رواية أنت قدري الفصل الاول حتى الفصل العاشر بقلم الكاتبه رحاب القاضي حصريه وجديده على مدونة أفكارنا

 رواية أنت قدري الفصل الاول حتى الفصل العاشر بقلم الكاتبه رحاب القاضي حصريه وجديده على مدونة أفكارنا 

رواية أنت قدري الفصل الاول حتى الفصل العاشر بقلم الكاتبه رحاب القاضي حصريه وجديده على مدونة أفكارنا 

وقبل ما نبدأ حكايتنا اعرفكم علي بطلتنا النهارده واللي اسمها ريم وعندها سته وعشرين سنه وخريجة كلية الطب وفي يوم كانت قاعده ممدوح اخوها قرب منها وقال.. 

ممدوح. 

قاعده بتعملي ايه يا حبيبتي؟.. 

ريم بهدوء

بسمع المسلسل، ناولني والنبي اشرب عطشانه اووي.. 

ممدوح 

ما تقومي تشربي يا ريم، والله انتي لو البيت وقع مش هتقومي من قدام المسلسل.. 

ريم

ما دام انت بقي عارف كده، بترغي كتير بيه؟.. 

ممدوح 

بعيد عن قلة ذوقك بس اقفلي المسلسل ثواني عايز اتكلم معاكي ضروري.. 

ريم

انت بتهزر صح بقي انا مش راضيه اقفله واقوم اشرب. وانت تقولي اقفله عشان اسمعك ليك عصام صاصا هقفل المسلسل عشان اسمعه... 

ممدوح 

يا بنتي حرام عليكي ده انتي دكتوره محترمه والله علي اللي بتقوليه ده.. 

ريم

وايه دخل اني دكتوره محترمه في صاصا والتركي.. 

قفل ممدوح اللابتوب وقال

اسمعي يا ريم احمد صاحبي دكتور ودلوقتي هو ماسك المستشفي بتاعت باباه الله يرحمه ودكتور اطفال زيك.. 

ريم

بص شبكه تكون مية الف وشقه علي النيل والقايمه مليون جينيه وكل يوم يفسحني بعد الجواز ويشربني عصير قصب.. 

ممدوح 

ليه كل ده هيتجوز مين يعني... استني ايه يتجوز هو مين قال انه جاي بتجوز؟!.. 

ريم بقلق

انت اللي قولت والله.. 

ممدوح. بغيظ

اسكتي يا ريم خليني اتكلم، المهم انا كلمت احمد عليكي.. 

رحاب

بقي دي اخرتها عشان تطفشني من البيت وتتجوز فيه روحت تشقط ليا صحابك عشان اتجوز.. 

ممدوح بغيظ. 

ابوس ايد امك اهدي انا لسه بكلمك بتعب يا ريم والله وما خلصتش كلامي.. 

ريم

خلاص اتكلم اديني سكتت اهو علي الله نطلع بفايده منك...

ممدوح 

احمد.صاحبي قالي انك ممكن تروحي تشتغلي عنده في المستشفي..

رحاب 

يا ابن الناس خو انا قولت ليك اني عايزه اشتغل،وبعدين انا مختمره ومتدينه يعني مش هشتغل مع رجاله..

ممدوح 

لا علي فكره دي مش حجه يا كسوله،لان في مختمرات ومنتقبات كمان كتير بتشتغل مع رجاله..

ريم

انت صح انت معاك حق بس هو انا لقمتي تقلة عليك اووي كده هنشحت يعني لو انا ما نزلتش اشتغل..

ممدوح بغيظ 

اومال حضرتك قطمتي وسطي في كلية الطب سبع سنين ليه مدام مش هتشتغلي مش لازم تنزلي تشتغلي عشان نقدر نفتح ليكي العياده....

ريم

انا عايزه ابقي امرأه عاطله،انا مش بتاعت شغل يا ممدوح..

ممدوح 

انا كلمت الراجل وبكره الصبح تكوني عنده في المستشفي،وعارفه يا ريم انتي لو عملتي اي موقف مش كويس انا هاخد.منك اللابتوب وهشيل النت..

ريم ببكاء

انت ليه بتعمل فيا كده،انا مش عايزه اشتغل..

ممدوح  

وانا اي اللي عملتو بس يا بنتي، الحق عليا ان عايزك تبقي معتمده علي نفسك وست ناجحه.. 

ريم 

طيب يا ممدوح روح شوف شغلك وانا هبقي اروح بقي بكره يا بشمهندس... 

ممدوح 

جدعه يا اختي يا حبيبتي،انا هفطر الاول اجهزلك معايا.... 

ريم

لا فطرت شكرا اعملي بس عشره او ١٥ سندوتش كده اتسلي فيهم..

ضحك ممدوح وقال

ههههه ماشي يا حبيبتي وكمان هعمل ليكي كوباية عصير..

ريم

جوافه لو سمحت..

_ودخل ممدوح المطبخ وعمل فطار ليهم وفطرو مع بعض وكانت ريم مدايقه بس ممدوح عمل نفسه مش واخد باله وقال لنفسه..

ممدوح 

ايوه انا لازم اسيبها تشتغل وتعتمد علي نفسها،النت والمسلسلات مش هيدوها حاجه..

ووقف ممدوح وقال

ريم حبيبتي انا نازل عايزه حاجه قبل ما امشي؟... 

ريم

يلا غور... 

ممدوح 

بتقولي اي يا ريم؟.. 

ريم 

بقول بخور هات معاك بخور وانت جاي ابقي هات معاك بخور، البيت ريحته وحشه اوي يا حبيبي عايزه ابخره... 

ممدوح 

عنيا يا حبيبتي هجيب ليكي اللي انتي عايزااه.. 

وبعدها راح عند الباب وريم قالت.. 

ريم 

المركب اللي تودي ما تجيب.. 

ممدوح 

انتي بتقولي ايه يا بت انتي؟.. 

ريم

بقول سوق علي مهلك وانت معدي، مالك يا حبيبي فيه اي؟... 

ممدوح 

ماشي يا ريم انا رايح الشغل يلا مع السلامه... ومشي ممدوح راح الشغل بتاعه.. 

_وفي بيت احمد عزام صاحب ممدوح، نزل من اوضته وكانت مامته بتفطر وقالت ليه.. 

الهام

امسك. دول صور عشر بنات كلهم زي القمر نقي يلا.. 

احمد 

محسساني اني هنقي كيلو قوطه، يا ماما ده جواز وان ما كانتش البت اللي هتجوزها زي ما انا عايزها بالظبط يبقي مش هتجوز... 

الام بحده 

يعني ايه يعني زي ما انت عايزها هنفصلها ليك تفصيل ولا ايه وبعدين طيب ما تبص للبنات دول يمكن واحده منهم تعجبك.. 

احمد 

مش بالشكل يا ماما مش الشكل اللي يعجبني.. 

الام

اومال ايه يا اخويا اللي يعجبك؟.. 

احمد

الاخلاق والهدوء وانها تكون طموحه وبتحب الشغل وبرضو شكلها حلو بس ده اخر حاجه والمهم تكون بنت ناس وذوق في نفسها كده... 

الام 

اللي زي اللي انت بتتكلم عنها دي خلصت، روح شغلك انت خلاص هتبور وتقعد. جنبي.. 

_قام احمد وراح الشغل بتاعه واول ما دخل مكتبه لقي ممدوح قاعد مستنيه.. 

احمد 

ايه يا ابني طيب مش تكلمني وتقول انك هنا كنت جيت بسرعه.. 

ممدوح 

يا عم انا لسه واصل قبلك المهم انا قاصد اجي ليك هنا دلوقتي مخصوص عشان اقول ليك ان ريم اختي وافقت علي الشغل هنا.. 

احمد

طيب كويس جدا واطمن هي هتكون تحت ايدي انا ومش هخلي اي حد يدايقها.. 

ممدوح 

ما الخوف من كده، بقول ليك ايه يا احمد اختي دي اا، بص مش مهم انت هتشوف بنفسك بس عايزك تفتكر اننا صحاب وان مهما حصل احنا مش هنخسر بعض.. 

احمد

يا ابني ايه اللي انت بتقوله ده اختك اختي ومهما حصل علاقتنا مستحيل تنتهي.. 

احمد

افتكر كلامك ده كويس بقي، يلا بالسلامه انا يا حبيبي... ومشي ممدوح راح شغله.. 

_وتاني يوم كانت ريم رايحه المستشفي وهي لابسه الحجاب ولابسه لبس اسلامي ملون وشكلها حلو اووي وسالت بتاعت الاستقبال وقالت.. 

ريم

لو سمحتي ممكن اا.. 

البنت 

الله انتي شكلك حلو اوي في اللبس ده .. 

ريم

طيب اتفصليني لا وكمان ده مرشوش عليا سمسم.. 

البنت ضحكت وقالت

ههههه وكمان دمك خفيف المهم تؤمريني بأيه يا قمر.. 

ريم

والنبي انتي اللي قمر بس امسحي البويا دي وهتبقي احلي المهم احمد عزام فين؟.. 

البنت 

قصدك دكتور احمد مدير المستشفي.. 

ريم

ايوه هو ده هو فين بقي؟.. 

البنت 

هو لسه ما جاش بس تقدري تستنيه فوق في الدور التالت المكتب بتاعه هناك.. 

ريم

اللهي تنستري يا شيخه يلا فوتك بعافيه.... 

_وطلعت ريم الاسانسير، وجه احمد. في الوقت ده عشان يطلع معاها ولما شافها قال.. 

احمد

انتي جايه زياره لحد يا انسه؟.. 

ريم

هي كانت المستشفي بتاعت الست ولدتك عشان تسألني ما تخليك في حالك يا اخ.. 

احمد

انتي يا بنت انتي وازاي تتكلمي معايا انا كده.. 

ريم

انا ابقي من طرف المدير، عارف احمد عزام ده حتي كان بايت عندنا ده انا بخليه يمسحلي الارض.. 

احمد

بقي الدكتور احمد عزام بيمسح ليكي انتي الارض.. 

ريم

ومش بس كده ده انا كمان بخليه يقصلي ضوافر رجليا ده احنا راضعين علي بعض.. 

احمد

اممممم كمان ده انتو عشره بقي علي كده.. 

ريم

اومال فا وسع كده من طريقي يا عسل..بدل ما ارن عليه بس يجي يمسح بكرامتك سيراميك المستشفي ولا ده رخام مش سراميك.. 

احمد 

لا وكمان معاكي رقمه يا انسه.. 

ريم بثقه

طبعا وطول الليل شات واقول ليه سيبني يا احمد انام يقولي لا لا لازم احكيلك حكاية الفار النوتي.. 

احمد 

ايه الثقه اللي انتي بتتكلمي بيها دي، ده انا شكيت في نفسي يا شيخه، علي العموم انا بعتذر ليكي واتفضلي روحي للدكتور احمد... 

ريم

هو لازم يعني احكي ليك تفاصيل علاقتي بيه عشان تتلم، اما عجايب... وطلعت ريم وراحت للممرضه الخاصه بمكتب احمد  وقالت.. 

ريم

لو سمحتي يا سكر دكتور احمد في ليا معاد معاه.. 

الممرضه 

انتظريه هنا علي جنب هو خلاص زمانه جااي.. 

ريم

انتظره ده ايه جو ده التسعينات ده... 

_وقعدت ريم تقلب في موبيلها وفجأه سمعت صوت الممرضه بتقول.. 

الممرضه 

صباح الخير يا دكتور احمد ثواني والقهوه باللبن هتكون عندك.. 

_رفعت ريم راسها وبصتله لقيته بيضحك وقامت وقفت وقالت.. 

ريم بصدمه

ايه ده حازم حازم.. 

احمد قرب منها وقال 

بسيوني بسيوني.. 

ريم

هو اا انا اا.. 

قرب احمد. منها اووي وقال

ههههههههه قولي ليا بقي ايه هي الحدوته اللي كنت بقولك عليها بالليل.. 

ريم

انا قولت حدوته هو انا اعرفك يا ابني اصلا؟!.. 

احمد بخبث

حلو اووي الكلام ده، انا داخل جوه تعالي ورايا... 

_جات ريم تجري واحمد قال بسرعه للممرضه.. 

احمد

سهي قولي للامن الانسه ممنوع تطلع من المستشفي حتي لو تطلب الامر اننا نتصل بالشرطه.. 

_قال كلامه ودخى مكتبه، وريم كانت. اقفه خايفه والممرضه طلعت من عند احمد وقالت لريم.. 

الممرضه 

يا انسه دكتور احمد مستنيكي جوه وبيقولك ادخلي بسرعه يا نوتي بلاش لكاعه.. 

ريم

عاا ده لسه فاكر بصي يا سكر والنبي خلي ودنك في ودن الباب لو سمعتي اي صوت لمحاولة اعتداء اطلبي الشرطه.. 

الممرضه 

يا ستي ادخلي بسرعه اللهي يسترك عندي شغل.. 

ريم 

طيب براحه طيب ما تزقيش.. 

_ودخلت ريم عند احمد. اللي اول ما شافها ابتسم وقال.. 

احمد

انتي بقي جايه هنا لمين واسمك ايه اصلا؟.. 

ريم

انا جايه اسلم عليك وامشي، لله السلام لله وكده. ولو محتاج اسمي في حاجه يبقي اكيد حاجه وحشه وانا مش هقول ليك عليه.. 

احمد

يبقي نكلم الشرطه ونشوف بقي انتي خايفه من ايه؟.. 

ريم بسرعه قالت 

اسمي ريم محمود اخت ممدوح صاحبك.... 

احمد بصدمه 

نعممم بقي انتي اخت ممدوح صاحبي ازاي ده بقي؟!.. 

ريم

حكمة ربنا هنتعترص عبيها ده حتي يبقي حرام.. 

احمد

اممم طيب يا انسه ريم اتفضلي اقعدي وانا هعدي اللي حصل من شويه ده واقول اختي الصغيره وغلطت.. 

ريم

ايوه انت كده فل الفل وميه ميه واعتربرني بجد بجد عيله وغلطت.. 

احمد 

ممدوح قال ليا انك دكتورة اطفال وما عندكيش اي خبره برغم انك متخرجه بامتياز و.. 

ريم

استني استني امشي انا واجيب ممدوح يشتغل مكاني ما تديني فرصه اعرفك انا بنفسي.. 

احمد

من الذوق ان وانا بتكلم ما تقطعنيش... 

ريم

انا اتكلم براحتي وبعدين انت نافش ريشك ليه زي الديك الرومي كده.. 

احمد

انا ديك رومي والله انا لولا ممدوح لكنت اا.. 

.

ريم

كنت هغنعمل ايه يا خيبه عليك وعلى ممدوح، بس انا اللي غلطانه هو انا يعني هستني ايه من اخويا والعرر صحابه.. 

احمد وقف وقال

عرر لا ده انتي بقي تستاهلي اني اكلمه يجي يربيكي.. 

ريم 

انت بتطردني وبتشتمنس وبتقول علي اخويا فاشل وعايز تكلمه وتضحك عليه بكلمتين عشان هو عبيط.. 

احمد بصدمه 

بقي انا قولت علي اخوكي كده، انتي بتتبلي عليا عيني عينك يا بت انتي.... 

ريم 

هو انت لسه شوفت حاجه ده اللي جاي اسود عليك يا دكتور اللي العشره منك بقرش... 

_قالت كلامها وسابته ومشيت بعد ما المستشفي كلها اتفرجت عليهم.. 

احمد بعصبيه 

الكل علي شغله لو سمحتو مش عايز اي حد. قدامي.. 

_الكل مشي بخوف من قدامه وهو طلع موبيله وكلم ممدوح اللي ما ردش عليه خالص.. 

احمد

رد بقي يا ممدوح.. 

_وبعدين كمل شغله ولما رجع البيت وكان مدايق، ومامته قربت منه وقالت ليه.. 

الهام

انت مالك بقي من  لما رجعت من المستشفي وانت متدايق جدا.. 

احمد. 

حصلت حاجه سخيفه اووي يا ماما النهارده،..... وقال ليها كل اللي حصل.. 

الهام

يا خبر ابيض طيب الحق كلم صاحبك قبل ما تقول ليه حاجه من الكلام ده.. 

احمد

هي لسه هتقول ليه زمانها قالت واللي حصل حصل.. 

الهام

كلمه بس حتي فهمه الوضع وهو اكيد عارف اخته وعارف تصرفاتها.. 

احمد

معاكي حق يا ماما، انا هكلمه اهوو.. وطلع موبيله وكلم ممدوح اللي رد عليه وقال.. 

ممدوح 

انت ليك عين تكلمني بعد اللي عملته في اختي؟.. 

احمد بقلق

اسمعني يا ممدوح والله الموضوع مش زي ما انت فاهم خالص.. 

ممدوح 

افهم ايه بس يو ابني بقي تبقي عايز تشيل ليها الحجاب من علي شعرها وتقولي مش زي ما انا فاهم.. 

احمد

والله ما حصل و.. الو يا ممدوح.. ده قفل في وشي يا ماما.. 

الهام وهي كاتمه ضحكتها

قوم احنا لازم نروح ليهم ونعتذر بسرعه.. 

احمد

انتي بنفسك يا ماما اللي هتيجي معايا؟.. 

الهام

قوم بس واسمع الكلام اللي بقول ليك عليه

_قام احمد وطلع اوضته ومامته ضحكت بخبث وقالت.. 

الهام

هههههه والله يا احمد ما فيش غير دي اللي هتنفع معاك، وان ما روحنا خليتك تخطبها دلوقتي ما ابقاش انا..

_ تفتكرو ايه اللي هيحصل هناك؟ 

_ في بيت ريم كانت قاعده بتعيط وممدوح اخوها قعد جنبيها وقال.. 

ممدوح 

خلاص بقي يا ريم ده انا خسرت صاحب عمري عشانك اهو.. 

ريم بحده 

نعم يا اخويا وانا مالي المفروض تكون رجولتك هي اللي نقحت عليك... 

ممدوح بخبث 

ريييم لاخر مره هسألك احمد عمل كده بجد معاكي، اصل انا مش اعرفه من سنه ولا اتنين ده عشرة عمر وانتي عارفه وعمره ما بص لبنت بطريقه مش كويسه هيجي معاكي انتي ويعمل اا.. 

ريم بسرعه قالت 

يعني هو انا هضحك عليك ليه يعني، المهم هو اكيد هيحاول يكلمك ويقابلك ويالف حوار من عنده عشان يطلع نفسه برئ قدامك انت بقي اوعي تديله فرصه ينطق حرف واحد.. 

ممدوح اتنهد وقال

هو بس يحاول وانا هنفخه واروح فيه في داهيه.. 

ريم بخوف 

لا لا لا يعني انت هتضيع نفسك عشان واحد زي ده؟.. 

ممدوح 

بقولك ايه انا هنزل اجيب عشا وجاي تاكلي ايه؟.. 

ريم 

كشري طبعا... 

ممدوح 

حاضر... 

_ ونزل ممدوح وهي فضلت ترقص في الشقه وهي مبسوطه وقالت.. 

ريم 

الله عليكي وعلي دماغك يا بت يا ريم ومش هشتغل خلاااص وهفضي لمسلسلاتي 💃💃💃

_ وفجأه الباب خبط وهي فكرته ممدوح اخوها، وراحت فتحت بسرعه وسابت الباب من غير ما تشوف مين وقالت.. 

ريم 

مليون مره اقولك ياااه خد معاك المفتاح بعد كده هسببك علي الباب وو.... 

_سكتت وهي بتحاول تستوعب اللي شافته، ولفت ولما شافت احمد ومامته قدامها برقت ووشها قلب احمر واحمد بص للارض باحراج والهام قالت.. 

الهام 

مساء الخير يا بنتي.. 

_ قفلت ريم بسرعه الباب وبصت لنفسها وهي لابسه بجامعه قصيره ودايقه جدا وقالت بصوت عالي.. 

ريم 

الله يخربيتك انت جايب امك وجاي تردهالي، طيب اللي هيقرب مني هصوت والم عليه امة لا اله الا الله.. 

بص احمد لمامته اللي بتضحك وقال

عجبك كده يلا نروح يا ماما هو مش ممدوح صاحبي وعشرة عمري انا باخته دي عايز اخسره.. 

الهام بحده 

بس يا ولد ما اسمعش صوتك، وانتي يا بنتي افتحي احنا جايين عايزين اخوكي في كلمتين.. 

ريم 

اخويا مش هنا وانتو استنيتوه ينزل عشان تيجو تستفردو بيا مش كده.. 

احمد بغضب

مين اللي يستفرد بالتاني ده احنا اللي خايفين منك.. 

ريم بخوف 

بقولك ايه انت ما تتكلمش اصلا بعد اللي عملته معايا يا قليل الادب.. 

احمد بسخريه 

لا دي كمان بتكدب وتصدق.. 

الهام 

ممكن تخرس خالص وانزل تحت يلا استني صاحبك وهاته وتعالي.. 

احمد

انتي عايزاني اسيبك مع المفتريه دي ااا.. 

_ قبل ما يخلص كلامه لقي في نايه بتدلق عليه من فوق وبصتله ريم من الفتحه اللي فوق الباب وقالت.. 

ريم بحده 

عمال تقل ادبك من الصبح وانا سكتالك، جرا ايه يالا انت مالقيش حد. يلمك ولا ايه .. 

خبط احمد جامد علي الباب وقال بعصبيه

طيب لو خلف فيكي ابوكي افتحي والله العظيم ما هسيبك النهارده انا يتدلق عليا مايه ومال ريحتها عامله كده ليه.. 

ريم ضحكت وقالت

سوري اصلها المايه اللي غاسله فيها شربات ممدوح صاحبك.. 

اتعصب جدا والهام ضحكت وقالت

هههههههه قولتلك انزل ما سمعتش كلامي وبعدين انا هعرف اتعامل معاها.. 

احمد اتنهد بضيق وقال

ماشي يا ماما اما نشوف اخرتها ... 

نزل احمد والهام قالت

افتحي يا بنتي اهو احمد مشي، افتحي بقي هتسبيني واقفه علي الباب... 

ريم بقلق

طيب احلفي الاول انه نزل.. 

ابتسمت الهام وقالت

والله العظيم نزل افتحي بقي... 

_ فتحتلها ريم وكانت لابسه اسدال الصلاه ودخلت الهام وحضنتها وقالت.... 

الهام 

وحشتيني اوووي يا مرات الغالي.. 

ريم وهي في حضنها قالت

ايه الوليه الهبله دي؟!... 

بعدت عنها الهام وقالت 

زي القمر زي ما كنت بتمني تكوني بالظبط... 

ريم رفعت شفتها بطريقه شعبيه وقالت

انتي تعرفيني منين يا حجه.. 

قفلت الهام الباب وقالت 

بصي بقي هو المفروض اني جايه هنا عشان نقول لاخوكي الحقيقه وعارفه ان احمد ابني برئ... 

ريم بخوف 

استري عليا والنبي والله ممدوح ممكن يقطعني فيها، بصي كل الحكايه انا مش عايزه اشتغل.. 

الهام بخبث

بس انتي غلطتي لما تفرقي بين اتنين صحاب.. 

ريم 

ما تكبريش الموضوع اووي كده.. 

الهام بحده 

الموضوع كبير اصلا.. 

ريم بغيظ 

انتي بتشخطي فيا ليه لو سمحتي اتكلمي باسلوب احسن من كده.. 

قعدت الهام وحطت رجل علي رجل وقالت

بصي بقي انا ممكن ما اقولش لاخوكي الحقيقه وكمان هقف في صفك واقول لاخوكي ان احمد عمل اللي انتي قولتي عليه بس بشرط.. 

ريم قعدت جنبيها بسرعه وقالت 

اقسم بالله انتي ست ميه ميه وزي الفل،وانا موافقه علي اي حاجه شاله حتي اجي اغسلك الاطباق اتنين وخميس... 

الهام بخبث

انا هخطبك لاحمد من اخوكي وانتي هتوافقي.. 

ريم وقفت وقالت 

نعم يا اختي هو انتي جايه تحطي البنزين جنب النار.. 

الهام ضحكت وقالت 

هههههه والله ما في واحده هتنفع معاه وهتكسر مناخيره اللي رافعها السما غيرك، وانا خلاص واخده قرار.. 

ريم بغيظ. 

ده عندها يا حجه، ده انا انزل اشتغل احسن... 

ـــــــــ #بقلم_الكاتبه_رحاب_القاضي ـــــــــ 

_ وتحت البيت كان احمد واقف وساند علي عربيته وشاف ممدوح جاي، فراحله بسرعه وقال.. 

احمد

والله العظيم يا ممدوح انا ما عملت حاجه ومش عارف اختك قالت كده ليه، بس انت عارفني و.. 

ممدوح 

مصدقك يا احمد لاني هارف دماغ اختي، وانا اللي اسف علي اللي هي قالته بس انا مستني اشوف اخرها ايه.. 

احمد

طيب وفرت عليا كتير والله، تعالي بقي نلحق امي فوق مع اختك.. 

ممدوح بقلق

لا ثواني هو انت ايه اللي جاب امك فوق عندنا اصلا.. 

احمد 

جات تصالحنا انا وانت.. 

ممدوح

طيب يلا نلحقها قبل ريم ما تعمل فيها حاجه اختي وعارفها كويس.. 

_ وطلعو فوق ولقيو ريم والهام قاعدين مع بعض وبيضحكو... 

احمد

ماما انتي كوبسه يا حبيبتي.. 

الهام 

انا زي الفل، ازيك يا ممدوح عامل ايه؟.. 

ممدوح

انا الحمد لله يا طنط كويس، منورانا والله.. 

وقفت الهام وقالت 

ده بنورك يا حبيبي، المهم انا بعتذرلك جدا عن اللي عمله احمد مع اختك.. 

احمد بصدمه 

ايه اللي انتي بتقوليه ده يا ماما.. 

الهام 

خلاص بقي يا احمد انت قول الحقيقه، وبعدين احنا جايين نصلح الوضع واحمد عايز يخطب ريم.. 

قرب ممدوح من احمد وقال

بقي تعمل كده في اختي وجاي بكل بجاحه تكدبها وتخليني انا ما اصدقهاش.. 

ريم بحزن

شوفت انت ازاي طول عمرك ظالمني.. 

احمد بصدمه

ما حصلش والله اا.. 

_ ما قدرش يكمل كلامه بسبب البوكس اللي خده في وشه من ممدوح ووقع علي الارض وممدوح قال.. 

ممدوح 

اخرس بقي يا حيوان.. 

_ وبعد شويه كان احمد قاعد علي الكنبه ووشه بينذف وجنبيه الهام  وجات ريم من المطبخ وقالت.. 

ريم 

امسك كيس تلج عشان وشك اللي اتدشمل ده.. 

بصلها احمد بغيظ وقال

شكرا فيكي الخير والله.. 

ممدوح بحده

ما تكلمهاش قدامي انت فاهم ولا لا.. 

الهام 

خلاص بقي يا ممدوح ما فهمناك الحكايه هو كان بس بيحاول يختبر اخلاقها واهو جه البيت من بابه وخطبها.. 

ممدوح بحده 

وهو يعني هيشكك في ربايتي لاختي، ليه ما يعرفش صاحبه.. 

الهام 

ما خلاص بقي وانت اهو اخدت حقك منه، المهم الخطوبه الخميس الجاي حلو.. 

ممدوح

جرا ايه يا طنط هو مش لازم اخد وقتي افكر واخد رأي اختي واسأل علي البشمهندس.. 

احمد 

بشمهندس مين انا دكتور.. 

ممدوح بغيظ. 

الله واعلم بقي هسأل واشوف... 

الهام 

تمام خليها قراية فاتحه يوم الخميس واهو نتعرف من البدايه خالص.. 

ممدوح بص لريم وقال

وانتي رئيك ايه موافقه بيه؟ ... 

_بصت ريم لالهام اللي شاورتلها بحده انها توافق وقالت ريم وهي بتبص الارض وعامله نفسها مكسوفه.. 

ريم

اللي تشوفه يا ابيه.. 

ضربها علي كتفها وقال بحده 

اتعدلي يا ريم متنيله موافقه ولا لا؟.. 

ريم وهي ماسكه دراعها بألم 

موافقه موافقه ربنا علي الظالم والمفتري... 

_ وبعد شويه مشي احمد ومامته وريم راحت. طلعت الاكل وقعدت قدام التلفزيون، وقرب منها ممدوح وقال... 

ممدوح 

ريم انا مش مرتاحلك مخبيه ايه عني.. 

ريم بقلق

وربنا سيبتلك اكلك وما اخدتش غير منابي.. 

ممدوح بغيظ 

مش علي الاكل، في ايه بيحصل من ورا ضهري.. 

ريم ببرود 

وانا اعرف منين انا قاعده قدامك ما اعرفش ايه اللي بيحصل وراك اااه ايدي اااه يا ابن العضاضه.. 

ممدوح بحده 

اتكلمي يا بت انتي، ايه اللي خلاكي توافقي باحمد بعد اللي عملو فيكي ولا هو ما عملش حاجه وانا ظالم الواد.. 

ريم 

يادي النيله ياما امه بنفسها قالتلك اللي حصل وانت برضو مكدبني تشكر يا ابن ابويا وامي، لو انا مش اختك قول والله مش هزعل اهو الاقي سبب افجر طاقة الانحراف اللي جوايا.. 

ممدوح بحده 

اخرسي واصلا انا بتكلم مش عايز الجوازه دي تتم، احمد برضو غلبان وما يعرفش اللي هيحصله معاكي.. 

سابت ريم الاكل وقالت 

وبعدين معاك بقي ده بدل ما تفرحلي وتهيص معايا.. 

ممدوح 

اممم كلي يا ريم وانتي ساكته.. 

سابها ودخل المطبخ وريم قالت 

ده انت عيل بووومه.. 

_وبعد شويه طلع ممدوح من المطبخ وهو ماسك حله وبيطبل عليها وبيغني وبيقول.. 

ممدوح 

وافرحي يا عروسه انا العريس يا عروسه يا عروسه.. 

وقفت ريم علي الكنبه وقالت

ويا عروسه يا عروسه انا العريس... 

ـــــــــ #بقلم_الكاتبه_رحاب_القاضي ـــــــــ 

_ وفي بيت احمد كانت الهام قاعده بتشرب قهوه وهي مبتسمه، واحمد واقف قدامها وعمال يروح ويجي وهو متعصب وقالها.. 

احمد

انا عايز افهم بقي حاحه واحده، لييه بتعملي كده يا الهام؟.. 

الهام 

اقعد واهدي وبطل تتنطط حواليا زي القرد كده وانا هقولك.. 

احمد قعد جنبيها وقال

قعدت اهو، ليه بقي عملتي كده ودبستيني في بنت المجانين دي؟.. 

الهام 

الموضوع بسيط ريم اخت صاحبك ومننا وعلينا وبنت اموره وجميله ومؤدبه ايوه دماغها طاقه شويه بس حلوه ودمها خفيف وانا عايزه افرح بيك.. 

احمد بغيظ 

تفرحي بيا ولا تفرحي فيا يا ماما... انا عايز اعيط.. 

ضحكت الهام وقالت

ههههه طيب بزمتك يا شيخ هي حلوه ولا لا، ورحمة باباك لتقول الحقيقه.. 

احمد وقف وقال بضيق 

وتفيد بايه الحلاوه والدماغ مش موجوده، وانا قولتلك انا عايز واحده عاقله وهاديه.. 

الهام 

معلش بعد الجواز ريم هتعقل.. 

احمد بخبث 

امممم ده لو كملت للجواز اصلا، انا بقي هعرف ازاي اخد منها حقي تالت ومتلت.. 

_ وتاني يوم نزلت ريم وهي لابسه اسدال الصلاه ووقفت قدام اوضة البواب وقالت.. 

ريم 

يا عم عوضيكو... عم عوض فين الحاجات اللي قولتلي ان ممدوح بعتك تجيبهم وانت ازاي ما تطلعهمش ياراجل اطلع كلمني ما تخلنيش ادخلك.. 

_ وفجأه لقيت حد. سحبها لجوه وقفل الباب وحط ايده علي بوقها، واتصدمت هي لما لقيته احمد وكان مقيد حركتها وقال لعوض بحده... 

احمد

عوض شوف شغلك وكأن ما فيش حد جوه وانا هرضيك تاني.. 

وشال ايده من علي بوقها وهي قالت بتوتر

انت بتعمل ايه يخربيتك اوعي كده.. 

احمد بغيظ 

بقي انا اتضرب واتهان واتخانق مع صاحب عمري واتدبس في واحده زيك بسببك وبسبب حاجه ما عملتهاش.. 

ريم وشها قلب احمر وقالت بتوتر

لو سمحت اوعي كده غلط وبعدين انت جاي هنا عايز ايه اصلا؟... 

احمد قرب منها اكتر وقال

هعمل اللي انتي قولتي عليه لاخوكي عشان يبقي معاهم حق واتعاقب بضمير مستريح... 

برقت ريم بخوف و؟؟.... 

_ تفتكرو بقي هيحصل ايه؟.... 

ريم بتوتر

انت بتعمل ايه يخربيتك اوعي كده.. 

احمد بغيظ 

بقي انا اتضر*ب واتهان واتخانق مع صاحب عمري واتدبس في واحده زيك بسببك وبسبب حاجه ما عملتهاش.. 

ريم وشها قلب احمر وقالت بتوتر

لو سمحت اوعي كده غلط وبعدين انت جاي هنا عايز ايه اصلا؟... 

احمد قرب منها اكتر وقال

هعمل اللي انتي قولتي عليه لاخوكي عشان يبقي معاهم حق واتعاقب بضمير مستريح... 

برقت ريم بخوف وقالت

انت اتجننت صح، لا لا انت متربي ومش هتعمل كده.. 

احمد وهو بيلمس حجابها بأيده

ده انا ما شوفتش دقيقه واحده تربيه يا ريم...

ريم ابتسمت وقالت

انت متأكد انك عايز تعمل كده؟.. 

احمد بصلها بقلق وقال

ايه ده ايه السهوله دي لا انا مش مطمنلك.. 

ريم ابتسمت بشر وقالت

انا ما حدش يجي عليا ويكسب ابداً... 

_ خلصت كلامها وذقته جامد وقالت بصوت عالي وهي عامله نفسها بتعيط.. 

ريم 

حرام عليك يا احمد ليه عايز تعمل كده عملك ايه ممدوح عشان تأذيه في اخته.. 

_ وقبل ما يرد عليها احمد بأي حاجه، فتح ممدوح الباب جامد ودخل وبصلهم بصدمه واحمد قال بخوف.. 

احمد 

والله العظيم هتجوزها بس اهدي بلاش النظره دي وبعدين انت ايه اللي جابك من الشغل.. 

حضنت ريم ممدوح وقالت

الحيوان ده كان عايز اعااا والله مش قادره اقول لقد خدش حيائي يا اخي.. 

احمد بغيظ 

هو انتي تعرفيه الحياء ده ولا عمرك سمعتي عنه.. 

ممدوح قرب منه وقال بغضب

انت يطلع منك كل ده ومع مين ما اختي يا حيوان.. 

ـ خلص كلامه وضربه بالبوكس في وشه واحمد وشه بقي ينذف، وقال بعصبيه.. 

احمد 

جرا ايه يا ممدوح هي مش يعتبر خطيبتي ويا عم كنت بتكلم معاها كلمتين وهي اللي كبرت الموضوع وبعدين ما هي قدامك اهي فيها حاجه تدل علي كلامها.. 

بص ممدوح لريم اللي قالت

لااا اوعي تصدقه ده كدااب طيب حتي اسأل عم عوض علي اللي حصل.. 

قال عوض 

ايوه يا استاذ ممدوح الدكتور اداني 200 جنيه وقالي اخليها تنزل واضحك عليها واقولها انك بتعت ليها حاجات، بس ما كنتش اعرف نيته من الموضوع كده.. 

ريم وهي عامله نفسها زعلانه 

شوفت يا دوحه، مش بس اللي عملو لا ده عايز يكدبني.. 

احمد بصلها بحقد وقال

هتجوزها ودلوقتي اكتر من كده تاني مش ده اللي هيريحك.. 

ممدوح اتنهد وقال

النهارده بالليل يا احمد تجيب امك والمأذون وتيجي.. 

ريم 

هطلع والله واعملك كل اللي انت عايزه، بص شهر بحاله هسمع كلامك لا مش شهر كتير اسبوعين... برضو كتير... بص انا تلات ايام هسمع كلامك بس والنبي بلاش جواز، هو انا بتاعت الحاحات دي هو انا بتاعت جواز اصلا ما تقولو حاجه يا عوضيكو.. 

عوض بسخريه 

يا شيخه وافقي علي الاقل حتي العماره تخلص منك.. 

ممدومح بغيظ 

حتي البواب مش طايقك.... 

احمد بضيق 

ماشي يا ممدوح وانا اسف علي الموقف ده بس والله انا نيتي كانت اا.. 

ممدوح بحده 

امشي يا احمد ولسانك ما يخاطبش لساني تاني... 

ريم بخوف 

يا ممدوح ما تهزرش قوله ما يجيبش حد وما بجيش انا مش هتجوز انا حد ما اعرفوش.. 

_ بصلها احمد بشماته ومشي، وراااح المستشفي بتاعته وقند في مكتبه بص لوشه اللي بقي في كدمات من ضرب ممدوح ليه واتنهد بضيق وقال.. 

احمد 

كله منك يا ماما مالقتيش غير دي تخليني اتجوزها، ودي هعيش معاها ازاي بس يا ربي.. 

دخلت عنده الممرضه وقالت

يالهوي مالك يا دكتور احمد انتي في عربيه بحمار عدت علي وشك.. 

احمد بغيظ 

عربيه بحمار تعدي عليكي وتخلصني منك يا رباب عايزه ايه؟.. 

رباب 

ما فيش بس استاذ ممدوح صاحبك بره عايزك.. 

احمد بقلق

ممدوح، طيب دخليه بسرعه يلاا.. 

_ طلعت الممرضه ودخل ممدوح وبص لاحمد وقال بحده.. 

ممدوح 

بعيد عن اختي خالص اهو، انت كنت جاي عايزها فأي؟.. 

احمد بضيق

ليك عين تكلمني بقيت مسخره في المستشفي بسبب ايدك الطويله.. 

ممدوح

يا جدع حط نفسك مكاني هتعمل ايه؟.. 

احمد بهدوء

كنت جاي ارخم عليها شويه والله العظيم ما حصلت حاجه وبعدين طيب ما انا كنت ممكن اطلع فوق باي طريقه لو عايز اعمل حاجه وحشه مش اختار اوضة عوضيكو.. يووووه قصدي عوض.. 

ضحك ممدوح غصب عنه وقال

انت وصلت لعوضيكو، علي العموم انا جاي اقولك هي قالتلي كل حاجه بس خليك بعيد عنها بقي.. 

احمد 

احلف قالتلك كل حاجه بجد حتي اللي حصل في المكتب؟.. 

ممدوح 

ايوه لما لقيت الموضوع هيقلب علي جواز قالت الحقيقه، انا بجد تعبت ريم مش هتكبر ابدا ولا هتتحمل المسؤليه وفاكره ان حياتها مسلسل تىكي او كوري من اللي بتشوفهم..تخيل انت لو كان حد غيرك اللي عملت معاه كده.. 

احمد بسخريه 

لا اطمن اللي زي اختك دول مش بيجو غير علي الغلابه اللي زييي، قولي انت مش قولت انها عملالك توكيل عام عشان المشاكل اللي في بلدكم وكده.. 

ممدوح 

ايوه بس انت ليه بتسأل؟.. 

احمد بخبث 

هجيبلك عقد عمل محترم وتمشي عليه بالنيابه عنها وختك تيجي تشتغل هنا واقسم بالله هتكون اختي هنا وانا هعرف ازاي اخليها تقول حقي برقبتي.. 

ممدوح بتفكير

لو عملتلك مصيبه في المستشفي انا مش مسؤل ولا تقولي ادفع وصلح والجو ده؟.. 

احمد ضحك وقال

ايوه انت بره الموضوع بس اللي اعمله فيها من حيث الشغل ما تجيش تقولي ارحمها.... 

ممدوح بهدوء 

لا يا صاحبي انا عايزها تقول حقي برقبتي... 

ـــــ #بقلم_الكاتبه_رحاب_القاضي ـــــ 

_ في مكان تاني احدي القري الصعيديه، في بيت كبير كان قاعد راجل كبير وهو بيضحك بشر وقال لابنه اللي قاعد جنبيه.. 

فتحي

واخيرا بعد 15 سنه عرفت طريق عيال عمي.. 

كمال

اللي وصلني انه بقي مهندس ولد الحرام وجدتهم ما*تت وهو ربي اخته وخلاها دكتوره وعايشين ولا علي بالهم.. 

فتحي بجمود

انا عايز رقبة ممدوح مش هناخد حقنا من حريم حقنا عند ولد رشاد وقدام البلد كلها عشان نريح ابوك في قبره... 

كمال 

واخته هتعملها ايه.. 

فتحي بخبث

مكانها بيت عمها بس نخلص من اخوها الاول.. 

_ في الوقت ده كانت الشغالن اللي عمرعا 50سنه واقفه بتسمع كلامهم من ورا حيطة المطبخ، ومشيت بسرعه ودخلت اوضتها وقالت لنفسها.. 

سعديه بخوف

انا لازم امشي من هنا عشان اعرف اكلم ممدوح واحذره من شرهم.. 

ـــــ #بقلم_الكاتبه_رحاب_القاضي ـــــ 

_ في بيت ممدوح وريم كان ممدوح قاعد بيتفرج علي التلفزيون وقربت منه ريم وقالت.. 

ريم 

بص ما هو انت يا تصالحني يا تصالحني ما عنديش خيار تالت.. 

ممدوح 

انا اللي اصالحك يا ريم ليه ان شاء الله هو انا زعلتك من الباب للطاق.. 

ريم بغيظ 

عشان انت فرضت عليا اشتغل وانت عارف انا ما بحبش القيود واني التزم بحاجه ولازم اعملها.. 

ممدوح

بس انتي لازم تعملي كده يا ريم، افرض انا خصلتلي حاجه مش لازم تكوني قويه وتعرفي تاخدي حقك وتعيشي.. 

حضنته ريم وقالت 

انت معايا وانا قويه باخويا وبس.. 

اتنهد ممدوح بضيق وقال

هو انا ضامن عمري وانتي عارفه اللي فيها كويس يا ريم، انا لو بقول ما تخصليش حاجه فعشانك انتي مش خايف منهم قد ما خايف عليكي... 

ريم بدموع

وليه السيره الغم دي، ما هما خلاص مش قادرين يوصلولنا، ولو كانو هيوصلو كلن وصلو زمان.. 

ممدوح بهدوء

طيب عايزاني ما ابقاش زعلان منك؟.. 

ريم 

ايوه طبعا.. 

ممدوح 

بكره اول يوم شغل ليكي عند احمد انا مضيت عقد العمل بالتوكيل اللي انتي عملااه.. 

ريم بغيظ 

لا انت ازعل مني احسن، انا مستحيل لروح عند صاحبك ده ولا اشتغل عنده ابداً.. 

_ تاني يوم كانت ريم قاعده قدام احمد في المكتب بتاعه، وقالها احمد بخبث... 

احمد 

جو لعب العيال مش عندي في المستشفي، هنا شغل وبس.  

ريم 

انا هتنيل ابدأ شغل امتي وهعمل ايه بالظبط انا اول مره اشتغل و... 

احمد بحده

لما امون بتكلم ما تقطعنيش والا والله هتاخدي جزا ومش زي اي موظف لا انتي هتاخدي سعات عنل اضافيه.. 

ريم ابتسمت وقالت

طيب ما تخصملي احسن.. 

احمد بحده

انا هنا اللي اقرر انا اعمل ايه وما اعملش ايه..

ريم اتنهدت وقالت

ماشي قرر بقي وخلصني.. 

احمد قام وقف قدامها وقال

هو انا بلعب معاكي في الشارع، تتكلمي معايا بادب فاهمه ولا لا.. 

ريم بغيظ

انت ازاي تكلمني كده انا لو قولت لممدوح اا.. 

ضحك احمد وقال

هو ممدوح ممكن يصدقك تاني بعد اللي انتي عملتيه قبل كده اصلا؟.. 

ريم وقفت وقالت 

طيب حفاظاً علي كرامتك وكرامة اللي جابك قصدس جنابك انا عايزه اعرف انا هشتغل ايه هنا؟.. 

احمد بخبث

هيكون هتشتغلي ايه سمكري دكتوره اكيد... 

ريم بغيظ

اضحك ولا ابين سناني ولا اعملك ايه... 

احمد بصوت عالي 

يا رباااااااب... 

ريم اتخضت وقالت

يخربيتك اديني اشاره انك هتنده علي حد، فزعتني.. 

احمد 

اخرسي خالص وحاجه كمان، لو ايه حصل انا مش عايزك تتعاملي مع امي ابداً.. 

ريم بسخريه

والله انا نفسي بجد ما اتعاملش مع امك... 

بصلها بحده ودخلت رباب وقالت

تحت امرك يا دكتور احمد؟... 

احمد 

خدي الدكتوره ريم وديها لاوضة المتدربات اللي تحت اشرافي انا والدكتوره ساره، واديها قايمة الشروط والالتزمات... 

رباب

حاضر.. اتفضلي يا دكتوره ريم.. 

ريم حطت ايدها في ايد رباب وقالت

يلا بينا يا اوختشي الا قوليلي هو الكريم اللي اناي حطاه في وشك ده اسمه ايه ولو اغلي من 100 جنيه ما تقوليش اسمه عشان مش معايا غير 90... 

طلعو واحمد غصب عنه ضحك وقال

يا بنت المجنونه.. 

_ وبعد شويه في مكتب المتدربات كانت ريم قاعده بتبص علي الدكاتره اللي قاعدين كل واحد وواحده فيهم ماسكين ورق وباصين فيه..وقرب منها ولد وقال.. 

الولد 

حضرتك جديده معانا يا دكتوره مش كده.. 

ريم 

ايوه اهو زي ما انت شايف.. 

الولد 

طيب اعرفك بيا اما طارق الشيخ اا.. 

ريم بصدمه 

احلف انت طارق الشيخ بنفسه بس انت طويل واللي بنشوفه في التلفزيون قصير ودوكا مطرب انت دكتور تقريباً.. 

طارق

تقريباً كمان يا بنتي عادي تشابه اسماء وبعدين انا ايوه دكتور متدرب هنا.. 

ريم 

وانا ريم دكتوره لسه هتدرب معاكم هنا.. 

طارق

علي فكره الدكتور احمد والدكتوره ساره متساهلين جدا معانا والتدريب ساهل جدا وكمان هينزلونا عملي بسرعه.. 

ريم 

لا لا انا جاي افشل فيه، انا واحده عايزه اتجوز واقعد في البيت مش وش شغل انا... 

طارق

وربنا مش لوحدك اللي عايزه كده،كل اللي موجودين هنا.. 

_ ضحكو هما الاتنين ودخل في الوقت ده احمد والكل سكت وبص احمد بضيق لريم وقال بصوت عالي.. 

احمد

دكتوره ريم اتفضلي اقعدي قدام هنا.. 

ريم بصوت واطي 

ايه الجو ده هو احنا في درس عربي... 

_ قامت ريم وقعدت قدام بعيد عن طارق، واحمد قال بكل هدوء.. 

احمد

النهارده هيبقي عندنا اختبار بسيط هيكون نظري وبعدين هنطبق عملي جاهزين.. 

_ الكل قاله ايوه وفعلا بدا احمد يختبر فيهم باسئله صعبه، واستغرب جدا ان ريم فعلا شاطره جدا وجاوبت علي الاسئله بتاعتها بكل ذكاء، لحد ما جه وقت التطبيق العملي.. 

احمد 

دكتوره ريم جوه في طفل عنده جفاف في حقن لازم ياخدها وعايز تشخيص لحالته كويس.. 

ريم بقلق

انا ادي حقن اومال فين الممرضين.. 

احمد 

انا لو عايز الممرضه هي اللي تعمل كده كنت هقولها بس انا عايزك انتي اللي تنفذي ده.. 

ريم بقلق

طيب سؤال بس هو الطفل اللي جوه ده عنده كام سنه.. 

احمد بسخريه

هما الاطفال بيكون عندهم جفاف حاد وهما عندهم كام سنه يا دكتوره؟.. 

ريم 

عاادي ممكن يكون طفل عنده عشرين سنه وعنده جفاف عاطفي.. 

احمد بحده 

ادخلي جوه شوفي شغلك وبلاش تخلي صوتي يعلي هنا انا دكتور محترم.. 

ريم بسخريه 

محترم علي مين يا سكر افكرك باللي كنت ناوي تعمله فيا في اوضة البواب اخص.. 

_ وسابته ودخلت الاوضه واحمد ضرب كف بالتاني وقال لنفسه.. 

احمد 

والله هتشلني والله.. 

_ وبعد شويه كان احمد قاعد في مكتبه وفجأه سمع صوت دوشه ولسه كان هيطلع لقي ريم داخله عنده بتغيط وقالت.. 

ريم 

احمد في واحده حرمبوءه بره قالتلي يا فاشله... 

_دخلت في الوقت ده بنت حلوه اووي وقالت وهي متعصبه جدا.. 

ساره

احمد لو سمحت البنت دي لازم تمشي من هنا حالاً.. 

_ تفتكرو احمد هيعمل ايه؟.... 

ريم 

احمد في واحده حرمبوءه بره قالتلي يا فاشله... 

_دخلت في الوقت ده بنت حلوه اووي وقالت وهي متعصبه جدا.. 

ساره

احمد لو سمحت البنت دي لازم تمشي من هنا حالاً.. 

ريم بغيظ 

ايوه هي دي، ثواني هي ازاي تقولك تطردني عي ما تعرفش انا مين؟.. 

احمد بقلق

في ايه عملتي ايه، اهدي يا ساره لو سمحتي.. 

ساره بحده 

لا مش ههدي وازاي الاشكال دي تدخل المستسفي اصلاً.. 

ريم بغيظ 

يا بت اتلمي بقي انا والله لو جيتلك ما تعرفيش هعمل فيكي ايه.. 

ساره بعصبيه

شايف بتكلمني ازاي، ميين المجنونة دي؟.. 

احمد اتنهد وقال

لو سمحتي يا ساره اهدي وقوليلي هي عملت اي؟.. 

ريم بقلق

وليه يعني تقول انا مستعده احب علي راسها ونلم الليله.. 

احمد بغيط 

انتي تسكتي خالص قولي يا ساره عملت ايه؟... 

ساره بغضب

اسأل الهانم كانت بتغني ايه لطفل عنده خمس سنسن لحد ما باباه وما ومامته طلبو ينقلوه لمستسفي تانيه... 

بص احمد لريم وقال

ابهريني يا هانم وقولي كنتي بتغني ايه؟.. 

ريم بتوتر

عادي اغنية اطفال بريئه عارف انت الارنب اللي قال لامه تسمحيلي راح العب ماما.. 

ساره بغيظ 

كداابه دي كانت بتغنيله وتقول قراميط قراميط دي فاكره نفسها في مزرعة سمك دي ولا ايه؟.. 

ريم 

لا لا اللي بيغني مش قصده بالقراميط السمك هو يقصد... 

_ قبل ما تكمل كلامها قرب منها احمد وحط ايده علي بوقها وقال.. 

احمد بقلق

معلش يا ساره امسحيها فيا، دي قريبتي ولسه متدربه يعني.. 

ساره اتنهدت وقالت

هعديها يا احمد عشان خاطرك، بس ياريت تعرفها ان دي مستشفي محترمه وما يصحش اللي هي بتعمله ده.. 

_ قالت كلامها وطلعت واحمد بص لريم بحده وهي ضحكت بتوتر وقالت.. 

ريم 

اهدي والله هفهمك كل الحكايه ان انا عندي فوبيا من الحقن من وانا صغيره،والولد كان خايف ياخد الحقنه قولت اغنيله وافرفشه عشان ما يخفش.. 

احمد

نعم يا اختي ومدام. عندك فوبيا من الحقن دخلتي ليه طب ولا عايزه تقرفينا وخلاص... 

ريم ببكاء

عشان اخويا هو قالي ان. بابا الله يرحمه قالو ان ووصيته قبل ما يتكل علي الله اني ابقي دكتوره وهو مهندس، انا ذنبي ايه بقي.. 

احمد بغيظ

وطي صوتك هتلمي الناس علينا، وبعدين كنتي قوليلي وانا كنت هتصرف.. 

ريم مسحت دموعها وقالت

بص يا اسطا انا عايزه منك خدمه انت قولهم اني مش وش شغل انا فعلا فاشله ارتاحتو كده رجعوني لبيتي ومسلسلاتي بقي... 

احمد 

خلصت خلاص انتي النهارده هتفضلي في المستشفي لحد الساعه عشره.. 

ريم بغيظ 

ايه هو بقي الكلام ده انا معادي الساعه خمسه امشي.. 

احمد بحده 

وانا قولتلك ان لو غلطتي هتتجازي.. 

ريم اتنهدت وقالت

طيب هو سؤال معلش هو ايه الغلط اللي ممكن اني اعمله واطرد بسببه من هنا.. 

وقف احمد قصادها وقال

نجوم السما اقربلك، اتفضلي شوفي شغلك يلا.. 

ريم ببكاء

يا اخي روح حسبي الله ونعم الوكيل فيك بجد انت واخويا في يوم واحد بس... 

_ طلعت ريم عشان تكمل شغلها، واحمد بص لاثرها وابتسم وقال لنفسه... 

احمد 

اما نشوف اخرتها معاكي يا ريم.. 

_ وفي وقت البريك كانت ريم قاعده في الكافيتريا وهي تعبانه وباين عليها، وقعدت ساره قصادها وحطت قدامها قهوه وكيك وقالت.. 

ساره

سوري ما كنتش اقصد اقولك يا فاشله بس انتي مستفزه... 

ريم بغيظ 

قومي يا بت انتي من هنا عشان ما اشلفطش وشك.. 

ساره ابتسمت وقالت

والله ما كنت اعرف انك اخت ممدوح، علي العموم انا اسفه.. 

ريم 

وانتي تعرفي اخويا منين بقي؟.. 

ساره بتوتر

احمم هو يعني انا كنت مع احمد في الجامعه وانا اصلا اخته في الرضاعه واهلنا قرايب و... 

ريم 

يا حجه هو انا بسألك علي الملزق ده عشان تحكيلي تعرفيه منين، انا بقولك تعرفي اخويا منين؟.. 

ضحكت ساره وقالت

ههههههه بقي احمد ملزق والله حرام عليكي، علي العموم انا اعرف ممدوح معرفه سطحيه بما انه صاحب احمد وكده.. 

ريم 

ااه وعشان كده بقي ماشيه نافشه ريشك في المستشفي زي الديك الرومي.. 

ادايقت ساره وريم قالت

مش قصدي يعني بس انتي فعلا ماشيه كده رافعه مناخيرك وفرحانه برجليكي بالجيبه القصيره دي.. 

ساره بغيظ. 

انتي رخمه علي فكره انا غلطانه اني جيت اصالحك، وعلي فكره بابي ليه ربع المستشفي دي وانا يعتبر شريكه هنا.. 

ريم 

استني بس انا بهزر، والنبي واغلي حاجه عندك اطرديني من هنا... 

قرب منهم احمد وقال

انتي بتعملي ايه هنا يا دكتوره، اتفضلي علي شغلك.. 

ريم بفزع 

سلام قول من رب رحيم بيطلعو امتي دول، وبعدين انا في وقت البريك.. 

احمد بخبث

خلص بقاله خمس دقايق، اتفضلي علي شغلك.. 

ريم بغيظ

ربنا علي الظالم والمفتري يااارب... 

قالت كلامها ومشيت وساره قالت

معقول دي اخت ممدوح فرق السما من الارض بينهم.. 

احمد

بصراحه شاطره بس دماغها مش في الشغل.. 

ساره

خير ان شاء الله، المهم انا هروح بقي عايز حاجه.. 

احمد

شكرا يا ساره خلي بالك من نفسك.. 

_ وبالليل كان احمد قاعد في مكتبه وبيكلم ممدوح اللي كان بيضحك وقاله.. 

ممدوح

لا لا بجد عملت كده في ساره.. 

احمد

اسكت دي جننت المستشفي كلها بس صاحبك قادر يسيطر برضو.. 

ممدوح

طيب هي قدامها اد ايه وتخلص عشان اجي اخدها.. 

احمد

لا خليك انا اصلا مخلص شغل وقاعد مستنيها اصلا عشان اوصلها.. 

ممدوح 

والله مش عارف اقولك ايه، بس هاتها وانا هجهزلها العشا لحد ما تيجي.. 

احمد

لا لا هي طول اليوم بتاكل دي خلصت نص اكل الكافيتريا.. 

ممدوح ضحك وقال

ههههههه يبقي ما تعرفش اختي دي تاكل ما اليتيم يا جدع، المهم هاتها بقي كفايه كده والله صعبت عليا.. 

احمد ابتسم وقال

حاضر يا حنين نص ساعه واختك تكون عندك.. 

_ قفل احمد معاه وطلع سأل عنها الممرضه اللي قالتله.. 

الممرضه. 

الدكتوره دي اموره اووي بحد مع الاطفال، انت عارف زياد اللي ديما بيعيط ومش ساكت وعايز يمشي بقي النهارده بيقول مش عايز امشي من هنا عايز اقعد مع ريم، غير انها بصراحه ما قعدتش علي رجلها من الصبح.. 

احمد ابتسم وقال

طيب هي فين دلوقتي؟.. 

الممرضه 

في اوضة التدريب بتجيب حاجتها عشان تمشي، وسابت لحضرتك التقرير بتشخصيش الحالات اللي مسؤله عنها معايا.. 

احمد

طيب وديه مكتبي وانا بكره هشوفه.. 

_ وراح احمد اوضة التدريب وخبط علي الباب وبعدين دخل لاقها قالعه الكوتشي وحطاها قدامها علي الترابيزه وحاطه راسها عليه ونايمه.. 

كتم احمد ضحكته وقال

يا دكتوره ريم يا بنتي قووومي.. 

_فتحت عينيها بتعب واول ما شافته عيطت وقالت بغيظ... 

ريم 

اقسم بالله انا بنت ناس علي البهدله اللي انت بتعملها فيا دي.. 

احمد بهدوء

تعالي عشان هوصلك كلمت ممدوح وقولتله اني هوصلك.. 

_ لبست ريم الكوتشي واخدت حاجاتها ونزلت معاه من غير ما تقول حاجه واول ما ركبت العربيه معاه حطت راسها علي الشباك ونامت... 

احمد ابتسم وقال

معلش هو اول يوم بيكون متعب شويه وبكره هتتعودي.. 

ريم بضيق

ششششش ما اسمعش صوتك لو سمحت عشان ما اقومش ارنك علقه معتبره... 

احمد ضحك وقال

هعديها وهسكت رفقاً بحالتك كملي نوم... 

_ وبعد شويه وصل تحت بيتها وكانت هي فعلا نايمه وحاضنه الشنطه بتاعتها وبصلها احمد بهدوء وبعدين بعد عينيه عنها وقال.. 

احمد

يا حجه انتي قومي خلاص ما تحسسنيش بالذنب.. 

ريم قامت وقالت

لا انت بتحس اووي يعني، مش هقول غير انك تلاقيه في عيالك يا شيخ... 

احمد بخبث

طيب بحيث كده بقي اكملها جبروت بالمره وبكره الساعه ٩ الصبح تكوني في المستشفى مفهوم.. 

ريم بغيظ 

ولو ما جيتش هتعمل ايه يعني؟... 

قرب منها احمد شويه وقال

هقدم العقد اللي معايا للشئون القانونيه وانسي انك تشتغلي تاني في حياتك كلها.. 

ريم بغيظ 

طيب ماشي يا احمد يا انا يا انت.. 

احمد 

دكتور احمد لو سمحتي.. 

_ مسكت علبة المناديل اللي علي تبلوه العربيه وحدفتها عليه ونزلت وقفلت الباب جامد وطلعت فوق، وهو فضل يضحك وبعدين اخد عربيته ورجع البيت... 

_ واول ما طلعت فوق لقيت ممدوح اخوها مجهزلها العشا وقال وهو مبتسم.. 

ممدوح 

عارف انك جايه من الشغل تعبانه وعملتلك العشا وغسلت المواعين وروقت الشقه وبس انتي اتعشي وخدي شاور وادخلي نامي.. 

حضنته وفضلت تعيط وقالت

ممتاز الدمنهوري اتبهدل علي اخر الزمن.. 

كتم ممدوح ضحكته وقال

معلش يا حبيبتي هتتهودي هو اول يوم بيكون كده.. 

بعدت عنه ريم وقالت 

بقولك ايه ما تتكلمش زي الحيوان صاحبك، ده مرمطني في المستشفي خلاني ارقص علي الشناكل  النهارده.. 

ممدوح 

الراجل عايزك تشوفي شغلك يا حبيبتي المهم تعالي بس اقعدي اتعشي انا عملتلك كبده ومكرونه اهو وجوه في موز باللبن عشان تبقي مبسوطه.. 

ريم ببكاء

انا هبقي مبسوطه لما ما اشوفش وش الملزق صاحبك ده والنبي...

ممدوح

بلاش دلع بقي واقعدي يلا اتعشي، انا هدخل اجيب مايه من جوه وجاي.. 

_ ودخل ممدوح المطبخ ورجع لقاها نايمه علي الكنبه في الصاله وماسكه سندوتش في ايدها واكله نصه..ابتسم ودخل اوضتها جابلها غطا وفرده عليها وقلعها الكوتشي بتاعها وبصلها بدموع وقال.. 

ممدوح

انا مش خايف منهم قد ما انا خايف عليكي يا ريم، عايزك بس ما تبقيش محتجالي في حاجه وتبقي معتمده علي نفسك .. 

_ وسابها ودخل اوضته، وفي بيت احمد كان قاعد بيتعشي هو ومامته وقالها علي اللي عملو في ريم وهي فضلت تضحك وقالت.. 

الهام 

بس برضو بالراحه شويه عليها البنت عامله زي الطفله اصلا مش وش بهدله.. 

احمد

انتي بتقولي فيها، بس دلع ممدوح ليها هو اللي عمل فيها كده.. 

الهام

هو ليه غيرها ولا هي ليها غيره يا ابني، المهم مش ناوي بقي تفكر في كلامي... 

احمد 

انا عايز افهم بجد. اشمعني ريم دي اللي عجباكي اووي يا ماما؟.. 

الهام 

كده بنت محترمه وطيبه وبصراحه لايقه عليك ولايقه تبقي مرات ابني.. 

احمد بجديه 

انا مش هتجوز واحده زي ريم ليه لاني بحب الهدوء والنظام وبحب البنت اللي بتحب الشغل والنشتط مش بتنام علي روحها، وريم بالنسبالي اخت ممدوح يعني اختي انا كمان تمام.. 

الهام بضيق

يعني ما فيش فايده يا احمد معاك؟.. 

احمد

ايوه يا ماما وارتاحي انا لما هلاقي البنت المناسبه هاجي وهقولك عايز اتجوزها.. 

الهام بضيق

انا طالعه انام تصبح علي خير....

_ وبعد شويه طلع احمد هو كمان اوضته، وتاني يوم الصبح قدام المستشفي وقف ممدوح بعربيته ونزلت ريم وهو نزل معاها وقالها.. 

ممدوح

هو لادرجه دي احمد مخوفك يا بنتي اهدي.. 

_ردت عليه ريم وهي بتاكل في السندوتش اللي في ايدها وقالت... 

ريم 

ما انا مش عايزه اقعد للساعه عشره تاني منه لله ربما ينتقم منه... 

وصلت ساره في الوقت ونزلت من عربيتها وقالت

ممدوح انت هنا عامل ايه؟.. 

ريم بصت في الساعه وقالت

يا نهار اسود الساعه تسعه ونص، الملزق هينفخني.. 

ودخلت بسرعه وساره قالت

بجد انا اتصدمت لما عرفت انها اختك... 

ممدوح 

ليه يعني هي بس مجنونه شويه انها طيبه والله.. 

ساره 

انا مش قصدي حاجه والله، بس يعني هي عكسك خالص، المهم انت جاي لاحمد.. 

ممدوح

لا انا جاي اوصل ريم وماشي علي طول.. 

ساره بتوتر

ممدوح انا كنت بكلمك من كام يوم انت ليه ما كنتش بترد عليا؟.. 

ممدوح بضيق 

ما كنتش فاضي يا ساره هو في حاجه؟.. 

ساره بدموع

لا ما فيش وانا اسفه علي الازعاج.. 

_ قالت كلامها وسابته ودخلت المستشفي، وهو بصلها بحزن وركب عربيته ومشي..وفي اوضة التدريب دخلت ريم وكان طارق بس اللي موجود.. 

ريم 

ايه ده هو اللي ما يتسمي مخليك انت كمان تيجي بدري.. 

طارق

لا انا بس باجي هنا بدري عشان اراجع كام حاجه عملي.. 

ريم 

ربع نشاطك ده والله كان الحال بقي غير الحال.. 

طارق 

الله واكبر يا حجه في ايه، بس هو انتي تقربي لدكتور احمد حاسس انه مهتم بيكي شويه... 

ريم 

لا مش قربي هو بس صاحب اخويا، المهم تفطر معايا انا جايبه سندوتشات جبنه وبيض.. 

ابتسم طارق وقال

تمام انا اصلا طالع من غير فطار ماما كانت نايمه.. 

_ وقبل ما تحط لقمه في بوقها دخلت الممرضه وقالت.. 

الممرضه

يا دكتوره ريم اتفضلي لو سمحتي الدكتور احمد عايزك ضروري.. 

ريم بضيق

حتي اللقمه مش عارفين نطفحها يلا بينا يا بنتي اما نشوف اخرتها مع الباشا... 

طارق

طيب انا هفطر بقي مش هستني.. 

ريم 

كل انت كمان هي جات عليك... 

_ وطلعت معاها وراحت عند  احمد اللي كان بيتفرج في اللابتوب بتاعه علي تسجيل الكاميرات بتاعت اوضة التدريبات وهو مدايق جدا..ودخلت ريم وقالت.. 

ريم 

نعم؟... 

احمد بجمود

متأخره ليه؟.. 

ريم 

علي فكره انا اهو جايه بدري ده لسه ما حدش جه من المتدربين غير طارق.. 

احمد وقف وقال

بس انا قولت تكوني هنا تسعه يبقي تيجي هنا الساعه تسعه وتيجي هنا عندي انا مش في اوضة التدريبات يا دكتوره.. 

ريم بحده 

انت بتزعقلي ليه واجي عندك اعمل ايه ان شاء الله، وبعدين ياريت تعاملني باسلوب كويس.. 

احمد

زي طارق مش كده؟.. 

ريم بحده 

ومالي انا بطارق وو.... ايه ده انت مالك ومال طارق وايه دخل طارق في الموضوع.. 

اتوتر احمد وقال

انا قصدي يعني ان اا انك هنا الناس عارفه انك من طرفي وتبعي وانا مش عايز يبقي ليكي احتكاك بحد تمام.. 

قربت منه ريم وقالت

هو عقد العمل مكتوب فيه اني ما اتعاملش مع طارق؟.. 

احمد بتوتر

اا لا بس انا ممكن اقول للمدوح علي فكره.. 

ريم بغيظ 

شوفت كتير وقليل في حياتي بس اول مره اشوف راجل بيغير علي راجل، انت بتغير علي طارق مني؟.. 

احمد اتصدم وقال

انتي بتقولي ايه يخربيتك، هو مين الغبي اللي ربط الحمار وسابك اصلا.. 

ريم بحده 

اقولك مين وما تزعلش، وبعدين انا قولت للمدوح اني اتعرفت علي زميل ليا اسمه طارق وعلي الدكتوره ساره انا مش بخبي حاجه علي اخويا، واقطم في الكلام معايا عشان انا مش طيقاك اصلا.. 

احمد 

اقطم بقي انا يتقالي كده طيب والله لانتي اا.. 

ريم حطت ايدها علي بوقه وقالت

انا غلطانه انا اسفه، بس بلاش عقاب والنبي انا زي اختك برضو، يلا بقي صباح الفل انا رايحه اوضة التدريب.. 

_ قالت كلامها وطلعت واحمد وقف متنح، وبعدين قعد علي مكتبه وقال بتوتر لنفسه.. 

احمد

في ايه يلا ما تظبط كده في ايه، دي اخت اخت ممدوح اهدي كده اهدي.. 

دخلت عنده رباب وقالت

انت بتكلم نفسك يا دكتور.. 

احمد 

هاا لا في ايه يا رباب عايزه ايه؟.. 

رباب

الدكتوره ساره بتعتذر عن التدريب النهارده وبتقولك ممكن تكون انت النهارده مكانها.. 

احمد 

طيب روحي بلغي المتدربين بكده وانا عشر دقتيق وهكون عندهم... 

_ وفعلا بعد شويه دخل احمد اوضة التدريب وكان بيشرح للطلاب وبيختبرهم وعينه مل شويه بتكون علي ريم من غير ما يقصد... 

_ وفي شغل ممدوح موبيله رن برقم غريب، رد بهدوء وقال.. 

ممدوح

ايوه مين معايا؟.. 

سعديه 

انا سعديه الشغاله يا ابني، ممدوح ابن رشاد ويسريه معايا... 

ممدوح بقلق

ااا ايوه انا في حاجه ولا ايه؟.. 

سعديه بدموع 

سيب المكان اللي انت فين في اقرب وقت يا ولدي انت واختك فتحي وكمال عرفو مكانك.. 

_ اتنفض ممدوح بخوف و؟؟؟.. 

_ تفتكرو بقي ايه اللي هيحصل؟.. 

وفي شغل ممدوح موبيله رن برقم غريب، رد بهدوء وقال.. 

ممدوح

ايوه مين معايا؟.. 

سعديه 

انا سعديه الشغاله يا ابني، ممدوح ابن رشاد ويسريه معايا؟... 

ممدوح بقلق

ااا ايوه انا في حاجه ولا ايه؟.. 

سعديه بدموع 

سيب المكان اللي انت فيه في اقرب وقت يا ولدي انت واختك فتحي وكمال عرفو مكانك.. 

 اتنفض ممدوح بخوف وقال

انتي بتقولي ايه غرفو ازاي مكاني ومين اللي قالهم اصلا؟.. 

سعديه بدموع

مش عارفه يا ابني بس اتصرف واختفي انت واختك من مكان ما انتو موجودين.. 

اتملت عيون ممدوح دموع وقال

تمام شكراً يا خاله سعديه وياريت لو حاجه حصلت تاني قوليلي، بس هو انتي جيبتي رقمي منين؟.. 

سعديه بتوتر 

هاا لا ابداً يا ولدي بسأل واللي يسأل ما بتزهس وما تنساش وصية ابوك اختك يا ممدوح... 

_ قالت كلامها وقفلت وممدوح قعد مكانه ودموعه نزلت، ودخلت في الوقت ده المديره بتاعته وقالت.. 

كامليا

ممدوح. هات ورق المشروع وتعالي.. 

ممدوح بدموع

مش هينفع ورق المشروع هنا في المكتب، شوفي حد غيره يمسكه. 

كامليا بقلق

مالك يا ممدوح في ايه انت في حاجه حصلت معاك ولا ايه؟.. 

ممدوح بحزن

خلصت يا كامليا يا الحق امشي يا مش هحلق.. 

كامليا بقلق

عرفو مكانك مش كده؟.. 

ممدوح قام وقف وقال

انا لازم امشي اعتبريني مستقيل خلاص اصلا.. 

_ قال كلامه وسابها ومشي وهي فضلت تعيط، وفي الوقت ده كان واقف احمد جنب ريم وبيقولها.. 

احمد

يعني ايه خايفه بقولك يلا عشان تغيريله علي الجرح يلاااا.. 

ريم بتوتر

بص انا هفهمك انا نجحت بمجهودي النظري انما عملي بص علي حالتي كده صفر وتحت الصفر.. 

احمد

انا معاكي وهساعدك بس تسمعي الكلام يلاا.. 

ريم 

لا لا مش عايزه معلش.. 

احمد بغيظ

هو انا بعزم علي بكوباية شاي يا بت انتي، ما تخليش صوتي يعلي عليكي يلاا.. 

ريم ببكاء

انت بتزعقلي ليه انا ما بحبش حد يزعقلي.. 

قبل ما يرد عليها قرب منهم طارق وقال

بعد اذنك يا دكتور انا ممكن اساعدها يعني لان اختي كانت زيها كده وبعرف اتعامل مع خوفها.. 

ريم بحماس

ايوه ايوه انا هبقي مع طارق انت شوف باقي الدكاتره... 

اتنهد احمد بضيق وقال

تمام وعايز التقرير يا دكتوره.. 

_ ومشي احمد وفضل يتابع باقي الدكاتره، بس عينه غصب عنه بتكون عليها هي وخصوصا انها واقفه جنب طارق وبتتعامل معاه بهدوء، وادايق اكتر لما طارق مسك ايدها وهو بيشرحلها ازاي تتصرف، ومشي وراح مكتبه وكان متعصب جدا وقال لنفسه.. 

احمد 

وانا مالي انا شالله يولعو هما الاتنين.. 

دخلت رباب وقالت

يا دكتور انت بجد. فيك حاجه غريبه النهارده علي طول بتكلم في نفسك هو انت شارب حاجه؟.. 

احمد بعصبيه 

اطلعي بره ده لو عايزه ما يتخصملكيش يا رباب.. 

رباب بخوف

لا لا خلاص والله المهم البشمهندس ممدوح بره ادخله لحضرتك ولا ايه؟.. 

احمد بغيظ

يا بنت الناس هو انا مش قولتلك لما ممدوح يجي تخليه يدخل علي طول.. 

رباب بحده 

نسيت هو انا مخي دفتر وبعدين اللي يشتغل معاك ينسي نفسه يا مفتري.. 

احمد بغيظ 

لولا ان امك عيانه ومش هتتحمل تسمع انك اترفدتي كان زمانك في الشارع و.. 

رباب

من غير ما تكمل انا طالعه بكرامتي يا دكتور... 

_ طلعت رباب ودخل ممدوح وقال لاحمد بخوف باين عليه جداً.. 

ممدوح

عرفو مكاني يا احمد.. 

احمد اتصدم وقال

انت بتقول ايه، ازاي يعني عرفو مكانك ومين اللي قالهم وعرفو مكانك بعد عشرين سنه.. 

ممدوح بدموع

تارهم ولو عدت ١٠٠ سنه مش هينسوه يا احمد.. 

احمد بقلق

طيب اهدي وانت هتعمل ايه دلوقتي.. 

ممدوح بجمود

فكرت وقولت لازم اخد ريم ونسافر بره مصر، بس انا مش معايا باسبور ولا ريم كمان.. 

احمد

ما تشيلش هم حاجه انا يومين تلاته وهخلصلك كل الورق ده.. 

ممدوح بخوف

ما اضمنش اليومين دول هيحصل ايه، وبعدين انا حاسس انها خلاص يا احمد جه وقت نهاية التار ده.. 

زعق فيه احمد وقال

انت اتجننت ما تقولش كده، فكر يا ابني في اختك دي بتغرق في شبر مايه ومن غيرك هتضيع.. 

ممدوح بتوتر

مم ما هو عشان كده انت هتتجوزها يا احمد.... 

احمد بصدمه 

نعممم يا اخويا..؟؟؟... 

ـــــــ #بقلم_الكاتبه_رحاب_القاضي ـــــــ 

_ وفي الكافيتريا كانت ريم قاعده مع طارق اللي قالها.. 

طارق

شوفتي الموضوع ساهل بس بيني وبينك دكتور احمد مش الدكتور اللي هو يعني.. 

ريم 

ازاي يعني مش فاهمه؟.. 

طارق

يعني مش شاطر هو شاطر يطبق بنفسه انما يدربنا وكده بيعمل منظر وخلاص انما مش شاطر فيها، ومغرور جدا.. 

ريم بهدوء

اممم ربنا يهديه بس بجد. مش هنسالك وقفتك معايا.. 

طارق

عيب تقولي كده يا بنتي احنا زمايل وشكلنا كده هنكمل الزماله دي لوقت كبير ويوم ليك ويوم عليك.. 

ريم 

اممم شكلك مصلحنجي وهتقرفني بقي.. 

طارق ضحك وقال

ههههه هو انا كده فعلا بحب مصلحتي فوق اي حاجه بس انتي لا كفايه ان انا وانتي مالناش غير بعض هنا.. 

ريم 

انت بتقول فيها حصل، انا البنات اللي هنا كلهم بحسهم مش طايقني.. 

طارق

ده  عشان اهتمام دكتور احمد بيكي وهما بقي بينفسنو وكده.. 

ريم بسخريه

ما صدق اللي قال اللي ما يعرفش يقول عدس، وقولي بقي انت بتنفسن مني انا كمان زي ما هو بينفسن مني عشانك.. 

طارق بعدم فهم

نعممم؟!!.. 

ريم بانتباه 

لا لا لا ما تاخدش في بالك البريك خلص تعالي بقي نكمل شغلنا.. 

_ كانو قايمين وعدت ساره من قدامهم وطارق بصلها بأهتمام وريم قالت.. 

ريم

اااااه الدكتوره ساره مره واحده.. 

طارق بتوتر

ايه اللي انتي بتقوليه ده لو سمحتي يا ريم انا ما بحبش الطريقه دي.. 

ريم ضحكت وقالت

هههههههه خلاص خلاص والله ما اقصدش، بس انت كده هتكسر قلب احمد.. 

طارق بعدم فهم

نعمم ماله دكتور احمد هو معجب بيها ولا ايه..؟.. 

ريم بسخريه

لا وحياتك معجب بيك انت.. 

طارق

يا رخمه بطلي هزار يلا بدل ما اقعد انا النهارده للساعه عشره.. 

_في مكتب احمد كان ممدوح متعصب جدا وقاله.. 

ممدوح 

هو ده الصح يا احمد انا ما اغرفش هما هيعملو ايه ولو حصلي حاجه كمال مش هيسيب ريم انا متأكد من كده وهو واخوه شياطين.. 

احمد

يعم من غير جواز انا هقف في وش اللي يقربلك او يقربلها وما فيش حاجه هتحصل يا ممدوح.. 

ممدوح 

ما اضمنش هما اليومين اللي هخلص فيهم الورق وامشي هتكون مراتك ولما نسافر اول ما نوصل البلد اللي هنغور فيها طلقها.. 

احمد اتنهد وقال

طيب انت هتقولها حاجه ولا هتعمل ايه؟.. 

ممدوح

لا طبعا مش هقدر اقولها، هقولها مسافر شغل وواخدها معايا وهناك بقي اقولها كل حاجه ما اقدرش اشوفها خايفه بجد.. 

احمد بجمود

تمام يا ممدوح وانا معاك ومش هسيبك لحظه وما حدش هيقدر يعملك حاجه انت اخويا مش صاحبي.. 

ممدوح بدموع

عارف يا احمد وعشان كده هامنك دلوقتي علي اغلي حاجه في حياتي ان ما كانتش حياتي كلها.. 

_ وطلعو هما الاتنين مع بعض وشاف ممدوح ساره داخله المكتب بتاعها فقال لاحمد.. 

ممدوح

استني يا احمد هشوف ساره وجايلك.. 

احمد 

اوكي مستنيك.. 

_ مشي ممدوح وقربت ريم من احمد وقالت بسرعه.. 

ريم 

هو الواد ممدوح جاي هنا يعمل ايه، المهم انا لازم الحقه قبل ما يمشي عشان اقوله يجيب عيش... 

جات تمشي بس احمد مسكها من قفاها وقال

خدي هنا ايه قطر معدي، اخوكي مش فاضي بيكلم ساره في حاجه مهمه لما يطلع انا هقوله يجيب عيش روحي شوفي شغلك.. 

ريم ضيقت عينيها بشكل مضحك وقالت

هو ممدوح بيكراش علي البت ساره والله انا كنت حاسه، وساره بتكراش عليك انت وانت بتكراش علي طارق وطارق بيكراش علي ساره حقيقي غريب الحب مين فاهمه.. 

بصلها احمد بغيظ وقال

غوري شوفي شغلك والجزمه اللي في دماغك دي ما تشغليهاش تاني مفهوم.. 

ريم بدموع

هو انت كل ما تشوف وش اهلي تزعقلي، يا اخي روح منك لله اللهي لا تكسب ولا تربح يا بعيد اوعي كده من وشي.. 

مشيت ريم واحمد قال 

قال انا بكراش علي طارق قال ابو غباء اهلك... 

_ وفي المكتب بتاع ساره دخل ممدوح عندها وهي بصتله وقالت بضيق.. 

ساره 

نعم ازعجت حضرتك في ايه تاني جاي تلفت نظري عشانه؟... 

ممدوح بدموع

انا اسف انا عارف انك بتحبيني ومن زمان كمان.. 

اتوترت ساره وقالت 

انت ايه اللي بتقوله ده ااا انت يعني فاهم غلط وو. 

ممدوح وقف قصادها ومسك ايدها وقال

وانا والله العظيم بحبك وعمري ما حبيت ولا هحب غيرك، وكنت اتمني فعلا تكوني ليا.. 

ساره بدموع 

تتمني ليه بتقول كده؟.. 

دموعه نزلت ورد عليها وقال

عشان مش ضامن حياتي كنت كل ما اقرب منك خطوه واقول هقولها خلاص كل حاجه كنت برجع الف خطوه لورا عشان خايف اعلقك بيا وما اقدرش اكمل معاكي كنت خايف عليكي من حبي ده عشان هيوجعك.. 

بعدت عنه ساره وقالت

انا مش فاهمه انت ليه بتقول كده وايه اللي كان هيبعدك عني اصلا؟.. 

ممدوح بحزن 

انا همشي واحتمال كبير انا وانتي ما نتقابلش تاني بس قولتلك اللي جوايا عشان تعرفي انك زي ما حبتيني انا كنت بحبك اكتر.. 

دموعها نزلت علي وشها وقالت

مدام هتمشي يبقي ما كانش ليه لازمه اصلا تقول كده، اطلع بره يا ممدوح انا اللي مش عايزه اشوف وشك تاني.. 

_ بصلها ممدوح وابتسم وطلع وهو بيمسح دموعه ولقي احمد في وشه وقاله.. 

ممدوح 

يلا بينا بسرعه عشان نخلص من الموضوع ده.. 

احمد اتنهد وقال

طيب اختك بتقولك ابقي هات عيش وانت راجع.. 

ضحك ممدوح وقال

حاضر يلا بينا... 

_ ومشيو هما الاتنين، وطلعت ريم من ورا الحيطه وقالت بخبث.. 

ريم 

بقي انا يا ممدوح الكلب تخبي عني انك معجب بالبت الحرمبوءه دي بس انا هوريك.. 

_ قالت كلامها ودخلت عند ساره اللي كانت قاعده بتعيط وقالت.. 

ريم 

ايتا ايتا هو الواد ده كان بيضربك ولا ايه.. 

قامت ساره وحضنتها وقالت

قوليلي انه مش هيمشي، ممدوح مش هيمشي صح.. 

ريم بانزعاج 

اوعي طيب انا ما بحبش الاحضان من البنات انا، ومين بقي قالك انه ماشي.. 

ساره ببكاء

هو جه وقالي انه بيحبني بس قالي انه قال كده عشان احتمال ما اشفوش تاني وااا.. 

ريم بخوف

ممدوح قالك كده انتي متأكده؟.. 

ساره بقلق

ايوه والله هو الكلام ده بجد طيب هو رايح فين؟.. 

ريم طلعت موبيلها وقالت بدموع وخوف

ممدوح اكيد في حاجه هو مدام قالك كده يبقي اكيد عرفو مكانا.. 

ساره بعدم. فهم 

يا بنتي انتي بتقولي ايه، وايه الموضوع؟.. 

_ ما ردتش عليها ريم ونزلت بسرعه تحت وهي بتحاول تكلم ممدوح اللي مش بيرد عليها وفجأه خبطت في حد وقالت بدموع.. 

ريم 

انا اسفه ما اقصدش.. 

كمال بجمود 

ولا يهمك يا بت عمي... 

_اتنفضت ريم بخوف وبصتله ودموعها نزلت برعب  ، وقالت بصوت طلع منها بالعافيه... 

ريم 

كمال.. 

ابتسم بحقد وقالها

كويس ولسه فاكراني يا ريم ده افتكرتك نسيتي اخر مره شوفتك فيها كان عمرك ٦ سنين بس.. 

ريم بدأت تتنفض وقالت

انتو عايزين ايه سيبونا في حالنا بقي... 

_ كمال قرب منها جداً وطلع سلاحه من غير ما حد ياخد باله وقال بجمود وغضب.. 

كمال

لو ما طلعتيش العربيه معاية دلوقتي هقت*لك يا بت عمي... 

ريم ببكاء

ممدوح فين انتو عملتوله حاجه؟.. 

كمال بجمود 

لا يا حلوه لسه ما عملتش بس هعمل، يلا قدامي.. 

_ قال كلامه وخلاها طلعت بالعربيه غصب عنها وخلا السواق ياخدها ويمشي، وفي الوقت ده كان طارق طالع من المستشفي وشاف اللي حصل واخد عربيته ومشي وراهم... 

_ وبعد شويه رجع احمد ومعاه ممدوح المستشفي وقال ممدوح لاحمد.. 

ممدوح 

مش عارف اقولك ايه يا احمد، بس هو مجرد ورقه عشان لو في اليومين اللي هخلص فيهم الورق لو حصلت حاجه تقدر تمنعهم ياخدوها لاني ما اضمنش ممكن يعملو فيها ايه.. 

احمد

ما حدش هيعملك ولا هيعملها حاجه، هو انت فاكر ان ما فيش قانون ولا ايه؟.. 

ممدوح بسخريه

مش في الصعيد القانون ده، دول ناس ممكن يعملو اي حاحه مقابل انهم ياخدو بتارهم.. 

احمد بضيق

انت زنبك ايه اخ ق*تل اخوه زمان انت واختك زنبكم ايه في اللي حصل ده؟.. 

ممدوح بحزن 

نصيبي المهم يلا ننزل انا هاخد ريم معايا مالهاش نصيب تكمل عندك بقي.. 

احمد بسخريه 

دي بجد. احلي حاجه في الموضوع.. 

_ نزلو هما الاتنين وفي الوقت ده موبيل احمد رن برقم طارق، رد عليه احمد وقال.. 

احمد

ايوه طارق انا طالع المستشفي دلوقتي في حاجه ولا ايه؟.. 

طارق بقلق

في حد خط*ف ريم يا دكتور احمد وانا ماشي وراه اهو.. 

_ قبل ما يرد عليه احمد، لقي في عربيه سودا وقفت قصادهم واتفتح الشباك بسرعه وبص كمال لممدوح بحقد وطلع سلاحه هو واللي راكب في العربيه من قدام وفي اسرع من اللحظه ضربو نار علي ممدوح واحمد وحصل؟؟... 

_ تفتكرو بقي حصل ايه؟... 

_ نتقابل الحلقه الجايه.. 

_ في المستشفي كان احمد قاعد قدام باب اوضة العمليات وعيونه مليانه دموع، بس نظراته جامده جدا، وقربت منه ساره وقالت بخوف.. 

ساره 

هو هيكون كويس مش كده؟.. 

احمد بجمود

روحي شوفي الشغل وما توقفيش حاجه يا ساره لو سمحتي عشان باباكي جاي كمان شويه.. 

ساره بدموع

مش همشي غير لما اطمن عليه، هو عشان كده كان خايف يقرب مني ليه انت ما قولتليش يا احمد طيب؟.. 

احمد اتنهد وقال

انا مش قادر اتكلم وابوكي هيجي يعمل مشكله معايا دلوقتي بسبب اللي حصل قدام المستشغي فارجوكي روحي ظبطي الدنيا تكون العمليه خلصت.. 

ساره 

حاضر بس انت دراعك متعور وبينزف، تعالي الاول اشوفه.. 

احمد بجمود

جرح سطحي ولما اطمن علي ممدوح هبقي اشوفه.. 

ساره وقفت وقالت

ماشي يا احمد، ان شاء الله هيقوم بالسلامه.. 

_ مشيت ساره واحمد كان قاعد مستنيه اي حد يخرج يطمنه علي صاحبه، اللي اتض*رب بالنار قدامه وما قدرش يدافع عنه ولا يحميه، وجات في الوقت ده كامليا مديرة ممدوح في الشغل وقالت.. 

كامليا بخوف 

حصله ايه وازاي ما هربش بسرعه ايه اللي خلاه يفضل الوقت ده كله.. 

احمد بجمود

لما يطلع الدكتور ويطمنا عليه ابقي قوليلو كلامك ده انتي كمان.. 

_ماردتش عليه كامليا وقدرت حالته، وقربت منه وقعدت جنبيه وقالت.. 

كامليا بقلق

هي اصابته صعبه اووي؟.. 

احمد بدموع

طلقتين في صدره ده لولا الامن كانو ناوين يخلصو خالص.. 

كامليا دموعها نزلت وقالت

الناس دي ايه ما عندهاش رحمه، طيب ريم فين حصلها حاجه ولا ايه هي كمان.. 

حط احمد راسه بين ايديه وقال

خدها ابن عمها عنده وتقريبا ما تعرفش حاجه.. 

كامليا بصدمه 

يا نهار اسود البنت لازم ترجع من عندهم في اسرع وقت .. 

احمد بجمود

مش هعمل اي حاجه غير لما اطمن علي ممدوح الاول... 

_ وبعد شويه طلع الدكتور وكان شكله مدايق جدا، وقرب منه احمد وكامليا بسرعه وقال احمد... 

احمد

خير يا دكتور ان شاء الله، هو كويس مش كده؟.. 

الدكتور

للاسف يا دكتور احمد الرصاصتين جايين في منطقه صعبه ناحية القلب وحالته ما تبشرش بالخير احنا عملنا اللي علينا والباقي بتاع ربنا.. 

احمد بحزن

طيب انا هشوفه وهفضل جنبيه مش همشي تمام... 

الدكتور

تمام بس ياريت حضرتك بس وعشان انت دكتور انت اكيد فاهم الدواعي الطبيه.. 

احمد 

اكيد.. كامليا انتي هنا ليه امشي.. 

كامليا بحده 

مالكش دعوه انا لازم اشوفه ومش هتحرك من هنا غير لما اطمن عليه،وانت اللي هتساعدني... 

احمد بضيق

انت هتتأمري كمان هو ده وقته.. 

كامليا بجديه

ادخل ظبط الدنيا وكل حاجه، وقدامك عشر دقايق وادخل اشوفه وبلاش تعند. معايا.. 

احمد بغيظ

لولا الوضع اللي احنا فيه كنت هعرف اتصرف معاكي.. 

كامليا 

عدي دقيقه يا دكتور احمد عزام، ياريت تنجز.. 

_ سابها احمد ودخل اوضة التعقيم عشان يشوف ممدوح، واول ما دخل لقاه نايم علي السرير الطبي والاجهزه الطبيه متوصله بقلبه، قعد احمد جنبيه علي الكرسي وقال بدموع... 

احمد

اوعي تروح بسرعه كده يا صاحبي انت قدها وهتقوم لو مش عشاني عشان اختك... 

دخلت الممرضه وقالت

هو لسه ما فاقش بس حالته خطر جدا واول ما جه كان بيقول اسم بنت  ، وبيقول قولو لاحمد ريم امانه معاك... 

احمد مسح دموعه وقال

محدش هيحمي ريم غيرك انت، والله هجيبلك حقك. منهم بس وانت معايا... 

الممرضه بقلق

لو سمحت يا دكتور احمد ابعد القلب بدأ يقف.. 

اتنفض احمد بخوف وقال

روحي اندهي الدكتور بسرعه انتي لسه واقفه.. 

_ طلعت الممرضه واحمد حاول ينقذ ممدوح بطريقه عمليه بس في لحظه واحده الجهاز وقف، نزلت دموع احمد ودخلت كامليا وقالت بصدمه.. 

كامليا بدموع

ايه اللي حصل ده، مستحيل ممدوح ما*ت؟.. 

ـــــــ #بقلم_الكاتبه_رحاب_القاضي ـــــــ 

_ في فيلا راقيه جدا كانت ريم قاعده هناك في اوضه مقفوله عليها وقلقانه جدا وقالت بصوت عالي.. 

ريم

لا مش ريم محمود اللي تتحبس كده يا غجر، افتحو ام الباب ده وانا هعرف اوريكم.. 

اتفتح الباب ودخل كمال وقال

عامله ليه دوشه يا بت عمي، وبعدين مين محمود ده اللي بتقولي اسمه ابوكي اسمه رشاد العدوي.. 

ريم بسخريه

اتبرينا منكم خلاص سيبونا في حالنا بقي.. 

كمال بصلها من فوق لتحت وقال

طالعه شبه يسيريه امك بالظبط، لا وكمان احلي معقول كل ده هيكون ليا انا.. 

ريم بجمود

بقولك ايه يا عسل اوعي تفتكر اني هخاف منك، اقسم بالله هتقرب مني او من اخويا هشرب من د*مك.. 

ضحك كمال وقال

ههههههه لا قويه يا بنت عمي، بس انا هقرب وقووووي كمان بس مش دلوقتي في البلد وانا بقول قدام الناس كلها انا رجعت بت عمي واخدت تار ابويا من اخوكي.. 

ريم بدموع

بص ما تبقاش حمار وافهم انا وممدوح بعدنا عنكم وسيبنا الدنيا كلها، ارجع بلدك دي وقولهم انهم قتل*ته بعد الشر عن اخويا يعني ونخلص الليله دي.. 

كمال بخبث

لو الموضوع ساهل كده كنت عملته من زمان، بس لازم الدليل والدليل ده انتي يوم ما ترجعي معايا وانا واخد بتاري واتجوزك قدام البلد كلها لسببين ابان شهم وسترت بنت عمي والسبب التاني ورث ابوكي اللي هيبقي بتاعي.. 

ريم قعدت علي السرير وقالت

الطموح حلو برضو يا ابن عمي، وادينا قعدين وربنا يدينا ويديك طولة العمر.. 

كمال بصلها باعجاب وقال

هنشوف يا دكتوره ريم.. 

_ قال كلامه وطلع وقفل الباب وريم قامت بسرعه وفضلت تخبط علي الباب وقالت.. 

ريم 

يا واد انت استني انت ياللي تنشك في بطنك انا جعااانه وعطشااانه يا بخيل هاتلي اي حاجه اكلها.. 

ـــــــ #بقلم_الكاتبه_رحاب_القاضي ـــــــ 

_ وفي المستشفي كان الكل بيعزي احمد في مو*ت ممدوح، وسابهم احمد ووقف عند الشباك وبص لموبيله اللي بيرن برقم مامته وما ردش عليها، وقربت منه كامليا وقالت بحزن.. 

كامليا

انا لازم امشي يا احمد وزي ما اتفقنا ريم لازم ترجع.. 

احمد بجمود

الموضوع مش ممدوح دلوقتي، الموضوع يخص مراتي وانا قد الامانه اللي سبهالي صاحبي.. 

كامليا

عارفه قولي هي مين البنت اللي اغمي عليها من شويه دي؟.. 

ما ردش علي سؤالها وقال

قبل ما تمشي روحي لامي وقوليلها اللي هقولك عليه ده... 

كامليا

طيب عالج ايدك الاول انت بتنذف.... 

احمد بجمود

مش وقته اسمعي بس اللي هقولك عليه؟؟... 

_ تفتكرو قالها ايه احمد؟.. وقدام الفيلا اللي قاعد فيها كمال كان طارق واقف بعربيته وكلم احمد وقال.. 

طارق

ايوه يا دكتور احمد انا بقالي ست سعات واقف مستني حضرتك.. 

احمد بجمود

هي خرجت ولا لسه جوه؟.. 

طارق 

لا جوه ما حدش طلع جه من شويه الراجل اللي كان بيهددها.. 

احمد

طيب انا جاي اهو علي طول قربت اوصل.. 

_ قفل احمد معاه وبعد شويه وصلت عربيات الشرطه ومعاهم احمد... 

طارق بقلق

هو انت جايب الشرطه ليه؟.. 

احمد

تعالي بس وهتعرف ليه.. 

_ دخلو بيت كمال اللي نزل وهو متعصب جدا وقال بعصبيه... 

كمال

ايه اللي انتو بتعملوه ده، ازاي تدخلو بيت سيادة النائب فتحي العدوي كده.. 

الظابط

احنا جايين عشانك انت، في بلاغ متقدم فيك انك خاطف مرات الدكتور احمد عزام... 

كمال بصدمه

نعمم انا ما اعرفش انتو بتتكلمو عن مين؟.. 

طارق

انا شوفته يا افندم وهو ورجالته جايبينها هنا.. 

كمال بحده 

انت بقي احمد عزام واتجوزتها امتي؟... 

قبل ما يرد طارق احمد قال

ما يخصكش وياريت تخليها تطلع والا ااا.. 

الظابط 

لو سمحت يا دكتور احمد سيبنا نشوف شغلنا، وانت يا استاذ كمال هتخليها تيجي ولا القوه هتفتش البيت ولو كانت موجوده هنا فعلا مش هيحصل كويس.. 

كمال بقلق

هي جات معايا برضاها، وبعدين هي بت عمي وبينا سوء تفاهم مش اكتر... 

احمد 

فين مراتي؟... 

كمال بحقد

انا هطلع اجيبهالك من فوق واجي... 

احمد بخبث

بما اننا اهل في بعض اسمحلي بقي اجي اجيب مراتي معاك.... 

_ طلع كمال فوق ومعاه احمد ووقف كمال قدام الاوضه وبص لاحمد وقال.. 

كمال

انت مش قد انك تخش معانا في لعبه زي دي، طلقها وخليك بعيد احسن.. 

احمد بنبره كلها غضب 

انت خدت تار ابوك من واحد مالوش اي ذنب وهتحرق قلب اخته عليه، بس اللي ما تعرفوش ان ممدوح كان اخو احمد عزام وتاره معايا انا... 

كمال بغيظ 

انت بتهددني تطلع مين انت عشان تقف قصادي؟.. 

احمد بهدوء

هرد عليك واقولك انا مين بس بالفعل مش بالكلام... 

_ خلص كلامه واخد المفتاح من ايده وفتح باب الاوضه واول ما شافته ريم ابتسمت وقالت.. 

ريم 

ايه الحلاوه دي، ما انت طلعت جامد اهو وجيت تنقذني زي الرويات.. 

احمد بجمود

تعالي يا ريم يلا هنمشي.. 

ريم بحده 

لا ههبط منك عايزه اكل الاول البخيل اللي جنبك ده من الصبح ما اخلنيش اكل ولا اشرب، وخليه يجيبلي الموبيل بتاعي خده مني ابن الحراميه ده انا حتي لسه ما دفعتش اخر قيط في تمنه... 

قرب منها احمد وقال

تعالي وهعملك كل اللي انتي عايزااه.. 

ريم بحده 

بقولك ايه انت تبطل تمسك ايدي وتقرب مني كده، اصل انا وقاعده مع نفسي دلوقتي لقيت انه غلط وعيب.. 

كمال بشك 

غلط وعيب؟؟... 

احمد بغيظ 

قووومي يا ريم اخلصي يلااا.. 

كمال

استني هنا، هو انت متجوزها من ميته؟... 

ريم بسخريه

الواد ده عبيط اتجوز مين ده سالب، ده بيحب طارق.. 

بصلها احمد بعصبيه وقال

اخرسي خالص يا ريم.. 

كمال وقف قصاده وقال

بنت عمي مش هتطلع من هنا غير لما اشوف القسيمه الاول واتأكد انها مراتك.. 

ريم بحده 

وانت مال امك انت، انا متجوزااه عرفي انت مالك اوعي كده.. 

كمال بحده 

اتحشمي يا بت انتي.. 

ريم بسخريه

اتحشم انت الاول يا قليل الادب، اوعي كده يا احمد يا جوزي خدني معاك ما تسيبنيش هنا... 

احمد. بصلها بقرف وقال لكمال

لو هي مش مراتي الشرطه كانت هتيجي معايا علي اساس ايه، وعموماً القسيمه مع الظابط تحت.. 

ريم بصدمه

احييييه ده بجد؟... 

احمد مسك ايدها وقال بحده

دلوقتي من حقي امسك ايدك بقي، يلا بينا... 

_ خدها احمد ونزلو تحت وكمال نزل وراهم وقال بخبث.. 

كمال

هتنوري البلد قريب يا بت عمي وما تنسيش كلامي معاكي، ونسيت اقولك البقاء لله كان طيب قوي ممدوح.... 

احمد بحده 

ما تقلقش هتحصله قريب... 

الظابط 

كده مراتك معاك يا دكتور احمد، لو عايزه تقول انه كان خاطفها ويتفبض عليه اا.. 

احمد بسرعه قال

لا لا لا مالوش لزوم احنا اهل في بعضينا انا بس كنت مقلق الاول.. 

الظابط 

تمام والف حمد لله علي السلامه المدام.. 

_ ومشي الظابط واحمد اخد ريم وطلع ومعاهم طارق، بس ريم سحبت ايدها منه وقالت.. 

ريم بدموع

هو ايه الكلام اللي قاله ده جوه، وفين ممدوح ازاي ما جاش معاكم.. 

احمد بدموع 

تعالي بس نمشي من هنا وانا هفهمك كل حاجه.. 

ذقته ريم وقالت بحده

انا مش همشي من هنا غير لما اخويا يجي ياخدني، قولي ان كمال كداب وان ممدوح ما جاش عشان خايف منهم قولي انه عايش.. 

احمد قرب منها وقال

اهدي ما ينفعش اللي بتعمليه ده، هو راح عند اللي احسن مني ومنك ومحتاج اخته تبقي جامده وقويه عشان يبقي مرتاح في قبره.. 

نزلت دموعها وقالت 

لا لا اخويا لا اخويا مش هيسيبني انا ماليش غيره، يا ممدوح انتو اكيد بتهزورو وهو هيطلع دلوقتي ويقولي ان ده مقلب... 

حضنها احمد وقال

انا معاكي ومش هسيبك ابدا والله.. 

طارق بدموع 

وانا كمان والله يا ريم مس هسيبك ابدا.. 

_بصله احمد بضيق وفجأه لقي ريم اترخت بين ايده وفقدت وعيها وحصل؟...... 

_ تفتكرو بعد ممدوح ما مات واحمد اتجوز ريم ايه اللي هيحصل، يعتبر لسه الروايه هتبدأ يا جماعه انتظروووونييييي

_ في المستشفي في اوضه طبيه كان احمد قاعد علي الكرسي جنب السرير اللي نايمه عليه ريم وباصص ليها بحزن، وبعد خد باله ان الباب اتفتح وكان طارق، فشاورله من بعيد وطلع احمد بسرعه وقاله.. 

احمد بضيق

في حاجه يا طارق؟.. 

طارق بقلق

انا عايز اطمن عليها، هي كويسه؟.. 

احمد

واخده مهدأ ونايمه ولما هتفوق انا هاخدها معايا، وانت شكرا اووي لحد كده كتر خيرك.. 

طارق بجديه

لو سمحت يا دكتور احمد انا ما اعرفش انت اتجوزتها امتي وازاي بس ريم صديقتي وبتفكرني باختي الله يرحمها وعشان كده انا ديما هكون جنبها وو.. 

احمد بحده

طاارق الموضوع كبير وعلي ما اظن انت واهلك ناس في حالهم اووي فاطلع بره الموضوع تمام.. 

طارق بجمود

تفوق ريم واطمن عليها والباقي يتحل، انا همشي دلوقتي وتحت امرك في اي حاجه يا دكتور احمد.. 

_ مشي طارق واحمد كان داخل عند ريم تاني بس وقف لما لقي رباب جايه عليه وبتقوله.. 

رباب

دكتور احمد في مصيبه بتحصل.. 

احمد بقلق

في ايه يا رباب وجايه تجري كده في المستشفي انتي مجنونه... 

رباب وهي بتامد نفسها بالعافيه

عزيز بيه جه ودخل مكتبك وقالي لما الدكتور بتاعك يجي ابعتيه ليا.. 

احمد اتنهد بضيق وقال

طيب ادخلي اقعدي عند ريم وانا هروح اشوف الموضوع ده.. 

رباب

من عينيا انا فديك الساعه اما اقعد  جنب مرات اخويا.. 

احمد بحده

جاتك خوت في دماغك غوري يا رباب.. 

_ ودخلت رباب عند ريم وهو مشي ودخل مكتبه لقي راجل كبير في السن واقف وماسك اورق وبيقلب فيها.. 

احمد بجمود

انت مين ادالك الحق انك تدخل هنا؟.. 

عزيز بصله بحده وقال

المستشفي بتاعتي وانا حر ادخل في المكان اللي يعجبني... 

قرب منه احمد واخد منه الاوراق وقال

لا معلش بس ده مش من حقك ولا نسيت العقد اللي بينا.. 

عزيز بحده

لا واضح. انك انت اللي نسيت ان لولايا انا يا احمد يا عزام كان زمان المستشفي دي مقفوله.. 

احمد

كتر الف خيرك ما انت شريك فيها اهوو، بس الاتفاق كان ان ساره هي اللي تبقي ماسكه معايا الاداره مش انت.. 

عزيز بحده

واللي حصل ده النهارده اسميه ايه، يتضرب نار قدام المستشفي ليييه ان شاء الله فاكرها ساحة حرب.. 

احمد بجمود

انا اخو مراتي الله يرحمه ومراتي حالتها صعبه ومش قادر اتكلم في الموضوع ده دلوقتي بس هحل كل حاجه لان المستشفي دي تهمني اكتر منك.. 

عزيز

ماشي يا احمد بس انا كلامي مش معاك انا كلامي مع والدتك اللي هي اختي، وقولي صح انت اتجوزت امتي ومين دي اللي اتجوزتها دي ودخلتك في المشاكل دي كلها.. 

احمد بجمود

قريب اووي هتعرف كل حاجه يا عزيز بيه.. 

_ طلع عزيز واحمد وقف عند الشباك وطبع موبيله وكلم مامته اللي قالت بسرعه.. 

الهام 

بقي كده يا احمد ده انا ميته رعب عليك، قولي ريم كويسه؟.. 

احمد بضيق

ابدا حالتها وحشه اووي، المهم انتي كامليا فهمتك كل حاجه مش كده؟.. 

الهام 

ايوه يا حبيبي وانا مجهزه كل حاجه هنا بس انتو هتيجو امتي؟.. 

احمد

تفوق بس ريم وهجيبها وجاي يا ماما.. 

الهام 

تيجي بالسلامه يا حبيبي وخلي بالك منها البنت مالهاش غيرنا دلوقتي، وخلي بالك من نفسك.. 

احمد اتنهد وقال

حاضر يا ست الكل.. 

_ قفل معاها وراح قعد علي مكتبه وطلع صوره هو وممدوح اللي علي موبيله ودموعه نزلت وقال.. 

احمد

هتوحشني اووي يا صاحبي، هتوحشني يا اخويا الوحيد بس والله ما هسيب حقك ابدا.. 

دخلت في الوقت ده رباب وقالت

دكتور احمد اا،،، ايه ده انت بتكلم نفسك برضو لا ده انت حالتك صعبه اووي.. 

مسح احمد دموعه وقال

انتي يا بنت انتي مش قولتلك تخليكي جنب ريم.. 

رباب بضيق

ما هي فاقت وطردتني من عندها وانا جيت اقولك، بس بتعيط اووي وحالتها توجع القلب.. 

احمد قام بسرعه وقال

طيب يا رباب بكره تكوني هنا من الصبح بدري وعايز اشوف اللي ورانا كله واللي اتأطل النهارده... 

رباب

لييييه مش المفروض انك عريس جديد وهتديني اجازه زي ما انت هتاخد اجازه.. 

احمد بحده 

انتي مال امك يا رباب؟.. 

رباب 

ايه ده يا دكتور احمد اخلاقك مش كده.. 

احمد بحده 

ده انتي تخلي الواحد يكفر يا شيخه انتي والجزمه اللي هناك دي، وكلامي يتنفذ يا رباب والا.. 

رباب

طيب طيب اووف.. 

_ سابها احمد وطلع راح لريم وكانت قاعده علي السرير وبتعيط، قرب منها وقال.. 

احمد

ممكن تهدي شويه ما ينفعش كده يا ريم.. 

ريم بدموع

انا عايزه اشوفه عشان خاطري.. 

احمد بحزن

ما هو اتد*فن من شويه للاسف، هاخدك. تزوري قبره.. 

ريم ببكاء

انا بقيت لوحدي خلاص ماليش حد غيره هو كان ابويا واخويا وصاحبي وكل حاجه، عمري ما حسيت اني يتيمه غيره دلوقتي.. 

احمد مسك ايدها وقال

انا معاكي يا ريم ومش هسيبك خالص والله.. 

سحبت ايدها منه وقالت

يعني انت كنت من باقي اهلي يعني اسكت خالص لو سمحت... 

احمد بضيق

اللهم طولك يا روح، ممكن طيب تقومي عشان نروح.. 

ريم بقلق

هنروح فين انت هتوديني ليهم مش كده؟؟.. 

احمد بجديه 

ممدوح كان حاسس بكل ده انه هيحصل وفعلاً  قالي انه عايز حل يطمن عليكي بيه لو حصله حاجه وانا عرضت عليه اني اتجوزك وهو وافق.. 

ريم بدموع

انت عبيط تتجوز واحده مش بتحبها عشان اخوها صاحبك، لو سمحت طلقني.. 

احمد بحده

يارب صبرني قومي يا ريم لو سمحتي اجهزي كده عشان هتيجي معايا البيت وانسي حوار الطلاق ده دلوقتي خالص لحد ما احل مشاكلك زي ما اخوكي وصاني وبعدين من عينيا الاتنين هطلقك.. 

ريم بضيق 

انا عايزه اقعد هنا مش طايقه اروح اي مكان.. 

احمد بجمود

معلش يا ريم تعالي اقعدي في البيت وما تخرجيش خالص براحتك... 

ريم 

طيب اطلع بره عايزه الف حجابي كويس.. 

احمد بهدوء

حاضر يا ريم... 

_ طلع احمد ووقف مستنيها بره وطلعت بعد شويه ريم وقالتله.. 

ريم 

هي امك تعرف اللي حصل؟.. 

احمد 

ايوه ما تقلقيش من حاجه يا ريم يلا بينا.. 

_ واخدها وراحو بيته واول ما دخلو قربت منها الهام وحضنتها وقالت.. 

الهام بحزن

البقاء لله يا حبيبتي، اوعي تشيلي هم اي حاجه احنا معاكي واهلك ومش هنسيبك.. 

ريم مسحت دموعها وقالت

شكرا يا طنط، انا بس عايزه انام ممكن.. 

الهام 

طبعا طبعا انا جهزت اوضة احمد بحيث انها تنسابكم انتو الاتنين.. 

_بصو احمد وريم لبعض بصدمه من كلام الهام، وريم قالت بحده.. 

ريم 

ايه ده بقي ان شاء الله؟.. 

احمد 

مش عارف بصراحه.. 

الهام

ايه اللي حصل يا اولاد في ايه؟.. 

احمد 

يا ميراا... 

جات الشغاله وقالت

تحت امرك يا احمد بيه... 

احمد

روقي الاوضه اللي جنب اوضة ماما بسرعه وادي خبر لريم هانم عشان ترتاح.. 

الهام 

نعمم ازاي يعني هو مش انتو اتجوزتو.. 

ريم 

بقولك ايه فهم امك عشان انا خولقي دايق لوحدي ومش قادره اتكلم.. 

احمد

تعالي معايا يا ماما لو سمحتي انا هفهمك كل حاجه... 

_ واخد احمد مامته ودخل اوضتها وهي كانت مش فاهمه حاجه بجد واحمد قال.. 

احمد

ماما هي كامليا قالتلك ايه؟.. 

الهام 

قالتلي ان بعد اللي حصل لممدوح الله يرحمه انت وريم قرىتو تتجوزو بسرعه وانكم بتحبو بعض، بقي كده وتخبي عني.. 

احمد بغيظ 

منك لله يا كامليا ربنا ينتقم منك، يا ماما الموضوع مش كده كل الحكايه ان ممدوح قبل اللي يحصل ده خلاني اتجوز ريم لانه خايف عليها من ولاد عمها.. 

الهام بخبث

طيب المهم انك اتجوزتها، وبعدين خالك عزيز عرف كل حاجه وبيقولك ارجع اشتغل معاه في الشركه وو.. 

احمد بجمود

ماما انا دكتور احمد عزام ومش محتاج مسااعدة حد عشان احمي مراتي.. 

 الهام ضحكت وقالت

الله كلمة مراتي دي طالعه منك زي العسل.. 

احمد بنفاذ صبر

تصبحي علي خير يا ماما انا هحلق انام ساعتين عشان عندي شغل الصبح.. 

الهام بهدوء

قبل ما تنام تعالي في حضن امك وعيط بلاش الكتمان ده عشان ما تتعبش.. 

_ وكأنه كان مستني كلامها ده وحضنها وقال بدموع وحزن.. 

احمد

مش متخيل انه خلاص يا ماما ممدوح كان اخويا مش صاحبي وبس.. 

الهام بدموع 

ربنا يرحمه يا حبيبي نصيبه وعمره كده، المهم تخلي بالك من الامانه اللي سبهالك وتراعي ربنا فيها.. 

ـــــــ #بقلم_الكاتبه_رحاب_القاضي ـــــــ 

_ وفي بيت كمال وصل هناك اخوه الكبير فتحي، اللي كان مبسوط اووي وفضل يضحك وقال.. 

فتحي

هههههههه واخيراً خدنا بتارنا يا كمال، اخيرا ابوك هينام في تربته مرتاح.. 

كمال بهدوء

عمك ما ظهرش برضو، لسه الكل فاكر انه ما*ت في حادثه ما حدش يعرف انه هربان لحد. النهارده.. 

فتحي بجمود

هشششش عمك هيظهر وهيحصل ولده قريب، لما يلاقي بنته معانا وتحت رحمتنا.. 

كمال بخبث 

بنته اااه لو شوفت بنت عمك شبه حبيبة القلب واحلي كمان.. 

فتحي بحده 

كمال قفل علي الموضوع ده، وبعدين لو عجباك قوي فكر كيف نطلقها من جوزها اللي طلعلنا في البخت ده واتجوزها ونخلصو عاد من الليله دي.. 

كمال بحقد

هيحصل ريم لازم تيجي اهنا وتبقي تحت رحمتنا.. 

ـــــــ #بقلم_الكاتبه_رحاب_القاضي ـــــــ 

_ وتاني يوم الصبح راح احمد عند اوضة ريم وخبط علي الباب اكتر من مره بس ما ردتش، قلق عليها جدا ودخل الاوضه لاقها نايمه وهي حاضنه المخده ولابسه حجابها زي ما هي وفاتحه بوقها بشكل مضحك.. 

احمد بسخريه

اومال فين اني ادخل الاقيها شبه الملايكه وهي نايمه والجو ده.. 

_وبعدين اخد باله انها قالعه الكوتشي وفرده علي الارض والتانيه علي السرير، فشالها من علي السرير وقال بهدوء.. 

احمد

ريييم يا رييييم يا حجه انتي قوومي.. 

ريم وهي نايمه 

بكره بكره.. 

احمد 

بكره ايه قومي يا ريييم انا احمد.. 

قامت ريم بسرعه وقالت

انت بتعمل ايه هنا؟.. 

احمد بهدوء

امسكي الهدوم دي البسيها بتاعت ماما لحد ما اجيبلك هدومك من بيتكم.. 

ريم بضيق

لا لا لما تجيب الهدوم بتاعتي هبقي اخد شاور وااغير وكل حاجه.. 

احمد

لو سمحتي الزعل مالوش علاقه بالعفن خالص، اتفضلي قومي خدي شاور يلا... 

ريم بحده 

اطلع بره.. 

احمد

تصدقي انا غلطان خليكي كده.. 

ريم بحده

خلصت اطلع بره يلااا.. 

احمد بغيظ 

اييه بره بره علي فكره ده بيتي.. 

ريم ببكاء

والله العظيم لو فضلت تقولي كده والله همشي واروح بيتي بس.. 

احمد اتنهد وقال

انا رايح المستشفي ما فيش خروج من البيت يا ريم اليومين دول لاي سبب تمام.. 

ريم بضيق

هروح امتي لممدوح؟.. 

بصلها بقلق وهي قالت بدموع

انت قولتلي امبارح هتخليني ازور قبر ممدوح امتي بقي؟... 

احمد اتنهد وقال

طيب يا ريم اظبط الوضع واخدك اوديكي ليه... 

ريم بدموع

امتي يعني وكمان انا هرجع بيتنا امتي.. 

احمد

ده بيتك دلوقتى، ولما تبقي دموعك دي تختفي هاخدك واوديكي قبر اخوكي انما دلوقتي مش هقدر اوجعك اكتر باني اوديكي هناك.. 

ريم بضيق

روح شوف شغلك وعلي اكره انة ما حدش هيمشي كلامه عليا... 

احمد قام وقال

لا انة همشيه عليكي، وياريت تستحمي بجد ريحتك وحشه اووي... 

قال كلامه وطلع وريم شمت نفسها وقالت

يا كداب طيب ده انا فله.. 

واتنهدت وقالت بدموع 

اختك قويه يا ممدوح وكسرتي في موتك هتقويني وهبقي زر ما انت كنت عايزني.. 

ـــــــ #بقلم_الكاتبه_رحاب_القاضي ـــــــ 

_ وفي المستشفي اول ما وصل احمد كان طارق مستنيه في مكتبه وقاله.. 

طارق 

ريم عامله ايه يا دكتور احمد.؟.. 

احمد بضيق

كويسه يا طارق، في حاجه ولا ايه شايفك قاعد هنا مستنيني؟.. 

طارق

كنت هستاذن حضرتك اني اروح اطمن عليها.. 

احمد بجمود

هي مش قادره اشوف حد دلوقتي يا طارق... 

طارق بهدوء

بس انا مش حد وواثق انها هتقبل تشوفني بعد اذنك يعني.. 

_طلع طارق واحمد بصله بغيظ وبعدين موبيله رن وكانت كامليا رد عليها احمد وقال.... 

احمد

اهلا بالست هانم. ايه اللي انتي قولتيه لماما ده؟.. 

كامليا 

بهزر معاك يا دكتور احمد، المهم ممدوح حالته نسبياً مستقره احنا وصلنا من ساعه هنا المانيا وانا روحت لبابي وظبطت كل حاجه هنا.. 

اتنهد احمد بهدوء وقال

الحمد لله خلي بالك يا كامليا ان اي حد هنا يعرف حاجه عن اللي حصل، انا طلعتله شهادة وفاة من المستشفي وريم صدقت.. 

كامليا

انا صعبانه عليا ريم بجد، احمد اوعي تزعلها ولو تقدر تقولها الحقيقه قولها... 

احمد

مش دلوقتي لما ممدوح يخف انا مش هديها امل وممدوح حالته لسه خطر، لما يبقي يخف هجيبهاله لحد عنده... 

_ كان احمد بيتكلم وطارق واقف ورا الباب وسمع كل حاجه اتقالت ودخل عند احمد من غير ما يخبط وقال.. 

طارق

انا عايز اشوف ريم دلوقتي حالاً... 

_ تفتكرو بقي ايه اللي هيحصل؟... 

طارق

انا عايز اقابل ريم ودلوقتي حالاً... 

قفل احمد الموبيل وقال بحده

انت اتجننت بتجسس عليا يلااا... 

طارق 

اهدي يا دكتور احمد وانا فعلا من غير ما اقصد سمعت، انا بس نسيت الموبيل وجيت اخده وسمعتك وانت بتتكلم.. 

اتنهد احمد بضيق وقال

اممم نعم عايز ايه بقي حضرتك، وايااك تفكر تهددني او تلوي دراعي انت فاهم.. 

طارق بهدوء

انا مش هعمل كده بس انا مش عارف انت ليه رافض تخليني اشوف ريم... 

احمد بحده 

كده يا عمم انا حر.. 

طارق بضيق

بس انا عايز اشوفها وبقولك بكل هدوء اهو سيبني اشوف ريم لانها محتجاني جنبيها اكتر منك.. 

احمد بجمود

محتجالك جنبيها بصفتك ايه؟.. 

طارق 

حاجه بيني وبينها، واظن دلوقتي انا فهمت كل حاجه وما فيش داعي تقولي مراتي والجو ده.. 

احمد 

ولو قولتلك لا مش هتشوفها.. 

طارق 

يبقي هشوفها بطريقه تانيه مش هتعجب حضرتك، انا عايز اساعدها زيك لو انت بتعمل كده عشان هي اخت صاحبك فانا عايز اساعدها عشانها هي.. 

احمد اتنهد بنفاذ صبر وقال

اللي سمعته ما يتقالش قدامها.. 

طارق

اللي بتعمله ده في مصلحتها وانا وجودي جنبيها بس عشان اهو عليها مش اكتر.. 

احمد 

طيب شوف شغلك واحنا ومروحين ابقي اخدك معايا.. 

ابتسم طارق وقال

تمام يا دكتور احمد بجد شكراً جداً... 

_ طلع طارق واحمد قعد علي مكتبه وهو مدايق جدا وقال لنفسه بعصبيه.. 

احمد

والله عال الهانم علي علاقه بيه، بس هي مراتي  وما ينفعش ده يحصل... 

ـــــــ #بقلم_الكاتبه_رحاب_القاضي ـــــــ 

_ وفي المانيا في المستشفى اللي فيها ممدوح كانت كامليا واقفه قدام الشباك القزاز بتاع الاوضه اللي فيها ممدوح وبصاله بدموع وخوف فعلا باين في عينيها، وجه فجأه واحد ومسكها من ايدها جامد وقال.. 

هشام بحده 

مين ده يا هانم، انطقي مين ده؟.. 

كامليا

خضيتني يا هشام في ايه، ده ممدوح... 

هشام

يا سلام عرفت انا كده مين ده، كامليا مين ده اللي يخليكي تسيبي شغلك في مصر وحياتك هناك وتجبيه وتيجي جري علي هنا؟.. 

كامليا 

انا قولت لبابا هو مين يا هشام وهو اللي ساعدني في اللي بعمله ده، وو وده يبقي صديقي المقرب في مصر وكده.. 

هشام بعصبيه

بقي انتي قاعده في مصر تصاحبي يا روح امك.. 

كامليا 

لا طبعا كنت قاعده عشان شغلي بس ممدوح اكتر حد بيساعدني وحد كويس اووي.. 

هشام بضيق

بقي انا اختي تيجي مع راجل متنيل لحد هنا، ليييه شيفاني بقرون.. 

كامليا

الراجل تعبان بص يفوق ويخف وانا هعملك كل اللي انت عايزه.. 

هشام

اما نشوف المهم هو ماله حصله ايه اصلا ده؟.. 

كامليا بحزن

راح ضحية تار قديم بين باباه وعمه.. 

هشام 

الله يخربيتك جيبالنا واحد عليه تار.. 

كامليا

فين الجدعنه بتاعت ولاد البلد يعني الواد مالوش غيرنا دلوقتي ولازم نقف جنبيه.. 

هشام بضيق

ماشي يا كامليا يخف ونشوف هنعمل ايه، هرجع انا الشركه ولو احتاجتي حاجه كلميني.. 

كامليا

حاضر يا حبيبي ربنا يخليك  ليا... 

_ مشي هشام وبصت كامليا لممدوح وقالت بدموع وحزن.. 

كامليا 

قوم بقي تعبتني معاك... 

ـــــــ #بقلم_الكاتبه_رحاب_القاضي ـــــــ

_ وفي بيت عزيز خال احمد دخل اوضة ساره بنته وقالها بحده.. 

عزيز

وبعدين معاكي يا ساره هتفضلي قاعده كده كتير.. 

ساره بدموع

نعم يا بابا عايز مني ايه؟.. 

عزيز

لاخر مره اسألك انتي تعرفي الواد اللي مات امبارح ده؟.. 

ساره بحزن

لا معرفتي بيه سطحيه مش اكتر، بس كل الحكايه ان الموقف مؤثر جدا.. 

عزيز 

يبقي تقومي تجهزي وتروحي المستشفي تشوفي شغلك.. 

ساره بحزن

حاضر يا بابا بكره ان شاء الله هروح ارجوك بس سيبني لوحدي دلوقتي.. 

عزيز

طيب يا ساره بس بكره لو ما نزلتيش الشغل هتشوفي مني تصرف مش هيعجبك.. 

ساره بدموع

حاضر.. 

_ طلع عزيز ولقي الهام في وشه وقالتله بحده.. 

الهام 

ارحم البنت شويه مش كده؟.. 

عزيز 

انتي ايه اللي جابك ما كنتي خليكي جنب ابنك العريس.  

الهام

طلع مناخيرك دي من حياة ابني يا عزيز... 

عزيز

نفسي يعقل ويجي يمسك شركة الادويه بتاعتنا معايا، بدل ما يجي الغريب يمسكها.. 

الهام 

ابني يعمل اللي يريحه يا عزيز كفايه انه من اشطر الدكاتره في مصر كلها والوطن العربي.. 

عزيز

براحتكم ده انتو عيله كلها تجيب الهم... 

_ سابها ونزل ودخلت الهام عند ساره اللي مانت بتعيط وقالتلها.. 

الهام

يعني الواد احمد عنده حق لما قالي انك مكتيبه هنا... 

ساره مسحت دموعها

لا يا طنط انا كويسه اهوو.. 

الهام بهدوء

طيب قومي وتعابي هننزل النادي، كنت عايزه اخد معانا ريم بس حالتها صعبه شويه.. 

ساره 

بجد يا طنط ماليش مزاج اخرج خالص.. 

الهام بحدن

هو انا باخد رئيك قومي يلا.. 

ـــــــ #بقلم_الكاتبه_رحاب_القاضي ـــــــ 

_ وبالليل في بيت احمد دخل البيت وقابلته الشغاله اللي قالتله.. 

ميرا

حمد لله علي سلامة حضرتك يا دكتور احمد.. 

_احمد حط الشنطه اللي في ايده علي الارض وقال بهدوء.. 

احمد

الله يسلمك يا ميرا هي ماما برا ولا ايه؟.. 

ميرا

ايوه راحت النادي وقالتلي اقول لحضرتك انها هتتاخر.. 

احمد بقلق

ريم راحت معاها؟.. 

ميرا

لا لا ريم هانم في اوضتها ما خرجتش منها اليوم كله.. 

_ اتنهد احمد بضيق واخد الشنطه اللي في ايده وطلع فوق ودخل الاوضه بتاعتها من غير ما يخبط وكانت ريم بتصلي، فراح قعد علي السرير وهي بعد شويه خلصت وقالت.. 

ريم بحده 

هو انت ما عندكش ذووق، مش في باب تخبط عليه ولا اتعميت ومش شايفه.... 

_قرب منها احمد وقعد قصادها علي الارض وبصلها بهدوء وقال... 

احمد

انا ادخل المكان اللي انا عايزه هنا براحتي.. 

ريم قامت وقالت بحده 

تمام اووي انا اروح اقعد في بيتي بكرامتي واااه.. 

_ جات تقوم بس اتكعبلت في الاسدال بتاع الصلاه بتاع مامته ووقعت قدامه.. 

احمد غصب عنه ضحك وقال

هههههههههه اقعدي يا اختي اقعدي.. 

ريم ببكاء

ده بدل ما تلحقني وانا بقع بتضحك، وبعدين امك طويله اووي.. 

احمد بهدوء

قومي طيب قومي، جيبتلك هدومك كلها اهو من بيتكم.. 

ريم بشك 

ولا انت معاك مفتاح بيتنا منين يااه؟.. 

احمد 

كان موجود في الحاجات بتاعت ممدوح اللي انا استلمتها.. 

اتملت عيونها دموع واحمد قال بسرعه

بس ايه الالوان الغريبه اللي انتي بتلبسيها دي اصفر واحمر ووردي وفوشيا... 

برقت ريم وقالت بكسوف

انت ازاي تشوف حاجاتي الشخصيه دي يا قليل الادب.... 

احمد كتم ضحكته وقال

والله كنت هبعت السواق يجيبهم بس قولت عيب حاجات مراتي الشخصيه ما حدش يشوفها غيري.. 

_ خلص كلامه وغمزلها بخبث، وهي من غير تفكير ضربته بالقلم وهو اتتعصب جداً وقال.. 

احمد بغضب

انتي قد. الحركه دي.. 

ريم بخوف 

و وو والله انت اللي قليل الادب الاول... 

_ جات تجري بسرعه من قدامه بس اتكعبلت تاني في الاسدال ووقعت علي الارض، واحمد ضحك اووي وقالها.. 

احمد

هههههه اهو ربنا جابلي حقي من غير ما اعمل حاجه اهو.... 

ريم قامت وهي ماسكه رجلها بألم

اااه يخربيتك يا شيخ انت واسدال امك... 

احمد قرب منها وقال

ايدك لو اترفعت عليا تاني ما تعرفيش انا هعمل فيكي ايه.. 

ريم بتوتر

قول لنفسك الاول تبطل قلة ادب وقلة ذووق ماشي يا شبح.. 

احمد بخبث

براحتي مراتي وقاعده في بيتي وانا حر.. 

ريم بحده 

ده. عند. امك يا عينيا مش عندي، واتفضل اطلع بره يلا. الا والله العظيم هروح بيتي دلوقتي.. 

احمد بجمود

اممم لا هو ده بيتك خلاص يا ريم وطلاق مش هطلق والكلام ده تقوليه للبيه اللي جايلك كمان شويه.. 

ريم بعدم فهم 

انت بتتكلم عن مين مش فاهمه؟.. 

احمد بضيق

طارق.. 

ريم بحماس

طارق جااي هنا احلف.. 

احمد ادايق من فرحتها وقال

انا رايح اوضتي ولما يجي طارق تقعدي دقيقتين معاه بالظبط وتيجي تتزفتي هنا.. 

ريم 

هو انت لسه بتغير عليه مني يعني.. 

احمد بحده 

بت انتي غبااء مش عايز فاهمه ولا لا؟.. 

_ وطلع ورزع الباب وراه جامد، وريم قالت بعصبيه.. 

ريم 

جاتك خبطه في دماغك يا بتاع طارق.. 

احمد بحده وهو بره

اتلمي بدل ما اجيلك يا زفته انتي.. 

ـــــــ #بقلم_الكاتبه_رحاب_القاضي ـــــــ 

_ وبعد شويه جه طارق وكانت ريم واحمد قاعدين معاه.. 

طارق

ده قرار كويس جدا علي فكره انا كنت اصلا جاي عشان اقنعك تنزلي المستشفي معايا.. 

احمد بجمود

مش وقته مش هينفع تخرجي من البيت اصلاً.. 

ريم بحزن

بس انا بجد تعبانه ومحتاجه اروح الشغل. 

احمد 

وانا قولتلك مش هينفع يا ريم.. 

طنشت ريم كلامه وقالت

حاضر يا طارق ان شاء الله بكره نتقابل في الشغل.. 

طارق 

ان شاء الله يا ريم.. 

وفتح الكيس اللي كان جنبيه وطلع فون وقال

دي حاجه بسيطه موبيل جديد بدل اللي اخده منك ابن عمك.. 

فرحت ريم وقالت

شكرا اووي يا طارق بجد، وشكرا اووي انك جيت تشوفني بجد فرقت معايا... 

احمد قام وقال

طيب شرفتنا يا طارق... 

بصتله ريم يضيق وطارق قام وقال

هشوفك تاني يا ريم ومسجل رقمي عندك وهكلمك.. 

ريم ابتسمت وقالت

حاضر يا طارق وبجد شكرا اوووي لكل اللي بتعمله ده.. 

مشي طارق وقالت بحده

ايه قلة الذوق دي، هو جاي يزورني ويتعامل معايا بطريقه لطيفه عشان يهون عليا وانت تتصرف معاه كده... 

قرب منها احمد وقال بحده

لا والله انا بقي اللي قليل الذوق اومال تصرفاتك دي اسمها ايه.. 

ريم بحده 

مالها تصرفاتي بقي هو انا كلمتك اصلا.. 

احمد بعصبيه 

لما تقعدي معاه وتتكلمي كده ومش عملالي اي قيمه تبقي قلة ذوق.. 

ريم 

لا ثواني معلش ده طارق يعني اللي ساعدك تخلصني من ولاد عمي وصديقي الوحيد انا ما عنديش صحاب غيره.. 

احمد بحده 

طيب تمام نقول بقي لطارق الحقيقه وللمستشفي كلها والكلام يوصل لولاد عمك وياخدوكي واخلص من الهم ده. 

ريم بدموع

انت بتزلني عشان بتحامي فيك لا كتر خيرك لحد كده انا مش عايزه منك حاجه.. 

جات تمشي بس احمد وقف قدامها وقال

انا مش قصدي كده بس الموقف اللي فيه صعب يا ريم ولازم ناخد بالنا من اي حد بره البيت ده.. 

ريم بجمود

طيب بس ياريت بقي انت ما تنساش ان كل اللي بينا كلام علي ورق فمتصدقش نفسك يا حبيبي... 

قبل ما يرد عليها دخلت الهام وقالت

انتو لسه صاحين يا اولاد كويس اووي انا ما اتعشيتش في النادي وقولت اجي اتعشي معاكم... 

ريم بضيق

انا اسفه يا طنط بس انا مش جعانه وعايزه انام.. 

الهام 

يا بنتي انتي ما اكلتيش حاجه من الصبح.. 

احمد

سبيها براحتها يا ماما هي مش غريبه والبيت بيتها لما تجوع هتاكل.. 

طلعت ريم فوق وهي مدايقه منه والهام قالت

مالك يا احمد ايه اللي حصل مدايقك اووي كده.. 

احمد

انا مدايق مين اللي قال كده انا زي الفل، يلا عشان نتعشي يا حبيبتي... 

_ وبالليل كان احمد قاعد في اوضته بيشتغل علي اللابتوب بتاعه وسمع صوت حركه بره الاوضه قام وفتح الباب وشاف ريم وهي نازله تحت وهي بتتسحب، ضحك بخبث ونزل وراها ودخل المطبخ لاقاها مطلعه صنية المكرونه وماسكه ورك فرخه في ايدها وبتاكل بسرعه.. 

احمد بخبث

اخص عليك يا صالح انت فيك الحركات دي.. 

ريم باحراج 

اتف اللي في بوقي يعني دلوقتي ولا اعمل ايه.. 

احمد 

جاتك القرف اتنيلي ابلعي وما تتكلميش تاني والاكل في بوقك.. 

_ ريم طنشت وجوده وفضلت تاكل واحمد قالها بهدوء.. 

احمد

هعمل شاي اعملك معايا.. 

ريم 

لا 

قرب منها احمد وقال

انا اسف ما كانش قصدي ازعلك.. 

ريم 

انا ما حدش يقدر يزعلني يا عسل.. 

احمد 

انا غلطاااان يا ريم كملي اكلك.. 

ريم

انا هنزل الشغل بكره.. 

احمد

قولت لا.. 

ريم 

ليه يعني لا علي فكره خلاص انا ما بقتش ريم القديمه.. 

بصلها احمد وقال

وريني كده لا لا هي هي ريم ما اتغيرتش.. 

ريم بحده 

ما بهزرش انا بجد هنا مدايقه اووي ومش عارفه اطلع من مود النكد وعايزه الهي نفسي في اي حاجه، عارف انا اصلا مش مصدقه انه مات اخويا عايش وهيجي كل شويه احس كده.. 

احمد مسك ايدها بهدوء وقال

كلتي ولا لسه؟.. 

ريم 

شبعت نفسي اتسدت من وشك اللي كل ما اشوفه تركبني الهموم.. 

احمد بغيظ 

لسانك ده عايز يتغسل فومين تلاته كده عشان تبطلي الدبش ده.. 

واخدها وقام وهي قالت

انت ساحبني وراك زي المعزه كده لفين، لااا استني عندك.. 

وقف احمد وقال

نعمم عايزه ايه؟.. 

ريم 

واخدني فين؟.. 

احمد 

ما تخافيش مش هخطفك هوديكي مكان كنت بقعد فيه انا وممدوح لما كان بيجي عندي وانتي في المدرسه الداخليه بتاعتك.. 

ريم بدموع

بجد طيب يلا بينا... 

_ طلعو هما الاتنين فوق السطوح بتاع الفيلا وكان كله ورد وعصافير ملونه مرصوصه بشكل جميل جداً.. 

احمد

ها ايه رئيك؟.. 

ريم بدموع

هو فعلا ممدوح كان بيحب العصافير، المكان فعلا حلو اووي.. 

احمد بهدوء

الزرع ده كله انا وهو اللي عملنااه... 

مسك ورده لونها ابيض وقال

الورده دي نوع نادر بتدبل كل سنه وتقوم تاني واحده غيرها، ممدوح كان مسميها ريم.. 

ابتسمت ونزلت دموعها وقالت

غريبه هو كان بيحكيلك عني اصلا؟.. 

احمد

ديما بيتكلم عنك ما كنش بيحب حد في الدنيا قدك، طلبت منن يجيبك هنا بس كان بيقولي انك بترفضي ومش بتحبي تتعرفي عبي ناس جديده.. 

مسحت دموعها وقالت

ولا قديمه حتي انا ديما مش بحب يكون عندي صحاب ولا قرايب.. 

احمد بفضول

ليه يعني؟.. 

_راحت ريم قعدت علي الارض واخدت مخده. حطتها علي رجلها وقالت.. 

ريم 

عشان القرايب كلهم والصحاب بياذونا انا شوفت ابن عمي وهو بيقتل قدام عينيا بعد ما حاول يعتدي عليها ولما جه ابويا يدافع عنها قتل من غير ما يقصد عمي وخالي هربنا انا واخويا وعشنا يتامي بسببهم، بسبب اللي كنا اللي فاكرينهم سند لينا اتعذبنا في حياتنا.. 

احمد مسك ايدها وقال

انا عارف كل حاجه وعارف ان ابوكم راح في حادثه بعدها علي طول وانك انتي وممدوح دخلتو مدارس داخليه.. 

ابتسمت ريم وقالت

كنت فاكراك لما كنت تيجي مع ممدوح عشان تزروني.. 

ضحك احمد وقال

ايوه وكنا بنلاقيكي عامله مصيبه، فاكره لما كنتي في اعدادي ورميتي بنت من فوق.. 

ريم 

ما تافورش ده كان الدور الاول وبعدين هي اللي قالتلي ان اخوكي المز جاي يرضيك.. 

احمد

لا لا مالهاش حق، المهم نتفق اننا نبقي صحاب لحد ما نخلص من المشكله دي؟.. 

ريم ابتسمت وقالت

صحاب يا اسطا كده انت وطارق بقي عندي اتنين اخوات.. 

اتنهد احمد بضيق وقال

امم ماشي المهم يعني ما فيش داعي تقعدي بالطرحه كده يعني احنا متجوزين يعني عادي اشوف شعرك عشان تبقي واخده راحتك في البيت يعني.. 

ريم 

طيب بكره ان شاء الله.. 

احمد 

اشمعنا يعني بكره.. 

ريم 

اصل انا غسلته الصبح ولفيته علي طول وهو مبلول فكمكم بالك انت انا لو شلت الطرحه دلوقتي هيجيلك ضيق تنفس.. 

احمد بصلها بقرف وقال

لا هو انا بعد اللي سمعته ده لو شوفتك من غير الطرحه هنفخك... 

ضحكت ريم واحمد قال

نامي كده وبصي للسما وما تفكريش في اي حاجه لحد ما تنامي.. 

_ سمعت كلامه وفضلت باصه للسما لحد ما نامت، واحمد نام جنبيها وبصلها وابتسم وقال.. 

احمد 

انتي حلوه اووي يا ريم، ما تستاهليش اللي بيحصل ده... 

_ وفضل مركز عليها وعلي كل تفصيله في وسها لحد ما نام هو كمان، والصبح فتح عينيه بانزعاج من ضوء الشمس ولقي مامته واقفه بصالهم وهي مبتسمه وجنبيها فتحي العدوي وكمال وهما واقفين متعصبين.. 

احمد بقلق

في ايه؟.. 

الهام وهي مبتسمه 

الله شكلكم يجنن وانتو نايمين كده الله يرحمك يا عزام يا حبيبي.. 

_قامت ريم واول ما شافتهم قامت بسرعه، بس قبى ما تقف شدها احمد لحضنه وقاة بخبث.. 

احمد

ايه قلة الذوق دي في حد يدخل كده علي واحد ومراته وهما نايمين؟.. 

_ تفتكرو هيحصل ايه؟.. 

_قامت ريم بسرعه من جنب احمد واول ما شافت ولاد عمها واقفين قدامها، بس قبل ما تقف شدها احمد لحضنه وقال بخبث.. 

احمد

ايه قلة الذوق دي في حد يدخل كده علي واحد ومراته وهما نايمين؟.. 

ريم بصتله بتوتر وقالت

انت بتعمل ايه عيب كده اوعي... 

احمد قربها ليه اكتر وقال

مش عارف ليه يا حبيبتي بتنسي ديما اننا متجوزين، نسيتي اللي حصل امبارح ولا ايه؟... 

ريم وشها احمر وقالت

والله ما عملت حاجه انت بتقول ايه؟.. 

 بصلهم كمال بغيظ وقال

ايه المياعه دي اتحشم يا دكتور منك ليها.. 

ريم بصت لاحمد وقالت

الحق بيقول عليك اتشحم سيبني بقي وقوم اضربه.. 

ضحك احمد وقال

انتي كده بتسخنيني عليهم انا كده كده مش طايقهم والله.. 

فتحي بجمود

هو احنا هنتكلم معاكم وانتو بالمنظر ده.. 

الهام بسخريه

قولتلكم استنو تحت بس انتو اللي حبيتو تعملو نمره مش قدها.. 

وقف احمد وقال

اهي ماما ردت عليكم تقدرو تستنوني تحت وانا هجيلكم.. 

كمال بحده 

احنا جايين نتكلم مع بنت عمنا علي فكره.. 

وقفت ريم ورا احمد وقالت

وانا ماليش كلام معاكم واللي بيني وبينكم حق اخويا اللي راح ظلم وبس.. 

كمال بصلها بخبث وقال

اثبتي يا ريم ان احنا اللي عملناها،بس للاسف ما تندكيش دليل.. 

احمد مسك ايد ريم وقال

هنثبت وقريب كمان، ومراتي مش هتتكلم مع حد اي كلام عايزينها فيه هيكون معايا انا، ماما. خدي ريم وانزلي... 

الهام بهدوء

يلا يا ريم يا حبيبتي تعالي معايا... 

_ نزلت ريم مع الهام واحمد قعد علي كرسي بسيط موجود. علي السطوح وقال.. 

احمد

خير إن شاءلله في ايه؟.. 

فتحي قعد قصاده هو وكمال وقال

عايزين بنت عمنا تيجي معانا البلد.. 

احمد بهدوء

لا.. 

كمال بحده

ريم بنت عمنا واحنا عرفنا انكم ما عملتوش فرح وجوازكم كان من كام يوم فتعالي خدها من بيت اهلها.. 

احمد

علي فكره انا متجوز ريم برضا اهلها، انا صاحب ممدوح من طفولتي واعرف ان هو واخته كانو عيلة بعض بس، وانا اتجوزتها من اخوها اللي هو عيلتها.. 

كمال بحده 

اتجوزتها من غير ما هي تعرف بتوكيل من اخوها... 

احمد

ايه يا حج فتحي ماله اخوك عمال يسف كهربا كتير ليه... 

فتحي بجمود

احنا جايين نتكلم في الاصول يا دكتور، البنت لازم تطلع من بلدها لبلد جوزها.. 

احمد بغضب 

انا ما شوفتش في بجاحتكم بقي قاتلين اخوها ودمرتوها وجايين تقولو بنتنا.. 

كمال بحده 

ايوه بنتنا وهناخدها غصب عنك... 

فتحي 

انت مش قدنا ولو مش عايز تحصل صاحبك يبقي سيب ريم.. 

قبل ما يرد احمد عليها دخل عزيز خاله وقال

بتهدد مين يا جدع انت، شكلك كده ما تعرفش يبقي مين الدكتور احمد عزام... 

فتحي قام وقال

انت ابوه ولا مين انت؟.. 

عزيز 

لا انا خاله وهو فعلا زي ابني تسمع انت يا فتحي بيه عن عزيز الشناوي مش كده.. 

وقف فتحي وقال

حضرتك تبقي اا.. 

عزيز بجود 

ايوه انا عزيز الشناوي واحمد. يبقي ابني وشريكي في كل حاجه... 

بص احمد لخاله بضيق وفتحي قال

احنا يا عزيز بيه جايين نتكلم في الاصول.. 

عزيز بحده 

الاصول ان الراجل هو اللي يحكم علي مراته مش اغراب.. 

كمال بضيق

اغراب احنا ولاد عمها وهي مالهاش غيرنا.. 

احمد 

وهي بتقول انها ما تعرفكمش.. 

فتحي

يلا بينا يا كمال.. 

كمال

بس يا اخوي اا.. 

فتحي بحده 

قولت يلا بينا من هنا... 

_ ونزلو هما الاتنين وركبو عربيتهم اللي كان بيسوقها السواق ومعاهم عربية حراس تانيه.. 

كمال 

ازاي يا فتحي هنمشي كده من غيرها؟... 

فتحي 

ما كانش في حسابي ان عزيز الشناوي يطلع خاله، ازاي ما تجبليش معلومه زي دي.. 

كمال 

ويطلع مين الراجل ده اصلاً.. 

فتحي بجمود

صاحب شركة ادويه كبيره اهنا.. 

كمال بسخريه

عنده حتت شركه وانت عامله حساب ده ما تجيش تمن كام فدان من اللي عندنا... 

فتحي

غبي عزيز الشناوي ده عنده معارف كتير وناس كتير ليها مصالح عنده في مصر وبره مصر، ولو دخلت في مشاكل معاه ممكن ياذيني في المجلس اللي وصلتله بطلوع الروح.. 

كمال بضيق

انا عايز بنت عمي يا اخوي... 

فتحي بحده 

ما انتو متجوز اتنين ما مكفيناكش؟... 

كمال 

لاه مش عايز غير دي، وبعدين ما احنا لينا مصالح من وراها عمي لما يظهر هنقدرو نكسرو عينه بيها ده غير الارض بتاعت ابوها اللي وراها دي انت ناسي ان ليها النص اكده.. 

فتحي اتنهد وقال

صبرك عليا وانا هلاقيلها حل واخليها هي اللي تيجي عندنا بنفسها... 

_ وفي بيت احمد كان قاعد علي السطوح مع خاله اللي قاله بهدوء.. 

عزيز 

فكر يا احمد الشركه انت ليك النص فيها ده حق امك اصلا ولو جيت هتبقي كل حاجه ليك انت.. 

احمد

وساره؟... 

عزيز 

لا انا هكتب كل حاجه ليك انت عشان عارفك هتدي بنتي حقها بالطريقه المناسبه اللي ما يجيش بيها غريب يحط ايده في تعبي وشقايا.. 

احمد بضيق

بس ده مش عدل ربنا يا خالي؟.. 

عزيز 

ده اللي عندي وخليك فاكر نسايبك مش ساهلين وعايزين حد جامد يقف في وشهم.. 

احمد

بتلوي دراعي يعني... 

عزيز

انا عايز مصلحتك يا ابن اختي فكر ورد عليا... 

ـــــــ #بقلم_الكاتبه_رحاب_القاضي ـــــــ 

_ في بيت طارق طلع من اوضته وقال لمامته.. 

طارق

يا سهير انا رايح المستشفي عايزه حاجه؟... 

سهير

ماشي يا طارق خلي بالك من نفسك يا حبيبي.. 

طارق

حاضر يا ماما.. 

سهير

طارق هي ساره رجعت المستشفي امبارح.. 

طارق

لا ممكن تيجي النهارده، بس انا توقعتك هتسألي علي ريم.. 

سهير

بس ابني بيحب ساره مش ريم، عايزاك تفوق وتفهم. ان ريم مش اختك وجوزها معاه حق.. 

طارق

مش جوزها، ماما انا ما عنديش صحاب كانت اختي صحبتي وكل حاجه حسيت ان ريم شبها بقيت ببقي مبسوط وانا معاها كاني مع ندي الله يرحمها انتو مش مستوعبين اللي بحس بيه انتو حرين براحكتم.. 

سهير

بس يعني ااا.. 

طارق

من غير بس يا ماما انا بعامل ريم زي ندي لانها اكتر حد. شبها واكتر حد. مر باللي مريت بيه هي خسرت اخوها وانا خسرت اختي.. 

سهير

ماشي يا طارق اللي يريحك اعمله بس بالنسبالي ما فيش حد بديل لاختك.. 

طارق بدموع

لا في ريم، ريم اختي وزيها زي ندي..

_ قال كلامه ومشي واول ما وصل المستشفي راح قعد لوحده وافتكر ريم انها كانت الوحيده اللي بتتكلم معاه وبتهزر معاه هنا، ولمح ساره معديه فقام وراحلها بسرعه وقال... 

طارق

حمد لله على سلامتك يا دكتوره ساره.. 

ساره 

الله يسلمك يا طارق، هو انت ليه بتيجي بدري ديما.. 

طارق

ما انا بنام بدري وبصحي بدري فبستغل وقتي واجي هنا اخد معلومات من شغل الدكاتره الكبار واراجع اللي هعمله... 

ساره بهدوء

انت تعرف الكل متوقعلك مستقبل ممتاز وانك هتمسك قسم كبير هنا في المستشفي قريب.. 

ابتسم طارق وقال

شكرا اووي يا دكتوره ساره ده بفضلكم بعد ربنا.. 

ساره 

ربنا يوفقك، هروح مكتبي انا بقي.. 

طارق بسرعه 

مم ممكن بس نشرب حاجه يعني لسه بدري علي بداية الشغل؟.. 

ساره 

انا بجد مش قادره اشرب حاجه خالص سوري مره تانيه... 

_ مشيت ساره وطارق اتنهد بضيق وبعدين كل واحد بقى ملهي في شغله، وفي نص اليوم كان احمد دخل مكتبه بس لمح طارق بيتكلم في الفون وبيضحك... 

احمد 

بيكلم الهانم اكيد.. 

رباب من ورا احمد

يا دكتور والله حالتك بقيت صعبه جدا ممكن تشوف دكتور نفساني.. 

احمد بحده 

غوري من وشي يا رباب وبطلي تركزي معايا.. 

رباب بغيظ

طيب هات مفتاح الارشيف بتاعك عايزه اجيب ملفات منه عشان بتاعي ضاع.. 

احمد طلع المفتاح وقال

خدي بس لو ضاع والله العظيم لارفدك... 

رباب

ده انت بتتلككلي بقي؟.. 

احمد

ايوه... 

_ قال كلامه ودخل مكتبه ومسك موبيله وطلع رقم ريم الجديد وقال لنفسه.. 

احمد

لا لا وعلي ايه ازعجهم انا اصلا مالي... 

ساب الفون بس مسكه تاني وقال

ما فيهاش حاجه لما اتاكد، هرن واقفل علي طول...

ـ وفعلا رن عليها بس لاقاها جرس عادي ومش بتكلم حد. فقفل علي طول، وابتسم وهو مبسوط انها مش بتكلم طارق وفضل يشتغل وبعد كام دقيقه موبيله رن برقم ريم... 

رد عليها وقال

نعم... 

ريم 

نعم انت اللي رنيت عليا؟.. 

احمد

عادي كنت بطمن عليكم انتي كنتي فين اصلا؟.. 

ريم 

ابداً يا سيدي موبيلي ما فيش فيه رصيد فاخدت موبيل امك وكلمت طارق من عندها... 

اتنهد احمد بضيق وقال

يعني كنتي بتكلميه، طيب يا ريم اقفلي.. 

ريم 

طيب انا رايحه النادي مع امك وعايزاك تيجي تاخدني توديني عند قبر ممدوح ولا اروح لوحدي.. 

احمد

مش هتطلعي من البيت غير لما اجي.. 

ريم بضيق 

احمد انا مش عايزه اغلط فيك وانت دكتور محترم ومتربي، انا طالعه وهعمل اللي عايزااه.. 

احمد

وانا قولت لا سلام... 

_ بصت ريم للموبيل بغيظ وقامت غيرت هدومها ولبست فستان اسود. بسيط وحجاب اسود وطلعت مع الهام بس اتفاجئو لما لقيو في حراس قدام باب البيت.. 

الهام 

انت مين يا ابني انت وهو وبتعملو ايه هنا.. 

الحارس

احنا الحراس الجداد للبيت، خير حضرتكم رايحين فين؟.. 

الهام بهدوء

اممم رايحين النادي في مانع ولا حاجه... 

الحارس 

تقدري حضرتك تتفضلي تروحي بس المدام لا... 

ريم بحده 

مدام في عينك يالاا اوعي كده.. 

الحارس 

لو سمحتي يا هانم احمد بيه امرنا بعدم خروجك حتي لو بالقوه.. 

ريم بغيظ 

شايفه ابنك يا طنط؟... 

الهام ابتسمت وقالت

والله موضوع بينك وبين جوزك انا ماليش دعوه بيه، اسيبك انا واروح النادي بقي.. 

_ مشيت الهام وريم دخلت البيت وكانت قاعده لوحدها مدايقه، وبعدين طلعت قعدت في اوضتها وغيرت هدومها لبجامه طويله وواسعه ونامت... وصحيت بالليل قامت لبست حجابها وطلعت لقيت ميرا بتجهز السفره.. 

ريم. 

ميرا هي طنط الهام رجعت؟... 

ميرا 

لا يا هانم دكتور احمد بس اللي رجع.. 

ريم بغيظ. 

هو جه ابن الوارمه والله لوريه... 

_ وطلعت فوق وهي متعصبه ودخلت اوضته من غير ما تخبط وقالت بسرعه.. 

ريم بحده 

بقي انت يا ملزق تحبسني في البيت وو.... 

_ سكتت بصدمه وبرقت لما لقيته واقف قصادها بالفوطه وبينشف في شعره، ووشها قلب احمر وطلعت بسرعه وقفلت الباب وقالت وهي بره.. 

ريم باحراج

انا اسفه والله ما اخدت بالي.. 

احمد بسخريه

لا لا لا ولا يهمك انا زي جوزك برضو.. 

ريم بضيق وهي بتاكل في ضوافرها

طيب البس وخلص عشان عايزااك.. 

 فضلت مستنياه وهو قالها

ادخلي خلصت... 

دخلت ريم وهي باصه لاارض وقالت

انا عايزه اخرج لو سمحت.. 

احمد

قولت لا ما ينفعش دلوقتي، وعلي فكره انا مش بحب الزن.. 

ريم بضيق

وانا مش بحب حد يقيدني بحاجه، يا احمد انت كده بتخليني اكره اقعد هنا ولو كرهت المكان ده هطفش بجد... 

احمد

اطمني مش هسمحلك تطفشي... 

ريم بغيظ 

يا ربنا علي البرود، بص يا ابن الناس انا ايوه بحب قعدت البيت ومش بحب الشغل والجو ده بس بجد انا تعبانه ومحتاجه اغير جو.. 

احمد بجمود

الوقت ما يسمحش انك تخرجي دلوقتي، وبعدين اعملي اي حاجه تسليكي كلمي طارق مثلا واتسهوكي معاه شويه.. 

ريم بحده 

هو انت ايه مشكلتك مع طارق اصلا؟... 

احمد بعصبيه 

هو مين طارق ده اللي انا احطه في دماغي ولا يفرقلي، فوقي يا ريم انتي وطارق في حته وانا في حته تاني.. 

ريم بحزن 

والله اومال انت ايه اللي مدايقك منه؟.. 

احمد بحده 

انك مش محترماني ومش محترمه انك في نظر الكل دلوقتي مراتي ولازم تخلي بالك من تعاملك مع اي حد... 

ريم بهدوء

انا عايزه اخرج وابقي علي راحتي والا ا.. 

احمد زعق فيها وقال 

انا ما يتلويش دراعي واللي اقوله يتسمع وبس... 

_ دخلت في الوقت ده الهام وبصتلهم بقلق وكانت ريم دموعها ماليه عينيها وقالت.. 

الهام 

مالكم في ايه صوتكم جايب اخر البيت؟.. 

_احمد مسح بأيده علي وشه وهو متعصب، وريم ردت علي الهام بهدوء وقالت... 

ريم 

ما فيش حاجه بعد اذنكم انا رايحه انام... 

طلعت ريم والهام قالت

انت بتزعق فيها كده ليه يا احمد حرام عليك قدر الظرف اللي هي فيه.. 

احمد بجمود

هي لا بتفهم ولا بتحس اصلا، لو سمحتي يا ماما سبيني دلوقتي في حالي.. 

الهام بجمود

اومال انت اتجوزتها ليه؟.. 

احمد بجمود

اخوها اللي طلب وبعمل كل ده عشان ممدوح، انما البني ادمه دي وتصرفاتها متناسبنيش... 

الهام بهدوء 

وعشان خاطر صاحبك لم نفسك مع البنت شويه.. 

احمد بضيق

لو سمحتي يا ماما ممكن تسبيني دلوقتي انا عايز انام.. 

الهام 

ماشي يا احمد اللي يريحك... 

_ طلعت ريهام من عنده واحمد قعد علي سريره مدايق وقال لنفسه بسخريه... 

احمد. 

كل اللي عايزاه طارق وبس اكيد بينهم حاجه اكيد... 

_ وعدي اسبوع في التاني في التالت وكانت ريم مش بتكلم احمد خالص وهو كمان وكان مشغول في المستشفي وبس، وفي نفس الوقت كانت حالة ممدوح زي ما هي... 

وفي بيت احمد كانت ريم قاعده مع الهام وهي مدايقه جدا حتي ان جسمها خس بشكل كبير في فتره قليله.. 

الهام 

بقولك ايه يا ريم انا مقدره زعلك علي ممدوح الله يرحمه بس ممكن بقي تقلعي الاسود.. 

ريم بجمود

لا مش وقته بقولك ممكن تساعديني اخرح.. 

الهام 

تخرجي تروحي فين؟.. 

ريم بضيق

اي مكان انا بجد. زهقت بقالي شهر ما شوفتش الشارع... 

الهام 

طيب لو انا وافقت هنخرج ازاي من عواميد النور اللي بره دول.. 

ريم بتفكير

امم انا هظبطها وهخلي طارق يستنانا بره البيت بس الناحيه التانيه وانتي تلهي الحراس وانا اخرج والنبي وافقي.. 

الهام بحماس

موافقه طبعا انا بموت في الحاجات الاكشن دي... 

ريم 

والله انتي حما زي العسل... 

_ في المستشفي كان عزيز قاعد مع احمد في مكتبه وهو مبسوط وقال.. 

عزيز 

بجد وافقت يعني هتسيب المستشفي؟.. 

احمد 

لا طبعا هقسم وقتي هنا وهنا، انا مش هتنازل عن حلمي ولا هضيع سنين تعليمي دي علي الفاضي.. 

عزيز بهدوء

المهم انك هتيجي الشركه معايا، همشي انا بقي وهستناك بكره.. 

_ مشي عزيز واحمد كان مدايق جدا وطلع صورة ريم اللي كانت في المحظه بتاعت ممدوح وقال بهدوء.. 

احمد

تعبتيني يا ريم من اول لحظه شوفتك فيها وكل حاجه في حياتي اتلخبطت.... 

_ دخلت عنده في الوقت ده ساره بعد ما خبطت علي الباب وقالت.. 

ساره 

انت فاضي اتكلم معاك شويه؟.. 

احمد

ايوه فاضي تعالي يا ريم،،، يووه قصدي يا ساره.. 

ضحكت ساره وقالت

 هي اموره بصراحه وتستاهل انك تنشغل بيها المهم... 

احمد 

خير ان شاء الله؟.. 

ساره 

بما انك هتروح الشغل مع بابي ايه رئيك لو ريم تيجي تمسك معايا المستشفي.. 

احمد بجمود

بصي هو انا من زمان ناوي ان مراتي مش هتشتغل وريم بالذات مش هينفع تشتغل ولا تطلع من البيت اصلا الفتره دي.. 

ساره 

يا عم هي هتكون هنا في امان معايا زي لما بتخرج وتروح النادي مع طنط كده.. 

احمد

ومين قالك انها بتخرج اصلا من البيت، ظروفها صعبه مع اهلها ومش لازم تخرج.. 

ساره 

ازاي الكلام ده، طارق من شويه اخد اذن ومشي عشان هيقابل ريم في النادي ومعاهم طنط.. 

احمد بجمود

نعممم انتي مين قالك الكلام ده؟.. 

ساره 

هو ما فالش حاجه هو قال انه رايح النادي لانه عمل اشتراك فيه من فتره وانا ساعدته ولقيته منزل استوري ليه هو وريم وطنط الهام.. 

_ وطلعت موبيلها ووريته الاستوري، واحمد اتملك منه الغضب واخد حاجته ومشي بسرعه... 

_ وفي بيت احمد رجعت ريم هي والهام اللي كانت خايفه وقالت.. 

الهام 

عارفه لو احمد عرف هيزعل مني وعيب عليا ابقي ست كبيره وكدابه في  نظر ابني.. 

ريم 

يا طنط ما هو احمد لسه ما جاش والله ومش هيعرف حاجه... 

الهام 

بس بصراحه كان يوم حلو، انا هروح انام شويه لحد ما يجي احمد ونتعشي سوا.. 

ريم 

وانا هروح اشوف المسلسل بتاعي... 

_ وطلعت ريم فوق واول ما دخلت اوضتها لقيت احمد قاعد علي الكنبه اللي هناك وبصلها بعصبيه... 

ريم بقلق

يا نهارد اسود.. 

وقف احمد وقال

هو فعلا هيكون اسود علي دماغك يا ريم... 

ريم بتوتر

بص هو انا والله كنت هقولك وو.. 

_ قرب منها وشدها من ايدها جامد وذقها علي السرير وقفل الباب وقال بعصبيه.. 

احمد 

دلوقتي بقي نتكلم بس بطريقتي يا،،،، يا مراتي.. 

ـــــــ #بقلم_الكاتبه_رحاب_القاضي ـــــــ 

_ وفي المانيا.. 

كانت كامليا قاعده جنب ممدوح جوه الاوضه ونايمه براسها علي طرف الكنبه وبتقلب في موبيلها، وفجأه حرك ممدوح ايده من غير هي ما تاخد بالها وقال... 

ممدوح بصوت متألم 

ريم... 

العاشر 

قفل احمد الباب عليهم وقال

كده. نتكلم يا ريم بس بطريقتي انا يا... يا مراتي... 

ريم بخوف

انت قصدك اييه لااا انا فاهمه الجو ده كويس قريته في عشرميت روايه قبل كده بس ما يتعملش في ريم محمود ياااه.. 

احمد بجمود 

خلصتي؟... 

ريم بدموع

انت عايز ايه يا احمد؟.. 

احمد بهدوء

عايز افهم كلامي ما اتسمعش ليه؟.. 

ريم سكتت وهو زعق فيها وقال

انتي هتتفرجي عليا ما تنطقي... 

ريم اتخضت وقالت

يخربيتك ما انت كنت هاادي، وبعدين بفكرلك في اجاابه مقنعه.. 

احمد بسخريه

اجابه مقنعه ولا كدبه مقنعه يا كداابه... 

ريم. بغيظ. 

انا مش كداابه ايوه خرجت وطنط وطارق مالهمش دعوه انا اللي خطت لكل حاجه، عشان انت ما امتلكتنيش عشان تحبسني.. 

زعق فيها احمد وقال

انا بعمل كل ده عشانك وعشان خايف عليكي.. 

ريم بحده 

مش مطالب تعمل كده علي فكره، انا بعرف احمي نفسي كويس.. 

احمد بسخريه 

اتنيلي والنبي انتي من غيري ولا حاجه يا ريم... 

ريم بتحدي 

طيب ما تجرب تسيبني في حالي كده وابقي لوحدي ونشوف وقتها هقدر ابقي من. غيرك كويسه ولا لا؟.. 

احمد اتنهد بغيظ

لا مش هسيبك ومش حباً فيكي انا اصلا مش طايقك وما فيش اتقل منك علي قلبي بس عشان خاطر ممدوح... 

حست باهانه من كلامه وقالت

وانا مش بطيقك ونفس التقل برضو علي قلبي من ناحيتك ومش عايزه اعيش في بيتك ولا عندك.... 

احمد بحده

مش بمزاجك يا ريم انا اللي اقرر وافتكري انك مراتي وده غصب عنك... 

ريم بسخريه

بطل تقول الكلمه دي لاني عمري ما هشوفك جوزي ولا تنفع تكون جوزي اصلا... 

مسكها من دراعها جامد وقال

انا مستعد اوريكي انفع ولا لا ودلوقتي حالاً... 

_قال كلامه بطريقه مش كويسه، وكان ردها هي علي كلامه انها ضربته بالقلم واحمد غمض عينيه بعصبيه وذقها جامد علي السرير وقرب منها وقال بكل غضب... 

احمد 

خلص يا ريم الكلام معاكي وانا هعرف ازاي اخليكي تمدي ايدك عليا او حتي ما تسمعيش اي كلمه بقولها... 

ريم بدموع وخوف

والله العظيم ورحمة ممدوح يا احمد لو قربت مني لهتبقي زيك زي كمال وفتحي بالنسبالي... 

_ بعد احمد عنها فعلا بس مش عشان كلامها لا بسبب موبيله اللي رن وطلعه من جيبه ولقي ان اللي بترن عليه فطلع وقفل الباب بالمفتاح عليها قامت ريم وخبطت علي الباب وقالت.. 

ريم بضيق

يا احمد لو سمحت افتحلي والله حرام عليك اللي بتعمله ده... يا احمد رد عليا طيب يا احمد.. 

_ما ردش احمد عليها وسابها ومشي وهي راحت قعدت علي السرير وفضلت تعيط وفتحت موبيلها علي صورة ممدوح وقالت ببكاء.. 

ريم 

شايف اختك من غيرك بيحصل فيها ايه، اهو ده صاحبك اللي انت امنته عليا والله هو... هو حيوان... 

_ وفي اوضة احمد دخل وقفل الباب وكلم كامليا تاني وقالها.. 

احمد

ايوه يا كامليا في ايه؟.. 

كامليا بنبره كلها سعاده 

ممدوح فاااق يا احمد اتكلم وحالته اتحسنت شويه والدكتور بيطمن عليه وهيتنقل اوضه عاديه.. 

اتملت عيون احمد دموع وابتسم وقال

انتي بتتكلمي جد مم مدوح فاق هاتيه اكلمه يلاا... 

كامليا 

يا ابني هو ما فاقش بنسبة مايه في الميه هو بس طلع من الغيبوبه والحمد لله في وقت سريع اهو بس لسه في الم كبير عنده بسبب الرصاصات اللي جات صدره وعشان كده هيقعد يومين تحت تأثير المسكن وانا مش هسيبه خالص... 

احمد 

تمام يا كامليا خليكي ديما معايا في اي جديد.. 

كامليا 

ممكن بقي تقول لـ ريم وتفرحها بان اخوها عايش خلاص ما فيش خطر علي حياته... 

احمد بجمود 

ان شاء الله يا كامليا، المهم خلي بالك منه ولو اي حاجه احتاجتيها كلميني علي طول... 

كامليا 

وانا هحتاج منك انت ايه، انت ناسي انا ابقي مين وبنت مين يا ا.... احمد... الو... 

قفل احمد في وشها وقالت هي بغيظ

قليل ذووق وربنا... 

ـــــــ#بقلم_الكاتبه_رحاب_القاضي ـــــــ 

_ وتاني يوم الصبح في بيت عزيز الشناوي، كانت ساره قاعده في اوضتها مداايقه جدا ولقيت في رساله جات علي موبيلها من طارق... 

فتحتها ولقيته باعت ليها "اظن الوقت بدري وممكن نفطر سوا"... 

ساره اتنهدت بضيق وردت عليه وكتبت" انت عايز مني ايه يا طارق؟ ".. 

استنت شويه وابتسمت لما لقيته بعت" نفطر 😁"

كتبتله بهدوء"انا مش عايزه اروح المستشفي النهارده وعايزه اقضي يوم غير روتيني هتقدر تعمل كده معايا ؟ "... 

بعد ما بعتت الرساله ادايقت وجات تمسحها لقيت ان طارق شافها ورد عليها وقال... 

طارق" اقدر جدا كمان، تحبي اعدي عليكي وابعتلك لوكيشن مكان تجيلي عليه؟ "... 

اتنهدت ساره بضيق وكتبت" مش عايزه اعطلك خلاص بلاش احسن ".. 

طارق" لا لا والله ما هتعطليني ولا حاجه، ده انا ما صدقت اصلا "... 

ساره" تمام خلاص ابعتلي اللوكيشن وانا هجيلك ".. 

_ وشالت موبيلها في الشنطه ونزلت لقيت باباها والمحاميه بتاعته اللي اسمها علياء بيفطرو.. 

ساره 

طنط علياء حضرتك هنا عامله ايه؟.. 

علياء

انا كويسه الحمد لله، انتي عامله ايه يا دكتوره.. 

ساره

تمام الحمد لله، مش هعطلكم عن حااجه وهمشي.. 

عزيز 

رايحه المستشفي؟.. 

ساره

لا يا بابي النهارده قررت انه هيبقي فري واروح اشوف صحاابي... 

عزيز 

تمام بس النهارده بس اللي اجازه.. 

اتنهدت ساره وقالت

اوكي يا بابي، بااي... 

مشيت ساره وعلياء قالتله

بطل تخنق البنت بتحكماتك دي؟.. 

عزيز 

بقولك ايه انا مش بتدخل في تربيتك لابنك وانتي كمان ما تدخليش في تربيتي لبنتي، وبعدين انا عايز اعرف احنا هنقولهم امتي اننا متجوزين؟... 

علياء بحزن 

مش عارفه الموقف صعب يا عزيز مالك ابني في اخر سنه في الجامعه بتاعته واطول مني وبيغير عليا من صحابه اللي هما في سن ولادي تخيل لما اقوله اني اتجوزت.. 

عزيز قام وقال

تمام يا علياء اللي يريحك، يلا بينا بقي عشان ما نتاخرش علي الشغل.. 

علياء بهدوء

طيب ممكن ما تزعلش وتضحك كده والا والله ما هقوم في يومي كله من هنا.. 

ابتسم عزيز وقال 

قوومي يا علياء عندنا شغل مش وقت دلع ده.. 

قامت علياء وقالتله

لا انا الدلع معايا قي اي وقت انا عايزاه.. 

_ ضحكو هما الاتنين ومشيو مع بعض.. 

ـــــــ #بقلم_الكاتبه_رحاب_القاضي ـــــــ 

_ في اوضة ريم فتح احمد الباب ودخل عندها لاقاها نايمه وبرضو بالحجاب بتاعها وهي حاضنه المخده، قرب منها ووقف قصادها وهو بيبصلها بهدوء، واتنهد بضيق وجه بطلع بس لفت نظره حاجه كبيره تحت المخده، قرب منها وشال المخده واتصدم لما لاقاها رابطه كذا ملايه من بتوع السرير في بعض، وضحك غصب عنه وقال.. 

احمد

بقي يا حيوااانه عايزه تهربي مني، طيب انا هوريكي... 

_ اخد الملايه وخرج وقفل عليها الباب بالمفتاح تاني، ووصل المستشفي وكانت رباب قاعده مستنياه وقالت.. 

رباب 

دكتور احمد. عندك عمليه النهارده غير ان في كذا كشف مستعجل وو.. 

احمد 

اجلي كل ده دلوقتي انا جاي اسلمك ورق العمليه تديه لدكتوره ساره وانتي تغيري مواعيدي وكل حاجه لحد الساعه خمسه ووتعرفي الكل بالنظام ده انا هكون هنا من الساعه 5 للساعه 11... 

رباب 

اصبر استني اقولك الدكتوره ساره ما جاتش النهارده.. 

احمد

اي حد يا رباب بصي خلي الدكتور هشام ويكون الدكتور طارق معاه... 

رباب 

الدكتور هشام عنده تلات عمليات موزعهم علي النهارده وبكره، ودكتور طارق هو كمان طلب اجازه وما جاش النهارده، وفي حاجه غريبه بتحصل ان هو والدكتوره ساره ما جوش وكمان بشوفهم مع بعض كتير فاهم ده يعني ايه يا دكتور.  

حط احمد ايده علي خده وقال

لا ما اعرفش يعني ايه، قولي انتي يا رباب يعني ايه.. 

رباب بحماس

يعني هنشرب شربات وناكل جاتو قريب يا دكتور، عقبالي يارب اما الاقي راجل يلمني في بيته.. 

احمد بغيظ 

انتي مش عايزه راجل يلمك انتي عايزه قبر يلمك ويلم مناخرك اللي حشراها في حياة الناس دي... 

رباب باحراج 

اا يعني اا.. 

زعق احمد فيها وقال

شوفي شغلك يا ربااااااب فاهمه ولا والله هرفدك وانا اصلا بتلكلك... 

رباب 

ليه كده يا ظالم روح يا شيخ ربنا ما يحكمك علي يتامه... 

احمد بحده 

ربنا ياخدك ياارب، اسمع مني يارب وخدها وريحني منها... 

_ ودخل احمد مكتبه وخلص كام حاجه وبعدين مشي وراح الشركه وراح مكتبه اللي هناك ودخل عنده عزيز وقال.. 

عزيز 

احمد قووم تعالي معايا.. 

احمد وقف وقال 

خير يا خالي في ايه؟.. 

عزيز. 

يا ابني تعالي وخلصني.. 

_ وطلتو هما الاتنين وراح احمد مكتب خاله عزيز، ولقي عزيز بيقوله.. 

عزيز 

شوف بقي ناوي تغير ايه هنا عشان ده هيبقي مكتبك يا حبيبي من هنا ورايح.. 

احمد بصدمه 

نعممم  يا خالي بجد انا مش فاهم يعني صعب عليك تخلي بنتك تاخد مكانك في الشغل وبسهوله كده هتسيب مكتبك لابن اختك.. 

عزيز 

وابن اختي يبقي ابني، انا لما كل حاجه ملكي تروح لابن اختي احسن مليييون مره ما تروح لواحد غريب هيتجوز بنتي عشان طمعان فيها... 

احمد

ما يمكن انا اللي اطمع في بنتك... 

عزيز ضحك وقال

هههههه مستحيل ده انا اللي مربيك، المهم ده مكتبك وكل حاجه في الشركه والمصانع من مسؤليتك انت ولما تزنق اووي كلمني.. 

احمد بجمود

انت فاكر انك كده بتفيدني انت بتقيدني بحاجات مش عايزها واحلامي مش هتتحقق هنا... 

عزيز بهدوء

ترتيب ربنا ليك احسن مليون مره من اللي انت بتحلم بيه.... 

ومشي عزيز ووقف عند. الباب وقال

انت ليه حجزت تذاكر سفر لالمانيا... 

احمد بهدوء

رايح اقضي شهر العسل انا ومراتي في مشكله؟... 

عزيز ابتسم وقال

اذا كان كده خلاص بس ما تتأخرش عشان الشغل... 

احمد بهدوء

هتابع من الفرع اللي هناك لحد. ما ارجع... 

عزيز

علي خير يلا سلام... 

ـــــــ #بقلم_الكاتبه_رحاب_القاضي ـــــــ 

_ وبالليل في بيت طارق 

كان قااعد في اوضته وبيكلم ريم في الموبيل وقالها وهو مبسوط... 

طارق

ايوه يا بنتي قولتلها اني معجب بيها كان يوم جميل اصلا روحنا اماكن حلوه.. 

ريم 

ابلع ريقك كده وقولي حسيت بايه لما قولتلها؟... 

طارق 

اتكسفت.. 

ريم ابتسمت وقالت

طبيعي تتكسف بس حسيت انها هتوافق يعني.. 

طارق

اكيد هتوافق، ياريم انا بحبها بجد والله ومستعد اعمل اي حاجه عشانها.. 

ريم 

ان شاء الله هتوافق، بقولك ايه يا طارق ما تعرفليش محامي كويس؟.. 

طارق

اعرف بس ليه هترفعي قضيه علي ولاد عمك؟... 

ريم بضيق

هخلع احمد.. 

ضحك طارق وقال

هههههههه تلاقيه هيرجع من الشغل ويفتحلك وبلاش تعملي حاجه من ورااه.. 

ريم بحده 

انا ما اتحبسش وما حدش يمشي كلامه عليا... 

دخلت في الوقت ده سهير وطارق قال لريم

ريم بقولك ايه هكلمك وقت تاااني... 

وقفل مع ريم وقال لمامته

في ايه يا ماما واقفه كده ليه؟.. 

سهير بضيق

وبعدين ايه اخرة حكايتك مع البنت دي.. 

طارق

قصدك ريم؟... 

سهير

ايوه هي.... 

طارق 

ولا حاجه يا ماما ريم اختي وو.. 

زعقت فيه سهير وقالت

لا مش اختك بطل توهم نفسك انها اختك يا طارق، اختك ما*تت ريم مجرد زميله.. 

طارق بدموع 

انتي ليه بتعملي كده، انا اكتر حد تعبت في غياب اختي وما صدقت لقيت حد عوضني عن غيابها... 

سهير بحزن

انا خايفه عليك انت واهم نفسك ان ريم مكان ندي حتي نفس اهتمامك باختك بقي مع ريم.. 

طارق بحزن 

لانها طيبه زيها وحاسه بوجعي لانها اتحرمت من اخوها.. 

سهير

وانت قولتلي ان اخوها لسه عايش، لما اخوها هيرجع هي مش هتفضل تعاملك زي كده وهتتعب اكتر وقتها.. 

طارق بضيق

ريم مش كده انتي ما تعرفيهاش يا ماما ولو سمحتي بلاش تدخلي في علاقتي بريم تاني، وايوه انا معتبرها مكان ندي الله يرحمها ومش هسمح لحد يبعدها عني... 

سهير بضيق