رواية للعشق كلمته الأخيرة الجزء الثاني من رواية شمس تتحدى الغيوم الفصل السادس والسابع والثامن والتاسع والعاشر بقلمي عبير سليم حصريه وجديده على مدونة أفكارنا

رواية للعشق كلمته الأخيرة الجزء الثاني من رواية شمس تتحدى الغيوم الفصل السادس والسابع والثامن والتاسع والعاشر بقلمي عبير سليم حصريه وجديده على مدونة أفكارنا 

رواية للعشق كلمته الأخيرة الجزء الثاني من رواية شمس تتحدى الغيوم الفصل السادس والسابع والثامن والتاسع والعاشر بقلمي عبير سليم حصريه وجديده على مدونة أفكارنا 

😒🌹🌹🌹😒🌹🌹

كم يصعب علينا ان نرى من وهبونا الحياة يفتقدونها

من منحونا الأمل يتملك اليأس من قلوبهم

 من جعلونا نضحك من قلوبنا لا نستطيع ان نزيل دموعهم التي تنهمر على وجوههم تلك الوجوه التي لم تعرف لليأس طريقا ولا للحزن سبيلا

ولكن ماذا سنقول سوى انها ارادة الله والتي بها الخير لنا ونحن لا نعلم

(وعسى أن تكرهوا شيئا ويجعل الله فيه خيراً كثيرا) 

تنهمر الدموع على وجهها تتساقط كما تتساقط أوراق الشجر فى خريف الحياة بينما سناء تحتضنها وهي تبكي على حالها

فمن سواها يشعر بالامها تلك الآلام التي مرت بها من قبل  وعانتها

 وكانت امل هي الاخرى تحاول ان تطيب خاطرها بأي كلمه

ولكن إيمان كانت مدركه ماهي فيه :خلاص ياامل خلاص مفيش امل الاتتين قالولي عاوزة معجزة وزمن المعجزات خلص خلاص

سناء :مفيش حاجه كبيرة على ربنا ياحبيبتي

إيمان :مش فى ده ياخالتي مش فده

خلاص ياخالتي خلاص انا كل حياتي انتهت خلاص انا حسه انى انتهيت خلاص مش شايفه ادامي لا مستقبل ولا اي حاجه تخليني أكمل حياتي واعيشلها

سناء :ليه بتقولي كده بس انتي فبيتك ومعاكي جوزك حبيبك اللي بيحبك وبيموت فيكي

إيمان :حسن مانتي عارفه انه حيموت عالولاد منقبل مانتجوز ده راح عمل تحاليل عشانيطمن على نفسه اذا كان كويس واللا لاء

حسن كله امله فى الدنياانه يخلف وده بالنسبه له اهم من اي حاجه

أمل :بس اكيد مش اهم منك ياحبيبتي ده الاستاذ حسن بيحبك اوى ومش ممكن يفرط فيكيابدا

إيمان :ردي عليها انتي ياخالتي قوليلها حب الراجل للست ممكن يخليه يتنازل عن انه يكون عنده اولاد

سناء :لا يابنتي اناعنيت قبلك من الموضوع ده وكنت فاكرة في الاول انه حيستحملني بس بقى كل ماالوقت بيعدي الجفاء بيننا بيزيد وكل مايشوف طفل يبصلي بصة كانت بتموتني وتحسسني اني اجرمت فحقه ولماعرضت عليه الجواز كان مواعدني ان حبه لية عمره ماحيتغير لكن بعد ماخلف نساني وبعدكده طلقني مانا خلاص مبقاش ليةلزمه فحياته

ايمان :وانا مش حستنى لحد ماده يحصل

سناء :بس اللي كان بيني وبينه مكنش زي اللي بينك وبين حسن انتوا غيرنا انتوا بتحبوابعض ياحبيبتي وأكيد حسن حيتمسك بيكى ومش حيرضى يفرط فيكي ابدا مهما حصل

إيمان :حشوف ياخالتي

😒😒 يستيقظ من نومه على صوت هاتفه الذي يعلن عن اتصال من زوجته :صباح الفل ياست الكل

ولكنه لا يسمع غير صوت بكاء

يعتدل فى جلسته ليفهم مابحدث:ايمان مالك ياايمان فى ايه 

ايمان :حسن من فضلك تعالى حالا

حسن :ايه اللى حصل طيب انتي فيكي حاجه حد من اهلك او اهلي ايمان الله يخليكي طمنيني بس بتعيطي ليه

إيمان :حسن بقولك تعالى حالا انا مش قادرة اتكلم 

حسن :حاضر حاضر بس اديني فرصه بس احجز طيران 

إيمان :بسرعه بسرعه ياحسن من فضلك

ينهض حسن سريعا والافكار تفتك به ياترى ماذا حدث ماذا جرى فهو لم يعهدها على هذه الهيئه من قبل قام بالاتصال سريعا فلحسن حظه وجد طائرة اوشكت على الاقلاع فحجز سريعا للحاق بها

😒فتح باب الشقه ونادى عليها ولكنه ليم يجد مجيبا

فتح باب غرفة نومه فلم يجدها

بحث عنها فاذا بها متكورة على نفسها فى احد اركان الشقه شبه تائهه عن الدنيا ولكن وجهها لا يبشر بالخير شعر بحرارة شديده تنبعث من جسدهاحملها وكانما يحمل طفله صغيرة ووضعها فى البانيو وفتح عليها الدش لتفيق

ساعدها على القيام وعلى ارتداء ملابسها بدات تفيق وتستعيد وعيها لم تشعر بنفسها سوى وهي ترتمي فى احضانه وتبكي بكاءا مريرا مما جعله ينصدم اكثر وهو لا يعلم ماذا حدث لها

امسك وجهها بكفيه:ايمان مالك ياحبيبتي فى ايه ياايمان حصل ايه

إيمان :حسن انا

حسن:انتي ايه ياحبيبتي مالك ياايمان

إيمان :انا مش حخلف ياحسن

حسن :ايه الكلام ده يعني ايه مش حتخلفي

إيمان :زى ماسمعت انا عملت تحاليل واشعات وبيقولوا ان عندي عيب خلقي يمنعني من الحمل والخلفه

حسن :مين اللي قالك الكلام ده

ايمان :دكتورين

حسن :فين التحاليل والاشعات دي

تمد بديها لاسفل السرير وتعطيها ايه

حسن:واحنا ليه نسمع كلام دكتور واحد واللا اتنين ايمان ياحبيبتي كل مشكله وليها حل والطب اتطور وان شاء الله ربنا حيكرمنا

لكن متعمليش فنفسك كده

ايمان:ولو ماحصلش

حسن :ايمان الله يخليكي ماتسابقيش الاحداث ان شاء الله خير

قومي معايا ياللا 

ايمان:على فين

حسن :حنروح لكل الدكاترة ونشوف رأيهم إيه قومي من فضلك

يأخذها حسن من يديها ويظلون طوال اليوم يمرون على الدكاترة فلقد عرضوا انفسهم على اكثر من خمسة اطباء وكل اجابتهم واحده:قد يكون هناك حلا ولكن لم يكتشفه الطب بعد فهناك عيب خلقي فى الرحم يمنعها من الحمل بشكل قطعي ولا تنفع عمليات التلقيح الصناعي فهو مضيعه للوقت والنال ليس الا

يعودان إلى البيت يجلسان على الفراش كل منهم معطي ظهره للآخر لا احد منهم يتحدث تكاد الافكار أن تفتك بهما

تقرر إيمان بدء الحديث ورفع الحرج عنه تجلس امامه أرضا :ساكت ليه ياحسن من وقت مادخلنا وانت مفتحتش بؤك بكلمه واحده

حسن :مش عارف اقول ايه 

قدر الله وما شاء فعل

إيمان :بس سكوتك ده قال كل حاجه خلاص 

حسن:انا مقلتش حاجه ياايمان

ايمان :بس انا اللي حقول ياحسن

حسن :عاوزة تقولي ايه ياايمان

إيمان :طلقني ياحسن

هب حسن واقفا عند نطقها لتلك الكلمه وأخذ يهزها من كتفيها: انتي اتجننتي بتقولي ايه ازاي لسانك طاوعك تقولي كلمه زى دي

ايمان :ملهاش حل تاني ياحسن انت كل املك فى الدنيا انك تكون اب وانا خلاص بشهادة كل الدكاترة مش، حينفع احققلك املك ده يبقى ليه تضيع وقتك مع واحده زيي واحده انكتب عليها تعيش طول عمرها من غير ماتكون ام ارض بور عمرها ماحتخضر ابدا

حسن :ايمان انا بحبك فاهمه يعني ايه بحبك يعني عمري ماحقدر اسيبك ولا اتخللى عنك

إيمان :الكلام ده انت بتقوله دلوقتى عشان لسه الموضوع فى اوله لكن مع الوقت حبقى انا بالنسبه لك حمل تقيل عليك حبقى العائق اللي وقف ادام حلمك فى الحياة وانا مش، حقدر استنى لحد ماييجي اليوم اللي اشوف فيه نظرة اتهام منك لية اني ضيعت عمرك هدر

حسن :خلاص ياايمان انا مش عاوز اولاد خلاص انا مش عاوز اخلف ياستي انا حرضى بقضاء ربنا وقدره

وان شاء الله ربنا يعوضنا باى حاجه تانيه لكن واحنا مع بعض وانتي معايا ياايمان

ايمان انا صحيح نفسي فطفل بس حبي ليكي اكبر من اى حاجه فى الدنيا

ايمان:حسن الله يخليك متصعبهاش علية حسن انت بتقول كده عشان متعاطف معايا وصعبانه عليك لكن لو قعدت وفكرت حتلاقي نفسك اتسرعت فكل كلمه قلتها

حسن الله يخليك تطلقني وتروح تأسس لنفسك حياة جديده مع واحده تقدر تحققلك حلمك في انك تكون اب

 حسن:وانا قلت لاء، مش حطلقك يعني مش حطلقك

إيمان :حتطلقني ياحسن

حسن:انتي شكلك اتجننتي خلاص انا مش حطلقك انتي فاهمه واللا لاء مش حطلقك ياايمان واعلى مافخيلك اركبيه

 وانا سايبلك البيت كله وماشي

يتركها تبكي على حالها ويخرج من البيت متوجها إلى بيت ابيه لعله يجد من يتحدث اليه

ويشعر بالالامه

 

سماح:ياحبيبتي ياايمان معقوله دي يعني هي مش حتخلف ياحبيبتي ياربي 

حسن :اعمل ايه ياامي المجنونه دي عاوزاني اطلقها وانا بحبها اوي ومش حقدر على بعادها ياامي

سماح :طلاق ايه الكلام الفارغ ده قال طلاق قال انا قايمه. رايحالها

ثم تتحدث لزوجها:اقسم بالله لو سيبت ابنك كده ودخلت تنام لحتكون اخر نومه ليك ومحتصحى غير والملكين بيسالوك من ربك وما دينك جتكم الهم

😒يجلس اليه والده ليتحدث معه :حسن اتكلم معايا بصراحه يابني وطلعلي كل اللي جواك

حسن:انا تعبان اوى يابابا تعبان ومحتار مش عارف اعمل إيه انا كان كل املي فى الدنيا ان يكون فى امل ولو بنسبه ضعيفه والله كان عندي استعداد اتحمل لكن للأسف كل كلام الدكاترة واحد وانا فنفس الوقت بحبها بحبها اوى ومقدرش اعيش من غيرها

ابوه:بس خلاص يابني ربك حكم انك لازم تتنازل عن حاجه من الاتنين ياحلمك فى انك تكون اب يااما تتنازل عن مراتك حبيبتك حتختار مين ياحسن

حسن:مش عارف مش عارف يابابا انا محتار اوى انا بحبها واستحاله حطلقها بس بردو انا مش حقدر امنع نفسي من التفكير فى اني اكون اب

ابوه:خلاص يابني تبقى اختارت خلاص انت اختارت الابوة يبقى متتعبش نفسك ولا تتعبها حققلها طلبها وعلى راي المثل خسارة قريبه ولا خساره بعيده وكل واحد فيكم يشوف حاله ويبدا حياته من اول وجديد

حسن:يبداحياته مين ده اللي يبدا حياته ايمان مش حتكون لحد غيري مفيش راجل حيكون فحياتها غيري ده على جثتي

ابوه:بص يابني انا من يوم مااتجوزت امك واحنا مش متوفقين مع بعض تفكيرنا مش زي بعض بقيت عشان ميحصلش مشاكل والبيت يمشي زي مانتوا شايفين مقضي نص حياتي نوم انتوا كلكم فاكرين ان ده كسل مني والله ابدا لكن عشانك انت واخواتك احيانا كتير احنا بنقبل نعيش حياة مش عاوزينها عشان خاطر الولاد اللي لو مكنوش موجودين كانت حاجات كتير اوى حتتغير فمش دايما الولاد بيكونوا سبب فى الفرحه احيانا كتير بيكونوا هما السبب فهمومنا بس احنا بردوا عايشين ليكم وبنفسكم فى الدنيا

وزي ماربنا قال انهم زينة الحياة الدنيا يبقى تفكر يابني وتعقل امورك قبل ماتاخد اي قرار

😒😒بينما كانت سماح تجلس مع ايمان وتحتضنها فهي تحبها بشده:كده بردو يامنتي ده انتي اللى مصبراني على العيله الهم دي تقومي عاوزة تفارقينا كده

إيمان :هو ده الحل اللي قدامي ياام حسن

سماح :لا طبعا فى حلول تانيه كتير غير انكم تطلقوا وتبعدوا عن بعض انتي مشوفتيش حالة حسن عامله ازاي ده الواد حيموت من القهرة انه ممكن يسبك

ايمان انتي بتحبي ابني واللا لاء، ياايمان

ايمان:حسن حسن ده حبيبي وروحي وعمري كله

سماح:وعاوزة تسيبيه طب ازاي

إيمان :اسيبه دلوقتى احسن ماهو يسيبني بعدين

سماح :ويسيبك ليه من اساسه

إيمان :سماح متجننيش يعني انتي مش عارفه ان حسن حيموت عالولاد طب انتي منفسكيش تشوفي ولاده

سماح:أكيد طبعا نفسي اشوف ولاده بس وانتي معانا يالهوي لا ده انا استحمل اني مشوفش بسمه الهم سنه لكن انتي لما كنتي عنده فشرم الشيخ ده انا كنت حسه ان حاجه كبيرة اوى ضايعه مني

إيمان :بكرة تتعودي على بعادي اعتبريني مت

سماح:متي الف بعد الشر عنك ان شاالله اللي يكرهوكي يارب

فكري ياايمان فكري ياحبيبتي قبل ماتاخدي اى قرار وترجعي تندمي عليه تاني

حسن بيحبك وانتي بتحبيه كل مشكله وليها حل لكن وانتوا مع بعض

😒😒ليل طويل يمر مر السنين لا تتوقف الدموع ولا يتوقف التفكير

يجلسون جميعهم على مائدة الافطار هاله وشاكر وعمر ويزيد يجدونها مرتديه ملابس الخروج وهى تنزل من على الدرج ببطنها التي ارتفعت كثيرا

عمر:شمس انتي رايحه على فين كده عالصبح

شمس :رايحه لايمان ياعمر

يزيد :جايه معانا الشركه يعني

شمس :لاء انا رايحالها البيت ايمان مش حتروح الشركه

عمر:ايمان مش حتروح هو فى ايه

شمس وهي تبكي فلم تستطع السيطرة على دموعها اكثر من ذلك:شمس فى محنه ولازم اكون جمبها

يزيد بلهفه:ايمان فى محنه مالها حصل ايه حد من اهلها حصلله حاجه

شمس :لاء ايمان هى اللى تعبانه اوى ولازم اكون جمبها

عمر:طيب تعالي ياحبيبتي انا حوديكي ليها

هاله :شمس انا جايه معاكي اشوفها مالها

شمس :مفيش داعي تتعبي نفسك ياماما

هاله:اتعب نفسي ياخبر ابيض دي ايمان غاليه عندنا اوى

ثواني حجهز نفسي وارجعلك

شاكر خد بالك من الولاد انا لسه مغيرالهم ومفطراهم

شاكر :متقلقيش ياحبيبتي انا طالعلهم

يقوم يزيد ويجلس بجوارها :شمس تحاليل ايمان طلع فيها حاجه

شمس :ايوة للاسف مش حتقدر تخلف

يزيد :لله الأمر من قبل ومن بعد قدر الله وماشاء فعل الله يكون فى عونها

إيمان :حالتها صعبه اوى

يزيد :خليكي معاها متسيبيهاش هى دلوقتى محتاجاكي اوى

شمس :ده اكيد طبعا ربنا يعديها على خير يارب

فى الطريق الى البيت

شمس:عمر ودينا البيت عند اهلها

عمر:هي مش فبيتها

شمس :راحت بيت باباها

😒😒تجلس امامهما والكلام يقف فى حلقها

امها:عقلي صاحبتك ياشمس اللي عاوزة تطلق وهي مبقالهاش كام  شهر متجوزة

إيمان :ماما من فضلك

امها:انا خارجه اتكلموا معاها والنبي ده ابوها حيموت فيها لو اتطلقت

شمس :ايمان خللي ايمانك بربنا كبير

ايمان :اللهم اجرني في مصيبتي واخلفني خيرا منها

شمس :ايمان ياحبيبتى انتي وحسن بتحبوا بعض حرام لما تضيعوا الحب ده من أيديكم

إيمان :حيضيع ياشمس مجرد وقت مش اكتر

هاله :خدي القرار اللي يريحك يابنتي محدش بيحس بالنار غير اللي كابشها لأني انا واحده من اللي عانوا من الموضوع ده قبل كده واتاكدي ان ربك بيعوض واديكي شايفاني اهوه بعد ماكنت خلاص فقدت الامل انى اعيش زي اي ست ربنا كافئني وبقى عندي بيت وولاد

إيمان :انا خلاص مبقتش عاوزة حاجه انا كل اللي عاوزاه اني اعيش لوحدي خلاص لا عاوزة اشوف حد ولا حد يكلمني مش قادرة استحمل نظرة الشفقه فعين حد

شمس :شفقه ده ايه ايمان انتي ست الكل وعمر ماحد حيشفق عليكي ابدا كلنا فى ابتلاء ياايمان حنكون اكتر من الانبياء والرسل

سيدنا محمد

هاله وايمان:عليه الصلاة والسلام 

شمس :سيدنا محمد حبيب الله شفيعنا يوم القيامه اللى اسمه مكتوب على عرش الرحمن ماتعرضش للابتلاءات الكفار معذبوهوش ورموه بالطوب

طب ولما الكفار كانوا بيقولوا عليه الابتر عشان معندوش ولاد وكل خلفته بنات

ماكنش ربنا قادر انه يديله بدل الولد عشرة واللا ده كان عشان ربنا ليه حكمه عنده

بصي ياايمان انا يوم ماسيبت عصام انتي اكتر واحده شفتي حالتي كانت ازاي وكنت عاوزة اسيب الشركه والدنيا كلها

بعد كده عرفت ان ربنا بعدني عن عصام عشان شايللي الأحسن

صللي استخارة وبعد كده خدي القرار اللي يريح قلبك وايا كان قرارك ساعتها لازم تتأكدي ان اكيد اختيار ربنا ليكي وليه حكمه عنده واكيد شايلك حاجه احسن بكتير

إيمان :ونعم بالله ياشمس ونعم بالله

😒😒😒😒😒😒

يجلس مع زوجته وقلبه خائف على وليده الذي أرسله الله له

الدكتور حيعمل العمليه لياسين اول الشهر ان شاء الله

أشرقت :يارب ياعمار يارب

انا خايفه اوى عليه ياعمار لو ياسين حصلله حاجه انا حموت

عمار:بصي ياحبيبتي احنا كنا حامدين ربنا على ماسه ومجاش فبالنا اننا ممكن يكون عندنا ولاد تاني

والحمد لله ربنا اداهلنا من غير حول ولا قوة فأكيد ربنا حيحفظه من كل شر

والدكتور بيقول انه عمل نفس العمليه لاطفال كتير وبقوا كويسين وعايشين حياتهم بشكل طبيعى جدا

أشرقت :يارب ياعمار يارب

ملامحه بدأت تبان ياعمار حساه حيبقى حته منك

عمار :ههههههه عشان انتي بتحبيني ياحبيبتي فاكيد لازم يطلع شبهي

أشرقت :بحبك وبس ده انا بعشقك

 عمار :ياااه تعرفي ياحبيبتي انا حفضل طول عمري مدين للشباب اللي قربونا من بعض تاني

أشرقت :وحشوني اوى عمر وشمس وموني العسل وحسن

عمار:بصي حسن كان شغال فشرم واحنا منعرفهوش اه كنت بشوفه شكلا لكن من غير تعامل عمري ماتخيلت اننا نتعامل مع بعض ويبقى قريب اوى لدرجة اني اسلمه مالي وشغلي

أشرقت :حسن طيب ويستاهل كل خير

يجد هاتفه يعلن عن مكالمه من حسن :اهوه جه عالسيرة

ايوة ياحسن ازيك ياحبيبي

حسن :بشمهندس معلش بس كنت عاوز استئذنك فحاجه

عمار:اتفضل ياحسن خير فى حاجه

حسن :ايوة انا نزلت اسكندريه من يومين ضروري ومش حقدر ارجع اليومين دول فممكن لو تقوللي على الشخص اللي اسلمه الشغل لحد ماارجع انا اسف والله يابشمهندس بس وربنا غصب عني

عمار :سيبك من الشغل وقللي في ايه انت قلقتني حصل ايه عندك

حسن :مفيش بس حاجه شخصيه بيني وبين ايمان

عمار :بينك وبين ايمان فى ايه ياحسن ارجوك تقوللي انت عارف غلاوة ايمان عندي

فيحكي له حسن ماحدث

عمار :وهوقرار خطير زى ده ينفع يتاخد بالسرعه دي انتوا بتهرجوا حسن معلش انا بستئذن منك انا لازم اتدخل مانا مش حقدر اشوفكم وانتوا بتهدوا اللي بينكم بسهوله كده

حسن :ياريت والله يابشمهندس انا دماغي حتنفجر من التفكير حاولت اكلمها كتير مفيش فايده مش عارف اعمل معاها ايه انا بحبها ومقدرش اعيش من غيرها

😥😥عارفه والله يابشمهندس وانا بحبه اكتر ماهو بيحبني مليون مرة لكن غصب عني مش بايدي ارجوك افهمني

عمار :الولاد مش نهاية العالم ياايمان وياما ناس عاشوا وماتوا وهما معندهمش ولاد لكن حرام لما الحب ده يتزلزل من مكانه ويهد كل حاجه حلوة معاه  

إيمان :ايوة فعلا بس ربنا خلقنا فى تفاوت بينتا واختلاف فى قوة التحمل زى ماحد ممكن يتحمل وفاة حد عزيز عليه وممكن حد ميقدرش يتحمل وممكن ينهي حياته بنفسه من كتر عذابه

وانا اللي عارفه حسن اكتر من اى حد فى الدنيا حسن بين نارين نار حبه لية ونار رغبته فى انه يكون اب

وانا مش انانيه عشان احرمه من حاجه زى دي هو نفسه فيها

عمار :ايمان انا اتصلت بيكي وكلمتك عشان انتي عارفه انتي ايه عندي

تعالي ياايمان تعالي عندنا امريكا وانا اعرضك على اكبر الدكاترة هنا ونعملك كل اللى نقدر عليه هنا الطب متطور واكيد ان شاء الله حيكون فى حل

إيمان :يابشنهندس احنا رحنا لسبع دكاترة اكبر الدكاترة عندنا وكلهم قالوا نفس الكلام وانا خلاص معنديش اي استعداد تاني

عمار :ماشي ياايمان بس القرار اللى انتي اخدتيه ده كمان مينفعش

حرام عليكي تهدي الحب ده حسن كان بيكلمني وهو منهار ازاي يهون عليكي انك تدمريه وتدمري نفسك بالشكل ده

ايمان :انا ادمر حسن حسن ده روحي قلبي حسن ده النفس اللي لما بيخرج بستناه تاني يرجعلي عشان اقدر اعيش

لكن انا مش عاوزة اخنقه مش عاوزاه يكرهني مش عاوزة يبجي اليوم اللي يسيبني فيه او اكتشف انه متجوز من ورايا عشان الولاد

 مش حقدر استحمل مش حقدر انا عندي استحمل بعاده

 ولا انى اشوف الحب اللي بيننا وهو بيتهد ادامي او اشوف حسن وهو بيعمل حاجه من ورايا

عاوزة اسيبه وانا بحبه وجوايا كل الذكريات الجميله اللي جمعتنا سوا مش عاوزة اسيبه وانا كارهاه او وهو كارهني

افهموني انتوا ليه محدش فيكم قادر يفهمني

انتوا فاكرين ان بعادي عنه حيكون شئ، بسيط انا فنار قلبي بيتحرق بيتعذب ببعاده عني

كل ماييجي فبالي اني حتحرم منه ومش حشوفه تاني بحس ان روحي بتنسحب مني

لكن مش حينفع والله ما حينفع

عمار :ولو قلتلك ان حين متمسك بيكي ومش حيطلقك مهما حصل

ايمان:بشمهندس حضرتك عارف يعني ايه نظرة شفقه تشوفها فعيون اللي قدامك ناحيتك

ومع الوقت تتحول لجفاء، يموت كل حاجه حلوة فحياتنا

عارف يعني ايه نظرة حزن وقهرة اشوفها فعنيه كل مايشوف طفل صغير

يدور بذهن عمار الجفاء الذي كان بينه وبين زوجته بعد الحادثه

عمار:عارف ياايمان عارف

ايمان :ده لما عرف ان اخته حامل كان حيموت من الغيرة ومنامش طول الليل وده كان بعد اقل من شهرين

 تقدر تفهمني ازاي حيستحمل انه يقضي حياته كلها من غير ولاد

عمار :حيستحمل عشان بيحبك واللي بيحب بجد بيضحي ياايمان

ايمان :ماشي يابشمهندس تمام اوى حضرتك اساله هو بقى قلله قدامك اختارين الحب والولاد شوف حيختار مين فيهم

عمار :ولو اختارك ياايمان

إيمان :وقتها حتمسك بيه وبحبي لكن انا متاكده ان حسن حيختار الولاد

وانا كمان حتمسك باني انزل الحلقه الزفته دي  عشان اخلص بقى من الهم ده

اهدي بقى شويه كده بلا هم قطيعه تقطع الرجاله مبيجيلناش من وراهم غير النكد يااختي

اعصابك يامنتي ده انتي حبيبتنا ياموني حسن ده مين اللي يخليكي تزعلى كده

هو اه الواد بيحبك وبيموت فيكي بس اللي انتي عاوزاه ياروحي هو حد يطول يبقى معاه العسل ده كله

ايمان :طب معلش بقى ياعبير اقفلي البارت بجد تعبانه ومش قادرة اكمل

😥

الحلقه السابعه من رواية

             

               للعشق كلمته الأخيرة

الجزء الثاني من رواية شمس تتحدى الغيوم

بقلمي :عبير سليم

😒😒🌹🌹😒😒

ذكريات تهاجمنا تحيط بنا من كل ناحية لا تريد ان تتركنا وحالنا

 وكيف لها ان تتركنا وتبتعد عنا وقد أصبحت جزء منا

نحاول أن نسكت السنتنا عن البوح بمكنونات صدورنا فتصرخ القلوب بانينها

نضع اصابعنا فى اذاننا لتصم عن تلك الاصوات التي كنا نعشقها

فيصرخ القلب لحنينه واشتياقه لهم

يالها من حسرة تدخل القلب عندما يفترق الحبيب عن حبيبه

والعاشق عن معشوقه

 مالهذا القدر يلعب لعبته معنا ماله بنا فليتركنا وحالنا فكفانا مانحن فيه

كنا ننتظر السعاده ونتلهف إليها كمايشتاق الصغير ليوم العيد ليرتدي ملابسه وفجأة ذهب العيد وحل علينا الحزن والآلام

ولكن منذ متى والحزن يدوم فلابد وان يأتي اليوم الذي تتحرر فيه القلوب من اسرها وتفك قيدها وتتعافى من الامها وتفتح ذراعيها للحياة

😒تفتح لها الباب فتجدها غير قادرة على الحركه يبدو عليها التعب والارهاق :ياحبيبتي ياشمس ده انتي شكلك تعبانه اوى ادخلى ياحبيبتي 

شمس :الحمد لله ياطنط

ام إيمان :ربنا يقومك بالف سلامه أن شاء الله انتي شكلك قربتي خلاص

شمس :انا لسه بادءه الشهر التامن

ام إيمان :ياحبيبتي ربنا يقومك بالف سلامه ادخليلها اهي جوة

تفتح عليها الباب فتجدها جالسه شارده فى ذكرياتها والدموع تنساب على خديها:مونتي وحشتيني ياقلبي

فتنهض ايمان سريعا لهاوتمسح دموعها:شمس هو انا مش قايلالك متجيش ينفع كده ولما تتعبي

شمس :اخس عليكي يعنى انتي مش عاوزاني اجيلك واللا ايه

ايمان :خايفه عليكي ياقلبي مش الدكتور محذرك من الحركه

شمس :مانا مش حقدر اقعدمن غير مااشوفك يامونتي

ايمان :طمنيني على الحلوين اللي نفسي اشوفهم عاملين إيه

شمس وهي تضع يدبها على بطنها:قربوا يشرفوا خلاص

إيمان :حددتوا اسماءهم واللا لسه

شمس :اه ان شاء الله أدهم وهلا 

إيمان :ياحبايب قلبي ربنا يجيبهم بألف سلامه بس ايم هلا ده غريب شويه

شمس:عمر ياستي هو اللي عاوزه عشان يبقى على اسم ماما هاله

إيمان :ياحبايبي انا متهيألي اول مااشوفهم حقطعهم

وعليا وسليم وعشق عاملين إيه وحشوني اوى

شمس :والله لو وحشوكي تيجي تشوفيهم

إيمان :مش قادرة والله ياشمس غصب عني

شمس :لحد امتى ياحبيبتي فات شهر وانتي عالحاله دي حتفوقى وترجعي لحياتك وللناس اللي بتحبك  امتى ياقلبي

إيمان :لما أحس اني بقيت قادرة ياشمس

شمس :ندمانه على قرارك ياايمان حسه انك استعجلتي

إيمان :لا ابدا بالعكس ده القرار الصح كل ماكان حيتاخر كان حيبقى عبء اوى علية وكان يبقى صعب إنى أخده

شمس :بس انتي اخدتي قرارك قبل ماتسمعي رده ياايمان ليه مديتيهوش فرصه يقولك رده مش يمكن كان اتمسك بيكي ليه صممتي ورفضتي حتى انك تسمعيه وجيتي على نفسك وعليه بالشكل ده ياحبيبتى 

إيمان :مقدرتش ياشمس غصب عني والله مقدرتش استنى لحد مااسمعه وهو بيختار الولاد ويفضلهم علية مكنتش حقدر استحمل صدقيني كانت حتبقى هي دي نهايتي

انا سيبته وانا بقول لنفسي انه أكيد كان حيختارني انا  سيبته وانا بقنع نفسي بده عشان اقدر أكمل حياتي وانا بتمناله السعاده من قلبي 

شمس :بس ده كتير عليكي اوى ياحبيبتي وبعدين حسن كان ممكن فعلا يختارك انتي ياايمان حسن بيحبك أوى 

إيمان :عارفه وعمري ماشكيت لحظه فحبه لية

شمس انا بحب حسن بحبه اوى وحبي ليه صعب انه يتحرك او يتهزمن مكانه

 وعندي اسيبه وانا بحبه وجوايا عشق ليه احسن مليون مرة من اني اسيبه لأنه فضل الولاد علية

عاوزة مفتكرش غير الذكريات الحلوة اللي كانت بيننا وبس من غير مايعكر صفوها اى حاجه تانيه

حسن مبيغيبش عني لحظه فخيالي طول الوقت

ضحكنا وهزارنا مع بعض

 

شمس:طب لحد امتى انتي طول مانتي بالشكل ده عمرك ماحتقدري تتخطي المرحله دي من حياتك

فوقي ياحبيبتي حتفضلي حابسه نفسك كده لحد امتى لاعاوزة تنزلي الشركه ولا جيتي شفتي الولاد اللي روحك فيهم ولا عاوزة تخرجي مامتك زعلانه عشانك اوي ياايمان فوقي الله يخليكي انتي اخدتي قرارك ونفذتيه غصب عن الكل يبقى خلاص كفايه لحد كده نفوق بقى ونحاول نبدأ من اول وجديد عشان خاطري

إيمان :ان شاء الله يا شمس ان شاء الله حخرج وحبقى كويسه 

لولو كويسه وسولي عامل ايه وعشق حبيبة قلبي بتسأل عني واللا نستني

شمس : امبارح اخدوا تطعيم الست شهور وسخنين ياحبايبي ومش طايقين حد يلمسهم

إيمان :ياحبايب قلبي الف سلامه عليهم

شمس :اما عشق بقى نفسها تجيلك اوى وكل شويه تسألني وتقوللي ايمي وحشتني ليه مبقتش تيجي هو حد زعلها

إيمان :ان شاء الله حاجي هما وحشوني اوى.

شمس :طب ايه رايك تقومي تلبسي وتيجي معايا تشوفيهم

إيمان :مش قادرة والله ياشمس تعبانه

شمس :مين دي اللي تعبانه هو فى حد يبقى تعبان وحلو كده قومي ابت ياللا

تقوم شمس وتفتح دولابها وتخرج منه فستانا جميلا كم كانت تحبه إيمان :انا عارفه انك بتحبي الفستان ده اوى ياللا قومي البسيه وظبطي نفسك كده على مااكلم عمر اشوفه بيهبب ايه هو كمان

إيمان :شمس الله يخليكي انا مش حخرج مش عاوزة اشوف حد

شمس :وانا والله ماحخرج من غيرك اه مانا مش حفضل قاعده كده وشايفاكي بتضيعى حياتك لا وربنا خلاص احنا حنعتبر اللي فات مات واحنا ولاد النهارده ننسى بقى ونعيش

إيمان :تفتكري حقدر ياشمس

شمس :مع برسيل مفيش مستحيل مش ده كلامك

إيمان :ههههههه بحبك ياشموستي

شمس وهي تحتضنها:بموت فيكي ياقلب شموستك

😒😒ترتدي ملابسها وتخرج مع صديقتها بينما تغلق أمها خلفهم الباب وتدخل لابيها:خرجت مع شمس

والدها :ربنا يصلح الحال يارب

أمها :يعني كده خلاص البنت مستقبلها ضاع

والدها :ليه بتقولي كده ياام أحمد

أمها :مانت عارف اللي بتطلق بيبقى وضعها ايه وبنتك اتطلقت وهي مكملتش كام شهر جواز تفتكر حد حيرضى يتجوزها غيرش كان مطلق واللا ارمل وساحب وراه عيلين تلاته

والدها:وانا ايه اللي يخليني اوافق على حاجه زى دي بنتي ست الكل وزينة البنات وان ماكنش يجيها اللي يقدرها ويصونها يبقى مالوش داعي

أمها :مبتخلفش ياحبيبتي قلبي واجعني عليها اوى انا بحاول امسك نفسي ادامها بالعافية لكن ربنا العالم حالي ايه

أبوها :محدش يعرف بكرة في إيه ربك عنده خير ياما وان شاء الله حيعوضها خير إيمان طول عمرها طيبه وحنينه وربنا حينصرها ان شاء الله

امها:يارب يااخويا يارب

😒😒يدخلان فيجدان عشق جالسه تذاكر ومعها أنس يذاكر معها وما ان لمحت إيمان جرت عليها وارتمت فى احضانها:إيمي حبيبتي وحشتيني اوى

إيمان :انتي اللي وحشتيني اوى ياروحي عامله ايه ياقلبي

عشق:انا بعمل الهوم وورك وانس بيذاكرلي

أنس وهو يسلم عليها:حبيبتي ياموني وحشتينا اوي

ايمان :انوس حبيبي انت وحشتني اكتر يابطل قولولي بقي الصراحه بتذاكروا واللا بتلعبوا

عشق :لا والله ده انس كل مااجي اقوم يزعقلي ويقوللي اقعدي ذاكري

إيمان :شاطر ياانس ياحبيبي

تخرج هاله على اصواتهم فترحب بها :ايمان حبيبتي الف حمدالله على سلامتك ياست البنات البيت نور وربنا

إيمان :حبيبتي ياطنط هاله حضرتك وحشتيني اكتر والله وعمى اخباره ايه

هاله :والله كل يوم يسأل عنك ونفسه يشوفك هو فاوضته بيقرا قران تعالي نطلعوله

إيمان :بس انا عاوزة

هاله وهي تسحبها:عارفه انك عاوزة الولاد حتدخوليلهم بس تعالي لعمك الاول ده حيفرح اوي لما يشوفك

شمس :ماشي وانا حطلع اغير هدومي واجيلكم

يطرقان الباب ويدخلان عليه  فيصدق ويضع المصحف جانبا:اهلا بالهرابه اللى خلعت مننا

إيمان وهي تسلم عليه:ازي حضرتك ياعمى وازى صحتك

شاكر :الحمد لله والله فنعمه المهم طمنيني عليكي انتي عامله ايه كده بردو تروحي وتقولي عدولي طب انا بقى زعلان منك ومخاصمك

إيمان :يالهوي لا طبعا مقدرش على كده الا البرنس بتاعنا الاستاذ احمد مظهر فى فيلم صلاح الدين ياناس

انا عاوزة اعرف انت عيالك مطلعوش مزز ليك ليه هاه

شاكر :ههههههه ربنا يفرح قلبك يارب ياايمان

إيمان :انا اخدت نصيبي من الفرح خلاص الحمد لله على كده جبرنا خلاص

هاله :بس ياهبله ايه اللي بتقوليه ده ده انتي فعز شبابك والدنيا فاتحالك دراعاتها

شاكر :تعالي ياايمان اقعدي جمبي

بصي ياحبيبتي محدش فينا مااتعرضش لمحنه فحياته احنا فدار الابتلاء وربك لما بيحب عبده بيبتليه عشان بختبر صبره وايمانه بيه وكل ماتصبري وتثقي فربنا هو سبحانه حيعوضك واكتر مما كنتي تحلمي

مش بنقول ملك الملوك اذا وهب لا تسألن عن السبب

انا عارف انك كنتي بتحبيه اوى بس خلاص حياتكم مع بعض خلصت واخدتوا نصيبكم من بعض ننسى ونعيش بقى

ونخلينا واثقين فربنا اللي لا بيغفل ولا بينام وقادر ربنا انه يعوض عليكي باللى احسن واحسن

إيمان :ونعمه بالله انا والله راضيه باللي ربنا كاتبهولي

شاكر :انا متأكد ان ربنا شايلك الخير ياحبيبتي انتي تستاهلي كل خير ياايمان ولازم يكونلك حظ من اسمك لازم يبقى ايمانك بربنا كبير

إيمان :ربنا يخليك يا رب يا عمى ويديك الصحه والعافيه يارب ويخليلك القمر بتاعك ده

شاكر :هاله اهي دي تعويض ربنا لية

هاله:ده انت اللي حبيبي وعوض ربنا لية انا كنت ولا حاجه وانت خليتني كل حاجه

إيمان :لا انا كده حبقى عزول وشكلي وحش انا مضطرة انسحب من اللحظه الرومانسبه دي

شاكر :لا ياحبيبتي احنا رومانسيين كده على طول صح ياهاله

هاله:صح ياقلب هاله هي اللي بتتحجج عشان تجري على حبايبها اللي وحشوها

إيمان :وحشوني اوى معقوله عدى شهر كامل من غير مااشوفهم

تدخل عليهم الغرفه فتجد عليا جالسه فى فراشها وكانها استمعت لصوتها وجلست فى انتظارها وماان راتها حتى ظلت ترفرف بيديها وتضحك لها وترفع لها بدبها لتحملها

حملتها سريعا واخذت تقبلها قبلا كثيرة من كل مكان وجهها وايديها وارجلها وتحتضنها بشده حضنا تنسى به كل الامها حضنا ينسبها حرمانها من انها ستصبح اما فى يوم من الايام

حضنا ينسيها كل مامرت به وماعانته فى تلك الأيام

 الماضية :لولو انا بحبك اوى ووحشتيني اوى انتي منسيتينش ياحبيبتي فاكراني انا قلت انك مش حتكوني لسه عارفاني واكيد حتعيطي اول مااشيلك ياحبيبتي يالولو ياروحي انا ياعمري انا احنا بقى عندناسبع شهور ده احنا كبرنا وبقينا عرايس حلوين 

أخذت تهدهدها وتحتضنها وتدور بها والصغيرة تضحك

سمعت بكاء الآخر :سولي حبيبي صحا هو كمان اهلا اهلا بالباشا الصغير ياربي عمر ادامي سبحان الله ده انت كربون منه يابني ياعيني عليك ملقتش غير عمر وتطلع شبهه طب كنت اطلع شبه الاستاذ احمد مظهر جدك واللا البرنس ابوك واللاحتى خالك علي  ملقتش غير عمك عمراللى تطلعله 

 بس ياللا بقى مش مهم

سبحان الله هو بعينه عمر ياناس بحواجبه ومناخيره وبؤه المكعبر

بقى انا بؤي مكعبر ياجذمه

تلتفت للصوت :عمر ازيك ياعمر

عمر:والله انا اول مادخلت وقالولي انك هنا مصدقتش قلت اجي اشوفك بسرعه وحشتيني ياموني كده بردو الغيبه دي كلها الف حمد لله على السلامة يا قمر

إيمان :الله يسلمك يا عمر شمس كانت عندي وجينا مع بعض

عمر:مقالتليش الغلسه مع انها مكلماني وهي عندك وماقالتليش انك حتيجي معاها

إيمان :حتفرق معاك حاجه سيادتك

عمر :انتي مجنونه طبعا حتفرق كنت حفرش الفيللا كلها ورد وفل وياسمين وادبحلك عجل كمان هو احنا عندنا كام موني

ايمان :ربنا يخليك ياعمر يارب ويقوملك شمس بالف سلامه

عمر :شموستي يارب ياموني يارب امال هيا سايباكي وراحت فين

انا اهوه ياحبيبي كنت بغير وبصلي العصر

عمر:ربنا يتقبل ياقمر البهوات اللي جوة عاملين ايه شايفه صاحبتك بقى شكلها مكعبر ازاي بصراحه شكلها مش عاطفى خالص

شمس :ومين بقى ان شاء الله اللي شكلها عاطفي الست نادين بتاعتك

عمر :نادين دي برنسيس قمر وهو يغمز لايمان حاجه كده تحسيها طايرة فى السما

شمس وهي تمسكه من ملابسه:وانا حخليك تطير وراها ان شاء الله 

عمر :ههههههه يامجنونه هو انا فى حد مكلبش فقلبي غيرك

يجدون سليم يضحك

عمر:شفتي اهو سولي بيضحك عليكي مراة عمك هبله ياسولي صح

بقولك ايه تعالي ساعديني اغير هدومي وحطيلي رجلي فشوية مياه دافيين وملح

شمس :وده ليه أن شاء الله

عمر :طول اليوم واقف على رحلي فى المستشفى مع العمال لما تعبت

إيمان :هي المستشفى دي مبتخلصش ست شهور بتتبنى ومخلصتش انا تعبت خلاص وجبتواخري انا عاوزة المستشفى دي تخلص باي شكل انت فاهم

عمر :يااما مالك اتحولتي كده ليه

شمس :اتفضلي قدامي

عمر:حاضر حاضر

تضحك عليهم ايمان وهم يخرجان من الغرفه لينما هي تستكمل ضحكها مع الصغار

ثم تسمع طرقا على الباب :بشمهندس يزيد

يزيد:وحشتيني اوى ياايمان كل دي غيبه علينا

إيمان :كنت تعبانه والله  يابشمهندس

يزيد :طب هان عليكي الولتد تحرميهم منك الفترة دي كلها

إيمان :غصب عني والله مش بايدي كانوا وحشينني اوى بس ماكنتش قادرة

يزيد :ألف حمد الله على السلامة ودي اخر مرة حسمحلك غبها تبعدي عننا

إيمان :حاضر

شفتي سليم كبر ازاي وبقى نسخه من عمر

إيمان :ههههههههه استنساخ سبحان الله

بس لولو قلبي زي القمر شبه مامتها الله يرحمها ويغفر لها بالظبط نسخه منها

يزيد :يارب تاخد طبعها فى اخلاقها وطيبتها وحنيتها

إيمان :طبعا ده أكيد إن شاء الله لازم حتطلع طيبه وجميله وست البنات كلهم صح يالولي صح ياقلبي

قولي لبابي انا حبقى أجمل بنوته فى الدنيا يابابي

يزيد :روح بابي انتي

طيب انا حروح اغير هدومي عشان ماما محضرة وليمه احتفالا بيكي

إيمان :هههههه والله طنط هاله دي عسل

يزيد :وحشتني ضحكتك اوى متخليهاش تغيب عننا تاني

إيمان :غصب عني والله

يزيد :حيعدي كله بيعدي ياايمان

إيمان :تفتكر جرح القلب بيطيب وبنتعافى منه يابشمهندس

يزيد وهو يمسح دمعه هاربه من عينيه:بيطيب ياايمان هو صحيح مكانه فى القلب بيبقى معلم واثره عمره مابيروح بس بيطيب وبنتعافى وبنعيش

هي دي الحياة بس الناس الطيبه اللى كانت حياتنا ومالكه روحنا عمرنا مابنقدر ننساهم

ياللا انا رايح اغير هدومي

تجلس ايمان على الكرسي وهي تحتضن عاليا وتبكي على حالها وتتذكر حبيب قلبها الذي لم تعشق سواه

بينما هو يدخل غرفته ويترك لدموع عينيه العنان يمسك صورتها بين ايديه ويتحدث إليها :وحشتيني وحشتيني اوى ياعاليا ياااه الدنيا من غيرك وحشه اوى ملهاش طعم

انا مفتقدك اوى مفتقد ضحكتك وحنيتك وخوفك علية

فاكرة لما كنت اول ماارجع من الشغل لازم تقلعيني هدومي وتخليني احكيلك كل اللي حصل فى الشغل وحشني الكلام معاكي اوى

يحتضن الصورة بقوة :وحشتيني ياقلب يزيد

😒😒😒😒😒😒😒

تضع الطعام على المائده وهي مستعده بكامل اناقتها وتذهب لايقاظه من النوم:ياللا ياكسلان قوم بقى انت مشبعتش نوم

ادم وهو يفتح عينيه :انا مشبعتش منك انتي تعالي هنا

مياده:هههههههه طب قوم بقى الاكل حيبرد ياللا عشان تاكله وهو سخن

ادم:تعرفي اني فعلا جعان اوى

مياده:طب ياللا قوم انا عملتلك كل الاكل اللي بتحبه

آدم :وانا بحبك انتي 

مياده:بجد ياادم بتحبني

آدم :بجد طبعا ياعيون ادم مانا قلتلك طول مانتي مريحاني حتخليني احبك

مياده:مانا بعمل كل اللي بتطلبه مني اهوه واديني اصريت واجبرت اهلي اني لازم اسافر عشان الشغل واخيرا وبالعافيه وافقوا وبقيت معاك على طول ياحبيبي فى الشغل وفى البيت مبسوط كده

ادم:فى قمة الانبساط ياللا بينا

مياده :ياللا ياروحي

يجلسان على المائده وتضع له الطعام فى فمه:كلي يابطتي

ادم:ماشي ياروح بطتك

يعلن هاتفه عن اتصال

مياده وهي تحضر له الهاتف:انجي

آدم :سيبك منها

مياده:يعني مش حترد عليها.

 آدم :معقوله بردو اكون قاعد مع مراتي حبيبتي واكلم حد غيرها

مياده :يعني انت نسيتها خلاص وحتقطع علاقتك بيها

ادم:متبقيش غبيه انا مينفعش اقطع علاقتي بانجي

انجي ليها معارف كتير وبتنفعني فشغلي وبستفاد من وراها كتير ولو قطعت علاقتي بيها حاكون انا الخسران مش هيا

مياده::ييه بقى افهم من كده انك حتفضل على علاقه بيها وبتخوني معاها مش كده يعني انا مستحمله كل ده عشان بردو تفضل هيا كابسه على نفسي

ادم:مياده انا مش عاوز عكننه بقولك انتي ليكي اني اعملك اللي نفسك فيه واجيبلك اللى عاوزاه واللي عمرك ماكنتي تحلمي بيه اكتر من كده ملكيش فيه واعمل اللي اعمله فاهمه واللا مش فاهمه 

مياده :بس انا مراتك وبغير عليك ياادم ببقى حموت من الغيرة وانا عارفه انك نايم فحضنها

آدم :مصالح ياهبله مصالح مش اكتر لكن انا مفيش فقلبي غيرك هو انا لما حبيت اتجوز اتجوزتها هيا واللا انتي دي تتمنى مني اشارة كل امنيتها فى الدنيا اني بس اشاورلها ده يبقى معناه ايه مش معناه اني بحبك انتي وانتي اللي فقلبي

مياده :ايوة بس

آدم :مفيش بس ياللا انا حلبس وخارج

مياده :رايح فين

ادم:ادم ميتسالش رايح فين

مياده :رايحلها صح 

آدم :ساعه وجاي مش حتاخر

حضريلي هدومي على مااخد دش

يلبس ويتركها ويخرج بينما هي تنفجر من البكاء:يعني كل اللي بعمله ده ومفيش فايده بردو حتفضل الزفته دي كابسه على نفسي وواخداه مني طب اعمل ايه اتصرف ازاي لا انا لازم ادم يبقى بتاعي لوحدي باى شكل انا لازم افكر كويس ازاي اخليه لية لوحدي ومفيش غيري فحياته

انا حتى اذا كنت عاوزاه عشان يأمن لي مستقبلي مش اكتر لكن بردو هو جوزى انا ولازم يكونلي لواحدي

😒😒😒😒😒😒😒

يجري اتصالا هاتفيا معه:طمني يابشمهندس ايه الأخبار

عمار :الحمد لله ياحسن عملوله العمليه الحمد لله

حسن :بجد طب وإيه الاخبار طمني

عمار :الحمد لله والله كله تمام هما الدكاترة طمنوني وقالولي العمليه نجحت بس هو حيفضل فى العنايه كام يوم وبعد كده حيفضل فترة تحت رعايتهم

حسن :ألف حمد الله على سلامته ربنا يكمل شفاه على خير

عمار:يارب ياحسن يارب

طمني الشغل اخباره ايه

حسن:الحمد لله والله كله تمام

عمار :وانت عامل ايه ياحسن طمني عليك

حسن :عايش الحمد لله 

عمار :مفيش أخبار جديده عن إيمان

حسن :خلاص يابشمهندس ايمان قفلت كل الطرق وكل الابواب فوشي دي حتى غيرت رقم تليفونها حاولت اتصلت بيها على تليفون باباها قاللي خلاص مفيش فايده

عمار :قدر الله وما شاء فعل خلاص ياحسن كل واحد فيكم يبدأ حياته من اول وجديد وربنا يكتبلكم الخير

ويعوضكم ان شاء الله انتوا الاتنين تستاهلوا كل خير

حسن :مفيش حاجه ممكن تعوضني عن إيمان

ايمان مكسب لأى حد تدخل حياته لكن انا اللي خسرت ولو عشت عمري كله ادور عن بديل ليها مش حلاقي

عمار :كان عندك استعداد تضحي برغبتك فى الابوة ياحسن عشان حبك ليها

حسن :اختيارين اصعب من بعض هي ليه الدنيا وحشه كده ليه استكترت علية سعادتي معاها انا تعبان اوى من غيرها انا كل ماالتليفون يرن اقول هيا اكيد وحشتها اكيد مش حتقدر تبعد عني

كل شويه ابص فصورنا واتفرج على فيديوهاتنا مع بعض معقوله خلاص ايمان مبقتش فحياتي معقوله مبقتش اعرف عنها حاجه

عمار :حنعمل ايه ياحسن خلاص

حسن :ايوة خلاص

عمار :وانت نويت على ايه ياحسن

حسن :مش حنزل اسكندريه تاني انا حستقر هنا خلاص حفضل فشرم

عمار:محدش عارف بكرة فى ايه ياحسن ادعيلها ربنا يقف جمبها وانت ان شاء الله بكرة تنسى

حسن :ايمان انسى ايمان استحالة انساها ولا حاجه الدنيا كلها ممكن تنسيني إيمان

عمار :إيمان فعلا نادر لما تلاقي حد زيها بس حنعمل إيه

حسن :عمري ماتخيلت ان سعادتي معاها حتخلص بسرعه كده

عمار :أكيد ربنا ليه حكمه فده ارمي حمولك على ربنا وقول يارب

حسن :يارب يابشمهندس يارب

بشمهندس دلوقتى فى مشكله

عمار:خير ياحسن

حسن :فى اوراق مهمه لازم تتمضى منك شخصيا

عمار:وانا مينفعش انزل ياحسن

حسن:ممكن مدام اشرقت تنزل

عمار:لاء طبعا مينفعش بص مفيش غير حل واحد

حسن :حل ايه

عمار:حعمل لماسه توكيل وتنزل هي تمصي الاوراق المطلوبة

حسن :مفيش مشكله اللي يريحك

عمار:خللي بالك منها ياحسن حتبقى فامانتك

حين:ماسه دي اختي الصغيرة يابشمهندس

متقلقش عليها هما يومين وترجعلكم بالف سلامه 

يغلق معه الهاتف ويتحدث لها:كده بردو ياايمان تبقي انتي القاضي والجلاد

بس انا السبب انا اللى وصلتلك احساسي ان الولاد عندي رقم واحد وانا اللي غلطان اني طاوعتك كان لازم اتمسك بيكي اكتر من كده كان لازم أرفض ومطاوعكيش

سامحيني ياايمان اني مقدرتش احافظ عليكي سامحيني ياحبيبتي

😒😒😒😒😒😒

تجلس مع اختها وتتحدث إليها

يعني انتي وصلتي لأيه دلوقتى

نادين :ولا حاجه لسه ياليلى

ليلى:انتي بتهزري صح معقوله حاجه تستصعب عليكي يانادين

نادين :يزيد مش زى اي حد يزيد محتاج معامله خاصه ومش بسهوله اقدر اقنعه بية انا زرتهم فى البيت اكتر من مرة محستش ان فى ترحيب بية زي ماكنت متصورة

والبنت اللي اسمها عشق دي مع انها صغيرة بس نظراتها نار عينيها كلها كره لية

كل مااحاول اكلمها ترد علية بقلة زوق يااما متردش

ليلى :غيرانه على باباها طبعا

طب والتليفونات مش عامله حاجه وزياراته فى الموقع

نادين :مااتصلش ولامرة انا اللي لازم اتصل بيه

هو محترم جدا وجينتل فى الرد بس مش عارفه هل هو معجب بس بيتقل واللا ايه بجد مش قادرة احدد

اما الموقع فهو مبقاش كتير بيجي نادر اوى ويادوب خمس دقايق ويمشي احيانا كتير اروح يقولولي البشمهندس جه ومشى 

ليلى :طب وانتي حتعملي ايه شكلك كده زهقتي

نادين:مش نادين اللي تحط حاجه فدماغها وتزهق منها ومتوصلهاش يزيد مش حيكون غير لية مهما كان التمن

وانا على أتم الاستعداد اني أخوض اي معركه فسبيل الوصول ليزيد

وبكرة تشوفي اختك حتعمل ايه ياليلى

ليلى :انتي حتقوليلي عليكي لما تحطي حاجه فدماغك عمرك ماحددتي هدف ومقدرتيش توصليله

نادين هو انتي حبيتيه واللا ده رغبه مش اكتر

نادين :عاجبني اوى يا ليلى و حموت عليه انتي عارفه برغم ان علي وعمر اجمل منه فى الشكل بس هو حاجه تانيه خالص

ماشي يايزيد انا وراك ومش حياس ولا حزهق ولاحمل من اني اوصلك

بقى انا نادين اللي كل الرجاله يتمنوا مني اشارة تحيرني كده وراك

بس وغلاوتك حوصلك يعني حوصلك ومش حتكون لحد غيري

مهما كان التمن حتى لو حرتكب جنايه

موصلتش للدرجه دي يامزة انتي جنايه ده ايه دي روايه محترمه بنت ناس ليها اصحاب يسالوا عليها

ماشي يااختي اقعدي كده كلمي نفسك زى الهبله وامانشوف حتعملي ايه

والله لسلط عليكي عشق

انا عاوزة افهم مين اللي دخل الست دي كمان الروايه هو انا كنت ناقصاها مش كفايه اللي عندي

حلاحق على مين واللا مين استغفرالله العظيم ياربي

😒😒😒😒😒😒😒😒😒😒

الحلقه الثامنه من رواية

للعشق كلمته الأخيرة

الجزء الثاني من رواية شمس تتحدى الغيوم

بقلمي :عبير سليم

♥️♥️😎😎♥️♥️

يودع ابنته فى المطار ويوصيها على نفسها :ماسه خللي بالك من نفسك ياحبيبتي

ماسه :متخافش علية يابابى أنا كويسه اوى

عمار :انا خليتك تنزلي وحتقعدي لوحدك غصب عني والله ولولا الظروف اللي احنا فيها ماكنتش فكرت فحاجه زى دي أبدا

ماسه :بابي أنا كبرت خلاص ومتقلقش علية وكمان عاوزاك تطمن

بابي انا محاضرات علم النفس اللي حضرتها فرفت معايا كتير وغيرت فية حاجات كتير نظىتي للحياة نفسها اتغيرت

اطمن يابابي وأي حاجه حضرتك قلقان منها شيلها من تفكيرك نهائي  عاوزاك تثق فية يابابي

عمار:حبيبتي انا لو مش واثق فيكي مكنتش فكرت فحاجه زى دي ابدا

تكلميني اول ماتوصلي وتخللي بالك من نفسك

ماسه :حاضر يا بابي

يحتضنها ويقبلها ويودعها

تركب الطيارة وهي مستعده لبداية حياة عمليه تنغمس فيها فى دوامة الحياة والعمل واثبات الذات بعيدا عن اي شئ

بداخلها تصميم على ان تكون محل ثقه من والديها والا تجعل نفسها فريسه لاهوائها الشخصيه

بعد عدة ساعات تعلن الطاءره على وصولها الى اراضي الوطن الحبيبه

تنزل من الطائرة فتجده فى انتظارها

يقبل عليها ويسلم عليها بحرارة فهو يكن لها كل حب واحترام فهي له بمثابة اخت صغيرة:ماسه الف حمد الله عالسلامه

ماسه :الله يسلمك ياحسن ازيك وعامل ايه

حسن :الحمد لله والله انتي اللي عامله ايه يااه ده احنا شكلنا اتغير خالص وكبرنا

ماسه :شكرا ياحسن ربنا يخليك

يقوم لتوصيلها للاوتيل

حسن :حتقعدي فى الفندق واللا تحبي اوديكي الفيلا

ماسه :لا انا حقعد فى الفيلا لوحدي اعمل ايه عاوزة اكون بين الناس حقعد فى الفندق

حسن :والله انا حسيت انك حتقولي كده فطلبت من العمال يظبطوا الجناح الخاص بالبشمهندس عمار

ماسه :تمام اوى

يصلون للفندق

ماسه:حسن انا حطلع استريح شويه

حسن :تمام اطلعي استريحي دلوقتى وبالليل تنزلي نتعشى سوا ونتكلم واعرفك المطلوب منك

ماسه :تمام ياحسن أشوفك بالليل

تصعد للجناح الذي دائما ماكان عمار يقيم به وتخلد للنوم سريعا فكم كان يومامتعبا لها

بعد مرور عدة ساعات ترتدي تيشرتا على بنطلون من الجينز الواسع وتنزل إليه فى الاستقبال فتجده فى انتطارها

يبدا حسن فى شرح كل شئ لها وكل مايحتاجه منها ثم يبدان فى تناول وجبة العشاء سويا

حسن :تمام اوى يعني كده انتي خلصتي دراستك خلاص

ماسه :ايوة كده تمام

حسن :ومش ناويه تكملي

ماسه :بصراحه مليش مزاج وكمان محتاجه اكون جمب بابي فى الشغل  مش عاوزةاسيبه لوحده

حسن :يااه ده احنا اتغيرناخالص فاكرة لما كنت بقنعك بده قبل ماتسافري

ماسه :قبل مااسافر كنت حاجه ودلوقتى بقيت حاجه تانيه خالص

حسن :معقوله كام شهر يغيروكي بالشكل ده

ماسه :كل شئ، بيتغيرمفيش حاجه بتفضل زي ماهي

حسن :صح معاكي حق كل حاجه بتتغير المشاعر بتتغيروالظروف بتتغير واحنا نفسنا بنتغير

ماسه :احيانا الظروف اللي بنحط نفسنا فيها هي اللي بتغيرنا واحنا مبنكنش عاوزين ده

حسن :بس ده ميبقاش تغيير ده يبقى اسمه هروب

ماسه :حتى لو هروب بس مع الوقت بننسى وبنحاول نفتح صفحه جديده اهم حاجه اننا نتصالح من نفسنا ونتقبل اي حاجه بتحصللنا

حسن :تفتكري ياماسه ممكن نقدر ننسى ونقدر نبعد نفسنا وعقلنا وفكرنا عن الناس اللي حبيناهم واتعلقنا بيهم

ماسه:حسن انت ازاي قدرت وجالك قلب تبعد عن إيمان. انا اسفه لو كنت بدخل فحاجه متخصنيش بس

حسن :متتاسفيش ياماسه انتي بتقولي الصح انا نفسي مش عارف ده حصل ازاي انا حاسس اني فكابوس وحفوق منه وافتح عينيه الاقيها معايا مسابتنيش او بمعنى أصح انااللي مسيبتهاش

ماسه :انا اللي فهمته من بابي ان موضوع الولاد هوالسبب

حسن :ايوة للأسف

ماسه :طب انا بس عاوزة افهم حاجه لو واحد وواحده اتجوزوا ومفيش بينهم حب هل وجود الاولاد حيخليهم يحبوا بعض

حسن :مش فى كل الحالات فى حالات الولاد بيجمعوا بينهم وبيربطوهم ببعض وفى حالات وجود الاولاد مبيفرقش كتير فى حياتهم وبيبقوا مضطرين يكملوا عشان خاطرهم بس 

ماسه :يعني بيبقوا مجبرين يعيشوا مع بعض عشان الولاد بس مش كده واحيانا بيلجئوا للطلاق والمشاكل اللي لو مكنش فى ولاد من اساسه كانوا حيبقوا فى غنى عنها

وجود الولاد عمره مابيخلق السعاده اللي بنمتناها صحيح دي غريزة جوة كل حد فينا وانا شفت ده وحسيته مع بابي ومامي ناحيتي وناحية ياسين ورعبهم عليه بس ده نابع اصلا من حبهم لبعض

ليه ياحسن ليه فرطت فحبك اللي قدام عينيك عشان خاطر حد انت مشوفتهوش متعرفهوش مش ممكن تجيب الولاد اللي نفسك فيهم ويطلعوا انانيين وحشين ولاد مش كويسين اخلاقهم مثلا مش كويسه

حسن :ده بيرجع للتربيه ياماسه ودي حاجه والله مش بايدي غصب عني

ماسه :تمام يعني انت مقتنع باللي عملته وان قرارك كان هو القرار الصح ليه بقى زعلان ومضايق اوى كده

حسن :عشان بحبها و صعبان علية ان الحب ده اتهد صعبان علية انها مبقتش فحياتي خلاص كل مابييجي فبالي انها ممكن ترتبط بحد تاني ببقى حتجنن

ماسه :انت غريب اوى ياحسن غريب بجد يعني انت سيبتها لاحزانها والامها ووجع قلبها واحساسها انها عندها نقص وكمان مستكتر عليها انها تفرح وتلاقي حد ممكن يعوضها مش انانيه دي منك

حسن : غصب عني احساسي ده غصب عني والله مش بايدي

ماسه انا بفكر فيها طول الوقت مبتروحش من خيالي ثانيه واحده صوتها طول الوقت بيرن فوداني ضحكتها وروحها الحلوة مش مفارقاني كل مابتحرك فى اى مكان بفتكر ذكرى حلوة كانت بيننا

ماسه انا تعبان تعبان اوى من غير ايمان انا حاسس اني مش حقدر اعيش من غيرها

حاسس ان الحياة مبقاش ليها طعم

مفيش حاجه بقت بتفرحني

ماسه :ارجعلها ياحسن ارجعلها ورجع الحب اللي بينكم تاني حتى لو مكنش مكتوب ليكم الاولاد بس كفايه انكم حتبقوا مع بعض

 وموضوع الاولاد ممكن يتحل بعدين الطب كل يوم فيه جديد ولو حتى خلاص مفيش امل ممكن تتبنوا طفل لكن خساره الحب ده كله يضيع حرام

حسن :ومين قالك اني محاولتش والله حاولت كتير بس هي قفلت كل الابواب فوشي

ماسه :انت السبب لأنك انت اللي طلقتها أكيد هي كانت منتطرة انك تتمسك بيها عارف ياحسن لو كنت اتمسكت بيها ورفضت تطلقها هي عمرها ماكانت حتسيبك لكن انت اتخليت عنها ياحسن خذلتها

 هي اكيد راهنت راهنت قلبها انك عمرك ماحتقدر تتخلى عنها بس للاسف خسرت الرهان

بس طول مااحنا عايشين لازم يكون فى امل بص ياحسن انا حاخد بالي من الشغل كويس وانت انزل ياحسن انزلها اتمسك بيها حاول ترجع اللي بينكم قولها انتي  عندي اهم من اى حاجه فى الدنيا اهم من اي شئ

حسن :خلاص ياماسه خلاص صدقيني مفيش فايده انتي ليه مش مصدقه اني حاولت كتير لكن ايمان خلاص اخدت قرار بعدم الرجعه مهما حصل

ماسه :طب وانت حتعمل ايه

حسن :حعمل ايه مفيش فايدي حاجه اعملها غير اني احاول انساها وأبدا من اول وجديد

ماسه :بسهوله كده حتقدر تنساها الحب الحقيقي مبيتنسيش ياحسن

حسن :أديني بموت نفسي فى الشغل عشان انسى

ماسه:بس اكيد لما بتروح وتيجي تنام الذكريات بتهاجمك ومش بتسيبك

حسن :ححاول ياماسه ححاول

لازم انسى لازم اجبر نفسي وقلبي عالنسيان

ماسه :حسن انا حسالك سؤال وجاوبني بصراحه

حسن :اتفضلي

ماسه:لو لقيت ايمان داخله عليك دلوقتى وبتقولك انها موافقه ترجعلك بشرط انك تنسى موضوع الولاد ده تماما حتعمل ايه

حسن:صعب ياماسه صعب علية والله مش حقدر مفكرش فموضوع الولاد بصي ياماسه عشان انتم مش مصدقيني

يفتح امامها موبيله ليريها بعض الصور والفيديوهات

شايفه كل الصور والفيديوهات دي كلها عن الاطفال ماسه غصب عني والله نفسي ابقى اب حلمي اني اكون اب ويبقى عندي ولاد اتعب واشقى عشانهم

ولما أكبر فى السن يشيلوني ماسه انتي لو مكنتيش موجوده كان عمار حينزل عشان يخلص الشغل لكن وجودك وفر عليه التعب

الولاد نعمه من ربنا وهما زينة الحياة انا بحب ايمان لكن كمان مش حقدر اعيش العمر كله محروم من كلمة بابا

ماسه :يبقى ترضى بالأمر الواقع وتدعيلها ربنا يوفقها فحياتها وانت ربنا يحققلك حلمك ان شاء الله

متبقاش اناني ياحسن انا لما عرفتك عرفت حسن الجدع اللي بيحب الخير لكل الناس واكيد اكتر حد ممكن تتمناله الخير يبقى إيمان

إيمان اللي مكنتش انانيه فحبها ليك وفضلت مصلحتك على حبها ليك و اختارت تخرج من حياتك عشان تسعدك يبقى حقها عليك دلوقتى انك تتمنالها الخير

حسن :ماسه ممكن اطلب منك طلب

ماسه :أكيد طبعا ياحسن

حسن :ممكن تخليكي جمبي انا محتاج اوي اتكلم مع حد احكيله واشكيله همومي

انا هنا مليش اصحاب كلهم زمايل عمل مش أكتر محتاج حد يسمعني ويحس بية من غير مايزهق مني

وانا والله ربنا يعلم انا بعزك اد ايه

ماسه :أكيد طبعا ياحسن بس المهم انك يكون عندك من جواك الرغبه فإنك تبقى أحسن

حسن :ان شاء الله ححاول والله ان شاء الله

معلش ياماسه انا عارف إنك لسه صغيرة عالكلام ده وملكيش ذنب اني ادخلك فى مشاكل ملكيش فيها

ماسه :متقلش كده ياحسن وبعدين الصغير بيكبر وانا كبرت واديني باخد خبرة فى الحياة وبتعلم

عشان استفاد من تجارب الآخرين

حسن :ربنا يكتبلك الخير

ماسه :يارب ياحسن

♥️♥️♥️♥️♥️♥️♥️

تجلس على فراشها الذي أصبح كل أمانيها أن تلجأ إليه كل ليله بعد يوم طويل من الشقاء والتعب من الخدمه فى البيت

ترتمي عليه كي تستريح وتريح قدميها من شدة الآلام

تبكي على حالها وماوصلت إليه تتذكر كل ماحدث وكيف أوصلت نفسها إلى ماهي فيه الآن

تنظر لنفسها بالمراة كم تغيرت ملامح وجهها أين جمالها الذي كانت تتباهى به لقد اصبحت شاحبة البشرة

علامات الحزن والشقاء ترتسم على وجهها

تتلمس وجهها بايديها بدأت بعض علامات الضرب تختفي وظهرت اخرى

بدأ شعرهافى النمو إلى حد ما فلقد اصبح يصل إلى أول رقبتها

 

تدخل عليها زوجة خالها لتطمئن عليها فلقد أصبحت تشفق عليها وعلى حالها الذي اوضعت نفسها به

تفتح عليها الباب فتجدها تبكي بشده:مالك ياهاجر انتي بتعيطي يابتي

هاجر :بعيط على حالي

زوجة خالها:معلش ياهاجر بكرة تتعدل ان شاء الله

هاجر :تتعدل انتي مش شايفه خالي بيعمل فية ايه ده حاطط شغل البيت كله على دماغي وانا تعبت خلاص مبقتش قادرة استحمل

زوجة خالها :مش انتي اللي عملتي فنفسك كده وانتي اللي وصلتي نفسك للي انتي فيه دلوقتي بتعيطي ليه بقى

هاجر :مكنتش اعرف اني حوصل لكده مكنتش اعرف ان كل ده حيحصللي

زوحة خالها:فى مثل بيقول الحجر الداير لابد من لطه

وانتي دورتي كتير ولفيتي ماتعظتيش ولا خفتي من ربنا مفكرتيش غير فنفسك وبس عمرك محافظتي على نعمه ربنا ادهالك

كان معاكي راجلين أحسن من بعض وضيعتيهم من ايديكى

وحطيتي راسنا فى الطين من عمايلك وحرمت نفسك من بنتك

هاجر :بنتي دارين ياحبيبتي انتي عارفه يامراة خالي عيد ميلادها بعد بكره حتكمل سنه

ياترى شكلها بقى ايه ياترى فاكراني لا حتفتكرني ازاي ده انا مشوفتهاش من وهي عمرها شهرين

ياترى لما تكبر وتسأل عني حيقولولها ايه

تجد صوت خالها يأتى من خلفهم:حيقولولها امك باعتك وكتبت تنازل عنك عشان ترجع لجوزها الاولاني جوزها اللي هو اصلا اتجوز اخت جوزك التاني

يااه سبحانك يارب شوفي شيطانك وصلك لفين انك توفقي بين الراجلين اللي كانوا مضللين عليكي

شوفي حكمة ربنا انه يخليكي سبب فى ان علاء يعرف عصام ويتجوز اخته سبحان الله

ومش بعيد عصام يتجوز اخت سلمى أخت علاء هو كمان وليه لاء ماهي اللي بتربيها وواخده بالها منها

زوجته:وانت عرفت كل ده منين ياحاج

خالها:لا هو انتي فاكرة اني مبسالش عن البت الصغيرة اللي هي لحمنا ودمنا وبطمن عليها

والحمد لله البت زى الفل متصانه مش زيك ياهاجر بقيتي مرميه رمية الكلاب

هاجر :مش انتوا اللي عملتوا فية كده بس انا بقى مش حقعدلكم فيها انا حمشي وحروح اعيش لوحدي فاي مكان انا مش حفضل فى الذل ده على طول

خالها وهو يشدها من شعرها :انتي بتعللي صوتك علية يابت شكلك نسيتي لما حلقتلك شعرك الظاهر لما طلع تاني نسيتي تحبي اقصوهلك تاني

واللا اقولك بلاش عشان العريس اللي جالك يرضى ياخدك

هاجر :عريس عريس مين

خالها:راجل من البلد بس ايه حيطلع على جتتك القديم والجديد اهو ده بقى اللي حيخليكي تكرهي نفسك وعيشتك كلها

هو مش كبير اوى يادوب مكمل الستين من ييجى تلت اربع سنين كده وعلى زمته تلاته وانتي حتبقى الرابعه وعنده يبحي عشر عيال وخلاص استكفى و كمان عمل حادثه من ييجي كام سنه خلته مينفعش يخلف تاني

 وهو بقى حيتصرف معاكي بكيفه

اه نسيت اقولك انه بصمجي لابيعرف يقرا ولا يكتب مش متعلم زيك

ثم اخرج لها صورته لترى مصيرها

فصعقت من رؤيتها له :لا لا والنبي ياخالي ابوس ايدك ورجلك لا مترمينيش الرميه دي خلاص خلاص انا موافقه اعيش خدامه عندك العمر كله بس بلاش الجوازة دي حرام عليكم كفايه اللي عملتوه فية ضرب وبهدله وقلة قيمه لكن كله الا اني اتجوز الراجل ده

على جثتي لا أنا الموت عندي اهون مش حتجوزه يعني مش حتجوزه

خالها:انا اديت للراجل كلمه خلاص وحتتجوزيه ورجلك فوق رقبتك

اه ونسيت اقولك انه حتى لو مات انتي مش حتخرجي من بيتهم وحتفضلي قاعده لان عندهم اللي تدخل البيت متخرجش غير على قبرها

قبرك اللي انتي حفرتيه بايديكي يابت اختي

ثم يرميها ارضا ويخرج من الغرفه

بينما تتوسل لزوجة خالها بصوت مبحوح من كثرة البكاء :ابوس ايدك يامراة خالي الله يخليكي قولي

 لخالي ميجوزنيش للراجل ده والنبي

هو انا مش زى بنتك ترضي لبنتك رميه زي دي

زوجة خالها:على عيني والله ياهاجر بس انتي عارفه خالك محدش بيقدر يكسرله كلمه ربنا يقويكي عاللي جاي

وتتركها فى الغرفه وتخرج

بينما تظل هي تلطم على وجهها وتندب حظها انا اللي استاهل انا اللي استاهل كان عقلي فين لما عملت فنفسي كده

ده انتقام ربنا مني فكل اللي عملته لما اتسببت فموت بنتي سما ولما فرقت بين اتنين مخطوبين ولما سمحت لنفسي اكلم واحد واهد بيتي عشانه وكمان اتنازل عن بنتي اللي خلاص مش حعرف اعوضها تاني اعوضها ازاي خلاص 

خلاص كل حاجه راحت خلاص

اااه اعمل ايه ياربي اااه

😎😎😎😎😎😎😎

بعد يومين زينه تملاء الشقه واغاني اطفال تنشر البهجه والسرور فى المكان السفرة معده باشهى انواع الحلوى والجاتوهات وتورته كبيرة عليها صورتها واسمها

يجتمعون جميعهم للاحتفال بهذا اليوم السعيد نعم فالليله عيد ميلاد دارين والذي اصرت سلمى على اعداد كل شئ بنفسها

وتم الاحتفال به فى شقة علاء  كما أرادوا

يجتمع عصام وابيه وعلاء ونيرة ومحمد وزوجته وأولاده وعدد قليل من الاهل والأصحاب

يجلسون جميعهم منتظرين خروج الأميرة الصغيرة التى جاءوا جميعا من أجلها

تخرج اليهم سلمى وقد البستها فستانا جميلا وكأنها عروس فى ليلة زفافها وحذاء مرصع بالورود وواضعه على شعرها تاجا جميلا كم كانت جميله حقا

تخطف القلوب بتلك الطله

سلمى:اميرتي الجميله القمر بتاعي

يقوم الجميع ويتهافتون على حملها

وخطفها من ايديهم

ثم يلتفون حول التورته لغناء اغنية عيد الميلاد وإطفاء الشموع

تقف سلمى وهي تحملها وبجانبها يقف عصام والجميع يلتقطون بعض الصور ويصورون بالفيديو تلك اللحظات الجميله

ثم يقدمون لها الهدايا التى احضروها لها فتقوم سلمى باخراج علبه بها سلسله جميله منقوش عليها اسمها فقد صاغتها خصيصا لها والبستها اياها

حبيبة قلبي كل سنه وانتى طيبه يا عروستي الحلوة

عصام :كتير اوى كده ياسلمى مش كفايه انك انتي اللي عملتي كل حاجه وكلفتي عيد الميلاد كله على حسابك كمان هديه وغاليه كده

ده كتير والله

سلمى وهي تحتضن دارين:مفيش حاجه كتيرة على حبيبة قلبي

كل سنه ودارين طيبه وعقبال ماتشوفها احلى عروسه فى الدنيا

عصام :ربنا يخليكي ياسلمى وعقبال مانفرح بيكي يارب واردلك جزء من جمايلك ولو اني مهما عملت عمري ماحقدر اوفيلك حقك

سلمى :عصام مفيش حد بيشكر ام على اهتمامها ببنتها دارين بنتي حتى لو مكنش بالنسب بس انا اللي بربيها وحتفضل فحضني لحد ماتبقى اجمل عروسه فى الدنيا

عصام :ان شاء الله يا سلمى ان شاء الله

بينما تتحدث غاده زوجة محمد الى نيرة

وانتي فى الشهر الكام يانيرة

نيره:فى الرابع ان شاء الله

غاده:ياحبيبتي ربنا يكملك على خير يارب

كان نفسي اوي اخدك لاخويا بس البشمهندس سبقنا بقى

نيرة :حبيبتي ربنا يكرمه باللي احسن مني مليون مرة والبنات الكويسين كتير والله

غاده: ان شاء الله يا حبيبتي طب بقولك ايه هي سلمى اخت جوزك دي مش مرتبطه دي امورة اوى وشكلها طيبه ومحترمه ايه رايك نشوفها لاخويا

نيرة :ايه سلمى

غاده :ايوة هي بصراحه عجباني واللا هي مرتبطه

نيرة بينها وبين نفسها:ودي حقولها ايه ان شاء الله

نيرة:لا سلمى مش مخطوبه بس مش عارفه الصراحه رايها إيه

غاده:خلاص انا حخللي محمد يكلم عصام وعصام يقول لجوزك تمام كده

نيرة:تمام اوي هو ده الكلام

بينها وبين نفسها:خليه يقولله على الله يتنحرر شويه ويحس انها حتضيع من ايده

احسن ده ابرد من لوح التلج

مش ناقص غير ان البنت الغلبانه تقف تصوت وتقولله بحبك يابجم ياللى مبتفهمش

اقسم بالله ده غلب عبد العال فريا وسكينه لما كانت تقولله اول اسم من اللي بحبه بيبدا بحرف العين يقوللها:

عحمد

يالهوي انت دخلت المطبخ امتى:من ساعة مالقيتك داخله وبتكلمي نفسك

ماله عبد العال

نيرة:هههههههه اصلي بحبها اوى المسرحيه دي

علاء:كلنا بنحبها طبعا

نيرة :اول اسم من اللي بحبه :عين

علاء:عين الصيرة

نيرة:عين عين عبدالعال عين

علاء:عوضين

نيرة:عين عيني عبعال عين 

علاء:طب انتي عاوزة البنطلون فحاجه

نيرة:طب انا سهالها عليك انا اول ماامي زلططني سموني سكينه انت سموك ايه

علاء:سموكي ولسه عايشه

نيرة:لاء سموني مش سمموني

انت سموك ايه

علاء:وربي اللي يقوللي ياسكيننه لخزجله عينيه

نيرة :واتسرونوم

علاء:عبد العال جرجاوي عوف عبد العال

نيرة :فهمتها بالانجليزى ومفهمتهاش بالعربي ياعبعال

علاء :كل واحد وعلامه

بس انا ايه جاب اسمي لحرف العين

نيرة:ده انت كل اسمك عين ياعبعال عبعال جرجاوي عوف عبعال

علاء ونيرة:ههههههههههه

تدخل عليهم سلمى المطبخ:وامسك عندك اتنين مبسوطين وصلحه

فيحتصنها علاء:حبيبة قلب اخوكي ربنا يفرح قلبك زى مابتفرحينا كلنا  ويطمني عليكي يارب

♥️♥️♥️♥️♥️♥️

بعد مرور عدة أيام فى احدى المستشفيات الخاصه يقفون جميعا خوفا عليها

بينما هو يدور ذهابا وايابا:يارب قومها بالسلامه يارب

على :متقعد بقى قرفتنا

عمر:خايف عليها يابني ادم انت  المفروض كانت تستنى شويه كمان

هاله :معلش ياحبيبي ماهما تواءم ومعروف التوائم بييجوا بدري شويه

عمر :ادعيلها ياماما انا خايف اوى

هاله :ان شاء الله حتخرج بالف سلامه

يخرج الدكتور ليعلن عن سلامتها 

الف حمد الله على السلامه

عمر :شمس كويسه

الدكتور:زي الفل وجالكم ولد وبنت زي القمر

عمر وهو يتنطط من الفرحه:بقيت اب انا بقيت اب

ثم يحتضن هاله:ابنك بقى اب ياماما جبتلك هاله الصغيره بس معلش بقى عشان تمشي عالموضه حنكتبها هلا لكن حناديها هاله

هاله :ياحبيبي ياعمر ربنا يباركلك فبها يارب وتشوفها احلى عروسه فى الدنيا

على:طب والولد حتسموه ايه

فيجدون من تاتي مسرعه:ادهم طبعا

على :واشمعنى ادهم يعني

إيمان :على اسم أدهم ابن عبيرسليم يابني يعني تبقى هي اللي كاتبه الروايه ومنسميش الولد على اسم ابنها انت عاوزها تزعل مننا حتى يبقى عيب والله 

صح يابيرو

😎صح ياقلب بيرو والله طلعتي اصيله ياموني مع اني قصرت معاكي ووشي منك فى الارض والله

إيمان :ميهمكيش ياقلبي انا عارفه انك اكيد شايلالي حاجه حلوة

♥️ربنا يقدرني وافرح قلبك يارب

إيمان :يارب يابيرو يارب

😎😎😎😎😎😎😎😎😎😎

الحلقه التاسعة من رواية

للعشق كلمته الأخيرة

الجزء الثاني من رواية شمس تتحدى الغيوم

بقلمي :عبير سليم

♥️♥️♥️♥️♥️♥️

يالها من أيام تمر علينا وتأخذنا فى دواماتها تلهينا وتشغلنا بها

فى افراحها تارة وفى احزانها تارة اخرى

 نعم فهي كفيله بأن تجعلنا ننسى ونتعايش معها

تلك هي الحياة وتلك هي الايام التى تأخذنا فى رحله لا نعرف متى ستنتهي وليس بأيدينا شئ، سوى الرضا بما تعطيه لنا وتمن علينا به

🌸فى منتصف الليل حيث السكون والهدوء التام يعلن هاتفه عن اتصال تليفوني

يفتح عينيه وينظر للهاتف سريعا :سيف فى ايه يابني

سيف :عهد تعبانه اوى ياعلي ومش عارف اتصرف

على:عهد تعبانه هي حتولد واللا إيه

سيف :أكيد مش عارف بص انت تجيلي حالا نوديها المستشفى انا مفييش اعصاب اسوق

على :طيب طيب خليها تجهز وانا حلبس وجايلكم حالا

مروة:فى ايه ياعلى رايح على فين

على:عهد الظاهر عليها حتولد

مروة:ياحبيبتى طب استنى حلبس واروح معاك

على :طب بسرعه يامروة الله يخليكي

بعد مرور القليل من الوقت فى غرفة الكشف

الدكتور :حالة ولاده حنجهز غرفة العمليات حالا

عهد :سيف انا خايفه اوى وحياتي عندك لو جرالي حاجه تخللي بالك من بنتي

سيف :لاء انتي حتقوميلنا بالسلامة ان شاء الله

الممرضه :ياللا ياحبيبتي البسي الروب ده

مروة:ياللا ياعهد البسي ياحبيبتي

بعد قليل تدخل غرفة العمليات

بينمايقف سيف وعلى ومروة منتطرين الاطمئنان على سلامة عهد

يخرج لهم الدكتور بعد مورو بعض الوقت ليبشرهم بأن الولاده تمت على خير ويبشرهم بمولوده جميله

بعد قليل فى احدى غرف المستشفى

على:ايه الطعامه دي ايه الجمال ده

شفتي يامروة البنوته قمر ازاي

مروة:طبعا قمر زى مامتها

ينظرون لعهد فيجدونها تبكي

سيف :حبيبتي بتعيطي ليه انتي تعبانه

على وهو يجلس بجوارها:افتكريها بالرحمه ياعهد ادعيلها ياحبيبتي هى دلوقتى فمكان احسن بكتير من اللي احنا فيه

عهد :كان نفسي تكون موجوده ياعلى كان نفسي اوى تشوف بنتي وتاخدها فحضنها عاليه وحشتني اوى ياحبيبتي يااختى

كانت دايما تقوللي نفسي اشوف ولادك ياعهد اهيه بنتي جت للدنيا بعد ماهي راحت خلاص

على :دي ارادة ربنا ياحبيبتى وياعالم مين فينا عليه الدور هي دي الحقيقه الوحيده اللي فحياتنا

ربنا يرحمها يارب وبجمعنا بيها على خير

عهد :يارب يارب اكرمها وارحمها واجعلها من أهل الجنة

سيف :عهد ياحبيبتي افرحي ببنتك اللي بقالنا كام شهر مستنيينها تيجي بالسلامه

بصي شوفيها جميله ازاي

عهد وهي تمسح دموعها وتنطر لها:ياروحي حمد الله على سلامتك ياقلبي

مروة:حتسموها ايه بقى

عهد :انا نفسي اسميها عاليا

على:مااحنا عندنا عاليا ربنا يخليها يارب ممكن نسميها اسم تاني

عهد :مش عارفه احنا متفقناش على اسم وقلنا حنسيبها لظروفها

مروة:ايه رأيكم نسميها ايسل

سيف :ايسل ده مين ده جيلاتي يعني

مروة:ايسل ياسيف مش ايس كريم

عهد :اسم حلو ايه رايك ياحبيبي

سيف :مادام عجبك خلاص ياحبيبتي ايسل ايسل وماله ايسل سيف حلو اسم جديد اول مرة اسمعه يارب بس منساهوش

على:ألف حمد الله على سلامتك ياحبيبتي

عهد:الله يسلمك ياحبيبي

يجدون من يفتح عليهم الباب ويدخلون

على:اهلا اهلا بالتلفزيون

شاكر وهاله ويزيد وعمر:الف حمد الله على السلامة

شاكر :الف حمد لله على سلامتك ياحبيبة قلبي

عهد:الله يسلمك ياعمو حضرتك تعبت نفسك ليه بس

شاكر :وانا عندي اغلى منك اتعبله ياعهد

هاله :حمد الله على سلامتك يا عهوده

عهد :الله يسلمك ياطنط

يزيد :حمد الله على سلامة حبيبتي الصغيرة

عهد :الله يسلمك يا ابيه ربنا يخليك لية

عمر:حمد الله على سلامتك ياست البنات

عهد :الله يسلمك يا عمر

هاله وهي تحمل الصغيرة:بسم الله ماشاء الله الله اكبر سميتوها ايه

سيف :استني كده اما افتكر اللهم صل عالنبي اسمها ايه

عهد:بس بقى متبقاش بايخ اسمها ايسل

شاكر :مين يعني ايه ده

سيف :شفتوا بقى قلتش حاجه انا اهوه بدات التريقه

مروة:هى دي الموضه يابابا

شاكر :موضة ايه وبتاع ايه فين اسماءنا الحلوة عائشه فاطمه خديجه وفاء 

مروة :يابابا دي اسماء خلاص راحت من زمان

عهد:خلاص يامروة حغير الاسم ده مادام معجبش عمو الاحبيبي

مروة :طب ايه رأيكم في أسيل

عهد:جارتي مسميه بنتها أسيل

عمر :سموها كارمن

يزيد :كارمن واللا هاندي هي علبة مناديل يابني

هاله :طيب إيه رأيكم فى اسم مرام

عهد :إيه رايك ياعمو

شاكر وهو انا اقدر اقول حاجه بعد هاله حبيبتي

مروة :ياسيدي ياسيدي كلمة ماما لا ترد

ايه رايك ياابو العروسه

سيف :اه اسم مرام حلو

اهلا بيكي يامرام نورتينا ياقمر

يزيد :المهم كبرتلها يافالح واذنتلها

سيف وهو يخبط على جبهته:اخ نسيت

يحملها ويؤذن ويكبر لها

يأخذها شاكر ويدعو لها الله ان تكون من الصالحين

اخذوا يتبادلون حملها وهم فرحون بمجئ فرد جديد فى هذه العائله

شاكر:حتخرجوا امتى ان شاء الله

سيف :على اخر النهار بأمر الله

شاكر :تعملوا حسابكم حتيجوا عالفيلا

على:بعد اذنك ياعمى انا عاوز عهد تيجي عندي

شاكر :ليه يابني بس بيت عمها مفتوحلها تنور هي وجوزها وبنتها

على:ياعمى مش كفايه عليكم عليا وسليم وادهم وهلا

كمان مرام ده كده حتقلب على مستشفى الشاطبي بجد

لا كفايه عليكم كده حرام بجد

مروة:ايوة يابابا انا عاوزة عهد عندي

شاكر:خلاص ياحبايبي اللى يريحكم المهم ان القمر دي جات بالسلامه

يزيد :امال حنين مراة سامر ايه اخبارها هي كمان

سيف :لا حنين فى اول الحمل لسه بدري قدامها رحلة سفر

يزيد :ربنا يزيد ويبارك يارب

♥️♥️♥️♥️♥️♥️

بعد مرور عدة أيام

يتحدث محمد الى عصام:خليك قاعد تبكي على الاطلال لحد البنت ماحتروح من إيدك

انت ايه يااخي مستني ايه عشان تتكلم حرام عليك

دى غاده قرفاني كل شويه تقوللي كلم عصام يكلم جوز اخته البنت عاجباني

طب اقولها ايه انها بتحب عصام و البعيد اعمى مبيشوفش

دي عينيها حتنطق بحبك بص شوف الصور اللي اتصورتوها فعيد الميلاد اب وام وبنتهم

الحقها ياعصام هي لو صبرت النهارده مش حتصبر بكرة البنت مسيرها ييجي يوم وتزهق مش حتفضل مستنيه سمو البرنس العمر كله

انانصحتك بدال المرة الف عشان متجيش وتعيط ياعصام

عصام :خايف يامحمد خايف اوي

محمد :من خاف ندم ياعصام وشكلك حتندم ندم عمرك كله

ولو خسرت سلمى عمرك ماحتقدر تعوض حبها ليك ولا لبنتك

🌺تدخل الشركه وهي بكامل اناقتها متوجهه نحو مكتبه مباشرة

تقف امام منى لتدخلها له

منى:نورتي الشركه يادكتورة نادين ثانيه واحده أبلغ البشمهندس

تدخل له :بشمهندس يزيد

يزيد :ايوة يامنى

منى:دكتورة نادين برة

يزيد :خليها تتفضل

يزيد :منى كمان شويه ايمان حتجيب التصميمات اشوفها خليها تدخل على طول عشان مفيش وقت

لازم تتسلم للمهندس فى الموقع

منى:حاضر يابشمهندس

تدخل إليه :صباح الخير يا يزيد

يزيد :صباح النور ازيك يانادين عامله ايه

نادين :الحمد لله والله ولو اني زعلانه منك

يزيد :زعلانه مني انا ليه

نادين :مبقتش بتيجي تتابع الشغل فى المستشفى نهائى هي المستشفى مبقتش فى اهتماماتك خلاص

يزيد :لا والله الموضوع مش كده كل الحكايه ان خلاص المباني خلصت وبالنسبه للتشطيبات والديكورات فده دور علي هو قصر فحاجه

نادين :لا طبعا البشمهندس على قايم بشغله على اتم وجه لكن وجودك انت كانت حاجه تانيه خالص وجودك كان مهم اوي بالنسبه لي

يزيد :متشكر اوى يانادين دي ثقه انا اعتز بيها بس والله مش فاضي الشغل كتير وحتى مبقتش ألاقي وقت اروح مواقع

نادين :ايوة بس انا أكيد حاجه تانيه

يزيد :حاجه تانيه ازاي يعني

نادين :يزيد انا محتاجه أتكلم معاك شويه بعيد عن جو المكاتب والمواقع ممكن تقبل عزومتي عالعشا فاى ممكن تختاره

يزيد :نادين أنا

يقطع كلامهم طرق ايمان على الباب وفتحه

صباح الخير يا بشمهندس

يزيد :صباح الخير ياايمان تعالي

تدخل إيمان دون ان تعير نادين اي اهتمام ولم تحاول النظر اليها مطلقا. بينما كانت تتحدث ليزيد فقط وتريه التصميمات وتأخذ رأيه فيها قبل ان تسلمها للمهندس الذي سياخذها الى الموقع

يزيد :ايه ده ياايمان هو فين عمر

إيمان :لسه مجاش يابشمهندس

يزيد :لسه مجاش لحد دلوقتي ليه

إيمان :هلا تعبانه شويه وهو قاعد بيها

يزيد :نعم ده على أساس انه فى اجازة وضع واللا إيه

ايه الكلام الفارغ ده هلا تعبانه الف سلامه عليها بس مامتها تقعد بيها لكن هو ينزل شغله

مش يرمي كل حاجه على غيره من غير اي اهتمام

إيمان :قللي طيب يابشمهندس ايه المشكله ونحاول نعالجها

هو انا صحيح مليش في التصميمات بس حنتصرف اكيد

يزيد :وليه ياايمان ليه كل حاجه على دماغك كده كتير يعني انتي دلوقتي بقيتي شايله شغل اربعه شغلك وشغل سيف اللى بقى بييجي يوم ويوم لاء وشغل شمس وشغل عمر  ليه يابنتي هواحنا على رايك شاريينك من سوق العبيد

إيمان :عادي والله يابشمهندس انا معنديش اي مشكله وبعدين هو انا ورايا ايه يعني اديني بسللي نفسي

قامت نادين بالتحدث والدخول فى الكلام :موركيش حاجه ليه ياحبيبتي هو انتي مش متجوزة وأكيد لازم تفرغي وقت للاهتمام بجوزك

إيمان :لا والله حضرتك انا مش، متجوزه

نادين :ازاي الكلام ده بس انا لما شفتك فى الفيلا قبل كده عرفت انك متجوزه

إيمان :اطلقت حضرتك

نادين :ياحرام لا زعلتيني والله بس عالعموم اكيد حتلاقي حد احسن منه انا شايفاكي حلوه وجميله ومهتميه بنفسك

فأكيد حتلاقيلك حد هنا فى الشركه يكون ظروفه زى ظروفك يتجوزك

إيمان :وايه دخل حضرتك فى حاجه زي دي اتجوز واللا متجوزش ايه دخل حضرتك

نادين:سوري ياحبيبتي انا مقصدش اضايقك طبعا كل الحكايه انك صعبتى علية مش اكتر

إيمان :ميصعبش عليكي غالي يادكتورة وبعدين مش حضرتك بردو انتي كمان ارمله ومش متجوزة الاولى انك تروحي تدوري لنفسك على عريس بدل مانتي شاغله نفسك بغيرك

وياريت يكون هو كمان ظروفه زي ظروفك 

بشمهندس يزيد انا حظبط كل حاجه نص ساعه وتكون التصميمات اتظبطت عن اذن حضرتك

تخرج ايمان دون ان تتحدث بكلمه اخرى

بينما كادت نادين ان تنفجر من الغيظ:ايه البنت دي ازاي تشغل عندك اشكال زى دي

دي قليلة الادب ومبتعرفش تحترم اللي قدامها هي فاكرة نفسها مين ده انا ممكن

يزيد :دكتورة نادين ايمان ماعملتش حاجه غلط ولا اساءت ليكي هي ردت على كلامك ليها مش اكتر

وايمان محترمه ومفيش حد يقدر يقول غير كده ولا يجيب سيرتها بكلمه

وعلى فكرة اذا كان فى حد غلطان يبقى انتي مش هيا

نادين :انا اللي غلطانه معقوله دي وانا اللي قلت انك حتهزاها وتعاقبها كمان على ردها علية

يزيد:انا مرضتش اتدخل فى الكلام مابينكم لأني كنتي منتظر اشوف الموضوع حيوصل لفين ولو كنت لقيت تطاول اكيد كنت حتدخل لكن بالعكس ايمان اتعاملت معاكي بمنتهى الاحترام والادب وانتي اللي مراعيتيش ده

نادين :انا مقصدتش والله اضايقها بالعكس دي صعبت علية بس يمكن انا أكون أخطأت فى التعبير مش اكتر

بليز متزعلش مني انا بجد متأسفه

يزيد :انتي معملتيليش حاجه عشان تعتذري لي

نادين :خلاص اوكيه لو حابب اعتذرلها معنديش مانع

يزيد :ايمان اكبر من كده و مفتكرش انها مستنياكي تعتذريلها بس ياريت بعد كده تتعاملي مع اللي حواليكي باحترام اكتر من كده وتراعي مشاعرهم كويس

نادين :أكيد طبعا طب ايه كنت بقولك عاوزة اقعد معاك نتكلم في اى مكان انا بجد بقيت بتعلم منك حاجات كتير اوى ومحتاجه اعرفك اكتر من كده

يزيد :والله اليومين دول صعب بجد انا زى مانتي شايفه مشغول جدا

نادين :مادمت رفضت تبقى لسه زعلان

يزيد :لا انا مش زعلان ولا حاجه بس صدقيني مش فاضي لما افضى نبقى نقعد ونتكلم

نادين :وعد 

يزيد :اكيد طبعا

نادين :طيب انا حمشي دلوقتى وحبقى اكلمك ونتفق 

يزيد :ان شاء الله مع السلامه

تخرج من المكتب بينما هو يقوم ويذهب لايمان ويبحث عنها فيجدها فى مكتب احد المهندسين

إيمان :ايوة يابشمهندس

يزيد :بتعملي ايه هنا

إيمان :ابدا بس كنت جايه لهشام يظبط معايا التصميمات ملقتهوش فهاني بيساعدني

يزيد :طب تعالي ورايا عاوزك

فى مكتب يزيد 

يزيد :إيمان انا آسف

إيمان :آسف على ايه يابشمهندس

يزيد :على اللي حصل من نادين

إيمان :محصلش حاجه والله هي كلمتني وانا رديت عليها بنفس طريقتها انسانه متعجرفه وفاكرة نفسها فوق كل البشر

وديني ومااعبد لو ماكانت قاعده متلقحه فمكتبك لكنت مسحت بيها بلاط الشركه بس انا عملت حساب لحضرتك

ال ايه شوفيلك عريس

عرسه لما تاكلها البعيده والله شكلها هيا اللي عماله تدور على عريس ومحدش معبرها

يزيد :ياشيخه حرام عليكي هي دي محتاجه بردو تدور على عريس دي مال وجمال وعيله ونسب

يعني كامله من كله زي مابيقولوا

إيمان :والله شوف ازاي طيب عالعموم هي اصلا شكلها واقعه فيك ياباشا وجايه تطلب الرضا والسماح

يزيد :مني انا

إيمان :لا من مجدي انت حتعملهم علية

دي واضحه زى الشمس ياباشا

يزيد :مش معقوله يابنتي انتي بتقولي ايه بس هي أكيد مظبطه نفسها مع حد من علية القوم

إيمان :علية القوم ده مين هي اصلا تطول انك تبصلها واللا ايه ده انت الباشا بتاعنا

وبعدين مالك مبتسم كده ليه مشوفتكش يعني من زمان فرحان كده لتكون فرحان وليه لاء

ماهي قيمه ومركز ووظيفه ميري

يزيد :تعرفي انا ايه اللي مفرحني بجد

إيمان :ايه ياباشا

يزيد :انك رجعتي لنا تاني ياموني 

 كنت مفتقد ضحكتك وشقاوتك فى الكلام حمد الله على السلامة يا ست الكل

ايمان :دي حلاوة روح يابشمهندس مش اكتر اديني بحاول اثبت لنفسي اني لسه عايشه عشان بابا وماما وكل الناس اللي حواليه ميشيلوش همي

 انما انا من جوايا حسه اني بقيت متكسرة ستين حته

يزيد :لسه بتحبيه وزعلانه عشان خسرتيه اوي كده ياايمان

إيمان :انا زعلانه عشان صدقت نفسي انه بيحبني زى ماكنت بحبه خيبتي فيه كانت خيبه كبيرة اوى

انا كنت مراهنه قلبي عليه انه عمره ما حيقدر يجيله قلب ويبعد عني

لكن ياخسارة خسرت الرهان

انا قلتله عمري ماحقدر احب حد زى مابحبك ولاوحقدر أشوف حد زى مابشوفك واني عمري ماحقدر اسبيبك مادام انت  مسبتنيش

 لكن ياخسارة اهو سابني وباعني

سابني وراح ياهوا كلي جراح مالهوا سابني تعبت وهو ارتاح ارتاح ياهوا

يزيد :هههههه ايمان انتي ملكيش حل وربنا هو انتي فايه واللا فايه

إيمان :بضحك على خيبتي يابشمهندبس

يزيد : بس هو حاول معاكي كتير ياايمان متنكريش وحتى بعد الطلاق حاول يكلم باباكي كذا مرة

ايمان :بعد ايه بعد مانفذلي طلبي مستعجل اوى طب كان يستنى شويه كان يتمسك بية لكن هو كان بيراضي ضميره مش اكتر

انا حببته اوى حبيته حب عمر مافى حد يقدر يتخيله لكن انا كنت ايه بالنسبه له الله اعلم

يزيد :متزعليش منه باايمان اعذريه

إيمان :خلاص يابشمهندس هو بالنسبه لى بقى خلاص كان في وخلص

وربنا يحققله حلمه اللي بيتمناه انا بردو منكرش اني عشت معاه اجمل ايام حياتي وجوايا ذكريات تقدر تشبعني العمر كله

يزيد :ايه الكلام ده بكرة ربنا ويعوضك بالاحسن منه مليون مرة

إيمان :ان شاء الله على راي ماما بكرة يجيلي واحد ساحب وراه عيلين تلاته عشان اربيلهومله

 والاقى نفسي بقيت خدامه برتبة زوجه لا يابشمهندس خلاص جبرنا كفايه اوى لحد كده انا حعيش لنفسي وبس ححاول اسعد نفسي على اد مااقدر ومش عاوزة حاجه تانيه اكتر من كده

يزيد :ايه الكلام الفارغ ده انا مش حسمحلك تقولي الكلام ده تاني انتي ست الكل والف مين يتمناكي انتي مقامك كبير اوى عندي انتي متعرفيش انتي ايه عندنا ياايمان

ايمان وهي تمسح دموعها:سيبك بقى بلا هم

وعلى فكرة انا كمان مبسوطه انك خرجت نفسك من الحزن اللي كنت  معيش نفسك فيه

يزيد :بتعايش ياايمان حعمل ايه اديني بحاول اتكيف لكن قلبي بينزف بحبها ومش قادر يبطل يدقلها

إيمان :ياااه شوف الفرق انت مخلص لحبيبتك اللي بقت تحت التراب وغيرك بيبيع حبيبه اللي بين احضانه

يزيد :ربنا يرحمها يارب المهم خلاص مش عاوزك تضايقي نفسك ماشي

إيمان :من اللى اسمها نادين دي قطيعه تقطعها عارف لو شفتها عندك تاني وديني لخلى مقام الكلب اكبر من مقامها

يزيد :ههههههه انتي بتجيبى الكلام ده منين

ايمان:من سماح تصدق انها وحشتني اوى ونفسي اشوفها بجد

غيابها عني واجعني اوى كنت بحبها اوى عسل وسكر

يزيد :محاولتش تكلمك او تصلح بينكم

إيمان :حاولت والله بس انا عاذراها بردو هي ام ونفسها تشوف ولاد ابنها

انا متاكده انها بتحبني بس اكيد بتحب ابنها اكتر

😎😎هي مين دي اللي بتحب ابنها اكتر ياعنيه ده انا اروح اجيبها من شعرها بت الجذمه دي قطيعه تقطعكم انتوا واللي مخلفكم فى ساعه واحده جاتكم الهم عيله نكد

بسمه: فى ايه بس ياماما يعني هي غلطت في ايه بس انا مش فاهمه مش ابنها صغير وخايفه عليه من العدوى

سماح:عدوى عدوى من ايه يابت الجذمه هو انا كان عندي جرب خايفه اعديه واللا ايه

مكنوش شوية برد دول واللا يكونش عندي انفلونزا الطيور

جاتكم الهم ياخيبتك فعيالك ياسماح التاس خيبتها السبت والحد وانا خيبتي فولادي ماوردت على حد

قومي يابت غوري انتي كمان  من هنا مش عاوزة اشوف وش حد فيكم جاتكم الهم

راحت الغاليه وسابتكم لية

فينك ياايمان ياحبيبتي وحشتيني كده بردو متساليش عني بس انا عاذراكي ياحبيبتي حقول ايه سبحانك يارب

بقى ولاد الجذمه دول يخلفوا ويبقوا بني ادمين وانتي لاء ياحبيبتى ال ايه خايفه على ابنها من امها وانتي ياختي مش خايفه عاللي فبطنك جتكم الغم

لا والله مانا قاعده فيها انا لازم اتصل باخوكم يتصرف انا زهقت خلاص والا وربي لاطفش ومحدش يعرفلي طريق

انتي لسه قاعده قومي ابت غوري

بسمه:تصدقي ان بابا معاه حق انه سايبك ونايم علطول

سماح:ياخي ان شالله تنام عليكم حيطه كلكم

بسمه وهي تحضنها :طب متزعليش ياسموحه ده انتي حبيبتي والله

سماح :وانتي كمان حبيبتي ياجذمه والواد اياد وحشني اوي

والحمد لله انها مجابتهوش وجت احسن الواد يتعدى مني واللا حاجه يالهوي ده انا كنت اموت فيها

بسمه:ياحبيبتي ياماما ياعسل انتي

💙والله انتي عسل ياسموحه

سماح :ماعشان انتي عسل احنا كمان عسل يابيرو

بس انا اتخنقت من الراجل اللي نايم ده

متفوقيه يقوم يتلقح معايا شويه

💙اعمل ايه بس ماهو ملوش دور فى الروايه

سماح :بس انا زهقت اوى والبت ايمان سايبالي فراغ كبير

وعلى راي سي عمرو دياب سبت فراغ كبير عندي والله حبيبي

💙اصبري انا محضرالك مفاجأة حلوة حتعجبك

سماح:بجد ايه حتفوقي الراجل من غيبوبته

💙لا ده سيبك منه خالص وارمي طوبته انا حفسحك يااختي وانا كمان ممكن اروح معاكي اصلي طهقت وزهقت من العيال وابوهم

كل مااجي اكتب كلمتين فى ام الروايه دي الاقي الطلبات بدأت حاجه تخنق

ايه رايك اخدك ونطفش شويه واكملها بقى وارتاح

سماح:موافقه طبعا يا قلبي بس اوعي ترجعي فكلامك

💙عيب عليكي ده انتي حبيبتي ياموحه

😎😎😎😎😎😎😎

تتحدث فى التليفون الى اختها بعد خروجها :بقى انا يحرجني بالشكل ده عشان الجربوعه دي

ويقوللي انتي اللي غلطانه ده انا كنت ماسكه نفسي بالعافيه انا كنت عاوزة اديها قلمين على وشها والله لعرفها مقامها الحيوانه دي

ليلى:نادين انا بقول تطلعي يزيد من دماغك لانك شكلك كده بتضيعي وقتك عالفاضي معاه

فى كتير اوى يتمنوا لك الرضا

نادين :لا بقى انا مش حشيله من دماغي ويزيد مش حيكون غير لية ووقتها حطردها بنفسي الكلبه دى

بعد مرور اكثر من شهر

تنتظر عودته بفارغ الصبر وهي مابين الخوف والتمني

الخوف من بطشه وامنيتها بأن يفرح بما اعدته له من مفاجأة

يفتح الباب فتجري عليه وتحتصنه:آدم حبيبي ألف حمد الله على السلامة

آدم :الله يسلمك ياقلب ادم

وحشتيني اوى اوى

مياده:هو انا وحشاك كده على طول

آدم :طبعا ياقلبي انتي بتوحشيني حتى وانتي معايا

مياده:حبيبي ربنا يخليك لية

غمض عينيك كده

آدم :ليه

مياده:محضرالك حتة مفاجأه حتفرحك اوي

يغمض عينيه فيشعر بيدها وهي تضع يده على بطنها

آدم :انا حامل

تتغير ملامح وجهه بنسبه مائه وثمانين فى المائه:انتي بتقولي ايه

مياده :بقولك حامل ياحبيبي حتبقى اب ياادم اظن مفاجأة جميله مش كده 

آدم :مفاجاةزفت على دماغك ايه اللي انتي بتقوليه ده حمل ايه وهباب ايه

مياده :ادم معقوله زعلت انا قلت انك حتفرح اوي وحتخللي جوازنا رسمي

آدم :ههههههههه رسمي

يمسكها من شعرها بقسوة لم تعهدها منه من قبل:هو انا مش منبه عليكي

مفيش حمل

مياده:اه سيب شعري ياادم حصل غصب عني انا اتفاجئت بيه

ادم :تمام اوى يبقى ينزل ياقطه

مياده:انت بتقول ايه لا طبعا انا مستحيل انزله

آدم :خلاص ياحلوة تبقي شيلي الليله كلها بقى

مياده :ليلة ايه اللي اشيلها انت قصدك ايه

ادم:قصدي اني لا اعرفك ولا اعرف اللي فبطنك ده ابن مين

مياده :انت اتجننت انت عاوز تتنكر لابنك انت نسيت اني مراتك ومن حق الطفل اني انسبه ليك

آدم :لما تبقي تثبتي بقى اوعي تكوني فاكرة انك بتلعبي على واحد برياله انتي لامراتي ولا اعرفك بصي بقى ياحلوه خلاصه الكلام حتنزلي اللي فبطنك حنكمل مع بعض زى مااحنا وحتفضلي مراتي حبيبتي اللى مش حارمها من حاجه

وخليتها هانم بعد ماكانت جربوعه

حتركبي دماغك تبقي لا مراتي ولا اعرفك انتي فاهمه واللا لاء

وانا سايبلك البيت وماشي

مياده:لا ياادم متقلش كده  انا بحبك اوى وانت بتحبني ومش حهون عليك تعمل فية كده

ادم:اذا كان هان عليكي اهلك اللى خلفوكي وربوكي وخلوكي بنى ادمه تخونيهم تبقي مش حتهوني عليه فوقي لنفسك ياحلوة انتي ارخص من اني اشتريكي يامياده

ثم يبعدها عنه فتقع ارضا وتنهار من البكاء

💙

أحسن انا فرحانه فيكي الصراحه جاتك الارف تستاهلي اللي بيحصلك

😢😢😢😢😢😢

تحاول اسكاتهم فهم يبكون بكاء شديدا

شمس:بس ياروحي بس ياهلا خلاص ياادهم ياحبيبي 

سناء :ياحبايبي ياولادي

شمس :مش مستحملين ياخالتو التطعيم تاعبهم اوى

سناء :طب مش هما قالولك فى الوحده تعملي ايه

شمس :قالولنا كمادات وبارامول

تدخل عليهم هاله ومعها الكمادات:هاتي هلا ياشمس احطلها الكمادات

تعالي ياحبيبتي دي سخنه

سناء :معلش ان شاء بكرة يبقوا زى الفل

كانت سناء تحمل سليم :ياحبيبي انا حسه ان سليم كمان دافي شويه

هاله:ياربي ليه بس ماكان كويس والله الولاد دول صعبانين علية اوي مبيلحقوش بيفوقوا

سناء :هما الولاد الصغيرين كده كل يومين تعبانين

شمس :ادهم ياحبيبي انتي تعبانه ياروحي معلش ياقلبي

هاله :شمس هي ايمان مش جايه

شمس :هى مكلماني من شويه واكدت عليها تيجي

هاله :والله تاعبنهامعانا اوي رلنا يكرمها يارب

سناء :ربنا يعوضها خير ان شاء الله

😑😑على فين ياايمان

إيمان :رايحه لشمس ياماما

أمها :ليه ياايمان

إيمان :ولادها اطعموا النهارده وتعبانين اوى وكمان عليا وسليم تعبانين هما كمان

أمها :وانتي بقى بقيتي البيبي سيتر بتاعتهم مش كده

إيمان :إيه الكلام اللي بتقوليه ده ياماما

امها:ايمان فوقي اللى انتي بتعمليه ده مينفعش انتي فاهمه انتي وضعك اختلف انتي مطلقه عارفه يعني ايه

يعني مل خطوة محسوبه عليكي

خروجك كل شويه ده مينفعش محدش بيسيب حد فحاله وكلام الناس مبيرحمش

وبعدين هو البيت ده مش فيه شباب يزيد ده مش مراته ميته ازاي تسمحي لنفسك انك كل يوم عندهم بالشكل ده خللي عندك كرامه

 ياشيخه عاوزاهم يقولوا  عليكي ايه هاه بترمي شباكك عالراجل

إيمان :ماما ايه اللى بتقوليه ده

معقوله بتقولي على بنتك الكلام ده

امها:اقولهولك انا احسن ماتسمعيه من غيري وعلى راي المثل يابخت من بكاني وبكى علية ولا ضحكني وضحك الناس علية

انا عارفه اخلاق بنتي لكن غيرى مايعرفش والناس ملهاش الا الظاهر واديكي شفتى لما عصام ساب صاحبتك قبل الفرح الناس قالت عليها ايه وهي كانت لسه بنت

لكن انتي بقى خيبتك تقيله

ايمان احنا طول عمرنا عايشين وراسنا مرفوعه

إيمان :وانا عملت ايه يخليكم توطوا راسكم ياماما معقوله تشكي فاخلاق بنتك

امها:انا اللي حعمل ياايمان مش انتي اعملي حسابك من النهارده مفيش مرواح عند شمس انتي فاهمه

مااحنا مش حمل كلام الناس يابنتي

تدخل ايمان سريعا الى غرفتها وتبكي على حالها

💙

معلش بقى ياجماعه عاوزة ادخلها اطيب خاطرها بكلمتين امها دي ست فقر

ايمان موني ياحبيبتي حقك علية متزعليش

إيمان :كده بردو تخليها تقوللي الكلام ده بقى انا كده مانتي عارفاني وعارفه اخلاقي كويس

💙وهو فى حد يعرفك ادي بردو ياموني متزعليش مامتك معاها حق محدش بيسيب حد فحاله ومجتمعنا حيفضل ينظر للمراة المطلقه نظرة مش كويسه

إيمان :خلاص انا حريكم كلكم مني

💙حتريحينا ازاي يعني

إيمان :بكرة تعرفوا

💙نعم ازاي يعني امال مين اللي حيعرف يخرببيتك انتي عاوزة تخططي وترتبي من ورايا ده انا بقى  يبقى مليش لزمه فى ام الروايه دي

إيمان :اعمل ايه بقى مانا زهقت

💙

يابت اهدي مش قلتلك حعوضك اصبري على رزقك

إيمان :لاء ياعبير انا خلاص جبت اخري انا قررت مش قاعده خلاص انا حسيلهم البلد كلها وامشي

 حشوفلي عقد عمل فاي دوله واسافر وارتاح من الكل واريحهم مني 

💙يخرببيتك حتبوظي تخطيطاتي ياسوادك ياارمط

ياسنه سوخه ياولاد

اهدي ياحبيبتي كده وصللي عالنبي

لا مش حينفع كده لازم اتصرف اه ال تسافر ال

😭😭😭😭😭😭😭😭😭😭

الحلقه العاشرة من رواية

               للعشق كلمته الأخيرة 

الجزء الثاني من رواية

              شمس تتحدى الغيوم

بقلمي :عبير سليم

🌺🌺🌺🌺🌺🌺🌺🌺

فى شرم الشيخ حيث الطبيعه الساحرة والجو الهادئ الذي ينعش النفوس ويبعث فيها التفاؤل والأمل

يتنقل فى المكان بحثا عنها فلقد تعود على وجودها فى حياته إلى حد كبير

ولقد ساعده وجودها بجانبه وساهم في  بداية التخلص من أحزانه والتكيف مع الواقع الذي يحياه

ولكنه حتى الآن لم يتقبل بعد فكرة ابعاد زوحته عنه لم يستوعب بعد فكرة انفصالهما

ولكن لم يعد بيده شئ فلقد خرج كل شئ من بين يديه

هي راحت فين بس دي كانت لسه هنا وتليفونها مقفول

ايه ده مش هيه اللي واقفه هناك دي ومين ده اللي هي واقفه معاه

يتحرك ناحيتهما فيسمعها تتحدث الى ذلك الشخص وتضحك معه

فينادي عليها:ماسه

تلتفت للصوت :حسن

حسن وهو ينطر لذاك الشخص الذي تتحدث اليه :لقيتك اختفيتي فجأة قلقت عليكي

ماسه :انا هنا بتكلم مع مروان

اه صحيح غبيه انا نسيت اعرفكم على بعض

مروان عبد الغفار ملحق سياسي فى السفارة المصريه فامريكا وباباه صاحب شركات سياحيه وصاحب بابي 

حسن مدير اعمال بابي وماسك كل شغله

مروان وهو يمد يده له:اهلا وسهلا اتشرفت بمعرفتك 

حسن :الشرف لية حضرتك 

مروان:تمام ياماسه خلاص كده الامانه وصلت اهيه وان شاء الله اشوفك تاني على خير

ماسه :ميرسي اوي يا مروان وابقى سلمى على انكل لحد مااشوفه ان شاء الله

مروان :ده أكيد طبعا انتي عارفه غلاوتك عنده بيعتبرك زى ماهي بالظبط

ماسه :ربنا يخليه يارب

مروان وهو يمد يده لها:طيب مش عاوزة حاجه تاني

ماسه :منحرمش منك يارب

يسلم على حسن مرة اخرى ويمشي بينما كان حسن لايفهم شيئا مما يدور بينهما

حسن :هو في ايه ياماسه ومين ده

ماسه :ده ياسيدي يبقى ابن واحد صاحب بابي زى ماقولتلك وهو كان موجود فى السفارة بامريكا وبابي بيعمللي التوكيل وساعدنا نخلص الاجراءات بسرعه

وهو نزل زيارة مصر وبابي بعت معاه علاج لاونكل بابا البشمهندس يزيد عشان اوصلهوله

حسن :علاج ايه وتوصليه لمين انا مش فاهم حاجة

ماسه :افهم ياحسن البشمهندس يزيد طلب من بابي علاج لباباه مش موجود غير فى امريكا وبابي المفروض كان حينزل خلاص بس مش عاوز ينزل غير لما يطمن بشكل نهائى على ياسين فبعتهولي مع مروان عشان انا اوصله ليزيد

 حسن :افهم من كلامك انك حتنزلي اسكندريه ياماسه

ماسه :ايوة ياحسن

حسن :بس انا حخاف عليكي تنزلي لوحدك

ماسه :متخافش علية مش حتوه بقولك إيه تحب تنزل معايا

حسن :انزل معاكي

ماسه :وليه لاء مش مامتك كلمتك من يومين وقالتلك انها عاوزاك تعالى انزل معايا وروحلها ونرجع سوا ايه رايك

حسن :فكرة حلوة خلاص تمام وانا موافق اظبط الشغل بس وننزل على طول

ماسه :مش محتاجه تظبيط ولا حاجه احنا حنقعد يوم واحد بس ونرجع

حسن :خلاص تمام

ححجز وابلغك بالمعاد

ماسه :تمام وانا حجهز نفسي

🌺🌺🌺🌺🌺🌺🌺

 أخيرا لقد أسعدها الحظ لتنال ماتمنت وسعت إليه فها هي الآن تجلس أمامه وهي بكامل انوثتها نعم فما لايستطيع أحد انكاره انها انثى بكل ماتحمل الكلمه من معنى ولكن هل هذا وحده يكفي؟

ايكفي الجمال والاناقه والاصل الراقي بأن تكون لها السطوة على قلوب الآخرين

للبعض نعم تلك السمات كافيه لتجعلها قادرة على اكتساب قلوبهم بل وهم من يسعون لذلك قد يكون لأنهم مغرمون بهذا النوع من النساء

وقد يكون لرغبتهم في التباهي بهم فى وسط المجتمعات الراقيه

ولكن مع البعض الاخر فهذا الامر لا يعني شيئا

فما حال رجلنا اذن فنحن نعلمه جيدا ونعلم من هو وكيف يفكر

ولقد حاول كثيرا الافلات منها ومن تلك المقابله التي سعت إليها مرارا وتكرارا

ولكنها تحاوطه من كل ناحيه وامام اصرارها الشديد اضطر للموافقة على رغبتها فى الجلوس معها للاستماع لما تريد

وها هو يجلس امامها الآن فى أحد الفنادق

فى حال انتطار بدء الحديث ومعرفة ماهية الذي تريد التحدث فيه

يقرر هو البدء فى الحديث:

مش قلتيلي انك محتاجه تتكلمي معايا فى موضوع مهم ليه ساكته من وقت ماقعدنا

نادين :صدقني لو قلتلك اني كنت محضرة كلام كتير اوى اقولهولك وأول ماشفتك قاعد معايا نسيت كل حاجه

يزيد :ههههه وده ليه بقى

نادين :تعرف ان ضحكتك حلوة اوي

يزيد :شكرا يانادين ده من ذوقك

نادين :مش ضحكتك بس كل حاجه فيك جميله اوي انت عارف يايزيد انا شفت رجاله كتير وفي كتير حاولوا يتقربوا مني خصوصا بعد وفاة جوزي و طبعا كلهم مستويات عاليه جدا ومناصب كمان لكن مش عارفه ليه محدش فيهم لفت انتباهي مفيش حد غيرك يايزيد اللي شغلني بيه لدرجة اني بقيت ليل ونهار مبفكرش غير فيك

يزيد :أنا  ده شرف لية يانادين ودي حاجه تسعدني أكيد

نادين :يعني انت حاسس باللي انا حاسه بيه يايزيد

يزيد :حاسس نادين انا بعدوفاة مراتي فقدت اي احاسيس فى الدنيا

نادين :الدنيا مبتقفش على حد يايزيد وهي الله يرحمها ماتت خلاص وانت اكيد اسعدتها وهي عايشه فمن حقك دلوقتى انك تدور عاللي تسعدك وتريح قلبك

يزيد :وانا حمدت ربنا على كده خلاص انا كل اللي بتمناه ان ربنا يمد فعمري واقدر اربي ولادي اكتر من كده خلاص مبقتش عاوز حاجه تانيه ولا طمعان فحاجه

نادين :طب وايه المشكله لو ارتبطت ومراتك اخدت بالها من الولاد وربيتوهم سوا

يزيد :وانا ايه اللي يضمنلي إن اللي حرتبط بيها حتراعي ربنا فى الولاد

نادين :لو بتحبك بصحيح أكيد حتراعيهم طبعا وتحطهم فعنيها كمان

يزيد انا

وفجأة تضطر للسكوت عند سماع صوت هاتفها يعلن عن اتصال من ابيها

فلا بد وان تجيب على مكالمته خوفا من بطشه

يزيد انا حستئذنك دقيقه ارد على بابا

يزيد :اتفضلي خدي راحتك

ويأخذ رشفه من فنجان القهوة

💙بصوا بقى ياحبايبي انا للأسف مضطرة ادخلهم جوة الروايه واعمل كبسه عليهم اه مانا مش حستنى لما تسحبه من ايده والاقيه بيشتريلها الدبله

جايالك ياللى فبالي

انا دخلت الفندق اهوه يابنات لاء بجد فندق حلو أوي :انت ياكابتن

♥️ايوة يافندم اؤمريني

💙بقولك ايه فى طربيزة هنا قاعد عليها البشمهندس يزيد متعرفش الاقيها فين

♥️على اليمين هنا يافندم اى اوامر تانيه

💙ان شالله يخليك منحرمش منك ياقمر انت جتك نيله وانت مز كده

اهوه انت قاعد هنا بتشرب قهوة وانا قالبه عليك الدنيا

♥️يزيد :مين عبير سليم بنفسها مش معقول انتي ايه اللي جابك هنا

💙جايالك ياعزيزي وانت تفتكر اني حقدر اسيبك من غير مااجي اطمن واللا ايه

♥️تطمني على ايه مش دي مجايبك حد قالك تدخليهالنا هى الروايه كانت ناقصاها 

💙نصيبكم بقى المهم انا بحذرك اهوه اوعى عقلك يوزك ويسيب قلبك يضعف قدامها.

 

♥️يزيد :ههههههه وايه المشكله يابيرو مانتي جايبالنا واحدة زى القمر وهي بصراحه ملهاش حل ده وانا قاعد معاها عيون الكل حتطلع عليها

💙لاء بصوا بقى باجماعه انا مرارتي مش حتستحمل هي فين السكينه اللي هنا

اه اهيه

♥️يزيد :عبير يخرببيت سنينك حتعملي ايه ده انا يزيد حبيبك

💙انت قلت ايه بقى سمعني كده تاني اسمع بقى وديني لو طاوعتها فى اللي جايباك عشانه لحكون غزاك بالسكينه دي وحقتلها واولعلكم فى ام الروايه دي

♥️يزيد :طب وليه ده كله حرام عليكي يهون عليكي يزيد بردو 

💙نعم امال انت عاوز القراء يولعوا فية دول اصلا مش طايقني بسبب الزفته دي امال بقى لو لقوك اتجوزتها دول حيقطعوني وانا غلبانه وعاوزة اربي عيالي وابوهم

اسمع بقى البت ريماس تعبانه عاوزة اوديها للدكتور وسببتها ياحبيبتي عشان الحقك قبل ماتقع فى الفخ وقد اعذر من انذر انت فاهم واللاء انا ماشيه

♥️يزيد :ماشيه ده ايه انتي لحقتي استني العشا جاي تتعشي معانا

💙عشا كمان وعازمها على ايه الجذمه دي

♥️يزيد :يعني استاكوزا وجمبري واسماك وشوربة سي فود كده يعني

اقعدي بس الاكل حيعجبك اوى

💙ليلتك سوده ان شاء الله كل ده فوسفور يامفتري دي اسكندريه حتنور الليلادي وانت حتعمل ايه بالفسفور ده كله وانت وحيد القرن

♥️يزيد :ههههههه عسل يابيرو وربنا

هي اللي طلبت اسماك

نادين :طبعا ماهو عشان يناسب السهرة ويشعلل  الكلام

يزيد :هاه قلتي ايه بقى

💙لا ياكابتن شكرا الحاجات دى مضرة علية ال استاكوزا اال وتلاقيه طبعا جمبري من اللي بيتحسب بالواحده ماله الجمبري اللي بمية جنيه هاه ده انا بعمل بيه حلة شوربة محترمه ونغطس فيها انا والعيال

♥️يزيد :طب وباباهم

💙 مالوش فى الفوسفور ميفرقش كتير عن جوز سماح وحياتك

وبعدين انا اصلا قبل ما اجي اكلت مع الولاد اصلي بقى كنت عامله النهارده ملوخيه خضرا وفراخ محمرة وبدنجان عارفه انت اللي بنحمره فى الزيت ونحشيه بقى بالتوم والليمون والشطه الحمرا وفى ناس بتسلقه بردو يالهوي مش عاوزة اقولك دمار وربنا انا ضربت ييحي خمس او ست ارغفه عيش مش فاكرة الصراحه مش تقوللي سي فود واستاكوزا

♥️يزيد :وبتعملي الملوخيه حلوة على كده

💙بص هو الصراحه ماما بتعملها احلى وانا بردو بعملها جميله طب دي ريحة الطشه كانت قالبه العمارة عندي

♥️يزيد :ههههههه بألف هنا بس الاستاكوزا بردو حاجه تانيه

💙انا اصلا اخر معرفتي بالاستاكوزا فيلم احمد زكي

💙يزيد :هههههههه وربنا مش قادر بقولك ايه يابيرو متبقي تيجي تقعدي معانا شويه فى البيت والله ده انتي حتقلبي البيت عندنا

💙والله كان على عيني ياقمر انت بس وحياتك مافاضيه انا عاوزة اخلص من ام الروايه دي انا مثبته جوزي بالعافيه الراجل مش طايقني وحالف علية لازم اخلصها قبل المدارس بيقوللي العيال حيضيعوا بسبب رواياتك  مش مقدر موهبة مراته

♥️يزيد :مااحنا مقدرين يابيرو

💙وانت خسران ايه كل القراء بيموتوا فيك

 بقولك ايه الحربايه جايه اهيه انا ماشيه هاه واللي قلته يتنفذ والا حسيب القراء عليك وشكلك كده حتقوم ببطولة فيلم استاكوزا انت كمان بعد مامات الاستاذ احمد زكي وبتوزيع جديد وحياتك ايه رأيك بقى 

♥️يزيد :لا يابيرو الله يخليكي وانا اهون عليكي بردو

بيرو يابيرو دي مشت يخرببيت سنينك وانا بقول ايمان مجنونه لمين مااكيد ليكي

نادين :يزيد انت بتكلم نفسك

يزيد :ايه لا ابدا

نادين :سوري بابا كان بيكلمني

يبدأ الجرسون فى وضع الأكل أمامهم

يزيد وهو ينظر للاستاكوزا:هههههههه

نادين :مالك يايزيد بتضحك على إيه

يزيد :انتي شفتي فيلم استاكوزا قبل كده

نادين :مش ده بتاع أحمد زكي

يزيد :ايوة هو ده

نادين :طيب وايه اللي فكرك بيه لما شفت الاستاكوزا مثلا

يزيد :لاء حاجه تانيه هههههههه

نادين :هههههه شكل الفوسفور عمل شغله

يزيد :انا عاوز اكل ملوخيه خضرا وفراخ محمرة وبدنجان من الطويل ده اللي بيتحشى شطه عارفاه  وفلفل مقلي

نادين :نعم مش فاهمه مالك يا يزيد

يزيد :ولا انا والله هي جت قلبت علية الطربيزة ومشت وانا خايف منها الصراحه دي مجنونه ومضمنهاش شكلهم كده كل مواليد الجوزاء مجانين ماعرفت حد فيهم عدل

نادين :يزيد مالك هو حصل حاجه وانا بكلم بابا

يزيد :ايه اه لاء بصي احنا ناكل ونقوم معلش

نادين :ايوه بس احنا لسه مكملناش كلامنا يايزيد انا لسه فى كلام كتير عاوزة اقولهولك

يزيد :معلش يانادين مرة تانيه ان شاء الله

نادين :بس انا لقيتك بالعافيه

يزيد :حنكمل كلامنا والله بس صدقيني مش حينفع انا شاكك انها هنا ممشتش واكيد بتراقبنا

نادين :يزيد مالك انت تعبان هي مين دي اللي بتراقبنا

يزيد :ايه انا قلت بتراقبنا لا انا بقول ناكل افضل الاكل شكله حلو اوى

ههههههههه هههههههه

على رايك ياعبير حعمل ايه بالفوسفور أنا المفروض كنت اعزمها على شوربة خضار احسن

💙ههههههههه احسن بردو بوظتلكم العزومه

🌸🌸🌸🌸🌸🌸🌸🌸

فى صباح اليوم التالي يصلون الى الاسكندريه عروس البحر الأبيض المتوسط

حسن :ألف حمد الله على السلامة اسكندريه نورت

ماسه :الله يسلمك يا حسن

أنا حروح لاونكل يزيد بقى

حسن :بدري كده بصي احنا نروح لماما تمام وبعد كده اوصلك الشركه عنده واستناكي تخلصي ونرجع سوا

ماسه :طب إيه رايك تطلع معايا الشركه

حسن :مش حينفع ياايمان

ماسه:شفت بقى ان قلبك لسه مشغول فيهاولسانك مش قادر ينسى اسمها

تعالى معايا ياحسن اتكلم معاها يمكن ترجعوا لبعض تاني

أكيد لما تشوفك حتكون وحشتها ووقتها حبكم لبعض هو اللي حيبقى ليه الكلمه الأخيرة

 

حسن :الكلمه الأخيرة نطقها اللسان خلاص ياماسه

ماسه :نطقها اللسان لكن القلب لسه بينطق اسمها وبيصرخ بحبها تعالى ياحسن أكيد مش حتندم

حسن :مش حقدر ياماسه صدقيني والله مش حقدر

ماسه :طيب خلاص ياحسن على راحتك ممكن بقى  نروح الاول نتعرف على مامتك وبعد كده نشوف الموضوع ده

حسن :ياللا بينا

بعد مرور بعض الوقت تقوم من النوم وهي تتثاءب فمازال الوقت مبكرا تتجه نحو الباب لتفتحه حاضر انا جايه اهوه ماتسكت بقى الله يخرببيتك حتحرق الجرس يابن ال:

حتشتمي نفسك ياام حسن

سماح :حسن ياحبيبي يابني وحشتني اوى حمد الله على سلامتك ياضنايا

حسن وهو يحضنها :ياحبيبتي ياسماح انتي وحشتبني اكتر

سماح :انا محدش يقوللي ياسماح غيرها انت فاهم

حسن وهو يحاول تغيير الموضوع :تعالي ياماسه ادخلي ماما اعرفك ماسه بنت البشمهندس عمار اللي انا ماسكله شغله

سماح:اهلا ياحبيبتي ده انتي شكلك صغيرة اوى

ماسه :اهلا بيكي ياطنط

سماح:اتفضلي يابنتي البيت نور

بقولكم ايه انتوا اكيد جعانين طبعا

ماسه :لا ميرسي ياطنط احنا اكلنا فى الطيارة

سماح :العينات دي اللي بيحطوها وده فطار بردو

حسن ياللا انزل هاتلنا فول وفلافل

وبدنجان ومخلل وجبنه قديمه عاوزاك تظبطلها فطار كده محترم

حسن :ماما ماسه ملهاش فى الكلام ده هي بتفطر نسكافيه وتوست جبنه ومربى وخلاص

سماح :لا اطمن ماهما العالم دول اول مابيشوفوا اكلنا بيتهبلوا ياللا بقى واللا انزل انا

حسن :لا وعلى ايه ماسه معلش انا حنزل بس اجيب فطار بسرعه واطلع ماما امال فين بابا هو نايم كالعاده

سماح :لا ياقلب امك ده راح عند عمك من امبارح ومرجعش

حسن :طفشتي الراجل ياام حسن

سماح :والله ابدا يابني ده هو اللي طفش لوحده ياللا بالسلامة 

حسن :حقول ايه ماشي ياماما

انا نازل ياماسه مش حتاخر متقلقيش

ماسه :اوكيه ياحسن

سماح: وتقلق من ايه ياحبيبي هي فى الادغال دي فبيتنا

منورة ياالماظه ياحبيبتي

ماسه :ماسه ياطنط ماسه

سماح :اه معلش ياحبيبتي بس يعني من ماسه لالماظه مفرقتش كتير

 المهم خير هو انتوا نازلين فجاة كده ليه حصل حاجه

ماسه :لا ابدا انا جايه للبشمهندس يزيد اديه حاجه وحسن نزل معايا يسلم عليكي

سماح :وهو عامل إيه طمنيني عليه

ماسه :كويس

سماح :بس انتي حلوة اوى

ماسه :ميرسي ياطنط

سماح :يااختى كلمة طنط طالعه من بؤك زي السكر

ثم تقلب فى يديها:انا مش شايفه دبله ولا حاجه هو انتي مش متجوزة ولا مخطوبه

 

ماسه :لا ياطنط أنا مش متجوزه ولا مخطوبه

سماح :معقوله الحلاوة والجمال ده كله ومش مخطوبه حتى ليه هما الرجاله انطسوا فعينيهم

ماسه :سوري مش فاهمه ايه الكلمه دي

سماح :لا متحطيش فى بالك ياحبيبتي انتي تعرفي لو انتي عايشه معانا هنا كان زمانك متجوزة من وانتي عندك عشر سنين

ماسه :هههههههه

سماح :يااختي عسل وضحكتك عسل بقولك ايه هو انتي قولتيلي رايحه الشركه عند يزيد مش كده

ماسه :أيوة

سماح :طب ممكن اطلب منك طلب

ماسه :طبعا ياطنط اتفضلي

سماح :عاوزاكي تسلميلي على ايمان وتقوليلها سماح بتقولك وحشتيها اوى ياجذمه

ماسه :كنتي بتحبيها اوى كده ياطنط

سماح :تصدقي وتامني بالله

قولي لا إله إلا الله

ماسه :لا اله الا الله محمد رسول الله

سماح :غلاوة ايمان عندي من غلاوة بسنت وبسمه والله

وعمري مااتمنيت ولا اتخيلت ان تحصل بينهم حاجه بس حنقول ايه مفيش نصيب

بقى ياربي بسنت تخلف إياد وبسمه اللي مجوزينها ومعاها شهادة ضمان وقطع غيار على حسابنا لو حصللها اي عطل تتجوز وتخلف وكمان حامل تاني وحبيبة قلبي ايمان تطلع مبتخلفش وتسيب حسن

ماسه :يمكن يرجعوا لبعض ياطنط

سماح :يارب ياماسه يارب متكلميها ينوبك ثواب حنني قلبها كده على حسن والله ده بيحبها هو بيكابر بس بيحبها ده انا ابني وانا عارفاه

ماسه :حاضر والله ياطنط بس حضرتك مش مضايقه انهم لو رجعوامش حيكون معاهم اولاد

سماح :فى ولاد مفيش، ولاد مليش فيه انا كل اللي يهمني يرجعوا لبعض وخلاص

ماسه :ايمان اكيد محظوظه انك بتحبيها اوى كده

سماح :ايمان تتحب ياماسه جدعه وحنينه وكانت بتخدمني احسن من ولادي  وحبيبتي محدش كان بيريحني غيرها وعسل ودمها شربات

يجدون الباب يفتح ويدخل بالكثير من الأكياس

سماح :بسم الله ماشاء الله ايه الاكل ده كله

حسن :خدي ياحبيبتي عيشي حياتك 

سماح :ماشي انا حقوم بقى اجهز الفطار

ماسه :تحبي اساعدك ياطنط

سماح:لا ياحبيبتي ده كفايه انك منورانا انا ثواني وراجعالكم

يجلس إليها :شفتي ماما عسل ازاي

ماسه :زي السكر ياحسن

طبعا حضرت سماح الفطار واكلت ماسه بالاجبار

وماسه كانت مبسوطه اوي وهي قاعده معاها وعجبها تلقائيتها وبساطتها فى الكلام وحبها الواضح جدا لايمان

🌺بعد مرور بعض الوقت

ماسه :حسن الساعه قربت على اتنين واناقلت للبشمهندس حنكون عنده اتنين ونص

حسن :تمام ياللا بينا

ماما احنا نازلين ياقلبي

سماح :بقولكم ايه حستناكم عالغدا

ماسه :انا مش عارفه ظروفي والله

سماح :لا ظروف ولا جوابات ده انا حبيتك والله ودخلتي قلبي

حسن تجيبها وتيجي حستناكم

حسن :ربنا يسهل ياامي ياللا سلام

🌺بعد مرور بعض الوقت يصلون لباب الشركه

ماسه :مصر بردو متطلعش معايا

حسن :مش حقدر اواجهها ياماسه غصب عني والله

ماسه :بتحبها باحسن متضحكش على نفسك

حسن :ايوة بجبها بس صدقيني والله مش حينفع

ماسه :خلاص ياحسن اللي يريحك

تصعد ماسه وتسال عن مكتب يزيد حتى تقف امام منى

منى:انتي ماسه مش كده

ماسه :ايوة انا

منى:تعالي ده البشمهندس منتظرك من بدري

تدخل اليه وهي معها فيقوم يزيد من على الكرسي للترحيب بها:اهلا اهلا بعروستنا الحلوة

ماسه :اهلا بحضرتك يااونكل يزيد

يزيد :طمنيني عليكي عامله ايه واخبار دراستك إيه

ماسه :انا خلصت خلاص وبتعلم الشغل فى الفنادق

يزيد :برافو عليكي ياماسه

وياسين عامل ايه دلوقتي

ماسه :جميل اوي زي العسل ده احلى حاجه مامي وبابي عملوها انهم جابولي ياسين وجوده فرق اوي فحياتي

يزيد :ياحبيبتى ربنا يخليه يارب

ماسه :يارب يااونكل هو بقى كويس بس بابي محبش ينزل مصر غير بعد مايطمن عليه بشكل نهائي

يزيد :ان شاء الله ربنا يطمن قلبه عليه

وانتي بقى بقيتي شاطرة فشغل الفنادق واللا لسه

ماسه :اديني اهوه بتعلم وحسن مش سايبني معايا خطوةبخطوة.

يزيد :ربنا يوفقكم أن شاء الله

ماسه :ميرسي ياونكل تقوم بتقديم الصندوق ومابه من اوديه

اتفضل يااونكل ربنا يشفيه يارب

يزيد :تعبتك معايا ياماسه

ماسه :لاء طبعا مفيش تعب ولا حاجه انا حستئذن بقى

يزيد :انتي قايمه رايحه فين

ماسه :حمشي

يزيد :تمشي تروحي فين انتي حترجعي شرم دلوقتى

ماسه :لا طبعا بكرة الصبح ان شاء الله

يزيد :امال حضرتك عاوزة تمشي ليه بقى وحتباتي فين أساساً

ماسه :حسن مستنيني تحت حمشي معاه وممكن ابات فاي فندق لحد الصبح

يزيد :حسن تحت طيب ماشي على راحته المهم انتي حتتصلي بيه وحتقوليله انك حتروحي معايا وحتباتي عندنا فى البيت وعمر حيوصلك المطار الصبح على معاد الطيارة عشان حيكون عندي اجتماع وهو بقى يبقى ينتطرك فى المطار تمام كده

ماسه :أيوة بس

يزيد :بس إيه لاء بجد انا زعلان منك يعني انا توقعت انك انتي اللي حتطلبي بنفسك انك تيجي معايا ايه مش عاوزة تشوفي ولادي الصغيرين وولاد عمر وشمس واللا ايه وكمان بنت عهد

ماسه :ههههههه كل دول ياحبايبي ربنا يخليهم يارب لاء خلاص حاضر انا حكلمه

تتصل عليه فيجيب عليها وتخبره بما اتفقت عليه مع يزيد

ماسه :اونكل هي ايمان موجوده دلوقتى واللا مشيت

يزيد :لاء موجوده لسه روحيلها

ماسه:تمام حروحلها انا على ماحضرتك تخلص شغلك

يزيد :خلاص روحيلها وانا حخلص واعدي عليكي

يرشدها الى مكان المكتب فتذهب اليه تطرق الباب عليها وتدخل

مساء الخير

إيمان :ماسه مش معقوله تحتصنها وتسلم عليها ازيك باحبيبتي عامله ايه وماما وبابا اخبارهم ايه وحشوني اوى والبيبي الصغير عامل ايه دلوقتي

ماسه :احنا كلنا كويسين والله وكلهم بيسلموا عليكي

إيمان :وانتي عامله ايه وايه اخبارك وايه المفاجأة الحلوة دي

ماسه :جايه زيارة لاونكل يزيد وحروح معاه البيت

إيمان :اسكندريه نورت ياحبيبتي

ماسه :موني طنط سماح بتسلم عليكي اوى وبتقولك انك وحشتيها جدا ونفسها تشوفك

إيمان :ياحبيبتي ياسماح هي كمان وحشتني اوى

بس انتي شفتي سماح فين

ماسه :اصل بصراحه انا نزلت مع حسن ورحت معاه بيتهم واكلت معاهم كمان وبصراحه مامته دي ست زى العسل هي بتقولك انها مستنياكى ترجعيلها تاني وانها مش قادرة على بعادك ياقمر انتي

إيمان :والله هي كمان بعادها عني تعبني جدا انتي عارفه ياماسه سماح مكنتش بالنسبه لى مجرد حما لا والله دي كانت صاحبتي وحبيبتي واختي كنت بحس معاها اني واخده راحتي عالاخر اكتر من ماما كمان

ماسه :إيمان انا عارفه انك مكنتيش يعني بتحبيني على اد كده بس انا عاوزة اتكلم معاكي فحاجه ممكن

إيمان :لا والله ابدا ياماسه انا كنت بهزر معاكي مش اكتر انا عمري ماكرهت حد فى حياتي حتى لو حد اذاني بردو مبكرههوش

ماسه :طب وحسن كرهتيه ياايمان

ايمان:حسن حسن انا عمري مااقدر اكرهه باماسه هو معمليش حاجه عشان اكرهه انا كرهت الظروف اللي فرقتنا عن بعض مش اكتر لكن هو مقدمليش غير كل خير وعشت معاه أجمل أيام حياتي

ماسه :ايمان انا  من وقت مانزلت مصر وانا كل يوم معاه ووالله العظيم هو بيحبك جدا ومش قادر ينساكي لحظه ومش بس كده ده اوقات كتير بكون بكلمه يناديني باسمك وده ملوش غير معنى واحد انه بيحبك وعقله وقلبه ومشاعره كلها معاكي لسه

إيمان :حتى لو كان لسه بيحبني زي مابتقولي فهو حبه انه يكون اب اكبربكتير من حبه لية

ماسه :طيب بصي ارجعوا لبعض ياايمان والطب بيتطور كل يوم انتي تقدري تسافري وانتي عارفه غلاوتك عند بابي ازاي وهو حيساعدك

 تتعرضي على اكبر دكاترة هناك وان شاء الله تجيبوا اولاد ياايمان 

لكن حرام الحب ده كله يروح

إيمان :ياريته كان هو اللي قاللي الكلام ده صدقيني كان حيبقى ليه طعم تاني خالص ماسه حبيبتي خلاص فات الاوان وكل حاجه انتهت  وراحت خلاص واللي راح عمره مابيرجع تاني

حبيبتي انا بجد مبسوطه اني شفتك انتي جميله اوي ياماسه وقلبك ابيض ربنا يحققلك كل اللي تتمنيه ياقلبي

ماسه :لاء ماهو بصي انا مش جايه مخصوص عشان اتكلم معاكي وانتي تخلصي الكلام فدقيقتين لا طبعا انا حقعد انا وانتي فاي مكان ونتكلم براحتنا ممكن ياايمان ارجوكي

 ادبني فرصه اساعدكم واساعد حبكم انه يرجع تاني للنور زى ماكان

إيمان :حبنا خلاص مبقاش ليه وجود ملحقش يشوف نور الشمس يادوب كان لسه بيفتح عينيه مات واطعن بخنجر وحكم عليه القدر ونطق بالحكم عليه بالاعدام وقال كلمته الأخيرة

واقسم بالله العظيم انا مابتمناله حاجه وحشه بالعكس حسن طيب اوى وحبيته حب انا نفسي مش متصورة اني ممكن انسى الحب ده فيوم من الأيام لكن حنعمل ايه

وربنا يديله اللي نفسه فيه ويرزقه باللي يتمناه

ماسه :ياااه انتي طيبه اوى ياموني انا دلوقتى بس عرفت ليه بابي ومامي ببحبوكي اوي كده

انتي بجد تستاهلي انك تتحبي انتي اطيب انسانه فى الدنيا وان شاء الله ربنا حيديكي حد يحبك ويقدرك ويصونك بجد

ايمان :الحمد لله على كل شيء ياماسه

ماسه ممكن اطلب منك طلب

ماسه :طبعا ياحبيبتي

إيمان :خللي يالك من حسن انا  عارفاه كويس اما بيكون تعبان مبيقدرش يكون لوحده بيبقى محتاج حد معاه خدي بالك منه ممكن ياماسه

ماسه :حاضر يا ايمان حاضر

إيمان :واكيد حييجي اليوم اللي حيحس فيه بحبك

متستغربيش ياماسه انا كنت شاكه من زمان انك بتحبي حسن وسفرك قبل فرحنا اكدلي احساسي ده واللمعه اللي شايفاها فعنيكي دلوقتي وانتي بتتكلمي  عنه اكدتلي اكتر

محدش يعرف ياماسه يمكن يكون ربنا بعتك ليه فى الوقت المناسب

يفتح عليهم الباب :خلصتواكلام يابنات

ماسه :ايوة خلاص

يزيد :طيب ياللا بينا ياللا ياايمان 

إيمان :لا اتفضلوا انتوا انا لسه ورايا شغل

يزيد :كملي بكرة ياايمان

ايمان:لا مينفعش والله اتفضلوا انتوا وانا حخلص وامشي

يزيد :طيب مش حتيجي عندنا

إيمان :ايه اه ان شاء الله حبقى اجي

تتحرك ماسه من جوارهم لترد على تليفون

بينما يتحدث يزيد اليها

مالك ياايمان في ايه انتي بقالك فترة مش بتيجي عندنا خالص حصل حاجه

إيمان :لا لا ابدا محصلش حاجه خالص بس انا تعبانه شويه معلش

يزيد :ماشي ياايمان انا حسيبك دلوقتى براحتك بس بكرة الصبح بعد الاجتماع اعملي حسابك تقعدي على كرسي الاعتراف وتقوليلي فى ايه

ايمان :ههههههههه ماشي

تعود اليهم ماسه:ياللا بينا

يزيد :ياللا بينا

تسلم ماسه على ايمان وتمشي مع يزيد

بينما تعود ايمان الى العمل محاوله منها بعدم التفكير فى شئ

يركبان السيارة ويتجهان نحو الفيلا

طبعا فضلوا يتكلموا طول الطريق واكيد طبعا سيرة ايمان كان ليها الصدارة فى الموضوعات

اما بقى عند ايمان فى الشركه وهي قاعده بتشتغل  والدموع بتجري كل شويه فعنيها وتمسحها بسرعه وتكمل شغل

فجاة لقت الباب اتفتح  وسمعت صوته ايوه هو صوته:ازيك ياايمان بصت بسرعه عالصوت لقته هو رجعت وشها تاني بسرعه وبقت حسه ان قلبها بيدق بسرعه 

اهلا ياحسن

حسن :وحشتيني اوى ياايمان وحشتيني ومبقتش قادر على بعدك اكتر من كده خلاص

إيمان :بكرة تتعود على بعدي عادي

حسن :مش باين ياايمان احنا من يوم ماسيبنا بعض وانا بحاول ومش قادر

ايمان انا محتاجك اوى تاني فحياتي

إيمان :لو انت محتاجني فحياتك مكنتش قدرت تتخللى عني بالسهوله دي

حسن :انتي اللي اصريتي ياايمان

ايمان عشان خاطر حبنا ادينا فرصه تاني نكمل مع بعض

إيمان :انهي حب ياحسن الحب اللي انت نسيته بسرعه اوى ورميته ورا ضهرك عشان حاجه غصب عني مش بايدي

حكمت علية بالاعدام واني خلاص وجودي فحياتك مبقاش ليه لزمه خلاص ولخصت حياتي معاك وهي الولاد بس من غيرهم ابقى ولا حاجه

حسن :ايمان  انا حاولت معاكي ياايمان وانتي اللي اصريتي على قرارك

ايمان:كنت منتظراك تتمسك بية تمسك ايدي وتقوللي لاء، مش حسيبك انتي عندي اهم من الدنيا كلها ولو مخلفتش منك انتي ابقى مش عاوز الولاد دول لكن انت بعتني ياحسن

و  جاي دلوقتي عاوز ايه عاوزنا نرجع لبعض طب على اي اساس يعني هل انت مثلا شلت موضوع الاولاد ده خلاص من تفكيرك

وحترضى انك تعيش حياتك كلها من غير ماتكون اب

حسن :حعرضك على اكبر دكاترة ونسافر لأى مكان ونحاول تاني وتالت ورابع

إيمان :لا ياحسن وانا مش موافقه خلاص ياحسن خلصنا خلاص

حسن :ايمان انا

ايمان:انت محبتنيش زي مانا حبيتك ياحسن صدقني هي دي الحقيقه اللى انت مش قادر تفهمها عارف ياحسن انت لو حبتني بجد عمر ماكان في قوه تقدر تهد الحب ده

انت حبيت فية هزاري ضحكي ممكن

 حبيت فية انى شبه مامتك فحاجات كتير ممكن لكن غير كده لاء

احنا طول فترة خطوبتنا وجوازنا متعرضناش مع بعض لمشكلة تقوي الحب ويوم مااتعرضنا لمشكله سيبنا بعض

حسن انا معنديش حاجه تانيه اقولها انا قلبي خلاص مبقاش متحمل اي كلام تاني ارجوك ياحسن متحاولش تقرب من حياتي تاني احنا اللي  كان بيننا راح خلاص ومش حيرجع تاني

حسن :للدرجه دي كرهتيني ياايمان

ايمان:قلبي اللي حبك عمره ماحيقدر يكرهك ياحسن

مع السلامه ياحسن

حسن :ايمان من فضلك

ايمان:مع السلامه ياحسن

فضل يحاول يكلمها لكن للاسف هي خلاص قلبها قفل من ناحيته خرج ومشى وهو متاكد من جواه ان اللي بينهم انتهى خلاص

فضل ماشي عالبحر وافتكر مواقف كتير مرت عليهم وجمعت بينهم 

شاف منطقه عالبحر وشاف نفسه وهي معاه وهما بيتكلموا ويضحكوا سوا

شاف المحل اللي اشتروا منه حاجات لشقتهم

شاف كتير وافتكر اكتر وفى الاخر رجع البيت لامه يبكي فحضنها على انه ضيعها من ايده وعاقبها على حاجه ملهاش ذنب فيها وقرر ان يقفل صفحتها من حياته ودعالها ربنا انه يقف جمبها ويعوضها خير

😒😒😒😒😒😒😒😒

طبعا ماسه وصلت مع يزيد والكل استقبلها بشكل جميل وانبسطت معاهم اوى ولعبت مع الولاد الصغيرين وقضت معاهم يوم جميل جدا

وشاكر وهاله حبوها اوي وورتهم صور ياسين وشكله وهو لابس روب العمليات وكان صعبان عليهم جدا

ونامت اخر الليل فى اوضة عهد وقبل ماتنام اتكلمت مع شمس وحكتلها اللي حصل مع ايمان وانها حاولت ومفيش فايده وشمس فهمتها ان ايمان قررت تقفل صفحة حسن لاخر العمر

مر الليل على الجميع وهم غارقون  باحزانهم وافراحهم

حسن يتألم من فراقه لايمان

وايمان تبكي على حبها الضائع والذي لن تعثر عليه ثانية

اما ماسه فبرغم قلبها اللي لسه بيحبه. وماقدرش يحب غيره وكلام ايمان معاها الا انها محتارة ومش عارفه تعمل إيه

وطبعا في اللي الحب بقى كل حياتهم

خد ياحبيبي شيل أدهم

عمر :هاتيه ياروحي بصي هلا بتبصلي ازاي لادي زعلت خدي الواد ده انا حشيل بنتي حبيبتي

شمس :ياسلام ده على اساس انها فاهمه انت اللي بتتلكك عشان تشيلها اه مانا عارفاك بتموت فيها

عمر :طبعا لازم اموت فيها مش شبه حبيبتي ونور عينيه

شمس :ربنا يخليك يا رب يا قلبي

شايف أدهم قلب على جدو شاكر خالص

عمر :اتاري ماما طول النهار عماله تهشك فيه طبعا ماهو شبه حبيب القلب

ربنا يخليهم يارب عارفه ياشمس كل ماافتكر يوم ماكنت منهار وفاكر اني خلاص عمري ماحبقى اب ووقفتك جمبي احبك اكتر واكتر

ربنا يخليكي لية ياحبيبة قلبي انتي احلى حاجه حصلتلي فحياتي

شمس :انت حبيبي ياعمر عوض ربنا لية ربنا يخليك لينا ياحبيبي

😎تشرق الشمس اعلانا عن ميلاد يوم جديد تستيقظ ماسه وطبعا تاخد دش وتلبس وتنزل تفطر معاهم وسلمت عليهم كلهم ووعدتهم انها حتزورهم تاني

اخدها عمر عشان يوصلها المطار

شاف حسن وسلم عليه ومفتحوش اي مواضيع

مشت ماسه مع حسن وكلام ايمان مأثر فيها بشكل كبير ومش عارفه تعمل إيه

اما يزيد راح عالشركه وبعد ماخلص الاجتماع طلب من منى تناديله ايمان

بعد شويه ايمان دخلتله المكتب

وقبل مايزيد يتكلم معاها

ايمان:بشمهندس يزيد ممكن اطلب منك طلب

يزيد :عينيه ليكي ياايمان

ايمان:محتاجه حضرتك تكلملي حد من رجال الاعمال صحابك يشوفلي عقد عمل فاي دوله عربي

يزيد :ايه الكلام الفارغ ده عقد عمل ايه انا مش فاهم حاجه انتي عاوزة تسيبينا ياايمان

إيمان :انا عاوزة اسيب الدنيا كلها الله يخليك يابشمهندس لو بتعزني ساعدني ابعد انا تعبت خلاص ومبقتش قادرة استحمل اكتر من كده

يزيد :تقومي تهربي ياايمان تهربي من كل اللي بيحبوكي ليه وعشان ايه ده كله

ايمان :محتاجه ابدا وانا بعيد 

💙

تعالي انتي وسعي كده شويه معلش عشان انا على اخري وربنا حتشلوني

هو في ايه يعني هاه انا عاوزة افهم انت ايه حكايتك حتسيبها تمشي

يزيد :انا نفسي مش فاهم حاجة

💙اه طب لما تفهم بقى عشان انا اعصابي تعبت وربنا جتكم الهم

انا كان مالي ومال الروايه الفقر دي ياربي

انا رايحه اشوف ولادي حبايبي 

💙💙💙💙💙💙💙💙

يتبع 

بداية الروايه من هنا

❤️🌺❤️💙🌺❤️💙🌺❤️💙🌺❤️💙🌺❤️💙🌺

الروايات الكامله والحصريه من هنا

انضموا معنا على تليجرام ليصلكم اشعار بالروايات فور نزولها من هنا

❤️💙🌺❤️💙🌺❤️💙🌺❤️💙🌺❤️💙🌺❤️💙🌺

🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺

اتفضلوا حضراتكم كملوا معنا هنا 👇 ❤️ 👇 

روايات جديده هتعجبكم من هنا

أجدد وأحدث الروايات من هنا

روايات كامله وحصريه من هنا

روايات ممتعه جداً من هنا

وكمان اروع الروايات هنا 👇

روايات جديده وكامله من هنا

انضموا معنا على تليجرام ليصلكم اشعار بالروايات فور نزولها من هنااااااااا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺