حب أقوي من كيدهم بقلم الكاتبه نشوه عادل حصريه وجديده على مدونة أفكارنا
 |
حب أقوي من كيدهم بقلم الكاتبه نشوه عادل حصريه وجديده على مدونة أفكارنا
رن جرس الباب قومت فتحت وكانت فرحتى لما شوفت عماد ابن اختى واقف قصادى
تهانى بفرحة: ي حبيبى ايه المفاجأة الحلوة دى حمدالله ع السلامة جيت امتى؟!
عماد: لسه واصل الصبح يدوب قومت اكلت وجيت ع طول عشان اشوفك وحشتينى اوى والله ي خالتى
تهانى: وانت اكتر اخيرا رجعت بالسلامة ده احنا كنا بنتذلل عليك تنزل وتكون وسطينا بدل الغربة والبهدلة
عماد: انا اه اتبهدلت بس محدش بياكلها بالساهل لو كنت سمعت كلام امى بعد اول قرشين عملتهم ونزلت اتجوزت مكنتش هعرف اوصل للى انا فيه دلوقتى وغربتى مكنتش عليا بخسارة روحت وكسبت وعملت قرشين نزلت بيهم هنا اعملى مشروع يكسبنى دهب كل شهر واعرف لما افتح بيت اكفيه بدل ما المشاكل تكتر بسبب قلة الفلوس والظروف
تهانى: عندك حق والله ي ابنى عندك محمود ابنى ف مشاكل مع السنيورة مراته ع طول بسبب المصاريف وهى معندهاش دم ومبتقدرش الواد ي حبيبى بيشتغل شغلانتين ومع ذلك مش شايلة الجميل
عماد: شوفتى بقى يعنى انا تفكيرى كان صح ي اما اتحايلت عليه يسافر معايا حتى لو بعد الجواز وكنت هسلفه حق التأشيرة والتذكرة ورفض
تهانى: اصل محمود وشه فقر زى ابوه قال ايه عزة نفسى تمنعني اطلب فلوس من حد او اروح عالة ع حد ربنا يهديه
عماد: واخبار محمد ايه عنده اولاد؟
تهانى: اه ي حبيبى معاه مهند وملك
عماد: اللهم بارك ربنا يبارك ليه فيهم عاوز اكلمه هو ومحمود ونتقابل نسهر مع بعض
تهانى: محمود اه لكن محمد صعب لانه عايش ف اسكندرية باع شقته هنا وراح هناك
عماد: اسكندرية ليه كده؟!
تهانى: بسبب العقربة اللى متجوزها فضلت تلف عليه لحد ما خليته باع الشقة هنا واخدها بعياله وراحوا ع اسكندرية
عماد: طب بيجى يعنى ولا لا؟! وانتى بتروحيله
تهانى: هو بيبقى يجيلى وانا لما بروح بيأجرلى شقة قريبة منهم
عماد: اخص عليه ازاى يعنى يقعدك لوحدك ف شقة هو انتى رايحة عشان تقعدى معاه ومع عياله ولا عشان يقعدك لوحدك فرقت ايه قعدتك هنا من هناك
تهانى: ما هو عشان كده قطعت رجلى من هناك خالص بقى هو اللى بيجى مع عياله كل كام شهر مرة والمحروسة مش بتيجى معاه
عماد: معليش ي خالتى متزعليش ربنا يهديه ...هند عاملة ايه مع جوزها خلفت؟!
تهانى: والنبى ي عماد اسكت لاحسن انا القهر مالينى من عيالى كلهم
عماد: ليه كده بس خير ف ايه؟!
تهانى: لما جه الاخ جوزها ف الاول كان تقيل وعنده اراضى وفلوس بالكوم ويدوب بعد الجواز ب ٦ شهور يخسر كل فلوسه قال ايه عشان خاطر اخوه الصغير جاله مرض وحش الحقنة كل شهر بس ب ٦٠ الف واكتر وكان لازم يسفره برة البلد خالص عشان يتعالج
عماد: طب ما هو مخسرهاش ف حاجة وحشة ده عشان اخوه
تهانى: طب وبيته والغلبانة اللى جوزتها ليه وانا مفكرة انه هيعيشها ملكة واخد منها دهبها كله باعه حتى حتة الحلق اللى كان ف ودنها باعه
عماد: لا حول ولا قوة الا بالله طب مخلفتش ليه دول داخلين ع السنتين جواز اهو
تهانى: كل اما اجى اتكلم معاها ف الموضوع ده تقولى احنا مش مستعجلين ع العيال اصل عاوزين نقرب من بعض اكتر ونفهم بعض اكتر وكمان احنا عاوزين نفرح ببعض قبل ما يجى طفل ياخدنى منه
عماد: طيب هى يعنى مبسوطة معاه؟!
تهانى: اكيد لا بنتى وانا عارفها بتحاول تدارى جواها وتكتم لما خست النص ووشها بقى اد اللقمة ي اما كان نفسى جوازتها تكون عدلة وتعيش مرتاحة بس اهو هنعمل ايه جوزها محاسب ف بنك والجاى ع اد الرايح ويدوب مهيته بتكفيهم الشهر بالعافية
عماد: انتى عارفة ي خالتى انا كنت بحبها اد ايه وشاريها ويمكن غربتى دى كانت عشانها هى عشان اعيشها معززة مكرمة بدون بهدلة وتعب بس اتفاجئت انها اتخطبت حطيت ع قلبى حجر وقولت ربنا يسعدها وخلاص
تهانى: ما انت اللى غلطان كنت ع القليل قولى وانا هحجزها ليك لحد ما ترجع
عماد: مكنش ينفع ي خالتى حرام كنت اربطها جنبى السنين دى كلها وهى حلوة والف واحد كان بيتقدموا ليها وكمان عرفت من محمود انها كانت بتحب جوزها ده
تهانى: بتحبه ده ايه هى كانت تعرفه اصلا بلا وكسة حب ايه وزفت ايه ي اخويا لما الظروف والفقر بيدخلوا من الباب الحب بينط من الشباك
عماد: عندك حق يلا ربنا يسعدها عن اذنك بقل هنزل اروح عشان اخواتى جايين يشوفونى
تهانى: طب استنى اشرب حاجة الاول الكلام اخدنى ونسيت يقطعنى
عماد: ايه الكلام ده بس ي خالتى هو انا غريب عشان تضايفنينى وي سيتى وقت تانى
اعطاها عماد شنطة جايبها ليها هدية ومشى ولما فتحتها لقيت علبة فيها غوشتين وسلسلة وخاتم دهب لمعت عينها ونزلت ع اقرب محل دهب عشان تتأكد ده دهب اصلى ولا صينى واتأكدت انه اصلى عيار ٢١ رجعت ع البيت وفرحة الدنيا فيها وبتقول ف نفسها: اه ي نارى لو كانت هند من نصيبه كانت كل العز والنغنغة دى بقت لينا احنا
رن فونها وكانت هند ردت وقالت: بنت حلال من يومك كنت لسه بفكر فيكى حالا
هند: طب الحمدلله خير ي ست الكل محتاجة حاجة ولا ايه؟!
تهانى: سلامتك ي اختى ده عماد ابن خالتك مديحة رجع من السفر
هند: طب حمدالله ع سلامته بقاله كتير اوى مسافر
تهانى: اظن من الواجب تيجى معايا نزورهم ده كان ملهوف وعاوز يشوفك
هند: هستأذن من عمرو ولو وافق هتفق معاكى ونروح ف اى يوم
تهانى: لو ايه ي اختى لو وافق هو كمان ممكن يرفض ده ليه انتى رايحة لحد غريب ده ابن خالتك اللى مربيكى ع ايده
هند: اديكى قولتى ابن خالتى يعنى مش من محارمى وانتى عارفة عمرو بيغير عليا ازاى
تهانى: ي اختى بلا نيلة اومال لو كان عدل ومستتك ووو....
-ي اختى بلا نيلة اومال لو كان عدل ومستتك
هند تانى ي ماما طيب نرجع ونقول الفلوس مش كل حاجة افرضى معاه ملايين وقاسى ف حقى ولا مش بيراعى ربنا فيا كانت الفلوس دى هتفيدنى بايه انا ربنا رزقنى بزوج حنين ومخلص وبيعمل كل اللى يقدر عليه عشان يخلينى مبسوطة ومش محتاجة لحد بيحتوينى وبيفهمنى وبيقدر عصبيتى وخوفى انا لقيت فيه الاب والاخ والصاحب تفتكرى الفلوس كانت هتعوضنى عن كل ده !
تهانى بقولك ايه بلاش كلام افلام هو لما تبقى تجوعى هتشبعى بالحب لما تتعرى هتتكسى بالحب ما تعيشى ف ارض الواقع شويه
هند طب وهو انا جيت يوم قولتلك انا جعانة شوفتينى يوم مش لابسة كويس احسن اكل واحسن شرب واغلى لبس والحمدلله
تهانى انا عارفة ان الكلام معاكى مفيش منه فايدة
هند ي ماما هو انتى يهمك حاجة الا راحتى وسعادتى!
تهانى اكيد مفيش غيرهم يهمنى
هند طب انا الحمدلله مرتاحة ومبسوطة اوى كمان دول مش كفاية بالنسبة ليكى
تهانى ربنا يسعدك كمان وكمان ويكتب لك الخير مع اللى يستاهلك
هند ما هو ربنا فعلا كتبلى الخير لما رزقنى بعمرو المهم انا كنت بكلمك عشان اقولك انى جيبت التموين ابقى اعديه عليكى امتى!
تهانى لا متتعبيش نفسك انا هبقى اعدى ف اى وقت اخده عشان اعرف اقعد معاكى بدل ما بتيجى من ع الباب وتجرى كأن حية لډغتك
هند بضحك ماشى ي ست الكل تنورى ف اى وقت مع السلامة ي حبيبتى
يعدى اسبوع ويجى عماد يزور خالته تانى وهو بيقول انا زعلان اوى من هند يا خالتى ده حتى مهانش عليها ترفع سماعة فون تقولى حمدالله ع السلامة
تهانى كله من سى السيد اللى متجوزاه هو اللى مرضاش
عماد ده ايه الغباء ده هو لسه فيه حد كده!
تهانى اسمع يا عماد انا لازم اتصرف واخليه يطلقها انا مش هفضل قاعدة حاطة ايدى ع خدى كده وشايفة بنتى حياتها تعيسة
عماد طب ما تخليها تطلب الطلاق وخلاص طالما مش مرتاحة معاه او تخلعه
تهانى ده قادر ومقوتوش الا ربنا لازم يكون فيه حل
---
تانى
عماد شوفى انتى ناوية ع ايه وانا معاكى ولو محتاجين فلوس انا سداد
تهانى ده العشم برضه يا روح خالتك
عماد طيب هستأذن انا عشان عندى شغل مهم وهتابع معاكى اول بأول
مشى عماد وقعدت تهانى تفكر ف حيلة تخلى بنتها تطلق من جوزها ولقت الحل المناسب ومسكت الفون رنت ع هند وغيرت صوتها كأنها تعبانة
هند بقلق مال صوتك يا ماما انتى تعبانة ولا ايه!
تهانى اه يا حبيبتى تعبانة اوى وجسمى مهدود مش قادرة اعمل اى حاجة
هند طيب انا هقول لعمرو واجيلك حالا
تهانى ماشى يا حبيبتى
عمرو اللى كان قاعد جنبها ف ايه يا قلبى طنط كويسة!
هند لا صوتها تعبان اوى
عمرو طب قومى البسى وانا هاجى معاكى نوديها للدكتور
هند بامتنان ربنا يديمك ليا يا حبيبى
نزلوا سوى وراحوا ع بيت تهانى اللى مثلت التعب كالعادة وفهمتهم انها كشفت والدكتور قالها لازم الراحة ومتتحركش كتير
عمرو مينفعش تفضلى لوحدك ف الشقة بطولك تعالى معانا ايه رأيك!
تهانى بتمثيل لا يا ابنى كتر خيرك انا مبرتاحش الا فى شقتى وبعدين انت مش مجبور تستحملنى ده ولادى نفسهم بيتهربوا منى
عمرو عيب يا امى متقوليش كده هو انا غريب ولا ايه وبعدين ده بيت بنتك انا ضيف عندكم انتم الاثنين واتمنى اكون ضيف خفيف بس
ابتسمت هند ع حنية جوزها ..تهانى ايوة يا ابنى لكن............
عمرو من غير بس او لكن انتى هتيجى معانا يلا يا هند حضرى شنطتها وانا هنزل تحت اتفق مع التاكسى
ابتسمت تهانى ابتسامة انتصار خبيثة وراحت معاهم ع الشقة فى نفس اليوم بليل لقت هند اخوها بيكلمها
هند ازيك يا حودة وحشتينى ايه يا ابنى مش ناوى تنزل اجازة بقى ولا ايه!
محمود قريب يا نونو اومال ماما فين برن عليها من بدرى مش بترد
هند ماما عندى هنا نايمة تعبانة شويه
محمود الف سلامة عليها مالها ف ايه!
هند انا كنت بكلمها لقيت صوتها متغير وهى كشفت والدكتور قالها لازم راحة ومتتحركيش كتير فكان لازم حد يكون معاها
محمود وانتى كنتى معاها عند الدكتور!
هند لا بتسأل ليه!
محمود اصل ازاى تعبانة وراحت لوحدها ليه مكلمتكيش
من قبلها
هند مش عارفة يمكن تكون مفكرة ان الموضوع بسيط وهيعدى
محمود خلى بالك من نفسك وبيتك يا هند
هند بعدم فهم حاضر بس ليه بتقول كده!
محمود ولا حاجة يا قلبى سلميلى عليها لحد ما ابقى اكلمها
هند ماشى وسلملى ع منال والولاد سلام
قفل محمود وكانت منال مراته جنبه ..منال مالك يا حبيبى وشك متغير كده ليه!
محمود امى عند هند بتقول انها تعبانة واخدتها تقعد معاها ف شقتها
منال طب وفيها ايه يعنى!
محمود انتى اللى بتسألى اومال لو مكنتيش مجربة عمايلها وانها كانت هتخرب بيتنا مرواح امى عند هند وراه حاجة انا متأكد
منال ايوة يا حبيبى انا واحدة غريبة لكن هند بنتها مستحيل تفكر تعمل كده
محمود وانا ابنها والبيت كان هيتخرب ده كان بيتى انا
منال ايوة بس هند بنت والراجل مش زى الست
محمود مش عارف قلبى مش مطمن
منال استهدى بالله انت اكيد مفيش حاجة من دى ان شاء الله دى أم مهما كانت وميهونش عليها بنتها
بليل صحيت تهانى من النوم وخرجت لقت هند بتتفرج ع التليفزيون وووو.
-بليل صحيت تهانى من النوم وخرجت لقت هند بتتفرج ع التليفزيون
هند ايه يا حبيبتى ليه قومتى من السرير كنتى اندهى عليا وانا اجيلك
تهانى انا مبحبش رقدة السرير ما انتى عارفة
هند طيب انتى اكيد جعانة هقوم اجيبلك تاكلى
تهانى لا انا شبعانة اقعدى اومال جوزك فين!
هند ع القهوة مع اصحابه
تهانى يوه لحد دلوقتى هى الساعة كام!
هند الساعة ٢
تهانى وبيفضل برة لحد دلوقتى ازاى هو مفيش واحدة ف البيت والمفروض يكون معاها
هند عادى يا ماما عمرو طول النهار ف الشغل وبيجى يقعد معايا شويه ويتغدى وينام ويقوم يقعد ع القهوة ساعتين ويرجع
تهانى ودى عيشة دى وبعدين انتى تضمنى منين انه ع القهوة
هند يعنى ايه يا ماما اومال هيكون فين!
تهانى وانا اعرف منين هو انا كنت معاه ما يمكن بيروح هنا ولا هنا ولا بيقابل حد كده ولا كده
هند بضحك لا ابدا عمرو مش من النوع ده الحمدلله بيحبنى ومش بيملى عيونه غيرى
تهانى وانتى عرفتى منين كنتى معاه شوفتيه بعينك بصى يا بنتى ملكات جمال العالم اتخانوا من اجوازهم وراحوا بصوا للعبر كلها وانتى قاعدة هنا مش شايفة حاجة ولا تعرفى حاجة ومش كلمتين حلوين هيتقالوا ويتضحك عليكى وخلاص
بدأت هند يتسرسب جوة قلبها الشك لاول مرة قامت دخلت ع الاوضة ومسكت فونها ...هند ايه يا عمرو انت فين !
عمرو ف البلايستيشن يا قلبى مع اصحابى
هند طب ما تفتح فيديو كول كده تورينى
عمرو باستغراب وده من امتى ان شاء الله وبعدين افتح ازاى والشباب مالية المكان!
هند عادى افتح انت الكاميرا مش لازم انا
عمرو طب ليه يعنى هتستفادى ايه!
هند رخامة يلا افتح
عمرو لا
هند هو ايه اللى لا انت مش عاوز تفتح ليه انت فين ولا مخبى عليا ايه
عمرو هو ف ايه يا هند انتى اول مرة تكلمينى كده هو انا من امتى بخبى عليكى حاجة!
هند اومال مش عاوز تفتح وتورينى ليه خاېف من ايه!
عمرو لا حول ولا قوة الا بالله يا بنتى هخاف من ايه ده انتى غريبة هرنلك اهو بس قسما بالله هاخد منك موقف جامد ع اسلوبك ده
وفعلا فتح ليها الكاميرا وشافت المكان بعيونها وبعدها قفل حاولت ترن عليه كذا مرة مردش عليها خرجت وهى زعلانة
تهانى ف ايه مالك لاوية بوزك كده ليه!
هند اول مرة اشك ف عمرو كده يا ماما وهو زعل منى
تهانى ما يزعل هو مش جوزك وليكى حق تغيرى عليه وتعرفى هو فين
هند ايوة بس انا بثق فيه وعارفة انه عمره ما يكدب عليا ع العموم انا صدعت وهدخل انام
دخلت هند ع سريرها وفضلت مستنية عمرو لحد ما جه من برة
هند انت مش بترد عليا ليه قلقتنى عليك
بص ليها عمرو نظرة لوم وسابها ودخل اخد دش وخرج نام وهو عاطيها ضهره
هند
---
انا بكلمك ع فكرة المفروض نتناقش
لم يعطيها اى اهتمام فبكت وهو ده سلاحھا القوى اللى متأكدة انه بيضعف قصاده وقالت بدموع هو عشان انا كنت غيرانة عليك تعمل كده!
اعتدل عمرو وقال دى مكنتش غيرة يا هند ده شك والغريب انك معشرانى بقالك سنة ونص وده الوضع اللى احنا عليه من يوم ما تجوزنا واول مرة ف حياتك تعمليها والسبب ايه الله اعلم
هند انا اسفة عارفة ان اسلوبى كان غلط بس والله ڠصب عنى انا بحبك اوى وبغيير عليك
عمرو وهو يمسك ايدها بحنان خلاص عشان خاطرى كفاية دموع انتى عارفة ان موتى وسمى اشوف دموعك دى بتحرقنى من جوة
هند يعنى صافى يا لبن
عمرو حليب يا اشطا
عدى اليوم طبيعى وتانى يوم نزل عمرو ع شغله ونزلت هند تجيب طلبات البيت ولما رجعت غيرت هدومها لعباية وسابت شعرها ودخلت ع غرفة امها واتفاجئت بعماد خرجت جرى لبست اسدال واسع ومقدرتش تدخل عليهم تانى فراحت ليها تهانى وقالت حد يعمل كده مع ضيوفه!
هند ازاى يا ماما متقوليش ليا ان عماد جاى
تهانى طب وفيها ايه يعنى جاى يشوفنى ويطمن عليا مش كتر خيره
هند ع راسى بس الاول اعرف بدل ما اخد الصدمة ويشوفنى بشعرى ولبس البيت كده
تهانى طب وفيها ايه برضه ده ابن خالتك
هند اديكى قولتيها ابن خالتى مش اخويا يعنى يجوز ليا عادى
تهانى يسمع منك ربنا
هند بتقولى حاجة يا ماما!
تهانى بقول انتى صح حقك عليا تعالى سلمى عليه ده قاعد من ساعتها مستنيكى
خرجت هند وهى ع اخرها وهى عارفة ان عمرو قرب يوصل وهيضايق لما يشوف عماد خرجت سلمت عليه وجابت عصير وفاكهة وبعدها خرج عماد سلسلة دهب وقال النبى قبل الهدية ودى حاجة بسيطة مش من قيمتك
هند بس دى غالية اوى
عماد دهب الدنيا كله ميجيش حاجة ف ضافر رجلك يا ست الستات
هند انا اسفة يا عماد مش هقدر اقبل الهدية دى
تهانى ف نفسها ليه يا وش الفقر زى ابوكى
عماد ليه يا هند دى هدية عادى ايه المشكلة!
هند انا واحدة متجوزة ومفيش واحدة بتقبل هدية من راجل غريب بدون علم جوزها
عماد غريب! ما غريب الا الشيطان يا بنت خالتى
هند معليش يا عماد انا فعلا مش هقدر اخدها اعطيها لخالتى او لامى وكأنى اخدتها
عماد پغضب ماشى يا هند عن اذنك يا خالتى
تهانى رايح فين بس يا ابنى ده انت حتى لسه مشربتش العصير
عماد لا عادى يا خالتى كأنى شربته عن اذنكم
واثناء خروجه كان عمرو وصل واول ما شافه اضايق جدا بس حاول يبان طبيعى وهند بتدعى ربنا انه الموقف يعدى ع خير
عمرو ازيك يا عماد حمدالله ع السلامة
عماد الله يسلمك
عمرو ايه مستعجل ليه ما تخليك تتغدى معانا
عماد لا مفيش داعى انا كنت بس جاى اطمن
ع خالتى وامشى ع طول عن اذنكم
مشى عماد ودخل عمرو ع اوضته وهو متعصب دخلت وراه هند قام مسكها من دراعها بعصبية ممكن اعرف ده كان هنا فى بيتى بيعمل ايه ومن غير اذنى ازاى متكلمنيش وتعرفينى انه هنا
ممكن اعرف ده كان هنا فى بيتى بيعمل ايه ومن غير اذنى ازاى متكلمنيش وتعرفينى انه هنا!
هند بدموع وۏجع والله العظيم ما كنت اعرف انا جيت من برة لقيته هنا حتى امى معرفتنيش
عمرو وهو بيسيبها ازاى يعنى هى دى الاصول راجل غريب يدخل بيتى وانا مش موجود ده خلاص مش هيبقى ليا حكم ف بيتى ولا ايه!
هند وطى صوتك عشان خاطرى ماما لو سمعتك هتزعل
عمرو انتى عاوزة تجننينى هو انا بقول حاجة غلط يعنى لو عملت قعدة رجالة دلوقتى حد هيغلطنى ف حاجة
هند يا حبيبى محدش بيغلطك انت عندك حق والله بس خلاص موقف وعدى
عمرو لا معداش يا ست هانم لو سكت المرة دى هتكرر تانى
دخلت تهانى بدموع تماسيح انت عندك حق يا ابنى وانا فعلا غلطت بس هو جه فجأة كنت اطرده قولت هيقعد خمس دقايق ويمشى وخلاص حقك عليا انا انا تقلت عليكم انا هاخد بعضى وامشى
هند تمشى ع فين بس يا ماما ده عمرو ميقصدش
عمرو باحراج يا حماتى والله مقصدش البيت بيتك ولو مشالتكيش الارض اشيلك فوق راسى بس اعتبرينى محمود او محمد لو ده حصل ف بيتهم انتى تقبليها!
تهانى لا مقبلهاش انا غلطانة ومحقوقة ليك
عمرو وهو يقبل رأسها لا يا ست الكل متقوليش كده حقك عليا متزعليش
اسبوعين عدوا ع وجود تهانى فى منزل بنتها وكل يوم خناق واتقلب الجو نكد وخناق ع اتفه الأسباب وفى يوم كان عمرو ف الشغل سرحان ومهموم لقى فونه بيرن وكان محمود
عمرو ايه يا حودة عامل ايه!
محمود ايه يا صاحبى روحت البيت ملقتكش
عمرو ايه ده انت نزلت اخيرا
محمود اه يا سيدى ارغى انت فين!
عمرو انا لسه مخلص شغل وهنزل اهو تعال نتقابل ع القهوة اللى جنب بيتكم
راح عمرو وقابل محمود اللى لاحظ ان شكله متغير ومهموم
محمود ايه يا ابنى مالك شكلك مش عاجبنى!
عمرو مش عارف يا محمود مخڼوق انا واختك پنتخانق ٢٤ ساعة وع اتفه الاسباب واول مرة نكون كده مع بعض مش عارف ليه اى حاجة بقيت اعملها مبقتش ترضيها ومن كتر الضغط والمشاكل كنت بفكر اسيب البيت وامشى
محمود ايه الكلام الاهبل ده لما انت تعمل كده هتسيب ليها ايه تعمله استهدى بالله وروق
عمرو ونعم بالله بس انا تعبت من كتر المشاكل دى وبقولك تافهة والله
محمود بقالكم اد ايه
عمرو اسبوعين
محمود ف نفسه يعنى من ساعة ما امى جات عندكم واللى حسبته لقيته ...بص لعمرو وقال الكلام ده كان بيحصل قبل كده!
عمرو ابدا والله عمرنا ما اتخانقنا حتى لو كنا پنتخانق كنا بنتصالح ع طول لكن دلوقتى المشكلة بتكبر والبيت بيقيد ڼار ومتزعلش منى بحس ان امك بتقويها
محمود والله مش عارف اقولك ايه بس انت عارف ان هند قلبها طيب وبتحبك لو لقيتها بتشد ارخى انت وعديها
عمرو يعنى تعلى صوتها عليا وتكون غلطانة وتقولى عديها انت تقبلها ع نفسك!
محمود بصراحة لا مرضهاش بس حاول تعمل كده عشان خاطر البيت ميتخربش
عمرو لا ان شاء الله مش هتوصل لكده انت عارف انا بحب هند ومقدرش استغنى عنها
اما عند هند اللى كانت قاعدة مخڼوقة
---
لقت فونها بيرن وكانت منال فهى زوجة اخيها وصاحبتها المقربة
منال الۏحشة اللى معدتش بتسأل
هند معليش يا منال كنت مشغولة شويه
منال باستغراب ف ايه يا بنتى مالك صوتك مش عاجبنى!
هند مفيش حاجة انتى مجتيش مع محمود ليه انتى والولاد!
منال الدروس بدأت والمناهج تقيله ولازم انتظام ومتوهيش وقوليلى ف ايه!
هند بدموع مش عارفة يا منال انا وعمرو ع طول پنتخانق وف مشاكل دايما عمرنا ما كنا كده ابدا
منال طب ليه كده وعشان ايه!
هند معرفش بس ع طول بقينا كده واخر مرة اتخانقنا بسبب موضوع الحمل
منال ليه بقى!
هند بقالنا سنة ونص متجوزين ومفيش اطفال وهو السبب قالى تاخدى وسائل منع الحمل وكل ما اجى افتح الموضوع يقولى شويه
منال طب ايه السبب ف التأخير!
هند بيقولى انا عارف انك لو خلفتى البيبى هياخد وقتك كله وانا عاوز اتهنى بيكى واشبع منك وبصراحة كده رده مش منطقى بالنسبة ليا وحاسة انه بيخونى
منال لا يا هند متقوليش كده انتى عارفة ان عمرو بيحبك اوى ومستحيل يعمل كده اكيد ده سوء تفاهم منك وزيادة ضغط ع اعصابك
هند لا ده احساسى ومتأكدة منه ماما كانت عندها حق لما قالتلى انه بيتهرب من موضوع الخلفة عشان ميتربطش بيا
منال باستغراب مامتك قالت ليكى كده!
هند ايوة وهى صح
منال انتى بقالك اد ايه بالظبط ف حوار الخناق ده مع عمرو
هند اسبوعين
منال يعنى من يوم ما امك جات عندكم طب كان بيحصل قبل كده!
هند لا ابدا والله
منال بصى يا هند متزعليش منى ف اللى هقوله انا عارفة انها والدتك وصعب تتقبلى كلامى بس متسلميش ودنك لامك لانها عاوزة تخرب عليكى
هند پصدمة ايه اللى بتقوليه ده يا منال ازاى تقولى كده ع ماما!
منال انا مش ظلماها ع فكرة واللى كانت بتعمله فيا وف رحمة مرات محمد مش بعيد عنك تفتكرى اخوكى اخدنى بعيالى ع محافظة تانية بعيد عن أمك ليه ولا محمد اخوكى اللى لما بيحصل بينهم مشاكل بيقبل بحكم من اهلها وميدخلش امك ليه عشان متزعليش منى يعنى امك خړابة بيوت واسألى محمود هو اصلا كان قلقان من يوم ما عرف انها جاية عندك وانا قعدت اقوله مستحيل دى بنتها والست غير الراجل بس بعد اللى حكتيه ده امك السبب ف المشاكل اللى بينك وبين جوزك
هند لحد كده وكفاية لو سمحتى انا مسمحلكيش تتكلمى عن امى كده ازاى جالك عين اصلا تقوليلى كده انتى فاكرة نفسك عندى هتبقى اغلى من امى!
منال لا طبعا وانا مش قصدى اكرهك فيها او اشيلك منها بس اعقليها انتى مين سبب المشاكل بينك وبين جوزك واشمعنا الخناقات دى محصلتش الا من يوم ما جات ع بيتكم
هند لو سمحتى يا منال اقفلى الحوار ده والاحسن مش تفتحى فيه تانى ده لو باقية ع الصداقه اللى بينا عن اذنك لازم اقفل وووو .
لو سمحتى يا منال اقفلى الحوار ده والاحسن مش تفتحى فيه تانى ده لو باقية ع الصداقه اللى بينا عن اذنك لازم اقفل
قفلت هند وهى متعصبة من كلام منال ع مامتها تعدى الايام والحالة بتزيد سوء بين عمرو وهند وطبعا السبب امها وف يوم كان عمرو بيتكلم ف الفون مع عميلة عنده بالبنك
تهانى هو جوزك بيكلم مين ده شكله بيكلم واحدة ست!
هند ايوة دى عميلة عنده بالبنك
تهانى والله وهو بيكلم عميلة ف البنك دلوقتى ليه! هو مش المفروض الشغل بيخلص الساعة ٣ مع خروج الموظفين
هند لا ي ماما هو مش محاسب عادى ده ماسك موضوع القروض وشغله ليه توابع عشان كده بيقعد يكلم العملاء عشان الفلوس والحسابات ع دماغه
تهانى وانتى زى الهبلة صدقتى كلامه
هند يعنى ايه يا ماما تقصدى ايه!
تهانى اقصد انها لعبة يا هبلة ورسمها عليكى عشان تشربيها وتصدقى دلوقتى بس عرفت هو بينزل من بدرى ومبيرجعش الا وش الفجر ليه ومفهمك انه مع اصحابه
هند لا طبعا يا ماما عمرو مستحيل يكدب عليا واغلب المكالمات دى بتكون ادامى وبكون سامعاها وهو لو بيقابلهم برة ده عشان يحصل الفلوس منهم
تهانى مش بقولك هبلة دى حجة فارغة هى مين دى يا اختى اللى جوزها ولا حد من اهلها يوافق انها تخرج تقابل موظف البنك الساعة ٩ بليل وليه ميكونش ف الشغل
ومرة اخرى نجحت تهانى ف ان الشك يتسلل لقلب هند من ناحية جوزها دخلت عليه الغرفة وقالت رايح فين!
عمرو باستغراب هنزل اقابل العميلة عشان اجيب فلوس القرض ما انتى عارفة
هند والله وليه متجيش البنك بكرة وتديك الفلوس هناك شغل ايه ده يا اخويا اللى بتقابل فيه العملاء بره انت مفكر نفسك رجل اعمال ورايح عشاء عمل
عمرو هو ف ايه يا هند مالك انتى من امتى وانتى بتكدبينى هى دى اول مرة! ما انتى بتكونى قاعدة وسامعة وانا بكلم العملاء وزمايلى بالشغل ومديرى كمان تفتكرى لو بعمل حاجة غلط هعملها قصادك!
هند ما يمكن اللى بتسمعه ليا ده كله كدب ومتفق عليها عشان تنيمنى وتخونى عادى
عمرو بهدوء عكس البركان اللى جواه طيب خلينى معاكى للاخر وانى بكدب ومتفق مع العميلة زمايلى ف الشغل ومديرى متفق معاهم هما كمان ما تعقلى الكلام قبل ما تقوليه
هند لا ده انت اللى ما صدقت واحدة هبلة وهتصدق كل الكلام اللى هتقوله وتعديه
عمرو بعصبية كفاية بقى انتى مبتزهقيش انا تعبت من كتر المشاكل والخناق حرام عليكى ليه كده اعملى حتى احترام لامك من امتى وانتى كده ايه اللى غيرك
هند بدموع شوفت بتتعصب عليا ازاى انا دلوقتى بس اتأكدت ان احساسى صح وانك فعلا بتخونى
عمرو لا دى بقت عيشة تقصر العمر انا هغور ف ستين داهية ومش راجع تانى لحد ما تعقلى
مشى عمرو وهو حزين من اللى بيحصل وتهانى ف قمة سعادتها ازاى ام تشوف بيت بنتها بيتخرب وتكون
---
كده فورا دخلت اوضتها ورنت ع عماد وبدون ما تاخد بالها سجلت المكالمة من اولها
عماد ايوة يا خالتى ها طمنينى فيه جديد!
تهانى اسمع ي عماد كده الصعب عدى فاضل تكة صغيرة والحدوتة تخلص بس محتاجة مساعدتك
عماد انت تؤمرى انا هعمل اى حاجة بس هند تكون ليا ف الاخر
تهانى اسمع عاوزاك تحجز اوضة ف فندق باسمك وتجيب واحدة من اياهم تقعد فيها بعد كده هتتصل ع عمرو وانت مغير صوتك وتقوله ان مراتك مع ابن خالتها ف فندق وبعدها بخمس دقايق تتصل ع هند تقولها جوزك بيخونك وبس كده الباقى انت عارفه
عماد بضحك ده ايه التفكير ده ابليس رفع القبعة احترام ليكى يا خالتى اعتبريه حصل سلام
بالفعل عمل عماد اللى خالته قالته وكلم عمرو اللى شاط من الڠضب وراح ع الفندق
عمرو لو سمحت فيه حد حاجز هنا باسم عماد انور!
الموظف ايوة بس هو مش موجود فيه واحدة فوق ف انتظاره
عمرو واتأكد من الكلام قال پغضب رقم الغرفة اللى فيها كام انطق
الموظف ٢٠٤ تالت دور اخر غرفة ع ايدك الشمال
طلع عمرو وكان عماد واقف قريب من الموظف ابتسم بخبث ولما جات هند وسألت لو سمحت فيه حجز هنا باسم عمرو المنسى
الموظف أيوة ي فندم موجود فوق ومعاه واحدة ف غرفة ٢٠٤ ف الدور التالت
طلعت هند وكان عمرو دخل ع الاوضة ع البنت ولما شافها بلبس بيتى اتوتر واعتذر جه يخرج شاف هند قصاده
هند بدموع دلوقتى بس انا اتأكدت انك واحد خاېن ملكش امان انا ازاى اتغشيت فيك كده!
عمرو پصدمة انت بتقولى ايه انا جيت هنا عشان حد قالى انك هنا مع عماد
هند بعصبية اخرس قطع لسانك انا اشرف منك بس الحق مش عليك الحق عليا انا اللى حبيتك ووثقت فيك
عمرو هند صدقينى فيه حاجة غلط اقسم بالله ما اعرف مين دى اصلا ادينى فرصة اشرحلك
هند مش عاوزة اسمع ولا كلمة كفاية انى شوفتك بعينى يا خاېن طلقنى
عمرو ايه! اطلقك! انتى ازاى قدرتى تقولى كده!
هند اومال انت مفكر انى هفضل ع ذمتك دقيقة واحدة بعد اللى شوفته انا دلوقتى فهمت انت ليه مكنتش عاوز تخلف منى
عمرو يا بنتى والله انتى فاهمة الموضوع غلط اسمعينى بس
هند مش هسمع حاجة قولتلك طلقنى
عمرو انا مش هطلقك انتى روحى ومحدش يقدر يعيش من غير روحه
هند بحزن كنت زمان بسمع كلامك واطير من الفرحة زى الطفلة اللى ابوها جاب ليها لعبة جديدة لكن دلوقتى انا فعلا ندمانة من كل قلبى انى حبيتك واتجوزتك
عمرو يعنى ايه!
هند بزعيق يعنى ورقتى توصلى ع بيت اهلى بهدوء ومن غير شوشرة وووو...
ـ يعنى ورقتى توصلى ع بيت اهلى بهدوء ومن غير شوشرة
عمرو: وانا مش هطلق يا هند مش هيحصل
هند: يبقى انت اللى جيبته لنفسك يا عمرو بيه
عمرو: ليه هتأجرى ناس تضربنى
هند: ليه انت مفكرنى واحدة همجية او زى الزبالة اللى انت تعرفهم انا هرفع عليك قضية خلع وهكسبها ومعايا دليل قوى ع خيانتك بس لان اهلى ربونى كويس وعارفة الاصول بقولك نخرج بالمعروف
سابته ومشيت لمت هدومها هى وامها ورجعت معاها ع البيت كانت رافضة اى محاولات نقاش من عمرو اللى حاول كتير يوصلها لكنها كانت بترفض جه محمود اللى كان حزين من قلبه ع حال اخته وجوزها
محمود: هند يا حبيبتى فكرى تانى انتى مصدقة ان عمرو ممكن يخونك!
هند بدموع وخنقة بكاء: لو كان حد قالى كنت كدبته لو كانت صورة او فيديو كنت قولت انه متفبرك بس انا شوفته بعينى يا محمود قلبى اتكسر نصين انا كنت سامعة صوتى قلبى جوايا وهو بيتكسر
محمود: اهدى يا حبيبتى عشان خاطرى بس انا من رأيى تقعدى معاه الاول واسمعيه
هند: لا يا محمود عشان خاطرى متضغطش عليا انا عارفة انه صاحبك لكن انا اختك وانت اكيد حاسس بيا
محمود: انا اللى متأكد منه ان فيه حاجة غلط بتحصل فيه حد بيحاول يخرب عليكم ونجح ف كده
هند: انت بتقول ايه ازاى يعنى؟!
محمود: عشان السؤال ده قولتلك اقعدى معاه واسمعيه يا هند عمرو قالى انه كان ف الشغل وجاله اتصال من شخص بيقوله مراتك مع ابن خالتها ف فندق وهو راح ع هناك وانتى قولتى ان جالك اتصال ان عمرو بيخونك ف فندق لما سألت عمرو الكلام كان امتى قالى الساعة ١ وصل هناك وربع وانتى وصلتى وتلت يعنى الحكاية متدبرة ولا انتى رأيك ايه!.
اتصدمت هند من كلام محمود وفضل ف دماغها جابت رقم الفندق واتصلت عليه وسألت اذا كان فيه حجز باسم عمرو المنسى ف اليوم ده والموظف اكد ليها مفيش حجز بالاسم ده فسألته طيب مين كان حاجز غرفة ٢٠٤ قالها شخص اسمه عماد انور وهنا اتأكدت ان فيه حاجة غلط وهى طالعة من الاوضة رايحة لامها سمعتها بتقول لعماد ف الفون: اطمن يا ولا هانت خلاص بكرة هيروحوا للمأذون ويطلقوا وبكده هند هتكون ليك انا وعدتك ووفيت بوعدى
اتصدمت هند كتمت شهقتها ودخلت ع اوضتها بسرعة وجات امها تتكلم معاها وكانت هند مصدومه فيها طلبت منها فونها تعمل مكالمة ولما دخلت لقت التسجيل بتاع الاتفاق دمعت بحزن وهى بتلعن نفسها الف مرة انها معطتش فرصة لعمرو يدافع عن نفسه
تانى يوم عند المأذون قال: يا جماعة ان ابغض الحلال عند الله الطلاق والشيطان بيكون سعيد جدا بخراب بيت المؤمن وتفريق الازواج لو هناك فرصة للصلح يبقى احسن
تهانى: للاسف يا فضيلة الشيخ مفيش داعى لان بنتى مصممة ع الطلاق
كان عمرو عيونه مدمعة ودخلت هند وقالت: ماما اتصلى ع محمد وعماد خليهم يجوا هما كمان
فرحت تهانى ان هند طلبت ان عماد يكون موجود وبالفعل وصلوا وعماد ف قمة سعادته ...محمد: انا مكنتش عاوز اجى مش حابب اشوف بيتك هيتخرب
هند: معليش يا محمد انا كنت محتاجة ان كل اخواتى والناس اللى بحبها تكون معايا
ابتسم عماد وقال: وانا معاكى وف ضهرك ف اى وقت وكل وقت
المأذون: ي ابنى انت موافق تطلقها
عمرو بدموع: والله لا انا بحبها اوى وعمرى ما خونتها اقسم بالله انا مظلوم
هند راحت ناحيته ورفعت وشه بايدها: اوعى تبكى او اشوف دموعك يا سيد الرجالة مين قال انى موافقة اننا نطلق! مين المجنونة اللى تفرط ف انيسها وونيسها سندها وضهرها حبها الاول والاخير
صدمة من الجميع بما فيهم عمرو ....محمد: انا مش فاهم حاجة اومال انتى جايبانا هنا ليه؟!
هند: جيبتك انت واخوك عشان اشهدكم ع امى اللى المفروض تكون اكتر حد بيحبنى وبيتمنى ليا السعادة طلعت هى اللى خططت انها تخرب بيتى وعشان ايه عشان تجوزنى لابن اختها
محمد بصدمة: انتى بتقولى ايه ازاى تقولى ع امك كده؟!
هند: انا بقول الحقيقة اللى كنت بكدبها المشاكل والخناق مدخلش بيتى الا من يوم امك ما جات ع بيتى وقعدت فيه وبدأت تدس الشكوك ف قلبى من ناحية جوزى وتخلينى اظن فيه الظن البطال ونجحت ف كده واخر المطاف اتفقت مع الاستاذ عماد ع الخطة الحقيرة دى عشان امسكه متلبس وهو برئ
تهانى بتوتر: انتى اتجننتى يا بت انتى جيبتى الكلام ده منين اكيد هو اللى اثر عليكى
هند: كفاية بقى يا شيخة حرام عليكى انتى لا يمكن تكونى ام ابدا فعلا منال مكدبتش لما قالت عنك خرابة بيوت ده انا سمعت مكالمتك مع المحروس بنفسى ومن ع فونك وسألت ف الفندق وطلع الحجز كان باسم الباشا ودفع للموظف عشان لما اجى اسأل يقول ان الحجز باسم عمرو
محمود: والله انا كنت حاسس بس كنت بكدب نفسى بس هستغرب ليه عملتها فيا قبلك وبسببها سيبت بيتى واصحابى وروحت ع مكان تانى بعيد عشان أءمن أذاها وانت نفسك يا محمد رفضت تعيش ف البيت بس كنت بقول مستحيل تعمل كده ف بنتها مفيش ام بتخرب ع بنتها بس كنت غلطان انتى ازاى كده؟!
تهانى بدموع: كان نفسى اخليها تتجوز عماد عشان تعيش مرتاحة ومبسوطة كان هيجيب ليها الحلو كله ويعيشها ملكة والدهب مزينها
محمد: وهى كانت اشتكت ليكى ولا شوفتيها ماشية بتشحت من هنا ومن هنا كلنا عارفين كويس ان عمرو راجل بجد ومكفى بيته وكفاية انه بيعامل بنتك بما يرضى الله كنتى هتعوزى ايه تانى اكتر من كده
محمود: غير كده فتح ليكى بيته واستقبلك ف مرضك ف الوقت اللى احنا ولادك معملنهاش تقومى تجازيه كده ليه يا امى ليه بتعملى كده؟!
محمد: الفلوس مش كل حاجة انك تلاقى شخص يحترمك ويحبك ويصونك ويعمل المستحيل عشان يسعدك هو ده الراجل اللى بجد وبنتك كانت حياتها مستقرة استفادتى ايه بالله عليكى
عمرو: خلاص ي رجالة كفاية لحد كده لوم هى مهما كان ست كبيرة وف مقام امى ومينفعش اجى عليها بس بعد اللى حصل ده متزعلوش منى انا مش هأمن انها تدخل بيتى تانى الا زيارات
محمد: عندك حق ومحدش هيقدر يلومك ف حاجة
هند: بالظبط كده اى حاجة تحتاجيها هجيلك اعملها ع عينى وراسى لكن بيتى لا وحتى لما اجيلك هيكون ف وجود اخواتى
راح عمرو ناحية عماد مسكته هند بس هو طمنها بنظرته ....عمرو: اما انت مش عاوز اشوفك تانى ف حياتنا لا من قريب ولا من بعيد
مشى عماد بدون ولا كلمة اما تهانى فحست بالندم الحقيقى ع اعمالها لما لقت نفسها لوحدها وخسرت حب واحترام جوز بنتها وزوجات ولادها وبعدوا عنها وهند وعمرو رجعت حياتهم زى الاول واحسن ورزقوا بمولود سموه زين
تمت
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺