جوزي بقي طفل ازاي الفصل الاول والتاني والتالت والرابع والخامس حصريه وجديده علي مدونة عالم الروايات والمعلومات
_ انت بتقول ايه يا دكتور ؟ جوزي بقى طفل ازااااي ؟ ده شحط ٣٠ سنه
" يا مدام عيب كده احنا في مستشفى سيبي البلطو
بعصبيه _ اسيب ايه يا عنيا ؟؟ فين مااالك جوووزي ، أين اشياااائي ، طفل ايه طفل ايه بس الطم ؟؟
ببلعت ريق" يا يقين هانم الحادثه إلى استاذ مالك عملها خالته عنده لخبطه في الذكريات و الاستيعاب ، يعني جسمه و شكله مالك رأفت عادي و لكن تفكيره و عقله بتاع طفل أو مراهق
 |
عدل البطلو و قال بثقه" اه طبعاً فيه
بلهفه _ الحقني بيه يا حج
بضحكه سمجه " لا ما هو لسه مخترعناهوش يا مدام
بصتله بعصبيه و بصت على اسمه و قالت _ انت اسمك خليل ؟
" اه ، ليه ؟
_ اصلك تحسك نفس سحنه الخليل كوميدي ، عديني يا عم اشوف الاهبل إلى جوه ده انا كنت طيقاه و هم عاقل اصلا عشان اطيقه و هو طفل
دخلت يقين على مالك و هي كالعادة ماشيه بخطوات ثابته و رأسها مرفوعة ، تحسها إلى قادره على التحدي و على الموجهة بجد و جداني ، قعدت على الكرسي جمبه و هي بتبص عليه
قالت باستغراب _ شكله برئ كده ليه الواد ده ؟؟ اجيبها له ازاي بقى ان المفروض جوازنا على الورق و لمدة ٣ شهور بس ! دي عاوزه دماغ جامده دي ، ' كملت بسخرية ' ابن هبله و الله ابن هبله ، بقى انت مالك رأفت إلى كان بينافسني في شغلي قلبت عيل !
بدأت تضحك بسخرية عليه بصوتها كله و لكن فجأه حد شداها لحضنه و قال بحب = ام آدم انت كويسه ؟
فتحت بوقها و قالت بصدمه _ ام مين يا عنيا ؟؟
مالك بخبث _ ما تقلعي
شهقت و قالت بصدمه " يا نهار اسود دكتور خليل قالي انك هترجع طفل مش قليل الادب لا
مالك ببراءة _ ما تقلعي يا يقيني
لطمت" شكلنا هنشوف ليالي عنب يا معلم
البارت الثاني من جوزي بقى طفل ازااااي ؟ ده شحط ٣٠ سنه
مالك ببراءة : ايه يا يقيني مالك ؟
ببلعت ريق من قربهم " مالك ممكن تخليني ابعد ؟
مالك ببراءة : عاوزه تقلعي ، اقلعي و تعالى جمبي عشان السرير ميتوسخش
بعصبيه" انت مجنون صح ؟؟ انت قليل الادب و الحياء كمان
مالك ببراءة : يقيني في ايه ، اقلعي جزمتك عشان السرير ميتوسخش ، طنط الممرضة لسه مغيرة الملايه حرام تتوسخ
يقين بصدمه" انت .. انت طفل بجد ؟؟ يا نهار اسود يا نهار اسود يا ..
مكملتش جملتها و كانت واقعة مغم عليها على الأرض
مالك بصدمه : يقيني ؟؟؟! دكتور خلييييل
******
في بيت مالك و يقين ، كانت نايمه على السرير و هو جمبها ، كان بيملس على شعرها و بيقرا لها قرآن بهدوء ، فاقت يقين اخيراً و هي مصدعه
مالك بقلق : انت كويس يا يقيني ؟
يقين بتعب " مالك انت .. انت بجد تعبان ؟؟
باستغراب : تعبان ؟؟ يقيني مالك بس ؟ انت بقالك يوم بحاله تعبانه و فاقده الوعي ، ده انا حتى مروحتش الاسكول
يقين و هي بتتعدل" اسكول ؟؟ ' ضحكت بسخرية' الله يرحم كانت على ايام ابوك اسمها ديوان
و لكن التفتت ليه بصدمه و هي مش مستوعبه هو قال ايه ! فقالت بصدمه" مالك انت بجد تعبان ؟؟
مالك باستغراب : يقيني مالك ؟؟ انت كويسه ؟
قام من على السرير و قال بفرحه : يمكن عشان صدمه كتب كتابنا يا حبيبتي ، ده احنا الوحيدين في ٢ اعدادي إلى متجوزين
يقين كانت فاكره أن دكتور خليل بيالف و لكن مع كلام مالك و أفعاله و خوفه عليها مع انه و هو بعقل بالغ مكنش بيحبها و لا بيخاف عليها اتاكدت انه بعقل طفل فعلا !
صرخت بأعلى صوتها من الصدمه " دكتور خليييييييييييل
في المستشفى، دخلت يقين مكتب دكتور خليل و صرخت فيه _ انا جوزي اتجنن ؟؟ مش انت درست ٧ سنين و عملت ماجستير ، اتصرف و عالج جوزي يا راجل انت اتصرف
خليل ببلعه ريق" يا مدام يقين مش كل شويه تفزعيني كده ، انا قطعت الخلف يا شيخه
بعصبيه _ أنجز يا عم قولي على حل يرجع مالك عاقل تاني
بفضول و هو بيصب الشاي في الكوبايه " و هو انت يا استاذه يقين عاوزه مالك يرجع زي ما هو ليه ؟ على ما اعتقد انت مش بتحبيه اصلاً و لا هو كان بيحبك
باستغراب _ و انت عرفت ازاي أن شاء الله ؟؟
" والدتك حكاتلي ، تشربي حاجة ؟
قعدت على الكرسي و قالت _ واحد زبادي خلاط و النبي عشان دايخه
همس بصدمه " زبادي خلاط !! كلامه كان صح بقى على كده
بعصبيه _ بتبرطم بتقول ايه ؟؟ سايبني هتجنن على جوزي و قاعد بتبرطم ؟
قعد على الكرسي و هو ماسك كوبايه الشاي و قال " أممم .. يعني انت هتجنني عليه رغم انك مش بتحبيه ؟؟
بلجلجه و هي بتفرك في ايدها _ ايوه انا .. انا مش بحبه لكن .. لكن بحكم انه جوزي ف انا خايفه عليه برده .. هو في وشي برده و اي حركة طفولية متخلفه منه هتضيعني و تضيع شغلي و تعبي
" أممم .. يعني شكلك و انت بتجري جمب الترولي إلى هو كان عليه و بينزف و انت مخضوضه يقول انك بتحبيه
بعصبيه _ لا مؤخذه يعني انت مالك ؟؟
" عمرك صبغتي شعرك ؟؟
_ هااا ؟؟
" عمرك لبستي فستان !
حطت ايدها ورا رقبتها بخجل و قالت _ لا !
اتنهد بضيق" عمرك لبستي حاجه غير البنطلون و الشيميز الرجالي دول ؟؟ تفتكري مالك رأفت الي شاف أصناف حريم أشكال و ألوان قدام عينه محبكيش ليه ، رغم انك ست ناجحه و قويه و جريئة في مجالك جداً ؟
بتوتر _ م.. معرفش !
ببرود" انا اقولك ليه يا مدام يقين ، بصي لنفسك في المرايه و انت هتفهمي ، انت أنثى بطاقة بس ! غير كده بتتعملي بخشونه و نبرات جشه دايماً و مفيش اي نعومة أو رقة أو دلع حتى ، مفيش اي حاجة من ريحه الجنس الناعم تمسك بصله !
كانت كل كلمه بيقولها بتطعنها الف مره في قلبها ، دموعها نزلت و كلامه بيتكرر في ودنها ، سحبت شنطتها و قالت و هي بتمسح دموعها _ دكتور خليل
"نعم ؟
قالت باستهزاء _ انت مريض ، انت جرحت فيا ، انت محتاج تتعالج يا دكتور ، كتك البلا في معاميعك
طلعت من المكتب و هو قال بصدمه" معاميك !! فيه ست تقول معاميعك !! هو يعني ايه معاميع ؟ مخدتهاش في طب دي ..
في الشركه
دخلت يقين و في حالة فوضى كبيرة في الشركه فقالت بصدمه : ايه ده ؟؟ مفيش موظف على مكتبه ؟؟ ايه كل الورق ده ؟؟ ايه الي بعتر الورق بالشكل ده ؟؟
- يقين هانم .. مالك بيه فوق
بصدمه : مالك !! يا نهار خراااب يا نهاااار خراااب
في الاجتماع
= مستر مالك انت كويس ؟
كان مالك ماسك الاستيكه و بيحاول يمسح القلم الجاف من على الورقه بيها
باستغراب = انت بتعمل ايه ؟
ببراءة " اصل الراجل بتاع المكتبه قالي ان الاستيكه دي بتمسح الجاف ، إلى باللون الأبيض ده بيمسح رصاص و الي باللون الأزرق بتمسح الجاف
فتحت الست بوقها و هي بتبص للوفد بتاع الشركة و قالت = منورين و الله ، يقين هانم على وصول
دخلت يقين بسرعه و هي بتبص على مالك ، كان قاعد في هدوء بالتالي اخدت نفس عميق براحه و قالت _ احممم .. اسفه على التأخير
بلهفة " يقيني !
قعدت يقين جمب مالك و هي متجاهله نظراته إلى كلها عشق و حب مراهق لحبيبته ، كانت بتبص عليه بطرف عينها كل شويه و بتبلع ريقها من نظراته
_ ايه رايكم نتاجر في الورق ؟؟ يعني على ما اعتقد بنستخدمه كتير جدا و هو بديل ممتاز يسد مكان البلاستيك إلى بقى بيلوث البيئة
ببراءة " اوف كورس كلامك مظبوط يا يقيني ، ده حتى في الأسكول قالولنا أن البلاستيك بقى ملوث جدا للبيئة و بسببه الانيملز بتموت
غمضت عينها و هي بتضغط على شفتها بعصبيه و قالت بهمس _ و المصحف ما في انيملز غيرك انت و خليل
" بتقولي حاجة يا ام آدم ؟؟
بعصبيه طفيفه _ مالك انزل دلوقتي
ببراءة و طاعة " اوكيه هاخد بريك لاني تعبت
طلع من أوضه الاجتماع فقالت بهمس _ اقسم بالله انا الي تعبت يا أخي
قاطعها راجل بيتكلم بالإنجليزية * سيدة يقين ، ماذا بيكي ؟
بالإنجليزية _ لا شيء، انا فقط مرهقه قليلاً ، ها ما رأيكم في المشروع ؟؟
بصوا كلهم لبعض و هما بيسلموا حاجه لبعض من تحت طاولة الاجتماع ، ففجاه رفع إلى فى نص التربيزه المسدس على يقين و قال بالإنجليزية * فكره جباره و لكن ستكون بدونك للأسف
همست برعب و لأول مرة تحس بالضعف و الرهبه _ م .. مالك !!!
اعملوا متابعه ليا 👈 روايات كاملة عشان يوصلكم الباقي
يتبع ...
يا ترا مالك رأفت ذو ال ٣٠ عام و صفات المراهق هينقذ يقين ؟
و يا ترا مالك هيخف ؟
#البارت_الثالث من جوزي بقى طفل ازااااي ؟ ده شحط ٣٠ سنه
بسخرية * لن يسمعك احد يا يقين هانم ، ستموتي و كل سيولة الشركات ستكون في حسابنا
بصراخ _ مااااالك الحقنااااااي عاااااا ابوس ايدك مش عاوزه اموت دلوقتي ، ابوس ايدك
ربطها و كتفها كويس و نزلوا كلهم من أوضه الاجتماع ، كل الموظفين التفتوا ليقين بصدمه و صرخوا = يقين هااانم !!!
بدموع _ مالك فين ؟؟ حد ينادي مالك
ظهر صوت برئ و قال " يقيني انا عندي الغضروف
بعصبيه _ غضروف يا ابن رأفت انقذناااااااي الله يخربيتك انقذنااااااي
ببراءة " يقيني انا نبهت عليكي بلاش روايات عشان متتعشميش في الواقع ، اصل انا مش هرمي نفسي في التهلكة عشان ماي لاف ، العمر مش بعزقه يا يقيني
بعصبيه _ اتفووووووو روح اتصل بالبوليس يا اهبل روح اعمل اي حاجه هيخدوناااااااي
" لسه الدور بتاعي في بابجي مخلصش
_ يا لهواااااي حد يتصل بالبوليس يا بهايم يا بهاااااااايم
بعد مرور ساعه ، دخلت يقين على دكتور خليل و مسكته من البلطو و قالت بعصبيه _ انا كنت هموووت و ابن الهبله معملش اي حاجه ، اين اشيائي يا عم ، يا عم مالك كان اجمد من كده و ارجل من كده يا عم ، لولا البوليس جيه كان زماني ميته و متصفيه
ببلعت ريق " يا ست أنت تموتي و تصفي بلد ، ده انت احمد عز في ثوبه الجديد انتِ
بعصبيه _ رجاااعلي جووووزي رجعلي مالك
بغمزه" ما انت بتحبيه اهو يا استاذه يقين
بتوتر و هي بتسيب البلطو _ احممم .. مين قال كده انا قولتلك قبل كده انه بس عشان جوزي مش اكتر و بعدين متعاطفه معاه مش اكتر ..
" و الله ؟؟ انت بتحبي مالك يا يقين ، بس احب اقولك ان مالك عمره ما هيحبك ، حتى و هو بعقل طفل كده هيمل منك ، بصي في المراية يا يقين و شوفي شكلك ، الرجوله إلى مغلفاكي من بره و من جوه تخالي اي شخص ينفر منك !
مقدرتش يقين تتماسك و انهارت ، هو صارحها بالحقيقه إلى هي بتتهرب منها دايماً
بعياط _ كفاااايه كفااايه
اخدت شنطتها و طلعت جري من المكتب ، الكل مستغرب من حالتها دي و بيتوشوشوا ، إلى شمتان في انهيارها ده و الي مستغرب انهيارها برده ، روحت الفيله بتاعتها هي و مالك ، دخلت لقيته لابس لبس اعدادي بتاع الولاد ، شيميز ابيض و بنطلون رصاصي و كرافاته سوده و شعره الأسود على ورا ، التفت ليها اول ما دخلت و هو مستغرب من دموعها ، قرب عليها و قال بلهفة
" يقيني ! انت كويسه ؟؟ بتعيطي ليه ؟؟
اترمت في حضنه و دي كانت أول مرة تترمي بين ضلوعه و دراعاته و هي ضعيفه كده
بعياط _ مالك احضني يا مالك
حضنها بقوة و همس" مالك يا حبيبتي ؟
بعياط _ مالك هو انا وحشه ؟؟ انت شايفني عامله ازاي ؟؟
بعدها عنه شويه و رفع وشها و قال بلطف" ده انت اجمل واحده الساعه واحده ، انت ست البنات كلهم
بابتسامه و عيون لامعه _ بجد ؟؟
قبل أحد وجنتيها و قال بحب " أنت عندك شك في انك جميله يا يقيني ؟
بصدمه من قبلته _ ها ؟؟
بخبث " بقولك عندك شك في انك جميله ؟؟
اتوترت من قربهم و نبرت صوته و أفعاله فقالت و هي بتمسح دموعها ببطن ايدها _ احممم .. انا طالعه استحمى بعد اذنك بقى
طلعت جري من قدامه فقال بخبث " يا بنت الجنيه انت ، هجننك و الله لجننك
حط ايده على شفايفه إلى لمست خدها و ابتسم ببلاهه ..
َ
في أوضه يقين
كانت بتبص على شعرها المبلول و على ملامحها ، ابتسمت و هي بتقول بفرحه _ قالي اني ست البنات .. قالي اني جميله ، مالك شايفني جميله ! و .. و باسني .. ده باس خدي بجد !
فضلت تضحك و هي مش مصدقه نفسها ، لكن فجأه قاطعها رن موبايلها فردت و كانت الصدمه
_ انت بتقولي ايه !!! مالك !!!!
كنت هنزل بارت كمان زي ماوعد بس التفاعل وحش
البارت الرابع و الخامس ❤️ بارتين اهو
_ مالك اخد السيولة كلها !! بيتبرع بيها لملجأ حيوانات !! اه يا حيوااان يا مااالك يا حيوااان ، اقفلي بسرعه اقفلي هروح له اقفلي
لبست يقين لبسها المعتاد ، بنطلون جينس و شيميز أوفر سايز بيبي بلو و رفعت شعرها على فوق ديل حصان و اخدت عربيتها و انطلقت لملجأ الحيوانات و هي بتلعن مالك و دكتور خليل
في ملجأ الحيوانات
بعصبيه و صوت جمهوري _ مااااااالك
التفت مالك ليقين و قال ببرود ممزوج ببراءة " يقيني ، انت جايه تتبرعي ؟؟
همست بتوهان _ عليه حتت يقيني ابن رأفت ! ' كملت بصوت عالي و عتاب' انت اتجننت ؟؟ اخدت سيولة الشركة كلها عشان تتبرع للحيوانات ؟؟
ببراءة" انت عارفة احنا كده هننقذ كام حيوان ؟؟
بسخرية _ و هتموت كام بني آدم من الحسرة ؟؟
ببراءة للست بتاعت الريسبشن" لو سمحتي انا اتبرعت ب ٢٠ مليون دولار، كده انا معفي من صيام رمضان ؟
جزت يقين على سنانها و قالت من بين سنانها _ مااالك هات ايدك
مدلها ايده و قال بمشاكسه" عاوزه تمسكي ايدي يا... عاااا يا بنت العضااااااضه
عضته في ايده بعصبيه و وحشيه و بعدين قالت ببرود _ عملتلك ساعه هيهيهيهي
بوجع" كده يا يقين ! بتوجعني اوي
الست بتاعت الريسبشن بخبث = ما هو الجامد ده حرام يتوجع برده
بعصبيه _ افندم ؟؟
= أصله جامد اوي ، مش عارفه جالك قلب تعضيه ازاي
فتحت يقين بوقها من الصدمه و الست بتتغازل في مالك و هو بيضحك ، في لمح البصر نطت يقين على الست و قالت بنبره تملك رهيبه و هي بتضربها _ مالك ده جوزي و بتاعي انا بس و انا بس الي اتغازل فيه ، قسماً بالله انا ممكن اقتلك هنا ، خليكي عارفه ان إلى بيبص على حاجه بتاعتي انا مش هرحمه و خدي العضه دي بقى
مسكت يقين رأسها و بدأت تعضها و الست بتصوت ، فقال مالك بخفوت و هو بيبلع ريقه " يا نهار اسود دي مستذئبه و لا ايه ، دي عدت دايمن في فامبير دايرز
التفتت يقين ليه و هي بتاخد شنطة الفلوس و قالت بعصبيه طفيفة _ بتقول حاجه يا حبيبي ؟؟
ببلعت ريق" و انا اقدر ، قدامي يا يقيني يا حبيبتي
في المستشفى
دخلت يقين مكتب خليل و قالت بنفاذ صبر _ اتصرف يا خليل عشان انا حاسة اني هقلب مستذئب كمان شويه ، الواد بيتعاكس اكتر ما بيتتفس !
ببلعت ريق" انا لقيت حل .. بس انت تمالكي أعصابك
بعصبيه _ انطق يا عم انجدني انجدناااااي
بتوتر و بلعت ريق" انت لازم .........................
بصدمه و صوت عالي _ على جثتي الهبل ده على جثتييييي
في الفيلة الصبح ..
صحت يقين و كان واقف مالك بيلبس ، فقالت بنعاس _ انت نازل ؟
" يقيني انت مش هتروحي الاسكول و لا ايه ؟؟ بقالك كذا يوم مش بتروحي
اتنهدت بضيق _ انت فطرت ؟
" اه يا حبيبتي و عملت سندوتشات ليا كمان ، خدي بالك من نفسك يا يقيني
باس رأسها و اخد شنطته و نزل ، حطت وشها في المخدة بكسوف و قالت بنبره رقيقه اول مره تتكلم بيها من ساعه ما بقت سيده أعمال _ باس راسي .. و بيقولي يا يقيني ، بينسبني له ..!
في مدرسه اعدادي و ثناوي مختلط
* بس ده قمور اوي ، شوفتي السيكس باكس ؟؟ ده مستحيل يكون قدنا
: مايا الولد ده لسه جديد هنا و بقاله يومين و كلنا حاولنا نكلمه و مداش ريق حلو ابداً
*ده انا مايا الكارم يعني بنظره مني بس ادوخه
ضحكت بسخرية : يا اختي ده انت لو اتشقلبتي كده مش هيبص عليكي ، ده في بنت شاغله باله من الواضح
بغيظ * انا حطيته في دماغي خلاص ، و الله لانا رايحاله ..
راحت مايا ناحية الكانتين و اشترت واحد ايسكريم و جريت ناحيته و هي بتضحك و بتقول * همسكك يا ميرناااا همسكك عاااا
خبطت فيه بالعمد و ميرنا واقفه مصدومه من تفكيرها ، و الايسكريم بتاعه وقع في الأرض فقالت باسف و دلع * سوري بجد انا اسفه ، كنت بلعب مع صحبتي و مخدتش بالي
ببرود " و لا يهمك بعد اذنك
بلهفة * لا ازاي ، ارجوك سيبني اعزمك على آيس كريم بدل إلى وقع في الأرض عشان ضميري يرتاح
" بس ..
قاطعته و قالت * مابسش بقى ، انا هطلبلك واحد مخصوص ، سوري بجد يا .. اسمك ايه ؟
" مالك
عضت شفتها بخفه * واو اسم لوجيك اوي ، لايق على شكلك
بخجل" احمم شكرا
* العفو ، تاخد شوكولا و لا فانيلا ؟
" يعني هو لازم ؟
* اهاا عشان ضميري يا لوكه
اتنهد بنفاذ صبر " طيب فانيليا ، و بلاش لوكه دي
بابتسامه انتصار * اوكيه يا بيبي
راحت ناحيه الكانتين فقال مالك بسخرية " بيبي ؟؟ خبطت فيك غصب عني ؟؟ هي شيفاني برياله ؟؟ بنات آخر زمن فعلا
قاطعه صوت رقيق ملائكي _ لوووكه
التفت ليها و قال بعصبيه " مش قولتلك بلاش لوكه دي .. ايه ده !! يقين !!
يتبع ...
يا ترا مالك هيعيد يقينه للصغر ؟؟
مالك هيخف امتى بقى ؟؟
البارت الخامس
بلهفه " يقيني انت هنا ؟
كانت واقفه بلبس المدرسه إلى مخليها زي العيال بظبط ، جيبه فوق الركبة لونها رصاصي و شيميز ابيض و جرافاته سوده و قطتين و بتلعب في صوابع ايدها بتوتر و هي بتاكل شفايفها ، مشاعر مالك كانت متلغبطه بس الي كان عارف يحدده انه كان غيران عليها أن حد يشوفها و هي كده و كان عاوز يخبيها من عيون الناس و هو الي يشوفها بس
برقه _ كنت زهقانه قولت اروح المدرسه قبل ما الحصص تبدأ ، انت كنت بتعمل ايه ؟
مسك ايدها و قال " بقولك ايه بما ان انا و انت جداد في المدرسه و لسه ناقلين من يومين ، ايه رايك افرجك على المدرسة حته حته ؟؟ انا عرفت أماكن كتير هنا
بابتسامة _ اوكيه مفيش مشكلة
شد على ايدها أكتر كأنها هتهرب منه و طلعوا المبنى الدراسي ، اما مايا كانت بتراقب من بعيد لبعيد و هي هتموت من الغيط
: ايه ؟ نفضلك ؟؟
بعصبيه * طلعت البت دي في دماغه فعلا اول ما شافها مسك ايدها
بسخرية : هاتي الايس كريم يا اختي اهو ابقى استفدت حاجه من خطتك الفاشله
بخبث * بس و الله ما هسيبه ، مالك ده بتاعي انا و بس !
في أوضه الموسيقى ، كان قاعد مالك و بيعزف على البيانو و يقين قاعده جمبه
_ مكنتش اعرف انك شاطر في العزف كده يا مالك
بابتسامة " انا بحب البيانو جداً ، ايه رايك اعلمك عليه ؟
بفرحه _ بجد ؟؟
" بجد يا روح مالك ، يلا هاتي ايدك
مدت ايدها ليه و بدأ يدوس بصوابعها على المفاتيح بتاعت البيانو و هو بيقول " ده دو ، ده ري ، ده مي، ده فا، ده صول، ده لا، ده سي، و اخيرا بنرجع تاني ل دو
كانت مبتسمه و هو ماسك ايدها و بيعلمها ، اتجرات و طبعت قُبله على احد وجنتيه و قالت بعشق و نبره رقيقه اول مره يسمعها _ مالك خليك عارف اني بعمل حاجات عكس طباعي عشان خاطر عيونك الحلوين دول
كان بياخد نفسه بصعوبة من قُبلتها و من مغازلتها لعيونه و كلامها إلى كله تضحية و مشاعر حلوه و رقيقه تشبه يقين الطفلة إلى قاعده قصاده ، كان تايه فيها !
فقال بنبره توهان " مش فاهم قصدك يا يقين
ابتسمت _ هتعرف بعدين متخفش
ضمها ليه و هو بياخد نفسه بصوت عالي و هي مبتسمه ببلاهه و هو بيُقبل خصلات شعرها بهدوء و رقه
بكسوف _ مالك احنا في المدرسه فوق .. الجرس رن يا مالك الطابور هيفوتنا
بعد عنها أخيراً و قال و هو بيحاول ينظم نفسه" طيب يلا بينا عشان الطابور ، عندك حق
سحبها من ايدها و نزلوا للطابور و وقفوا جمب بعض
في الميكرفون = يلا هنعمل التمرينات
لطمت يقين و قالت _ تمرينااات !! مش قولتلك يا مالك اني بضحي عشانك مصدقتيش انت
بسخرية" يلا يا يقيني ، واحد اتنين تلاته أربعة ، مشط الرجل واحد اتنين تلاته اربعه
_ انا عندي الغضروف يا مالك ، انا مش عيله لا
اخيراً خلصت التمرينات إلى كانت مُهلكه بالنسبه ليقين جداً ، فضل مالك يضحك عليها طول الحصص و هو بيبص عليها و ضهرها واجعها
في البريك" الفسحه "
_ اااه يا عضمي اااه ، يا مالك مش كنت تقلب عجوز احسن ما تقلب طفل !
* هاااي يا مالك
" هاي يا .. اسمك ايه معلش نسيت
* مايا يا مالك ، مجتش تاكل الايس كريم معايا ليه ؟
برفعه حاجب _ آيس كريم ؟؟
* هي دي الجيرل فريند بتاعتك و لا ايه ؟
" حاجة زي كده
بعصبيه _ هو ايه الي حاجه زي كده ؟؟ انا مش الجيرل فريند بتاعته انا مرا ..
قاطعها و قال " يعني بنفكر نرتبط انا و يقين
بغيظ و غيره * أممم .. طيب و ايه الي موقف مشروع الارتباط ده ؟
بعصبيه _ بعد اذنكم
اخد نفس عميق و قال " مايا يا ريت تشيليني من دماغك انا و يقين
* ليه يعني ؟ مش ممكن ابقى انا و يقين صحاب ؟
بسخرية " انت و مين ؟؟ انت و يقين ؟؟ معتقدش
* فعلا هي واضح انها مش شبهي و لا في الاستايل و لا الشكل، انا احلى كتير
بثقه " بالعكس هي الي احلى منك كشخصيه و استايل و طباع ، دي الليدي بتاعتي
بغيره * و ايه الي يمنع امي ابقى صاحبتها حتى لو مختلفين في الحاجات دي ؟
بثقه " عشان يقين مؤدبه و محترمه و عامله لنفسها حدود دايماً ، اما انت بتاعت ولاد و مش محترمة زيها
بعصبيه * ماشي يا مالك هنشوف مين الي ..
قاطعها صوت ميرنا و هي بتجري عليها و بتقول : تعالوا شوفوا يقين بترقص مع سيف على المسرح
بغيره و غضب" بترقص !! مسرح !! يقين !!
يتبع
الروايات الأكثر قراءه 👇👇
🌹🌺🌹🌺🌹🌺🌹🌺🌹🌺🌹🌺🌹🌺
🌹🌺🌹🌺🌹🌺🌹🌺🌹🌺🌹🌺🌹🌺
حماتي عاوزه تجاوز
تزوجت زوجي وليس في الوجود مثله
نوفيلا فطين وفطنطن