سكريبت لحسناء عطوان
- كُنتِ فين يا هانم؟
=ملكش دعوة!
- يعني إيه مليش دعوة؟
= يعني أنت مش ولي أمري علشان تسألني كنتِ فين!
- أنا ابن عمك، وأنتِ زي أختي وبخاف عليكِ...
= زي أختكِ....امممم....عيني في عينك كده!
" بصت في عيني بقوة فـ اتوترت كالعادة ونزلت عيني في الأرض، ورفعتها تاني وحاولت إني مبصش على عنيها"
-خايف تبص في عيني ليه يا باشمهندس؟
= اطلعي فوق يا جميلة ولينا كلام تاني بعدين لما أبوكِ يرجع من السفر...... استني عندك...أنتِ كنتِ خارجة باللبس ده؟
" بصتلي وابتسمت، ولفت وطلعت على السلم، وهي بتدندن ( مادام تحب بتنكر ليه؟ ده اللي يحب يبان في عنيه... ده اللي يحب يبان في عنيه)...
-----------------------------
- الحمدلله يا بابا....حضرتك عامل إيه؟
= أنا كويس يا جميلة، أنتِ عاملة إيه؟ بتاكلي كويس، عمك ومراته عاملين معاكِ إيه؟
- طيبين أوي يا بابا، وبيعاملوني كويس أوي وبيهتموا بيا زي بنتهم بالظبط...
= وحسن عامل معاكِ إيه؟
- لسه متخانق معايا من شوية...
= أبدًا بيقول إني اتأخرت ومش عجبه لبسي..
- جميلة، افهمي القرية غير المدينة، يعني مينفعش البنت تكون برا البيت في الوقت ده لوحدها ..
= ما أنا معايا عربيتي وبخرج بيها ومش بمشي لوحدي..
- مينفعش برضو يا جميلة، تاني مرة خدي حد معاكِ...
= حاضر يا بابا... واللبس، ماله لبسي ؟
- ابقي البسي اسود يا جميلة وأنتِ خارجة، والألوان البسيها براحتك لما أرجع، ونرجع بيتنا...
= حاضر يا بابا...هي ماما فين؟
- في المطبخ بتخترع أكلة جديدة..
= ألف سلامة عليك مقدمًا...
- ادعيلي، مضطر آكل منه وأقول إنه أعظم وأحلى أكل أكلته في حياتي...
= قلبي معاك يا حاج، مش هتطولو صح؟
- ٣ شهور وهنرجع بإذن الله، استحملي وحاولي تتأقلمي واسمعي كلامهم...
= حاضر، ترجعوا بالسلامة...
= هلاااااااااال...
- نعم يا نجمة..
= تعالَ دوق أنا عملت إيه، وقول رأيك...
- أكيد تحفة من غير ما أدوق...
= دي أكلة جديدة اخترعتها، يلا عايزة أعرف رأيك...
- دي مكرونة بشاميل صح؟
= أيوا دوق... مكرونة بشاميل بس بالسُكر..
- ما تقولي إنها مكرونة بشاميل بس بنجمة...ما بلاش آكل منها، أنا شبعان..
= والله أقعد أعيط وأملى البيت عياط ونغرق احنا الاتنين...
- إنا لله وإنا إليه راجعون......
-------------------------
- طنط أنا كنت عاوزة أروح المدينة أشتري شوية حاجات وبابا قالي متروحيش لوحدك وأنا مش عارفة أروح مع مين، ممكن لو حضرتك فاضية تيجي معايا..
= يبنتي ده أنا بخرج في البلد هنا بالعافية وعمك بيكون معايا أو حسن...
- والعمل؟
= الحاجات دي لازم أشتريها ضروري علشان الحاجات اللي عندي قربت تخلص..
- خلاص، خدي حسن معاكِ...
= هنتخانق طول الطريق وأنا مش عاوزة أعمل معاه مشاكل لحد ما أرجع بيتنا، وكمان علشان هو بالنسبالي أجنبي عني ومينفعش نخرج سوا، ممكن أشوف عمي.. ولو منفعش أطلبهم اونلاين وخلاص .
- ربنا يكملك بعقلك يا بنتي، خلاص شوفي عمك ولو مكنش فاضي أجي أنا معاكِ وناخد حسن معانا ....
= فكرة حلوة، وبالمرة أجيب هدية لماما وتختاري معايا بما إنكم صحاب .....
--------------------------
- أنا اللي هسوق...
= دي عربيتي، وهتبوظها، أنا اللي هسوق...
- لا أنا الراجل وأنا اللي هسوق..
= وأنا ست وأنا اللي هسوق.... ودي عربيتي...
- العربية هتزعل يعني لو أنا سُقتها؟
= لا يا خفيف، بس هنعمل حادثة لو أنت سُقت، أنا بعرف أتعامل معاها...
- خلاص يا جميلة سبيه هو يسوق..
= حاضر يا طنط
- حاضر يا طنط...!
= ألا قوليلي يا طنط الطول ده قعدتي تولدي فيه كام سنة؟
------------------
- ماما، هو أنتِ وبابا اتعرفتوا على بعض ازاي؟
= في خناقة...
- خناقة!
= آه والله، كنت بتخانق مع سواق تاكسي علشان عايز يزود عليا الأجرة، فلقيته جاي يسلك، سبت السواق واتخانقت معاه هو، وأعجب بيا وجه اتقدملي بعدها بأسبوع، ورفضته ٣ مرات وآخر ما زهق مني لقيته جاب المأذون وحطني قدام الأمر الواقع، وأنا ما صدقت، بس كنت بتقل... مفيش حاجة جابته غير التُقل....
= حلو ده..
- مش ناوية تتخطبي ونفرح بيكِ؟
= هو كان فيه حد كويس وأنا رفضته؟
- لا أنتِ هترفضيه وهو كويس ..
= حسن مش كده؟
- عرفتي منين؟!
= باين عليه
- وأنتِ موافقة؟
= يعني أنتم سافرتوا ومش خدتوني معاكم علشان كده؟
- آه..
= قولي لبابا إني رفضت..
- ليه يا بنتي ده كويس وووو..
= صعب يا ماما اتأقلم هنا، أنا ممكن أستحمل كام شهر بس طول العمر لا، وكمان علشان شُغلي، هيكون صعب أروح المدينة كل يوم وأرجع البلد، عرفي بابا بكده وأنا أكيد هلاقي حد أحسن منه وزي ما أنا عاوزة....
-————
-رفضتيني ليه يا جميلة؟
= أعتقد بابا قالك أسبابي ..
- مش ده السبب يا جميلة..
= لا، هو...
- كذابة، عيني في عينك كده!.... مش قادرة ترفعيها صح؟ علشان بتحبيني صح؟
= مش بحبك... ولو سمحت متتعاملش معايا ولا تتعرضلي لحد ما أرجع بيتي، عن إذنك....
----------------
- نعم يا عمي، خير..
= رفضتي حسن ليه؟
- مش شايفاه غير أخ ليا..
= بس هو مش شايفك أخته ....
- الحب مش كل حاجة يا عمي، وأكيد هيلاقي اللي تحبه وتصونه وتحافظ على بيته، أنا مش هعرف أعمل كده..
= هي مين دي؟
- هقولك.......
-------------------------
- اتبسطتي كده وهو رايح يخطب غيرك..
= ربنا يسعده يا ماما...أنا هقفل علشان عاوزة أنام .
- متناميش وأنتِ معيطة يا جميلة...
= حاضر يا ماما...
" عيطت، عيطت على اللي عملته في نفسي وعلى حبيب اتمنيته يكون ليا، وفي لحظة ضيعته من إيدي بعد ما كان خلاص قربنا نكون سوا... طرف تالت ظهر في علاقتنا،
❤تكمله اسكريبت امبارح❤
- اتبسطتي كده وهو رايح يخطب غيرك..
= ربنا يسعده يا ماما...أنا هقفل علشان عاوزة أنام .
- متناميش وأنتِ معيطة يا جميلة...
= حاضر يا ماما...
" عيطت، عيطت على اللي عملته في نفسي وعلى حبيب اتمنيته يكون ليا، وفي لحظة ضيعته من إيدي بعد ما كان خلاص قربنا نكون سوا... طرف تالت ظهر في علاقتنا، بنت ملهاش ذنب غير إنها حبت حبيبي، ومقدرش أبني سعادتي على تعاستها... بعد حوالي ساعة رجعوا كلهم من عند أهل البنت اللي المفروض تكون خطيبته، وعمي عرفني إنهم موافقين والخطوبة كمان شهر...المفروض أكون مبسوطة إنه هيكون مع بنت تحبه وتصونه، وهتحبه أكتر مني، عدى الشهر وأنا معرفش عنهم أي أخبار والمفروض الخطوبة بعد يومين زي ما عمي قالي، البيت كان كئيب، معظم الوقت، الكل بياكل في هدوء ومفيش أي تبادل للكلام زي العادة، كل واحد بيقعد في أوضته ومبيخرجش منها غير على ميعاد الأكل....
اتشجعت إني أسأل عمي عن السبب، فقالي إنه بعد أسبوع من زيارتهم لبيت العروسة حسن راح بنفسه واعتذر منهم إنه مش هيقدر يكمل معاها، فرحت وحسيت إنه ممكن يفكر يتقدملي تاني وكأن محصلش حاجة، بس اتصدمت من كلام عمي"
- حسن مرفضهاش علشانك يا جميلة، حسن رفضها علشان هي مش كويسة، ومينفعش يربط حياته بيها، حسن عزيز النفس والحاجة بيطلبها مرة واحدة ولو اترفض مرة مش بيطلبها تاني... وافتكري إنك اللي ضيعتيه من إيدك من الأول...
= هي جاتلي بنفسها وطلبت مني أساعدها، ولولا هي عملت كده كنت وافقت..
- مش مبرر...
= وأكون أنانية مش كده؟
- بس تكوني دافعتي عن حُبك وقلتي ليها مينفعش...
= أنا متعلمتش أكسر قلوب الناس علشان أكون مبسوطة، وده سبب كافي إني أرفضه...
- وهي كانت عارفة إن حسن بيحبك ومع ذلك كان كل همها نفسها...
= احنا بنحاسب الناس على الظاهر مش الباطن... وشكرًا على حُسن ضيافتكم، عاوزة أرجع بيتي، مقدرش أقعد في مكان أنا غير مرغوبة فيه...
حسن: أنت مرغوبة يا جميلة، خليكِ، أنا همشي، أنا اللي غير مرغوب هنا... أنا لقيت شُغل كويس بس بعيد، هسافر علشان أشتغل، وتقدري تقعدي هنا ومتمشيش...
جميلة: لو هتمشي بسببي فأنا مينفعش أقعد هنا دقيقة واحدة
حسن: بطلي غباء واقعدي...
جميلة: أنا مش غبية، أنا هرجع بيتي سواء كنت هنا أو سافرت، ده قراري ومش هرجع فيه، بعد إذنك يا عمي طبعًا...
- أنا هخرج واتفاهموا مع بعض براحتكم...
- أهو خرج أهو، تقدري تقولي هتمشي ليه؟ بس متعيطيش...
= علشان مش عاوزة أمشي...
- أومال بتقولي همشي ليه؟
= علشان أنت مش عاوزني أقعد هنا...
- طيب أنا قلت كده؟
= لا...
- طيب ليه قُلتي كده؟
= إحساسي قالي إنك عاوزني أمشي...
- طيب إحساسك مقالكيش حاجة تانية ؟
= حاجة إيه؟
- إني بحبك مثلًا...
= بتحبني؟
- على سبيل المثال يعني...
= لا مقاليش، عن إذنك...
- استني طيب نتفاهم...
= لا، همشي...
- تتجوزيني...
= ...........
- سكتي ليه؟
= بتشتغلني صح؟
- موافقة ولا لا؟
= هفكر.........
تمت.