رواية ألم البداية الفصل الواحد والثلاثون حتى الفصل الخامس والثلاثون بقلم الكاتبه فريده أحمد حصريه وجديده على مدونة أفكارنا
 |
رواية ألم البداية الفصل الواحد والثلاثون حتى الفصل الخامس والثلاثون بقلم الكاتبه فريده أحمد حصريه وجديده على مدونة أفكارنا
وصلت ريم عند فارس في مكتبه
كان فارس قاعد على كرسي المكتب وباصص علي الشاشه اللي قدامه وهو شايفها داخله
فارس ابتسم بخبث وقفل الاب توب
كانت ريم دخلت
فارس قام علي طول من علي كرسي المكتب واستقبلها بحب وقالها .. كنت متأكد انك هتيجي
وقرب منها وبتلقائيه راح حضنها وقالها .. وحشتيني ياريم
ريم بعدتو عنها بغضب وراحت ضربته بالقلم
ريم بغضب .. انت الزاي تقرب مني كده ياحيوان انت
ريم بصت حواليها وقالت .. وبعدين فين المحامي اللي قولتلي هايقابلك هنا انت كنت بتضحك عليا .. بس العيب مش عليك العيب عليا انا إن صدقت حيوان زيك وجيت لحد هنا
وسابته وخرجت من عنده بغضب
فارس كان واقف مصدوم وحاطط ايده علي وشه مكان القلم وقال بحقد .. ماشي ياريم ورحمة امي لدفعك تمنه غالي اوي ومش هسيبك غير لما تكوني ليا
.....................
تاني يوم
ريم كانت قاعدة بتفكر هتعمل ايه مع حازم
هي عايزه توجعه بأي شكل وبأي طريقة زي ماوجعها وأذاها واقسمت انها مش هتسيب حقها وهتقفله ومش هيهمها ومش هتخاف
قاطعها جرس الباب لما ضرب
ريم خدت نفس وقامت تفتح وكان فارس
وقبل ماريم تتكلم فارس قال بهدوء .. انا آسف اني اتعديت حدودي بس انا عملت كده من اشتياقي ليكي
وطلع ورقه من جيبه وقالها .. الورقه دي فيها اسم وعنوان المحامي اللي هيرفعلك القضية . المحامي ده شاطر جدا وليه اسمه . وهو الوحيد اللي هيعرف يخلصك من جوزك
وسابها ومشي بهدوء
.........................
بعد وقت كانت ريم وصلت العنوان اللي فارس قالها عليه عند المحامي
ريم خدت نفس ودخلت المكان
ريم .. مساء الخير
السكرتيرة .. مساء الخير
ريم .. ممكن اقابل استاذ عاصم
السكرتيرة .. بس مفيش معاد سابق لحضرتك
ريم .. من فضلك ممكن بس تبلغيه اني عاوزه اقابله ضروري
السكرتيرة .. تمام هدخل ابلغو
السكرتيرة دخلت بعد مااستأذنت
كان عاصم قاعد على مكتبه ونرمين اخته كانت قاعدة معاه وبيتكلمو
السكرتيرة .. عاصم بيه في واحدة بره عاوزه تقابل حضرتك
عاصم .. مقالتش اسمها
السكرتيرة .. لأ بس شكلها جايه في قضية وبتقول انها عايزه تقابلك ضروري
عاصم .. خليها تدخل
السكرتيرة هزت راسها وخرجت تبلغها
ونرمين قامت وقالت .. هامشي انا ياعاصم
وخرجت هيا كمان وهي خارجة ريم في نفس الوقت كانت داخله ف خبطت فيها
ريم بأسف .. سوري مخدتش بالي
نرمين هزت راسها بهدوء ومشيت
وريم دخلت لعاصم
عاصم شاورلها علي الكرسي .. اتفضلي يا آنسه
ريم قعدت .. انا مدام وجايه في قضيه
عاصم .. اتفضلي .اي مشكلتك
ريم .. عاوزه ارفع قضيه خلع علي جوزي
عاصم .. اسمه ايه
ريم .. هو مين
عاصم .. جوزك
ريم بتوتر.. حازم .ح حازم مراد المهدي
عاصم بصدمة .. بتقولي مين . حازم مين
ريم .. هو في حاجة
عاصم .. لا ابدا .بس انتي تقصدي حازم المهدي ظابط الشرطة صح ولا انا غلطان
ريم .. اه هو . انت تعرفه
عاصم بخبث .. طبعا عز المعرفه . داحبيبي
ريم لما قالها كده كانت خايفه لايرفض
ف سألته بترقب .. حضرتك موافق ترفعلي القضيه
عاصم ببتسامة داخلية وكأنو ماصدق ان حازم يقع تحت ايده
عاصم .. طبعا هعملك اللي انتي عايزاه . بس سؤال بس
ريم .. اتفضل
عاصم .. ليه جيتيلي انا . يعني في محامين كتير
ريم .. سألت وعرفت ان حضرتك محامي شاطر ف جيتلك
عاصم فهم انها متعرفوش ولا حتي تعرف اللي بينه وبين حازم
عاصم .. انتو متجوزين بقالكو قد ايه
ريم .. شهرين
عاصم .. اي اسبابك
ريم ..*** * ****
عاصم .. تمام بس في مشكلة
ريم .. اي هي
عاصم .. هي الدعوة اكيد هتترفض
وقبل ماريم تتكلم عاصم كمل و قال .. بس ماتقلقيش انا هتصرف وهرفعلك القضية وهخلصك منو
ريم .. تمام
وقامت وقالت عن اذنك
وخرجت
اما عاصم رجع ضهره للورا وهو مبسوط علي الاخر
.....................................
بعد يومين
حازم كان قاعد في مكتبه بيتابع شغله
كانت متهمه قدامه واقفة بتعيط وبتقول .. والله ياباشا معملتش حاجة انا مظلومة هو اللي ضحك عليا
حازم نادي بصوت عالي .. سعييد
سعيد دخل اؤمرني ياحازم باشا
حازم .. خد المتهمه الحجز
العسكري خد المتهمه وحازم غمض عينه بتعب
فجأة وصل ليه رسالة علي تليفونه
حازم خد نفس و مسك التليفون وفتح الرساله
وكانت من عاصم بيقول فيها .. مبروك علي الجواز معلش جات متأخره بس انت اللي غلطان علي فكره يعني اتجوزت في السر و محدش يعرف انك متجوز اصلا .. بس ملحوقه هباركلك قريب علي الطلاق اللي هيتم علي ايدي إن شاء الله. اصل انت اكيد متعرفش ان مراتك جاتلي واستنجدت بيا ارفعلها قضية خلع إن شاء الله تكسبها انت عارف انا مبخسرش قضية . زمان الدعوة وصلت علي البيت دلوقتي .. سلاام
حازم شاف الرسالة والدم كان بيغلي في دماغه ومره واحدة خبط التليفون في الحيطه من شدة غضبه
حازم وهو بيتنفس بعنف .. ليه ياريم . ليه لييه
.....................
عند ريم كان حازم راحلها
حازم .. ليه ياريم
حازم بعتاب.. ليه عملتي كده .ليه عاوزة تهدي وتبوظي كل حاجه ..انتي عارفه اللي عملتيه ده ايه . مدركه اللي انتي عملتيه ولا لأ
ريم ببرود .. عارفه ومدركه كويس اوي . ودي اقل حاجه ارد بيها علي كل اللي انتا عملتو معايا . وعندي استعداد اعمل اكتر من كده كمان
ريم .. ولو كنت فاكر اني ناويه اسكت تبقي غلطان . انت عملت فيا كتير وانا كنت مستحمله بس انت مقدرتش ده دوست عليا وعلي اللي خلفوني . هينتني وكسرتني عاملتني زي الجواري . بس لحد كده وكفايه . لازم اكسرك ياحازم واحسسك بالإهانة اللي انت حسستني بيها
حازم بستغراب لتغيرها وقوتها اللي بتتكلم بيها .. انتي مش خايفة
ريم بملامح جامده.. كان زمان دلوقتي لأ . انا اخر واحده ممكن تخاف منك . اطمن بعد كل اللي انتا عملته فيا قضيت علي كل ذره خوف جوايا ومبقاش يهمني وفلوسك ونفوذك والسلطة اللي في ايدك كل دول مش فارقين معايا
حازم .. انتي مش قد اللي بتعمليه ده صدقيني . وهتخسري . هتخسري كتير اوي
ريم .. مش فارقه معنديش حاجة اخسرها اصلا . وبعدين انا برد حقي وكرامتي يعني مجيتش عليك من نفسي
ريم خدت نفس وقالت .. قولي ياحازم باشا . انا علي حد علمي انك عندك اخوات .. تخيل كده لو واحده فيهم اتعمل معاها اللي انتا عملتو معايا . هيبقي رد فعلك ايه .. انا اقولك
ابتسمت وقالتلو .. مش بعيد تق.تلو . اخواتك بقا مش احسن مني في حاجة . وزي ماهما ولاد ناس انا كمان بنت ناس وحقي انا هعرف اجيبه كويس
حازم .. ليه كل ده مانا جيتلك وقولتلك اني مستعد اعملك اللي انتي عايزاه .. ليه عاوزه تهدي الدنيا . اعتزرتلك . عارف اني غلطت في حقك كتير وكنت مستعد اصلح كل حاجه
حازم قرب منها وقالها .. انتي عارفه انتي عملتي ايه
انتي روحتي لأكتر واحد عدوي . بس تمام اللي انتي عايزاه واللي يريحك اعمليه
وسابها ومشي
..........................
تاني يوم شيرين كانت عندها
شيرين بلوم .. ليه ياريم ليه عملتي كده
ريم .. انا عملت اللي كان المفروض يتعمل من زمان
شيرين .. انتي عارفه انتي عملتي ايه الاول . عارفة انتي روحتي لمين يرفعلك القضيه
ريم .. تقصدي ايه
شيرين .. اللي انتي روحتيلو ده يبقي عاصم اخو نرمين طليقه حازم .. دا غير ان العلتين بينهم مصانع الحداد
عارفه يعني ايه يعني انتي كده بتهدي الدنيا
يعني حتي لو حازم سكت علي اللي انتي عملتيه ده بس هتكوني بكده بتخسريه للابد ياريم صدقيني
ريم ابتسمت بسخرية .. دا علي اساس ان انا عايزه افضل معاه يعني
شيرين .. انتي بتحبيه ياريم انتي عملتي كده عشان ترضي غرورك وكبريائك لكن انت حبيته
ريم .. بطلي تخاريف . انا عمري ماكرهت قدو
شيرين .. لأ ياريم انا مش بخرف انتي حبتيه
شيرين مسكت وشها جامد وقالتها .. بصيلي في عيني وقوليلي انك محبتهوش وانا هصدقك
شيرين هزتها .. بصيلي ياريم وقولي لأ
ريم غمضت عينها ودموعها نزلت بألم
ريم مسحت دموعها وقالت .. هو دا اللي قاهرني
ابتسمت بمرارة وقالت .. حبيتو . ايوا ياشيرين انتي عندك حق .. بس هو هان كرامتي اوي . ومش هسيب حقي صدقيني حتي لو حبيتو مش هسيب حقي
ريم .. كدب عليا واوهمني انو بيحبني ورغم كل اللي عملو معايا صدقتو وكنت مستعدة اعيش معاه . بس هو اناني مبيحبش غير نفسه
شيرين .. حازم بيحبك صدقيني والله بيحبك
مسكت ايدها بترجي وقالت .. عشان خاطري روحي اسحبي الدعوه . عشان خاطري
.............................
في الفيلا
حازم دخل من الباب بهدوء
قابل مامته وباباه اللي قاعدين وباين علي شكلهم انهم منتظيرينه
شهيرة بسخرية .. اهلا بحازم باشا اللي طلع متجوز من ورانا لأ ومراتو كمان رافعة عليه قضيه خلع . ماشاء الله
مراد .. ممكن تفهمنا اللي حصل ده
حازم .. اللي حصل انتو عرفتوه . ايوا انا متجوز ومراتي رافعة عليا قضيه خلع . كل ده صح .. عن اذنكم
ولسه هيطلع علي السلم وقفه مراد لما قال بحده .. استني عندك
حازم وقف مكانو بضيق وبعدين لف ليه .. نعم
مراد بلوم .. انت ياحازم انت . ابني الكبير العاقل تعمل كده وتتجوز من ورانا .. ابتسم بسخرية وكمل
وقال.. وبنلوم علي اخوك وعمايله ليه بقا ماهو قدامه اهو قدوته . اخوه الكبير
حازم كان ساكت مش عارف يقول ايه
لكن قال .. اللي حصل حصل
مراد .. تمام ممكن تعرفنا بقا مين البنت دي وعرفتها الزاي واي اللي يخليها تعمل كده
شهيرة .. هتكون ايه يعني غير انها واحدة زبا.له اكيد طمعانه فيه
حازم بحدة .. ماما . دي مراتي من فضلك متتكلميش عليها كده
شهيرة بسخرية .. بعد اللي عملتو وبتدافع عنها كمان
حازم .. من فضلكم دا موضوعي وانا هحلو اطمنو .عن اذنكم
وطلع
.....................
تاني يوم عند ريم
جرس الباب ضرب وريم قامت تفتح
فتحت الباب لاقت قدامها ست شيك جدا وباين عليها التكبر
ريم بصتلها بستغراب بس قبل ماتتكلم
شهيره .. انتي بقا اللي ابني اتجوزها من ورانا
في الوقت ده ريم اتأكدت ان دي مامت حازم
بعد مادخلت وقعدت وريم قعدت قصادها
ريم .. افندم
شهيره .. انتي تروحي زي الشاطره وتتنازلي عني القضية اللي انتي رفعتيها دي
ريم .. وانا ايه اللي يخليني اسمع كلامك واعمل اللي بتطلبيه مني
شهيره بتصحيح .. لأ انا مش بطلب منك . انا بأمرك
ريم ابتسمت ببرود .. ومين بقا قالك اني هنفذ امرك
شهيرة .. هتنفذيه لأنك متعرفيش انا ممكن اعمل فيكي ايه
ريم ببرود .. قصدك بتهدديني يعني
شهيره هزت راسها بتأكيد .. برافو عليكي
ريم في نفسها .. طبيعي والله ان البني آدم ده يبقي ابنك انتي
لكن ريم ردت عليها بتحدي وقالت .. وانا مش بتهدد واللي تقدري تعمليه اعمليه
شهيرة .. انتي مين وعايزه ايه من ابني
ريم .. انا مش عايزة حاجة غير ان ابنك يطلقني ياريت تقنعيه يطلقني ساعتها هتنازل عن القضية
..........................
عند حازم كان قاعد مع امجد
امجد .. هاتعمل ايه ياحازم
حازم بهدوء .. مش هعمل حاجه . هسيبها تعمل اللي يريحها وتفش غلها . انا جيت عليها كتير وهي موجوعه مني . من حقها تعمل اللي هي عايزاه
..................
عند مراد كان قاعد في مكتبه
تامر دخل .. خير ياعمي حضرتك عايزني
مراد بهدوء .. اقعد
تامر قعد .. في ايه ياعمي
مراد .. انتا من امتي تعرف ان حازم متجوز
تامر .. من فترة صغيره
مراد .. والزاي متقوليش حاجة زي دي
تامر .. لأنه قالي ماقولش . وبعدين انا عرفت بالصدفة
مش هو اللي قالي
مراد .. مين البنت دي وحكايتها ايه . عرفها منين واتجوزها الزاي
تامر .. صدقني ياعمي . انا معرفش اي حاجه غير انو اتجوز مش عارف اي تفاصيل
مراد بعصبية .. الزاي . اتنهد وقالو .. تامر انت لازم تقولي كل حاجه دلوقتى .انا عارف انك عارف عنو كل حاجه
تامر .. صدقني بجد مش عارف حاجه عن الموضوع ده . بس
مراد .. بس ايه
تامر .. امجد .. اكيد هو اللي يعرف وهيجاوبك علي اسألتك
.......................
عند ريم
كان امجد كلمها وطلب يقابلها
ريم دخلت الكافيه
امجد كان قاعد على ترابيزة مستنيها
ريم قربت و قعدت علي قدامه
ريم بهدوء .. اتفضل انا سمعاك
امجد طلبلها حاجة تشربها
وبعدين خد نفس وقال .. ريم انا عارف ان اللي حازم عملو معاكي صعب وليكي الحق انك تعملي اللي انتي عايزاه
بس بلاش موضوع القضية ده اتنازلي عنها ياريم لان مش هتكسبيها صدقيني . هتترفض
ريم .. عارفه
امجد .. طيب ليه عملتي كده من الاول
ريم .. كنت عايزة اوجعه زي ما وجعني
امجد ..صدقيني حازم بيحبك بجد ياريت تديلو فرصه يصلح اللي عملو
ريم .. مفيش عندي فرص ليه . صحبك آذاني كتير معنديش حاجة اديهالو .. انا مش عايزة غير انو يطلقني ويسيني في حالي
امجد بتفهم لحالتها محبش يضغط عليها
قالها .. اوعدك اني هتكلم معاه في الموضوع ده . بس اسحبي الدعوه ياريم .. عاصم مش سهل وما صدق انك تروحيلو عشان يمسك حاجة علي حازم . انتي ايه اصلا اللي خلاكي تروحيي لعاصم بالذات تعرفيه منين
ريم .. انا معرفهوش . دي صدفه . صدقني معرفش إن هما يعرفو بعض اصلا
امجد .. طيب ممكن تروحي تسحبي الدعوه لأن القيامه ممكن تقوم مابينهم بسبب اللي انتي عملتيه ده
ريم اتنهدت .. حاضر . حاجة تاني . بس انا مش هتنازل عن الطلاق ياريت توصلو ده
امجد .. اوعدك اني هتكلم معاه
..........................
تاني يوم ريم كلمت عاصم علي التليفون
عاصم ببتسامة .. اهلا مدام ريم
ريم .. ايوا يا استاذ عاصم
عاصم .. اتفضلي اكيد بتتكلمي بخصوص القضية . انا ماشي فيها كويس متقلقيش
ريم .. انا كنت بكلمك علشان ابلغك اني بتنازل عن القضية . مش هكمل فيها
عاصم .. نعم .. يعني ايه
ريم .. يعني خلاص مش عايزه اكمل
عاصم بعصبية .. يعني ايه مش هتكملي . هو لعب عيال
ريم بغضب .. احترم نفسك . واه مش هكمل انا حره
ايه اللي مدايق حضرتك مش فاهمه
عاصم حاول يتكلم بنبرة هادية .. طيب ماشي تمام ممكن تفهميني ايه اللي خلاكي تغيري رأيك .. بصي لو خايفه منو
او هددك متقلقيش مش هيعرف يعمل معاكي حاجة . ثقي فيا
ريم .. استاذ عاصم . مفيش حاجه من اللي انت بتقولها دي حصلت . اللي كان حاصل بينا في الاول كان سوء تفاهم . ودلوقتي كل حاجه اتحلت . حازم انسان محترم جدا .
ريم .. وانا دلوقتي بنحسب اظن دي حاجه متضايقش حضرتك ولا ايه
عاصم اتنهد بضيق .. اللي يريحك
عاصم قفل معاها وبعصبية راح ضارب الكرسي برجله وقعه علي الارض
............................
في المقابر
ريم كانت قاعدة بتعيط قدام قبر باباها وبتشكيلو علي كل اللي شافته
ريم بدموع .. ليه ليه يا بابا سبتني في الدنيا دي لوحدي . الدنيا وحشه اوي والناس اللي فيها اوحش
انا اتعذبت اوي من بعدك واتأذيت كتير اوي من اقرب الناس ليا اتخانت واتخدعت واتهانت واتكسرت واتذليت .. اتعذبت كتير اوي يابابا اووي . ياريتك كنت موجود معايا اكيد مكانش حد هيتجرأ يأذيني
ريم بعياط .. انا محتاجة لحضنك اووي يابابا . حاسه اني لوحدي ومفيش حد معايا تعبانة اوي من غيرك تعبانة اووي
ريم فضلت تعيط بوجع وهي قاعدة قدام القبر لحد ما مسحت دموعها وقامت ووقفت تقرأ ليه الفاتحة ودموعها نزلت تاني
ريم خلصت وبتلف علشان تمشي لاقت حازم قدامها
ريم اتفاجأت بيه بس قالت بجمود .. انت جيت هنا الزاي
حازم .. شيرين قالتلي
حازم قرب ومسحلها دموعها
ريم بعدت عنو وقالت .. اتطمن انا خلاص سحبت الدعوه
حازم .. عملتي ليه كده . مكملتيش ليه . انا مطلبتش منك تعملي كده . كنتي كملي وخدي حقك مكنتش هقف قصادك
ريم كنت بتبصله باستغراب
حازم .. انا عارف اني اذيتك كتير
ريم بدموع .. ليه عملت فيا كده . ليه
حازم باس راسها وقالها .. انا اسف
ريم .. انا اللي اسفه لاني عمري ماهقدر اسامحك
........................
عند امجد كان قاعد مع مراد والد حازم بعد ما طلب يقابلو عشان يعرف منه ايه الحكايه
وبعد ما ضغط علي امجد علشان يحكي
امجد حكالو علي كل حاجه من اول ما حازم شاف ريم في القسم لما كانت متهمه
والزاي خرجها واتجوزها لحد ما رفعت عليه القضية وانها حملت وسقطت
قالو كل حاجه
مراد كان بيسمع بذهول ومش مصدق إن ابنو يعمل كل ده
.............................
عند ريم كانت خلاص قررت انها تسافر لأهلها وتبعد يمكن تهدي شوية وترتاح
ريم كانت بتحضر شنطها
قاطعها جرس الباب
ريم سابت اللي في اديها وراحت تفتح
فتحت الباب بس اتفاجأت لما لاقت قدامها راجل باين عليه الهيبه والثراء
ريم .. مين حضرتك
مراد .. انا والد حازم
ريم اول ما قال كده اتاخدت لورا وبلعت ريقها بخوف
مراد .. مش هتقوليلي اتفضل
ريم .. .......
الفصل الثاني والثلاثين
حازم .. هديتي شويه
ريم بلامباه .. من ايه . انا مفيش حاجه معصباني
حازم .. طيب بما انو كدا يلا نرجع
ريم .. نرجع فين
حازم .. شقتنا
ريم ابتسمت بسخرية .. شقتنا . اه
ريم خدت نفس وقالت .. هو انت هطلقني امتا علشان اخلص
حازم .. انتي عايزة تطلقي ياريم يعني مكافكيش كل اللي عملتيه ده ولسه مصممة
ريم .. وانا عملت ايه
حازم .. انتي مش عارفه انتي عملتي ايه . انتي غلطتي وغلتطي جامد كمان
ريم .. والله دا مايجيش حاجة قصاد اللي انت عملتو معايا
حازم .. وانا سيبتك عملتي اللي في دماغك وعديته بمزاجي . اهدي بقا
ريم .. مش ههدي غير لما تطلقني
حازم .. خلاص انا هسيبك فتره تهدي وتراجعي نفسك وبعد كده وعد هعملك اللي انتي عايزاه بس فكري كويس علشان مش عايزين نندم علي اي قرار
ريم باستهزاء .. لأ متقلقش انا مش هندم لأني عارفه كويس انا عايزه ايه
حازم قام وقالها .. تمام انا هسيبك وزي ماقولتلك
وسابها ومشي
..........................
تاني يوم
ريم كانت بتكلم شيرين في التليفون
وفجأة جرس الباب ضرب
ريم .. هكلمك تاني ياشيرين هشوف مين جايلي
فتحت ريم الباب لا قت قدامها راجل باين عليه الهيبه والثراء
ريم .. مين حضرتك
مراد .. انا والد حازم
ريم اول ما قال كده اتاخدت لورا وبلعت ريقها بخوف
مراد .. مش هتقوليلي اتفضل
ريم بتوتر .. اه طبعاً . اتفضل حضرتك
مراد دخل وقعد
مراد .. بتعرفي تعملي قهوة
ريم .. اه
مراد .. اعمليلي قهوة مظبوط
ريم كانت مستغربة لكن هزت راسها بهدوء ودخلت تعملو
بعد دقايق خرجت بالقهوة
ريم .. اتفضل
مراد اخد منها الفنجان وبدأ يشرب بهدوء
مراد .. تسلم ايدك اول مره في حياتي اشرب قهوة حلوه كدا . اصل القهوة دي مش اي حد يعرف يظبطها
ريم ابتسمت بهدوء .. شكرا ده من زوق حضرتك
مراد .. لأ انا مش بجاملك . قهوتك حلوه فعلاً
ريم ابتسمت بحزن وهي بتفتكر حازم لما كان بيقولها انو حب القهوة من ايديها
مراد .. اقعدي ياريم . مش ريم بردو
ريم .. اه
ريم قعدت
مراد .. انا عرفت كل اللي حازم ابني عملو معاكي
ريم عينيها دمعت
مراد .. وبصراحه انا مصدوم فيه وجيلك دلوقتي علشان اعتزرلك بسبب اللي عملو
مراد .. ايه اللي يرضيكي وانا اعملهولك
ريم بدموع .. خليه يطلقني ارجوك . انا مش عايزة حاجة غير انو يطلقني ويسيني في حالي
مراد .. اوعدك اني هاخدلك حقك منو بس ممكن طلب
ريم .. اتفضل
مراد .. عايزك تفكري كويس قبل ماتاخدي قرارك ده . وايا كان انا معاكي لو عايزه تكملي تمام هنيجي وهنتطلبك من اهلك زي اي عروسة وهنعملك فرح كبير
ولو عايزة تطلقي اوعدك اني هخليه يطلقك وانا اللي هقفله بنفسي
ريم كانت لسه هتتكلم لكن مراد قال علطول قبل ماتتكلم هي
مراد .. مترديش دلوقتي . فكري وخدي وقتك وانا معاكي في قرارك .. اعتبريني زي والدك واتأكدي اني معاكي وهتعامل معاكي كابنتي بالظبط
مراد خد نفس وقال .. بصي ياريم انا اللي تأكدت منو ان ابني بيحبك فعلاً بس مش معني كدة انو ليه الحق انو يغصبك تعيشي معاه و تكملي معاه حياتك لو انتي مش عايزاه متجيش علي نفسك وقولي لأ ومتخافيش . ماشي
وتأكدي اني في ضهرك
ريم هزت راسها
ومراد قام ووطي باس علي راسها وبعدين مشي
........................
تاني يوم كانت ريم قررت انها تبعد علشان تعرف تفكر بهدوء وسافرت عند مامتها واخواتها في شرم الشيخ
بعد ماوالد حازم بنفسه وصلها للطياره
...............
في بيت مامتها كانو قاعدين كلهم
شاهندة .. مكلمتيش ريم ياماما قريب
سحر .. كلمتها من يومين بس صوتها كان حزين وانا بكلمها
ولما سألتها انتي كويسة قالت ايوا
شاهندة .. ريم طول عمرها كده كتومة بتكون زعلانة ومش بتقول
سحر .. انا قلقانه عليها اوي
دينا وهي قاعدة بتقلب في تليفونها .. طيب ما تكليموها بدل ماانتو قاعدين قلقانين كده وتايهين ومش فاهمين حاجه كده وبتضربو اخماس في اسداس
شاهندة .. اول مرة تتكلمي صح . انا هكلمها فعلا
ومسكت تليفونها وهي بتقول .. بس المشكله انها يا مش بترد دايما ياتليفونها بيكون مقفول . دا غير ان مش اي رقم بتكلمنا منو بيفضل معاها
سحر .. اه انا فعلاً مش عارفه ليها رقم معين كل مره بتتكلم من رقم مختلف
لسه بيتكلمو
وفجأة لقو الباب بيتفتح وريم داخلة بشنطة هدومها
جريو كلهم عليها بلهفة وحضنوها باشتياق
كلهم .. انتي كويسة ياريم
ريم هزت راسها بهدوء وقالت .. اه
سحر .. فين جوزك
ريم .. في القاهرة
سحر كانت لسه هتتكلم بس ريم قالت .. ماما انا تعبانه جدا من المشوار ومحتاجة انام ممكن . واوعدك اني هحكيلك علي كل حاجه . بس انا دلوقتي فعلا مش قادره
سحر هزت راسها بهدوء وقالت .. اللي يريحك ياحبيبتي
.......................
عند حازم كان اتفاجأ ان ريم سافرت
في الفيلا كان مراد قاعد هو وشهيره في اوضتهم
شهيرة .. عملت ايه في المصيبة اللي ابنك عملها
مراد .. مصيبة ايه . ابنك اتجوز علي سنة الله ورسوله . يعني معملش حاجة غلط
شهيره .. اتجوز من ورانا في السر
وبعدين اتجوز واحدة منعرفش اصلها ولا فصلها وبتقول معملش حاجة غلط
شهيرة .. انا عايزه اعرف بس مين البنت دي وجابها من انهي مصيبه
مراد .. البنت بنت ناس ياشهيرة
شهيره بسخرية .. بنت ناس ولما هي بنت ناس اهلها الزاي يوافقو انها تتجوز بالطريقة دي يجوزها لواحد في السر من ورا اهله . دا دول بقا اكيد طمعانين فينا ملهاش تفسير تاني
مراد .. لأ مش طمعانين ولا حاجة
شهيرة باستغراب .. انت بدافع عنهم اوي ليه كده انت تعرفهم
مراد اتنهد وقال .. انا بعت حد جابلي كل المعلومات عنهم
مراد .. انتي عارفه مين دي ياشهيرة وبنت مين
شهيره .. مين يعني
مراد .. مش هتصدقي انا عن نفسي متفاجأ لحد دلوقتي
شهيرة .. مش فاهمه . تطلع مين يعني وبنت مين .اتكلم يامراد
مراد .. البنت دي بنت ***** ******
شهيره بصدمة .. مش معقول الزاي . انا مش مصدقه . بجد يامراد انت بتتكلم بجد
مراد هز راسه .. انا اتأكدت
شهيره بدموع .. وحازم حازم يعرف
مراد بنفي .. لا مايعرفش .ولا هي تعرف احنا مين ولا امها تعرف
.........................
عند ريم
كانت قاعدة مع مامتها واخواتها بعد ما حكت ليهم كل حاجه حصلت الفترة اللي فاتت
وقالت ليهم علي مقابلة باباه وانو وعدها انو هيقف معاها
سحر .. مفيش تفكير انتي لازم تطلقي منو كفاية اووي لحد كده وياريت باباه يعمل بكلامه ويخلصك منو فعلاً
ريم كانت ساكته
شاهندة .. انتي عايزة ايه ياريم . عايزة تطلقي ولا تكمل..
سحر قاطعتها .. هتطلق طبعا . دا حيوان ومش هيتغير
سحر .. اوعي تصدقي انو بيحبك ياريم
ريم قامت .. عن اذنكم
ودخلت اوضتها
سحر .. مالها دي
شاهندة .. ماما انا حاسه انها بتحبو
سحر .. بتحب مين بعد كل اللي عملو معاها ده . دي تبقي اتجننت وبعدين هي مقالتش انتي مسمعتيهاش ماهي بتقول انها عايزه تطلق
شاهندة .. ايوا هي بتقول كده بس هي حبتو
سحر .. دي تبقي مريضة وعايزه تتعالج اللي تحب واحد يأذيها بالشكل ده
شاهندة .. الحب بيجي من غير استأذان ياماما . وبعدين اللي قالته عنو بيأكد انو بيحبها وشاريها
...................
عدي كام يوم
كانت ريم بتحاول تعيش حياتها عادي وسط اهلها
بس غصب عنها كانت طول الوقت بتفكر فيه وكانت متدايقه جدا بسبب الموضوع ده هي مش عايزه تحبو ومتدايقه من نفسها بعد كل ال عملو وانها بتفكر فيه
حازم كمان كان طول الوقت قاعد في شقته اللي كان متجوزها فيها وكان حزين جدا في بعدها كان حاسس بالندم بجد على كل حاجة عملها معاها
...............
في اوضة ريم
كانت ريم قاعده علي السرير وسرحانه
شاهندة دخلت وهي بتقول .. ما انتي صاحيه اهو . مش عايزة تطلعي تقعدي معانا بره ليه
ريم .. انا كنت هنام اصلا
شاهندة .. انتي مش هتنامي تعالي اقعدي معانا في فيلم حلو اوي تعالي نتفرج عليه .يلا
ريم .. معلش ياشاهندة سيبني براحتي .ماليش نفس لحاجة
شاهندة قعدت قدامها .. طيب هتفضلي كده لحد امتا
شاهندة اتنهدت وقالت .. ريم انتي بتحبي جوزك صح
ريم سكتت
شاهندة .. يبقي بتحبيه
شاهندة كملت وقالت .. طيب وايه المشكله لما انتي بتحبيه بتعملي في نفسك ليه كده وحزينه .. ارجعيلو ياريم
ريم بدموع .. مش قادره اسامحه
ريم بدموع.. انا تعبانه اوي حاسه انو وحشيني وفي نفس الوقت مش عايزه اشوفه
شاهندة حضنتها .. انا حاسه بيكي ياحبيبتي
شاهندة ..بس انا عايزاكي تحاولي تدي لنفسك فرصة وتديلو مفيهاش حاجه علي فكرة
ريم بدموع .. مش قادره مش قادره انسي اللي عملو مش قادره
.............................
بعد اسبوعين
ريم جهزت شنتطها وخرجت وهي بتقول .. انا راجعه ياماما
سحر .. ليه ياحبيبتي خليكي معانا
ريم .. انا لازم ارجع علشان شغلي ياماما مش علشان حاجة تانيه
سحر .. طيب اصبري انا كده كده كلها كام يوم وهنزل انا ودينا علشان امتحاناتها استني لما ننزل كلنا
ريم .. هنزل انا وانتو ابقو تعالو براحتكم
سحر .. اللي تشوفيه ياحبيبتي
ريم رجعت شقتها تاني ورجعت تروح شغلها كمان كانت بتحاول تشغل نفسها علي قد ماتقدر علشان تنسي
...........................
ريم كانت خارجة من مركز التجميل بتاعها ولسه بتفتح باب عربيتها اتفاجأت بحد كتم نفسها وبعدها محسيتش بحاجة
بعد وقت قامت بتعب وهي ماسكه دماغها
بصت حاوليها لاقت نفسها نايمه على سرير في اوضة غريبة
ريم قامت من علي السرير بتعب وحاولت تفتح باب الاوضة لكنه كان مقفول من بره
فضلت تخبط علي الباب بجنون لحد ما الباب اتفتح ودخل منه شخص
ريم بصدمة .. انت
الفصل الثالث والثلاثون
ريم بصدمة .. انت
عاصم .. اتمني يكون المكان عجبك
...............
عند حازم كان قاعد في مكتبه
وفجأة جالو تليفون
حازم رد وكان راجل من رجالته
الراجل بخوف .. حازم باشا
حازم .. في ايه
الراجل .. الهانم . الهانم يا باشا اللي سعادتك قولتلي اراقبها
حازم بقلق .. مالها
الراجل بخوف .. ا. اتخطفت
حازم قام وقف وقال بغضب .. انت بتقول ايه . اتخطفت الزاي
الراجل .. في اتنين خدروها وخدوها في عربية ومشيو
حازم بغضب وزعيق .. وانت كنت فين ياحمار انت. كنت فيين
الراجل .. انا كنت دخلت السوبر ماركت اللي جمب شغلها اجيب سجاير وانا خارج لاقيتهم بيحطوها في العربية والعربية طلعت بسرعة
ركبت العربية ومشيت وراهم بسرعة بس لما حسو اني ماشي وراهم قفلو عليا الطريق وحد فيهم نزل خبطني علي دماغي وماحسيتش بحاجه غير دلوقتي
حازم .. نمرة العربية ايه
الراجل قالو علي الرقم
حازم بغضب .. حسابك معايا بعدين . اقسم بالله لو جرالها حاجة ماهرحمك
الراجل .. اسف ياباشا
حازم قفل وبعدين كلم حد
.........................
عند ريم وعاصم
ريم بخوف .. انت خطفني ليه و وعايز مني ايه . انت جايبني هنا لييه . انطق
عاصم ببرود .. تخليص حق
ريم بستغراب .. حق . حق من مين . مني انا . انا عملتلك ايه
عاصم .. انتي معملتيش بس جوزك عمل
ريم .. عمل ايه .. وبعدين انا مالي بيه ماتروح تاخد حقك منو هو
عاصم .. الزاي بقا . دا انتي حبيبته يعني اكتر حاجه هتوجعه . وبصراحة أنا من زمان وانا عايز اوجعه
ريم هزت راسها برفض وهي بتقول .. انت اكيد مش طبيعي
ثم اكملت بقوة مزيفة ..خرجني من هنا احسلك
عاصم قرب منها جامد وقالها .. ولو مخرجتكيش هتعملي ايه
ريم بعدت لورا بخوف .. اانت عايز مني ايه
عاصم .. منا قولتلك المقصود جوزك مش انتي بس بردو انتي بصراحة عجبتيني
عاصم قرب عليها وقالها وهو بيبص علي جس.مها بجراءة .. اي رأيك نقضي الليلة مع بعض النهاردة .. هتتبسطي
ريم بغضب .. انتا حيوان
عاصم .. انا مش هحسبك علي كلامك ده دلوقتي
ريم بعصبية .. خرجني منا . خرجني من هنا بقوللك
عاصم ببرود .. مش لما نقضي الليلة الاول
ريم بغضب راحت ضربته بالقلم
عاصم بغضب وعصبية شديدة راح نازل على وشها بالقلم
عاصم بغضب .. انتي اتجننتي الزاي تعملي كدة
وراح نازل علي وشها بقلم تاني
ريم برعب وعياط .. خرجني من هنا ارجوك . انا مأذيتكش في حاجة . عايز مني ايه . حرام عليك
وفضلت تعيط
وعاصم خرج بغضب وقفل عليها بالمفتاح
.................................
عند حازم
كان رايح جاي بغضب لحد ماجالو تليفون
حازم رد بسرعه .. عرفت مين
الشخص .. عاصم ابو العزم ياباشا هو اللي خطفها
وهي دلوقتي في فيلا الشيخ زايد بتاعته
حازم .. اسبقني علي هناك بالرجالة بسرعة
حازم قفل وخد مفاتيحه ونزل بسرعة ركب عربيته وطلع بيها علي المكان
.............................
بعد وقت قياسي كان وصل علي العنوان
وكان رجالته وصلو قابله ودخلوا المكان وضربوا رجالة عاصم كلهم
حازم دخل وهو بيبص علي الارض كانو رجالة عاصم كلهم مضروبين واقعين مابيتحركوش
الراجل قابله .. الهانم جوه ياباشا في الدور التاني بس .
وسكت
حازم .. بس ايه
الراجل ... عاصم مش موجود
حازم .. تدور عليه وتعرفلي هو فين بالظبط . مفهوم
الراجل . مفهوم . مفهوم ياباشا
حازم دخل جوه الفيلا وطلع علي فوق بسرعة
في الاوضة ريم كانت قاعدة وضامه رجليها وبتعيط برعب
رفعت وشها بخوف لما لاقت الباب بيتكسر
الباب اتكسر ودخل منه حازم
ريم اول ماشافته قامت بسرعه وجريت عليه واترمت في حضنه وفضلت تعيط وهي بتترعش
حازم ضمها جامد وقالها .. اهدي .اهدي
ريم كانت بتعيط بانهيار وهي ماسكه في حضنه
حازم فضل حاضنها لحد ما هديت وبعدين قالها
حازم .. حصل ايه .انتي كويسة . حد عملك حاجة
ريم بشهقات.. انا كويسة .بس .. خرجني من هنا .خرجني من هنا بسرعه
حازم رفع وشها من حضنه واول ما ركز في وشها اتصدم
حازم بغضب .. مين اللي عمل كده . مين اللي ضربك
ريم بدموع .. ه.هو . عاصم
حازم غمض عينه بغضب وهو بيقول .. يابن الكلب
حازم وهو بيتنفس بغضب مسك وشها بأديه الاتنين وقالها بقلق .. عملك حاجة تاني . قرب منك . لمسك
ريم هزت راسها برفض وقالت .. لأ
حازم خدها ونزل بيها تحت
حازم شاف عربية ياسين واقفة اتجه ليها وهو معاه ريم
بره قدام الفيلا ياسين كان واقف بيشرب سيجاره
حازم فتح لريم العربية وقالها .. اركبي
ريم وهي بتمسح دموعها .. انت هتعمل ايه
حازم .. اركبي بس وانا ثواني وجاي
ريم ركبت وحازم بصلها و قالها .. اوعي تتحركي من العربيه
ريم هزت راسها .. حاضر
وحازم اتحرك بعيد كان ياسين داخل من بوابة الفيلا
ياسين .. حصل ايه
حازم قالو علي اللي حصل وبعدين طلب منو ياخد ريم ويوصلها بيتها
ياسين .. طيب انت هتعمل ايه دلوقتي
حازم بغل .. هخلص حسابي مع ابن الكلب ده
حازم .. روح انت بس اعمل اللي قولتلك عليه .يلا
عند ريم كانت قاعدة في العربية بتوتر
فجأة لاقت حد بيفتح العربية وبيركب بهدوء جمبها
ريم بفزع .. انت مين ياحيوان انت
ياسين بصلها ومتكلمش وبدأ يشغل العربية
ريم بخوف .. انزل .انزل بقوللك . انتو عايزين مني ايه تاني
وراحت تنزل من العربيه بسرعة لكن ياسين مسكها من ايدها
ريم برعب .. انت عايز مني ايه . سيبني حرام عليك
وبصت من الشباك وهي بتقول باستنجاد .. ياحااازم . ياحااازم الحقنيي
ياسين .. شششش .اهدي . انا مش تبع اللي خطفوكي . انا ياسين اخو حازم وحازم مش فاضي دلوقتي ف طلب مني اوصلك شقتك
ريم بصتله شويه وبعدين قالت.. وانا ايه اللي يثبتلي إن انت اخوه
ياسين طلع بطاقته من جيبه وقالها .. دي
ريم مسكت البطاقه وبصت فيها بتركيز ورجعت بصتله
وقالت ..هو الاسم صح لكن الصورة اللي في البطاقة دي مش شبهك
ياسين .. اصلي مكنتش فاضي يومها ف بعت واحد صحبي اتصور مكاني
ريم بصتله بقرف وغيظ من بروده وهو ابتسم عليها وبعدين شغل العربية وطلع بيها
............................................
عند امجد وشيرين
شيرين كانت لابسه قميص نوم وواقفة قدام المرايا
امجد كان خارج من الحمام اول ماشافها كده رمي الفوطة وقرب عليها وحضنها من ظهرها
لاكن شيرين بعدت عنو وراحت نامت علي السرير واتغطت
امجد كان واقف مستغربها
امجد بستغراب .. انتي هتنامي
شيرين .. ايوا . طفي النور لو سمحت
امجد قرب منها وهو مش فاهم حاجه وقالها .. في ايه .مالك
شيرين .. مالي الزاي يعني
امجد .. انتي كويسة
شيرين .. اه
امجد .. انتي هتنامي
شيرين .. ايوا
امجد وهو بيبص عليها بسخرية .. امال لابسه كده ليه .لما انتي هتنامي
شيرين .. عادي انا حره . البس اللي يريحني
امجد .. انتي متأكده انك كويسة
شيرين ..اه . كويسه اوي . لو سمحت بقا سيبني انام
واديته ضهرها
امجد نفخ بضيق وطفي النور ونام هو كمان
شيرين غمضت عينيها ودموعها نازلت بوجع
..............................
عند حازم كان عرف مكان عاصم وراحله
عاصم كان واقف بيتكلم في التليفون بعصبية وهو
بيقول .. يعني ايه دخلو ضربوكم وخدوها ياشوية حمير . ايه مشغل معايا بهايم
عاصم قفل بغضب وهو مش طايق نفسه
وفجأة لقي الباب بيتفتح وبيدخل منو حازم
عاصم اول ماشافه حاول يتصنع البرود
وقال .. اهلا .اهلا حازم باشا منورني بنفسه .دانا محظوظ والله
عاصم بخبث .. بس ايه ده عايز اقولك ان مراتك طلعت جامده جامده اوي يعني .. بصراحه زوقك عجبني . ياريتك كنت جيت بدري السهره كانت نقصاك . انا بصراحه اتبسطت معاها
وهي كمان شكلها اتبسطت
حازم ابتسم ببرود وقال .. انت فاهم يعني كدة انك بتششكي فيها
عاصم .. لازم تشك فيها .واكمل بمكر .. ولا نسيت انت جايبها منين . اصل النوع ده مش بيتوب بسرعة كده
حازم بصله بصدمة
عاصم .. لا ماتستغربش انا عارف كل حاجه
حازم اتعصب من كلامه وانو الزاي عارف بس ما بينش
لكن قرب عليه بهدوء ومرة واحدة راح لكمه في وشه خلي بقه جاب دم
حازم بغضب .. انا مراتي اشرف منك يابن الكلب
عاصم مسح الدم من علي بقه ورفع ايد ولسه هيضربه كان حازم لكمه لكمه تانيه خلاه وقع علي الارض
حازم مسكه من هدومه ووقفه وفضل يضرب فيه بغل وكل ماعاصم يقع علي الارض يوطي ويوقفه تاني ويضربو
لحد ماعاصم وقع زي الجثه مبيتحركش
حازم بصله وقال ده علشان اتجرأت وخطفت مراتي
وطلع مسدسه من جيبه وراح ضربه طلقه في دراعه
وقالو .. دي علشان مديت ايدك عليها
وسابه مرمي علي الارض وخرج
......................................
تاني يوم
في الفيلا
يارا كانت قاعده في اوضتها علي السرير وماسكه سيجارة
وبتشربها وهي بتكلم صاحبتها في التليفون
يارا في التليفون.. يابنتي جاسر ده بوق علي الفاضي ولا يقدر يعمل حاجه
يارا بسخرية .. ايه يكسر مناخيري . طيب يوريني كده يقدر يعمل ايه
صاحبتها .. علي فكرة بقا جاسر ده مش سهل .اناخايفه عليكي منو يايارا بلاش تتحديه
يارا .. مش سهل علي نفسه ولا يعرف يعمل حاجه . لأنو عارف كويس اوي انا مين وبنت مين بس هو بس بيحب يعملو نمره مش اكتر
قاطعها الباب لما خبط
يارا ارتبكت وطفيت السيجارة بسرعة وقالت لصحبتها
.. بقولك انا هقفل دلوقتي سلام
يارا جريت علي الشباك فتحته وفضلت تهوي في الاوضة
وراحت فتحت الباب بتوتر
ياسين .. في ايه قافله علي نفسك ليه ومش عايزة تفتحي
يارا بتوتر . م.مفيش انا كنت في الحمام
ياسين شم ريحة السجاير
ياسين بشك .. ايه ريحة السجاير اللي طالعه من الاوضة دي
ياسين مسكها من دراعها .. انتي بتشربي سجاير يابت
يارا بخوف .. س.سجاير ايه بس ياياسين انتا بتقول ايه
هو انا بتاعت الكلام ده
ياسين .. امال ايه الريحه دي
يارا .. دا تلاقيه حازم . اه حازم كان هنا من شويه
وقبل ما ياسين يتكلم يارا قالت .. انت كنت عايز اي صحيح
ياسين افتكر و قال .. اه تعالي عايزك في موضوع
يارا .. موضوع ايه . وبعدين قالت .. اكيد بخصوص انجي
هو انتا بتعوزني غير علشان انجي
ياسين .. بطلي لماضه وقوليلي
يارا ببرود .. امم قولي اقولك ايه
ياسين بقرف .. غوري يابت من وشي مش عايز حاجه
يارا .. خلاص خلاص . بجد كنت عايز ايه
..........................................
عند عمر وندي
عمر كان خارج من بيت ندي بضيق وراح فتح العربية ولسه هيركب
ندي لحقته
ندي .. عمر استني بس
عمر بضيق .. . عايزه ايه دلوقتي . ادخلي جوه ياندي
ندي .. انا عايزه اعرف بس انت قالب وشك ليه
عمر .. لا انا كويس متشغليش بالك . مفيش حاجه
ندي .. ياعمر ماانت عارف بابا . هنعمل ايه يعني .وبعدين خلاص هو قالك شهرين مفياش حاجة . انت صبرت كتير ماجتش من شهرين كمان
عمر .. ماهو ياريت تيجي علي الشهرين . انا متأكد انو هيجي بعد كده ويقولي نأجل تاني . ولا ناسيه السنة اللي فاتت ماهما كانو شهرين بردو وفي الاخر عدت سنه
عمر بضيق .. هو عايز ايه بالظبط لسه بيسأل عليا يعني ولا ايه نظامه . مش عارف انا ايه اللي في دماغه . اربع سنين خطوبه كفاية كده بقا مفيش حد يستحمل اللي انا استحملته
ندي .. معلش ماانت عارف بابا هو متعلق بيا الزاي مالوش غيري
ندي .. وبعدين ماانت اللي مش موافق نتجوز هنا في الفيلا
عمر .. وانا اتجوز في بيت مراتي ليه معنديش بيت
عمر .. بقوللك ايه ياندي ادخلي جوه دلوقتي انا مش طايق نفسي
وركب عربيته ومشي
...................................
عند شيرين وامجد
شيرين كانت خارجة من الحمام بعد ما خدت شاور لكن وقفت مكانها بصدمة وهي شايفة امجد واقف قدام الدولاب وماسك في ايده شريط الحبوب بتاع منع الحمل
شيرين بلعت ريقها بصعوبة وهي واقفة مكانها
امجد قرب عليها وهو بيقول .. اي ده ياشيرين
شيرين كانت مش قادره تنطق
امجد بغضب وزعيق .. ايه ده . انطقيي
شيرين خدت نفس وقالت بثبات .. ما انت عارف ايه ده
امجد .. لييه
شيرين .. ليه ايه
امجد .. يعني انتي بقالك خمس سنين معيشاني في كدبه
ومفهماني انك متأخره في الخلفه وانتي بستغفليني وبتاخدي حبوب علشان متحمليش
شيرين .. ايوه ياأمجد مش عاوزه احمل منك
امجد .. ليه مش عاوزة تخلفي مني
شيرين بدموع .. علشان انتا خاين
امجد باستغراب .. خاين .خاين الزاي
شيرين .. ايوا خاين ياأمجد انت بتخوني
امجد .. انا عمري ماخنتك ياشيرين وقولتلك مليون مرة اللي في دماغك دي اوهام
شيرين .. كداب .. امال شقه الزمالك دي ايه اللي دايما بتسهرو فيها ل وش الصبح وبتحيبو فيها بنات وانا متأكده من ده ومتنكرش لاني مش هصدقك
امجد بهدوء عكس اللي جواه .. عمرك شوفتيني في سرير مع واحدة قبل كده
شيرين سكتت
امجد .. ردي
شيرين .. مش لازم اشوفك كل ..
امجد قاطعها.. انا عمري مالمست واحدة غيرك ياشيرين
انتي بقا عايشه في وهم ومصدقه دماغك دي حاجه ترجعلك . بس مالكيش حق انك تخدعيني السنين دي كلها
وتعيشيني في كدبه
امجد خد نفس وقالها .. انتي طالق ياشيرين
شيرين اتصدمت .. انت بتطلقني ياأمجد
امجد بسخرية .. اه علشان متعيشيش مع واحد خاين زيي ...
ليه جيتي علي نفسك السنين دي كلها . مطلبتيش الطلاق ليه . ليه قبلتي علي نفسك تعيشي مع بني آدم زيي
امجد بصلها بعتاب وسابها ومشي
وشيرين قعدت تعيط
.........................
عند كاميليا كانت قاعدة في جنينة فيلتهم وكانت قاعده معاها هنا اخت حازم
كاميليا .. يعني هو هيطلقها ولا مش هيطلقها
هنا .. مش عارفه بس هي حاليا لسه غضبانة . مش عارفه بقي ممكن تتصالح وترجع او ممكن تطلق الله اعلم
كاميليا بحقد .. ان شاء الله يطلقو
هنا .. بس انتي الزاي مش متفاجاة . شكلك كنتي عارفه من قبل كدة
كاميليا .. اه كنت عارفه . ورحتلها الشقة كمان
هنا بتتكلمي بجد .. وايه اللي حصل
كاميليا .. مفيش دمي اتحرق بس . وأخوكي هزقني
هنا .. بس انتي مقولتيش يعني انك كنتي عارفة
كاميليا .. خفت منو لأنو حذرني اني اقول
ياسر كان خارج لاقاهم قاعدين قرب علي هنا وسلم عليها
وهو متجاهل كاميليا خالص
وبعدين خد عربيته ومشي
هنا بصت لكاميليا وقالتلها.. انتو متخانقين ولا ايه
كاميليا .. سيبك منو
هنا .. لا بجد ايه اللي حصل
كاميليا .. البيه مد ايده عليا وضربني . وفي الاخر هو اللي مخاصمني وعامل نفسو زعلان
هنا .. وانتي عملتي ايه . تلاقيكي عملتي مصيبة
كاميليا ببساطة .. ابدا . كل ده علشان روحت سهرت شويه في بار
هنا .. وده بالنسبالك عادي . من امتي وانتي بتسهري ياكاميليا
كاميليا .. اللي حصل بقا .. المهم احكيلي شوية عن ست زفته دي اللي طلعتلي في البخت . كنت نقصاها هي كمان
هنا .. بصي من الاخر حازم شكلو بيحبها ف انسي ياكاميليا
كاميليا .. يعني ايه. خلاص
كاميليا في نفسها بحقد وهي بتتوعدلها.. وديني ماهسيبها في حالها
.................................
عند ريم كانت في شقتها وكان حازم راح لها
ريم بغضب .. نعم عايز ايه . مش كفاية اللي حصلي بسببك
حازم .. كنتي واحشاني اووي الفترة اللي فاتت دي وانتي مسافرة
ريم بصت بعيد واديتله ضهرها وهي بتتصنع عدم الاهتمام
حازم لفها ليه .. اي موحشتكيش
ريم بلامباة .. وانت هتوحشني ليه يعني بحبك مثلا
حازم اتنهد بيأس وقال .. واضح إن مفيش فايدة
حازم .. انتي عايزة ايه دلوقتي ياريم
ريم .. انت عارف انا عايزه ايه
حازم .. عايزه تطلقي مش كده . تمام وانا هحققلك امنيتك وهطلاقك
ريم بصتله بصدمة اللي هو الزاي استسلم بالسهولة دي
كمل حازم وقالها .. ومدام ده اللي هيريحك انا هاعملولك
حازم مسك أيدها وقالها بصدق .. انا حبيتك بجد
بس انا فعلاً مستاهلكيش . كمل بندم واضح وقال .. غلطت في حقك كتير وظلمتك معايا
وسرقت حريتك زي ما بتقولي ...
اتنهد وقال .. انتي غالية اوي بس انا معرفتش اقدرك
ريم كانت بتسمعو وهي دموعها نازلة
حازم .. بس خلاص من النهاردة انتي حره . اعملي اللي انتي عايزاه . هحررك من سجني .مش هجبرك تعيشي معايا غصب عنك
حازم لاحظ عياطها فقال .. طيب انتي بتعيطي ليه دلوقتي
ريم كانت بتعيط بس
حازم .. بتعيطي ليه انا خلاص هعملك اللي انتي عايزاه وهسيبك . هطلقك ياريم
ريم هزت راسها بسرعة برفض وقالت بدموع .. لأ
حازم بدون فهم .. لأ ايه .. ممكن تفهميني مالك في ايه وبتعيطي ليه كده
ريم بدموع .. عشان مش عايزة اطلق
حازم بصدمة .. انتي بتتكلمي بجد
ريم هزت راسها بدموع
حازم مد ايده و مسح دموعها وحضنها وهو مش مصدق
حازم .. وانا مش عايز اطلقك
ريم وهي في حضنه .. بس انا مش قادره اسامحك . قلبي زعلان منك اوي وشايل جامد
حازم خرجها من حضنه وبص في وشها وقال.. سيبيني اداويه واعوضه عن كل اللي عملته معاكي
ريم بصتله وسكتت
حازم .. اخر فرصه وهكون قدها
ريم .. هتقدر تعوضني
حازم .. هتشوفي . هتشوفي ياريم .. هنسيكي الم البداية وابدأ معاكي بداية جديدة مفيهاش الم فيها سعادة بس
حازم .. صدقيني ياريم
ريم هزت راسها بهدوء
حازم .. هاخد اهلي واتقدم لمامتك رسمي وهعملك فرحك
ريم .. بجد
حازم باس راسها.. بجد ياحبيبتي . انتي تستاهلي اكتر من كده وكل اللي انتي تطلبيه انا هجيبهولك
الم البدايه
الفصل الرابع والثلاثون
تاني يوم في الفيلا
كانو كلهم متجمعين علي السفرة بيفطرو
يارا نزلت من فوق وهي مستعجله
شهيره .. مش هتفطري الاول يا يارا
يارا وهي خارجة .. لأ ياماما هفطر في الجامعة
يارا خرجت بعدين شهيره بصت لحازم وقالت
.. عرفنا انك اتصالحتو انت ومراتك ياحازم
حازم .. اه . الحمدلله
شهيرة .. الحمدلله ياحبيبي . ربنا يسعدك
شهيرة .. بقولك ايه ماتجيبها تقضي معانا اليوم بكرة . يعني تتعرف علينا ونتعرف عليها
حازم .. ان شاء الله ياماما
حازم وجه كلامه لوالده اللي قاعد يفطر بهدوء .. كنا عاوزين يابابا نروح نطلبها من مامتها
مراد .. طبعاً . دا لازم
شهيره .. اه ونعملها فرح اسطوري كمان
حازم بص لمامته لأنو افتكر انها بتتريق
لكن مامته قالت ..
ايه ياحازم انا بتكلم بجد علي فكرة .. انتو لازم يتعملكو فرح فعلا . وكمان علشان تعوضها عن اللي انت عملتو معاها
حازم كان مستغرب تغير مامته من ناحيتها لانها مكانش دا رأيها في الاول كانت بتطلب منو انو يطلقها وانها شايفة انها بنت مش كويسه وطمعانه فيه .
بس معلقش ولا حتي سألها سبب التغيير اكتفي انو هز راسه بهدوء وقالها انا فعلا ظلمتها كتير
برا
يارا فضلت تحاول تكلم يوسف بس تليفونه كان مقفول
........................................
عند شيرين كانت بتعيط في حضن ندي وهي بتقول .. طلقني .طلقني ياندي وسابلي البيت ومشي
ندي بزعل عليها .. اهدي ياحبيبتي اكيد هيرجع امجد ميقدرش يستغني عنك صدقيني
شيرين بعياط .. مش هيرجع ياندي انا عارفه مش هيرجع
ندي .. بس انتي بردو غلطانه ياشيرين في واحدة تعمل كده طيب اتأكدي الاول قبل ماتحكمي عليه
شيرين وهي بتمسح دموعها .. مفيش حد هيحس باللي انا حاسه بيه . انا اه مش متاكده انو لمس واحده غيري بس اللي متاكده منو انو بيعرف ستات ياندي وبيسهر معاهم
ندي .. بس بيحبك وانتي متأكده من ده
................................
عند يارا
راحت فيلا خالها
يارا وهي داخلة لقت كريم في وشها
كريم ببتسامة وغزل.. صباح الفل علي اجمل وردة في العيلة . أيوة هو دا الصباح اللي يفتح النفس
يارا ببتسامة .. صباح النور يا كيكو
كريم برفع حاجب .. ايه كيكو دي يابت
يارا .. في ايه ياعم بدالعك
يارا .. بقولك ايه هو يوسف فين بكلمه تلفونه مقفول هو نزل ولا لسه
كريم بخبث .. لأ لسه نايم . أصله كان سهران امبارح ورجع متأخر
يارا بشك .. كان سهران مع مين ياكريم
كريم بمكر .. بصي انا هقولك بس كأني مقولتش حاجة تمام
يارا بعصبية .. قول يا كريم اخلص
كريم شاورلها.. قربي بس
يارا قربت منو
كريم مال عليها وقالها .. يوسف كان سهران مع بنت امبارح بس ايه حاجة كدة من الاخر جامدة ..
كريم بعد وقال .. دا مرجعش غير الفجر
يارا وهي بتجز علي سنانها .. ماشي .ماشي يايوسف
وسابته ودخلت بسرعة علي جوة
وكريم ابتسم بخبث
يارا طلعت علي اوضة يوسف علي طول وفتحت الباب بغضب
يوسف كان نايم
يارا بصوت عالي .. يوسف .يوسف قووم
يوسف كان نايم على بطنه بتعب فتح عينه وقفلها تاني
يارا بغيظ راحت ضربته بأديها الاتنين علي ظهره وقالتلو .. يوسف بقولك قوم يلاا
يوسف قام ومسح علي وشه بغضب .. في حد يصحي حد كدة . في ايه علي الصبح .
يارا .. في أن نهارك اسود النهاردة .قوم بقا فوقلي كدة وقولي كنت سهران مع مين امبارح
يوسف قام اتعدل بتعب .. كنت سهران فين . انتي شاربة حاجة علي الصبح
يارا .. يوسف متحورش انا عرفت انك كنت سهران مع واحدة امبارح
يارا .. انت بتخوني يايوسف
يوسف .. انتي جبتي الكلام ده منين
يارا . متحولش تكدب كريم شافك و قالي
يوسف مسح علي وشه بغضب ... ماشي ياكريم الكلب
.......................................
عند ريم كانت في شغلها
داليا دخلت عليها لاقتها سرحانه
داليا .. الجميل سرحان في ايه . ايه اللي واخد عقلك يامزة . داليا .. ريم .ريري
ريم انتبهت ليها .. ايه ياداليا
داليا .. لأ انتي مش معايا خالص
ريم .. مفيش سرحت شويه بس
داليا .. ايوا في ايه يعني
ريم .. خدت نفس وقالت .. انا هرجع لحازم ياداليا
داليا بفرحه .. بجد . اخيرا
ريم .. بس خايفة
داليا .. خايفة من ايه
ريم .. خايفه يرجع زي الاول .
داليا .. ريم سيبك من الافكار دي . هو شكلو بيحبك وشاريكي وواضح جدا انو ندم .. اتبسطي ياريم وسيبك من الاوهام دي
ريم جواها مكانتش قادره تطمن
............................
عند تامر
قام قعد علي السرير وهو بياخد القميص بتاعو من علي الارض وبدأ يلبسو
قامت من جمبو علي السرير و قعدت علي ركبها وبدلع حاوطت رقبتو من الخلف
بوسي ... هتمشي
تامر .. ايوا
بوسي بدلع .. خليك معايا شويه
تامر قام .. انا معاكي من بدري اهو . اي مش بتشبعي
بوسي .. تؤ مش بشبع منك عايزه افضل معاك علطول
وبعدين قالت بزعل .. برغم اني زعلانه منك
تامر وهو بيكمل لبس .. وزعلانه ليه بقا
بوسي .. يعني انتا مش عارف . انت طردتني من الشركة
بسبب مراتك
سكتت ثواني وبعدين قالت .. هو انت هترجعني الشركة امتا
تامر .. لأ انتي مش هترجعي
بوسي .. ليه بقا
تامر .. كده احسن انا مش ناقص مشاكل ووجع دماغ
وبعدين انتي محتاجه الشغل في ايه ما انتي الفلوس اللي بتعوزيها بتاخديها هو انا بقصر معاكي
بوسي .. بردو انا محتاجة اشتغل
تامر .. روحي شركة تانية
بوسي وهي بتحضنه من ضهره .. واهون عليك ابعد عنك
وانا اللي كنت فكراك مش بتستغني عني لحظة
تامر كان بيلبس وهو مش مهتم لكلامها
بوسي .. تامر هو انتا بتحبني صح
تامر .. لأ مش صح
بوسي .. انا مش بهزر
تامر .. ولا انا
بوسي بصدمة .. يعني ايه . يعني انت مبتحبنيش
تامر لف وبصلها .. انتي هتمثلي ما انتي عارفة اني مش باجي هنا غير علشان مزاجي . مزاجي وبس وعلشان اتبسط .
بصلها بسخرية وقال .. وانتي فاكرة اني ممكن احب واحده زيك
بوسي بلعت ريقها بصعوبة وقالت.. يعني ايه واحده زيي
تامر وهو بيلعب في خصلات شعرها .. واحدة زيك يعني رخيصة .
خد نفس وقال بحب .. وبعدين انا ماحبيتش في حياتي غير واحدة بس . مراتي . هنا
وبعدين خرج
وهي فضلت واقفة مصدومه ومش مستوعبه
بعدين اتنهدت وقالت بحقد .. وانا مش هخليكم تتهنو ببعض ياتامر بيه وهتشوف
....................................
مساء ا
عند ريم كان حازم كلمها وقالها انو هيعدي عليها بكرة علشان تتعرف على اهله
................................
تاني يوم
ياسين راح الشركة عند عمه
ياسين دخل ليه مكتبه
اول ماشريف شافه قام بغضب
لكن علطول ياسين قال بهدوء .. عمي انا جي علشان اعتزرلك علي اللي حصل . انا اسف . عارف اني غلطت
ياريت متزعلش مني .
ياسين .. عمي انا بحب انجي بجد . بس مدام حضرتك مش موافق خلاص اكيد انت شايف إن مصلحتها مش معايا واوعدك اني مش هتعرض ليها تاني ومش هدايقها تاني صدقني . وبعدين هي خلاص اتخطبت وانا اتمنالها حياه سعيده . واسف مرة تانية . عن اذنك
وخرج
.........................
عند ريم كانت بتلبس لحد ما حازم كلمها وقالها انو مستنيها تحت في العربية
ريم قفلت معاه وخدت شنتطها ونزلت بسرعة
تحت
كان حازم واقف ساند علي العربية اول ماشافها
قال بأعجاب واضح .. اي الجمال ده
ريم ابتسمت وقالت .. بتبالغ على فكرة
حازم باس أيدها .. انا عمري ما شفت في جمالك ياريم ومفيش واحدة عجبتني زيك
ريم ابتسمت بهدوء
وحازم فتحلها العربية وركبو
ريم قبل ماحازم يطلع بالعربيه قالت .. كنت عايزة اتفق معاك علي حاجة
حازم بصلها بتركيز .. قولي
ريم .. انا مش هسيب شغلي
حازم سكت ثواني وبعدين قال .. وانا موافق . لأني مش عايز ازعلك
بعد وقت كانو وصلو الفيلا
حازم وقف بالعربية قدام الفيلا ونزل وريم نزلت هي كمان
وقبل ما يدخلو
ريم قالت .. انا خايفة
حازم حاوط كتفها بحنان وقالها.. خايفه من ايه
ريم .. من مامتك .يعني حاسه انها مش طايقاني
حازم .. مين قالك كده .دي هي اللي عازماكي
ريم .. بجد
حازم .. ايوا
ريم بصوت واطي .. ربنا يستر
ودخلوا
كلهم طبعا كانو موجودين وسلمو علي ريم واستقبلوها بحب عكس ماكانت متخيلة
...................
عند عاصم كان نايم علي سرير في المستشفى
وابوه كان قاعد قدامه وهو بيقولو .. عجبك راقدتك دي
قولتلك قبل كدة ماتتصرفش من دماغك ومتتهورش
عاصم .. كنت عايزني اعمل ايه . اسيب حق اختي
كمال بسخرية .. وانت دلوقتي جيبتو . اهو اتعلم عليك وماعرفتش تعمل حاجة
عاصم بحقد .. المرادي ماصابتش المره الجايه هتصيب وهاحزنه علي اقرب الناس ليه يابابا وهتشوف
.................................
في الفيلا
كانو قاعدين مع بعض يتكلمو لحد ماشهيره قالت
..صحيح ياريم انتي وحازم اتعرفتو علي بعض الزاي
ريم بصت لحازم وماكنتش عارفه ترد
بس حازم بسرعة قال .. ريم صحبت شيرين مرات امجد ياماما
شهيره بتفهم .. اه علشان كده
ملحوظه .. شهيرة ابو حازم مقالش ليها إن ريم كانت متهمه وإن حازم عرفها في القسم
في الوقت ده ياسين دخل ومعاه يحيي ابن حازم
اللي لسه راجع من الحضانة
يحيي اول ماشاف حازم جري عليه
ياسين .. مساء الخير
شهيره قالت لريم .. دا بقا ياسين اخو حازم الصغير
ياسين مد ايده لريم وقالها .. اهلا انا الحيوان
ريم بصت في الارض بإحراج
وهما كلهم بصولهم و كانو مستغربين
هنا .. انتو تعرفو بعض من قبل كده ولا ايه
ياسين .. دا كان سوء تفاهم بس خلاص
ياسين طلع علبه صغيره من جيبه وقال لريم .. ممكن تقبلي الهديه دي مني
ريم بصت لحازم اللي هز راسه بهدوء
ريم خدتها منو وفتحتها كانت سلسله رقيقه جدا
ريم ببتسامة قالت لياسين .. شكرا . حلوه اوي
يارا قالت .. وانا ياياسو ماجبتش ليا هديه
ياسين حدفها بالمخده وقالها .. خدي دي
يحيى كان بيبص علي ريم باستغراب لأنه اول مره يشوفها يحيي ميل علي حازم وقاله بهمس .. بابا
حازم .. اي ياحبيبي
يحيي .. طنط اللي قاعده هناك دي حلوة اوي
وهو بيشاور علي ريم
حازم .. عجبتك
يحيي .. اوي يابابا
حازم ابتسم علي ابنه
شهيرة بصت ليحيي وقالت .. تعالي ياحبيبي سلم علي طنط
ريم قامت وقربت منه و ببتسامة قالتلو .. اسمك ايه
يحيي .. اسمي يحيي .وانتي
ريم قالت .. وانا اسمي ريم
يحيي .. اسمك حلو
ريم باسته .. وانت كمان اسمك جميل اوي
يحيي .. انتي هتفضلي معانا هنا ولا هتمشي
ريم .. انتا عاورني امشي ولا اقعد
يحيي .. لأ عايزك تقعدي . علشان انتي حلوه
ريم باسته .. وانت جمييل خالص
في الوقت ده الشغالة دخلت وقالت السفرة جاهزة
قامو كلهم وقعدو يتغدو وبعدها حازم قام مشي لأنو جالو مكالمة شغل وريم فضلت معاهم
.......................
في المساء حازم رجع الفيلا علشان ياخد ريم يوصلها شقتها
شهيره .. لأ انتو هتباتو معانا النهاردة
وبصت لريم وقالت .. ولا عندك مشكله ياريم
ريم بإحراج مكانتش عارفه ترفض ولا تقول ايه
لكن ردت وقالت بهدوء .. معنديش مشكلة
بعدين قامت وقالت هو انا هنام فين
شهيره .. خد مراتك ياحازم معاك اوضتك
مراد .. لأ ريم هتنام مع يارا .او في اوضه هنا الفاضيه
شهيره باستغراب .. ليه ماتنام مع جوزها
مراد .. مش لما يتجوزها زي الناس
حازم كان قاعد بهدوء ما نطقش
وريم كانت محرجه جدا من الموقف
..........................
تاني يوم كانت ريم رجعت شقتها واتفاجأت ان مامتها رجعت هي واختها
سحر .. كنتي فين ياريم
ريم .. انتو جيتو امتا
سحر .. لسه واصلين من شوية
ريم .. حمدالله على السلامه
سحر .. مقولتيش انتي جايه منين كده
ريم بهدوء .. كنت عند اهل حازم
سحر باستغراب .. كنتي عندهم ليه
ريم .. كنا بنتعرف علي بعض
سحر .. بتتعرفو علي بعض قبل الطلاق
ريم بتوتر قالت .. لأ احنا مش هنتطلق خلاص
سحر .. يعني ايه هترجعيلو بعد كل اللي عملو فيكي . ليه يا حبيبتي
ريم .. ماما .هو اتغير
سحر .. وانتي صدقتيه سكتت ثواني وبعدين قالت .. طيب سامحتيه علي اللي عملو فيكي
ريم سكتت
سحر .. ردي
ريم .. مسامحتوش بس مصدقاه وكملت بدموع متجمعه في عنيها وقالت .. لأني حبيتو
سحر كانت لسه هتتكلم
بس ريم مسحت دموعها و خدت نفس وقالت .. ماما هما هيجو يطلبوني منك وهيعملولي فرح كبير . اظن مش هيعمل كده غير لو كان اتغير بجد
سحر .. طيب واهله نظامهم ايه
ريم .. اهله كويسين وكمان هما اللي مصصمين علي الفرح
ريم .. حتي مامته اتفاجأت انها معاملتها اتغيرت معايا عن اول مره مش عارفه اي سبب التغيير بس عاملتني كويس جدا
.............................
في دبي عند اميرة
اميرة كانت قاعدة مع وائل اللي طول الفترة اللي فاتت كانو قربو من بعض ويعتبر بقو صحاب كانو قاعدين في مطعم بياكلو
اميرة .. مقولتليش بقا . انت ليه سيبت مصر وجيت اشتغلت وستقريت هنا
اميرة .. انتا بقيلك قد ايه بتشتغل هنا اصلا.
وائل .. من سنتين
اميرة .. ومش بتفكر ترجع مصر
وائل بهدوء .. مظنش لأني مرتاح هنا
وائل ساب الاكل وسرح وهو بيفتكر اللي السبب اللي خلاه يسيب البلد ويسافر
لما حازم صاحبه الوحيد شك فيه انو خانو مع مراتو وطلقها بسببو ومن ما غير ما يديلو فرصة حتي يسمعو
وقتها وائل مقدرش يتحمل نظرات حازم ليه وقرر وقتها انو يبعد
وائل فاق من تفكيره علي صوت اميره وهي بتشاور بأديها قدامو وبتقولو ايه . روحت فين
وائل.. ابدا سرحت شويه بس
..........................
في المساء ريم خرجت من اوضتها وهي بتقول لمامتها
..ماما طنط مامت حازم عاوزة تقابلك
سحر .. تقابلني ليه
ريم .. مش عارفه هي كلمتني دلوقتي وقالتلي انها عاوزة تقابلك دي حتي كانت تفكرك لسه في شرم وكانت عاوزه تسافرلك . قولتلها انك نزلتي قالتلي خوديلي منها معاد
ريم .. اكيد هتكلمك في موضوعنا يعني . هكلمها واقولها تيجي
............................
تاني يوم ريم ومامتها كانو قاعدين بيتكلمو قاطعهم
جرس الباب لما ضرب
ريم .. اكيد دي طنط شهيرة
وقامت تفتحلها
ريم ببتسامة .. اتفضلي
شهيرة دخلت وأول ماسحر شافتها
قامت بصدمة وقالت .. شهيرة
شهيرة .. وحشتيني ياسحر
ريم باستغراب .. انتو تعرفو بعض
سحر كانت لسه واقفة مصدومه
ريم .. ماما ردي عليا .انتي تعرفي طنط شهيرة منين
سحر بدموع .. شهيرة اختي . وخدت نفس وقالت .. وخالتك ياريم
الم البدايه
الفصل الخامس والثلاثون
ريم ببتسامة .. اتفضلي
شهيرة دخلت وأول ماسحر شافتها
قامت بصدمة وقالت .. شهيرة
شهيرة .. وحشتيني ياسحر
ريم باستغراب .. انتو تعرفو بعض
سحر كانت لسه واقفة مصدومه
شهيرة قربت منها وحضنتها باشتياق
لكن سحر كانت واقفة بجمود ومحاولتش تضمها
شهيره بعدت بحرج
ريم كانت واقفة مستغربة ومش فاهمه حاجه
ريم قربت من مامتها .. ماما ردي عليا .انتي تعرفي طنط شهيرة منين
سحر قالت وهي بتبص علي شهيره .. شهيرة اختي . وخدت نفس وقالت .. وخالتك ياريم
ريم بصدمة .. خالتي . يعني ايه ياماما
سكتت ثواني وبعدين اتذكرت وقالت .. يعني . يعني خالتو شهيرة اللي دايما بتحكيلي عنها تبقي هي هي مامت حازم
هزت راسها برفض وهي مش مستوعبه من الصدمة
شهيرة قربت منها وقالت بحب .. انا خالتو ياريم
ريم فضلت تبصلها شوية وبعدين قالت بدموع .. ليه. ليه مسألتوش علينا السنين دي كلها
شهيرة .. سألنا . سألنا بس عرفنا انكم كنتو مسافرين بره مصر
شهيرة قربت ومسكت ايد سحر وقالت .. ليه بعدتي عننا
سحر بدموع متحجرة .. انا اللي بعدت ولا انتو اللي قاطعتوني
سحر مقدرتش تمنع دموعها اللي نزلت غصب عنها اخيرا
ونظرة ليها نظره كلها لوم وعتاب وقالت .. قاطعتوني ومسألتوش عني ولا كأني بنتكو ليه. عملت ايه علشان كل ده
شهيرة .. احنا كنا بنسأل عليكي دايما . حتي بابا الله يرحمه برغم انو كان زعلان منك بس كان بيسأل عنك وكان طول الوقت بيطمن عليكي بس من بعيد
شهيرة خدت نفس وقالت .. انتي غلطتي ياسحر لما عارضتي ابوكي واتجوزتي من غير رضاه
سحر مسحت دموعها وقالت .. لأ انا متجوزتش من غير رضاه وعمري ماكنت هعمل حاجه زي كده وانتي عارفه
شهيره .. بس انتي عارفه المشاكل والعدواه اللي كانت بينا وبين اهل جوزك
سحر .. بس هو وافق ومتجوزتش غير بموافقته
شهيرة .. وافق علشان مكانش عايز يزعلك
سحر .. وبعدين صمم وكان عايز يطلقني من جوزي بعد ماخلفت ولما رفضت اسيب بيتي وجوزي وبنتي قاطعني وقاطعتوني كلكو
شهيرة .. علشان المشاكل . ابوكي كان خايف عليكي . انتي نسيتي اهل جوزك كانو بيعاملوكي الزاي وكأنهم كانو بينتقمو مننا فيكي كانو عاوزين يكسرونا بيكي . بس انتي مكانش فارق معاكي غير جوزك وبس مفكرتيش في ابوكي ولا فرق معاكي زعلو
سحر .. جوزي كان بيعاملني كويس وكنا خلاص بعدنا عن اهلو .
شهيرة .. خلاص تعالي ننسي اللي حصل ونبدأ صفحة جديدة
شهيرة .. وعلي فكره ورثك محفوظ
شهيره ابتسمت بسخرية .. مكنتش محتاجة ورث كنت محتاجه اهلي جمبي
..........................
عند حازم كان واقف قدام الشباك اللي في مكتبه وهو ماسك كوباية شاي في ايده وبيشرب منها وفي ايده التانية سيجارة
بره نرمين دخلت القسم وسألت العسكري علي حازم
وطلبت منو انها تقابلو
العسكري دخل وبلغ حازم وبعدين خرج وقالها .. اتفضلي
نرمين دخلت المكتب لحازم اللي اللي لسه واقف مكانه
ومديها ظهره
نرمين .. ازيك ياحازم
حازم لف ليها .. ازيك يانرمين اخبارك ايه
نرمين .. تمام
حازم قعد وشاورلها علي الكرسي وقالها .. اتفضلي
نرمين قربت وقعدت
سكتت شوية وبعدين قالت بصعوبة .. الف مبروك
حازم .. علي ايه
نرمين .. عرفت انك اتجوزت
نرمين خدت نفس وقالت وهي بتحاول تبقي ثابتة .. انا عايزه ابني ياحازم
حازم .. عايزاه الزاي يعني
نرمين .. عايزه ابني يعيش معايا . وبما انك اتجوزت اكيد مش هتبقي فاكره اصلا . سيبهولي بقا وانت عيش حياتك براحتك
حازم .. انا قولتلك قبل كدة ابنك ده تنسيه ومتفتحيش موضوع اني اسيبهولك ده تاني
نرمين بدموع .. انساه الزاي وهو ابني
حازم .. ولما هو ابنك ليه محافظتيش عليه
نرمين مسحت دموعها وقالت .. وانا محافظتش عليه الزاي
حازم ابتسم بسخرية وقال.. الهانم مكانتش فضيالو . تحبي افكرك
نرمين .. كفاية بقا . انت عارف ومتأكد اني مخونتكش ليه بتعمل معايا كدة
نرمين. دموعها نزلت وهي بتقول .. طلقتني من غير ماتديلي حتي فرصة تسمعني وحرمتني من ابني
عارفه اني غلطت . بس عقابك كان قاسي اوي .ليه مسمعتنيس ومع اول غلطه رمتني . وغلطه مش مقصودة وانت عارف
حازم .. عارف ايه
نرمين .. عارف اني مش خاينه .انت متأكد ياحازم اني مخونتكش
حازم .. انتي بتتكلمي في اللي فات ليه هو مش احنا قفلناه
نرمين .. عندك حق الكلام مامنوش فايده خلاص ومش هفتحو تاني
نرمين .. انا مش عايزة حاجة دلوقتي غير ابني . من فضلك سيبهولي
حازم .. انسي يانرمين لأن عمري ماهسيبهولك
نرمين بدموع .. ابوس ايدك انا مش قادره اعيش من غيره
انا طول السنتين اللي فاتو دول وانا بمو.ت في بعدو عني
حازم بجمود .. محدش قالك تغلطي
نرمين مسحت دموعها وقالت بعصبية .. انا مغلطتش مغلطتش حرام عليك بقا
حازم .. قومي امشي يانرمين وموضوع ابنك ده اتقفل خلاص مش عايزك تفتحيه تاني لأني مش هغير رأيي
نرمين .. بس انت كده بتظلمني
حازم شاورلها علي الباب .. امشي
نرمين بصت عليه بدموع وقهره وقامت خرجت
.................................
عند شيرين كانت ريم راحتلها
شيرين بضياع .. امجد سابني ياريم
بصتلها وكملت بعياط وقالت .. انا مقدرش اعيش من غيرو مقدرش
ريم قربت وحضنتها .. هيرجع انا متأكده هو بس لما يهدي ويراجع نفسه هتلاقيه جي يصالحك
............................
عند شهيرة كانت راحت بيت اخوها
شهيرة دخلت من باب الفيلا لاقت كاميليا قاعده هي ومامتها
شهيرة سلمت عليهم وبعدين قالت .. فين مجدي
كاميليا .. بابي جوه في اوضه المكتب ياعمتو
قامت وقالت .. هدخل اقوله إنك هنا
شهيرة .. لأ خليكي انا هدخله
ومشيت من قدامهم واتجهت للاوضه
شهيرة فتحت الباب ودخلت وقفلته وراها
كان مجدي قاعد علي مكتبه
شهيره سلمت عليه وقعدت
مجدي .. خير يا شهيرة . كلمتيني وقولتي في حاجة مهمة عاوزة تقوليهالي . خير
شهيرة .. سحر اختنا
مجدي بضيق .. مالها ايه اللي فكرك بيها اصلا
شهيرة .. انا منسيتهاش علشان افتكرها يامجدي .انا اه انشغلت الفترة الاخيرة دي ومحاولتش اوصلها بس منسيتهاش دي مهما كان اختي
مجدي .. ماعلينا جايه تكلميني عن الهانم ليه دلوقتي
شهيرة .. علشان انا عرفت مكانها وقابلتها كمان
شهيرة بدموع .. مش عايز تشوفها يامجدي
مجدي بجمود .. لأ هي بالنسبالي مات.ت من يوم ما خرجت عن طوعنا
شهيره .. احنا كمان ظلمناها . كفاية كده بقا ويلا نرجع نتلم تاني مبقاش في حاجة فاضله في العمر عاوزين ننسي بقا ونسامح بعض
شهيرة .. تعالي يامجدي معايا . تعالي صالحها
مجدي .. انتي بتقولي ايه انا مش عايز اشوفها ولا اعرف عنها حاجة . مش اختارت جوزها وفضلتو علينا . خلاص بقي احنا كمان نسيناها
شهيره .. مينفعش ننساها دي مهما كان اختنا من دمنا
وبعدين اهو جوزها مات وسابلها تلت بنات .
شهيرة اتنهدت وقالت .. مجدي سحر عاشت سنين كتير لوحدها واحنا بعاد عنها احنا قسينا عليها جامد لازم نعوضها هي وبناتها علي السنين دي
مجدي بتساؤل .. هو انتي وصلتي ليها الزاي
شهيره ابتسمت .. تخيل . بالصدفة تطلع البنت اللي حازم اتجوزها بنتها
شهيرة .. مراد لما بعت حد جابلو معلومات عنها اكتشفنا انها بنت سحر .
شهيرة مسكت ايده بترجي وقالت .. مجدي علشان خاطري كفايه كده وتعالي معايا نصالحها
وبعد محاولات كتير من شهيرة قدرت تقنع مجدي انو يروح لسحر ويصالحها
وفعلا راح معاها وتصالحو وتصافو
...................................
عند ريم كانت خرجت من عند شيرين وكلمت حازم وطلبت تقابلو
وبعد وقت ريم كانت قاعدة مع حازم في عربيته وبيتكلمو في موضوع شيرين
ريم .. ياريت تتكلم مع امجد
حازم .. هكلمه اقوله ايه
ريم .. تحاول تصلح مابينهم .. هو صحبك واكيد هيسمعلك
حازم .. مش لما اكون مقتنع انا الاول
ريم .. يعني ايه
حازم .. شيرين غلطت وغلط كبير كمان .انا لو مكان امجد مش هسامحها
ريم .. ايوه بس هو كمان غلط الزاي يسمح لنفسه يخونها
حازم .. امجد مخانش ولا عمره لمس واحده .انا اكتر واحد اعرفه وبقولك مخنهاش
ريم .. مش لازم يكون لمس غيرها علشان تكون كده خيانه الخيانة بالنظرة
ريم .. وهو ماشاء الله عرف عليها ستات بعدد شعر راسه
حازم اتنهد .. هما الاتنين غلطو في حق بعض بس هي غلطها اكبر وانا عارف امجد مش هيسامح بسهولة
ريم .. يعني ايه خلاص مش هيرجعو
ريم بترجي .. علشان خاطري اتكلم معاه . شيرين نفسيتها تعبانة جدا
حازم هز راسه وقال .. هحاول
وبعدين بصلها وقال .. سيبك منهم انتي واحشاني اوي
ريم بصت الناحية التانية بخجل
حازم لف وشها ليه وقال .. ماتيجي نروح الشقه
ريم بصتله بحده لما فهمت هو عايز ايه وقالت .. علي فكره احنا دلوقتي في مقام المخطوبين
حازم ابتسم عليها وبعدين مسك ايدها وقالها بصدق
.. مكنتش هعمل حاجه علي فكرة
ريم بصتله باستفهام
حازم قال .. مش هقرب منك غير لما اعملك فرح وجيبلك شبكتك كمان زي اي عروسة
ريم بصتله وسكتت وبعدين افتكرت وقالت مره واحده .. هو انت عرفت
حازم عقد حواجبه وقال .. عرفت ايه
ريم .. اننا قرايب يعني
حازم .. مش فاهم
ريم .. بجد متعرفش مامتك مقالتش ليك
حازم بدون فهم .. قالتلي ايه
ريم .. مش احنا طلعنا قرايب
حازم .. وضحي ياريم . قرايب الزاي
ريم خدت نفس وقالت .. مامتك ماحكتش قدامك قبل كدة إن ليها اخت بس هي بعدت عنهم
حازم .. اه فاكر حاجة زي كده . تقريبا جدي كان مقاطعها
وهما مايعرفوش عنها حاجة دلوقتي
حازم باستغراب .. بس ايه العلاقة
حازم سكت ثواني وهو بيدورها في دماغه
حازم بصلها و قالها .. اوعي تقولي
ريم .. لأ هقول . هي مامتي
حازم .. انتي بتهزري
ريم .. بتكلم بجد . مامتك كانت عندنا النهاردة وقابلت ماما وشكلها كانت جايه وهي عارفة كمان
حازم ابتسم وهو مش مصدق بس كان حاسس انو مبسوط
حازم مسك ايديها وقالها .. شوفتي النصيب بيقربنا من بعض الزاي
وباس ايديها
................................
عند ياسين كان خارج من باب الفيلا
هنا قابلته وهي داخله
ومعاها بنتها لين
هنا .. ياسين ماما جوا
ياسين وهو شايف عمه ومرات عمه واقفين جمب العربية وبيستعجلو هنا
ياسين .. هو انتو رايحين فين
هنا.. خارجين
ودخلت علي جوا علطول
ياسين دخل وراها وقالها باستفهام.. انتو رايحين فين يا هنا
هنا .. معزومين في حفله تبع صاحب عمو شريف
ياسين .. وانجي مش معاكم ليه
هنا وهي مستعجله .. مرديتش تيجي معانا قالت بتذاكر
ياسين .. وتامر
هنا .. قال انو هيخلص شغل ويجيلنا علي هناك
هنا وهي بتبص حواليها .. هي فين ماما
هنا .. ياسين هي ماما رجعت من عند خالو
ياسين كان بيفكر في حاجة ومكانش معاها خالص
هنا .. ياسين
ياسين انتبه ليها .. ايه
هنا .. ماما رجعت انا مش شيفاها
ياسين .. شوفيها في اوضتها
هنا طلعت بسرعة وبعدين نزلت بعد مادخلت لشهيره وسابت معاها لين وخرجت علطول وركبت مع عمها ومرات عمها
ليلي .. بردو سيبتيها كنتي جيبتيها معانا
هنا .. ياطنط لين بتنام بدري علشان الحضانة واحنا هنتأخر هتنام مني انا عارفه
ليلي هزت راسها بتفهم
ومشيو
اماياسين ابتسم ابتسامه شيطانية وطلع علي اوضته بسرعه ودخل خد حاجة ونزل علطول
وخرج واتجه لفيلا عمه
ودخل وطلع علي فوق علطول
وفتح باب اوضة انجي بهدوء لكن بس مكانتش موجوده
ياسين قرب من الحمام سمع صوت المايه ف اتكد انها جوه
ياسين رجع تاني يتأمل في الاوضة وعلي الحيطان واللوح اللي هيا راسماها ومعلقاها
في الوقت ده انجي خرجت من الحمام
انجي اول ماشافته شهقت بخوف
انجي بخوف .. ا.انت دخلت هنا الزاي
ياسين قرب منها وقالها .. اهدي
انجي رجعت لورا برعب وقالتلو .. من فضلك اخرج
ياسين .. هخرج بس بعد ماتنفذي اللي انا عايزو
انجي بخوف .. انت عايز ايه . من فضلك امشي
وراحت تفتح باب الاوضة لاقيته مقفول بالمفتاح والمفتاح مش في الباب
انجي بدموع ..
يتبع .
❤️🌺❤️💙🌺❤️💙🌺❤️💙🌺❤️💙🌺❤️💙🌺
الروايات الكامله والحصريه من هنا
انضموا معنا على تليجرام ليصلكم اشعار بالروايات فور نزولها من هنا
❤️💙🌺❤️💙🌺❤️💙🌺❤️💙🌺❤️💙🌺❤️💙🌺
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺