رواية حكاية حلم الفصل الاول والثاني والثالث والرابع بقلم رحاب محمد حصريه وجديده على مدونة أفكارنا
 |
رواية حكاية حلم الفصل الاول والثاني والثالث والرابع بقلم رحاب محمد حصريه وجديده على مدونة أفكارنا
انا ليه معنديش اخ ولد بس ياربي ويدلعني كده ويخرجني
انا اخوكي
اقعد انتا بس انا هتجوزك
ايه
ايه هجوزك هجوزك قريب يعني ايه مالك
استوب اعرفكم عليا(انا حلم عندي 25سنه متوسطه ف الطول وبشرتي بيضه وعيوني سوده وشعري اسود بلون الليل
مهندسه ديكور وده ريان مهندس هو كمان )
قاسم ابتسم بخبث : اممم ماشي افتكرت سمعت حاجه تانيه
حلم : حاجه تانيه ايه ابقا اسمع كويس بعد كده
قاسم : طيب وبعدين ايه معندكيش اخ ولد دي امال انا ابقا ايه يبنتي مش انا اخوكي و انتي تجوزيني ليه اصلا انا مرتاح كده والحمد لله مش عايز اتجوز ولا حاجه
حلم بغيظ: اه اخويا معلش غلطت و اه صحيح وتتجوز ليه انتا عاحبك المسخره الي انتا فيها علشان تبقا علي كيفك مع كل وحده شويه
قاسم تنهد بملل : وانتي سيباني في حالي ده انتي عامله زي اللقمه في الزور لاوقلت هخلص منك في الجامعه دخلتي الكليه معايا قلت اخلص منك في الشغل ابويا الله يسامحو بلاني بيكي هنا كمان وخلاكي المساعده ليا في كل حاجه ده غلب ايه ده انا مش فاهم
حلم : والله اذا كان عاجب حضرتك
قاسم: يعني هو علشان ابويا وابوكي اصحاب انا اتعاقب بيكي كده في اي حاجه من صغري ليه يارب انا عملت ايه في حياتي علشان دي تبقا في خلقتي العمر كلو
وقفت تهندم من هدومها بغرور : نعم انتا تطول اصلا ان وحده زي تبقا معاك مش كفايه مستحملاك بقله ادبك دي مهو عمو اصلا خلاني معاك هنا في الشركه علشان عارفك مش نافع في حاجه واخد بالي منك
قاسم بنرفزه : نعم ياختي تاخدي بالك مني ليه عيل في حضانه ده انا اكبر منك بي 3 سنين اصلا ولا نسيتي
حلم بسخريه: يووه هيقرفنا بي 3 سنين بتوعو اهو وبعدين من زمان بقولك مش بالسن هي بالدماغ
قاسم ابتسم بسخريه : والله لا وانتي مشاء الله دماغك مفيش زيها
حلم بثقه: طبعا ودي عايزه كلام وبعدين انتا اصلا تقدر تقعد في حته من غيري اعترف وقول الصراحه
انا مع قاسم من يوم م فتحت عنيا علي الدنيا كلمه راجل بنسبالي يعني هو وبعمل اي حاجه علشان ابقا جنبو ومعاه دخلت كليه الهندسه علشان ابقا معاه وتحديدا عيني تبقا عليه وميبصش لحد غيري واتحايلت علي بباه علشان يشغلني معاه هنا في الشركه بتاعتهم والمفروض انو زي اخويا
قاسم ضحك بستسلام فهي علي حق في كل كلامها: الصراحه لا انتي اه مجنونه وساعات بتستغبي وتعصبيني بس انتي عامله زي الجزمه بتاعتي كده مقدرش امشي من غيرها
حلم بنرفزه : جزمه انا بتشبهني بي الجزمه يا زفت
قاسم ضحك بصوت عالي: بس جزمه غاليه يبنتي مش اي جزمه
حلم تاهت في شكلو وهو بيضحك ونسيت كل الدنيا
احممم ماشي يا ظريف
فونها رن وهي بتتكلم معاه
قاسم مسك الفون يشوف مين ملامح وشو اتغيرت
ريان بعصبيه انا كام مره اقول زفت مازن ده متتكلميش معاه ولا لازم اقول الحاجه اكتر من مره
حلم ببراءه : وليه مكلمهوش ياقاسم ده زميلنا من ايام الجامعه وشخص محترم وبيحبني
قرب منها ومسكها من هدومها عند الكتف ب ايه يختي
حلم بتكتم ضحكتها وبتحاول تضايقو علي اد ما تقدر
بيحبني بيحبني زي اختو يعنى يا رقاسم متفهمش غلط
قاسم سابها وبنرفزه : بقولك ايه بلا زي اختو بلا زي اخوه مفيش حاجه اسمها كده اصلا سامعه
حلم ابستسمت باستفزاز : ليه مش انتا زي اخويا هو كمان زيك كده
قاسم بيحاول يهداء وبيضغط علي سنانو بغل : ماشي يا حلم انا اخوكي واخوكي بيوقولك متكلميش الشخص ده تاني سامعه
حلم ببرود : لا هكلمو وبراحتي علفكره انا اكلم الي يعجبني
قاسم فهم هي بتحاول تعمل ايه وقرر يضايقها بنفس طريقتها: بقا هو كده تكلمي الي يعجبك
حلم : اه
قاسم : تمام ماشي وانا معنديش مشكله
حلم اضايقت انو سكت كده ومزعقش معاها هي كان قصدها يغير عليها وحتي لو عندك ميخصنيش وبتاخد الورق من علي مكتبو انا لازم امشي دلوقتي علشان اسلم الورق ده في معادو
قاسم برسميه تمام اتفضلي
حلم : بتفتح الباب وهي متعصبه علشان تخرج
واول ما فتحت دخلت بنت بسرعه وكانها كانت واقفه علي الباب ومن غير اي كلمه جريت ع قاسم وحضنته
يترا مين دي وحلم هتعمل ايه ورد فعل قاسم هيكون ايه
(البارت التاني)
حلم وقفت مصدومه عند الباب متنحه وهي شايفه البنت الي دخلت متعلقه في رقابته وحضناه
ودمها بيغلي وبتضغط علي ايدها علشان تهدي نفسها
قاسم هيبعدها عنه بص ناحيه الباب لقاها لسه واقفه وشكلها متعصبه حب يضايقها اكتر
وحضنها هو كمان : دارين حبيبتي انتي جيتي من السفر امتا
وبيبعدها عنو شويه
دارين بدلع : لسه واصله من ساعتين يا نوني
حلم رفعت حاجبها بستغراب وبنرفزه: ي ايه يختي
دارين بتبصلها بقرف : مين دي ي نوني وبتعمل ايه في مكتبك
قاسم بص علي حلم وببرود: دي حلم شغاله معايا
حلم بنرفزه : ايه شغاله معاك هنا دي وبس كده وسكت يعني
قاسم بص عليه بقله اهتمام : اه ونسيت واختي
دارين بستغراب : اختك غريبه يعني انتا عمرك ماقولتلي ان عندك اخت بنت
حلم ببرود : مهو مقلكيش علشان انا مش اخته يا كتكوته ماشي
دارين : كتكوته ايه دي يا نوني انتا ازاي مشغل الاشكال دي عندك
حلم كانت خلاص جابت اخرها منها ومش قادره تمسك نفسها عنها وبتضيق عنيها بغل وزي الاسد الي هيهجم علي فريسته
قاسم فهم نظرتها دي كويس هو حافظ كل تصارفتها ولسه هتجم عليها ريان وقف قصادها ومناعها
حلم بتزق فيه وعايزه توصل لدارين: اوعي كده من قدامي انا اشكال برضو روحي يبت شوفي نفسك ي معفنه فرحانه بشويه السبغه الي ضربهاهم ف شعرك دول ولا الفستان الي كاشف اكتر م مداري ده طب متقلعيه وتريحينا
دارين بتمثل الخوف وبتمسك في قاسم وبتستخبي وراه منها: متسبهاش يا قاسم ايه المتوحشه دي اععع
حلم وهي بتزق فيه وبتحاول توصلها باي طريقه وبتضرب برجليها واديها بس كل بيجي ف الهواء: مهو لو سابني هوريكي التوحش علي حق ابعدي يبت عنو ماسكه فيها كده ليه ابعدي ايدك دي بقولك
قاسم بيكتم ضحكتو بالعافيه من الي بتعملو وبيحاول يخرجها بره الكتب خالص
دارين بدلع: اععععع اوعي تسبها يا قاسم اوعي دي شكلها مجنونه
حلم : انا مجنونه يبنت المجانين انتي المجنونه دي الي ملطخه وشها بعلبت بوهيا قبل ما تطلع ايه ده نقاش مشطب وشك وبعدين منتي بتعرفي تقولي قاسم ولسانك عدل اهو امال كان مالك من الصبح
قاسم بيضحك علي كلامها ومش قادر يبطل ضحك وعايز يخرجها قبل ما تقتل دارين شالها من الارض باديه الاتنين وخرج بيها بره المكتب وهي مش ساكته وبتشتم وتضرب فيه وفيها
نزلها علي الارض وهتف بضيق: بس بقا اتهدي تعبتيني يا شيخه
حلم بعصبيه :تعبتك وانا اتعبك ليه انتا روح شوف الهانم الي عندك ف المكتب وبتقلد دارين واهي هتقولك نوني وبعدين ايه نوني دي مش مكسوف من نفسك وهي بتقولك كده
بيحاول يمنع نفسو من الضحك عاي شكلها وهي بتقلدها وبيحاول يرسم ملامح الجديه
حلم مكمله كلامها بسرعه وعصبيه : وفرحان اوي حضرتك وهي بتقولك كده مش عيب عليك شحط زيك يتقالو نوني
عامل زي الحيطه وتقولو نوني لا ومبسوط اووي
قاسم ببرود : اه عاحبني الدلع بتاعها وياريت خليكي في حالك ملكيش دعوه ع الاقل هي بتعرف تدلع مش بتعض
حلم بصتلو بغيظ : انا بعض يا قاسم ماشي غور بقا من وشي وخلي عود القصب الي جوه دي تنفعك
قاسم وهو بيضغط علي سنانو بغل : حلم لمي نفسك ووطي صوتك الموظفين بداءو ياخدو بالهم وهيتلمو علينا اتظبطي كده بدل ما اظبطك
حلم بغضب : تظبط مين بس فوق لنفسك واستني هنا مقولتيلش مين البت دي وعرفك منين علشان تتعلق في رقبتك كده هااا الهي تتعلق كده في نار جهنم البعيده
قاسم لسه هيردعليها
قطعت كلامهم امال اخت حلم بنرفزه : في ايه انتو الاتنين كده مش بتبطلو خناق هو انا كل يوم اجي واقف نفس الوقفه دي معاكم واشوف شغلكم المتاخر بجد حرام عليكم
قاسم : قولي ي امال قولي يا عاقله انتي يا قمر فهمي الناس الي مخها لاسع اننا ف شركه المفروض نشوف شغلها مش نتخانق مع بعض والله انا مش عارف احنا من غيرك كنا هنعمل ايه
حلم ببرود : كانو هيجبونا من القسم بعد ما اكون فتحت دماغ ناس
قاسم : او انا اكون قتلت ناس
امال بزعيق : بس بس انتو ايه مش بتفصلو ابدا انتو جاين هنا تلعبو مش هتكبرو ابدا وتركزو في شغلكم
حمحم باحراج : انا مضيت علي كل الورق الي عايز امضتي بس الهانم لسه مسلمتهوش
امال: فين الورق يا حلم
حلم مدت ايدها بيه ناحيتها
امال اخدتو بحده وبصت فيه : تمام وبعد كده ياريت انتو الاتنين تتصرفو زي اي اتنين كبار عاقلين وتحافظو علي منظركو قدام الموظفين انتو مش لسه عيال في حضانه وانا هاجي اصلح الي بتعملوه واداري عليكم
قاسم وحلم بصو لبعض باحراج فهي علي حق في كل الي بتقوله وهتفو بصوت واحد : ماشي
امال : يارب اشوف نتيجه كويسه انا لازم امشي دلوقتي علشان الوقت اتاخر ومودي في البيت لوحدو
حلم : ليه هو باسم مش المفروض بيروح بدري النهارده
امال :لا هو عندو شغل زياده النهارده همشي انا بقا سلام
حلم وقاسم سلام
قاسم بيبص علي اثرها باعجاب : شوفي كده اتعلمي منها انا مش عارف انتو اخوت ازاي بس
هي مشاء الله عاقله كده وهاديه وست بيت شاطره وام ناجحه يبخت باسم بيها بجد
حلم بغيره : ايه عجباك اوي كده
قاسم : اه عجباني ياريتك زيها
حلم بعصبيه : بقولك ايه انا اتخنقت منك وبقيت علي اخري خلاص مش طيقاك اكتر من كده الحقيقة
قاسم : ومين سمعك
حلم طب اتكل كده وشوف عود القصب الي ف مكتبك قبل ما تسوس
ابتسم باستفزاز : اه تصدقي صح دودي حبيبتي اروح اشوف الناس الحلوه
حلم بتضغط علي سنانها وبصوت واطي حبتك حيه تتلف علي رقبتك وتخلصني منك يبعيد
قاسم سمعها وبيضحك: بقولك انا هروح اشوف دارين وبعدين هجيلك علشان تروح
حلم : انا مش هستني حد وهروح دلوقتي
قاسم : حلم متعصبنيش والنبي وعدي يومك ده من امتا انتي بتروحي لوحدك اصلا هاا
حلم اعتبرو من النهارده هبداء اعتمد ع نفسي وهروح لوحدي
قاسم بس الله يهديكي بس وبيتحرك ناحيه مكتبو وسايبها
حلم بعصبيه من استخفافو بيها طب والله ل هروح لوحدي ي ريان ومش هستناك
قاسم بصلها وبجديه طيب وانا عايزك شاطره وتعمليها
حلم شاطره يا قاسم وهعملها وهتشوف
قاسم بنرفزه حلم عدي يومك معايا وقصري انا هدخل اشوف دارين وهخرج اخدك ونمشي سامعه وبتحذير اياااك يحصل غير الي انا بقول عليه وسابها من غير م
يسمع ردها ودخل مكتبو وقفل الباب
حلم بتضغط ع سنانها بعصبيه اه اه ماشي ي قاسم بتتحداني وادخل تقعد معاه قدامي طب والله لهعمل الي انا عايزاه ووريني هتعمل ايه
مها صاحبتها حلم حبيبتي انتي جنانك وصل لانك تكلمي نفسك كمان
حلم بعصبيه بقولك ايه انتي كمان انا مش نقصاكي وهاتي شنطتك يالا علشان تمشي معايا
مها بصتلها بستغراب انتي هتمشي معايا انتي من امتا مشيتي من غير قاسم يبنتي
حلم مها اخلصي انا مش عايزه كلام كتير جايه معايا ولا امشي لوحدي
مها حست انها مضايقه و مش هتغير رأيها ماشي ماشي يالا
ومشي هما الاتنين
..........................عند امال
لسه بتفتح باب البيت لقت بالونات وورد نازل عليها من ع الباب وجوزها وابنها ويارا صاحبتها واقفين واجيبنلها تورته وعليها صورتها
امال بتضحك ومبسوطه جري عليها مودي ابنها كل سنه وانتي طيبه ي مامي
امال شالتو وباستو من خدو وانتا طيب ي حبيب مامي
باسم قرب منها وحضنها كل سنه وانتي طيبه ي حبيتي كده ف حد ينسي عيد ميلادو برضو شغلك واكل عقلك
امال بتضحك اه والله اعمل ايه بس البركه فيكم انتو ي حبيبي
باسم اشكري يارا يستي هي الي جهزت معايا كل ده
امال ابتسمت وحضنتها ربنا يخليكي ليا ي اجدع صاحبها ف الدنيا
يارا بابتسامه كل سنه وانتي طيبه ي حبيبتي
امال وانتي طيبه انا بجد من غيرك مش عارفه كنت هعمل ايه واخده بالك من مودي وانا مش موجوده وكمان بتفتكري عيد ميلادي
يارا ده واجبي ي حبيتي وبعدين انا بعمل ايه يعني دي ولا حاجه
باسم لا بجد احنا بتعبك اوي ي يارا ده احنا بترجع نلاقيكي عملتي الاكل
يارا بابتسامه وهي بتقرب ناحيه التورته علشان تقطعها متبالغوش ي جماعه ويالا بقا علشان تاكلو
امال اه صحيح انتو ليه مقلتوش ل حلم واماما وبابا علشان يجو
باسم حبينا ده يبقا احتفالنا احنا بس وبعدين الناس ي حبيبتي
امال ابتسمتلو بحب وسكتت
..........................عند حلم
قاعده مع صاحبتها ف كافيه
محبتش تروح علطول
مها والله انتي قادره يعني تمشي من غيرو وكمان متروحيش البيت وتصممي نيجي هنا
حلم بغل امال هو فاكر ايه هو يروح عند الزفته الي عندو دي ويخرج يلاقيني زي م هو عايز
مها بتضحك مجنونه ومش عايزه تعقلي ابدا
حلم انا برضو الي مجنونه ولا انتي وانتي بتقفي قدام مصطفي زي الهبله وناقص تقليلو بحبك
مها بسرحان اممم مصطفي هو فيه زيو وبعدين امال عايزاني اعمل ايه يعني
حلم انشفي شويه كده
مها اه انشف واقعد زي حضرتك كده سنين مش واصله لاي حاجه معاه
حلم اه يختي مش احسن من المياعه بتاعتك دي لا وقال ايه سي قاسم زفت ده عايزني ابقا علي مزاجو وبتقلدو قال هدخل اشوف دارين وايااك يحصل غير الي انا عايزو ضربه ف عينك
مها متنحه وبتشاور ل حلم تسكت
حلم ف ايه انتي كمان مالك ايه الي بتعمليه ده بتتحولي ولا ايه يشيخه غوري مش كفايه النيله الي معصبني ده ومشيت وخرجت اهو نفسي اشوف شكلو كده لما يعرف اني مسمعتش كلامو ومشيت هيعمل ايه
مها عماله بتشاورلها وبتضحك
حلم ف ايه الله مالك وبتبص وراه واتصدمت😲
يترا حلم شافت مين وراها وليه اتصدمت 🤔
وقاسم هيعمل ايه لما يعرف انها مشيت ومسمعتش كلامو🤔
(البارت الثالث)
حلم بتبص لقت قاسم واقف وراها وشكله لا يبشر بخير خالص وهي عارفاه لما بيتعصب كويس وقفت وبتبصله وبتبلع ريقها بخوف
قاسم بيضغط على كل حرف طالع منه بغيظ حلم امشي قدامي ع البيت من غير كلام علشان مخليش منظرك زي الزفت قدام المكان كله وهحاسبك على الي عملتيه هناك
حلم بتحاول تظهر انها مش خايفه منه وربعت ايديها وبعند
والله حضرتك عايز تمشي اتفضل انا قاعده مع صاحبتي وهعرف اروح زي ما جيت وايه تحاسبني دي انتي مالك بيا اصلا هااا
قاسم شدها من ايدها بعصبية ومشي بيها بره المكان خالص
وهي بتزعق وبتحاول تفك ايدو ومش عارفه وكل الناس بتتفرج عليهم
حلم بعصبية سيب ايدي يا قاسم بقولك
مها ماشيه وراهم حلم خلاص بقا امشي معاه الناس كلها بتتفرج عليكم
حلم سكتت وهو ماشي بسرعه وماسك ايدها جامد وبيشدها معاه
وصلو عند عربيته حلم شدت ايدها منه بقوه ابعد ايدك دي عني انا مش هركب معاك
قاسم بزعيق اركبي احسنلك يا حلم بالذوق
حلم بنرفزه ايوه ولو مركبتش يعني هتعمل ايه
مها بتحاول تهدي الموقف شويه وهي شايفه منظر قاسم عامل ازاي وهي مش هتسكت
حلم لو سمحتي كفايه كده ف الشارع اركبي وروحي معاه وابقو اتكلمو ف البيت
حلم بتبصلها ولسه هتتكلم
مها بصتلها برجاء
حلم ركبت العربيه وقفلت الباب بعصبية
قاسم وقف تاكسي ل مها وركب عربيته وساق باقصي سرعه
وهو عارف انها بتخاف من السرعه العاليه
حلم انتا يا عم انتا هدي السرعه دي شويه
ريان مكمل ولا كانه سامعها
حلم بنرفزه انتا يبني يا تسوق كويس ي تنزلني انا مش مستغنيه عن نفسي
ريان وهو مركز ف الطريق ومش باصص عليها ياريت مسمعش صوتك تاني لغايه ما نوصل
حلم هترد
بصلها بصه خوفتها وهي فاهمه انه كده ع اخرو بجد
وسكتت متكلمتش تاني
وصلو عند بيوتهم والي هما جنب ڤلتين بنفس الشكل وميفرقش عنهم غير حيطه
حلم نزلت من العربيه بسرعه وهتجري على بيتها
قاسم نزل وراها ومسكها من ايدها وبزعيق خدي هنا انتي رايحه فين هو انا علشان مرتضش اكلمك قدام الناس فاكره كده الموضوع خلص
حلم بزعيق انتا كل ده ومعملتش حاجه انتا سحبتني من ايدي وراك زي الي ساحب جموسه وفرجت عليا الناس وكل ده مش عاجبك ولا هو علشان انا سكتلك
قاسم مهو انتي جموسه فعلا انا مغلطتش ولازم تتعاملي كده
مراد ابو قاسم في ايه يا ولاد انا طالع من جوه اشوف مين الي بيزعق كده ده اسلوب كلام ده صوتكم جايب اخر الدنيا
حلم تعالا شوف يا عمو ابنك الي مترباش
قاسم بعصبيه اقسم بالله يا حلم هضربك قلم يعدل لسانك ده ويظبطك كده سنتين لقدام
حلم طب لو جدع اعمل كده
مراد بس انتو ايه مفيش اي احترام لوجودي
حلم منتا شايف هو بيعمل ايه
مراد ضحك اه فا تقوليلي ابنك الي مترباش عادي كده
حلم بحراج سوري مكنش قصدي بس انتا مشفتش هو عمل فيا ايه
مراد عمل ايه وزعل حلم حبيبتي وانا اعلمهولك الادب
قاسم بغيظ بابا علفكره هي الي غلطانه مش انا
مراد طيب ممكن تقولو ايه الي حصل
قاسم بغيظ الهانم اقولها استني هخلص شغل و هنروح مع بعض زي العادي اخرج من مكتبي القيها مشيت تبقا غلطانه هي صح ولا مش صح
مراد صح
حلم يسلام والشغل ده كان ايه يا محترم حته بت زي عود القصب بتتلزق فيك ودخلت تقعد معاه ده يبقا شغل وزعقلي علشانها يعمو يبقا هو الي غلطان صح
مراد بضحك صح
قاسم انتا عارف الهانم بتتكلم على مين دي دارين بنت صاحب الشركه الي مشاركنهم بتاعت لندن وجايه تتكلم في شغل وهي كانت هتضربها وانا داخلت اصلح الي هي عملته كده هي الي غلطانه صح ولا مش صح
مراد صح
حلم في ايه يا عمو انتا معاهم معاهم عليهم عليهم ايه واقف صح صح وخلاص
مراد ضحك منا مش عارف اوصل لحاجه منكم اعمل ايه
قاسم بص يا بابا من الاخر كده انا مغلطتش فى حاجه ولو اطول همسكها اكسر دماغها دي مشيت ولا كاني قلتلها متمشيش بس علشان هي غبيه ومتخلفه راحت المكان الي انا عارف ومتاكد انها هتبقا فيه بس عارفه ده كان فى مصلحتك علشان لو مكنتش لقيتك هناك كنت هقتلك
حلم يعني انتي شدتني وبهدلتني قدام الناس ومش شايف نفسك غلطان وكل العيب بقا عندي وبعدين ايه ماسكلي ف حوار اضربك واحاسبك دي انتا فاكر نفسك مين
قاسم اخوكي مش انا اخوكي ومسؤال عنك وواجب الاخ انه ياخد بالو من اخته ولا انتي شايفه ايه
حلم بتضغط على سنانها بغيظ اووووف نيله تاخدك انتا واختك يا شيخ ومشيت بسرعه ودخلت بيتها وهي بتشتم فيه بصوت واطي ومتعصبه
مراد ضحك بصوت عالي
حلم دي فظيعه بجد
قاسم دي مجنونه وزهقتني
مراد بخبث زهقتك امم بس حلو حوار اختك ده بحب اسمعو منك كتير
قاسم برتباك اه اختي امال ايه يعني
مراد اه اختك انا قولت حاجه
قاسم عن ازنك انا بقا يا بابا علشان تعبان وعايز ارتاح
ودخل البيت
مراد ابتسم بقله حيله نفسي تريحوني بقا انتو الاتنين ربنا يهديكم
........................عند امال
امال بابتسامه بجد انا مش عارفه اشكر يارا ازي حبيبتي بتساعدني ف كل حاجه
باسم بملل اه فعلا
امال طب م تفكر معايا كده اجبلها هديه كده تكون حلوه وافاجاها زي م هي عملت النهارده
باسم هاتيلها سلسله هاديه كده ع شكل فراشه هبقا اوريلك صورتها هي قالتلي عليها قبل كده انها نفسها تجبها
امال الله طيب ماشي وحاجه هي عايزاها هتبقا فكره حلوه
وبتركيز بس ايه ده صحيح هي ليه قالتلك انتا عليها اصلا
باسم عادي يعني ي امال وحنا بنختارلك هدايه عيد ميلادك قالتلي صدفه يعني
امال طيب ماشي
باسم قام وطلع علبه شيك من الدولاب وبيقرب بيها ناحيتها
ونزل ع ركبو قدامها ومسك ايدها وخرج منها انسيال شيك
ولبسهولها وباس ايدها
وبصوت هادي كلو حب دي اقل حاجه ممكن اقدمهالك ف عيد ميلادك مع اني عارف انو مش هيجي ف جمالك حاجه
امال ابتسمتلو بحب بحبك اوي ي باسم وبتبص ع االانسيال الله ده الي انا وريتو ل يارا قبل كده اكيد هي الي جابتهولك صح ي حبيبتي ي يارا
باسم بنرفزه ف ايه ي امال احنا هناخد اليوم كلو بتتكلم ع يارا ولا ايه
امال انا اسفه ي حبيبي والله مقصدش
باسم لا برضو ضايقتيني بجد
امال قامت وباسته من خدو بخفه خلاص بقا متبقاش رخم
باسم ابتسم انا برضو الي رخم ماشي
امال باستو من خدو تاني بخفه متزعلش
باسم لا بقا ده انا عايز اتصالح كويس
امال ضحكت وانا موافقه
وسكتت شهرزاد عن الكلام الغير مباح🤭
..................................عند حلم واقفه بليل ف بلكونه اوضتها وبتكلم مها ف الفون
حلم بس وحرق دمي وسبته ودخلت ومشفتش وشه من ساعتها
ايه ده ده صوته ف البلكونه وبيتكلم استني كده يبت
قاسم اوضته االي جنبها علطول ف لما يقف ف البلكونه تسمع كل كلامه
قاسم بيضحك وبيتكلم وهي مش سمعاه كويس
حلم بتحاول تقرب اكتر علشان تسمعه بوضوح
قاسم هههههههه يا حبيبتي والله انتي وحشاني علطول اصلا
حلم بصدمه حبيبتك 😲
يترا قاسم بيكلم مين وهل بيحب بجد 🤔
وحلم هتعمل ايه بعد الي سمعتو ده🤔
يارب البارت يعجبكم 😔
(البارت الرابع)
حلم اتصدمت وفضلت واقفه تسمع باقي كلامه
قاسم والله وحشتني وحشتيني جدا كمان بس كنت مشغول اوي الفتره الي فاتت علشان كده كنت مش عارف اكلمك براحتي
قاسم بيبعد الفون عن ودنه ايوووه يا بابا جايلك
معلش يا حبيبتي لازم اقفل دلوقتي علشان هشوف بابا
حلم وهي دموعها بتلمع في عنيها حبيبتك يا قاسم اخرتها طلعت غيري وكمان من بدري وانا زي الهبله مكنتش عارفه
مها صاحبتها ع الفون يبنتي انتي ي بت فينك
حلم بصوت مخنوق ايوه يا مها قاسم طلع بيحب وحده غيري يا مها ومقدرتش تمسك نفسها اكتر من كده وانهارت من العياط
مها طب قوليلي حصل ايه وعرفتي ازاي يبنتي انتي بطلي عياط بقا وفهميني
حلم حكتلها كل الي سمعته
مها طب اهدي كده يا حلم وبطلي عياط لو فيه حاجه زي دي قاسم اكيد كان حكالك ده مش بيخبي عنك حاجة
حلم لا هيخبي انتي متعرفيهوش اكتر مني هو مش بيقول غير الي عايز يقولو ومش بيظهر غير الي عايزو قاسم شخصيه غامضه ومتفهميهوش بسهوله
مها طيب انتي ممكن تهدي شويه والصبح ابقي افهمي منه كل حاجه
حلم بعصبيه وهي دموعها مسكتتش ولا بكره ولا بعدو انا خلاص مش عايزه اتكلم معاه تاني واقفلي كده انتي كمان انا مش قادره اتكلم خلاص
مها يبت استني اقفل ايه
مفيش رد قفلت السكه
حلم فضلت تعيط لغايه م نامت من غير م تحس من التعب
تاني يوم حلم نازله رايحه شغلها ف معادها ووعنيها وارمه من كتر العياط بتاع بليل ووشكلها مرهق وتعبان
قاسم واقف وساند على عربيته قصاد باب بيتها ومستنيها
قاسم اول م شاف شكلها كده قلبو وجعه وجري عليها بخوف
حلم ف ايه مالك انتي كويسه شكلك تعبان اوي ف ايه
حلم بصتلو بحزن ومردتش عليه ورايحه ناحيه عربيتها
قاسم اتعصب من تجاهلها ليه ومسكها من أيدها وقفها لما اكلم تبقي تردي عليا مش تمشي وتسبيني ولا كاني بكلمك
حلم شدت ايدها منو ملكش دعوه بيا ي قاسم وابعد عني انا مش عايزه اتكلم معاك خالص
قاسم بستغراب يسلام وكل ده ليه ان شاء الله علشان الي حصل امبارح مع ان انتي الي غلطانه اصلا والي عملته كان رد فعل طبيعي ومن امتا اصلا احنا لما بنتخانق بتخاصم ما احنا طول عمرنا بنتخانق ايه الجديد اشمعنا المره دي انتي بتعملي كده
حلم بتحاول تبقا قويه ومتعيطش قدامه اديك قلت بنتخانق مع بعض بس عمرنا م خبينا حاجه ع بعض يا قاسم وانتا بتخبي ولما تعمل كده يبقا منتكلمش تاني احسن
قاسم ايه الهبل الي بتقوليه ده انا بخبي حاجه عنك محصلش مين الي قالك الكلام الاهبل ده
حلم بزعيق محدش قالي انا الي سمعتك بنفسي وانتا بتكلم حبيبت القلب ف البلكونه وياريت يعني لما تيجي تكلمها بعد كده متبقاش تيجي جنب اوضتي وتتكلم سامع
قاسم بستغراب ايه ايه الي بتقوليه ده دقيقه وافتكر مكالمته بليل وضحك باعلي صوت هههههه
حلم استغربت من رد فعله واضايقت انتا بتضحك ع ايه قلت نكته انا
قاسم مكمل ضحك ومش بيرد عليها
حلم بعصبيه وبتتحرك علشان تمشي طيب لما تخلص ضحك بقا ابقا كلمني
قاسم وقفها بسرعه استني بس ي مجنونه انتي عارفه اصلا الي كنت بكلمها دي مين
حلم والله واضحه جدا يعني من كلامك انها حبيبتك لووحمار كان فهم يعني
قاسم بسخريه وهو بيشاور عليها والله عندك حق لو حمار كان فهم فعلا بس اقول ايه عقلك مشاء الله اغبي بكتير دي امي يا متخلفه
حلم بذهول نعم امك
قاسم اه امي انتي عارفه انها بقالها سنه بره مع اسر اخويا لغايه م يخلص دراسته وانا بقالي كتير مكلمتهاش وهي زعلانه مني ف بصالحها
حلم بفرحه بجد يا قاسم انتا مش بتكدب صح
قاسم طلع تليفونو وجبلها سجل المكالمات بصي بصي مين اخر مكالمه والساعه كام يارب تصدقي بس ف الاخر
حلم اتاكدت من كلامه ضحت وفرحت جدا انو مطلعش بيحب حد غيرها يعيني يا قاسم ظلمتك
قاسم اممم وايه الجديد انتي علطول ظلماني قال أحب قال هو الي يعرف وحده زيك كده هيطيق يشوف وحده ست قدامو ده انا بقيت عايز اقتلهم كلهم حاسسهم كلهم زيك كده
حلم رفعت حاجبها اه ومالهم لو زي ان شاء الله دي تبقا حاجه وحشه
قاسم ابتسم لا ازاي دي تبقا حاجه مسكره كده زيك ي مجنونه
حلم ابتسمت عليك وحده مجنونه بتخليني عايزه اشلفط وشك والله
قاسم ضحك طب هو انا بغلط فيكي ده اسمك يبنتي اصلا وبعدين استني بقا انتي ايه الي كان مضايقك اصلا اني اكون بكلم حبيبتي فعلا وكنتي بتعيطي ليه
حلم بارتباك مين دي الي معيطه انا هعيط علشانك انتا عبيط ولا ايه انا بس منمتش كويس امبارح علشان كده شكلي تعبان وعنيه وارمه
قاسم بعدم اقتناع بكلامه بس مش عايز يصغط عليها ماشي طيب وليه كنت متضايقه ومش عايزه تكلميني دلوقتي
حلم علشان افتكرتك بتخبي عليا وكده ف زعلت منك وبخبث ومفيش اخوات المفروض بيخبو ع بعض حاجه وأنتا اخويا ولا ايه
قاسم بغيظ اخوكي اه وصوت واطي الله يحرقك انتي واخوكي ف يوم واحد يا بعيده
حلم بتكتم ضحكتها بتقول حاجه ي قاسم
قاسم بقول نمشي بقا ونشوف شغلنا ولا نقعد هنا علشان الهانم
حلم لا يالا
وصلو الشركه وهما مع بعض
مها شافتهم استغربت وهي شايفها معاه وبتضحك وهي لسه كانت بتقولها انها مش هتكلمو تاني ضحكت بيائس وهي عارفه كويس انها كانت بتقول كلام وبس وهي مستحيل تقدر تبعد عنو يوم
قاسم دخل مكتبه ومها شدت حلم هو ده الي مش مش عايزه اتكلم معاه تاني ها وتقفلي ف وشي السكه يازفته طب وانا مالي انا م تولعو انتو الاتنين
حلم حضنتها يا حبيبتي يا مها اسكتي دلوقتي علشان انا مبسوطه اوي حاسه اني طايره كده
مها بعدتها طب احكيلي ايه الي مفرحك يا ختي ولا انا تنكدي عليا وبس
حلم طب تعالي ندخل مكتبي ونتكلم تعالي واخدتها وحكتلها ع الي حصل
حلم وهي سرحانه فيه بحب وبس يا ستي هو يضحكلي بس ويبصلي بعنيه دي الي شبه موج البحر وانا انسي الدنيا وما فيها
مها ضحكت وبعند ان جيتي للحق الواد قاسم ده قمر فعلا وعليه عيون يلهوي تسحر من البصه فيها
حلم بغيظ بت اتلمي محدش يتغزل فيه غيري انتي فاهمه
قال حلو ومش عارف ايه وبعدين افتكرته وابتسمت بحب بس هو حلو اوي ابن الذينه تحسيه كده هربان من مسلسل تركي
(قاسم حلو اوي بجد جسمه رياضي مظبوط بسبب اهتمامه بالرياضه وعنيه زرقه بلون البحر
يتوه كل الي يبصلهم ويسحبه لموجه العالي وارثهم عن امه نفس اللون دقنه خفيفه وبتزيد من وسامته ورجولته وشعر غزير لونه بني فاتح )
مها ضحكت طيب يختي اشبعي بيه انا هقوم اشوف شغلي وخرجت
.......................ف مكتب قاسم
قاسم دخل لقي صاحبه مصطفي مستنيه
قاسم اهلا ب الندل الي مش بيسال
مصطفي وقف وحضنو والله واحشني يبني
قاسم ياض ده انا بقالي اسبوع مشفتكش ولا حتي كلمتني
مصطفي منتي عارف المستشفي كلها على دماغي ومش بفضي كتير وطول اليوم عمليات
قاسم ربنا معاك وبخبث بس ايه مها موحشتكش
مصطفي اول م جات سيرتها ابتسم وحشتني اوي ده انا جاي مخصوص علشان اشوفها
قاسم اه ي واطي وتقولي انا وحشتك ماشي
مصطفي ضحك يبني انتا وهي مش لازم حد فيكم يعني
قاسم طيب ي خويا مش ناوي بقا تتجرا وتقولها انك بتحبها وعايز تتجوزها
مصطفي دكتور وشاطر جدا ف شغله بس شخصيه خجوله
وملهوش ف اي حاجه ومحترم جدا بس ده ميمنعش انه وسيم بمعني الكلمه وشيك وجنتل مان
مصطفي وهو بيعدل نضارته منتا عارف يا قاسم انا خايف انها تكون مش عايزاني وتكسفني وانا مش هستحمل كده الصراحه وبتكسف اكلمها اصلا
قاسم يبني بطل كسوفك الي مواديك ف داهيه ده هي باين اوي انها بتحبك دي عنيها بتطلع قلوب وهي بتكلمك خد خطوه جريئه بقا
مصطفي ابتسم لمجرد فكره انها بتحبه بجد يا قاسم هي ممكن تكون بتحبني بجد يعني بس لا يعم انا اتكسف اقولها كده اصلا
قاسم بزهق يوووه بقا متعصبنيش مصطفي انتا بكسوفك منها وترددك ده يضيعها من ايدك خد خطوه بقا وقولها ومش هتخسر حاجه والله هي بتحبك اسمع مني
مصطفي بخوف لا تضيع مني ايه لا لا انا خلاص والله هقولها كل حاجه واتقدملها رسمي كمان
قاسم بفرحه ايوه كده بقا هو ده الكلام
مصطفي طيب ي عم المقنع انتا م تقول الكلام ده لنفسك وتقول لحلم انك بتحبها وتبطل بقا الي انتا بتعملو انتا وهي ده
قاسم بحزن ياريت كنت اقدر اعمل كده ياريت انا موضوعي سهل زيك كده وانا والله ماكنت هضيع لحظه وهي بعيد عني كده
مصطفي فهم كلامو وشاف حزنو باين ف عنيه وسكت مرضيش يضايقو اكتر ربنا يحللك الدنيا ي صاحبي
قاسم يارب ادعيلي
مصطفي ابتسم حاضر
قاسم بيغير الموضوع علشان ميضايقش يالا انتا بقا روح كلم مها وشوف هتقولها ازاي يالا متضيعش وقت تاني
مصطفي ده انا هروح جري وخرج من المكتب بسرعه وهي كانت داخله عند قاسم
مها اول ما شافته قلبها بقا بيرقص من الفرحه
مصطفي ابتسم وبرتباك مد ايده يسلم عليها ازيك يا مها ايه اخبارك
مها بفرحه بتسلم عليه وهي مش عايزه تسيب ايدو وعنيها بتقلو كل الي ف قلبها نحيتو كويسه علشان شوفتك ي مصطفي
مصطفي احمم انا كنت عايز اتكلم معاكي ف موضوع مهم يعني لو ممكن
مها اه طبعا ممكن جدا
مصطفي طيب ايه رايك اشوفك بكره الساعه 8 ف كافيه ال....... علشان مش هعرف اتكلم هنا يعني كويس ب النسبالك ولا لا
مها بلهفه اه طبعا كويس اوي انا هكون هناك ف المعاد بظبط
مصطفي بابتسامه هستناكي
وسلم عليها ومشي
مها بتبص عليه وهو ماشي وبتضحك ده انا هروح ابات هناك اصلا
........................عند دارين
كانت بتتكلم ف الفون
دارين بثقه لا متقلقش
مش هرجع غير وانا منفذه كل الي انتا عايزو واتفقنا عليه
وبتضحك بمياعه لا لا ده انا دودي الي مفيش حد يقدر يرفضها المفروض تكون مطمن اكتر من كده
عيب مش هرجع غير وهو جوزي 😲
يترا دارين بتكلم مين وقصدها ع مين 🤔
وقاسم ايه الي مانعو ومخليه مش بيقول لحلم انو بيحبها🤔
يترا مصطفي هيقول ل مها انو بيحبها ولا هيتكسف🤔😂
يارب البارت يعجبكم 😔
يتبع
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺