رواية القسوه الحلقه الاولي والثانية والثالثة الاخيره حصريه وجديده علي مدونة عالم الروايات والمعلومات بقلم هويدا زغلول
الحلقه الاولي
نوال _ حقك عليا يا احمد والله العظيم ما كنت اعرف ان كل ده هيحصل ارجوك تسامحني
احمد _ حقك عليا دي لما تبوظي اكل تلسعي قميص من اختي راحت بسبب غيرتك منها
وقبل ما نبدا الحكايه اعرفكم بنفسي أنا نوال متجوزه وعايشه في بيت عيله مع حماتي
بنتها اسماء هي انسه بس عندها 35 سنه
وفي طلعت اسماء
اسماء _ اوعي بسرعه مش عارفه
اخد نفسي وبعدها اقعدت
نوال _ هو انتي طالعه على السلم ولا ايه ما طلعتش في الاسانسير ليه
اسماء _ الاسانسير عطلان بس ما تقوليش لماما ان انا طلعت على السلم علشان خاطر ما متزعقش انتي عارفه ان انا عندي القلب وهي بتخاف عليا
 |
وبعدين طلعتي وفي الوقت ده خرجوا
بناتي جودي وليلي
جودي _ ماما اسماء كويس انك شوفتي
الرساله وطلعتي لينا تعالي بقي اللعبي
معانا
اسماء _ عنيا يا قلبي عرفتي طلعت ليه مسكوا
موبايلك وكلموني وقالو أن لازم اطلع
ليهم يلا بينا
جودي _ نوال عايزين ناكل اعملي لينا
سندوتشات
اسماء _ سيبي نوال وتعالي انا هعمل ليكي
اللي انتي عايزه وبعدها دخلوا وانا كنت وافقه
مخنوقه اوي من طريقه عيالي معايا ودخل
احمد
احمد _ اوحش حاجه لما واحد يسكن في الدور العالي والاسانسير يعطى مش عارف اخد نفسي خالص ايه ده مالك يا نوال مكشره كده ليه
نوال _ بسبب حضرتك من كتر ما عودت العيال يقولوا لاختك يا ماما يقولوا ليا انا يا نوال
احمد _ حبيبتي دول اطفال متعمليش عقلك
بعقلهم المهم انا جعان اوي
نوال _ ادخل المطبخ خلي اختك تعملك
اكل انت كمان بقت عيشه تقصر العمر
وبعدها دخلت اوضتي وهو دخل المطبخ
جودي _ بابا جه يا ماما اسماء
اسماء _ خلاص نعمل ليه معانا اندومي
بس وطي صوتكم علشان
ماما اسماء مش تسمع
احمد _ الاندومي ده دخل ازاي من غير ما
نوال تشوفوا انتو عارفين انها مانعه الحاجات
دي تخش البيت
اسماء _ وطي صوتك لتسمع يلا بينا ناكل
وبعدها فعلا كلوا ونزلت اسماء عند مامتها
اللي كانت قاعده اي الصاله بتكلم اختها
الام _ كويس اهي اسماء جت اهي
خالص هخليها تلبس وتجيلك عالطول
يلا سلام وبعدها قفلت
اسماء اقعدت وقالت _ خير يا ماما هروح لخالتي ليه
الام _ ما اعرفش هي قالتلي خليها تلبس وتجيلي روحي وانتي تعرفي هي
عايزاكي ليه
اسماء _ لا يا ماما لان انا عارفه هي عايزاني ليه عايزاني علشان خاطر جايبه ليا عريس وانا مش هتجوز كفايه اللي حصلي بقى يا ماما
الام _ يا حبيبتي مش الدكتوره قالت الحمد لله ان في تحسن ليه عامله في نفسك كده
اسماء _ كفايه اللي حصل زمان يا ماما وانتي عايزه كل شويه تشوفيني متضايقه
الام _ حبيبتي هو اللي خلق ادم مخلقش غيره ولا ايه يمكن ربنا يكون كاتب لك حد يكون احسن منه
اسماء _انا داخله انام يا ماما مش عايزه كلام تاني في الموضوع ده لو سمحت اللي زيي مش مكتوب ليها الجواز خالص
وبعدها دخلت اسماء اوضتها
وبدأت تفتكر زمان لما كانت قاعده مع
ادم في الكافيه وبتقول
اسماء _ بجد يا ادم ما تعرفش انا فرحانه ازاي ان خلاص كلها شهر وهنكون متجوزين وشقتنا حلوه قوي يا حبيبي
ادم _ حبيبتي يا اسماء هي تكون حلوه علشان انتي اللي هتقعدي فيها عايزين بس نخلص بقيه الحاجات اللي قدامنا ولقيت أمه دخلت واقعدت
وقالت
الام _ وحبيبه القلب قالتلك ان هي تعبانه مش هيكون ليها في الخلفه ولا ايه
ادم _ يا ماما الكلام اللي انتي بتقوليه ده
الام _ كنت في عياده دكتوره حنان اول امبارح دكتوره القلب وشوفت خطيبتك هناك ولما سالت عرفت ان هي بتتعالج عند الدكتوره دي
وعرفت كمان ان اي مجهود غلط عليها
واسماء قامت وقفت وقالت
اسماء _ انا ماشيه يا ادم معلش مش هقدر
الام _ايه يا حبيبتي مش قادره تقعدي ولا ميعاد الدواء بتاعك جه انتي انسانه غشاشه
ادم _ بس بقى يا ماما كفايه كلامك ده انا كنت عارف واسماء مخبتش عليا اي حاجه
الام _ ازاي يا حبيبي تعمل في نفسك كده
اسماء _ انا ماشيه يا ادم وشوف هترسي على ايه مع مامتك وبتصل بيا وبعدها مشيت
وجت البيت وانا كنت قاعده مع حماتي
ودخلت عامله تعيط
نوال _ انتي مالك يا اسماء في ايه ايه اللي حصل اللي عماله تعيطي ليه كده يا بنتي العيال غلط عليكي
اسماء _ حرام عليكم بقى بطلوا كل حاجه تقولي غلط عليكي غلط عليكي انا تعبت
نوال _ طيب اقعدي بس وفهمينا ايه اللي حصل انتي كنتي مع ادم طيب هو قالك حاجه تزعلك
وبعدها لقينا ادم بيتصل واسماء
قالت ليا
اسماء _ خذي ردي عليا نوال وقولي ليه ان انا نايمه ولما اصحى هكلمه انا مش قادره اتكلم خالص
نوال _ الو ايوه يا ادم ازيك عامل ايه لا معلش يا اسماء جت من بره تعبانه شويه ونامت لما تصحى اكلمك
ادم _ لا معلش بلاش تخليها تكلمني بس كنت عايزك تقولي لها ان كل شيء قسمه ونصيب ولو سمحت تخليها تبعت الذهب
نوال _ هو في ايه بس اللي حصل يا ادم ما تفهمي
ادم _ ماما رافضه اتجوز منها نهائي مش عايزاني اتجوزها ارجوكي بلغيها كلامي سلام وبعدها
قفل وانا مكنتش عارفه اعمل ايه
الام _ مالك يا نوال متنحه كده ليه هو ادم قالك ايه
نوال _ ابدا يا ماما ما قالش حاجه المهم انتي عامله ايه يا اسماء دلوقتي
اسماء _ انتي كدابه هو قالك تقوليلي كل شيء قسمه ونصيب مش كده انا كنت عارفه ان ده اللي هيحصل وقولتله نسيب
بعض وهو اللي صمم نكمل مع بعض
وبعدها دخلت الاوضه
الام _يا حبيبتي يا بنتي انا عارفه انتي ليه ملكيش حظ كده وفضلت اسماء في اوضتها
اسبوع وعلشان أخرجها من المود كنت بنزل
بناتي يقعدوا معاها. في يوم كنت قاعده أنا
وحماتي وأحمد وجودي خرجت وقالت
جودي _بابا هو مين اللي زعل عمته اسماء دي مش راضيه تتكلم معايا خالص
احمد اسمعي يا جودي مش عايزك تقولي لها عمتو اسماء تاني قولي لها يا ماما
الام _ ما ينفعش كده يا احمد علشان خاطر نوال متضايقش
نوال _ اضايق من ايه يا ماما اسماء دي اختي والله انا زعلانه جدا على اللي حصلها
وفعلا اقربها جامد من عيالي علشان
تخرج من اللي هي فيه بس للاسف مكنتش
فاكره أن كل ده هيحصل
# رجوع
وكانت اسماء قاعده في الاوضه
ودخلت جودي
جودي _ماما اسماء انا عايزه اخرج اروح الملاهي ونوال مش راضيه توديني تعالي وديني
اسماء_ حبيبتي ماما نوال وراها شغل كتير حاضر هلبس واجي اوديكي امال فين اختك
جودي _نايمه وانا زهقت من قاعده لوحدي تعالي بقى وديني
اسماء _ طيب يا حبيبتي ماشي اخرجي اقعدي مع تيته وانا عيني ليكي هوديكي وبعدها
اخدها وروحت الملاهي وكانت جودي بتلعب
وانا بشرب نسكافيه ولقيتها جايه ومعاها طفله و بتقولي
جودي _ بصي يا ماما صاحبتي بيري قولتلها تيجي تسلم عليكي
اسماء _ حبيبتي كويس ازيك يا بيري عامله ايه. في الوقت ده جت مامتها وقالت
الام_ كده يا بيري اخص عليكي مش قولتلك ما تبعديش عني عيني مساء الخير يا مدام
اسماء _ اهلا ازاي حضرتك هي بتلعب مع جودي وجت عشان خاطر تسلم عليا
الام _اه اهلا بيكي انا هاله عضوه هنا في النادي بس انا اول مره اشوفك
اسماء _ اصل دايما البنات بيجوا مع بابا
انا مش باجي كتير
الام _اه تمام ماشي طيب لو معندكيش مانع ممكن نقعد مع بعض نشرب حاجه عقبال ما البنات تخلص لعب
اسماء _ خالص يا حبيبتي اتفضلي وبعدها البنات راحت تلعب وفضلت تتكلم معايا شويه لحد ما اخذنا ارقام بعض
الام _هستناكي تجيلي البيت علشان عيد
ميلاد بيري وباذن الله انا هبقى اجيلك
اتمني نكون اصحاب
اسماء _ اكيد طبعا يا مدام هاله بس استاذنك لاني تاخرت ولازم اروح وبعدها روحت البيت
وانا كنت قاعده عند حماتي مخنوقه واول
لما دخلوا قومت وقولت
نوال _ اهي الهانم شرفت هو حضرتك ازاي تاخذي بنت وتخرجي من غير ما تستاذنيني
اسماء _ايه طريقه كلامك دي يا نوال البنت نزلت وقالتلي ان هي مخنوقه شويه عشان اختها كانت نايمه واخذتها ورحت النادي
لعبنا شويه وجيت
نوال _ وانا مفروض مليش
رايي يعني ولا ايه
اسماء _ والله انا بحسب بنتك قالتلك لانها كانت نازله لابسه
الام _ ما حصلش حاجه يعني اقول له كل ده خلاص بنتي كويسه اهي
نوال _ بس انا مش كويسه انا كل حاجه بقول عليها لا الاستاذه بتقول عليها ماشي وبطلع انا الشريره قدام عياني وهي الطيبه
اسماء _ ولا تزعلي نفسك يا نوال من هنا ورايح مليش دعوه بعيالك
نوال _ اتمنى المره دي تكوني بتتكلمي بجد وانتي قدامي يلا على فوق
الام _ ايه يا نوال طريقه كلامك دي ما خلاص ما حصلش حاجه لكل ده
نوال _ بطلوا تطبطبوا عليها بقى علشان خاطر تعبانه
اسماء $ مش كفايه كده نوال وقولتي كل اللي عندك اتفضلي بقى اطلعي شقتك
وبعدها أنا طلعت
الام _ بقولك يا اسماء مش عايزاك تزعلي نفسك يا حبيبتي
اسماء _ هي عندها حق بطلوا تطبطبوا عليا بقى بالطريقه دي بجد الطريقه دي بقت تخنقني قوي وبعدها دخلت اسماء اوضتها
وانا طلعت شقتي وكان احمد قاعد
نوال _ تفضلي ادخلي اوضتك ما تخرجيش منها لمده يومين انتي سامعه ولا لا ما فيش ايباد كمان
احمد _ في ايه بس يا نوال هي البنت عملت ايه لكل ده
نوال _بقولك ايه انا مخنوقه دلوقتي سيبني في حالي بقى اختك عامله صدر الحنين للعيال وبجد مكرهه عيالي فيا
احمد _ مش هي سبب انت اللي بقيتي فاضيه على طول بتتخلاقي على العيال وعصبيه
اختي ملهاش دعوه خالص وسبته ودخلت
المطبخ وتاني يوم حسيت أن اللي عملته ده
غلط ونزلت ل اسماء
نوال _حقك عليا يا اسماء انا اسفه والله انا عارفه ان انا غلطت في الكلام اللي قولته ليكي
اسماء _ انتي مقولتيش حاجه خلاص انا قلت حقك وبجد انا لازم اقصر شويه من اسلوبي
مع العيال
نوال _يبقى انتي كده زعلانه ارجوكي ما تزعليش مني انا عصبيه اه بس والله بحبك جدا
اسماء _ قولتلك والله ما فيش حاجه خلاص انا مش زعلانه انت اختي وحبيبتي برده
نوال _ طيب لو عايزه تعرفني انك فعلا مش زعلانه جودي قالتلي ان عيد ميلاد صاحبتها النهارده ممكن تاخديها توديها
اسماء _خليها تلبس عقبال ما انا كمان ملبس
وفعلا راحت اسماء
وفتحت ليها هاله
هاله _ والله كنت لسه هرن عليكي كنت هزعل جدا لو ما جيتيش تعالي اتفضلي
اسماء _حبيبتي ربنا يخليك كل سنه وبيري طيبه وبالف خير
هاله _ حبيبتي وانتي طيبه وبعدها دخلنا
واقعدنا وكان في ناس كتير وشويه وجت
هاله ومعاها كوبايه عصير ادتيها ليا وقالت وقالت
هاله _ ما تعرفيش جوزي صدع ازاي من كلام بيري عن جودي ومن كلامي انا عنك
اسماء _ حبيبتي ربنا يديم المحبه بينا يا رب
وبعدها لقيته جاي وهاله قالت
هاله _ اعرفك يا اسماء ادم جوزي
وبعدها كوبيا العصير وقعت من ايدي وقولت
القسوه
الحلقه الثانيه
بقلم هويدا زغلول
وفي الوقت ده كوبيا العصير وقعت من ايدي
ادم _ ولا يهمك يا اسماء عالفكره مينفعش
تكوني كده علشان صحتك
اسماء _ معلش انا لازم امشي يا هاله وبعدين
هكلمك
هاله _ طيب هو انتي كويسه وبعدها
محستش بنفسي واغم عليا ولقيتني علي السرير
عندها
اسماء _ هو في اي اللي حصل أنا فين يا جماعه
ادم _ قولتك علشان صحتك مينفعش تكوني
كده اهدي شويه واحنا جبنا ليكي دكتور
وقال إن ضربات قلبك سريعه وده غلط عليكي
هاله _ انا مش فاهمه اي حاجه هو انت تعرف
اسماء منين.
ادم _ مش وقته ارجوكي روحي اعملي
ليها حاجه وشوفي جودي لان شكلها
مرعوب اوي ، وخرجت هاله من غير ما تتكلم
ولا كلمه ، وفي الوقت ده كنت بحاول
اقوم اقف وقولت
اسماء _ انا لازم امشي دلوقتي حلا
ادم _ مش هتمشي من قبل ما تعرفي
كل حاجه انا مش ندل وكنت موافق اكمل
حياتي معاكي حته بتعبك بس انا كنت خايف
عليكي
اسماء _ استاذ ادم ارجوك مش وقته
الكلام ده اللي حصل حصل خلاص ارجوك
انت بقيت متجوز
ادم _ انا بعد ما ماما قالتلي علي اللي
حصل روحت للدكتوره اللي انتي متابعه
وقالتلي وبدأ يقولي اي اللي حصل
#فلاش باك
ادم في عياده الدكتوره سناء اللي كنت
بتابع عندها
الدكتوره _ خير يا استاذ سمعت ان حضرتك
مش جاي تكشف ممكن اعرف عايز اي
وادم اقعد وقالها
ادم _ لو سمحت انا هجيب انسه اسماء
اللي متابعه مع حضرتك هنا وماما
كانت جايه وسمعت انك قولتي ليا انك عايزني
ممكن اعرف خير
سناء _ انا كنت بحاول اوصلك والحمد لله
ان مامتك كانت جايه العياده وشافت اسماء
للاسف اسماء مش هتقدر تتجوز وانا قولت .الكلام ده كذه مره لمرات اخوها
وسمعت انك بتحبها اوي
ادم _ ازاي يعني اهلها مش عارفين ان الجواز
غلط عليها ولا اي
سناء _ منا بقول لحضرتك مرات اخوها عارفه
بس قالتلي كام مره انك بتحبها اوي وهي
كمان بتحبك ومش هينفع تسيبه بعض
لو بتحبها سبها
ادم _ هو الجواز خطر عليها اوي كده
سناء _ للاسف ايوه المجهود الزياده غلط عليها
ارجوك حاول تتصرف ، وبعدها مشي
من عندها وكلم اسماء عالطول
_ رجوع
ادم _ والله انا بحبك اوي وعلشان كده
بعد عنك
اسماء _ كنت مستعده اروح بس افرح
يومين مع حبيب عمري بعد اذنك
انا لازم امشي وبعدها قامت اسماء
ومشيت من عندو ودخلت هاله
هاله _ انا مش مصدقه معقول دي كانت حبيبتك
بتاعت زمان طيب ازاي
ادم _ ارجوكي يا هاله هي اللي فيها مكفيها
ياريت متبعديش عنها
هاله _ هو انت ازاي كده واكيد الهانم
كانت عارفه ان انا مراتك علشان كده كانت
بتحاول تقرب مني ،. في الوقت ده ادم
قام وقف وقالها
ادم _ اي الكلام العبيط ده قولتك اكيد
هي مكنتش تعرف حاجه وارجوكي لازم نخرج
برا علشان الناس اللي احنا عازمنهم دول
واسماء جت البيت وكانت مخنوقه اوي
وانا كنت قاعده أنا وحماتي وقومت وقفت وقولت ليها
نوال _ اي ده فيه اي مالك حصل اي مخليكي
عامله كده
اسماء _ ارجوكي أنا عايزه انام مش عايزه
اتكلم معاه حد وبعدها دخلت الاوضه
وانا مسكت جودي وقولت
نوال _ هو ليه اي يا جودي مالها ماما اسماء
جودي _ معرفش هي دخلت الاوضه مع
عمه ادم ومن ساعه ما خرجت وهي عامله تعيط
وقامت حماتي وقالت
الحما _ اي ده وهي شافت ادم فين
نوال _ يا خبر ابيض كانت معاه في الأوضه بتعمل
اي يا حماتي انا خايفه ان يكون حصل حاجه بينهم
الحما _ اي الكلام ده يا نوال اللزمي حدودك
انا عارفه بنتي كويس اوي
نوال _ بتقولك يا حماتي كانت مع ادم في اوضه واحده وخرجت عامله تعيط والله شوفي انتي
بقي يلا بينا يا بت علي فوق
وبعدها طلعت شقتي وعدا يومين وانا مش
بنزل عند حماتي وجه احمد من برا وانا كنت
قاعده في الصاله وقالي
احمد _ بقولك يا نوال هما البنات صاحيين ولا نايمين علشان خاطر اسماء عايزاهم تحت
نوال _ اسمعني يا احمد اختك وانت حر فيها دلعها زي ما انت عايز بس بناتي مش هيقعدوا معاها تاني لوحدهم
احمد _ هو ايه الكلام الفارغ اللي انتي بتقوليه ده
نوال _اختك يا حبيبي كانت عند خطيبها الاولاني لوحدهم في الشقه وشوف بقى كانوا بيعملوا ايه واختك تعيط
احمد _ انتي كدابه اختي يستحيل تعمل
كده انا عارفها كويس اوي ، وفي الوقت ده
انا ندهت علي جودي وقولت
نوال _ يا جودي تعالي يا حبيبه ماما قولي
ل بابا عمتو اسماء كانت واخداكي وروحتي
فين ، وخرجت جودي وقالت
جودي _ ماما اسماء اخدتني وروحنا عند عمو
ادم اللي كان بيجي هنا زمان يا بابا وبعدها
دخلوا الاوضه وهي فضلت تعيط وخرجت
نوال _ سمعت يا حبيبي واكيد بنتك مش بتكدب
وامك عارفه الكلام ده كويس اوي اسمعي
يا بت اياك تقولي عليها تاني ماما اسمها عمتو
احمد _ لولا عارف ان الكلام ده غلط افتحها
فيه خوفا علي صحتها كنت
كلمتها
نوال _ خليكم كده بقي اعملوا كل شويه اسمع بقى من هنا ورايح اختك مش هتاخد بناتي تاني انت سامع ولا لا
احمد _ مش وقته الكلام ده يناولني بقى نتكلم فيه بعدين مش قدام البنات
نوال _ لا والله انا مش مستنيه حد ياخد
بنتي ويعمل فيها حاجه هي كمان وبعدها اخدت
البنت ودخلت الاوضه
وفي شقه ادم كانت خارجه هاله بشنطه
هدومها وادم قام وقف.وقال
ادم _ اي ده انتي رايحه فين. واي شنتطه
دي ، وهي سايت الشنطه من أيدها وقالت
هاله _ رايحه بيت اهلي علشان افضيلك دماغك لحبيبه القلب
ادم _ اي الكلام الفارغ اعقلي انا عمري ما افكر
ان اكلم حد عليكي
هاله _ لا والله عايزني اصاحب حبيبتك الاوانيه
وده امسي اي
ادم _ اعقلي ودخلي شنطه الهدوم جوا
دي واحده انا سبتها قبل ما اتجوزك هفكر
ارجع ليها دلوقتي بعد ما اتجوز وخلفت
هاله _ طيب اوعدني ان مش هيكون في صله
بينا وبينها تاني ارجوك انا مش هقدر احس أن فيه واحده في حياتك
ادم _ والله انا عارف ان هي ملهاش اصحاب وهي عمرها قصير انا مش رديت اقولها كل الكلام
هاله _ هي حره بقي تتصرف مع اهلها احنا
ملناش علاقه اوعدني ب كده ارجوك
ادم _ اوعدك من هنا ورايح مش هيكون في .صله بيني وبينها ، وفي يوم كنت
قاعده ولقيت جودي راجعه من المدرسه مخنوقه
نوال _ اي ده مالك فيه اي حد ضايقك يا حبيبتي
بتعطيتي ليه
جودي _ انهارده جايه بكلم بيري قالتلي ان
مامتها منعاها تكلمني يا ماما بجد دي صحبتي
الوحيده ومش عارفه اعمل اي
نوال _ طيب ليه مامتها هتعمل كده انتي
عملتي حاجه ل بنتها علشان تعمل كده
جودي _ ما انا اللي عملت يا ماما دي عمتو
اسماء من ساعت ما كنا عندهم وهي
مش عايزه تكلمني تاني ،وانا اخدت
بنتي واقعدت وقولت ليها
نوال _ قوليلي بقي فيه اي واي علاقه بيري
ب ادم اوعي يكون ادم ابو بيري
جودي _ ايوه يا ماما ابوها ومامتها مانعها
تتكلم معايا خالص وانا مش ليا صاحبه
غيرها خالص
نوال _ ادخلي يا حبيبتي جوا وانا هحاول
اتكلم معاها ومع مامتها وبعدها جودي دخلت وفي الوقت ده دخل
احمد وقولت
نوال _ كويس ان الباشا جه علشان يشوف
بنته واللي حصل ببسبب اخته ودخل
احمد واقعد وقال
احمد _ يا فاتح يا عليم البيت كله مش هيبقي
فيه حاجه غير اسماء الفتره دي خير يا نوال
فيه اي تاني
نوال _ بنتك عامله تعيط جوا علشان ام
بيري منعت بنتها تتكلم مع بنتك ليه بقي
علشان عرفت ان اختك علي علاقه بجوزها
احمد _ بطلي بقي طريقه الكلام دي واي
الكلام العبيط ده
نوال_ تعالي يا حبيبي اقعد وانت تسمع
من مرات ادم انا معايا رقمها وهتصل بنفسي
واعرف اي اللي حصل بالظبط وفعلا اقعدت
واتصلت بيها
هاله _ الو ايوه مين معايا
نوال _ انا نوال مامت جودي كنت عايزه اعرف هو حضرتك ليه مانعه بيري تتكلم مع جودي
هاله _ هو انا هروح منكم فين تاني لو سمحت انا مش عايزه يكون ليا علاقه بيكم اساسا
ولو سمحت ابعدي بنتك عن بنتي
نوال _ طيب انا ممكن اعرف اسماء عملت ايه بالظبط مخليكي تتعاملي معانا بالطريقه دي
هاله _ والله طيب ما انتي عارفه الحوار كله اهو لو سمحت يا مدام ما تتصليش هنا تاني وبعدي بنتك عن بنتي وقفلت السكه في وشي
نوال _ صدقت كلامي بقى عرفت ان انا كان ليا حق ان ابعد عيالي عن اختك شوف بقي ناوي
تعمل اي مع اختك
احمد _ مش هعمل حاجه يا نوال ولو سمحت ما متتكلميش في الحوار ده تاني انتي سامعه ولا لا
وبعدها دخل الأوضه
نوال _ لو حضرتك مش ناوي تعمل يبقي انا
اللي لازم اعمل وعدا كام يوم ونزلت
عند حماتي وقالت
حماتي _كويس ان انتي نزلتي يا نوال ارجوكي تدخلي تشوفي اسماء مالها من يوم العيد ميلاد وهي ما خرجتش من اوضتها خالص مش عايزه تتكلم مع اي حد كانت عايزه عيالك
بس معرفش ليه مش نزلوا ليها
نوال _ والله يا حماتي انتي عارفه ان انا بحبك قوي وبحب اسماء كمان بس لازم نشوف هنعمل ايه في المصيبه اللي اسماء عملتها دي
حماتي _ يا خبر ابيض مصيبه اي كفلا الشر يا بنتي هي اسماء عملت اي
نوال_ انا خايفه تكون حامل انتي متعرفيش
مرات ادم كلمتني وقالتلي اي
حماتي _ حامل ازاي نوال ايه الكلام الفارغ اللي انتي بتقوليه ده
نوال _ والله يا حماتي انا بعت اجيب الدايا بس متخافيش سرك هيكون في بير بس لازم
تعرفي اللي بيحصل من ورا ظهرك يا حبيبتي
حماتي _ انا مش فاهمه حاجه وفي الوقت ده
الجرس رن وفتحت. كانت الديا والغربيه ان
حماتي فضلت وافقه ساكته وانا دخلت بيها
عند اسماء وقالت
.اسماء _اي ده مين دي يا نوال عايزه اي
مني واحنا فضلنا نقرب عليها وقولت
نوال _ سامحني بقي يا حبيبتي بس احنا
لازم نطمن برضه حقنا وجه احمد من برا
وكان سامع صوت اخته
احمد _ مساء الخير يا ماما ازيك عامله ايه ايه ده مالها اسماء عماله تصوت كده ليه
الام بصوت واطي ومش قادره تتكلم _ اقعد
ارجوك يا احمد انا مش ناقصه يا حبيبي
ارجوك اقعد
احمد _ مش لما افهم اي اللي بيحصل بالظبط
جوا با ماما مالها اسماء وبعدها أنا خرجت ووشي
في الارض
حماتي _ مالك يا نوال عامله ليه كده اوعي
تقولي بنتي فيها حاجه ، وخرجت الدايا وقالت
الدايا _ بنتك زي الفل عايزه الحلاوه بقي
بس خليها تخلي بالها المره الجايه لاحسن
مش كل مره تسلم الجره
احمد _ اخرسي قطع لسانك بس العيب
مش عليكي العيب علي اللي جبتك هنا واللي
سكتت كمان ان يحصل في بنتها كده
الحما _وانا مالي يا حبيبي دي مراتك والله هي اللي شككتني وبعدها مشيت الدايه ودخلنا
لقينا اسماء وشها اصفر ومش بترد
احمد _ اسماء فوقي يا حبيبتي مالك فيكي
اي انا رايح اجيب الدكتوره بسرعه وبعدها
خرج وفضلت انا وحماتي وافقين مرعوبين
جت الدكتوره والكل خرج برا وبعدين
خرجت وقالت البقاء لله
القسوه
الحلقه الاخيره
بقلم هويدا زغلول
وفي الوقت ده الدكتوره خرجت وقالت
الدكتوره _ البقاء لله شكلها اتعرضت لزعل
كبير اوي والكل كان مصدوم من اللي سمعه
وبعدها خلصنا العزا ولقيت حماتي بتقولي
الحما _ امشي اطلعي شقتك مش عايزه
اشوف وشك في شقتي تاني
نوال _ والله يا حماتي انا ما ليا ذنب ارجوكي
سامحني
الحما _ انا غلط لما سمعت كلامك شكيت
في بنتي اللي كانت مافيش احسن منها
مش عارفه عملت كده ازاي امشي اطلعي برا
ومش عايزكي تنزلي من شقتك خالص
ولقيت احمد دخل وقالها
احمد _ شقه اي يا ماما هي خلاص ملهاش
مكان في البيت ده تاني امشي غوري
برا انتي طالق
نوال _ حقك عليا يا احمد والله العظيم ما كنت اعرف ان كل ده هيحصل ارجوك تسامحني
احمد _ حقك عليا دي لما تبوظي اكل تلسعي قميص من اختي راحت بسبب غيرتك منها
نوال _ اروح فين بس والله انا كنت بحب اسماء
ومكنتش بغيير منها ولا حاجه وربنا يعلم
احمد _ كلامي خلص يلا وربنا يغفر لها
بقي وبعدها مشيت
وفي شقه هاله كانت قاعده هي و ادم ودخلت بيري عامله تعيط
الام _ مالك يا بيري فيه حد عملك حاجه
في المدرسه ولا اي
بيري _ زعلانه علشان خاطر صحبتي
يا ماما جودي عمتها راحت وبجد هي
كانت بتحبها اوي ، وفي الوقت ده ادم
وقف وقال
ادم _ مين اللي راحت اسماء لا حول ولا قوه
الا بالله ده الكلام اللي كنت بقولوا ليكي
انا عارف ان عمرها مكنش هيطول
هاله _ اهدي بس يا حبيبي ربنا يرحمها ويغفر لها
عمرها
ادم _ اوعي من وشي مش طايق يشوفك وبعدها مشي وراح عند احمد جوزي
احمد _ خير يا ادم فيه اي ممكن اعرف انت
جاي هنا ليه
ادم _ انا جاي اعزيك في اسماء بجد كانت
احسن بنت عرفتها في حياتي وانا والله ما بعد
عنها نداله ربنا يعلم انا كنت بحبها ازاي
احمد _ عايز اسالك سؤال وترد عليا بصراحه
يا آدم انت كان فيه حاجه بينك وبين اختي
الله يرحمها وانت متجوز
ادم _ اي الكلام العبيط ده مين قالك
كده والله اختك دي احسن اخت في الدنيا
احمد _ طيب انا عايز اعرف اي اللي حصل
بالظبط خلاك تبعد بنتك عن بنتي
ادم _ انا هقولك كل حاجه وبعدها حكا
ليه وقالو غيره ستات مراتي غارت والله
مش اكتر بس اختك مكنتش تعرف ان بيري
تبقي بنتي
احمد _ متشكر ليك يا آدم وبعدها
قام مشي ، وخرجت حماتي
الام _ انا ناويه اطلع اعمل عمره علشان
اعمل عمره لأختك باذن الله رجع .مراتك يابني
الاعمار بيد الله هو كاتب أن يحصل ليها كده
احمد _ عمري ما هعمل كده تاني يا امي
ارجوكي انسيها بقي
الام _ بجد اختك صعبانه عليا ان شكينا فيها
والله
احمد _ ربنا يغفرلها ويسامحها
وبعدها بفتره احمد راح الشغل
نرمين _ استاذ احمد انا حاولت اتصل
بيك كتير والله علشان اعزيك في اختك
الله يرحمها بس كنت مش بترد عليا
احمد _ ربنا يخليكي يا نرمين بعد اذنك
نرمين _ كنت عايزه اقولك حاجه استني
بس بلاش تدخل مكتب مروان بيه وبعدها
دخل لقاني قاعده
احمد _ اي دن معقول انتي بتعملي هنا
امشي اطلعي برا يلا ،. وانا ضحكت وقومت
وقفت
نوال _ مين فينا اللي يخرج برا أنا هبقي مرات
صاحب الشركه وانت اللي مش هتكمل في
الشركه دي
احمد _ ده ازاي يعني وانتي تعرفي مروان منين
انا مش فاهم حاجه
نوال _ قدامك حل من الاتنين يا اما
تسيب ليا البنات يا اما هخلي مروان يمشيك من الشغل مهو مش هيقدر يكسر كلمه لمراته
حبيبته ، وبعدها بص ليا وقالي
احمد _ قولي ل مروان أن هقدم ليه استقالتي
نوال _ منا كده برضه هاخد البنات هو حضرتك
هتصرف منين انشاء الله ههههه
وبعدها خرج ونرمين قالت ليه
نرمين _ والله كنت عايزه اكلمك علشان اقولك .علي اللي حصل بس بدللاسف انت
مكنتش بترد عليا
احمد أنا مش فاهم حاجه
نوال _ انا هقولك وبدأت تقولوا علي اللي حصب
يوم ما راحت نوال الشركه
#فلاش باك
نوال _ ازيك يا نرمين عامله اي معلش انا
كنت عايزه اقابل استاذ مروان
نرمين _ بخير هو في حاجه ولا ايه انتي لابسه اسمر ليه واحمد بتصل بيه مش بيرد
نوال _ اخت احمد اسماء راحت الله يرحمها
معلش كنت عايزه اقابل استاذ مروان
نرمين _ حاضر ماشي هخليكي تقابليه بس لو محتاجه اي مساعده ولا حاجه انا ممكن اساعدك فيها
نوال_ شكرا ليكي وبعدها دخلت ليه
مروان عينه زايغه وانا كنت عارفه الكلام ده
من احمد جوزي
مروان _اهلا اهلا ازيك يا مدام نوال بخير حضرتك محتاجه مني اي حاجه اعملها لك
وانا اقعد وقولت ليه
نوال _ كنت عايزه اطلب من حضرتك احمد
طلقني علشان اخته واخد مني العيال
مروان _ وانتي عايزني أن اتكلم عنه يرجعك ولا يديكي العيال
نوال _ لا عايزه منك انك تمشي
من الشركه من هنا يا اما يديني العلاج
وقام من علي الكرسي بتاعه ووقف
قدامي وقالي
مروان _ بصراحه احمد انسان مجتهد جدا وشاطر في شغل وانا ما اقدرش استغنى عنه
نوال _ والله اي طلب هتطلبوا مني انا هعمله ليه بس انا عايزه عيالي
مروان _ شكلك عارفه ان احمد ان انا ما اقدرش اقول لاي جنس لطيف لا
علشان كده جيتي ليا أنا عالطول
نوال _ وأنا تحت امرك في اي حاجه تطلبها
مني والله
# رجوع
نرمين _ وانت هتعمل اي دلوقتي اكيد مش هتعرف تشتغل هنا وهي هتبقي مرات صاحب
الشركه
احمد _ خلاص خلي الشركه تنفعه بقي
هو حر فيها انا مش ناوي اشتغل
نرمين _ وانا كمان واحد زي ده ملوش
امان اننا نكون في شركته يلا بينا
وبعدها مشيوا
وجه مروان وانا كنت قاعده جوا
مروان _ ما تعرفيش نرمين فين بصيت عليها
برا وفضلت. واقف شويه افتكرتها في الحمام
بس طلعت
نوال _ اكيد مشيت ورا احمد هو فيه
حاجه بينه وبينها ولا اي شكلها مهمته بيه اوي
مروان _ هو احمد جه هنا وانتي عملتي اي
اوعي تكوني قولتي ليه اي كلمه تزعله
نوال _ مالك فيه اي ماحنا متفقين علي
اللي هيحصل بيني وبينه ولا انت ناسي
انا عامله كل ده علشان خاطر اعرف اخد العيال
منه
مروان _ هو انتي فاكره أن ممكن اخلي واحد زي
احمد يسيب الشركه علشانك انتي كنتي مجرد
تسليه يومين
نوال _ انتي عبيط انت ازاي تقولي كده والله
ما هتعرف انا ممكن اعمل فيك اي
مروان _ صوتك ميعلاش عليا لاحسن والله ما .تعرفي انا ممكن اعمل فيكي اي غوري
من هنا يلا ، وبعدها مشيت من عندو
وانا مش عارفه هروح فين
وفي شقه حماتي دخل احمد ومعاها نرمين
حماتي _ خير يا ابني فين اي غريبه يعني
رجعت تاني ليه
نرمين _ معلش يا طنط هو مضايق
علي اللي حصل لاخته ومش مركز
في الشغل خالص قولته أنه يجي البيت
انهارده وبعدها الكل دخل اقعد
احمد _ والله ما هتعرفي انا هعمل فيكي
اي يا نوال انا مش عارف كنت متجوزها ازاي دي
بس
نرمين _ مش وقته الكلام ده خالص اهدي
شويه وبعدين نشوف هنعمل اي
احمد _ بجد يا نرمين انا مش عارف
اقولك اي وانا عارف انك محتاجه للشغل
اوي علشان علاج مامتك
الام _ ما تقولوا يا ولاد فيه اي هو انت سبت
الشغل يا احمد طيب هو حصل اي يا حبيبي
بس
احمد _ الهانم راحت لمروان صاحب الشركه وقاكره انها لما تقولي أنها هتتجوزو انا هرجع
ليها
نرمين _ بس انت ناوي تعمل اي
الام _ طول عمرها اسماء كانت بتحبك وتفكر
فيك فلوس ورثها اللي اخدتها من حقها
في ورث ابوك في البنك خدهم با بني والله
كان قلبها حاسس انك انت اللي هتاخد الفلوس دي
احمد _ لا طبعا لايمكن اعمل كده
الام _ حبيبي الحي ابقي من اللي راح وانت واحد مش هتعرف تشتغل في حاجه غير اللي بتشتغل
فيها
نرمين _ ماما عندها حق انت لازم تعمل مشروعك وتبدأ من اول وجديد وانا معاك
وفعلا عمل مشروع ونافس مروان في السوق
وفي يوم راح ليه مروان الشركه
مروان _ عمري ما كنت اتخيل انك تسبني
ربنا يعلم انا كنت بعاملك زي اخويا
احمد _ اتفضل اقعد يا استاذ مروان صحيح
اخوك تروح تتجوز اللي كانت مراتي
مروان _ عمري ما فكرت اتجوزها دي انسانه
سهله والله انا عرفت ان هي عايزه ترفع
عليك قضيه وتاخد العيال عملت اللي يخليك
تاخد العيال منها دي محادثات بيني
وبينها علشان تثبت انها انسانه مش كويسه
احمد _ انا مش قادر اصدق أنها بالشر
ده
مروان _ انا اه مش كويس بس عمري ما
اجي علي الناس اللي شغاله معايا ارجوك
يا احمد تعالي نكبر الشركه ونفتح شركه
كبيره ليا وليك وانت تكون شريك
احمد _ عالعموم هفكر في موضوع الشراكا .ن
بس اديني وقتي وكنت فعلا رفعت
القضيه علشان خاطر اخد العيال
وبعدها معرفتش بسبب الحاجات اللي كانت
مع مروان
وفي يوم كان احمد في شركته ودخلت نرمين
نرمين _ احمد مش عارفه اقولك اي بس
نوال راحت الفيلا عند مروان ومش عارفه
اقولك عملت اي وهو في المستشفي
احمد قام من علي المكتب _ اي معقول
طيب يلا بينا نروح نشوف وراح المستشفي
مروان نايم علي السرير وأحمد دخل
ليه
احمد _ الف مليون سلامه عليك هي عملت
فيك اي
مروان _ انت كنت متجوزها ازاي دي زعيمه
عصابه مش انسانه
احمد _ الف مليون سلامه عليك وهي
عملت فيك كده ليه علشان اللي قدمته
مروان _ اكيد طبعا بس عمر الشقي بقي
احمد _ الف مليون سلامه عليك يا صاحبي
وقوم يلا بالسلامه علشان شكرتنا الجديده
وبعدها جه القسم وانا قابلته
نوال _ جاي تشمت فيا مش كده عايز اي مني
يا احمد
احمد _ انتي ازاي بالشر ده حرام عليكي
نوال _ علشان خلاص مبقاش ليا حد
في الدنيا
غلطه صغيره عملتها هي السبب في كل
اللي انا فيه ده
احمد _ غلطه اسماء راحت وجايه تقولي غلطه
انتي من الاول مش كويسه وده حق اسماء
روحي منك لله اقول ل بناتك اي دلوقتي
نوال _ انت السبب انت كنت بتحب اختك
اكتر مني خليت الغيره مسكت قلبي
احمد _ والله لازم يكشفوا عليكي معقول
كنتي بتغيري منها انا جاي اقولك انسي
ان كنتي تعرفي.واحد اسمه احمد خالص
وبعدها مشي
وعدا كام شهر واتجوز نرمين وهي اللي
بقت تربي بناتي وانا ك
ندمت علي اللي عملته في وقت خلاص
مبقاش ينفع فيه الندم بس عرفت ان غلطه
عملتها راحت فيها انسانه مكنش فيه اطيب .منها
يارب تسامحني علي اللي عملته فيها
تمت
الروايات الأكثر قراءه 👇👇
🌹🌺🌹🌺🌹🌺🌹🌺🌹🌺🌹🌺🌹🌺
🌹🌺🌹🌺🌹🌺🌹🌺🌹🌺🌹🌺🌹🌺
حماتي عاوزه تجاوز