رواية من قلبي بقول أه الحلقه الثانيه بقلم محمد منصور منص حصريه وجديده على مدونة أفكارنا
 |
رواية من قلبي بقول أه الحلقه الثانيه بقلم محمد منصور منص حصريه وجديده على مدونة أفكارنا
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وخرجت جثة امي من المستشفي وراحنا دفنا واكتر واحدة كانت زعلانه علي امي. خضرة مش عارفة اقول خالتي مش عارفة اخليها تطلع من بقي. ومش عارفة اوصف لكم قد اية صويت خالتي وعياطها كان جايب اخر الترب قال يعني مش هي اللي خلصت علي امي بالبطئ واتنصب الصوان ووقف ابويا ياخد عزاء امي وما كنتش عارفة هو زعلان بجد عليها ولا بيمثل زي خضرة. المهم خلص اليوم. وكل واحد راح لحاله وجه الليل واللي كانت لابسة اسود بقيت لبسة قميص نوم احمر ومكياج اية علي الاخر بصيت لها وانا مستغربه وهي بصت لي بمنتهي البجاحة وقالت
بتبصلي لية كدة يا بنت فوزية
ابتسمت من القرف وقولت
اصل اللي لابسة احمر دلوقتي قدام مني وحطة مكياج كانت من ساعتين بالظبط. لابسة اسود وبتجيب من الارض وتحط علي دماغها. قال يعني زعلانه علي موت اختها
خضرة
الله. مالك يا بت بتتكلمي معايا عوج كدة لية. انتي هتحسبيني. حزنت شوية وخلاص خلصنا. دة انا لسة عروسة برضو ويبقي فال اسود لما اقضي شهر العسل بالاسود
هنا ظهر ابويا عبد العاطي وقال
اية في اية
عيطت خضرة وقالت
تعالي شوف بنتك واللي بتقوله. نصبت لي المحكمة لية ولية. لبست قميص نوم. بنتك عايزاني اخش انام وانا لابسة الاسود
وبدات تخلي قميص النوم محزق علي جسمها بص لها ابويا اوي ورجع بص لي وقال وهو بيزعق لي
انا خلاص جبت اخري منك. اسمعيني كويس من الليلة دي خالتك في البيت دة هي ست البيت واللي عايزه تعمله هي حرة وانتي حسك عينك تزعليها بكلمة.
صابرين بصوت حزين
بقي كدة يا با. يبقي بيتي وبيت امي وهي،،،،،،،،،
عبد العاطي قال مقاطعه لها
خلصنا خشي علي اوضك
ودخلت اوضي وقفلت علي نفسي الباب وسمعت صوت ضحكهم ولا كان اللي ماتت دي كان ليها اي ذكري حلوة عند الاثنين. وفضلت اعيط وانا علي سريري وهنا سمعت صوت نقر علي باب اوضي مسحت دموعي وقومت افتح لقيت محمد ابن خالتي بيبص لي وبيقول
ما تزعليش يا صابرين. واوعي تعيطي.
بصيت له ولقيت الحنية كلها بقيت ديما من عند محمد وعديت الايام. وفي اول خميس ل امي روحت الترب ووقفت ادعي ل امي ووزعت علي روحها قرص وفاكهة من فلوسي اللي كنت محوشها ورجعت ولقيت خضرة واقفة قدامي زي الغراب. وبتقول
سايبة البيت يضرب يقلب وكنت فين
صابرين
انا معرفة ابويا ان خارجة الصبح
خضرة
وهو ماقاليش انك خارجة. ليكون ابوكي ناوي يخليكي هانم وانا اللي اعمل الطفح بتاعكم وكمان اروق الشقة
صابرين
وما تعمليش لية. ما انتي قبل ما تتجوزي ابويا كنتي انتي اللي بتعملي. اشمعني دلوقتي. ولا علشان خلاص وصلتي للي انتي عايزا
خضرة باستهزاء
طلع لك حس يا بنت فوزية. ما تيجي يا بت تاخديني قلمين
سكتت صابرين وقررت تسيبها ولسة هتمشي. وقفتها خضرة وقالت
هو انا خلصت كلام يا بت لما تسيبيني وتمشي
صابرين بعصبية
انتي عايزا اية ياخضرة
خضرة باستغراب
خضرة
صابرين
اة. خضرة. بحاول اقول خالتي لكني مش قادرة. ولو هيريحك انك تعرفي انا كنت فين ف النهاردة الخميس بتاع اختك فوزية فاكرة حد بالاسم دة. اشك انك اصلا تكوني اختها
وسابتها صابرين ومشيت وخضرة بتبص لها وهي غضبانه وبتقول
شوفو البت ماشي يا بنت فوزية وديني لربيكي من جديد طالما فوزية ما عرفتش تربيكي
وجة الليل. ولقيت ومن غير سبب ابويا داخل عليه اوضي وفي ايدة الحزام الجلد بتاعه وبيضرب فيا وطبعا انتم عرفتم اية اللي اتقال وازاي عرفت تسخنه عليه. وكفاية انها تلبس لابويا قميص النوم. وهو يبقي خدام وتحت رجليها ابويا اللي كان بيحبني بقي عادي عنده يضربني علشان يرضي خضرة. لكن ربنا قطع حنية ابويا عليه وحطها في محمد اللي كان ديما يهون عليه اي صعب بشوفو. تعرفوا اني ساعات بحب خضرة علشان بس كانت السبب في ان محمد يجي الدنيا. محمد هو في زي محمد دة خدني ووداني المولد وقعدنا نتفرج علي الارجوز اة والله وجاب لي ترمس وحمص وركبني المرجيحة رغم اني بخاف منها لكن مجرد بس اني ابص لمحمد انسي الخوف الواحدة مننا بتحب اوي اللي يبقي حنين عليها ومحمد حنين اوي.
وعديت الايام لا قولو عديت السنين وانا بكبر وبحلو وعيال خالتي التلاته بيكبروا. طبعا انتم ما تعرفوش من عيال خالتي غير محمد اللي حكيت لكم عنه. محمد كان عنده اخ كبير اسمه رياض. حتة من خالتي ربنا ياخده هو وهي. شغال سمكري عربيات. في ورشة صغيرة بتاعته وشغال معه في الورشة اصغر ولاد خالتي ودة كان من سني واسمه سمير. ودة عبيط او طيب زيادة عن اللزوم ويعتبر الدلدول بتاع رياض عرفتكم علي العيلة الكريمة. تعالو بقي احكي لكم مشهد هيقلب حياتي نهائي وهو يوم ما محمد نجح في الثانوي وكان نفسه يخش كلية الشرطة وقتها بقي انا كنت بنشر الغسيل علي كام حبل كدة في ظهر اوضة ابويا وسمعت خضرة بتقول ل ابويا بشخط
المصاريف المصاريف. انا بقول ابني هيدخل الشرطة يعني هيدخل الشرطة
عبد العاطي قال
يدخل يا ستي بس ما تزعليش نفسك. بس يدخل ازاي واحنا حالنا علي قدنا
خضرة
بيع حتة الارض ورثك من ابوك
عبد العاطي
لا. يا خضرة الارض دي انا شايلها لجوازة صابرين
خضرة
صابرين. كل حاجة ل صابرين ما هو صحيح محمد مش ابنك
عبد العاطي
مش قصدي يا خضرة. بس جواز البنات بيكلف والارض انا ما عايز اقرب منها علشان كدة
خضرة
وانت قولت تبيع الارض وتدخل ابني كلية الشرطة. زي ما هو عايز
عبد العاطي
مانشوف حل تاني غير اني ابيع الارض
خضرة
لا. هي الارض او اما تروح تنام في حضن بنتك انا مش ناقصة قرف
عبد العاطي
خلاص يا ستي ما تزعليش كدة. ابيع الارض وساعه جواز صابرين ربك يفرجها. هه رضيتي عني
ضحكت خضرة وقالت
طول ما انت بتسمع الكلام انا راضية عنك
استغربت حال ابويا ازاي بقي كدة. تكنش خضرة عرفت تجيب رجله بالسحر. بصراحة ما زعلتش اوي ان الارض هتتباع كفاية انها هتتباع علشان خاطر محمد يحقق اللي نفسه في. وتعدي الايام سريعة. ويدخل محمد كلية الشرطة. وبعدها بشهز يقع ابويا وهو في شغله من الدور الخامس وتحصل له اعاقة وبقي ديما علي السرير ما بيقدرش يتحرك وبدأ اللي يصرف علي البيت رياض اللي في يوم قال ل امه
اسمعي يا اما انا مش ملزم اكل واحد مكسح وكمان اجيب له علاج. انا قرفت
سمعت كدة اتعفرت ووقفت قدام رياض وقولت
المكسح اللي انت بتتكلم عنه دة. فتح لكم بيته من كام سنه واكلك وشربك انت وامك واخواتك
ضربني قلم عمري ما خد زية وقال
مبقاش الا انتي يا خدامه تعلي صوتك علي سيدك رياض
هنا وقف سمير قدام منه وقال
مش كدة يا رياض دي برضو بنت خالتك
رياض بجحود
خالتي وخالتك واتفرقوا الخالات.
وبص رياض ل امه وقال
اسمعي يا امه. الراجل دة انا هودي المستشفي وهناك بقي هما يتعاملو معه.
صابرين اللي بقها بيجيب دم
انتو اية عايزين تموتوا ابويا زي ما موتو امي.
وبصيت ل خضرة وقولت
قولي ل ابنك يلم نفسه ويبعد عن ابويا
خضرة بمنتهي قله الاصل
رياض دلوقتي راجل البيت واللي شايفة صح يعمله
سمع ابويا الكلام وبدأ يتعصب و قال بصعوبه
دي اخرتها يا ابن خضرة
رياض بص وقال ل خضرة
انا رايح اجيب عربيه انقله فيها
ندهه عليه ابويا وقتها روحت له جري وقولت له
متخافش يا با لو قرب منك هيكون بموته
لكن لقيت ابويا مسك ايدي وباسها وقال وهو بيعيط
حقك. عليه اللي بيحصل لي دلوقتي دة ذنبك وذنب امك
خده في حضني وقولت
ماتقولش كدة.
لكنه سكت سكات معروف سكات يقطع القلب سكات ما فيش بعد منه كلام يتقال غير. ادعو للميت بالرحمة.،،،،،،،
خلصت حلقة النهاردة اللي يارب تكون عجبتكم
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺