رواية من قلبي بقول آه الحلقه الثالثه بقلم محمد منصور حصريه وجديده على مدونة أفكارنا
 |
رواية من قلبي بقول آه الحلقه الثالثه بقلم محمد منصور حصريه وجديده على مدونة أفكارنا
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
بعد موت ابويا بسنة بالظبط لقيت ابن خالتي الصغير سمير بدأ يقرب مني وحنية مش عايزا اقولكم وكل حاجة نفسي فيها يجيبهالي من وراء خالتي واحلي فاكهة. وبدات اشك ماهي الحنية دي مستحيل تكون لله. او مثلا اكون صعبانه عليه. لازم يفهم انه ما ينفعش حتي يقرب مني دة انا بحب محمد ومحجوزة لي وانا وهو بنكبر علشان نكون لبعض. دة محمد هو اللي رحمك مني يا خضرة. حاولت كتير ابعد سمير بالطريقة قولت يعني بلاش احرجة افتكر اني بدلع وموافقة علي العلاقة دي راح جري لامه وقال لها
اما. انا عايز اتجوز
خضرة بعد ما ضحكت قالت
والله وكبرت يا سمير وبقي ليك في الجواز
سمير
ايوة كبرت ومن حقي يبقي عندي عروسة
خضرة
طالما بقي عايز تتجوز سايني اختار لك انا. اية رايك في نحمده بنت خالتك عواطف.
سمير
نحمده اية بس. دة واحنا صغيرين وساعه ما كنا بنلعب استغماية. كنا بنخش نستخبي في بوقها
ضحكت خضرة وقالت
حرام عليك يا سمير. هي صحيح بوقها كبير شوية بس والنبي قمر وبنت ناس طيبين
سمير
قمر. دة انا احلي منها.
خضرة
طيب اية رايك، ،،،،
قاطعها سمير وقال
اما. انا اخترت العروسة خلاص
خضرة
انت بتلاغي بنات الناس يا واد
سمير
ماهي مش غريبة عننا يا ما. وكمان دايبة فيا دوب
خضرة
هي مين دي
سمير
صابرين بنت خالتي
خضرة بعصبية
انت اتهبلت اكتر ما انت اهبل. عايز تتجوز خدامه
سمير
خدامه اية بس. دي صابرين صاحبة البيت دة
خضرة
انكتم قطع لسانك. واوعي تقول الكلمة دي تاني
سمير
مش دة بيتها وبيت ابوها. اية الغلط في اللي انا قولته
هنا ظهر رياض وقال
اية في اية. صوتكم عالي ليه علي الصبح
خضرة
كويس انك صحيت. تعالي اسمع اخوك بيقول اية.
سمير
بقول الحق. دة بيتها واحنا اللي قاعدين عندها
رياض بعصبية
بيت مين ياة.
سمير
بيت صابرين
رياض وهو بيمسك سمير من لايقة الجلبية اللي لابسها وقال بصوت يخوف
عارف يا اهبل لو سمعتك بتقول الكلام دة تاني. هعمل فيك اية
سمير بخوف
في اية. يا رياض يا خويا. انت هتضربني ولا اية
رياض وهو بيرفع ايدة
اضربك واكسر دماغك كمان.
سمير. وهو بيمسك ايد اخوه ويبوسها
لا. والنبي انت ايدك تقيلة.
رياض
اومال اية بقي حكاية ان البيت دة بيت صابرين
سمير
ما قصدش يا خويا. والنبي ما تزعل مني وخلي امي ترضي عني وتوافق تجوزني صابرين
ضحك رياض اوي وقال
هو انت يا اهبل تعرف تتجوز
سمير
اة يا خويا اعرف. بس انتم جوزوني صابرين
بص رياض ل خضرة وقال
ما تخلي يتجوزها
خضرة باعتراض
يتجوز خدامه
رياض
مش احسن ما يجي واحد ما برة يتجوزها وياخدها من عندنا وساعتها بقي شغل البيت هيبقي كله علي دماغك انتي
خضرة
يعني انت شايف كدة
رياض
دة عين العقل يا اما.
سمير
اة والنبي يا اما. دة عين العقل
كل دة بيدور وانا جوة في اوضي مش قادرة اصدق اني في يوم اتجوز واحد زي سمير ملهوش شخصية خيخة بيخاف من اخوة وهنا كان لازم اعرف محمد هو يجي يلحقني من ايديهم بس اعرفوا ازاي وقعد افكر وافتكرت ان محمد ساب لي عنوان كلية الشرطة اللي هو فيها روحت لبت. جارتنا واديتها العنوان وقولت لها تكتب جواب وتبعده للعنوان دة وفعلا حصل وبعتنا الجواب وكل اللي كتبته في العنوان.
★الحقني يا محمد عايزين يجوزوني اخوك سمير تعالي بسرعه قبل ما تقع الفاس في الراس★
وعدي اسبوع وما محمد ماجاش واتحججت باني تعبانه علشان الجوازة تتاجل وفعلا اجلوها اسبوع وفضلت اعيط وانا مش مصدقة ان محمد يتخلي عني ولا ممكن يكون ما وصلوش الجواب اصلا قولت لنفسي انا هفضل محتارة كدة انا هروح لغاية كلية الشرطة دي بس انا عمري ما نزلت. القاهرة مش مهم هتصرف ووصيت جارتي تيجي لخالتي وتقول لها انها محتاجني معها مشوار كدة لغاية القاهرة علشان هنجيب حاجات لجوازها. وفعلا وفقت خالتي وسافرت القاهرة وروحت عند كلية الشرطة وسالت علي محمد بعتوا شاب وطلبوا وشوفتوا في الدور التاني من مبني قدام مني وكان لابس بدلة البوليس لكن اول ما شافني ودي وشة الناحية التانية واختفي من قدامي قولت لنفسي اكيد بيلف علشان ينزل لي. لكنه ما نزلش وكان معايا جارتنا اللي قالت
شكله كدة بيهرب منك
بصت لها وانا عايزا اعيط بس ماسكة نفسي وقولت
مش محمد اللي يعمل معايا كدة. دة بيحبني
وعدي من قدام مننا الشاب اللي بعدنا ينادي محمد فبصت له وقولت.
يا. لو سمحت
بص لي وقال
نعم
صابرين
احنا بعتناك تنادي محمد مجاش معاك لية
قال بعد ما ارتبك للحظات وكان باين عليه بيكذب
محمد مش هنا.
اتصدمت وبصيت لجارتنا وفهمت الرساله. الجواب وصل ومحمد قرر يتخلي عني. ابن خضرة خد بعضي ورجعت للمنصورة وانا بقول لنفسي
اللي كنت برحمك بسببه غدر ومن النهاردة الحساب بقي ضعف يا خضرة. وهيرجع حق ابويا وامي منك. وحق قلبي من ابنك،،،،،،،،،،،،،،
ورجعت المنصورة واتجوزت سمير وخلصت الزفة واتقفل عليه باب الاوضة وبقي قدام مني سمير سلمت له جسمي ما انا مراته لكن قلبي وعقلي شغالين ازاي اخلص القديم والجديد. وبدات من تاني يوم لما خضرة خبطت علينا الساعه 7. ص. وقالت
انتي يا هانم. انتي يا برنسيسة. مش كفاية نوم بقي وتقومي تشوفي وراكي اية
قولت ببرود
يووووووووو. اية الوش اللي علي الصبح دة. بطلي صداع يا خضرة عايزا انام
خضرة وهي بتخبط بنرفزة
خضرة يا بنت فوزية. قومي يا بنت قامت قيامتك
صحيت سمير وانا بدلع عليه وببوسة بص لي وقال
صبحية مباركة يا قمر
قولت وانا بدلع عليه
القمر زعلانه. سامع امك بتعمل اية
كل الحوار دة بيدور وخضرة عماله تخبط فقال لها سمير
في اية يا اما. علي الصبح كدة رزع وخبط. دة احنا عرسان حتي
خضرة
وانا بقي مكتوب عليه ابقي الخدامه بتاعتكم
سمير
بتقولي لية بس. كدة يا اما.
خضرة
علشان الهانم اللي جنبك مش عايزا تخرج
صابرين بكيد
اخرج ازاي بس وابنك طول الليل معايا ما عرفناش ننام. مش انتي كنت عروسة برضو وبدل المرة اتنين ولا الدلع ماكنش علي ايامك. ولو حتي علي ايامك. هو انتي يعني كنت في حلاوتي
صابرين ل سمير
مش انا حلوة يا سمير
سمير
دة انتي قشطة معجونة بملبن.
وضحك سمير. وقال
يا ابيض انت
فضحكت صابرين بنفس الكيد فقالت خضرة بعصبية
عرفت تاكل بعقلك حلاوة يا عبيط يا ابو رياله
صابرين ل سمير
انت راجل وسيد الرجاله ما تخليش حد يقول لك يا عبيط تاني
سمير ل امه
انا مش. عبيط يا اما. انا راجل وسيد الرجاله
خضرة
كدة. طيب يا راجل لما يصحي اخوك يبقي يشوف لي معاك صرفه. طالما من ليلة واحدة بقيت شورتها
سمير ل صابرين
ماتقومي تشوفيها عايزا اية بلاش الحوار يوصل ل رياض
قولت له بدلع
امرك يا سيدي
وقومت من فوق السرير وهنا افتكرت خضرة كانت بتعمل اية مع ابويا ومسكت قميص النوم وخليته محزق عليه وسمير عمال يبص ليه وانا رايحة ناحية باب الاوضة ولسة بفتح الباب لقيته نط من فوق السرير ومسك ايدي وقال
يولع رياض. انتي مش هتخرجي من هنا. الا بمزاجي
ورجعنا تاني للسرير وهنا سمعنا صوت رياض الوحش بيقول
افتح يا خيخة.
قولت له زي اي شيطان
انت مش خيخة انت راجل واللي يقول لك غير كدة اكسر دماغه
بص سمير للباب وقال
انا مش خيخة يا رياض ولو قولت كدة تاني هكسر دماغك
صوت رياض
تكسر دماغ مين. ودين النبي ل اكسر انا دماغك
وكسر رياض باب الاوضة وبص ل سمير وهو ناوي علي الشر، ،،،،،،،،،،
تكملة الرواية حتى الفصل السابع من هنا
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺