رواية في حماية صعيدي بقلمي اسراء ابراهيم الفصل الخامس حتى الفصل الحادي عشر والاخير حصريه وجديده وكامله جميع الفصول

رواية في حماية صعيدي  بقلمي اسراء ابراهيم الفصل الخامس حتى الفصل الحادي عشر والاخير حصريه وجديده وكامله جميع الفصول 

رواية في حماية صعيدي  بقلمي اسراء ابراهيم الفصل الخامس حتى الفصل الحادي عشر والاخير حصريه وجديده وكامله جميع الفصول 

اتفاجأت فريدة بصفاء وهي بتقرب منها وبتبصلها بغضب 

صفاء بحد٭ة/ اسمعي يا بت انتي ،،انتي من وجت ما منصور جالي انك هتبجي مرت ولدي واني مكنتش موافجة ولا لادد عليا الموضوع ده ،، لاني خابرة زين البنتة بتوع مصر عاملين كيف دول يسرجو الكحل من العين بس اني ولدي خط احمر فاهمة ولا لاه ؟

فريدة بخوف /طب وانا عملت ايه بس ،، انا ابنك بحاول ابعد عنه علي قد ما اقدر وفاهمة كويس انه اتجوزني عشان يحميني انا وابني مش اكتر 

صفاء بسخرية/ شوفي كهن البنتة ،، يا مري عليكم يا بتوع مصر محدش يعرف ياخد معاكم حج ولا باطل ،، اسمعي هما كلمتين وحطيهم حلجة في ودنك ،،اني بدر ولدي خط احمر ،، يعني هو اتچوزك لاجل خاطر عمه نبيل لا اكتر ولا اجل فانتي تهمليه لحاله لحد ما يخلص موالك مع الناس دي ووجتها تفارجينا  فاهمة ولا لاه ؟

فريدة بحزن / فاهمة وحاضر هنفذ كل اللي قولتي عليه بس مش خوف منك قد ما هو احترام لبدر لانه وافق يدافع عني وعن ابني وهو ملوش دخل بأي حاجة 

صفاء بشك / لو فاكرة انك هتاكلي عجلي بالكلمتين دول تبجي هبلة ومتعرفيش مين هي صفاء ،، واه حاچة اخيرة ،،مش معني ان ولدي اتچوزك لسبب معين ده يخليكي تفكري تلعبي بديلك ،، عشان اني اللي هجفلك فالزمي ادبك واعملي احترام للبيت اللي عايشة فيه وللراچل اللي اداكي اسمه ولما تبجي تغوري من اهنه ابجي ارچعي للجرف االي كنتي فيه ،، اظن حديتي واضح 

فريدة استغربت كلام صفاء ومكنتش فاهمة هي تقصد ايه بكلامها وكانت لسة هتسألها بس انتبهو هما الاتنين لصوت بدر اللي دخل عليهم 

بدر باستغراب / في حاچة ياما ؟،، مالك واجفة اكده كدة ليه ؟

صفاء بقصد وهي باصة لفريدة / مفيش يا ولدي ،،كان في كلمتين كنت بجولهم لمرتك وهي متعلمة وواعية لحديتي زين وعجلها في راسها تعرف خلاصها ،،فاهماني يا مرت ولدي ؟

فريدة بتردد/ اايوة 

صفاء بسخرية/ چدعة ياختي ،، اني نازلة يا بدر ومتنساش تبجي تيچي بدري من الشغل عشان خالتك وعيالها هيتغدو معانا وهما رايدين يشوفوك 

بدر بجدية / حاضر ياما 

خرجت صفاء وفريدة كانت بتراجع كلامها في مخها وبتحاول تفهم هي كانت بتلمح لايه بالظبط ووقتها انتبهت لبدر اللي اتجاهلها وقرب من الدولاب وكان بيطلع هدومه وكأنها مش موجودة ففهمت انه بسبب كلامها ليه امبارح هو زعل ومتجاهلها كدة فاضايقت اوي وكمان مكنتش عارفة تعمل ايه في موضوع الخروج لحد ما جتلها فكرة    

.....................

شد فارس ايديه بغضب من باسل اللي كان بيبصله بقوة 

باسل بته٭ديد صريح/ لو فكرت ترفع ايدك عليها مرة تانية صدقني هقطعهالك واعتقد علقة المرة اللي فاتت تخليك تتأكد اني اقدر اعملها واوعي تفتكر اني عشان مقولتش لعمي وبدر عن اللي حاولت تعمله فانت كدة خلعت ،، انا بس حبيت الحساب يكون بينا احنا الاتنين واوريك اني اقدر اعمل اللي ابوك مقدرش يعمله وهو انه يربيك كويس 

فارس بغضب مكتوم /االلي انت عملته فيا انا هردهولك بس في وقته اما بجي بمناسبة  اللي عملته فده كان برضاها وحتي لو هما عرفو تخيل لما اجولهم انها راحت معايا برجليها لحد هناك 

جميلة كانت واقفة ورا باسل وبتبص لفارس باحتقار وخوف من ان حد يسمع كلامه ويعرف باللي كان بينها وبينه فبحركة تلقائية منها تبتت في هدوم باسل بخوف        

باسل ببرود/ انت اجبن من انك تقول حاجة لانك متأكد انك حتي لو قولتلهم زي ما بتقول فده مش هيعفيك من الموت اللي هتشوفه علي ايدين بدر لما يعرف انك خنت ثقته وجيت علي شرف اخته 

فارس اتهز من جواه لانه عارف ان كلام باسل صح بس حاول ميبينش فرد بسخرية/ واضح يا جميلة انك لجيتي زبون جديد ،، عشان اكده كرفتيني ،، عموما ملحوجة بس انا بجي مش هخليه يتهني بيكي ،، سلام 

خرج فارس من البيت وساب جميلة مع باسل اللي نفض ايديها عنه بغضب ولف وشه وبصلها بقر٭ف 

باسل باحتقار/ انا مش متخيل ازاي بنت زيك اخوها بدر وابوها الحج منصور وتطلع بالاخلاق دي ،،حقيقي مش عارف 

جميلة عيطت اول ما باسل قالها كدة ومقدرتش ترد عليه فسابها ومشي بغضب وهيى بقت تعيط بحرقة وهي كر٭ها نفسها 

....................... 

كانت فريدة مستنية بدر يخرج من الحمام فكانت رايحة جاية قدام الحمام بتوتر وهي محضرة نفسها انها تتكلم معاه بخصوص كلامها بتاع امبارح فكانت خايفة يرفض يسمعها ،، فضلت تروح وتيجي وهي متوترة وسرحانة في افكارها ومخدتش بالها من بدر اللي خرج من الحمام وهو بينشف وشه ومش شايف قدامه فخبطو الاتنين في بعض واتفاجأت فريدة ببدر وهو محاوطها بايديه عشان متوقعش فكانت قريبة منه اوي ،، فضلو يبصو لبعض شوية بسرحان لحد ما انتبهت فريدة لنفسها فبعدت بخجل 

فريدة بلهفة / انا اسفة اوي ،،انا كنت ماشية ومش شايفة انك خرجت و 

بدر بجدية /محصلش حاچة ،،اني اللي مخدتش بالي  انك في وشي ،، بالاذن 

فريدة باندفاع/ بدر استني 

بدر غمض عنيه وهو مديها ضهره وبعدين رد بجمود/ نعم رايدة حاچة ؟

فريدة بتردد/ انا اسفة علي اللي قولتهولك امبارح ،،حقيقي مقصدش 

بدر بجمود/ متاخديش في بالك ،،اني اللي غلطان اني اتدخلت في خصوصياتك 

فريدة اتكلمت باندفاع قبل ما بدر يخرج من القوضة علطول / عشان خوفت تطلع زيه 

بدر لف وشه باستغراب/ مش فاهم ،، هو مين ده ؟ اطلع زي مين ؟

فريدة بتنهيدة كلها وجع/ انت يا بدر ،، كنت رافضة اتجوزك في الاول عشان خوفت لتطلع نسخة من نزار الله يسامحه 

بدر اضايق من جواه انها جابت سيرة جوزها بس فضوله انه يعرف هي تقصد ايه خلاه يتغاضي عن الموضوع ويبصلها بانتباه 

بدر باستغراب/كيف يعني خوفتي اطلع زيه ،، هو كان ماله ؟

فريدة بهروب / مش مهم المهم اني حبيت اعرفك ان في حجات في حياتي انت متعرفش حاجة عنها وفضلت اني افضل مخبياها لاني لما بفتكرها بتعب ،، اتمني متزعلش مني يا بدر وتقدر ظروفي 

بدر بتنهيدة/ تمام يا فريدة وانا مش هضغط عليكي وههملك لما تيچي تحكيلي بنفسك بس حابب افكرك انك لازمن تكوني جايلالي كل حاجة عشان اعرف اتعامل مع الناس دي واني فاهمهم 

فريدة بغموض/ اللي لازم تعرفه ان هشام مش سهل ،، ده اقذ٭ر انسان ممكن تقابله في حياتك ،، وممكن عشان يوصل لحاجة يعمل اللي ميخطرش علي بالك 

بدر كان مستغرب طريقة كلام فريدة عن هشام و كر٭هها ليه اللي ملوش تفسير لكن سكت وفضل انه ميضغطش عليها تتكلم 

بدر بهدوء/ طيب هجوم انا عشان ورايا شغل ولو احتچتي حاجة ابجي كلميني او شيعيلي حد من الغفر 

فريدة حركت راسها بطاعة وهي مقررة تنفذ خطتها في المعاد اللي اتفقت مع هشام عشان تقابله فيه ورغم انها مرعوبة احسن يعمل فيها حاجة،، بس لازم تعمل كدة    

.............................

بعد كام يوم تحت كانت واقفة جميلة قدام امها وبتتحايل عليها وصفاء قاعدة ببرود 

جميلة برجاء / ياما عشان خاطري هي ربع ساعة والله ما هتأخر ،،يدوب هسلم عليها بس وارچع علطول لانها هتسافر ومش هشوفها تاني الا بعد اربع سنين وانتي خابرة انها صحبتي الوحيدة 

صفاء ببرود/ واني جولت لا يا چميلة ،، انتي خابرة ابوكي واخوكي زين ولو جالهم خبر انك خرﺟتي لحالك هتبجي مشكلة واني مش ناجصة خناج بسببك 

جميلة باقناع / طيب بصي شيعي معايا عوض الغفير يوصلني واهو ياخد باله مني ايه رأيك ؟

صفاء ببرود/ عوض مع ابوكي من صباحية ربنا في الارض ومهيجوش دلوك ،،خلاص محبكش يعني تشوفي صحبتك دي ،،ابجي حدتيها  عالتلفون ده بتاعك 

جميلة ببرطمة / ياما اني زهجت من موضوع الحبسة دي وخلاص جربت اطفش بسبب اكده 

صفاء بصتلها بطرف عنيها بتحذير ومردتش فوطت جميلة باست ايديها وهي بتترجاها 

جميلة باصرار/ ابوس يدك ياما وافجي عشان خاطري ،، اعتبريه اخر طلب ليا ،، انا لازم اشوف سلمي لاخر مرة دي صاحبة عمري  

نبيل بابتسامة وهو داخل من باب البيت/ خير يا جميلة ،،مالك زعلانة ليه ؟

جميلة بحزن/ بجول لامي تخليني اروح لصحبتي اسلم عليها جبل ما تسافر مش راضية يا عمي 

صفاء بغضب / وه بتشتكيني يا بت ولا ايه عاد طب يمين بالله

نبيل وهو بيقاطع صفاء / من غير حلفان يا ام بدر ،، خليها تروح لصحبتها عشان خاطري انا لو ليا خاطر عندك 

صفاء باحراج/ خاطرك علي راسي يا حج نبيل بس مينفعش تخرج لحالها اكده الناس تجول ايه ؟

نبيل بابتسامة لصفاء وهو بيشاور علي باسل ابنه اللي لسة داخل من الباب / جيت في وقتك يا باسل ،،وصل بنت عمك عند صحبتها عشان متخرجش لوحدها ،،ها ايه رأيك يا ام بدر اهو كدة مفيش عذر بقي 

صفاء بضيق / عنديك حج ،، خلاص روحي ،، بس اوعاكي تتأخري عشان ولد عمك اكيد عنديه مصالح يعملها 

جميلة اتوترت وبصت لباسل اللي مردش بس كان باين عليه الضيق انه مضطر يوصلها 

جميلة بهدوء/ حاضر ياما ،، هطلع البس ومش هعوج نازلة علطول ،، ربنا يخليك ليا يا عمي 

نبيل بابتسامة وحب/ ويخليكي ليا يا بنت الغالي ،، يلا اطلعي بسرعة غيري وروحي

...........................

كانت واقفة فريدة قدام المراية وهي لابسة ومستعدة عشان تعمل اللي خططت ليه عشان تعرف تخرج من البيت لوحدها وتقابل هشام في المعاد اللي اتفقت معاه عليه فكانت خايفة اوي بس مجبرة تكمل للنهاية ،، خرجت من اوضتها ونزلت تحت بتردد بس اتوترت من نظرات صفاء اللي مركزة عليها وهي نازلة لحد ما قربت منهم 

صفاء بغموض/ علي فين اكده يا مرت ولدي ؟

فريدة بتوتر/ انا رايحة لبدر الشغل بتاعه عشان عاوزاه يجي معايا مشوار مهم بخصوص معاذ 

صفاء بشك/ وانتي فاكرة لما تروحي لولدي الشغل هيرحب بيكي ؟ ده مش بعيد يطلجك فيها ،، خليكي لما يچي وابجي جوليله ويوديكي مكان ما انتي رايدة لكن خروج لوحدك مهينفعش 

فريدة باصرار/ بدر مش هيتكلم انا متأكدة لانه عارف اني مش من بلدكم هنا ومعرفش عوايدكم ،، عموما انا هروحله برضه 

صفاء بغموض / خلاص نحدته في التلفون ونجوله ولو وافج روحيله

فريدة باندفاع/ لا طبعا ،، اقصد جايز مشغول ولا حاجة ليه نعطله انا هروح ولو مش فاضي هرجع تاني عادي او ممكن اخد بابا معايا 

صفاء بسخرية/ ابوكي راح لعمك منصور الارض ،، عموما الباب جدامك بس افتكري حديتي زين وعجلك في راسك تعرفي خلاصك واعرفي انك انتي اللي اختارتي 

فريدة خافت من كلام صفاء وحست ان كأنها عارفة انها رايحة تقابل هشام بس نفضت الفكرة من دماغها واخدت بعضيها ومشيت وصفاء وقتها نفخت بغيظ وهي بتتوعد لفريدة وبعدين مسكت تليفونها وطلبت بدر   

........................

كان ماشي باسل جمب جميلة اللي محرجة منه لانها عارفة انه رايح معاها غصب عنه وانه بيكر٭ها من ساعت اللي حصل وشايفها مش كويسة فكانت مترددة تتكلم معاه لحد ما شجعت نفسها 

جميلة بهدوء/ باسل لو عاوز تمشي انت امشي وانا مش هقولهم انك سبتني ومشيت 

باسل بسخرية/ عشان يخلالك الجو مع اللي نازلة تقابليه مش كدة ،، ايه اتفاجأتي ،، فاكراني مش فاهم انك لا رايحة لصحبتك ولا حاجة وانك كنتي نازلة تقابلي اللي عرفتيه جديد  ،، ماهو ده شئ متوقع منك 

جميلة اتفاجأت بكلام باسل ليها وكانت بتسمعه والدموع في عنيها لحد ما  

البارت السادس

في حماية صعيدي 

فجأة جميلة شافت شاب ويبقي صاحب فارس وهي عارفاه كويس شافته جاي بسرعة ناحية باسل وفي ايده مطو٭ة فشهقت بخوف وبحركة تلقائية منها زقت باسل ووقفت مكانه في نفس الوقت اللي كان الشاب ده بيمد ايديه عشان يضر٭ب باسل بس اتفاجأ بجميلة قدامه وهي اللي اخدت الضر٭بة فخاف وجري اول ما شاف د٭مها وكل ده باسل مصدوم ومش متخيل اللي حصل في لمح البصر فلحق جميلة بسرعة قبل ما تقع وهو بينطق اسمها بلهفة وهي تبتت فيه بايد واحدة والتانية حطاها علي بطنها مكان الضر٭بة 

جميلة بتعب/ اني مش رخيصة يا باسل صدجني 

قالت جميلة كلامها ووقعت بين ايديه فشالها هو وجري بيها وقلبه مقبوض عليها 

.........................

بدر وهو بيرد عالتيلفون/ خير ياما ،،في حاچة ولا ايه ؟ مش بعادتك تحدتيني واني في الشغل 

صفاء بغموض / هو سؤال واحد وترد عليا يا بدر ،، واثج في امك ولا لاه ؟ 

بدر بتأكيد/ وه لازمته ايه الحديت ده ياما عاد ،،طبعا واثج فيكي 

صفاء بجدية/ مرتك خرچت من شوية وجالت انها رايحالك لاجل ما تروح معاها مشوار واني خابرة انها كدابة ورايدة تخرج لحالها 

بدر بغضب/ وكيف تهمليها تخرج ياما وتچيلي اهنه وسط العمال والناس ،، مخلتيهاش تحدتني ليه جبل ما تخرج ؟

صفاء بقصد /انت شكلك مفهمتش حديتي زين يا بدر ،، انا بجولك ان مرتك مش چيالك ولا حاچة ،،هي جالتلي اكده لاجل ما تخرج لحالها 

بدر بتردد/ كيف يعني ياما ،، وهي هتكدب ليه بس ،، تلاجيها فعلا چيالي ،، متنسيش انها متعرفش عوايدنا اهنه وانها مينفعش تخرج لحالها ،،لما تجيلي اني هجولها وافهمها 

صفاء بغضب بعد ما اتأكدت ان بدر في مشاعر في قلبه ناحية فريدة / انت لسة بتبررلها يا ولد بطني ،، اني سمعتها بودني وهي بتحدت عشيجها في التلفون وهو بيفكرها هه بأيامهم سوا 

بدر بغضب مكتوم/ انتي بتجولي ايه ياما ؟ سمعتيها كيف وميتي ؟

صفاء بغضب /من كام يوم  ،، كنت طالعة اصحيك وفاكراك في اوضتك وسمعتها بتحدت  اللي اسمه هشام ده وبتعاتبه علي ايامهم اللي كانت جبل اكده وبتتفج معاه تجابله ،، اني من الاول جولت ان البت دي مهياش زينة ووراها انة والدليل علي حديتي انها هتجابله الليلة ومش رايحالك كيف ما جالت لانها متعرفش اصلا مكان المحجر 

بدر كان زي القنبلة الموقوتة عنيه حمرا من الغضب بعد ما سمع كلام امه وجه في باله وقتها الكلام اللي دار بينه وبين فريدة وكر٭هها لهشام اللي ملوش مبرر ورفضت تقوله علي سببه 

بدر بجمود/ اجفلي ياما ولما ترچع حدتيني جوليلي 

قفل بدر وقام بسرعة وهو مقرر يعرف هي راحت فين وهتقابل هشام فعلا ولا لا 

.......................

دخل باسل المستشفي بيجري وهو شايل جميلة وبينده بلهفة علي الدكاترة وفعلا اخدوها منه وفضل متابعها بعنيه لحد ما دخلت اوضة العمليات وكان هيتجنن ومش مصدق ان  فجأة يحصل كل ده وتختفي جميلة من حياته ،، رغم موقفه منها بس للاسف مش قادر يكر٭هها والاغرب انها تفديه بنفسها ،، وكله كوم وجملتها اللي بتتردد  في ودنه وهي بتقوله انها مش ر٭خيصة مخلياه حاسس بالذنب اووي ،، انتبه لنفسه فطلع التليفون بسرعة وهو بيطلب رقم بدر اللي رد بجمود وهو سايق عربيته 

بدر بجمود/ خير يا باسل في ايه ؟

باسل بجدية/ تعالالي يابدر المستشفي بتاعة البلد بسرعة ،،جميلة حصلت ليها حادثة 

بدر برق بصدمة/ ايه ،،امتي ده حوصل ،، انا چاي حالا اجفل 

غير بدر مسار عربيته وجري بسرعة علي المستشفي وهو قلبه مقبوض علي اخته الوحيدة اللي ببحبها وبيخاف عليها اوي وبيعاملها كانها بنته 

واول ما وصل دخل المستشفي وهو بيجري لحد ما لقي باسل بقرب منه بلهفة 

بدر بلهفة / اايه اللي حوصل ومالها چميلة انطج 

باسل بحزن / جميلة فادتني بنفسها يا بدر ،، طلع علينا حرامي وشكله كان عاوز يثبتنا وانا وقفتله بس هو طلع مطوة وجه يض٭ربني جميلة لقيتها وقفت قدامي فجأة وحصل اللي حصل والحرامي هرب 

بدر بغضب / ومين اللي يستجري ويعمل اكدة في خيتي ،، 

باسل بحيرة / هو اكيد ميعرفش انها اختك ،، هو كان قصده يسرقنا 

بدر باستفهام/ وانت كنت معاها ورايحين فين ؟

باسل بجدية/ جميلة كانت رايحة لصحبتها ومامتك مكنتش موافقة بس بابا اتدخل وطلب مني اوصلها وخرجنا وحصل اللي حصل 

قبض بدر علي ايديه بغضب وهو بيفكر مين اللي يفكر يأ٭ذي حد من اهله وفضلو هما الاتنين واقفين لحد ما خرج الدكتور بعد حوالي ساعتين فجريو عليه بلهفة بدر وباسل  

بدر بجدية/ خير يا دكتور طمني علي خيتي 

الدكتور ببشاشة / متقلقش يا بدر بيه ،،اخت حضرتك هتبقي كويسة ،،الجر٭ح مكنش عميق ازي وقدرنا نوقف النزيف وهي شوية وهتخرج بس للاسف مفيش زيارة انهاردة لحد ما نطمن عليها بعد اذنك 

اخد باسل نفسه وقتها اول ما اطمن علي جميلة وبدر بصله بغموض  

بدر بجدية/ اني هروح ابلغ ابوي وعمي باللي حصل وهبعتهوملك وانت خليك اهنه چارها ولو في اي حاچة حدتني في التلفون 

باسل براحة/ متقلقش يا بدر انا جمبها 

خرج بدر وهو بيفكر هيعمل ازاي يعرف مين اللي عمل كدة في اخته وانه مش هيسيب حقها ابدا مهما حصل وهيندم اللي فكر يأ٭ذيها علي اللي عمله بس انتبه فجأة لصوت تليفونه  فرد بجمود

...........................

دخلت فريدة الكافيه اللي بعيد عن البلد بكتير اوي وكانت متوترة وخايفة اوي بس حاولت متبينش خوفها وشافت هشام قاعد مستنيها وعلي وشه ابتسامته اللي بتكر٭ها فبصتله باشمئزاز وهي بتقرب عليه 

فريدة بقرف وهي بتقعد/ ها ،،اتفضل قول اللي عندك لاني معنديش وقت 

هشام ببرود/ طب حتي سلمي الاول ،،ده مكنش عيش وملح اللي بينا 

فريدة بغضب / احنا مكنش في بينا غير الكر٭ه والقر٭ف يا هشام فياريت تدخل في الموضوع علطول 

هشام بهدوء غريب / تمام ،، هو طلب واحد ويا تنفذيه يا تقري الفاتحة علي جوزك رقم اتنين  

فريدة بغضب / انت ملكش اي طلبات ولا شروط لاني مش مجبرة انفذ وبدر يعرف كويس اوي يحمي نفسه منك ومن امثالك 

هشام بسخرية/ انتي لو متأكدة فعلا انه يعرف يحمي نفسه منه ومش خايفة عليه مكنتيش جيتي انهاردة تقابليني يا فريدة فبلاش تعملي فيها جامدة لاني عارف انك من جواكي مرعوبة 

فريدة باندفاع / انت عاوز ايه بالظبط مني ،، مش سبتلك ورثي في اخوك ،، مفيش غير فلوس ابني ودي مش هقدر اتنازل عنها لانها ملكه هو 

هشام بتوهان هو بيلمس وش فريدة / عاوزك يا فريدة وانتي متأكدة اني مش محتاج لفلوس اخويا واني عندي اكتر منها بكتير بس انا عوزك انتي لانك المفروض تكوني بتاعتي انا مش هو ،،هو اللي اخدك مني زمان ولا نسيتي 

فريدة بقرف وهي بتزق ايد هشام بغضب / وانت لو اخر راجل في الدنيا انا لا يمكن هتجوزك واخليك تقربلي ،، لو فاكر ان بدر زي رائد تبقي غلطان لانك متعرفش بدر ونصيحة مني يا هشام ،، ابعد عني لأن بدر لو عرف بس انك  كلمتني في التليفون ممكن يقت٭لك فيها فانساني وشيلني من دماغك لاني عمري ما هكون ليك 

قالت فريدة كلامها وقامت عشان تمشي واول ما لفت ومشيت خطوتين اتفاجأت بكلام هشام اللي خلاها تقف مكانها 

هشام بابتسامة / تفتكري هيبقي رد فعل الفارس بتاعك لو وصلو صور لمراته وهي قاعدة مع اخو جوزها الاولاني  اللي قابلته من وراه 

لفت فريدة وبصت لهشام بخوف فشاورلها علي واحد من رجالته واقف بعيد ومعاه كاميرا فقلبها اتقبض وفهمت ان دي كانت لعبة قذرة منه عشان يوقعها ويخليها غصب عنها تسمع كلامه خوفا من بدر 

فريدة باحتقار /انت انسان حقير  

هشام ببرود/ وزودي عليهم اني مبسيبش حقي وانتي حقي يا فريدة ،، بكرة تبقي عندي في ڤيلتي والا صورك الحلوة معايا هتبقي عند جوزك ومعاه جواب صغير عن علاقتك بيا ايام جوازك من رائد 

فريدة كانت بتبصله بصدمة واحتقار وسابته ومشيت بغضب وهي مش عارفة ازاي وقعت في الفخ بتاعه بالسهولة دي واول ما خرجت شافت بدر بيفرمل بعربيته قدامها وبيبصلها بغضب فقلبها اتقبض وهي بصاله بخوف

........................

صفاء بلهفة / يا مري ،،بنتي چميلة حصلها حادثة ،،ايه اللي چري 

نبيل بهدوء/ اهدي يا ام بدر ،،هي كويسة دلوقتي وبدر طمني عليها ،، يلا اطلعي البسي عشةن نروحلها 

منصور بقلق/ ربنا بستر ،،دي بتي الوحيدة يا نبيل ،،لو چرالها حاچة هروح فيها 

نبيل بحنية/ متقلقش يا خويا ،،ان شاء الله هتبقي زي الفل وهتتجوز وتشيل عيالها كمان ،، يلا احنا نسبق عالعربية علي ما ام بدر تنزل 

في نفس الوقت كان داخل باسل اوضة جميلة في المستشفى بعد ما اتحايل علي الممرضة واداها فلوس عشان ترضي تخليه يشوفها ،، شافها نايمة عالسرير وهي مش حاسة بأي حاجة فقرب منها وقعد جمبها وهو باصص ليها بندم علب معاملته القاسية ليها 

باسل بندم/ انا اسف يا جميلة 

،، صدقيني اسف علي معاملتي ليكي ،، انا بس كنت عاوزك تفوقي من الوهم اللي انتي فيه ،، بس نفسي اعرف ليه رغم معاملتي ليكي انقذتيني مع انك كان ممكن تسيبيني اموت ،، ليه تعملي كدة يا جميلة ،،ليه تخليني اعيش بذنبك 

كان بيتكلم باسل وهو ماسك ايد جميلة فاتفاجئ بيها بتشد علي ايديه بتعب فبصلها بلهفة لاقاها مفتحة عنيها بس مش فايقة اوي 

جميلة بتعب / باسل ،،انت فعلا هنا ؟انا اسفة اوي 

باسل بلهفة/ جميلة متقوليش كدة ،،انا اللي اسف ،،انا السبب في كل اللي انتي فيه 

جميلة راحت في النوم من تاني ففهم باسل ان البنج مأثر عليها ووقتها اتنهد بحزن وهو مقرر يغير معاملته معاها تماما ويعتذر منها علي معاملته ليها قبل كدة 

..........................

كان سايق بدر بغضب وفريدة جمبه وكانت بتبصله بخوف وبتفتكر لما دخل المطعم ودور فيه حتة حتة وملقاش حد فيه وكأنه كان عارف انها جاية تقابل هشام ولما خرج دخلها العربية من غير ما ينطق بحرف ،، كانت من جواها متأكدة ان بدر مش هيسيبها الا لما يعرف كانت هنا ليه وبتقابل مين فكانت مرعوبة اوي من رد فعله 

فريدة بخوف / بدر انا كنت جاية عشان 

بدر بغضب ونبرة صوت قوية / اخرررسي لحد ما نروح ،،مش عاوز اسمع صوتك ،، فاااهمة 

فريدة بدموع/ طب اسمعني يا بدر لو سمحت وبعدين قرر انا عارفة اني غلطت لما خرجت من غير ما اقولك بس 

بدر بغضب اكبر / انا مفيش حد جدر يستغفلني ويكس٭ر كلامي ولا يحسسني اني مش راجل ،،انتي الوحيدة اللي عملتي اكده ،، فاكراني مش هعرف انك خرجتي تجابلي عشيقك ولا انك كنت علي علاقة بهشام ؟

فريدة اتفاجأت بكلام بدر وكانت مصدومة واتصدمت اكتر لما اتفاجأت بيه ب....يتبع  

البارت السابع 

في حماية صعيدي  

بقلمي اسراء ابراهيم 

اتفاجأت فريدة ببدر وهو بيضر٭بها بالق٭لم علي وشها فدماغها اتخب٭طت في شباك العربية وجابت د٭م وحست فريدة وقتها بدوخة وانها هيغمي عليها 

فريدة بتعب / انا مظلومة يا بدر 

قالت كدة فريدة واغمي عليها  وبدر وقتها قلبه اتقبض ورغم غضبه منها بس لهفته عليها وهو بيقرب منها كانت واضحة وضوح الشمس ،، ساق بدر باقصي سرعة ورجع عالبيت واول ما وصل نزل وشال فريدة ودخل بيها بسرعة بس مكنش فيه حد غير بدور بنت خالته اللي اتفأجت بيه وهو شايل فريدة فالنا٭ر قادت في قلبها بس مبينتش 

بدور بخضة / وه في ايه يا بدر ،، ايه اللي حوصل ومالها مرتك ؟

بدر وهو شايل فريدة وطالع بيها /فريدة تعبانة شوية يا بدور ،، همي هاتي مية وجطن وحصليني بسرعة 

بدور بغيظ/ حاضر يا واد خالتي من عيوني 

طلع بدر الاوضة وحط فريدة عالسرير وبص للجر٭ح اللي في دماغها بندم بس لما افتكر اللي حصل وانها عصت كلامه وخرجت و لما اتأكد انها فعلا علي علاقة بهشام لما كلمه الغفير بتاعه وقاله انه شافها قاعدة معاه وقتها حس بنا٭ر في قلبه و قبض علي ايديه بغضب لحد ما استنبه علي صوت بدور 

بدور بغموض / الجطن والمية يا بدر 

بدر وهو بياخد الحاجة/ تسلمي يا بدور ،،روحي انتي بجي 

بدور بفضول/ مش هتجولي فينها خالتي ،،اني چيت ملجتش حد خالص اهنه وكمان مرتك مالها وايه اللي عمل فيها اكده 

بدر بتجاهل/ جميلة خيتي اتصابت من واحد ابن حر٭ام طلع عليها عشان يسرجها وهي في المستشفي دلوك وامي هناك هي وابوي وعمي 

بدور ببتصنع/ يا مري ،،چميلة اتصابت ،، الف سلامة عليها ،،اني هروح لامي ونروحلها علطول ،، بس مرتك بجي ايه اللي چرالها 

بدر بجدية/ مالهاش تعب بسيط ،،يلا روحي انتي واجفلي الباب وراكي 

بدور بغيظ/ ماشي يا بدر سلام 

خرجت بدور وعقلها مشغول ببدر وخوف من فريدة تكون حامل اما بدر فكان بيعالج فريدة وجواه غضب يكفي الكون كله وكان بيفكر هيعمل ايه معاها لما تفوق  

.....................

بليل كان واقف باسل قدام اوضة جميلة ومعاه ابوه وعمه منصور وصفاء وحكالهم باسل عن اللي حصل لما خرج مع جميلة 

منصور بعتاب / بس اني بعتب عليك يا باسل يا ولدي ،،ليه مخبرتنيش اول ما حصل اللي حصل 

باسل بجدية/ والله يا عمي منصور انا مرضيتش اقلقكم و قولت اطمن عليها وبعدين اطمنكم والحمد لله انها جت علي قد كدة

صفاء بدموع/ بتي يا منصور اني رايدة بتي ،، رايدة اطمن عليها 

نبيل بهدوء / متقلقيش يا ام بدر بنتك زي الفل والدكتور طمنا وشوية تفوق وتشوفيها وتطمني عليها بنفسك 

الممرضة بابتسامة / المريضة فاقت والدكتور بيقول تقدرو تدخلولها 

صفاء بفرحة/ بجد يا بتي ،،الله يباركلك ،، يلا ندخلها يا منصور 

في نفس الوقت كانت جاية عليهم بدور ومعاها فارس وامهم فاطمة بس باسل اول ما شاف فارس قبض علي ايديه بغضب وبص لفارس بحد٭ة و حاول يتحكم في نفسه ويهدا عشانهم 

فاطمة بخضة/ ايه اللي حوصل يا صفاء ،،ومالها چميلة 

صفاء بدموع/ بتي حرامي طلع عليها وض٭ربها بسكي٭نة اللي تتج٭طع يده 

فارس كان بيبص لباسل بغضب لانه كان يقصده هو مش جميلة 

منصور بهدوء/ خلاص بجي يا صفاء البنتة زينة ،،يلا بينا نطمن عليها 

دخلو كلهم ما عدا فارس اللي شده باسل من ايديه بغضب وخلاه ميدخلش معاهم 

باسل بغضب / انت ايه اللي جابك هنا ؟ اتفصل غور من وشي والا انا مش مسئول عن اللي هعمله فيك 

فارس ببرود/ وبصفتك ايه بجي بتتحدت وبتمنعني من اني ازور بت خالتي ،، اسمع يا بتاع انت ،، اني هدخل دلوك وابجي فكر امنعني وشوف اني بجي هجولهم ايه ووجتها هتبجي السبب في فضي٭حتها سامع ولا لاه 

سابه فارس ودخل الاوضة اللي فيها جميلة وباسل كلن متابعه بغضب مكتوم لانه عارف انه ممكن ينفذ تهد٭يده فدخل وراه بغضب 

.........................

فاقت فريدة ولقت نفسها في سريرها فقامت بخضة بس مسكت راسها بتعب واتخضت اكتر لما شافت بدر قاعد قدامها عالكرسي وبيبصلها بغضب مكتوم 

فريدة بتعب / بدر ،،لو سمحت اسمعني الاول وبعدين احكم عليا صدقني انا مش

بدر ببرود وهو بيقاطع فريدة/ وجت الحديت خلص يا فريدة هانم ،، انتي دلوجتي تسمعي وبس ،، اني لما اتچوزتك كان لاجل ما انقذ عمي من الهم اللي هو فيه ،، ولولا ابوي اللي اتحايل عليا كمان ،، ومع ذلك حاولت اتفاهم وياكي وسألتك عن اللي اسمه هشام ده بس انتي كنتي بتهربي من الحديت ،،جولت وماله لكن اتفاچئ اني متجرطس وانه كان عشيجك ولسة بتتحدتي وياه عالتليفون وانك كمان رايحة تجابليه من ورايا لا يا حلوة مش اني اللي اجبل بحاچة زي دي 

فريدة باندفاع/ انت فاهم غلط ،،كل اللي قولته غلط يا بدر ،،انت لو سمعتني هتفهم كل حاجة لكن انت مصدق اللي عنيك شايفاه ،، وانا مش هقبل انك تتهمني في شرفي  لاني اشرف منك ومن اي واحدة انت تعرفها 

بدر بحد٭ة / انتي تخرسي خالص ،، وايوة هصدج عنيا تدري ليه بت عمي ،،لاني مش واثج فيكي ،،بنتة مصراوية معرفش عنها حاچة ولا هي راضية تتحدت وتجولي اي حاچة عن نفسها لما چيت اسألها ،، تفتكري ليه ،،اكيد عشان هي مش زينة فخايفة تتكشف ،، اني هصدج اللي شوفته بعيني ، هو سؤال واحد يا فريدة وتردي عليا وجتها بس هسمعك،، انتي خرچتي من ورايا عشان تجابلي اللي اسمه هشام ،،صوح ولا لا ؟

فريدة بهدوء وهي بترمي نفسها عالسرير  / ايوة حصل يا بدر ،،ارتحت كدة ،،مش هو ده اللي كنت عاوز تسمعه او ده اللي قالتهولك الست والدتك ،، تفتكر اني هبلة ،، مش فاهمة ان امك كلمتك وقالتلك انها سمعتني وانا بتكلم في التليفون واني خرجت من غير اذنك ،، بس تعرف مش مهم اي حاجة ولا مجبرة ابررلك اي حاجة يا بدر 

بدر اتعصب اكتر من كلام فريدة واعترافها باللي عملته فبصلها بقر٭ف واحتقار / كان نفسي يطلع كل ده كدب وانك مش اكده ابدا ،، بس امي كان عنديها حج ،،لا انتي شبهنا ولا احنا شبهك ،، جميلة تجوم بالسلامة وهطلجك وتهملي البلد باللي فيها ومشوفش وشك اهنه تاني فاهمة ولا لا 

فريدة بقلق وهي بتتجاهل كلام بدر /  جميلة مالها ؟

بدر بجمود/ مالكيش صالح بچميلة ولا باي حد اهنه ،، ومتنسيش انك اهنه لفترة مؤقتة وبس 

قال بدر كلامه وساب فريدة ومشي ووقتها افتكرت هي كلام هشام وتهد٭يده ليها لو مراحتش ليه ڤيلته زي ما هو طلب منها ووقتها دموعها نزلت بقهر 

...................... 

جميلة كانت بتدور بين الموجودين عن باسل وبترد عليهم وعيونها بتدور علي عليه بس فجأة ملامحها اتحولت للغضب اول ما شافت فارس داخل من الباب وهو فهم نظراتها وفهم انها عرفت انه هو اللي بعت الشخص اللي كان عاوز يموت باسل ووقتها فارس ابتسم بغموض 

فارس بخبث/ حمدالله علي سلامتك يا چميلة ،، جدر ولطف منهم لله ولاد الحر٭ام 

چميلة بتعب/ عمر الشجي بجي يا فارس وولد الحلال هيلاجي دايما اللي يحميه ويفديه بروحه 

فهم فارس كلام جميلة فبصلها بغضب وفي نفس الوقت كان باسل داخل من الباب وسمع كلام جميلة فاستغرب وبص لفارس بشك اما جميلة اول ما شافت باسل ابتسمت بتلقائية 

باسل بابتسامة/ازيك دلوقتي يا جميلة ؟

جميلة بتعب / زينة يا باسل ،، اني بتشكرك جوي انك حاولت تدافع عني 

باسل اتفاجئ بكلام جميلة وفهم انها بتحاول تخلي شكله كويس قدام الكل 

باسل بندم /انا لو كنت فعلا عرفت اعمل حاجة كنت عالاقل عرفت احميكي ،، بعد اذنكم 

خرج باسل وهو مضايق من نفسه واحساس الذنب بياكله وجميلة زعلت عشانه وبصت لفارس بغضب وكأنها بتلومه علي كل حاجة وفارس كان عكسها تماما كان بيبصلها بغموض بعد ما اخد باله من حاجة بس متكلمش خالص 

.........................

تاني يوم كانت فريدة واقفة في الڤراندا بتاعة اوضتها وباين عليها التعب وقلة النوم ،،طول الليل بتفكر هتعمل ايه في موضوع مرواحها لهشام وخوفها من انه ينفذ تهد٭يده ليها وفكرت انها تحكي لبدر كل حاجة بس خافت احسن ميصدقهاش وخصوصا بعد اللي حصل ،، انتبهت فريدة لصوت عربيات بتقف قدام البيت وشافت جميلة وهي نازلة وبدر مسندها فقلقت عليها وجريت علي تحت تشوفها واول ما نزلت قربت من جميلة بلهفة 

فريدة بقلق / جميلة مالك فيكي ايه ؟

جميلة بحب / متجلجيش عليا يا فريدة ،،اني زينة ،،هبجي اتحدت معاكي واحكيلك 

صفاء بسخرية/ شوف البچا٭حة والله صدج المثل اللي جال بنات مصر عنيهم تندب فيها رصاصة 

فريدة اتجاهلت كلام صفاء وبصت لبدر اللي اتجاهلها وكأنه مش شايفها فغمضت عنيها بحزن 

جميلة بضيق / خلاص يا ماما ملوش لازمة حديتك ده ،، اني چعانة علي فكرة جوي 

صفاء بلهفة / يا لهوي يا بتي يج٭طعني ،، هروح احضرلك حاچة تاكليها حالا وانت يا بدر ساعد اختك تطلع فوج 

جميلة برفض / لا اني مش رايدة اجعد لحالي ،،خليني اهنه وياكم دلوك ،، الا صحيح هو فين عمي وابوي وباسل ؟

بدر بجدية / چايين ورانا كانو بيخلصو إچراءات المستشفي 

جميلة بلهفة / وه يا مري ،،ايه اللي صابك اكده يا فريدة ،، 

فريدة وهي بتبص لبدر / ده خب٭طة بسيطة وانا نازلة من العريية متقلقيش ،، انا كويسة  

جميلة بابتسامة/ الف سلامة عليكي يا مرت اخوي ،، يلا اطلعو انتو ارتاحو حاكم بدر فضل چاري طول الليل ،،يلا يا بدر خد مرتك واطلع 

بدر بجمود/ لاه خليها چارك عشان لو احتچتي حاچة ،،اني هطلع لحالي 

جميلة باصرار/ لاه مش هحتاجها ،،امي اهنه چاري ،،يلا اطلعو بجي 

نفخ بدر بضيق وطلع وفريدة وراه وهي بتفكر هتعمل ايه 

.........................

كانت واقفة فريدة ومتابعة بدر بعنيها وهو بيظبط هدومه قدام المراية فكانت محتارة تقوله ايه وهل هيصدقها ولا لا والاهم انها لازم تتصرف انهاردة قبل ما هشام ينفذ ته٭ديده 

فريدة بتردد/ بدر انا كنت عاوزة 

بدر بحد٭ة / مش رايد اسمع حسك ،،فاهمة ولا لاه 

فريدة بحزن/ ماهو انت لازم تسمعني يا بدر عشان خاطري 

بدر بسخرية/ اعتقد مانتيش محتاچة لحد ،،انتي عندك اللي بيسمعك زين ،، تعرفي اني لولا الملامة كنت جت٭لتك بيدي بس للاسف عمي اللي حايشني عنك 

فريدة باندفاع/ انت بتتعامل معايا كدة ليه ،، فاكر نفسك مين عشان تعاملني كدة ،، انا مش مجبرة اني افضل عايشة في القر٭ف ده ،، لو فاكر اني هفضل اسمع اهانتي بودني واسكت تبقي غلطان ،،انا اقدر ارد عليك بس انا مش هعمل ده لاني محتجالك لانك الامان بالنسبالي 

بدر بسخرية / ما بلاش الحديت بتاع مصر ده لانه مش هيچيب معايا  

فريدة بقهر/ انا هثبتلك وحالا اني شريفة مش زي ما انت شايفني انت ومامتك بس وقتها يا بدر لو جيتلي بتبكي مش هسامحك انت فاهم 

قالت فريدة كلامها وهي بتبص لبدر بحزن وبعدين واتفاجئ بيها بدر ب......يتبع 

البارت الثامن 

في حماية صعيدي

اتفاجئ بيها بدر بتمسك تليفونها وبتتصل بحد وبعدين فتحت الاسبيكر واتفاجئ اكتر بصوت هشام بيتكلم 

هشام بسخرية/ كنت عارف انك هتفكري كويس وتقبلي بالعرض بتاعي لانه ميترفضش 

فريدة بجمود/ لو نفذتلك طلبك توعدني انك متنفذش تهد٭يدك اللي هددتني بيه ؟

هشام بلهفة/ اوعدك يا فريدة بس تكوني ملكي 

بدر كان سامع كلام هشام وعيونه حمرا من الغضب وكان هيزعق بس فريدة وقفته باشارة منها وهي بتتكلم 

فريدة بجمود/ وايه اللي يضمنلي انك متنفذش تهد٭يدك ومتأ٭ذيهوش ؟

هشام بثقة/ لان اللي اسمه بدر ده ميفرقش معايا ،، انا كل اللي عايزه هو انتي حتي لما هد٭دتك بيه قبل كدة ،، كان عشان توافقي تقابليني مش اكتر بس اسمعيني كويس ،، لو هو اللي بدأ بالش٭ر وفكر ياخدك مني ويقف في طريقي وقتها موعدكيش اني افضل محافظ علي كلمتي 

فريدة بحزن/ يبقي تديني فرصة اطلق منه ،، شهر اخلص فيه كل حاجة وانهي علاقتي بيه ووقتها هكون تحت امرك 

هشام بفرحة/ موافق طبعا بس مش اكتر من كدة يا فريدة ،، اممم بس واضح ان الواد ده غالي عندك اوي كدة عشان تخافي عليه بالشكل ده 

فريدة بتوتر وهي عيونها في عيون بدر/  حاجة متخصكش ،،سلام 

قفلت فريدة في وش هشام وهي باصة لبدر بكر٭ه وخزلان ومن جواها ،،كانت بتتمني لو يسمعها وميحكمش عليها من غير ما يعرف ويتأكد ،، اما بدر كان هيتجنن بعد اللي سمعه فمسك الفازة وهبد٭ها في الحيطة بغضب وهو بيش٭تم وبي٭لعن هشام وبيتوعدله باسوأ العقاب وفي نفس الوقت طلعت صفاء علي صوت التكس٭ير ومعاها نبيل ومنصور اللي كانو لسة واصلين 

صفاء بلهفة/ ايه اللي حوصل يا بدر ،،مالك يا ولدي عملتلك ايه اللي ما تتسمي دي 

منصور بحد٭ة/ اخرسي يا صفاء  عيب اكده 

صفاء بغضب / وعيب ليه يا منصور ،، العيب ده تجوله لبت اخوك اللي مجرطسة ولدي وفاكرة انها محدش هيكشفها 

نبيل بصدمة وحد٭ة/ انتي ايه اللي بتقوليه ده يا صفاء ،،ازاي تقولي علي بنتي كدة ؟

صفاء بسخرية/ بتك اني سامعاها بودني وهي بتتحدت مع عشيجها اللي اسمه هشام ده وبتتفج معاه تجابله من ورا ولدي 

نبيل بصدمة / انتي كدابة ،،انا بنتي لا يمكن تعمل كدة ؟

فريدة بجمود / سيبها يا بابا ،،هي ليها حق تقول اكتر من كدة ،، لانها متعرفنيش ،، بس احب اقولك يا طنط صفاء اني لو عاوزة اتجوز هشام واكون معاه كان زماني عملت كدة من زمان من بعد موت رائد ومكنتش هحتاج اني اتجوز ابنك بس انتي حكمتي عليا من غير حتي ما تواجهيني وتعرفي الحقيقة ،، وانا عارفة انك انتي اللي قولتي لبدر علي موضوع المكالمة وانا مش زعلانة منك لان العيب منه هو ،، اللي حتي مستناش يفهم،، ومتقلقيش هو خلاص اتأكد بنفسه من كلامي ولا ايه يا بدر ما تقولهم 

بدر بندم / انتي خابرة زين ان اللي حوصل مكنش بيدي ،، اي راچل مكاني وسمع ان مرته خرجت من غير اذنه وكمان عشان تجابل راچل تاني كان هيجلب الدنيا ،،كان لازمن تتحدتي معايا لكن انتي كنتي بتسكتي ،، ياما سألتك وجولتلك فهميني كل حاچة عشان اجدر اساعدك بس انتي كنتي بتسكتي 

فريدة بحزن / انا فعلا غلطت بس عشان وافقت اتجوزك ووثقت فيك ،، كنت فاكرة انك هتقف جمبي وفي ضهري  بس للاسف رغم اني حذرتك من اللي اسمه هشام وان الاعيبه قذرة بس انت من اول  مرة نسيت كلامي وصدقته وعشان كدة انا بقولك اني مش محتجالك يا بدر ،، طلقني 

..........................

كانت واقفة جميلة بتحاول تسند علي الكرسي عشان تطلع فوق لبدر بعد ما سمعت صوت التكس٭ير بس كانت حاسة بأ٭لم جامد في بطنها مكان الجر٭ح فكانت واقفة ومغمضة عنيها بتعب بعد ما مشيت خطوتين وبقت تنهج بتعب لدرجة ان دموعها نزلت  بحزن علي نفسها لانها مش قادرة تتحرك بس فجأة شهقت بخضة لما لقت حد بيحاوط و*سطها بايديه وبيشيلها من الارض ففتحت عنيها بخوف بس فجأة اتنهدت براحة اول ما شافت باسل 

جميلة بتعب/ باسل انت چيت امتي ؟

باسل وهو بيتحرك بيها / لسة واصل ،، حاسة بايه ؟

جميلة بابتسامة رغم تعبها/ دلوجتي بجيت احسن ،، بس اني اكده هتعبك ؟

باسل بحنية وهو بيطلع السلم / تعبك راحة يا ست البنات ،، انا عايزك تخفي بسرعة بقي ماشي 

جميلة بخجل / ست البنات ؟،، اني مهجدرش عالحديت الحلو جوي ده 

باسل بابتسامة وهو عنيه مركزة في عيون جميلة  / انتي تستاهلي اكتر من كدة يا جميلة 

جميلة بحزن/ يعني مبجتش شايفني عفشة كيف ما كنت بتجولي ،،اني كل ما افتكر حديتك جلبي يو٭چعني 

باسل بتنهيدة/ انا كنت بدوس عليكي عشان تفوقي لنفسك يا جميلة وتبعدي عن الشخص ده ،، لكن انا متأكد انك مش وحشة ابدا 

جميلة بفرحة/ بچد يا باسل ،، يعني اني في نظرك بنتة زينة دلوك ؟ 

باسل بابتسامة وهو بينزلها عالسرير في اوضتها  / طبعا واحسن بنت في الدنيا كمان 

ابتسمت جميلة بفرحة باينة في عيونها وهي باصة لباسل وهو كان مركز في تفاصيلها لحد انتبه لكلامها 

جميلة بابتسامة / انا كنت رايدة احكيلك كل حاجة ينفع ؟ نفسي نبجي صحاب حاكم اني مليش حد واصل يا باسل  

باسل جاب الكرسي وقعد / وانا مستعد اسمع يا ستي وموافق نكون اصحاب جدااا 

جميلة بفرحة / يعني مش هتزهق مني ومن رغيي ؟

باسل بثقة / جربي انا علي فكرة مستمع كويس اوي 

جميلة بحماس / ماشي 

...........................

فارس كان واقف مع بدور بعد ما حكالها اللي حصل كله مع جميلة عشان تشور عليه يعمل ايه خصوصا بعد اللي حصل

بدور بسخرية/ بجي تخلي الواد بتاع مصر يعلم عليك ،، يا خيبتك يا اخوي 

فارس بغضب / هتفضلي تجطمي فيا ههملك وامشي مش ناجص اني و٭جع راس 

بدور بضحك/ خلاص خلاص متزعلش اكده ،، بس اني رأيي تحمد ربنا انها چت علي جد اكده وان اللي اسمه باسل ده چه في الوجت المناسب جبل ما الطوبة تجع في المعطوبة وبدر يجتلك

فارس بثقة/ ما كله كان بمزاجها ،، هي راحت معايا برچليها ،،وبدر مكنش هيجدر يرفع عينه فيا لما يعرف ان اخته اللي چاتني بمزاجها 

بدور بسخرية/ عليا اني يا فارس ،، الحديت ده تضحك بيه علي حد تاني ،،لكن اني لاه ،، اني وانت خابرين ان چميلة كانت بتحبك حب اخرته چواز ومكنتش تعرف نيتك ناحيتها بدليل انها لما عرفت نيتك كانت بتصرخ وبتهرب منيك كيف ما جولتلي ،، ولو هي فعلا رخ٭يصة كانت ما صدجت وسلمتك نفسها ولا ايه يا اخوي ؟

فارس بضيق / مخبرش ،، اللي اعرفه اني كنت خلاص هخلي بدر عينه في الارض وراسه في الطين بس لولا اللي اسمه باسل ده اللي وجف في طريجي زي العمل الرضي وحتي لما زجيت عليه حد عشان اخلص منه طلع بسبع ارواح 

بدور بتفكير/ بس انت فايتك حاچة مهمة جوي يا فارس 

فارس باستغراب / ايه هي يا ام العوريف ؟ 

بدور بابتسامة ثقة/ ان اللي اسمه باسل ده مهم جوي عند چميلة لدرچة انها تفديه بروحها ،، وده ملوش غير معني واحد ،، انها عشجته يا واد امي وابوي 

فارس بصدمة/ انتي بتجولي  ايه ،،لا طبعا ،، چميلة بتعشجني ،، هتعشج باسل ده كيف وميتي ؟

بدور وهي بترفع كتافها بتلقائية/ والله ده اللي اني شايفاه ،، البنتة اللي تحمي راچل وتفديه بروحها تبجي مش بس بتعشجه دي بتتمناله الرضا يرضي 

فارس بغضب وهو بيفكر  / طب وهو تفتكري عاشجها ؟

بدور بسخرية/والله ده بقي هيبان لما تعمل اللي هقولك عليه بالحرف الواحد واهو وجتها  تبجي ضر٭بت عصفورين بحجر ،،اتچوزت چميلة وتبجي ضمنت فلوس منصور چوز خالتك كلها في چيبك وعرفت باسل ده جواه ايه من ناحية چميلة 

فارس بابتسامة / يا بت الچنية ،، دماغك دي تتاقل بالدهب 

بدور بضحك/ وماله ،،ابجي تاقلني بالدهب براحتك لما تتچوز چميلة وتجش كل حاچة 

.........................

كانت قاعدة فريدة عالكرسي بعد ما بدر خرْج الكل عشان يتكلم معاها لوحديهم فكان بيبصلها بندم بس هي مرفعتش عنيها حتي فيه 

بدر ببحة مميزة/ فريدة ؟

فريدة فجأة قلبها دق بس حاولت متبينش فاكتفت بعنيها  اللي رفعتها في عيون بدر 

بدر بابتسامة / ممكن ننسي اللي فات ونفتح صفحة چديدة واوعدك اني اسمعك و

فريدة باندفاع/ وفر كلامك يا بدر لاني مش هتنازل عن قراري ،،اصلا ده االي كان لازم يحصل من الاول ،،احنا جوازنا كان غلطة 

بدر بغضب من كلام فريدة/ اسمعيني زين يا فريدة لان ده اخر حديت عندي ومعنديش غيره ،،لو اني غلطت فانتي غلطك كان اكبر ،، انتي اتچوزتيني عشان احميكي من اللي اسمه هشام ده وحتي من غير ما تجوليلي اسباب وانا وافجت وسمعت حديت عمي وبجيتي مرتي وانتي بدل ما تشيليني همك روحتي اتصرفتي من ورايا كانك متچوزة عيل اصغير مش هيعرف ياخد باله من نفسه ونسيتي اني انا اللي بحميكي مش انتي اللي بتحميني وحتي مجولتليش انه كَلمك وكمان روحتي جابلتيه من ورايا وجللتي مني يا حرمي المصون ،،طلاج اني مش هطلج يا فريدة واللي اسمه هشام ده اخد اكتر من وجته بالنسبالي واني هثبتلك انك متچوزة راچل مش عيل وبعدها اللي انتي رايداه  هنفذهولك 

خلص بدر كلامه وخرج من الاوضة بغضب وفريدة كانت بتفكر في كل الكلام اللي قاله ليها واكتشفت انه عنده حق في كل كلمة قالها بس الحقيقة هنا انها لازم تواجه نفسها عن السبب الحقيقي اللي خلاها تتصرف وتقابل هشام من غير ما تقول لبدر ووقتها جه في بالها حاجة واحدة ،، هو خوفها علي بدر هو اللي خلاها تتصرف بتلقائية من غير ما تفكر رغم انه المفروض متجوزاه عشان هو اللي يحميها وهنا فريدة اتوترت اكتر وحاولت تتجاهل افكارها 

..........................

جميلة بحزن / كنت بنت ١٦ سنة لما بدأ يلمحلي انه عاشجني ،،وجتها كنت هبلة وفرحت جوي وكنت حاسة ان الافلام اللي بشوفها عن الحب هتتحجج معايا ،، اوجات كنت بحس اني مش مطمنة لكلامه ولا تلمحياته بس كنت بجول في عجلي انه لايمكن يأذ٭يني ده واد خالتي يعني من د٭مي ،، تعرف يا باسل اني مخلتوش حتي مسك يدي ،،والله ما بكدب عليك حتي اسأله ،، كنت بخاف جوي احسن ربنا يزعل مني لحد اليوم اللي انت لحجتني منه فيه ،، وجتها ربنا خلاه يظهرلي علي حجيجته وبعتك ليا عشان تنجدني منه وبعد اكده بجيت اشوف وشه الحجيجي اللي كان مداريه عليا واخر مرة لما كنت هتتصاب بسببه 

اتوترت جميلة وزاغت بعنيها بعيد اول ما وقعت بلسانها وباسل وقتها كان بيبصلها بغضب بعد ما سمع اخر كلامها واتفاجأت بيه ب........يتبع 

تفاعل حلو بقي وانزل بالبارت التاسع معاكم للساعة 12  وشكرا لكل اللي بيكتب كومنت جميل زيه 

البارت التاسع 

في حماية صعيدي 

اتفاجأت جميلة بباسل ملامحه بتتغير وبيبصلها بشك وبعدين قرب منها ومسك ايديها بغضب 

باسل بهدوء مخيف/ قصدك ايه ان فارس هو السبب في اللي كان هيحصلي ؟ انطقي يا جميلة ؟

جميلة بتردد وخوف / والله يا باسل انا كنت هجولك بس خوفت تتعارك وياه ،، صدجني 

باسل بنفاد صبر / اتكلمي يا جميلة وقولي كل حاجة والا قسما بالله هتلاقي تصرف مش هيعجبك 

جميلة بتهتهة وهي بتبص لباسل / فارس هو اللي بعت صاحبه لاجل ما ينتجم منك علي اللي عملته فيه ،،اني عرفت صاحبه ده اول ما شوفته والله يا باسل خوفت اجولك لتروح تتعارك معاه 

باسل اتصدم وهو باصص لجميلة بغضب / عشان كدة خبيتي عليا ،،خوفتي عليه مني مش كدة ؟،، انا اللي غب٭ي ،،كنت عمال اسأل نفسي ليه تعملي كدة وتفديني بنفسك وتاخدي الض٭ربة بدالي ،،كنت غب٭ي لما افتكرت من خوفك عليا اتاريكي عشان خايفة عليه هو ،، للدرجادي لسة بتحبيه بعد اللي كان هيعملو فيكي 

جميلة بصدمة وهي بتحرك راسها يمين وشمال وبتعيط/ لا يا باسل والله مش دي الحقيقة ،،انت فاهم غلط صدقني 

باسل بغضب اكبر وهو بيضر٭ب جميلة بالقلم / اخرررسي ،،وكمان ليكي عين تنكري ،، بس انا هوريكي انتي وهو ،، انا هخليكي تتحسري عليه وحقي هجيبه منه يا جميلة 

قال باسل كلامه وجميلة كانت بتعيط بانهيار وهي بتنده عليه لكنه مسمعش ليها وسابها ومشي 

......................

كان نازل هشام عالسلم بعد ما بلغته الشغالة ان في حد عايزه بس مقالش هو مين وفجأة وقف مكانه بصدمة اول ما شاف بدر قاعد وحاطط رجل علي رجل وبيبصله بغضب ملامح هشام اتحولت للسخرية وهو بيبتسم وبيكمل نزول 

هشام بابتسامة/ اهلا اهلا ،، بصراحة زيارة مكنتش متوقعة ابدا بس كانت لازم هتيجي 

بدر بجدية وهو علي نفس قاعدته  / بالعكس دي كانت المفروض تيچي من بدري بس اني اللي كنت مأچلها لاجل ما اعرف نيتك ايه من مرتي 

هشام بابتسامة/ امممم، افهم من كدة انك عرفت ؟ طب كويس وفرت علينا كتير 

بدر وهو بيقف/ حدانا في البلد اللي عينه تترفع في حريم غيره ،، نخزجهاله ما بالك بجي في اللي فكر يتعدي حدوده ويكلمهم ويجابلهم كمان ؟

هشام بتصنع القوة/ ويا تري بقي قالتلك احنا اتكلمنا في ايه لما اتقابلنا 

بدر مسك هشام من هدومه بغضب واتكلم ببرود مخيف /اني مرتي مبتخبيش حاچة عليا وحدودك اللي انت اتعدتها اني مش هعديها بالساهل اكده 

خلص بدر كلامه وفجأة ضر٭ب هشام بالبو٭كس في وشه فرجع علي اثرها لورا كام خطوة ووقتها اتعصب هشام جامد وبقي ينادي عالجارد بتوعه بس ابتسم بدر بسخرية وهو بيقرب منه 

بدر بسخرية /عشان تعرف انك من غيرهم ولا تسوي ربع چنيه ،، اللي بتنده عليهم رچالتي مروجينهم برة عالاخر 

هشام بغضب / انت فاكر اني هعدي اللي عملته ده كدة ؟ انا هوريك يا بدر 

بدر بغضب / المرادي بس تأديب لكن لو فكرت تتحدت مع مرتي تاني او ترفع عنيك فيها وجتها مش هيكفيني فيك عمرك يا هشام ومش هاخد فيك دجيجة ،، فاهم ولا لاه ؟ 

خلص بدر كلامه وساب هشام ومشي بس فجأة وقف مرة واحدة لما سمع كلام هشام اللي صدمه 

هشام بسخرية/طب بما ان فريدة بقي قالتلك كل حاجة  يا تري بقي قالتلك انها كانت علي علاقة بيا من قبل ما تتجوز رائد 

بدر بثقة /  لاه مجالتليش لان حديتك كدب ولاني واثق في مرتي وكيف ما جولتلك يا هشام ده اخر تحذير ليك ولو فكرت بس تجرب منيها هيبجي اخر يوم في عمرك 

خرج بدر بعد ما قال كلامه وهشام وقتها اتعصب وبقي يضر٭ب ويكس٭ر كل حاجة قدامه لما اكتشف ان بدر مش زي ما هو كان متوقع 

..........................

كان قاعد فارس عالقهوة مع صحابه وبيضحكو ويهزرو لحد ما فجأة سكتو اول ما شافو باسل واقف قدامهم 

فارس بسخرية/ وه ،، لا عچيبة ،، بجي المصراوي چاي بنفسه يجعد علي جهوتنا المتواضعة يا اهلا وسهلا 

قرب باسل ببطئ من فارس وفجأة مسكه من جلبيته وشده عليه واتكلم بهمس قصاد وشه 

باسل بتوعد/ لو فاكر ان عملتك هتعدي بالساهل تبقي غلطان ،، انا بس المرادي هقولهالك ببوقي لكن لو فكرت تكررها مرة تانية صدقني مش هسيب فيك حتة سليمة زي علقة المرة اللي فاتت ولا نسيت ؟

فارس بغضب / انت بتجول ايه ،،ااني مش فاهم حاجة واصل من حديتك ده 

باسل بسخرية وصوت مسموع/لا انت فاهم كويس  اوي ،، ايه ده هو انت مقولتش لصحابك اني انا اللي كنت معلم عليك اخر مرة ؟  عموما ملحوقة 

قال باسل كلامه وضر٭ب فارس بالبو٭كس فوقع عالارض وصحابه كلهم بقو يضحكو عليه فبصلو باسل بغضب وسابه ومشي وبقي يتوعدله فارس وهو متابعه بغل 

.......................

دخلت فريدة اوضتها بعد ما نيمت معاذ ابنها وكانت بتدور بعنيها علي بدر بس ملقتهوش فافتكرت الاوضة اللي بينام فيها من وقت اللي حصل فراحت ليه وخب٭طت عالباب ودخلت بس ملقتوش فاستغربت وقررت تدخل الڤراندا تشوفه وفعلا شافته واقف بينفخ سيجارته وهو سرحان وباصص للفراغ 

فريدة بصوت جذاب/ بدر ؟

بدر وهو مغمض عنيه  / همليني لحالي دلوك يا فريدة بدي اجعد ويا نفسي شوية 

فريدة بصوت مخنوق / انا اسفة 

بدر لف وشه وبصلها شوية وبعدين اتنهد بحيرة/ بتبكي ليه دلوك عاد ؟

فريدة بدموع/ عشان عارفة اني غلطانه واني كان لازم اقولك علي كل حاجة من الاول بس صدقني انا خوفت يا بدر 

بدر وهو بيقرب من فريدة وبيقف قدامها/ وتخافي من ايه بس ،، اني چوزك يا فريدة وجبل اكده واد عمك ،، يعني هخاف عليكي لانك من د٭مي 

فريدة رمت نفسها في حض٭ن بدر بحركة تلقائية خلت بدر يتوتر وقلبه يدق وكان محتار يعمل ايه بس اخيرا رفع ايديه وحاوطها بحنان 

بدر بحنية / خلاص يا فريدة اللي حوصل حوصل ،،بطلي بجي بكي 

فريدة بانهيار وهي متبتة في بدر / غصب عني كنت خايفة ،، اصلا من وقت ما اتجوزته وانا بخاف يا بدر ،،عارف يعني ايه احساس اني واحدة متجوزة راجل المفروض يحميني بس للاسف هو اللي كان سبب خوفي ،، كان من اقل حاجة بيضر٭بني ،، ولما طلبت الطلاق وقولتله هقول لاهلي كان بيهد٭دني انه هيأ٭ذيهم لو فكرت اقول حاجة

بدر كان بيسمعها بصدمة لحد ما اتفاجأ بيها بتكمل كلامها / وحتي لما قولتله ان اخوه حاول يعت٭دي عليا ،،مصدقنيش وصدقه هو ،، متخيل انا كنت حاسة بإيه وقتها ؟

بدر وهو بيخرج فريدة من حض٭نه وبيبصلها بصدمة/ انتي بتجولي ايه ؟

فريدة بحزن/ خفت اقولك متصدقنيش عشان كدة خبيت عليك وعشان كدة كنت خايفة منك ،، خفت تطلع نسخة منه بس اكتشفت انك غير اي راجل عرفته يا بدر ،، ارجوك متسيبنيش انا بطمن وانت جمبي  

بدر قلبه دق وهو باصص لفريدة وفي نفس الوقت صعبان عليه كل اللي هي مرت بيه فشدها تاني لحض٭نه 

بدر بحنان/ متخافيش طول ما اني چارك واللي فات خلاص انسيه يا فريدة وكدة كدة اللي اسمه هشام ده معدش هيفكر يچي جارك تاني لاني اتصرفت معاه 

فريدة بلهفة وهي بتبعد عن بدر / انت عملت ايه ؟ اتخاقت معاه او ا٭ذيته ،،اوعي يا بدر تكون عملت كدة ،، ده انسان قذر ومش هيسكت ولازم هيردلك اللي عملته 

بدر بتلقائية/ خايفة عليا ؟

فريدة بتوتر / اكيد طبعا انا محبش انك يحصلك حاجة بسببي 

بدر بابتسامة /لا متخافيش انا اعرف احافظ علي نفسي كويس جوي 

فريدة بتهرب / طيب تصبح علي خير بقي هروح انام 

بدر بخبث / وانتي من اهل الخير ،، ابجي سلميلي علي سريري حاكم ده واحشني جوي 

فريدة بتردد/ احم ،،انت ممكن ترجع تنام تاني في اوضتك يعني ده لو انت حابب 

بدر باندفاع وهو بيمسك ايد فريدة / ده اني احب جوي ،، يلا بينا جبل ما تغيري رأيك وتطرديني تاني 

فريدة اتفأجأت باللي عمله بدر وابتسمت بتلقائية وهي ماشية معاه وهي من جواها فرحانة اوي

......................

عدي شهر علي الاحداث اللي حصلت كانت فيه فريدة علاقتها ببدر اتغيرت تماما وبقت قريبة منه جدا وبدر كان سعيد بده اما جميلة فكانت طول الوقت حزينة وخصوصا انها حاولت تتكلم مع باسل لكنه رفض ورجعت معاملته ليها اسوأ من الاول ،، كانت نازلة جميلة عالسلم وهي بتلف طرحتها وشايفة امها قاعدة مع فاطمة خالتها وعلي وشها ابتسامة غريبة 

فاطمة بفرحة/ اهلا اهلا بعروستنا الجمر ،، كيفك يا چميلة  ؟

جميلة باستغراب/ الحمد لله يا خالتي ،،كيفك انتي وكيف بدور اومال فينها 

فاطمة بابتسامة/ بتروج الدار وهتيچي كمان شوية ،، والله وكبرتي وبجيتي عروسة يا چميلة 

جميلة باستغراب/ تسلمي يا خالتي ،، بس ليه بتجولي اكده ؟

قبل ما فاطمة ترد كان خرج منصور ونبيل وفارس ومغاوري ابوه ويبقي جوز فاطمة خالتها

منصور بابتسامة/ زين انك نزلتي يا چميلة يا بتي اني كنت هشيع امك تناديكي 

جميلة باستغراب / خير يا ابوي ؟

نبيل بابتسامة/ فارس ابن عمك طلب ايدك من ابوكي يا جميلة وهو وافق 

جميلة اتصدمت وبصت لفارس اللي بصلها وابتسم بخبث فبادلته النظرة بغضب   

جميلة باندفاع/ بس اني مش موافجة يا ابوي 

الكل اتصدم وسكت مرة واحدة لحد ما رد منصور 

منصور بغضب/ ايه اللي بتجوليه ده عاد ؟ ومن ميتي البنتة ليهم رأي 

جريت جميلة علي نبيل عمها ومسكت ايد برجاء وهي بتعيط

جميلة بعياط/ عمي نبيل لو بتحبني متخليش ابوي يچوزني فارس اني مش رايداه 

نبيل طبطب عليها بحنان وقبل ما يتكلم سبقته فاطمة خالت جميلة

فاطمة بشك/ وه وماله ولدي يا ست چميلة ؟ ده يتمناه بنتة البلد كلياتهم ولا انتي بجي شايفالك شوفة 

صفاء بحد٭ة/ حديت ايه ده يا فاطمة ،، اني بتي اشرف من الشرف وخلاص ابوها جال انها لولدك وخلص الحديت 

جميلة بانهيار / لا ياما ،، فارس لو اخر راچل في الدنيا مش هتچوزه 

بدر وهو واقف عالسلم فوق وجمبه فريدة / ايه اللي بيحصل بالظبط اهنه 

جميلة بلهفة/ الحجني يا بدر ،،ابوي رايد يچوزني فارس واني مش رايداه 

بدر بهدوء / ومش رايداه ليه يا چميلة ؟،، جوليلي علي السبب وانا وجتها هرفضه 

جميلة مكنتش عارفة تقول ايه فكانت بتعيط وهي بتبص لبدر بحيرة وتوهان وهو كان ملاحظ ده 

بدر بشك/ مش فاهم سكتي ليه عاد ؟

جميلة بحزن/ اكده ،،اني مش رايداه يا اخوي ،، مش متجبلاه هتغصب عليا اتچوزه  يا بدر واني مش رايداه

فاطمة بشك/ لاه بجي الموضوع ده فيه إنة ولازمن نعرفها ،،لتكوني خايفة من حاچة يا بت صفاء 

صفاء بغضب / اخرسي يا فاطمة ،، بتي مهياش ر٭خيصة واني هثبتلك   ،، حدد كتب الكتاب يا منصور دلوك 

جميلة غمضت عنيها بيأس وحزن وهي حاسة ان خلاص حياتها انتهت بس فجأة فتحتها تاني بلهفة وهي سامعة صوت باسل .....

البارت العاشر   

في حماية صعيدي 

باسل جه متأخر ومسمعش حاجة عن اعتراض جميلة هو كان مفكرها موافقة ومرحبة لانها لسة بتحب فارس 

باسل بثقة/ بس انا عاوز جميلة ليا يا بدر وكنت مكلم بابا انه يطلبها من عمي منصور 

نبيل اتفاجئ لكنه سكت ومتكلمش لحد ما يفهم من ابنه وخصوصا انه لاقاها فرصة كويسة انه ينقذ جميلة من الجوازة اللي هي مش عاوزاها 

منصور باستغراب/ كيف ده وميتي ،، نبيل مجاليش حاچة 

نبيل بهدوء/ انا ملحقش اقول عشان سلفك جه وطلب ايدها لابنه لكن انا من جوايا كان نفسي نبقي نسايب يا منصور ونكبر عيلتنا سوا يا اخويا 

منصور بفرحة بعد كلام نبيل اخوه/ والله ده يوم المني يا اخوي خلاص چميلة لباسل

ابتسمت جميلة بتلقائية بعد ما كانت بتعيط 

فارس بحد٭ة/ وه وهو حديت عيال ولا ايه ،، مش انت وابوي خلاص اتفجتو وچميلة بجت ليا كيف تغير حديتك

باسل ببرود/ وبرضه عمي منصور قال ان جميلة لابن عمها فبلاش تحرج نفسك اكتر من كدة يا فارس 

مغاوري بغضب/ عاچبك الحديت اللي بيجوله واد اخوك ده يا منصور 

منصور بفرحة / والله انا مش شايف فيها حاچة البنتة لواد عمها وهو اجربلها برضك ولا ايه 

بدور بخبث وهي واقفة عند الباب/ خلاص يا فارس هي باينة من الاول يا اخوي ،، كانهم عاشجين بعض من بدري 

صفاء بغضب/ اخرسي ،،مش بتي اللي تعرف العشج والحديت الماسخ ده ليه ناسه ولا نسيتي يا بت اختي ؟

قالت صفاء اخر كلامها وهي بتشاور علي بدر فاتوترت بدور وفريدة فهمت هي كمان وكانت بتنقل عنيها بين بدر وبدور بغضب ،،اما مغاوري فمشي هو وفاطمة وفارس اللي بص لباسل بغضب بس باسل ردله النظرة بشماتة 

بدر بجدية/ وانت ايه اللي يخليك تستني كل ده يا باسل ؟ ليه متكلمتش من بدري ؟

باسل بثقة/ عشان كان لازم احضر الشبكة اللي تليق بجميلة يا بدر ودي من شغلي وحر مالي ولا ايه 

بدر بابتسامة/ عداك العيب يا باسل ،، علي بركة الله نقرا الفاتحة بجي 

صفاء زغرطت رغم انها مكنتش راضية عن الموضوع وجميلة كانت من جواها فرحانة اوي متعرفش ليه اما باسل فكان بيبصلها بغموض بطريقة مفهمتهاش 

بدر بص لفريدة وابتسم بس هي بصتله بغضب وسابته ودخلت المطبخ تعمل فطار زي ما اتعودت من يوم ما علاقتها اتحسنت ببدر اما هو فاستغرب لانهم كانو كويسين مع بعض 

باسل بجدية/ بدر انا كنت عاوز اتكلم معاك بخصوص تفاصيل الفرح 

بدر وعقله مع فريدة/ احم اه طبعا يلا بينا ندخل المكتب علي ما يحضره الفطار 

..........................

فارس دخل البيت بغضب ووراه بدور اللي كانت بتاكل في نفسها من الغيظ اما شافت فريدة مع بدر وهما نازلين سوا من فوق 

فارس بغضب / شوفتي الحي٭وان عمل ايه ،، انا كنت خلاص هجرا فاتحتها لولا هو اتدخل بس اني مش هسيبه ،،اني هوريه 

بدور بسخرية / هو لعبها صوح ،، كانو خابرين نجطة ضعف منصور ودخلوله من ناحيتها ،، ماهو دلوك بجي هيتلم الشمل وهيتجمعو الاخوات من تاني 

فارس بتحدي / هو فاكر انه كسب بس هو لسة ميعرفش مين هو فارس ،،اني هندمه وهخليه يجول ياريتني ما چيت اهنه 

بدور بسرحان/ بس شوفت بجي اللي جولتهولك طلع صوح ،، باسل ده عاشجها مفيش حديت تاني غيره 

فارس بغضب / اني مش هخليه يتهني بيها ،،چميلة هتبجي ليا سواء عمي رضي او رفض 

بدور بخبث/ او ممكن تخليه زي ما عشجها يكر٭ها 

فارس باستغراب / كيف ده يعني ؟

بدور بابتسامة شيطانية/ يعني تفتكر لما باسل يعرف ان چميلة مش بت بنوت هيفضل يحبها برضك ؟

فارس بسخرية/ ايه العبط ده ،،ماهو متوكد ان ده محصلش بأمارة انها رفضتني جدامهم والا كان زمانها فرحانة اني اتجدمتلها عشان استر عليها 

بدور بغرور / تؤ تؤ تؤ ،، انت لحد ميتي هيفضل عجلك اصغير خالص وتفكيرك علي جدك ،،انا جصدي لما ده يحصل بجد ،،وجتها هي اللي هتترمي تحت رچليك وتجولك استر عليا  

فارس وهو بيملس علي دقنه/ يا بنت الچنية ده انتي داهية 

.......................

بدر خلص بسرعة مع باسل واتحجج انه مستعجل عالشغل وسابه ومشي لكن الحقيقة ان عشان عقله كان مشغول بفريدة وزعلها منه فدخل المطبخ وشافها كانت بتعمل الفطار وهي مكشرة وباين عليها انها مضايقة فاستغرب اكتر وقرب منها بس قبل ما يتكلم كانت لفت هي وخب٭طو الاتنين في بعض وبدر بحركة تلقائية منه حاوطها بايديه وهو مبتسم 

فريدة بضيق / ممكن تبعد لو سمحت عني ؟ 

بدر بخبث/ مش جبل ما تجوليلي زعلانة مني ليه ؟ 

فريدة بغيظ/ وهزعل منك ليه ،،هو انت بتعمل اي حاجة تزعل خالص 

بدر ببرود/ تصدجي عنديكي حج ،، خلاص جوليلي مين اللي مزعلك واني اجطملك  رجبته

فريدة بغيظ/ طب سبني يا بدر عشان انت قاصد تضايقني مش كدة ؟ 

بدر بضحك/ خلاص خلاص ،،بس جوليلي مالك بجي والا همشي ومش هاكل وهتبجي انتي السبب لو فضلت چعان طول النهار 

فريدة باندفاع/ ايه اللي بينك وبين بدور بنت خالتك ؟ واوعي تقولي مفيش 

بدر كشر باستغراب وبعدين فجأة ضحك بصوت عالي فاتغاظت فريدة اكتر وزقته بعيد عنها وكانت هتسيبه وتخرج بس هو شدها من ايديها عليه فخب٭طت فيه 

بدر وهو مركز في عنيها / افهم من اكده انك غيرانة ؟ 

فريدة بضيق /انت بتهرب من سؤالي صح ،،ماشي يا بدر 

بدر بابتسامة/ اني اللي بهرب برضك دلوك ؟،، ماشي يا ستي ،،عموما ،، بدور تبجي بت خالتي وبس ومفيش اي حاچة بيني وبينها 

فريدة باندفاع /بس كلام مامتك كان معناه غير كدة وبعدين نظراتها ليك وليا انا كمان برضه معناها مش كدة 

بدر بثقة/ اني ملياش صالح بنظراتها ولا بيها ،، اني ليا باللي في جلبي يا فريدة واني جلبي ساكناه بنتة غيرها وعيوني مكحلة ومكتفية بيها 

فريدة قلبها دق وحست ان الكلام عليها فبعدت بخجل وهي بتبتسم / طيب يلا نطلع الفطار بقي عشان متتأخرش علي شغلك 

بدر بهيام/ وماله يا ستي ،، ليكي حج ما انتي اطمنتي 

ضحكت فريدة بخجل وشالت الاطباق وبدر شال معاها وخرجو سوا 

...........................

جميلة كانت واقفة في قدام البيت مستنية تشوف باسل وهو خارج وفعلا لقته خارج فقربت منه بلهفة بس هو فجأة مسك ايديها بغضب 

باسل بحد٭ة/ انتي ازاي تفضلي واقفة كدة قدام الغفر ؟ 

جميلة بو٭جع/ اني كنت مستنياك ؟ وبعدين اني في الحوش مش برة الدار 

باسل بحد٭ة/ وكنتي مستنياني ليه ؟

جميلة بحزن/ كنت رايدة اشكرك علي اللي عملتو عشاني ،، انت انقذتني لتاني مرة 

باسل بسخرية/ متفتكريش اني عملت كدة عشانك ،،انا عملت كدة عشان اضيع عليه فرصة انه يتجوزك وابقي علمت عليه لما اخدت حاجة بتاعته 

جميلة بكسر٭ة / بس اني مكنتش رايداه يا باسل ،،انت خابر اكده زين ،،اني لو رايداه مكنتش رفضت وخليت الكل يشك فيا ويتجال عليا من خالتي اني ر٭خيصة واني شايفالي شوفة 

باسل بغضب وصوت واطي وهو من جواه مش مصدق كلامها/ فاكرة انك لما تقولي كدة هصدقك عموما متخافيش ،، انا بس اكس٭ره وبعدين هسيبك ،،اصلا مش انتي البنت اللي تملي عيني وقلبي ،،انا يوم ما احب واتجوز هاخد بنت كويسة انا ابقي اول راجل في حياتها مش زيك ر٭خيصة    

مشي باسل اول ما خلص كلامه وبدور دموعها نزلت بصمت وقلبها موجو٭ع من كلام باسل اللي قت٭لها بالبطيئ 

.........................

عدي كام يوم فكانت فريدة قاعدة في اوضتها سرحانة في حياتها مع بدر وقد ايه هي حبته وكانت بتفكر تعترفله بحبها وخصوصا انها متأكدة انه هو كمان حبها ،، انتبهت فجأة لباب اوضتها الليى بيخب٭ط وبتدخل منه صفاء 

فريدة بتوتر/ اهلا يا طنط اتفضلي 

صفاء بجمود/ منا اكده ولا اكده هتفضل ،،مش داري ولا ايه ؟

فريدة بتوتر/ طبعا اكيد بيتك ،، حضرتك تؤمري بحاجة ؟

صفاء بجدية/ اسمعي اني اليومين دول شايفاكي لافة حوالين ولدي وبتحاولي توجعيه بس اني بجي مش هديكي الفرصة وهجولهالك علي بلاطة اكده ،، انتي تهملي ولدي لحاله ،،اني مش هسمحلك تاخديه مني كيف ما امك عملت في سلفي وخدته علي مصر فاهمة ولا لاه

فريدة باستغراب/ ومين قالك اني هاخد بدر واني اقدر اصلا ابعده عنكم 

صفاء بحد٭ة/ انتي فاكراني هبلة مش فاهمة شغل المصراوية ده ،، لا اني خابرة ان هو ده اللي انتي رايداه 

فريدة باندفاع/ يا طنط انا عمري ما هعمل كدة لاني بحب بدر ،، ايوة بحبه وعشان بحبه عمري ما هفكر ابعده عنكم بالعكس انا كل اللي عاوزاه انكم تحسسوني اني واحدة منكم ،، صدقيني والله انا مش عاوزة اخد بدر منك ،،وانا عمري ما هخيره بيني وبينكم لاني متأكدة انه هيختاركم لانكم اهله

كانت صفاء بتسمع فريدة بحيرة / اوعاكي تكوني بتجولي اكده لاجل ما تخليني اوافج وبعدين تلعبي في راسه 

فريدة بابتسامة/ ابدا لان بدر اصلا ميعرفش اني بحبه ،، بدر بالنسبالي الامان واللي حسيتو وسطيكم هنا عمري ما هلاقيه في اي مكان في مصر ،،انا بس كل اللي طالباه منك انك تعامليني زي جميلة      

صفاء اتنهدت بحيرة وفجأة ابتسمت وفتحت ايديها الاتنين فابتسمت فريدة وجريت علي صفاء حضنتها 

صفاء بحب/ من اهنه ورايح تجوليلي يا ماما واني اوعدك انك تبجي كيف چميلة واكتر 

فريدة بسعادة/ حاضر يا ماما 

..........................

بعد يومين كانت جميلة مبتنزلش من اوضتها خالص ولا حتي بتاكل كويس فكانت دايما سرحانة لحد ما في يوم قررت تخرج تتمشي فكانت خارجة من البيت وشافها باسل اللي كان جاي من بعيد فاستغرب وملامحه اتحولت للغضب وشك انها رايحة تقابل فارس ففضل ماشي وراها لحد ما لاقاها بتروح بعيد عن البلد بس كان باين عليها انها ماشية سرحانة وفجأة شاف فارس بيقرب منها فاتعصب واتأكد من شكوكه بس فجأة ملامحه بهتت لما .....

البارت الحادي عشر والاخير 

في حماية صعيدي 

بقلمي اسراء ابراهيم 

لما شاف جميلة خافت اول ما شافت فارس وسابته وكانت بتجري وهي بتصوت بس فارس لحقها وكممها بمنديل ووقتها باسل قلبه اتقبض وقرب بسرعة منه وهو بيجري عشان يلحقه قبل ما يركب عربيته بجميلة بس لما شافه فارس حط الس٭كينة علي رقبة جميلة 

باسل بغضب/ انت بتعمل ايه يا حيو٭ان ،،سيبها والا هق٭تلك 

فارس بغضب/ انت بتطلعلي منين ،،ابعد والا هندمك واق٭تلها قدامك 

باسل بخوف مش باين / انت فاكر انك تقدر تعمل حاجة  ،، انت اخرك تتكلم ،، وبدر لو عرف باللي انت عملته ده هيق٭تلك 

فارس بغضب/ مش فارقة كدة موتة وكدة موتة بس ابقي اخدت اللي انا عاوزه 

باسل قلبه اتقبض بس في نفس الوقت جت عربيات كتير ومنهم عربية بدر وفارس وقتها خاف وساب جميلة وركب عربيته وجري وباسل لحق جميلة بسرعة قبل ما تقع وهي مغمي عليها 

......................................

في بيت بدر كان داخل وشايل جميلة 

صفاء بخوف/ يا مري ،،مالها خيتك يا بدر 

بدر بجدية/ چميلة زينة يما متجلجيش وولد خيتك اني هربيه علي اللي كان رايد يعمله في خيتي 

باسل كانت عنيه علي جميلة وهي نايمة وقلبه مو٭جوع ومرعوب عليها عكس الهدوء اللي كان باين عليه وسابهم وخرج وهو حاسس بخنقة رهيبة وحيرة لانه كان فاكر انها رايحة تقابله بس اللي حصل غير كدة،، انتبه باسل لصوت تليفونه وكان ابوه نبيل 

باسل بهدوء/ صحيح اللي حصل ده يا باسل ،،عمك لسة مكلمني 

باسل بغضب /ايوة يا بابا ،،الحيوا٭ن كان عاوز يخط٭فها 

نبيل بضيق/ اكيد كان عاوز ينتقم منها عشان رفضته قدامنا كلنا امبارح ،، فعلا شاب قذر 

باسل بصدمة/ انت قولت ايه يا بابا ؟ لو سمحت عيد تاني اللي قولته 

نبيل بتلقائية/ ايوة قبل انت ما تيجي جميلة رفضته قدامنا وبقت يا حبيبتي تعيط وتتحايل عليا اكلم عمك واقنعه يرفض اللي اسمه فارس ده ،، الا صحيح انت ليه قولت لعمك انك كلمتني عشان اخطبلك جميلة ؟

باسل بفرحة/ عشان بحبها يا بابا وعاوزها ليا 

نبيل بفرحة/ والله زين ما اخترت يابني ده يوم المني بس ياريت في اقرب وقت عشان البت تخلص من كل القر٭ف ده 

باسل بسعادة / عندك حق يا بابا ،،اانا هقفل 

معاك عشان اروح احدد معاد الفرح مع بدر سلام 

...................... 

كانت جميلة بتعيط اول ما فاقت من البنج وبدر كان قاعد قدامها بعد ما بعت امه تعملها حاجة تشربها 

بدر بابتسامة/اظن اتعلمتي من غلطك يا خيتي وعرفتي ان اللي بيحب بيچي من الباب مش من الشباك 

جميلة بحزن وهي بتبص لبدر/ انت عرفت مش اكده ؟

بدر بجدية/ باسل حكالي كل حاچة اما كانت خالتك وولدها اهنه واني وجتها وعدته اني مش هتحدت وياكي في حاچة طالما عدت علي خير بس كنت مشيع حد يراجبك ،،كاني كنت حاسس ان الناجص ده هيفكر يعمل حاچة 

جميلة بحزن/ اني اسفة يا اخوي ،، صدجني اني مكنتش اعرف انه مهيحبنيش بحج وحجيجي وان نيته وحشة 

بدر بتنهيدة/ المهم انك اتعلمتي الدرس يا خيتي واعتقد ان خطوبتك من باسل معدتش ليها لازمة ولا ايه ؟

جميلة قلبها و٭جعها ومقدرتش ترد بس اللي رد باسل اللي دخل من الباب 

باسل وهو بيدخل من الباب/ ازاي بقي وانا جاي احدد معاد كتب الكتاب والفرح 

جميلة اتصدمت وبصت لباسل بقلق بس هو بادلها النظرة بحب وهو بيقرب منها وبيقعد جمبها 

بدر بغموض/يعني انت متوكد يا واد عمي من اللي بتجوله 

باسل بثقة/ طبعا ،، ومتقلقش جميلة اختك في عيني 

جميلة قلبها دق ومش مصدقة ان فعلا باسل بيقول كدة 

بدر وهو بيقوم/ حيث كدة بجي اروح اتفج مع ابوي علي المعاد 

مشي بدر وباسل بص لجميلة اللي كانت بتبصله بحيرة وقبل ما تسأله اتفاجأت بيه بيتكلم 

باسل باندفاع/ بحبك يا جميلة وعايزك تبقي شريكة حياتي 

جميلة بصدمة وفرحة/ انت ازاي انا مش مصدجة ،، اوعي اكون صعبت عليك وبعدين انت جولتلي كلام صعب جوي يا باسل ،،ايه اللي غير رأيك

باسل بابتسامة / اني عرفت كل حاجة واتأكدت انك خلاص مبقتيش تحبيه 

جميلة باندفاع / صدجني اني مكنتش عاشجاه عشان ابطل اعشجه ،، انا كنت موهومة مش اكتر انا معرفتش يعني ايه العشج غير لما شوفتك وعرفتك 

باسل وهو بيزيح خصلة شعرها اللي نازلة/ بحبك يا جميلة وكل كلمة قولتهالك قبل كدة كانت من ورا قلبي 

جميلة بخوف/ يعني الحديت اللي جولتهولي كان من ورا جلبك بحج ولا لساك من جواك شايف اني مهنفعكش 

باسل بابتسامة/ انا كنت موجوع يا جميلة وعشان كدة رديت عليكي وقولتلك كدة عشان او٭جعك واخليكي تحسي نفس الاحساس اللي وصلني ،،مكنتش متخيل انك تكوني لسة بتحبيه بس دلوقتي بقولك اللي في قلبي،، انك مالية عيني وروحي ومن اول ما شوفتك وقلبي حبك يا  جميلة 

جميلة بفرحة/ وه ،،حديتك حلو جوي يا مصراوي واني مهجدرش اجول زيه بس اللي اجدر اجوله اني عاشجاك يا باسل ومكنتش احلم اني قصة عشجي تبجي احلي من الكتب اللي كنت بجراها 

باسل بابتسامة وهو بيغمز بيعنيه/ لاده انا اخلي كتب الكتاب انهاردة عشان اعرف ارد علي الكلام الحلو ده 

جميلة بخجل/ اتلم يا واد عمي عيب اكده احسن اجول لابوي ويج٭تلك 

ضحك باسل بصوت عالي هو وجميلة اللي اتنهدت براحة وهي من جواها اسعد بنت في الدنيا

......................

كان واقف بدر قدام البيت لما جاله مغاوري جوز خالته وهو بينهج

مغاوري بلهفة/ احب علي يدك يا بدر تهمل ولدي واني هربيه عاللي كان هيعمله وهاخده ونسيب البلد كلياتها

بدر بجدية/ متجلجش ولدك ههمله بس بعد ما ادبه علي اللي كان بيفكر يعمله في خيتي وبعد اكده برضه هتاخده هو واخته ومرتك وتهملو البلد ولو لمحت طيفكم صدجوني مش هيحصلكم  طيب 

مشي مغاوري بعد ما شاور لبدر بطاعة وبدر وقتها اتنهد براحة وبص لفوق علي بلكونة فريدة وشافها واقفة بتبتسم ليه فابتسم بحب وقرر يطلعلها لانها وحشته اوي فدخل البيت بسرعة 

........................

كانت واقفة فريدة بتحضر نفسها للكلام اللي هتقوله لبدر بعد ما قررت تعترفله بحبها فكانت في قمة سعادتها لحد ما سمعت صوت رسالة واول ما قريتها فجأة ملامحها اتبدلت للحزن ودموعها نزلت بصمت 

بدر بحب / وحشتيني 

فريدة وهي بتمسح دموعها/ احم ،،ممكن نتكلم شوية ؟

بدر باستغراب / طبعا نتحدت وماله ،،وادي جاعدة اتفضلي جولي 

فريدة بجمود/ اعتقد انك خلاص حلتلي مشكلتي ومبقاش في داعي اننا نفضل سوا 

بدر بتكشيرة / تجصدي ايه بحديتك ده ؟

فريدة بحزن/ بعني طلقني يا بدر لاني مش عاوزة افضل علي ذمتك 

بدر بغضب وجمود/ تمام يا مصراوية اللي انتي رايداه ،،ده كان وعدي ليكي من الاول اني هنفذلك طلبك بعد ما احللك مشكلتك 

فريدة بخنقة/ وانا اخترت فلو سمحت تنفذ وعدك وتطلقني 

بدر بغضب مكتوم / تمام ،،حالا هتحدت مع عمي واطلب المأذون والليلة هتكوني حرة 

خرج بدر بغضب وفريدة وقتها انهارت وبقت تعيط بحرقة وهي مش مصدقة انها طلبت من بدر انه يطلقها بعد ما كانت راسمة احلامها وحياتها معاه وبعد ما حبته واتعلقت بيه ،، فضلت تعيط لحد ما انتبهت لصوت صفاء اللي دخلت ليها 

صفاء بلهفة/ وه ،،ايه اللي حوصل يا فريدة يا بتي وايه الحديت اللي بيجوله بدر ده ،،طلاج ايه اللي انتي رايداه 

فريدة ما صدقت شافت صفاء وقامت جريت وحضنتها بلهفة وهي بتعيط 

صفاء بقلق/ بسم الله ،،مالك يا بتي ايه اللي حوصل بس احكيلي مش بتجولي اني كيف امك 

فريدة بشحتفة / اوعديني انك متقوليش لبدر ولا لحد وانا هحكيلك لو سمحتي اوعديني 

صفاء بقلق اكبر  / ماشي بس احكيلي في ايه ؟

فريدة مدت ايديها بالتليفون فقرت صفاء الرسالة بصوت عالي وكانت من هشام 

صفاء بصدمة/ لو فعلا خايفة علي البيه بتاعك يبجي تسيبيه انهاردة والا هتحزني عليه عمرك كله برص٭اصة واحدة بس 

صفاء بخوف /  يا مري يا ولدي ،، بجي ولد المحروج ده بيهد٭دك وانتي عشان اكده طلبتي الطلاج 

فريدة بحزن/ مش هسامح نفسي لو بدر جراله حاجة بسببي وهدوس علي قلبي  لاني بحبه وعشان كدة لازم ابعد عنه يا ماما صفاء 

بدر بابتسامة /ومين جالك اني ههملك واخليكي تبعدي عني يا فريدة 

فريدة بصدمة/ بدر ؟ 

بدر بهيام وهو بيقرب / بجي هونت عليكي تهمليني عشان سبب خايب زي ده 

فريدة بحزن/ سبب خايب ؟،، حياتك بالنسبالي مش سبب خايب يا بدر 

صفاء ابتسمت بحب واتأكدت ان فريدة فعلا تستاهل ابنها وعشان كدة سابتهم وخرجت بهدوء   

بدر وهو بيمسك ايد فريدة/ ايوة سبب خايب ،، انا كل اللي يهمني هو انك تكوني عاشجاني كيف ما عشجتك يا فريدة واي حاچة تانية صدجيني انا جادر عليها واللي اسمه هشام ده اني هخليه يهمل البلد كلياتها ويرحل ولو معملش اكده اوعدك اني امحيه من الوچود لاجل ما اشوف نظرة الحب اللي اني شايفها دلوك في عنيكي يا جمري 

فريدة بخوف/ ااوعدني انك تاخد بالك من نفسك عشاني يا بدر 

بدر بعشق / اوعدك لو انتي كمان وعدتيني انك تفضلي جاري يا فريدة مهما حوصل ومتهمليش جلبي واصل 

فريدة بحب / اوعدك افضل احبك لحد ما اموت 

بدر بهيام وهو مركز في عيون فريدة / بعد الشر عليكي يا نبض جلبي 

تمت  

بداية الروايه من هنا

🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺

اتفضلوا حضراتكم كملوا معنا هنا 👇 ❤️ 👇 

أجدد وأحدث الروايات من هنا

روايات كامله وحصريه من هنا

وكمان اروع الروايات هنا 👇

روايات جديده وكامله من هنا

انضموا معنا على تليجرام ليصلكم اشعار بالروايات فور نزولها من هنااااااااا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺