رواية عشق الصخر الفصل الاول حتى الفصل الثاني عشر بقلم الكاتبه شيماء عصمت حصريه وجديده على مدونة أفكارنا

رواية عشق الصخر الفصل الاول حتى الفصل الثاني عشر بقلم الكاتبه شيماء عصمت حصريه وجديده على مدونة أفكارنا 

بابا ارجوك متعملش فيا كده..متسلمنيش ليه! دا انسان انا معرفهوش! ليه اتحمل نتيجة غلطك ارجوك مترمنيش ليه؟! انا بسمع عن الانسان ده حاجات مش كويسة ابدا .. انت ليه بتعمل كده ؟ ..انا ذنبي ايه لو سمحت خليني هنا! اعمل فيا اي حاجة بس متبعنيش ليه ارجوك

قالت عشق الكلمات دي وهي بتترجي ابوها بعيون منفوخة من كتر البكاء وهي راكعه قدامه و ماسكه ايده تترجاه عشان ميدفعهاش نتيجة اخطائه هو!

بص ليها ابوها (ناصر) و رد ببرود :انتي عايزاني اعمل ايه اسيبه يحبسني؟ انتي عايزة كده؟!

عشق بحزن:لا طبعا مش عايزة حضرتك تتحبس بس يا بابا انا مش عايزة اتجوز الشخص ده ارجوك .. انا معرفهوش اساسا ولا عمري شفته! طب اشمعني انا اللي عايزة تجوزني ليه! مع ان مايا اكبر مني! ليه انا؟!! دا حتي انا لسه مخلصتش جامعتي!!

وكملت بتوسل اكتر

ارجوك يابابا انا هعمل اي حاجة بس ارجوك بلاش،ثم اننا ممكن نبيع القصر دا وتدفع الديون اللي عليك

ناصر بعصيبة شديدة سحب ايدة من بين ايديها: انتي هتفضلي غبية كده لحد امتي؟ بقي القصر ده هيسدد الديون اللي عليا؟ انتي عارفة انا عليا كام عاررفة ولاااا لا .. انطقي!! انا هقولك .. عليا 100مليون .. عارفة يعني ايه 100مليون ثم ايه الانانية اللي انتي فيها دي؟ عندك استعداد تضحي بيها انما بنفسك لااا .. ايه الجحود اللي انتي فيه ده ، وبعدين متنسيش انها مش بنتي دي بنت مراتي .. من بكره هيتم جوازك جهزي نفسك .. دا اخر كلام عندي وكفاية الدراما اللي انتي عملاها دي صدعتيني ياشيخة

قال كلامه بمنتهي القسوة من غير رحمة او حتي شفقة .. وسابها ببساطة وخرج ولا كانها بنته وحته منه .. ازاي في اب يتخلي عن بنته بالطريقة دي؟!! دا اللي عشق فكرت فيه قبل ما تنهار وتقع علي الارض

في مليون سؤال ومش لاقيه اجابه عليه! ابوها بيضحي بيها كده ليه؟! ضحكت بتريقه من بين دموعها .. ابوها بيكرها من وقت ماتولدت .. امها ماتت بعد ما ولدتها .. بيتهم مفهوش اي صورة لامها عمرها ماشافتها .. دايما بتستغرب ليه مفيش اي ذكرى لامها .. ليه ابوها كان بيضربها لما تسال عنها!! كانت زي اي طفلة من حقها تسال عن امها لسه فكره اليوم اللي ابوها دخل فيه القصر ومعاه ناريمان مراته او بمعني اصح الساحرة الشريرة زي ماهي مسمياها وقتها كانت فرحانه جدا اخيرا هيكون عندها ام زي صحابها بس للاسف ناريمان ابعد ماتكون عن الام .. قد ايه هي وبنتها "مايا" كانوا بيضربوها وياخدوا هدومها .. ويقطعوا كتابها ويروحوا يشتكوا لابوها انها بتقل ادبها عليهم فـ يضربها .. كانت بس بتتمني تعيش بين اب وام واخوات تحبهم ويحبوها هو دا كتير عليها!! كبرت بين ابوها ومراته وبنتها شافت معاهم الويل وعمرها ما اشتكت ابدا لانها كانت بتتمني يحبوها ، هي مش بتحب المشاكل بتحاول تبعد عن اي كلمة تجرحها ، نفسها ابوها في يوم يحبها يمكن عشان كده مش بترد على اهانه مرات ابوها وبنتها!! يمكن بتذاكر وتنجح وتطلع من الاوائل بس عشان تشرف ابوها ويفتخر بيها فـ يحبها!! ابوها دايما بيعامل مراته وبنتها زي الاميرات مع ان مايا بنت نريمان من جوزها الاولاني يعني مش بنته ليه بيحبها اكتر منها؟! ليه بيكرها؟ هي عملت ايه!! مين هيساعدها دلوقتي معندهاش قرايب .. لمعت عينيها وهي بتفتكر حبيبها .. ايوه حبيبها اللي اعترفلها بحبه ليها فأول سنة ليها في الجامعة وقالها انه هيتقدم ليها بعد ماينهي دراستة .. قامت بسرعة ولهفه تدور علي تليفونها .. ايوه حبيبها هينقذها زي ما بتقرأ في الروايات .. لقت تليفونها على السرير اخدته بلهفه واتصلت عليه

عشق بنبرة باكية:سيف

|

وفي قصر (الشبح) زي ما بيقولوا علي صاحبه كان قاعد في مكتبة بهيبته وقوته اللي بيخاف منها الكل .. بموسامته اللي بتخلي الستات تموت فيه ويكونوا رهن اشارته

كان قاعد وواقف جانبه صاحبه و دراعه اليمين "علي"

صخر :كل تجهيزات الفرح جاهزة ياعلي

علي: كل حاجة جاهزة زي ما انت عايز ياصخر

صخر: أتأكد ان كله تمام مش عايز ولا غلطة متنساش ان دي اول مره هظهر قدام الاعلام والصحافة حتى رجال الاعمال اي غلطة هتحصل انت المسؤل قدامي 

علي: متقلقش ياريس اتاكد ان كل حاجة هتكون تمام

صخر:راحت جامعتها انهارده

علي:لا ناصر عمران انهارده بلغها علي الاتفاق وان بكره هتتجوز .. كل حاجة ماشيه زي ما انت عايز بس الولد اللي اسمه ااا

قاطعه صخر بعصبية شديدة:خلااااص فهمت..كل حاجة هتنتهي انهارده حتي هو .. سكت ثواني وكمل: خلاص ياعلي روح ظبط كل حاجة مش عايز غلطة

علي: تمام ياصاحبي سلام

خرج "علي" من المكتب .. صخر سند ضهره علي الكرسي وغمض عينه وهمس بنبره متملكه:بكره واخيراا هنتقابل هتدخلي سجني ومستحيل تخرجي منه .. ابداا

|

عشق بنبرة باكية: سييف

سيف بقلق:عشق مالك ياحبيبتي

عشق بتوسل:سيف الحقني ارجوك بابا عايز يجوزني غصب عني ارجوك اتصرف!

سيف:اتصرف اعمل اايه يعني؟!

عشق:تيجي تتجوزني مش انت بتحبني؟!

سيف بخبث:طبعا بحبك و بحبك اوووي كمان بس انتي عارفة اني لسه بدرس وبابا مش هيوافق اني اتجوز وانا لسه متخرجتش فـ مش هينفع اتجوزك حتي لو ابوكي وافق

عشق:مش هينفع ليه مش فاهمة؟!

سيف بخبث:عشق انا عايز اقابلك حالا وهقولك علي فكرة تخلي اللي عاوز يتجوزك يرفضك بنفسه

عشق بتعجب:يرفضني! طب ماتقول على الفون انا مش هعرف اخرج دلوقتي

سيف بمكر: عشق حبيبتي مش انتي بتحبيني ومش عايزة تتجوزي غيري

عشق ببرأة:أيوة مش عايزة

سيف:يبقي تتصرفي وتطلعي من عندك وتيجي تقابليني باي طريقة

عشق:اوك هتصرف باي

سيف:باي ياقلبي

قفلت عشق مع سيف وبينها وبين نفسها:هتعملي ايه ياعشق هتتصرفي ازاي دلوقتي لازم تشوفي سيف عشان يخرجك من المصيبة اللي انتي فيها دي بس لو الساحرة الشريرة جت ومش لقتني نايمة في سريري هتسود عيشتي اكتر ماهي مسوداها اااه ياربي

ثواني وكملت بفرحة:اهااا لقيتها انا هحط مخده بدالي على السرير وهخرج من باب الجنينة وهرجع بسرعة بجد بجد انا ذكية جدا ههههه من كتر ذكائي بكلم نفسي 

عشق لبست فستان اسود طويل بحمالات عريضة حطت ميك اب هادي جدا ورفعت شعرها علي شكل ديل حصان بصت لنفسها في المرأية:اناااا قمرر اقسم بالله بعيوني المنفوخة دي اموووواه هههههه

راحت حطت المخده على السرير وكانها هي اللي نايمة وخرجت بسرعة من اوضتها وهي ماسكه بأديها جذائها عشان متعملش اي صوت عشان محدش يحس بيها نزلت السلالم بخفة وصلت للصالون شافت الكل مجتمع ابوها ومراته وبنتها 

مشيت برااحة لحد ماوصلت للمطبخ ومنه لباب الجنينة لبست جذائها وجريت لحد ما طلعت بره القصر و اتصلت بسيف اللي كان مستنيها علي ناار

عشق :سيف انا عرفت اطلع من القصر هقبلك فين؟!

سيف بسعادة:برافوو عليكي تعاليلي

فأوتيل****

عشق بتوتر:بس الاوتيل دا بعيد خلينا في مكان قريب احسن

سيف بمكر:حبيبتي متقلقيش انا لايمكن ااذيكي احنا هنقعد في المطعم بتاع الاوتيل مش اكتر، مش انتي بتثقي فيا

عشق بتلعثم: اااه ااه بـ بثق فيك

سيف: تمام هستناكي

عشق:باي

قفلت عشق مع سيف وفكرت بتوتر: ياربي اعمل ايه مش عارفة قلبي مقبوض ومش عايزة اروح بس لازم اروح عايزة اخلص من المصيبة اللي بابا عايز يرميني فيها دي

وقفت تاكسي عشان تروح لـ الاوتيل وماخدتش بالها من العيون اللي بتراقب كل تحركاتها

 الفصل الثاني

�

فى قصر ناصر عمران والد عشق

كانت ناريمان مراته قاعدة وجانبها مايا بنتها ومعاهم ناصر 

ناريمان بشماتة: افهم من كده انه بكره هيكتب الكتاب وياخد عشق ونخلص منها اخيرا 

ناصر بلا مبالاة: اها بس هو مش هيجي هنا بنفسه كتب الكتاب هيكون فـ قصرة 

علي الضيق يعني القريبين منه بس هما اللي هيحضروا كتب الكتاب والفرح هيعمله بعد اسبوع تقريبا انتي عارفة ان لحد دلوقتي مظهرش في اي مؤتمر صحفي .. عمرك ما تلاقي صورة ليه في اي مجله ..مع انه ظهر في مجال البزنس من 3سنين بس!! رغم كده انه بقي اهم رجل اعمال في البلد مفيش اي شغل هو مش مشترك فيه وفي أي مجال سواء صناعة او تجارة وكافة شيء 

كمل بحيرة : بس مش عارف ليه عايز يتجوز عشق بالذات يعني ليه مقلش علي مايا وشاف عشق فين اصلا؟!! انتي عارفة انها من الكلية علي البيت ومن البيت ع الكلية

ناريمان بسخرية: هو انت مش واخد بالك يا ناصر انك معندكش الا عشق وان مايا دي بنتي من جوزي الاواني فـ اكيد مفيش قدامه الا اللعبه بنتك رغم انك عارف ومتاكد انها اا..

قاطعها ناصر بعصبية :ناريمان قولتلك 100مرة الموضوع ده ميتفتحش تاني .. لا قصادي ولا حتي بينك وبين نفسك ودي اخر مره احذرك فيها المرة الجاية معرفش رده فعلي هتكون ازاي .. فاااااهمة 

ناريمان بتوتر: مفهوم انا مقصدش حاجة انا ..

قاطعها ناصر بسخرية:والا تقصدي الموضوع ده تنسيه تماما

مايا :اهدي يا اونكل اكيد ماما متقصدش وبعدين من امتي حضرتك بتزعل لما ماما بتتكلم علي عشق ماهي متعودة علي كده وانت عادي هو في حاجة انا معرفهاش

ناصر بص لـ ناريمان بصه رعبتها فـ قاطعت بنتها بسرعة وتوتر: لا طبعا حاجة ايه بس مفيش حاجة يا مايا ناصر بس متوتر .. وكملت بسخرية: متنسيش ان بنته هتتجوز بكره 

مايا بعدم اقتناع:اوك

ناصر بتساول:الا قوليلي يا ناريمان ليه معرضتيش مثلا انه يتجوز مايا مش معقول تخلي الفلوس دي كلها تضيع من اديكم وتروح لعشق ولا ايه

ناريمان بتكبر :وهو انت مفكر انا ممكن اجوز بنتي لحد انا معرفوش وبعدين كفاية سمعته اللي سابقاه اللي يقول دا بتاع ستات واللي يقول أنه بيشتغل مع المافيا عشان كده وصل لقوته ونفوذه بالسرعة دي وبعدين مسألتش نفسك هو ليه مش بيظهر للناس مع انه المفروض شخصية عامة؟!! لا ليه صورة ولا انترفيو ولا اي حد يعرف شكله انت نفسك ماتعرفش شكله كل تعاملاتك مع شريكه ودراعة اليمين اللي اسمه "علي" ده .. اعتقد لأما هو راجل عجوز جداااا او فيه علة تمنعه يظهر للناس اصل هو فعلا زي ما الناس بتقول عليه(شبح) وانا بنتي الف واحد يتمناها .. وانا عايزة راجل لـ بنتي مش شبح .. خلي عشق تشبع بيه هههههه

شاركها الضحك مايا و ناصر

ناصر: عندك حق اكيد في عيب يمنعه يظهر كل رجال الاعمال الكبار قبل الصغيرين بيترعبوا منه حتي انا مع اننا لا نعرف شكله ولا حتي سنه ، لما بيحط حد في دماغة بيجيبة الارض اديكي شوفتي اللي حصل فيا دي عشق هتتنفخ هههههههه

ضحك معاه الكل واستمروا بحديثهم الساخر

______♪______♪_______

وصلت عشق لـ الاوتيل اللي سيف قالها عليه طلعت تليفونها واتصلت بيه

عشق :الوو سيف .. انا وصلت الاوتيل انت فين؟!

سيف :بصي وراكي ياحبيبتي 

عشق بصت وراها لقت سيف راحتله وسلمت عليه

سيف: هاي

عشق: هااي ورحمة الله وبركاتة

سيف: وحشتيني 

عشق بخجل:شكرا

سيف:ههههه شكرا دا اخرك؟! كتر خيرك ياشبة!

ابتسمت عشق بخجل ومردتش

سيف:يلاا ندخل هنقعد في مطعم الاوتيل

دخلت عشق مع سيف وهي قلقانه ومتوترة خايفة!! هي حاسه ان فيه مصيبه هتحصل بس بتحاول تطمن قلبها وان كل حاجة هتكون كويسة طول ماهي مع حبيبها!!

دخلوا المطعم وقعدوا

عشق بتوتر:هاا ايه هي الفكره اللي عندك

سيف:ايه يابنتي انتي مستعجله علي ايه! تشربي ايه الاول

عشق:شكرا بس مش عايزة حاجة

سيف اصر يجبلها حاجة تشربها وقام بنفسه وجبلها عصير وقدمهولها .. عشق قدام اصراره شربت

عشق: ها شربت العصير ايه بقي فكرتك

سيف: نتجوز

عشق ابتسمت بسعادة وحست انها طايرة بس فرحتها والابتسامة اللي ملت وشها اختفت اول ماسيف كمل كلامة

سيف بهدوء:عرفي .. نتجوز عرفي

________________

عند صخر تليفونة رن كان علي

صخر ببرود: ايوه ياعلي خير

علي: ______

صخر: هكون فين يعني ما انت عارف عندي شغل

علي: ______

صخر: بطل تحسسني انك امي .. انا مش صغير ياعلي وعارف انا بعمل ايه كويس 

علي: ______

صخر بجمود: هانت ياعلي وكل حاجة هتنتهي ومترنش عليا تاني عشان اتخنقت منك ومن غير سلام

صخر قفل في وش علي وكمل اللي هو بيعملة

_________________

سيف بهدوء: نتجوز عرفي 

عشق مش مستوعبة ان اللي سمعته ده يكون صح اكيد سمعت غلط مش معقول يكون قالها كده!!!

عشق بصدمة: انت بتقول ايه ااا انا تقريبا سمعت غلط ولا بيتهيئلي 

سيف :لا مسمعتيش غلط ولا حاجة انا بقولك نتجوز عرفي لانك عارفة ان بابا مستحيل يوافق اني اتجوز وانا لسه طالب وانا لسه مكونتش نفسي وظروفي متسمحليش افتح بيت دلوقتي فـ مستحيل اتجوز حاليا! هو دا الحل الوحيد ياحبيبتي 

عشق مش مستوعبه اي كلمه من اللي هو بيقوله .. حاسه ان كل احلامها بتتدمر معقول سيف يكون شايفها رخيصة كده وانها ممكن تتجوز في السر!! وجواز عرفي!! مستحيل اكيد دا كابوس .. كابوس وهتصحى منه اكيد

قطع شوردها سيف 

سيف بخبث: قولتي ايه يااعشق صدقيني انا بحبك ومش عايزك تبعدي عني ودي الطريقة الوحيدة اللي هنقدر نوقف بيها جوازك منه 

ردت عشق بسخرية واحتقار :بجد!! طب لو انا وافقت وقولتلك اوك يالا ياحبيبي نتجوز عرفي وفي السر فـ بعبقريتك كده هتمنع جوازي اللي هو بكره ازاي .. هتعمل ايه هتتصرف ازاي يا يا حبيبي

تجاهل سيف سخريتها: هنكتب الورقة بتاريخ قديم ونطلع في الاوضة اللي انا حاجزها هنا في الفندق ونقضي وقت حلو مع بعض وبكره هروح لـ ابوكي واخليه يشوف العقد وانك مراتي واكيد هو هيعمل اي حاجة عشان يلغي جوازك من الراجل اللي هو عايز يتجوزك دا .. عشان يداري علينا وميتفضحش ها ايه رايك؟!

عشق كانت مصدومة!! بجد مصدومة كان عندها امل انه يكون بيهزر او دا مقلب!! بس كل حاجة ادمرت ، في اللحظة دي حست اد ايه بتكرهه ، بجد بتكرهه عمرها ماكرهت حد في حياتها حتي مرات ابويا مكرهتهاش برغم كل اللي بتعمله معاها قد ايه كانت بتضربها وحتي بتمنعها من الاكل ازاي كانت بتشغالها خدامة في البيت اللي المفروض بيتها ازاي كانت بتحرمها انها تخرج وكانت بتحاول بكل الطريق تخلي ابوها يمنعها من التعليم قد ايه اهانتها واهانت والدتها الله يرحمها وقفت بهدوء وسيف كمان وقف وابتسم بنصر فكر انها وافقت بس اتفاجئ بعشق وهي بكل قوتها ضربته قلم كل اللي في المطعم سمعوه من قوته

عشق بشمأزاز:انت احقر واندل انسان انا قابلته في حياتي مش عايزة اشوف وشك تاني ياحيوان انت 

خلصت كلمها وطلعت تجري بره المطعم وبره الفندق كله .. دموعها نزلت غصب عنها مش متخيله ان حتي الشخص الوحيد اللي كانت مفكره انه بيحبها طلع حقير بالشكل ده ، سمعت صوت خطوات وراها التفتت تشوف مين لقت سيف بيجري وراها وتعبيرات وشه مش مبشره ابدا .. حست وكأن شيطان بيجري وراها جريت بقوه اكبر كانت حرفيا مرعوبة وابتدت تحس بدوخة والرؤية مش واضحة فجأة وقعت ورجلها انجرحت حاولت تقوم معرفتش عيطها زاد وسيف وقف قدامها وبيضحك بشر قرب منها وهمسلها: وقعتي ولا الهوا اللي رماكي ياحلوة ههههههه محدش هيقدر ينقذك مني والقلم ده هتدفعي تمنه غالي ، غالي اوي ياعشق 

شالها بين ايديه وعشق بتضربه بأيديها ورجليها بكل مافيها من قوة بس جسمها كله متخدر بتحاول بكل ما فيها متغبش عن الوعي

الثالث والرابع 

 الفصل الثالث

على الطرف التاني كان قاعد وشايف رد فعلها وتصرفات الحقير سيف .. هيخليها تعاني شوية هو عارف أد ايه هي قوية رغم انها طيبة لدرجة الساذاجة .. بريئة هي رغم شراستها هيعاني معها كتير بس هيستحمل!! بس مفيش مانع من التعامل معها ببعض البرود والكثير من القسوة اللينه!!

همس بسخرية يداري وراها كم كبير من الغضب وهو بيستمع كلام سيف وشايفه ازاي لامسها :هفضل لامتي احميكي من برأتك؟!

_______________

سيف بسخرية:وفري مجهودك ياحلوه هتحتاجيه دلوقتي كلها 10دقايق ويغمى عليكي واللي مش عايزاني اخده برضاكي هخده غصب عنك

كانت عايزة تصرخ مش قادرة .. صوتها مش طالع .. حاسه وكانها مشلوله مش قادرة تتحرك كانت شايفاه وهو شايلها وبيدخل بيا اوضة من اوض الفندق رماها ع السرير كانت عايزة تجري بس مقدرتش

سيف قرب منها لدرجة انها بقت بتتنفس انفاسه

عشق بتعيط من غير صوت بتدعي ربنا ينقذها!!

ياااااارب ... كلمه صرخ بيها قلبها قبل لسانها وكأن المعجزة اتحققت سمعت صوت باب الاوضة بيتكسر و سيف بيبعد عنها بالاجبار مبقتش قادرة حتي تفتح عينيها واغمى عليها

_______________

فتحت عنيها ومش فاكرة هي فين؟! ولا ايه اللي جابها هنا؟! حاسه صداع رهيب هيفرتك دماغها!! .. ابتدت احداث امبارح تقتحم عقلها قامت من علي السرير وهي مفزوعة بتبص علي نفسها تتاكد انها لسه بـ الهدوم اللي كانت لبساها امبارح لقت هدومها زي ماهي اطمنت شوية اتفاجئت بـ الباب بيتفتح وعيون بلون السما بتبصلها بنظره معرفتش تفسرها!! نظره خلتها تترعش كانت خايفة .. مرعوبة!!

قرب منها وهو بيبصلها من فوق لتحت ببرود رعبها منه .. فضل يقرب وهي تبعد لحد ما وصلت للحيطه 

عشق بنبرة مرتعشة: اااا انت ممين

قرب منها لدرجة انها تقريبا بتتنفس أنفاسه 

رد عليها بمنتهي الهدوء :جوزك

رفعت عينيها وبصت في عيونه بصدمة

عشق: ااانت بتقول ايه!! انت مجنون ابعد عني

حاولت تبعده عنها بس زي ما يكون حيطه متحركش سنتي حتى 

صخر: في حد يقول علي جوزو مجنون

بصتله باستغراب: انت بتقول ايه اوعي كده بدل ماهصوت والم عليك الناس 

صخر ضحك بسخرية: هتصوتي وهتلمي عليا الناس!! طب جربي كده تعمليها انتي اجبن من انك تعمليها والا كنتي عملتيها لما الحيوان كان واخدك اوضته ولا انتي كنتي مبسوطة باللي بيحصل؟!!

عشق بغضب : انا مسمحلكش ابعد عني 

بقولك

صخر بتسليه : ولو مبعدتش هتعملي ايه

عشق بتحدي : هضربك

صخر انفجر في الضحك لدرجة ان عيونه دمعت .. متنكرش ان ضحكته سحرتها .. اد ايه ضحكته حلوة نهرت نفسها وردت عليه بغيظ: انت ياجدع انت بتضحك علي ايه .. شايف ارجوز قدامك ولا حاجة

صخر بتسلية: لا وانتي الصادقة انتي اللي مش شايفة!! طب حتي اعملي حساب لفرق الطول اللي بينا وبعدين في واحده عاقله تبقا عايزة تضرب جوزها؟!!

عشق بغضب: بطل تقول جوزها جوزها دي وسع كده انا همشي من هنا حالا وريني بقا هتمنعني ازاي؟!!

زقته بكل قوتها ويدوب مشيت خطوتين وكان هو ماسك ايديها شاددها عليه بقوة بقت في حضنه بصت في عيونه بصدمة .. ضربات قلبها عليت لدرجة انها خافت ليسمعها

عشق بهمس: لو سمحت ابعد ميصحكش كده

بعد هنا بهدوء وبص لوشها اللي بقي زي الفروالة .. اد ايه هي جميلة كل حاجة فيها جميلة .. شعرها اللي بيعشقه وبيعشق لونه!! عنيها الخضرا اللي مستعد يضحي بحياته عشانها .. نظراتها وملامحها البريئة كلها علي بعضها تجنن هي اسم علي مسمى عشق وهي فعلا عشق!!

قاطعت شروده: انت يا استاذ ، يا كابتن انت نمت وانت واقف ولا ايه

صخر بهدوء: انتي حلوه اوي ياعشق

انصدمت برده مكنتش متوقعة ابدا أنه هيقول كده 

عشق برتباك: اااا انت شكلك كده قليل الادب فـ سبني امشي ارجوك!! اصلا ايه اللي جابني هنا انت خااطفني ولا ايه بالظبط؟!!

صخر: انتي هبلة ولا بتستهبلي ولا الذاكرة عندك سمكية؟!! انا مش لسه قايلك اني جوزك والطبيعي ان اي زوجة تكون في بيت جوزها!! بذمتك مش دا المظبوط؟!

عشق بتسرع: صح دا الطبيعي

صخر قرب منها ولمس خودودها ورجع شعرها لورا وقالها بهمس: طب لما دا الطبيعي عايزة تسبيني وتمشي ليه

عشق للحظة سرحت فيه وفي وسامته قلبها هيخرج من مكانه هو قريب منها لدرجة ان الهوا حتي مايعديش مابنهم اول مره حد يكون قريب منها كده .. صخر قرب بشفايفه من شفايفها ويدوب هيلمسهم سمع حد بيخبط ع الباب عشق فاقت من تاثيره عليها وباعصاب سايبة زقته عشان يبعد عنها ، صخر بعد بغضب

صخر بغيظ :مـين

___:آنآ سـعدية يآبيه سـتي گريمـة بتقول لحضـرتگ آلفطـآر جآهز و مـسـتنيآگ هي ومـريمـ هآنمـ

صخر: روحي يآسـعدية آنآ نآزل حآلآ

سـعدية نزلت وصخر بص لعشـق بهدوء

صخر :يلآ ننزل عشـآن نفطـر

ردت عشـق بزهول: آنت بتهذر صـح آنت مـين آصـلآ وآنآ ازاي جيت هنآ آنت آگيد خآطـفني آنآ عآيزة آعرف آنآ جيت هنآ آزآي آخر حآجة فگرآهآ آني گنت فآلفندق وو

قآطـعها صخر بعضب حاول يتحكم فيه : عآيزه تعرفي جيتي هنا ازاي آنا هقولك آمـبآرح بالصدفة گنت فـ نفس آلفندق آللي حضـرتگ كنتي فيه انتي والحيوان اللي كان معاكي ..  شوفت الانسة المحترمة اللي المفروض ان انا وهي هنتجوز وهي في حضن واحد تاني!! واحد و**** شايلها ووخدها في اوضة من اوض الفندق مشيت وراكم لحد مالقيته دخلك اوضة وقفل الباب وراكم كسرت الباب عشان اشوف المحترمة اللي اناا هتجوزها بتعمل ايه مع راجل غريب شوفتك في اوضة نومه علي سريرة والحيوان بيحاول يبوسك ايه زعلانه اني انقذتك ولا زعلانه اني قطعت عليكي سهرتك 

عشق بغضب رفت ايدها عشان تضربة بالقلم .. صخر مسك ايدها بشدة لدرجة انها حست ان ايديها هتتكسر فـ ايدة

عشق بغصب : اخرس ياحيوان انت .. انا مش هسمح لواحد قذر زيك يشكك فـ اخلاقي او تتكلم عني بالطريقة دي وبعدين لو في حيوان هنا هيبقي انت مش هو انت اللي عايز تتجوز واحده لا تعرفك ولا عمراها شافتك بتشتريها بفلوسك انت حقير وحيوان وقذر انت

صخر سكتها بانه ضربها بالقلم من قوتة وقعت ع الارض .. بصتله بصدمة وهي حطة ايديها علي وشها .. مذهولة مش مصدقة انه ضربها بالقلم دموعها نزلت غصب عنها مكنتش حابه انها تبين ضعفها قدامة .. صخر للحظة ندم!! قلبه وجعه لما شاف دموعها متخيلش ابدا انه هيمد ايده عليها بس هي السبب هي اللي غلطت فيه واهانته ، هي اللي دافعت عن الحيوان سيف قدامه؟! هي اللي كانت هتضيع نفسها بسبب سذاجتها!!

عشق قامت من علي الارض وبصتله بصه عمره ماهينساها

عشق بكبرياء وشراسة مش عارفة جابتها منين : اللي يمد ايده علي واحده ست ميبقاش راجل ، انت لو فكرت تمد ايدك مره تانية هقطعهالك انت سامع ولا لا ؟! انت ملكش دعوة بيا والجوازة دي انا مش موافقة عليها انا مستحيل اتجوزك لو انت اخر راجل في الدنيا دي مستحيل .. فاهم يعني ايه مستحيل؟!!!

قالت كلامها وطلعت تجري من الاوضة!! كل اللي هي عايزاة انها تمشي من هنا ، مش عايزة تشوف وشه تاني

يدوب هتفتح الباب وتمشي لقت اللي بيمسك ايديها وطبعا كان صخر

صخر بحده وصوت عالي كل اللي في البيت سمعوه :انتي مفكره نفسك راحة فين هاا انتي دلوقتي مراااتي عارفة يعني ايه مراتي، يعني رجلك مش هتعتب بره البيت ده ، صوت عالي انا مش عايزة ولو ابوكي مربكيش انااا

قاطع كلامة صوت امه "كريمة" : صخررر كفاية كده مش ملاحظ انت بتتكلم ازاي؟! سيب ايديها .. صخر بقولك سيب ايديها انت بتأذيها

صخر بتلقائية بص علي ايدها اللي ابتدت تزرق من قوة مسكته عليها سابها فورا ورجع خطوة لورا بص لامه وبعدين على عشق اللي وشها غرقان دموع وبتدلك ايديها من الوجع صوابعه معلمه علي وشها مكان ما ضربها بالقلم !! معقول هو عمل فيها كده ازاي قدر يأذيها!! هو مكنش يقصد ابدا ، نظره الخوف اللي هي بتبصله بيها دي زي الساكين بتقطع فـ قلبه

قطع شروده كريمة: بعد اذنك ياصخر ادخل المكتب وسبني مع عشق شوية 

صخر بصلها ورجع بص لعشق

بس رد علي امه وقالها بهدوء: حاضر يا امي

لفصل الرابع

كريمة: بعد اذنك ياصخر ادخل المكتب وسيبني مع عشق شوية 

صخر بصلها ورجع بص لعشق

بس رد علي امه وقالها بهدوء: حاضر يا امي صخر فعلا دخل مكتبة وساب عشق مع امه 

كريمة قربت منها ومسكت ايديها ، عشق بصتلها بخوف وتوتر

كريمة بحنية: متخافيش ياحبيبتي انا زي امك انا بس عايزة اتكلم معاكي شويه ممكن .. وكملت بهزار: ولا انا مش قد المقام

عشق بأدب :لا ابدا بس لو سمحتي انا عايزة أروح بيتي أنا معرفش أنا هنا بعمل ايه وازاي جيت هنا أو حتى ده بيت مين وكملت بنبرة قربت علي العياط:  أنا عايزة أروح عايزة أمشي من هنا

كريمة طبطبت عليها ودخلتها معاها الصالون ، كان في بنت قاعدة فالصالون تقريبا في سن عشق وشكلها جميلة وشقية 

كريمة: اقعدي طيب وأنا هجاوبك علي كل اسئلتك .. الأول بس أحب أعرفك على البنوتة اللي جانبك دي ، دي مريم بنتي وأخت صخر في سنة تالتة ثانوي 

مريم بـ إبتسامة ودوده مدت أيديها تسلم عليها: هاي ياعشق ازيك عاملة إيه

عشق بلطف سلمت عليها: الحمدلله كويسة

كريمة: مريم سبيني أنا وعشق وروحي شوفي وراكي إيه يلا

مريم بمرح : بتوزعيني ياست ماما ماشي ياجميل عامةً أنتي الخسرانة .. ووجهت كلامها لعشق: فرصة سعيدة ياعشق اكيد هشوفك تاني .. سلام مؤقتاً

مريم خرجت وكريمة بصت لعشق

وقالت: اوعي تكوني زعلتي من مريم هي بس بتحب تهزر 

عشق: بالعكس واضح أنها بنت دمها خفيف أوي

كريمة بحنية: فعلا دمها خفيف .. قوليلي بقا عايزة تسيبي بيتك وتمشي ليه ياعشق؟!!

عشق بنرفزة :لو سمحتي متقوليش بيتي!! أنا معرفكوش!! أنا لا أعرف البني آدم اللي كان معايا من شوية ولا أعرف حضرتك أنا مش عارفة أنا هنا بعمل إيه!! 

كريمة بهدوء: أنتي هنا في بيت جوزك ياعشق عشق حاولت تتكلم بس كريمة كملت:متقاطعنيش مبارح في نص الليل صخر دخل البيت وهو شايلك وأنتي مغمي عليكي طلعك أوضته نيمك فيها وبعدين إتصل بوالدك وقاله إنك هنا معاه والنهارده الصبح كتب كتابه عليكي وبموافقة أبوكي وكيلك .. يعني صخر دلوقتي جوزك وأنتي لازم تكوني هنا فبيته ده شيء طبيعي ياعشق!  أنتي والدك أكيد قالك إنك هتتجوزي من صخر و النهارده! إيه اللي جد ياعشق؟! إيه اللي مضايقك يابنتي!

عشق بعصبية: حضرتك بتسأليني إيه اللي مضايقني!! بجد ده سؤال .. اللي مضايقني إن أبويا أجبرني إني أتجوز واحد معرفوش أبويا أجبرني أتجوز تسديد لدين عليه لإبنك ، إبنك ده انتهازي إزاي يقبل يتجوز واحده مش عايزاه!! واحدة متعرفهوش ولا هو يعرفها! إنتي عارفة أنا نمت وصحيت لقيت نفسي متجوزة!! لقيت نفسي فبيت واحد معرفوش واحد ضربني بالقلم حضرتك فاهمة يعني إيه ضربني!! أنا لو همووت لا يمكن أقعد هنا ولا أخلي الشيء اللي بره ده جوزي..دا جواز باطل أنا مقبلتهوش زوج ليا!! أنا موافقتش عليه!! لو سمحتي ساعديني خرجيني من هنا أرجوكي خرجيني من هنا

كريمة بحزن عليها : أنا آسفه ياعشق إن ده كله حصلك بس مقدرش أساعدك أنتي دلوقتي مراته ..دلوقتي ده بيتك ، أنتي بس عشان متعصبة مش عارفة تفكري صح ، اهدي ياعشق وفكري بالعقل صخر دلوقتي جوزك ده بقي أمر واقع!! اتقبليه ياحبيبتي وتعايشي معاه صخر طيب وحنين هتحبيه مع الوقت أنتي لسه معرفهتوش لما تعرفيه هتحبيه صدقيني هو مش زي ما أنتي متخيلاه ابداً 

عشق بتسمعها ودموعها مغرقة وشها يعني إيه ده جوزها!! إزاي وامتى ده حصل!! أبوها رماها كده معقوله!! اتخلي عنها بالسهولة دي مين هيساعدها؟! ملهاش حد!! ملهاش قرايب يدافعوا هنا!! معندهاش حد خالص!! ده حتي أبوها اتخلي عنها!! باعها لصخر!! انهارت فالعياط وصوت عياطها بقي عالي جداً كريمة قربت منها وحضنتها ، عشق حست بدفى غريب لما كريمة حضنتها .. حضن كريمة حنين جداً وكان أم بتحضن بنتها حست بأمان وبحب مشاعر عمراها ماحستها!! يمكن لأن عمرها ما حد حضنها بالحب والحنية دي!! يمكن لأن طول عمرها متحضنتش أصلا!!

كريمة بحنية وتأثر: خلاص يا عشق عشان خاطري متعيطيش ياحبيبتي أنتي بس قوليلي أنتي عايزة إيه وأنا هانفده علطول بس اهدي أنتي ومتعيطيش يابنتي 

عشق بعدت عن حضنها وبصتلها : وعد

كريمة ردت بابتسامة وهي بتمسح دموعها: وعد

عشق: أنا عايزة أروح بيتي .. بيت بابا أرجوكي

كريمة ببتسامة: حاضر ياعشق هروحك بيتك 

____:_على جثتي لو الكلام ده يحصل

طبعا ده كان رد صخر اللي كان واقف علي باب الصالون وبيبصلها بغضب

عشق بخوف قربت من كريمة ومسكت فيها

كريمة بتحدي : هتقف قدامي ياصخر!! علي آخر الزمن هتكسر كلمتي أنا قولت عشق هتروح بيتها يعني هتروح بيتها وأنت كمان اللي هتوصلها متنساش أن أنا كبيرة البيت ده! ولا أنت ليك رأي تاني ياصخر؟!

صخر بإحترام: لا عاش ولا كان اللي يكسر كلامك يا أمي بس دي مراتي ومن حقي إني اا

كريمة قطعت كلامه: خلص الكلام ياصخر خد عشق وروحها لبيت أبوها حالا

عشق بصت لكريمة بامتنان وشكرتها بأنها حضنتها وبصت لصخر وطلعت لسانها تغيظة وطبعا صخر كان هيفرقع من الغيظ والغضب

صخر فعلاً أخد عشق عشان يوصلها بيت ناصر عمران ميقدرش يكسر كلمة أمه..مش خوف منها إنما إحترام وتقدير ليها هي الوحيدة اللي ممكن يسمع كلامها 

طول الطريق وهما الاتنين ساكتين قاعدين في صمت قاتل ، هو مش عايز يتكلم عشان ميطلعش عصبيته عليها ويخوفها منه أكتر ماهي خايفة وهي مش عايزة تتكلم لأنها فعلاً خايفة منه 

أخيراً وصل قدام قصر ناصر عمران والد عشق .. نزلت عشق من العربية من غير ولا كلمة 

صخر فضل متابعها لحد ما دخلت وبعدين مشي بالعربية بأقصى سرعة

_______☆_______☆_______

(الرواية قيد الكتابة ~ مواعيد النشر كل اتنين وخميس الساعة 7 وعلى الوتباد الساعة 6)

_______☆_______☆_______

عشق أول ما دخلت القصر لقت اللي ماسكها من شعرها لدرجة إنها حست أنه هيتخلع فإيده بتلتف تشوف مين طلع أبوها "ناصر" 

ناصر مسك عشق من شعرها جامد لدرجة إنها حست أن شعرها هيتطع فأيده

عشق بعياط: ااه بابا سيب شعري أرجوك هيتقطع فإيدك يا بابا .. اااه أنت بتعمل فيا كده ليه اااه أنا عملت إيه طيب حرام عليك

ناصر بغضب وبيشد شعرها أقوى :عملك أسود ومنيل أنتي جايه هنا ليه؟! علي آخر الزمن عيلة زيك هتفضحني امبارح هربتي من البيت في نص الليل .. وكمل بتريقة: وصخر باشا يبعتلي دراعه اليمين علي ويقولي صخر باشا هيكتب الكتاب دلوقتي وأروح معاه الاقي المأذون موجود وصخر باشا قاعد ابن الـ*لب

قاعد ومخبي وشه زي الحرامية وأمضي علي جوازك من غير حتي ماشوف وش صخر السيوفي يابنت الـ****** وأعرف بعد كده إنه جابك من أوضة نوم واحد هتعملي إيه أكتر من كده يا****** يابنت الـ*****

ضربها بالقلم من قوته وقعت على الارض قرب منها ومسكها من شعرها وجرجرها بره البيت: والنهارده جيالي وأنتي مابقلكيش يوم متجوزة إمشي مش عايزة أشوف وشك تاني أنتي فاهمة لو شوفتك تاني هقتلك ياعشق عارفة يعني إيه هقتلك غوووري في ستين داهية

زقها بعنف وقعت علي الأرض ودماغها اتجرحت وبتنزف ،  عشق كانت منهارة من العياط مش مصدقة كل اللي بيحصلها هي الدنيا عايزة منها إيه ... حياتها من سيء لـ أسوء!! فكرت تموت نفسها بس هي أضعف من إنها تعمل كده!! يعني تخسر دنيا وآخره!! فضلت حضنه نفسها وهي قاعدة على الأرض قدام القصر هتروح فين دلوقتي أبوها وطردها من بيته اللي المفروض يكون بيتها هتروح لمين ملهاش قرايب!! مفيش غيره هـو «صخـر»!! اللي المفروض أنه جوزها!!

معقول تكسر نفسها قدامه بالشكل ده هيقول عليه إيه دلوقتي لما ترجعله بعد اللي قالته ليه معقول يشمت فيها ويعيرها أن أبوها طردها!! أو حتى يطردها من بيته!! إذا كان أبوها طردها يبقي صخر مش هيطردها!! هتروح سجنه برجليها وتعيش مع سجنها كل اللي حصلها بسببه هو!!

«صخر» لو مكنش عايز يتجوزها مكنش ده كله حصل ، بس هو كمان السبب أن أبوكي يكرهك ياعشق؟!

الخامس والسادس 

الفصل الخامس

«صخر» لو مكنش عايز يتجوزها مكنش دا كله حصل ، بس هو كمان السبب ان ابوكي يكرهك ياعشق؟!

قطع شوردها صوت هي عرفاه كويس

مايا بسخرية: تؤتؤتؤ ياحرام ايه اللي مبهدلك كده ياعشق هو العريس ضربك ولا ايه؟! ولا تكوني معجبتهوش فـ اداكي استمارة 6 وقالك روحي لـ ابوكي ياشاطرة

عشق قامت من علي الارض وبصتلها بأحتقار جنن مايا

عشق: انتي اأقل من اني ارد عليكي

قالت كلامها ومشت من غير ماتسبلها فرصة ترد

هتروح لصخر هو ملجأها الوحيد دلوقتي!!

حاولت تفتكر عنوان قصره

بعد محاولات كتير اخيرا وصلت للقصر بقالها ساعة تقريبا ماشية ، رجليها مش حاسه بيها ، عيونها ورمت من كتر البكاء ، شعرها متبهدل ومتقطع بسبب ضرب ابوها ، وشها اثار الضرب واضحة عليه جداا ، دماغها لسه بتنذف من الوقعة

حرس قصر صخر بلغوه ان عشق بره كان هيطلع يشوفها بس امه اعترضت: خليك انت ياصخر اكيد في حاجة حصلت عشان كده رجعت تاني خليني استقبلها انا

صخر: ماشي يا امي انا هسيبك تستقبليها بس بعد اذنك انا مش عايز حضرتك تتدخلي بيني وبين عشق تاني ، متنسيش انها مراتي!! من النهارده هي مسؤولة مني انا وبس!! انا جيت علي نفسي وروحتها بيت الـحقير اللي اسمه ناصر وانتي عرفاه كويس اووي فـ ياريت تبعدي عن علاقتي بـ عشق

كريمة: متنساش ياصخر انها اا

قاطعها صخر: عارف انتي هتقولي ايه بس حاليا انا مش عايز اي حد يدخل بعلاقتي بعشق هي لسه متعرفنيش خليها تتقبل علاقتي بيها الاول لو سمحتي يا امي انتي عارفة انا مقدرش اكسر كلمتك متخلنيش اعمل غير كده

كريمة :حاضر ياصخر بس بلاش طبعك القاسي معاها عشق مش هتستحمل قسوة اكتر من كده ، انا هقوم اشوفها .. اتاخرت عليها اوي

كريمة خرجت تشوف عشق .. صخر قاعد محتار يعمل ايه!! معقول مش عارف يتعامل معاها!! هو عارف انها رقيقة مش هتستحمل طبعة القاسي زي ماقالت والدته قاطع تفكيره صوت امه وهي بتصرخ قام بسرعة يشوف فيه ايه لاقي عشق فاقدة الوعي وواقعة ع الارض وشكلها متبهدل على الاخر وقف جامد مش مستوعب ان دي عشقه! 

كريمة ببكاء : الحقني ياصخر اتحرك اتصل بدكتور 

صخر قرب من عشق بلهفه وشالها وطلعها اوضته واتصل بـ "علي" يجيب "دكـتورة" لعشقه .. كان قاعد جنبها ع السرير ماسك ايديها ، ملامحه جامدة ، نظرة عيونة فاضية مش باين اي تأثر عليه عكس تماما البركان اللي جواه!! سؤال واحد عايز يعرف اجابته مين عمل فيها كده؟! رغم انه شبه متاكد ان "ناصر عمران" هو اللي عمل فيها كده ، بس يتأكد ووقتها هيندمه ع الساعة اللي اتولد فيها!!

مد ايده وبعد شعرها عن وشها .. لمس علي جرحها بحنيه ، قرب منها وباس جرحها وهمس بوجع: اسف اني مقدرتش احميكي!!

اسف ان دا حصلك ، اول واخر مره هتبعدي عن عنيا بمزاجك او غصب عنك مش هتحمل اشوفك كده تاني ومش هسمع كلام اي حد تاني! 

_______________

الدكتورة جت وكشفت علي عشق وقالت ان جروحها سطحية ومش خطيرة وانها ضعيفة ودا سبب الأغماء ومحتاجة تاكل كويس جدا ويبعدوعها عن اي توتر لان واضح ان حالتها النفسية مش كويسه وكتبتلها بعض الفيتامينات

صخر اطمن عليها وكان ماشي

كريمة بـ استغراب: رايح فين ياصخر وسايب مراتك في الحاله دي

رد عليها من غير مايبصلها :رايح اجيب حقها

سابها ومشي وطلع باقصي سرعة على قصر "ناصر عمران" ومعاه "علي" وعربيات الحراسه وراه

____________________

فـ الوقت ده كان ناصر قاعد هو وناريمان ومايا

نريمان: تفتكر صخر هيسكت علي اللي انت عملته فـ عشق

ناصر: هيعمل ايه يعني!! اكيد هيشكرني انا خلتها ترجعله وبمزاجها هيعوز اكتر من كده ايه

مايا: انتي يا مامي شغلاه نفسك بالموضوع ليه اكيد صخر دا هو اللي طردها من بيته وكملت بخبث وحقارة : بعد مااخد منها اللي هو عاوزه

ناصر: قفلوا على الموضوع ده اااا

قطع كلامه صوت تكسر باب القصر وكمية الحراس اللي اقتحموا البيت

وقفوا متلجمين مش عارفين يعملوا ايه

ناصر برتباك: ااانتوا مين!! وعايزين ايه؟!

:_انا هقولك انا مين وعايز ايه 

كلهم بصوا لمصدر الصوت 

صخر داخل بهيبه وقوتة اللي بيخاف منها الكبير قبل الصغير

مايا عنيها كانت هـ تاكله بتبصله بنظرات وقحه!! عجبها ، عمرها ماشفت حد زيه قربت منه ومدت ايديها تسلم عليه

مايا بدلع مقزز: هاي انا مايا وانت

صخر بصلها من فوق لتحت وتجاهل ايديها وتخطاها ودا عجبها وخليها مصممة اكتر انا تحصل عليه باي طريقة! اكيد هو شخص تقيل!! مين دا اللي يقدر يرفض مايا بجمالها الطاغي دا طبعا من وجهه نظرها هي!!

_انت مين وزاي تدخل بيتي بالطريقة دي

دا كان سؤال ناصر اللي تجاهله صخر وقعد علي الكرسي وحط رجل علي رجل واتكلم بسخرية :تؤتؤتؤ والله عيب عليك ازاي يعني مش عارفني!!

ناصر بتريقه: الا تكون رئيس الجمهورية وانا معرفش

صخر بنفس التريقه: لا وانت الصادق انا جوز بنتك ياحمايا معقول مش عارفني!!

التلاته بصوا لبعض بذهول

مايا لنفسها:_ معقول دا يتجوز عشق وانا اللي زي الهبلة كنت فرحانه انها اتجوزت بالطريقة دي وكنت فكراه عجوز ولا يكون شكله مش حلو اااه من غبائي ااااه .. وقعتي واقفه ياعشق الكلب

ناريمان لنفسها:_ بقا دا «صخر نبيل السيوفي» دا اللي فكرته عجوز وقلت لا بنتي مش هجوزها حد اكبر منها زي ما انا اتجوزت يارتني كنت شوفته مكنتش هخليه يروح الا لبنتي مش لعشق بنت الـ****

ناصر لنفسه:_ بقا دا اللي واكل السوق كله ياتراي جاي وعايز ايه معقول جاي عشان اللي عملته في عشق ولا عايز ايه بالظبط وليه مخلينيش اشوفه؟! ليه فـي كتب الكتاب استخبي زي الحرامية؟! 

قطع تفكيرهم صخر: مالكم مبلمين كده ليه هتفضلوا بصينلي كده كتير!!

ناصر بتوتر من هيبة وقوة صخر الواضحة: اهلا ياصخر بيه انا سعيد جدا اني اخيرا شوفتك

صخر بصله من فوق لتحت بنظرات قلقت ناصر اكتر واكتر 

صخر قام وقف فجأة قدام ناصر بطوله وهيبته المخيفه وبصوت مرعب قال: ضربتها بأي ايد

ناصر السؤال لجمه معرفش يرد

صخر بصوت عالي مرعب خوف الكل: انطق اي ايد اللي ضربت مراتي!! مرات صخر السيوفي؟!

ناصر بخوف حاول يداريه رد بتلقائية : دي

وشاور علي ايده اليمين في لحظه واحده كان صخر ماسك ايد ناصر وكسرهالوا .. مايا ونريمان المنظر رعبهم وناصر اترمي على الارض بيصرخ من الوجع

صخر ببرود : دي حاجة بسيطة عشان لو بس فكرت تلمس شعره من شعرها .. المره الجايه رقبتك اللي هتتكسر مش أيدك

قال كلامة وسابهم ومشي وناصر مرمي علي الارض بيصرخ من الوجع

__________

صخر في العربية راكب معاه "علي" صاحبه من وهما صغيرين صخر مش بيثق في حد غير فيه هو دراعة اليمين وشريكة وصاحبة واكتر من اخوه

علي: واخرتها ياصخر اللي انت عملته غلط متنساش انه ابوها واكيد هتزعل عليه لما تعرف اللي انت عملته وو

قاطعه صخر بغضب وصوت عالي: اللي عملته دا اقل حاجة انا المفروض كنت قتلته ابن الـ***** ، بيضربها مش مكفيه اللي عمله فيها من وقت ماتولدت لا بيضربها الـ**** بيضرب مراتي ، مراتي ياعلي عارف يعني ايه

علي بهدوء: متنساش ان انت كمان ضربتها

صخر بصله بغضب ، "علي" بصله في عنيه وكمل كلامة: انت كمان ضربتها ياصخر متفرقش عنه في الحته دي، انت عمرك مامديت ايدك علي واحده!! فـ يوم ماتعملها تعملها مع مراتك!! لو مريم اختك تحب جوزها يعمل فيها كده ترضهالها ياصخر 

رد صخر وتجاهل كل الكلام اللي "علي" قاله وكل اللي حصل: وانت مالك بـ مريم ايه اللي حرقك اوي كده حتى لو حد عمل فيها كده!!

علي بتسرع: عشان اقتله واشرب من دمه

صخر بسخريه : لا والله!! ودا ليه ان شاء الله

علي برتباك: انت هتسيب الموضوع الاساسي وهتحور ولا ايه

صخر بجدية: هحور!! مش ملاحظ انك اخدت عليا اووي ياعلي

رد علي ببرود وهو بيقلد صخر: ان كان عجبك وبعدين انا حاليا بكلم صاحبي واخويا مش صخر السيوفي صاحب شركات الشيوفي

صخر ابتسم وقال: ماشي ياخفيف بس متخدش علي كده

صخر وصل لقصرة وقابل والدته في الصالون وسالها عن مريم و عشق قالتله انه مريم نامت وعشق لسه مافقتش لحد دلوقتي بسبب الحقنة اللي الدكتورة ادتهالها

طلع اوضته ودخل بهدوء لقي عشق نايمه علي السرير .. راح الحمام اللي في اوضته اخد شور وغير هدومه ولبس هدوم النوم راح علي السرير وفرد جسمة وقرب من عشق واخدها فحضنه براحه، دفن وشه فـ رقبتها ، بيشم ريحيتها بمتعه شديدة ريحتها شبه ريحه الاطفال!! ابتسم وفكر هي فعلا طفلة!! بعد شعرها عن وشها وباس مكان ماضربها وباس الجرح اللي في راسها .. باس خدها وعيونها وانفها ووصل لشفايفها وقبل مايقرب حس بيها بتتحرك بقلق فاق علي نفسه وعرف ان اللي بيفكر فيه هيوصله لحاجة مش كويسة ابدا ، بهدوء حط راسها علي صدره ونام ، من سنين مانمش كده!! اول مره ينام بالسهولة والراحة دي!!

الفصل السادس

صخر طلع اوضته ودخل بهدوء لقي عشق نايمه علي السرير .. راح الحمام اللي في اوضته اخد شور وغير هدومه ولبس هدوم النوم راح علي السرير وفرد جسمة وقرب من عشق واخدها فحضنه براحه، دفن وشه فـ رقبتها ، بيشم ريحيتها بمتعه شديدة ريحتها شبه ريحه الاطفال!! ابتسم وفكر هي فعلا طفلة!! بعد شعرها عن وشها وباس مكان ماضربها وباس الجرح اللي في راسها باس خدها وعيونها وانفها ووصل لشفايفها وقبل مايقرب حس بيها بتتحرك بقلق فاق علي نفسه وعرف ان اللي بيفكر فيه هيوصله لحاجة مش كويسة ابدا ، بهدوء حط راسها علي صدره ونام ، من سنين مانمش كده!! اول مره ينام بالسهولة والراحة دي!!

____________

الصبح عشق فتحت عنيها لقت صخر فـ وشها وأتفاجئت انه واخدها في حضنه!! تنحت شوية في ملامحة الهادية وشعره اللي مش مترتب اد ايه هو وسيم!! فاقت لنفسها وحاولت تقوم بس كان حاضنها اوووي حابسها بين دراعاته استسلمت وعرفت انها مش هتعرف تقوم غير لما يصحي

همست بصوت لسه فيه اثر النوم: صخر .. صخر اصحى لو سمحت

صخر ضمها عليه اكتر ودفن وشه في رقبتها ، قلبها كان هيقف! قربه منها بالشكل ده خطر وخطر جدا كمان بلعت ريقها بصعوبه وبصوت مهزوز هزته عشان يصحي : صصخر ، صخرر

همهم من غير مايفتح عيونه ، عشق خلاص اعصابها راحت من قربه الشديد منها ، هي شمه ريحته حاسه بنبضات قلبه فكرت لو تمد ايديها وتلمس شعرة!! ايه اللي انتي بتقوليه دا ياعشق فوقي افتكري هو عمل فيكي ايه دا ضربك واتجوزك غصب عنك!! عند النقطة دي الغضب رجعلها من تاني!! مش هتخليه ابدا يسيطر عليها لازم تعمل حدود بينها وبينه ممنوع يقرب منها بأي شكل من الاشكال

هزته بقوه وقالت بصوت حاد وغاضب: صخـــــر

فتح عيونه بهدوء وشدها لحضنه اكتر وبص في عيونها بـ طريقة ربكتها معرفتش تفسرها ، قرب وباسها جنب شفايفها وقال بـ ابتسامة وصوت فيه اثر النوم : صباح الخير ياعشقي

بصتله بذهول ، هو فعلا باسها؟!! و من (ياء) الملكية اللي ضافها لاسمها نسيت كل الكلام اللي فكرت فيه قبل مايصحي .. فين الحدود اللي المفروض تكون بينهم؟! اتاكدت انه خطر لما لقت عقلها بيقف لما يقرب منها لما يبصلها او يبتسملها لما بيضحك!! هزت راسها بعنف وزقته بـ كل قوتها وقامت من علي السرير وقالت بعصبية : انت بتعمل ايه هنا؟! ازاي اصلا تنام جانبي يابني ادم انت؟!!

صخر بصلها كتيييييير وهو ساكت وقام من غير مايرد عليها دخل الحمام ياخد شور ويجهز عشان يروح الشركة

عشق كانت هتموت من الغيظ ازاي يتجاهلها بالشكل ده؟!!!! قعدت علي طرف السرير ومستنياه لما يطلع مش هتسمحله يتصرف معاها علي مزاجة شوية عصبي وشوية بارد وشوية قليل الادب!!

سمعت صوت باب الحمام بيتفتح بصتله وكانت لسه هتزعقله: انا مش هسمحلكك ااا .. الكلام راح منها ووقفت مصدومة لما لقته لافف فوطة حولين وسطه بسس!! غطت عيونها بأديها ، بقها كان مفتوح من المفاجئة خدودها احمرت من الكسوف صخر بخبث قرب منها وهمسلها: انتي ايه ياعشقي

شال ايديها من علي عيونها وقفل بوقها بايده وقال: بصيلي

بصتله بأرادة مسلوبة وكانها منومه مغناطيسيا 

لف درعاته حواليها وقربها منه ، بتلقائية حطت ايديها علي صدره بتحاول تبعده عنها 

صخر : كنتي عايزة تقولي ايه ياعشقي

عشق حاولت تتكلم بس الكلمات تاهت منها شكل عضلاته وصدره العريان وشعره المبلول وقربه منها بالطريقة دي هيوقفوا قلبها خلاص

ردت بصوت تايه مرتبك: هاااا

صخر ابتسم بثقه من تاثيره عليها وقال بخبث: انا عارف اني حلو وحلو اووي كمان ..  لدرجة دي عجبتك ومش عارفة تنطقي قدامي؟! عندي استعداد نفضل كده طول اليوم ايه رأيك ياعشقي

عشق فاقت من تاثيرة وزقته بغيط: مغروووور!! انت حلو انت؟! شكلك محتاج نضاره

صخر بمرح : اه بأماره ماكنتي واقفه سرحانه وولهانه فيا صح ياعشقي

عشق بعضب :بطل تقول عشقي دي! اسمي عشق وبالنسبة ليك انسه عشق انت فاهم

صخر ضحك بصوته كله لدرجة ان عيونه دمعت ودا جننها وعصبها اكتتتر واكتر 

عشق بغيظ : انت بتضحك عليه ايه يامجنون انت😒

صخر قرب منك ورجع شعرها لورى وهي بتحاول تبعده : عايزاني اقولك انسه عشق؟! طب ازاي ياعشقي انتي نسيتي انك مراتي ولا انتي بتشككي فقدراتي ها 😉

بصتله بغيظ : انا بكرهك ياصخر بكرهههك

رد صخر ببتسامة مستفزة: وانا بكرهك اكتر ياعشقي يلا جهزي نفسك عشان ننزل نفطر

عشق كانت لسه هتعترض قرص خدودها بخفه: متعصبنيش ياعشقي يلا جهزي نفسك هتلاقي في اوضة الملابس كل حاجة تحتاجيها خلصي بسرعة عشان جوزك ميت من الجوع

عشق بصتله بغصب وسابته ودخلت الحمام ورزعت الباب جامد

اخدت شور ولبست من الهدوم اللي صخر قالها عليها لقت جميع انواع الملابس الخروج والبيتي وكافة شئ

خلصت وطلعت لـ صخر اللي انبهر اول ماشفها!! فستانها الرقيق وشعرها اللي فرداه نظرتها اللي مليانه براءة

قطعت شروده: خلصت فرجة؟! ولا هتاخدلي صورة؟!

صخر وقف قدامها وقال: عشقي هو انتي قولتيلي صباح الخير 

بصتله بستغراب: لا ليه؟!

صخر حاوطها بدراعاته وبص في عينيها: طب ينفع تغلطي الغلط دا ياعشقي ومتصبحيش عليا؟!!

وهمس قدام شفيفها: انا هصلح الغلط دا حالا

وصلح الغلط بانه اسر شفايفها بين شفايفه

عشق للحظات اتجمدت مستوعتش اللي هو عمله!! سرق برائة شفايفها و بالاجبار!! زي ماتجوزها بالاجبار؟!! دموعها نزلت بصمت ، لا حاولت تقاومة ولا تجاوبت معاه كانت تمثال واقف عدا دموعها اللي غرقت وشها .. صخر كان فـ دنيا تانية حاسس انه في الجنة حقق حلمة وداق طعم شفايفها اللي ياما حلم بيه!! شفايفها اللي بطعم الفراولة!! مستعد يعمل اي حاجة عشان تكون معاه ، مستعد يضحي بحياته بأشارة منها!! هي الوحيدة اللي ملكاه هي عشقه عشق الصخر!!

فاق من جنته لما داق طعم دموعها ، فاق من نشوه قرب منها وحس اد ايه هي جامده وانه تهور لما اخد الخطوة دي مكنش وقتها ابدا هي مراته وحقه اكتر من كده بس مش بالطريقة دي والوقت ده .. مش بالاجبار ابدا!! بس يعمل ايه بيفقد السيطرة علي نفسه ومشاعرة قصادها هي وبس!! فين صخر البارد اللي مبيظهرش اللي جواه لحد!! المشكلة انها مش اي حد دي عشقه!!

ساب شفايفها وبصلها ، عينيها حمرا من العياط 

اتنهد بضيق من نفسه وقال: عشقي متعيطيش انا جوزك ودا من حقي وو

ودا كان اكتر رد غلط!! عشق محستش الا وهي بتضربه بالقلم .. كانت محتقراه لابعد حد ، بيقول حقه!! طب ازاي؟! دا أجبرها انها تتجوزه!! او اشتراها بمعني اصح!! 

عشق بكره وهي بتضربه علي صدرة: انا بكرهك ياصخررر بكرهككك عمري ماكرهت حد زي ماكرهتك بتمني تتعذب طول حياتك ومترتحش ابدا عيزاك تحس بالوجع اللي جوايا ربنا ينتقم منك انت وسيف وناريماان ومايا وحتي ابويا انا بكرهكم كلكم مبحش اي حد فيكم انتوا ليه بتعملوا فيا كده لييييه كل حاجة في حياتي مجبورة اعملها ليييه معشتش حياة طبيعية زي كل الناس ربنا ياخدكم كلكم وانت اولهم ياصخر وانت اولهم

رغب الغضب اللي هو حاسس بيه من ذكرها لـ اسم «سيف» (مش وقت غيرة والله 😒🙄👊) و وجعها اللي وجعه اضعاف مضعفه خدها في حضنه ضمها بكل قوته رغم اعتراضها ومحاولتها انها تبعده عنها بس هو كان مصمم يضمها

صخر بهدوء: اشششش خلاص ياعشق اهدي اهدي محدش في الدنيا يستاهل دمعة واحدة من عيون الحلوين دول حتى أنا

فضل حضنها ويلمس علي شعرها لحد ماعياطها قل وبقي مجرد تنهيدات ناعمة بعدها شوية عنه بس مطلعهاش من حضنه بص لوشها اللي بقا زي الفراولة من العياط وبص لقميصه وبمرح قال: ينفع اللي عملتيه في القميص ده؟! هنزل انا ازاي دلوقتي!! وبعدين ايه الدموع دي كلها!! انتي موصله حنفيه في عنيكي ولا ايه؟!!

حاولت متضحكش علي طريقة كلامة اللي مش لايقه ابدا مع ملامحه الرجولية القاسية!! اللي يشوفه اول مره يقول دا شخص مستحيل يهزر او حتى يبتسم دلوقت بيهزر معاها بعد ماضربته!! هي فعلا ضربته؟!!جابت الشجاعة دي منين!!

السابع والثامن 

رواية #عشق_الصخر الفصل السابع 🦋❤

صخر فضل حاضنها ويلمس علي شعرها لحد ماعياطها قل وبقى مجرد تنهيدات ناعمة بعدها شوية عنه بس مطلعهاش من حضنه بص لوشها اللي بقى زي الفراولة من العياط وبص لـ قميصه وقال بـ هزار: ينفع اللي عملتيه في القميص ده؟! هنزل أنا إزاي دلوقتي!! وبعدين إيه الدموع دي كلها!! إنتي موصله حنفيه في عينيكي ولا إيه ؟!!

حاولت متضحكش علي طريقة كلامه اللي مش لايقه أبداً مع ملامحه الرجولية القاسية!! اللي يشوفه أول مره يقول ده شخص مستحيل يهزر أو حتى يبتسم دلوقت بيهزر معاها بعد ما ضربته!! هي فعلاً ضربته؟!!جابت الشجاعة دي منين وإزاي!!

قطع شوردها صخر :اللي واخد عقلك

بصتله فـ عنيه وقالت: أنت عايز مني إيه ياصخر؟! ليه اتجوزتني بالطريقة دي؟! ليه تعمل فيا كده؟ كان ممكن تصبر علي بابا عشان تاخد فلوسك بس ليه يحصل معايا كده اشمعني أنا؟! أنا مش هقدر أستمر في الوضع ده كتير ، أنا تعبت من كل حاجة ، أرجوك أنا هعمل أي حاجة بس سيبني!! خليني أمشي من هنا!! أنا عايزة أكمل تعليمي عايزة أشتغل وأنجح وأحقق كياني ساعدني ياصخر أرجوك أنا مليش حق أطلب منك كده بس أنا معنديش حد في الدنيا دي!! أبويا وتخلى عني وطردني من بيته ، أمي وماتت بعد ماولدتني أنا حتى مشفتهاش معرفش شكلها إيه ؟!!

أنا معنديش أي قرايب مش هلاقي حد يساعدني وأنت مهما تظلمني أو تيجي عليا مش هتلاقي حد يقفلك عشان يدافع عني!! اعتبرني زي مريم أختك ترضى يحصلها اللي بيحصلي ده؟! وأنت في يوم أكيد هتلاقي واحدة في سنك ومركزك وترتبط بيها!! ساكت ليه ياصخر رد عليا!!

صخر مسك أيديها وقعد وقعدها معاه على طرف السرير مسح دموعها وقال بهدوء وكأنه بيكلم طفلة: أول حاجة ممكن تبطلي عياط وتبقي بنوته شطورة 

بصتله بغصب وحاولت تتكلم بس هو قاطعها: مش أنتي اللي قولتي واحدة في سني معني كده إني عجوز وأنتي طفله صح

عشق: لا مقصدش أنت اا

صخر :متقاطعنيش ياعشق اسمعيني للآخر زي ما أنا سمعتك أولاً حقك عليا إني مديت أيدي عليكي أنا عمري مامديت أيدي على أي واحدة أي نعم أنتي عصبتيني لدرجة مقدرتش أسيطر فيها على نفسي بس ده مش مبرر أنا آسف ياعشقي ثانياً أنتي مينفعش تسيبي البيت هنا لأنه ببساطة بيتك عشان أنتي مراتي ومكانك معايا عارف أن جوازنا متمش بطريقة طبيعية وعارف إنك مش متقبلاه ولا متقبلاني بس أهو حصل وأنا بقيت جوزك وأنتي مراتي لو سبتي البيت هنا هتروحي فين؟! هتعيشي منين وإزاي ولوحدك؟! أنتي عايزة تنجحي وتكملي تعليمك وأنا مش معترض!! فيها إيه تحققي اللي أنتي عايزة وأنتي معايا وفـي بيتي؟! أنا عمري ماهظلمك ياعشق حتي لو عايز مقدرش،  أنا عندي حل أعتقد هيعجبك

عشق بفضول: إيه هو

صخر ببتسامة : نتخطب

بصتله بذهول وكان ليه راسيين ورددت كلامه : نتخطب 

صخر: أيوه ننسي خالص أن إحنا اتجوزنا وهنعيش مع بعض وفـي أوضة واحدة هنكون أصحاب! اتنين مخطوبين خلينا نتعرف علي بعض نقول مثلاً الخطوبة 6 شهـور ولما يخلصوا هعمل اللي تقولي عليه ياعشق سواء وافقتي إننا نتمم جوازنا ونعيش زي أي اتنين طبعيين أو رفضتي ومقتنعتيش بيا وقتها هننفصل بهدوء

وكمل بمرح: مع إني أشك أصلاً إنك هترفضي!! هتلاقي فين حد زي كده جينتل مان ورجل أعمال الكل بيعمله حساب وطول بعرض زيي كده ده كفاية لون عنيا ياستي

انفجرت عشق فـي الضحك لدرجة أن عيونها دمعت: مش ممكن أنت مغرووور أوي ياصخر

صخر بغمزه: دي أقل حاجة عندي

عشق بارتباك: ططب وودراستي ياصخر هكملها مش كده 

صخر: طبعاً ياعشقي هتكملي دراستك أنا لسه قايلك وهتشتغلي معايا في الشركة كمان 

عشق بتلقائية رمت نفسها فحضنه وحضنته وقالت بأمتنان: متشكره أوووي أووووي ياصخر ربنا يخليك ليا يارب

صخر دفن وشه فـي رقبتها وقال: شكلك هتخليني ألغي فترة الخطوبة دي ونخليها دخلة على طول

بعدت عنه بـ خجل: بطل قلة أدب ياصخر 

صخر: حاضر ياعيون صخر

عشق بتوتر من كلامه ونظراته: طب إيه مش هننزل نفطر

صخر: يلا بينا

مسك أيديها حاولت تسحبها بس بصلها بإصرار: أنتي مراتي ياعشق وطبيعي أمسك إيدك صحيح إحنا قولنا هنعيش وكأننا مخطوبين بس ده ميمنعش إني أمسك إيدك أو حتي أحضنك اووو...

 وبص لشفايفها وغمزلها عشق بصتله بكسوف ومردتش صخر نزل بيها لأوضة السفرة 

كريمة ومريم و علي كانوا موجودين 

قعد صخر وجنبه عشق

صخر: صباح الخير

الكل: صباح النور

كريمة بابتسامة: صباح الخير ياعشق عاملة إيه يا حبيبتي 

عشق بـ ابستامة: الحمدلله بخير 

كريمة: يستاهل الحمد ياحبيبتي،اتأخرتوا كل ده ليه ياصخر

مريم بمرح: عريس وكده بقى ياماما

صخر بجدية: مريم

مريم: بقولك إيه يا أبيه دور رجل الأعمال ده مش عليا أنت هنا أخويا حبيبي أهزر براحتي

صخر بـ ابستامة: لا والله

مريم: اه والله زي ما بقولك كده

صخر: ماشي يا أم لسانين

عشق كانت متابعاهم بابتسامة حبت علاقته بأخته واضح أنه حنين عليها ياريت كان عندها أخ زي صخر كان هيوقف معاها ويحميها ويدافع عنها 

كريمة: عشق!! عششق!! سرحتي فإيه يابنتي أنتي كويسة

عشق: اه كويسة الحمدلله 

كريمة: طب أحب أعرفك بـ «علي» صاحب صخر من أيام الإبتدائية متربي مع صخر زي الإخوات بالظبط بعتبره ابني التاني وشريك صخر فالشغل وساكن فـي الڤيلا اللي جانبنا وطبعاً مش محتاجة أعرفك بيها ياعلي ولا إيه

علي بهدوء وابتسامة: طبعاً ياماما كريمة ، عشق هانم غنية عن التعريف اتشرفنا عشق هانم

عشق بابتسامة : الشرف ليا يا أستاذ علي بس بلاش هانم دي قولي عشق بس

صخر بحدة: مش هنفطر بقى ولا إيه؟! كفاية تعارف عندنا شغل وكمل بتريقة: يا أستاذ علي

علي ابتسم ومردش وعرف أن صخر غيران على عشق حتى من الكلام معاه!!

خلصوا فطارهم وصخر وعلي راحوا على الشركة (السيوفي) 

فضلت كريمة وعشق ومريم قاعدين مع بعض

_____________________

في قصر ناصر عمران كان ناصر قاعد فـي أوضته دراعه متجبس ومعاه نريمان ومايا 

مايا: سلامتك يا انكل

نريمان بتريقة: تعيش وتاخد وغيرها ياحبيبي قال إيه أكيد هيشكرني

ناصر بعصبية: نااااريمان مش وقتك خالص أنا علي اخري كفاية دراعي اللي اتخلع ده

نريمان بتريقة : أنت هتتشاطر عليا أنا كنت شوف نفسك لما صخر جوز بنتك كسر دراعك فوسط بيتك الله أعلم السنيورة عشق قالتله إيه عشان يجيلك بنفسه ويعمل فيك كده

ناصر بغضب وحقد: ورحمة أمي ما أنا  سايبه ولا سايبها هخليهم يدفعوا تمن كسرة أيدي دي غالي أوووي مبقاش أنا ناصر عمران إن ما ندمتوا علي اللحظة اللي فكر يعمل فيا كدا يا أنا يا هو

نريمان بخبث : إتكلم علي قدك ياناصر ما تنساش هو مين ومركزه إيه وممكن يعمل فيك إيه!! وبعدين ماهو كان سايبك ومعملكش حاجة وأنت عليك ليه 100مليون جنيه اشمعني دلوقتي جالك؟! أكيد عشق بنت الـ*** هي اللي سخنته عليك ووقفته ضدك الله أعلم هيعمل فيك إيه تاني!! البداية كانت كسر إيدك مين عارف بعد كده هيعمل إيه

ناصر خاف من كلامها وفي نفس الوقت الحقد والغل ناحية عشق وصخر كبر أكتر وأكتر

لازم ينتقم من عشق مش كفاية اللي أمها عملته فيه زمان !! جاية هي دلوقتي وتخلي جوزها يكمل عليه!!

ناصر بصوت جهوري: سبيني دلوقتي يا نريمان عايزه أتخمد خدي بنتك وطلعوا بره

نريمان بصتله بسخرية وخدت مايا وطلعوا قعدوا في الصالون

مايا بغل: شفتي يا مامي اللي حصل مين يتخيل أن صخر يطلع كده وأن عشق الجربوعة تقع واقفة بالشكل ده اه ياناري بنت الـ**** على طول واقعة واقفة

نريمان بحقد : عندك حق مين يصدق اللي حصل ده ، وأنا اللي قلت هرتاح منها وهنتقم من اللي أمها عملته فيا زمان 

مايا بفضول: أنتي كنتي تعرفي أمها

نريمان بغل: عز المعرفة

مايا بأستغراب: منين يامامي؟! أنا مش فاهمة حاجة مش أنتي اتجوزتي انكل ناصر بعد موت مراته؟! إزاي عرفاها ده أنا حتى عمري ماشفت ليها صورة هنا

نريمان : كنا صحاب

مايا بذهول: صحاااب؟!!!!! لا أنتي تحكيلي الحكاية من طقطق لـ سلام عليكوا

_____☆_________☆_______

في قصر صخر .. كانت عشق قاعدة في الصالون ومعاها كريمة ومريم

مريم بفضول : قوليلي بقى ياعشق أنتي عندك كام سنة وبتدرسي إيه وبتشتغلي ولا لا؟!مين صحابك؟! عندك إخوات؟ كام واحد؟ ، بنات ولا صبيان؟ أكتر أكل بتحبيه؟! بتكرهي إيه وهو أنتي ساكته ليه ومبترديش عليا؟!!

عشق كانت متنحة من كتر الأسئلة اللي مريم سألتها لها في وقت واحد ومن غير ما تسيبلها فرصة حتى ترد

كريمة بضحك: مش لما تسيبلها فرصة ترد الأول بالراحة عليها يامريم لسه مأخدتش علي رغيك متصدعهاش من أولها

ردت عشق بابتسامة ودودة: خليها براحتها ياطنط وأنتي ياست مريم هجاوبك على أسئلتك الكتشيرة أوي دي أولا أنا بدرس إدارة أعمال عندي 20 سنة معنديش أخوات لا صبيان ولا بنات ومش بشتغل معنديش صحاب لأني تقريباً مبخرجش من البيت إلا للجامعة ومبخطلتش بحد ، وسألتي إيه تاني ااه افتكرت أكتر أكل بحبه اممم كل الأكل تقريباً وخصوصاً المكرونة بالبشاميل والشوكولاته دول قلبي ، وأخيراً وليس آخراً أكتر حاجة بكرها هي الكذب . . بكره الكذب جداً ومش بسامح أي حد يكذب عليا هاه ياستي عندك أسئلة تانية

مريم: تؤتؤ معنديش بس عندي إقتراح حلو إيه رأيك أنا أبقى صاحبتك لأني معنديش صحاب وأهو نعمل فريق ضد أبيه صخر

عشق حضنتها وضحكت: هو أنا أطول واحدة قمر كده تبقي صاحبتي وخصوصاً لو هنبقي فريق ضد صخر بيه 

مريم حضنتها بحب: حبيبتي ياعشق تعرفي من أول ماشفتك حبيتك حسيت وكأني أعرفك من زمااان

عشق كان جواها نفس الإحساس من أول ما شافت مريم حبتها سواء هي أو مامتها كريمة عكس صخر تماماً 

كريمة بحب: قوليلي ياعشق مامتك فين

عشق والدموع ملت عنيها: ماتت

الكلمة وجعت قلب كريمة قربت من عشق وحضنتها: اعتبريني زي أمك ياعشق أي حاجة محتجاها أو مزعلاكي أنا موجودة يابنتي وهفضل معاكي وفي ضهرك مش هسيبك أبداً 

كريمة كانت عارفة أن عشق حاسه أنها لوحدها وأنها خايفة ومحتاجة حد يطمنها هي بتعبرها زي مريم بنتها بالظبط ، عارفة أن ملهاش حد وأن أبوها مش سأل عنها وأنها مش فارقة معاه قررت أنها هتحميها حتي لو من أبنها ، أي نعم صخر لايمكن يأذيها بس عارفة أنه معاها بيبقي واحد تاني غير صخر اللي هي مربياه وعرفاه

قطع شرودها صوت مريم : إيه ياست الحبايب الدراما دي!! وأنتي ياعشق تعالي أما أفرجك علي أوضتي هتعجبك جداً تعالي تعالي بلاش نكد ياماما

مريم أخدت عشق وطلعت أوضتها

كريمة قعدت مهمومة وحزينة . . مقهورة علي عشق لو تقدر تقولها اللي جواها لو بس تقدر أنها تقولها!!

الفصل الثامن 

في شركة السيوفي صخر وصل هو وعلي 

دخل صخر بهيبته ووسامته!! لفت انظار كل المواظفين وسرق قلوب كل الموظفات!! والكل بيفكر مين اللي داخل مع مديرهم علي!!

دي كانت اول مرة صخر يظهر قدام المواظفين في شركتة!! هو كان بيجي الشركة كتير بس من غير ماحد يشوفه!! 

علي اتكلم بصوت عالي قدام مواظفين الشركة : احب اعرفكم بـ مالك شركات السيوفي صخر نبيل السيوفي

كل المواظفين تنحوا للحظات مكنوش يتخيلوا ان صخر بالشكل دا ابدااااا!!!

دقايق وفاقوا من ذهولهم وابتدوا يحيوا صخر وهو رد عليكم بمجرد اشارة من دماغة كرد!!

صخر دخل مكتبة وقعد ومعاه علي 

علي بمزاح : شوفت انصدموا ازاي لما شافوك ههههه ولا الموظفات عيونهم كانت هتاكلك 

صخر بهدوء: لازم ينصدموا هما شافوا اي حد دا انا صخر نبيل السيوفي

علي بغمزة: ياسيدي على التواضع 

صخر بهدوء: المهم راجعت ملف المناقصة الجديدة 

علي: عيب عليك يسطا كلة تمام 

صخر بتريقة: يسطا!! انت بقيت بيئة كده ليه يابني؟!! بذمتك دي ألفاظ مدير شركة السيوفي!!

علي بمزاح: دا اللي عندي واذا كان عجبك؟! وبعدين بطل الغيرة اللي فيك دي!! هو انت تطول ان علي باشا داود بيه يبقي مدير شركتك!! وعضو فـ مجلس الادارة!! وهو اللي موقفلك الشركة دي علي رجليها من ناحية السوشيال ميديا!! لا وكمان صحبك انت متخيل!!

ضخر بضحك:ههههه متواضع اوووي انت ياعلي

علي بغرور مصطنع: طول عمري وكمل بخبث: بس شايفك ماشاء الله بتيجي الشركة بقلب جامد وبتمش في الشارع عادي كده ومش عامل حساب للصحافين المتربصين وعايزين يكشفوا شكل رجل الاعمال المجهول صخر نبيل السيوفي!! قلبك مات ياولا ولا ايه؟!!!!

صخر بهدوء: بغض النظر عن ياولا دي!! بس انا من امتي بخاف اجي الشركة اينعم مكنتش بخلي حد يشوفني بس انت عارف ليه!! اللي كنت خايف منه خلاص خلص ياعلي!! مرحلة وعدت!! انت عارف انا صبرت قد ايه عشان اوصل للي انا فيه ده .. مش عارف ايه اللي هيحصل بعد كده!!

علي بتأثر: عارف ياصخر ومقدر والله اللي انت فيه!! متقلقش كله هيبقي تمام ان شاء الله 

علي غير الموضوع واتكلم بهزار وقاصد ينرفز صخر : الا قولي صحيح هي عشق عاملة ايه؟! معاااك يعني حلوة كده وكويسة؟!!

صخر وقف بغضب وقرب منه مسكه من (قفاه لمؤاخذة 😂😂) واتكلم بغيرة: عشق مين اللي بتتكلم عنها؟! اوعي تكون مراتي؟! ازعل والله وانت عارف زعلي وحش!! اسمها مسمعوش علي لسانك تاني ياعلي متجبش سيرتها اساسا!! اقولك متجيش البيت عندنا تاني!! 

علي بمزاح: انت ماسكني زي الحرامية كدا ليه ياجدع انت!! اوعي كده!!

علي سلك نفسه من ايد صخر بالعافية وصخر بيبصله بغضب وغيرة!! غيرة مجنونة ، مش مسموح ان اي راجل غيرة يقول اسمها!!

علي: خلاص ياعم مش هقول عشق!!

صخر بيقرب عشان يضربة

بس علي جري وكمل بضحك وهو طالع من مكتب صخر : عشق هانم احلي .. حتي هانم لايقه عليها

صخر كان عايز يجري وراه ويضربة بس كده هيضيع هيبته قدام الموظفين مش كافية الصدمة اللي خدوها الصبح لما شافوة!! عدل هدومة وحاول يهدي نفسه وبعدين ابتسم بمكر وعرف ازاي هياخد حقه من علي!!

_____________

عند نريمان ومايا

مايا بصدمة: تقصدي ان ام عشق خانت اونكل ناصر وعشق متبقاش بنته!!

نريمان بغضب: واطي صوتك يازفته ناصر لو عرف اني قولتلك هيطين عشتي

مايا: اوك سوري هوطي صوتي بس بجد مكنتش متخيلة ان عشق مش بنته؟! 

نريمان بتريقة: اديكي عرفتي 

مايا بخبث: بس جيه الوقت اللي لازم نستغل فيه السر ده يامامي

ناريمان بنفس الخبث: تقصدي ايه ياروح مامي

مايا بمكر: هقولك

_________

الليل ليل وصخر وعلي مروحين مع بعض في عربية علي

صخر بيكلم امه كريمة في التليفون : ايوه ياامي مالها مريم؟!

كريمة:______

صخر: لسه بتعيط لحد دلوقتي؟! هي مصممة علي الولد ده؟!

كريمة:_____

صخر: تمام يا امي لما اجي انا هتكلم معاها سلام

علي سألوا بتوتر وغضب حاول يتحكم فيه: مالها مريم ياصخر في حاجة حصلت ولا ايه

صخر بهدوء: ابدا ياسيدي في واحد عايز يجي يتقدم لها ولما قولتلها انتي لسه صغيرة استني حتي لما تدخلي الكلية عماله تعيط ومش راضيه تاكل من الصبح شكلها والله اعلم بتحبه

علي بغيرة وصوت عالي: نعم ياروح امك بتحبه؟!! لا طبعااا مين دا اصلا اكيد في حاجة غلط مستحيل الكلام دا يحصل!! دا انا اولع فيك وفيها قال بتحبه قال!!

صخر بغضب مصطنع: انت اتجننت ياعلي ايه روح امك دي؟!! وكمان تولع فيا وفيها؟! انت قد الكلام ده؟!

علي بنرفزة: صخر متجننيش انت عارف اللي فيها!! 

صخر ببرود: ايه اللي فيها ياعلي؟!

علي بعصبية: استعبط ياخويا استعبط ، انت مش عارف اني بحب مريم وطلبت ايدها منك وانت قولتلي استني يا علي لما تدخل الكلية وساعتها انت هتفاتح مريم في جوازي منها

صخر باستفزاز: ايه دا انا اقولت كده بجد؟! انا مش فاكرة الصراحة ياعلي انت فاجئتني!

علي بصوت عالي وتحزير: صخررررر

صخر ببتسامة مستفزة :نعم ياحبيبي 

علي: بجد مريم بتحب الولد ده؟!

صخر: ولد مين

علي : انت ناوي تجنني ياجدع انت ماتنطق وتريحني الله!!

في الوقت دا كان صخر وصل للقصر بتاعة

نزل من العربية وبص لـ علي من شباك العربية

صخر بضحك: مش لما يبقي في ولد الاول ياهبل عشان تحبه

علي تنح للحظات وبص لـ صخر اللي غمزله بعينه وكمل كلامة: عشان تاني مرة مهزرش معايا هزار ليه علاقة بعشقي سلام ياصاحبي احلام سعيدة

وسابه ومشي وهو بيضحك وعلي طبعا كان هيفرقع وقال بغيظ: ماشي ياصخر انا تعمل فيا المقلب دا ماااااشي!!

____________

في الوقت دا في قصر صخر وتحديدا في أوضة مريم كانت قاعدة ومعاها عشق وقاعدين يهزروا ويضحكوا مع بعض اللي يشوفهم يقول انهم يعرفوا بعض من زمان مش من يومين بس!! مريم شغلت اغنية بنت الجيران وشدت عشق بالعافية عشان ترقص معاها 

____________

صخر دخل للقصر وهو بيضحك على اللي عملة في علي

كريمة كانت قاعدة في الصالون وسمعت صخر بيضحك من قلبة وبصوت عالي وده نادر لما بيحصل قالت بمرح: ايه دا ايه دا صخر باشا بجلالة قدرة بيضحك!! انا مش مصدق نفسي يالمبي

صخر قرب منها وباس ايديها واتكلم ببتسامة: كريمة هانم حافظ بتقول يالمبي!! هو الواد علي بهت عليكي ولا ايه

كريمة: هههههه تصدق عندك حق الواد بهت عليا فعلا الا صحيح الولد ده مجاش يتعشى معانا ليه وانت كنت بتضحك اوي كده ليه

صخر مبشاغبة: انتي مستخسرة فيا الضحكة ياكرملة

كريمة بحنية وحب امومي ظاهر طبطبت عليه: حبيبي انت ياصخر دانا لما بسمع ضحكتك الروح بترد فيا ياضنايا 

صخر بأمتنان: ربنا يخليكي ليا يا امي ومنحرمش منك ابدا

كريمة: ولا منك حبيبي وكملت بفضول: ها كنت بتضحك ليه

صخر ضحك علي فضولها وحكالها على اللي عملة في علي

بعد ماصخر حكي لامه اللي عمله في علي كريمة انفجرت في الضحك 

كريمة بأبتسامة: اخس عليك ياصخر يهون عليك علي تعمل فيه كده 

صخر بهدوء: عشان يحرم يستفذني تاني

الا صحيح هي مريم وعشقي فين؟!

كريمة: مريم من الصبح واخده عشق واقعدة معاها في اوضتها

صخر: تقصدي اوضتي انا؟!!

كريمة: لا ياصخر بقولك مريم اخدت عشق في اوضتها يعني اوضة مريم .. وكملت كلامها وهي بتقوم: هروح انا اقول لـ سعدية تجهز العشا .. حبيبي اطلع انت خد دش وهات مريم وعشق عشان نتعشى

صخر ببتسامة: حاضر ياست الكل عن اذنك

صخر طالع على السلم اللي بيوصلوا للدور التاني اللي في اوضته انتبه لصوت اغاني وضحك بصوت عالي عرف ان صوت مريم وعشقه ابتسم من قلبه لما سمع صوت ضحكة عشقه قرب بهدوء من اوضة مريم وكان لسه هيخبط على الباب بس وقف مذهول من اللي شافه 

عشق ومريم واقفين بيرقصوا ويضحكوا ومخدوش بالهم من اللي واقف مصدوم وهو شايف عشق وهي بترقص وتتمايل ببراعة مغرية مع كلمات الاغنية

انتفضت عشق ومريم علي صوت صخر المصدوم: انتوا بتعملوا ايه

مريم بخضة: اا اابيه

عشق جمدت مكانها واتمنت الارض تنشق وتبلعها ووشها عبارة عن كتلة من الفراولة من كتر الخجل ، قطع شورودها صخر لما قرب منها وبقي واقف وراها بالظبط ، وطى صخر لمستواها وهمس جنب ودانها بصوت مغري: بتعملي ايه ياعشقي

عشق لفت راسها وبصتله من غير ماتحرك جسمها واتكلمت بتوتر وخجل: اا انا اصل مريم انا

صخر بحنية وهو بيقرب وشه منها لدرجة انها بقت حاسه بنفسه بيلمس وشها: اهدي ياعشقي

مريم بمرح وخجل: احمم احم نحن هنا

عشق بحرج بعدت عن صخر بسرعة واستأذنت وراحت علي اوضتها

صخر بص لمريم بغضب ، مريم بخوف: انت بتبصلي كده ليه ياضحر انا عملت ايه دلوقتي

صخر قرب منها وضرابها علي قفاها بخفه: عملك اسود ومنيل ايه اللي عملتيه في عشق دا؟! من اول قاعدة تقعديها معاها وتخليها راقصة وتفسدي اخلقها كده

مريم بلامبالاة وبصوت واطي : هي منحرفة لوحديها

صخر بغضب مصطنع: نعمممم ياختي بتقولي حاجة؟!!

مريم بتوتر: انا لاااا خالص مقولتش حاجة حقك عليا ياابيه وادي راسك ابوسها

حاولت تبوس راسه بس صخر اطول منها قالت بمرح وتسرع: بما انك طويل واهبـ

صخر مسكها من هدومها زي الارنب

بتقولي حاجة يابت

مريم برعب: اناااااا؟! محصلش يابيه والله

صخر بتريقة: انا بحسب

و سابها وخرج 

مريم برتياح: الحمدلله فلت منه وعدت علي خير ربنا يكون في عونك ياعشق 

___________

في اوضة عشق وصخر

عشق كانت واقفة قدام المراية وبتكلم نفسها وهي مصدومة ومش مصدقة ان صخر شافها وهي بترقص : يالهوي عليكي ياعشق يالهوي يالهوي خلتيه يشوفك وانتي بترقصي وتدلعي زي الرقصات يافالحة!! هيقول عليكي ايه دلوقتي؟!! هوريلوا وشي ازاي اصلا!! ازاي منتبهتش انه واقف؟! ياريت كانت الارض انشقت وبلاعتني ولا هو يشوفني بالوضع دا مصيبة ليفكرني قاصدة اغرية؟!!!!

_بصراحة انتي اغرتيني

عشق اتفاجئت بصخر وراها وهو حاط ايديه فجيبة وبيبصلها بتسلية

عشق بـ أرتباك: اا اصل انا يعني عشان ااا هو انت اتعشيت

صخر بمكر وهو بيقرب منها: لا لسه هتعشى

عشق اتكلمت وهي بتتخطاه عشان تخرج من الاوضة: طب يلا ننزل نتعشى ااصل انا جعانة اووي

صخر مسك ايديها ومناعها انها تمشي ولف ايده حوالين خصرها وقربها من جدا ، بقت في حضنة واتكلم بمكر: بس انا عايز اتعشي هنا 

عشق بخجل واحراج من قربه منها بالشكل ده: ططب سبني انزل اجبلك الاكل هنا

صخر وهو مستمتع بخجالها وضمها ليه اكتر: طب مانا اكلي قدامي اهو

قال كلامة وهو مركز مع شفايفها

عشق بعدم فهم وخجل وتوتر من نظراته ليها: ممـ مش فااهمة؟ هو فين؟!

صخر قرب وشه من وشها جدا وقال بهمس: اهو .. وباسها برقه .. عشق من الصدمة معرفتش تعمل ايه او تتصرف ازاي؟!

هو الوحيد اللي بيخليها بالشكل دا تايهه مش عارفة تتصرف .. بيسيطر عليها بكلامة ونظراته .. هو اول راجل يكون قريب منها بالطريقة دي اول واحد يلمسها كده 

صخر بعد عنها اخيرا وسند راسه علي دماغها وبيتنفس بصوت عالي اتكلم بصعوبة ومرح حاول يبعد بيه الجو المشحون: احلي عشا اتعشيته في حياتي

عشق بخجل وحرج حاولت تبعد عنه بس صخر مسمحلهاش اتكلمت بصوت واطي خجول: صخر

صخر: قلبه

اعشق اتوترت اكتر وخجلها زاد اكتر واكتر وتكلمت بـ أرتباك: ابعد لو سمحت اا انت وعدتني انك مش يعني

صخر بمكر: وعدتك بأيه؟

عشق بخحل: انك يعني مش هتعمل اللي عملته دا 

صخر ببتسامة وايدة بتلمس وشها وبيرجع شعرها لورا: هو انا عملت ايه

عشق وشها كله بقي احمر خالص زي الفروالة ومش لاقيه كلام تقولة هي اصلا مش عارفة تتكلم!! صعبت علي صخر لما لقاها هتموت من الخجل فبعد عنها بهدوء واتكلم بحنيه: خلاص خلاص انتي هتموتي ولا ايه؟! قلبتي علي فرولاية كده ليه؟! تعال ننزل نتعشى

عشق اكتفت بهزة من راسها دليل علي موافقتها

التاسع والعاشر 

 الفصل التاسع

ليلا في قصر السيوفي .. صخر وعشق انضموا مع كريمة ومريم علي السفرة بيتعشوا

في جو هادي ومرح من مريم .. صخر مهتم جدا بـ اكل عشق لدرجة انه بياكلها بـ ايدة وسط احراجها وخجلها اللي واضح للكل .. بس صخر مركز معاها هي ومش مهتم بنظرات الباقي حتي نظرات عشق اللي بترجوه بصمت يبطل ياكلها بايده وكفاية احراج قدام مامته واخته .. بس هو ملاحظ انها تقريبا مش بتاكل من وقت ما دخلت بيته وهو متابع اكلها وانها بتاكل كمية لا تذكر .. قطع شروده صوت كريمة

كريمة بـ ابتسامة :هتعمل فرحك انت وعشق امتي ياصخر؟!!

عشق اتوترت وخوفها بان في عنيها واعتقدت ان صخر هيلغي اتفاقه معاها .. صخر بصلها اووي وركز في عيونها وفهم هي بتفكر في ايه .. بص لامه واتكلم بهدوء : مش دلوقتي يا امي .. انا هعلن خطوبتي انا وعشق انما فراحنا كمان 6شهور باذن الله 

عشق اتنهدت برتياح وكأن حمل وانشال من عليها وبصت لصخر بـامتنان انه قد كلامه معاها .. وكبر فـ نظرها اكتر 

اتكلمت كريمة باستغراب شديد : اشمعني 6شهور ياصخر؟!! مااحنا نعمل الفرح دلوقتي!! حبيبي ليه التاخير دا كله؟!!

مريم بمرح: ايوه يا صخر عايزين نفرح بيك ياعسل انت 

صخر: بغض النظر عن عسل دي!! بس يا امي انا وعشق محتاجين وقت ناخد علي بعض فيه .. وقت نتعرف علي بعض .. وعلي طباع بعض .. بعد اذنك ياامي احنا مش عايزين نتسرع 

كريمة بحنيه: براحتم ياقلبي انت عندك حق .. امتي الخطوبة بقى 

صخر وعشق ومريم ضحكوا علي اصرار كريمة

صخر بص في عيون عشق ومسك ايديها ورد: الاسبوع الجاي يا امي نكون حضرنا كل حاجة لحفلة الخطوبة 

كريمة: طب ايه رايك نعملها هنا في القصر يا صخر؟!! ايه رايك ياعشق تحبي نعمله هنا ولا انتي عايزة تعمليها في قاعة اوي اي مكان تاني؟!!

عشق بتوتر من الخطوة دي .. حاسه ان كل حاجة بيحصل بسرعة .. هي مش مستعدة للخطوة دي مش مستعدة للحياة الجديدة اللي دخلت فيها مرة واحدة من غير اي تمهيد!! انتبهت لـ ايد صخر اللي ضغطت علي ايديها وكانه بيطمنها بصتله اووي وركزت في عيونه متنكرش انها مرتحاله .. انها بتطمن وهو موجود!! .. مستغربة من نفسها جدا .. ازاي بتطمن وهو موجود؟! ازاي ارتاحتله بـالسرعة دي؟!!

ردت علي كريمة بـ ابتسامة: اللي حضرتك شيفاه انتي وصخر اعملوه انا معنديش اي اعتراض

كريمة باندفاع: ازاي بس يابنتي مش دي خطوبتك وفرحة عمرك لازم تختاري اللي انتي عايزة 

عشق رددت بصوت واضح فيه الحزن والوجع: فرحة عمري؟!! معتقدش ياطنط ..شكل حضرتك نسيتي انا وصخر اتجوزنا ازاي!!! قامت من على السفرة وكملت: انا شبعت هطلع انام واللي حضرتك عايزاه اعمليه .. تصبحوا علي خير 

صخر متابعها بعيونه وشايف قد ايه حزينة ومكسورة من اللي عمله فيها اكبر دليل علي انكسارها ظهرها اللي منحني وهي ماشية .. كره نفسه والظروف اللي وصلته انه يكسر نفسها بالشكل دا .. قضى علي احلامها .. اجبارها .. اتنهد بصوت عالي دل علي مدى آلمه وغضبة ، بص لامه واتكلم بصوت حاول يكون هادي: بعد اذنك يا امي خلي بالك من كلامك مع عشق لو سمحتي

كريمة بدموع : انت عارف اني مقصدش يا صخر اني ازعلها ابدا .. يعز عليا اشوفها موجوعة بالشكل دا

صخر قام وقرب من امه ومسح دموعها اللي نزلت ومسك ايديها باسها: حقك عليا .. انا مقصدش ازعلك ابدا ومتاكد انك متقصديش انك تزعليها بس انا اقصد ان احنا نتجنب اي حاجة حتي لو كلمة تجرح عشق يا امي كفاية اللي هي حاسه بيه متزعليش مني .. وكمل كلامة بمرح مصطنع: وادي دماغك ياستي وباسها بهدوء

كريمة طبطبت عليه: انا لا يمكن ازعل منك ياصخر دا انت اول فرحتي ياحبيبي وعارفة قصدك كويس انا اكتر واحده حاسه بـ عشق وفاهماها والله .. بس اعمل ايه الكلام طلع مني غصب عني 

صخر: حصل خير يا امي تصبح على جنه ياست الكل انتي والهبله دي .. وشاور على مريم اللي قاعدة سرحانه وفاقت على صوت صخر 

كريمة : وانت من اهلها حبيبي

مريم بمرح: تشكر يازوق

صخر بـ ابتسامة: لسانك يابت مش هـ حذرك تاني

مريم بابتسامة بلهاء: تصبح علي خير ياقلبي

صخر هز دماغة بمعنى ان مفيش فايدة فيها وطلع على اوضته 

__________

في الجهة التانية نريمان قاعدة ومعاها مايا

فـ قصر ناصر عمران

نريمان بستغراب : بس احنا هنستفاد ايه يا مايا لما نقول لـ صخر السيوفي ان عشق مش بنت ناصر ؟!!

مايا بغضب: في ايه يامامي ركزي معايا كده!! صخر السيوفي بمركزة ووضعة اكيد مش هيقبل ان مراته تكون بنت حرام وخصوصا لو وصلنالوا اننا ممكن نوصل خبر صغير من فاعل خير لاكبر جريدة فـ مصر والوطن العربي ان حرم صخر السيوفي بنت غير شرعية وشوية تحابيش من الصحافين وان رجل الاعمال صخر نبيل السيوفي اتجوز حرمة المصون مقابل ديون ناصر عمران هوووب الدنيا تولع عند صخر باشا هوووب يطلقها وساعتها هخليه ليا وباي تمن 

نريمان بمكر: فكره جهنميه يا مايا وكملت بسخرية: بس تفتكري صخر السيوفي هيسمحلك تعملي دا كله متنسيش هو مين ووضعة ايه واحنا ايه .. وبعدين انتي نسيتي حاجة مهمة يا فالحة ناصر هيعمل فيا وفيكي ايه لو عرف اننا فكرنا بس مجرد تفكير اننا نفضح سره؟!!

مايا ببرود: وانكل ناصر ايه اللي هيعرفوا احنا بنخطط لايه الكلام دا بين وبينك بس يامامي بس قبل دا كله لازم اعرف صخر اتجوز عشق ليه في حاجة تانية احنا مش عرفنها بس لازم نعرفها

نريمان بتفكير : عندك حق في حاجة غلط في الحوار دا كله!! ليه صخر كان خافي نفسه كل السنين دي؟!!! وليه مظهرش الا بعد ما اتجوز عشق؟!! ليه ظهر بس لما جيه ياخد حق عشق؟!! دا حتى يوم كتب الكتاب ناصر قالي انه كان مخبي وشه لازم نحل الالغاز دي يامايا الاول عشان يبقا موقفنا قوي ونوصل للي احنا عايزينه وبسرعة

مايا بتأكيد: عندك حق لازم نفك كل الالغاز دي 

______________

اما بقا عند عشق فـ كانت نايمة علي سريرها فـ اوضة صخر او عامله نفسها نايمة .. حزينة ، في حاجة اتكسرت جواها .. فكرت في سيف يا ترى لو مكنش طلع ندل وراح اتقدملها وخاطبها كانت هتبقى مبسوطة؟!! كانت هتحس انها عروسة!! كانت هتبقي فرحانة؟!!احساسها كان هيبقي ازاي؟!!

غريبة! هي اصلا ولا لحظة تخيلت سيف خطيبها او حتى جوزها!! مش المفروض اللي بتحب حد بتتمنى ان يجمعهم بيت واحد في الحلال!! هي دلوقتي متاكدة انها محبتش سيف هي بس كانت بتدور على الاهتمام!! تحس ان ليها لازمة في حياة اي حد ، دورت على الاهتمام بس بطريقة غلط مكنش المفروض تدخل سيف في حياتها من الاول!! هي مش زعلانة انها مع صخر برغم من الطريقة اللي اتجوزها بيها بس جواها احساس ان صخر هو بر الامان بـالنسبالها .. متنكرش انها بتطمن بـ وجودة مش قلقانة منه!! بس في سؤال جواها 

عشق بصوت مسموع: ليه ياصخر اتجوزني مش معقول عشان ديون بابا 

_اقولك ليه

عشق قامت من السرير مفزوعة مانتبهتش ابدا لدخول صخر ولا وقوفه جنب السرير

اتكلمت بخوف وهي حاطه ايديها علي قلبها: حرام عليك ياصخر وقفت قلبي

صخر قعد جنبها ومسك ايديها وباسهم برقة: سلامت قلبك ياعشقي .. كنتي عايزة تعرفي ايه

عشق بخجل وحرج: لا ابدا مفيش حاجة عادي

صخر بحنان: مش احنا قولنا اننا دلوقتي اصحاب ومخطوبين وان المفروض منخبيش علي بعض حاجة ونتكلم ونقول كل اللي فـ قلبنا صح ياعشقي

عشق بتوتر: صح

صخر بمرح : طب ابعدي شوية كده اما اريح علي السرير الا يابنتي العظمة كبرت ومش مستحمل القاعدة دي

عشق ضحكت بصوتها كله وصخر بصلها بانبهار: اللهم صلي على النبي براحة يابنتي انا مش هستحمل الحلاوة دي كلها

عشق بخجل: صخررر بطل

صخر وهو بيفرد نفسه جنبها علي السرير :حاضر بطلنا 

فضلوا الاتنين ساكتين وباصين لـ سقف الاوضة

صخر قطع الصمت: وحدووووه

عشق بـ ابتسامة: لا اله الا الله .. عايز ايه ياصخر

صخر: عايزة تقولي ايه ياعشقي فضفضي يابنتي اعتبريني امك

عشق ضحكت كتير جدا من اسلوبه فـ الكلام: حرام عليك ياصخر هموت من الضحك بجد

صخر بمرح: بعد الشر عليكي يااختشي قوليلي كنتي عايزة تسالي علي ايه وبطلي تحوري

عشق بذهول: احور انت متاكد انك رجل الاعمال المشهور صخر نبيل السيوفي

صخر بغرور مصطنع: بـ شحمة ولحمة

عشق ضحكت تاني: انت مش معقول ياصخر بجد ماكنتش متخيلاك كده وخصوصا بعد الكلام اللي كنت بسمعه عنك

صخر بذهول مصطنع : انا يابنتي!!

عشق بتاكيد: ايوه انت دا انا سمعت عنك بلاااااوي .. اللي قالوا انك بتاع ستات واللي قالوا انك من المافيا وحاجات كتيييشرة اووي

صخر :وانتي صدقتي عني كده

عشق بارتباك: انت زعلت

صخر: لا ابدا ازعل ليه!! ما انا بشوف الاخبار دي فـ عادي بـالنسبالي بس انا بسألك علي رايك انتي

عشق بتوضيح: بصراحة في الاول من قبل ماعرفك يعني كنت دايما بشوف اخبارك في الجرايد وعلي النت وغير كلام بابا عنك يعني .. الي حد ما كنت مصدقة الاخبار دي وخصوصا ان مكنش في اي تكذيب منك للاخبار اللي بالشكل دا وخصوصا انك خافي نفسك وعديم الظهور في الاعلام عمتا فـ دا كان نقطة ضدك اما بقى بعد ماشوفتك فاقدر اقولك ان الصحافيين دول بلح

صخر بذهول مصطنع :بلح!! بلح ازاي يعني؟!!

عشق: يابني اقصد انهم بيفتوا بيقولوا اي كلام فـأي كلام انت صحيح شكلك بيدي علي تاجر مخدرات تاجر سلاح قتال قتله غير كده دمك خفيف وبتضحكني كتير جدا

صخر بصدمة: انا شكلي بيدي على تاجر مخدرات تاجر سلاح قتال قتله

عشق بضحك من صدمته: اه والله زيمبقولك كده

صخر قرب منها اووي: انتي قد الكلام ده

عشق ارتبكت بس ردت بصوت حاولت تخليه ثابت وهي بتبص فاي مكان الا عيونة: قده ونص وتلت تربع

صخر رفع حاجبة بمكر وقرب من وشها جدا ، بقى حاسس بنفسها: بقى كده طب تعالي

ولسه هيبوسها اتفاجئ بعشق بتزقه تبعده عنها وقامت تجري من على السرير

صخر بذهول مصطنع: انتي هبلة يابت بتجري كده ليه

عشق بغضب تداري بيه خجلها: انت قليل الادب ياصخر مش هنام جنبك تاني

صخر : اممممم تنامي جنبي فكره حلوة والله

عشق صرخت بخجل: صخرررر بطل قله ادب انا هنام على السرير وانت هتنام علي الكنبة

صخر بتريقة: مين دا اللي هينام على الكنبة اكيد متقصدنيش انا!!

عشق بثقة: لا اقصدك انت علفكره ماهو بص مفيش قدامك الا حلين

صخر : واللي هما

عشق: الحل الاول انك تنام علي الكنبة ماهو اكيد مترضاش ان مراتك حببتك تنام على الكنبة

صخر بمكر حاوط خصرها: مراتي حبيبتي المفروض تنام في حضني صح ولا ايه

عشق وهي بتحاول تبعد: لا مش صح احنا في فترة الخطوبة ياصخر متستهبلش

صخر بذهول : مستهبلش!! انتي خدتي عليا اووي وكده كتير

عشق بخجل وارتباك: والله اذا كان عجبك

صخر : دا عجبني اوي اوي اوي بس البعيدة تحس

عشق بتحزير خجل: صخرررررر

صخر : خلاص ، ايه بقا الحل التاني

عشق بـ ابتسامة مستفزة: انام انا فـ اوضة تانية

صخر: نعم ياروح ماما

عشق بتحزير :صخر الفاظك

صخر بغضب: بلا صخر بلا بتنجان انا وانتي هنام فـ سرير واحد عجبك عجبك

عشق بغضب: ولو معجبنيش 😡

صخر بغمزة: شدي في حواجبك عادي 😂😂

عشق: انت مستفز علي فكره وانا زعلانة منك 

صخر وهو بيلدغ خدها اليمين: وانا مقدرش علي زعل عشقي لازم اصالحك

عشق برتباك وخجل: خلاااص مـ مش زعلانة

صخر بأصرار : لا والله لازم اصالحك .. ولدغ خدها الشمال 

عشق وهي تقريبا هيغمي عليها من الكسوف والخجل: بالله ياصخر خلاص مش زعلانه والله يلا ننام

صخر: مانا قولت كده من الاول 

عشق بصتله بغضب واستسلام وعرفت انها مش هتقدر تغلبة في الكلام فسكتت ، صخر بص لشكلها اللي بقي زي الفراولة وغضبها اللي شبه الاطفال وضحك من قلبه وبصوت عالي علي تصرفاتها : خلاص متزعليش تعالي ننام 

ساب خصرها وهي مصدقت وجريت علي السرير وغطت جسمها كله ، حست بيه بينام علي السرير بصتله بغضب ، صخر قرب منها وحضانها

عشق بتحزير: صخررر

صخر بـ ابتسامه حنونه: هنام بس ياعشقي يلا غمضي عيونك الحلوين دول ونامي 

عشق فعلا غمضت عيونها وراحت في النوم ، صخر طبع بوسه رقيقة علي دماغها ونام 

______________

أما بقى عند (علي) فـ كان سهران في البلكونة في بيته اللي هو قصاد بيت صخر علطول ، قاعد بيفكر في مريم ، امتي هيقدر يصارحها بحبه ليها!! بيحبها من اول ماعرف يعني ايه حب، 

خايف تكون مبتحبوش بس نظراتها ليه بيحسها حب!! هيعمل ايه لو رفضته؟! هي لسه مراهقه مشاعرها مش ثابته لازم يقول لصخر ان يفاتح مريم فـ موضوع جوازهم على الاقل يخطبها!! اتنهد بصوت عالي وقال بصوت مسموع: عايز تضمنها ياعلي؟!! اكيد لا! انا بس عايزها تحس اني بحبها ماهو انا عمري ماهتكلم معاها عن مشاعري ومفيش اي حاجة رسمي مابينا لا يمكن اخون صخر كفاية ان زمان فهمني صح ووقف جانبي

فلاش باااك 

صخر بهدوء: ممكن تهدى وتفهمني ضربت زميل مريم ليه انت كسرت ايد الولد ياعلي؟!

ايه اللي حصل لكل ده

علي بعصبيه: يستاهل كسر رقبته كمان الواد البجح دا كان عايز رقمها وعمال يقولها بحبك يامريم ولما نكبر هتجوزك وقلت ادب ومسخر لااا وايه كان عايز يبوسها ابن الكـ*لب

صخر وهو بيحاول ميضحكش علي طريقة علي: بس دول اطفال ياعلي اطفااااال

علي بنرفزة: بلا اطفال بلا نيله مريم لازم تتنقل من المدرسة دي وتروح مدرسة تانية وياريت تكون بنات بس

صخر بص لـ علي كتير وركز في عيونة ودا وتر علي .. صخر: انت بتحب مريم ياعلي

علي بصوت مهزوز: طبعا بحبها مش زي اختي

صخر: بس مش اختك!! سؤالي واضح ياعلي انت بتحب مريم حب راجل لست؟!

علي بأعتراف: بحبها ياصخر بس عمري ماتجاوزت حدودي ابدا معاها انا لا يمكن اعمل حاجة تخسرنا بعض ياصخر انا عارف انها بالنسبالي عيلة بس لقتني بحبها ومن زمان اوي متزعلش مني ياصخر دي حاجة غصب عني

صخر: انت حمار ياعلي

علي: نعممممم

صخر بتاكيد: ايوه حمار انت مفضوح اووي يالا دا حتي امي عارفة انك بتحب مريم اقولك ابويا الله يرحمة كان عارف انك بتحبها

علي بصدمة: ازاي يعني

صخر : مش بقولك مفضوح 

علي : طب جوزهالي ياصخر ينوبك فيا ثواب انا وحداني ويتيم وعايز حد يونسني

صخر: وانا رحت فين ياحبيبي اونسك انا

علي بتحذير: صخرررر

صخر: خلاص اهدي ليطقلك عرق مفيش جواز الا لما مريم تخلص تعلمها او علي الاقل تكون في الجامعة البت لسه في اولي ثانوي .. وكمل بتحذير: علي انا بعتبرك اخويا وهي مش بس اختي لا دي بنتي انا اللي مربيها اياك ثم اياك ياعلي تعبرلها عن حبك ليها او تتجاوز حدودك معاها انا اه بثق فيك بس دي اختي وحته منه لو فكرت بس تعبرلها هساوي وشك بالاسفلت تمام

علي بغيظ: تمام .. اصلا انا مكنتش هقولها حاجة

صخر بتريقة: مانا عارف

بااااك

علي بتنهيدة : لا انا كده عنست!! لازم اكلم صخر بقا انا هتجنن من قعدتي لوحدي دي

لفصل العاشر

صباحا في غرفة صخر كان صاحي بدري وبيجهز نفسه عشان رايح الشركة قرب من عشق اللي لسه نايمة وبيصحيها برقة : عشق .. عشقي

عشق وهي لسه مغمضة عيونها: امممممم

صخر بـ أبتسامة: اصحي يا كسولة عندي ليكي مفاجأة

عشق قامت بسرعة بطريقة تضحك وشعرها منحكش وعيون بتلمع زي الاطفال: مفاجأة ايه ها ها ها

صخر باسها من خدها ودا كسافها جدا: هخدك معايا الشركة ومش بس كده لاا دا انتي هتشتغلي معايا كمان

عشق بصدمة وسعادة في نفس الوقت: بجد ياصخر!! بجد بجد ولا بتهزر

صخر بضحك: هههههه لا مش بهزر بتكلم جد وجد جدااا كمان ولا انتي مش عايزة تيجي؟! على العموم براحتك!! 

عشق وهي بتقوم من على السرير وبتجري على اوضة اللبس الخاصة بيها: مش عايزة دا ايه انت مش متخيل انا قد ايه كنت بتمنى اشتغل ثواني وهكون جاهزة .. وكملت ببراءة: وبما انك خلصت وجهزت نفسك انزل بقا حضرلي الفطار

صخر بصدمة: نعمممم!!! احضرلك الفطار 

عشق بضحك: وحياتي ياصخر معلش بس انا حاسة اني جعانة اوووي وكمان امبارح معرفتش اكل واكيد الكل نايم دلوقتي عشان خاطري ياصخر عشان خاطري عشان خاطري

صخر بحنية: خلااااص كفاية زن احنا عندنا كام عشق يعني

عشق بـ ابتسامة صافية: قلبي ياناااس والله

صخر بضحك: كلي بعقلي حلاوة اوووي 

عشق بضحكة خطفت قلب صخر : وخد بالك انت

صخر: انا بقول انزل احضر الفطار بدل متهور وانا هموت واتهور

عشق اتكسفت وسكتت ودخلت تلبس وصخر نزل على المطبخ 

صخر واقف في المطبخ محتار مش عارف يعمل ايه!! اول مرة يدخل المطبخ اصلا!! 

صخر بغيظ: كان لازم العظمة تاخدني اووي واقولها هعملك الـفطار هتصرف ازاي دلوقتي

_انت بتكلم نفسك ياصخر؟!! 

صخر اتفاجئ بصوت امه كريمة

صخر بهدوء: صباح الخير ياست الكل

كريمة بحنان: صباح النور ياحبيبي ، خير كنت بتكلم نفسك ليه!! واصلا بتعمل ايه في المطبخ؟!! انا اول مره اشوفك في المطبخ من ساعة ما اشترينا القصر دا!!

صخر بحرج: لا ابدا اصل اا يعني عشق كانت عايزة تفطر وجيت احضرلها الفطار بس محتاس مش عارف اعمل ايه 

كريمة معلقتش عشان متزودتش احراج صخر بصتله بهدوء وقالت: طب تعالى اما اساعدك

صخر بـصلها بـ امتنان وابتدا يساعدها في تحضير الفطار وبعد ما خلصوا

كريمة: ها كده حلو ولا عايز تزود حاجة تانية

صخر بمرح: فطار ملوكي والله تسلم ايدك ياست الكل

كريمة: تسلم من كل شر حبيبي.. بس قولي انتوا مش هتفطروا معانا ليه؟!! رايحين فين كده؟!!

صخر: انا وعشق رايحين الشركة

كريمة باستغراب: طب انت وفهمناها لكن عشق رايحة معاك ليه

صخر بتوضيح: لانها هتشتغل معايا وقبل ماتعترضي عشق لازم تشتغل وتخطلت بالناس .. عشق شخصية ضعيفة وطيبة بسذاجة ودا لانها محبوسة جوه قوقعة وانا عايزها تطلع منها عايزها تعيش يا امي وبعدين متقلقيش هي طول الوقت هتكون جوه عيوني

كريمة بثقة: انا مبقلقش عليها طول ما انت معاها ياصخر نفسي تعرف كل حاجة ياصخر!! عشق بتكرهه الكدب وقالت لـمريم مش بتسامح اللي بيكذب عليها واحنا كلنا كذبنا عليها .. الله اعلم رد فعلها هيكون ايه لما نقولها علي كل حاجة ، انا مرعوبة تبعد عننا ياصخر!! خايفة تكرهنا!! خايفة متصدقناش اصلا!! خايفة تفتكر اني سبتها بمزاجي!! خايفة اوووي ياصخر

صخر ضمها لحضنة بيحاول يطمنها او يطمن نفسه!!

صخر بهدوء: متخافيش انا هحل كل حاجة ان شاء الله كل حاجة هتكون كويسة وعشق هتعزرك وهتعوف انه غصب عنك عشق طيبه ومستحيل تزعل منك

_ازعل منها ليه؟!

ودا طبعا كان صوت عشق اللي واقفة بتبصلهم بـ أستغراب 

صخر اتوتر وقلق تكون سمعت كلامهم من الاول بس ملامحها الهادية طمنته انها مسمعتش غير اخر كلامهم

فـ بعد عن امه بهدوء وكريمة مسحت دموعها من غير ما عشق تشوفها

صخر: ابدا ياستي ماما قلقانة لتزعلي منها عشان مفيش جبنة

عشق بدهشة: جبنة!! هههههه بجد حضرتك مفكره ان ممكن ازعل منك عشان مفيش جبنة؟!

كريمة بـ أرتباك: اصلي عارفة انك بتحبيها

عشق: عرفتي منين؟! 

كريمة اتوترت وعشق كملت: اكيد لاحظتي مبكلش غيرها ع الفطار صح؟!!

كريمة اتنهدت بـ ارتياح: صح فعلا

صخر لنفسه: يخربيت طيبتك ياشيخة معقول صدقتي الكدبة دي!! دا لو عيل فـ ابتدائي مش هيصدقها!!

واتكلم بصوت عالي: طب يلا عشان نفطر ومنتاخرش على الشركة

عشق: ست الكل هتفطر معانا

كريمة ضمتها لحضنها: افطروا انتوا بالف هنا انا هستني مريم

_______________________

عشق وصخر فطروا مع بعض وصخر كـالعادة بيأكل عشق بأيدة

عشق بـ ارتباك :عـلفكره انا مش صغيرة وبعرف اكل لوحدي

صخر: عارف

عشق: ولما انت عارف بتاكلني بأيدك ليه؟!

صخر ببرود: مزاجي كده

عشق: لا والله!!

صخر: اه والله

عشق: رخم

صخر: سمعتك

عشق بلا مبالاة: ميهمنيش

صخر: انتي قد الكلام ده؟!!!

عشق بتحدي : قدة ونص

صخر بمكر: حسابنا بالليل

عشق بخوف حاولت تدارية: انا شبعت يلا نمشي

صخر: يلا

مسك ايديها وطلعوا ركبوا عربيتة وانطلقوا للشركة

_____________

صخر وعشق وصلوا لشركة السيوفي .. صخر كان ماسك عشق من ايديها وماشي وسط المواظفين واريح على مكتبة .. نظرات البنات لـعشق كان معظمها غيرة وحسد ، اذا كان من جمالها او انها مع صخر والعكس صحيح على الموظفين اللي انبهروا بجمال عشق وحسدوا صخر عليها .. وفي سؤال حير الكل! مين دي اللي مع صخر السيوفي؟!!

عشق كانت حاسه ان كل العيون مرقباها ودا خلاها تتوتر جدا ، هي مش متعودة تكون محط الانظار بالشكل ده ، صخر حس بيها من ايديها اللي بتترعش بين ايديه بصله بحنان وقال: اهدي ياعشقي متخفيش مفيش حاجة انا معاكي 

عشق حاولت تهدى ، كلام صخر طمنها ، ازاي بيقدر يهديها بالشكل ده؟!

صخر اخيرا وصل لمكتبه دخل ومعاه عشق لـقي علي موجود في المكتب

عشق انبهرت بمكتب صخر اللي اقل مايقال عنه انه رائع! غير ان مساحته كبيرة جدا الديكور عجبها جدا وفي بابين فـ المكتب من جوة انتبهت لصوت صخر 

صخر بـ استغراب :علي!! خير انت هنا بتعمل ايه

علي: طب قول صباح الخير الاول ، صباح الخير ياانسه عشق 

عشق: صباح النور يااستاذ علي

صخر بغضب: خيييير ياعلي ع الصبح اخلـــص

علي بتوتر من نظرات صخر: لا ابدا كنت عايزة اتكلم معاك في موضوع كده بس مش وقته نتكلم بـ الليل هاجي اتعشي معاكوا

صخر بشك: مش مرتحلك

علي: انت اصلا مبترتحش لنفسك هترتحلي انا!!

عشق غصب عنها ضحكت وبصوت شبه عالي

صخر بغضب: اطلع بررره يالاه

علي: تشكر يازوق عن اذنك ياعشق هانم

وطلع من المكتب بيجري ، عشق ضحكت تاني بس بصوت عالي

صخر بغيظ: لا والله!! عجبك اللي بيحصل اووي

عشق وهي بتحاول توقف ضحكتها: دمه خفيف والله بحب علاقتكم انتوا لـ اتنين

صخر بتحزير: اياكي ياعشق ثم اياكي اشوف بتكلمي اي راجل هنا حتي علي، شوفي اياااكي

عشق بـ استغراب: اومال هشتغل ازاي لو مكلمتش رجالة ي صخر هو مش في موظفين رجاله وبعدين انت مالك اكلم مين ولا مكلمش مين؟!!!

صخر بغضب: انا جوزك ياعشق، جوزك والمفروض تحترميني

عشق: وانا امتي محترمتكش ياصخر؟!! انت اللي بتقول كلام غريب وملهوش علاقة ببعضه!! لو من الاول مش عايزني اكلم حد جايبني هنا ليه ولا ناوي تهني قدام الموظفين

صخر بصدمة: اهينك

عشق: اومال معني تصرفك دلوقتي ايه

صخر اتنهد بصوت عالي: عشق انا مش عايز اهينك ابدا، انا بس بغيـ

مكملش كلامه وسكت، عشق باستغراب: كمل سكت ليه

صخر: مش لازم نتخانق ياعشق علي الاقل مش في الشركة لما نروح نبقا نكمل كلمنا ودلوقتي تعالي اوريكي مكتبك .. مسك ايديها وراح عند باب من اللي موجودين في مكتب صخر من جوة وفتحه اتفاجئت ان دا مكتب صغير نوعا ما جوة مكتب صخر بصتله باستغراب وقالت: هو دا مكتبي

صخر: ايوه هو مش عاجبك ولا ايه احنا ممكن نغير اي حاجة انتي مش حباها

عشق: لا ابدا هو حلو وحلو جدا كمان انا بس مش عارفة هشتغل من هنا ازاي؟! انا على حد علمي ان السكرتيرة بتنظم مواعيد المدير بتدخله العملاء كده يعني وانا عشان اعمل كل ده لازم اكون بره مكتبك مش جوه

صخر بتوضيح: انتي عندك حق بس انتي السكرتيرة الخاصة بيا وفي سكرتيرة تانية بره هي اللي هتستقبل العملاء

عشق: اومال انا هعمل ايه 

صخر: هتساعديني، هتنظمي اوراقي ومواعيدي هتحضري معايا الاجتماعات بس وانتي هنا جانبي

عشق: هو انت خايف اهرب منك ياصخر انا حاسه انك بتحبسني

صخر بهدوء: انا لو عايز احبسك ياعشق مش هخرجك بره القصر بخطوة واحدة ومتنسيش انك جتيلي برجليكي يعني انتي معايا بمزاجك

عشق: عندك حق انا اللي جتلك برجليا

صخر: ندمانه

عشق: بالعكس دي الحاجة الوحيدة اللي عملتها بمزاجي رغم ان مكنش قدامي حل تاني .. المهم مطلوب مني ايه دلوقتي

صخر وهو بيدرس ملامحها بيحاول يفهم بتفكر فـ ايه: هتراجعي ورق المشروع الجديد مع شركة مهران وعندنا اجتماع وابتدا صخر يشرحلها هتعمل ايه

_______________

مساءا في مكتب صخر في قصر السيوفي كان قاعد ومعاه علي

صخر: ها بقينا لوحدنا عايز تتكلم فـأيه؟! انت كويس

علي: مش كويس خالص ياصخر

صخر: في ايه يابني قلقتني

علي: انا عايزة اتجوز ياصخر

صخر: على بركة الله مين العروسة؟!

علي: متهرجش ياصخر اكيد مريم

صخر: وانت متخيل اني ممكن اوافق ع الجنان ده؟! مريم لسه صغيرة ياعلي وصغيرة اووي كمان

علي: عارف ياصخر وفاهمك بس انا تعبت انا عايز اعرف راسي من رجليا، علي الاقل فاتح مريم في موضوع ارتباطي بيها عايز اعرف بتحبني ولا لا ياصخر عايز ارتاح

صخر: مريم عيله ياعلي ومشاعرها مش ناضجة افرض طلعت بتحبك هنعمل ايه؟! انا خايف مع الوقت تغير وقتها ممكن

قاطعة علي : عارف انت تقصد ايه بس مريم مش صغيرة اووي زي ماانت متخيل مريم 18 سنة مش 13 او 14 .. ياجدع علي الاقل اخطبها اعرف مشاعرها ناحيتي

صخر بحذر: ولو طلعت مبتحبكش هتعمل ايه 

علي بجمود: همشي

صخر: من حياتها؟!

علي: من حياتكم ياصخر مش هقدر اتحمل

صخر: بس

قاطعة علي: المهم هتكلمها امتي؟! او الاحسن ماما كريمة تكلمها او انتوا الاتنين

صخر بتفكير: بعد خطوبتي انا وعشق

علي بضحك: هههههه اول مره اشوف حد بيتجوز وبعدين بيخطب

صخر ببرود: اديك هتشوف

علي بغيظ: بارد

صخر: سمعتك 

_______________

الايام بتمر .. صخر وعشق دايما مع بعض سواء في الشركة او فـ البيت، قربوا من بعض اكتر ، عشق اتفاجئت بجانب تاني من شخصية صخر، لما بيكون في الشغل بيكون جد وجد جدا كمان ملامحه مش بتبتسم تقريبا مع الموظفين، ابتدات تفهمه من غير مايتكلم! صخر ساعدها كتير انها تتعلم شغلها وكان مراعي جدا انها لسه جديدة على المجال ده اينعم بيتعصب عليها لما يلاقي اي موظف بيكلمها غير كده هو حنين في تعامله معاها!!

__________________

بكره خلاص خطوبة صخر وعشق

كانوا لسه راجعين من الشركة ، كريمة ومريم كانوا قاعدين في الصالون

صخر وعشق : مساء الخير

كريمة: مساء الورد ياحبايبي اتاخرتوا كده ليه ياصخر قلقتوني عليكوا

عشق: والله ياطنط كان عندنا اجتماعات ااااد كده متنا تعب انهارده

كريمة: اخس عليك ياصخر ليه تتعبوا نفسكوا كدا اومال بقي لو حفلة خطوبتكوا مكنتش بكره كنتوا هتعملوا ايه!!!!

صخر: كان في شغل كتير يا امي غصب عننا

كريمة: ربنا يكون في عونكوا حبيبي اطلعوا غيروا هدومهم وخدوا دش علي ما اخلي سعدية تحضر العشا

مريم: استني ياعشق قبل ماتطلعي انتي لازم تختاري فستان للخطوبة الاول انتي لحد دلوقتي مجهزتيش اي حاجة تلبسيها بكره!

عشق: اوووف حقيقي نسيت خالص الموضوع ده

صخر: انا مجهز كل حاجة متقلقيش

مريم: بس اكيد ياابيه مش مجهز فستان الخطوبة! خليها هي تختار علي زوقها

صخر: لا انا مجهـ

قطعاته عشق: خلاص انا هشوف اللي مع مريم اطلع انت وانا هخلص وهحصلك

صخر بتريقة: بعيدا عن انك قاطعتيني وانا بتكلم بس كانك بتامريني؟!!

عشق بـ براءة: انا!!! لا خالص انا بس عايزاك تطلع تغير عشان ناكل 

صخر بسخرية: اها قولتيلي تاكلي! الله اكبر عليكي بقيتي بتاكلي بكميات مش معقوله الله يرحم اول ماجيتي هنا كنتي بتاكل زي العصافير

كريمة: قول ما شاء الله ياصخر انت هتحسدها ولا ايه!!

صخر بـ استغراب: احسدها ايه بس ياامي لا طبعا وكمل وهو قاصد يغيظ عشق: بس هي لو فضلت على الوضع دا كتير هتبقي زي الكورة

عشق بغضب: لا والله ابقي زي الكورة؟! ثم انا كل يوم بالعب رياضة مش زي ناس

صخر: هنكدب بقى بتلعبي رياضة فين ان شاء الله؟! انتي طول اليوم معايا!! وبعدين زي ناس ازاي انتي بتلقحي عليا بالكلام؟! انا بلعب رياضة كل يوم بالليل وحضرتك نايمة وبتشخري

عشق بصدمة: انا بشخر 😳😳

صخر ببرود: اه بتشخري

كريمة: بااااس انت وهي صدعتوني ولا كانكم عيال صغيرة اطلع ياصخر شوف هتعمل ايه

صخر: انتي بتطروديني يا امي ولا انا بيتهيئلي؟!

كريمة ببرود: لا بطردك

مريم: قصف جابهه ياكبير 

عشق ضحكت عليه بصوت عااالي

صخر بغيظ: شكرا ياست الحبايب

قال كلامة وطلع علي اوضته

مريم شدت عشق من ايديها وقعدتها جمبها وابتدات تفرجها علي الفساتين اللي عشق هتختار منها اللي هتلبسه في الحفلة بكره

كريمة قامت تشوف العشا جهز ولا لسه

__________

مريم: ايه رايك ياعشق في الفستان ده؟! روعة مش كده قالت كلامها وهي بتشاور على (فستان احمر قصير جدا فوق الركبة .. بحملات وبضهر مكشوف) 



عشق: هو فعلا روعة بس عريان اووي وقصير جدا

مريم: بس انتي مش محجبة وممكن تلبسية عادي

عشق: انا فعلا مش محجبة بس مستحيل البس حاجة زي كده وانا اصلا بقالي فترة كبيرة بفكر اتحجب 

مريم: بجد هتتحجبي! 😳

عشق: مالك اتصدمتي كده ليه بأذن الله هتحجب

مريم :يعني مش هتلبسي الفستان ده دا حلو اووي

عشق: لا طبعا هلبسه بس فـ اوضـ

ملحقتش تكمل كلامها واتفزعت من صوت صخر الجهوري: نهارك اسود يا عشق انتي ناوية تلبسي المسخرة دي

عشق بخوف: مسخرة ايه؟! انا لسه بقولها

صخر بغضب: ولا كلمة! ايه هتكدبي انا لسه سامعك بوداني وانتي بتقولي لمريم (لا طبعا هلبسه) اسمعي شغل المسخرة وقله الادب دا مش عندي مفهوم! ومتتكلمش مع اختي في المسخرة دي تاني لاحظي انها لسه مراهقه ياانسه ياكبيرة .. لو ناصر عمران معرفش يربيكي انا اللي هربيكي يا هانم 

عشق بتسمع كلامه وهي بتبكي حاولت تسيطر علي دموعها وتبينله انه كلامة ماثرش فيها بس مقدرتش

كل كلمة قالها جرحت كرمتها وكبريئها واحترمها لنفسها ازاي سمح لنفسه يقولها الكلام ده ازاي يهنها بالشكل ده!! بصتله نظرة وجعته نظرة الم واحتقار ليه وقالت بصوت حاولت تخليه ثابت: في اي اهانه ليا تاني ولا خلصت

صخر للحظة اتتجمد لتاني مرة تقوله انه بيهينها هو مش قاصدة ولا كلمة من اللي قالها مش قاصدة نهائي يهينها او يجرحها بالطريقة دي، هو بس غيران وغيران جدا كمان فكره انها ممكن تلبس الفستان ده وحد يشوفها بيه سواء راجل او ست حرقت قلبه حرفيا ، كل الكلام اللي قاله اللي تقريبا مش فاكر ربعه كان ناتج عن غيرته، غيرته اللي مبيقدرش يسيطر عليها، بس هي بردوا غلطانه ازاي تفكر مجرد تفكير انها تلبس قميص النوم دا؟!! ..اصل دا مستحيل يكون فستان!! قاطع شرودة صوت والدته 

كريمة: انت اتجننت ياصخر ايه اللي هببته دا

صخر: انا بردو اللي اتجننت أسألي الهانم المحترمة كانت عايزة تلبس ايه

كريمة بغضب: تصدق بالله انا معرفتش اربيك ياصخر!! انا مش عايزة اسمع منك ولا كلمة كفاية اووي اللي قولته

كريمة قربت من عشق وضمتها لحضنها! عشق وكأنها كانت مستنيه الحضن دا وبكت بـ انهيار عيطت بصوت عالي، بوجع، بقهر!

كريمة ومريم عيطوا على عياطها

اما صخر كان هاين عليه يركع قدمها ويعتذر الف مرة بس متبكيش بالطريقة دي!! متتوجعش بالشكل ده!!

كريمة اخدت عشق وطلعتها لـ اوضتها [اوضة كريمة]

صخر قاعد وحط راسه بين ايديه ، مريم قعدت جانبه وبصتله بعتاب وضيق

صخر اتنهد بصوت عالي وبصلها: عايزة ايه يامريم انتي كمان

مريم بلوم: ليه كده ياابيه ازاي تكلم عشق بالطريقة دي وكمان قدامي

صخر بحدة: هو انتوا كلكوا هتجيبوا الغلط عليا مشفتيش هي عايزة تلبس ايه

مريم بغيظ: انت اللي مبتشوفش ياابيه

صخر: ولزمته ايه ابيه بقا؟!! اقولك قومي اضربيني قلمين احسن

مريم: والله تستاهل 100 قلم مش اتنين بس

صخر بغضب بيحاول يتحكم فيه: مريم انتي من اول ما اتولدتي عمري ما مديت ايدي عليكي بس شكلي همدها دلوقتي

مريم بتوتر: افهم بس ياابيه انت بوظت الدنيا خالص ومش فاهم حاجة

صخر بنفاذ صبر: طب فاهمين

مريم قالتله كل كلمة قالتها عشق وانه فهم كلمها غلط وحكم عليها من غير مايسمع الكلام من اوله .. صخر حرفيا كان عايز يضرب نفسه 100قلم (يستاهل 1000 قلم والله🙂) هيعمل ايه دلوقتي؟! هيصالحها ازاي؟!! هيخليها تسامحه ازاي اذا كان هو مش مسامح نفسه

صخر بتنهيده عاليه: ياالله يامريم طب مقولتوش من الاول ليه

مريم بغيظ: انت دخلت فينا زي القطر معرفناش ننطق حتي

صخر: هعمل ايه دلوقتي انا بوظت الدنيا خالص

مريم: صالحها

صخر: بصراحة من غيرك مكنتش عارف هعمل ايه!! الفكرة اني اصالحها ازااااي؟!!!

_______________

اما فـ اوضة كريمة كانت قاعدة وواخدة عشق في حضنها وعشق لسه بتبكي

كريمة بحنان: حقك عليا يابنتي انا اللي معرفتش اربيه بس هعيد تربيته من اول وجديد قليل الادب دا

مسكت وشها بين ايديها ومسحت دموعها بحنان : متبكيش ياعشق مفيش حد فـالدنيا يستاهل دموعك صدقيني صخر مايقصدش هو بس غيران

عشق بصدمة: غيران!! لا طبعا حضرتك فاهمة غلظ هو بس بيحب يتحكم فـاللي حواليه مش اكتر

كريمة بتاكيد: لا غيران ياعشق وانتي من جواكي حاسه انه غيران عليكي متنكريش على الاقل متكدبيش علي نفسك

عشق وهي بتهرب من عيون كريمه: الغيران بيكون بيحب وصخر متجوزني عشان 

قاطعتها كريمة: عشان ايه؟!! هتقوليلي عشان ديون ابويا!! هقولك لا ياعشق ، صخر مش كده ابدا

عشق بحيرة: اومال اتجوزني ليه؟!! اشمعني انا؟! في حاجة مش مظبوطة سبب جوازه مني مش مقنع ابدا وخصوصا بعد ما عشت مع صخر رغم اني عرفته من مده قليله بس قدرت افهمه الي حد ما، يبقي اتجوزني ليه

كريمة: دا اللي لازم تعرفيه ياعشق، صخر مبيجيش بالعند خليكي بارده معاه

عشق باستغراب: باردة!! ازاي يعني

كريمة: زمان صخر دلوقتي عرف الموضوع من بدايته من مريم وضميرة هتلقيه مقطعة

عشق ضحكت علي تشبية كريمة

كريمة: اه والله زيمبقلك كده صخر من الاشخاص اللي الحمدلله ضميرة صاحي وصاحي اووي كمان .. فـ ذمانه مقطع نفسه تحت وهـيموت ويصالحك فـانتي بقي اتقلي عليه ومتتصالحيش بسهولة

عشق باستغراب: متصالحش بسهولة؟!! ليه؟!

كريمة بتوضيح: عشان يحرص المرة الجاية وميتسرعش في كلامة معاكي يبقي عامل حساب لزعلك ،وقت عصبيته يفكر في كلامة قبل مايقولة فهماني ياعشق

عشق بتلقائية: فهماكي ياماما

كريمة عيونها دمعت من الكلمة اللي طلعت بتلقائية ، عشق بحب: هتصدقيني لو قولتلك اني حسيتك امي وبتنصحيني مش حماتي ابدا من هنا ورايح هقولك ياماما لو ميضايقش حضرتك

ردت كريمة بانها حضنتها اوووي: انتي غلاوتك من غلاوة مريم ياعشق وطبعا مايضيقنش لو قولتيلي ياماما بالعكس دي حاجة تسعدني جداااا

كريمة كملت كلامها بخوف ضاهر: عشق انا عايزة اقول ان انا فعلا اا

الحادي عشر والثاني عشر 

 الفصل 11

كريمة كملت كلامها بخوف ضاهر: عشق انا عايزة اقول ان انا فعلا اا وسكتت

عشق بتركيز: كملي ياماما سكتي ليه

كريمة بـ ارتباك ملحوظ: انا فعلا اا اه عايزة انام .. اه انا عايزة انام الوقت اتاخر

عشق بـ احراج: طب تصبحي علي خير هروح اوضتي

كريمة بـ توبيخ: انت هبله يابت مش قولتلك متتصالحيش بسرعة! رايحة تنامي فـ اوضة صخر ليه؟

عشق بنبرة علي وشك البكاء: اومال هنام فين؟!!

كريمة بحنيه: هنا جانبي وفـ حضني

عشق بـ سعادة طفولية وعيون بتلمع: بجد هنام معاكي ياماما

كريمة بدموع بتحاول تسيطر عليها: بجد ياعيون ماما تعالي .. كريمة فردت نفسها ع السرير بهدوء وفتحت ايديها لعشق انها تنام فحضنها وعشق لبت النداء بلهفة وشوق! احساس اتحرمت منه طول عمرها، عمرها ماجربته؟ بتحس ان كريمة زي امها فعلا!! بتعيش معاها اللي كانت بتتمني انها تعيشه مع والدتها الله يرحمها، نامت في حضن كريمة بسعادة مفيش كلام يوصفها!! كريمة بتلمس على شعرها بحنان لحد ماعشق راحت فـ سابع نومه .. كريمة بصه لـ عشق اووي وكانها بتشبع من ملامحها!! وكانها بتحفظها!! دمعة نزلت من عنيها مسحتها بسرعة واتنهدت بصوت حزين! مكسور!! ودعت من قلبها الايام اللي جايه تعدي على خير وان الحمل اللي شيلاه ينزل عن كتافها وترتاح لانها تعبت ... بس عشامها فـ ربنا كبير .. ويادوب عيونها بتروح فـ النوم سمعت خبط على باب اوضتها .. قامت بهدوء عشان عشق متصحاش وفتحتت الباب كان صخر

كريمة بهمس غاضب: خير

صخر: فين عشق ياامي؟! عندك!

كريمة: ايوه عندي وهتفضل عندي

صخر بغضب بيحاول يتحكم فيه: يعني ايه هتفضل عندك؟!

كريمة ببرود: واطي صوتك عشق نايمة

صخر: طب ياامي تعالي نتكلم في مكتبي

بمرور الوقت كريمة وصخر كانوا قعدين فـالمكتب

صخر: ممكن اعرف يعني ايه عشق هتفضل عندك؟! الكلام دا معناه ايه؟!

كريمة: اللي فهمته ياصخر عشق هتفضل عندي طول ما انت مبتحترمهاش طول ما انت مبتعرفش تسيطر على عصبيتك وغيرتك عليها طول ما انت بتهنها وتيجي عليها هتفضل عندي ومش هسمحلك ابدا تغلط فـ عشق حتى لو هطلقها من ياصخر

صخر بصدمة: حضرتك بتقوليلي الكلام ده ليا انا؟! 

كريمة ببرود: اعتقد مفيش حد هنا غيرك!! فـ الكلام فعلا ليك انت

صخر: بس عشق مراتي والمفروض تبقى معايا و100مرة قولتلك ياامي بعد اذنك متتدخليش بيني وبينها انا جوزها وا

قاطعته كريمة بقوة وشراسة: وانا امها ياصخر عارف يعني ايه امها؟!! عشق بنتي ومش هسمح لاي حد بعد كده يجرحها حتي لو بكلمة هدمر اي حد هيحاول يأذيها وكملت ببكاء وانهيار: حتى لو الحد دا انت ياصخر كفاية اللي هي شافته طول حياتها!! كفاية ضرب واهانه فيها!! كفاية انها اتحرمت مني! من امها! كفاية اللي عمله معاها ابوها! مش بعد دا كله تيجي انت وتكمل عليها مش هسمحلك ياصخر مش هسمحلك ابدا انا ماصدقت اني اشوفها انها تبقى معايا في بيت واحد اني احضنها واشم ريحتها اني اقدر احميها ياصخر 

صخر بحزن قرب منها وضمها ، كريمة بكت فـ حضنة بـ انهيار بمرور الوقت كريمة كانت هديت شوية

صخر: طيب كفاية عياط حقك عليا انتي عارفة انا بحب عشق قد ايه!! لا مش بحبها انا بعشقها عمري مافكرت ااذيها انا بخاف عليها اكتر من نفسي! مش عارف بيحصلي ايه لما بحس بـالغيرة عليها ، بفقد اعصابي عقلي حرفيا بيروح مني بس اوعدك من اللحظة دي هحاول اسيطر على غيرتي هتحكم في اعصابي بس مش عايز اشوفك بالحالة دي تاني وكل واحد اذي عشق وعد مني هاخد حقها تالت ومتلت

كريمة بعياط: انا عارفة انت بتحبها قد ايه ياصخر بس قدر اني اتحرمت منها 22سنة! 22سنة ياصخر مشفتهاش فيهم غير صور معشتش معاها اول كلمة ليها ، اول خطوة تمشيها ، اول يوم مدرسة معشتش معاها حاجات كتييرة اوي ياصخر 

صخر: الايام جاية كتيرة وباذن الله تعوضي كل حاجة فاتتك معاها وتعوضيها وتعوضك .. كل حاجة هتكون كويسة صدقيني

كريمة: مفيش حاجة هتكون كويسة ياصخر عشق لما تعرف اني امها هتبعد عننا كلنا حتى انت مش هتصدقنا عشان خبينا عليها من الاول وكملت برعب: ولو ناصر عرف اني عايشة مش قادرة اتخيل ممكن يعمل فيا وفـ عشق ايه 

صخر بغضب: ناصر الـ**** دا اخر واحد ممكن تخافي منه او اشوف الرعب اللي فـ عيونك دا بسببه!! امي عشان خاطري اطمني انا موجود ولا مبقتيش بتثقي فيا

كريمة: انت الوحيد اللي بثثق فيه ياصخر دا انت ابن اختي الوحيدة الله يرحمها ويغفرلها انت سندي فـ الدنيا دي وربنا يعلم انا بحبك قد ايه انت ابني اللي مخلفتهوش 

صخر بتنهيدة : الله يرحمها 

كريمة: طب احنا هنقول لعشق امتي كفاية كدب لحد كده

صخر بتفكير: بعد حفلة الخطوبة

كريمة بخوف: تفتكر هتصدقنا ياصخر

صخر بأمل: هتصدقنا ان شاء الله ربنا هيقف معانا ، ودلوقتي بقا ياست الكل لازم تقومي تنامي ورانا بكره يوم طوييييل

كريمة: تصبح على خير

صخر : وانتي من اهل الخير

كريمة طلعت تنام وصخر قعد وسند راسه ع المكتب اتنهد بصوت مسموع وقال: ياترى ردت فعلك هتكون ايه ياعشق هتصدقي اللي حصل! لازم على ااقل اصالحك الاول قبل مااقولك الحقيقة ماهو مش هيبقي من كله! 

______________

صباحا في قصر السيوفي (يوم خطوبة عشق وصخر)

كانوا كلهم متجمعين بيفطروا

صخر بهمس لعشق: خلاص بقا يا عشق حقك عليا والله ماقصد اي كلمة من الكلام الاهبل اللي قولته ده ، انا حتي مش فاكر تلت تربع الكلام اللي قولتله

عشق بصتله ببرود وكملت اكل من غير ماترد

صخر بغيظ: على فكرة عيب اووي لما افضل اكلمك واحيلك وانتي مترديش عليه

وبردو عشق مردتش عليه

صخر بصوت عالي الكل سمعه: انتي يااابت 

كريمة بتحذير: صخر احنا قولنا ايه

صخر بـ ابتسامه مصطنعة: انا بكلم مريم بس هي سرحانه

مريم بـ انتباه: نعم ياصخر عايز حاجة 

صخر بغيظ: عايز سلامتك ياختي 

مريم لعشق: هتلبسي ايه بليل ياعشق 

كريمة: صحيح يابنتي هتلبسي ايه 

عشق بحزن مخبياه: عادي ياماما هلبس اي حاجة من عندي

صخر بهيام وهو مركز في عيونها: مين دي اللي تلبس اي حاجة؟!! عشق هانم حرم صخر السيوفي اكيد مش هيحصل 

بص لـ كريمة وكمل بهدوء: بعد الفطار هنزل انا وعشق لاكبر بوتيك فيكي يامصر وست البنات تختار اللي هي عايزاه

عشق بغيظ: ومين بقا اللي قالك اني هروح معاك في حته

صخر بثقه: امي .. صح ياماما

كريمة بحنيه: ايوه ياعشق لازم تروحي تجيبي اللي يعجبك ياروحي ومتنسيش الكلام اللي قولتهولك امبارح

مريم بفضول: قولتلها ايه

كريمة: اقولك ومتزعليش! لما تكبر هبقى اقولك

مريم: يووووه بقا على فكره انا كبيرة وكبيرة جدا كمان

صخر بتريقه: ماهو واضح

مريم بزعل: حتى انت ياابيه

صخر قرب وباسها من راسها: روح ابيه انتي وكمل وهو قاصد يغظها: بس بردو لسه صغيرة

مريم: طب وسع كده بقا انا زعلانه منك وريني هتصالحني ازاي

صخر: امممممم بقا انتي زعلانه مني فـ انا بقول ناجل موضوع الفون اللي انتي عايزاه

مريم وهي بتحضنه: مين دي اللي زعلانه؟!! انا لا خالص دا انا بهزر معاك ياقلبي

_______________

بمرور الوقت عشق فعلا راحت مع صخر لاكبر مكان لبيع الملابس ذات الماركات العالمية عشان تختارلها فستان

سوزان صاحبه المحل: اهلا صخر باشا المكان نور بحضرتك

صخر بهدوء: متشكر سوزان هانم اللي طلبته حصل

سوزان بعملية: طبعا يافندم كل شيء جاهز ناقص بس الهانم تختار اللي يناسبها وبصت لعشق وكملت: اتفضلي معايا ياهانم

عشق بصت لصخر بتوتر دي اول مره تدخل مكان زي ده! اول مره اصلا تختار حاجة تلبسها!! دايما نريمان كانت هي اللي بتجبلها لبسها وممنوع اصلا تعترض علي حاجة!!

صخر بطمئنان: روحي معاها انا هستناكي هنا واي حاجة هتقسيها هشوفها عليكي وكمل بهمس و وقاحة: انتي اصلا من غير حاجة قمر

عشق دبدبت في الارض زي الاطفال ودا خلى سوزان بصتلها بتعجب عشق اتحرجت وراحت معاها

الوقت بيمر وعشق جربت فساتين كتيييير اووي بس صخر كل شوية يطلع عيب في واحد اللي يقولها لا قصير دا طويل واسع اوي لا دا ضيق اووي ، وهكذا لحد ماوصلت لمرحة انها هتضربه

عشق بغيظ: انا مش هجرب حاجة تانية انا تعبت والفستان دا عجبني ومش هغيرة 



صخر بغيرة: الفستان دا بالذات لااا

سوزان انسحبت بهدوء وسابتهم يتكلموا براحتهم

عشق بحيرة: ليه ان شاء الله الفستان طويييل وبكم ومقفل اهو

صخر: دا مقفل دا اومال الرقبة دي انا شايفها ازاي

عشق باحراج: علفكره انت بتتلكك

صخر قرب منها وبيملس على خدودها برقة: بصراحة اه انا مش متخيل ان ممكن حد غيري يشوفك وانتي قمر كده، شبه الملايكة ياعشقي

عشق بخجل ذايد عن حده: علفكره انا زعلانه منك لو سمحت متكلمنيش

صخر ضحك من قلبه وبصوت عالي على طفولية عشق حسسته و كانها بنت بتشتكي من ابوها ، ضحكة خطفت قلب عشق، حست ان قلبها بيرفر مع صوت ضحكتة

صخر بهيام: انا اسف ياعشق اسف من كل قلبي علفكره انا عمري ما اعتذرت من اي حد الا انتي، انتي غير اي حد ياعشق خليكي عارفة ومتاكده انك بالنسبالي غير الناس دي كلها انتي في كفه والدنيا كلها فـ كفه تانية

كلامة خلها تحس انها فـ دنيا غير الدنيا ، حست اد ايه هو صادق في كلامة مبيكذبش ابدا ، فاقت من اللي هي فيه 

عشق بـ ارتباك : المهم هلبس الفستان دا ولا ايه انا حبيته اووي

صخر بمكر: بس بشرطين 

عشق بغيظ :لا والله هتتشرط عليا كمان

صخر ببرود: خلاص انتي حرة شوفي فستان غيرة

عشق: يووووه قول شروطك خليني اخلص وكملت بهس: دا نت رخم

صخر سمعها بس معلقش: اول حاجة تسامحيني ع اللي حصل امبارح

عشق: والتاني

صخر: افهم من كده انك سامحتيني

عشق بضيق: سامحتك بس لو عملتها تاني ياصخر صدقني مش هسكتلك

صخر بتسلية: هتعملي ايه يعني 

عشق بمكر: وقتها هتعرف

صخر بصلها بأعجاب شديد ودا احرجها جدا: المهم الشرط التاني والاخير عايزك زي الشاطرة كده تبوسيني

عشق بذهول: ابوسك!! صخر انت اتجننت؟!! لا طبعا مش هيحصل علي جستي الكلام دا مفيس حد هيبوس ولا هيتباس يلا نروح 

انت بجد قليل الادب! انت بقيت وقح كده ليه؟!!

صخر وهو بيحضنها اووي وهي بتقاومة: دا انا وقح وقليل الادب ومتربتش معاكي انتي وبس ياعشقي

عشق: ابعد يابني ادم هتموتني

صخر: بوسيني الاول

عشق باحراج وخجل شديد: صخر لو سمحت كفاية كده ابعد عني

صخر وهو مركز في عيونها اللي بتهرب منه: بوسيني وهبعد وعد

عشق بأستسلام: طب غمض عيونك

صخر بـ انتصار غمض عيونة ، عشق مسكت وشه برقة وقربت منه جدا بقى حاسس بسخونه انفاسها ومره واحده عشق مسكت خده بسنانها وعضته بكل قوتها صخر من الصدمة بعد عشق عنه بعنف نوعا ما وفتح عيونه بصدمة واتكلم بذهول: ايه اللي انتي عملتيه دا؟!! 

عشق ببراءة: مش انت قولتلي بوسيني؟!! بوستك اهو عايز ايه تاني

صخر بيتنفس من انفه بيحاول يهدى عشان متعصبش عليها، منظرة قلق عشق جدا وخافت ليضربها!! 

صخر: احسنلك تروحي تغيري هدومك ويلا نمشي

عشق بنرة اوشكت علي البكاء: يعني مش هاخد الفستان 😔💔

صخر بغيظ: هناخدة ياختي بس عارفة لو بعدتي عني لحظة واحدة واحنا في الحفلة هنفخك ياعشق عارفة يعني ايه هنفخك؟!!

عشق همست بغرور: ولا تعرف تعمل حاجة

صخر: بتقولي حاجة؟!

عشق: انا!! لا خالص

_____________

بمرور الوقت عشق وصخر روحوا البيت

اتفاجئت عشق بان صخر مجهزلها فريق كامل يهتم بشعرها والميكاب بتاعها وكل حاجة هي ممكن تحتاجها واتفاجئت اكتر بشكل القصر والتحضيرات اللي اتعملت عشان الحفلة .. القصر كان روعة ومتزين بالورد وحاجة خيال

________________

اما بقى عند صخر فكان في الوقت اللي عشق بتجهز فيه كان بيطمن ان كل التجهيزات تمام ومعاه علي

علي بشك: انت فيك ايه

صخر: مفيش حاجة في ايه ؟!

علي: يابني انا عارفك كويس فيك حاجة مش طبيعية! انت ومراتك زعلانين من بعض؟

صخر بـ ابتسامة خفيفة: كويس انك مقولتش اسمها كنت طلعت اللي فيا على جتتك

علي: ههههه تمام متتهربش مالك ياصخر

صخر بتنهيدة: انهارده هنقول لعشق كل حاجة

علي: مش بدري اووي ع الحكاية دي ياصخر؟! عشق لسه محبتكش! متعلقتش بيك وللاسف لما تعرف هتسيبك

صخر بتملك: عشق لا يمكن تسبني مش هسملحلها اصلا انا تسبني، بس لازم اقولها وخصوصا انها لسه محبتنيش زعلها مني دلوقتي اهون وااقل كتير لو كانت بتحبني، لانها لما تحبني وتعرف الحقيقة انا متاكد انها لا يمكن تسامحني هتحس اني كنت بخدعها وبمثل عليها الحب وانا بحبها بجد ياعلي مقدرش اتخيل حياتي من غيرها

علي: خير ان شاء الله متقلقش كله هيبقى تمام

صخر: باذن الله

علي: وماما كريمة عاملة ايه؟!

صخر وهو بيبص على كريمة اللي بتشرف ع الطباخين: اقدر اقولك انها مرعوبة بس بتحاول متبينش .. اكتر حد خايف عليها هي ياعلي انا مش متخيل هي لو جرلها حاجة انا هعمل ايه!! كريمة حافظ مش خالتي وبس لا امي اللي مخلفتنيش دا تعويض ربنا ليا عن امي اللي ملحقتش اشبع منها وماتت! دي اللي وقفت جانبي وسهرت الليالي وشجعتني لحد مابقيت صخر السيوفي انت مش متخيل انا بحبها قد ايه! عمرها عاملتني على اني ابن اختها اطلاقا دايما شيفاني ابنها خايف من عشق علي كلامها اللي متاكد هيجرح امي وخايف على عشق لما تعرف ان كريمة امها

واقف في النص مش عارف اتصرف ازاي قلقان الامور تخرج عن سيطرتي

علي بتشجيع : خليها على الله كل حاجة هتكون كويسة باذن الله .. ارمي حمولك على الله

صخر: ونعمة بالله 

علي: قعدنا نتكلم وحضرتك لسه ملبستش اطلع اجهز يابيه وانا ههتم بكل حاجة هنا! وقولي صحيح انت عازم صحافيين؟

صخر: لا مفيش صحافيين هيدخلوا الحفلة بس في صحافيين هيكونوا بره الفيلا ،انا هطلع اجهز بقا 

_____________

هنروح هناك نعمل ايه؟! احنا مش معزومين ولا عايزة صخر السيوفي يطردنا قدام اللي يسوى واللي ميسواش؟

دا اللي قالته نريمان لـ مايا بنتها

مايا ببرود: لازم نحضر الحفلة دي عايزة اشوف بيعاملها ازاي واصلا ميقدرش يطردنا قدام رجال الاعمال واكيد هيكون في صحافين ومتنسيش اننا اهل العروسة فـأكيد هنكون موجودين ولا ايه

نريمان: عندك حق بس بما اننا اهل العروسة فـ ناصر لازم يحضر الحفلة دي ولا وجودنا هيثير الشك بس هنقنع ناصر ازاي

مايا بمكر: تؤتؤتؤ ايه يامامي انتي كبرتي ولا ايه؟! ومبقاش ليكي تأثير خالص على اونكل ناصر؟!

نريمان: فشر مين دي اللي كبرت؟! ناصر هيحضر الحفلة يعني هيحضرها بمزاجة او

مايا: او

نريمان بمكر: او بمزاجة بردو

مايا: ههههههههه

(دمهم سمممم) 🙂

 رواية عشق الصخر الفصل الثاني عشر

 

ناصر: يعني تفتكري لازم نروح

نريمان بدلع ماكر: طبعاً لازم نروح وزي ماقولتلك أكيد الحفلة هتكون مليانه رجال أعمال وطبعاً الكل هيتمني يشتغلوا معاك وده بعد ما يعرفوا إنك حمى صخر السيوفي ووقتها تقدر ترجع كل حاجة خسرتها من آخر صفقة عملتها ما صخر السيوفي والبطاقة اتحرقت وزي ما أنت عارف الشرط الجزائي كان قد إيه ؟! وأنت ممعكش ياناصر عشان كده جوزت عشق لصخر أو الأصح إنك بعتها ليه!  

ناصر بحقد: مش ندمان ابداً إني بعتهالوا صدقيني حتي لو كان معايا مبلغ الشرط الجزائي كنت بردو عرضت عليه يتجوزها قصاد إنه يتنازل عن فلوسه 

نريمان بمكر : قد كده بتكره عشق دي حتي بنت حبيبة قلبك! كريمة!! لسه فاكرها ولا نسيتها

ناصر: عمري ما نسيتها ولا هنساها لسه فاكر كل تفصيلها! ضحكتها وطريقة كلامها، صوتها حبي ليها، جوازي منها وكمل بغضب وكره: بس اللي فاكره أكتر خيانتها ليا لسه صورتها وهي فـي حضن واحد تاني مش مفارقاني! الموت رحمها مني ومن اللي كنت هعمله فيها واللي عملته فـي بنتها واللي لسه هعمله فيها! بتكفر عن ذنب أمها

نريمان بشك: ناوي على إيه ياناصر

ناصر بـ ابتسامة مصطنعة: ناوي علي كل خير

_______________

في غرفة كريمة عشق كانت خلاص جهزت

كريمة وهي بتحضن عشق بحنان أمومي وعيون دامعة: بسم الله ما شاء الله ولا حول ولا قوة إلا بالله زي القمر ياعشق عيني باردة عليكي ياحبيبتي ربنا يحميكي من العين

مريم: بجد شكلك حلو أوي ياعشق والفستان رهييييب بجد تحفه عليكي

عشق بـ ابتسامة متوترة: بجد شكلي حلو؟! 

كريمة بحنان: حلو وبس؟! ده إنتي تقولي للقمر قوم وأنا أقعد مكانك تجنني ياعشق وكملت بمرح: أنا لازم أبخرك أخاف لتتصابي بالعين 

عشق بضحك: مش للدرجادي ياماما

قطع كلامهم صوت خبط على الباب 

كريمة: مين

صخر من ورا الباب: انا المنامين (عسل ياخواتي 😂❤)

عشق ومريم ضحكوا

كريمة بـ ابستامة: اتفضل  

صخر بهدوء: خلصتوا ولا لسه المعازيم ابتدوا يـوصلوا وااا .. اتجمد مكانه لما عيونه وقعت على عشق .. عشقه! حرفياً خطفت أنفاسه ، كريمة مسكت مريم من أيديها وخرجوا بره الأوضة بحجة إستقبال الضيوف 

صخر قرب من عشق وقال بـ انبهار: بسم الله ما شاء الله جمالك هيموتني فـي يوم ياعشقي ،

أنتي جميلة لدرجة أنك متكونيش حقيقة 

عشق بصت للأرض بخجل زاد عن حده ، صخر بنعومة رفع راسها عشان تبصله وقرب وباس راسها ، عشق قلبها كان هيطلع من مكانه،  كلامه ونظراته ليها بيخلوها تحس بمشاعر عمراها ما عاشتها ، أمان وراحة واطمئنان مشاعر كتيرة حلوة بتحسها فـي وجوده هو وبس ، صخر ابتسمت ليها ابتسامة صافية، ابتسمت من قلبها وقالت بخجل: شكراً ياصخر 

انتبهت أنه مخبي حاجة ورا ظهره وبفضول قالت:هو أنت مخبي إيه 

صخر ضحك بصوت عالي وده أحرجها وكسفها جداً

صخر بـ ابتسامة: اممم دي هديه لـ واحدة كده بس إيه زي القمر جمالها النهارده خطف قلبي خطف كده! عارفة هي مين؟؟

عشق بهمس وخجل : مين

صخر بعبث: أكيد أمي طبعا

عشق بصتله بغيظ وغضب وكانت هتمشي بس منعها

صخر بضحك: خلاص متزعليش أوي كده دي ياستي هدية ليكي أنتي هو في حد خاطف قلبي غيرك

عشق بخجل زاد عن حده: صخــــر

صخر بعبث: عيونه

عشق باستسلام: أنت قليل أدب

صخر بضحك: عارف ، طلع علبه من ورا ظهره وفتحها قدام عشق 

صخر: اممممم إيه رأيك

عشق بـ انبهار: الله جميل جداً ياصخر ورقيق أووي بس للأسف مش هينفع أقبله

صخر بتعجب: ليه بقى إن شاء الله

عشق بتوضيح: لأن لو قبلتها لازم أجبلك هديه في نفس مستوى هديتك والعبد لله مئشفرة

صخر: مئـ ايه!! مئشفرة؟؟ إيه الكلام ده وبعدين بطلي عبط هي أصلاً مش هدية بالمعني الحرفي دي ياستي شبكتك ولا هو فيه خطوبه من غير شبكة؟!!

عشق بخجل :لا مفيش بس دي شكلها غالية أوووي ياصخر إفرض ضاعت مني أو اتقطعت أو حصلها حاجة هعمل إيه أنا ساعتها

صخر بهيام وهو بيبوس ايديها ما بين كل كلمة: فداكي الدنيا باللي فيها يا عشقي

عشق حست بخجل شديد من كلامه ونظراته وبصت في الارض

صخر وهو ملاحظ حالتها طلع علبه صغيرة من جيبه وفتحها وبمرح قال: هتلبسي ده كمان ولا هتعمليلي محاضرة؟

عشق ضحكت بهدوء: لا مش هعمل محاضرة بس ده كتير أوي ياصخر بجد كتير

صخر بتأكيد: مفيش حاجة تغلى عليكي وبطلي كلام ويلا عشان ألبسهملك

مسك أيديها ولبسها الخاتم والدبلة

عشق بخجل: حلوين جداً ياصخر زوقك جميل

صخر: طبعا مش إختارتك

عشق ابتسمت بخجل: طب إيه مش هننزل ولا هنبات هنا؟!

صخر :هننزل يالمضة يلا

نزلوا الحفلة الكل انبهر بجمال ورقة عشق وطبعاً انذهلوا بضخر اللي أول مرة يظهر قصاد أي حد سواء رجال الأعمال أو الصحافين

بمرور الوقت الكل كان بيرحب بعشق وصخر جو الحفلة كان حلو وصخر طول الوقت ماسك عشق مسبهاش لحظة

عشق بهمس: أنا مش هتوه على فكرة ماسكني طول الوقت كده ليه 

صخر: ده شرطي من الأول وقولتلك مش هسيبك بدل هتلبسي الفستان ده

عشق بغيظ: أنت بتعاندني صح؟

صخر بحنية: أبداً والله وبعدين الطبيعي إنك تكوني واقفة معايا طول الوقت دي خطوبتنا ولا نسيتي

عشق: اوووف بقا

صخر: متنفوخيش وإنتي زي القمر كده

عشق: طب تعال نرقص

صخر: قولي والله!

عشق بمرح: والله والله

صخر بـ ابتسامه مكر: لما المهرجان ده يتفض هرقصك بس إيه على واحدة ونص 😉

عشق بغيظ: بجد بجد أنت قليل الأدب عارف يعني إيه قليل الادب

صخر ببرود: يعني إيه

عشق بغضب: يعني ماما كريمة معرفتش تربيك

اتفاجئت بـ صوت كريمة اللي إنضمت ليهم هي ومريم وعلي 

كريمة بحزن مصطنع: اخس عليكي ياعشق أنا معرفتش أربيه

عشق بـ ارتباك: لا ياماما أنا مقصدش اا أنا يعني اا

كريمة بتأكيد: بس معاكي حق أنا فعلاً معرفتش أربي الولد ده

صخر: ولد!! إيه يا أمي مش أنا كبرت علي ولد دي ولا إيه؟!

كريمة: إيه

عشق: فراج بانيه

صخر: إيه؟

عشق: شيبسي وكراتيه

صخر بغيظ: لا والله 

عشق: اه والله

مريم وعلي وكريمة ضحكوا عليهم قاطعهم

صوت عشق 

عشق بصدمة: بابا

كريمة اتجمدت مكانها ودموعها لمعت في عينيها النهاية! كلمة اترددت جواها عشق هتبعد عنها تاني! هتتحرم منها! بصت لصخر حرفياً برعب 

صخر بصلها بعجز .. لو كان في إحتمال واحد في المية إن عشق تصدقهم وتسمعهم فـ دلوقتي راح

عشق بـ استغراب من حالتهم: صخر هو فيه مالك؟ مالك ياماما أنتي وشك اصفر كده ليه

هو أنت ياصخر عزمت بابا ولا هو جاي من نفسه ده كمان معاه نريمان ومايا؟!! في إيه ياجماعة حد يرد عليا؟! صخرر

صخر بتوتر: ها لا أنا معزمتهمش مش عارف إيه اللي جابهم

كريمة بهمس: الحقني ياصخر أنا اا مكملتش كلامها واغمى عليها 

عشق ومريم فنفس الوقت : مامااا

صخر لحقها قبل ماتقع على الأرض شالها بين أيديه وطلع بيها على أوضتها وحاول قدر الإمكان يداري وشها عن ناصر عمران وعيلته

______________________________

في غرفة كريمة ، صخر حطها بهدوء على السرير وبيحاول يفوقها بس للأسف مفيش أي إستجابة منها

علي بتوتر: أتصل بالدكتورة ياصخر

صخر بغضب: إتصل يابني آدم مستني إيه

مريم بـ بكاء: ماما مالها يا أبيه إيه اللي حصل لها

صخر قرب منها وضمها بحنان: متخافيش ياحبيبتي هي كويسة هتلاقي بس ضغطها وطي ولا حاجة إهدي متخافيش 

ضم عشق كمان لحضنه وبيحاول يطمنهم

بص لـ علي وقال بغضب وصوت واطي: مش عايز أي حد في الفيلا ياعلي ، أي حد! إعتذر من كل الموجودين خلاص الحفلة انتهت ، وشوف الدكتورة دي تأخرت كده ليه 

علي بهدوء: حاضر بس إهدي أنت شوية أنت كده بتخوفهم زيادة (يقصد مريم وعشق) 

________________________________

أما في بيت ناصر عمران كانوا مجتمعين في الصالون

ناصر بغضب: فضلتي تزني وتزني عليا عشان نروح الحفلة وفي الآخر إيه اللي حصل رحنا وجينا على الفاضي؟!

نريمان بغيظ: وهو أنا يعني كنت أعرف أن ده هيحصل؟ ده إحنا يادوبك دخلنا من هنا الهانم أمه أغمى عليها من هنا ولا كأنها مستنيانا!!

مايا بتفكير: فعلاً يامامي عندك حق ولا كأنها مستنيانا!! غريبة أووي اللي حصل يعني إزاي مامة صخر تعبت فجأة كده

ناصر: ولا غريبة ولا حاجة! ست كبيرة وأغمى عليها الله اعلم عيانه عندها إيه! بطلوا رغي بقا أنا طالع انام

نريمان بـ ابتسامة صفرة: تصبح على خير ياحبيبي شوية وهحصلك

ناصر بصلها بسخرية وسابهم وطلع أوضته

مايا لـ نريمان: مامي مش الأصول إننا نروح نزور مامة صخر

نريمان بمكر: صح ياقلبي وأحنا بنموت في الأصول ههههههههه

_______________________________

بمرور الوقت الدكتورة كانت موجودة وبتكشف على كريمة وفعلاً ضغطها كان واطي جداً ودة اللي سبب الإغماء

صخر طلب من مريم تروح أوضتها ترتاح وعلي بلغه أن صرف المعازيم ومبقاش في حد وبعد ما إطمن على ماما كريمة روح بيته

____________

صخر: أدخلي نامي ياعشق أنا هفضل معاها متقلقيش

عشق بدموع: هي حصلها إيه ياصخر أنا مش هستحمل لو جرالها حاجة أنا ماصدقت إني الاقي واحدة تبقي زي ماما أنا بحب ماما كريمة أوي ياصخر أنا صحيح معرفهاش من مدة كبيرة بس حبتها جداً معقول هنحرم من أمي تاني

صخر باس أيديها ومسح دموعها وأخدها في حضنه: ممكن متعيطيش ماما هتكون كويسة أنتي سمعتي الدكتورة قالت إيه هي بس ضغطها علي يعني الموضوع بسيط وبإذن الله هتقوم كويسة وأحسن من الأول قام من مكانه ووقفها معاه ودلوقتي بقى حبيبتي لازم تنام وترتاح عشان تصحي الصبح فايقة كده ممكن!

عشق بتنهيدة: ممكن

أخدها وراح بيها لأوضته واستناها لما غيرت هدومها ونيمها على السرير واستنى لما راحت في النوم وقام غير هدومه وراح على أوضه والدته

________________________________

كريمة إبتدت تهلوس وتقول كلام مش مترابط

كريم: عشق .. لا استني ... أنتي بنتي .. متخدهاش .. لا لاااااا

قامت مفزوعة من ع السرير

صخر ضمها: أهدي يا أمي أنا جانبك اهدي

كريمة بـ انهيار: عشق فين ياصخر بنتي راحت فين! أخدها صح راحت معاها وسابتني ياصخر ااااااه

صخر مسك وشها بين أيديها: ماما فوقي عشق فأوضتي مراحتش في حته اطمني ياحبيبتي عشق هنا

كريمة ببكاء: بجد ياصخر عشق هنا بجد معرفتش حاجة؟ ناصر عرف إني عايشة

صخر بهدوء: لا يا أمي معرفش أساساً هو مشافكيش ممكن تبطلي عياط بقى

كريمة بـ انهيار: أنا تعبت ياصخر تعبت مش قادرة أستحمل أكتر من كده عشق لازم تعرف إني أمها النهارده قبل بكره مش هفضل عايشة في الرعب ده كتير مش هفضل مرعوبة من إنها تعرف من حد غيري إني أمها عشق لازم تعرف لازم تعرف ومني أنا إني أمها

بصدمة: مين دي اللي أم عشق؟!

كريمة شهقت بصدمة وبصت لمريم بـ انهيار

صخر قام وبيقرب منها: أنتي إيه اللي مصحيكي دلوقتي روحي نامي

مريم: صخررر أنا مش عيله صغيرة هتقولي روحي نامي فـ هقولك حاضر وبصت لأمها بصدمة: الكلام ده حقيقي! عشق تبقى أختي؟! وبصوت عالي كملت: رررردي عليااا أنتي ساكتة لييييه

صخر بغضب مسكها من أيديها: أنتي اتجننتي إزاي تكلمي أمك كده وبعدين ما أنتي عـ

قاطعته بصراخ بعد ما خلصت دراعها من بين أيديه: أنت تسكت خالص أنت باي حق بتكلمني بالطريقة دي لتكون فاكر نفسك أبويا ولا حاجة!! أنت مجرد أخويا من الاب وبس فمتعش الدور أوي كده!! أنتوا إزاي تخبوا عني وعنها أنها أختي وأنتي يا ماما إزاي تكذبي كذبة زي دي إزااااي؟! إزاي وأنتي عارفة أنها بنتك وحته منك تخلي صخر يتجوزها بالطريقة دي؟؟ طب ليه سبتيها السنين دي كلها؟؟ أنتي ساكتة ليه ردي عليا فهميني

كريمة كل اللي بتعمله أنها بتبكي مش قادرة تتكلم ولا تتدافع عن نفسها

صخر بغضب: وطي صوتك ده إنتي تخطيطي كل حدودك فـ إحترمي نفسك

مريم: أنا محترمة غصب عن أي حد ومـ

قطع كلمهم صوت تكسير كلهم بصوا لمصدر الصوت بصدمة!! كانت عشق واقفة متجمدة قدام باب أوضة كريمة ، دموعها مغرقه وشها

الفصل الثالث عشر والرابع عشر من هنا

❤️💙🌺❤️💙🌺❤️💙🌺❤️💙🌺❤️💙🌺❤️💙🌺❤️🌺🌺❤️💙🌺 

لمحبي الروايات الحصريه والجديده والكامله من هنا 👇 👇 👇 

روايات حصريه وجديده

❤️💙🌺❤️💙🌺❤️💙🌺❤️💙🌺❤️💙🌺❤️💙🌺❤️🌺🌺❤️💙🌺