رواية براء الحلقه الثامنه حصريه وجديده على مدونة أفكارنا
 |
رواية براء الحلقه الثامنه حصريه وجديده على مدونة أفكارنا
نور اضاء حياتي
نلقى بارطاج 50وتعليقات 600نزيد لكم حلقات جهاد خرجت من الصالون و انا ميت بالفرحة لان يمان قبل و مكسرش كلمتي و خلاني نوفي وعدي لبنت اختي تهنيت من مشكلة يمان الي شحال من عام و انا نحاول فيه باه يتزوج و تتحالو العقدة تاع النساء
لقيت الاولاد في وجهي قالولي واش درتي فيها قبل هزيتلهم راسي و انا نتبسم
ولاو هو خرج ورايا و قالو قصي الف مبروك قالهم على واش قالولو راح تتزوج قالهم مزال راهي غير مواقفة مبدئية وراح
قال قصي يعني هدا وجه زواج هدا
قلتلو اسكت علينا بسيف قنعتو و انت راح تفسد عليا وهيا نمشيو رانا طولنا على براء وحدها في السبيطار ولاو راحو معايا
يمان طلعت لبيتي و انا نخمم كيفاش نعيش مع هديك المخلوقة وزاد تعبان نحس راسي راح يطرطق قلت نرقد شوية باه ممبعد نلحقهم للسبيطار عيطت لنجمة قلتلها ساعة و نوضيني متنسايش قالتلي ان شاء الله
براء ************
بقيت قاعدة مع الفرملية داتني للدوش غسلت و شفت وجهي تخلعت كان منفوخ وليت نخوف شبعت بكا كي شافتني طولت طبطبت عليا وقالتلي واش بيك قلتلها والو سكتت شوية ممبعد قالتلي ممكن نسقسيك قلتلها تفضلي قالتلي الدكتور يمان واش يقربلك قلتلها ولد خالتي بصح انت تعرفيه قالتلي هههه شكون ميعرفش الدكتور يمان معروف عالميا و مدي جوائز بزاف في الخارج و شحال من مرة يتكرم بصح كيفاش انت بنت عمتو و متعرفيش عليه المعلومات هدو
قلتلها معلباليش
وولات تهدر و انا في عالم اخر نخمم كي نخرج وين نروح علابالي بابا ميستقبلنيش ولا بلاك يسيفو عليا نتزوج حسين اااافففف اه ياربي وين نخبي راسي و انا في العمر هدا بين ليلة و نهار حسيت راسي راح يشيب من المشاكل وياريت كنت عاملة حاجة ربي الي عالم
ممبعد كي شافتني غايسة قالتلي معليش نروح نص ساعة و نرجعلك قلتلها براحتك
هي راحت و انا رجعت للحيرة تاعي و على التليفون واش جابو لخزانتي وانا اصلا منتصورش وبديت نخممم حتى تفكرت بلي الصور الي فيه حتى الحوايج الي لبوسين متاعيش املا مين جابو الصور تاعي شوية و سمعت الباب تفتحت دخل خالي وولادو كامل باستثناء يمان اصلا كي مشفتوش معاهم استراحت قلت احسن مايزيد يعمرلي قلبي بتعليقاتو
قالي خالي واش احوالك حبيبتي قلتلو الحمد الله نشكر ربي سبحانو قالي هيا نوضي نعيطلك للفرميلة تبدلك قشك و هاي ماكلة جبتهالك دارتهالك مريم و احنا نروحو للطبيب نشوف وقتاش تخرجي من هنا دموعو عينيا و قلتلو وين راح نروحي كي نخرج من هنا قالي سجاد كيفاش وين تروحي كون ميقبلوكش داركم تروحي تعيشي معانا و نحطوك في عينينا
ملقيتش كلمة تعبر على احساس كي سمعت كلامو ولا قالي لؤي براء انت اختنا
قالي قصي اسكتي من البكاء عينيك عماو درك يلقا سبة و يبطل قلتلو شكون قالو خالي قصي خلي الطفلة تبدل و تاكل و لكل حادث حديت ولا قصي سكت و خالي و خوتو يتخنزرو فيه قالهم واش درت انا كليتوني
يتبع......
وتابع 8
ولاو هوما راحو و انا جاتني الممرضة راح تبدلي قلتلها انا نبدل وحدي انا جيت نحي قشي نحيت غير التريكو حتى لقيت الباب تفتح و دخل يمان وليت تخبيت ورا الممرضة ولا هو دور وجهو و خبط الباب و راح وانا مكانش ناقصني موقف كيما هكا وليت بدلت و حطتلي ناكل ممبعد خرجت الممرضة لقاتهم كامل عند الباب قالتلهم تقدرو تدخلو درك
دخلو وولاو يحكيو معايا باين ابين ينحولي على قلبي لكن انتبهت بلي يمان يشوف معايا شوفات مفهمتهمش حتى لقينا قصي دخل و قالنا بلي الطبيب قالك راكي مليحة تقدري تخرجي انا سمعت هكا و انا نحس قلبي راح يخرج من الخوف و الرهبة من ردة فعل بابا و محمد و كيفاش يقابلوني و نقابلهم و خاصة انهم يشوفو فيا مدنبة.. The Best Family
قالو خالي الحمد اله انا نروح للطبيب يعملها ورقة خروج باه نخرجوها و نروحو
وليت حشمانة من دار خالي يعني هو راح يتحمل مسووليتي وانا دارنا متبريين مني حتى تكايف السبيطار هوما الي خلصوها والله وليت نحشم نشوف في وجوهم
حتى لقيتو قالي هيا بنتي نخرجو
قلتلو بصح وين نروح و هبطت راسي و صوتي يرعش تاع البكية قالي نديك لداركم قلتلو بصح انت علابالك بلي بابا اااا وهبطت دمعتي
قالي متخافيش يا بنتي راني هدرت معاه قبل مانجيك هنا يعني انا راح نديك و بلا مايكون علابالو وليت فرحت و قلتلو صح قبل نرجع للدار وبابا امني و لا خالي هبط عينيه و قالي هيا بنتي نروحو راح الحال
ولاو هوما ماشيين قدامب و خالي معايا نتبهت لطول تاع يمان معلاباليش علاش جاتني الفكرة تاع تمنيت نوقف و نشوف الفرق تاع الطول بيناتنا قلت مكان لاه نجرب لانني راح نبان معاه بينازة تاع الصح ركبنا ورحنا مع وصلنا و شفت دارنا هبطت راسي لاني تفكرت واش صرالي فيه اخر مرة وقف حدايا سجاد و قالي براء متبكيش خليك شجاعة انت بريئة املا هز راسك ومتضعفش مهما قالو احنا معاك و ربي معاك شجعوني كلمات سجاد وليت هزيتلو راسي و قلتلو بالشوية شكرا
قرب خالي طبطب في الباب خرجلو امير خويا هو شافني ولا جراليا حضني و يبكي قالي توحشت والحمد الله على سلامتك بلا بيك الدار سامطة حضنتو و قلتلو انا تاني توحشتك هزيت عينيا شفت بابا واقف في الباب يشوف معايا شوفات تاع كون جات الموت تتحط راهو حطهالي
حتى لقيتو قال لخالي يا جهاد يخي قلتلك انا المخلوقة هده منحتاجهاش تزيد تدخل داري وانا وافقة على الطلب تاعك بصح ماشي تجيبهالي هنايا قلو خالي يا غيث الطفلة هدا وين خرجت من السبيطار خلي ندخلو لداخل و نهدرو ولا حاب تخلينا واقفين عند بابك
قالو بابا معليش المرة هده على وجهك بصح خطرة اخرى منحتاجهاش
وانا مخلوعة في هدرة بابا بصح الي لفت انتباهي كلمة تاع اديها معاك واش قصدو ووين خالي رايح يديني.... اجمل قصص وحكايات بقلم ليليا
احنا في الباب قرب ليا خالي و قالي ادخلي انت للداخل و خلينا نحكيو معاه في الصالون قلتلو ايه دخلت للكوزينة لقيت ماما تشوف معايا و لدموع في عينيها جريت حضنتها و نبكي و نقول و الله ياماما انا بريئة و الله ياماما انا تربية يدك منغلطش ماما غير قوليلي انت مصدقتني
ولات حكمتني من وجهي بيديها في زوج و قالتلي كيفاش منامنش انا بنتي وعمري وتربيتي و بنتي العاقلة انا متاكدة ميخرجش منك العيب قلتلها امالا وعلاش مجيتيش عندي للسبيطار قالتلي باباك حلف عليا قالي كون تروحي ليها راكي طالقة خفت نروح و نخلي روان و محمد واو تعرفي باباك يا بنتي عييت معاه و مع محمد المهم درك قوليلي واش احوالك وا قالك الطبيب قلتلها الحمد الله ووليت حضنتها و هي تمسحلي على راسي و ظهري وكل شوية تبسني حتى سمعت صوت ورايا تاع روان قالتلي براء الحمد الله على سلامتك وجات حبت تحضني دزيته من صدرها و قلتلها بعدي عليا وردي بلك تزيدي تقربي ليا روحي لبنات عمك يفيدوك قالتلي و الله اااا قلتلها متحلفيش يالي متخافيش من ربي وقتاش شفتي التليفون في خزانتي وانت اصلا متدخليش لبيتي وهالة طلعت لبيتي وحدها و انت كنتي هنا معايا
وعلاش شهدتي عليا شهادة زور وعلاش انا اختك الوحيدة ووليت نبكي حضنتني يما و قالتلها امشي من قامي متوريليش وجهك ردت على ماما و قالتلها ابقاي دافعي عليها هده ام الرجاجيل الخامجة يتبع...
تابع 8
قالتلها يما امشي الله لاتربحك ربي يعيطيك ضربة متحشميش بصح حسابك معايا عسير
ولات يما قالتلي ارواحي حبيبتي معايا للبيت تاعي قبل مايشوفك محمد و لا باباك خلي يكملو الايامات هدو و تروحي قلتلها و انا حايرة ماما وين راح نروح قالتلي وعلاش مقالكش خالك قلتلها لالا قالتلي امالا اسمعي خالك خ.... قاطعها صوت محمد قالها يما خالي حايب يهدر مع بنتك خلي تروحلو للصالون هزتلو راسها و قالتلي ارواحي حبيبتي نشوفو خالك واش يحتاج منك نضت معاها و انا في بالي الف سؤال واش يحتاج مني خالي ووين نروح بعد ايامات طبطبت و دخلت قالي خالي ارواحي براء اقعدي حدايا حايب نحكي معاك قعدت و قلتلو تفضل خالي راني نسمع فيك دار خالي للوللادو قالهم معليش تخلوني نحكي معاها وحدنا خرجو ولا دار ليا خالي وقالي الشي الي راح نعرضو عليك هو الحل الوحيد الي راح يخرجك من الازمة الي راكي فيها ومراحش يسيفو عليك تتزوجي هداك الصايع ولا راح تسمعي اي هدرة تمس السمعة تاعك بصح لازم توافقي على الشي الي راح نهدرهولك قلتلو انا فرحانة ايه راني موافقة على الشي الي راح تهدرو المهم نخرج من المشكلة هده قالي مليح املا اسمعي الحل تاعي قلتلو ايه راني نسمع قالي براء انا راني خطبتك لولدي يمان و بعد ايامات العرس تاعكم قلتلو و انا مزال ممامنا واش راني نسمع قلتلو ااااااااااااااااااا ليمان قالي كيما سمعتي يا بنتي ومانش حل من غيرو و انا هده هي الطريقة الوحيدة الي نقدر نعاونك بيها قلتلو ااااابصح يمان واش رايو يعني قابلبيا قالي اكيد قابل وكيفاش حاسبتني راح نخطبلو بلا ارادتو هبطت راسي و قلتلو بصح يمان ماشي بسيف عليه يتزوج وحدة حاطين فيها العجب قالي لالا يا بنتي متهدريش هكا اصلا ولدي هو الي عندو الزهر لان ربي راح يطيحو في مراة كيما انت مليحة تهبل مربية و اخلقها عاليا و متدينة قلتلو و انا نتبسم اليه فيها كل المواصفات الي قلتلي بصح ولات محطوطة عليا علامة X The Best Family
قالي معاش و لا كان الي يحط على بنتي و مرت ولدي اي حاجة وخلي الهدرة هده في ودنك ومدام انت واثقة من روحك ميهمكش في الباقي يحسبو و يخممو كيما يحبلهم خاطرهم وانا مجايش ندي رايك انا جاي نقولك بلي عرسك بقالو ايامات برك قلتلو يا خالي بصح مزالني صغيرة و حابة نكمل قرايتي و مزال مشبعتش من يما و حنانتها
قالي احيانا الضروف تجبرنا نكونو عكس ماكنا متمنيين وديجا انت لازم تقبلي باباك عطاني مهلة عشرة ايام كون منهزكش في الضرف هدا يخرجك برا للطريق ولا راح يزوجك لحسين درك اختاري يا يمان يا حسين يا طريق وليت نبكي حضني من راسي و قالي ياخالي اقبلي و الله ماتدمي انا كون مجيتش ضامن بلي ولدي راح يعيشك مرتاحة منغامرش بيك و نظلمك بزواجة تدمرلك حياتك وليت سكتت و قلتلو اني قابلة و الي فيه الخير ربي يجيبهولي قالي خلاص متفاهمين على بركة الله وباسني من راسي ولا وقفني و هو حاط يدو على كتفي محضني بيها و خرجنا من الصالون قالهم اسمحولناطولنا عليكم بصح كنت نتفاهم مع عروستي
ولاو كامل يباركولي
وسجاد يقولي يخي متاكدة تعرفي تطيبي هزيتلو راسي قالي يااااااااااااااسسسسسس ربحت وحدة تطيبلي واش نحب ووقت مانحب هههههههههه
كامل باركولي غير العريس جابد روةحو بعيد وباين بسيف عليه قابل بيا و انا تاني محاباش نتزوج بيه بصح كيما قالي خالي تجري الرياح بما لا تشتهي السفن "
وراحو كي جاء خارج قال لبابا على يومين نجيو نطلبو يدها رسميا و نهزو الفاتحة هز بابا راسو وراحو ......................................
❤️🌺❤️💙🌺❤️💙🌺❤️💙🌺❤️💙🌺❤️💙🌺
الروايات الكامله والحصريه من هنا
انضموا معنا على تليجرام ليصلكم اشعار بالروايات فور نزولها من هنا
❤️💙🌺❤️💙🌺❤️💙🌺❤️💙🌺❤️💙🌺❤️💙🌺
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺