رواية من قلبي بقول، ،،،،،،أة الحلقه الرابعه والخامسه والسادسه والسابعه بقلم محمد منصور حصريه وجديده على مدونة أفكارنا
 |
رواية من قلبي بقول، ،،،،،،أة الحلقه الرابعه والخامسه والسادسه والسابعه بقلم محمد منصور حصريه وجديده على مدونة أفكارنا
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
★بص سمير للباب وقال
انا مش خيخة يا رياض ولو قولت كدة تاني هكسر دماغك
صوت رياض
تكسر دماغ مين. ودين النبي ل اكسر انا دماغك
وكسر رياض باب الاوضة وبص ل سمير وهو ناوي علي الشر ولسة بيقرب منه وقف امه في النص وقالت
بس يا رياض دة اخوك الصغير. خلاص اتجننت هتمد ايدك عليه قدام مني
رياض بعصبية
انتي عايزا تجنيني يا ما. انتي مش جيتي تصحيني وقولتي اخوك كيك وكيك. واقفة لية دلوقتي بيني وبينه ما تسيبني اعلمه الادب واكسر دماغه
خضرة
انا صحيتك علشان تكسر رقبه القادرة دي اللي عرفت تسخنة علي امه
بصيت لها واتعوجت اكتر ما انا معوجة وقولت بدلع علي
ابو سمرة هي دي صبحية مباركة اللي المفروض تتقال ل عريس وعروسة صبحيتهم
رياض
مالك يا بنت المراة. ما تتعدلي وبطلي العوجة اللي انتي فيها دي
قلبت وشي وحمرت في عينينه وقولت
بقي اسمع لما اقول لك. الوحيد اللي لي حق يقولي اعمل اية وما عملش اية هو جوزي ورجلي وحبيبي سمير
سمير
ايوة صحيح انا رجلها وحبيبها والوحيد اللي اقول تعمل اية وما تعملش اية. ويلا بقي خد امك واخرج من هنا عايز اقول حاجة عيب لمراتي
ضحكت بكيد يحرقهم وقالت خضرة
شايف الخدامه صدقت نفسي وافتكرت انها ست البيت وهو من اول يوم علي زمة اخوك قلبتها نار ما بينكم. وعرفت تركب علي ظهري وتدلدل رجليها
رياض
دة لا تخلق ولا هيتخلق اللي يركب علي ظهرك دة اجيبها تحت رجلك
ومد ايدة ومسكني من شعري وهنا قولت ل سمير
سمير ازاي تسيبة كدة يضرب مراتك
مسك سمير ايد رياض وزقها بعيد عني وقال
جري اية يا رياض هو انا مش مالي عينك ولا اية طيب ودين النبي لو كررتها تاني لكون سايب لكم البيت وواخد مراتي وماشي من هنا واسيبهلكم خربانه بيكم
رياض
طلع لك صوت يا اهبل يا ابو رياله
سمير
انا مش اهبل وبس بقي. والا والله اعمل زي ما قولت
خضرة اللي كان سمير نقطة ضعفها
كدة يا سمير تهون عليك امك
سمير
ما زي ما انتي امي هي كمان مراتي واللي بتعملي انت ورياض دة ما ينفعش
رياض وهو لسة هيهجم علي سمير منعته خضرة وقالت
بس ما تفروحش فيكم بنت فوزية هي عايزاكم تمسكوا في بعض
سمير
اسمها مدام سمير
ضحك رياض باستهزاء
مدام الخيخة شورتها
سمير ل صابرين
لمي الهدوم يا صابرين احنا ملناش قعاد هنا
خضرة
لا. يا سمير ما تقولش كدة. انا اموت لو بعد عني ليلة
سمير
عايزين اقعد خدي ابنك واخرجي خليني اقول لمراتي حاجة قليلة الادب
خضرة
هنخرج يا سمير بس بلاش تزعل نفسك
وبصت لي بغل وانا اتعوجت اكتر علي السرير. وبصيت لها من فوق لتحت بصة تفهم معنها الستات بس وخدت رياض اللي كان هايج ومش عايز يخرج لكنها قدرت تسيطر عليه وقفلنا باب الاوضة تاني والهواء رجع ينظف. وتعدي الايام علي الوضع دة وبقيت ست البيت ومش ملزمة اعمل اكل الا لجوزي بس ولا انظف الا المكان اللي بنكون في ويعدي شهرين بالظبط وجة محمد اجازتة اللي بينزلها وشوفته وحسيت اني شايفة عفريت مخنوقة منه. لكن قلبي لسة بيحبة. القلب اللي يعرف طعم الحب صعب عليه يعرف يكره انا بس كنت هموت واعرف لية عمل فيا كدة الباشا الظابط ما ينفعش يتجوز واحدة زيي. بس باين ان الباشا الظابط نسي انه بقي ظابط بحق حتة الارض بتاعتي اللي باعها ابويا علشان خاطر يدخل كلية الشرطة واتجمعنا علي طبلية واحدة ومش فادرة اوصف لكم فرحة خالتي كاتت ازاي بالباشا الظابط. وكانت عيون محمد كلها حزن علي كسوف وانا كل اللي بعمله اني بضحك علي كل كلمه يقولها سمير وقال يعني مبسوطة وخلصنا اكل وقومت اشيل الاطباق وجة ورايا علي المطبخ محمد قال يعني بيغسل ايدة ووقف في ظهري وقال بصوت واطي
حقك عليه بس انا لسة طالب كنت ازاي بس اتجوزك كنا هنعيش ازاي وناكل ونشرب منين
ضحكت وقولت وانا بغسل المواعين
انت بتتكلم عن اية يا باشا. علشان مش واخدة بالي
بص لي وقال باستغراب
بتكلم عن اية. عن اللي فات انتي نسيتي اللي كان بينا
بصيت من فوق لتحت وقولت
انا مش شيفاك اصلا علشان افتكر اللي فات
وندهت بدلع علي سمير وقولت
ابو سمرة. تعالي بقي اغسل ايدك. حاكم السمك زفر وريحتة ما حدش يطقها زي ايام فاتت كدة.
وبصيت له تاني ودخل علينا سمير وبدات اغسل ايدة وبوقة بنفسي وسمير كان بيقول وهو بيضحك وبيبص
ل محمد.
بذمتك نفسك ما اتفتحتش علي الجواز بعد اللي انتي شايفة دة. طيب ودين النبي الجواز دة احلي اختراع بعد الكهرباء
ومسك سمير ايدي وباسها ومحمد ما استحملش المنظر وخرج من المطبخ واستغرب سمير وقال
هو ماله
قولت له
باين عليه غيران مننا
سمير وهو بيبوس ايدي تاني
غيران مننا يعمل زينا
وضحك وانا ضحكت اوي لكن قلبي كان بيتقطع. وهنا دخل علينا المطبخ رياض وقال
ماتلمي نفسك يا ختي انتي وهو. نازلين مغازلة في بعض قدام مننا اية مش مكفيكم اوضة النوم
هنا بقي نويت اكمل مشواري واجيب مناخير رياض تحت رجلي ازاي. بالدلع واستغليت ان سمير بيتكلم معه وروحت معدية من قدام منه بالظبط ودوست علي رجله قاصدة وبصيت في عيونه ونفسه اختلط بانفاسي وقال رياض
ما تفتحي يا بنت
بصيت في عيونه بصت الفاجرة القادرة. بصة اتعلمتها من خضرة بصت شوفتها كتير بتتبص ل ابويا. وسكت وما اتكلمتش كفاية اوي اللي عينية قالته وسمع رياض وهو بيبلع ريقة الطعم شبك في حلق بوقة وفاضل بس اسحب الخيط واصطاد ابن خضرة.،، ويعدوا تلت ايام ويسافر محمد وخالتي تسافر معه علشان تزور اولياء الله الصالحين وجت لي فرصة ما بتجيش كتير للي طريقها شبة طريقي. هو طريق الانتقام. في ليلة رجع رياض من الورشة سخن درجة حرارته معدية الاربعين خدة علي الحنين وبدات ادي له العلاج في ميعادة وكمدات تلج علشان السخنية تنزل واحلي اكل عيشت تحت رجله تلت ليالي ينام واخر حاجة يشوفها هي انا ويصحي برضو اول حاجة يشوفها انا. لدرجة انه استغرب اللي بعمله وقالي في مرة
مالك يا بت. السهوكة دي ورها اية
ضحكت وقولت
سهوكة. دة جزاتي علشان خايفة عليك يا سي رياض
رياض
من امتي يا بت سي رياض دي
صابرين
من هنا ورايح. انا مش عارفة ازاي ماكنتش شيفاك كدة
رياض
كدة اللي هو ازاي يا بت
صابرين
راجل ملو هدومك اسد يتعمل له هيبة في المنطقة كلها
وقومت وقفت وقربت منه وحطيت ايدي علي راسه قال يعني بقيس له درجة الحراة. وقولت
دمك حر. اي ست تضعف قدامك
مسك رياض ايدية وزقها بعيد عنه لانه كان بدأ يضعف وقال
امشي يا بت غوري من هنا ومش عايزك تخشي اوضي تاني
قولت بدلع
والعلاج
رياض بعصبية
ما تكلمي عدل يا بت. وبطلي مياصة
ضحكت وانا بخرج من الاوضة. لاني عارفة انه بدأ يدوخ وقريب هيكون ذبيحة دمها يجري تحت رجلي. انتي اللي طلعتي الشيطان اللي جوة مني يا خضرة. ربنا يقويكي وتستحملي للاخر. ومن بكرة في شر جديد مستنيكي انتي وعيالك، ،،،،،،،،،،،،
مش هقول. علقو والجو دة. اكتب تقيمك للحلقة من
واحد ل عشرة. حلوة الصيغة دي.
من قلبي بقول، ،،،،،،أة.
★الحلقة الخامسة ★
كتابه. واقتباس
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وبعدها بكام يوم ترجع خضرة من عند محمد وكانو الكام يوم دول كفاية اوي علشان اعلق رياض بيا وماكنش بيعدي يوم غير لما احضره الفطار بنفسي ومع الفطار كوبية الشاي اللي ما بقاش يحب يشربها الا من ايدي. وجه يوم والصبح بدري ووقت ما كنت نايمة انا وسمير سمعت رياض بيقول
صابرين. انتي يا صابرين
خضرة قالت له
عايز اية منها
رياض
تقوم تفطرني وتعملي كوبية الشاي
وندهه تاني باعلي صوت
انتي يا صابرين
خضرة
ما انا صاحية اهو. وهعمل لك اللي انت عايزة
رياض بعصبية
انتي لا. انتي ما تعرفيش تعملي اللي بتعمله صابرين
خضرة
سمير مش هيخليها تقوم. من جنب منه تعمل لك فطار
رياض بنفس الصوت العالي
لية يعني ما كانت كل يوم بتقوم تفطرني
خضرة
ما كنتش انا موجودة. لكن انا جيت خلاص هتقوم لية هي
رياض
هتقوم بس قولي ليها رياض عايز يفطر ويشرب شاي من ايدك. وهي مش هتقول لا.
خضرة
مالك يا رياض ما قولت انا جيت خلاص واكلك وشربك انا اللي بعمله ولا انت عايز سمير يقلب تاني والبيت يتقلب حريقة
رياض
سمير مش هنا راح الشغل وانا بقيت متوعد افطر من ايد صابرين
خضرة
مش هتقوم تعمل لك اكل طول ما انا هنا
رياض بعصبية
هو انا اية مابقاش ليا كلمة في البيت دة.
خضرة
اما حكايتك حكاية. عايز تفطر انا هنا وهعمل لك فطار واكتر من كدة ملهوش لزوم الكلام
رياض
مش هتسمم.
وساب البيت ورزع الباب وراء منه وسمعت خضرة بتقول ل نفسها
هو رياض ماله. العصبية دي مش عصبية واحد عايز يفطر. ما مصيية ل يكون حصل اللي في بالي. اخ يحب مرات اخوة دي تبقي عيشته سواد. رياض دة لازم يتجوز.
ضحكت اوي وقولت لنفسي
عيشت وشوفتك بتكلمي نفسك يا خضرة ولسة.
وبعدها بشوية لبست جلبية محزقة وعملت صنية اكل كبيرة وكوبية شاي وروحت بيهم للورشة بتاعت رياض ووقفت علي باب الورشة وشوفت رياض قاعد وتحت منه 20.عقب سيجارة بص لي وقال
جوزك مش هنا بيجب بضاعه من مصر
ادلعت وانا بقول
الله ما انا عارفة. هو سمير بيروح في حتة غير لما يقولي
رياض
اومال جاية عايزا اية
نزلت الصنية قدام منه وقولت
جايبالك فطارك وكوبية الشاي
بص لي رياض اوي وهو مستغرب وقال
انتي عايزا اية بالظبط
صابرين
انا مش عايزا انت اللي عايز
رياض
انا مش عايز حاجة. وشيلي الصنية دي وامشي من هنا
وزق الصنية بايدة وطلع سيجارة تاني من علبته ولسة هيولعها خدها من ايدة فقال
هاتي السيجارة يا بت
صابرين
مش هاديك حاجة الا لما تفطر كفاية كل اللي شربته
رياض بعصبية
وانت مالك يا بت بيا ان شاء الله اشرب كل السجاير اللي في العالم
صابرين بدلع زيادة
اخاف عليك
وضحكت ولسة همشي مسك ايدي وقال
رايحة فين
صابرين
هروح بقي. علشان احضر الغداء لجوزي.
ومشيت وانا عارفة ومتاكدة انه كان بيبص عليه. الجاحد وقع في الشبكة والحب خلاه قدام مني زي العيان ودواء ضحكة مني. وجة ميعاد الغداء وقعدنا كلنا علي الطبلية وكان سمير بياكلني في بوقي ورياض بيبص للمنظر مش قادر ودمة بيغلي وخضرة متابعه وشايفة وعايزا تكتب عينيها لكن رياض كان مفضوح اوي. وفجاة في عز ما احنا بنهزر انا وسمير قال رياض بعصبية
ما تبطلو مرقعه بقي.
سمير
في اية اي رياض واحد بيهزر مع مراته مالك يا جدع
رياض بعصبية
بس ما تقولش مراتي
خضرة برقت وقال سمير اللي عدي الكلمة عادي
اومال صابرين تبقي اية اختي في الرضاعه
وضحك وضحكت انا وولعت النار زيادة واتشعلقت في رقبه سمير وقولت
اختك ازاي بس. بعد كل اللي بيحصل بينا بالليل
رياض بعصبية وهو بيضرب طبق الملوخية اللي قدام منه
قولت بس بقي. ودين النبي ما انا واكل
وقام من علي الطبلية ودخل اوضة وخضرة بصيت لي اوي وبدات تشك فيا لكنها قامت وراء رياض ودخلت وراء الاوضة فقال سمير
هو ماله
صابرين
باين عليه متغاظ مننا
سمير
متغاظ ما يروح يتجوز. ولا مين بس اللي تتجوز واحد زية. دة احنا بنخوف بي العيال في الشارع
ماكنتش مركزة مع سمير بيقول اية وكنت بصة لباب الاوضة وعايزا اسمع بيقولو اية لكن اللي اتمنيته حصل لما لقيت رياض خارج من الاوضة وهو بيزعق. لامه وبيقول
مش هتجوز ياما انا حر. هو اية الجواز بالعافية
خضرة اللي خرجت وراء
يا رياض يا ابني مش كدة الكلام اخد وعطاء طيب بس في الاول شوف العروسة اللي انا جايبهالك. البت مديجة بنت خالك سطوحي
رياض
قولت مش هتجوز انا حر ولو قعدتي معاكم مخلايكم زهقانين اوي كدة انا هغور من وشكم
وراح ناحية باب البيت وخضرة بتقول
رايح فين بس
رياض وهو بيرزع الباب وراء منه.
رايح في ستين داهية
ورجعت خضره تبص لي تاني وانا ببص لها بجبروت وبضحك وانا بحط لقمة ملوخية في بوق سمير اللي كان بيقول ل خضرة
تعالي يا ما كملي اكلك ومتخافيش علي رياض هتلاقي رايح يسكر وجاي. هيروح فين بس
خضرة وهي عماله تبص لي
شبعت
لاحظ سمير بصات امه ليا فقالي
هي امي بتبص لك اوي كدة لية
قولت له
تلاقيها بتشبه عليه
ضحك سمير وقال
حلوة بتشبة دي. تبقي بنت اختها وبتشبه
قولت في سري
اصل اللي قهرته علي امها وابوها ماتت واتولدت علي ايديها حرباية.
وغاب رياض عن البيت قولو حوالي اسبوع واختفي نهائي حتي ما كنش بيروح الورشة ورجع في يوم سكران فتحت له خضرة وفرحت اوي انها شافته وقالت وهي بتعيط
كدة برضو يا رياض اهون عليك تغيب عني الوقت دة كله
رياض
انا عايز اتجوز
خضرة
دة يوم المني. بس انت متبهدل لية كدة
رياض
مالكيش دعوي بالبهدله اللي انا فيها. وقبل ما تطلع شمس بكرة تكون عروستي نايمة في حضني النهاردة
خضرة
انت بتقول اية. ودة يبقي جواز مش لازم نمشي تبع الاصول ونطلب ايديها من ابوها
رياض. وهو بيطوح
بس اللي انا عايز اتجوزها ابوها ميت. احنا كل اللي هنعوزه اننا نطلقها من جوزها
خضرة باستغراب
انت عايز تتجوز واحدة متجوزة.
رياض
وفيها اية طالما عايزيني انا وبتحبني اكتر ما بتحب جوزها
حتي اساليها اهه عندك جوة
وراح رياض وفتح علية باب الاوضة وانا قاعدة علي السرير وبسرح شعري وبقول وكاني مش سامعه اية اللي اتقال.
فتحتي الباب لية يا خضرة
خضرة اللي ما بصتش ليا اصلا وكانت بتقول ل رياض. بعصبية
انت اتجننت. عايز تتجوز مرات اخوك خلاص النسوان خلصت
رياض
هي ما بتحبوش وبتحبني انا. حتي اساليها
بصيت ل خضرة وقولت ببرود شبة برود جلد الثعابين
خضرة هو زيت الشعر بتاعي عندك.
خضرة ل رياض
انت سكران ومش عارف بتقول اية. بنت فوزية عرفت تلعب بيك يا راجل البيت
رياض
انا ماحدش يقدر يلعب بيا. هي بتحبني وانا بحبها
وهنا يظهر سمير في المشهد ويقول
رياض حمد لله علي السلامه اخيرا ظهرت يا جدع
وكان رايح سمير ياخد رياض في حضنه زقة رياض بعيد عنه.
اسمعني كويس زي ما كنت السبب في جوازك من صابرين. فانت لازم تسمع كلامي علشان اتجوز
سمير بحسن نية
هتتجوز خلاص الف مبروك يا خويا. ومين دي اللي امها داعية عليها. لا. اقصد يعني داعية لها
رياض
صابرين
اتصدم سمير وقال
صابرين مين
رياض
مراتك
خضرة ضربت رياض بالقلم وقالت
اسكت
سمير
مراتي ازاي يعني. هو ينفع واحدة تتجوز اثنين
رياض
انت هطلقها علشان انا هتجوزها
سمير
رياض انت سكران صح.
رياض وهو بيمسك ذراع سمير بعنف
اسمع انا اللي اقول لك عليه تعمله وانت حاطط الجذمة في بوقك. طلق صابرين
سمير وهو بيبعد ايد رياض عنه
مش هطلقها
ضربه رياض بالقلم وهو بيقول
لا. هطلقها ورجلك فوق رقبتك
سمير وهو بيزقة في صدرة
بطل افتري بقي يا اخي. عملت لك اية وحش علشان تحرمني من مراتي
رياض
مراتك بتحبني انا.
سمير وهو بيضرب رياض
بس انت شيطان. صابرين عمرها ما حبت غيري حتي اسالها
سمير
انا مش هسال حد. ومش هطلق واعلي ما في خيلك اركبه
رياض
كبرت عليه وبقيت تعرف تعلي صوتك اية وحشتك علق زمان
ويدأ رياض يضرب في سمير وسمير يضرب في وخضرة تصرخ وتصرخ وتحاول تبعد عنهم وفجاة تلاقي دم في ايدها دم يخص ابنها سمير ، ،،،،،،،،،،،،،،،
مش هقول. علقو والجو دة. اكتب تقيمك للحلقة من
واحد ل عشرة. حلوة الصيغة دي.
من قلبي بقول، ،،،،،،أة.
★الحلقة السادسة★
كتابه. واقتباس
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ويدأ رياض يضرب في سمير وسمير يضرب في وخضرة تصرخ وتصرخ وتحاول تبعد عنهم وفجاة تلاقي دم في ايدها دم يخص ابنها سمير صرخت خضرة لما شاف المطواة بتاعت رباض مغروزة في قلب سمير ووقع سمير علي الارض وصعب عليه اوي صرخت ما كنتش عايزا الحكاية توصل للدم لكن رياض العمل اللي كنت ما عمري اتخيلة انه يقتل اخوة علشاني ولسة هيهرب رياض مسكوه اهل المنطقة ومافيش ساعه الا والحكومة والاسعاف كانوا قدام البيت عندنا ولبس رياض الكلبشات واتحط في البوكس قدام اهل الشارع كلهم وفضي البيت عليه انا وخضرة اللي فضلت بصالي وساكتة لاهي قادرة تقول اني حاسة انك وراء اللي بيحصل دة ولا قادرة تكذب نفسها وجه محمد اول ما عرف باللي حصل لاخواته وبدات التحريات تتم بسرعه ولقيت نفسي قدام الظابط ومعه كان قاعد محمد وبيبص لي الظابط وبيقول
رياض اعترف انه قتل اخوه علشان كان عايز يتجوزك وانك انتي وراء اللي حصل دة
قولت بجبروت ما عرفش بقي جويا من امتي
اللي يقول يقول يا باشا دة واحد عايز يسحب حد معه للمشنقة
الظابط
واشمعني انتي اللي عايز يسحبك للمشنقة
صابرين
ماعرفش يا باشا. بس هو بالعقل كدة لو انا حتي ست بطاله وشاغلت اخو جوزي علشان اخلي يتجوزني دة حصل امتي وازاي في وجود امه خضرة واخوة سمير الله يرحمه. وبعدين يا باشا اهل المنطقة كلها تشهد انا كنت بحب سمير قد اية. ولية ناخد بشهادة اهل المنطقة الباشا محمد اهو اخو سمير. اساله كدة انا كنت مبسوطة قد اية مع سمير
بس الظابط ل محمد فقال محمد
انا شوفت بعينيه حب صابرين ل سمير. واشهد بكدة
الظابط
اومال لية رياض اخوك قال الكلام دة
سمير
والله انا لما اتكلمت مع امي قالت ان رياض في الفترة الاخيرة اتغير وكان باين عليه انه بيغير من اخوة المتجوز وديما كان متعصب بسبب ومن غير سبب لكنها ما جابتش سيرة صابرين من بعيد اوي قريب
الظابط
حاجة غريبة فعلا. ومش مفهومة
صابرين
ولغاية ما تتفهم انا هفضل هنا ولا عادي لو روحت
الظابط
استني برة شوية يمكن احتاجك
ويروح كلام ويجي كلام وناس من اهل المنطقة يدخلو ويشهدوا علي قد اية انا كنت مثال للزوجة اللي بتحب جوزها وازاي سمير كان بيشكر فيها قدام الناس كلها وازاي برضو ان رياض دة سمعته وحشة واسلوبة وحش مع كل الناس. والخمرة اللي كانت ديما ريحتها في بوقة كلام كتير طلعني براءة وكلام اكتر لبس رياض البدله الحمراء خد اعدام وكانت صدمة خضرة شديدة خسرت اتنين من ولادها في خلال كام شهر وقرر محمد يبيع البيت ونتنقل كلنا ونعيش معه في القاهرة وبفلوس البيت اشتري شقة اوضين وصاله نام هو وامه في اوضة وانا نمت في الاوضة التانية كان نفسي خضرة يجي اجلها في حكاية زي دي لكنها ماسكة في الدنيا بايديها ورجليها. اللي زيها تخاف تموت لان عارفة جهنم عاملة ازاي وتعدي السنين ويتخرج محمد من كلية الشرطة ويبقي ظابط وجالي لغاية عندي وركع قدام مني وقال
دلوقتي وبعد ما اتخرجت وبقيت اقدر افتح بيت فانا كمان اقدر اطلب ايد حبيبتي. صابرين
قولت باستغراب
حبيبتي. انت لسة فاكر دة كلام عدي عليه سنين
محمد
انا اول مرة سيبتك تضيعي من ايدي علشان ما كنش في ايدي اللي اقدر اقدمه ليكي تقدري تقولي لو كنا اتجوزنا كنا هنعيش انا وانتي منين.
صابرين
الباشا الظابط عايز يطلع نفسه براءة قدام مني ما بقاش ينفع تضحك عليه تاني. انا خلاص كبرت وبقيت اعرف اوزن الكلام كويس. انت اتخليت عني اول مرة علشان انا مانفعش ابقي مرات حضرة الظابط. صابرين بنت عبد العاطي نجار المسلح ازاي بس تبقي مرات الباشا محمد
وعيط من وجع قلبي اللي كان بيقول بدل ال اة. الف اة لكنه مسح دموع عيوني وقال
لا يا صابرين انتي غلطانه لو حسبتيها كدة. انا مش قليل الاصل علشان انسي انا بقيت ظابط بفلوس مين. دة لولا ارضك اللي اتباعت علشان اخش بيها كلية الشرطة انا كنت بقيت اي حاجة
صدقته وحسيت ان ابواب قلبي اتفتحت تاني للحب حب محمد وقولت
بجد يا محمد ولا بتضحك عليه. بالله عليك انا قلبي مبقاش مستحمل
باس ايدي وقال
لا بجد والله العظيم قلبي ما بيدقش الا بحبك انتي وكنت كل مرة بنزل اجازة واشوفك بين ايدين سمير كنت بتجنن من الغيرة عليكي. انا محمد يا صابرين العيل الصغير اللي كبر بيكي ومعاكي. انا محمد اللي عيونه بتحلو لما بيلمسوا صورتك انتي النور اللي بي اعدي في اي ظلمة
وهنا سمعنا صوت خضرة بتقول
واية كمان يا روح امك
بعد محمد عني وقال
امي انتي رجعتي امتي من برة.
خضرة وهي بترمي شنطة الخضار اللي في ايديها
من اول لما كنت بتغير وهي بين ايدين سمير.
وبصت لي بغل وكرهه السنين وقالت
مالكم يا ولاد بطني. هي بنت فوزية سحرالكم ولا اية. انتوا التلاته بتريلو عليها لية. اللي انت بتتنحنح لها دي. اقطع ذراعي من فوق لو ماكنش هي اللي وقعت رياض علي وشة وخليته يقتل اخوك
صابرين
وهو رياض اللي كان بيخوف رجاله بشنبات تقدر عليه واحدة زيي
خضرة
المراة الكهينة تقدر تهد جبل لو حطيته في دماغها مش راجل
صابرين
زي ما عملتي انتي كدة مع ابويا وخدي من حضن امي
محمد. بعصبية
ما خلاص بقي. و اهدوا وما تسمعوش الناس بينا. احنا هنا في عمارة كلها عائلات محترمة مش في البلد
خضرة بكهن
انت بتزعق ل امك. يا محمد دي اخرتها.
محمد وهو بيبوس ايد امه
ماقصدش يا امي. بس بالله عليكي بلاش نبش في ماضي مش هيجي من وراء الا وجع القلب
خضرة
مش عايزني اتكلم. اوعدني انك ما تتجوز القادرة دي
ابتسمت بسخرية وقولت
انا برضو اللي قادرة
محمد بص لي وقال
صابرين بالله عليكي اسكتي
بصيت لهم وروحت ناحية باب الاوضة وانا بقول
انا خارجة وسايبها لكم.
وخرجت من الاوضة ووقفت علي الباب وسمعت خضرة بتقول
لو ليا خاطر عندك ما تتجوز اللي يتخفي اسمها دي. دي خدامه وبدلعكم ليها صدقت انها ست
محمد
بعدين يا امي نتكلم بعدين
خضرة
انت مش عايز توعدني لية. يبقي انت ناوي تتجوزها
محمد
امي انا لسة في بداية حياتي ومستقبلي ملهوش ملامح لما ابقي قد الجواز نبقي نتكلم. ودلوقتي خشي خدي علاجك علشان الضغط مايرجعش يعلي عليكي تاني
خضرة
طيب اسمع انا بتاع الفاكهة كلمني عايز ايد صابرين اية رايك نجوزهالو ونرتاح منها
محمد
عم احمد عايز يتجوز. دة انا اسمع انه متجوز تلاته وعنده يجي 20 عيل.
خضرة
واية يعني.
محمد
امي صابرين برضو بنت خالتي ازاي ارميها الرمية دي
خضرة
خلاص ناخدلها بيت في المنصورة وترجع تعيش في
محمد
لوحديها يا امي اسيب بنت خالتي اللي فتحت لينا بيتها وقت عوزتنا تعيش لوحديها وتاكل وتشرب منين تتسول لقمتها
خضرة
واحنا مالنا باكلها وشربها ما ياكلها قطر
محمد
امي انا مش هسيب صابرين. وبعد اذنك انا راجع تعبان ومحتاج ارتاح
وخرج من الاوضة وخرجت وراء منه خضرة وبصيت لي وانا بصيت لها وقريت في عيونها الغدر وهي بتقرب ناحيتي وبتقول
بعينك. دة الباشا يا بت ويوم ما هيتجوز هيتحوز بنت باشا زية
ابتسمت وقولت
تراهني ان قلبه مش ملكة.
خضرة
اومال ملك مين
ضحكت باعلي صوت وقولت
اسالي اللي سبقوة وانتي تعرفي
وسيبتها ودخلت اوضي. وسمعتها بتقول
ماشي يا بنت فوزية، ،،،،،
وفضلنا علي الحال دة حرب باردة بيني وبينها لغاية ما جة عندنا في الشقة صاحب محمد في الداخلية وظابط زية ومحمد كان بيتكلم معه وبيقول
بقي انت عايز تقنعني ان شهيرة بنت المامور نادر شوقي ممكن تبص لواحد زيي
رد صاحبة وقال
بصت وسالت عليك النهاردة الصبح في نادي الشرطة. انت بس لو تسمع كلامي وتركز مع البت دي شوية. انت عارف ساعتها لما تبقي بنت المامور مراتك هيحصل اية
ضحك محمد وقال باستهزاء
مراتي مرة واحدة طيب يا فالح خليني اخش. اخد دش واخرج لك علشان نروح نشوف شغلنا
وفعلا دخل محمد الحمام وهنا ظهرت خضرة وقالت لصاحب محمد
انا ام. الباشا محمد وسمعتكم كدة بتتكلمو علي بنت المامور هي بجد عينها من محمد
صحاب محمد قال
دي ما بتشفوهوش يا طنط الا لما تفضل متنحه لي. بس اقول اية محمد ابنك فقري ومش عايز يعبرها
ابتسمت خضرة بخبث وقالت
هو مش عايز يعبرها. بمزاجة اخلي يعبرها غصب عنه بس انت قولي عنوان المامور دة.
وهنا فهمت خضرة ناوية علي اية. خضرة عايزا تخلي الجوازة دي تتم باي شكل. وهتلعب علي كدة وياعالم هتنجح في كدة ولا محمد هيكون لي راي تاني. واجابة سوالي جت اسرع مما تخيلت لما في يوم لقيت باب الشقة بيخبط وروحت افتح لقيت بنت المامور وامها. ومعهم محمد اللي ل تاني مرة بيوعد ويخلف. بس تمت ازاي وبقوا مع بعض ازاي هقول لكم. بس بكرة باذن الله. سلام
من قلبي بقول، ،،،،،،أة.
★الحلقة السابعة★
كتابه. واقتباس
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وهنا فهمت خضرة ناوية علي اية. خضرة عايزا تخلي الجوازة دي تتم باي شكل. وهتلعب علي كدة وياعالم هتنجح في كدة ولا محمد هيكون لي راي تاني. واجابة سوالي جت اسرع مما تخيلت لما في يوم لقيت باب الشقة بيخبط وروحت افتح لقيت بنت المامور وامها. ومعهم محمد اللي ل تاني مرة بيوعد ويخلف. بس تمت ازاي وبقوا مع بعض ازاي هقول لكم. من اول ما سمعت خضرة بتقول ل محمد
هي دي جوازة تحتاج ان تفكر فيها مرتين. انت عارف جوازك من بنت المامور دة هيفرق معاك ازاي في مستقبلك
محمد
عارف زي ما انا عارف برضو ان مستحيل المامور نادر يجوز بنته ل واحد زيي محلتوش الا مرتبه
خضرة
وفيها اية ما انت بكرة هتبقي مامور زية والصغير مسيرة يكبر.
محمد
امي ريحي نفسك انا مش قد النسب دة.
خضرة
لا قده ونص وانت ما تقلش عنهم كلهم. دة انت كمان احسن منهم واي واحدة تتمناك
محمد
كل دة انتي شايفة علشان انا ابنك. لكن في النسب الوضع يختلف بنت المامور اللي انتي عايزها تبقي مراتي دي. ما بيكفهاش 1000 في الشهر مصاريف وانا كل مرتبي
300 ج. تقدري بقي تقولي اعيشها ازاي
خضرة
هبيع حتتين الذهب اللي حيلتي وخلي فلوسهم معاك. بس ما ضيعش فرصة زي دي من ايدك
محمد
فرصة مش مقاسي. بلاش اعشم نفسي بيها هتعب
خضرة
انت عايز تقول لا وخلاص
محمد
مش كدة. بس بالعقل انا من طينة وهما من طينة تانية الجوازة دي في ظروفي بتاعت دلوقتي مستحيل تتم
خضرة
ولو خليت بنت المامور تيحي لغاية عندك هي واهلها
محمد
واية اللي يخليهم يعملو كدة. هنمسك عليهم ذلة
تضحك خضرة
دة شغلي انا بقي. بس توعدني لو جم لغاية عندك تشيل من دماغك فكرة هما فين واحنا فين وتتم الجوازة وكل المصاريف انا هتصرف فيها
محمد
لما يجيوا نبقي نشوف ساعتها. انا رايح الحمام
وخرج محمد من الاوضة شافني واقفة راح ناحيتي وقال
صابرين انت واقفة من امتي
بصيت له وقولت
هتفرق معاك
محمد وهو بببص لباب الاوضة خايف لامه تخرج قال
اة هتفرق.
صابرين
ولما هو يفرق لية ما قولتش ل امك انك هتتجوزني انا وتخليها تشيل من دماغها جوازك من بنت المامور
محمد
صابرين انا باخد امي علي قد عقلها. لكننا ل بعض ولو اية حصل
صابرين
نفسي اصدقك. بس المرة مش قادرة
محمد
صدقيني يا صابرين احنا ل بعص
بصراحة بصيت له وقلبي اتقسم نصين نص مصدق ومص مكذب وسيبت الايام ترد علي سؤالي دة، ،وبعدها ب شهر بالظبط عرفت ان خضرة خدت عنوان المامور من صاحب محمد وراحت لهم زيارة وطبعا عملت فيها بنت ناس وقال يعني معها فلوس وفضلت تمجد في محمد قدام المامور وبنته شهيرة. وسابتهم ومشيت علي كدة بعد ما طلبت من مرات المامور انهم يبقوا يردوا الزيارة. ورحعت بيتها وبعدها ب كام يوم سمعت محمد بعد ما دخل الشقة كان عمال ينادي علي خضرة وبيقول
امي. امي
رديت خضرة عليه وقالت
انا هنا يا محمد
راح محمد اوضتها ووقف قدام منها وقال
اية يا امي اللي عملتي دة.
خضرة
عملت اية
محمد
تروحي تزوري المامور في بيته من غير ما تعرفيني
ضحكت خضرة وقالت
وفيها اية.
محمد
يا امي المامور طلبني النهاردة في الشغل وقالي ان مراته وبنته جاين بعد العصر عندنا هنا
خضرة وهي لسة بتضحك
يبقي وافقو علي الجوازة. مش قولت لك هخليهم يجوا لغاية عندك
محمد
بس انا يا امي مش،،،،،،،،،
لكن خضرة قطعته وقالت
بطل رغي وانزل هات لنا فرختين وكليو رز وخضار وكليو لحمة. وكام كليو فاكهة علي مزاجك. ومتنساش كام ازازة عصير
وخرجت خضرة من الاوضة وندهت عليه وقالت
انتي يالي تتخفي اسمك. تعالي هنا
روحت وقفت قدامها
اسمي صابرين يا خضرة
خضرة
مش وقته يا بنت فوزية. عايزك تروقي الشقة وتجيبي عليها وطيها. جائيين لينا ضيوف
خرج محمد من الاوضة وماقدرش حتي يبص في عيني وفتح باب الشقة ونزل وعرفت النية بقي فيها اية. وبعد اذان العصر بالظبط خرج محمد وقابل مرات المامور وبنتها وخبط الباب وشوفتهم ووراء منهم محمد رحبت بيهم ووسعت لهم كمان علشان يخشو وفضلت اتفرج علي المسرحية من اولها لاخرها وعملت الاكل وحطيته والمسرحية شغاله. والباشا لقي اللي تنفع فعلا تكون مراته وعيط اوي وبحرقة لما شوفت من وراء باب المطبخ ضحكة معها واتخيلته ببدلة الفرح وهي بالفستان الابيض وانا كلبة مالهاش سعر ولا ليها لزمة كبيري امسك الشمعه في فرح الباشا. لكن لا فرحتك بابنك مش هتم يا خضره فرحتك هتتقلب ميتم وهضيع ابنك التالت وبدات اراقب محمد واتصنت علي كل مكالمة تيجي له. لغاية ما عرفت بالصدفة انه هيروح يقبض علي اخطر عصابه للمخدرات عصابه الدباح. وسمعت العنوان اللي كان بينقله محمد في ورقة ولبست عبابتي وقررت ان اروح قبل للمنطقة اللي فيها الذباح واخلي يجهز للحملة اللي جاية تقبض عليه وبالمرة يقتل الباشا ابن خضرة وخرجت من الشقة والشر معايا. والشيطان بيزين ليا كل خطوة بخطيها في طريق اذية ولاد خضرة ووصلت المنطقة وبدات احفر قبر محمد بايدية. وطلبت قابل الدباح وجة الدباح. وقولت له. ،،،،،،،،
استنوني بكرة باذن الله والحلقة الاخيرة
مش هقول. علقو والجو دة. اكتب تقيمك للحلقة من
واحد ل عشرة. حلوة الصيغة دي.
يتبع
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺