حماتي عايزه تجوزني كامله وحصريه علي مدونة عالم الروايات والمعلومات بقلم هويدا زغلول
سلوي _ ازاي عايزه تجوزني ابنك اخوه جوزي انا لايمكن أوفق بالكلام ده خالص يا حماتي
الحما _. هو انتي فاكره أن ليكي راي يا حبيبتي
انتي طول ما انتي قاعده هنا الكلمه كلمتي انا
والشورا شورتي
وقبل ما نبدا حكايتنا اعرفكم بنفسي
انا سلوي جوزي راح بعد ما اتجوزنا ب ٥ شهور
ويوم العزا كنت قاعده ف اوضتي انا وماما وماما قالت
الام _ حبيبتي يا بنتي على نصيبك بجد انا اخاف اسيبك هنا مع حماتك انا عارفه قد ايه هي مش بتحبك انتي لازم ترجعي معايا
سلوي _ ارجع فين بس يا ماما انتي عايزاني اسيب عايزه جوزي واسافر انتي عايزه الناس كلها تتكلم عليا الله يرحمك يا محمد كنت رحمني
من حاجات كتير اوي والله
 |
سلوي _ روحي يا ماما ما تخافيش علي هي كده كده من بعد ما ابنها ما راح واكيد مش هتفكر تعمل معايا حاجه انتي ما تعرفيش هي كانت بتحب محمد قد ايه
الام _ ربنا يسترها عليكي يا بنتي بعد الاربعين على طول هنيجي علشان خاطر نغدك
سلوي _ تعالي نخرج نقعد بره مع الناس مش هينفع نسيبهم اكتر من كده
وكنت خارجه وبعدها دوخت ووقعت في الارض
واغم عليا ولما فوقت لقيت حماتي و ماما
وافقين
سلوي _ هو ايه اللي حصل يا جماعه وانتم مالكم واقفين كده ليه مالك يا ماما في ايه
الحما _ هو انتي يا بنت انتي كنتي عارفه انك حامل ومقولتيش لينا ولا ايه
سلوي _ ايه انا حامل انا مكنتش اعرف اصلا يا حبيبي يا محمد كان نفسك تكون اب
الحما _ عايزه تقنعيني انك مكنتيش تعرفي انك حامل والدكتور بيقول انك شكلك حامل في الشهر الثاني
سلوي _ والله يا حماتي ما اعرف اي حاجه وانا لو كنت اعرف كنت هخبي عليكي ليه حتى لو انا كنت خبيت عليكي كان محمد قالك
الام _ارجوك يا محمد الدكتور قال بلاش زعل عليها
الحما _ طيب يا اختي هو انتي موجوده ليه هنا لحد دلوقتي مش خلاص خدت العزا يلا بقى اتكلي على الله
سلوي _ هو انتي ازاي تكلمي ماما بالطريقه دي على فكره لو فضلتي على كده انا همشي معاها
الحما _ تمشي فين يا نن عين امك تاخدي حته من ابني وتمشي ده لا يمكن يحصل ابدا
سلوي _ قصدك ايه يعني هفضل محبوسه هنا ولا ايه
الحما _ قومي يا اختي بالسلامه وبعد كده نبقى نشوف هنعمل ايه وبعدها حماتي خرجت وماما قالتلي
الام _ ياما قولتلك بلاش الجوازه دي مكنتيش بتسمعي الكلام
سلوي _ ارجوكي يا ماما انا مش ناقصه الكلام ده خالص انا واحده فيا اللي مكفيها جوزي لسه رايح وملحقش يفرح بابنه اللي جاي ، وقربت
ماما مني وقالت
الام _ هو انتي ناويه تكملي الحمل ده يا بنتي ما تعرفيش ايه اللي هيحصلك لو كملتيه ، ولقيت
حماتي داخله وبتقول
الحما _ يالهوي يا جدعان تعالو شوفوا
الوليه عامله تقول اي ل بنتها امشي
يا وليه يا خرافنه انتي من هنا عايزها تعمل
اي في الحمل
سلوي _اهدي يا حماتي بس ماما متقصدش حاجه والله
الحما _عارفه لو حصلك اي حاجه انا هعمل فيكي ايه وانتي امشي مش عايزه تشوفي وشك هنا ثاني ،. بعدها ماما مشيت وانا طلعت ل يحيي اخو جوزي وفتحت مراته نوال
نوال _ خير يا سلوى عايزه ايه طالعه في وقت زي ده ليه
سلوي _معلش انا اسفه بس عايزه يحيى دقيقه واحده وبعدها خرج يحيي وقال
يحيي _ اوعي ايدك يا وليه مالك واقفه ع الباب عندك كده ليه تعالي ادخلي يا سلوى مالك في ايه ، وبعدها دخلت واقعد وقولت
سلوي _ ارجوك يا يحيى خلي مامتك تهدي عليا الفتره دي بجد انا اللي فيا مكفيني
يحيي _ اوعدك مش هخليها تتكلم معاكي باسلوب وحش تاني واعملك كل اللي انتي عايزاه انتي تؤمري يا سلوى
سلوي _ ربنا يخليكي انت كده عرفت ان انا حامل انا عايزه اقضي الفتره دي على خير
يحيي _ باذن الله مش عايزك تخافي روحي شقتك انت بس وريحي دلوقتي وبعدين نبقى نكمل كلام وبعدها خرجت
نوال _ مالك يا راجل عامل كده ليه وعمال تبص عليها ليه كده اوعى تكون فاكر ان ممكن اسمحلك تتجوز عليا
يحيي _ بس هي توافق بس مش هتجوزها عليكي ده انا هطلقك انتي شخصيا مش شايفاها عامله ازاي ده ريحتها بتدخل شقتنا من وهي في شقتها في البصل والتوم اللي انتي على طول فيهم
نوال _ لا والله وانت فاكر يا يحيى ان انا هسيبك كده بفتكر يا حبيبي انت ماضي على مؤخر كام
يحيي _ هدفعه يا نوال بس اتجوز سلوى
اوعي بقي من وشي كده خليني ادخل
انام انا من الصبح في العزا وتعبت
وبعدها دخل الاوضه
نوال _ وانت فاكر ان انا ممكن اسيبك كده ده انت ما تعرفش اعمل فيك ايه وفيها هي كمان
اصبر عليا
وتاني يوم كان قاعد يحيي مع أمه
قالها
يحيي _عارفه ي اما الحاجه الوحيده اللي مش هتخلي سلوى تمشي من البيت هنا ايه ان انا اتجوزها خليني اتجوزها يا اما
الام _ يخرب بيت عقلك تتجوزها يا ولد ازاي انت مش عارف انها حامل مش هينفع الا لما تخلص شهور حملها الاول وبعدين مراتك ممكن توافق انك تتجوز عليها
يحيي _ مراتي ايه بس ياما سيبك منها انا عامل كل ده عشان مصلحتك ترضي ان ابن محمد يتربى بره البيت
الحما _ ده لا يمكن يحصل ابدا وعمري ما هوافق على الكلام ده بس من امتى وانت مصلحتك على محمد الله يرحمه ده انت على طول كنت بتغير منه
يحيي _ الله يرحمه بقى انت لازم كل شويه تفكريني بالموضوع ده ارجوكي انسي شويه
بقي
الحما _ على العموم تولد ونبقى نشوف حل الموضوع ده بس اوعي تكلمها في حاجه
خالص
يحيي _ ربنا يخليكي لينا يا ست الكل لا مش هفاتحها في اي حاجه
وفي شقتي كنت قاعده ولقيت الباب
بيخبط فتحت وكانت نوال شايله صنيه الاكل
نوال _ عارفه انك مش هتقدري تقفي في المطبخ وتعملي اكل وما بتجيش عليا عملت لك الاكل ده اي مالك واقفه كده ليه مش هتدخليني
سلوي _ ازاي طبعا اتفضلي بس انا خلاص الحمد لله اكلت ومش جعانه تاني
نوال _ اوعى تكوني فاكره ان انا ممكن احطلك حاجه في الاكل علشان متكمليش حملك لا يا حبيبتي انا مش كده
سلوي _ وايه اللي خلا الموضوع ده يجي في دماغك انا ما فكرتش فيها كده خالص
نوال _ هو انت عارفه مشكله الخلفه من عند مين من عند يحيى جوزي بس انا مفهما أن المشكله من عندي انا عشان صعب عليا دلوقتي عايز يتجوز عليا انا ويتجوزك انتي هو انتي ممكن توافقي عليه
وفي الوقت ده انا قولت
ليها
سلوي _ ريحي نفسك يا نوال ولا جوزك
ولا غيرو انا عمري ما هفكر اتجوز بعد جوزي
الله يرحمه
نوال _ ارجوكي أنا مش هقدر اعيش من غير
يحيي وهو معجب بيكي اوي اوعي توافقي
عليه
سلوي _ بس ياريت تغيري اسلوبك معاه بجد
انتي عالطول بتكلمي وحش ومش
بتحرمي قدام حد يحيي اعجب بيا
علشان خاطر شافني بحترم محمد
نوال _ اكيد والله هغير كلامي معاه واخلي
ب اسلوب احسن بجد شكرا
ليكي انتي انسانه طيبه اوي وكويس ان
اتكلمت معاكي علشان اخلي بالي من الحاجات
الغلط اللي بعملها
سلوي _ بجد ياريت نكون اخوات انا. وانتي
انت عارفه ان حماتك مش بتحبني وكمان انا خايفه من يحيي
نوال _ هسيبك انا بقى واروح شقتي علشان ابدا اغير من نفسي انا عايزه يحيى ما يشوفش غالي بعد كده
سلوي _ بجد ياريت تعملي كده وشكرا علي الاكل يا حبيبتي وبعدها خرجت من شقتي
وراحت شقتها وكانت اختها دعاء هناك
دعاء _ ها عملت ايه اتاكدت ان هي اكلت من الاكل ولا ايه بس طالما مش رجعتي ب صينيه الاكل يبقى اكلت منه صح
نوال _ يا بنت اخرسي وطي صوتك شويه ما مكنش ينفع اغصب عليها انها تاكل انا سبت ليها الصينيه وهي اكيد هتاكل منها بس عملت عليها دور البنت المسكينه الحنينه علشان ترضي تاكل بس هو انتي متاكده يا بنت انا مش هيحصلها حاجه لا اروح فيها
دعاء _ مبيقاش قلبك ضعيف كده قولتلك مش هيحصلها حاجه كل اللي هيحصلها أن اللي في بطنها مش هيكون موجود
نوال _ ايوه لازم يحصل كده مبقاش انا مش
بخلف وهي تروح تجيب ليهم العيل في الوقت
ده حماتي اكيد هتقول ل يحيي طلق مراتك
واتجوزها هي
دعاء _ بس مش عايزاكي تنسيني بقى في الحلاوه ما تنسيش ان انا اللي جبتلك الحاجه اللي هتخليها مش هتكون ام من غيري مكنتيش هتعرفي تجيبيها
نوال _ يحصل بس المراد وما تعرفيش انا هعملك ايه اي حاجه نفسك فيها هعملها ليكي
وفي الوقت ده سمعنا صوت صويت جاي
من شقه سلوي
دعاء _ معقوله بالسرعه دي يلا بينا بقى واعملي نفسك زعلانه عليها وبعدها الكل جه علي الشقه
وانا كنت قاعده في الارض جمب قطتي
ويحيي قالي
يحيي _مالك يا سلوى في ايه ايه ده ايه اللي حصل للقطه ايه اللي جرلها
سلوي _ ما اعرفش والله انا خرجت من المطبخ لقيتها واخده ورك فرخه وعماله تاكل فيه فسبته ليها وفي الاخر راحت صعبانه عليا قوي مش فاهمه ايه اللي بيحصل ده
يحيي _طيب هو انتي قاعده في الارض كده ليه قومي باذن الله هجيبلك قطه احسن منها
قومي بس من مكانك
نوال $ قومي يا حبيبتي حرام عليك بقى تخضينا عليكي وفي الاخر تعامل ده كل ده علشان خاطر قطه
يحيي _ عندها قلب هو انت فاكراها زيك ولا ايه اوعي كده من وش مالك وقفه روحي اعمليلها كوبايه ليمون ولا اي حاجه تشربها
وبعدها اقعدني
حماتي _ مالك يا اختي عامله كده ليه كل ده علشان خاطر القطه راحت ده انتي معملتيش كده لما ابني راح
سلوي _ بعد اذنكم يا جماعه انا محتاجه ارتاح شويه ممكن تسيبوني انام
نوال _ يلا بينا على شقتنا هي خلاص بقت كويسه اهي. بعدها الكل خرج وانا قولت
لنفسي
سلوي _لا ما ينفعش اقول انا دقيقه واحده ايه اللي حصل للقطه ده كان هيحصل ليا انا معقوله نوال تعمل كده طيب ليه انا كنت بتعامل
معاها كويس والله الله يسامحها
وبعدها لميت هدومي ونزلت عند حماتي
الحما _ اي ده انشاء الله لما شنطه الهدوم دي ورايحه بيها على فين
سلوي _ معلش يا حماتي انا مخنوقه شويه ولازم اروح بيت ماما اغير الجو يومين
الحما_ يبقى جوزك لسه رايح ما بقالوش اسبوع وعايزه تخرجي من البيت لا طبعا ما فيش الكلام ده
سلوي _ ارجوكي يا حماتي تسيبيني اروح والله مش هطول يومين بالظبط وارجع
الحما _مش قبل لما تمشي تاخدي الاذن من اللي هيبقى جوزك الاول ولا ايه لما يبقى يجي يحيى يبقى يقول تروحي ولا ما تروحيش
سلوي _ مش فاهمه كلامك يا حماتي وايه علاقه يحيى اصلا بالحوار ده جوز مين ان شاء الله مين قالك ان انا موافقه اتجوزه
الحما _ هو انا هاخد رايك ولا ايه يا حبيبتي
سلوي _ ازاي عايزه تجوزني ابنك اخوه جوزي انا لايمكن أوفق بالكلام ده خالص يا حماتي
الحما _. هو انتي فاكره أن ليكي راي يا حبيبتي
انتي طول ما انتي قاعده هنا الكلمه كلمتي انا
والشورا شورتي
سلوي _ وانا مش موافقه والجواز مش بالعافيه يا حماتي
الحما _ انا مبحبش الكلام الكتير امشي اطلعي شقتك وبعدين نبقى نشوف هنعمل ايه
وبعدها طلعت شقتي ومن التعب نمت وشويه ولقيت حماتي عامله تصوت صحيت وببص جمبي
لقيت راجل جمبي
الحما _ يا خرابي يا لهوتي بتخوني ابني على فرشته وسريره منك لله يا مفتريه
سلوي _ ايه الكلام الفارغ اللي انتي بتقوليه ده وانت مين والله العظيم انا ما عملت كده
الحما _الحمد لله صورتك فيديو علشان الناس كلها تبقى شاهده شفتوا مرات ابني بتعمل ايه يا ناس يا لهوي عليا وعلى سنين السوده
سلوي _ حرام عليكي انتي ليه بتعملي
فيا كده حرام عليكي ، وبعدها قفلت الفديو وقالت
الحما _ قوم انت بقي يا ابراهيم اي رايك
يا حلوه لو تحبي نذيع قولي نذيع
اي رايك لو فكرتي تمشي من هنا
متعرفيش أنا هعمل فيكي اي
سلوي _حرام عليك يا شيخه هو العيشه بالعافيه ده لو مش هتعمل ايه عشان خاطر انا اعملي علشان خاطر ابنك الله يرحمه
الحما _ ما هو انا بعمل كده علشان خاطر ابني الله يرحمه انا مش هسيب ابني يتربي مع واحده زيك
سلوي _اوعدك هخلف واجبلك ابنك لحد عندك عايزك حاجه ثانيه اكثر من كده
الحما _ طول عمرك واطيه عايزه تبيعي ابنك
علشان تشوفي حياتك مستعده تبيعي
ابنك وبعدها نزلت الشقه
وكان يحيي فيها
يحيي _ممكن افهم يا امي ايه اللي انتي عملتيه ده بالظبط ازاي تجيبي ابراهيم وتخلي يطلع
شقه سلوي
الحما _ يعني انا عامله كل ده عشانك وبرده مش عاجبك كانت عايزه تمشي ولو مشيت من هنا مش هترجع تاني
يحيي _ خلاص يا امي هانت كلها شويه واتجوزها
الحما _ ما تشيل موضوع الجواز ده من دماغك وخد الواد وخلاص وربي هي قالت هتسيبه لينا
يحيي _ ازاي يعني يا امي انا خلاص رتبت
ان هتجوزها ارجوكي اوعي ترجعي في كلامك
الحما _ مش هرجع انت حر والله ما عارفه هي
عجباك في اي كتك نيله وبعدها دخلت
المطبخ ويحيي قال بصوت واطي
يحيي _ متعرفيش يا امي أنا كنت بحبها
ازاي ده انا اللي عملت كده في محمد ووذيت
ناس عليه علشان خاطر اعرف اتجوزها
وبدأ يحيي ييفتكر اللي حصل زمان
لما محمد اخو خطب عليه وقالو
محمد _ ازيك يا يحيي انا هروح دلوقتي فرع الشركه التاني اللي في اسكندريه وكنت عايز
مفاتيح عربيتك
يحيي _ حبيبي يا محمد عنيا ليك مهي كده كده
ماما قالتلي وجهزتها ليك يا حبيبي بس ارجوك
تحافظ عليها لاحسن العربيه لسه جديده
محمد _ اكيد طبعا يا حبيبي ربنا يخليك ليا
يا اخويا احن اخ في الدنيا وبعدها اخد
المفاتيح ومشي وراح قعد وصحيت نوال
نوال _ اي ده مالك يا راجل فيه اي قاعد
كده ليه
يحيي _ ادخلي نامي مش ناقص وجع دماغ
انا قاعد شويه وفضل قاعد لحد ما سمع
أمه عامله تصوت قام وقف وقال صحيح
العربيه غاليه بس مش اغلي منك يا سلوي
ونزل عمل نفسه زعلان علي اخو
وفي شقتي كنت بكلم ماما
سلوي _ الو ايوه يا ماما ارجوكي تيجي متعرفيش
انا تعبانه ازاي وحماتي عايزه تجوزني ابنها
بالغصب
الام _ ليه ان شاء الله فاكره ان ما لكيش اهل ولا ملكيش اهل انا جايه ليكي وهجيب معايا عماد ابن خالتي انتي عارفه ان هو ظابط
سلوي _ارجوكي يا ماما مش عايزه مشاكل تعالي بس تقعدي معايا الفتره دي
الام _ اقفلي السكه انتي وبعدين نبقى نتكلم في الحوار ده وبعدها ماما جت هي وعماد
سلوي _ ارجوكم يا جماعه انا مش عايزه مشاكل معاهم الله يخليكم ما تنسوش ان انا هيربطني بيني وبينهم عيل
عماد _ بطلي جبن بقى خشي يلا لمي هدومي ابنك من حقك وهيفضل ويتربى في حضنك
سلوي _ ربنا يطمنك بالخير يا عماد يا رب تبع الاقل خلينا اليومين دول هنا وبعدين نمشي
وبعدها طلعت حماتي وقالت
حماتي _ شكلك يا ابو سلوي ما بتفهميش في الاصول مش لما يكون معاكي راجل يا حبيبتي تخشي بيه شقتي ما تطلعيش بشقه بنتك
الام _ ده ابن خالتها وطالع علشان يشوفها يدخل عندك ليه ان شاء الله ناخذ اذنك
عماد _ هو ممنوع حد يجي يزورها ولا ايه انا مش فاهم يعني
الحما_ الأصول انكم تستنوها تحت في شقتي انا يمكن تكون قاعده براحتها ولا حاجه
عماد _ عملنا الاصول برده واتصلنا بيها قبل ما نطلع علشان تجهز ومعلش بقي عايزين نقعد
معاها لوحدنا وبعدها حماتي خرجت وقفل
عماد الباب وقال هو انتي كنتي مستحمله الست دي ازاي
سلوي _ من كتر حبي في محمد ما كنتش شايفه ليها اي عيوب خالص وحماتي كانت في شقتها
وعامله ترن علي يحيي ومكنش بيرد عليها
ونزلت نوال
نوال _ هو انت عارفه ان ابن خالتها ظابط يا حماتي يعني اكيد مش هيسيبها للعبتك ان انتي عايزه تلعبيها
الحما _بقولك ايه يا بنت انتي انا مش ناقصاكي امشي خدي من وشي
ما تعرفيش جوزك فين
نوال _ خرج مستعجل حتى نسي تليفونه وشايفاكي عماله ترني عليه قولت انزل
اول قولك أن تلفونه فوق
وفي شقتي كنت قاعده ولقيت عماد قام
وقف وقال
عماد _ يعني ايه يتجوازك ان شاء الله بالغصب هو فاكر ان ملكيش اهل
انا هروح وهتكلم معاه
سلوي قامت وقفت جمبه وقالت _ ارجوك انا مش عايزه مشاكل اهدي شويه يا عماد
عماد _ليهم حق يعملوا فيكي اكتر من كده طول شايفين الجبانه ومش عارفه تتكلمي اوعي من وشي وبعدها راح عند شقه يحيي وفضل
يخبط وفي الوقت ده طلع سيد
وقال
سيد _ يا خبر ابيض عماد باشا كنت عارف ان الموضوع ده مش هيعدي على خير انا مليش دعوه يا باشا والله
عماد_خد هنا يلا انت شكلك مش غريب عليا وانت جاي هنا تعمل ايه
سيد _ انا كنت جاي لي يحيى بس والله هقولك على كل حاجه هو انتو عرفت موضوع وجاي تقبض على يحيى مش كده
عماد _ تعاللي بقى وقولي على الحوار كله علشان ما يجيبش رجلك وبعدها وقف اتكلم
معاه وسيد قالو
سيد _والله يا سعاده الباشا يحيى اللي قال لي افك فرامل العربيه وانا ما كنتش عارف هو عامل كده ليه ولسه عارف النهارده ان اخوه راح بالعربيه بتاعته اليوم اللي انا فكيت فيه الفرامل
وكنت جاي اتكلم معاه
عماد _ معقول يحيى عمل كده ويعمل كده فاخولي محمد طول عمره طيب
سيد _ ايه ده هو انت يا باشا مكنتش تعرف بالموضوع امال انت موجود هنا ليه اصلا
عماد _ ملكش دعوه بالحوار ده امشي ادخل قدامي وبعدها دخلوا عندنا
سلوي _ مين ده يا عماد وانت جايبه في شقتنا هنا ليه هو انت اتكلمت مع يحيى في حاجه
عماد _ بقولك ايه خدي ماما وادخلي جوه مهما يحصل ما تخرجيش خالص ، وفعلا عملنا
كده وفي الوقت ده الباب خبط وفتح
عماد
يحيي _هو ان شاء الله البيت ملوش كبير ولا ايه ازاي حضرتك تيجي وتطلع وتقعد كده من غير ما تستاذن صاحب البيت وبعدها بص شاف
سيد هو انت بتعمل ايه هنا يا سيد
سيد _ كنت بتفك فرامل العربيه عشان عارف ان اخوك هيركبها مش كده عملت كده ليه
يحيي _ ايه الكلام الكذب ده اه عماد باشا بقى هو اللي مألف معاك الحوار ده علشان تبلغه عني مش كده
عماد _ لسه خسيس زي ما انت انا كل اللي عايز اعرفه ازاي تعمل كده في اخوك
سيد _ انا مسجل المكالمه يا باشا اللي بيني وبينه وهو بيتفق معايا ان اعمل كده ومعايا تاريخها كمان
عماد _ امشي قدامي دلوقتي بدون شوشره في وفاضيح
يحيي _ لا مش هتخلص كده انا مش هتحبس انتم سامعين ولا لا وحاول يهرب ومسكه
عماد وبلغ عنه والكل كان قاعد في شقه
حماتي وجه عماد
حماتي _هو انت ايه اللي تاكل حق تقبض على ابني عملك ايه علشان تعمل فيه كده ولا هو في طلع وخلاص
عماد $ على طول مطلعاه طماع واناني اللي عمل في محمد كده يحيي ابنك
نوال _ هو أنت عرفت منين
سلوي _عرفت منين يعني انت كمان كنت عارفه طب ليه تعملوا فيه كده حرام عليكم
نوال _ انا سمعته وهو بيتكلم في التلفون
والله مكنتش اعرف قبلها
عماد _ المتستر عليه كانه شاركه في الجريمه امشي قدامي وقبض عليها
وبعدها حماتي مخها راح بسبب اللي عمله
ابنها وأنا رجعت بيت امي وبعدها خلفت ابني
وسميته محمد وفي يوم دخل عماد وقالي
عماد _ازيك يا سلوى عامله ايه دلوقتي ومحمد كمان عامل ايه
سلوي _ بخير والله الحمد الله مش مخليني
اعرف انام خالص والله
عماد _ بصراحه يا سلوى انا معجب بيكي وعايزه اكلم خالتي من بدري علشان اتقدملك بس عايز اعرف رد فعلك انتي
سلوي _بس انا مش هسيب ابني خالص مهما حصل
عماد _ وانا اقبلك والله مش هسيبه انا موافق ان انا اربي ، وفعلا اتجوزت عماد وربيت ابني
معاه وعشت حياه سعيده ونسيت حياتي
القديمه
تمت
الروايات الأكثر قراءه 👇👇
🌹🌺🌹🌺🌹🌺🌹🌺🌹🌺🌹🌺🌹🌺
🌹🌺🌹🌺🌹🌺🌹🌺🌹🌺🌹🌺🌹🌺