سكريبت زواج للتجاره البارت التالت والرابع والأخير بقلم زهرة الربيع حصريه وجديده على مدونة أفكارنا

 سكريبت زواج للتجاره البارت التالت والرابع والأخير بقلم زهرة الربيع حصريه وجديده على مدونة أفكارنا 

 

سكريبت زواج للتجاره البارت التالت والرابع والأخير بقلم زهرة الربيع حصريه وجديده على مدونة أفكارنا 

 

اختي الوحيده وكمان مريضه انا وماما معندناش غيرها... ليله فرحنا بعد ما طلعنا على الصاله وانا جنبك على المسرح جاتلي رساله فيديو ليها وهي مخطوفه ورساله مكتوب فيها بالحرف الكلام اللي قولتهولك معرفتش افكر في الوقت ده وكان لازم اختار ...انا عارف اني بديتها عليكي في الوقت ده..بس  انتي لو كنتي مكانها ولو كنت هجرحها هيه قدام الناس في سبيل اني ماخسركيش كنت هعمل كده مقدرش اخسر  اي واحده فيكم 

قال كده وقعد على الكنبه بخنقه

فتون اتسعت عنيها بزهول وقربت منه وقالت انت بتقول ايه..انت بتقول اي كلام علشان تبرر اللي عملته مين اللي ممكن يخطف اختك ويقول لك كلام زي ده اصلا 

نادر ابتسم بسخريه وقال ..فكري انتي مين ممكن يعمل كده 

فتون قالت بسرعه وغضب لا ما اعرفش للاسف

نادر قرب منها اكثر وقال.. متعرفيش حد حاطط عينه عليكي وعايزك باي طريقه واي ثمن حد بيكرهني بغير مني ما تعرفيش حد كده خالص ...حد عندو استعداد ياختار التوقيت ده بالذات علشان يذلنا

 فتون اتسعت عنيها بدهشه لما قال كده واول حد خطر في بالها حسام وقالت...قصدك حسام 

 

نادر قال بغضب شديد مين غيره..خطفها وحطها في شقته اللي في المعادي وصور الفيديو وبعتهولي وجيه على الفرح عادي جدا ولا كانه عمل حاجه ..بس ان ربك لمرصاد ..كان الاتفاق اني اطلقك النهارده ..بس حصلت اخر حاجه توقعتها لما ابوه كلمني وقلي على المكان اللي هو خطف فيه نهله  وقالي انه سمعه بيكلم الراجل اللي حارس الشقه ..ولما شافني  عملت كده في الفرح فهم على طول ان البنت المخطوفه دي تبعي.. انا لما رجعت بالليل كلمني وقاللي ورجعتها 

فتون اتصدمت من اللي سمعته مكانتش قادره تصدق اي حاجه اتسعت عينيها بصدمه ومشيت  على الاوضه من غير ما ترد

 نادر راح وراها بارتباك وقال ..فتون... انتي صدقتيني صح 

فتون فتحت الدولاب بدموع لقت هدومها وحاجاتها اللي اشتريتها  اخدت اول حاجه قابلتها عشان تلبسها لانها من امبارح بالفستان وقالت بدموع.. صدقت كل كلمه قولتها صدقتها زي ما بصدقك بالعاده كمان لاني عارفه حسام... بس اني اصدقك حاجه واني اسامحك حاجه تانيه خالص ...بنسبالي مفيش اي مبرر انك تعمل فيا كده يعني خوفت يقتل اختك  تقوم تختار تقتلني انا على العموم انا كل اللي يهمني اهلي زمان الفرح الزباله اللي اتعمل هيتذاع وكل اعمامي في الصعيد اللي كارهين ماما وكارهين قعدتها هنا في القاهره عند اخوها هيجوا يعملو فيلم..علشان  كده هفضل معاك هنا فتره مؤقته لما يجوا ويمشوا هنطلق

نادر  ابتسم بسعاده وقرب عليها  وضمها ليه بقوه وقال... انا مبسوطه انك صدقتيني 

فتون التفتتلو وبصتلو بدهشه وقالت..هو انت مسمعتش كل الكلام اللي انا قولته هيا بس صدقتك الي سمعتها 

 نادر حط قرب منها وبص لعيونها جامد وقال.....قلبي  بيسمع منك الحلو بس.. انت عارفه بيعشقك ازاي ...وميل عليها

 بس فتون حاولت تبعد  وقالت لو سمحت ابعد يا نادر انا مش طايقاك السعادي 

بقلم...زهرة الربيع

نادر قربها ليه اكتر وبقى يبص لملامحها الجميله وقال وانا مش طايق بعدك اكتر من كده وقبل ما تنطق قربها ليه بالقوه

فتون بقت تضربه في صدر وتمنعه وكان متحكم فيها جدا خصوصا ان مشاعرها متلخبطه ومش عارفه تمنعه ابدا غمضت عينيها باستسلام وهو مندمج معاها في اجمل لحظات حياته

فتون قالت بارتباك ..  نادر قلت لك لا..انا مش عايزه نادر...نادر لو سمحت

بس  نادر كان في دنيا تانيه وبيقول بحبك قوي..قوي يا قلبي .. بس فتون فاقت من دوامة مشاعرها دي ودفعته بقوه وقال قلت لك مش هينفع خليك بعيد عني

نادر  بصلها بدهشه وقال.. مش هينفع ليه 

فتون قالت بغضب ...علشان انا مش عايزه ادي لك هديه زي اللي انت اديتهالي كفايه عليك اللي خدته وقامت بغضب راحت ناحيه الحمام وهي بتاخد هدومها 

نادر بقى ياخد نفسه وضحك على كلامها وبقى يبص لطيفها بابتسامه جميله

 عند حسام كان هيتجنن من الغضب واول مكان راح عليه اوضه ابوه وقال بغضب شديد انت اللي عملتها يا بابا مش كده انت الوحيد الي  عارف عنوان الشقه 

ابوه ارتبك جدا وقال عنوان ايه وعملت ايه يا ابني انا مش فاهمك بتتكلم عن ايه

حسام  قال بغضب شديد لا فاهمني يا بابا طول عمرك بتبدي اختك وبنتها عليا حتى انها رفضتني قدامك وراحت للجربوع ده اللي مش من قرايبنا اصلا  وانت ولا اتكلمت ودلوقتي قولتلو على مكان اخته انت  الوحيد اللي عارف عنوان شقتي اللي في المعادي 

ابوه اتنهد وقال ايوه انا الي قولتلو ..فتون دي بنت اختي والي عملتو فيها ده حرام ولو كنت لحقتك قبل ما تعمل المهزله دي في الفرح  كنت وقفتك عند حدك يا حسام.. البنت يتيمه وامها جابتها هنا علشان اعمامها القاسيين ..جات هنا عشان نقف جمبها تقوم تعمل فيها كده يوم فرحها 

حسام قال الغضب... انا قلت لك الف مره فتون دي من حقي انا .. ماشي يا بابا متساعدنيش بس دي اخر مره هسمح لك تقف في طريق سعادتي

 قال كده ومشي وابوها اتنهد وقال ربنا يهديك يا حسام يا ابني

عند نادر لبس طقم بيتي قطن  مريح وكان قاعد مستني فتون لحد ما تطلع 

بعد شويه خرجت وكانت لابسه لبس نوم جميل ملفت ونادر بقى يبصلها باعجاب وهيه بتمشط شعرها

بعد ما خلصت قالت ..عايزه انام روح شوف لك حته تنام فيها ولا اوضه ثانيه 

نادر ابتسم وقال ..واحنا  من امتى بنام بعاد عن بعض...انتي مش بتحبي تنامي ببن اديا 

فتون قالت بضيق شديد..كان فيه وخلص 

 نادر ضحك وقال ..خلص خالص يعني 

فتون قالت بغضب ...على الأخر

نادر قرب منها وقال.. ما فيش ولا حته فتشي في القلب كويس كده اكيد هتلاقيني هنا ولا هنا 

فتون كانت عايزه تبتسم على كلامه بس قالت  بجمود ..قولتلك سيبني بقى

و لسه هتتحرك ناحيه السرير شدها عليه وبص لعيونها وقال.. على فكره لما اشترينا اللبس ده اتخيلتو عليكي وانتي لابسه ..بس ولا مره في خيالي كان حلو كده

فتون نزلت عيونها بكسوف وقالت.. للاسف كل اللبس اللي هنا لاثنين عرسان مفيش حاجه كويسه البسها 

نادر قرب منها وقال ده كويس قوي كده 

فتون رجعت لورا وقالت ...لو سمحت قلت لك ما تلمسنيش يا نادر 

نادر قرب اكتر وقال بهمس... انا محتاجلك قوي وحشاني والله وحشاني جدا بطريقه متتوصفش بالكلام ما تتعبيش قلبي معاكي بقى.. مش عايز ازعلك اكتر من كده 

فتون بصتلو بدهشه وقالت..تزعلني ليه ان شاء الله ..انت تقدر تعمل ايه اصلا .. على فكره ولا 10 زيك يزعلوني 

نادر شدها عليه بقوه وقال.. متاكده

فتون  قالت وهي بتحاول تفلت من ايده... نادر بس..بس بقى يا نادر

 نادر قال بهمس .. يا وجع قلب نادر معاكي اااه على اسمي مش شفايفك بترقصي القلب ترقيص 

فتون قالت بسخريه... طب حزمه بقى خلينا نتفرج على الرقص 

نادر اضحك وقال.. طب ما ترقصي انتي وخليني اتفرج انتي قولتيلي قبل كده انك بتعرفي ترقصي يلا وريني 

فتون قالت..انا مش فاهمه انت ازاي متخيل اني ممكن اسامحك بالسهوله دي انت عبيط ولا ايه حكايتك

وراحة ناحيه السرير ونامت بضيق

نادر  نام جنبها وقال..فيه واحده عاقله تقول لجوزها عبيط 

فتون نفخت بغيظ و قالت ...اللهم طولك يا روح...يا نادر  روح شوفلك حته تنام  فيها سيبني انام انا تعبانه ومن امبارح منمتش

 نادر اتنهد بحزن وقال..بسببي مش كده

فتون نفخت بضيق من سؤاله وقالت بسخريه ...لا يا رجل وانت دخلك ايه دي الجزمه كانت ضيقه عليا وجعتلي الصباع الصغنون

 نادر  ضحك على سخريتها وقال ...اخص عليها جزمه بنت جزمه صحيح .. وشدها عيه وقال...هنيمك انا عشان انتي بترتاحي كده  وحتى لو فضلتي نايمه يومين على بعض مش هضايقك ولا اتحرك

فتون كانت مرتاحه بين اديه ومشتقالو بس قالت   بدموع.. بس انا مش عايزه ..سبني

نادر بص لعيونها بحب وقال .. انتي احلى كذابه شوفتها في حياتي 

فتون نزلت دموعها وقالت... قلبي وجعني  قوي قوي يا نادر...حسيت اني بموت وروحي مش بتطلع ....واللي وجعني اكتر اني معرفتش اكرهك مش قادره اكرهك خالص 

نادر نزلت دمعه من عيونه وهو بيحتويها بين اديه بحنبه وقال ...انا ممكن اموت لو كرهتيني منه لله اللي استكثر عليا فرحتي ..اذا قلبك وجعك  فانا قلبي مات وقت ما عملت كده معاكي ..عارفه احساس انك تنطقي حاجه وقلبك نفسه بيلعنك..بس مكانش ينفع اتراجع ده وسخ  والبنت لسه صغيره والله اعلم كان سايبها مع مين وعملو معاها ايه.. ولو تعبت ومدوهاش العلاج بتاعها..الف  حاجه خطرت في دماغي وكل حاجه كانت بتقتلني انتي اغلى عليا من نفسي بس الاختيار كان صعب اوي والله يا فتون 

فتون بعدت عنه بضيق شديد وقالت  ..انا مش قادره اتكلم..تصبح على خير  وبصت الناحيه الثانيه وحاولت تنام

 ونادر اتنهد وسابها لحد ماخلاص كانت هتروح في النوم وسحبها عليه وضمها ليه تاني 

فتون كانت خلاص هتنام حسيت بيه بس مبعدتش  وراحت في نوم عميق 

في صباح يوم جديد قامت من النوم على حركاتو المزعجه قالت  بنوم... بس بس بقى يا نادر ايه ده

نادر ضحك وهو بيمشي ايده على شها بازعاح

فتون قالت بنوم..يوووه وبعدين بقى خلاص صحيت 

نادر ابتسم وقال..واخيرا  الشمس ظهرت 

فتون قالت بضيق منه..وهو مينفعش تسيب الشمس تنام شويه مش قولتلي هسيبك تنامي براحتك

نادر قرب وقال..وانتي تصدقي برضو اني اقدر اسيبك نايمه ومشوفش جمال عيونك...وقال...بقولك ايه ...عايز واحده بس

 فتون بصتلو باستغراب وقالت...واحدة ايه مش فاهمه

نادر قرب  من شفايفها اكتر وقال.. واحده يا فتون  بقى ولسه هيقرب قالت ...لا..مش هسمح لك باي حاجه معايا تاني انا قلت لك لحد ما اسامحك مش هتقربي 

نادر ابتسمم وقال  ...خلاص انا عديت المراحل دي انك تسمحي لي او لا بقيتي بتاعتي..بس انا الي  مش عايز اخد حاجه  غصب.. نفسي في لحظات زي اللي كنا فيها هنا قبل كده 

فتون نزلت عيونها بكسوف ونادر رفع وشها ليه وقال ... مره واحده بس ..ممكن 

فتون هزت راسها بالرفض وهيه تايه في عيونه وهو مستناش وقرب منها .. وهي بتحاول تبعد بس مش قادره لسه هيكمل قالت بسرعه... لو سمحت سيبني

نادر  بص لعيونها برجاء وقال... يا فتون المسامح كريم بقى انا محتاجلك  قوي والله وقرب منها تاني بس قالت بسرعه... انا ممنوعه.. الدكتوره منعاني لو سمحت 

نادر اتسعت عنيه بزهول وبعد بسرعه وقال دكتوره.. ايه اللي منعاكي فيكي ايه 

فتون ابتسمت وقالت..مفيش  حاجه انا كويسه..بس للأسف هجيب واحد وسخ زيك وووووو

#زواج_للتجاره_الأخير

لقيناهم يا باشا طلع عنده بيت في منطقه معزوله على البحر هو والبنت هناك 

الحناوي وقف وابتسم وقال.... عفارم يا رجاله ...والله وقعت يا راغب ومحدش سمى عليك المره دي يلا بينا يا رجاله

 وطلعوا كلهم  على المكان اللي راغب موجود فيه

راغب  كان واقف بيحضن انهار وهي بتبكي في حضنه رفع وشها ليه وبقى يمسح دموعها وقال ...خلاص بقى هما يوم ولا اتنين اللي هنقعدهم  مع بعض ما تخلينيش افضل قلقان عليكي 

انهار مسحت دموعها بسرعه وقالت ...لا متقلقش عليا انا مش عيزاك تبقى قلقان ولا زعلان انا عايزه اعمل لك كل اللي انت عايزها ...مهما كان...يعني لو..و كملت بكسوف وقال..لو عايز  نكمل جوازنا انا ما عنديش مشكله 

راغب ضحك على براءتها وقال... لا طبعا

انهار بصتلو بدهشه وقالت.... معقوله يعني مش عايز

راغب  ابتسم وقال بسرعه... لا طبعا عايز قوي.. ده انا هموت كمان... بس انا مش عايز تعملي حاجه زي دي علشان ترضيني ولا علشان زعلانه عليا ..انا كنت متمني نعيش مع بعض براحه واول ليله لينا تكون مميزه بس ملناش نصيب 

انهار قربت منه قوي وقالت.... احنا نقدر نخليها مميزه ..وكملت بكسوف وقالت.... انا مش بعمل كده علشانك انا بجد عايزه نقرب من بعض

راغب  بلع ريقه بارتباك شديد  وقال بتوتر.... مش هينفع احنا هننفصل و

انهار قاطعتو وحطت صباعها على شفايفه وقالت... احنا

 حاليا ما فيش حاجه تفصلنا خلينا في دلوقتي وبس انا بعشقك وانت ...بتعشقني

 هنا راغب فقط اخر ذره من عقله وما بقاش قادر يفكر في اي حاجه شالها بسرعه ودخل بيها على البيت  وهي متعلقه في رقبته

حطها  على السرير برقه وقرب منها و بص لعيونها وقال... يا انهار انتي متأكده ...انا خايف تبقي حامل و

بس قاطعتو لما ضحكت جامد وقالت.... هبقى حامل من مره وحتى لو حصلت انا مراتك و اتمنى انك تسيبلي حاجه منك وكملت بمشاكسه وقالت..هو الاسد ومش واثق من نفسه ولا ايه 

راغب ضحك جامد وقرب منها وباسها بعشق كانت مشاعر متبادله جدا ما بينهم

 عند الحناوي كان قرب يدخل على المكان خلاص وما فيش دقايق وصلوا المكان وبقى يضرب هو ورجالته نار ورشاشات كثيره ضربوا على البيت بكميه كبيره وكسروا الباب

بقلم...زهرة الربيع

 بس اتصدموا بشده لما ما لقوش حد في البيت بقوا يدوروا في كل حته بس ما كانش فيه اي حد 

الحناوي بص للراجل اللي قال له وقال بغضب...انت متأكد انهم كانوا هنا

 الراجل قال برعب... ايوه والله يا باشا 

بقم يبصو للمكان لقو كل حاجه بتدل انهم كانوا هنا بص للراجل بتاعه بغضب وضربه بالرصاص وقال.... يبقى خدو بالهم منك يا غبي

 اما راغب كان هو وانهار راكبين تاكس وراغب بيقول..بسرعه يا اسطى سوق اسرع 

 انهار قالت بزهول.... مين قال لك يعني انهم جايين علينا عرفت ازاي

راغب قال بارتباك..... انا من رجالة  الحناوي ودراعو  اليمين وكنت معاه في كل حاجه وكنت بخاف منه قوي علشان كده كنت حاطط له جهاز تعقب في العربيه بتاعته ..ومن شويه جاتلي اشاره ان عربياتهم قريبه مننا...دلوقتي  كل ما بنبعد  الاشاره بتبعد معناها يمكن يكونو  وصلوا البيت

 انهار كانت لسه بالعبايه بتاعت نونا بس راغب لبسها عليها قميص من قمصانه شاورت على  العبايه وقالت بغيظ كله من دي انا قلت لك نجسه نجسه 

السواق بص بطرف عينه في  المرايه 

وراغب بص لها بغيظ وقال.... ودي دخلها ايه في الموضوع هي دي اللي عرفته مكانا 

انهار قالت بغيظ... لا وشها شؤم زي صاحبتها هو الحرام لازم يجيب البلاوي 

راغب ضحك وقال...احنا هربنا على فكره يعني عديناهم خلاص ووشوشها في ودنها وقال....انتي  بس  شكلك زعلانه على الليله اللي اتضربت

انهار  بصيت له بغيظ وقالت.... بهمس  وانا ازعل ليه  انت اللي راحت عليك

 ابتسم وبص لعيونها وقال.... راحت عليا فعلا كان نفسي اقص الشريط واعدي المحيط ... بس ما ليش نصيب

السواق التفتلهم تاني

وانهار اتكسفت وراغب قال ...احم....سوق بسرعه يا اسطى

ورجع بص لانهار وقال بصوت واطي ... قولي لي على بيت خالتك خليني اوديك عندها وانا هطلع على المينا صاحبي هيطلعني في المركب بتاعته بتهاجر هجره غير شرعيه  ..اول ما هبقى في مياه دوليه مش هيقدر يقرب لي ولا يعرف مكاني حتى ... بس لازم الاول اطمن عليكي و اوديك عند خالتك 

انهار قالت بدموع... ليه خلينا نلاقي مكان تاني نروح فيه..او..او  تعالى معايا عند خالتي 

راغب ابتسم ومشى ايده على خدها بخفه وقال.... هتوحشيني يا اجمل حاجه حصلت في حياتي.. يا انهار كان نفسي ارتوي منها 

انهار نزلت دموعها بغزاره  وقالت.... يعني مصر ما تاخدنيش معاك

راغب بص لعيونها بابتسامه وقال ....علشانك والله يا عيوني مش هقدر امرمطك معايا

انهار قالت بسرعه ....انا عايزه اتمرمط 

راغب ضحك بخفه على كلامها وقال .....بس انا مش هقدر اشوفك بتتمرمطي يلا بقى يا نهار اعقلي وخليكي جامده كده مين عارف الزمن بيدور ويمكن يكتبلنا  لقاء تاني وكمل بالم وقال ويمكن ربنا يكون كاتبلك حد احسن مني

انهار قالت بدموع...مفيش احسن منك يا راغب

ابتسم بدموع ولسه هيرد السواق حمحم بضيق وقال....يا مسهل الحال يارب مقولتوش على فين يا عصافير

راغب اتنهد وقال قوليلو على العنوان

انهار ادتو عنوان خالتها وكان قريب جدا من المينا 

راغب اتنهد وقال...تمام ده احنا تقريبا وجهتنا واحده ... اول ما اوصل وامن نفسي في اي مكان هطلقك لو عايزه اطلقك دلوقتي قبل ما امشي 

انهار قالت بسرعه.... لا مش عايزه اسمعها منك لما توصل احسن

وبعد شويه وصلو عند بيت خالتها وراغب نزل من التاكس واخدها عند البيت و قال... اشوف وشك بخير يا انهار

انهار  مسكت ايده وقالت بدموع ....مش هتحضني

راغب  نزلت دمعه من عيونه وقال ....ما بلاش يا بت انا ماسك نفسي بالعافيه شكلي هيبقى عره لو بكيت

انهار ضحكت بدموع وسندت راسها على صدره وقالت... هتوحشني يا حبيبي هتوحشني قوي يا ر اغب

راغب حضنها بقوه الحضنها وبقى يشبع منها وقلبو بينزف حرفيا...و سابها ومشي وهي بتبص له بدموع

راغب مسح دموعه وجري بسرعه علشان يلحق المركب قبل ما الحناوي يوصل على المينا 

وفعلا طلع على المينا كان في واحد صاحبه مستنيه ركبو المركب وطلع على  سطحها و كان بيعد الدقايق بتوتر شديد ومستني  المركب تمشي قبل الحناوي ما يوصل

بقلم...زهرة الربيع

 كانت الناس ابتدت تيجي واول ما المركب اتملت وطلعت جاتلو اشاره في الساعه بتاعته ان الحناوي قريب من المينا ابتسم وقال.... تعالى يا باشا واللي معاك اعمله

 وطلعت المركب واختفت عن الانظار ووصل الحناوي وبقى يحاول مع كل اللي موجودين على المكان يعرف اذا كان راغب طلع ولا لا بس كان راغب طالع من غير ورق هجره غير شرعيه ومحدش عارف عنه اي بيانات

الحناوي وقف بغضب شديد وهو هيتحرق من جواه ومش مصدق انه قدر يهرب منه

 بعد وقت كان راغب واقف على سطح المركب وبيبص للبحر بيفتكر انهار و كل لحظاته معها وقت ما شافها اول مره ووقت ما اتعرف عليها كل الوقت اللي قضاه معاها ووقت ما كانت بين ايديه في البيت وكانت ارق لحظات عدت عليه وهيه في حضنه ....كل لمسه منها وكل كلمه كانت بتعدي عليه زي النسيم البارد اللي بينعش الروح ابتسم بدموع وقال.... يا ريتني عرفتك في مكان تاني يا انهار انا بجد عشت معاكي اجمل ايام مش عارف ازاي هعيش من غيرك 

بس اتصدم بشده لما سمع صوتها من وراه بتقول...وتعيش من غيري ليه ما تعيش معايا

راغب اتجمد معانو و التفت بزهول لقاها واقفه قدامه وقربت من السور اللي هو واقف عنده وقالت وهيه بتبص للبحر.... رجاله مش عند كلمتها خالص يا اخي..لما هتعيط كده ومش هتقدر تعيش ايه لازمه الفيلم الهندي اللي عملته

راغب  بص لها بصدمه وقال ...انتي بتعملي هنا ايه الله يخرب بيتك 

انهار ضحكت على صدمته وقالت... مفاجاه مش كده

راغب  ما كانش عارف يوصف شعوره وتوتره في نفس الوقت ومش فاهم اي حاجه قال بزهول.... انتي ازاي هنا انا مش فاهم حاجه

انهار قالت بابتسامه...عادي ضحكت عليك انا بيت خالتي مش هنا اصلا بس نزلت جمب المينا علشان اقدر احصلك...ولما جيت المينا لقيت واحد يعزك قوي قلت له ان احنا بنحب بعض وانت مش عايز تطلعني معاك على المركب وربنا يكرمه وافق يطلعني وخلاني تحت اول ما لقيت المركب بعدت ومش هتعرف تنزلني طلعت لك

راغب  بص لها بصدمه لما فهم منها ان  صاحبه اللي طلعه على المركب هو اللي طلعها كمان واتصدم انها عملت الخطه دي وضحكت عليه قال بغيظ منها....بتشتغليني يا انهار.. يا بت انا مش قلت لك مش هينفع تيجي معايا انتي هبله هتتمرمطي الله يخرب بيتك في الشوارع معنديش مكان اروح عليه و

 بس  قطعت كلامه بشفايفها وباسته بسرعه وهيه محاوطه رقبته بايديها وبعدت وقالت بهمس قدام شفايفه ...بس بقى بقول لك بحبك مش قادره ابعد عنك افهم يا اخي هعيش ازاي من غيرك..وكملت  بغمز وقالت... انا لسه صغيره على الشوق 

راغب ضحك بخفه على جنانها و حضنها ليه وقال ...خايف عليكي كان نفسي اعيشك  عيشه حلوه مستقره ويبقالك بيت واسره 

انهار  قالت بابتسامه... وانت مين قال لك اننا مش هنعمل كل ده احنا هنعمل كل ده سوا... انا معايا حتتين الذهب اللي لابساهم دول وانت معاك مبلغ هنأجرمكان نقعد فيه مؤقتا بعد كده هنشتغل انا وانت وربنا هيفتحها علينا ويكرمنا باذن الله...ويمكن شويه لقدام نعمل  مشروع سوا المهم اننا مع بعض...انا عايزه اقف جنبك يا راغب نفسي امسك بايدك متسبش ايدي ارجوك 

راغب اتملت عيونه دموع وحضنها بقوه وقال...انا  مش مصدق اني اخيرا بقى لي حد في الدنيا...مش مصدق ان فيه حد قالي  عايز افضل جنبك انا بجد شوفت   الحياه اللي كانت ناقصاني في عيونك يا انهار 

انهار ابتسمت وبصت لعيونه وقالت...وانا شوفت فيك  الامان والسند والحمايه لو اللي حصل لي ده حصل لي مع اي واحد غيرك كان زماني ميته هناك ...مدام كده كده كانوا ناويين ياخدوني من هناك يبقى حتى لو بعتو غيرك كانو هياخدوني بس انت وقفت في ضهري  وحمتني ...و مسكت ايده وقالت بحب....انا هعوضك اللي ناقصك هنقف جمب بعض  وكل اللي ناقصه حاجه ياخدها من الثاني.... ما تقلقش عليا يا حبيبي عمري ما همل ولا هخاف من العيشه معاك ولا هحس ان حاجه ناقصاني....وسندت راسها على كتفه وقالت بابتسامه.... ربنا يعوضنا ببعض يا حبيبي ونعيش كل اللي تمنيناه وما لقيناهوش... كفايه انك جنبي 

راغب  حضنها وبقوا يبصوا للبحر بحب و قال...من فتره قريبه جدا كنت مش قادر اتنفس ومخنوقه ومش طايق نفسي جيتي سبحان الله زي ما تكوني بلسم للروح خليتي كل حاجه جميله حاسس الورود بتفتح في الانهار يا انهار❤

كنتم مع🌹 زواج للتجاره🌹 بقلم زهرة الربيع زهرتكم تحيكم ودمتم في امان الله مع من تحبون💘

بداية الروايه من هنا

🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺

اتفضلوا حضراتكم كملوا معنا هنا 👇 ❤️ 👇 

روايات كامله وحصريه من هنا

وكمان اروع الروايات هنا 👇

روايات جديده وكامله من هنا

انضموا معنا على تليجرام ليصلكم اشعار بالروايات فور نزولها من هنااااااااا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺