اصلا

اسر بغضب.. بنت انتي اتعديتي حدودك هندمك لو ما اتلمتيش..

ميرا بغضب اكبر.... التزم حدودك معايا واه تشوفه ليه متستحقش تشوفني يا جبان مش هخلي انسان جبان واناني يشوفني بكرهك

وقامت باغلاق الاتصال بسرعه وظلت تتنفس بسرعه بغضب وفجاه ابتسمت عندما تذكرت ملامحه غحقا اصبح وسيما جدت

 انتبهت لحركه جانبها فوجدت والدها يجلس بجانبها

ادم.. حبيبه بابا بتعمل ايه

ميرا ببسمه.. صباح الخير يا بابا ابدا زهقانه قلت اسمع التلفوزيون شويه

ادم بحنيه... ماشي يا حبيبتي ها مقلتيش رايك

ميرا بتوتر... ها اصل انا يعني

ادم... ايه

قطع كلامهم صوت الباب فذهب ادم ليفتح الباب وكانت ميرا تجلس ونظرها موجه للباب تحاول معرفه من

ادم بفرحه.. اسر ازيك يا حبيبي

نظرت ميرا لوالدها بصدمه وشعرت بان دلو من الماء انسكب عليها فذهبت بسرعه للغرفتها حتي لا يراها

البارت(٤)

.

ادم بسعاده وهو يحتضن اسر.... اهلا اهلا يا اسر يبني ايه المفجاه الحلوه دي نورت والله تعالي اتفضل

اسر... شكرا يا انكل مروان معلش جيت من غير ميعاد

ادم... عيب عليك يا اسر دا بيتك يا حبيبي طمني عنك وفين مروان مجاش معاك ليه

اسر... انا تمام والله وبابا هيجي اخر الاسبوع انا جيت قبله عشان كان ورايا شويه شغل هنا

مروان... ربنا يوفقك يا حبيبي

وقطع كلامهم رن هاتف ادم فاستاذن من اسر وذهب للرد عليه كان اسر يجلس ويشعر بالراحه الكبيره فهذا البيت يشعره بالدفء وظل يتطلع للبيت واثاثه ولمح صوره لادم مع زوجته وطفلتان صغيرتان ظل يتطلع لهم ويحاول تذكر هذان الطفلتان هو يعرفهم 

قطع تفكيره دخول همسه ورؤي للبيت

همسه.. هههههه مش هروح معاكي ابدا بعد كده مكان تعبتيني يا جزمه معاكي

رؤي.. معلش يا جميل نردهالك في الافراح

همسه.. ههههههههههه بس يا جزمه

ولكن انتبهت لذلك الجالس علي الاريكه ونظرت له باستغراب ثم ذهبت بسرعه اليه واحتضنته اما اسر فقد احتلته الصدمه ولكن شعر بالحنان من هذه السيده

همسه.. انت اسر صح

اسر باستغراب... ايوه 

همسه بحب.. شبه مامتك اوووي

اسر... انت تعرفي ماما

همسه... دي صحبه عمري يا اسر وبعدين انت نسيتنا ولا ايه انا ماما همسه مش فاكرني انا ربيتك لحد ما سافرت مع والدك

اسر بسعاده... ماما همسه واحتضنها بقوه

ادم بغيره... ايه يا عم براحه مراتي الله

سميه.. هههههههه دا ابني يا ادم

ادم وهو يجذبها لحضنه... مهما كان انتي بتاعتي وبس وحبيبتي...

تطلع لهم اسر بحب وتذكر تلك الفتاه مع سميه فتظر لمكانها لم يجدها فظل يتطلع حوله باستغراب ولم يجدها

كانت ميرا تتحرك في غرفتها بتوتر

ميرا.. هو ايه جابه هو مش رافضني خلاص جاي ليه ما انا كنت هرقض يوووووه ايه التوتر دا 

قطع كلامها دخول رؤي للغرفه وجلوسها علي الفراش بهدوء فاتجهت لها ميرا 

ميرا... اسر جه

رؤي.. اه شوفته

ميرا بتوتر.. طب هعمل ايه انا متوتره اووي مش هخليه يشوفني لا

نظرت لها رؤي ولم ترد

ميرا بغضب.. ما تردي يا زفته الله

قطع كلامهم دخول سميه للغرفه 

سميه... ايه يا ميرا مجتيش تسلمي علي اسر ليه

ميرا بتوتر.. ها ما انا جايه اهو

سميه.. ماشي طب يلا روحي اعملي قهوه ووديه ليه هو في البلكونه 

ميرا.. حاضر

ورحلت سميه وظلت ميرا تفرك يديها بتوتر فهي لا تريد ان تقابله فمنذ راته وقلبها يدق بعنف

ميرا... رؤي 

رؤي.. ايه

ميرا... بصي يا ستي

نظرت لها رؤي باستغراب واكملت ميرا حديثها

########

كان مروان يجلس علي مكتبه وابتسم عندما تذكر 

.

فلاش بااااااك

مروان... في حاجه يا اسر

اسر.. ايوه

مروان.. ايه

اسر.. انا نازل مصر

مروان باستغراب.. ليه

اسر... في شغل في الشؤكه هناك وهروح بيت انكل ادم اتعرف علي ميرا كويس

مروان بسعاده... يعني خلاص فكرت

اسر.. ايوه وهروح وانتظر حضرتك اخر الاسبوع

مروان وهو ينهض ويحتضنه... ربنا يوفقك يا حبيبي وانا هاجي علي طول 

اسر... ماشي يا بابا بعد اذنك هجهز عشان طيارتي

ورحل اسر وظل مروان يتطلع له بسعاده وفرحه

.

بااااااااااك

.

مروان.... ربنا يهديك يا اسر وتقدر تحب ميرا

قطع كلامه حينما انتبه لدخول سوزي للمكتب

مروان... في حاجه يا سوزي

سوزي بشك... ها لا بس يعني الكل رجع الا اسر هو فين

مروان ... اسر في مصر

سوزي بصدمه... ايه في مصر بيعمل ايه

مروان... عند ادم خلاص وافق يتجوز ميرا

نظرت له سوزي بصدمه ثم ادركت نفسها وقالت بسعاده مزيفه.. بجد ربنا يسعده فرحتني جدا

مروان ... انا اللي فرحان اكتر عشانه اخيرا نفسي ابني يرجع ذي ما كان

سوزي بشر... هيرجع يا حبيبي هيرجع  انا هروح انام تصبح علي خير

مروان.. وانتي من اهل الخير

ذهبت سوزي بغضب لغرفتها وجلست علي فراشها

سوزي بشر... مينفعش يتجوزها مينفعش كده هيبقي خد رضا مروان ومش بعيد عشان الكبير يورث كله وابني مياخكش حاجه لازم اتصرف وامنع الجوزاه دي لازم ميتجوزهاش ويتطرد لازم

#######

كان اسر يجلس في البلكونه يغمض عينيه ويستنشق الهواء وهو يشعر بالراحه الشديده فهمنذ دخوله هذا البيت وهو يشعر بالدفء ورجعت اليه بعض ذكريات طفولته وانتبه علي خطوات احد يقترب منه ففتح عينه ونظر للقادمه فوحد فتاه تاتي ومعها فنجان قهوه وتقترب منه وتضعه امامه وهي تخفض راسها باحراج وتذهب

اسر... استني

البنت بخجل... ايوه

اسر... هي فين

البنت... مين

اسر... انتي مش ميرا طنط سميه قالت ان ميرا هتجيب القهوه وانتي مش ميرا ميرا عنيده ومعتقدش انها هتستسلم بسهوله وتيجي كده

رؤي بحزن... انا اختها رؤي وهي اللي بعتتني

اسر... تمام قوليلها اني مستنيها وفي كلام لسا مخلصش بينا

رؤي..  تمام

وذهبت رؤي وظل اسر ينظر لها فمنذ دخولها وهو يعلم بانها ليست هي فهو لم يراها ولكن راي لون شعرها وايضا لمح سلسله في رقبتها وخين نظر للصوره في الصللون وجد احدي الفتاتان ترتدي نفس السلسله فعلم بانها ميرا فامسك الفنجان وتناول بعض منه وابتسم

كانت ميرا تجلس بتوتر في غرفتها تنتظر رؤي فوجدت رؤي تدخل الغرفه فذهبت بسرعه اليها

ميرا.. ها قدمتيها

رؤي.. ايوه وعارف اني مش ميرا وبيقولك هو مستنيكي ولسا في كلام بينكم مخلثتش

ميرا بصدمه.. ايه عرفك ازاي وهو اصلا مشافنيش انا افاكرته جاي بس يشوفني ويرفض فبعتك انتي

رؤي... معرفش

ظلت ميرا تجلس بحيره فلماذا جاء اسر وماذا تخبي الايام لهم

البارت(٥)

كان اسر يجلس في الشرفه ويمسك القهوه يرتشف منها ويبتسم فقط كانت بعض ذكريات الطفوله تراوده فانتبه علي ادم ياتي 

ادم... يلا يا اسر الاوضه جاهزه عشان تطلع ترتاح شويه

اسر.. اوضه ايه لا انا حاجز في فندم

ادم... فندق وانا موجود عيب عليك يا اسر هو انا مش ذي والدك

اسر.. طبعا ذي والدي بس مش عاوز اكون تقيل عليكم

ادم بحزم.. تقيل ايه يلا يا اسر اطلع نام

اسر بابتسامه.. حاضر

ادم.هههههه ناس متجيش الا بالعين الحمرا تعال يلا معايا اوريك اوضتك 

ابتسم اسر وذهب خلف ادم وكان يتطلع حوله بحب فالبيت جميل وحقا يشعر بالراحه فيه وبينما هو يدخل الغرفه وراك ادم وجد الغرفه التي بجانبه بابها يغلق بسرعه فنظر باستغراب ودخل غرفته

ادم... اتفضل دي اوضتك يلا ارتاح شويه 

اسر.. شكرا

ادم بابتسامه.. العفو علي ايه انت ابني ومبسوط جدا بوجودك

ابتسم له اسر وذهب ادم وترك اسر قام بخلع جاكته وجلس علي السرير وتنهد

اسر بسخريه... لا والانسه مظهرتش وبعتالي اختها هههههه الايام لسا بينا يا ميرا انتي اتحدتيني فاستحملي بقي.

    $#########$

كانت ميرا تتحرك في غرفتها بتوتر ورؤي تجلس علي الفراش بهدوء

ميرا بتوتر.. يوووووه طب وايه خلي بابا يخليه يبات هنا لا وجنب اوضتنا 

رؤي... امال يعني يخليه ينام في فندق واحنا موجودين

ميرا وهي تجلس بجانبها.. نقصدش بس انا مش عوزاه يشوفني

رؤي.. ليه يعني

ميرا بعند.. كده وبعدبن هو جاي ليه تفتكري جاي يبلغ بابا برفضه

رؤي.. مش عارفه والله 

ميرا.. انا اعتقد كده اومال جه وحده ليه وانكل مروان مجاش معاه

رؤي.. يووه بطلي بقي ويلا عشان نتخمد واقفلي النور 

ميرا.. لا عوزه اقرا روايه نامي انتي

رؤي .. اوك

وخلدت رؤي للنوم وظلت ميرا تقف في توتر وتفرك يديها بقوه لا تعلم لماذا اشعر بهذا التوتر من مجيئه وقلبها الاحمق ينبض بعنف كلما لمحه فابتسمت عندما كانت تفتح الباب لتراه ولكنه نظر تجاها فرات عينه وسرحت فيها ولكنها ادركت نفسها واغلقت الباب بسرعه وظل قلبها يدق

ميرا... وبعدهالك يا قلبي بتدق ليه 

ثم تنهدت بحزن عندما تذكرت رفضه لها فابتسمت بسخريه واخذت رواياتها وذهبت للجلوس في الشرفه

.كان اسر يجلس في غرفته يشعر بالملل فقرر الخروج للشرفه فخرج ووقف واستند علي السور واخذ نفسا عميقا وتنهد براحه ولكنه لمح فتاه تجلس في الشرفه التي بجانبه فاقترب ليراها بوضوح ولكن قدمه اصتدمت بمزهريه الورود فنظر لها فوجدها سليمه وعندما وجه نظره للفتاه لم يجدها فنظر باستغراب وابتسم بسخريه فعلم انها ميرا فهز راسه فهو يعلم انها عنيده وقرر ان يقبل تحديها ثم ذهب للداخل

كانت ميرا تجلس تقرا روايتها #عشق الزين# وكانت تشعر بالسعاده وهي تقرا فهي عندما تقرا تنسي العالم حولها ولكنها انتبهت علي صوت ارتطام فنظرت وجدت اسر مشغول بالنظر للمزهربه فاسرهت للداخل واغلقت الشرفه بسرعه ورائها ووضعت يدها علي قلبها 

ميرا... الحمد لله مشافنيش ههههه بس لامتي يا ميرا لعبه القط والفار دي رفعت كتفها علي عدم معرفتها وقامت بالذهاب للفراش وعندما اغمضت عينيها جاءت صوره اسر

ميرا بزهق.. يوووه ما تطلع يا رخم من بالي امم رغم اه بس عثل وقمر يخربيت حلاوتك احم ايه اللي بقوله دا اعقلي يا ميرا ثم اغلقت عينيها واستسلمت لسلطان النوم 

     ###########

في الصباح

 

كان مروان يجلس علي طاوله الافطار ويتناول قهوته وبجانبه سوزي تتناول العصر فجاء امجد والقي تحيه الصباح عليهم

امجد.. صباح الخير

الكل.. صباح النور

سوزي.. يلا افطر كويس يا حبيبي

امجد.. حاضر ثم نظر بجانبه كرسي اسر فارغ 

امجد.. اير فين لسا نايم ولا ايه

مروان.. لا اسر في مصر

امجد.. ايه دا بحد يافر امتي مقالش لحد يعني

مروان.. قال ليا وهو سافر امبارح راح لعمك ادم وانا اخر الاسبوع هسافر ليه

امجد.. طب ممكن اجي معاك يا بابا

مروان.. مفيش مانع ثم وجه حديثه لسوزي وانتي يا سوزي هتيجي ولا لا

سوزي بخبث.. معلش با حبيبي ورايا بس شويه حجات هعملها وهحصلكم

مروان.. تمام ثم نهض وذهب للشركه ولحقه امجد 

كانت سوزي تنظر لهم بشر فهي لن تتمم هذا الزواج فابنها صغير ولن يتزوج الان واسر اذا تزوج سوف يحصل علي جمبع الاملاك

سوزي بشر... لازم ادور علي حل وبسرعه..

   

   ###########

كانت ميرا تنام بعمق وازعجها رنين هاتفها المتكرر فامسكت بيه وقامت بالرد

ميرا بنعاس.. الو

جنا.. انتي يا حيوانه بقالي ساعه برن عليكي ايه نايمه ولا مقتوله اتاخرنا ياما علي الجامعه

نهضت ميرا بسرعه وقالت.. يالهوي المحاضرات

جنا بسخريه.. لا والله كتر خيرك لسا فاكره

ميرا... يووه ما خلاص بقي خمس دقايق وهجهز عبو شكلك

جنا.. وشكلك يا روحي يلا ميستنياكي متتاخريش

ميرا.. اوك

وقامت بسرعه لتجهز للجامعه فاخر ما تريده ان تااخر وان يتم طردها من المحاضره

        ##################

كان اسر يرتدي ملابسه حين سمع دق علي الباب فاغلق قميصه بسرعه و فاذن بالدخول

اسر.. ادخل 

سميه... صباح الخير يا حبيبي نمت كويس

اسر.. الحمد لله يا طن

قاطعته سميه.. تاني طنط مش قلتلك انا ذي مامتك هزعل لو قلت طنط دي تاني

ابتسم اسر بحب لتلك المراه التي تشعره بحنان الام الذي افتقده وقال.. ماشي يا  ماا ماما

سميه بابتسامه.. طب يلا يا حبيبي الفطار جاهز 

اسر.. حاضر

خرجت سميه ووقف اسر يتطلع لها بحب فهذا المراه تفكره بامه وعند هذه النقطه تالم قلبه بشده فقط تركته امه تركته ليواجه العالم لوحده ابتسم اسر بمرار وقال... ليه يا امي سبتيني كده لييه مسمعتيش صوتي ورجعتي اغمض عينه بالم عندما عادت تلك الذكري المؤلمه له 

ابتسم اسر بحزن واخرجه من تفكيره رنين الهاتف 

اسر.. الو

امجد.. ايه يا كبير بقي تسافر من غير ما تقولي

اسر. ههههه جات صدفه اعمل ايه

امجد.. ماشي يا عم ها قولي شوفت الموزه

اسر.. ههههه اتلم يبني ايه موزه دي

امجد.. الله مش مرات اخوبا وعاوز اتطمن انها موزه

شرد اسر في كلمه مرات اخويا ولكنه انتبه علي امجد ينادي عليه

امجد.. اسر انت معايا رحت فين

اسر.. ها اه انا معاك اهو بس هقفل دلوقتي في شويه شغل هعملهم واكلمك

امجد.. اوك سلام

اسر.. سلام واغلقت الهاتف ووضعه في جيبه وخرج من الغرفه وبينما هو يمشي اصتدم في فتاه فامسكها قبل ان تقع 

اسر.. حاسبي وامسكها بسرعه وظل ينظر اليها فهو لم يرا ملامحها فشعرها كله علي وجهها  ورفع يده ليزيل شعرها

كان ميرا تشعر بالصدمه اين وكيف اصبحت بين احضانه هكذا لقد كانت تخرج ومن سرعتها اصتدمت به لقت نست تماما امر وجوده وقلبها الان يدق بعنغ ولكنها انتبهت علي يده وهي تزيل شعرها فابتعدت بسرعه وذهبت من امامه

 باقصي ما عندها...

كان اسر ما يزال واقف ويده في الهواء ولكنها سرعان ما ضحك علي هذه الفتاه للمجنونه لقد عرفها انها ميرا

اسر.. امممم شكلنا هنبدا لعبه القط والفار يا انسه ميرا ووضع يده في جيبه  و نزل الدرج 

    

      ###########

كان ميرا تمشي بسرعه وهي تنظر خلفها فاصتدمت باحد

ميرا بالم.. اااه في ايه النهارده هو كل شويه اخبط في حد

سميه.. بتكلمي نفسك يا هبله

ميرا.. حبيبه الهبله

سميه.. هههه يا بكاشه صحيتي امتي كنت لسا هطلع اصحيكي

ميرا.. البركه في ابله جنا يلا همشي انا اتاخرت

سميه.. والفطار يا ميرا

ميرا.. معلش ياماما اتاخرت ثم قبلت خد والدتها ورحلت

  

وبعد قليل 

كان ادم يجلس علي مائده الافطار وبجانبه رؤي ومن الناحيه الاخري سميه

ادم... فين ميرا واسر

سميه.. اسر زمانه نازل وميرا مشت وراها محاضرات

ادم.. اها ماشي ثم وجه كلامه لرؤي وانتي يا رؤي مش وراكي محاضرات

رؤي.. لا يا بابا محضراتي علي الساعه عشره

قطع خديثهم دخول اسر وهو يلقي تحيه الصباح

اسر.. صباح الخير

الجميع.. صباح النور

ادم.. ها يا بطل اتمني تكون نمت كويس

اسر بابتسامه.. الحمد لله

سميه.. طب يلا اتفضل كل يا حبيبي

ادم بغيره.. مين دا الي حبيبك

سميه.. ههههه طبعا انت هو في حد غيرك

ابتسم اسر بحب علي غيرتهم وتمني لو كانت اسرته مثلهم وانتبه علي صوت ادم

ادم.. دي بنتي رؤي انت ماعرفتش عليها لسا

نظر لها اسر وعرف انها نفس الفتاه التي قدمت له القهوه علي انها ميرا فقال.. اتشرفت بمعرفتك يا انسه رؤي

رؤي بابتسامه.. شكرا

واكمل الجميع تناول طعامهم في صمت وبعد قليل واستاذن ادم واسر كل منهم للذهاب لشركته وبعدهم رحلت رؤي لجامعتها وذهب سميه لتحضر الغداء

           #########

كانت ميرا تقود سيارتها ووقفت امام بيت جنا ووجدتها تنتظرها بغضب وصعدت بجانبها واكمت ميرا القياده

جنا.. لسا بدري يختي

ميرا.. معلش يا موزه بس لو تعرفي اللي حصل هتقدريني

جنا.. ايه اللي حصل اشجيني

قصت عليها ميرا ما حدث كله

جنا بصدمه.. يعني هو عندكم وانتي لحد دلوقتي مش ؤاضيه تخليه يشوفك

ميرا.. ايوه

جنا.. طب وبعدين ايه اللي هيحصل ناويه علي ايه

ميرا بتفكير.. مش عارفه فكك يلا عشان هنتاخر علي المحاضره

        ############

وصل اسر لشركته ونزل من سيارته وذهب للداخل فوقف الجميع له باحترام فألقي عليهم تحيه الصباح وذهب لمكتبه وتبعته السكرتيره

السكرتيره.. نورت مصر يا اسر بيه

اسر.. شكرا هاتيلي يلا ملف الصفقه اللي مع الشركه الالمانيه

السكرتيره .حاضر يا اسر بيه

وذهبت بسرعه وجلس اسر علي مكتبه وفحاه تذكر ميرا عندما كانت بين احضانه فابتسم وقام بتشغيل الحاسوب وبدا العمل

   

       #########

في الجامعه بعد انتهاء المحاضرات كانت ميرا تمشي وبجانبها جنا

جنا.. هنعمل ايه في التدريب دا هنلاقي شركه نتدرب فيها ازاي

ميرا.. متقلقيش هشوف بابا واكيد هيعرف شركه ونتدرب فيها

جنا.. اوك يلا بينا نمشي عشان الجو مش حلو وشكل في مطر

ميرا.. اوك يلا

وقامت ميرا بايصال جنا لبيتها وانطلقت لبيتها وحينما خرجت من سيارتها امطرت السماء بشده ففتحت ميرا يديها نظرت للسماء واغلقت عينيها وظلت تدور بسعاده تحت المطر فهي تعشقه. وظلت تضحك بسعاده وحين فتحت عينيها وجدت اسر امامها فنظرت له بصدمه

كان اسر يدخل من بوابه البيت بسيارته فلمح ما جعل قلبه يدق بعنف ظل ينظر لهذه الفتاه بشده وقلبه يدق ويراقب كل حركه منها ولعبها تحت المطر  وحين فتحت عينيها شعر بان انفاسه توقفت ونظر لعينيها وتاه فيها

وظل الاثنان ينظران لبعض وتقدم اسر منها و........

البارت(٦)

كان اسر يدخل من بوابه البيت بسيارته فلمح ما جعل قلبه يدق بعنف ظل ينظر لهذه الفتاه بشده وقلبه يدق ويراقب كل حركه منها ولعبها تحت المطر  وحين فتحت عينيها شعر بان انفاسه توقفت ونظر لعينيها وتاه فيها

وظل الاثنان ينظران لبعض وتقدم اسر منها وظل يتقدم وميرا تنظر له بصدمه وترجع للوراء حتي اصتدم ظعرها بشجره فنظرت حولها بتوتر ونظرت وجدت اسر لازال يتقدم منها

ميرا بتوتر.. ايه الحظ دا بس يا ربي 

وجاءت لتذهب بسرعه وجدت اسر يمسك يديها ويعيدها مكانها وحاصرها عند الشجره

ميرا بتوتر.. ل لو سمحت ابعد

لم تجد اي رد من اسر وكان اسر ينظر لها ويسرح في عيونها وشعرها الذي خطف قلبه بمجرد رؤيته يومها

ميرا.. ابعد بقي

انتبه اسر علي ثوته فادرك نفسه ورسم معالم الجديه

اسر بسخريه .. امم اخيرا القمر هل علينا وقرر انه يظهر

نظرت له ميرا بحنق.. وانت مالك وبعدين ابعد بقي

ضغط اسر بقوه علي يدها وقال.. اظن لسانك طويل مش ملاحظه 

ميرا وهي تحاول ان تداري الم يديها... دا اللي عندي لو سمحت بقي ابعد ميصحش

اسر ببرود... لا انا عاجبني كده 

كانت ميرا تتحرك بقوه واسر يثبتها ويستمتع بحركتها

ميرا بحده... لو سمحت ابعد بقي 

اسر ببرود..لو فكراني تايه في جمالك فمتحلميش مش حلوه يعني ومخبيه نفسك ثم اكمل بسخريه تقوليش ملكه جمال

نظرت له ميرا بحنق ثم ابعدته عنها بقوه فوقف اسر ينظر لها ببرود فنظرت له بغضب واسرعت للداخل

كانت ميرا تمشي بسرعه وحده

ميرا بحده... هو فاكر نفسه مين ها ازاي يتجرا يعمل كده ويمسكني كده ليه لا وكمان يقول مش حلوه بقي انا ميرا يتعمل معايا كده تمام يا استاذ اسر الايام بينا وهدفعك تمن دا كتير اووي 

سميه باستغراب... في ايه يا ميرا مالك وايه بل هدومك كده وقفتي تحت المطر تاني هتتعبي يا ميرا

ميرا بحنق.. مفيش يا ماما

سميه.. مفيش ازاي انتي وشك احمر ولما بيحمر اكيد بتكوني متعصبه في ايه

نظرت ميرا لوالدتها وجاءت لتتكلم ولكن لمحت اسر يدخل ويبتسم لها بسخريه

اسر.. مساء الخير

سميه.. مساء النور يا حبيبي ايه بلك كده انت وقفت تحت المطر انت كمان 

نظر اسر بتسليه لميرا وقال.. اه اصل في قطه مشاغبه كنت بحاول امسكها

سميه.. قطه ايه

ميرا بغضب...ماما انا طالعه بعد اذنك

وصعدت ميرا السلالم بغضب واسر ينظر لها باستمتاع لا يعلم لماذا احب مضايقتها كثيرا قطع تفكيره صوت سمبه

سميه... طب يلا انت كمان يا حبيبب اطلع عشان تغير بدل ما تتعب 

اسر.. حاضر

وصعد اسر لغرفته وقام بتبديل ملابسه وجلس علي سريره ومسك الهاتف وظل يتفحص بعص الاشياء فيه وفجاءه ابتسم عندما عادت ذكري ميرا وهي تلعب تحت المطر اليه لاينكر بانها جميله وشعر بان قلبه يدق مع تحرك خصلات شعرها وحين نظر لعينيها شعر بانه نسي العالم كله

اسر بتنهيده.. وبعدهالك يا اسر ايه هتحب تاني لا انت جاي ترفض وبس مش معقول تحب تاني وتتجرح. 

                  ##########

كانت ميرا تجلس علي سريرها بغضب 

ميرا بغضب.. دا انسان دا اعاااااا وسكتت لحظه عندما تذكرت شكله تحت المطر وشعره الذي جاء علي عينيه وحينها انتبهت للون عينيه الذي اسر قلبها فابتسمت كالبلهاء

ميرا.. بس قمر اووي يخربيتك ثم انتبهت علي كلامها فقالت بغضب.. في ايه يا اميره مين دا اللي قمر نامي واسكتي وقامت باغلاق النور واستسلمت للنوم

 

جاء ادم من العمل وجاءت رؤي ايضا وجلس الجميع علي مائده الطعام لتناول العشاء

ادم... فين اسر وميرا

سميه.. اسر انا ندهت ليه وميرا كانت نايمه رؤي اطلعي نادي ليها

رؤي.. حاضر ياماما

صعدت رؤي لتنادي اختها وقابلت اسر علي السلالم فنظرت له وابتسمت له

رؤي.. بابا وماما مستنينك تحت علي العشا

اسر.. انا نازل اهو

 رؤي.. اوك وانا هنادي لميرا واكملت هي الصعود واكمل اسر النزول  لاسفل

              ##########

رؤي.... ميرااااا قومي بقي يلا عشان العشا

ولكنها لم تجد رد من ميرا فذهبت لها بغضب وابعدت الغطاء وجاءت لتهزها ولكنها اصتدمت من حرارتها المرتفعه

رؤي بفزعه.. يالهوي دي سخنه

وذهبت بسرعه لاسفل لتخبر والديها لاحضار الطبيب

في الاسفل كان ادم يجلس وبجانبه سميه وفي الجانب الاخر اسر

ادم. وهو مروان هيجي امتي يا اسر

اسر.. اخر الاسبوع ان شاء الله

ادم.. يجي بالسلامه عاوزين نلحق نجهز لخطوبتكم

اراد اسر الكلام ليخبره بانه ليس موافق ولكن قطع كلامه دخول رؤي بسرعه وتبدو خائفه

رؤي.. ماما الحقي ميرا سخنه اووي

سميه.. ايه

وصعد الجميع لغرفتها وجدوه وجهها احمر من شده الحراره

سميه بهلع.. ادم بسرعه اتصل علي الدكتور

ادم.. حاصر وذهب بسرعه لاحصار هاتفه والاتصال علي الطبيب

رؤي بخوف.. دي سخنه اووي يا ماما انا هجيب كمدات

سميه.. يلا بسرعه

اسر.. بس الكمدات مش هتنفع ثم ذهب لميرا ونظر اليها تالم قلبه لحالتها هذا فقام بسرعه بحملها وذهب للحمام وسميه ورؤي خلفه وقام بتشغيل المياه وجاء لوضعها تحت المياه فتشبتت به ميرا بسرعه  فنظر لها وقام بالنزول تحت المياه وهو يحملها

كانت سميه ورؤي ينظران لاسر بذهول وبعد قليل خرج اسر ووضعها علي السرير

سميه.. اسر روح غير هدومك يلا واحنا هنغير لميرا

اسر.. تمام

ذهب اسر لغرفته وقام بتبديل ملابسه وذهب اليهم وايصا جاء الطبيب وكشف علي ميرا ووصف لها العلاج وبعد رحيله وقف الجميع بجانب ميرا

ادم.. وقفت تحت المطر تاني صح

سميه .. ايوه انت عارف بتحب تقف تحته

نظر ادم لصغيرته بحب وابعد شعرها عن وجهها وقام بتقبيل جبينها 

سميه.. يلا الكل يروح ينام وانا هسهر جنبها

رؤي..لا هسهر انا ياماما

سميه بحب.. لا يا حبيبتي انا جنبها يلا روحي نامي وانتي يا اسر روح اوصتك ارتاح 

اسر.. حاضر تصبحو علي خير

ورحل اسر والجميع لللنوم وظلت سميه بجانب ميرا لتضع لها الكمدات

     ##############

في غرفه يصدع منها صوت اغنيه بصوت عذب

$#نم يا صغيري نام بهناء نم يا حبيبي نم بهناء نم وانا اجبلك جوز حمام متزعلش يا حمام دا بس عشان حبيبي اسر ينام#

كان الصوت عذب وجميل ظل اسر ينظر لتلك المراؤه بحب وهي تجلس بجانبه وتلعب في شعره لينام وحين اغلق عينيه  وجدها فجاه تبتعد عنه وتخرج من الغرفه وتغلقها من الخارج وترحل

اسر .. ماما افتحي قافله ليه ماما روحتي فين ماااما

ولكنه لم يجد رد فحاول فتح الباب كثيرا واخيرا استطاع ان يفتحه فخرج وظل يبحث عن والدته واخيرا وجدها تمشي

اسر.. ماما ماااا ماااا

ولكنها لم تلتفت له فظل يمشي خلفها وينادي عليها حتي وجدها تقف امام بحيره فذهب اليها ولكنه صدم حينما وجدها تدخل للداخل

اسر بفزع.. ماما ماااامااااا 

وذهب بسرعه وظلت تلك المراه تدخل وتدخل حتي غطي الماء وجهها وذهب  ذلك الطفل امام البحيره يقف ويصرخ باسمها.. 

اسر.. ماااااااماااااااا

استيقظ اسر بفزع من ذلك الحلم الذي يراوده دائما فتنهد بحزن فتلك الذكري لن ترحل ابدا فنظر للساعه وجدها الواحده بعد منتثف الليل فخرج من غرفته ولا يعلم لماذا قادته قدماه لغرفه ميرا ففتحها وجد والدتها نامت من التعب وهي تيند راسها علي السرير وميرا تنام بعمق 

نظر اسر لميرا ودخل للغرفه ووضع يده علي وجهها فوجد حرارتها طبيعيه فنظر لها كثيرا ورحل مع مشاعر غامضه تحمل الكثير!!؟

البارت(٧)

في الصباح الباكر استيقظت ميرا وهي تشعر بالم في كافه انحاء جسدها

ميرا بالم.. اه  ثم نظرت حولها وجدت والدتها بجانبها ورؤي تنام في سريرها 

ميرا.. ماما 

كانت سميه تنام من تعب السهر ولكنها استيقظت علي صوت ميرا فاعتدلت بسرعه ووضعت يدها علي جبينها

سميه بلهفه.. ميرا حبيبي انتي حاسه بايه انتي كويسه

ابتسمت ميرا علي خوف والدتها وحنيتها فقالت.. اه يا حبييتي انا كويسه متقلقيش 

سميه... الحمد لله ثم اكملت بغضب ينفع كده انتي عارفه انك بتتعبي ومناعتك ضعيفه استفدتي ايه من اللعب تخت المطر

ميرا بضحكه.. هههههههه ايه يا ماما ما كنا ماشين كويس روقي يا ست الكل

سميه بزعل طفولي.. لا زعلانه منك ينفع كده قلقتيني عليكي

ميرا وهي تضم والدتها... انا كويسه يا ست الكل ميحرمنيش منك ابدا

كانت سميه تهم بالرد ولكن قطع كلامهم دخول ادم واتجه لميرا بسرعه

ادم.. حبيبه بابا انتي كويسه طمنيني عامله ايه

ميرا بحب.. انا كويسه يابابا متقلقش

ادم وهو يحتضنها.. ينفع كده قلقتينا عليكي كلنا

ميرا..هههههه انت عارف يا حج كله الا المطر  

ابتسم علي طفلته وتوجه بنظره لسميه فوجدها تنظر لهم بحنق طفولي وغيره

ادم.. وحشتيني يا وردتي

سميه بغيره.. اه مهو باين عشان كده اول ما دخلت كلمتني كله الست ميرا وبس ثم ابعدت وجهها بحنق طفولي  فابتسم عليها ادم وميرا فذهب ادم اليها وضمها 

ادم بحب.. انتي حبيبتي وام عيالي وحوريتي ولو بحب بناتي بحبهم عشان جزء منك وكفايا ان ميرا شبهك

سميه بحب.. ربنا بخليك ليا

ميرا وهي تقول بصوت عالي.. استووووووب برافو يا بطل يلا بقي يا عاصفير الحب عوزه اقوم اخد دش يا عالم

سميه بضحكه.. هههههههه ذي امبارح

ميرا باستغراب.. امبارح ايه

ادم..امبارح حرارتك كانت عاليه اووي وانا كنت بكلم الدكتور دخلت لقيت اسر شايلك وواقف تحت الدش

وقفت ميرا بسرعه كمن لدغتها عقربه... انت قلت ايه

سميه.. ايه يا ميرا دا في الاول والاخر خطيبك ولولا كده كانت حرارتك زادت اووي

ميرا بحنق..بس يا ماما برضو

ادم.. خلاص اللي حصل حصل يلا قومي خدي دش وفوقي كده وصحي القتيله اللي نايمه دي

توجه نظر الجميع لرؤي التي تحضن المخده ورجل لها تنزلها اسفل السرير وشعرها منتشر حولها ويد لها موصوعه علي المنضده بجانبها وتنام بعمق غير عابئه بما حولها فانفجر الجميع بالضحك

  

              ############

مر اليوم بسلام فميرا التزمت غرفتها مدعيه التعب ولم تخرج لانها تشعر بالاحراج من اسر فلم تخرج ابدا وكانت والدتها تحضر لها الطعام والعلاج وترعاها

حل صباح تاني يوم وقررت ميرا الذهاب للجامعه غارتدت ملابسها واخرجت راسها من الغرفه تطلع للخارج فاخر ما تريده ان تلتقي ذلك المغرور كما تدعوه 

اخذت نفس عميق عندما لم تجد احد وذهبت بسرعه ناحيه الدرج ولكنها بمجرد ان وصلت للدرج اصتدمت بشخص فكانت ستقع لولا ان يدين قويه امسكت بها بقوه

ميرا بخوف.. يالهوي هقع وامسكت في ذلك الشخص بقوه ولكنها فجاه نظرت لوجه ذلك الشخص فوجدته اسر فنظرت له بتوتر

كان اسر يصعد الدرج ليحضر هاتفه لانه تركه في الغرفه فعندما وصل اصتدم باحد فكانا سيسقطان فامسك الدرج بيد وباليد الاخري امسك ميرا وضمها اليه

كان ميرا واسر ينظران لبعضهما وسرعان ما تذكرت ميرا كلام والدها فاحمرت خجلا فنظر لها اسر باستغراب ولكنه استمتع بهذا الخجل  وانتبه عليها تحاول الابتعاد فساعدها بالابتعاد دون كلمه

كانت ميرا تنظر لاسفل بخجل وقالت.. احم ش شكرا

اسر ببرود.. العفو وتركها وذهب لغرفته

نظرت له ميرا بحنق ثم ذهبت لاسفل فهمت بالخروج ولكنها انتبهت لصوت والدتها

سميه.. ميرا

ميرا.. ايوه ياماما

سميه.. حبيبي عربيتك رؤي خدتها

ميرا بصدمه.. ايه طب وانا هروح علي ايه

سميه.. معلش يا ميرا هي عربيتها بتتصلح وكان وراها محاضره فخدتها

ميرا.. طب انا هروح ازاي بابا فبن طيب يوصلني

سميه.. بباكي وراه اجتماع فمشي من بدري

ميرا.. يووووه يعني هروح مواصلات

قطع حديثهم قدوم اسر ونظر لهم باستغراب وقال.. في حاجه

ميرا.. لا

سميه.. اه معلش يا اسر يا حبيبي ممكن توصل ميرا اصل رؤي خدت عربيتها وادم مشي

اسر.. تمام مفيش مشكله

ميرا.. لا انا هروح مواصلات

سميه.. يلا يا حبيبتي مع اسر دا حته في حكم خطيبك معلش يوم بس 

نظرت ميرا لوالدتها بحنق طفولي ثم ذهبت بسرعه وتبعها اسر 

سميه بضحكه.. هههههه ربنا يهديكم لبعض

كانت ميرا تقف امام سياره اسر تنتظره فجاء اسر وقام بفتح السياره فوجدها تركب في الخلف

اسر بسخريه.. هو انا السواق بتاعك 

ميرا.. انا عوزه اركب ورا

امسكها اسر من يديها وقام بادخالها في السياره من الامام تحت اعتراض ميرا الغاضب

صعد اسر بجانبها وقال.. اربطي الحزام يا برنسيسه

ميرا ببرود.. حاضر

حاولت ميرا ولكن لم تستطع وحاولت كثيرا ورمته بغضب فامسك اسر الحزام واقترب منها ثم قام بربطه وهوينظر لعينيها وهي سرحت في ملامحه ثم ابتعد عنها وقاد سيارته 

وصل اسر للجامعه ونزلت ميرا من السياره

ميرا..شكرا ثم ذهبت بسرعه دون الاستماع لرده فظل اسر ينظر لها حتي ابتعدت عن نظره فقاد سيارته متجها لشركته

كانت ميرا تسير متجهه للداخل فاوقفها صوت شخص تكرهه بشره فتنهدت بضيق 

سامح.. ازيك يا ميرا كنتي غايبه ليه

ميرا ببرود.. تعبانه

سامح.. الف سلامه عليكي

ميرا .. الله يسلمك بعد اذنك ورحلت ميرا وظل سامح يتطلع لها وانتبهه علي صديقه يضع يده علي كتفه

اشرف.. انسي مهما تعمل مش هتوقعها

سامح بخبث.. وانا مش هستسلم وهخليها ذي الخاتم في صابعي

    #################

دخلت ميرا المحاضره وهي تنفخ في غضب وجلست بجانب جنا التي نظرت لها باستغراب

جنا.. ايه يا بنتي مش انتي تعبانه

ميرا بغضب.. بس يا جنا مش ناقصه

جنا.. في ايه يا زفته

ميرا.. الزفت اسر وكمان تكتمل بالزفت سامح

جنا.. اشجيني يا اخره صبري

قصت ميرا لجنا كل شي حتي كلام سامح معها

جنا.. يالهوي يعني شالك تحت الدش

نظرت ميرا لها بغضب 

جنا.. احم سوري طب وبعدين هو لحد دلوقتي مقلش انه رافض ليه

ميرا معرفش ناوي علي ايه

جنا.. طب الدكتور دخل نكمل كلامنا بعدين

دخل الدكتور المحاضره وقام بالقاء المحاضره وفي نهايتها سال الطلاب علي تدريبهم فنظرت ميرا لجنا بصدمه

ميرا بصوت منخفش.. يا نهار اسود نسيت اسال بابا

جنا بصدمه.. نعم يختي والتدريب

ميرا...  بقولك ايه في شركه تقريبا نص زمايلنا مقدمين فيها ايه رايك نخلص ونطلع عليها

جنا.. اشطا

وبعد انتهاء المحاضره اتجهت ميرا وجنا للءهاب للشركه ووقفو بانتظار تاكسي 

ميرا بحنق.. ربنا يسامحك يا رؤي انتي السبب في البهدلع دي ثم لمحت سياره اجره فقالت بصوت عالي تاااااكس

وقفت العربيه وركبت ميرا وجنا 

جنا.. شركه الشافعي لو سمحت

السائق.. تمام

واتجه السائق للشركه وبعد وقت قصير وصل فنزلت الفتيات واتجهو للداخل وذهبو للاستقبال..

ميرا.. لو سمحت المدير فين

الاستقبال.. عند حضرتك ميعاد

ميرا... حضرتك احنا طلاب جامعه في تجاره انجلش ولينا تدريب وحبين نتدرب في الشركه

الاستقبال .. تمام اطلعي الدور التالت لنائب المدير

جنا وميرا.. شكرا

واتجهت الفتاتان لنايب المدير ووصلو لغرفته ودقو فاذن لهم بالدخول

علي.. خير يا انسات

جنا.. حضرتك احنا طلاب جامعه تجاره انجلس ومطلوب مننا تدريب وكنا حبين نتدرب هنا

علي.. تمام فين السي دي بتاكم

ميرا.. اتفضل

تطلع علي للملفات ونظر لهم نظره تقيميه ثم قال...  تمام اتفضلو للمدير 

تتبعت ميرا وجنا الاستاذ علي ووقفو عند باب غرفه المدير

علي.. استنو لحظه هدخله

البنات .. تمام

دخلت علي للغرفه وظلت ميرا وجنا في الخارج

ميرا. مش عارفه مش مطمنه ليه

جنا.. يا ستي احنا عوزين نتدرب بس اهدي بقي بام احساسك دا

قطع كلامهم خروج علي 

علي.. اتفضلو..

دخلت ميرا وخلفها جنا للغرفه ووقفو امام المكتب

فقد كان المدير يجلس علي كرسيه ولكن يعطيهم ظهره

علي.. دول البنات اللي حابه تدرب يا اسر بيه

بمجرد ان سمعت ميرا اسم اسر نظرت له بصدمه وازدادت صدمتها عندما وجدت المدير اسر

ميرا بصدمه... انت

البارت(٨)

ميرا بصدمه... انت

جنا.. انتي تعرفيه

نظر اسر لها ببرود عكس داخله فكان ايضا يشعر بالاندهاش من وجودها ويا لسخريه القدر سوف تعمل لديه ويراها دائما ولكن هو جاء لانهاء هذا الزواج لماذا لم يتكلم حتي الان لماذا كلما اردا الكلام يشعر بشي داخله يرفض عذه الفكره قطع تفكيره صوت علي

علي.. اسر بيه

اسر.. ايوه يا علي

علي.. الانسات هتبدا تدريب ولا لا

ميرا بغضب.. لا شكرا مش هنتدرب

جنا.. بس يا ميرا

ميرا.. انا قلت لا يلا يا جنا وامسكت يدها وذهبت وعندما كانت علي وشك الخروج من الباب سمعت صوته

اسر ببرود.... وهتدربي فين

التفتت له ميرا بعصبيه وقالت ... في اي مكان الا هنا

تقدم اسر منها وهو ينظر لها ببرزد ووقف امامها وقرب وجهه منها وقال.. ومين هيقبل يدربك عنده

ميرا.. الشركات كتير علي فكره مش شركتك بس ولو كنت اعرف انها بتاعتك مكنتش جيت

اسر ببرود.. لسانك لسا برضو طويل امم طب اوك احب اقولك ان مفيش ولا شركه هتشغلكم

ميرا بحده.. ليه يعني

اسر.. مزاجي كده

احمر وجه ميرا من الغضب ونظرت لاسر بحده وكانت جنا تتابع ما يحدث باستغراب 

ميرا بغضب... انت فاكر نفسك مين

اسر وهو يجلس علي مكتبه بتكبر.. اسر الشافعي

ميرا بسخريه.. حصلنا الرعب

نظر لها اسر نظرات مميته ولو كانت النظرات تقتل لماتت علي الفور

اسر.. ها قلتو ايه تدربو ولا هتمشو وللعلم لو مشيتو مفيش شركه هتدربكم ودا تحت اوامري انا ثم اكمل بخبث.. والتدريب يروح تتسقطو في العملي

ندرت له ميرا بغضب وكانت علي وشك الرد ولكن اسكتتها جنا

جنا..خلاص يا اسر بيه هنتدرب

ميرا بغضب.. انتي بتقولي ايه لا يمكن اتدرب عند البني ادم دا ونظرت له بحكه وهو قابل نظراتها ببرود

همست جنا في اذن ميرا وقالت... ميرا مش وقت عند دا مستقبلنا

ميرا.. تمام ثم وجهت كلامها لاسر الذي يجلس علي كرسيه ببرود وقالت.. احنا موافقين

اسر بانتصار.. تمام تقدرو تبداو من بكره

ميرا في سرها.. ربنا يهدك يا شيخ

سمعتها جنا فابتسم وقالت.. احم تمام بعد اذنك

وذهبت جنا وتبعتها ميرا ثم خرج خلفهم علي وظل اسر علي مكتبه يبتسم بانتصار فقد جاؤت الفرصه المناسبه ليربي هذه القطه الشرسه

     ##############

كانت ميرا وجنا تقفان امام الشركه بانتظار سياره ولكن لا يوجد

ميرا.. يووووه رؤي السبب في ام البهدله دي ربنا يسامحها

جنا.. فكك من رؤي دلوقتي قليلي من دا

ميرا بسخريه.. عريس الغفله اللي رفضني

جنا بصدمه.. اسر صديق طفولتك

ميرا بالم.. متقوليش صديق طفولتك مستحيل يكون دا الانسان اللي حبيته وكان سندي دا مش قاكرني يا جنا مفتكرش ايامنا سوا ثم امسكت بقلادتها التي ترتديها واكملت بحزن.. وانا ذي الغبيه لسا لبساها

جنا.. طب ناويه تعملي ايه

ميرا.. معرفش هو حر ان ما قلش رفضه هرفض انا ونفض التمثيليه دي

جنا.. بس انتي بتحبيه

ميرا.. ومش هاخد انسان جىحني وقل من كرامتي ورفضني انسي يا جنا هههه انا عوزه بطل روايات يا بت ذي فهد او زين بتوع الروايات ييييح دا ولا في الاحلام

جنا بضحكه.. هههههه خليكي في الروايات لما هتهبلك قريب

ميرا.. يا ستي فكك اهي بتعيشني في عالم ليا ثم اكملت بغضب.. يووووووه هو مفيش تاكسي في ام اليوم دا

جنا.. ههههههههه اهدي يا مجنونه

وظلت الفتيات بانتظار سياره ثم فجاه وقفت امامهم سياره وفتح الزجاج وظهر اسر

اسر .. اركبو هوصلكم

ميرا ببرود.. شكرا مش عوزين

اسر... اممم اوك براحتك ثم قاد سيارته بسرعه وذهب

جنا.. اه يا مجنونه الوقت اتاخر ومفيش عربيات كنا ركبنا معاه

ميرا بعند.. لا يعني لا هنستني

قطع حديثهم صوت هاتف جنا ففتحت الهاتف

جنا.. الو احم ايوه طب اوك ثم اغلقت الهاتف وهي تبتسم كالبلهاء

ميرا.. انتي يا حجه

جنا.. ها ايه

مبرا.. مين يختي دا اللي لما كلمك يهمتي كده

جنا بحب.. دا معتز

ميرا .. اوبا ايوه بقي بيقولك ايه

جنا.. ابدا قال انه هيجي يخدني

ميرا.. يسهلو يا موزه

جنا.. يا شيخه اتوكسي دا احنا بقالنا سنه مخطوبين هموت واتجوز يا نااااس

ميرا.. ههههههه واقعه واقعه

جنا.. اومال يختي دا حب الطفوله

ميرا.. ربنا يخليكم لبعض يا قلبي

جنا.. تسلميلي يا موزتي 

ومر بعض من الوقت وجاء معتز(معتز٢٩ سنه ابن عم جنا بيحبو بعض من الطفوله شغال مهندس في شركه وسيم الي حد ما)

معتز.. ازيك يا ميرا

ميرا.. الحمد لله وانت

معتز.. تمام والله يلا بينا عشان نمشي

ميرا باحراج.. ها لا شكرا خد جنا وامشو وانا هستني تاكسي

جنا . انتي هبله يا بت اسيبك ازاي يلا بينا

ميرا وهو تضربها في كتفها.. ما تفهمي بقي

جنا.. يا حبيبتي مفيش داعي لاحراج انا معاكم 

معتز.. هو انا مش ذي اخوكي يلا يا ميرا

ميرا.. معلش يا معتز هستني تاكسي

وبعد محاولات فاشله من معتز وجنا ولكن لم توافق ميرا فاخد معتز جنا ورحل وظلت ميرا واقفه بمفردها  وفد حل الليل عليها

ميرا بخوف.. يا ربي بقي مفيش تاكسي ثم اخرجت هاتفها وجدته مغلق فقالت بغضب.. هو دا وقت تفصل فتنهدت بتعب وظلت واقفه علي امل ان تاتي سياره

      ##############$

كانت سميه تحرك في الصاله بقلق  

سميه بقلق.. يا ربي اتاخرت ليه. 

قطع كلامها دخول ادم ونظر لها باستغراب

ادم..مالك يا حبيبتي قلقانه ليه

سميه بقلق.. ميرا فونها مغلق ولحد دلوقتي مجتش

ادم.. ازاي المحاضرات انتهت من زمان هي فين

سميه بقلق..ايوه ورؤي هنا من زمان وحاولت اتصل عليها معرفتش 

ادم.. طب اتصلي علي جنا

سميه.. ازاي مفكرتش في كده ثم ذهبت بسرعه واحضرت هاتفها وقامت بالاتصال علي جنا فلم يرد احد

ادم.. ها ردت

سميه بقلق.. لا ربنا يستر ثم اكملت بدموع.. بنتي با ادم

احتضنها ادم وظل يهدئها وهو قلق كثيرا ولكن يجب ان يبدو اقوي حتي لا تقلق زوجته اكثر

دخل اسر البيت فوجد سميه تبكي وعمه ادم يحضنها

اسر باستغراب.. في ايه

ادم .. ميرا مجتش وفونهت مغلق

سميه بدموع.. بنتي يا ادم

اسر.. مجتش لحد دلوقتي ونظر لساعه وجدها التاسعه فقال لنفسه.. ازاي وانا سايبها من زمان فشعر بالقلق عليها فخرج بسرعه 

ادم.. اسر اسر في ايه

ولكن اسر لم يجيبه وركب سيارته وقادها بسرعه

    ##########

كانت ميرا تجلس علي مقعد وتشعر بالخوف وتحاول منع دموعها من النزول وفجاه شعرت باحد يضع يده علي كتفها فانتفضت بسرعه ووقفت فوجدت ثلاث شباب ينظرون لها نظرات غير مريحه

شاب١.. القمر قاعد زعلان ليه

ميرا بحده.. وانت مالك لو سمحتو مشو وسبوني في حالي

شاب٢.. وهو ينفع نسيب القمر لوحده تعالي معانا وهنبسطك

ميرا بغضب.. انت حبوان قلتلكم مشو

شاب٣.. شكلك مش هتيجي الا بالغصب واقترب منها فصرخت ميرا وجرت باقصي ما عندها

ظلت ميرا تجري وتنظر خلفها فوجدتهم يجرون ورائها فنظرت لهم بخوف وظلت تجري حتي وصلت لشارع مغلق فوقفت ونظرت خلفها بخوف فوجدت الثلاث شباب خلفها

الشاب٣..ما قلنا تعالي بالزوق لازم تتعبينا كده

ثم اقترب منها وميرا ترجع للخاف حتي اصتدم ظهرها بالحائط

ميرا بخوف.. بالله عليك سبني في حالي

الشاب برغبه.. اهدي يا قمر ثم مد يده ليمسك شعرها

فنظرت ميرا له برعب واغلقت عينيها بخوف وهي تبكي

ميرا بدموع .. ااسر

البارت(٩)

ميرا بدموع.. اسر

اغمضت ميرا عينها بشده و بخوف بانتظار قدرها ولكن مرت بعض من الوقت ولم تشعر بيد احد ففتحت عينيها فوجدت اسر ممسك بيد الشاب بقوه وملامحه تدل علي الغضب الشديد

ميرا بفرحه.. اسر وذهبت بسرعه ووقفت خلفه وامسكت قميصه بخوف فنظر لها اسر نظىه اطمئنان وارجع نظره لهؤلاء الشاب

احد الشباب.. الله ما ليكي في الجو اهو امال معذبانا ليه وعامله فيها الشريفه وبتجري

نظر له اسر بغضب شديد ثم ترك يد الشاب وقال بغضب.. تحبو تمشو كده ولا حد يجي يخدكم

الشاب.. ايه يا برنس هس تخصك ما ممكن نتقاسم عادي

لم يكمل كلامه وكان يسقط ارضا اثر لكمه من يد اسر ثم انقض عليهم يضربهم بشده فسمع صريخ ميرا فوجد احد الشباب يمسكها من يديها

ميرا بصريخ.. ابعد يا حيوان

الشاب بغضب.. هتيجي يعني هتيجي ثم خبط راسها في الجدار فشعرت بان كل شي اسود من حولها واخر ما راته اسر وهو يضرب الشاب ثم اغمي عليها فلحقها اثر قبل ان ترتطم بالارض 

ظل اسر ينسر لها ولملامحها الخائفه وراي خصله من شعرها علي وجهها فابعدها بحب ثم حملها واتجهه لسيارته

    ##########$

في منزل ميرا كانت سميه تبكي ورؤي بجانبها تحاول تهدئتها 

سميه ببكاء.. هتولي بنتي ميرا

رؤي.. اهدي يا ماما اكيد هي بخير متخافيش

سميه .. انا قلبي حاسس ان بنتي فيها حاجه 

كان ادم يجلس علي الكرسي بتعب فهو يشعر بالخوف علي ابنته ولا يستطيع ان يهدئ حبيبته وحاول الاتصال باسر ولكن لم يجيب ولا يستطيع ان يبلغ الشرطه فلم يمر٢٤ ساعه علي اختفائها اخرجه من تفكيره صوت بكاء حبيبته فذهب اليها وضمها بشده

ادم.. اهدي ميرا هتكون بخير

سميه ببكاء.. بنتي يا ادم ثم انفجرت في البكاء

كانت رؤي تتابع بكاء والدتها بحزن وهي قلقه علي اختها بشده فانتبهت لدق الباب فذهبت بسرعه ظنا منها انها ميرا وفتحت الباب وجدت رجلا غريبا

رؤي.. ايوه

الشخص.. ادم موجود

رؤي باستغراب.. ايوه بابا موحود مين حضرتك

مروان بابتسامه..  انتي رؤي صح

رؤي.. ايوه انت مين

مروان.. انا انكل مروان نستيني يا قرده

رؤي بفرحه.. انكل مروان ثم ذهبت واحتضنته 

مروان بضحكه.. هههه كبرتي يا شقيه

رؤي بفخر... اومال بقيت موزه

مروان.. شبه ادم بالضبط هو فين 

رؤي .. جوه ادخل 

اوما مروان براسه دليل الموافقه ودخل فجاءت رؤي لتغلق الباب فوجدت قدم تعوق قفل الباب ففتحت باستغراب فوجدته شاب ومعه حقيبه

رؤي.. افندم

الشاب.. اممم هو كده بتقابلو الضيوف

رؤي بحده.. حضرتك مين

امجد بضحكه... ههههه هو بابا يدخل وانا لا ابن الجيران وانا معرفش

رؤي باستغراب.. انت ابن انكل مروان

امجد.. ايوه

رؤي.. اتفضل  فدخل امجد وهو يحمل الحقائب واغلقت رؤي الباب وذهبت للداخل فظل امجد مكانه ينظر لتلك الفتاه فقد راي ابتسامتها مع والده وفي لحظه تحولت لقطه شرسه وهذا اعجبه بشده

امجد.. شكلها ايام فل وترك الحقائب وذهب للداخل وعندما وصل للصالون وجد صوت والده الغاضب وراي سيده تبكي وتحتضنها تلك الفتاه

مروان بغضب.. يعني ايه ميرا مختفيه واسر كمان

ادم.. اسر مشي بسرعه وبرن مش بيرد

مروان .. انا مش هسكت لازم نلاقيهم

امجد.. في ايه يا بابا

نظر ادم لمروان باستغراب.. ابنك

مروان.. ايوه ثم وجه حديثه لامحد.. تعال سلم علي عمك ادم

تقدم امجد من ادم واحتضنه بحب وكذلك ادم  ثم ابتعد امجد وقال.. اتشرفت بمعرفتك

ادم بابتسامه.. ربنا يحميك يا حبيبي

ابتسم له امجد وقال.. حد يحكيلي في ايه

مروان..ميرا مش لقينها واسر محدش يعرف طريقه

امجد.. انا ليا صديق ضابط يقدر يساعدنا هتصل عليه

مروان وادم.. طب اتصل بسرعه

اوما امجد براسه لهم واخرج هاتفه وعندها رن الجرس 

رؤي.. انا هفتح 

وذهبت لتفتح وبمجرد ان طلب امجد الرقم سمع صوت رؤي وهي تصرخ باسم ميرا فذهب الجميع فوجدو اسر يحمل ميرا ورؤي تقف بخوف وتضع يدها علي فمها 

رؤي بلهفه.. اختي مالها ثم اقتربت منها وحاولت ايقاظها

سميه بلهفه.. بنتي وذهبت بسرعه اليها وقبلت وجها كله بحنان ام

ادم.. في ايه يا اسر

نظر اسر لوجود والده واخيه باستغراب فمن المفترض قدومهم بعد يومين فتنهد وقال.. متخافوش هي كويسه مغمي عليها بس

مروان.. طب يلا دخلها جوه

دخل اسر ووضع ميرا وعندما كان يبتعد وجدها تمسك ملابسه بشده فنظر لها نظرات غامضه ثم ابعد يدها ووقف امامها ثم جلست سميه بجانبها بخوف واحضرت رؤي زجاجه برفان ووضعت بعض منها علي يديها وقربتها لميرا

ادم.. ايه اللي حصل يا اسر

اسر.. شويه شباب اتهجمو عليها

شهقت سميه ورؤي بخوف وقالت سميه.. بنتي

اسر.. متخافيش يا ماما هي كويسه انا لحقتها

نظر مروان لابنه باستغراب فهو يقول لسميه ماما فهو لم يقل لاحد هكذا ابدا حتي زوجته سوزي

لحظات وكانت ميرا تفتح عينها بتعب ثم نظرت للجميع وساعدتها رؤي للجلوس فنظرت لهم باستغراب

ميرا.. هو ايه حصل ولكن سرعان ما تذكرت كل ما حدث ونظرت بسرعه لاسر الذي كان يقف ببرود

ادم بحنيه.. انتي كويسه

ميرا.. ايوه يا بابا

سمبه بدموع.. كده يا ميرا كنت هموت من الخوف عليكي 

ميرا.. بعيد الشر يا ماما جات سليمه

مروان.. الحمد لله يلا اطلعي ارتاحي

ميرا.. حمدالله علي سلامتك يا انكل

مروان.. الله يسلمك يا حبيبتي يلا خديها يا رؤي ترتاح

رؤي.. حاضر

ساعدت رؤي ميرا لتصعد لغرفتها وكانت ميرا تصعد السلالم وتنظر لاسر الذي يقف بلا حركه وينظر لها .... ثم توجه نظرها لامجد فقالت باستغراب.. مين دا يا رؤي

رؤي.. دا امجد.ابن انكل مروان

ميرا.. اها ثم نظرت مره اخر لاسر  وبعدها اختفي عن نظرها عندما وصلت لغرفتها فساعدتها رؤي لتنام فغضت في نوم عميق من التعب واثر الخبطه

في الاسفل كان الجنيع يجلس بارتياح بعدعوده ميرا

ادم.. معلش يا مروان مكنش دا الاستقبال اللي المفروض يحصل

مروان.. ايه اللي بتقوله دا ميرا بنتي وقريبا هتكون مرات ابني والحمد لله انها كويسه

ادم.. بجد مش عارف اقولك ايه وبجد شوفتك فرحتني كنت وحشني ي راجل

مروان بابتسامه.. وانت اكتر والله حبيت اعملها مفجاه وجيت قبل معادي ونتفق علي الخطوبه بقيثم نظر لاسر الذي يجلس بدون كلمه

ادم.. ترتاح الاول بس يلا سميه حضرتلك الاوضه وامجد مع اسر لحد ما اوضته تجهز

مروان.. مش عارف اقوله ايه تاعبك معانا والله

ادم.. ولا تعب ولا حاجه احنا عيله يلا عشان ترتاح

صعد الجمبع لغرفهم ليرتاحو ماعدا اسر وقف في الشرفه وينظر للسماء نزرات غامضه فجاء امجد من خلفه ووضع يده علي كتفه لينتبه له اسر

امجد.. سرحان في ايه

اسر.. مفيش يلا ادخل ارتاح من تعب السفر

امجد.. حاضر

ودخل امجد لينام بينما اسر ظل واقف واغمض عينيه ليتذكر تلك اللحظه فعندما كان يبحث عنها في كل مكان وفجاه شعر باحد. يقول اسمه فتتبع قلبه ووجدها تقف بخوف وهولاء الاوغاد عند تذكرهم قبض علي يده بقوه فكلما تذكر بانه اذا لم يصل في الوقت المناسب لكانت اغنض عينه بشده لا يريد التفكير وبعد مده فتحها ونظر للامام بشرود

    ##############

بينما في امريكا

كانت سوزي تجلس مع صديقتها تشرب مشروب وتلعب لعبه الورق وتشرب السجائر 

ماري.. طب وبعدين يا سوزي 

سوزي بشر.. مش عارفه لسا بفكر في حاجه وكمان مروان سافر وخد امجد وانا لا يمكن اسمح ليه يتجوز البنت دي لانه لو اتجوزها هيكون الابن المطيع ومش بعيد مروان يكتبله كل حاجه ثم اكملت بغضب مش هخلي اللي عملته يروح علي الارض

ماري.. عملتي ايه

سوزي بخبث.. عملت كتير ولسا هعمل ثروه مروان ليا ولابني بس مش لابن خديجه ابدا 

ماري.  طب ناويه تعملي ايه

سوزي ..اخرجت ورقه من حقيبتها ونظرت لها وقالت دي ورقه الحظ بتاعتي

ماري باستغراب.. فيها ايه الورقه دي

سوزي بخبث.. فيها اللي هيخلي اسر يكره مروان .....

البارت(١٠)

في منتصف الليل استيقظت ميرا ونظرت حولها فلم تجد رؤي فخافت بشده فهي تخاف الظلام ولهذا السبب طلبت من رؤي ان تنام معها في نفس الغرفه فقامت وامسكت هاتفها انارت المكان لان الاضائه مطفيه ووصلت للضوء وقامت بتشغيله فتنهدت براحه

ميرا.. شوف الجزمه سابتني ومعرفش راحت فين في الوقت دا

وخرجت ميرا لتبحث عن رؤي وعندما مرت بجانب غرفه اسر سمعت صوته

ميرا باستغراب.. هو بيكلم مين

ثم وضعت يدها علي مقود الباب وظلت واقفه بتوتر ولكن حسمت امرها ودخلت للغرفه فوجدت اسر ينام ولكن يبدو بانه يحلم بكابوس فاقتربت منه بحظر وجدت وجه ملئ بالعرق واعصابه مشدوده ويتكلم 

اسر... امي استني امي لاا لاااا

ميرا باستغراب.. هو بيحلم بمامته فنظرت له بحزن ووضعت يدها بحذر علي شعره وظلت تقرا قران فلاحظت انه اصبح هادي وعادي للنوم

ميرا بحنان.. تعرف انك شكل الملاك وانت نايم ههههههه  بس شيطان وانت صاحي عارف يا اسر بحسك طيب بس غامض اووي ومخبي كتير فاكر قبل ما تسافر كنا دايما سوا كنت دايما سند ليا وبتحميني بس بعد وفاه طنط انت اتغيرت خالص با اسر وللاسف بعدت عني بس ملكت قلبي ايوه بحبك يا اسر وبحبك اووي بس انت رفضتني عارف كنت مبسوطه اما بابا قالي انك طالبني بس انت كسرت فرحتي علي قد كا انا فرحانه بوجودك بس بجد موجوعه من فكره انك هنا عشان ترفض بس مهما بحصل هحبك

نظرت ميرا له بحزن ثم خرجت من الغرفه وبمجرد خروجها فتح اسر عينيه وجلس علي السرير وابتسم فقلد استمع لكل. كلمه قالتها نعم تحبه ولكن هل يستطيع ان يحبها عند هذه النقطه وقف بغضب

اسر بحده.. لا يا اسر لا مش هتكرر اللي حصلانت قلبك اتقفل وانتي مستحيل احب ولازم تخلص من اللي جيت عشانه وتبعد مينفعش تفضل مينفعش وتنهد بحيره ثم ذهب للنوم

    ##########

في الخارج عند ميرا بمجرد ان خرجت من عند اسر ووقفت امام الباب واغمضت عينيها بحزن وعندما فتحتها وجدت رؤي امامها فشهقت بفزغ

ميرا.. خضتيني يا زفته

رؤي باستغراب.. بتعملي ايه هنا

ميرا بتوتر.. ها اصل صحيت وكنت بدور عليكي انتي عارفه بخاف من الضلمه

رؤي .. معلش كنت بشرب يلا تعالي عشان ننام

ميرا.. روحي انتي وانا هنزل اشرب واجي

رؤي.. اوك

وذهب رؤي لغرفتها بينما ميرا ذهبت لمطبخ لتشرب  وبينما تقف في المطبخ تمسك الكاس بشرود انتبهت علي والدتها

سميه.. حبيبتي بتعملي ايه

ميرا.. كنت بشرب يا ماما

سمبه.. ماشي يا حبيبتي يلا اطلعي ارتاحي

ميرا.. مش عارفه بس تقريبا مش هيجيلي نوم

سميه.. طب تعالي معايا

ميرا.. فين

سميه بحنان.. تعالي بس وامسكت يديها وتبعتها ميرا باستغراب ووجدت والدتها تاخذها علي مورجيحه في الشرفه وجلست واجلستها لجانبها ووصعت راسها علي قدمها

سميه بحب.. فاكره وانتي صغيره مكنتيش بتنامي الا كده

ميرا بحب.. كنت بحب اسمع صوتك وانتي بتغنيلي اووي

سميه.. طب يلا غمضي عينك وهغنيلك

ميرا بسعاده.. ماشي واغلقت ميرا عينيها وبدات سميه بالغناء

#نامي  يا صغيرتي نامي بهناء نامي يا حبيبتي نامي بهناء نامي وانا اجبلك جوز حمام متزعلش يا حمام دا بس عشان حبيبتي ميرا تنام#

ظلت سميه تغني بصوتها العذب لميرا حتي ذهبت في النوم وظلت هي تلعب في شعر صغيرتها بحب

عند اسر كان يحاول النوم ولم يستطع وفجاه سمع اغنيه والدته فوقف بسرعه فهو نفس صوت والدته نفس الاغنيه

اسر.. ماما

وذهب مسرعا يتتبع الصوت فوقف عندما وجد سميه تغني لميرا ونظر لميرا وجدها تنام بعمق وشعرها يتطاير بفضل نسمات الهواء ظل اسر ينظر لهم بالم ووجع وتذكر تلك اللحظات

فلاش بااااااك

دخل اسر البيت وملابسه مليئه بالتراب بسبب لعبه فذهب لزوجه ابيه وجدها تجلس وتمسك الهاتف وعندما نظرت له وقفت بغضب

سوزي بقرف.. ايه اللي عامله في نفسك دا يا اسر

اسر.. كنت بلعب يا ماا

قاطعته سوزي بغضب.. متقولش ماما انا مش مامتك ويلا علي الحمام نضف نفسك وتنضفه قبل ما تطلع

اسر بدموع.. بس انا معرفش ماما كانت بتعملي كده

سوزي.. يلا يا اسر حاااالا وهعاقبك لو لقيت الحمام مش نضيف

نظر لها اسر بدموع والم فهو طفل في السادسه من عمره فقد والدته الحنونه وتزوج والده من امراه لا تعرف عن الحنان شي 

بااااااااك

ادمعت عين اسر بشده ولكنه ادار وجه بسرعه عندما راته سمبه فمسح دموعه وجاء ليذهب ولكن اوقفه صوت سميه

سميه .. اسر حبيبي

اسر.. ايوه يا ماما

سميه.. لف وبصلي

التفت اسر لها فوجدها تقف امامه وتفتح ذراعها 

سميه.. تعال يا حبيبي

تقدم منها اسر بتردد وسرعان ما احتضنها بقوه فهو افتقد هذا الحنان منذ وفاه والدته وظلت سميه تحتضنه بحنان واسر يحتضنها بوجع وادمعت عينه

سميه.. عارفه انك موجوع وان دي نفس اغنيه خديجه بس متنياش انا وخديجه كنا اعز اصحاب ربنا يرحمها 

اسر بحزن.. يا رب وابتعد عنها 

سميه.. حبيبي انا عارفه انك منستش خديجه ولا نسيت موتها ودا وجعك بس حاول تنسي

اسر بوجع.. انسي ايه انسي اني شوفت امي بتموت قدامي وانا مقدرت اعمل حاجه انسي اني شوفتها بتنتحر وانا واقف عمري ماانسي دا كل يوم الكابوس دا ملاحقني هي ليه عملت كده ليه سابتني ليييه 

تالمت سميه علي حالته وامسكت يده بحنان وقالت.. خديجه ماتت وخدت السر معاها لازم تكون قوي يا اسر وتعيش عشانها

اوما لها اسر راسه بحزن فابتسم له سميه وجلست واجلسته علي قدمها وظلت تلعب في شعره

اسر.. شكرا

سمبه.. انا امك يا اسر فاهم

اسر بحب.. ربنا يخليكي ليا

وابتدت سميه في الغناء بصوتها العزب

نم يا صغيري نام بهناء نم يا حبيبي نم بهناء نم وانا اجبلك جوز حمام متزعلش يا حمام دا بس عشان حبيبي اسر ينام

بينما كانت ميرا تضع يديها علي فمها لتمنع شهقاتها من الطلوع فهي استمعت لكل شي كيف لطفل مثله ان يتحمل هذا وهو يري والدته تنتحر امامه فاغمضت عينيها بالم وهي تبكي علي حال حبيبها وقررت مساعدته وانت تقف بجانبه دائما.........

البارت(١١)

حل يوم جديد. مليئ بالمفاجات فالبعض اخذ قرار بالبعد والاخر بالاقتراب فماذا يخبي لهم القدر وهل ستقدر ميرا علي كسر هذا الحاجز ام لا

كانت ميرا تنام بعمق بعد ليله صعبه قضتها في البكاء ازعجها رنين هاتفها المتواصل فتنهدت بضيق واجابت

ميرا بنعاس.. الو

جنا بغضب... والله العظيم حيوان اللي شيلك تليفون

ميرا.. عوزه ايه يا بت علي الصبح

جنا ... ميرا قلبي اللي عنده دم احسن من اللي عنده فلوس اخلصي يا زفته بقالي ساعه مستنياكي

ميرا.. هي الساعه كام

جنا.. تسعه ونص يختي

ميرا بفزع.. يا نهار اسود هنطرد واسر اصلا مش طايقني لوحده

جنا.. طب يلا بسرعه ربنا يستر

اغلقت ميرا الهاتف وذهبت لتجهز بسرعه وبعد الانتهاء نزلت لاسفل وجدت الجميع يجلس علي مائده الطعام للافطار 

ميرا.. صباح الخير

الجميع.. صباح النور

سميه.. بلا يا حبيبتي اقعدي كلي

ميرا.. معلش يا مانا اتاخرت لازم امشي اسر كده هيطردني

مروان باستغراب.. اسر هيطردك ازاي

ميرا.. اصل انا مطلوب مني تدريب في الجامعه وقدمت في شركه اسر والنهارده اول يوم 

ادم.. طب وليه تتعبي اسر معاكي كنتي قوليلي وهشوفلك شركه تانيه

ميرا.. اللي حصل بقي صحيح هو الشيطان فين

امجد.. شيطان مين

ميرا ... اخوك هيكون مين يعني

ضحك الجميع علي كلامها وفجاه ثمت الجميع فنظرت لهم ميرا بتوتر

ميرا.. ورايا صح

اومات رؤي لها براسها دليل علي صحه كلامها فاغمضت عينها بتوتر والتفتت وجدت اسر يقف ويضع يده في جيبه ببرود

ميرا .. ايه دا انت هنا يا راجل 

اسر ببرود.. شوفتي بقي

ميرا.. احم ها انا اتاخرت همشي وذهبت مسرعه تحت انظار اسر وضحك الجميع علي جنانها

سميه..اسر حبيبي يلا اقعد افطر

اسر.. معلش يا ماما اتاخرت لازم امشي يلا يا امجد

امجد وهو يقف.. يلا

وذهب اسر وبصحبته امجد للشركه واستاذنت سميه لتجهيز الغداء  وذهبت. رؤي لتساعدها وظل مروان وادم يجلسان ويتناولان القهوه

مروان.. هو اسر متكلمش معاك لسا

ادم.. لا لسا

مروان.. خلاص لما يجي نحدد المعاد الكناسب للخطوبه

ادم.. بس انا حاسس بحاجه غريبه بينهم

مروان باستغراب.. ايه

ادم.. مش ملاحظ ان اللتنين ناقر ونقير

مروان بابتسامه.. هههههه هو انت نسيت ولا ايه انت وسميه كنتو اكتر من كده

ادم بضحكه.. هههههه وانت وخديجه برضو

مروان بحزن.. ربنا يرحمها

شعر ادم بحزن صديقه فوضع يده علي كتفه ليقويه فابتسم له مروان

ادم.. يلا انا هروح للشركه 

مروان.. تمام وانا في شويه حجات عاوز اعملها همشي معاك

ادم.. تمام

وذهبت كل من مروان وادم لوجهته

   ########

كانت جنا تقف بغضب تنتظر ميرا

جنا بغضب ... والله لهوريكي يا كلب البحر بسببك بقالي ساعه واقفه

قطع حديثها صوت هاتفها فالتقطته وجدته معتز فابتسمت بحب واجابت

جنا.. الو

معتز.. احلي الو في الدنيا كلها

جنا بخجل.. عامل ايه

معتز بحب.. وحشتيني

جنا .. احم وانت كمان

معتز بضحكه... ههههههه هارف هتلاقيكي طمطمايه دلوقتي المهم بتعملي ايه

جنا.. راحه الشركه اللي قلتلك هتدرب فيها

معتز بتذكر.. قلتلي اسمها ايه

جنا.. الشافعي

معتز بفرحه.. شركه الشافعي بجد

جنا.. ايوه

معتز.. اممم اذا كان كده في مفجاه هتفرحك

جنا بسعاده. قول قول

معتز.. وهتبقي مفجاه ازاي يا ذكيه يلا هقفل اتاخرت علي الشغل بااي

جنا بحب.. باااي واعلقت الهاتف وتنهدت بحب ولكن ازعجها صوت السياره فنظرت وجدتها ميرا فاتجهت اليها بغضب وجلست في السياره دون كلمه

ميرا... ايه يا ستي البوز دا علي الصبح

جنا بغضب.. وليكي عين تتكلمي

ميرا.. معلش بقي يا جنجون غصب عني

جنا.. لا برضو

فاقتربت منها ميرا وظلت تزغزغها حتي ضحكت جنا

جنا.. ههههه خلاص خلاص مسمحاكي

ميرا.. ايوه كده ناس متجيش الا بالزغزغه

جنا بضحكه.. هههههه طب يلا يختي عشان شكلنا هنطرد

ميرا بغرور....ليه هو احنا اي حد دا انا ميرا

جنا.. ههههههه مهو يا خوفي من ميرا دي

ضحكت ميرا علي صديقتها ثم قادت سيارتها للذهاب للشركه

         ################

كانت تجلس في الغرفه بمفردها وتمسك هاتفها وتنظر له بحب 

الفتاه.. صدقنئ عارفه انك مش ليا يا اسر بس غصب عني حبيتك اوووي ازاي وفين معرفش

ثم ظلت تقلب في الصور وهي تنظر لها بحب

   ########

وصلت ميرا امام الشركه وركنت سيارتها ودخلت بصحبه جنا وبينما هي تخرج هاتفها من الحقيبه انتبهت علي صريخ صديقتها

جنا بفرحه. معتز وذهب بسرعه اليه

نظرت ميرا لمعتز باستغراب وذهبت والقت عليه السلام

مبرا.. ازيك يا معتز

معتز.. الحمد لله 

جنا.. بتعمل ايه هنا

مغتز بحب.. هشتغل هنا

جنا بفرحه.... بجد يا معتز

معتز. ايوه الفرع بتاعي نقلني هنا هي دي المفجاه ايه رايك

جنا بحب.. احلي مفجاه في الدنيا كلها

ميرا.. ايوه بقي يسهلو طب ما تراعو شعور السنجوله اللي قدامكم دي

ضحك الجميع علي كلامها بشده وفي هذه اللحظه دخل اسر وامجد للشركه ووجد ميرا تقف مع شاب وتصحك فغضب بشده وذهب اليها

اسر بغضب.. ميرااا

التفتت اليه ميرا وخافت عندما وجدت ملامحه غاضبه فهي لم تفعل له شي

ميرا بتوتر.. ايوه يا اسر بيه

اسر... علي مكتبي انتي والانسه جنا يلااا

قطع كلامهم متعز وهو يمد يده للسلام لاسر

معتز.. ازي حضرتك يا اسر بيه انا معتز اتنقلت من الفرع الاساسي لهنا

نظر له اسر ببرود وقال.. تمام اتفضل مع امجد هيوريك شغلك

اوما له معتز وذهب بصحبه امجد وبعد رحيلهم كان اسر ينظر لميرا بغضب قكيف تتحرا وتقف مع هذا الشخص  وتركهم وذهب لمكتبه تحت نظرات ميىا المستغربه

جنا.. ماله دا

ميرا.. ربنا يستر يلا نروح ليه دا شراني وممكن يرفدنا

جنا.. هههههه اه لو سمعك يلا يختي

وذهبت الفتاتان للمكتب ودقت ميرا الباب واذن لهم اسر ودخلت ميرا وتبعتها جنا للمكتب وكان اسر يجلس علي مكتبه

ميرا... احم اسر بيه

رفع اسر عينه ببرود لها ثم قال.. حضرتك هتشتغلي سكرتيرتي الخاصه وانسه جنا هتروح لمستر علي هيعرفك مكان شغلك

ميرا بصدمه.. سكرتيرتك لا انا عوزه اشتغل مع جنا

اسر .. اظن سمعتيني كويس صح يلا علي مكتبك

ميرا.. بس

جنا... يلا يا ميرا واخذت يدها وخرجت من المكتب وظلت ميرا منصدمه ثم قالت بغضب.. وانا مش عوزه اكون سكرتيره حد هو انا طيقاه

جنا.. معلش يا ميرا خلي التدريب يخلص يلا روحي علي مكتبك وانا همشي اروح لمستر علب باي

ميرا .. باي وذهبت جنا وجلست ميرا علي مكتبها بحنق

ميرا لنفسها.. ايه يا ميرا مش دا اللي قلتي هتسعدبه وتقفي جنبه مالك مش حابه تشتغلي جنبه ليه ولكنها اكملت بغضب. بس هو مستفز وبيستفزني كتير اه صعبان عليا بعد اللي سمعته بس هيفضل مستفز وشيطان هي بقي

قطع حديثها رن الهاتف بجانبها  فالتقطت الهاتف واجابت

ميرا.. الو

اسر.. لو خلصتي كلام مع نفسك  ممكن سيادتك تشرفيني عشان تبداي شغل

ميرا بصدمه... ها

ولكنها لم تستمع لرد فقد اغلق الهاتف فظلت تنظر حولها انه يراقبها ولكن كيف ثم ذهبت ودقت الباب واذن لها اسر بالدخول

ميرا.. افندم

اسر وهو يلقي لها العديد من الملفات.. الملفات دي تدرس كويس وتترجم وكمان تتنسخ

ميرا.. بس دول كتير اووي

نظر لها اسر ببرود وقال.. وتعمليلي قهوه يلا

ميرا بغضب.. نعم قهوه ايه اللي اعملها

اقترب منها اسر ببطي فرجعت ميرا للخلف ولكن اسر ظل يقترب وميرا ترجع حتي اصتدم ظهرها بالباب فنظرت له بتوتر 

اسر... اظن من الافضل تسمعي الكلام صح ولسانك الطويل دا يتقصر في نعم وحاضر وبس مفهوم

ميىا بتوتر.. حاضر

ابتعد اسر وهو يبتسم بجانب فمه وقال... تمام يلا حضري القهوه

خرجت ميرا بسرعه وهي تشعر بان قلبها ينبض بسرعه فوضعت يدها علي قلبها وقالت.. اهدي بقي وتنهدت بغضب واردفت.. شكل ايامي فل هنا وذهبت لتعد القهوه.....

البارت(١٢)

كانت ميرا تصنع القهوه وهي تتحدث مع نفسها بغضب

ميرا بغضب.. هو فاكر اني شغاله عنده قال ايه ميرا اعملي قهوه ميرا زفتي زفت علي دماغه اعاااا مغرور اووي ولكنها انتبهت علي صوت ضحك خلفها فالتفتتت بتوتر ظنا منها انه اسر ولكنه تجدته امجد فتنهد براحه 

ميرا. احم

امجد. ههههه اسف اسف بس مش قادر امنع نفسي من الضحك اسر لوسمعك هتتنفخي هههههههه

ميرا بثقه.. ميقدرش يعمل حاجه معايا

امجد.. اممم واثقه اووي صح

ميرا وهي تلتفت وتكمل اعداد القهوه.. ايوه طبعا

امجد بتوتر.. اسر انت جيت ازاي

بمجرد ان استمعت لاسمه التفتت بسرعه ولكنها وحدت امجد يضحك بشده واسر غير موجود

امجد بضحكه.. ههههههههه باين انك مش خايفه صح

نظرت له ميرا بحنق طفولي ثم اكملت صنع القهوه واخذتها وجاءت لتذهب ولكن وقف امامها امجد

امجد.. متزعليش بهزر

ميرا بابتسامه.. لا عادي

امجد.. انا امجد اخو اسر اكيد عرفاني

ميرا.. ايوه اتشرفت بمعرفتك

امجد.. ايه اتشرفت دي هو انا غريب تقدري تعتبريني اخوكي الصغير

ميرا بابتسامه.. اكيد يلا بعد اذنك هروح اودي القوه بدل ما يتحول وذهبت بسرعه ووقف امجد يصحك علي جنونها

امجد.. هههههههه والله شكلها دي اللي هتوقعك يا اسر  ثم ذهب لمكتبه ليباشر عمله

ذهبت ميرا لاسر ودقت الباب ودخلت حينما سمح لها بالدخول راته يجلس منهمك في عمله فذهبت امامه بتوتر وقامت بوضع القهوه امامه والتفتت لتذهب ولكن اوقفها صوته

اسر بهدوء.. اظن ماذنتش ليكي عشان تمشي

ميرا.. في حاجه تانيه مطلوبه

امسك اسر الفنجان وارتشف منه القليل وحقا اعجبه بشده ولكنه لم يشكر ميرا فرفع نظره لها وتطلع اليها لعده ثواني وقال.. روحي لشغلك

فتحت ميرا فمهما من الصدمه انه يقصد ان يستفزها هي كانت ذاهبه لتكمل العمل ولكنه اوقفها ثم يقول لها اذهبي ولم يشكرها حتي علي القهوه فنظرت له بغضب وخرجت سريعا صافحه الباب ورائها

اما احمد فظل يجلس علي مكتبه ويرتشف القهوه باستمتاع ويبتسم علي غضبها ثم اكمل عمله

في الخارجكانت ميرا تمسك بالملفات وتجلس علي مكتبها بغضب من هذا المتعجرف فتنهدت بضيف ثم بدات العمل وبعد مرور عده ساعات شعرت بالتعب حقا فارجعت راسها للوراء واغمضت عينيها ولكنها شعرت بان احد يقف امامها ففتحت عينيها وجدته اسر فوقفت بسرعه

ميرا بتوتر.. حضرتك عاوز حاجه

اسر.. اممم مظنش ان دا مكان نوم دا مكان عمل بس

ميرا تضغط علي اسنانها... انا بس كنت برتاح شويه

اسر.. دي استراحه الغدا يلا انزلي الكافيه كلي

ميرا.. لا هكنل شغل نش عاوزه اكل

نظر لها اسر ببرودوقال.. انتي حره ثم ذهب من امامها ونظرت له حور بغضب ثم جلست لتكمل عملها  وبعد مده قصيره انتبهت علي صوت هاتفها فوجدتها جنا

ميرا.. ايوه يا جنا

جنا.. فينك با بنتي مش تحت ليه ظي استراحه غدا

ميرا.. لا مش جعانه هكمل شغل

جنا .. طب اجبلك اكل

ميرا..لا يا حبيبتي مليش نفس يلا هقفل عشان اكمل شغل

جنا.. اوك باي

اغلق ميرا الهاتف وبدات في العمل وبعد مرور نص ساعه وجدت اسر ياتي ويضع حقيبه امامها ولم يتكلم ودخل لمكتبه بدون كلمه

ميرا وهي تمسك الحقيبه وتقول باستغراب.. هو في ايه

وقامت بفتح الحقيبه فوجدت بها طعام فابتسمت بسعاده ونظرت باتجاه الباب بحب وبدات في تناول الطعام

في الداخل كان اسر يراقب ميرا وهي تاكل ويبتسم لا يعلم لماذا لم يستطع تركها بدون طعام فتنهد وقال..  مش باين انك بتبعد يا اسر مش باين 

وجلس علي مكتبه ليكمل عمله...

انتهي دوام الشركه فوقفت ميرا من علي الكرسي بتعب فحقا تعبت  ونظرت لباب المكتب فلم تجد اسر يخرج فقررت الدخول للاستاذان للذهاب فطرقت الباب 

اسر.. ادخل

دخلت ميرا ووقفت امام المكتب وقالت..اقدر امشي

اسر.. خلصتي الملفات

ميرا.. لا لسا

اسر.. تمام روحي كملي

ميرا بصدمه.. بس الدوام خلص 

نظر اسر لها ببرود وقال.. انا المدير هنا وقلت روحي كملي شغلك 

نظرت له ميرا بغضب وتمنت لو استطاعت ان تنقض عليه وتبرحه ضربا فتوعدت له ثم ذهب من امامه وجلست علي مكتبها

ميرا.. اعاااا هتشل ماشي يا اسر ماشي

ثم بدات في العمل تحت نظرات اسر المستمتعه

اسر.. اممم ولسا يا ميرا وابتسم بجانب فمه واكمل العمل

حل الليل ومازالت ميرا تعمل واصبحت الشركه خاليه الل من اسر وميرا فقد رحلت جنا بعدما اخبرتها ميرا بانها لديها عمل وستظل فرحلت بصحبه معتز وبقيت ميرا تتابع عملها

ارجعت ميرا راسها للخلف بتعب ونظرت للساعه وجدتها الثامنه فقررت الذهاب لاسر لتتكلم معه فقد تاخر الوقت

دقت علي الباب واذن لها اسر بالدخول فدخلت ميرا ورفع اسر راسه لها ونظر لها وقال.. نعم

ميرا.. الوقت اتاخر وكده ماما هتقلق لازم امشي

اسر.. تمام يلا بينا 

ميرا.. انا معايا عربيتي همشي

اسر ببرود.. انا اتصلت علي والدك وطمنته انك معايا وهوصلك يلا من غير كلام 

ميرا.. بس انا معايا عربيتي هروح بيها عادي

وقف اسر ونظر لها ببرود وتقدم منها ولكن فجاه قطع الكهرباء  فتفجا بميرا تحضنه وقف بصدمه من رده فعلها ويده معلقه بالهواء وانتبه علي كلامها

ميرا برعب.. والنبي يا اسر خليهم يرجعو النور انا خايغه والنبي ثم بدات في البكاء

ضمها اسر بقوه ليهدئها وبعد مده عادت الكعرباء وهم لايزالون علي وضعهم هذا فانتبهت حور وحاولت الابتعاد ولكن اسر كان متمسك بها بشده فرفعت عينهيها له 

ميرا.. احم ممكن تسبني

لم ينتبه اسر لكلامها ولكنه كان ينظر لوجها اااة سبحان من خلفك عيناها ووجها الاحمر اثر البكاء جعلها فاتنه لم يشعر بنفسه الا وهو يقترب منها بشده وهو ينظر لشفتيها فنظرت له ميرا برعب ووصعت يدها علي فمها فادرك اسر نفسه وابتعد بسرعه

اسر.. احم متخافيش النو جه يلا بينا

لم تستطع ميرا الكلام من شده الخجل واومات براسها له فرحل اسر وتبعته هي وركبت بجانبه السياره

طول الطريق كان الصمت يحتل المكان ولم يتكلم احد منهم ولكن اسر كان يخطف نظرات منها ويستمتع بخجلها وعندما وصلو ذهبت ميرا بسرعه للداخل فابتسم اسر عليها ثم تبعها للداخل فوجد والده يجلس وبجانبه عمه ادم وسميه ورؤي يجلسان بجانب بعض

اسر.. السلام عليكم

الجميع.. وعليكم السلام

مروان.. اتاخرت كده ليه يا اسر

اسر.. معلش يا بابا كان في شغل كتير

سميه.. طب يا حبيبي يلا اطلع غير هدومك وانزل عشان تاكل انت وميرا

اسر.. حاضر

وصعد اسر وقام بابدال ملابسه ونزل لاسفل فوجد ميرا تجلس علي المائده بهدوء وعندما نظرت اليه اخفضت وجها بخجل فجلس امامها وبدا بتناول الطعام

كانت ميرا تاكل ووجها احمر للغايه فما زالت تتذكر احتضان اسر لها واقترابه الشديد منها فاغمضت عينيها بخحل عندما تذكرت هذا وانه احم كان سيقبلها

نظر اسر لها ووجدها تغلق عينيها فابتسم واكمل تناول طعامه وبعد الانتهاء جلس الجميع لتناول القهوه وانظم لهم امجد

مروان.. اظن كده الكل متجمع خلونا نتفق بقي علي الخطوبه

نظرت ميرا له بصدمه ثم نظرت لاسر بسرعه وجدته ينظر لوالده فجاءت لتتحدث ولكن سبقها اسر وقال... الوقت اللي تحبوه

نظرت له ميرا بصدمه شديده ماذا اليس من المفترض انه يرفضها وانه هنا من اجل الرفض ماذا يقول

وقفت بغضب ادهش الجميع وجاءت لتتحدث ولكن قاطعها اسر وهو يقول.. معلش يا عمي مممن اتكلم انا وميرا شويه

ادم.. اتفضل يبني

امسك ادم يد ميرا واخذها للشرفه ليتكلم معها

كان امجد يتابع رؤي بعينه ثم ذهب وجلس بجانبها وقال.. عقبالك

رؤي ببرود.. شكرا

امجد.. اممم ومفيش عقبالك انت كمان

رؤي.. عقبالك يا سبدي ها كده كويس

امجد بشقاوه.. كويس اووي وقريب اووي اووي كمان ونظر لها وغمز 

فخجلت رؤي واستاذنت للذهاب لغرفتها وظل امجد يتابعها بنظراته فحقا هذه الفتاه سرقت قلبه

في الشرفه فبعد ان ترك اسر يد ميرا واوقفها امامه انفحرت به بغضب

ميرا.. انت ازاي توافق علي اللي بيقولوه دا انت مرفضتش ليه انت اصلا جاي عشان ترفض انت ازاي توافق انت ليه جبان

اسر بحده.. اسكتي فنظرت له حور بغضب فاكمل هو بهدوء.. متفكريش اني دايب في جمالك بس مقدمناش الا حل واحد عشان نرضي الكل

حور باستغراب.. حل ايه

اسر......  

البارت(١٣)

ميرا. حل ايه

اسر.. بصي انا مش. عوزك ولا انتي عوزاني صح

ميرا بوجع حاولت اخفاءه... صح

كان اسر ينظر لها بشده ينتظر اجابتها بلهفه ولكن اجابتها لا يعلم لماذا تالم قلبه ولكنه رسم البرود وقال..

اسر.. تمام كده وحاليا احنا مجبورين نبقي سوا عشان اهلك ووالدي محدش يضايق فاحنا هنتخطب فتره وبعد كده نقول مش متوافقين ونسيب بعض 

ميرا ببرود. تمام  يلا ندخل

دخل اسر وميرا ووجدو الجميع بانتظارهم فقال اسر..احم احنا اتفقنا ان الخطوبه اخر الاسبوع

نظرت له ميرا بصدمه .. بس  وقبل ان تكمل كلامها نظر لها اسر نظره اسكتتها فانتبهت علي صوت والدتها

سميه... بس دا وقت قليل جدا يا اسر لسا تلات ايام بس

مروان.. مش مهم يا ام ميرا هنقدر نظبط كل حاجه ولا ايه رايك يا ادم

ادم.. والله اللي الولاد عوزينه

مروان.. تمام كده يبقي اخر الاسبوع الخطوبه وبكرا ينزلو يشترو الشبكه ها يا اسر

اسر... تمام

وانهال الجميع عليهم بالمباركه وذهب امجد واحتضن اسر وسميه احتضنت ابنتها بحب وكانت ميرا تنظر لاسر بعينين غامضه بمزيج من االم والحب والوجع واسر ينظر لها يحاول فهم  تلك النظرات ...

صعد الجميع لغرفتهم وعند ميرا جلس علي فراشها بهدوء فجاءت اليها رؤي

رؤي.. عملتو ابه

ميرا.. الخطوبه اخر الاسبوع

صمتت رؤي فجاه وظلت تنظر لميرا طويلا ثم قالت.. مبروك زاحتضنت ميرا

ميرا... الله يبارك فيكي يلا عشان ننام 

رؤي.. ماشي

حاولت ميرا النوم كثيرا ولكن لم تستطع فقررت ان تفرا روابه ولكن لم ترد ازعاج رؤي فقررت ان تخرج للشرفه وبالفعل خرجت للشرفه وامسكت روايه*احببتها في انتقامي"**

كانت ميرا تقرا بتمعن وتوقفت عند يارا وحبها لادم بعد كل ما فعله بها فتنهدت بحزن وحدثت نفسها... ليه الحب مؤلم كده  ليه لما نحب لازم نتجرح يارا دي ذي بس علي الاقل ادم بيحب ويكابر انما اسر عند ذكره ابتسمت بسخريه ولكن سرعان ما انتفضت بسرعه عندما سمعت صوته

اسر.. بتعملي ايه

ميرا .... ايه يا عم خوفتني 

اسر بسخريه.. ليه عفريت

ميرا.. تؤ تؤ عيب تشبه العفريت بيك هيزعل

ندر لخا اسر بغضب فاخرجت ميىا لسانها له ثم ذهب للداخل بسرعه وبمجرد دخولها ابتسم اسر علي جنونها فكان هو ايضا يحاول النوم ولكن لم يستطع وقرر ان يخرج للشرفه وعند خروجه وجدها تجلس وبيدها روايه ومندمجه جدا معها فظل ينظر لها ويتاملها لا يعلم لماءا قربها يضعفه ويدق قلبه هكذا...

    ################

حل الصباح سريعا وقلوب تحمل الالم واخري الحب واخري الحقد والحسد 

استيقظت ميرا واستعدت  بسرعه فوجدت الوقت باكرا فقررت الذهاب لتتمشي  ثم تذهب للشركه  وبعد مده  ذهبت للشركه وكالعاده اخذت جنا في طريقها 

في الشركه كانت ميرا تجلس علي المكتب تباشر عملها فوحدت اسر ياتي عليها بغضب فنظرت له باستغراب ولكنه وجدها يمسكها من يدها بقوه

اسر بغضب... انتي ازاي تنزلي من غير ما تعرفي حد وكمان انتي ناسيه اننا هنشتري الشبكه النهارده

ميرا بالم.. ايدي يا اسر

اسر.. انطقي

ميرا.. ايه وفيها ايه لما انزل الشغل انت ناسي ان دا تدريبي وعليه درجات انا صحيت ملقتش حد غرحت علي النيل اتمشيت وجيت هنا وعلي موضوع الشبكه بعد الشغل ايه هيحصل

ظل اسر ينظر لها بشده هو لا يعلم سبب غضبه منها ولكنه اعتاد علي رؤبتها صباحا ظل ينتظر قدومها علي الافطار وينظر للدرج ولكنه تفاجا من عدم وجودها فلم يدري بنفسه الا وهو يقود سيارته لهنا .. 

ترك اسر يدها ومسح وجهه بقوه ثم دخل للمكتب دون كلمه

اما ميرا فادمعت عينها اثر ضغطه علي يدها فظلت تفرك يدها بالم وجلست علي مكتبها وهي تبكي ولكن وجدت شخص يعطيها منديل فرفعت عينيها وجدته اسر فابعدت وطها عنه فوجدته يمسح دموعها بيده

اسر بهدوء.. متزعلش ثم نظر ليدها وامسكها وقال.. بتوجعك

ميرا وهي تنظر له.. لا

ابتسم اير لها ثم رفع يدها وقبلها وتركها وذهب لمكتبه اما ميرا فظلت تنظر لاثر رحيله بصدمه فوجدت الهاتف يرن 

ميرا بتوهان.. ايوه

اسر .. اممم دا وقت شغل مش سرحان يا قطه

ميراا. هاا

اسر.. ههههههه يلا يا ميرا علي شغلك واغلق الهاتف فظلت ميرا شارده ثم تمالك نفسها

ميرا .. الواد دا هيجنني عتده انفصال وربنا. ثم باشرت في اكمال عملها

وبعد مده حان وقت الغداء فقررت النزول ووجدت جنا ومعتز يجلسون معا

ميرا وهي تجلس..هاي يا شباب

الجميع.. هاي

جنا..ايه يا موزه اشمعنا نزلتي النهارده

ميرا.. بس يا بت لقوم اشد شعرك

معتز.. هههههه مسيطره يا ميرا

ميرا بثقه.. طبعا

نظرت لهم جنا بحنق طفولي وسرعان ما انفجرت في الضحك وتبعها ميرا ومعتز

كان اسر يدخل. للكافيه فوجد ميرا تصحك بشده ويجلس معها شاب فغضب بشده وابرزت عروقه من الغضب اراد الذهاب لها ليكسر عظامها ولكن اوقفه صوت امجد

امجد.. اسر استني

اسر بغضب... ايه

امجد... الورق دا ضروري توقع عليه

اسر... تمام تعال للمكتب ثم نظر لميرا وجدها لازالت تصحك وتتحدث مع ذلك الشاب فتوعد لها ثم رحل

انتهت ميرا من الغداء وذهب لمكتبها ومر الكثير من الوقت ولم يقم اسر باستدعائها فنظرت للباب باستغراب وقررت الدخول لتراه فدقت الباب واذن لها بالدخول

ميرا.. احم اسر بيه

اسر ببرود . نعم

ميرا.. اصل يعني احم اقصد انك مطلبتنيش من زمان فاستغربت

نظر لها اسر ببرود ثم وقف وذهب ووقف امامهافنظرت لن ميرت بتوتر

اسر.. امممم ودا همك او شغلك في حاجه

ميرا... ها لا بعد اذنك وجاءت لترحل وجدت اسر يمسك يدها

اسر بهدوء مميت... ميرا طول ما انتي علي اسم اسر الشافعي مش هسمحلك تتعاملي مع اي شاب

ميرا بهدوء.. ودا يخصك في ايه اظن حضرتك ناسي ان خطوبتنا مزيفه وليا حياتي وانت ليك حياتك وبكره هحب واتحب ويجي الشخص اللي يعوضني ثم سحبت يدها وقالت .. بعد اذنك ورحلت

اما اسر ظل مكاته يقف بغضب ماذا قالت يجي شخص ويحبها وتكون ليه مستحيل دا يموته قبل ما يخدها ميرا ليه  هي حبيبته وبس عند هذه النقطه توقف بصدمه ماذا هل احبها ولكن هو قرر ان يبعدها كيف وقع في حبها اغمض عينيه بالم ثم ذهب علي مكتبه حائر فقرر محادقه صديقه 

اسر بتعب.. الو

احمد.. اسر عامل ايه وحشني يا راجل

اسر.. مش بخير يا احمد

احمد.. في ايه يا اسر

قص عليه اسر كل شب ثم تنهد بتعب واغمض عينه

احمد بهدوء.. اسر انت بتحب ميرا ودي حقيقه بلاش الماضي ياثر فيك سما مكنتش تستاهلك ولا تستاهل حبك ميرا مختلفه ذي ما قلت بلاش تضيعها منك يا اسر انسي اللي فات

اسر بوجع.. مش قادر يا احمد مش قادر انا حاولت محبهاش بس حبيتها بس مقدرش اعترف بدا مقدرش هتجرحني ذيها اكيد 

احمد.. اسر مش كل البنات ذي بعض كفايا يا صحبي وجع وابدا صفحه جديده معاها واعترف بحبك ليها وعيش مبسوط بلاش تخلي الماضي يبوظ مستقبلك

اسر بتردد يعني انت شايف اني اعترف بحبي

احمد بابتسامه.. ايوه 

شكر اسر احمد كثيرا وقرر ان يعترف بحبه لميرا ويتخطي الماضي نعم هو احبها احب جنونها وطفولتها عصبيتها احب كل شي بها.....

             ###############

انتهي دوام العمل بسرعه فقفز اسر من علي مكتبه بنشاط واخد سترته وذهب بسرعه ولكنه وجد مكتب ميرا خالي اين ذهبت فقرر النزول لعله يجدها امام سيارتها فنزل بسرعه وسعاده ولمح ميرا من بعيد تبا انها تقف مع ذلك الشاب فنظر لها بغضب وحده ثم ذهب اليهم بغضب

كانت ميرا تودع معتز وجنا وانتبهت علي اسر ياتي بغضب فاتوترت بشده ولكن سرعان ما شهقت عندما وجدته امسك بيدها بشده واخذها ودفعها لسيارته وركب وقاد بسرعه.

ميرا بصدمه.. انت انت ازاي تعمل كده نزلني يا اسر

اسر بغضب.. اسكتي

ميرا بحده.. لا مش هسكت انت ازاي تعاملني كده انا مش جمويه عشان تشدني وراك وحرجتني قدام معتز و

عند ذكرها لاسم ذلك الشخص اوقف السياره بسرعه فخافت ميىا بشده ونظرت له وجدته يمسكها من كتفيها ويهزها بشده

اسر بغضب.. وهمك اووي سي معتز بتاعك دا ها انطقي ايه علاقتك بيه

ميرا بغضب.. ابعد ايدك عني وبعدين انت مالك ايه علاقتي بيه

اسر بحده.. بتحبيه يا ميرا

ميرا.. دا شي ميخصكش بحبه او لا دي حياتي 

اسر بجنون.. لا مش حياتك ومش هتحبي حد غيري ي ميرا انتي بتاعتي وبس انا اللي  بحبك وبس

عند هذه الكلمه نظرت له ميرا بصدمه فاكمل هو بجنون.. ايوه بحبك بحبك من اول ما عيني وقعت عليكي ولعبك تحت المطر عيونك الي سحرتني عصبيتك وكسوفك اللي بحب اشوفهم ايوه بحبك يا ميرا بحبك .......

🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺

اتفضلوا حضراتكم كملوا معنا هنا 👇 ❤️ 👇 

أجدد وأحدث الروايات من هنا

روايات كامله وحصريه من هنا

وكمان اروع الروايات هنا 👇

روايات جديده وكامله من هنا

انضموا معنا على تليجرام ليصلكم اشعار بالروايات فور نزولها من هنااااااااا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺