الخطيئه الحلقه الاولى والثانيه والثالثه حصريه وجديده
خلاص يا حبيبي مسافر هاتوحشني اوي
عمر: والله يا ندوش غصب عني منتي عارفه اكل العيش
ندا بلويه بوق: يا عمر انا ملحقتش اتهنى بجوازي شهر وتسافر وتفوتيني لحالي وانا لسه عروسه
عمر بمحايله: خلاص بقى يا ندوش
ندا: يلا الأمر لله بس هاتكلمني كل يوم ها
عمر : طبعا يا قلبي يلا لا إله إلا الله
ندا : محمد رسول الله
توجه عمر الي دوله الكويت حيث يعمل محاسب بأحد الشركات هناك
مر شهرين ومازال كل ما يربط عمر بندا هو مكالمه تليفونيه كل يوم مساء
ندا بزعيق: بقولك ايه يا عمر انا تعبت كل يوم دقيقتين وتقفل انا تعبت دي مبقتش عيشه
عمر بصبر: طيب بصي يا حبيبتي في واحد صاحبي نازل كمان اسبوعين هابعتلك معاه لابتوب وتليفون وهابعت للواد كيمو يوصلك سلك نت ونتكلم براحتنا اصل المكالمات الدولي دي بتخرب البيوت والله الكارت بالشيء الفولاني ومبيكملش كام دقيقه
ندا بملل: ماشي هاتبعت الراجل يوصل السلك أمته
عمر: قبل ما يوصل الراجل من السفر بيوم واكلم محمود اخوكي ييجي عشان يبقى معاكي
ندا: وليه يعني هو هايبني البرج داه حته سلك هايوصله وخلاص
عمر بحسم: مينفعش يدخل البيت ومفيش راجل فيه وانتي لوحدك هي كلمه انا هاكلم اخوكي محمود ييجي يقف معاكي
ندا بزهق ونفخه: اوووف طيب اللي عايزه اعمله
عمر: ماشي يلا سلام
ندا: سلام
مرت الأيام وقبل الميعاد بيوم اتصل عمر بمحمود
محمود بود: ازيك يا غالي
عمر بنفس الود: نحمد الله يا كبير بص اسمعني علشان الدقايق هاتخلص
محمود بإنصات : اؤمر يا غالي
عمر: تسلم يا غالي بص انا بعت خبر للواد كيمو بتاع النت عشان يوصل نت عندي في الشقه وهو هاييجي بكره عايزك تقف معاه لحد ما يخلص انتا عارف ندا لوحدها في الشقه
محمود بمقاطعه : من غير ما تقول مينفعش يدخل البيت ومفيش راجل فيه عداك العيب
عمر بإرتياح: ولو فيها تقاله تعالي بعد بكره على المغربيه عشان صاحبي جايب حاجات لاختك ومش عايزه يحتك بيها
محمود: اطمن انا بكره وبعده معاها
عمر: الله يريح بالك والله لو كان ينفع مكنتش تقلت عليك بس مينفعش ابعت حد من اخواتي الرجاله ولا ابعت حد من اخواتي البنات بدل واحده ست في البيت يبقى انتين
محمود: متقلقش دي اختي قبل ما تكون مراتك ابعتلي بس رقم كيمو ورقم مصري لصاحبك ومتشغلش بالك ويلا روح شوف شغلك عشان رصيدك انتا بتتكلم دولي يا جاحد
عمر بضحك: تمام من عنيا على ما اقفل هابعتهوملك في رساله وربنا يستر والله فلوسي ضايعه على كروت الشحن يلا مع السلامه
محمود: مع السلامه
قفل معاه وفعلا بعتله رساله برقم كيمو ورقم أخو صاحبه وتاني يوم الصبح اتصل بكيمو واداله خبر انه يكلمه قبل ما يروح يركب سلك النت في شقه عمر
على أذان الضهر محمود تليفونه رن برقم كيمو
محمود: ايو يا كيمو
كيمو: ايو ياابو خالد انا قدامي ساعه زمن وجاي وجبت السلك معايا كمان بس هاخد حسابه منكم معلش اصل السلك مش عليا
محمود: تمام وانا هاكون في انتظارك ومتقلقش هتاخد حقك وزياده يلا مع السلامه
وقفل معاه وعمل اذن من شغله
ندا من جوه بزعيق: اصبر ياللي على الباب ايه الدنيا اتهدت
فتحت ندا: محمود يا الف خطوه عزيزه ادخل ادخل
محمود من بره بذهول: انتي بتفتحي الباب بهدوم البيت وبشعرك انتي اتجننتي يا بت ولا جرا لعقلك حاجه
ندا بلا مبالاه: يووووه يا محمود نسيت خلاص بقى متكبرش الحكايه يعني
محمود بعصبيه: نسيكي الموت يا اختي اللي مبينساش حد في ايه يا بت اتعدلي جوزك متغرب وطالع عين اهله وانتي هنا مش محترمه حرمه بيته
ندا : اوووف خلاص حاضر مش هافتح بعد كده الا وانا متغطيه مبسوط
محمود بمحايله: يا حبيبتي متخليش حد ياخد فكره وحشه عنك المره دي جات فيا لو كان بقى حد تاني كنتي هاتعملي ايه ساعتها
ندا: وانا مين بيجيلي يا حسره منا قاعده وشي في وش الحيطان زي قرد قطع
محمود: يا حبيبة اخوكي محدش بيجيلك تمام بس ابسط الأمور محصل النور الغاز المياه الأمر ميسلمش حد من جيرانك يخبط عايز حاجه يسأل على حاجه وانتي ماشاء الله فيكي الطمع
ندا بقلبه وش علشان تخلص من زن اخوها: حاضر من عنيا عندك حق
محمود بهزه رأس لانه عارف اخته: مفيش فايده ربنا يهديكي
شويه والباب خبط
ندا قامت علشان تفتح
محمود بنطره رايحه فين
ندا بإستغراب: رايحه افتح
محمود بكزه سنان: كده بهدومك دي ادخلي جوه اللي على الباب الواد بتاع النت تدخلي وتقفلي الباب على نفسك ملمحش طيفك بره اوضتك لحد ما يخلص يلا
ندا دخلت ورزعت الباب وراها ولما اخوها اتأكد طلع وفتح الباب
محمود بترحاب: اتفضل يا كيمو
كيمو بإحترام: يزيد فضلك يا ابو خالد يلا خلينا نخلص انا لسه هاوصله في الروتر الخارجي
محمود : يلا علشان نلحق الوقت
ودخل كيمو وركب السلك
ومره واحده وقف وتنح
الفصل الثاني
الخطيئة
ومره واحده كيمو وقف وتنح وعنيه برقت
بص خالد على مكان عنين كيمو وعنيه اتحولت لكتله من الجحيم
طلع بسرعه وقفل الباب وراه
محمود بغضب: وديني وما أعبد يمشي الراجل ولكسر عضمك شكل جوزك سافر وانتي مش لاقيه حد يلمك
ندا: ايه حيلك حيلك اهدا شويه ليطقلك عرق في ايه لداه كله كل داه عشان جيبالكم كوبايتين عصير تبلو بيهم ريقكم اللي نشف من الحر
محمود: لا يا روح امك علشان انا قولت تتسكعي في اوضتك وانتي جايه بمنظرك داه وواقفه تتقصعي زي بتوع الكبريهات
ندا: احترم نفسك انتا هنا في بيتي وملكش اصلا ضرب عليا انا على ذمة راجل يا بابا الكلام داه تروح تتشطر بيه على مراتك
محمود بغضب: وعلشان انتي على ذمه راجل وهو غايب يبقى تحترميه وتصوني عرضه وتصوني نفسك متبقيش فرجه للي يسوى واللي ميسواش وأقسم بالله لو مراتي فكرت بس تطلع بشعرايه باينه من طرحتها لكون مطين عيشتها علشان انا اول مره بفهم والتانيه بوهد والتالته تابته وتبقى جنت على روحها يا اختي يلا انجري على اوضتك يلا متنحيش ختم كلامه وزقها من قدامه
واتحرك لكيمو
كيمو بإحراج: انا خلصت توصيل السلك هنا يا ابو خالد فاضل بس اوصله في الروتر الخارجي
محم
ود :طيب يلا وانت معاك اهو
ونزل كيمو بعد ما رمي السلك من البلكونه ووصله من تحت في روتر في بيت جمبهم متوصل فيه كذا سلك لكذا بيت في المنطقه
كيمو: انا كده خلصت اول ما تحط السلك في الكمبيوتر هايشتغل النت على طول
محمود: تسلم حسابك يا كيمو حسابك كام ياريس
كيمو: كده السلك واشتراك الشهر 270 جنيه كله
محمود طلع فلوس من محفظته: اتفضل ياكيمو وبعد كده اشتراك كل شهر انا هاجيبهولك لحد عندك
كيمو: طيب خلي يا ابو خالد والله مش عزومه مركبيه
محمود: تسلم يا كيمو قد القول يلا طريقك أخضر
مشي كيمو وروح محمود على بيت ابوه وشياطين الارض قدامه
ودخل واترمى على الكنبه وهي حاسس انه عايز يرتكب جنايه
كان ابوه بيسلم من الصلاه وقام من على سجاده الصلاه
محسن: مالك يا ابني شكلك ميطمنش
محمود بنفرفزه: بنتك مش ناويه تجيبها لبر
طلعت أمه من المطبخ: مين فيهم يا ابني وايه اللي حصل
محمود: الست ندا هانم
مديحه بإستفسار: مالها يا ابني ايه اللي حصل
محسن : اقعد كده واستعيذ بالله من الشيطان الرجيم وقولي ايه اللي حصل خلاك شايط كده
محمود بتنهيده: أعوذ بالله من الشيطان الرجيم جوزها كلمني امبارح علشان الواد بتاع النت جاي انهارده يوصل السلك وطلب أقف معاه علشان اختي متبقاش لوحدها مع راجل غريب واداني رقمه عشان مينفعش حد من اخواته سواء بنات او رجاله ييجي البيت وهي لوحدها المهم روحت حسب ميعادي مع الراجل بنتك فتحالي الباب ببجامه كت وبرموده وبشعرها ولما عاتبتها قالتلي نسيت ولما الراجل جه قايمه تفتحله كده فزعت فيها ودخلتها اوضتها وقولتلها متخرجش إلا لما الراجل يمشي شويه ولقيتها طالعه بنفس منظرها وال ايه جايبه عصير ولما اتنرفزت عليها بتقولي انتا مالكش حكم عليا انا في ذمه راجل روح اتشطر على مراتك
محسن بنرفزه: هي البت دي عيارها فلت ولا إيه ولا اتجننت ولا حكايتها إيه
مديحه بتحاميه لبنتها: خلاص يا حاج بتقولك نسيت وكمان متنساش انها لسه عروسه ويا حبه عيني ملحقتش تفرح وتتهنى بعريسها داه هو كله شهر اعمي وسابها وسافر إيه هاتحرموا عليها تلبس في البيت كمان
محمود بعصبيه: طول عمرك بتحاميلها في الصح والغلط محدش قال حاجه على لبسها في البيت إياك تقعد من غير هدوم خالص هي حره بس بره باب البيت تطلع متغطيه من ضفر رجلها لشعر رأسها احترام لجوزها وغربته وقبلها ابوها وأخواتها بطريقتك دي هاتخربي بيتها قبل ما تعمره
محسن بعصبيه: من أمته وانا بسمح بمسخره وقله أدب يا حاجه ايه انا اللي هاعرفك أصول دينك داه الرسول صلى الله عليه وسلم قال
إذا بلغت المرأه المحيض لا يظهر منها الا هذا وأشار على وجهه وكفيه
وغيرها وغيرها
مديحه : طيب خلاص يا حاج اهداء وانا هاكلمها وافهمها
محمود: يا ماما بنتك كبرت فهميها ان عمار البيت عليها ربنا رزقها براجل زين بيعشقها ويتمنهالها الرضا ترضى
مديحه: خلاص يا محمود انا هاكلمها وافهمها متشغلش بالك من عنيا
وسابتهم ودخلت تجهز الأكل
محمود بتعب: أمي هي السبب يا بابا داه صفا وخلود مش كده ليه كل حاجه لندا متاحه
محسن: والله منا عارف يا ابني بقول يمكن علشان اخر العنقود
محسن بإرهاق : ربنا يهديها علشان لو متلمتش انا هاجيبها هنا لحد ما جوزها ييجي من السفر
مديحه وهي واقفه تتسنط عليهم من باب المطبخ: بقى كده ماشي يا سي محمود انتا وابوك بقى بتتشطروا على البت الغلبانه اللي لا بتهش ولا بتنش
الخطيئة
الفصل الثالث
مديحه مسكت التليفون ورنت على ندا
مديحه بحب: قلب ماما عامله ايه يا عروسه
ندا بدموع تماسيح: مش كويسه يا ماما محمود بهدلني وزعقلي وكان هايضربني طول عمره بيكرهني ومستضعفني
مديحه بشهقه: لا طبعا هو إيه اللي حصل
ندا بقلب للحقائق: والله يا ماما معارفه انا شوفته من العين السحريه ان هو فتحة زي ما انا مهو اخويا مش حد غريب ولما جه الضيف كنت قايمه اخد الخمار الطويل اللي على الكونسول اللي جمب الباب لقيته زعقلي وانا خفت اوي منه يا ماما ودخلت ولما اتاكدت ان الرجل دخل عملت عصير وناديت عليه مردش وقفت جمب الباب مستخبيه بس الواد بتاع النت شافني ومحمود زعقلي وزقني وكان هايضربني وكملت بدموع تماسيح انا بقيت بخاف منه اوي يا ماما
مديحه: اسم الله عليكي يا حبيبتي لاء انا ليا كلام تاني معاه بس بلاش تدخليه في حياتك مراته حربايه ومقوياه علينا وطول عمرها بتكرهك علشان أجمل منها وأصغر منها خلي بالك ابوكي صدق كلام محمود وقال انه عايز يجيبك هنا طول ما جوزك مسافر وترجعي لما يرجع من السفر بعد كده لما تشوفيهم من العين السحريه ابقى البس الخمار ولا الاسدال ماشي ابوكي بيتلكك ماشي يا ضي عيني
ندا بخبث: حاضر يا ماما ولو عايزيني اتحجب في البيت كمان حاضر منا مش مكتوبلي افرح زي باقي الخلق طول عمره بيحب يكسر فرحتي حتى جوزي سابني وسافر ومفكرش حتى ياخدني معاه
مديحه: ولا يهمك يا قلب أمك البسي واتدلعي وعيشي سنك بس ابعدي عن ابوكي وأخوكي
ندا: ماشي يا ماما مع السلامه
مديحه: مع السلامه يا ضي عين ماما
قفلت مديحه مع بنتها وطلعت من المطبخ
مديحه بنرفزه: انا كلمت اختك ومفلوقه يا حبه عيني من العياط عاجبك كده اختك يا بيه شافتك من العين السحريه قبل ما تفتح فأكيد يعني ملهوش داعي تلبس الحجاب ثم انتا مقولتش انها نادت عليك ولا انتا طول عمرك بتكرهه وبتتلككلها ليه
محمود بذهول: انا بكرهه انا يا ماما خليكي كده لحد ما تخربي بيتها ووقتها محدش هايندم غيرك
مديحه: مالكش دعوه بنتي وانا حره فيها خليك في بيتك ومراتك دول اللي يخصوك انما بنتي انا وابوها عايشين لما نموت تبقى تتكلم
محمود بهزه راس: براحتك انا ماشي وذنب بنتك في رقبتك
وسابهم ومشي على شقته
محسن: وبعدين يا مديحه وبعدين طول عمر بنتك كلامها عندك مصدق حتى وانتي عارفه انها كذابه بتحاميلها لحد امته لحد ما تخرب بيتها وحياتها علشان تفوقي
مديحه بمكابره: بنتي متربيه يا حاج والعيبه ماتطلعش منها انتا اللي طول عمرك قاسي عليها كانك بتعاقبها ان ربنا خلقها حلوه
محسن بذهول وعنين مبرقه: بكرها هو في اب بيكره عياله ولا فيه اب هايكره بنته علشان حلوه انا طول عمري ويشهد ربي بعامل عيالي كلهم معامله واحد زيها زي خلود وزي صفا زي محمود واحمد ومحمد كلهم واحد انتي اللي طول عمرك بتفرقي بينهم كنتي بتقسي على صفا وخلود وتقولي علشان يبقوا ستات بيوت شاطرين انما ندا لا دي الدلوعه مابتمدش ايدها في حاجه حتى في جوازها جيبتيلها زي أخواتها البنات الطاق 2 و3 وقولت عادي مهي بنتي انما تحاميلها في الغلط لا والف لا ولو حكمت اكسر رأسها هاعملها مع اني عمري ما مديت ايدي على حد من عيالي لا وهو صغير ولا وهو كبير فاهمه
مديحه بخوف من عصبيه جوزها: فاهمه بس انتا اللي مش فاهم بنتك متأثره بسفر جوزها وهي لسه عروسه متهنتش زي باقي البنات بلاش تقسى عليها وبنتي متربيه احسن تربيه وعمر الغلط ما تعرفله طريق
محسن: ياريت انتي اللي تاخدي بالك منها ومن أخطائها اللي بتداري عليها ولا اللي بتعملي نفسك مش شيفاها ربنا يستر من تربيتك للبت دي
تاني يوم محمود رن على الراجل
محمود بإحترام : الو سلام عليكم استاذ سيف معايا
سامح: وعليكم السلام ورحمة الله وبركاته لا انا سامح اخوه مين معايا
محمود بإعتذار: بعتذر على الازعاج انا ابو خالد من طرف عمر اللي معاه في الكويت وكان لينا أمانه معاه والمفروض اخدها انهارده
سامح : اه اه طيب تمام ثواني وهايكون معاك
دقيقه ورد صوت أخر
سيف: ايوه مين
محمود: انا ابو خالد نسيب عمر
سيف: اهلا وسهلا يا ابو خالد
محمود: اهلا بيك وحمد الله على السلامة
سيف : الله يسلمك معلش والله كنت واصل من السفر تعبان وكنت ناوي ان شاء الله بالليل اعدي عليكم علشان تاخدوا الأمانه هي في الحفظ والصون والله متخافش
محمود: في بيتها والله متتعبش نفسك قولي انتا فين وانا هاجي اخدها عيب نتعبك وانتا جاي من سفر واكيد أهلك وناسك وحشينك
سيف: ولا يهمك خلاص نص ساعه وقابلني عن قهوه ..... عارفها
محمود: اه عارفها ان شاء الله نص ساعه وهتلاقيني قدامك مع السلامه
سيف : مع السلامه
وقفل معاه واتحرك على المكان اللي قاله عليه
وفعلا جه الراجل في ميعاده بعد السلامات والترحيب
سيف: دي الأمانه اللي بعتها عمر معايا
محمود بإستغراب من حجم الشنطه
محمود بزياده تأكيد : هي دي متأكد
سيف بإستغراب: ايوه والله تقدر تتصل بيه
محمود بتوضيح من الاحراج: لا والله مش القصد اصله قالي انهم حاجتين فاستغربت انها شنطه كامله
سيف: ولا يهمك يلا سلام عليكم معلش بقى والله سيبت الناس في البيت وجيت علشان ميعادي
محمود بتفهم: ولا يهمك معلش تعبتك معايا
ومشي سيف واتحرك محمود لشقه اخته
وصل ورن الجرس
يا ترى ندا هاتعمل إيه.
يتبع