رواية روحي فداكي الفصل الاول والثاني والثالث والرابع بقلم جين خالد حصريه وجديده وكامله جميع الفصول علي مدونة افكارنا
 |
رواية روحي فداكي الفصل الاول والثاني والثالث والرابع بقلم جين خالد حصريه وجديده وكامله جميع الفصول علي مدونة افكارنا
ياسمين بدموع و شايله ابنها و بتجرى على المستشفى.
ياسمين بسرعه. فى واحد عمل حادثه اسمه ياقوت هو فين
الاستقبال. اه يا فندم دا بين الحياه و الموت يا سعيد دخل المدام عند ياقوت
سعيد بحزن. حضرتك مدام ياسمين
ياسمين بحزن. اه
سعيد. الوضع مش مستقر خالص و هو بينادى عليكى من ساعه ما دخل المستشفى دى اوضته
ياسمين دخلت تجرى على اوضه
ياسمين بلهفه ودموع. ياقوت بلاش دلع و قوم بقا كدا تخضنى عليك يا عيون و قلب ياسمين
ياقوت بحب ظاهر. انا بحبك اوى يا ياسمين انت و ياسين ابنى انا خلاص حا ا ا سسس أنى انى ه هموت ا اروجوكى م م متوقفيش حياتك ب بعدى ا ا اتجوزى و عيشى سنك
ياسمين و بتعيط و بتحط أيدها على شفايفه. بس ايه ال انت بتقوله دا انت هتعيش و تربى ياسين انت عارف هو متعلق بيك ازاى
ياقوت و بيبص ل ابنه. ق قربيه عايز ابوسه و اشمه قبل ما اموت
ياسمين بدموع بتقرب ياسين من ياقوت
ياقوت بحزن. انا اسف يا ح حبيبى ب بس ق قضاء ر ربنا ف ف فوق كل شئ محمد بيه ا ابنى و مراتى ا امانه ف ر رقبتك ل يوم ا الدين و بص ل ياسمين
ب بحبك ا اوى ي ق قلب ياقوت
ا اش ه د ا ن ل لا اله الا الله و اشهد ان سيدنا محمد رسول الله
ياسمين صوتت و اغمى عليها
جرى يونس مسكها قبل ما تقع و محمد جرى اخد ياسين ال بيصرخ و كأنه فاهم أن والده توفى و هو فى سن الشباب
علقوا محاليل ل ياسمين و ياسين حطوه ف حضن أمه و نام
محمد بحزن. هنعمل ايه الراجل أمنى عليها و انا خلاص رجلى و القبر
يونس بلهفه. بعد الشر عليك يا بابا باين أنهم كانوا بيحبوا بعض اوى
محمد بحزن. فعلا من ساعه ما اتجوزوا و هو حاله اتقلب كان دايما ساكت و مش بيتكلم كتير لحد ما دخلت ياسمين حياته و بقا بيحب الضحك و الهزار بقا بيتظم ف الشغل و كان على وشك الترقيه ل مدير الحسابات و طلع من جيبه ظرف بص كنت حاطط المكافأه بتاعته ف جيبى و ترقيه بتاعته كمان كنت هروح اديهاله بنفسى و بدموع لكن دلوقتى هديها ل مراته انا حاسس ان انا السبب انا ال اتصلت عليه و قولتله تعالى خودنى علشان السواق طردته و انا بثق فيك يا بنى تعالى انت و جالى بسرعه و هو مبسوط أصله يتيم لما فتح عينه مكنش معاه حد
يونس و بيمسح دمعه فرت منه. ربنا يرحمه و يغفر له و يسامحه و متقلقش مكافاه بتاعته ل ابنه و كل شهر هبعتلها مرتب أزيد من ال كان ياقوت بياخده الضعف
محمد بسرعه. لا ياسمين مش كدا مش هترضى ياقوت دايما كان بيقولى أن نفسها عزيزه جدا دى ما كنتش بتاخد فلوس منه علشان مكسوفه هترضى تاخد منك انت
يونس بيبص اتجاها شافها بدءت تفوق. اه يا ياقوت ح حبيبى
يونس دخل يجرى عندها و محمد دخل
يونس مسك أيدها. انت كويسه أهدى
ياسمين بدءت الرؤيه تبان. ا انت م مين و و ياقوت ف فين
يونس و هو لسه ماسك أيدها. انا يونس ابن استاذ محمد ال كان شغال عنده ياقوت
ياسمين و بصيت على ايده ال ماسكه أيدها و سحبتها منه.
ياسمين بصوت مبحوح. عايزه اشوفه لل مره الاخيره ارجوك
يونس بحزن. حاضر جاب ليها كرسى متحرك جت علشان تقوم داخت
يونس شالها و حطها عليه
ياسمين بصتله بغل بس هى مش قادره حتى تتكلم
تتخانق محمد اخد ياسين و راح وراهم
ياسمين دخلت وشافت وشه منور زى البدر و ابتسامته جميله و هاديه و زبيبه الصلاه كأنها بتشع نور و ريحته الطيبه ماليه الاوضه
ياسمين بابتسامه و مسكت ايده. مطمنه عليك يا حبيبى طول عمرك بتحب الخير و بتحب تصلى بخشوع الحمدلله يارب رزقتنى بيه ف الدنيا خير الزوج و الاب الحمدلله يارب أرزقه الفردوس الاعلى يارب العالمين و باست ايده و سابته و هى ف قلبها كميه راحه نفسيه
يونس و محمد. ما شاء الله تبارك الرحمن
ياسمين و قامت من على الكرسى بابتسامه حزينه. ممكن نشوف إجراءات الدفن انا مليش حد و لا ياقوت ليه حد ممكن بس حضراتكم تساعدوني
يونس. انا هروح اشوف ايه الاجراءت
ياسمين. شكرا ل حضرتك و اخدت ابنها.
و بعد يومين ياقوت الدفن و رجعت ياسمين بيتها بعد ما اخدت عزاء جوزها و محمد و يونس معاها
الباب خبط عليها
قامت لبست إسدال الصلاه و طلعت. مين
يونس. انا يونس يا مدام ياسمين
ياسمين فتحت الباب و وقفت قدام الباب. خير يا استاذ يونس ف حاجه
يونس باحراج هنتكلم على الباب
ياسمين اتفضل ادخل على ما اخبط على جارتى تقعد معانا
يونس دخل. تمام
ياسمين جابت جارتها ام كريم
ام كريم. السلام عليكم يا بنى خير ف. حاجه
يونس بابتسامه. لا مفيش حاجه بس بابا بعتنى لان ياقوت كان هيترقى اليوم ال توفى فيه و كان ليه مكافأه و حبيت اسلمها ل مدام ياسمين
ياسمين بدموع. تعرف ان كان نفسه اوى ف الترقيه دى الحمدلله قدر الله و ما شاء فعل
يونس اتفضلى يا مدام
ياسمين. ممكن حضرتك تطلعها ل دار ايتام
ام كريم بشهقه. انت مجنونه يا بنتى انت ناسيه أن صاحب البيت عايز ايجار الشهر دا و دا راجل مش بيرحم احنا اول الشهر الجديد و ياقوت كان بيدفع اول واحد ليه متنسيش
ياسمين بابتسامه. متقلقيش ياقوت كان سايب فلوس و كأنه حاسس و قالى مكانهم علشان ادفع الايجار و بصت ل يونس. ممكن بس حضرتك تشوف لو حد ليه فلوس عند يونس تديهاله من المكافأة دى و الباقى ف دار ايتام
يونس باستغراب. معلش بس سؤال انت هتصرفى منين
ياسمين برضا. هنزل ادور على شغل ف اى مكان
ام كريم بشهقه. يا بنتى الارمله مش زى الانسه دا الناس مش بترحم حد دول ينهشوا فيكى
ياسمين بحزن. متخافيش عليا يا ام كريم انا هتقل عليكى بس الشهر دا هسيب ياسين عندك لحد ما اشوف شغل و بعد كدا هوديه حضانه
ام كريم بغضب. انت مش بتسمعى الكلام زى جوزك بظبط و ياسين دا حفيدى و حفيدى حضانه ايه ال خمس شهور يروحها لا طبعا هو معايا
يونس. احم طيب عايزه شغل عندى ليكى شغل كويس و مرتب كويس
ياسمين بمقاطعه. شكرا ل حضرتك انا هنزل ادور بنفسى
ام كريم بتداخل. ما تصبرى يا بنتى و شوفى هيقولك ايه
ياسمين. بس
ام كريم بمقاطعه. قول يا بنى ايه الشغل
يونس بابتسامه. انا سمعت انك كليه خدمه اجتماعيه هشغلك ف تخصصك ف الشركه عندى
ام كريم بمقاطعه. حلو دا انا موافقه
ياسمين بتبصلها و بتبرقلها
ام كريم بغضب. هتروحى ال نعرفه احسن من ال منعرفوش انت جوزك موصينى عليكى انت و ياسين و انا وحيده و انت وحيده و اعملى حسابك انا هقعد معاكى هنا بعد كدا و يلا يا بنى شوف و راك ايه اعمله
يونس بابتسامه و فرحه. ماشى يا ام كريم سلام و ساب الظرف و مشى
روحي فداكي
ياسمين بتجرى. يا استاذ يونس لوسمحت نسيت الظرف
ام كريم. يا بنتى هو نزل و اكيد مش سامعك و بعدين سيبى الظرف ليكى و ل ابنك دا حقك و حق ياسين
ياسمين بدموع. بس انا كنت عايزه اعمل حاجه ل ياقوت ف آخرته
ام كريم بدموع. ياقوت كان زينه الشباب بجد و شهم و جدع و اكيد هو ف مكان احسن من هنا بكتير
ياسمين و بتمسح دموعها. ان شاء الله ربنا يرحمه و يصبرنا على فراقه
بعد مرور ٦شهور
ياسمين نزلت الشغل مع يونس و محمد دايما مراقب تصرفات ابنه ال تغيرت من ساعه ما ياسمين نزلت الشغل
محمد بخبث. ايه يا يونس جاى بدرى اوى النهارده انا قولت بس قسم خدمه العملاء ال يبقوا هنا بدرى من الساعه ٧ و انت معادك ٩
يونس بتوتر. عادى يا بابا انا قولت اجى اساعدكوا
محمد بضحك. يونس بيه بتاع بلاد بره هيجى يساعدنا بنفسه دا كتير اوى علينا
يونس بغضب. فى ايه يا بابا كل شويه بتاع بلاد بره هو انا عملت ايه يعنى
محمد بابتسامه مستفزه. يعنى انت مش عارف كنت بتعمل ايه يا يونس
يونس بارتباك. لا
قطع كلامهم خبط الباب و دخول ياسمين مباشر
ياسمين باحراج. اسفه يا استاذ محمد مكنتش اعرف ان يونس عندك
محمد بحنيه. تعالى يا حبيبتى و قولتلك ١٠٠مره ماتقوليش استاذ قولى بابا على طول
ياسمين. حاضر دلوقتى فى شاب بره بيقول اسمه ادم الصاوى و عايز يقابل حضرتك
يونس بغضب. و انت ايه دخلك ب شغل السكرتاريه
ياسمين بصتله بزهول. حضرتك ناسى أن مفيش غير قسم الحسابات ال موجودين و بابا هو ال قالى اقعد ف قسم السكرتاريه حاليا
محمد. بس خلاص اهدوا دخليه
ادم الصاوى لمح واحده لابسه خمار احمر و عليه ادناء اسود و شكلها رقيقه جدا
ياسمين طلعت و ندهت عليه و هو مش مركز
ياسمين. استاذ ادم اتفضل
ادم و انتبه. اه حاضر
ادم دخل. اهلا وسهلا ب استاذ محمد ازيك يا يونس
يونس باستعجال. اهلا يا خويا
ادم باستغراب. مالك يا بنى
يونس. مفيش انا ماشى
ادم و بص لمحمد. ماله دا
محمد بابتسامه. سيبك منه و ركز معايا دلوقتى احنا هنضم الشركتين مع بعض و انا كبرت انت و يونس مع بعض بقا متنساش حلويات YG براند ماشى
فى الخارج.
يونس بيبص ل ياسمين بغيظ
ياسمين بصتله بزهول. مالك يا يونس بتبصلى كدا ليه
يونس بغضب. ادم لما كلمك قالك ايه
ياسمين. و لا حاجه قالى عايز ادخل ل مستر محمد و خلاص
جهاد بضحكه مكتومه و بتغمز ل ياسمين
ياسمين بصيتلها بغيظ و رجعت بصت ل يونس. على فكره يا يونس انت مكانك مش هنا و ياريت تروح شغلك
يونس بغضب. مش انت ال هتقوليلى انا قاعد هنا على قلبك يلا بقا
بعد مرور ٦ساعات
ياسمين موبايلها رن و كانت أم كريم
ياسمين بقلق. الو يا ام كريم فى حاجه ياسين فى حاجه
ام كريم. لا بس فى واحده هنا هى و ابنها و عايزين يشفوكى
ياسمين باستغراب. مين دى انا معرفش حد و لا ياقوت عنده حد
ام كريم بهمس. لا شكلها كدا عايزاكى ل ابنها ابنها شاب حلو لما تيجى
ياسمين بصدمه. لا طبعا لو الموضوع كدا مشيهم
ام كريم بشهقه. هو انت هتفضلى كدا مش هتتجوزى
ياسمين بتنهيده. لوسمحتى يا ام كريم بلاش نتكلم ل الموضوع دا انا من بعد ياقوت مش هتجوز نهائى
ام كريم بحزن. ماشى يا ياسمين بس لما تيجى و انا همشيهم
ياسمين بتنهيده حزن. سلام وقفلت و هى غافله عن تلك العيون التى تراقبها بغيظ
يونس بغضب مكتوم. عريس ايه دا و شافك فين
ياسمين باستغراب منه. معرفش والله شافنى فين
يونس بغضب. طيب و سابهم و م
خرج
جهاد بضحك. هههه مش قادره شكله بيغير عليكى اوى
ياسمين بغضب. بت اسكتى انا استحاله اتجوز من بعد ياقوت مفيش حد و
زييه اصلا
جهاد بتنهيده. بصى انت لسه صغيره ٢٢ سنه عندك طفل مكملش السنه ف حرام عليكى
ياسمين بدموع. لا مش حرام عليا ابنى هربيه هكون الام و الاب لكن جواز لا
جهاد بدموع . انا اسفه خلاص متعيطيش
ياسمين بصتلها و بتمسح دموعها. و انت بتعيطى ليه
جهاد و بتمسح دموعها. علشان انت بتعيطى
ياسمين ضحكت. بس انت صغيره اوى يا جهاد
جهاد بابتسامه. انا عندى ٢٢سنه يعنى زيك
ياسمين بمرح. بس ايه مفيش حد كدا و لا كدا
جهاد بضحك. لا ياختى مفيش انا مش بتاعت كدا اصلا و لا هفتح قلبى لحد ابدا حتى لو اتجوزت مش هثق فيه و لا حتى هحبه زياده عن الطبيعى
ياسمين باستغراب. ليه كدا هو فى احلى من الحب
جهاد بتنهيده حزن. لازم متعودش على حد و احب حد زياده عن اللزوم علشان متوجعش زى ما اتوجعت قبل كدا
ياسمين . يعنى كان فى حد قبل كدا
جهاد. لا بس كنت يعتبر واحده اختى و صحبتى و كل حاجه ليا و مره واحده قلبت عليا من غير سبب و بتقول عليا مش كويس خالص و من ساعتها و انا مش بثق ف حد
ادم دخل و قطع كلامهم. ايه هنقضيها رغى و مفيش شغل
جهاد بصتله باحراج و كذلك ياسمين. اسفين حضرتك
ادم بأمر. جهاد جيبيلى قهوه على مكتبى
جهاد. حاضر استاذ ادم
ادم دخل مكتبه
جهاد بتنهيده. اوف دا كان بيجى كدا على الطاير الشركه و كنت بترعب منه دلوقتى هيبقى موجود كل يوم من بعد ما جمعوا الشركتين
ياسمين. انت تعرفيه
جهاد. عز المعرفه يا ختى هروح اعمل القهوه احسن يخصملنا و مشيت
ياسمين ببعض الخوف . ربنا يستر
جهاد خبطت و دخلت بعد ما أذن لها ب الدخول. اتفضل استاذ ادم القهوه
ادم من غير ما يبيصلها. حطيها عندك
جهاد حطيتها على المكتب. عن اذنك
ادم من غير ما يرفع دماغه و بيبص عليها من فوق النضاره. انا قولتلك تمشى
جهاد بارتباك. لا
ادم. طيب اقعدى هنا لحد ما اقولك
جهاد قعدت و هى متوتره
عدى ساعه و هى زى ما هى
جهاد بتوتر و بتفرك ف أيدها. استاذ ادم ممكن أخرج
ادم بصلها و بص ل ساعه. خلاص كدا كدا هنمشى يلا
جهاد قامت وقفت و خرجت بسرعه
ادم بص عليها و هى خارجه. هتجننينى
يونس فضل رايح جاى ف مكتبه و مش طايق نفسه بص ف الساعه خلاص كدا هنروح و طلع على مكتب ياسمين
ياسمين بترتب الاوراق علشان تديها ل محمد قبل ما تمشى
محمد دخل عليها. ياسمين أجهزى النهارده علشان فى حفله علشان هنضم شركتين على بعض و هعين يونس مكانى و لازم تكونى موجوده
ياسمين. بس يا بابا مش عايزه احضر حفله و و
محمد. معلش يا بنتى بس لازم وجودك علشان انت ال هتعملى علاقات كويسه مع الناس متنسيش أن دا شغلك
جهاد دخلت المكتب
محمد بصلها. و انت يا جهاد هتجضرى الحفله و كمان ادم و يونس مكانى و انا هقعد ف البيت بس اسالوا عليا انا بعتبركم بناتى ماشى
جهاد بحزن. حاضر
ياسمين بحزن. حاضر يا بابا
دخل يونس و ادم.
يونس. يلا يا بابا
محمد بصلهم. رجليكم انتو الاتنين مش عايزها هنا تمام
ادم بصله و ابتسم
يونس. أن شاء الله
بليل ف حفله كبيره داخل دار ايتام بيتوزعها فيها كل ما لذ و طاب من الاكل و الحلويات و البس و كل دا تحت إشراف ياسمين ال مبسوطه و ابتسامتها مفرقتش وشها و هى شايفه فرحه الاطفال ب الحاجات
انس ل يونس. مين دى يا يونس
يونس بيبص ل بيبص عليه. دى جهاد ف قسم خدمه العملاء ف الشركه ليه
أنس. انا عارف جهاد انا بتكلم على ال جنبها
يونس بغضب مكتوم. و انت مالك بيها
انس. شكلها بنت ناس عايز اخطبها
يونس بغضب. انسى و مش هترضى بيك
انس بضحك. هنشوف
يونس سابه و مشى و هو متغاظ
انس راح ل ياسمين. عامله ايه
ياسمين من غير ما تبصله. الحمدلله
انس. انا انس صاحب يونس
ياسمين بصتله بابتسامه. اهلا بحضرتك
انس. ممكن رقم موبايلك علشان لو احتاجتك ف حاجه
ياسمين برفعه حاجب. هتحتاجنى ف ايه اظن لو ف الشغل مش هتحتاجنى انا ف حاجه عن اذنك
جهاد واقفه و بتضحك على منظر يونس و انس و ياسمين
ادم بصلها بطرف عينه و هى واقفه جنبه. بتضحكى على ايه
جهاد. احم لا ولا حاجه
ادم بصلها. قولى لما أسألك عن حاجه تردى
جهاد و بتكتم غيظها و ف سرها. واقف جنبى من ساعه ما جيت و مش عارفه اتحرك و كمان مش عايزنى اضحك ايه القرف دا شكلها ايام سودا داخلين عليها
ادم. هقول تانى مش بحب أقرر كلامى مرتين
جهاد بتنهيده. مفيش مبسوطه علشان الاولاد مبسوطين
ادم.طيب
انس لنفسه. بس عجبانى مش ههدى الا لما اخد ال عايزه و ارمله يعنى محدش هيعرف حاجه
يونس بصلها بحب ظاهر و وقف جنبها. بقولك اياك تمشى من جنبى
ياسمين. ليه
يونس. من غير ليه
ياسمين. لا همشى انا اصلا اتاخرت و اخدت بعضها و مشيت
انس مشى وراها و التاكس ال وقفته و ركبت بعد ما دخلت انس ركب هو كمان
ياسمين بصدمه. انت ايه جابك ورايا لوسمحت نزلنى اقف على جنب
انس طلع مسدس ف دماغ الراجل امشى على المكان ال هقولك عليه و عطالوا العنوان و انت تسكتى لحد ما نوصل
يونس بغضب ركب عربيته و مشى و رآه العربيه خصوصا لما شاف انس ركب معاها
انس و شد ياسمين من العربيه انزلى
❤️🌺🌹❤️🌺🌹❤️🌺🌹❤️🌺🌹❤️يونس نزل و شدها منه. انت عايز ايه يا انس
انس بضحك. تعالى انا جبتها اهو نتسلى بيها انا و انت
ياسمين بصتلهم بصدمه. يونس انت متفق معاه
يونس بغضب. متفق مع مين انت هبله و ضرب انس و مشى
جهاد شافت ادم مشغول عنها اتسحبت و ركبت تاكس و روحت
جهاد بتتصل ب ياسمين
ياسمين بصت للموبيل و مردتش و هى منهاره من العياط
يونس بغضب. انت بتعيطى ليه دلوقتى انا انقذتك منو
ياسمين بدموع. عايزه اروح
يونس وصلها و ياسمين نزلوا
ياسمين خبطت و إم كريم فتحت
ام كريم بشهقه. مالك يا بنتى ليه العياط دا كله
ياسمين اترمت ف حضنها
ام كريم بطبطب عليها ادخلى ادخلى
يونس دخل هو كمان
ام كريم جابتلها مايه
ام كريم. فى ايه يا بنى مالها ياسمين
يونس. انا عايز اتجوز ياسمين
ياسمين و ام كريم. ايه
روحي فداكي 3
يونس بغضب..هو ايه ال ايه انا عايز اتجوزك ايه الغلط ف ال قولته و لا عايزانى اسيبك و دا يبصلك و دا عايز ياخدك عافيه
ياسمين بغضب و دموع. انا عمرى ما اتجوز من بعد ياقوت انت فاهم
يونس بغضب. ياقوت مات بقالوا ٦ شهور و انت صغيره و عليكى الطمع بلاش تخسرينى انا خايف عليكى الناس وحشه و مش بترحم
ام كريم بتفهم. عنده حق يا بنتى لازم تتجوزى اسمعى منى و مش هتندمى
ياسمين بصتلها بحزن و دموع. لا جواز لا مش هتجوز من بعد ياقوت دا كان كل حاجه ليا دا انا عشقته مش حبيته بس
يونس بغضب و غيره. انا ماشى و اعملى حسابك ال قولت عليه هيتنفذ بمزاجك أو غصب عنك و سابهم و مشى
ياسمين فضلت تعيط
أم كريم. طيب ايه حصل لكل دا
ياسمين و حكت كل ال حصل
ام كريم بحزن. على عينى اقولك تتجوزى بعد ياقوت دا كان ابنى ال مخلفتوش بس مش هينفع يا ياسمين لازم تتجوزى انت صغيره و الطمع فيكى خصوصا انك ارمله
ياسمين بزعيق. ليه كدا كل حاجه ارمله ارمله ليه مالها الارمله ملهاش حق تعيش
ام كريم بدموع. ليها كل الحق تعمل ال هى عايزاه بس لازم توافقى يا بنتى و سابتها و دخلت المطبخ و قعدت تعيط معلش يا ضنايا انا بحبك أوى يا ياقوت و مراتك لازم تتجوز غيرك.يا ضنايا الناس مش بترحم
ادم بيدور على جهاد ملقهاش سأل عليها
بنت من الموجودين مشيت يا ادم بيه من بدرى
ادم اتصل عليها
جهاد بنوم. الو مين
ادم بغضب. انت ازاى تمشى لوحدك كدا
جهاد بنفس النوم. معلش المره الجايه يا بابا مش هعمل كدا تانى
ادم بغضب..هو انت روحتى
جهاد بنوم اكتر. اممم باى و قفلت و نامت
ادم بضحك. هههه شكلك هتغلبينى معاكى يا جوجو
تانى يوم
ياسمين بعيون وارمه من كتر العياط و قاعده ف المكتب
جهاد بصتلها. مالك يا ياسمين
ياسمين ببكاء و حكت ال حصل
جهاد بدموع. أهدى طيب و كله هيتحل و انا شايفه أن تتجوزيه و و اقولك فكره ق قوليله انك موافقه بس بشرط الجواز على ورق بس
ياسمين بتنهيده و حزن. كنت بفكر ف كدا
دخل ادم عليهم. جهاد عوزك ف المكتب و مشى من غير ما يسمع الرد
جهاد بغضب. بارد مستفز
ياسمين بابتسامه. روحى شوفيه يا ختى
جهاد بصتلها بغضب و مشيت و بتمسح دموعها
جهاد خبطت و دخلت. نعم استاذ ادم
ادم قام من مكانه بسرعه و بسرعه البرق كان عندها
جهاد بخضه و رجعت لورا. ه هو ف فى ا ايه
ادم بصله بتركيز. كنتى بتعيطى ليه
جهاد بصدمه. ها
ادم. مش بحب أعيد كلامى كنتى بتعيطى ليه
جهاد. م مفيش ع عادى حاجه دخلت ف عينى
ادم. المفروض كدا اصدقك صح
جهاد هزت راسها بمواقفه.
ادم. طيب ياسمين كانت بتعيط ليه
جهاد بتنهيده. حضرتك عايز تسألها اسالها لكن انا مش هقول حاجه
ادم برفعه حاجب. ماشى و مشيتى امبارح من غير ما تقوليلي و كلمتك و رديتى ب
جهاد بزهول و مبرقه. اتصلت عليا امته دا
ادم بخبث. كنتى نائمه و قولتى حاجات كتير
جهاد و بتفتح موبايلها و لقيته فعلا اتصل عليها و ردت
ادم و قعد بتسليه. اتاكدتى من ال قولته
جهاد بتوتر. هو انا قولت لحضرتك ايه
ادم بخبث. قولتى انك بتجبينى و بتعشقينى من زمان و بجديه مصطنعه. فى واحده محترمه تقول كدا ل مديرها ف الشغل
جهاد بخجل و هتعيط من كتر الاحراج. ا انا م معرفش و ا ا انا اصلا مش ب بحب حضرتك
ادم برفعه حاجب
جهاد بارتباك. اقصد يعنى حضرتك مديرى و كدا ف كأخ يعنى مش اكتر و انا ا اصلا مخطوبه
ادم بغضب. نعم يا رووح امك م مخطووبه ل لمين
جهاد بفزع. ها ا ا انا قولت مخطوبه انا بص حضرتك ناجى ف وقت تانى و جت تخرج
ادم بغضب. استنى عندك
جهاد وقفت و هى عطيالوا ضهرها. ن نعم
ادم بتنهيده و غضب و بيحاول يخلى صوته طبيعى. انت مخطوبه بجد
جهاد بدون تفكير. اه عن اذنك ورايا شغل و طلعت تجرى راحت مكتبها و شربت مايه
ياسمين باستغراب. مالك يا بنتى
جهاد بخوف. يا لهوى انا قولتلوا انى مخطوبه انا دبست نفسى طيب اعمل ايه اعمل ايه
ياسمين باستغراب. فهمينى
جهاد حكيتلها ال حصل
ياسمين و هى مبرقه. ها
جهاد بتنهيده. اعمل ايه خوفنى والله
يونس دخل . ها قررتى ايه
ياسمين. سلام قولا من رب رحيم مالك فى ايه
يونس. ردى كتب الكتاب امته
جهاد استأذنت طيب هطلع أنا اجيب حاجه من بره و خرجت
يونس قعد. ها
ياسمين. انا موافقه بس بشرط
يونس بغيظ. ها
ياسمين. جواز على ورق بس
يونس بصلها بابتسامه. يعنى ايه
ياسمين بغيظ. يعنى مش هتقرب منى
يونس ببرود. ايوا يعنى فهمينى يعنى ايه
ياسمين باستغراب. هو ال يعنى ايه
يونس ببرود اكتر. ما انا مش فاهم يعنى ايه مقربش منك يعنى مقربش منك من اى نوع بس عايز افهم
ياسمين بغيظ اكتر. يعنى مش هنكون زى اى زوجين طبيعيين
يونس بضحك. اكيد مش هنكون طبعيين اكيد هنتجنن احنا مجانين احنا الاتنين
ياسمين باستغراب. انا مجنونه
يونس و هو بيقرب منها. لما واحده تقول الكلام دا ل هيكتب كتب كتابوا عليها النهارده بليل اكيد مجنونه
جهزى نفسك علشان تروحى علشان تجهزى ل كتب الكتاب و اه ياسين هيجى معانا متقلقيش و سابها و مشى.
ياسمين باستغراب. ايه المجنون دا و اخدت بعضها و مشيت و هى دموعها مش عايزه تقف لحد ما وصلت قدام قبره
ياسمين ببكاء. ياقوت سيبتنى ليه انا بحبك اوى يا ياقوت بعشقك مش بحبك بس كدا تسيبنى و تمشى كدا سيبتنى ل الايام تمرمط فيا و تبهدلنى انا و ابننا مكنتش اعرف ان دا كله هيحصلى انت كنت سندى و امانى كنت وانا معاك مش خايفه من اى حاجه ب ب بس انا د دلوقتى خ خايفه خايفه من كل حاجه يا ياقوت نفسى اكون كل دا بحلم و يكون حلم طويل و رخم ياقوت انا مش عايزه اتجوز و والله مش عايزه اخونك ا انا بحبك انت مش هحب حد غيرك بس الناس مش رحمانى الناس بتبصلى بشفقه بتموتنى الناس بتبصلى و كأنى عملت جريمه خايفين على جوازتهم منى اعمل ايه كان لازم اخد القرار الصعب دا أن اتجوز سامحنى بس مش هخونك انا ليك و هفضل ل ياقوت و بس
و روحت بيتها و اخدت اخر حاجه كان ياقوت لبسها و حضنت ال تى شيرت و نامت و هى بتتمنى انها ما تقومش تانى
فى مكان بعيد
ياقوت. ياسمين ياسمين اصحى يا حبيبتى
ياسمين قامت و بتعيط. ياقوت انت هنا بجد ي يعنى كل دا حلم
ياقوت بحب و لابس ابيض ف ابيض و وشه بشوش و بيشع نور. انا هنا جنبك و شاور على ياسين انا سبتلك حته منى و منك كل ما تبصيلوا هتفتكرينى
بس عايز اطلب منك طلب
ياسمين و هى بتبكى. قول يا روحى يا حبيبى
ياقوت و بيملس على شعرها بحنان. اتجوزى و عيشى انت صغيره اوى يا ياسمين على البهدله علشان خاطرى دى وصيتى ليكى بصى يا ياسمين انا عمرى انتهى و انت لسه العمر قدامك بس ماتنسينيش
ياسمين قامت و هى عرقانه و سمع اصوات كتير. فتحت عيونها
و فتحت الباب شافت يونس ف ب شياكته و أناقته و كأنه هيتجوز بنت بنوت لسه مسحت دموعها و راحت تاخد شاور و تلبس .
ام كريم ببكاء. خلى بالك منها يا بنى
يونس بحب. متقلقيش
محمد. متقلقيش ياسمين ف عينا يا ام كريم يبقى يفكر يزعلها بس و انا هنفخه
ياسمين طلعت و هى الحزن باين على وشها
ام كريم بهمس. افردى وشك شويه
يونس بصلها بانبهار برغم لبسها البسيط و كان عباره عن چيبه و بلوزه ب اللون الابيض مع بياض بشرتها الناعمه و عيونه العسلى الفاتح جعلتها ملكه متوجه
يونس بحب و لنفسه. الوجه الزعلان دا بكره هيبقى اسعد وجه ف العالم كله
محمد. يلا يا شيخنا
و كتبوا الكتاب
بارك الله لكما و بارك عليكما و جمع بينكم فى خير
روحي فداكي ٤
ياسمين و ياسين راحوا مع يونس بيته
يونس و بيفتح باب الشقه. ادخلى برجلك اليمين يا عروسه
ياسمين بصتله بتوتر و ماسكه ابنها و دخلت. فين اوضتى انا و ياسين
يونس ابتسم و شاور على الاوضه دى بتاعت ياسين و شاور على اوضه تانيه و دى بتاعتنا و غمزلها
ياسمين بصتله بغضب و دخلت اوضه ياسين ال انبهرت بيها و هى مليانه العاب و لبس كتير ل ابنها نيمته على السرير و غيرت هدومها ل إسدال صلاه
بعد ساعه
يونس دخل الاوضه الاطفال لقها لابسه إسدال الصلاه و نايمه
يونس ضحك و باس راسها و باس ياسين و سابها و راح نام على الكنبه الانتريه
فى بيت جهاد
صلاح ابو جهاد. اتفضل يا بنى نورتنا
ادم بابتسامه. بنورك يا عمو انا جاى عاوز اطلب ايد الانسه جهاد للجواز
صلاح. فين اهلك طيب
ادم بحزن. انا يتيم ام و اب عملوا حادثه و توفوا كنت عايش مع عمى الفتره دى و علمنى و شغلنى معاه بس هو سافر ل شغل بره مصر بس مقدرتش استنى و قولت اجى و لو فى قبول أن شاء الله هجيبوا معايا المره الجايه
صلاح بتفهم. ربنا يرحمهم تمام ماشى ادينى فرصه اسأل عليك و هبلغك و دلوقتى هناديلك جهاد تقعد معاها و تشوف رأيها
ادم بابتسامه. ماشى يا عمو
صلاح دخل ل بنته. تعالى يا جهاد اقعدى مع العريس و شوفيه
جهاد خرجت و هى مكسوفه و قعدت
ادم بصلها بحب. عرفتى كام ورده ف السجاده
جهاد باستغراب من الصوت و لنفسها. معقول ال ف بالى لا اكيد بتخيل اكيد
ادم بابتسامه. يا انسه قولتيلى انك مخطوبه و طلعتى بتكذبى فى واحده مختمره تكذب
جهاد برقت و بصدمه. استاذ ادم
ادم بضحك. اه انا ايه مكنتيش تتوقعى صح انت بعد ما قولتيلى ف الموبيل أنك.بتحبينى قولت اكسب فيكى ثواب و اهو خد ال يحبك مش ال بتحبه
جهاد بغضب. انت انت بص انا لا
ادم بضحك على شكلها. أهدى بس و جمعى الكلام و بعدين اتكلمى
جهاد بغضب. انا مش موافقه و مش عايزه الشغل عندك و
ادم قرب منها و بابتسامه. حاضر مش هتشتغلى دا شئ اكيد رغم أن هخسر واحده مجتهده و شاطره بس ماشى ها و ايه تانى مش موافقه عليه
جهاد بغيظ. انا مش موافقه عليك انت
ادم بابتسامه. بس انت قولتى انك بتحبينى
جهاد بخجل و ارتباك. لا انا م ماقولتش
ادم بضحك. ههههه لا قولتى دى كلمه بحبك و بعشقك خرمت ودنى
جهاد بغيظ. استاذ ادم بعد اذنك انا مش موافقه
ادم و هو عايز يغيظها. بس أنا موافق
ادم لمح صلاح و هو جاى
ادم بسرعه. اه فى شغل بكره من بدرى لازم تيجى موافقه طبعا
جهاد بتنهيده. اه موافقه ه
صلاح دخل و ابتسم. شكله اقنعك بيه علشان كدا وافقتى
جهاد بصدمه. وافقت على ايه
ادم بتدخل. طبعا يا عمى هى تعرفنى لان مديرها ف الشغل و بعد اذن حضرتك بعد ما سمعت موافقتها أنا مش حابب انها تشتغل
وفاء بفرحه. و مالوا يا بنى متشغلهاش دى كل شويه يجيلها عريس و هى ماتوافقش و انت الوحيد ال وفقت عليك ف مش هنخسرك علشان الشغل
جهاد كل دا قاعده مصدومه و ساكته
صلاح. زى ما قولتلك هسأل عليك و هرد عليك
ادم بتفهم. ماشى يا عمو و انا هستنى رد حضرتك عن اذنكم
صلاح و وفاء. مع السلامه يا بنى
وفاء بفرحه. ها يا بنتى اخيرا وافقتى
جهاد بصدمه. ها
وفاء. انت مالك مبلمه كدا يا بنتى
جهاد بارتباك. و لا حاجه يا ماما انا هدخل نام تصبحوا على خير
جهاد دخلت و قعدت تفكر لحد ما عليها النوم و نامت
تانى يوم
ياسمين قامت اتوضت و صليت و طلعت دخلت المطبخ تجهز فطار بتحط الاكل على السفره شافت يونس نايم على الكنبه
ياسمين باستغراب. يونس يونس انت نايم هنا ليه
يونس و فتح عيونه بتعب. انا قولت مش هنام ف اوضه النوم من غير مراتى بس مراتى شريره سابتنى نايم على الكنبه و بيدلك رقبته اه يانى شكل كدا رقبتى هتبوظ الفتره الجايه دى
ياسمين بضحك. انت ال بتعمل كدا ف نفسك على العموم اتجوز واحده تانيه و نام ف الاوضه و انا مش هزعجك متقلقش
يونس بصلها بغيظ و سكت دخل هو كمان اتوضى و صلى و طلع لقاها مجهز الفطار
يونس بحب. تسلم ايدك يا جميل الواحد مكنش بيفطر قبل كدا
ياسمين اتكسفت و فضلت السكوت
يونس و هو بيبصلها. بس ايه الاسدال الجامد دا هياخد منك حته والله الواحد غيران منه لأنه بيلمس ال انا مش عارف المسه
ياسمين وشها احمر و فضلت تكح
يونس بضحك خبط على ضهرها براحه و عطاها مياه تشرب
ياسمين اخدت الكوبايه و شربت و بعدين بصتله. انت قليل الادب
يونس بضحك. الله قليل الادب ليه بس دا انت حتى مراتى
ياسمين بغيظ. احنا اتفقنا أنه على ورق
يونس بضحك. ههههه ضحكتينى على ورق ايه ال بتتكلمى عنه دا انسى يا حبيبى مفيش الكلام دا
ياسمين بدموع. و انا عمرى ما هسلم نفسى ليك انا ل ياقوت بس و هحافظ على نفسى لحد ما اموت
يونس بصلها بغضب. انا سيبك بمزاجى لكن ياقوت مات خلاص و انت بتاعتى كلك على بعضك بتاعتى انت فاهمه انا مش عايز اخدك غصب عنك كله بتراضى تمام و سابها و دخل الاوضه
ياسين بيعيط جامد من صوت الزعيق
ياسمين بدموع اخدته ف حضنها ة أكلته و قعدت تلعب معاه يمكن تنسى ال حصل مع ابنها
بعد عده ساعات
الباب خبط و كانت ام كريم
ياسمين فتحت
ام كريم. الف مبروك يا بنتى و بشهقه. ايه دا يا ياسمين
ياسمين باستغراب. فى ايه
ام كريم. انت كنتى بتصلى و لا انت لابسه كدا ف البيت
ياسمين بعدم فهم. اه لابسه الاسدال من امبارح مش فى راجل غريب ف البيت
ام كريم بصدمه. غريب دا جوزك يا بنتى انت هبله يا بت
يونس خرج و هو مدايق. قوليلها يا ام كريم أن كدا عيب
ام كريم بشفقه. يا عينى عليك يا بنى معلش هفهمها انا
يونس بيبعتلها بوسه
ام كريم ضحكت
يونس بحب. تشربى ايه يا ست الكل
ام كريم. اى حاجه يا بنى
يونس دخل المطبخ
ام كريم بصت ل ياسمين. انت مجنونه دا جوزك
ياسمين بعياط. انا بحب ياقوت مش هقدر والله ما هقدر
ام كريم بدموع. هو مات متظلميش نفسك و جوزك معاكى حرام تعرفى لما تمنعى جوزك عنك الملائكه بتلعنك حرام يا ياسمين يا بنتى انا زى امك و واجبى انصحك
ياسمين و بتمسح دموعها. سيبيها بظروفها ال ربنا عايزه هيكون
أم كريم. ماشى يا بنتى هقوم امشى انا
يونس. استنى العصير
ام كريم. مره تانيه قولت اجى اطمن اه صح كنت هنسى انا عايزه ياسين معايا
ياسمين. لا طبعا ابنى هيكون معايا
ام كريم. يا بنتى دا انت جمبك خطوتين و انت بتديله لبن صناعى هاكله متقلقيش هتخافى عليه منى
ياسمين بارتباك. لا والله بس مش عايزه اتعبك و مش هعرف اقعد من غيره
ام كريم. متقلقيش يومين بس و تعالى شوفيه كل شويه دا احنا جنب بعض دا انا ف العماره ال جنبك مش بعيد
ياسمين بقله حيله. ماشى يا ام كريم و دخلت تلبس ياسين
ام كريم بغمزه. اهو يومين يا يونس لين انت بقا دماغها
يونس بضحك. ربنا يقدرنى على دماغها الناشفه دى بدل ما اكسرهالها انا
الشخصيات
( يونس شاب وسيم شعر ناعم و عيون بنى غامق و دقن خفيفه طويل و ابيضانى
ادم نفس طول يونس شعر اسود و مش ناعم و عيونى بنى فاتح قمحاوى
ياسمين بيضا شعر ك الحرير بنى ف دهبى عيون عسلى طول متوسط و مقلبظه
جهاد بيضا شعرها اسود ك سواد الليل ناعم و عيون بنى فاتح و ذات جسد ممشوق )
أم كريم روحت
يونس قفل الباب و بص ل ياسمين البيت بقا فاضى يا روحى
ياسمين بصتله. عاوز ايه يعنى
يونس و شدها عنده قبل ما تجرى. عاوزك
ياسمين بخجل. يونس بعد اذنك
يونس بحب. مش قادر انا بحبك اوى يا ياسمين من اول يوم شوفتك فيه معرفش ايه حصلى و بيقرب نفسه من رقبتها و بشم ريحتها
ياسمين بدموع. يونس ل لوسمحت س سيبنى شويه استوعب ال بيحصل انا لسه متعلقه ب ياق
يونس و عض رقبتها قبل ما تكمل
ياسمين بوجع. ااه
يونس بغيظ و غضب. علشان تبقى تجيبى سيره اى راجل غيرى و شدها ل اوضه نومهم
ياسمين بدموع. انت هتعمل ايه
يونس شالها و نيمها على السرير و فك طرحه الاسدال. هنام
ياسمين. بس
يونس بغضب. قومى غير لبسك الجو حر و انا مش هقرب منك غير لما تكونى عايزانى
ياسمين بدموع. لا مش هينفع
يونس بغضب و صوت عالى. قومى بقولك بدل ما والله انا ال هعمل ال قولتلك تعمليه بنفسى
ياسمين قامت و لبست بيجامه بلون البينك و لما شعرها بتوكه
يونس شافها و مش قادر يبعد عينها عنها
ياسمين بخجل. ا احم
يونس بحب ظاهر تعالى يا ياسمين
ياسمين راحت قعدت جنبه
يونس مسك أيدها. مش هاجى جنبك بس بشرط تحاولى تنسى ال فات و نبدء من جديد
ياسمين. ب بس
يونس بمقاطعه. انا دلوقتى جوزك و بحبك و ليا حقوق و انت ليكى حقوق انا هديلك حقوقك بس انت ما تبخليش عليا ممكن حاولى علشان خاطر ربنا و بصى تعالى نبقى صحاب قبل اى حاجه موافقه
ياسمين براحه مع ابتسامه هاديه. موافقه
يونس بفرحه. اتفقنا و باس راسها
ياسمين بصدمه. انت عملت ايه
يونس بضحك. دى بوسه بريئه
و فضلوا يتكلموا و يضحكوا و يهزروا
فى الشركه جهاد دخلت لكن ال لقيت ال صدمها صدمه عمرها
جهاد بدموع. ا انت بتعمل ايه هنا يا زين
زين و ماسك ورد. انا بحبك يا ست البنات و هروح ل ابوكى و اطلب ايديكى بس قولت اعمل المفاجاه دى الاول ل روح قلب زين
ادم من وراه بهدوء مخيف. روح قلب زين و ست البنات كمان لا دا الحكايه كبيره بقا و .......
يتبع
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺